दक्षिणायन-विधि, महाप्रसाद-माहात्म्य और राजा श्वेत

श्लोक 1 (skanda.2.77.1)

जैमिनिरुवाच। अतः परं प्रवक्ष्यामि दक्षिणायनमुत्तमम्। संक्रांतेः पूर्वकाले याः कला वै विंशतिर्मताः

jaiminiruvāca ataḥ paraṁ pravakṣyāmi dakṣiṇāyanamuttamam saṁkrāṁteḥ pūrvakāle yāḥ kalā vai viṁśatirmatāḥ

जैमिनि ने कहा — अब आगे मैं उत्तम दक्षिणायन का वर्णन करूँगा; संक्रांति से पूर्व जो बीस कलाएँ मानी गई हैं,

श्लोक 2 (skanda.2.77.2)

अयनं पुण्यकालोऽयं पुण्यकर्मसु कर्मिणाम्। पंचामृतैस्तत्र देवं स्नापयेत्स्वापवद्द्विजाः

ayanaṁ puṇyakālo'yaṁ puṇyakarmasu karmiṇām paṁcāmṛtaistatra devaṁ snāpayetsvāpavaddvijāḥ

वह अयन पुण्यकाल है, पुण्य कर्म करने वालों के लिए; हे द्विजो, वहाँ पंचामृत से देवता को स्नान कराए, जैसे स्वापन के समय होता है।

श्लोक 3 (skanda.2.77.3)

सर्वांगं लेपयेदस्यागुरुकर्पूरचंदनैः। सुगन्ध माल्यालंकारैश्चारुवस्त्रैश्च दीपकैः

sarvāṁgaṁ lepayedasyāgurukarpūracaṁdanaiḥ sugandha mālyālaṁkāraiścāruvastraiśca dīpakaiḥ

उनके सारे अंगों पर अगुरु, कर्पूर और चंदन का लेप करे, सुगंधित मालाओं-आभूषणों, सुंदर वस्त्रों और दीपकों से सजाए।

श्लोक 4 (skanda.2.77.4)

नानाभक्ष्योपहारैश्च पूजयेत्परमेश्वरम्। कर्पूरालतिकामुच्चैर्मुखाभ्याशे हरेर्ददेत्

nānābhakṣyopahāraiśca pūjayetparameśvaram karpūrālatikāmuccairmukhābhyāśe harerdadet

नाना प्रकार के भक्ष्य-उपहारों से परमेश्वर की पूजा करे; हरि के मुख के पास ऊँची कर्पूर-आरती करे।

श्लोक 5 (skanda.2.77.5)

दूर्वांकुराक्षतैर्नीराजनेनाथ प्रवन्दयेत्। मांगल्यगीतनृत्ताद्यैर्नारी हुलुहुलां वदेत्

dūrvāṁkurākṣatairnīrājanenātha pravandayet māṁgalyagītanṛttādyairnārī huluhulāṁ vadet

दूर्वांकुर और अक्षत से नीराजन करके वंदना करे; स्त्रियाँ मंगल गीत-नृत्य के साथ हुलु-हुलु ध्वनि करें।

श्लोक 6 (skanda.2.77.6)

पूजितं पूज्यमानं च यः पश्येत्पुरुषोत्तमम्। पूजाशतगुणं पुण्यं तस्मै दद्याज्जनार्दनः

pūjitaṁ pūjyamānaṁ ca yaḥ paśyetpuruṣottamam pūjāśataguṇaṁ puṇyaṁ tasmai dadyājjanārdanaḥ

जो मनुष्य पूजित और पूजे जाते हुए पुरुषोत्तम को देखता है, उसे जनार्दन साधारण पूजा से सौ गुना पुण्य देते हैं।

श्लोक 7 (skanda.2.77.7)

अयने दक्षिणे तस्मिन्नर्च्यमानं श्रियः पतिम्। विहाय सर्वपापानि विष्णुलोकं व्रजंति ते

ayane dakṣiṇe tasminnarcyamānaṁ śriyaḥ patim vihāya sarvapāpāni viṣṇulokaṁ vrajaṁti te

उस दक्षिणायन में पूजित होते हुए श्रीपति को देखने वाले सब पापों को त्यागकर विष्णुलोक को जाते हैं।

श्लोक 8 (skanda.2.77.8)

स्वल्पा वा महती यात्रा सर्वा मुक्तिप्रदा हरेः। तस्मिंस्तस्मिन्दिने दृष्टो भगवान्मुक्तिदो ध्रुवम्

svalpā vā mahatī yātrā sarvā muktipradā hareḥ tasmiṁstasmindine dṛṣṭo bhagavānmuktido dhruvam

