उद्यानवासिनी पद्मावती के समीप नारद का आगमन

श्लोक 1 (skanda.2.4.1)

धरण्युवाच। उक्तं भगवता तस्य वियत्पुत्रस्य नाम च। अयोनिजायास्तत्पुत्र्याः किं नाम च तदाऽकरोत्

dharaṇyuvāca| uktaṁ bhagavatā tasya viyatputrasya nāma ca| ayonijāyāstatputryāḥ kiṁ nāma ca tadā'karot

धरणी ने कहा — आपने वियत् के पुत्र का नाम बताया; परन्तु उस अयोनिजा पुत्री का नाम उसने क्या रखा?

श्लोक 2 (skanda.2.4.2)

श्रीसूत उवाच। इति पृष्टः पुनः प्राह श्रीवराहो जगत्पतिः

śrīsūta uvāca| iti pṛṣṭaḥ punaḥ prāha śrīvarāho jagatpatiḥ

श्रीसूतजी ने कहा — इस प्रकार पूछे जाने पर जगत्पति श्रीवराह ने पुनः कहा।

श्लोक 3 (skanda.2.4.3)

श्रीवराह उवाच। आकाशराजो मतिमांस्तां दृष्ट्वा कमलेशयाम्

śrīvarāha uvāca| ākāśarājo matimāṁstāṁ dṛṣṭvā kamaleśayām

श्रीवराह भगवान ने कहा — बुद्धिमान् आकाशराज ने कमल पर शयन करती हुई उस कन्या को देखकर -

श्लोक 4 (skanda.2.4.4)

पद्मिनीति च नाम्ना वै चकार वसुधासुताम्। तां तु यौवनसम्पन्नां सखीभिः परिवारिताम्

padminīti ca nāmnā vai cakāra vasudhāsutām| tāṁ tu yauvanasampannāṁ sakhībhiḥ parivāritām

उस वसुधा-पुत्री का नाम पद्मिनी रखा। यौवन को प्राप्त, सखियों से घिरी हुई उसे -

श्लोक 5 (skanda.2.4.5)

आरामे विहरंतीं च शुककोकिलनादिते। यदृच्छयाऽऽगतस्तत्र नारदो मुनिसत्तमः

ārāme viharaṁtīṁ ca śukakokilanādite| yadṛcchayā''gatastatra nārado munisattamaḥ

शुक और कोकिल की ध्वनियों से गूँजते उद्यान में विहार करती हुई देखकर, वहाँ अकस्मात् आए हुए मुनिश्रेष्ठ नारद ने -

श्लोक 6 (skanda.2.4.6)

वनलक्ष्मीमिवालोक्य विस्मयादिदमब्रवीत्

vanalakṣmīmivālokya vismayādidamabravīt

उसे मानो वन की लक्ष्मी के समान देखकर आश्चर्यचकित होकर यह कहा।

श्लोक 7 (skanda.2.4.7)

नारद उवाच। कासि कस्य सुता भीरु हस्तं दर्शय मे तव। इत्युक्ता सा सुचार्वंगी स्वात्मानं मुनयेऽब्रवीत्

nārada uvāca| kāsi kasya sutā bhīru hastaṁ darśaya me tava| ityuktā sā sucārvaṁgī svātmānaṁ munaye'bravīt

नारदजी ने कहा — हे भीरु! तुम कौन हो, किसकी पुत्री हो? अपना हाथ मुझे दिखाओ। ऐसा कहे जाने पर उस सुंदर अंगोंवाली ने मुनि को अपना परिचय दिया।

श्लोक 8 (skanda.2.4.8)

वियद्राजसुता ब्रह्मँल्लक्षणानि वदस्व मे। इत्युक्तः स तदा प्राह नारदो मुनिसत्तमः

viyadrājasutā brahma~llakṣaṇāni vadasva me| ityuktaḥ sa tadā prāha nārado munisattamaḥ

"मैं राजा वियत् की पुत्री हूँ, हे ब्रह्मन्! मेरे शुभ-अशुभ लक्षण बताइए।" ऐसा कहे जाने पर मुनिश्रेष्ठ नारदजी ने कहा।

