पार्श्व-परिवर्तन, प्रबोधोत्सव और दामोदार-व्रत

श्लोक 1 (skanda.2.79.1)

मुनय ऊचुः। मुने त्वत्तः श्रुतं सम्यङ्माहात्म्यं जगदीशितुः। निर्माल्यप्रभृतीनां च यथावदनुपूर्वशः

munaya ūcuḥ mune tvattaḥ śrutaṁ samyaṅmāhātmyaṁ jagadīśituḥ nirmālyaprabhṛtīnāṁ ca yathāvadanupūrvaśaḥ

मुनियों ने कहा — हे मुने, हमने आपसे जगदीश्वर की महिमा तथा निर्माल्य आदि के विषय में यथाक्रम भलीभाँति सुना।

श्लोक 2 (skanda.2.79.2)

श्रोतुमिच्छामहे ब्रह्मन्यात्रां तरफलानि वै। शृण्वतां तत्त्वतो ब्रूहि यथोद्देशः कृतः पुरा

śrotumicchāmahe brahmanyātrāṁ taraphalāni vai śṛṇvatāṁ tattvato brūhi yathoddeśaḥ kṛtaḥ purā

हे ब्रह्मन्, अब हम यात्रा और उसके फलों को भी सुनना चाहते हैं; जैसा पूर्वकाल में वर्णित हुआ, वह हमें तत्त्वतः बताइए, हम सुनने को तत्पर हैं।

श्लोक 3 (skanda.2.79.3)

जैमिनिरुवाच। सर्वथा वर्त्तते लोकहिताय पुरुषोत्तमः। नानागुणविकासैश्च नानारूपविचेष्टितैः

jaiminiruvāca sarvathā varttate lokahitāya puruṣottamaḥ nānāguṇavikāsaiśca nānārūpaviceṣṭitaiḥ

जैमिनि ने कहा — पुरुषोत्तम सदा लोक-हित के लिए ही, नाना गुणों के विकास और नाना रूपों की चेष्टाओं से,

श्लोक 4 (skanda.2.79.4)

नानारूपविलासेन नानात्मा च जगन्मयः। अहंकारं विना कर्मफलं नो द्विजसत्तमाः

nānārūpavilāsena nānātmā ca jaganmayaḥ ahaṁkāraṁ vinā karmaphalaṁ no dvijasattamāḥ

नाना रूपों की लीला से, नाना आत्मा वाले और जगत्-रूप होकर कार्य करते हैं; हे श्रेष्ठ द्विजो, अहंकार के बिना कर्म का फल नहीं होता।

श्लोक 5 (skanda.2.79.5)

अहंकारेण बध्यन्ते कारागारे भवाभिधे। बुद्ध्यहंकारयुक्तस्तु यत्कर्मारभते नरः

ahaṁkāreṇa badhyante kārāgāre bhavābhidhe buddhyahaṁkārayuktastu yatkarmārabhate naraḥ

मनुष्य अहंकार से ही संसार नामक कारागार में बंधते हैं; बुद्धि और अहंकार से युक्त होकर मनुष्य जो भी कर्म आरंभ करता है,

श्लोक 6 (skanda.2.79.6)

तस्य सद्गुणमाप्नोति फलं शुभमथापरम्। बुद्धिस्तु त्रिविधा तेषां गुणभेदेन भाविता

tasya sadguṇamāpnoti phalaṁ śubhamathāparam buddhistu trividhā teṣāṁ guṇabhedena bhāvitā

उसका शुभ अथवा अन्य फल प्राप्त होता है; उनकी बुद्धि गुण-भेद से त्रिविध होती है।

श्लोक 7 (skanda.2.79.7)

तत्र ये सात्त्विकाः संतः फलावाप्तिपराङ्मुखाः। भगवत्प्रीतये कर्म कुर्वते ते मुमुक्षवः

tatra ye sāttvikāḥ saṁtaḥ phalāvāptiparāṅmukhāḥ bhagavatprītaye karma kurvate te mumukṣavaḥ

उनमें जो सात्त्विक हैं, फल-प्राप्ति से विमुख, भगवान की प्रसन्नता के लिए ही कर्म करते हैं — वे मुमुक्षु हैं।

श्लोक 8 (skanda.2.79.8)

परस्य स्पर्द्धया कीर्त्यै फलमुद्दिश्य वा पुनः। बहुवित्तव्ययायासै राजसं कर्म तन्वते

parasya sparddhayā kīrtyai phalamuddiśya vā punaḥ bahuvittavyayāyāsai rājasaṁ karma tanvate

दूसरे प्रतिस्पर्धा से, कीर्ति के लिए, या फिर फल का उद्देश्य रखकर, बहुत धन-व्यय और श्रम से राजस कर्म करते हैं।

श्लोक 9 (skanda.2.79.9)

गतानुगतिका ये च दृष्टार्थैकपरायणाः। प्रसंगात्फलमिच्छंतस्तामसं कर्म कुर्वते

gatānugatikā ye ca dṛṣṭārthaikaparāyaṇāḥ prasaṁgātphalamicchaṁtastāmasaṁ karma kurvate

जो केवल परंपरा का अनुसरण करते हैं, दृष्ट फल में ही तत्पर रहते हैं, प्रसंगवश फल की इच्छा रखते हुए तामस कर्म करते हैं।

श्लोक 10 (skanda.2.79.10)

सात्त्विकानां जगन्नाथः सर्वदा सर्वभावनः। ध्यातो दृष्टः स्मृतो वापि मुक्तिदाता न संशयः

sāttvikānāṁ jagannāthaḥ sarvadā sarvabhāvanaḥ dhyāto dṛṣṭaḥ smṛto vāpi muktidātā na saṁśayaḥ

सात्त्विकों के लिए जगन्नाथ, जो सदा सबके भाव में रहते हैं, ध्यान किए जाने पर, देखे जाने पर या स्मरण किए जाने पर भी, निःसंदेह मुक्तिदाता हैं।

श्लोक 11 (skanda.2.79.11)