छोटी हो या बड़ी, हरि की हर यात्रा मुक्तिदायी है; जिस-जिस दिन भगवान का दर्शन होता है, वे निश्चय ही मुक्ति देते हैं।

श्लोक 9 (skanda.2.77.9)

विश्वासहेतोर्मूर्खाणां यात्रा ह्येताः कृपावता। विष्णुना कथिता विप्राः पापिनां किल्बिषापहाः

viśvāsahetormūrkhāṇāṁ yātrā hyetāḥ kṛpāvatā viṣṇunā kathitā viprāḥ pāpināṁ kilbiṣāpahāḥ

मूर्खों में विश्वास उत्पन्न करने के लिए कृपालु विष्णु ने ये यात्राएँ बताई हैं, हे विप्रो, जो पापियों के पापों को दूर करने वाली हैं।

श्लोक 10 (skanda.2.77.10)

आयासजनितं पुण्यं मन्यन्ते ये नराधमाः। लक्ष्मीपतेर्भोजनाय संस्कार्योऽत्र महानसः

āyāsajanitaṁ puṇyaṁ manyante ye narādhamāḥ lakṣmīpaterbhojanāya saṁskāryo'tra mahānasaḥ

जो नीच मनुष्य केवल परिश्रम से ही पुण्य मानते हैं वे मूर्ख हैं; यहाँ लक्ष्मीपति के भोजन के लिए रसोईघर संस्कारित होना चाहिए।

श्लोक 11 (skanda.2.77.11)

वैष्णवाग्निं समाधाय निरुप्य चरुमुत्तमम्। वैश्वदेवं प्रकुर्वीत भगवत्पाकसाधनम्

vaiṣṇavāgniṁ samādhāya nirupya carumuttamam vaiśvadevaṁ prakurvīta bhagavatpākasādhanam

वैष्णव अग्नि की स्थापना करके उत्तम चरु तैयार कर, वैश्वदेव करे, जो भगवान के भोजन बनाने का साधन है।

श्लोक 12 (skanda.2.77.12)

ब्रह्मणे वास्तुपतये प्रजानां पतये तथा। विष्णवे विश्वकर्त्रे च शुच्यग्नौ जुहुयाच्छुचिः

brahmaṇe vāstupataye prajānāṁ pataye tathā viṣṇave viśvakartre ca śucyagnau juhuyācchuciḥ

पवित्र होकर पवित्र अग्नि में ब्रह्मा को, वास्तुपति को, प्रजापति को, तथा विश्वकर्ता विष्णु को आहुति दे।

श्लोक 13 (skanda.2.77.13)

राज्ञा नियुक्त आचार्यः श्रौतस्मार्तक्रियापरः। द्वारपालप्रचंडाभ्यामैशान्यां क्षेत्रपालिने

rājñā niyukta ācāryaḥ śrautasmārtakriyāparaḥ dvārapālapracaṁḍābhyāmaiśānyāṁ kṣetrapāline

राजा द्वारा नियुक्त, श्रौत-स्मार्त क्रिया में तत्पर आचार्य, ईशान दिशा में द्वारपाल प्रचंड आदि को तथा क्षेत्रपाल को बलि दे,

श्लोक 14 (skanda.2.77.14)

दक्षिणे च विरूपाय खगानां पतये तथा। दुर्गासरस्वतीभ्यां च नैर्ऋत्यां विनिवेदयेत्

dakṣiṇe ca virūpāya khagānāṁ pataye tathā durgāsarasvatībhyāṁ ca nairṛtyāṁ vinivedayet

दक्षिण में विरूप को तथा पक्षियों के स्वामी को; नैर्ऋत्य में दुर्गा और सरस्वती को अर्पित करे।

श्लोक 15 (skanda.2.77.15)

महालक्ष्मीमहेंद्राभ्यां प्राच्यां दिशि बलिः स्मृतः। विष्णु पारिषदेभ्योऽथ पशूनां पतये तथा

mahālakṣmīmaheṁdrābhyāṁ prācyāṁ diśi baliḥ smṛtaḥ viṣṇu pāriṣadebhyo'tha paśūnāṁ pataye tathā

पूर्व दिशा में महालक्ष्मी और महेंद्र को बलि दी जाती है, तथा विष्णु के पार्षदों को और पशुओं के स्वामी को भी।

