चंदन-लेप-उत्सव और दक्ष-प्रजापति-स्तुति

श्लोक 1 (skanda.2.86.1)

जैमिनिरुवाच। अतः परं प्रवक्ष्यामि यात्रामक्षयमोक्षदाम्। अनायासेन मूढानां वासनाबद्धचेतसाम्

jaiminiruvāca ataḥ paraṁ pravakṣyāmi yātrāmakṣayamokṣadām anāyāsena mūḍhānāṁ vāsanābaddhacetasām

जैमिनि ने कहा — अब आगे मैं वह यात्रा बताऊँगा जो अक्षय मोक्ष देने वाली है, वासना से बंधे चित्त वाले मूढ़ों को भी बिना परिश्रम के।

श्लोक 2 (skanda.2.86.2)

वैशाखस्यामले पक्षे द्वितीयारात्रिमध्यतः। मण्डपं च चतुष्कोणं सुधालिप्तं सवेदिकम्

vaiśākhasyāmale pakṣe dvitīyārātrimadhyataḥ maṇḍapaṁ ca catuṣkoṇaṁ sudhāliptaṁ savedikam

वैशाख के शुक्ल पक्ष में द्वितीया की रात्रि के मध्य से, चार कोनों वाला, चूने से पुता, वेदिका सहित मंडप बनाए,

श्लोक 3 (skanda.2.86.3)

सुधौतवाससा कुर्यात्प्रतिसीरासमं ततः। साधुसोपानसंयुक्तं चारुचंद्रातपान्वितम्

sudhautavāsasā kuryātpratisīrāsamaṁ tataḥ sādhusopānasaṁyuktaṁ cārucaṁdrātapānvitam

भलीभाँति धुले वस्त्र से चंदोवा तानकर, सुंदर सोपानों सहित, सुंदर चंद्र-सी छतरी से युक्त।

श्लोक 4 (skanda.2.86.4)

तन्मध्ये विन्यसेन्नूनं साधु भद्रासनोत्तमम्। तस्मिन्निचोलसंछन्ने विन्यसेत्स्वर्णभाजनम्

tanmadhye vinyasennūnaṁ sādhu bhadrāsanottamam tasminnicolasaṁchanne vinyasetsvarṇabhājanam

उसके मध्य में निश्चय ही एक सुंदर उत्तम भद्रासन रखे; उस पर वस्त्र से ढका हुआ स्वर्ण-पात्र रखे।

श्लोक 5 (skanda.2.86.5)

तस्य पश्चिमभागे वै स्वासीनो ब्राह्मणः शुचिः। पात्रांतरे तु गृह्णीयाच्चंदनं पचविंशतिम्

tasya paścimabhāge vai svāsīno brāhmaṇaḥ śuciḥ pātrāṁtare tu gṛhṇīyāccaṁdanaṁ pacaviṁśatim

उसके पश्चिम भाग में बैठा हुआ एक पवित्र ब्राह्मण, दूसरे पात्र में पच्चीस (पल) चंदन ले,

श्लोक 6 (skanda.2.86.6)

सुपिष्टं कृष्णस्नेहस्य गृह्णीयाच्च पलाधिकम्। अगुर्वर्द्धं कुंकुमं स्यात्कुंकुमार्द्धं च सिह्लकम्

supiṣṭaṁ kṛṣṇasnehasya gṛhṇīyācca palādhikam agurvarddhaṁ kuṁkumaṁ syātkuṁkumārddhaṁ ca sihlakam

भलीभाँति पिसा हुआ, तथा एक पल से अधिक काला (कस्तूरी-तेल जैसा) स्नेह ले; अगुरु उसका आधा, कुंकुम अगुरु का आधा, और सिह्लक (लोबान) कुंकुम के बराबर,

श्लोक 7 (skanda.2.86.7)

कस्तूरिकाकर्पुरयोः प्रमाणं सिह्लसंमितम्। सर्वमेकत्र संपिष्यात्पाटलोद्भववारिणा

kastūrikākarpurayoḥ pramāṇaṁ sihlasaṁmitam sarvamekatra saṁpiṣyātpāṭalodbhavavāriṇā