श्लोक 9 (skanda.2.4.9)

नारदउवाच। शृणु त्वं चारुवदने लक्षणानि वदामि ते। पादौ प्रतिष्ठितौ सुभ्रु रक्तपद्मदलान्वितौ

nāradauvāca| śṛṇu tvaṁ cāruvadane lakṣaṇāni vadāmi te| pādau pratiṣṭhitau subhru raktapadmadalānvitau

नारदजी ने कहा — हे सुंदरमुखी! सुनो, मैं तुम्हारे लक्षण बताता हूँ। हे सुभ्रु! तुम्हारे दोनों चरण सुदृढ़ और रक्तकमल-दल के समान हैं।

श्लोक 10 (skanda.2.4.10)

पादांगुल्यः समा रक्ता रक्ततुंगनखान्विताः। गुल्फौ गूढौ समावेतौ जंघे चारोमशे शुभे

pādāṁgulyaḥ samā raktā raktatuṁganakhānvitāḥ| gulphau gūḍhau samāvetau jaṁghe cāromaśe śubhe

तुम्हारी पैरों की अंगुलियाँ समान, लाल, ऊँचे लाल नखों से युक्त हैं; तुम्हारे टखने छिपे हुए और समान हैं, तुम्हारी दोनों पिंडलियाँ रोमरहित और शुभ हैं।

श्लोक 11 (skanda.2.4.11)

जानुनी समसुस्निग्धे समावूरू क्रमादुरू। नितंबौ पृथुलौ पीनौ जघनं चिंत्यमेव हि

jānunī samasusnigdhe samāvūrū kramādurū| nitaṁbau pṛthulau pīnau jaghanaṁ ciṁtyameva hi

तुम्हारे दोनों घुटने समान और सुकोमल हैं, तुम्हारी दोनों जंघाएँ क्रमशः विस्तृत और सुडौल हैं; तुम्हारे नितंब चौड़े और भरे हुए हैं, तुम्हारा जघन-प्रदेश ध्यान करने योग्य ही है।

श्लोक 12 (skanda.2.4.12)

नाभिर्मंडलवान्निम्नः पार्श्वौ ते मेदुरावुभौ। त्रिवलीललितं मध्यं रोमराजिविराजितम्

nābhirmaṁḍalavānnimnaḥ pārśvau te medurāvubhau| trivalīlalitaṁ madhyaṁ romarājivirājitam

तुम्हारी नाभि गोलाकार और गहरी है, तुम्हारे दोनों पार्श्व भरे हुए हैं; तुम्हारा मध्यभाग तीन रेखाओं से सुंदर और रोमराजि से सुशोभित है।

श्लोक 13 (skanda.2.4.13)

स्तनौ पीनौ घनौ स्निग्धाबुन्नतौ मग्नचूचुकौ। करौ ते रक्तपद्माभौ पद्मरेखासमन्वितौ। सुसूक्ष्मौ रक्तसत्पर्व निरन्तरसमांगुली

stanau pīnau ghanau snigdhābunnatau magnacūcukau| karau te raktapadmābhau padmarekhāsamanvitau| susūkṣmau raktasatparva nirantarasamāṁgulī

तुम्हारे दोनों स्तन भरे हुए, सुदृढ़, मुलायम, उन्नत और गहरी छातियों वाले हैं; तुम्हारे दोनों हाथ रक्तकमल के समान, कमल-रेखाओं से युक्त हैं; तुम्हारी अंगुलियाँ अत्यंत सूक्ष्म, लाल पोरोंवाली, निरंतर और समान हैं।

श्लोक 14 (skanda.2.4.14)

शुकतुंडसमाकारनखपंक्तिविराजितौ। दीर्घौ च कोमलौ भद्रे भुजौ ते पुष्पदंडवत्

śukatuṁḍasamākāranakhapaṁktivirājitau| dīrghau ca komalau bhadre bhujau te puṣpadaṁḍavat