राजसास्तामसा ये वै मूढात्मानः फलैषिणः। उत्सवादिकृतं कर्म मन्यंते फलदायि ते

rājasāstāmasā ye vai mūḍhātmānaḥ phalaiṣiṇaḥ utsavādikṛtaṁ karma manyaṁte phaladāyi te

राजस और तामस, फल की कामना वाले मूढ़ात्मा, उत्सव आदि से किए गए कर्म को ही फलदायी मानते हैं।

श्लोक 12 (skanda.2.79.12)

संभूय बहवो विप्रा आरभंतेऽल्पकं विधिम्। बहुलायासदुःखं यत्कर्म तेषां फलप्रदम्

saṁbhūya bahavo viprā ārabhaṁte'lpakaṁ vidhim bahulāyāsaduḥkhaṁ yatkarma teṣāṁ phalapradam

बहुत से विप्र मिलकर एक छोटी-सी विधि आरंभ करते हैं; जो कर्म उन्हें बहुत परिश्रम और कष्ट से युक्त लगे, वही उनके लिए फलदायी होता है।

श्लोक 13 (skanda.2.79.13)

तेषामुद्धरणार्थाय विश्वासाय दुरात्मनाम्। यात्रा नानाविधा विप्रा वर्षे वर्षे प्रवर्तयेत्

teṣāmuddharaṇārthāya viśvāsāya durātmanām yātrā nānāvidhā viprā varṣe varṣe pravartayet

उनके उद्धार के लिए तथा दुरात्माओं में विश्वास उत्पन्न करने के लिए, हे विप्रो, प्रतिवर्ष नाना प्रकार की यात्राएँ प्रवर्तित करनी चाहिए।

श्लोक 14 (skanda.2.79.14)

जन्मस्नानं महावेद्या उत्सवश्च प्रकीर्तितः। महायात्राद्वयं पुंसां कीर्तनात्पापनाशनम्

janmasnānaṁ mahāvedyā utsavaśca prakīrtitaḥ mahāyātrādvayaṁ puṁsāṁ kīrtanātpāpanāśanam

महावेदी का जन्म-स्नान और उत्सव प्रसिद्ध हैं; ये दोनों महायात्राएँ मनुष्यों के लिए हैं, जिनका कीर्तन मात्र पापों का नाश करने वाला है।

श्लोक 15 (skanda.2.79.15)

दर्शनं दक्षिणामूर्तेस्तथा च शयनोत्सवः। सर्वपापहरश्चैषामुत्सवो दक्षिणायने

darśanaṁ dakṣiṇāmūrtestathā ca śayanotsavaḥ sarvapāpaharaścaiṣāmutsavo dakṣiṇāyane

दक्षिणामूर्ति का दर्शन तथा शयनोत्सव, और दक्षिणायन का उत्सव — ये सब पापों को हरने वाले हैं।

श्लोक 16 (skanda.2.79.16)

अतः परं प्रवक्ष्यामि पार्श्वस्य परिवर्तनम्। शयितस्य जगद्भर्तुः परिवर्तयितुर्युगम्

ataḥ paraṁ pravakṣyāmi pārśvasya parivartanam śayitasya jagadbhartuḥ parivartayituryugam

अब आगे मैं पार्श्व-परिवर्तन का वर्णन करूँगा, जो शयन करते हुए जगत्पति के करवट बदलने का पर्व है।

श्लोक 17 (skanda.2.79.17)

नभस्य विमले पक्षे संप्राप्ते हरिवासरे। विष्णोः स्वापगृहद्वारि शनैर्गत्वा प्रविश्य च

nabhasya vimale pakṣe saṁprāpte harivāsare viṣṇoḥ svāpagṛhadvāri śanairgatvā praviśya ca

भाद्रपद के शुक्ल पक्ष में, हरि-दिवस (एकादशी) आने पर, विष्णु के शयनगृह के द्वार पर धीरे-धीरे जाकर प्रवेश करे।

श्लोक 18 (skanda.2.79.18)

नमस्कृत्वा जगन्नाथं पर्यंके शयितं मुदा। अवच्छाद्य शनैर्गत्वा पूजयेदुपचारकैः

namaskṛtvā jagannāthaṁ paryaṁke śayitaṁ mudā avacchādya śanairgatvā pūjayedupacārakaiḥ

हर्षपूर्वक शय्या पर लेटे हुए जगन्नाथ को नमस्कार करके, धीरे-धीरे वस्त्र हटाकर उपचारों से उनकी पूजा करे।

श्लोक 19 (skanda.2.79.19)

प्रणम्य भक्त्या तत्पादौ गुह्योपनिषदैः स्तुवन्। मन्त्रं चेमं पठन्देवं स्वापयेदुत्तरामुखम्

praṇamya bhaktyā tatpādau guhyopaniṣadaiḥ stuvan mantraṁ cemaṁ paṭhandevaṁ svāpayeduttarāmukham

भक्तिपूर्वक उनके चरणों में प्रणाम करके, गुह्य उपनिषदों से स्तुति करते हुए, यह मंत्र पढ़ते हुए उत्तराभिमुख सोए हुए देवता को करवट दिलाए।

श्लोक 20 (skanda.2.79.20)

देवदेव जगन्नाथ कल्पानां परिवर्तक। परिवृत्तमिदं सर्वं येन स्थावरजंगमम्

devadeva jagannātha kalpānāṁ parivartaka parivṛttamidaṁ sarvaṁ yena sthāvarajaṁgamam

'हे देवाधिदेव जगन्नाथ, हे कल्पों के परिवर्तक, जिनके द्वारा यह सारा स्थावर-जंगम जगत् परिवर्तित होता है,

श्लोक 21 (skanda.2.79.21)

यदिच्छाचेष्टितैरेव जाग्रत्स्वप्नसुषुप्तिभिः। जगद्धिताय सुप्तोऽसि पार्श्वेन परिवर्त्तय

yadicchāceṣṭitaireva jāgratsvapnasuṣuptibhiḥ jagaddhitāya supto'si pārśvena parivarttaya

