शिवतीर्थ की महिमा और भैरव का ब्रह्महत्या से विमोचन

श्लोक 1 (skanda.3.24.1)

श्रीसूत उवाच। चक्रतीर्थे नरः स्नात्वा शिवतीर्थं ततो व्रजेत्। यत्र हि स्नानमात्रेण महापातककोटयः

śrīsūta uvāca cakratīrthe naraḥ snātvā śivatīrthaṁ tato vrajet yatra hi snānamātreṇa mahāpātakakoṭayaḥ

श्रीसूत जी ने कहा - मनुष्य को चक्रतीर्थ में स्नान करके फिर शिवतीर्थ जाना चाहिए, जहाँ केवल स्नान से करोड़ों महापातक,

श्लोक 2 (skanda.3.24.2)

तत्संसर्गाश्च नश्यंति तत्क्षणादेव तापसाः। अत्र स्नात्वा ब्रह्महत्यां मुमुचे कालभैरवः

tatsaṁsargāśca naśyaṁti tatkṣaṇādeva tāpasāḥ atra snātvā brahmahatyāṁ mumuce kālabhairavaḥ

और उनके संसर्ग भी, हे तपस्विजनो! उसी क्षण नष्ट हो जाते हैं। यहाँ स्नान करके कालभैरव ब्रह्महत्या से मुक्त हुए थे।

श्लोक 3 (skanda.3.24.3)

ऋषय ऊचुः। कालभैरवरुद्रस्य ब्रह्महत्या महामुने। किमर्थमभवत्सूत तन्नो वक्तुमिहार्हसि

ṛṣaya ūcuḥ kālabhairavarudrasya brahmahatyā mahāmune kimarthamabhavatsūta tanno vaktumihārhasi

ऋषियों ने कहा - हे महामुने! कालभैरव-रुद्र को ब्रह्महत्या किस कारण हुई? हे सूत! वह हमें यहाँ बताने योग्य हैं आप।

श्लोक 4 (skanda.3.24.4)

श्रीसूत उवाच। वक्ष्यामि मुनयः सर्वे पुरावृत्तं विमुक्तिदम्। यस्य श्रवणमात्रेण सर्वपापैः प्रमुच्यते

śrīsūta uvāca vakṣyāmi munayaḥ sarve purāvṛttaṁ vimuktidam yasya śravaṇamātreṇa sarvapāpaiḥ pramucyate

श्रीसूत जी ने कहा - हे सभी मुनियो! मैं वह मुक्तिदायक पुरातन वृत्तान्त कहूँगा, जिसे सुनने-मात्र से मनुष्य सभी पापों से मुक्त हो जाता है।

श्लोक 5 (skanda.3.24.5)

प्रजापतेश्च विष्णोश्च बभूव कलहः पुरा। किंचित्कारणमुद्दिश्य समस्तजनसन्निधौ

prajāpateśca viṣṇośca babhūva kalahaḥ purā kiṁcitkāraṇamuddiśya samastajanasannidhau

पूर्वकाल में प्रजापति (ब्रह्मा) और विष्णु के बीच किसी कारण को लेकर, सभी जनों की उपस्थिति में कलह हुआ -

श्लोक 6 (skanda.3.24.6)

अहमेव जगत्कर्ता नान्यः कर्तास्ति कश्चन। अहं सर्वप्रपंचानां निग्रहानुग्रहप्रदः

ahameva jagatkartā nānyaḥ kartāsti kaścana ahaṁ sarvaprapaṁcānāṁ nigrahānugrahapradaḥ

'मैं ही जगत् का कर्ता हूँ, कोई अन्य कर्ता नहीं है। मैं ही समस्त प्रपंचों को निग्रह और अनुग्रह देने वाला हूँ,

श्लोक 7 (skanda.3.24.7)

मत्तो नास्त्यधिकः कश्चिन्मत्समो वा सुरेष्वपि। एवं स मनुते ब्रह्मा देवानां सन्निधौ पुरा

matto nāstyadhikaḥ kaścinmatsamo vā sureṣvapi evaṁ sa manute brahmā devānāṁ sannidhau purā

