ब्रह्मकुण्ड की महिमा और ब्रह्मा का शापमोचन

श्लोक 1 (skanda.3.14.1)

श्रीसूत उवाच। स्नात्वा त्वमृत वाप्यां वै सेवित्वैकांतराघवम्। जितेंद्रियो नरः स्नातुं ब्रह्मकुंडं ततो व्रजेत्

śrīsūta uvāca snātvā tvamṛta vāpyāṁ vai sevitvaikāṁtarāghavam jiteṁdriyo naraḥ snātuṁ brahmakuṁḍaṁ tato vrajet

सूत जी ने कहा - अमृतवापी में स्नान कर और एकान्त-राघव की सेवा-पूजा करके, जितेन्द्रिय पुरुष को फिर स्नान के लिए ब्रह्मकुण्ड जाना चाहिए।

श्लोक 2 (skanda.3.14.2)

सेतुमध्ये महातीर्थं गंधमादनपर्वते। ब्रह्मकुंडमिति ख्यातं सर्व दारिद्र्यभेषजम्

setumadhye mahātīrthaṁ gaṁdhamādanaparvate brahmakuṁḍamiti khyātaṁ sarva dāridryabheṣajam

सेतु के मध्य, गन्धमादन पर्वत पर, ब्रह्मकुण्ड नाम से प्रसिद्ध एक महातीर्थ है, जो समस्त दरिद्रता की औषधि है।

श्लोक 3 (skanda.3.14.3)

विद्यते ब्रह्महत्यानामयुतायुतनाशनम्। दर्शनं ब्रह्मकुंडस्य सर्वपापौघनाशनम्

vidyate brahmahatyānāmayutāyutanāśanam darśanaṁ brahmakuṁḍasya sarvapāpaughanāśanam

वह अगणित ब्रह्महत्याओं का नाश करने वाला है; ब्रह्मकुण्ड का दर्शन-मात्र समस्त पापों के समूह को नष्ट कर देता है।

श्लोक 4 (skanda.3.14.4)

किं तस्य बहुभिस्तीर्थैः किं तपोभिः किमध्वरैः। महादानैश्च किं तस्य ब्रह्मकुंडविलोकिनः

kiṁ tasya bahubhistīrthaiḥ kiṁ tapobhiḥ kimadhvaraiḥ mahādānaiśca kiṁ tasya brahmakuṁḍavilokinaḥ

जिसने ब्रह्मकुण्ड का दर्शन कर लिया, उसे अनेक तीर्थों से, तपों से, यज्ञों से और महादानों से क्या प्रयोजन?

श्लोक 5 (skanda.3.14.5)

ब्रह्मकुंडे सकृत्स्नानं वैकुंठप्राप्तिकारणम्। ब्रह्मकुंडसमुद्भूतं भस्म येन धृतं द्विजाः।

brahmakuṁḍe sakṛtsnānaṁ vaikuṁṭhaprāptikāraṇam brahmakuṁḍasamudbhūtaṁ bhasma yena dhṛtaṁ dvijāḥ

ब्रह्मकुण्ड में एक बार स्नान वैकुण्ठ-प्राप्ति का कारण है; हे द्विजो! जिसने ब्रह्मकुण्ड से उत्पन्न भस्म धारण की है -

श्लोक 6 (skanda.3.14.6)

तस्यानुगास्त्रयो देवा ब्रह्मविष्णुमहेश्वराः। ब्रह्मकुंडसमुद्भूतभस्मना यस्त्रिपुंड्रकम्

tasyānugāstrayo devā brahmaviṣṇumaheśvarāḥ brahmakuṁḍasamudbhūtabhasmanā yastripuṁḍrakam

उसके अनुगामी तीनों देव - ब्रह्मा, विष्णु और महेश्वर - हो जाते हैं। जो ब्रह्मकुण्ड से उत्पन्न भस्म से त्रिपुण्ड्र धारण करता है,

श्लोक 7 (skanda.3.14.7)

करोति तस्य कैवल्यं करस्थं नात्र संशयः। तद्भस्मपरमाणुर्वा यो ललाटे धृतो भवेत्

karoti tasya kaivalyaṁ karasthaṁ nātra saṁśayaḥ tadbhasmaparamāṇurvā yo lalāṭe dhṛto bhavet

उसकी कैवल्य-मुक्ति हाथ में रखी हुई-सी हो जाती है, इसमें संशय नहीं; उस भस्म का एक कण भी यदि ललाट पर धारण किया जाए,

श्लोक 8 (skanda.3.14.8)

तावदेवास्य मुक्तिः स्यान्नात्र कार्या विचारणा। तत्कुंडभस्मना मर्त्यः कुर्यादुद्धूलनं तु यः

tāvadevāsya muktiḥ syānnātra kāryā vicāraṇā tatkuṁḍabhasmanā martyaḥ kuryāduddhūlanaṁ tu yaḥ