जो अपनी इच्छा की चेष्टाओं से ही, जाग्रत-स्वप्न-सुषुप्ति के द्वारा, जगत् के हित के लिए सोए हुए हैं, वे करवट लें।

श्लोक 22 (skanda.2.79.22)

परिवर्त्तनकालोऽयं जगतः पालनाय ते। तवाज्ञयाऽयं शक्रोऽपि ध्वजे तिष्ठन्समुत्सुकः

parivarttanakālo'yaṁ jagataḥ pālanāya te tavājñayā'yaṁ śakro'pi dhvaje tiṣṭhansamutsukaḥ

यह जगत् की रक्षा के लिए आपकी करवट बदलने का समय है; आपकी आज्ञा से यह इन्द्र भी ध्वज पर उत्सुक होकर खड़ा है,

श्लोक 23 (skanda.2.79.23)

द्रष्टुं त्वत्पादकमलं विमुचञ्जलदैर्जलम्। महीतलं प्लावयति प्रजापालनहेतुकम्

draṣṭuṁ tvatpādakamalaṁ vimucañjaladairjalam mahītalaṁ plāvayati prajāpālanahetukam

आपके चरण-कमल को देखने के लिए मेघों से जल छोड़ते हुए, प्रजा-पालन के लिए पृथ्वीतल को जलमग्न करता है।'

श्लोक 24 (skanda.2.79.24)

इति संप्रार्थ्य देवेशं वीप्सया तोषयेत्ततः। व्यजनैश्चामरैश्चैव वीजयेदनुकल्पकृत्

iti saṁprārthya deveśaṁ vīpsayā toṣayettataḥ vyajanaiścāmaraiścaiva vījayedanukalpakṛt

इस प्रकार देवेश से प्रार्थना करके, बार-बार निवेदन से उन्हें प्रसन्न करे, पंखे और चँवर से पंखा झले, यथोचित रीति से,

श्लोक 25 (skanda.2.79.25)

सुगन्धचन्दनैरस्य सर्वांगं परिलेपयेत्। स्वादूनिक्षुविकारांश्च विकृतैः पायसैस्तथा

sugandhacandanairasya sarvāṁgaṁ parilepayet svādūnikṣuvikārāṁśca vikṛtaiḥ pāyasaistathā

उनके सारे अंगों पर सुगंधित चंदन का लेप करे, स्वादिष्ट गन्ने के व्यंजन तथा नाना प्रकार की खीर,

श्लोक 26 (skanda.2.79.26)

यावकानि च हृद्यानि फलानि विविधानि वै। स्वादूपदंशानन्यांश्च घृतपूपान्सपायसान्

yāvakāni ca hṛdyāni phalāni vividhāni vai svādūpadaṁśānanyāṁśca ghṛtapūpānsapāyasān

मनोहर यावक और नाना फल, स्वादिष्ट अचार, घी में पकाए पूए और खीर सहित,

श्लोक 27 (skanda.2.79.27)

पक्वतांबूल पत्राणि सोपस्काराणि च द्विजाः। शय्यागृहद्वारि विभोः शनैर्भक्त्या निवेदयेत्

pakvatāṁbūla patrāṇi sopaskārāṇi ca dvijāḥ śayyāgṛhadvāri vibhoḥ śanairbhaktyā nivedayet

पके हुए पान के पत्ते उनके साधनों सहित, हे द्विजो, भगवान के शयनगृह के द्वार पर धीरे-धीरे भक्तिपूर्वक निवेदित करे।

श्लोक 28 (skanda.2.79.28)

तस्मिन्दिने हरे रूपं भवेद्यदि महाफलम्। देवमुद्दिश्य यः कुर्यात्सर्वमक्षयतां व्रजेत्

tasmindine hare rūpaṁ bhavedyadi mahāphalam devamuddiśya yaḥ kuryātsarvamakṣayatāṁ vrajet

उस दिन यदि हरि का कोई विशेष रूप प्रकट हो, तो वह महाफलदायी होता है; देवता को उद्दिष्ट करके जो भी किया जाए, वह सब अक्षय हो जाता है।

श्लोक 29 (skanda.2.79.29)

स्नानं दानं जपो होमस्तपो जागरणं तथा। उपवासश्च नियमो व्रतांते द्विजतर्पणम्

snānaṁ dānaṁ japo homastapo jāgaraṇaṁ tathā upavāsaśca niyamo vratāṁte dvijatarpaṇam

स्नान, दान, जप, होम, तप, जागरण, उपवास और नियम, तथा व्रत के अंत में द्विजों का तर्पण —

श्लोक 30 (skanda.2.79.30)

सांगं व्रतमिदं कृत्वा विष्णुलोकमवाप्नुयात्। यं यं कामयते चित्ते तं तमाप्नोत्यसंशयम्

sāṁgaṁ vratamidaṁ kṛtvā viṣṇulokamavāpnuyāt yaṁ yaṁ kāmayate citte taṁ tamāpnotyasaṁśayam

इस व्रत को सांगोपांग करके मनुष्य विष्णुलोक को प्राप्त करता है; मन में जो-जो कामना करता है, वह-वह निःसंदेह प्राप्त कर लेता है।

श्लोक 31 (skanda.2.79.31)

अयं वः कथितो विप्राः पार्श्वपर्यायणोत्सवः। अनायासेन लोकानामक्षयः सुखदायकः

ayaṁ vaḥ kathito viprāḥ pārśvaparyāyaṇotsavaḥ anāyāsena lokānāmakṣayaḥ sukhadāyakaḥ

हे विप्रो, यह तुम्हें पार्श्व-परिवर्तन का उत्सव बताया गया, जो बिना परिश्रम के लोगों को अक्षय सुख देने वाला है।

श्लोक 32 (skanda.2.79.32)

अतः परं वै शृणुत उत्थापनमहोत्सवम्। पूजयित्वा जगन्नाथं कौमुद्याख्ये महोत्सवे

ataḥ paraṁ vai śṛṇuta utthāpanamahotsavam pūjayitvā jagannāthaṁ kaumudyākhye mahotsave