मुझसे अधिक तो क्या, देवताओं में भी मेरे समान कोई नहीं है' - इस प्रकार ब्रह्मा ने पूर्वकाल में देवताओं की उपस्थिति में सोचा।

श्लोक 8 (skanda.3.24.8)

तदा नारायणः प्राह प्रहसन्द्विजपुंगवाः। किमर्थमेवं ब्रूषे त्वमहंकारेण सांप्रतम्

tadā nārāyaṇaḥ prāha prahasandvijapuṁgavāḥ kimarthamevaṁ brūṣe tvamahaṁkāreṇa sāṁpratam

तब हे द्विजपुंगवो! नारायण ने हँसते हुए कहा - 'तुम इस प्रकार अभी अहंकार से क्यों कह रहे हो?

श्लोक 9 (skanda.3.24.9)

वाक्यमेवंविधं भूयो वक्तुं नार्हसि वै विधे। अहमेव जगत्कर्ता यज्ञो नारायणो विभुः

vākyamevaṁvidhaṁ bhūyo vaktuṁ nārhasi vai vidhe ahameva jagatkartā yajño nārāyaṇo vibhuḥ

हे विधे! तुम्हें ऐसा वचन फिर नहीं कहना चाहिए। मैं ही जगत् का कर्ता हूँ, मैं ही व्यापक नारायण-रूप यज्ञ हूँ।

श्लोक 10 (skanda.3.24.10)

मां विनास्य प्रपञ्चस्य जीवनं दुर्लभं भवेत्। मत्प्रसादाज्जगत्सृष्टं त्वया स्थावरजंगमम्

māṁ vināsya prapañcasya jīvanaṁ durlabhaṁ bhavet matprasādājjagatsṛṣṭaṁ tvayā sthāvarajaṁgamam

मेरे बिना प्रपंच का जीवन दुर्लभ हो जाएगा। मेरी ही कृपा से तुम्हारे द्वारा स्थावर-जंगम जगत् की सृष्टि हुई है।'

श्लोक 11 (skanda.3.24.11)

विवादं कुर्वतोरेवं ब्रह्मविष्ण्वोर्जयैषिणोः। देवानां पुरतस्तत्र वेदाश्चत्वार आगताः। प्रोचुर्वाक्यमिदं तथ्यं परमार्थप्रकाशकम्

vivādaṁ kurvatorevaṁ brahmaviṣṇvorjayaiṣiṇoḥ devānāṁ puratastatra vedāścatvāra āgatāḥ procurvākyamidaṁ tathyaṁ paramārthaprakāśakam

इस प्रकार विजय की इच्छा से विवाद करते ब्रह्मा और विष्णु के सामने, देवताओं के समक्ष, वहाँ चारों वेद आए, और यह परमार्थ प्रकट करने वाला सत्य वचन कहा -

श्लोक 12 (skanda.3.24.12)

वेदा ऊचुः। त्वं विष्णो न जगत्कर्ता न त्वं ब्रह्मन्प्रजापते

vedā ūcuḥ tvaṁ viṣṇo na jagatkartā na tvaṁ brahmanprajāpate

वेदों ने कहा - 'हे विष्णु! तुम जगत् के कर्ता नहीं हो; न ही तुम, हे ब्रह्मन्, हे प्रजापते!

श्लोक 13 (skanda.3.24.13)

किं त्वीश्वरो जगत्कर्ता परात्परतरो विभुः। तन्मायाशक्तिसंक्लृप्तमिदं स्थावरजंगमम्

kiṁ tvīśvaro jagatkartā parātparataro vibhuḥ tanmāyāśaktisaṁklṛptamidaṁ sthāvarajaṁgamam

बल्कि परात्पर, व्यापक ईश्वर ही जगत् के कर्ता हैं; उन्हीं की माया-शक्ति से यह स्थावर-जंगम जगत् रचा गया है।

श्लोक 14 (skanda.3.24.14)

सर्वदेवाभिवंद्यो हि सांबः सत्यादिलक्षणः। स्रष्टा च पालको हर्ता स एव जगतां प्रभुः

sarvadevābhivaṁdyo hi sāṁbaḥ satyādilakṣaṇaḥ sraṣṭā ca pālako hartā sa eva jagatāṁ prabhuḥ

