निर्माल्य-महिमा और दमनक-चरित्र

श्लोक 1 (skanda.2.78.1)

जैमिनिरुवाच। इति दत्त्वा वरं तस्मै श्वेतराजाय वै पुरा। जगामांतर्हितो विप्राः प्रासादांतः स्थितो हरिः

jaiminiruvāca iti dattvā varaṁ tasmai śvetarājāya vai purā jagāmāṁtarhito viprāḥ prāsādāṁtaḥ sthito hariḥ

जैमिनि ने कहा — इस प्रकार पूर्वकाल में श्वेत राजा को यह वर देकर, हे विप्रो, प्रासाद के भीतर स्थित हरि अंतर्धान हो गए।

श्लोक 2 (skanda.2.78.2)

समस्तजगतां या श्रीः सृष्टिस्थितिविनाशकृत्। वैष्णवीशक्तिरतुला परिवेषणकारिणी

samastajagatāṁ yā śrīḥ sṛṣṭisthitivināśakṛt vaiṣṇavīśaktiratulā pariveṣaṇakāriṇī

सम्पूर्ण जगत् की जो श्री हैं, जो सृष्टि, स्थिति और नाश करने वाली हैं, वह अतुल वैष्णवी शक्ति परोसने का कार्य करती हैं।

श्लोक 3 (skanda.2.78.3)

सुधोपमं सुपक्वान्नं भुंक्ते नारायणः प्रभुः। तदुच्छिष्टोपभोगो हि सर्वाघक्षयकारकः

sudhopamaṁ supakvānnaṁ bhuṁkte nārāyaṇaḥ prabhuḥ taducchiṣṭopabhogo hi sarvāghakṣayakārakaḥ

अमृत के समान सुपक्व अन्न को नारायण प्रभु स्वयं खाते हैं; उसका उच्छिष्ट सेवन करना सब पापों का नाश करने वाला है।

श्लोक 4 (skanda.2.78.4)

न तादृशसमं पुण्यं वस्त्वस्ति पृथिवीतले। पापसंस्कारकर्तॄणां संपर्कात्तु न दुष्यति

na tādṛśasamaṁ puṇyaṁ vastvasti pṛthivītale pāpasaṁskārakartṝṇāṁ saṁparkāttu na duṣyati

पृथ्वीतल पर उसके समान पवित्र कोई वस्तु नहीं है; पाप-संस्कार करने वालों के स्पर्श से भी यह दूषित नहीं होता।

श्लोक 5 (skanda.2.78.5)

पद्मायाः सन्निधानेन सर्वे ते शुचयः स्मृताः। विष्ण्वालयगतं तद्धि निर्माल्यं पतितादयः

padmāyāḥ sannidhānena sarve te śucayaḥ smṛtāḥ viṣṇvālayagataṁ taddhi nirmālyaṁ patitādayaḥ

पद्मा की समीपता से वे सब पवित्र माने जाते हैं; विष्णु के मंदिर में स्थित उस निर्माल्य को यदि पतित आदि भी स्पर्श करें,

श्लोक 6 (skanda.2.78.6)

स्पृशंति चेन्न दुष्टं तद्यथा विष्णुस्तथैव तत्। व्रतस्था विधवाश्चैव सर्वे वर्णाश्रमास्तथा

spṛśaṁti cenna duṣṭaṁ tadyathā viṣṇustathaiva tat vratasthā vidhavāścaiva sarve varṇāśramāstathā

तो भी वह अशुद्ध नहीं होता, क्योंकि वह स्वयं विष्णु के समान ही है; व्रतस्थ लोग, विधवाएँ तथा सभी वर्णाश्रम वाले,

श्लोक 7 (skanda.2.78.7)

तत्प्राशनेन पूयन्ते दीक्षिताश्चाग्निहोत्रिणः। दरिद्रः कृपणो वापि गृहस्थः प्रभुरेव वा

tatprāśanena pūyante dīkṣitāścāgnihotriṇaḥ daridraḥ kṛpaṇo vāpi gṛhasthaḥ prabhureva vā

उसके सेवन से पवित्र होते हैं, दीक्षित और अग्निहोत्री भी; दरिद्र हो या कृपण, गृहस्थ हो या राजा,

श्लोक 8 (skanda.2.78.8)

स्वदेश्याः परदेश्या वा सर्वे तत्र समागताः। नाभिमानं प्रकुर्वीरन्विष्णोर्निर्माल्यभक्षणे

svadeśyāḥ paradeśyā vā sarve tatra samāgatāḥ nābhimānaṁ prakurvīranviṣṇornirmālyabhakṣaṇe

स्वदेशी हों या परदेशी, सब वहाँ एकत्र होकर, विष्णु के निर्माल्य को खाने में कोई भेदभाव न करें।

श्लोक 9 (skanda.2.78.9)

भक्त्या लोभात्कौतुकाद्वा क्षुधासंशमनेन वा। आकंठभक्षितं तद्धि पुनाति सकलांहसः

bhaktyā lobhātkautukādvā kṣudhāsaṁśamanena vā ākaṁṭhabhakṣitaṁ taddhi punāti sakalāṁhasaḥ

भक्ति से, लोभ से, कौतुक से, अथवा भूख मिटाने के लिए भी, कंठ तक खाया गया वह अन्न सब पापों को शुद्ध कर देता है।

श्लोक 10 (skanda.2.78.10)

सर्वरोगोपशमनं पुत्रपौत्रप्रवर्द्धनम्। दारिद्र्यहरणं श्रेष्ठं विद्यायुःश्रीप्रदं शुभम्

sarvarogopaśamanaṁ putrapautrapravarddhanam dāridryaharaṇaṁ śreṣṭhaṁ vidyāyuḥśrīpradaṁ śubham

यह सब रोगों को शांत करने वाला, पुत्र-पौत्रों की वृद्धि करने वाला, दरिद्रता को हरने वाला, श्रेष्ठ विद्या-आयु-श्री देने वाला और शुभ है।

श्लोक 11 (skanda.2.78.11)

पक्षपातो महांस्तत्र विष्णोरमिततेजसः। निन्दन्ति ये तदमृतं मूढाः पंडितमानिनः

pakṣapāto mahāṁstatra viṣṇoramitatejasaḥ nindanti ye tadamṛtaṁ mūḍhāḥ paṁḍitamāninaḥ

अपरिमित तेजस्वी विष्णु का वहाँ महान पक्षपात है; जो मूर्ख अपने को पंडित मानते हुए उस अमृत की निंदा करते हैं,

श्लोक 12 (skanda.2.78.12)

स्वयं दंडधरस्तेषु सहते नापराधिनः। येषामत्र स दण्डश्चेद्ध्रुवा तेषां हि दुर्गतिः

svayaṁ daṁḍadharasteṣu sahate nāparādhinaḥ yeṣāmatra sa daṇḍaśceddhruvā teṣāṁ hi durgatiḥ

उन अपराधियों को स्वयं यमराज भी क्षमा नहीं करता; जिन्हें यहाँ ऐसा दंड मिलता है, उनकी दुर्गति निश्चित है।

श्लोक 13 (skanda.2.78.13)

कुम्भीपाके महाघोरे पच्यन्ते तेऽतिदारुणे तं न विक्रयः क्रयो वापि प्रशस्तस्तस्य भो द्विजाः

kumbhīpāke mahāghore pacyante te'tidāruṇe taṁ na vikrayaḥ krayo vāpi praśastastasya bho dvijāḥ

वे अत्यंत भयंकर कुम्भीपाक नरक में पकाए जाते हैं; हे द्विजो, उसका न विक्रय और न ही क्रय — दोनों में से कुछ भी प्रशस्त नहीं है।

श्लोक 14 (skanda.2.78.14)

निर्माल्यं जगदीशस्य नाशित्वाश्नामि किञ्चन। इति सत्यप्रतिज्ञो यः प्रत्यहं तच्च भक्षयेत्

nirmālyaṁ jagadīśasya nāśitvāśnāmi kiñcana iti satyapratijño yaḥ pratyahaṁ tacca bhakṣayet

'जगदीश्वर के निर्माल्य को ग्रहण किए बिना मैं कुछ भी नहीं खाता' — इस सत्य प्रतिज्ञा से युक्त होकर जो मनुष्य प्रतिदिन उसे खाता है,

श्लोक 15 (skanda.2.78.15)

सर्वपापविनिर्मुक्तः शुद्धांतःकरणो नरः। स शुद्धं वैष्णव स्थानं क्रमाद्याति न संशयः

sarvapāpavinirmuktaḥ śuddhāṁtaḥkaraṇo naraḥ sa śuddhaṁ vaiṣṇava sthānaṁ kramādyāti na saṁśayaḥ

वह सब पापों से मुक्त होकर, शुद्ध अंतःकरण वाला होकर, क्रमशः शुद्ध वैष्णव-स्थान को प्राप्त होता है, इसमें कोई संदेह नहीं।

श्लोक 16 (skanda.2.78.16)

चिरस्थमपि संशुष्कं नीतं वा दूरदेशतः। यथातथोपयुक्तं तत्सर्वं पापापनोदनम्

cirasthamapi saṁśuṣkaṁ nītaṁ vā dūradeśataḥ yathātathopayuktaṁ tatsarvaṁ pāpāpanodanam

चाहे वह बहुत पुराना और सूखा हो, अथवा दूर देश से लाया गया हो, जैसा भी उपयोग में लाया जाए, वह सब पापों को दूर करने वाला है।

श्लोक 17 (skanda.2.78.17)

कुक्कुरस्य मुखाद्भ्रष्टं तदन्नं पतितं यदि। ब्राह्मणेनापि भोक्तव्यमितरेषां तु का कथा

kukkurasya mukhādbhraṣṭaṁ tadannaṁ patitaṁ yadi brāhmaṇenāpi bhoktavyamitareṣāṁ tu kā kathā