तुम्हारे नखों की पंक्ति शुक-चोंच के समान सुशोभित है; हे भद्रे! तुम्हारी दोनों भुजाएँ पुष्प-डण्ठल के समान लंबी और कोमल हैं।

श्लोक 15 (skanda.2.4.15)

पृष्ठं ते वेदिवद्भाति विलग्नमृजु मध्यमम्। कंठस्तु रक्तो दीर्घश्च स्कन्धौ चावनतौ शुभे

pṛṣṭhaṁ te vedivadbhāti vilagnamṛju madhyamam| kaṁṭhastu rakto dīrghaśca skandhau cāvanatau śubhe

तुम्हारी पीठ वेदी के समान सुशोभित है, तुम्हारा कटिप्रदेश पतला और सीधा है; तुम्हारा कंठ लाल और दीर्घ है, हे शुभे! तुम्हारे दोनों कंधे ढलवाँ हैं।

श्लोक 16 (skanda.2.4.16)

मुखं प्रसन्नं सततमकलंकशशिप्रभम्। कपोलौ कनकादर्शसदृशौ कुंडलोज्ज्वलौ

mukhaṁ prasannaṁ satatamakalaṁkaśaśiprabham| kapolau kanakādarśasadṛśau kuṁḍalojjvalau

तुम्हारा मुख सदा प्रसन्न और निष्कलंक चन्द्रमा के समान कान्तिमान है; तुम्हारे दोनों कपोल स्वर्ण-दर्पण के समान और कुण्डलों से उज्ज्वल हैं।

श्लोक 17 (skanda.2.4.17)

तिलपुष्पसमाकारा नासिका ते शुभानने। अकलंकाष्टमीचंद्रसदृशोऽतिमनोहरः

tilapuṣpasamākārā nāsikā te śubhānane| akalaṁkāṣṭamīcaṁdrasadṛśo'timanoharaḥ

हे शुभानने! तुम्हारी नासिका तिल के फूल के समान है; तुम्हारा अत्यंत मनोहर -

श्लोक 18 (skanda.2.4.18)

दृश्यतेऽयं ललाटस्ते नीलालकसुशोभितः। मूर्धा ते समवृत्तश्च स्निग्धायतकचान्वितः

dṛśyate'yaṁ lalāṭaste nīlālakasuśobhitaḥ| mūrdhā te samavṛttaśca snigdhāyatakacānvitaḥ

यह तुम्हारा ललाट, नीले घुँघराले बालों से सुशोभित, अष्टमी के निष्कलंक चन्द्रमा के समान दिखता है; तुम्हारा सिर समान और गोल है, चिकने और लंबे केशों से युक्त है।

श्लोक 19 (skanda.2.4.19)

स्मितसंशोभिदशनं बिंबाधरसमन्वितम्। मुखं ते विष्णुयोग्यं स्यादिति मे निश्चिता मतिः

smitasaṁśobhidaśanaṁ biṁbādharasamanvitam| mukhaṁ te viṣṇuyogyaṁ syāditi me niścitā matiḥ

तुम्हारा मुख मुस्कान से सुशोभित दाँतों तथा बिम्बफल के समान अधरों से युक्त है; मेरा यह निश्चित मत है कि तुम्हारा मुख विष्णु के योग्य है।

श्लोक 20 (skanda.2.4.20)

नाभिस्ते दक्षिणावर्त आवर्त इव गांगजः। त्वं हि क्षीराब्धिसम्भूता लक्ष्मीरिव हि दृश्यसे

nābhiste dakṣiṇāvarta āvarta iva gāṁgajaḥ| tvaṁ hi kṣīrābdhisambhūtā lakṣmīriva hi dṛśyase

तुम्हारी नाभि दक्षिणावर्त है, मानो गंगा के भँवर के समान; तुम तो क्षीरसागर से उत्पन्न लक्ष्मी के समान ही दिखाई देती हो।

श्लोक 21 (skanda.2.4.21)

