उपासना-फल-निरूपण और नीलाचल-निवास का आह्वान

श्लोक 1 (skanda.2.87.1)

मुनय ऊचुः। भगवन्सर्वशास्त्रज्ञ श्रुतं परममद्भुतम्। यात्रारूपं भगवतो माहात्म्यं पापनाशनम्

munaya ūcuḥ bhagavansarvaśāstrajña śrutaṁ paramamadbhutam yātrārūpaṁ bhagavato māhātmyaṁ pāpanāśanam

मुनियों ने कहा — हे सर्वशास्त्रज्ञ भगवन्, हमने भगवान की यात्रा-रूप परम अद्भुत, पाप-नाशक महिमा सुनी।

श्लोक 2 (skanda.2.87.2)

यथाहं पूजितो देवः कामिभिः सर्वकामदः। भूत्युपासनया भूतिप्रदो ब्रूहि तथा हि नः

yathāhaṁ pūjito devaḥ kāmibhiḥ sarvakāmadaḥ bhūtyupāsanayā bhūtiprado brūhi tathā hi naḥ

जैसे मैं कामनाओं वाले भक्तों द्वारा पूजित होकर सब कामनाएँ देने वाला देव बनता हूँ, वैसे ही भूति (ऐश्वर्य) की उपासना से वे भूति कैसे देते हैं, यह भी हमें बताइए।

श्लोक 3 (skanda.2.87.3)

जैमिनिरुवाच। सर्वा विभूतयो विष्णोर्जगत्यस्मिंश्चराचराः। भूतिप्रदो विभूतिश्च स एकः परमेश्वरः

jaiminiruvāca sarvā vibhūtayo viṣṇorjagatyasmiṁścarācarāḥ bhūtiprado vibhūtiśca sa ekaḥ parameśvaraḥ

जैमिनि ने कहा — इस जगत् की सभी चराचर विभूतियाँ विष्णु की ही हैं; वह अकेला परमेश्वर ही भूति-प्रदाता और भूति दोनों है।

श्लोक 4 (skanda.2.87.4)

यथायथोप चरति तथा वै जायते नरः। एतावदस्य महिमा परिमातुं न शक्यते

yathāyathopa carati tathā vai jāyate naraḥ etāvadasya mahimā parimātuṁ na śakyate

जैसे-जैसे मनुष्य उनकी उपासना करता है, वैसा ही वह हो जाता है; उनकी इतनी महिमा है कि उसे मापा नहीं जा सकता।

श्लोक 5 (skanda.2.87.5)

यो यथा समुपास्ते तं तथा वै फलमाप्नुयात्। एकः पंथाश्चतुर्णां वै धर्मादीनां स दारवः

yo yathā samupāste taṁ tathā vai phalamāpnuyāt ekaḥ paṁthāścaturṇāṁ vai dharmādīnāṁ sa dāravaḥ

जो जैसे उनकी उपासना करता है, वह वैसा ही फल प्राप्त करता है; धर्म आदि चारों पुरुषार्थों का वह एकमात्र मार्ग है — वही काष्ठमय (देवता)।

श्लोक 6 (skanda.2.87.6)

धर्मस्य पथा गहनः संकीर्णो वहुशासनैः। तत्त्वावधारणे नास्य क्षमः कोऽपि द्विजोत्तमाः

dharmasya pathā gahanaḥ saṁkīrṇo vahuśāsanaiḥ tattvāvadhāraṇe nāsya kṣamaḥ ko'pi dvijottamāḥ

धर्म का मार्ग गहन है, अनेक शासनों से संकीर्ण; हे श्रेष्ठ द्विजो, इसके तत्त्व को निश्चित करने में कोई समर्थ नहीं है।

श्लोक 7 (skanda.2.87.7)

अर्थकामौ हि तन्मूलावित्थं स्थूलगती सदा। तेषां त्रयाणां भगवाननायासेन वृद्धिकृत्

arthakāmau hi tanmūlāvitthaṁ sthūlagatī sadā teṣāṁ trayāṇāṁ bhagavānanāyāsena vṛddhikṛt

अर्थ और काम इसी (धर्म) को मूल मानकर सदा स्थूल मार्ग वाले हैं; इन तीनों की वृद्धि भगवान बिना किसी परिश्रम के करते हैं।

श्लोक 8 (skanda.2.87.8)

धर्मो हि भगवान्विष्णुर्धर्ममूलमिदं जगत्। धर्मस्य जगतश्चापि प्रभुरेष जनार्दनः

dharmo hi bhagavānviṣṇurdharmamūlamidaṁ jagat dharmasya jagataścāpi prabhureṣa janārdanaḥ

क्योंकि भगवान विष्णु ही धर्म हैं; यह जगत् धर्म को ही मूल मानता है; और यह जनार्दन ही धर्म तथा जगत् दोनों के स्वामी हैं।

श्लोक 9 (skanda.2.87.9)

पुरुषार्थमये तस्मिन्भक्तिर्यस्य प्रतिष्ठिता। स सर्वकामतृप्तात्मा न शोचति न कांक्षति

puruṣārthamaye tasminbhaktiryasya pratiṣṭhitā sa sarvakāmatṛptātmā na śocati na kāṁkṣati