यदि वह भोजन कुत्ते के मुँह से गिरा हुआ भी हो, तो भी ब्राह्मण को उसे खाना चाहिए, फिर अन्य वर्णों की तो बात ही क्या।

श्लोक 18 (skanda.2.78.18)

उपोष्य तिष्ठता वापि नोपवासं च कुर्वता। अशुचिर्वाप्यनाचारो मनसा पापमाचरन्। प्राप्तमात्रेण भोक्तव्यं नात्र कार्या विचारणा

upoṣya tiṣṭhatā vāpi nopavāsaṁ ca kurvatā aśucirvāpyanācāro manasā pāpamācaran prāptamātreṇa bhoktavyaṁ nātra kāryā vicāraṇā

उपवास करते हुए या न करते हुए, अपवित्र हो या आचार-भ्रष्ट, मन से पाप का आचरण करने वाला भी, जैसे ही वह प्राप्त हो, उसे तुरंत खा लेना चाहिए, इसमें विचार की आवश्यकता नहीं।

श्लोक 19 (skanda.2.78.19)

नैवेद्यान्नं जगद्भर्त्तुर्गांगं वारि समं द्वयम्। दृष्टेः स्वर्गादि संप्राप्तिर्भक्षणाच्चाघनाशनम्

naivedyānnaṁ jagadbhartturgāṁgaṁ vāri samaṁ dvayam dṛṣṭeḥ svargādi saṁprāptirbhakṣaṇāccāghanāśanam

जगत्पति का नैवेद्य-अन्न और गंगाजल — ये दोनों समान माने गए हैं; दर्शन से स्वर्गादि की प्राप्ति होती है, और भक्षण से पाप का नाश होता है।

श्लोक 20 (skanda.2.78.20)

जगद्धात्र्या हि यत्पक्वं वैष्णवेऽग्नौ सुसंस्कृते। भुक्तेऽन्वहं चक्रपाणिर्युगमन्वंतरादिषु

jagaddhātryā hi yatpakvaṁ vaiṣṇave'gnau susaṁskṛte bhukte'nvahaṁ cakrapāṇiryugamanvaṁtarādiṣu

जगद्धात्री द्वारा वैष्णव अग्नि में सुसंस्कारित पकाए गए अन्न को, हर युग और मन्वंतर में, चक्रपाणि प्रतिदिन खाते हैं।

श्लोक 21 (skanda.2.78.21)

सप्तद्वीप धरामध्ये सान्निध्यं नेदृशं हरेः। यादृशं नीलगोत्रेऽस्मिन्व्याजमानुषचेष्टितम्

saptadvīpa dharāmadhye sānnidhyaṁ nedṛśaṁ hareḥ yādṛśaṁ nīlagotre'sminvyājamānuṣaceṣṭitam

सातों द्वीपों वाली पृथ्वी में हरि की ऐसी समीपता कहीं नहीं है, जैसी इस नीलगोत्र में, मनुष्य जैसी लीला के बहाने से है।

श्लोक 22 (skanda.2.78.22)

दारुरूपं परं ब्रह्म सर्वचाक्षुषगोचरम्। प्रकाशते भो मुनयो न दृष्टं न श्रुतं क्वचित्

dārurūpaṁ paraṁ brahma sarvacākṣuṣagocaram prakāśate bho munayo na dṛṣṭaṁ na śrutaṁ kvacit

काष्ठ-रूप में वह परब्रह्म सबकी आँखों के सामने प्रकट होता है; हे मुनियो, ऐसा न कहीं देखा गया है, न सुना गया है।

श्लोक 23 (skanda.2.78.23)

तस्मै प्रवृत्तिरूपाय ब्रह्मणे परमात्मने। प्रवृत्तिरूपा शक्तिः श्रीः प्रवर्तयति यद्धविः

tasmai pravṛttirūpāya brahmaṇe paramātmane pravṛttirūpā śaktiḥ śrīḥ pravartayati yaddhaviḥ

उस प्रवृत्ति-रूप परब्रह्म-परमात्मा के लिए, प्रवृत्ति-रूपा शक्ति श्री जो हवि प्रवर्तित करती हैं,

श्लोक 24 (skanda.2.78.24)

तदश्नाति जगन्नाथस्तच्छेषं दुरितापहम्। किमत्र चित्रं भो विप्रा यदुक्तं मुक्तिकारणम्

tadaśnāti jagannāthastaccheṣaṁ duritāpaham kimatra citraṁ bho viprā yaduktaṁ muktikāraṇam

उसे जगन्नाथ खाते हैं, और उसका शेष भाग सब पापों को दूर करने वाला है; हे विप्रो, इसमें क्या आश्चर्य है कि यह मुक्ति का कारण बताया गया है?

श्लोक 25 (skanda.2.78.25)

नाल्पपुण्यवतां तत्र विश्वासश्च प्रजायते। वेदाचारप्रधानेषु युगे ह्येतत्प्रकीर्तितम्

nālpapuṇyavatāṁ tatra viśvāsaśca prajāyate vedācārapradhāneṣu yuge hyetatprakīrtitam

अल्प पुण्य वालों को वहाँ विश्वास नहीं होता; वेदाचार-प्रधान युग में ही यह विशेष रूप से प्रसिद्ध हुआ है।

श्लोक 26 (skanda.2.78.26)

महिमानं न वेदास्य विशेषाच्छ्रूयतां कलौ। घोरे कलियुगे तस्मिंस्त्रिपादो धर्मविप्लवः

mahimānaṁ na vedāsya viśeṣācchrūyatāṁ kalau ghore kaliyuge tasmiṁstripādo dharmaviplavaḥ

कलियुग में तो इसकी महिमा वेद भी नहीं जानते — विशेष रूप से सुनो; उस घोर कलियुग में धर्म का तीन-चौथाई भाग नष्ट हो चुका है।

श्लोक 27 (skanda.2.78.27)

धर्मः स्यादेकपादस्तु क्वचित्तस्य भयाच्चरेत्। सर्वेनृतप्रधाना हि दांभिकाः शब्दवृत्तयः

dharmaḥ syādekapādastu kvacittasya bhayāccaret sarvenṛtapradhānā hi dāṁbhikāḥ śabdavṛttayaḥ

धर्म केवल एक चरण पर टिका रहता है, और उसका भी लोग भय से ही पालन करते हैं; सब लोग असत्य-प्रधान, पाखंडी और शब्दजीवी हो जाते हैं।

श्लोक 28 (skanda.2.78.28)

प्रायश्च धर्मविमुखा जिह्वोपस्थपरायणाः। न ध्यायंति तपस्यन्ति व्रतयंति कदाचन

prāyaśca dharmavimukhā jihvopasthaparāyaṇāḥ na dhyāyaṁti tapasyanti vratayaṁti kadācana

प्रायः धर्म से विमुख, जीभ और उपस्थ इंद्रियों में लीन होकर, वे न ध्यान करते हैं, न तप करते हैं, न कभी व्रत रखते हैं।

श्लोक 29 (skanda.2.78.29)

अधर्मबहुलाः सर्वे हिंसका लोलुपाः परम्। परेषां परिवादेन तुष्यन्ति स्वकृतं विना

adharmabahulāḥ sarve hiṁsakā lolupāḥ param pareṣāṁ parivādena tuṣyanti svakṛtaṁ vinā

सब अधर्म-प्रधान, हिंसक और अत्यंत लोभी होते हैं; अपने बिना कुछ किए, दूसरों की निंदा करके ही संतुष्ट होते हैं।

श्लोक 30 (skanda.2.78.30)

प्रसंगात्कौतुकाद्वापि निघ्नंति परकर्म वै। क्षुद्रकार्याशयात्स्वस्य परकार्यप्रबाधकाः

prasaṁgātkautukādvāpi nighnaṁti parakarma vai kṣudrakāryāśayātsvasya parakāryaprabādhakāḥ

प्रसंगवश या कौतुकवश भी वे दूसरों के कार्य को नष्ट कर देते हैं; अपने तुच्छ प्रयोजनों के लिए वे दूसरों के कार्यों में बाधा डालने वाले होते हैं।

श्लोक 31 (skanda.2.78.31)

धर्मलब्धां स्त्रियं रम्यामवज्ञाय स्ववेश्मनि। परयोषिति निंद्यायां प्रसक्ताः पशुचेष्टिताः

dharmalabdhāṁ striyaṁ ramyāmavajñāya svaveśmani parayoṣiti niṁdyāyāṁ prasaktāḥ paśuceṣṭitāḥ

धर्मपूर्वक प्राप्त सुंदर पत्नी की उपेक्षा करके, अपने घर में भी, वे निंदनीय पराई स्त्रियों में आसक्त रहते हैं, पशुओं जैसी चेष्टा करते हुए।

श्लोक 32 (skanda.2.78.32)

अग्निहोत्रादिकं वापि व्रतं नान्यत्क्वचित्क्वचित्। जीविका तद्द्विजातीनां येषां वा पारलौकिकम्

agnihotrādikaṁ vāpi vrataṁ nānyatkvacitkvacit jīvikā taddvijātīnāṁ yeṣāṁ vā pāralaukikam

अग्निहोत्र आदि तथा कोई भी अन्य व्रत, जो द्विजों की जीविका अथवा पारलौकिक साधन होते हैं, उनका पालन नहीं करते।

श्लोक 33 (skanda.2.78.33)

अव्रताधीतवेदेन अन्यायाप्तधनेन च। वित्तशाठ्येन च कृतं न तथा फलदायि तत्

avratādhītavedena anyāyāptadhanena ca vittaśāṭhyena ca kṛtaṁ na tathā phaladāyi tat

बिना व्रत के पढ़े वेद से, अन्यायपूर्वक अर्जित धन से, और कंजूसी से किया गया कर्म उतना फलदायी नहीं होता।

श्लोक 34 (skanda.2.78.34)