श्लोक 16 (skanda.2.77.16)

उदीच्यां बलिदानं तु नारदायाथ पश्चिमे। आग्नेय्यामग्नये दद्याद्वायव्यां विश्वसाक्षिणे

udīcyāṁ balidānaṁ tu nāradāyātha paścime āgneyyāmagnaye dadyādvāyavyāṁ viśvasākṣiṇe

उत्तर में नारद को बलिदान दे, पश्चिम में भी; आग्नेय में अग्नि को तथा वायव्य में विश्व के साक्षी वायु को दे।

श्लोक 17 (skanda.2.77.17)

पञ्चश्वसनरूपेभ्यो विश्वकर्त्रेऽथ मध्यतः। आद्यंतयोर्जलं दद्यात्प्रत्येकं बलिकर्मणि

pañcaśvasanarūpebhyo viśvakartre'tha madhyataḥ ādyaṁtayorjalaṁ dadyātpratyekaṁ balikarmaṇi

पंच प्राण-रूपों को तथा मध्य में विश्वकर्ता को; बलि-कर्म में आदि और अंत में जल अर्पित करे।

श्लोक 18 (skanda.2.77.18)

दत्त्वा वलिं तदग्नौ तु कारयेत्पाकमुत्तमम्। संध्यात्रये भगवतः पूजायै चरुकारणात्

dattvā valiṁ tadagnau tu kārayetpākamuttamam saṁdhyātraye bhagavataḥ pūjāyai carukāraṇāt

बलि देकर फिर उसी अग्नि में उत्तम भोजन पकवाए, जो तीनों संध्याओं में भगवान की पूजा के लिए चरु का साधन है।

श्लोक 19 (skanda.2.77.19)

चरुसंस्कारकांगानि भक्ष्यभोज्यादिकानि वै। न दीप्तान्योजयेत्तत्र लोके त्रैवर्णिको नृपः

carusaṁskārakāṁgāni bhakṣyabhojyādikāni vai na dīptānyojayettatra loke traivarṇiko nṛpaḥ

चरु-संस्कार के अंग नाना भक्ष्य-भोज्य पदार्थ हैं; वहाँ त्रैवर्णिक राजा को क्रोधी व्यक्तियों को नियुक्त नहीं करना चाहिए,

श्लोक 20 (skanda.2.77.20)

आर्यान्पवित्राञ्छूद्रान्वा वर्णांश्च परिसेवकान्। लौकिकव्यवहारोऽयं पचति श्रीः स्वयं ध्रुवम्

āryānpavitrāñchūdrānvā varṇāṁśca parisevakān laukikavyavahāro'yaṁ pacati śrīḥ svayaṁ dhruvam

केवल पवित्र आर्यों को अथवा सेवा-वर्ग के शूद्रों को (नियुक्त करे)। यह लौकिक व्यवहार है — वस्तुतः स्वयं श्री ही पकाती हैं, यह निश्चित है।

श्लोक 21 (skanda.2.77.21)

भुंक्ते नारायणो नित्यं तया पक्वं शरीरवान्। अमृतं तद्धि नैवेद्यं पापघ्नं मूर्ध्नि धारणात्

bhuṁkte nārāyaṇo nityaṁ tayā pakvaṁ śarīravān amṛtaṁ taddhi naivedyaṁ pāpaghnaṁ mūrdhni dhāraṇāt

नारायण स्वयं शरीरधारी होकर उस पके हुए भोजन का नित्य सेवन करते हैं; वह नैवेद्य अमृत ही है, जो सिर पर धारण करने मात्र से पाप का नाश करता है।

श्लोक 22 (skanda.2.77.22)

भक्षणान्मद्यपानादिमहादुरितनाशनम्। आघ्राणान्मानसं पापं दर्शनाद्दृष्टिजं तथा

bhakṣaṇānmadyapānādimahāduritanāśanam āghrāṇānmānasaṁ pāpaṁ darśanāddṛṣṭijaṁ tathā

उसे खाने से मद्यपान आदि का महापाप नष्ट होता है; सूँघने से मानसिक पाप, देखने से दृष्टि-जनित पाप,

श्लोक 23 (skanda.2.77.23)

आस्वादात्तु कृतं पापं श्रावणं च व्यपोहति। स्पर्शनात्त्वक्कृतं पापं मिथ्याभाषणजं तथा

āsvādāttu kṛtaṁ pāpaṁ śrāvaṇaṁ ca vyapohati sparśanāttvakkṛtaṁ pāpaṁ mithyābhāṣaṇajaṁ tathā