तत्काल ही उसकी मुक्ति हो जाती है, इसमें विचार करने की आवश्यकता नहीं। जो मनुष्य उस कुण्ड की भस्म से अपने शरीर पर उद्धूलन करता है,

श्लोक 9 (skanda.3.14.9)

तस्य पुण्यफलं वक्तुं शंकरो वेत्ति वा न वा। ब्रह्मकुंडसमुद्भूतं भस्म यो नैव धारयेत्

tasya puṇyaphalaṁ vaktuṁ śaṁkaro vetti vā na vā brahmakuṁḍasamudbhūtaṁ bhasma yo naiva dhārayet

उसके पुण्य-फल को कहना शंकर भी जानते हों या न जानते हों। किन्तु जो ब्रह्मकुण्ड से उत्पन्न भस्म कभी धारण नहीं करता,

श्लोक 10 (skanda.3.14.10)

रौरवे नरके सोऽयं पतेदाचंद्रतारकम्। उद्धूलनं त्रिपुंड्रं वा ब्रह्मकुंडस्थभस्मना

raurave narake so'yaṁ patedācaṁdratārakam uddhūlanaṁ tripuṁḍraṁ vā brahmakuṁḍasthabhasmanā

वह चन्द्र-तारे रहने तक रौरव नरक में गिरा रहता है। जो नराधम ब्रह्मकुण्ड की भस्म से उद्धूलन या त्रिपुण्ड्र नहीं करता,

श्लोक 11 (skanda.3.14.11)

नराधमो न कुर्याद्यः सुखं नास्य कदाचन। ब्रह्मकुंडसमुद्भूतभस्मनिंदारतस्तु यः

narādhamo na kuryādyaḥ sukhaṁ nāsya kadācana brahmakuṁḍasamudbhūtabhasmaniṁdāratastu yaḥ

उसे कभी सुख प्राप्त नहीं होता। और जो ब्रह्मकुण्ड से उत्पन्न भस्म की निन्दा करने में रत रहता है -

श्लोक 12 (skanda.3.14.12)

उत्पत्तौ तस्य सांकर्यमनुमेयं विपश्चिता। ब्रह्मकुंडसमुद्भूतं भस्मैतल्लोकपावनम्

utpattau tasya sāṁkaryamanumeyaṁ vipaścitā brahmakuṁḍasamudbhūtaṁ bhasmaitallokapāvanam

विद्वानों को उसके जन्म में संकरता का अनुमान लगा लेना चाहिए। ब्रह्मकुण्ड से उत्पन्न यह भस्म लोक को पवित्र करने वाली है;

श्लोक 13 (skanda.3.14.13)

अन्यभस्मसमं यस्तु न्यूनं वा वक्ति मानवः। उत्पत्तौ तस्य सांकर्य मनुमेयं विपश्चिता

anyabhasmasamaṁ yastu nyūnaṁ vā vakti mānavaḥ utpattau tasya sāṁkarya manumeyaṁ vipaścitā

जो मनुष्य इसे अन्य भस्म के समान या उससे भी न्यून कहता है, विद्वानों को उसके जन्म में भी संकरता का अनुमान करना चाहिए।

श्लोक 14 (skanda.3.14.14)

ब्रह्मकुंडसमुद्भूतेऽप्यस्मिन्भस्मनि जाग्रति। भस्मांतरेण मनुजो धारयेद्यस्त्रिपुंड्रकम्

brahmakuṁḍasamudbhūte'pyasminbhasmani jāgrati bhasmāṁtareṇa manujo dhārayedyastripuṁḍrakam

यह ब्रह्मकुण्ड से उत्पन्न भस्म विद्यमान रहते हुए भी, जो मनुष्य किसी दूसरी भस्म से त्रिपुण्ड्र धारण करता है -

श्लोक 15 (skanda.3.14.15)

उत्पत्तौ तस्य सांक र्यमनुमेयं विपश्चिता। कदाचिदपि यो मर्त्यो भस्मैतत्तु न धारयेत्

utpattau tasya sāṁka ryamanumeyaṁ vipaścitā kadācidapi yo martyo bhasmaitattu na dhārayet

विद्वानों को उसके जन्म में संकरता का अनुमान करना चाहिए। और जो मरणशील मनुष्य कभी भी यह भस्म धारण नहीं करता,

श्लोक 16 (skanda.3.14.16)

उत्पत्तौ तस्य सांकर्यमनुमेयं विपश्चिता। ब्रह्मकुंडसमुद्भूतं भस्म दद्याद्द्विजाय यः

utpattau tasya sāṁkaryamanumeyaṁ vipaścitā brahmakuṁḍasamudbhūtaṁ bhasma dadyāddvijāya yaḥ

