पुष्य-स्नानोत्सव

श्लोक 1 (skanda.2.81.1)

जैमिनिरुवाच। पुष्यस्नानोत्सवं वक्ष्ये यथोक्तं ब्रह्मणा पुरा। पुष्यर्क्षेण च संयुक्ता पौर्णमासी यदा भवेत्

jaiminiruvāca puṣyasnānotsavaṁ vakṣye yathoktaṁ brahmaṇā purā puṣyarkṣeṇa ca saṁyuktā paurṇamāsī yadā bhavet

जैमिनि ने कहा — अब मैं पुष्य-स्नानोत्सव का वर्णन करूँगा, जैसा पूर्वकाल में ब्रह्मा ने कहा था; जब पूर्णिमा पुष्य नक्षत्र से युक्त हो,

श्लोक 2 (skanda.2.81.2)

पौषे मासि तथा कुर्यात्पुष्यस्नानोत्सवं हरेः। एकादश्यां प्रकुर्वीत ऐशान्यामंकुरार्पणम्

pauṣe māsi tathā kuryātpuṣyasnānotsavaṁ hareḥ ekādaśyāṁ prakurvīta aiśānyāmaṁkurārpaṇam

तब पौष मास में हरि का पुष्य-स्नानोत्सव करना चाहिए। एकादशी को ईशान दिशा में अंकुरार्पण करे।

श्लोक 3 (skanda.2.81.3)

ततः प्रतिदिनं कुर्यात्प्रतिमायां हरेर्गृहे। नृत्यगीतोपहारैश्च प्रतिरात्रं वलिं हरेत्

tataḥ pratidinaṁ kuryātpratimāyāṁ harergṛhe nṛtyagītopahāraiśca pratirātraṁ valiṁ haret

फिर प्रतिदिन हरि के मंदिर में प्रतिमा के आगे नृत्य-गीत और उपहारों के साथ प्रतिरात्रि बलि अर्पित करे।

श्लोक 4 (skanda.2.81.4)

चतुर्दशीनिशायां तु कुंभानामधिवासनम्। एकाशीतिप्रमाणानां तथा स्वर्णमयाञ्च्छुभान्

caturdaśīniśāyāṁ tu kuṁbhānāmadhivāsanam ekāśītipramāṇānāṁ tathā svarṇamayāñcchubhān

चतुर्दशी की रात्रि को इक्यासी की संख्या वाले कुंभों का अधिवास करे, तथा सोने के बने शुभ,

श्लोक 5 (skanda.2.81.5)

गव्यसर्पिःप्रपूर्णांश्च स्थापयेदेकविंशतिम्। कारयेत्सर्वतोभद्रं मंडलं पुरतो हरेः

gavyasarpiḥprapūrṇāṁśca sthāpayedekaviṁśatim kārayetsarvatobhadraṁ maṁḍalaṁ purato hareḥ

गोघृत से पूर्ण इक्कीस कुंभ स्थापित करे; हरि के आगे सर्वतोभद्र मंडल बनवाए।

श्लोक 6 (skanda.2.81.6)

तन्मध्ये बृहदाधारं स्थापयेद्दर्पणं शुभम्। रात्रौ जागरणं कुर्याद्गीतनृत्यादिविस्तरैः

tanmadhye bṛhadādhāraṁ sthāpayeddarpaṇaṁ śubham rātrau jāgaraṇaṁ kuryādgītanṛtyādivistaraiḥ

उसके मध्य में बड़ा आधार और शुभ दर्पण स्थापित करे; रात्रि में गीत-नृत्य आदि के विस्तार से जागरण करे।

श्लोक 7 (skanda.2.81.7)

प्रभाते वह्निकार्यं च कुर्यात्तद्दैवतं द्विजाः। पालाशीभिः समिद्भिस्तु चरुणा सर्पिषा तथा

prabhāte vahnikāryaṁ ca kuryāttaddaivataṁ dvijāḥ pālāśībhiḥ samidbhistu caruṇā sarpiṣā tathā

प्रातःकाल उस देवता के लिए अग्निकार्य करे, हे द्विजो, पलाश की समिधाओं, चरु और घी से।

श्लोक 8 (skanda.2.81.8)

ब्रह्मविष्णुशिवेभ्यस्तु प्रत्येकं तु सहस्रकम्। स्वलिंगमन्त्रैर्जुहुयात्तदंते पुरुषोत्तमम्

brahmaviṣṇuśivebhyastu pratyekaṁ tu sahasrakam svaliṁgamantrairjuhuyāttadaṁte puruṣottamam