प्रायः कलियुगे भूपाः प्रजावनपराङ्मुखाः। करादानपरा नित्यं पापिष्ठाश्चौर्यवृत्तयः

prāyaḥ kaliyuge bhūpāḥ prajāvanaparāṅmukhāḥ karādānaparā nityaṁ pāpiṣṭhāścauryavṛttayaḥ

कलियुग में प्रायः राजा लोग प्रजा से विमुख, नित्य कर लेने में तत्पर, पापी और चोरी की वृत्ति वाले होते हैं।

श्लोक 35 (skanda.2.78.35)

वर्णसंकरिणः सर्वे शूद्रप्रायाः कलौ युगे। हर्तारः पार्थिवा एव शूद्राश्च नृपसेवकाः

varṇasaṁkariṇaḥ sarve śūdraprāyāḥ kalau yuge hartāraḥ pārthivā eva śūdrāśca nṛpasevakāḥ

कलियुग में सब वर्णसंकर, प्रायः शूद्र जैसे हो जाते हैं; राजा लूटने वाले ही होते हैं, और शूद्र राजाओं के सेवक बन जाते हैं।

श्लोक 36 (skanda.2.78.36)

श्रौतस्मार्तादिकं कर्म न तथा सदनुष्ठितम्। युगे चतुर्थे भो विप्राः परलोकाय कल्पिते

śrautasmārtādikaṁ karma na tathā sadanuṣṭhitam yuge caturthe bho viprāḥ paralokāya kalpite

श्रौत-स्मार्त आदि कर्म भलीभाँति नहीं किए जाते; हे विप्रो, चतुर्थ युग में जो परलोक के लिए बताया गया,

श्लोक 37 (skanda.2.78.37)

दानधर्मः परो ह्येष नान्यो धर्मः प्रशस्यते। कर्मणा मनसा वाचा हितमिच्छेद्द्विजन्मनाम्

dānadharmaḥ paro hyeṣa nānyo dharmaḥ praśasyate karmaṇā manasā vācā hitamiccheddvijanmanām

वह श्रेष्ठ धर्म दान-धर्म ही है, और कोई अन्य धर्म प्रशंसनीय नहीं है; कर्म, मन और वाणी से द्विजों का हित चाहना चाहिए।

श्लोक 38 (skanda.2.78.38)

इति होवाच भगवान्ब्राह्मणो मामकी तनुः। ब्राह्मणा यस्य संतुष्टाः सन्तुष्टस्तस्य चाप्यहम्

iti hovāca bhagavānbrāhmaṇo māmakī tanuḥ brāhmaṇā yasya saṁtuṣṭāḥ santuṣṭastasya cāpyaham

भगवान ने स्वयं यह कहा है — 'ब्राह्मण मेरा ही शरीर हैं; जिसके ब्राह्मण संतुष्ट हैं, उससे मैं भी संतुष्ट होता हूँ।'

श्लोक 39 (skanda.2.78.39)

उभयत्र समो भूयाद्ब्राह्मणे च जनार्दने। यद्वदंति द्विजा वाक्यं तत्स्वयं भगवान्वदेत्

ubhayatra samo bhūyādbrāhmaṇe ca janārdane yadvadaṁti dvijā vākyaṁ tatsvayaṁ bhagavānvadet

दोनों में समान भाव रखे — ब्राह्मण में और जनार्दन में; जो वचन द्विज कहते हैं, वही वचन भगवान स्वयं कहते हैं।

श्लोक 40 (skanda.2.78.40)

यथातथा वर्तमानो वर्णानां ब्राह्मणो गुरुः। भगवानपि देवेशः स साक्षाद्ब्राह्मणप्रियः

yathātathā vartamāno varṇānāṁ brāhmaṇo guruḥ bhagavānapi deveśaḥ sa sākṣādbrāhmaṇapriyaḥ

चाहे जैसे भी आचरण करे, ब्राह्मण वर्णों का गुरु है; देवाधिदेव भगवान भी साक्षात् ब्राह्मणप्रिय हैं।

श्लोक 41 (skanda.2.78.41)

सदावतारं कुरुते ब्राह्मणार्थं जनार्दनः। तत्पालनार्थं दुष्टान्वै निगृह्णाति युगे युगे

sadāvatāraṁ kurute brāhmaṇārthaṁ janārdanaḥ tatpālanārthaṁ duṣṭānvai nigṛhṇāti yuge yuge

जनार्दन ब्राह्मणों के लिए ही सदा अवतार लेते हैं; उनकी रक्षा के लिए ही वे युग-युग में दुष्टों का निग्रह करते हैं।

श्लोक 42 (skanda.2.78.42)

ससर्ज ब्राह्मणानग्रे सृष्ट्यादौ स चतुर्मुखः। सर्वे वर्णाः पृथक्पश्चात्तेषां वंशेषु जज्ञिरे

sasarja brāhmaṇānagre sṛṣṭyādau sa caturmukhaḥ sarve varṇāḥ pṛthakpaścātteṣāṁ vaṁśeṣu jajñire

सृष्टि के आरंभ में चतुर्मुख ब्रह्मा ने पहले ब्राह्मणों की रचना की; बाद में उनके ही वंशों में सब वर्ण अलग-अलग उत्पन्न हुए।

श्लोक 43 (skanda.2.78.43)

तस्मात्कलियुगे तस्मिन्ब्राह्मणो विष्णुरेव च। उभौ गतिश्च सर्वेषां ब्राह्मणानां हरिर्गतिः

tasmātkaliyuge tasminbrāhmaṇo viṣṇureva ca ubhau gatiśca sarveṣāṁ brāhmaṇānāṁ harirgatiḥ

इसलिए उस कलियुग में ब्राह्मण और विष्णु दोनों ही सब प्राणियों की गति हैं; और सब ब्राह्मणों की गति हरि ही हैं।

श्लोक 44 (skanda.2.78.44)

हरिरेवात्र सर्वेषां गतिः प्राप्ते कलौ युगे। शालग्रामादिके क्षेत्रे स्मर्यते कीर्त्यतेऽपि च

harirevātra sarveṣāṁ gatiḥ prāpte kalau yuge śālagrāmādike kṣetre smaryate kīrtyate'pi ca

कलियुग आने पर हरि ही सबका आश्रय हैं; शालग्राम आदि क्षेत्रों में उनका स्मरण और कीर्तन भी होता है।

श्लोक 45 (skanda.2.78.45)

तस्मिन्नीलाचले पुण्ये क्षेत्रे क्षेत्रज्ञवर्ष्मणि। जीवभूतः स सर्वेषां दारुव्याजशरीरभृत्

tasminnīlācale puṇye kṣetre kṣetrajñavarṣmaṇi jīvabhūtaḥ sa sarveṣāṁ dāruvyājaśarīrabhṛt

उस पवित्र नीलाचल क्षेत्र में, जो क्षेत्रज्ञ का शरीर है, वे सबके जीव-भूत होकर, काष्ठ के बहाने शरीर धारण करते हैं।

श्लोक 46 (skanda.2.78.46)

कलिकल्मषनाशाय प्रायो दुष्कृतकर्मणाम्। दर्शनस्तवनोच्छिष्टभोजनैर्मुक्तिदायकः

kalikalmaṣanāśāya prāyo duṣkṛtakarmaṇām darśanastavanocchiṣṭabhojanairmuktidāyakaḥ

कलियुग के पापों को नष्ट करने के लिए, प्रायः दुष्कर्मी लोगों को भी, दर्शन, स्तवन और उच्छिष्ट-भोजन के द्वारा मुक्ति देते हैं।

श्लोक 47 (skanda.2.78.47)

उच्छिष्टेन सुरेशस्य व्याप्तं यस्य कलेवरम्। तदाहारस्तदात्मा हि लिप्यते न स पातकैः

ucchiṣṭena sureśasya vyāptaṁ yasya kalevaram tadāhārastadātmā hi lipyate na sa pātakaiḥ

जिसका शरीर देवेश के उच्छिष्ट से व्याप्त हो गया है, उसका आहार और आत्मा दोनों पवित्र हो जाते हैं; वह पापों से लिप्त नहीं होता।

श्लोक 48 (skanda.2.78.48)

निवेदनीयमन्यासु मूर्तिष्वीशस्य वर्तते। पावनं तदपि प्रोक्तमुच्छिष्टं तु विमोचकम्

nivedanīyamanyāsu mūrtiṣvīśasya vartate pāvanaṁ tadapi proktamucchiṣṭaṁ tu vimocakam

अन्य मूर्तियों में निवेदन की गई वस्तु भी पवित्र मानी गई है, परंतु उच्छिष्ट तो मोक्षदायिनी ही है।

श्लोक 49 (skanda.2.78.49)

भुंक्ते त्वत्रैव भगवान्पश्यत्यन्यत्र चक्षुषा। पुरायं प्रार्थितो देवो योगिभिः परिवेष्टितैः

bhuṁkte tvatraiva bhagavānpaśyatyanyatra cakṣuṣā purāyaṁ prārthito devo yogibhiḥ pariveṣṭitaiḥ

भगवान यहीं भोजन करते हैं, और साथ ही अपनी दृष्टि से अन्यत्र भी देखते हैं; प्राचीन काल में योगियों से घिरे इस देव से यह प्रार्थना की गई थी —

श्लोक 50 (skanda.2.78.50)

निर्माल्योच्छिष्टभोगेन तव मायां जयेमहि। अत्यंतस्तिमिताक्षाणामनायासेन मुक्तिदः

nirmālyocchiṣṭabhogena tava māyāṁ jayemahi atyaṁtastimitākṣāṇāmanāyāsena muktidaḥ

'आपके निर्माल्य और उच्छिष्ट के भोग से हम आपकी माया पर विजय पाएँ' — इस प्रकार वे अत्यंत ध्यान-मग्न नेत्रों वालों को भी बिना परिश्रम मुक्ति देने वाले हैं।

श्लोक 51 (skanda.2.78.51)