विद्वानों को उसके जन्म में भी संकरता का अनुमान करना चाहिए। जो ब्रह्मकुण्ड से उत्पन्न भस्म किसी द्विज को देता है,

श्लोक 17 (skanda.3.14.17)

चतुरर्णवपर्यंता तेन दत्ता वसुन्धरा। संदेहो नात्र कर्तव्यस्त्रिर्वा शपथयाम्यहम्

caturarṇavaparyaṁtā tena dattā vasundharā saṁdeho nātra kartavyastrirvā śapathayāmyaham

उसने मानो चार समुद्रों तक फैली सारी पृथ्वी दान कर दी हो; इसमें संशय नहीं करना चाहिए - मैं तीन बार शपथ लेकर कहता हूँ।

श्लोक 18 (skanda.3.14.18)

सत्यंसत्यं पुनः सत्यमुद्धृत्य भुजमुच्यते। ब्रह्मकुंडोद्भवं भस्म धारयध्वं द्विजोत्तमाः

satyaṁsatyaṁ punaḥ satyamuddhṛtya bhujamucyate brahmakuṁḍodbhavaṁ bhasma dhārayadhvaṁ dvijottamāḥ

सत्य है, सत्य है, फिर भी सत्य है - यह भुजा उठाकर कहा जाता है: हे द्विजोत्तमो! ब्रह्मकुण्ड से उत्पन्न भस्म को धारण करो।

श्लोक 19 (skanda.3.14.19)

एतद्धि पावनं भस्म ब्रह्मयज्ञसमुद्भवम्। पुरा हि भगवान्ब्रह्मा सर्वलोकपितामहः

etaddhi pāvanaṁ bhasma brahmayajñasamudbhavam purā hi bhagavānbrahmā sarvalokapitāmahaḥ

यह पवित्र भस्म ब्रह्मा के यज्ञ से उत्पन्न हुई है। पूर्वकाल में समस्त लोकों के पितामह भगवान् ब्रह्मा ने,

श्लोक 20 (skanda.3.14.20)

सन्निधौ सर्वदेवानां पर्वते गंधमादने। ईशशापनिवृत्त्यर्थं क्रतून्सर्वान्समातनोत्

sannidhau sarvadevānāṁ parvate gaṁdhamādane īśaśāpanivṛttyarthaṁ kratūnsarvānsamātanot

गन्धमादन पर्वत पर समस्त देवताओं की उपस्थिति में, ईश्वर के शाप की निवृत्ति के लिए सम्पूर्ण यज्ञों का विस्तार किया।

श्लोक 21 (skanda.3.14.21)

विधाय विधिवत्सर्वानध्वरान्बहुदक्षिणान्। मुमुचे सहसा ब्रह्मा शंभुशापाद्द्विजोत्तमाः

vidhāya vidhivatsarvānadhvarānbahudakṣiṇān mumuce sahasā brahmā śaṁbhuśāpāddvijottamāḥ

विधिपूर्वक बहुत दक्षिणाओं वाले सभी यज्ञों को सम्पन्न करके, हे द्विजोत्तमो! ब्रह्मा तत्काल शम्भु के शाप से मुक्त हो गए।

श्लोक 22 (skanda.3.14.22)

तदेतत्तीर्थमासाद्य स्नानं कुर्वंति ये नराः। ते महादेवसायुज्यं प्राप्नुवंति न संशयः

tadetattīrthamāsādya snānaṁ kurvaṁti ye narāḥ te mahādevasāyujyaṁ prāpnuvaṁti na saṁśayaḥ

जो मनुष्य इस तीर्थ को प्राप्त कर स्नान करते हैं, वे निःसंदेह महादेव के सायुज्य को प्राप्त करते हैं।

श्लोक 23 (skanda.3.14.23)

ऋषय ऊचुः। व्यासशिष्य महाप्राज्ञ पुराणार्थविशारद। चतुर्दशानां लोकानां स्रष्टारं चतुराननम्

ṛṣaya ūcuḥ vyāsaśiṣya mahāprājña purāṇārthaviśārada caturdaśānāṁ lokānāṁ sraṣṭāraṁ caturānanam

ऋषियों ने कहा - हे व्यास-शिष्य महाप्राज्ञ, पुराणों के अर्थ में निपुण! चौदह लोकों के स्रष्टा, चतुरानन ब्रह्मा को,

श्लोक 24 (skanda.3.14.24)

शंभुः केनापराधेन शप्तवान्भारतीपतिम्। शापश्च कीदृशस्तस्य पुरा दत्तो हरेण वै। एतत्सर्वं मुने ब्रूहि तत्त्वतोऽस्माकमादरात्

śaṁbhuḥ kenāparādhena śaptavānbhāratīpatim śāpaśca kīdṛśastasya purā datto hareṇa vai etatsarvaṁ mune brūhi tattvato'smākamādarāt