श्रीवराह उवाच। इत्युक्त्वा पूजितस्ताभिर्नारदोऽन्तर्दधे तदा। एतच्छ्रुत्वाऽथ तत्सख्यस्तामूचुः पद्मिनीं सखीम्

śrīvarāha uvāca| ityuktvā pūjitastābhirnārado'ntardadhe tadā| etacchrutvā'tha tatsakhyastāmūcuḥ padminīṁ sakhīm

श्रीवराह भगवान ने कहा — ऐसा कहकर, उनके द्वारा पूजित नारदजी तब अन्तर्धान हो गए। यह सुनकर तत्पश्चात् उसकी सखियों ने अपनी सखी पद्मिनी से कहा।

श्लोक 22 (skanda.2.4.22)

वनं गच्छाम पुष्पार्थं वसन्तः समुपागतः। कर्णिकाराश्च चूताश्च चंपकाः पारिभद्रकाः

vanaṁ gacchāma puṣpārthaṁ vasantaḥ samupāgataḥ| karṇikārāśca cūtāśca caṁpakāḥ pāribhadrakāḥ

"चलो, फूल लाने के लिए वन में चलें, वसन्त ऋतु आ गई है। कर्णिकार, आम्र, चम्पक, पारिभद्रक -

श्लोक 23 (skanda.2.4.23)

पलाशाः पाटलाः कुन्दा रक्ताशोकाश्च पुष्पिताः। पद्मिन्यः सिन्धुवाराश्च मालत्यो यूथिकालताः

palāśāḥ pāṭalāḥ kundā raktāśokāśca puṣpitāḥ| padminyaḥ sindhuvārāśca mālatyo yūthikālatāḥ

पलाश, पाटल, कुन्द, तथा पुष्पित रक्ताशोक; कमलिनियाँ, सिन्धुवार, मालती, यूथिका की लताएँ -

श्लोक 24 (skanda.2.4.24)

कह्लारकरवीराश्च संघर्षादिव पुष्पिताः। पुष्पावचयनं कुर्मो वनेऽस्मिन्सुमनोहरे

kahlārakaravīrāśca saṁgharṣādiva puṣpitāḥ| puṣpāvacayanaṁ kurmo vane'sminsumanohare

कह्लार और करवीर, मानो होड़ लगाकर फूले हुए हैं — इस अत्यंत मनोहर वन में हम पुष्पों का संचयन करें।"

श्लोक 25 (skanda.2.4.25)

इत्युक्त्वा ता वनं जग्मुराकाशतनयायुताः। पुष्पाण्याहरमाणास्तु विचरन्त्यस्ततस्ततः

ityuktvā tā vanaṁ jagmurākāśatanayāyutāḥ| puṣpāṇyāharamāṇāstu vicarantyastatastataḥ

ऐसा कहकर वे आकाशराज-पुत्री सहित वन में गईं, और फूल एकत्र करती हुई इधर-उधर विचरण करने लगीं।

श्लोक 26 (skanda.2.4.26)

कंचिद्गजेंद्रं ददृशुः शुभ्रदन्तद्वयोज्ज्वलम्। गण्डभित्तितलोद्भूतमदधाराद्वयोज्ज्वलम्

kaṁcidgajeṁdraṁ dadṛśuḥ śubhradantadvayojjvalam| gaṇḍabhittitalodbhūtamadadhārādvayojjvalam

तभी उन्होंने एक गजराज को देखा, जो अपने दो श्वेत दाँतों से उज्ज्वल था, जिसके कपोल-प्रदेश से बहती मद की दो धाराओं से चमक रहा था।

श्लोक 27 (skanda.2.4.27)

उन्नतं करिणीयूथैः समुपेतं रजोज्ज्वलम्। फूत्कारिपुष्करप्रोद्यच्छीकरापूरिताननम्

unnataṁ kariṇīyūthaiḥ samupetaṁ rajojjvalam| phūtkāripuṣkaraprodyacchīkarāpūritānanam

वह विशालकाय था, हथिनियों के समूह से घिरा हुआ, धूल से आच्छादित था, फुत्कार करती हुई सूँड़ से उछलती हुई फुहारों से भीगे मुखवाला था।