वे सांब, सत्य आदि लक्षणों वाले, सभी देवताओं द्वारा वन्दित हैं; वे ही स्रष्टा, पालक और संहारक, वे ही लोकों के स्वामी हैं।'

श्लोक 15 (skanda.3.24.15)

एवं समीरितं वेदैः श्रुत्वा वाक्यं शुभाक्षरम्। ब्रह्मा विष्णुस्तदा तत्र प्रोचतुर्द्विजपुंगवाः

evaṁ samīritaṁ vedaiḥ śrutvā vākyaṁ śubhākṣaram brahmā viṣṇustadā tatra procaturdvijapuṁgavāḥ

वेदों द्वारा इस प्रकार कहे गए इस शुभ वचन को सुनकर, हे द्विजपुंगवो! ब्रह्मा और विष्णु ने वहाँ यह कहा -

श्लोक 16 (skanda.3.24.16)

ब्रह्मविष्णू ऊचतुः। पार्वत्यालिंगितः शंभुर्मूर्तिमान्प्रमथाधिपः। कथं भवेत्परं ब्रह्म सर्वसंगविवर्जितम्

brahmaviṣṇū ūcatuḥ pārvatyāliṁgitaḥ śaṁbhurmūrtimānpramathādhipaḥ kathaṁ bhavetparaṁ brahma sarvasaṁgavivarjitam

ब्रह्मा-विष्णु ने कहा - 'पार्वती से आलिंगित, मूर्तिमान्, प्रमथों के अधिपति शम्भु, सभी संग-रहित परब्रह्म कैसे हो सकते हैं?'

श्लोक 17 (skanda.3.24.17)

ताभ्यामितीरिते तत्र प्रणवः प्राह तौ तदा। अरूपो रूपमादाय महता ध्वनिना द्विजाः

tābhyāmitīrite tatra praṇavaḥ prāha tau tadā arūpo rūpamādāya mahatā dhvaninā dvijāḥ

उन दोनों द्वारा इस प्रकार कहे जाने पर, हे द्विजो! वहाँ प्रणव ने, अरूप होते हुए भी रूप धारण करके, महान् ध्वनि के साथ उन दोनों से कहा -

श्लोक 18 (skanda.3.24.18)

प्रणव उवाच। असौ शंभुर्महादेवः पार्वत्या स्वातिरिक्तया। संक्रीडते कदाचिन्नो किं तु स्वात्मस्वरूपया

praṇava uvāca asau śaṁbhurmahādevaḥ pārvatyā svātiriktayā saṁkrīḍate kadācinno kiṁ tu svātmasvarūpayā

प्रणव ने कहा - 'यह शम्भु महादेव, अपने से भिन्न पार्वती के साथ नहीं, बल्कि अपने ही स्वरूपा शक्ति के साथ कभी-कभी क्रीड़ा करते हैं।

श्लोक 19 (skanda.3.24.19)

असौ शंभुरनीशानः स्वप्रकाशो निरंजनः। विश्वाधिको महादेवो विश्वाधिक इति श्रुतः

asau śaṁbhuranīśānaḥ svaprakāśo niraṁjanaḥ viśvādhiko mahādevo viśvādhika iti śrutaḥ

यह शम्भु किसी के अधीन नहीं, स्वप्रकाश, निरंजन, विश्व से भी अधिक, महादेव 'विश्वाधिक' नाम से विख्यात हैं।

श्लोक 20 (skanda.3.24.20)

सर्वात्मा सर्वकर्तासौ स्वतन्त्रः सर्वभावनः। ब्रह्मन्नयं सृष्टिकाले त्वां नियुंक्ते रजोगुणैः

sarvātmā sarvakartāsau svatantraḥ sarvabhāvanaḥ brahmannayaṁ sṛṣṭikāle tvāṁ niyuṁkte rajoguṇaiḥ

वे सर्वात्मा, सर्वकर्ता, स्वतंत्र और सभी भावों के कारण हैं। हे ब्रह्मन्! सृष्टि-काल में वे तुम्हें रजोगुण से नियुक्त करते हैं,

श्लोक 21 (skanda.3.24.21)