शम्भु ने किस अपराध से शाप दिया, हे मुने! और पूर्वकाल में हर ने उन्हें कैसा शाप दिया था? यह सब हमें सच्चाई से आदरपूर्वक कहिए।

श्लोक 25 (skanda.3.14.25)

श्रीसूत उवाच। पुरा बभूव कलहो ब्रह्मविष्ण्वोः परस्परम्

śrīsūta uvāca purā babhūva kalaho brahmaviṣṇvoḥ parasparam

सूत जी ने कहा - पूर्वकाल में ब्रह्मा और विष्णु के बीच परस्पर कलह हुआ।

श्लोक 26 (skanda.3.14.26)

कंचिद्धेतुं समुद्दिश्य स्पर्धया श्लाघमानयोः। अहं कर्त्ता न मत्तोऽन्यः कर्त्तास्ति जगतीतले।

kaṁciddhetuṁ samuddiśya spardhayā ślāghamānayoḥ ahaṁ karttā na matto'nyaḥ karttāsti jagatītale

किसी कारण को लेकर, स्पर्धा से अभिमानपूर्वक कहने लगे - 'मैं ही कर्ता हूँ, इस पृथ्वी पर मुझसे भिन्न कोई कर्ता नहीं है।'

श्लोक 27 (skanda.3.14.27)

एवमाह हरिं ब्रह्मा ब्रह्माणं च हरिस्तथा। एवं विवादः सुमहान्प्रावर्त्तत पुरा तयोः

evamāha hariṁ brahmā brahmāṇaṁ ca haristathā evaṁ vivādaḥ sumahānprāvarttata purā tayoḥ

इस प्रकार ब्रह्मा ने हरि से और हरि ने भी ब्रह्मा से कहा। इस तरह उन दोनों में पूर्वकाल में एक बड़ा विवाद छिड़ गया।

श्लोक 28 (skanda.3.14.28)

एतस्मिन्नंतरे विप्राः कुर्वतोः कलहं मिथः। तयोर्गर्वविनाशाय प्रबोधार्थं च देवयोः

etasminnaṁtare viprāḥ kurvatoḥ kalahaṁ mithaḥ tayorgarvavināśāya prabodhārthaṁ ca devayoḥ

हे विप्रो! इसी बीच, जब वे परस्पर कलह कर रहे थे, तो उन दोनों देवों के गर्व-नाश और प्रबोध के लिए,

श्लोक 29 (skanda.3.14.29)

मध्ये प्रादुरभूल्लिंगं स्वयंज्योतिरनामयम्। तौ दृष्ट्वा विस्मितौ लिंगं ब्रह्मविष्णु परस्परम्

madhye prādurabhūlliṁgaṁ svayaṁjyotiranāmayam tau dṛṣṭvā vismitau liṁgaṁ brahmaviṣṇu parasparam

उन दोनों के मध्य स्वयं-ज्योति, अविनाशी लिंग प्रकट हुआ। उस लिंग को देखकर विस्मित हुए ब्रह्मा और विष्णु ने परस्पर कहा -

श्लोक 30 (skanda.3.14.30)

समयं चक्रतुर्विप्रा देवानां सन्निधौ पुरा। अनाद्यंतं महालिंगं यदेतद्दृश्यते पुरः

samayaṁ cakraturviprā devānāṁ sannidhau purā anādyaṁtaṁ mahāliṁgaṁ yadetaddṛśyate puraḥ

हे विप्रो! उन दोनों ने देवताओं की उपस्थिति में पूर्वकाल में यह प्रतिज्ञा की - 'यह जो अनादि-अनन्त महालिंग हमारे सामने दिखाई दे रहा है,

श्लोक 31 (skanda.3.14.31)

अनंतादित्यसंका शमनंताग्निसमप्रभम्। आवयोरस्य लिंगस्य योंऽतमादिं च द्रक्ष्यति

anaṁtādityasaṁkā śamanaṁtāgnisamaprabham āvayorasya liṁgasya yoṁ'tamādiṁ ca drakṣyati

अनन्त सूर्यों के समान, अनन्त अग्नियों के समान प्रभावाला - हम दोनों में से जो भी इस लिंग का अन्त या आदि देख लेगा,

श्लोक 32 (skanda.3.14.32)

स भवेदधिको लोके लोककर्ता च स प्रभुः। अहमूर्ध्वं गमिष्यामि लिंगस्यातं गवेषयन्

sa bhavedadhiko loke lokakartā ca sa prabhuḥ ahamūrdhvaṁ gamiṣyāmi liṁgasyātaṁ gaveṣayan

वही जगत् में अधिक होगा और वही लोकों का कर्ता स्वामी होगा। मैं ऊपर जाकर लिंग के अन्त की खोज करूँगा;

श्लोक 33 (skanda.3.14.33)