कस्तूरी और कर्पूर की मात्रा सिह्लक के बराबर — यह सब एक साथ गुलाब-जल से पीस दे।

श्लोक 8 (skanda.2.86.8)

पलद्वयं ततो दद्यादगुरुस्नेहमुत्तमम्। एकत्र लोडितां कृत्वा पूर्वपात्रे निधापयेत्

paladvayaṁ tato dadyādagurusnehamuttamam ekatra loḍitāṁ kṛtvā pūrvapātre nidhāpayet

फिर उसमें उत्तम अगुरु-तेल के दो पल मिलाए; सबको एक साथ मिलाकर पहले वाले पात्र में रख दे,

श्लोक 9 (skanda.2.86.9)

आच्छाद्य केतकीपत्रैर्वेष्टयेच्चीनवाससा। गन्धस्ते सोममंत्रेण रक्षेद्गरुडमुद्रया

ācchādya ketakīpatrairveṣṭayeccīnavāsasā gandhaste somamaṁtreṇa rakṣedgaruḍamudrayā

केतकी के पत्तों से ढककर चीनी वस्त्र से लपेट दे; उस सुगंधित लेप की सोम-मंत्र और गरुड़-मुद्रा से रक्षा करे।

श्लोक 10 (skanda.2.86.10)

एवं तु मण्डपे तस्मिन्साधिवासं निधापयेत्। अरुणोदयकालेऽथ नयेत्कृष्णस्य सन्निधिम्

evaṁ tu maṇḍape tasminsādhivāsaṁ nidhāpayet aruṇodayakāle'tha nayetkṛṣṇasya sannidhim

इस प्रकार उस मंडप में उसका अधिवास कराए; फिर अरुणोदय के समय उसे कृष्ण के समीप ले जाए,

श्लोक 11 (skanda.2.86.11)

शंखचामरछत्राद्यैर्भ्रामयित्वा सुरालयम्। देवाग्रे स्थापयित्वा च पूजयेत्पुरुषोत्तमम्

śaṁkhacāmarachatrādyairbhrāmayitvā surālayam devāgre sthāpayitvā ca pūjayetpuruṣottamam

शंख-चँवर-छत्र आदि सहित मंदिर की परिक्रमा कराकर; देवता के आगे स्थापित करके पुरुषोत्तम की पूजा करे।

श्लोक 12 (skanda.2.86.12)

उद्धाटयेत्ततो वस्त्रे दिव्यदृष्ट्यावलोकयेत्। प्रोक्षितं मंत्रराजेन संकुर्यात्ताडनादिभिः

uddhāṭayettato vastre divyadṛṣṭyāvalokayet prokṣitaṁ maṁtrarājena saṁkuryāttāḍanādibhiḥ

फिर वस्त्र खोलकर दिव्य दृष्टि से उसे देखे; मंत्रराज से सिंचित करके थपथपाने आदि से उसे नरम करे।

श्लोक 13 (skanda.2.86.13)

गंधपुष्पाक्षतैः पूज्यः श्रियः सूक्तेन लेपयेत्। श्रीशस्य सर्वगात्रेषु मृदुस्पर्शं शनैः शनैः

gaṁdhapuṣpākṣataiḥ pūjyaḥ śriyaḥ sūktena lepayet śrīśasya sarvagātreṣu mṛdusparśaṁ śanaiḥ śanaiḥ

गंध-पुष्प-अक्षत से पूजा करके श्री-सूक्त से उसका लेप करे, श्रीपति के सारे अंगों पर धीरे-धीरे कोमल स्पर्श से लगाते हुए।

श्लोक 14 (skanda.2.86.14)

वैष्णवा जयशब्दैस्तं वर्द्धयंति तदा हरिम्। नानासूक्तोपनिषदैर्विद्वांसस्तं स्तुवंति वै

vaiṣṇavā jayaśabdaistaṁ varddhayaṁti tadā harim nānāsūktopaniṣadairvidvāṁsastaṁ stuvaṁti vai

तब वैष्णव जय-जयकार से हरि की स्तुति करते हैं; विद्वान नाना सूक्तों और उपनिषदों से उनकी स्तुति करते हैं।

श्लोक 15 (skanda.2.86.15)