सत्त्वेन रक्षणे शंभुस्त्वां प्रेषयति केशव। तमसा कालरुद्राख्यं संप्रेरयति संहृतौ

sattvena rakṣaṇe śaṁbhustvāṁ preṣayati keśava tamasā kālarudrākhyaṁ saṁprerayati saṁhṛtau

सत्त्व से शम्भु तुम्हें पालन में नियुक्त करते हैं, हे केशव; तमस् से वे कालरुद्र नामक को संहार में नियुक्त करते हैं।

श्लोक 22 (skanda.3.24.22)

अतः स्वतन्त्रता विष्णो युवयोर्न कदाचन। नापि प्रजापतेरस्ति किं तु शंभोः स्वतन्त्रता

ataḥ svatantratā viṣṇo yuvayorna kadācana nāpi prajāpaterasti kiṁ tu śaṁbhoḥ svatantratā

इसलिए हे विष्णु! तुम दोनों की स्वतंत्रता कभी नहीं है, न ही प्रजापति की; बल्कि स्वतंत्रता तो केवल शम्भु की है।

श्लोक 23 (skanda.3.24.23)

ब्रह्मन्विष्णो युवाभ्यां तु किमर्थं न महेश्वरः। ज्ञायते सर्वलोकानां कर्ता विश्वाधिकस्तथा

brahmanviṣṇo yuvābhyāṁ tu kimarthaṁ na maheśvaraḥ jñāyate sarvalokānāṁ kartā viśvādhikastathā

हे ब्रह्मन्, हे विष्णु! तुम दोनों को यह क्यों नहीं ज्ञात है कि महेश्वर ही सभी लोकों के कर्ता और वैसे ही विश्वाधिक हैं?

श्लोक 24 (skanda.3.24.24)

सापि शक्तिरुमा देवी न पृथक्छंकरात्सदा। शंभोरानंदभूता सा देवी नागंतुकी स्मृता।

sāpi śaktirumā devī na pṛthakchaṁkarātsadā śaṁbhorānaṁdabhūtā sā devī nāgaṁtukī smṛtā

वह शक्ति उमा देवी भी सदा शंकर से पृथक् नहीं है; वह शम्भु के आनन्द से उत्पन्न देवी है, वह कभी बाहरी नहीं मानी जाती।

श्लोक 25 (skanda.3.24.25)

अतो विश्वाधिको रुद्रः स्वतंत्रो निर्विकल्पकः। सर्वदेवैरयं वन्द्यो युवाभ्यामपि शंकरः

ato viśvādhiko rudraḥ svataṁtro nirvikalpakaḥ sarvadevairayaṁ vandyo yuvābhyāmapi śaṁkaraḥ

इसलिए विश्वाधिक रुद्र स्वतंत्र, निर्विकल्प हैं। यह शंकर सभी देवताओं द्वारा और तुम दोनों द्वारा भी वन्दनीय हैं।

श्लोक 26 (skanda.3.24.26)

कर्ता नास्यास्ति रुद्रस्य नाधिकोऽस्माच्च विद्यते। न तत्समोऽपि लोकेषु विद्यते शतशस्तथा

kartā nāsyāsti rudrasya nādhiko'smācca vidyate na tatsamo'pi lokeṣu vidyate śataśastathā

इस रुद्र का कोई कर्ता नहीं है, न इनसे अधिक कोई विद्यमान है। लोकों में सैकड़ों बार खोजने पर भी इनके समान कोई नहीं है।

श्लोक 27 (skanda.3.24.27)

अतो मोहं न कुरुतं ब्रह्मविष्णो युवां वृथा। इत्युक्तं प्रणवेनाथ श्रुत्वा ब्रह्मा च केशवः

ato mohaṁ na kurutaṁ brahmaviṣṇo yuvāṁ vṛthā ityuktaṁ praṇavenātha śrutvā brahmā ca keśavaḥ

इसलिए हे ब्रह्मा-विष्णु! तुम दोनों व्यर्थ मोह मत करो।' प्रणव द्वारा इस प्रकार कहे जाने पर, यह सुनकर भी ब्रह्मा और केशव ने,

श्लोक 28 (skanda.3.24.28)