गवेषणाय मूलस्य त्वमधस्ताद्धरे व्रज। इति तस्य वचः श्रुत्वा तथे त्याह रमापतिः

gaveṣaṇāya mūlasya tvamadhastāddhare vraja iti tasya vacaḥ śrutvā tathe tyāha ramāpatiḥ

तुम, हे हरे! नीचे जाकर मूल की खोज करो' - उसका यह वचन सुनकर लक्ष्मीपति ने 'तथास्तु' कहा।

श्लोक 34 (skanda.3.14.34)

एवं तौ समयं कृत्वा मार्गणाय विनिर्गतौ। विष्णुर्वराहरूपेण गतोऽधस्ताद्गवेषितुम्

evaṁ tau samayaṁ kṛtvā mārgaṇāya vinirgatau viṣṇurvarāharūpeṇa gato'dhastādgaveṣitum

इस प्रकार दोनों ने प्रतिज्ञा करके खोज के लिए प्रस्थान किया। विष्णु वराह-रूप धारण कर नीचे खोजने गए;

श्लोक 35 (skanda.3.14.35)

हंसतां भारतीजानिः स्वीकृत्योपरि निर्ययौ। अधो लोकान्विचित्याथो विष्णुर्वर्षगणान्बहून्। यथास्थानं समागत्य वभाषे देवसन्निधौ

haṁsatāṁ bhāratījāniḥ svīkṛtyopari niryayau adho lokānvicityātho viṣṇurvarṣagaṇānbahūn yathāsthānaṁ samāgatya vabhāṣe devasannidhau

भारती-पति (ब्रह्मा) हंस-रूप धारण कर ऊपर गए। नीचे बहुत लोकों को खोजकर तथा अनेक वर्षों तक भ्रमण कर, विष्णु,

श्लोक 36 (skanda.3.14.36)

विष्णुरुवाच। अहं लिंगस्य नाद्राक्षमादिमस्येति सत्यवाक्

viṣṇuruvāca ahaṁ liṁgasya nādrākṣamādimasyeti satyavāk

यथास्थान लौटकर देवताओं की उपस्थिति में बोले - विष्णु ने कहा - 'मैंने इस लिंग का आदि नहीं देखा' - यह सत्य वचन था।

श्लोक 37 (skanda.3.14.37)

ऊर्ध्वं गवेषयित्वाथ ब्रह्माप्यागच्छदत्र सः। आगत्य च वचः प्राह छद्मना चतुराननः।

ūrdhvaṁ gaveṣayitvātha brahmāpyāgacchadatra saḥ āgatya ca vacaḥ prāha chadmanā caturānanaḥ

फिर ऊपर खोजकर ब्रह्मा भी वहाँ आए। आकर चतुरानन ने छल से यह वचन कहा -

श्लोक 38 (skanda.3.14.38)

ब्रह्मोवाच। अहमद्राक्षमस्यांतं लिंगस्येति मृषा पुनः। तयोस्तद्वचनं श्रुत्वा व्रह्मविष्ण्वोर्महेश्वरः। मिथ्यावादिनमाहेदं प्रहस्य चतुराननम्

brahmovāca ahamadrākṣamasyāṁtaṁ liṁgasyeti mṛṣā punaḥ tayostadvacanaṁ śrutvā vrahmaviṣṇvormaheśvaraḥ mithyāvādinamāhedaṁ prahasya caturānanam

ब्रह्मा ने कहा - 'मैंने इस लिंग का अन्त देख लिया' - यह फिर से मिथ्या वचन था। ब्रह्मा और विष्णु के उस वचन को सुनकर महेश्वर ने,

श्लोक 39 (skanda.3.14.39)

ईश्वर उवाच। असत्यं यदवोचस्त्वं चतुरानन मत्पुरः

īśvara uvāca asatyaṁ yadavocastvaṁ caturānana matpuraḥ

हँसकर मिथ्यावादी चतुरानन से यह कहा - ईश्वर ने कहा - 'हे चतुरानन! तुमने मेरे सामने जो असत्य कहा है,

श्लोक 40 (skanda.3.14.40)

तस्मात्पूजा न ते भूयाल्लोके सर्वत्र सर्वदा। अथ विष्णुं पुनः प्राह भगवान्परमेश्वरः

tasmātpūjā na te bhūyālloke sarvatra sarvadā atha viṣṇuṁ punaḥ prāha bhagavānparameśvaraḥ

इसलिए संसार में सर्वत्र सदा तुम्हारी पूजा नहीं होगी।' फिर भगवान् परमेश्वर ने विष्णु से पुनः कहा -

श्लोक 41 (skanda.3.14.41)

यस्मात्सत्यमवोचस्त्वं कमलायाः पते हरे। तस्मात्ते मत्समा पूजा भविष्यति न संशयः

yasmātsatyamavocastvaṁ kamalāyāḥ pate hare tasmātte matsamā pūjā bhaviṣyati na saṁśayaḥ