चखने से किया गया पाप और श्रवण-जनित पाप दूर होता है; स्पर्श से त्वचा द्वारा किया गया पाप तथा झूठ बोलने से हुआ पाप,

श्लोक 24 (skanda.2.77.24)

गात्रलेपाद्दहेत्पापं शारीरं वै न संशयः

gātralepāddahetpāpaṁ śārīraṁ vai na saṁśayaḥ

अंगों पर लेप करने से शारीरिक पाप भस्म हो जाता है, इसमें कोई संदेह नहीं है।

श्लोक 25 (skanda.2.77.25)

महापवित्रं हि हरेर्निवेदितं नियोजयेद्यः पितृदेवकर्मसु। तृप्यंति तस्मै पितरः सुरास्तथा प्रयांति लोकं मधुसूदनस्य ते

mahāpavitraṁ hi harerniveditaṁ niyojayedyaḥ pitṛdevakarmasu tṛpyaṁti tasmai pitaraḥ surāstathā prayāṁti lokaṁ madhusūdanasya te

जो हरि को समर्पित इस परम पवित्र नैवेद्य को पितृ-देव कर्मों में लगाता है, उससे पितर और देवता तृप्त होते हैं और मधुसूदन के लोक को जाते हैं।

श्लोक 26 (skanda.2.77.26)

नात्ः पवित्रं वस्त्वस्ति हव्यकव्येषु भो द्विजाः। नराणां रूपमास्थाय तदश्नंति दिवौकसः

nātḥ pavitraṁ vastvasti havyakavyeṣu bho dvijāḥ narāṇāṁ rūpamāsthāya tadaśnaṁti divaukasaḥ

हे द्विजो, हव्य-कव्य में इससे अधिक पवित्र कोई वस्तु नहीं है; देवगण मनुष्य रूप धारण करके इसे ग्रहण करते हैं।

श्लोक 27 (skanda.2.77.27)

अभिमानो महांस्तत्र देवदेवस्य चक्रिणः। श्वेतो नाम महाराजः पुरा त्रेतायुगेऽभवत्

abhimāno mahāṁstatra devadevasya cakriṇaḥ śveto nāma mahārājaḥ purā tretāyuge'bhavat

वहाँ चक्रधारी देवाधिदेव का महान अभिमान (महिमा) है। प्राचीन काल में त्रेतायुग में श्वेत नामक एक महाराज हुए थे।

श्लोक 28 (skanda.2.77.28)

व्रतस्थोऽपि महाभक्तिं चकार पुरुषोत्तमे। इन्द्रद्युम्नेन रचितभोगमात्रानुसारतः

vratastho'pi mahābhaktiṁ cakāra puruṣottame indradyumnena racitabhogamātrānusārataḥ

वे व्रतस्थ रहते हुए भी पुरुषोत्तम की महान भक्ति करते थे, इन्द्रद्युम्न द्वारा रचित भोग-विधि के ही अनुसार।

श्लोक 29 (skanda.2.77.29)

भोगान्प्रकल्पयामास प्रत्यहं श्रीपतेर्मुदा। भक्ष्यभोज्यान्यनेकानि षड्रसांश्च सुसंस्कृतान्

bhogānprakalpayāmāsa pratyahaṁ śrīpatermudā bhakṣyabhojyānyanekāni ṣaḍrasāṁśca susaṁskṛtān

वे प्रतिदिन हर्षपूर्वक श्रीपति के लिए भोग तैयार कराते थे — अनेक भक्ष्य-भोज्य, षड्रसों से युक्त सुसंस्कृत पदार्थ,

श्लोक 30 (skanda.2.77.30)

माल्यानि च विचित्राणि सुगंधमनुलेपनम्। गीतवादित्रनृत्यानि दिव्यानि सुबहूनि च

mālyāni ca vicitrāṇi sugaṁdhamanulepanam gītavāditranṛtyāni divyāni subahūni ca

नाना विचित्र मालाएँ, सुगंधित अनुलेपन, तथा बहुत सी दिव्य गीत-वाद्य-नृत्य की रचनाएँ,

श्लोक 31 (skanda.2.77.31)

राजोपचारा बहुशोऽवसरेऽवसरे हरेः। बहुवित्तव्ययायास भक्तिभावनिरूपकाः

rājopacārā bahuśo'vasare'vasare hareḥ bahuvittavyayāyāsa bhaktibhāvanirūpakāḥ

बहुविध राजोपचार हरि के हर अवसर पर, बहुत धन-व्यय और श्रम से युक्त भक्ति-भाव प्रकट करने वाले।