मायया मोहितौ शंभोर्नैवाज्ञानममुंचताम्। एतस्मिन्नंतरे ब्रह्मा प्रददर्श महाद्भुतम्

māyayā mohitau śaṁbhornaivājñānamamuṁcatām etasminnaṁtare brahmā pradadarśa mahādbhutam

शम्भु की माया से मोहित होकर अपना अज्ञान नहीं त्यागा। इसी बीच ब्रह्मा ने एक महान् अद्भुत दृश्य देखा -

श्लोक 29 (skanda.3.24.29)

व्याप्नुवद्गगनं सर्वमनंतादित्य सन्निभम्। तेजोमण्डलमाकाशमध्यगं विश्वतोमुखम्

vyāpnuvadgaganaṁ sarvamanaṁtāditya sannibham tejomaṇḍalamākāśamadhyagaṁ viśvatomukham

सम्पूर्ण आकाश को व्याप्त करता हुआ, अनन्त सूर्यों के समान, आकाश के मध्य स्थित, चारों ओर मुख वाला एक तेजोमंडल।

श्लोक 30 (skanda.3.24.30)

तन्निरूपयितुं ब्रह्मा ससर्जोर्ध्वगतं मुखम्। तपोबलविसृष्टेन पंचमेन मुखेन सः।

tannirūpayituṁ brahmā sasarjordhvagataṁ mukham tapobalavisṛṣṭena paṁcamena mukhena saḥ

उसका निरूपण करने के लिए ब्रह्मा ने ऊर्ध्वगामी मुख की रचना की। तपोबल से उत्पन्न उस पाँचवें मुख से,

श्लोक 31 (skanda.3.24.31)

निरूपयामास विभुस्तत्तेजोमण्डलं मुहुः। तत्प्रजज्वाल कोपेन मुखं तेजोविलोकनात्

nirūpayāmāsa vibhustattejomaṇḍalaṁ muhuḥ tatprajajvāla kopena mukhaṁ tejovilokanāt

उस व्यापक ब्रह्मा ने उस तेजोमंडल का बार-बार निरूपण किया। उस तेज को देखकर वह मुख क्रोध से प्रज्वलित हो उठा,

श्लोक 32 (skanda.3.24.32)

अनंतादित्यसंकाशं ज्वलत्तत्पंचमं शिरः। दिधक्षुः प्रलये लोकान्वडवाग्निरिवाबभौ

anaṁtādityasaṁkāśaṁ jvalattatpaṁcamaṁ śiraḥ didhakṣuḥ pralaye lokānvaḍavāgnirivābabhau

अनन्त सूर्यों के समान जलता हुआ वह पाँचवाँ सिर, प्रलयकाल के समान लोकों को भस्म करने की इच्छा से वडवाग्नि के समान शोभित हुआ।

श्लोक 33 (skanda.3.24.33)

व्यदृश्यत च तत्तेजः पुरुषो नीललोहितः। दृष्ट्वा स्रष्टा तदा ब्रह्मा बभाषे परमेश्वरम्

vyadṛśyata ca tattejaḥ puruṣo nīlalohitaḥ dṛṣṭvā sraṣṭā tadā brahmā babhāṣe parameśvaram

और उस तेज में नील-रक्तवर्ण पुरुष दिखाई दिया। उसे देखकर तब स्रष्टा ब्रह्मा ने परमेश्वर से कहा -

श्लोक 34 (skanda.3.24.34)

वेदाहं त्वां महादेव ललाटान्मे पुरा भवान्। विनिर्गतोऽसि शंभो त्वं रुद्रनामा ममात्मजः

vedāhaṁ tvāṁ mahādeva lalāṭānme purā bhavān vinirgato'si śaṁbho tvaṁ rudranāmā mamātmajaḥ

'हे महादेव! मैं तुम्हें जानता हूँ - पूर्वकाल में तुम मेरे ललाट से उत्पन्न हुए हो, हे शम्भो! तुम रुद्र नामक मेरे पुत्र हो।'

श्लोक 35 (skanda.3.24.35)

इति गर्वेण संयुक्तं वचः श्रुत्वा महेश्वरः। कालभैरवनामानं पुरुषं प्राहिणोत्तदा

iti garveṇa saṁyuktaṁ vacaḥ śrutvā maheśvaraḥ kālabhairavanāmānaṁ puruṣaṁ prāhiṇottadā