शयनासनभोगाद्यै रमते च श्रिया सह। अत्र चेष्टा भगवतो वेदार्थ इति धार्यताम्

śayanāsanabhogādyai ramate ca śriyā saha atra ceṣṭā bhagavato vedārtha iti dhāryatām

शय्या, आसन, भोग आदि से वे श्री के साथ रमण करते हैं; यहाँ भगवान की यह चेष्टा वेदार्थ ही है, ऐसा धारण करना चाहिए।

श्लोक 52 (skanda.2.78.52)

समतिक्रांतवेदो हि न कदाचित्प्रवर्तते। वेदरक्षार्थमेवास्य संभवो हि युगे युगे

samatikrāṁtavedo hi na kadācitpravartate vedarakṣārthamevāsya saṁbhavo hi yuge yuge

वेद का उल्लंघन करने वाला आचरण कभी प्रवृत्त नहीं होता; वेद की रक्षा के लिए ही तो उनका युग-युग में अवतार होता है।

श्लोक 53 (skanda.2.78.53)

प्रमाणभूतो भगवान्विरुद्धं कथमाचरेत्। तस्मिन्विरुद्धं चरति जगदेव तथा भवेत्

pramāṇabhūto bhagavānviruddhaṁ kathamācaret tasminviruddhaṁ carati jagadeva tathā bhavet

प्रमाणभूत भगवान भला विरुद्ध आचरण कैसे करेंगे? यदि वे विरुद्ध आचरण करें, तो सारा जगत् वैसा ही हो जाएगा।

श्लोक 54 (skanda.2.78.54)

आचारेण हि वेदार्थो नियतो धामतां गतः। मध्यदेशभवः पूर्वमत्रागच्छद्द्विजोत्तमः

ācāreṇa hi vedārtho niyato dhāmatāṁ gataḥ madhyadeśabhavaḥ pūrvamatrāgacchaddvijottamaḥ

आचार से ही वेदार्थ स्थिर और सुरक्षित रहता है। मध्यदेश में उत्पन्न एक श्रेष्ठ द्विज पूर्वकाल में यहाँ आए थे।

श्लोक 55 (skanda.2.78.55)

शिष्टाचारैः सुविमलः शास्त्रार्थपरिनिष्ठितः। सदा शांतः सदा दांतः कायवाङ्मनसैर्गृही

śiṣṭācāraiḥ suvimalaḥ śāstrārthapariniṣṭhitaḥ sadā śāṁtaḥ sadā dāṁtaḥ kāyavāṅmanasairgṛhī

शिष्ट आचार से अत्यंत निर्मल, शास्त्रार्थ में सुस्थित, सदा शांत, सदा संयमी, काया-वाणी-मन से गृहस्थ-धर्म का पालन करने वाला,

श्लोक 56 (skanda.2.78.56)

स तीर्थविधिना देवं समभ्यर्च्य च साग्निकः। त्रिरात्रमत्रोषितवान्विष्ण्वर्चनपरः शुचिः

sa tīrthavidhinā devaṁ samabhyarcya ca sāgnikaḥ trirātramatroṣitavānviṣṇvarcanaparaḥ śuciḥ

उन्होंने तीर्थ-विधि से देवता की पूजा की, अग्निहोत्री होते हुए, तथा विष्णु-अर्चन में तत्पर, पवित्र होकर तीन रात वहाँ निवास किया।

श्लोक 57 (skanda.2.78.57)

यज्ञशेषं गृहस्थानां भोक्तव्यमिति शास्त्रतः। देवोच्छिष्टं न जग्राह अन्यपाकाभिशंकया

yajñaśeṣaṁ gṛhasthānāṁ bhoktavyamiti śāstrataḥ devocchiṣṭaṁ na jagrāha anyapākābhiśaṁkayā

शास्त्र के अनुसार गृहस्थों को यज्ञ-शेष ही खाना चाहिए — यह मानकर, अन्य के द्वारा पकाए जाने की आशंका से, उसने देवता के उच्छिष्ट को ग्रहण नहीं किया।

श्लोक 58 (skanda.2.78.58)

दैवतैरत्र संस्कार्यो देवयोग्यः कथं भवेत्। अयोग्यत्वाच्च नैवेद्यमग्राह्यं च भवेद्ध्रुवम्

daivatairatra saṁskāryo devayogyaḥ kathaṁ bhavet ayogyatvācca naivedyamagrāhyaṁ ca bhaveddhruvam

उसने सोचा — देवताओं द्वारा संस्कारित यह भोग देवयोग्य कैसे होगा? अयोग्य होने के कारण यह नैवेद्य निश्चय ही अग्राह्य होगा।

श्लोक 59 (skanda.2.78.59)

अगृहीते च नैवेद्ये श्रोत्रियेण तदा द्विजाः। सर्वे च तस्यानुचरा नाभुंजंत निवेदितम्

agṛhīte ca naivedye śrotriyeṇa tadā dvijāḥ sarve ca tasyānucarā nābhuṁjaṁta niveditam

उस श्रोत्रिय द्वारा नैवेद्य ग्रहण न किए जाने पर, हे द्विजो, उसके सभी अनुचरों ने भी उस निवेदित भोजन को नहीं खाया।

श्लोक 60 (skanda.2.78.60)

ततः स व्याधिसंमग्नो विह्वलीभूतविग्रहः। सकुटुंबोऽभवन्मूको भगवद्द्रोहसंयुतः

tataḥ sa vyādhisaṁmagno vihvalībhūtavigrahaḥ sakuṭuṁbo'bhavanmūko bhagavaddrohasaṁyutaḥ

तब वह, अपने परिवार सहित, रोगग्रस्त होकर, शरीर से व्याकुल, मूक होकर, भगवद्-द्रोह के दोष से युक्त हो गया।

श्लोक 61 (skanda.2.78.61)

मनसा चिन्तयत्येवं निर्निमित्तं कथं नु मे। कुटुम्बसहितस्याभूत्पीडा सर्वांगभंजिनी

manasā cintayatyevaṁ nirnimittaṁ kathaṁ nu me kuṭumbasahitasyābhūtpīḍā sarvāṁgabhaṁjinī

वह मन में सोचने लगा — 'बिना किसी कारण के मुझे और मेरे परिवार को यह सर्वांग-भंजक पीड़ा कैसे हुई?'

श्लोक 62 (skanda.2.78.62)

एवं चिन्तयमानस्य त्रिरात्रांतेऽभवन्मतिः। नेदृशी व्याधिपीडा च सर्वेषामेकदा भवेत्

evaṁ cintayamānasya trirātrāṁte'bhavanmatiḥ nedṛśī vyādhipīḍā ca sarveṣāmekadā bhavet

इस प्रकार सोचते हुए, तीन रात के अंत में उसे यह विचार आया कि ऐसी रोग-पीड़ा सब पर एक साथ कभी अकारण नहीं होती।

श्लोक 63 (skanda.2.78.63)

को वा द्रोहः कृतोऽस्माभिरेतस्मिन्पुरुषोत्तमे। न बुद्धिपूर्वकः किं स्यात्ततो मे व्याधिकारणम्

ko vā drohaḥ kṛto'smābhiretasminpuruṣottame na buddhipūrvakaḥ kiṁ syāttato me vyādhikāraṇam

'हमने इस पुरुषोत्तम-क्षेत्र में ऐसा कौन-सा अपराध किया है? क्या यह जान-बूझकर नहीं हुआ, जो मेरी व्याधि का कारण बना?'

श्लोक 64 (skanda.2.78.64)

मुहुरित्थं चिन्तयित्वा दध्यौ नारायणं प्रभुम्। ध्यानावसाने तुष्टाव शास्त्रतत्त्वार्थदर्शकः

muhuritthaṁ cintayitvā dadhyau nārāyaṇaṁ prabhum dhyānāvasāne tuṣṭāva śāstratattvārthadarśakaḥ

बार-बार ऐसा सोचकर उसने प्रभु नारायण का ध्यान किया; ध्यान के अंत में, शास्त्र के तत्त्वार्थ को देखने वाले उसने उनकी स्तुति की।

श्लोक 65 (skanda.2.78.65)

शांडिल्य उवाच। चतुर्दशापि या विद्या धर्मनिर्णयहेतवः। ताः सर्वास्तव वाक्यानि मुखपद्मविनिर्गताः

śāṁḍilya uvāca caturdaśāpi yā vidyā dharmanirṇayahetavaḥ tāḥ sarvāstava vākyāni mukhapadmavinirgatāḥ

शांडिल्य ने कहा — चौदहों विद्याएँ, जो धर्म-निर्णय का कारण हैं, वे सब आपके ही वचन हैं, जो आपके मुख-कमल से निकली हैं।

श्लोक 66 (skanda.2.78.66)

ताभिरेवाचरेद्धर्ममिति शास्त्रार्थनिश्चयः। तस्य धर्मस्य रक्षार्थमवतारो युगे युगे

tābhirevācareddharmamiti śāstrārthaniścayaḥ tasya dharmasya rakṣārthamavatāro yuge yuge

उन्हीं के अनुसार धर्म का आचरण करना चाहिए — यही शास्त्र का निश्चित अर्थ है; उस धर्म की रक्षा के लिए ही युग-युग में आपका अवतार होता है।

श्लोक 67 (skanda.2.78.67)

तमुल्लंघ्य वर्त्तमानो भवद्द्रोहकरो ध्रुवम्। अहं ते देवदेवेश कर्मणा मनसा गिरा

tamullaṁghya varttamāno bhavaddrohakaro dhruvam ahaṁ te devadeveśa karmaṇā manasā girā

उसका उल्लंघन करके आचरण करने वाला निश्चय ही आपके प्रति द्रोह करने वाला होता है; हे देवाधिदेव, मैं कर्म, मन और वाणी से,

श्लोक 68 (skanda.2.78.68)

धर्मशास्त्रमतिक्रम्य न वर्त्तेऽप्यर्थकामयोः। अनेक जन्मसाहस्रैः संचितं पापसंचयम्

dharmaśāstramatikramya na vartte'pyarthakāmayoḥ aneka janmasāhasraiḥ saṁcitaṁ pāpasaṁcayam

धर्मशास्त्र का अतिक्रमण करके न तो अर्थ में और न ही काम में प्रवृत्त हुआ हूँ; अनेक सहस्र जन्मों में संचित पाप-राशि को,

श्लोक 69 (skanda.2.78.69)

दग्धुमत्रागतो देव त्वद्दर्शनदवाग्निना। कोऽपराधः कृतो देव त्वच्छास्त्रपथि वर्तिना। सर्वांगं वाधते यस्मादुग्रो व्याधिरहेतुकः

dagdhumatrāgato deva tvaddarśanadavāgninā ko'parādhaḥ kṛto deva tvacchāstrapathi vartinā sarvāṁgaṁ vādhate yasmādugro vyādhirahetukaḥ

भस्म करने के लिए ही, हे देव, मैं आपके दर्शन-रूपी दावाग्नि के पास आया हूँ; हे देव, आपके शास्त्र-पथ पर चलते हुए मुझसे ऐसा कौन-सा अपराध हुआ, कि यह तीव्र और अकारण व्याधि मेरे सारे शरीर को पीड़ित कर रही है?