श्लोक 32 (skanda.2.77.32)

तत्तद्वैष्णवशास्त्रोक्तचित्रभोगाः पृथग्विधाः। कल्पितास्तेन भूपेन विद्वत्पंकजभानुना

tattadvaiṣṇavaśāstroktacitrabhogāḥ pṛthagvidhāḥ kalpitāstena bhūpena vidvatpaṁkajabhānunā

नाना वैष्णव शास्त्रों में कहे गए विविध चित्र-भोग, विद्वानों में सूर्य के समान उस राजा द्वारा रचे गए थे।

श्लोक 33 (skanda.2.77.33)

प्रातः पूजनवेलायां हरिं द्रष्टुं जगाम सः। कस्मिंश्चिद्दिवसे राजा पूज्यमानं ददर्श तम्

prātaḥ pūjanavelāyāṁ hariṁ draṣṭuṁ jagāma saḥ kasmiṁściddivase rājā pūjyamānaṁ dadarśa tam

प्रातःकाल पूजा के समय वे हरि का दर्शन करने गए; एक दिन राजा ने उन्हें पूजित होते हुए देखा।

श्लोक 34 (skanda.2.77.34)

प्रणम्य देवदेवं तु बद्धांजलिपुटो मुदा। प्रासादद्वारनिकटे तस्थिवानृपसत्तमः

praṇamya devadevaṁ tu baddhāṁjalipuṭo mudā prāsādadvāranikaṭe tasthivānṛpasattamaḥ

देवाधिदेव को प्रणाम करके, हर्षपूर्वक हाथ जोड़कर, वह श्रेष्ठ राजा मंदिर के द्वार के निकट खड़ा रहा।

श्लोक 35 (skanda.2.77.35)

दृष्ट्वा स्वयं विरचितानुपचाराननुत्तमान्। उपायनसहस्रं च हरेरग्रे प्रकल्पितम्

dṛṣṭvā svayaṁ viracitānupacārānanuttamān upāyanasahasraṁ ca hareragre prakalpitam

अपने द्वारा रचे गए अनुपम उपचारों को तथा हरि के आगे सजाए गए सहस्र उपायनों को देखकर,

श्लोक 36 (skanda.2.77.36)

चिंतयामास मनसा किंचिद्ध्यानावलंबितः। मनुष्यकल्पितंभोगं ग्रहीष्यति हरिः किमु

ciṁtayāmāsa manasā kiṁciddhyānāvalaṁbitaḥ manuṣyakalpitaṁbhogaṁ grahīṣyati hariḥ kimu

वह मन में कुछ सोचने लगा, ध्यानमग्न होकर — 'क्या हरि मनुष्य द्वारा कल्पित भोग को स्वीकार करेंगे?'

श्लोक 37 (skanda.2.77.37)

देवैर्दिव्योपचारैर्यो शक्यते नार्चनाविधौ। मानसैरुपहारैर्यं पूजयंति यतव्रताः

devairdivyopacārairyo śakyate nārcanāvidhau mānasairupahārairyaṁ pūjayaṁti yatavratāḥ

जिन्हें देवता भी अपने दिव्य उपचारों से पूजा-विधि में तृप्त नहीं कर सकते, जिन्हें संयमी व्रती केवल मानसिक उपहारों से पूजते हैं,

श्लोक 38 (skanda.2.77.38)

भावदुष्टो बहिर्यागो न मुदे तस्य निश्चितम्। इत्थं संचितयन्राजा दिव्यासनगतं विभुम्

bhāvaduṣṭo bahiryāgo na mude tasya niścitam itthaṁ saṁcitayanrājā divyāsanagataṁ vibhum

दूषित भाव वाला बाह्य यज्ञ निश्चय ही उन्हें प्रसन्न नहीं करता।' इस प्रकार सोचते हुए राजा ने भगवान को दिव्य आसन पर विराजमान देखा,

श्लोक 39 (skanda.2.77.39)

भुंजानमन्नपानाढ्यं श्रिया सुपरिवेषितम्। दिव्यस्रजालंकृतया दिव्यगंधदुकूलया

bhuṁjānamannapānāḍhyaṁ śriyā supariveṣitam divyasrajālaṁkṛtayā divyagaṁdhadukūlayā

जो अन्न-पान से समृद्ध भोजन कर रहे थे, श्री द्वारा सुसज्जित, दिव्य मालाओं से अलंकृत, दिव्य सुगंधित रेशमी वस्त्र में,