वेणुवीणादिकैर्नृत्यगीतवाद्यैरनेकशः। व्यजनैश्चामरैच्छत्रैरन्यैर्नानोपहारकैः

veṇuvīṇādikairnṛtyagītavādyairanekaśaḥ vyajanaiścāmaraicchatrairanyairnānopahārakaiḥ

वेणु-वीणा आदि तथा नाना नृत्य-गीत-वाद्य के साथ, पंखे-चँवर-छत्र तथा अन्य नाना उपहारों के साथ,

श्लोक 16 (skanda.2.86.16)

संतोषयञ्जगन्नाथं तृतीयादौ विलेपयेत्। यस्य चिंतनमात्रेण तापा नश्यंति देहिनाम्

saṁtoṣayañjagannāthaṁ tṛtīyādau vilepayet yasya ciṁtanamātreṇa tāpā naśyaṁti dehinām

जगन्नाथ को प्रसन्न करते हुए तृतीया आदि से लेप लगाना चाहिए — जिनके चिंतन मात्र से प्राणियों के ताप नष्ट हो जाते हैं।

श्लोक 17 (skanda.2.86.17)

सोऽसौ संदर्शनात्तापान्नृणां हंति तदा द्विजाः। अचिन्त्यो महिमा विष्णोरीदृक्तादृक्तया सदा

so'sau saṁdarśanāttāpānnṛṇāṁ haṁti tadā dvijāḥ acintyo mahimā viṣṇorīdṛktādṛktayā sadā

वे ही दर्शन मात्र से मनुष्यों के तापों को नष्ट कर देते हैं, हे द्विजो; विष्णु की अचिंत्य महिमा सदा ऐसी ही है।

श्लोक 18 (skanda.2.86.18)

ततः सूक्ष्मांबरैर्माल्यैर्भक्ष्यभोज्यादिपानकैः। द्रव्यैर्नानाविधैर्हृद्यैर्गव्यैरावर्तितैः शुभैः

tataḥ sūkṣmāṁbarairmālyairbhakṣyabhojyādipānakaiḥ dravyairnānāvidhairhṛdyairgavyairāvartitaiḥ śubhaiḥ

फिर सूक्ष्म वस्त्रों, मालाओं, भक्ष्य-भोज्य-पेय पदार्थों, गाय के दूध से बने नाना प्रकार के मनोहर, आवर्तित शुभ पदार्थों से,

श्लोक 19 (skanda.2.86.19)

ततः संपूजयेद्देवं तांबूलैश्च सुसंस्कृतैः। तस्मिन्काले तु ये कृष्णं भक्त्या पश्यंति मानवाः

tataḥ saṁpūjayeddevaṁ tāṁbūlaiśca susaṁskṛtaiḥ tasminkāle tu ye kṛṣṇaṁ bhaktyā paśyaṁti mānavāḥ

फिर सुसंस्कृत ताम्बूल से भी देवता की पूजा करे। उस समय जो मनुष्य भक्तिपूर्वक कृष्ण को देखते हैं,

श्लोक 20 (skanda.2.86.20)

न तेषां पुनरावृत्तिः कल्पकोटिशतैरपि। विष्णोः स्वरूपमासाद्य विष्णुलोके वसंति वै

na teṣāṁ punarāvṛttiḥ kalpakoṭiśatairapi viṣṇoḥ svarūpamāsādya viṣṇuloke vasaṁti vai

उनकी सौ करोड़ कल्पों में भी पुनरावृत्ति नहीं होती; विष्णु का ही स्वरूप प्राप्त करके वे विष्णुलोक में निवास करते हैं।

श्लोक 21 (skanda.2.86.21)

पुरा कलियुगे विप्रा दक्षो नाम प्रजापतिः। आध्यात्मिकादिसंतापैः सुदीनान्वीक्ष्य मानवान्

purā kaliyuge viprā dakṣo nāma prajāpatiḥ ādhyātmikādisaṁtāpaiḥ sudīnānvīkṣya mānavān

पूर्वकाल में, हे द्विजो, कलियुग में दक्ष नाम के एक प्रजापति ने, आध्यात्मिक आदि तापों से अत्यंत दीन मनुष्यों को देखकर,