श्लोक 28 (skanda.2.4.28)

दृष्ट्वा चोद्विग्नहृदया वनस्पतिमुपाश्रिताः। एतस्मिन्नंतरे चाशु ददृशुर्हयमुत्तमम्

dṛṣṭvā codvignahṛdayā vanaspatimupāśritāḥ| etasminnaṁtare cāśu dadṛśurhayamuttamam

उसे देखकर, भयभीत हृदय से, वे एक वृक्ष की शरण में चली गईं। इसी बीच उन्होंने शीघ्र ही एक उत्तम अश्व को देखा।

श्लोक 29 (skanda.2.4.29)

अकलंकेन्दुधवलं जाम्बूनदपरिष्कृतम्। स्फुरद्विद्युल्लतायुक्तशरन्मेघमिवोन्नतम्

akalaṁkendudhavalaṁ jāmbūnadapariṣkṛtam| sphuradvidyullatāyuktaśaranmeghamivonnatam

वह निष्कलंक चन्द्रमा के समान श्वेत, स्वर्ण से अलंकृत, चमकती बिजली की लता से युक्त शरत्कालीन मेघ के समान उन्नत था।

श्लोक 30 (skanda.2.4.30)

तस्मिंस्तु पुरुषं कृष्णं मदनाकारवर्चसम्। पुंडरीकदलाकारकर्णान्तायतलोचनम्

tasmiṁstu puruṣaṁ kṛṣṇaṁ madanākāravarcasam| puṁḍarīkadalākārakarṇāntāyatalocanam

उस पर एक श्याम वर्णवाला पुरुष था, जिसका तेज कामदेव के समान था, जिसके नेत्र पुण्डरीक-दल के समान कानों तक विस्तृत थे।

श्लोक 31 (skanda.2.4.31)

सुसूक्ष्मक्षौमसंवीतनीलचूलिकयोज्ज्वलम्। पद्मरागमणिद्योतिस्फुरत्कुंडलमण्डितम्

susūkṣmakṣaumasaṁvītanīlacūlikayojjvalam| padmarāgamaṇidyotisphuratkuṁḍalamaṇḍitam

वह अत्यंत सूक्ष्म रेशमी वस्त्र से लिपटी नीली चोटी से उज्ज्वल था, पद्मरागमणि की कान्ति से चमकते कुण्डलों से सुसज्जित था।

श्लोक 32 (skanda.2.4.32)

सुवर्णरत्नखचितशार्ङ्गदिव्यधनुर्धरम्। अपरेण करेणैव वहन्तं काञ्चनं शरम्

suvarṇaratnakhacitaśārṅgadivyadhanurdharam| apareṇa kareṇaiva vahantaṁ kāñcanaṁ śaram

वह सुवर्ण और रत्नों से जड़े दिव्य शार्ङ्ग धनुष को धारण किए था, और दूसरे हाथ में स्वर्णमय बाण लिए था।

श्लोक 33 (skanda.2.4.33)

पीतकक्षोमसंवीतकटिदेशं सुमध्यमम्। रत्नकंकणकेयूरकटिसूत्रविराजितम

pītakakṣomasaṁvītakaṭideśaṁ sumadhyamam| ratnakaṁkaṇakeyūrakaṭisūtravirājitama

उसका कटिप्रदेश पीले रेशमी वस्त्र से आवृत, सुडौल था; वह रत्नमय कंकण, केयूर तथा करधनी से सुशोभित था।

श्लोक 34 (skanda.2.4.34)

विशालवक्षः संशोभिदक्षिणावर्तसंयुतम्। स्वर्णयज्ञोपवीतेन स्फुरत्स्कन्धं मनोहरम्

viśālavakṣaḥ saṁśobhidakṣiṇāvartasaṁyutam| svarṇayajñopavītena sphuratskandhaṁ manoharam

उसका विशाल वक्षस्थल दक्षिणावर्त चिह्न से सुशोभित था; उसके कंधे स्वर्ण के यज्ञोपवीत से चमकते हुए मनोहर थे।