अब आगे उत्थापन-महोत्सव सुनो; कौमुदी नामक महोत्सव में जगन्नाथ की पूजा करके,

श्लोक 33 (skanda.2.79.33)

अक्षक्रीडादिभिः पुष्पवस्त्रमाल्यानुलेपनैः। ततोस्मिन्पौर्णमास्यायां रात्रावुत्सवसंयुतम्

akṣakrīḍādibhiḥ puṣpavastramālyānulepanaiḥ tatosminpaurṇamāsyāyāṁ rātrāvutsavasaṁyutam

पासा आदि क्रीड़ाओं से, पुष्प-वस्त्र-माला-अनुलेपन से, फिर इस पूर्णिमा की रात्रि में उत्सवयुक्त होकर,

श्लोक 34 (skanda.2.79.34)

नारिकेलादिभिर्द्रव्यैः पिष्टकैरर्चयेद्धरिम्। ततः प्रभाते संकल्प्य कार्त्तिके व्रतमुत्तमम्

nārikelādibhirdravyaiḥ piṣṭakairarcayeddharim tataḥ prabhāte saṁkalpya kārttike vratamuttamam

नारियल आदि द्रव्यों और पिष्टक (पिट्ठी के पदार्थों) से हरि की अर्चा करे; फिर प्रातःकाल संकल्प करके कार्तिक का उत्तम व्रत ग्रहण करे।

श्लोक 35 (skanda.2.79.35)

व्रतेन तेनैव नयेद्यावदेकादशी सिता। तस्यामुत्थापयेद्देवं सुसुप्तं जगदीश्वरम्

vratena tenaiva nayedyāvadekādaśī sitā tasyāmutthāpayeddevaṁ susuptaṁ jagadīśvaram

उसी व्रत से शुक्ल एकादशी तक चले; उस दिन गहरी नींद में सोए हुए जगदीश्वर देवता को जगाए।

श्लोक 36 (skanda.2.79.36)

पूर्ववत्पूजयित्वा तु निशामध्ये जगद्गुरुम्। उत्थापयेदिमं मंत्रमाह्वयञ्छनकैर्मुदा

pūrvavatpūjayitvā tu niśāmadhye jagadgurum utthāpayedimaṁ maṁtramāhvayañchanakairmudā

रात्रि के मध्य में जगद्गुरु की पूर्ववत् पूजा करके, हर्षपूर्वक धीरे-धीरे पुकारते हुए इस मंत्र से उन्हें जगाए —

श्लोक 37 (skanda.2.79.37)

उत्तिष्ठ देवदेवेश तेजोराशे जगत्पते। वीक्षस्व सकलं देव प्रसुप्तं तव मायया

uttiṣṭha devadeveśa tejorāśe jagatpate vīkṣasva sakalaṁ deva prasuptaṁ tava māyayā

'उठिए, हे देवाधिदेव, हे तेजोराशि, हे जगत्पते; अपनी माया से सोए हुए इस सारे जगत् को देखिए।

श्लोक 38 (skanda.2.79.38)

प्रफुल्लपुंडरीकश्रीहारिणा नयनेन वै। त्वया दृष्टं जगदिदं पावित्र्यं परमेष्यति

praphullapuṁḍarīkaśrīhāriṇā nayanena vai tvayā dṛṣṭaṁ jagadidaṁ pāvitryaṁ parameṣyati

खिले हुए कमल की शोभा हरने वाले अपने नेत्रों से, आपके द्वारा देखा गया यह जगत् परम पवित्रता को प्राप्त होगा।

श्लोक 39 (skanda.2.79.39)

श्रौतस्मार्त्ताः क्रियाः सर्वाः प्रवर्तंते ततो ध्रुवम्। इत्युत्थाप्य जगन्नाथं वेणुवीणादिकस्वनैः

śrautasmārttāḥ kriyāḥ sarvāḥ pravartaṁte tato dhruvam ityutthāpya jagannāthaṁ veṇuvīṇādikasvanaiḥ

तब समस्त श्रौत-स्मार्त क्रियाएँ निश्चय ही प्रवृत्त होंगी।' इस प्रकार जगन्नाथ को जगाकर, वेणु-वीणा आदि की ध्वनियों के साथ,

श्लोक 40 (skanda.2.79.40)

बंदिमागधसूतानां स्तुतिभिर्मंगलस्वनैः। शंखकाहालमुरजवादनैर्नृत्यगीतकैः

baṁdimāgadhasūtānāṁ stutibhirmaṁgalasvanaiḥ śaṁkhakāhālamurajavādanairnṛtyagītakaiḥ

बंदी-मागध-सूतों के मंगल स्तुति-स्वरों के साथ, शंख-काहल-मृदंग वादन तथा नृत्य-गीत के साथ,

श्लोक 41 (skanda.2.79.41)

जयशब्दैस्तथा स्तोत्रैर्नयंत्तं नृत्यमण्डपम्। सुगन्धतैलेनाभ्यज्य स्नापयेत्पुरुषोत्तमम्

jayaśabdaistathā stotrairnayaṁttaṁ nṛtyamaṇḍapam sugandhatailenābhyajya snāpayetpuruṣottamam

जय-जयकार और स्तोत्रों के साथ, उन्हें नृत्य-मंडप में ले जाकर, सुगंधित तेल से मालिश करके पुरुषोत्तम को स्नान कराए,

श्लोक 42 (skanda.2.79.42)

पञ्चामृतैर्नारिकेलरसैः फलरसैस्तथा। सुगन्धामलकेनाथ यवकल्केन लेपयेत्

pañcāmṛtairnārikelarasaiḥ phalarasaistathā sugandhāmalakenātha yavakalkena lepayet

पंचामृत से, नारियल-रस और फल-रस से, सुगंधित आँवले और जौ के लेप से,

श्लोक 43 (skanda.2.79.43)

घर्षयेत्तुलसीचूर्णैर्लेपयेद्गन्धचन्दनैः। पुष्पाधिवासितैस्तोयैस्तथा कर्पूरवासितैः

gharṣayettulasīcūrṇairlepayedgandhacandanaiḥ puṣpādhivāsitaistoyaistathā karpūravāsitaiḥ