श्लोक 70 (skanda.2.78.70)

ज्ञानतोऽज्ञानतो वापि त्वत्पादसरसीरुहे। कृतोऽपराधो यो देव तं क्षमस्व कृपांबुधे। भूमौ स्खलितपादानां भूमिरेवावलंबनम्

jñānato'jñānato vāpi tvatpādasarasīruhe kṛto'parādho yo deva taṁ kṣamasva kṛpāṁbudhe bhūmau skhalitapādānāṁ bhūmirevāvalaṁbanam

हे देव, जाने या अनजाने, आपके चरण-कमलों में जो अपराध हुआ हो, हे कृपासागर, उसे क्षमा कीजिए; भूमि पर गिरे हुए पैरों वालों के लिए भूमि ही सहारा होती है।

श्लोक 71 (skanda.2.78.71)

त्वयि जातापराधानां त्वमेव शरणं प्रभो। तवापराधजं पापं त्वमेव च क्षमस्व मे

tvayi jātāparādhānāṁ tvameva śaraṇaṁ prabho tavāparādhajaṁ pāpaṁ tvameva ca kṣamasva me

हे प्रभु, आपके प्रति अपराध करने वालों के लिए आप ही शरण हैं; आपके प्रति हुए पाप को आप ही क्षमा कीजिए।

श्लोक 72 (skanda.2.78.72)

वह्निसंतापतो नश्येद्वह्निसंतापजो व्रण। तदिमां दुर्दशां देव प्रारब्धां पापबीजजाम्

vahnisaṁtāpato naśyedvahnisaṁtāpajo vraṇa tadimāṁ durdaśāṁ deva prārabdhāṁ pāpabījajām

अग्नि के संताप से उत्पन्न घाव अग्नि के संताप से ही नष्ट होता है; इसलिए, हे देव, पाप-बीज से उत्पन्न इस दुर्दशा को,

श्लोक 73 (skanda.2.78.73)

लीलापांगेन शमय अपवर्गैकहेतुना। मामुद्धर जगन्नाथ पतितं शोकसागरे

līlāpāṁgena śamaya apavargaikahetunā māmuddhara jagannātha patitaṁ śokasāgare

मोक्ष के एकमात्र कारण अपने लीला-कटाक्ष से शांत कीजिए; हे जगन्नाथ, शोक-सागर में डूबे हुए मुझे ऊपर उठाइए।

श्लोक 74 (skanda.2.78.74)

त्वद्दर्शनपथं यातः किं नु शोच्यो भवेन्नरः। निसर्गकरुणांभोधे यस्त्वद्दृष्टिपथं गतः

tvaddarśanapathaṁ yātaḥ kiṁ nu śocyo bhavennaraḥ nisargakaruṇāṁbhodhe yastvaddṛṣṭipathaṁ gataḥ

आपके दर्शन के मार्ग में आया हुआ मनुष्य भला शोक करने योग्य कैसे हो सकता है? स्वभाव से ही करुणा के सागर, आपकी दृष्टि के मार्ग में जो आ जाता है,

श्लोक 75 (skanda.2.78.75)

सदानन्दाब्धिसंमग्नो न शोचति न कांक्षति। नाल्पभाग्यो ह्यहं देव त्वामद्राक्षं स्वचक्षुषा

sadānandābdhisaṁmagno na śocati na kāṁkṣati nālpabhāgyo hyahaṁ deva tvāmadrākṣaṁ svacakṣuṣā

वह सदा आनंद-सागर में डूबा रहता है, न शोक करता है, न कामना करता है; हे देव, मैं कम भाग्य वाला नहीं हूँ, क्योंकि मैंने आपको अपनी आँखों से देखा है।

श्लोक 76 (skanda.2.78.76)

अपवर्गांतरायो मे ध्रुवमेषा विभीषिका। तत्प्रसीद जगन्नाथ सेवकं द्रोहिणं सदा

apavargāṁtarāyo me dhruvameṣā vibhīṣikā tatprasīda jagannātha sevakaṁ drohiṇaṁ sadā

यह भय-रूपी बाधा निश्चय ही मेरी मुक्ति में विघ्न है; इसलिए, हे जगन्नाथ, अपने सेवक पर, जो सदा द्रोही रहा है, प्रसन्न होइए।

श्लोक 77 (skanda.2.78.77)

सेव्यसेवकसंबंधादपराधं क्षमस्व मे। इति स्तवांते तस्याशु देहपीडागमत्तदा

sevyasevakasaṁbaṁdhādaparādhaṁ kṣamasva me iti stavāṁte tasyāśu dehapīḍāgamattadā

सेव्य और सेवक के संबंध से हुए मेरे अपराध को क्षमा कीजिए। इतनी स्तुति के अंत में, उसकी शरीर-पीड़ा शीघ्र ही दूर हो गई।

श्लोक 78 (skanda.2.78.78)

ददर्श सोथ गोविन्दं नृसिंहं भक्तवत्सलम्। दिव्यसिंहासनारूढं दिव्यालंकारभूषितम्

dadarśa sotha govindaṁ nṛsiṁhaṁ bhaktavatsalam divyasiṁhāsanārūḍhaṁ divyālaṁkārabhūṣitam

तब उसने भक्तवत्सल गोविंद नृसिंह को देखा, जो दिव्य सिंहासन पर विराजमान, दिव्य आभूषणों से सुशोभित थे,

श्लोक 79 (skanda.2.78.79)

आददानं श्रिया दत्तं परमान्नं करांबुजे। ग्रासावशेषं पात्रेषु क्षिपंतं च मुहुर्मुहुः

ādadānaṁ śriyā dattaṁ paramānnaṁ karāṁbuje grāsāvaśeṣaṁ pātreṣu kṣipaṁtaṁ ca muhurmuhuḥ

श्री द्वारा दिए गए उत्तम अन्न को अपने कर-कमल में लेते हुए, बार-बार पात्रों में ग्रास का शेष भाग डालते हुए,

श्लोक 80 (skanda.2.78.80)

यावद्दत्तं वस्तुजातं तावदश्नंतमत्वरम्। विलाससस्मितापांगं हस्ते लक्ष्म्यापवर्जितम्

yāvaddattaṁ vastujātaṁ tāvadaśnaṁtamatvaram vilāsasasmitāpāṁgaṁ haste lakṣmyāpavarjitam

जितना भी वस्तु परोसी जाती, उतना ही बिना विलंब के खाते हुए, हास्य और विलासपूर्ण चितवन से युक्त, हाथ में लक्ष्मी द्वारा दिए गए ग्रास से युक्त।

श्लोक 81 (skanda.2.78.81)

तं दृष्ट्वा विस्मयाविष्टः शांडिल्यः स द्विजोत्तमः। सस्मारात्मकृतं द्रोहं नैवेद्याग्रहणे स्थितम्

taṁ dṛṣṭvā vismayāviṣṭaḥ śāṁḍilyaḥ sa dvijottamaḥ sasmārātmakṛtaṁ drohaṁ naivedyāgrahaṇe sthitam

उन्हें देखकर आश्चर्यचकित हुए द्विजश्रेष्ठ शांडिल्य को नैवेद्य ग्रहण न करने में स्थित अपना ही अपराध याद आ गया।

श्लोक 82 (skanda.2.78.82)

क्वाहं प्रादेशिकः प्राज्ञः सर्वज्ञाननिधिर्भवान्। क्व त्वं महदहंकारभूततत्त्व विसर्जकः

kvāhaṁ prādeśikaḥ prājñaḥ sarvajñānanidhirbhavān kva tvaṁ mahadahaṁkārabhūtatattva visarjakaḥ

'मैं कहाँ, संकुचित बुद्धि वाला, और आप कहाँ, समस्त ज्ञान के भंडार! मैं कहाँ, और आप कहाँ, महत् और अहंकार के मूल तत्त्वों के भी विसर्जक!

श्लोक 83 (skanda.2.78.83)

त्वन्मायामूढमनसो जानीयुः कथमीश ते। निरंकुशामनिर्वाच्यामिच्छां सृष्टिलयात्मिकाम्

tvanmāyāmūḍhamanaso jānīyuḥ kathamīśa te niraṁkuśāmanirvācyāmicchāṁ sṛṣṭilayātmikām

आपकी माया से मोहित मन वाले लोग भला कैसे जान सकते हैं, हे ईश्वर, आपकी निरंकुश, अनिर्वचनीय, सृष्टि और लय-रूपा इच्छा को?'