श्लोक 35 (skanda.2.4.35)

ईहामृगं समुद्दिश्य महावेगादनुद्रुतम्। तं दृष्ट्वा विस्मिता नार्यः सस्मितास्तस्थुरत्र वै

īhāmṛgaṁ samuddiśya mahāvegādanudrutam| taṁ dṛṣṭvā vismitā nāryaḥ sasmitāstasthuratra vai

वह किसी वन्य मृग का पीछा करते हुए अत्यंत वेग से दौड़ रहा था। उसे देखकर वे स्त्रियाँ आश्चर्यचकित होकर मुस्कुराती हुई वहीं खड़ी रह गईं।

श्लोक 36 (skanda.2.4.36)

तं दृष्ट्वा हयमारूढं गजेन्द्रो नम्रमस्तकः। तुण्डमुद्धृत्य गर्जन्वै विनिर्वृत्य ययौ वनम्

taṁ dṛṣṭvā hayamārūḍhaṁ gajendro namramastakaḥ| tuṇḍamuddhṛtya garjanvai vinirvṛtya yayau vanam

घोड़े पर सवार उसे देखकर वह गजराज सिर झुकाकर, सूँड़ उठाकर गरजते हुए, पीछे मुड़कर वन में चला गया।

श्लोक 37 (skanda.2.4.37)

तस्मिन्गते गजे तत्र हयारूढः समाययौ। ईहामृगं विचिन्वानः पुष्पलावीसमीपतः

tasmingate gaje tatra hayārūḍhaḥ samāyayau| īhāmṛgaṁ vicinvānaḥ puṣpalāvīsamīpataḥ

उस गज के चले जाने पर, अश्वारूढ़ वह पुरुष उस वन्य मृग को ढूँढ़ता हुआ फूल चुनने वाली उन स्त्रियों के समीप आ पहुँचा।

श्लोक 38 (skanda.2.4.38)

ताः समेत्य स चोवाच तुरगोपरि संस्थितः। अत्रागतो मृगः कश्चिदीहामृग इतीरितः

tāḥ sametya sa covāca turagopari saṁsthitaḥ| atrāgato mṛgaḥ kaścidīhāmṛga itīritaḥ

घोड़े पर बैठे हुए उसने उनके पास पहुँचकर कहा — "यहाँ एक मृग आया था, जिसे ईहामृग कहते हैं।"

श्लोक 39 (skanda.2.4.39)

दृष्टो वा भवतीभिः स ब्रूत मे कन्यका इति

dṛṣṭo vā bhavatībhiḥ sa brūta me kanyakā iti

"क्या आप लोगों ने उसे देखा है? हे कन्याओ, मुझे बताइए।"

श्लोक 40 (skanda.2.4.40)

श्रीवराह उवाच। प्रत्यूचुस्तास्तु तं कन्या दृष्टोस्माभिर्न कश्चन

śrīvarāha uvāca| pratyūcustāstu taṁ kanyā dṛṣṭosmābhirna kaścana

श्रीवराह भगवान ने कहा — उन कन्याओं ने उत्तर दिया — "हमने किसी को नहीं देखा।"

श्लोक 41 (skanda.2.4.41)

किमर्थमागतोस्माकं वनं वरधनुर्धरः। अत्रावध्या मृगाः सर्वे वर्तमाना निषादप

kimarthamāgatosmākaṁ vanaṁ varadhanurdharaḥ| atrāvadhyā mṛgāḥ sarve vartamānā niṣādapa

"हे श्रेष्ठ धनुर्धर! आप हमारे इस वन में किसलिए आए हैं? हे निषादपति! यहाँ रहने वाले सभी मृग अवध्य हैं।"

श्लोक 42 (skanda.2.4.42)

आशु गच्छ वनादस्मादाकाशनृपपालितात्। इति तासां वचः श्रुत्वा हयादवरुरोह सः

āśu gaccha vanādasmādākāśanṛpapālitāt| iti tāsāṁ vacaḥ śrutvā hayādavaruroha saḥ

"शीघ्र ही आकाशराज द्वारा पालित इस वन से चले जाइए।" उनके ये वचन सुनकर वह घोड़े से नीचे उतर आया।