तुलसी-चूर्ण से घिसकर, गंध-चंदन से लेप करके, पुष्पों से सुवासित जल तथा कर्पूर से सुवासित जल से,

श्लोक 44 (skanda.2.79.44)

कुशोदकै रत्नतोयैस्तथा गंधोदकैस्तथा। स्नाप्यमानं तथा देवं ये पश्यंति मुदान्विताः

kuśodakai ratnatoyaistathā gaṁdhodakaistathā snāpyamānaṁ tathā devaṁ ye paśyaṁti mudānvitāḥ

कुश-जल से, रत्न-जल से तथा सुगंधित जल से भी। जो हर्षित मन से इस प्रकार स्नान कराए जाते हुए देवता को देखते हैं,

श्लोक 45 (skanda.2.79.45)

क्षालयन्ति दृढं पंकं बहुजन्मोपपादितम्। ततः श्रीजगदीशस्य क्रोडे संवासयेद्द्विजाः

kṣālayanti dṛḍhaṁ paṁkaṁ bahujanmopapāditam tataḥ śrījagadīśasya kroḍe saṁvāsayeddvijāḥ

वे अनेक जन्मों की जमी हुई कीचड़ को धो देते हैं; फिर, हे द्विजो, श्रीजगदीश को गोद में बिठाना चाहिए,

श्लोक 46 (skanda.2.79.46)

आपादान्मूर्धपर्यंतं सर्वागं परिलेपयेत्। कुंकुमागुरुकस्तूरीकर्पूरैश्चंदनान्वितैः

āpādānmūrdhaparyaṁtaṁ sarvāgaṁ parilepayet kuṁkumāgurukastūrīkarpūraiścaṁdanānvitaiḥ

तथा पैर से सिर तक सारे अंगों पर कुंकुम, अगुरु, कस्तूरी, कर्पूर और चंदन मिलाकर लेप करे,

श्लोक 47 (skanda.2.79.47)

पाटलोदकसंपिष्टैः कालागुरुरसाप्लुतैः। दत्त्वा च मालतीमाला चन्द्रचूर्णेन संयुताम्

pāṭalodakasaṁpiṣṭaiḥ kālāgururasāplutaiḥ dattvā ca mālatīmālā candracūrṇena saṁyutām

गुलाब-जल से घोंटे हुए, कालागुरु के रस में डूबे हुए लेप से, तथा चंद्र-चूर्ण (कर्पूर) सहित मालती की माला अर्पित करके,

श्लोक 48 (skanda.2.79.48)

महोपचारैः संपूज्य विष्णुं नीराजयेत्ततः। कृतांजलिपुटो भूत्वा प्रार्थयेत्परया मुदा

mahopacāraiḥ saṁpūjya viṣṇuṁ nīrājayettataḥ kṛtāṁjalipuṭo bhūtvā prārthayetparayā mudā

महान उपचारों से विष्णु की पूजा करके फिर आरती करे; हाथ जोड़कर परम हर्ष से प्रार्थना करे —

श्लोक 49 (skanda.2.79.49)

चराचरमिदं सर्वं त्वदेकशरणं विभो। अनुग्रहामृतालोकैः पावयस्व जगद्गुरो

carācaramidaṁ sarvaṁ tvadekaśaraṇaṁ vibho anugrahāmṛtālokaiḥ pāvayasva jagadguro

'यह सब चराचर, हे विभो, केवल आपकी ही शरण है; हे जगद्गुरो, अपनी अनुग्रह-अमृत की दृष्टि से इसे पवित्र कीजिए।'

श्लोक 50 (skanda.2.79.50)

नृत्यगीतैः प्रेक्षणकै रात्रिशेषं समापयेत्। शयनादुत्थितं देवं यः पश्यति गदाधरम्

nṛtyagītaiḥ prekṣaṇakai rātriśeṣaṁ samāpayet śayanādutthitaṁ devaṁ yaḥ paśyati gadādharam

रात्रि के शेष भाग को नृत्य-गीत और तमाशों से पूरा करे। जो शयन से उठे हुए गदाधर देवता को देखता है,

श्लोक 51 (skanda.2.79.51)

निद्रां मोहमयीं भित्त्वा ज्योतिः शांतं व्रजंति ते। सर्वान्कामानवाप्नोति यान्यान्कामयते हृदि

nidrāṁ mohamayīṁ bhittvā jyotiḥ śāṁtaṁ vrajaṁti te sarvānkāmānavāpnoti yānyānkāmayate hṛdi

वह मोहमयी निद्रा को भेदकर शांत ज्योति को प्राप्त होता है; वह हृदय में जो-जो कामना करता है, वे सब प्राप्त कर लेता है।

श्लोक 52 (skanda.2.79.52)

अश्वमेधसहस्रस्य फलं साग्रं लभेत वै। कपिलालंकृताधेनुकोटिदानफलं तथा

aśvamedhasahasrasya phalaṁ sāgraṁ labheta vai kapilālaṁkṛtādhenukoṭidānaphalaṁ tathā

वह सहस्र अश्वमेध यज्ञों का पूर्ण फल पाता है, तथा कपिला के समान अलंकृत करोड़ों गायों के दान का फल भी पाता है।

श्लोक 53 (skanda.2.79.53)

पुण्यं चाप्नोति परमं सर्वतीर्थाभिषेकजम्। कार्त्तिक्यां पारणं कुर्याच्चातुर्मास्यव्रतस्य वै

puṇyaṁ cāpnoti paramaṁ sarvatīrthābhiṣekajam kārttikyāṁ pāraṇaṁ kuryāccāturmāsyavratasya vai

वह सब तीर्थों में स्नान से उत्पन्न परम पुण्य प्राप्त करता है। कार्तिक शुक्ल एकादशी को चातुर्मास्य-व्रत का पारण करना चाहिए।

श्लोक 54 (skanda.2.79.54)