श्लोक 40 (skanda.2.77.40)

अनर्घ्यरत्नमंजीरसिंजितेन सुरालयम्। पूरयंत्या स्वर्णदर्व्या ददत्या सादरं रसान्

anarghyaratnamaṁjīrasiṁjitena surālayam pūrayaṁtyā svarṇadarvyā dadatyā sādaraṁ rasān

अमूल्य रत्नों की पायल की झंकार से युक्त, स्वर्ण-दर्वी से रस भरते हुए, आदरपूर्वक परोसते हुए, देवालय को भर देने वाली (श्री के साथ),

श्लोक 41 (skanda.2.77.41)

भगवत्प्रतिरूपैश्च भुंजानैः परिवेष्टितम्। दृष्ट्वा कृतार्थमात्मानं मन्यमानस्तदद्भुतम्

bhagavatpratirūpaiśca bhuṁjānaiḥ pariveṣṭitam dṛṣṭvā kṛtārthamātmānaṁ manyamānastadadbhutam

भगवान के ही प्रतिरूप वाले गणों से घिरे हुए, जो सब साथ भोजन कर रहे थे — यह अद्भुत दृश्य देखकर राजा ने स्वयं को धन्य माना।

श्लोक 42 (skanda.2.77.42)

प्रोन्मीलिताक्षः स पुनः प्राग्दृष्टं समवैक्षत। अतः प्रभृति राजासौ परां निर्वृतिमाप्तवान्

pronmīlitākṣaḥ sa punaḥ prāgdṛṣṭaṁ samavaikṣata ataḥ prabhṛti rājāsau parāṁ nirvṛtimāptavān

आँखें खोलकर उसने फिर पूर्व-दृष्ट (साधारण भोग) को देखा — उस दिन से वह राजा परम आनंद को प्राप्त हुआ।

श्लोक 43 (skanda.2.77.43)

निवेदिताशीर्व्रतवांश्चचार सुमहत्तपः। अकालमृत्युनाशाय स्वराज्ये मृतमुक्तये

niveditāśīrvratavāṁścacāra sumahattapaḥ akālamṛtyunāśāya svarājye mṛtamuktaye

आशीर्वाद प्राप्त करके व्रतधारी होकर उसने महान तप किया, अकाल-मृत्यु के नाश के लिए तथा अपने राज्य में मृत्यु से मुक्ति के लिए।

श्लोक 44 (skanda.2.77.44)

मंत्रराजं जपन्नित्यं श्रितानां कल्पपादपम्। ददर्श शतवर्षांते नृहरिं दुरितापहम्

maṁtrarājaṁ japannityaṁ śritānāṁ kalpapādapam dadarśa śatavarṣāṁte nṛhariṁ duritāpaham

शरणागतों के लिए कल्पवृक्ष-समान मंत्रराज का नित्य जप करते हुए, सौ वर्ष बाद उसने पाप-नाशक नृहरि को देखा,

श्लोक 45 (skanda.2.77.45)

योगासनाब्जनिलयं वामांगावस्थितश्रियम्। दिव्यालंकृतसर्वांगं स्फटिकामलविग्रहम्

yogāsanābjanilayaṁ vāmāṁgāvasthitaśriyam divyālaṁkṛtasarvāṁgaṁ sphaṭikāmalavigraham

योगासन में कमल पर विराजमान, जिनके वाम अंग में श्री विराजमान थीं, सारे अंग दिव्य आभूषणों से सुशोभित, स्फटिक-सा निर्मल शरीर,

श्लोक 46 (skanda.2.77.46)

त्रिदशैः सिद्धमुक्तैश्च स्तूयमानं स्मिताननम्। भ्रांतो विस्मयभीतिभ्यां हर्षगद्गदया गिरा। प्रसीद नाथेति लपन्पपात धरणीतले

tridaśaiḥ siddhamuktaiśca stūyamānaṁ smitānanam bhrāṁto vismayabhītibhyāṁ harṣagadgadayā girā prasīda nātheti lapanpapāta dharaṇītale

देवताओं, सिद्धों और मुक्त पुरुषों द्वारा स्तुति किए जाते, मुस्कुराते हुए मुख वाले — आश्चर्य और भय से व्याकुल होकर, हर्ष-गद्गद वाणी में 'हे नाथ, प्रसन्न होइए' कहते हुए वह पृथ्वी पर गिर पड़ा।