'हे हरे, कमलापति! तुमने जो सत्य कहा, इसलिए तुम्हारी पूजा मेरे समान होगी, इसमें संशय नहीं।'

श्लोक 42 (skanda.3.14.42)

ततो ब्रह्मा विषण्णः सञ्छंकरं प्रत्यभाषत। स्वामिन्ममापराधं त्वं क्षमस्व करुणानिधे

tato brahmā viṣaṇṇaḥ sañchaṁkaraṁ pratyabhāṣata svāminmamāparādhaṁ tvaṁ kṣamasva karuṇānidhe

तब खिन्न हुए ब्रह्मा ने शंकर से कहा - 'हे स्वामिन्, हे करुणानिधे! आप मेरा अपराध क्षमा करें।

श्लोक 43 (skanda.3.14.43)

एकोपराधः क्षंतव्यः स्वामि भिर्जगदीश्वरैः। ततो महेश्वरोऽवादीद्ब्रह्माणं परिसांत्वयन्

ekoparādhaḥ kṣaṁtavyaḥ svāmi bhirjagadīśvaraiḥ tato maheśvaro'vādīdbrahmāṇaṁ parisāṁtvayan

स्वामियों, जगदीश्वरों द्वारा एक अपराध क्षम्य होता है।' तब महेश्वर ने ब्रह्मा को सान्त्वना देते हुए कहा -

श्लोक 44 (skanda.3.14.44)

ईश्वर उवाच। न मिथ्यावचनं मे स्याद्ब्रह्मन्वक्ष्यामि ते शृणु। गच्छ त्वं सहसा वत्स गन्धमादनपर्वतम्

īśvara uvāca na mithyāvacanaṁ me syādbrahmanvakṣyāmi te śṛṇu gaccha tvaṁ sahasā vatsa gandhamādanaparvatam

ईश्वर ने कहा - 'हे ब्रह्मन्! मेरा वचन मिथ्या नहीं हो सकता; सुनो, मैं तुम्हें बताता हूँ। हे वत्स! तुम तुरन्त गन्धमादन पर्वत जाओ;

श्लोक 45 (skanda.3.14.45)

तत्र क्रतून्कुरुष्व त्वं मिथ्यादोषप्रशांतये। ततो विधूतपापस्त्वं भविष्यसि न संशयः।

tatra kratūnkuruṣva tvaṁ mithyādoṣapraśāṁtaye tato vidhūtapāpastvaṁ bhaviṣyasi na saṁśayaḥ

वहाँ मिथ्या-दोष की शान्ति के लिए यज्ञ करो। उसके बाद तुम निश्चय ही पाप-रहित हो जाओगे।

श्लोक 46 (skanda.3.14.46)

तेन श्रौतेषु ते ब्रह्मन्स्मार्तेष्वपि च कर्मसु। पूजा भविष्यति सदा न पूजा प्रतिमासु ते

tena śrauteṣu te brahmansmārteṣvapi ca karmasu pūjā bhaviṣyati sadā na pūjā pratimāsu te

हे ब्रह्मन्! उससे तुम्हारी पूजा सदा श्रौत और स्मार्त कर्मों में होगी, प्रतिमाओं में तुम्हारी पूजा नहीं होगी।'

श्लोक 47 (skanda.3.14.47)

इत्युक्त्वा भगवानीशस्तत्रैवांतरधीयत। ततो ब्रह्मा ययौ विप्रा गंधमादनपर्वतम्

ityuktvā bhagavānīśastatraivāṁtaradhīyata tato brahmā yayau viprā gaṁdhamādanaparvatam

यह कहकर भगवान् ईश वहीं अन्तर्धान हो गए। फिर, हे विप्रो! ब्रह्मा गन्धमादन पर्वत को गए,

श्लोक 48 (skanda.3.14.48)

ईजे च क्रतुकर्तारं क्रतुभिः पार्वतीपतिम्। अष्टाशीतिसहस्राणि वर्षाणि मुनिपुंगवाः

īje ca kratukartāraṁ kratubhiḥ pārvatīpatim aṣṭāśītisahasrāṇi varṣāṇi munipuṁgavāḥ

और यज्ञों के कर्ता, पार्वतीपति की यज्ञों से पूजा की; हे मुनिश्रेष्ठो! अठासी हजार वर्षों तक,

श्लोक 49 (skanda.3.14.49)

पौंडरीकादिभिः सर्वैरध्वरैर्भूरिदक्षिणैः। इन्द्रादिसर्वदेवानां सन्निधावयजच्छिवम्। तेन तुष्टोभवच्छंभुर्वरमस्मै प्रदत्तवान्

pauṁḍarīkādibhiḥ sarvairadhvarairbhūridakṣiṇaiḥ indrādisarvadevānāṁ sannidhāvayajacchivam tena tuṣṭobhavacchaṁbhurvaramasmai pradattavān