दामोदरस्य प्रतिमां स्वर्णनिष्केण निर्मिताम्। यथाशक्तिकृतां वापि शालग्रामशिलास्थिताम्

dāmodarasya pratimāṁ svarṇaniṣkeṇa nirmitām yathāśaktikṛtāṁ vāpi śālagrāmaśilāsthitām

स्वर्ण-मुद्रा से बनी अथवा यथाशक्ति बनवाई गई दामोदर की प्रतिमा को, शालग्राम शिला पर स्थापित करके,

श्लोक 55 (skanda.2.79.55)

चक्रमूर्तिं भगवतः पूजयेत्प्रयतात्मवान्। रचयेन्मण्डपं शुभ्रमेकदेशं गृहस्य वा

cakramūrtiṁ bhagavataḥ pūjayetprayatātmavān racayenmaṇḍapaṁ śubhramekadeśaṁ gṛhasya vā

संयत मन से भगवान की चक्र-मूर्ति की पूजा करे; घर के किसी भाग में या अन्यत्र एक शुभ मंडप बनाए,

श्लोक 56 (skanda.2.79.56)

अलंकुर्यात्पुष्पदामचामरैः सवितानकैः। भूमिभित्तीः सुधालेपैः स्तंभैश्चित्रदुकूलकैः

alaṁkuryātpuṣpadāmacāmaraiḥ savitānakaiḥ bhūmibhittīḥ sudhālepaiḥ staṁbhaiścitradukūlakaiḥ

जिसे पुष्प-मालाओं, चँवरों और वितान से सजाए, चूने के लेप वाली भूमि-भित्तियों और चित्रित रेशमी वस्त्रों से ढके स्तंभों से सजाए,

श्लोक 57 (skanda.2.79.57)

कालागुरूणां धूपैश्च धूपयेत्तद्गृहं शुभम्। तन्मध्ये मण्डलं कुर्यात्स्वस्तिकं वर्णकैः शुभैः

kālāgurūṇāṁ dhūpaiśca dhūpayettadgṛhaṁ śubham tanmadhye maṇḍalaṁ kuryātsvastikaṁ varṇakaiḥ śubhaiḥ

तथा कालागुरु की धूप से उस शुभ गृह को सुवासित करे; उसके मध्य में शुभ रंगों से स्वस्तिक का मंडल बनाए।

श्लोक 58 (skanda.2.79.58)

तदन्तः स्थापयेत्खट्वां करिदन्तमयीं शुभाम्। पट्टतूलीं तदुपरि वासयेत्पुरुषोत्तमम्

tadantaḥ sthāpayetkhaṭvāṁ karidantamayīṁ śubhām paṭṭatūlīṁ tadupari vāsayetpuruṣottamam

उसके भीतर हाथी-दाँत से बनी शुभ खाट स्थापित करे, और उस पर रेशमी गद्दी पर पुरुषोत्तम को विराजमान कराए,

श्लोक 59 (skanda.2.79.59)

दामोदराकृतिं शंखपद्मपाणिं चतुर्भुजम्। लक्ष्मीमालिंग्य पद्मस्थां क्रोडस्थां वामपाणिना

dāmodarākṛtiṁ śaṁkhapadmapāṇiṁ caturbhujam lakṣmīmāliṁgya padmasthāṁ kroḍasthāṁ vāmapāṇinā

दामोदर के रूप में, चतुर्भुज, शंख-पद्म धारण करने वाले, वाम हाथ से गोद में विराजमान कमलासीना लक्ष्मी का आलिंगन करते हुए,

श्लोक 60 (skanda.2.79.60)

भक्तेभ्यो दातुमुद्यंतं वरं दक्षिणपाणिना। सुनासं सुललाटं च सुनेत्रं सुश्रुतिद्वयम्

bhaktebhyo dātumudyaṁtaṁ varaṁ dakṣiṇapāṇinā sunāsaṁ sulalāṭaṁ ca sunetraṁ suśrutidvayam

दक्षिण हाथ से भक्तों को वर देने के लिए उद्यत, सुंदर नासिका, सुंदर ललाट, सुंदर नेत्र और सुंदर दोनों कर्णों वाले,

श्लोक 61 (skanda.2.79.61)

विशालवक्षसं देवं सर्वलावण्यसंयुतम्। सर्वालंकाररुचिरं दिव्यपीतनिचोलिनम्

viśālavakṣasaṁ devaṁ sarvalāvaṇyasaṁyutam sarvālaṁkāraruciraṁ divyapītanicolinam

विशाल वक्ष वाले, सब लावण्य से युक्त, सब आभूषणों से सुशोभित, दिव्य पीत वस्त्र धारण किए हुए देव,

श्लोक 62 (skanda.2.79.62)

लक्ष्मीं पद्मकरां वापि तांबूलं ददतीं तथा। पञ्चामृतैः स्नापयित्वा वासोयुग्मेन वेष्टयेत्

lakṣmīṁ padmakarāṁ vāpi tāṁbūlaṁ dadatīṁ tathā pañcāmṛtaiḥ snāpayitvā vāsoyugmena veṣṭayet

तथा कमल-हस्ता लक्ष्मी, जो ताम्बूल दे रही हों — पंचामृत से स्नान कराकर वस्त्र-युगल से लपेटे,

श्लोक 63 (skanda.2.79.63)

पूजयेदुपचारैस्तं यथाविभवविस्तरैः। ताम्रदीपान्मृन्मयान्वा ज्वालयेद्गव्यसर्पिषा

pūjayedupacāraistaṁ yathāvibhavavistaraiḥ tāmradīpānmṛnmayānvā jvālayedgavyasarpiṣā

यथाविभव विस्तृत उपचारों से उनकी पूजा करे; ताँबे या मिट्टी के दीपकों को गोघृत से जलाए,

श्लोक 64 (skanda.2.79.64)

तैलेन वा शतं दीपवृक्षांश्चैव प्रदापयेत्। ब्रह्माणं नारदादींश्च देवर्षींस्तत्र पूजयेत्

tailena vā śataṁ dīpavṛkṣāṁścaiva pradāpayet brahmāṇaṁ nāradādīṁśca devarṣīṁstatra pūjayet