श्लोक 43 (skanda.2.4.43)

कास्तु यूयमियं चापि कन्यकांबुजसन्निभा। सुभगा चारुसर्वांगी पीनोन्नतपयोधरा। ब्रूत मेऽहं गमिष्यामि श्रुत्वा स्वस्यालयं गिरिम्

kāstu yūyamiyaṁ cāpi kanyakāṁbujasannibhā| subhagā cārusarvāṁgī pīnonnatapayodharā| brūta me'haṁ gamiṣyāmi śrutvā svasyālayaṁ girim

"तुम कौन हो, और यह कमल के समान सुंदर, सुडौल-अंग, पूर्ण और उन्नत स्तनोंवाली कन्या कौन है? मुझे बताओ, सुनकर मैं अपने पर्वत-निवास को लौट जाऊँगा।"

श्लोक 44 (skanda.2.4.44)

इति तस्या वचः श्रुत्वा धरण्यात्मजयेरिता। सखी पद्मावती प्राह निषादं पर्वतालयम्

iti tasyā vacaḥ śrutvā dharaṇyātmajayeritā| sakhī padmāvatī prāha niṣādaṁ parvatālayam

उसके ये वचन सुनकर, धरणी-पुत्री पद्मावती से प्रेरित होकर, उसकी सखी ने उस पर्वतवासी निषाद से कहा।

श्लोक 45 (skanda.2.4.45)

आकाशराजतनया वसुधातलसंभवा। अस्माकं नायिका शूर पद्मिनीनाम नामतः

ākāśarājatanayā vasudhātalasaṁbhavā| asmākaṁ nāyikā śūra padminīnāma nāmataḥ

"हे शूर! यह आकाशराज की पुत्री, वसुधातल से उत्पन्न, हमारी स्वामिनी है, जिसका नाम पद्मिनी है।"

श्लोक 46 (skanda.2.4.46)

ब्रूहि त्वं सुभगाकार किन्नामा कस्य वा सुतः। जातिः का कुत्र ते वासः किमर्थं त्वमिहागतः। इति पृष्टः स ताः प्राह मन्दस्मितमुखांबुजः

brūhi tvaṁ subhagākāra kinnāmā kasya vā sutaḥ| jātiḥ kā kutra te vāsaḥ kimarthaṁ tvamihāgataḥ| iti pṛṣṭaḥ sa tāḥ prāha mandasmitamukhāṁbujaḥ

"हे सुंदर आकृतिवाले! अब तुम बताओ, तुम्हारा नाम क्या है, तुम किसके पुत्र हो? तुम्हारी जाति क्या है, तुम्हारा निवास कहाँ है, और तुम यहाँ किसलिए आए हो?" ऐसा पूछे जाने पर, हल्की मुस्कान लिए हुए उस कमल-मुखवाले ने उनसे कहा।

श्लोक 47 (skanda.2.4.47)

दिवाकरकुलं प्राहुरस्माकं तु पुराविदः। यस्य नामान्यनंतानि पावनानि मनीषिणाम्

divākarakulaṁ prāhurasmākaṁ tu purāvidaḥ| yasya nāmānyanaṁtāni pāvanāni manīṣiṇām

"प्राचीन विद्वान् हमारे कुल को सूर्यवंश कहते हैं, जिसके अनंत नाम विद्वानों के लिए पवित्र हैं।"

श्लोक 48 (skanda.2.4.48)

वर्णतो नामतश्चापि कृष्णं प्राहुस्तपस्विनः। ब्रह्मद्विषां सुरारीणां यस्य चक्रं भयावहम्

varṇato nāmataścāpi kṛṣṇaṁ prāhustapasvinaḥ| brahmadviṣāṁ surārīṇāṁ yasya cakraṁ bhayāvaham