श्लोक 22 (skanda.2.86.22)

तत्र गत्वा कृपायुक्तो महिमानं चकार वै। यथाविधि मया प्रोक्तं स एव प्रथमं द्विजाः

tatra gatvā kṛpāyukto mahimānaṁ cakāra vai yathāvidhi mayā proktaṁ sa eva prathamaṁ dvijāḥ

वहाँ जाकर, कृपायुक्त होकर, यह महिमा की — जो विधि मैंने कही है, हे द्विजो, वह सबसे पहले उन्होंने ही की थी।

श्लोक 23 (skanda.2.86.23)

प्रलिप्य चन्दनेनांगे माधवामलपक्षके। तृतीयायां जगन्नाथं स्तुतिमेतां मुदा जगौ

pralipya candanenāṁge mādhavāmalapakṣake tṛtīyāyāṁ jagannāthaṁ stutimetāṁ mudā jagau

वैशाख (माधव मास) की तृतीया को, जगन्नाथ के अंग पर चंदन का लेप करके, उन्होंने हर्षपूर्वक यह स्तुति गाई।

श्लोक 24 (skanda.2.86.24)

दक्ष उवाच। देवदेव जगन्नाथ सहजानंदनिर्मल। संसारार्णवसंमग्नांस्त्राहि नः परमेश्वर

dakṣa uvāca devadeva jagannātha sahajānaṁdanirmala saṁsārārṇavasaṁmagnāṁstrāhi naḥ parameśvara

दक्ष ने कहा — 'हे देवाधिदेव जगन्नाथ, स्वाभाविक आनंद से निर्मल, संसार-सागर में डूबे हुए हम सबकी रक्षा कीजिए, हे परमेश्वर।

श्लोक 25 (skanda.2.86.25)

नानाविधैश्च संतापैः संतप्तान्मानवानिमान्। ममानुक्रोशबुद्ध्या वै शुभदृष्ट्याऽमृतेन च

nānāvidhaiśca saṁtāpaiḥ saṁtaptānmānavānimān mamānukrośabuddhyā vai śubhadṛṣṭyā'mṛtena ca

नाना प्रकार के तापों से संतप्त इन मनुष्यों को, मेरी करुणा-बुद्धि से, शुभ दृष्टि और अमृत से,

श्लोक 26 (skanda.2.86.26)

संतर्पय तृणाञ्छुष्कान्कृष्ण मेऽघ नमोऽस्तुते। कलिकल्मषसंमूढानुद्धर्तुं जगतां पते

saṁtarpaya tṛṇāñchuṣkānkṛṣṇa me'gha namo'stute kalikalmaṣasaṁmūḍhānuddhartuṁ jagatāṁ pate

हे कृष्ण, संतृप्त कीजिए — भले ही ये सूखी घास के तिनके-समान हों; मेरे पाप को नमस्कार। कलियुग के कल्मष से मोहित जगत् के लोगों का उद्धार करने के लिए, हे जगत्पते,

श्लोक 27 (skanda.2.86.27)

अवतारोऽयमेतस्मिन्नीलाचलगुहांतरे। चिरकालप्ररूढानां दुस्त्यजानां महांहसाम्

avatāro'yametasminnīlācalaguhāṁtare cirakālaprarūḍhānāṁ dustyajānāṁ mahāṁhasām

इस नीलाचल की गुफा के भीतर आपका यह अवतार, चिरकाल से जड़ जमाए, त्यागने में कठिन महापापों की राशि को भस्म करने के लिए है।

श्लोक 28 (skanda.2.86.28)

राशिं दग्धुं त्वमेवेशो दीनानाथकृपाकर। त्वद्दर्शनमहायोगे यमाद्यष्टांगवर्जिते

rāśiṁ dagdhuṁ tvameveśo dīnānāthakṛpākara tvaddarśanamahāyoge yamādyaṣṭāṁgavarjite

आप ही, हे ईश, दीन-अनाथों पर करुणा करने वाले हैं; आपके दर्शन के इस महायोग में, जो यम आदि अष्टांगों से रहित है,

श्लोक 29 (skanda.2.86.29)