ब्रह्मा, विष्णु और शिव को अपने-अपने मंत्रों से प्रत्येक को एक-एक सहस्र आहुति दे; उसके अंत में पुरुषोत्तम को आहुति दे।

श्लोक 9 (skanda.2.81.9)

पूजयेदुपचारैस्तैरादर्शं प्रतिबिंबितम्। ततः पुरुषसूक्तेन कुम्भांस्तानभिमन्त्रयेत्

pūjayedupacāraistairādarśaṁ pratibiṁbitam tataḥ puruṣasūktena kumbhāṁstānabhimantrayet

उन्हीं उपचारों से दर्पण में प्रतिबिंबित (देवता) की पूजा करे; फिर पुरुष-सूक्त से उन कुंभों को अभिमंत्रित करे।

श्लोक 10 (skanda.2.81.10)

तेनैवाच्छिद्रधारेण स्नापयेत्पुरुषोत्तमम्। पावमानीयकैर्देवाञ्छ्रीसूक्तेन ततः परम्

tenaivācchidradhāreṇa snāpayetpuruṣottamam pāvamānīyakairdevāñchrīsūktena tataḥ param

उसी अच्छिद्र धारा से पुरुषोत्तम को स्नान कराए; फिर पावमानी सूक्तों से देवताओं को, तथा श्री-सूक्त से,

श्लोक 11 (skanda.2.81.11)

सर्पिः कुंभैः स्नापयेच्च गायत्र्या च ततः परम् .। वैष्णव्या गन्धतोयेन श्रीसूक्तेन समर्चयेत्

sarpiḥ kuṁbhaiḥ snāpayecca gāyatryā ca tataḥ param . vaiṣṇavyā gandhatoyena śrīsūktena samarcayet

घी के कुंभों से स्नान कराए, फिर गायत्री से; वैष्णवी मंत्र और गंध-जल से, तथा श्री-सूक्त से पूजा करे।

श्लोक 12 (skanda.2.81.12)

सहस्रधारया देवं ततो निर्माल्यमुत्सृजेत्। देवांगं लेपयेद्गन्धैश्चंदनेन च विग्रहे

sahasradhārayā devaṁ tato nirmālyamutsṛjet devāṁgaṁ lepayedgandhaiścaṁdanena ca vigrahe

सहस्र-धारा से देवता को स्नान कराकर फिर निर्माल्य हटा दे; देवता के अंग और मूर्ति पर गंध और चंदन का लेप करे,

श्लोक 13 (skanda.2.81.13)

यथास्थानं यथाशोभमलंकारांश्च योजयेत्। सुगन्धसुमनोमाल्यैर्भूषयेत्तदनंतरम्

yathāsthānaṁ yathāśobhamalaṁkārāṁśca yojayet sugandhasumanomālyairbhūṣayettadanaṁtaram

स्थान और शोभा के अनुसार आभूषण पहनाए; उसके पश्चात सुगंधित सुंदर पुष्प-मालाओं से सजाए।

श्लोक 14 (skanda.2.81.14)

अष्टायुधानि देवस्य चक्रादीनि न्यसेत्पुरः। रत्नच्छत्रं समुच्छ्रित्य पूजयेत्पुरुषोत्तमम्

aṣṭāyudhāni devasya cakrādīni nyasetpuraḥ ratnacchatraṁ samucchritya pūjayetpuruṣottamam

देवता के चक्र आदि आठ आयुधों को उनके आगे रखे; रत्न-छत्र ऊँचा करके पुरुषोत्तम की पूजा करे,

श्लोक 15 (skanda.2.81.15)

लक्ष्म्या युक्तं पुनर्विप्रा उपहारैः समृद्धिमत्। शंखेषु पूर्यमाणेषु स्निग्धगंभीरनादिषु

lakṣmyā yuktaṁ punarviprā upahāraiḥ samṛddhimat śaṁkheṣu pūryamāṇeṣu snigdhagaṁbhīranādiṣu

लक्ष्मी सहित, हे विप्रो, फिर समृद्ध उपहारों से — शंखों के बजने पर, जिनकी ध्वनि स्निग्ध और गंभीर हो,

श्लोक 16 (skanda.2.81.16)

चामरांदोलव्यग्रासु वेश्यासु रुचिरासु च। मांगल्यगीतनृत्याद्यैः स्तुतिपाठेषु बन्दिनाम्

cāmarāṁdolavyagrāsu veśyāsu rucirāsu ca māṁgalyagītanṛtyādyaiḥ stutipāṭheṣu bandinām