अथवा तेल से, तथा सौ दीप-वृक्ष अर्पित करे; वहाँ ब्रह्मा, नारद आदि देवर्षियों की पूजा करे,

श्लोक 65 (skanda.2.79.65)

दामोदरस्वरूपान्वै ब्राह्मणानपि पूजयेत्। वस्त्रयुग्मैर्माल्यगन्धैर्भक्ष्यभोज्यफलैस्तथा

dāmodarasvarūpānvai brāhmaṇānapi pūjayet vastrayugmairmālyagandhairbhakṣyabhojyaphalaistathā

तथा ब्राह्मणों को दामोदर के स्वरूप मानकर उनकी भी पूजा करे, वस्त्र-युगल, माला-गंध, भक्ष्य-भोज्य-फलों सहित।

श्लोक 66 (skanda.2.79.66)

तीर्थराजाभिषेकांगं पूजाकर्म यथोचितम्। दामोदरस्य तेनैव विधिनेहार्चनं भवेत्

tīrtharājābhiṣekāṁgaṁ pūjākarma yathocitam dāmodarasya tenaiva vidhinehārcanaṁ bhavet

तीर्थराज (तुलसी) के अभिषेक-अंग सहित पूजा-कर्म यथोचित रूप से करे; उसी विधि से यहाँ दामोदर की अर्चा हो जाती है।

श्लोक 67 (skanda.2.79.67)

तद्विष्णोरिति मन्त्रेण ब्रह्मादीनपि पूजयेत्। वेणुवीणादिकैर्गीतैः पुराणपठनेन च

tadviṣṇoriti mantreṇa brahmādīnapi pūjayet veṇuvīṇādikairgītaiḥ purāṇapaṭhanena ca

'तद्विष्णोः' इस मंत्र से ब्रह्मा आदि की भी पूजा करे, वेणु-वीणा आदि के गीतों और पुराण-पठन के साथ।

श्लोक 68 (skanda.2.79.68)

महोत्सवं प्रकुर्वीत ततो जागरणेन च। ततः प्रभाते विमलेऽग्निकार्यं च समाचरेत्

mahotsavaṁ prakurvīta tato jāgaraṇena ca tataḥ prabhāte vimale'gnikāryaṁ ca samācaret

फिर जागरण के साथ महोत्सव करे; फिर प्रातःकाल पवित्र होकर अग्निकार्य करे,

श्लोक 69 (skanda.2.79.69)

अष्टाक्षरेण मंत्रेण समिदाज्यचरूनपि। लाजान्मधुसमिन्मिश्राञ्जुहुयाच्च ततः श्रिये

aṣṭākṣareṇa maṁtreṇa samidājyacarūnapi lājānmadhusaminmiśrāñjuhuyācca tataḥ śriye

अष्टाक्षर मंत्र से समिधा, घी और चरु की, तथा शहद मिली हुई लाजा की, श्री की प्राप्ति के लिए आहुति दे।

श्लोक 70 (skanda.2.79.70)

सूक्तेनाष्टोत्तरशतं ब्रह्मादीनां तदन्ततः। अष्टाहुतीर्वै जुहुयात्क्रमादेकैकशस्तिलैः

sūktenāṣṭottaraśataṁ brahmādīnāṁ tadantataḥ aṣṭāhutīrvai juhuyātkramādekaikaśastilaiḥ

सूक्त से एक सौ आठ आहुतियाँ देकर, अंत में ब्रह्मा आदि के लिए क्रमशः एक-एक करके आठ आहुतियाँ तिलों सहित दे —

श्लोक 71 (skanda.2.79.71)

ब्रह्माणं नारदं दक्षं वसिष्ठं गौतमं तथा। सनत्कुमारमत्रिं च भरद्वाजं च कश्यपम्

brahmāṇaṁ nāradaṁ dakṣaṁ vasiṣṭhaṁ gautamaṁ tathā sanatkumāramatriṁ ca bharadvājaṁ ca kaśyapam

ब्रह्मा, नारद, दक्ष, वसिष्ठ, गौतम, तथा सनत्कुमार, अत्रि, भरद्वाज और कश्यप को,

श्लोक 72 (skanda.2.79.72)

दुर्वाससमगस्त्यं च महादेवं ततः परम्। विख्याता वैष्णवा ह्येते विष्णुरूपा न संशयः

durvāsasamagastyaṁ ca mahādevaṁ tataḥ param vikhyātā vaiṣṇavā hyete viṣṇurūpā na saṁśayaḥ

दुर्वासा और अगस्त्य को, तथा अंत में महादेव को — ये सब निःसंदेह विख्यात वैष्णव, विष्णु के ही रूप हैं।

श्लोक 73 (skanda.2.79.73)

एतान्संपूजयन्विप्रान्विष्णुः प्रीणाति तत्क्षणात्। होमांते प्राशनं कृत्वा दद्यादाचार्यदक्षिणाम्

etānsaṁpūjayanviprānviṣṇuḥ prīṇāti tatkṣaṇāt homāṁte prāśanaṁ kṛtvā dadyādācāryadakṣiṇām

इन ब्राह्मणों की पूजा करने से विष्णु तत्काल प्रसन्न हो जाते हैं; होम के अंत में प्रसाद ग्रहण करके आचार्य को दक्षिणा दे,

श्लोक 74 (skanda.2.79.74)

सुवर्णभूषितां धेनुं वस्त्रं धान्यं च भक्तितः। प्रीतये वासुदेवस्य भोजयेद्द्विजपुंगवान्

suvarṇabhūṣitāṁ dhenuṁ vastraṁ dhānyaṁ ca bhaktitaḥ prītaye vāsudevasya bhojayeddvijapuṁgavān

स्वर्ण से अलंकृत गाय, वस्त्र और अन्न भक्तिपूर्वक; वासुदेव की प्रसन्नता के लिए श्रेष्ठ ब्राह्मणों को भोजन कराए।

श्लोक 75 (skanda.2.79.75)

सर्वोपचारसहितं दद्याद्दामोदरं ततः

sarvopacārasahitaṁ dadyāddāmodaraṁ tataḥ

फिर सब उपचारों सहित दामोदर को अर्पित करे —

श्लोक 76 (skanda.2.79.76)