येषां मतिः समुत्पन्ना चतुर्वर्गैकसाधने। न ते शोचंति दुष्पारे भवारण्ये महाभये

yeṣāṁ matiḥ samutpannā caturvargaikasādhane na te śocaṁti duṣpāre bhavāraṇye mahābhaye

जिनमें चारों पुरुषार्थों की एक साथ सिद्धि की बुद्धि उत्पन्न हो जाती है, वे इस दुष्पार, महाभयंकर संसार-वन में शोक नहीं करते।

श्लोक 30 (skanda.2.86.30)

कर्मानपेक्षं देवेश नात्मज्ञानं विमोचकम्। इदं ते दर्शनं नाथ विना कर्मापि मोचयेत्

karmānapekṣaṁ deveśa nātmajñānaṁ vimocakam idaṁ te darśanaṁ nātha vinā karmāpi mocayet

हे देवेश, कर्म से निरपेक्ष आत्मज्ञान ही (सामान्यतः) मुक्ति का साधन माना जाता है, परंतु आपका यह दर्शन, हे नाथ, बिना कर्म के भी मुक्ति देता है।

श्लोक 31 (skanda.2.86.31)

जय कृष्ण जयेशान जयाक्षर जयाव्यय। प्रसीदानुगृहाणेमान्दीनान्मूढान्विचेतसः

jaya kṛṣṇa jayeśāna jayākṣara jayāvyaya prasīdānugṛhāṇemāndīnānmūḍhānvicetasaḥ

जय कृष्ण, जय ईश, जय अक्षर, जय अव्यय! प्रसन्न होइए, इन दीन, मूढ़, विचेतन प्राणियों पर अनुग्रह कीजिए।'

श्लोक 32 (skanda.2.86.32)

इति स्तुत्वा दंडपातं पपात चरणांबुजे। प्रसीदेश प्रसीदेश प्रसीदेशेति घोषयन्

iti stutvā daṁḍapātaṁ papāta caraṇāṁbuje prasīdeśa prasīdeśa prasīdeśeti ghoṣayan

इस प्रकार स्तुति करके वे दंड के समान उनके चरण-कमलों में गिर पड़े, 'हे ईश, प्रसन्न होइए, हे ईश, प्रसन्न होइए, हे ईश, प्रसन्न होइए' — यह पुकारते हुए।

श्लोक 33 (skanda.2.86.33)

ततो जगाद भगवान्सुस्वरेण प्रजापतिम्। उत्तिष्ठ वत्स ते दत्तं दुर्लभं यद्वरं त्वया

tato jagāda bhagavānsusvareṇa prajāpatim uttiṣṭha vatsa te dattaṁ durlabhaṁ yadvaraṁ tvayā

तब भगवान ने मधुर स्वर से प्रजापति से कहा — 'हे वत्स, उठो; तुमने जो दुर्लभ वर माँगा है,

श्लोक 34 (skanda.2.86.34)

कांक्षितं मत्प्रसादेन भविष्यति न संशयः। मदनुग्रहोऽल्पपुण्यानां दुर्लभो विदितस्तव

kāṁkṣitaṁ matprasādena bhaviṣyati na saṁśayaḥ madanugraho'lpapuṇyānāṁ durlabho viditastava

वह मेरी कृपा से निःसंदेह पूर्ण होगा। तुम्हें ज्ञात है कि अल्पपुण्य वालों के लिए मेरा अनुग्रह दुर्लभ है।

श्लोक 35 (skanda.2.86.35)

मदंगजातोऽस्ति भवान्मां त्वं प्रार्थितवानसि। ममोत्सवेन सन्तोष्य ततस्ते प्रददाम्यहम्

madaṁgajāto'sti bhavānmāṁ tvaṁ prārthitavānasi mamotsavena santoṣya tataste pradadāmyaham

तुम मेरे ही शरीर से उत्पन्न हो; तुमने मुझसे प्रार्थना की है। मेरे उत्सव से संतुष्ट होकर अब मैं तुम्हें यह देता हूँ —

श्लोक 36 (skanda.2.86.36)