पुरुषार्थमय इस संसार में जिसकी भक्ति उनमें प्रतिष्ठित है, वह सब कामनाओं से तृप्त आत्मा वाला होकर न शोक करता है, न कामना करता है।

श्लोक 10 (skanda.2.87.10)

त्रैलोक्यैश्वर्यदातासौ शक्ररूपो ह्युपासितः। भावितो धातृरूपेण वंशवृद्धिकरो हरिः

trailokyaiśvaryadātāsau śakrarūpo hyupāsitaḥ bhāvito dhātṛrūpeṇa vaṁśavṛddhikaro hariḥ

इन्द्र-रूप में उपासित होने पर यही हरि त्रैलोक्य का ऐश्वर्य देते हैं; ब्रह्मा-रूप में भावित होने पर वंश की वृद्धि करते हैं।

श्लोक 11 (skanda.2.87.11)

सनत्कुमाररूपेण दीर्घमायुः प्रयच्छति। वृत्तिसंपत्प्रदो ह्येष पृथुरूपेण भावितः

sanatkumārarūpeṇa dīrghamāyuḥ prayacchati vṛttisaṁpatprado hyeṣa pṛthurūpeṇa bhāvitaḥ

सनत्कुमार-रूप में दीर्घायु प्रदान करते हैं; पृथु-रूप में भावित होने पर आजीविका की समृद्धि देते हैं।

श्लोक 12 (skanda.2.87.12)

गङ्गादितीर्थफलदो वाचस्पतिरुपासितः। अंतस्तमः प्रणुदति भास्वद्रूपेण भावितः

gaṅgāditīrthaphalado vācaspatirupāsitaḥ aṁtastamaḥ praṇudati bhāsvadrūpeṇa bhāvitaḥ

बृहस्पति (वाचस्पति) रूप में उपासित होने पर गंगा आदि तीर्थों का फल देते हैं; तेजस्वी सूर्य-रूप में भावित होने पर अंतःकरण के अंधकार को दूर करते हैं।

श्लोक 13 (skanda.2.87.13)

सौभाग्यमतुलं दद्यादमृतांशुरुपासितः। विद्याष्टादशतत्त्वज्ञो वाक्पतित्वेन भावयन्

saubhāgyamatulaṁ dadyādamṛtāṁśurupāsitaḥ vidyāṣṭādaśatattvajño vākpatitvena bhāvayan

चंद्रमा-रूप में उपासित होने पर अतुल सौभाग्य देते हैं; अठारह विद्याओं के तत्त्वज्ञ वाचस्पति-रूप में भावित होने पर वाक्पटुता देते हैं।

श्लोक 14 (skanda.2.87.14)

वाजिमेधादियज्ञानां फलदोऽयं सनातनः। यज्ञेश्वरस्वरूपेण भावितोऽयं जगन्मयः

vājimedhādiyajñānāṁ phalado'yaṁ sanātanaḥ yajñeśvarasvarūpeṇa bhāvito'yaṁ jaganmayaḥ

यह सनातन देव अश्वमेध आदि यज्ञों का फल देने वाला है; यज्ञेश्वर-रूप में भावित होने पर यह जगन्मय हो जाता है।

श्लोक 15 (skanda.2.87.15)

ध्यातः कुबेररूपेण समृद्धिमतुलां ददेत्

dhyātaḥ kuberarūpeṇa samṛddhimatulāṁ dadet

कुबेर-रूप में ध्यान किए जाने पर अतुल समृद्धि देते हैं।

श्लोक 16 (skanda.2.87.16)

एवं दयांबुधिरसौ तस्मिन्नीलाचले वसन्। दीनानाथानुग्रहाय दारुव्याजशरीरवान्

evaṁ dayāṁbudhirasau tasminnīlācale vasan dīnānāthānugrahāya dāruvyājaśarīravān

इस प्रकार यह दया के सागर, उस नीलाचल पर निवास करते हुए, दीन-अनाथों पर अनुग्रह करने के लिए काष्ठ के बहाने शरीर धारण किए हुए हैं।

श्लोक 17 (skanda.2.87.17)

प्रयात तत्र भो विप्रा वसध्वं सुसमाहिताः। श्रीशपादाब्जयुगलं शरणं तत्प्रपद्यत

prayāta tatra bho viprā vasadhvaṁ susamāhitāḥ śrīśapādābjayugalaṁ śaraṇaṁ tatprapadyata

हे विप्रो, वहाँ जाओ और सुसमाहित होकर वहाँ निवास करो; श्रीपति के दोनों चरण-कमलों की शरण ग्रहण करो।

श्लोक 18 (skanda.2.87.18)

ऐहिकामुष्मिकान्भोगान्वाञ्छध्वं यदि शाश्वतान्। अन्ते मुक्तिं च कैवल्यां यथेच्छं तत्र प्राप्नुत

aihikāmuṣmikānbhogānvāñchadhvaṁ yadi śāśvatān ante muktiṁ ca kaivalyāṁ yathecchaṁ tatra prāpnuta

यदि तुम इहलोक और परलोक के भोग चाहते हो, चाहे वे शाश्वत ही क्यों न हों, और अंत में मोक्ष तथा कैवल्य भी, तो वहाँ जाकर यथेच्छ इन्हें प्राप्त करो।