पौण्डरीक आदि सभी अध्वरों से, जो भूरि दक्षिणाओं से युक्त थे, इन्द्रादि सभी देवताओं की उपस्थिति में शिव का यजन किया। इससे प्रसन्न हुए शम्भु ने उन्हें वर दिया।

श्लोक 50 (skanda.3.14.50)

ईश्वर उवाच। मिथ्योक्तिदोषस्ते नष्टः कृतैरेतैर्मखैरिह

īśvara uvāca mithyoktidoṣaste naṣṭaḥ kṛtairetairmakhairiha

ईश्वर ने कहा - 'यहाँ किए गए इन यज्ञों से तुम्हारा मिथ्या-भाषण का दोष नष्ट हो गया है।

श्लोक 51 (skanda.3.14.51)

चतुरानन ते पूजा श्रौतस्मार्तेषु कर्मसु। भविष्यत्यमला ब्रह्मन्न पूजा प्रतिमासु ते

caturānana te pūjā śrautasmārteṣu karmasu bhaviṣyatyamalā brahmanna pūjā pratimāsu te

हे चतुरानन! तुम्हारी श्रौत-स्मार्त कर्मों में पूजा निर्मल होगी, हे ब्रह्मन्! प्रतिमाओं में तुम्हारी पूजा नहीं होगी।

श्लोक 52 (skanda.3.14.52)

यागस्थलमिदं तेऽद्य ब्रह्मकुण्डमिति प्रथाम्। गमिष्यति त्रिलोकेस्मिन्पुण्यं पापविनाशनम्

yāgasthalamidaṁ te'dya brahmakuṇḍamiti prathām gamiṣyati trilokesminpuṇyaṁ pāpavināśanam

यह तुम्हारा यज्ञ-स्थल आज से तीनों लोकों में ब्रह्मकुण्ड नाम की प्रसिद्धि को प्राप्त करेगा, जो पवित्र और पाप-नाशक होगा।

श्लोक 53 (skanda.3.14.53)

ब्रह्मकुण्डाभिधे तीर्थे सकृद्यः स्नानमा चरेत्। मुक्तिद्वारार्गलं तस्य भिद्यते तत्क्षणाद्विधे

brahmakuṇḍābhidhe tīrthe sakṛdyaḥ snānamā caret muktidvārārgalaṁ tasya bhidyate tatkṣaṇādvidhe

जो ब्रह्मकुण्ड नामक तीर्थ में एक बार भी स्नान करता है, हे विधे! उसके लिए मुक्ति-द्वार की अर्गला तत्क्षण टूट जाती है।

श्लोक 54 (skanda.3.14.54)

ब्रह्मकुण्डसमुद्भूतं ललाटे भस्म धारयन्। मायाकपाटं निर्भिद्य मुक्तिद्वारं प्रया स्यति

brahmakuṇḍasamudbhūtaṁ lalāṭe bhasma dhārayan māyākapāṭaṁ nirbhidya muktidvāraṁ prayā syati

ब्रह्मकुण्ड से उत्पन्न भस्म को ललाट पर धारण करता हुआ मनुष्य, माया के किवाड़ को तोड़कर मुक्ति-द्वार को प्राप्त होगा।

श्लोक 55 (skanda.3.14.55)

ब्रह्मकुण्डोत्थितं भस्म ललाटे यो न धारयेत्। स्वपितुर्बीजसंभूतो न मातरि सुतस्तु सः

brahmakuṇḍotthitaṁ bhasma lalāṭe yo na dhārayet svapiturbījasaṁbhūto na mātari sutastu saḥ

जो ब्रह्मकुण्ड से उठी भस्म को ललाट पर धारण नहीं करता, वह अपने पिता के बीज से माता में उत्पन्न सच्चा पुत्र नहीं है।

श्लोक 56 (skanda.3.14.56)

ब्रह्मकुण्डसमुद्भूतभस्मधारणतो विधे। ब्रह्महत्यायुतं नश्येत्सुरापानायुतं तथा

brahmakuṇḍasamudbhūtabhasmadhāraṇato vidhe brahmahatyāyutaṁ naśyetsurāpānāyutaṁ tathā

हे विधे! ब्रह्मकुण्ड से उत्पन्न भस्म धारण करने से दस हजार ब्रह्महत्याएँ नष्ट होती हैं, वैसे ही दस हजार सुरापान-पाप भी,

श्लोक 57 (skanda.3.14.57)

गुरुतल्पायुतं नश्येत्स्वर्णस्तेयायुतं तथा। तत्संसर्गायुतं नश्येत्सत्यमुक्तं मया विधे।

gurutalpāyutaṁ naśyetsvarṇasteyāyutaṁ tathā tatsaṁsargāyutaṁ naśyetsatyamuktaṁ mayā vidhe