श्लोक 84 (skanda.2.78.84)

इति स्तुवंतं नृहरिस्तेनैवोच्छिष्टपाणिना। सिषेच ग्रासशिष्टांश्च सर्वांगे द्विजसत्तमम्

iti stuvaṁtaṁ nṛharistenaivocchiṣṭapāṇinā siṣeca grāsaśiṣṭāṁśca sarvāṁge dvijasattamam

इस प्रकार स्तुति करते हुए उस श्रेष्ठ द्विज पर नृहरि ने अपने ही जूठन-भरे हाथ से, ग्रास के शेष भाग को उसके सारे अंगों पर छिड़क दिया।

श्लोक 85 (skanda.2.78.85)

तैः सिक्तैर्ब्राह्मणः सद्यः सुधासेकोपमैर्मुदा। बभौ दिव्यवपुः श्रीमांञ्जीवन्मुक्तो यथा मुनिः

taiḥ siktairbrāhmaṇaḥ sadyaḥ sudhāsekopamairmudā babhau divyavapuḥ śrīmāṁñjīvanmukto yathā muniḥ

उनसे सींचा जाकर, वह ब्राह्मण तत्काल, मानो अमृत से सींचा गया हो, हर्षपूर्वक दिव्य शरीर वाला, श्रीमान होकर, जीवन्मुक्त मुनि के समान शोभित हुआ।

श्लोक 86 (skanda.2.78.86)

महिमानं हि भक्तेस्तु भक्ता एव विजानते। महतीं सूतिपीडां तु वन्ध्या नानुभवेत्क्वचित्

mahimānaṁ hi bhaktestu bhaktā eva vijānate mahatīṁ sūtipīḍāṁ tu vandhyā nānubhavetkvacit

भक्ति की महिमा को भक्त ही जानते हैं; बांझ स्त्री कभी प्रसव-पीड़ा की महानता को अनुभव नहीं कर सकती।

श्लोक 87 (skanda.2.78.87)

इत्युदीर्य स्वयं गात्रादुच्छिष्टं परमात्मनः। भुक्त्वा कृतार्थमात्मानं मेने श्रोत्रियपुंगवः

ityudīrya svayaṁ gātrāducchiṣṭaṁ paramātmanaḥ bhuktvā kṛtārthamātmānaṁ mene śrotriyapuṁgavaḥ

इस प्रकार कहकर, उस परमात्मा के शरीर से गिरे उच्छिष्ट को स्वयं खाकर, वह श्रेष्ठ श्रोत्रिय अपने को कृतार्थ मानने लगा।

श्लोक 88 (skanda.2.78.88)

साधारणं धर्मशास्त्रं क्षेत्रेऽस्मिन्न विचार्यते। अयं तु परमो धर्मो यो देवेन प्रकीर्तितः

sādhāraṇaṁ dharmaśāstraṁ kṣetre'sminna vicāryate ayaṁ tu paramo dharmo yo devena prakīrtitaḥ

इस क्षेत्र में साधारण धर्मशास्त्र का विचार नहीं किया जाता; यहाँ तो वही परम धर्म है, जो स्वयं देवता द्वारा घोषित किया गया है।

श्लोक 89 (skanda.2.78.89)

आचारप्रभवो धर्मो धर्मस्य प्रभुरच्युतः। इत्थं संचितयन्विप्रः कुटुम्बार्थेऽवशेषितम्

ācāraprabhavo dharmo dharmasya prabhuracyutaḥ itthaṁ saṁcitayanvipraḥ kuṭumbārthe'vaśeṣitam

धर्म आचार से उत्पन्न होता है, और धर्म के स्वामी स्वयं अच्युत हैं — इस प्रकार सोचते हुए उस द्विज ने, अपने परिवार के लिए बचा हुआ नैवेद्य,

श्लोक 90 (skanda.2.78.90)

आजहार स्वयं मुष्ट्या ध्यानभङ्गमवाप च। प्रबुद्धश्चिंतयामास स्वप्नं तं विस्मिताशयः

ājahāra svayaṁ muṣṭyā dhyānabhaṅgamavāpa ca prabuddhaściṁtayāmāsa svapnaṁ taṁ vismitāśayaḥ

अपने ही हाथ से बटोरकर ले लिया, और उसका ध्यान भंग हो गया; जागने पर, आश्चर्यचकित मन से, उसने उस स्वप्न पर विचार किया।

श्लोक 91 (skanda.2.78.91)

अयमेव मम द्रोहो ह्यवज्ञासिषमीश्वरम्। नैवेद्याशन माहात्म्यमजानन्परमाद्भुतम्

ayameva mama droho hyavajñāsiṣamīśvaram naivedyāśana māhātmyamajānanparamādbhutam

'यही मेरा अपराध था कि मैंने ईश्वर की अवज्ञा की, नैवेद्य-भोजन की परम अद्भुत महिमा को न जानते हुए।

श्लोक 92 (skanda.2.78.92)

अष्टादश चतुर्दश ब्रह्मांडं यत्पदांबुजम्। धर्मद्रवेण प्रक्षाल्य अपुनात्स्वं तदंबुना

aṣṭādaśa caturdaśa brahmāṁḍaṁ yatpadāṁbujam dharmadraveṇa prakṣālya apunātsvaṁ tadaṁbunā

अठारह और चौदह ब्रह्मांडों को जिनके चरण-कमल धर्म-जल से धोकर पवित्र करते हैं,

श्लोक 93 (skanda.2.78.93)

यमर्चयंति शक्राद्या दिव्यभोगैरनुत्तमैः। स मानुष्यकृतं भुंक्ते क्षेत्रेस्मिन्महदद्भुतम्

yamarcayaṁti śakrādyā divyabhogairanuttamaiḥ sa mānuṣyakṛtaṁ bhuṁkte kṣetresminmahadadbhutam

जिनकी इंद्र आदि देवता उत्तम दिव्य भोगों से पूजा करते हैं, वे ही इस क्षेत्र में मनुष्य द्वारा बनाया गया भोजन खाते हैं — यह महान आश्चर्य है।'

श्लोक 94 (skanda.2.78.94)

इत्याश्चर्यपरस्तेन स्वप्नलब्धेन वै द्विजाः। नैवेद्येन कुटुम्बं स्वं मार्जयामास सादरम्

ityāścaryaparastena svapnalabdhena vai dvijāḥ naivedyena kuṭumbaṁ svaṁ mārjayāmāsa sādaram

इस प्रकार, उस स्वप्न में प्राप्त नैवेद्य से आश्चर्यचकित होकर, हे द्विजो, उसने आदरपूर्वक अपने परिवार को उससे शुद्ध किया।

श्लोक 95 (skanda.2.78.95)

ततः सर्वे नीरुजास्ते सुवाक्याहृष्टमानसाः। पुनर्जन्म मन्यमानाः शशंसुः क्षेत्रमुत्तमम्

tataḥ sarve nīrujāste suvākyāhṛṣṭamānasāḥ punarjanma manyamānāḥ śaśaṁsuḥ kṣetramuttamam

तब वे सब रोगमुक्त होकर, अच्छी वाणी सुनकर हर्षित मन वाले हो गए, और मानो पुनर्जन्म पाया हो, ऐसा मानते हुए उस उत्तम क्षेत्र की प्रशंसा करने लगे।

श्लोक 96 (skanda.2.78.96)

नास्त्यस्य सदृशं क्षेत्रं सप्तद्वीपावनीतले। यत्र स्वोच्छिष्टदानेन पापान्मोचयते नरान्

nāstyasya sadṛśaṁ kṣetraṁ saptadvīpāvanītale yatra svocchiṣṭadānena pāpānmocayate narān

सातों द्वीपों वाली इस पृथ्वी पर इसके समान कोई क्षेत्र नहीं है, जहाँ भगवान अपने उच्छिष्ट के दान से ही मनुष्यों को पापों से मुक्त कर देते हैं।

श्लोक 97 (skanda.2.78.97)

पुरुषोत्तममाहात्म्यं क्षेत्रं परमदुर्लभम्। यतः स्वर्गश्च भोगश्च मुक्तिश्चैव करे स्थिता

puruṣottamamāhātmyaṁ kṣetraṁ paramadurlabham yataḥ svargaśca bhogaśca muktiścaiva kare sthitā

पुरुषोत्तम की महिमा वाला यह क्षेत्र अत्यंत दुर्लभ है, जहाँ स्वर्ग, भोग और मोक्ष तीनों ही हाथ में स्थित हैं।

श्लोक 98 (skanda.2.78.98)

आर्तानां भवकांतारे भाग्यादत्र समीयुषाम्। नानाभोगोपतृप्तानां मुक्तिमार्गः सुखं भवेत्

ārtānāṁ bhavakāṁtāre bhāgyādatra samīyuṣām nānābhogopatṛptānāṁ muktimārgaḥ sukhaṁ bhavet

संसार-रूपी वन में दुखी होकर, सौभाग्य से यहाँ आए हुए तथा नाना भोगों से तृप्त हुए लोगों के लिए, मुक्ति का मार्ग भी सहज हो जाता है।

श्लोक 99 (skanda.2.78.99)

इत्थं ते हर्षमापन्नाः प्रलपंतः परस्परम्। यथेष्टं भोजयामासुरन्योन्यं च निवेदितम्

itthaṁ te harṣamāpannāḥ pralapaṁtaḥ parasparam yatheṣṭaṁ bhojayāmāsuranyonyaṁ ca niveditam

इस प्रकार हर्ष से भरकर, आपस में बातें करते हुए, उन्होंने एक-दूसरे को यथेच्छ, उस निवेदित प्रसाद से भोजन कराया।

श्लोक 100 (skanda.2.78.100)

ततस्ते निर्मला विप्रास्तरुणादित्यवर्चसः। देवा इव बभुः सर्वे निष्पापा निर्गतज्वराः

tataste nirmalā viprāstaruṇādityavarcasaḥ devā iva babhuḥ sarve niṣpāpā nirgatajvarāḥ