श्लोक 47 (skanda.2.77.47)

तपःकृशं तं प्रणतं दृष्ट्वा मनुजकेसरी। अकल्मषं क्षितिपतिं विवक्षुर्भक्तवत्सलः

tapaḥkṛśaṁ taṁ praṇataṁ dṛṣṭvā manujakesarī akalmaṣaṁ kṣitipatiṁ vivakṣurbhaktavatsalaḥ

तपस्या से कृश उस प्रणत राजा को देखकर, भक्तवत्सल नृसिंह, निष्पाप उस राजा से कुछ कहना चाहते हुए,

श्लोक 48 (skanda.2.77.48)

श्रीभगवानुवाच। उत्तिष्ठ वत्स भक्त्या ते प्रसन्नं विद्धि मां प्रभुम्। मयि प्रसन्ने नालभ्यं वरं तत्प्रार्थ्यतां भवान्

śrībhagavānuvāca uttiṣṭha vatsa bhaktyā te prasannaṁ viddhi māṁ prabhum mayi prasanne nālabhyaṁ varaṁ tatprārthyatāṁ bhavān

श्रीभगवान ने कहा — 'हे वत्स, उठो; जानो कि मैं तुम्हारी भक्ति से प्रसन्न हूँ, मुझे स्वामी समझो। मेरे प्रसन्न होने पर कोई वर अलभ्य नहीं है, वह माँगो।'

श्लोक 49 (skanda.2.77.49)

श्रुत्वेत्थं भगवद्वाक्यं समुत्तस्थौ ततो नृपः। बद्धांजलिपुटो नम्रो भक्त्योवाच जनार्दनम्

śrutvetthaṁ bhagavadvākyaṁ samuttasthau tato nṛpaḥ baddhāṁjalipuṭo namro bhaktyovāca janārdanam

भगवान के ये वचन सुनकर राजा उठ खड़ा हुआ; हाथ जोड़कर, विनम्र होकर, भक्तिपूर्वक जनार्दन से बोला —

श्लोक 50 (skanda.2.77.50)

श्वेत उवाच। स्वामिन्यदि प्रसादस्ते मयि जातः सुदुर्लभः। सारूप्यमथ संप्राप्य स्थास्यामि तव सन्निधौ

śveta uvāca svāminyadi prasādaste mayi jātaḥ sudurlabhaḥ sārūpyamatha saṁprāpya sthāsyāmi tava sannidhau

श्वेत ने कहा — 'हे स्वामी, यदि आपकी दुर्लभ कृपा मुझ पर हुई है, तो सारूप्य प्राप्त करके मैं आपके सान्निध्य में रहूँगा।

श्लोक 51 (skanda.2.77.51)

स्थास्ये यावन्नृपत्वेऽहं मद्राज्ये नो जनः क्वचित्। अकाले म्रियतां जंतुः काले चेन्मुक्तिमाप्नुयात्

sthāsye yāvannṛpatve'haṁ madrājye no janaḥ kvacit akāle mriyatāṁ jaṁtuḥ kāle cenmuktimāpnuyāt

मैं तब तक रहूँगा जब तक मैं राजा हूँ; मेरे राज्य में कोई भी प्राणी असमय न मरे — यदि प्राणी की मृत्यु समय पर हो, तो वह मुक्ति प्राप्त करे।'

श्लोक 52 (skanda.2.77.52)

तच्छ्रुत्वा भगवान्प्राह श्वेतराजानमुत्तमम्

tacchrutvā bhagavānprāha śvetarājānamuttamam

यह सुनकर भगवान ने श्रेष्ठ राजा श्वेत से कहा —

श्लोक 53 (skanda.2.77.53)

श्वेत ते वांछितं भूयात्तिष्ठ त्वं मम दक्षिणे। भुक्त्वा वर्षसहस्रं तु स्वराज्यं सुसमृद्धिमत्

śveta te vāṁchitaṁ bhūyāttiṣṭha tvaṁ mama dakṣiṇe bhuktvā varṣasahasraṁ tu svarājyaṁ susamṛddhimat

'हे श्वेत, तुम्हारी इच्छा पूर्ण हो, तुम मेरे दक्षिण में रहो। सहस्र वर्षों तक अपने समृद्ध राज्य का उपभोग करके,

श्लोक 54 (skanda.2.77.54)

मम निर्माल्यभोगेन क्षीणशेषाघसंचयः। सुनिर्मलांतःकरणो मत्सायुज्यमवाप्स्यसि

mama nirmālyabhogena kṣīṇaśeṣāghasaṁcayaḥ sunirmalāṁtaḥkaraṇo matsāyujyamavāpsyasi