इस प्रकार गर्व से युक्त वचन सुनकर महेश्वर ने तब कालभैरव नामक पुरुष को भेजा।

श्लोक 36 (skanda.3.24.36)

अयुद्ध्यत चिरं कालं ब्रह्मणा कालभैरवः। महादेवांशसंभूतः शूलटंकगदाधरः।

ayuddhyata ciraṁ kālaṁ brahmaṇā kālabhairavaḥ mahādevāṁśasaṁbhūtaḥ śūlaṭaṁkagadādharaḥ

महादेव के अंश से उत्पन्न, त्रिशूल, टंक और गदाधारी कालभैरव, ब्रह्मा से दीर्घकाल तक युद्ध करते रहे।

श्लोक 37 (skanda.3.24.37)

युद्ध्वा तु सुचिरं कालं ब्रह्मणा कालभैरवः। वदनं ब्रह्मणः शुभ्रं व्यलोकयत पंचमम्

yuddhvā tu suciraṁ kālaṁ brahmaṇā kālabhairavaḥ vadanaṁ brahmaṇaḥ śubhraṁ vyalokayata paṁcamam

ब्रह्मा से बहुत काल तक युद्ध करके, कालभैरव ने ब्रह्मा के धवल पाँचवें मुख को देखा।

श्लोक 38 (skanda.3.24.38)

विलोक्योर्ध्वगतं वक्त्रं पञ्चमं भारतीपतेः। गर्वेण महता युक्तं प्रजज्वालातिकोपितः

vilokyordhvagataṁ vaktraṁ pañcamaṁ bhāratīpateḥ garveṇa mahatā yuktaṁ prajajvālātikopitaḥ

अत्यन्त गर्व से युक्त भारतीपति (ब्रह्मा) के उस ऊर्ध्वगामी पाँचवें मुख को देखकर, वे अत्यन्त क्रोधित होकर प्रज्वलित हो उठे।

श्लोक 39 (skanda.3.24.39)

ततस्तत्पंचमं वक्त्रं भैरवः प्राच्छिनद्रुषा। ततो ममार ब्रह्माऽसौ कालभैरवहिंसितः।

tatastatpaṁcamaṁ vaktraṁ bhairavaḥ prācchinadruṣā tato mamāra brahmā'sau kālabhairavahiṁsitaḥ

तब भैरव ने क्रोधवश उस पाँचवें मुख को काट डाला। इससे भैरव द्वारा हिंसित होकर वह ब्रह्मा मर गए।

श्लोक 40 (skanda.3.24.40)

ईश्वरस्य प्रसादेन प्रपेदे जीवितं पुनः। ततो विलोकयामास शंकरं शशिभूषणम्

īśvarasya prasādena prapede jīvitaṁ punaḥ tato vilokayāmāsa śaṁkaraṁ śaśibhūṣaṇam

ईश्वर की कृपा से उन्होंने पुनः जीवन प्राप्त किया। तब उन्होंने चन्द्र-भूषित शंकर को देखा,

श्लोक 41 (skanda.3.24.41)

वासुक्याद्यष्टभोगींद्रविभूषणविभूषितम्। दृष्ट्वा वेधा महादेवं पार्वत्या सह शंकरम्

vāsukyādyaṣṭabhogīṁdravibhūṣaṇavibhūṣitam dṛṣṭvā vedhā mahādevaṁ pārvatyā saha śaṁkaram

वासुकि आदि आठ भोगीन्द्र-आभूषणों से विभूषित। पार्वती सहित महादेव शंकर को देखकर विधाता ने,

श्लोक 42 (skanda.3.24.42)

लेभे माहेश्वरं ज्ञानं महादेवप्रसादतः। ततस्तुष्टाव गिरिशं वरेण्यं वरदं शिवम्

lebhe māheśvaraṁ jñānaṁ mahādevaprasādataḥ tatastuṣṭāva giriśaṁ vareṇyaṁ varadaṁ śivam

महादेव की कृपा से माहेश्वर ज्ञान प्राप्त किया। फिर उन्होंने वरेण्य, वरदाता शिव गिरीश की स्तुति की।