तब वे निर्मल ब्राह्मण, नवोदित सूर्य के समान तेजस्वी, देवताओं के समान, निष्पाप और सब पीड़ाओं से मुक्त होकर शोभित हुए।

श्लोक 101 (skanda.2.78.101)

नैवेद्याशनमाहात्म्यं कथितं वो द्विजोत्तमाः। श्रुत्वापि महतः पापान्मुच्यते पापकृत्तमः

naivedyāśanamāhātmyaṁ kathitaṁ vo dvijottamāḥ śrutvāpi mahataḥ pāpānmucyate pāpakṛttamaḥ

हे श्रेष्ठ द्विजो, यह नैवेद्य-भक्षण की महिमा तुम्हें बताई गई; इसे सुनने मात्र से भी महान पापी अपने बड़े पापों से मुक्त हो जाता है।

श्लोक 102 (skanda.2.78.102)

निर्माल्यग्रहणस्यास्य फलं वक्तुं न शक्नुमः। साक्षाद्ब्रह्मस्वरूपेण ध्रियते वपुषा हि तत्

nirmālyagrahaṇasyāsya phalaṁ vaktuṁ na śaknumaḥ sākṣādbrahmasvarūpeṇa dhriyate vapuṣā hi tat

इस निर्माल्य को ग्रहण करने का फल हम कह ही नहीं सकते; वह साक्षात् ब्रह्म-स्वरूप ही अपने शरीर में धारण किया जाता है।

श्लोक 103 (skanda.2.78.103)

पुष्पचंदनमाल्यादि यदंगैरुपधार्यते। अपनीतं यथाकाले निर्माल्यं तत्प्रकीर्तितम्

puṣpacaṁdanamālyādi yadaṁgairupadhāryate apanītaṁ yathākāle nirmālyaṁ tatprakīrtitam

पुष्प, चंदन, माला आदि जो देवता के अंगों पर धारण किए जाते हैं, समय पर हटाए जाने पर वे ही 'निर्माल्य' कहलाते हैं।

श्लोक 104 (skanda.2.78.104)

धारणं शिरसा तस्य तेनांगे चापि मार्जनम्। सार्द्धानां कोटितीर्थानामभिषेकफलप्रदम्। भक्षणं गुरुतल्पादि पातकौघविनाशनम्

dhāraṇaṁ śirasā tasya tenāṁge cāpi mārjanam sārddhānāṁ koṭitīrthānāmabhiṣekaphalapradam bhakṣaṇaṁ gurutalpādi pātakaughavināśanam

उसे सिर पर धारण करना और शरीर पर उससे स्पर्श कराना, साढ़े तीन करोड़ तीर्थों में स्नान करने के बराबर फल देने वाला है; और उसे खाना गुरु-पत्नी-गमन जैसे बड़े पापों को भी नष्ट करने वाला है।

श्लोक 105 (skanda.2.78.105)

लेप्या मूर्त्तिरियं विष्णोरन्येभ्यो लेप उत्तमः। श्रीखंडागुरुकर्पूरकस्तूरीकुंकुमादिभिः

lepyā mūrttiriyaṁ viṣṇoranyebhyo lepa uttamaḥ śrīkhaṁḍāgurukarpūrakastūrīkuṁkumādibhiḥ

यह लेप ही विष्णु की एक साक्षात् मूर्ति है; इससे बढ़कर उत्तम कोई और लेप नहीं है — श्रीखंड, अगुरु, कर्पूर, कस्तूरी और कुंकुम आदि से,

श्लोक 106 (skanda.2.78.106)

प्रपिष्टलेपस्नेहेन चंदनागुरुदारुणा। शरीरे वासुदेवस्य इंद्रद्युम्नेन कारितः

prapiṣṭalepasnehena caṁdanāgurudāruṇā śarīre vāsudevasya iṁdradyumnena kāritaḥ

भलीभाँति पीसकर, चंदन और अगुरु के तेल में मिलाकर, वासुदेव के शरीर पर इंद्रद्युम्न द्वारा प्रचलित यह प्रथा करवाई गई।

श्लोक 107 (skanda.2.78.107)

प्रत्यहं भो द्विजश्रेष्ठा वर्षांते चापनीयते। लेप्यानां लेपनिर्मोके दर्शनं न प्रशस्यते

pratyahaṁ bho dvijaśreṣṭhā varṣāṁte cāpanīyate lepyānāṁ lepanirmoke darśanaṁ na praśasyate

हे श्रेष्ठ द्विजो, प्रतिदिन और वर्ष के अंत में इसे हटाया जाता है; उतारे गए लेप का उतरना कोई दर्शन-योग्य विषय नहीं माना जाता।

श्लोक 108 (skanda.2.78.108)

अंतरा चेत्पतेल्लेपः पिष्टं लिंपेत्पुनश्च तम्। नान्यलेपः प्रशस्यो हि स विष्णोरंगसंमतः

aṁtarā cetpatellepaḥ piṣṭaṁ liṁpetpunaśca tam nānyalepaḥ praśasyo hi sa viṣṇoraṁgasaṁmataḥ

बीच में यदि लेप गिर जाए, तो पुनः लेप लगा दे; उसके अतिरिक्त कोई और लेप प्रशस्त नहीं है, क्योंकि वही विष्णु के अंगों को स्वीकृत है।

श्लोक 109 (skanda.2.78.109)

चंदनार्द्रशरीरं च दृष्ट्वा विष्णुं पुरा किल। सौगंध्याल्लोभयामास नृपपुत्रः स मूढधीः

caṁdanārdraśarīraṁ ca dṛṣṭvā viṣṇuṁ purā kila saugaṁdhyāllobhayāmāsa nṛpaputraḥ sa mūḍhadhīḥ

पूर्वकाल में एक मूढ़बुद्धि राजपुत्र ने चंदन से गीले शरीर वाले विष्णु को देखकर, उसकी सुगंध से लोभित होकर,

श्लोक 110 (skanda.2.78.110)

तस्य प्रीत्यै नियुक्तस्तु आकृष्यांगात्प्रलेपनम्। ददौ नृपकुमाराय स लिलिंपे हृदि स्वके

tasya prītyai niyuktastu ākṛṣyāṁgātpralepanam dadau nṛpakumārāya sa liliṁpe hṛdi svake

उसकी प्रसन्नता के लिए नियुक्त सेवक ने अंग से लेप खींचकर उस राजकुमार को दे दिया, और उसने अपनी छाती पर वह लेप लगा लिया।

श्लोक 111 (skanda.2.78.111)

तावत्प्रदेशं कुष्ठं वै श्वेतं तस्याभवत्क्षणात्। स आसीत्कुष्ठपाणिस्तु तस्मै यो दत्तवान्किल

tāvatpradeśaṁ kuṣṭhaṁ vai śvetaṁ tasyābhavatkṣaṇāt sa āsītkuṣṭhapāṇistu tasmai yo dattavānkila

उतने ही स्थान पर तत्काल उसे श्वेत कोढ़ हो गया; और जिसने वह लेप उसे दिया था, उसके हाथ में भी कोढ़ हो गया।

श्लोक 112 (skanda.2.78.112)

ततो वर्षावधिष्ठायी लेपः पुण्यतमः स्मृतः। निर्माल्यानां प्रधानं तद्घ्राणादंहोविनाशनम्

tato varṣāvadhiṣṭhāyī lepaḥ puṇyatamaḥ smṛtaḥ nirmālyānāṁ pradhānaṁ tadghrāṇādaṁhovināśanam

इसलिए वर्ष भर स्थित रहने वाला वह लेप ही सबसे पवित्र माना गया है; निर्माल्यों में वह प्रधान है, और उसकी सुगंध ही पापों का नाश करने वाली है।

श्लोक 113 (skanda.2.78.113)

पुरा दमनकं दैत्यं समुद्रोदकचारिणम्। बाधितारं जनानां वै मायाबलपराक्रमम्

purā damanakaṁ daityaṁ samudrodakacāriṇam bādhitāraṁ janānāṁ vai māyābalaparākramam

पूर्वकाल में समुद्र-जल में विचरने वाला दमनक नामक दैत्य था, जो अपनी मायावी शक्ति और पराक्रम से लोगों को पीड़ित करता था।

श्लोक 114 (skanda.2.78.114)

भगवानपि मायावी पितामहनिदेशतः। मत्स्यावतारेण विभुः प्रविश्य वरुणालयम्

bhagavānapi māyāvī pitāmahanideśataḥ matsyāvatāreṇa vibhuḥ praviśya varuṇālayam

भगवान भी, मायावी होकर, पितामह के आदेश से, मत्स्य-अवतार में वरुण के धाम में प्रवेश करके,

श्लोक 115 (skanda.2.78.115)

अन्विष्याकृष्य वेलायां निष्पिपेष महीतले। मधोः शुक्लचतुर्दश्यां पतितो दानवोत्तमः

anviṣyākṛṣya velāyāṁ niṣpipeṣa mahītale madhoḥ śuklacaturdaśyāṁ patito dānavottamaḥ

उसे ढूँढ़कर, तट पर खींचकर, पृथ्वी पर पीस डाला; मधु मास की शुक्ल चतुर्दशी को वह श्रेष्ठ दानव गिर पड़ा।

श्लोक 116 (skanda.2.78.116)

भगवत्करसंपर्कात्सुगंधिरभवत्तृणम्। तस्यैव नाम्ना त सम्यग्जग्राहाश्चर्यमानसः

bhagavatkarasaṁparkātsugaṁdhirabhavattṛṇam tasyaiva nāmnā ta samyagjagrāhāścaryamānasaḥ

भगवान के हाथ के स्पर्श से वह घास सुगंधित हो गई; आश्चर्यचकित मन से उन्होंने उसी दैत्य के नाम से उसका नाम 'दमनक' ही रख दिया।

श्लोक 117 (skanda.2.78.117)