गुरु-तल्प-गमन के दस हजार पाप नष्ट होते हैं, वैसे ही स्वर्ण-चोरी के भी; उनके संसर्ग के दस हजार पाप भी नष्ट होते हैं - यह मैंने सत्य कहा है, हे विधे।

श्लोक 58 (skanda.3.14.58)

ब्रह्मकुण्डसमुद्भूतभस्मधारणवैभवात्। भूतप्रेतपिशाचाद्या नश्यंति क्षणमात्रतः

brahmakuṇḍasamudbhūtabhasmadhāraṇavaibhavāt bhūtapretapiśācādyā naśyaṁti kṣaṇamātrataḥ

ब्रह्मकुण्ड से उत्पन्न भस्म-धारण के प्रभाव से भूत, प्रेत, पिशाच आदि क्षणमात्र में नष्ट हो जाते हैं।'

श्लोक 59 (skanda.3.14.59)

इत्युक्त्वा भगवानीशस्तत्रैवांतरधीयत। यज्ञेष्वथ समाप्तेषु मुनयश्च जितेंद्रियाः

ityuktvā bhagavānīśastatraivāṁtaradhīyata yajñeṣvatha samāpteṣu munayaśca jiteṁdriyāḥ

यह कहकर भगवान् ईश वहीं अन्तर्धान हो गए। फिर यज्ञ समाप्त होने पर, जितेन्द्रिय मुनि,

श्लोक 60 (skanda.3.14.60)

इन्द्रादिदेवताश्चैव सिद्धचारणकिन्नराः। अन्ये च देवनिवहा गंधमादनपर्वते

indrādidevatāścaiva siddhacāraṇakinnarāḥ anye ca devanivahā gaṁdhamādanaparvate

तथा इन्द्रादि देवता, सिद्ध, चारण, किन्नर, और गन्धमादन पर्वत के अन्य देव-समूह,

श्लोक 61 (skanda.3.14.61)

तां यज्ञभूमिमाश्रित्य स्वयं रुद्रेण सेविताम्। निरंतरमवर्तंत विदित्वा तस्य वैभवम्

tāṁ yajñabhūmimāśritya svayaṁ rudreṇa sevitām niraṁtaramavartaṁta viditvā tasya vaibhavam

उस यज्ञभूमि का आश्रय लेकर, जो स्वयं रुद्र द्वारा सेवित थी, उसकी महिमा जानकर निरन्तर वहीं रहने लगे।

श्लोक 62 (skanda.3.14.62)

यथाविधि ततो यज्ञान्समाप्य बहुदक्षिणान्। सत्यलोकमगाद्ब्रह्मा शिवाल्लब्धमनोरथः

yathāvidhi tato yajñānsamāpya bahudakṣiṇān satyalokamagādbrahmā śivāllabdhamanorathaḥ

तत्पश्चात् विधिपूर्वक बहुत दक्षिणाओं वाले यज्ञों को समाप्त करके, शिव से मनोरथ प्राप्त कर ब्रह्मा सत्यलोक को गए।

श्लोक 63 (skanda.3.14.63)

तदाप्रभृति देवाश्च मुनयश्च द्विजोत्तमाः। ब्रह्मकुण्डं समासाद्य चक्रुर्यागान्विधानतः

tadāprabhṛti devāśca munayaśca dvijottamāḥ brahmakuṇḍaṁ samāsādya cakruryāgānvidhānataḥ

हे द्विजोत्तमो! तभी से देवता, मुनि और द्विजगण ब्रह्मकुण्ड को प्राप्त कर विधिपूर्वक यज्ञ करते हैं।

श्लोक 64 (skanda.3.14.64)

तस्मादियक्षवो मर्त्याः कुर्युर्यज्ञानिहैव हि

tasmādiyakṣavo martyāḥ kuryuryajñānihaiva hi

इसलिए यज्ञ की इच्छा रखने वाले मनुष्यों को यहीं यज्ञ करना चाहिए।

श्लोक 65 (skanda.3.14.65)

मनुजदेवमुनीश्वरवंदितं सकलसंसृतिनाशकरं द्विजाः। जलजसंभवकुण्डमिदं शुभं सकल पापहरं सकलार्थदम्

manujadevamunīśvaravaṁditaṁ sakalasaṁsṛtināśakaraṁ dvijāḥ jalajasaṁbhavakuṇḍamidaṁ śubhaṁ sakala pāpaharaṁ sakalārthadam

हे द्विजो! मनुष्यों, देवों और मुनीश्वरों द्वारा वन्दित, समस्त संसृति का नाश करने वाला, जल से उत्पन्न यह शुभ कुण्ड सम्पूर्ण पाप का हरण करने वाला और सभी अर्थों को देने वाला है।