इमामक्षययात्रां ये भक्त्या पश्यंति हर्षिताः। तस्मिन्काले यदिच्छंति मनसा तदवाप्नुयुः

imāmakṣayayātrāṁ ye bhaktyā paśyaṁti harṣitāḥ tasminkāle yadicchaṁti manasā tadavāpnuyuḥ

जो हर्षित होकर भक्तिपूर्वक इस अक्षय यात्रा को देखते हैं, वे उस समय मन में जो चाहते हैं, वही प्राप्त करते हैं।

श्लोक 37 (skanda.2.86.37)

यथा संतापहरणं चन्दनेनानुलेपनम्। तथोत्सवोऽयं मे दक्ष संतापत्रयनाशनः

yathā saṁtāpaharaṇaṁ candanenānulepanam tathotsavo'yaṁ me dakṣa saṁtāpatrayanāśanaḥ

जैसे चंदन का लेप ताप को हरने वाला है, वैसे ही, हे दक्ष, मेरा यह उत्सव त्रिविध ताप को नष्ट करने वाला है।

श्लोक 38 (skanda.2.86.38)

मत्प्रेरितमतिस्त्वं हि उत्सवं कृतवानसि। संकल्पितोऽयं मनसा दीनोद्धृत्यै मया ध्रुवम्

matpreritamatistvaṁ hi utsavaṁ kṛtavānasi saṁkalpito'yaṁ manasā dīnoddhṛtyai mayā dhruvam

तुमने, मेरी ही प्रेरित बुद्धि से, यह उत्सव किया है; यह मेरे मन में ही संकल्पित था, निश्चय ही दीनों के उद्धार के लिए।

श्लोक 39 (skanda.2.86.39)

त्वयाभिकाक्षितं सर्वं दास्याम्येव प्रजापते। द्वादशैता महायात्रा गुण्डिचाद्यास्तु पावनाः

tvayābhikākṣitaṁ sarvaṁ dāsyāmyeva prajāpate dvādaśaitā mahāyātrā guṇḍicādyāstu pāvanāḥ

तुमने जो-जो चाहा है, हे प्रजापते, मैं वह सब निश्चय ही दूँगा। ये गुंडिचा आदि बारह महायात्राएँ पवित्र हैं;

श्लोक 40 (skanda.2.86.40)

एकैका मुक्तिदा सर्वा धर्मकामार्थवर्द्धनाः

ekaikā muktidā sarvā dharmakāmārthavarddhanāḥ

इनमें से हर एक मुक्तिदायी है और धर्म-काम-अर्थ को बढ़ाने वाली है।

श्लोक 41 (skanda.2.86.41)

तासामेकतमां वापि यो भक्त्या चावलोकयेत्। एकयापि भवाब्धिं स तीर्त्वा विष्णुपदं व्रजेत्

tāsāmekatamāṁ vāpi yo bhaktyā cāvalokayet ekayāpi bhavābdhiṁ sa tīrtvā viṣṇupadaṁ vrajet

इनमें से किसी एक को भी जो भक्तिपूर्वक देखता है, वह उस एक से ही संसार-सागर को पार करके विष्णु-पद को प्राप्त होता है।'

श्लोक 42 (skanda.2.86.42)

जैमिनिरुवाच। इत्युदीर्य प्रजानाथं भगवान्स तिरोदधे

jaiminiruvāca ityudīrya prajānāthaṁ bhagavānsa tirodadhe

जैमिनि ने कहा — प्रजापति से यह कहकर भगवान अंतर्धान हो गए।

श्लोक 43 (skanda.2.86.43)

दक्षः प्रजापतिः सोऽपि श्रद्दधानस्तदाज्ञया। संवत्सरं गिरौ स्थित्वा संददर्श महोत्सवान्

dakṣaḥ prajāpatiḥ so'pi śraddadhānastadājñayā saṁvatsaraṁ girau sthitvā saṁdadarśa mahotsavān

दक्ष प्रजापति भी श्रद्धावान होकर, उनकी आज्ञा से, एक वर्ष तक पर्वत पर रहकर उन महोत्सवों को देखते रहे।

श्लोक 44 (skanda.2.86.44)