ॐ दामोदर जगन्नाथ त्वन्मयं विश्वमेव हि। त्वदाधारमिदं सर्वं त्वं धर्मः सर्वभावनः। त्वत्प्रसादाद्व्रतं चीर्णं सुसंपूर्णं तदस्तु मे

ॐ dāmodara jagannātha tvanmayaṁ viśvameva hi tvadādhāramidaṁ sarvaṁ tvaṁ dharmaḥ sarvabhāvanaḥ tvatprasādādvrataṁ cīrṇaṁ susaṁpūrṇaṁ tadastu me

'ॐ दामोदर जगन्नाथ, यह सारा विश्व आपसे ही बना है; यह सब आपके ही आधार पर है, आप ही सर्वभावों में धर्म हैं; आपकी कृपा से किया गया यह व्रत मेरे लिए सुसंपूर्ण हो।'

श्लोक 77 (skanda.2.79.77)

दामोदरः प्रदाता च गृहीता च वृषध्वजः। प्रदीयते जगन्नाथः प्रीयतां मे जगद्गुरुः

dāmodaraḥ pradātā ca gṛhītā ca vṛṣadhvajaḥ pradīyate jagannāthaḥ prīyatāṁ me jagadguruḥ

'दामोदर ही दाता हैं, वृषभ-ध्वज (शिव) ही ग्रहण करने वाले हैं; जगन्नाथ ही दिए जाते हैं; मेरे जगद्गुरु प्रसन्न हों।'

श्लोक 78 (skanda.2.79.78)

इति मंत्रं जपन्दद्यादाचार्याय सुरोत्तमम्। समाप्य पूजयेद्भक्त्या स्तूयात्तं च प्रसादयेत्

iti maṁtraṁ japandadyādācāryāya surottamam samāpya pūjayedbhaktyā stūyāttaṁ ca prasādayet

यह मंत्र जपते हुए श्रेष्ठ देव (प्रतिमा) आचार्य को अर्पित करे; अर्पण के बाद भक्तिपूर्वक उनकी पूजा करे, स्तुति करे और उन्हें प्रसन्न करे।

श्लोक 79 (skanda.2.79.79)

आचार्ये परितुष्टे तु तुष्टो भवति माधवः। तत्तद्द्रव्याणि च ततो दद्याद्विप्रेभ्य एव हि

ācārye parituṣṭe tu tuṣṭo bhavati mādhavaḥ tattaddravyāṇi ca tato dadyādviprebhya eva hi

आचार्य के संतुष्ट होने पर माधव भी संतुष्ट होते हैं; फिर वे-वे द्रव्य ब्राह्मणों को दे।

श्लोक 80 (skanda.2.79.80)

ततः स्वयं वै भुंजीत इष्टैः शिष्टैः स्वबंधुभिः। चातुर्मास्यव्रतं चेदं प्रतिष्ठाप्य विधानतः

tataḥ svayaṁ vai bhuṁjīta iṣṭaiḥ śiṣṭaiḥ svabaṁdhubhiḥ cāturmāsyavrataṁ cedaṁ pratiṣṭhāpya vidhānataḥ

फिर स्वयं भी प्रिय और विद्वान अपने बंधुओं के साथ भोजन करे; इस प्रकार चातुर्मास्य-व्रत को विधिपूर्वक प्रतिष्ठित करके,

श्लोक 81 (skanda.2.79.81)

यथोक्तफलसंपन्नो विष्णुलोकमवाप्नुयात्। श्रुतिस्मृतिपुराणेषु नातः परतरं व्रतम्

yathoktaphalasaṁpanno viṣṇulokamavāpnuyāt śrutismṛtipurāṇeṣu nātaḥ parataraṁ vratam

कहे गए फल से संपन्न होकर विष्णुलोक को प्राप्त होता है; श्रुति-स्मृति-पुराणों में इससे बढ़कर कोई व्रत नहीं है,

श्लोक 82 (skanda.2.79.82)

येनानुष्ठितमात्रेण कृतकृत्यो भवेन्नरः। विष्णोः प्रीतिकरं यादृङ्न तथान्यद्व्रतं द्विजाः

yenānuṣṭhitamātreṇa kṛtakṛtyo bhavennaraḥ viṣṇoḥ prītikaraṁ yādṛṅna tathānyadvrataṁ dvijāḥ

जिसके अनुष्ठान मात्र से मनुष्य कृतकृत्य हो जाता है; हे द्विजो, विष्णु को प्रसन्न करने वाला इसके समान कोई और व्रत नहीं है।

श्लोक 83 (skanda.2.79.83)

तिलपात्रसहस्रैस्तु गवां चैवायुतायुतैः। कृष्णाजिनशतेनापि कन्यानामयुतेन च

tilapātrasahasraistu gavāṁ caivāyutāyutaiḥ kṛṣṇājinaśatenāpi kanyānāmayutena ca

सहस्र तिल-पात्रों के दान से, तथा दस-दस हजार गायों के दान से,

श्लोक 84 (skanda.2.79.84)

दत्त्वा यत्फलमाप्नोति कृत्वैतद्व्रतमुत्तमम्। सार्द्धत्रिकोटितीर्थानामभिषेकफलं तथा

dattvā yatphalamāpnoti kṛtvaitadvratamuttamam sārddhatrikoṭitīrthānāmabhiṣekaphalaṁ tathā

सौ कृष्णमृग-चर्मों तथा दस हजार कन्याओं के दान से, इस उत्तम व्रत को करके जो फल प्राप्त होता है, वह उतना ही मिलता है; तथा साढ़े तीन करोड़ तीर्थों में स्नान का फल भी,

श्लोक 85 (skanda.2.79.85)

प्राप्नोति तत्फलं विप्रा यं यं कामयते नरः

prāpnoti tatphalaṁ viprā yaṁ yaṁ kāmayate naraḥ

हे विप्रो, मनुष्य को उसकी जो भी कामना हो, वह फल प्राप्त होता है।