सुंदर वेश्याओं के चँवर हिलाने में व्यस्त होने पर, मंगल गीत-नृत्य आदि के तथा बंदीजनों के स्तुति-पाठ के बीच,

श्लोक 17 (skanda.2.81.17)

जयशब्दं प्रकुर्वत्सु द्विजातिषु मुहुर्मुहुः। दूर्वाक्षतांजलिभिस्त्रिभिः संपूज्य केशवम्

jayaśabdaṁ prakurvatsu dvijātiṣu muhurmuhuḥ dūrvākṣatāṁjalibhistribhiḥ saṁpūjya keśavam

द्विजातियों द्वारा बार-बार जय-जयकार किए जाने पर — दूर्वा-अक्षत की तीन अंजलियों से केशव की पूजा करके,

श्लोक 18 (skanda.2.81.18)

गोसर्पिर्दीपकैः स्वर्णपात्रकैरतिनिर्मलैः। नीराजयेज्जगन्नाथं कर्पूरयुतवर्तिभिः

gosarpirdīpakaiḥ svarṇapātrakairatinirmalaiḥ nīrājayejjagannāthaṁ karpūrayutavartibhiḥ

गोघृत के दीपकों से, अत्यंत निर्मल सोने के पात्रों में, कर्पूर-युक्त बत्तियों से जगन्नाथ की आरती करे।

श्लोक 19 (skanda.2.81.19)

स्वर्णपात्रस्थितं चारु तांबूलं सुपरिष्कृतम्। शनैःशनैर्मुखाभ्याशे प्रत्येकं विनिवेदयेत्

svarṇapātrasthitaṁ cāru tāṁbūlaṁ supariṣkṛtam śanaiḥśanairmukhābhyāśe pratyekaṁ vinivedayet

सोने के पात्र में रखे सुंदर, सुसज्जित ताम्बूल को धीरे-धीरे उनके मुख के निकट अलग-अलग निवेदित करे।

श्लोक 20 (skanda.2.81.20)

आचार्ये दक्षिणां दद्याद्ब्राह्मणांश्चैव पूजयेत्

ācārye dakṣiṇāṁ dadyādbrāhmaṇāṁścaiva pūjayet

आचार्य को दक्षिणा दे और ब्राह्मणों की भी पूजा करे।

श्लोक 21 (skanda.2.81.21)

पुष्यस्नानोत्सवं पुण्यं ये पश्यंति मुदान्विताः। संपूर्णसर्वकामास्ते व्रजेयुर्वैष्णवं पदम्

puṣyasnānotsavaṁ puṇyaṁ ye paśyaṁti mudānvitāḥ saṁpūrṇasarvakāmāste vrajeyurvaiṣṇavaṁ padam

जो हर्षपूर्वक इस पवित्र पुष्य-स्नानोत्सव को देखते हैं, उनकी सब कामनाएँ पूर्ण होकर वे वैष्णव पद को प्राप्त होते हैं।

श्लोक 22 (skanda.2.81.22)

राज्यभ्रष्टो लभेद्राज्यं सार्वभौमं च विंदति। अपुत्रा मृतवत्सा वा पुत्रं दीर्घायुषं लभेत्

rājyabhraṣṭo labhedrājyaṁ sārvabhaumaṁ ca viṁdati aputrā mṛtavatsā vā putraṁ dīrghāyuṣaṁ labhet

राज्य-भ्रष्ट व्यक्ति राज्य पुनः प्राप्त करता है, और सार्वभौम राज्य भी पाता है; निःसंतान या जिसकी संतान मर गई हो, वह दीर्घायु पुत्र प्राप्त करती है।

श्लोक 23 (skanda.2.81.23)

दारिद्र्यनाशनं धन्यं ब्रह्मवर्चसकारणम्। पुष्यस्नानं कीर्तितं वः शृणुध्वं चोत्तरायणम्

dāridryanāśanaṁ dhanyaṁ brahmavarcasakāraṇam puṣyasnānaṁ kīrtitaṁ vaḥ śṛṇudhvaṁ cottarāyaṇam

यह दरिद्रता का नाश करने वाला, धन्यकारी और ब्रह्मवर्चस का कारण है। तुम्हें पुष्य-स्नान का वर्णन कहा गया; अब उत्तरायण के विषय में सुनो।