मेरे निर्माल्य के सेवन से जिसका शेष पाप-संचय क्षीण हो गया है, उस अत्यंत निर्मल अंतःकरण वाले तुम मेरे साथ सायुज्य प्राप्त करोगे।

श्लोक 55 (skanda.2.77.55)

वटसागरयोर्मध्ये मुक्तिस्थाने सुदुर्लभे। मदीयाऽऽद्यावतारस्य विष्णोर्मत्स्यस्वरूपिणः

vaṭasāgarayormadhye muktisthāne sudurlabhe madīyā''dyāvatārasya viṣṇormatsyasvarūpiṇaḥ

वट और सागर के बीच, उस दुर्लभ मुक्ति-स्थान में, मेरे आदि अवतार मत्स्यरूप विष्णु के सम्मुख,

श्लोक 56 (skanda.2.77.56)

संमुखीनो वस त्वं हि स्फटिकामलविग्रहः। ख्यातिं यास्यसि भूर्लोके श्वेतमाधवसंज्ञया

saṁmukhīno vasa tvaṁ hi sphaṭikāmalavigrahaḥ khyātiṁ yāsyasi bhūrloke śvetamādhavasaṁjñayā

तुम स्फटिक-सा निर्मल शरीर धारण करके निवास करोगे, और पृथ्वीलोक में श्वेत-माधव नाम से प्रसिद्ध होगे।

श्लोक 57 (skanda.2.77.57)

युवयोरंतराले ये प्राणांस्त्यक्ष्यंति मानवाः। तिर्यंचोऽपि च कीटा वा ध्रुवं ते मुक्तिमाप्नुयुः

yuvayoraṁtarāle ye prāṇāṁstyakṣyaṁti mānavāḥ tiryaṁco'pi ca kīṭā vā dhruvaṁ te muktimāpnuyuḥ

तुम दोनों के बीच जो मनुष्य अपने प्राण त्यागेंगे, वे — पशु-पक्षी और कीट भी — निश्चय ही मुक्ति प्राप्त करेंगे।

श्लोक 58 (skanda.2.77.58)

अमरा यत्र मरणमिच्छंति किमु मानवाः। तवोत्तरस्यां दिशि यत्सरः पापनिबर्हणम्

amarā yatra maraṇamicchaṁti kimu mānavāḥ tavottarasyāṁ diśi yatsaraḥ pāpanibarhaṇam

जहाँ देवता भी मृत्यु की कामना करते हैं, तो मनुष्यों की तो बात ही क्या — तुम्हारे उत्तर दिशा में जो सरोवर है, वह पाप-नाशक है;

श्लोक 59 (skanda.2.77.59)

तत्र स्नात्वा उपस्पृश्य तदीये दक्षिणे तटे। उभयोर्दृष्टिपूतःसंत्यक्त्वा प्राणान्विमुच्यते

tatra snātvā upaspṛśya tadīye dakṣiṇe taṭe ubhayordṛṣṭipūtaḥsaṁtyaktvā prāṇānvimucyate

वहाँ स्नान और आचमन करके, उसके दक्षिण तट पर, दोनों (शिवलिंग और सरोवर) के दर्शन से पवित्र होकर, जो प्राण त्यागता है, वह मुक्त हो जाता है।

श्लोक 60 (skanda.2.77.60)

आसमंतादिदं क्षेत्रं यत्रतत्रापि मुक्तिदम्। मूढात्मनां विश्वसितुं प्रधानं स्थानमीरितम्

āsamaṁtādidaṁ kṣetraṁ yatratatrāpi muktidam mūḍhātmanāṁ viśvasituṁ pradhānaṁ sthānamīritam

चारों ओर यह पूरा क्षेत्र, जहाँ-तहाँ भी, मुक्तिदायी है; मूढ़ात्माओं के विश्वास के लिए यह प्रधान स्थान बताया गया है।

श्लोक 61 (skanda.2.77.61)

तव राज्ये तु ये लोका मम निर्माल्यभोजिनः। मृतिराकालिकी तेषां न कदाचिद्भविष्यति

tava rājye tu ye lokā mama nirmālyabhojinaḥ mṛtirākālikī teṣāṁ na kadācidbhaviṣyati

तुम्हारे राज्य में जो लोग मेरे निर्माल्य का भोजन करेंगे, उनकी मृत्यु कभी असमय नहीं होगी।'