"मुझे तपस्वीजन वर्ण और नाम दोनों से कृष्ण कहते हैं, जिसका चक्र ब्रह्मद्वेषी असुरों के लिए भयावह है।"

श्लोक 49 (skanda.2.4.49)

यस्य शंखध्वनिं श्रुत्वा मोहमीयुर्हि वैरिणः। यस्य वै धनुषस्तुल्यं धनुर्नैवामरेष्वपि

yasya śaṁkhadhvaniṁ śrutvā mohamīyurhi vairiṇaḥ| yasya vai dhanuṣastulyaṁ dhanurnaivāmareṣvapi

"जिसके शंख की ध्वनि सुनकर शत्रु मोहग्रस्त हो जाते हैं, और जिसके धनुष के समान धनुष देवताओं में भी नहीं है।"

श्लोक 50 (skanda.2.4.50)

तं मां वीरपतिं प्राहुर्वेंकटाद्रिनिवासिनम्। तस्मादद्रितटात्सोऽहं निषादैरनुगैर्वृतः

taṁ māṁ vīrapatiṁ prāhurveṁkaṭādrinivāsinam| tasmādadritaṭātso'haṁ niṣādairanugairvṛtaḥ

"मुझे ही वे वीरपति, वेंकटाद्रि-निवासी कहते हैं। उसी पर्वत-तट से, अपने अनुगामी निषादों से घिरा हुआ, मैं -"

श्लोक 51 (skanda.2.4.51)

मृगयार्थं हयारूढो युष्माकं वनमागतः। मयाप्यनुद्रुतः कश्चिन्मृगो वायुगतिर्ययौ

mṛgayārthaṁ hayārūḍho yuṣmākaṁ vanamāgataḥ| mayāpyanudrutaḥ kaścinmṛgo vāyugatiryayau

"शिकार के लिए घोड़े पर सवार होकर तुम्हारे इस वन में आया हूँ। मेरे द्वारा खदेड़ा गया कोई मृग वायु के समान वेग से भाग गया।"

श्लोक 52 (skanda.2.4.52)

तमदृष्ट्वा वनं पश्यन्दृष्टवान्सुभगामिमाम्। कामादिहागतोऽहं वो मया किं लभ्यते न्वियम्

tamadṛṣṭvā vanaṁ paśyandṛṣṭavānsubhagāmimām| kāmādihāgato'haṁ vo mayā kiṁ labhyate nviyam

"उसे न देखकर, वन को देखते हुए, मैंने इस सुंदरी को देखा। मैं यहाँ कामवश आया हूँ — क्या मुझे यह प्राप्त हो सकती है?"

श्लोक 53 (skanda.2.4.53)

इति कृष्णवचः श्रुत्वा कुद्धास्ताः पुनरब्रुवन्। आकाशराजो दृष्ट्वा त्वां कृत्वा निगडबन्धनम्। यावन्नयति तावत्त्वं गच्छ शीघ्रं स्वमालयम्

iti kṛṣṇavacaḥ śrutvā kuddhāstāḥ punarabruvan| ākāśarājo dṛṣṭvā tvāṁ kṛtvā nigaḍabandhanam| yāvannayati tāvattvaṁ gaccha śīghraṁ svamālayam

कृष्ण के ये वचन सुनकर वे क्रुद्ध होकर पुनः बोलीं — "आकाशराज तुम्हें देखकर बेड़ियों में बाँधकर ले जाएँ, इससे पहले ही तुम शीघ्र अपने निवास को चले जाओ।"

श्लोक 54 (skanda.2.4.54)

तर्जितस्ताभिरेवं स हयमारुह्य शीघ्रगम्। युक्तः स्वानुचरैः सर्वैर्ययौ द्रुततरं गिरिम्

tarjitastābhirevaṁ sa hayamāruhya śīghragam| yuktaḥ svānucaraiḥ sarvairyayau drutataraṁ girim

इस प्रकार उनके द्वारा फटकारे जाने पर वह अपने सभी अनुचरों सहित शीघ्रगामी घोड़े पर सवार होकर अत्यंत वेग से पर्वत की ओर चला गया।