सर्वज्ञो ब्राह्मणो भूत्वा कौशिकस्य कुलोत्तमे। लोकान्प्रवर्तयामास यथाविधि महेषु सः

sarvajño brāhmaṇo bhūtvā kauśikasya kulottame lokānpravartayāmāsa yathāvidhi maheṣu saḥ

कौशिक के श्रेष्ठ कुल में सर्वज्ञ ब्राह्मण बनकर उन्होंने विधिपूर्वक महोत्सवों में उन यात्राओं को लोगों में प्रवर्तित किया,

श्लोक 45 (skanda.2.86.45)

विश्वासायाल्पबुद्धीनां यात्रा वै परिकीर्तिताः। अयं च साक्षात्परमब्रह्मरूपी जगद्गुरुः। प्रसादितः सुरेशेन लोकानुग्रहणाय वै

viśvāsāyālpabuddhīnāṁ yātrā vai parikīrtitāḥ ayaṁ ca sākṣātparamabrahmarūpī jagadguruḥ prasāditaḥ sureśena lokānugrahaṇāya vai

अल्पबुद्धि वालों में विश्वास उत्पन्न करने के लिए ही ये यात्राएँ प्रसिद्ध की गई हैं; और साक्षात् परमब्रह्म-स्वरूप यह जगद्गुरु, देवेश्वर द्वारा प्रसन्न होकर, लोकों पर अनुग्रह करने के लिए ही (यह सब करता है)।

श्लोक 46 (skanda.2.86.46)

यथा तथा दृष्टिपथं यातो मुक्तिप्रदो धुवम्। सर्वान्कामान्ददात्येव नारीणां नात्र संशयः

yathā tathā dṛṣṭipathaṁ yāto muktiprado dhuvam sarvānkāmāndadātyeva nārīṇāṁ nātra saṁśayaḥ

जो भी किसी प्रकार भी उनकी दृष्टि के मार्ग में आ जाता है, वह निश्चय ही मुक्ति पाता है; वे स्त्रियों की भी सब कामनाएँ पूर्ण करते हैं, इसमें कोई संदेह नहीं।

श्लोक 47 (skanda.2.86.47)

सत्यप्रतिज्ञो भगवांस्तत्रास्ते मधुसूदनः। शोकं तरति यं दृष्ट्वा भवपाथोधिसंभवम्। किं व्रतैः किं तपोदानैः किं कृच्छ्रैः क्रतुभिस्तथा

satyapratijño bhagavāṁstatrāste madhusūdanaḥ śokaṁ tarati yaṁ dṛṣṭvā bhavapāthodhisaṁbhavam kiṁ vrataiḥ kiṁ tapodānaiḥ kiṁ kṛcchraiḥ kratubhistathā

सत्यप्रतिज्ञ भगवान मधुसूदन वहाँ विराजमान हैं; जिन्हें देखकर मनुष्य संसार-सागर से उत्पन्न शोक को पार कर जाता है। फिर व्रतों से क्या, तपों-दानों से क्या, कठिन साधनाओं और यज्ञों से क्या,

श्लोक 48 (skanda.2.86.48)

किमष्टांगेन योगेन किं सांख्येन परेण च

kimaṣṭāṁgena yogena kiṁ sāṁkhyena pareṇa ca

अष्टांग योग से क्या, और परम सांख्य से भी क्या प्रयोजन?

श्लोक 49 (skanda.2.86.49)

तीर्थराजजले स्नात्वा क्षेत्रे श्रीपुरुषोत्तमे। न्यग्रोधमूलवसतौ वसन्तं चर्मचक्षुषा। दृष्ट्वा दारुमयं ब्रह्म देहबंधात्प्रमुच्यते

tīrtharājajale snātvā kṣetre śrīpuruṣottame nyagrodhamūlavasatau vasantaṁ carmacakṣuṣā dṛṣṭvā dārumayaṁ brahma dehabaṁdhātpramucyate

तीर्थराज के जल में स्नान करके, श्रीपुरुषोत्तम क्षेत्र में, न्यग्रोध (वट वृक्ष) की जड़ में निवास करने वाले दारु-ब्रह्म को अपनी चर्म-चक्षुओं से देखकर, मनुष्य देह-बंधन से मुक्त हो जाता है।