मालां कृत्वा हृत्प्रदेश मिलितं वनमालया। अचिंतयत्तस्य गंधं यावद्वस्तु चिरस्थितम्

mālāṁ kṛtvā hṛtpradeśa militaṁ vanamālayā aciṁtayattasya gaṁdhaṁ yāvadvastu cirasthitam

उसकी माला बनाकर, अपनी वनमाला में मिलाकर, हृदय-प्रदेश पर धारण करते हुए, उन्होंने उसकी सुगंध का चिंतन किया, जो लंबे समय तक स्थिर रहती है।

श्लोक 118 (skanda.2.78.118)

तस्यापि गंधः सर्वेषां पुष्पाणां सौरभापहः। वर्णस्तु भगवन्मूर्तेस्तुल्योऽभूत्स सुशोभनः

tasyāpi gaṁdhaḥ sarveṣāṁ puṣpāṇāṁ saurabhāpahaḥ varṇastu bhagavanmūrtestulyo'bhūtsa suśobhanaḥ

उसकी सुगंध सब पुष्पों की सुगंध को भी परास्त कर देने वाली है; और उसका वर्ण भी भगवान की मूर्ति के समान सुंदर हो गया।

श्लोक 119 (skanda.2.78.119)

तस्य माला भगवतः परमप्रीतिकारिणी। शुष्का पर्युषिता वापि न दुष्टा भवति क्वचित्

tasya mālā bhagavataḥ paramaprītikāriṇī śuṣkā paryuṣitā vāpi na duṣṭā bhavati kvacit

भगवान को उसकी माला परम प्रिय है; सूखी या पुरानी होने पर भी वह कभी दूषित नहीं होती।

श्लोक 120 (skanda.2.78.120)

तस्य सुग्रथितां मालां दत्त्वा दमनकारये। उत्पादयेन्महाप्रीतिं विष्णोर्या मुक्तिदायिनी

tasya sugrathitāṁ mālāṁ dattvā damanakāraye utpādayenmahāprītiṁ viṣṇoryā muktidāyinī

उसकी भलीभाँति गूँथी हुई माला दमनक-वृक्ष को अर्पित करके, विष्णु की महान प्रीति उत्पन्न की जा सकती है, जो मुक्ति देने वाली है।

श्लोक 121 (skanda.2.78.121)

अंगापकर्षितां मालां भक्त्या यो धारयेन्नरः। हयमेधसहस्रस्य फलं प्राप्नोत्यसंशयम्

aṁgāpakarṣitāṁ mālāṁ bhaktyā yo dhārayennaraḥ hayamedhasahasrasya phalaṁ prāpnotyasaṁśayam

भगवान के अंग से उतारी गई माला को जो मनुष्य भक्तिपूर्वक धारण करता है, वह निःसंदेह सहस्र अश्वमेध यज्ञों का फल पाता है।

श्लोक 122 (skanda.2.78.122)

तुलसीकल्पितां मालां विष्णोरंगापकर्षिताम्। धारयेन्मूर्ध्नि कंठे च भक्तो यो विन्यसेद्धदि। तावत्संख्यं वाजिमेधफलमव्यग्रमश्नुते

tulasīkalpitāṁ mālāṁ viṣṇoraṁgāpakarṣitām dhārayenmūrdhni kaṁṭhe ca bhakto yo vinyaseddhadi tāvatsaṁkhyaṁ vājimedhaphalamavyagramaśnute

तुलसी से बनी माला, जो विष्णु के अंग से उतारी गई हो, उसे जो भक्त सिर पर, कंठ में अथवा हृदय पर धारण करता है, वह उतनी ही संख्या में अश्वमेध यज्ञों का फल निश्चय ही प्राप्त करता है।

श्लोक 123 (skanda.2.78.123)

निर्माल्यतुलसीपत्रं यावद्भक्षयते हरेः। तावज्जन्मसहस्रं तु विष्णुलोके महीयते

nirmālyatulasīpatraṁ yāvadbhakṣayate hareḥ tāvajjanmasahasraṁ tu viṣṇuloke mahīyate

हरि के निर्माल्य तुलसी-पत्ते को जो जितना खाता है, वह उतने ही सहस्र जन्मों तक विष्णुलोक में सम्मानित होता है।

श्लोक 124 (skanda.2.78.124)

हरेर्नैवेद्यमन्नं च तुलसीदलमिश्रितम्। प्रतिग्रासं सोमपानं फलं तत्सममश्नुते

harernaivedyamannaṁ ca tulasīdalamiśritam pratigrāsaṁ somapānaṁ phalaṁ tatsamamaśnute

हरि के नैवेद्य-अन्न में मिली हुई तुलसी-पत्ती, हर ग्रास में सोमपान के समान फल देने वाली है।

श्लोक 125 (skanda.2.78.125)

यावज्जीवं तु भुंजानो ध्रुवं मोक्षमवाप्नुयात्

yāvajjīvaṁ tu bhuṁjāno dhruvaṁ mokṣamavāpnuyāt

जीवनभर उसका सेवन करने वाला निश्चय ही मोक्ष प्राप्त करता है।

श्लोक 126 (skanda.2.78.126)

अर्घ्यशेषादिकं विष्णोस्तथा चाचमनोदकम्। पादोदकं स्नानवारि प्रत्येकं पापनाशनम्

arghyaśeṣādikaṁ viṣṇostathā cācamanodakam pādodakaṁ snānavāri pratyekaṁ pāpanāśanam

विष्णु का अर्घ्य-शेष जल, आचमन-जल, चरण-जल तथा स्नान-जल — इनमें से प्रत्येक पाप का नाश करने वाला है।

श्लोक 127 (skanda.2.78.127)

सर्वतीर्थाभिषेकाणां फलदं ग्रहनाशनम्। अलक्ष्मीपापरक्षोघ्नं भूतवेतालनाशनम्

sarvatīrthābhiṣekāṇāṁ phaladaṁ grahanāśanam alakṣmīpāparakṣoghnaṁ bhūtavetālanāśanam

यह सब तीर्थों में स्नान का फल देने वाला, ग्रहों के दोष का नाश करने वाला, अलक्ष्मी-पाप-राक्षसों को नष्ट करने वाला और भूत-वेतालों का नाश करने वाला है।

श्लोक 128 (skanda.2.78.128)

शवाद्यमेध्यसंस्पर्शदोषनाशनमुत्तमम्। सर्वदीक्षाव्रतफलप्रदमैश्वर्यवर्द्धनम्

śavādyamedhyasaṁsparśadoṣanāśanamuttamam sarvadīkṣāvrataphalapradamaiśvaryavarddhanam

यह शव आदि अपवित्र वस्तुओं के स्पर्श के दोष को नष्ट करने वाला, समस्त दीक्षा-व्रतों का फल देने वाला और ऐश्वर्य बढ़ाने वाला है।

श्लोक 129 (skanda.2.78.129)

अकालमृत्युहरणं व्याधिव्यूहनिबर्हणम्। सुरोपमांसभक्ष्यादि पापसंघविनाशनम्

akālamṛtyuharaṇaṁ vyādhivyūhanibarhaṇam suropamāṁsabhakṣyādi pāpasaṁghavināśanam

यह अकाल-मृत्यु को हरने वाला, रोगों के समूह का नाश करने वाला, तथा मदिरा-मांस भक्षण जैसे पाप-समूह को भी नष्ट करने वाला है।

श्लोक 130 (skanda.2.78.130)

एतैराप्लुतदेहस्तु शृणुयाद्यदि सूतकम्। नाशौचं विद्यते तस्य सर्वकर्माधिकारिणः

etairāplutadehastu śṛṇuyādyadi sūtakam nāśaucaṁ vidyate tasya sarvakarmādhikāriṇaḥ

इनसे सिंचित शरीर वाला यदि सूतक भी सुन ले, तो भी उसे अशौच नहीं लगता, और वह सब कर्मों का अधिकारी बना रहता है।

श्लोक 131 (skanda.2.78.131)

यावज्जीवं प्रतिज्ञाय यस्त्वेतान्येकमेव वा। गृह्णीयाद्भूरि वा स्वल्पं मुच्येद्विष्णोः प्रसादतः

yāvajjīvaṁ pratijñāya yastvetānyekameva vā gṛhṇīyādbhūri vā svalpaṁ mucyedviṣṇoḥ prasādataḥ

जो मनुष्य जीवनभर के लिए संकल्प करके इनमें से एक को भी, चाहे बहुत हो या थोड़ा, ग्रहण करता है, वह विष्णु की कृपा से मुक्त हो जाता है।

श्लोक 132 (skanda.2.78.132)

एवं तत्र वसन्देवो लोकानुग्रहकांक्षया। रममाणः श्रिया सार्द्धमनायासविमोचकः

evaṁ tatra vasandevo lokānugrahakāṁkṣayā ramamāṇaḥ śriyā sārddhamanāyāsavimocakaḥ

इस प्रकार वहाँ निवास करने वाले देव, लोकों पर अनुग्रह करने की इच्छा से, श्री के साथ रमण करते हुए, बिना परिश्रम मुक्ति देने वाले हैं।

श्लोक 133 (skanda.2.78.133)

निर्माल्यपादांबुनि वेदनीयदानैस्तदालोकनतत्प्रणामैः। पूजोपहारैश्च विमुक्तिदाता क्षेत्रोत्तमेस्मिन्पुरुषोत्तमाख्ये

nirmālyapādāṁbuni vedanīyadānaistadālokanatatpraṇāmaiḥ pūjopahāraiśca vimuktidātā kṣetrottamesminpuruṣottamākhye

निर्माल्य, चरणामृत, योग्य दान, उनके दर्शन-प्रणाम तथा पूजा-उपहारों के द्वारा, इस श्रेष्ठ पुरुषोत्तम-क्षेत्र में वे पूर्ण मुक्ति देने वाले हैं।