श्लोक 43 (skanda.3.24.43)

ब्रह्मोवाच। मह्यं प्रसीद गिरिश शशांककृतशेखर। यन्मयापकृतं शंभो तत्क्षमस्व दयानिधे

brahmovāca mahyaṁ prasīda giriśa śaśāṁkakṛtaśekhara yanmayāpakṛtaṁ śaṁbho tatkṣamasva dayānidhe

ब्रह्मा ने कहा - 'हे गिरीश, हे शशांक-मुकुटधारी! मुझ पर प्रसन्न होइए। हे शम्भो, हे दयानिधे! मैंने जो अपराध किया है, उसे क्षमा करें।

श्लोक 44 (skanda.3.24.44)

क्षमस्व मम गर्वं त्वं शंकरेति पुनःपुनः। नमश्चकार सोमं तं सोमार्धकृतशेखरम्

kṣamasva mama garvaṁ tvaṁ śaṁkareti punaḥpunaḥ namaścakāra somaṁ taṁ somārdhakṛtaśekharam

मेरे गर्व को क्षमा करें' - इस प्रकार बार-बार, अर्ध-चन्द्र-मुकुटधारी उस सोम-शंकर को नमस्कार किया।

श्लोक 45 (skanda.3.24.45)

अथ देवः प्रसन्नोऽस्मै ब्रह्मणे स्वांशजाय तु। मा भैरित्यब्रवीच्छंभुर्भैरवं चाभ्यभाषत

atha devaḥ prasanno'smai brahmaṇe svāṁśajāya tu mā bhairityabravīcchaṁbhurbhairavaṁ cābhyabhāṣata

तब देव, अपने ही अंश से उत्पन्न इस ब्रह्मा पर प्रसन्न होकर, शम्भु ने 'भयभीत मत हो' कहा और भैरव से भी यह कहा -

श्लोक 46 (skanda.3.24.46)

ईश्वर उवाच। एष सर्वस्य जगतः पूज्यो ब्रह्मा सनातनः। हतस्यास्य विरिंचस्य धारय त्वं शिरोऽधुना

īśvara uvāca eṣa sarvasya jagataḥ pūjyo brahmā sanātanaḥ hatasyāsya viriṁcasya dhāraya tvaṁ śiro'dhunā

ईश्वर ने कहा - 'यह सनातन ब्रह्मा सम्पूर्ण जगत् के पूज्य हैं। इस मारे गए विरिंचि (ब्रह्मा) का सिर अब तुम धारण करो।

श्लोक 47 (skanda.3.24.47)

ब्रह्महत्याविशुद्ध्यर्थं लोकसंग्रहकाम्यया। भिक्षामट कपालेन भैरव त्वं ममाज्ञया

brahmahatyāviśuddhyarthaṁ lokasaṁgrahakāmyayā bhikṣāmaṭa kapālena bhairava tvaṁ mamājñayā

ब्रह्महत्या की शुद्धि के लिए, लोक-संग्रह की इच्छा से, हे भैरव! तुम मेरी आज्ञा से कपाल लेकर भिक्षा माँगते हुए विचरण करो।'

श्लोक 48 (skanda.3.24.48)

उक्त्वैवं शंकरो विप्रास्तत्रैवांतरधीयत। नीलकण्ठो महादेवो गिरिजार्द्धतनुस्ततः

uktvaivaṁ śaṁkaro viprāstatraivāṁtaradhīyata nīlakaṇṭho mahādevo girijārddhatanustataḥ

हे विप्रो! यह कहकर शंकर वहीं अन्तर्धान हो गए। नीलकंठ महादेव, गिरिजा-अर्ध-देह वाले, फिर

श्लोक 49 (skanda.3.24.49)

भैरवं ग्राहयामास वदनं वेधसो द्विजाः। चरस्व पापशुद्ध्यर्थं लोकसंग्रहणाय वै

bhairavaṁ grāhayāmāsa vadanaṁ vedhaso dvijāḥ carasva pāpaśuddhyarthaṁ lokasaṁgrahaṇāya vai

भैरव से विधाता (ब्रह्मा) के मुख को ग्रहण कराया, हे द्विजो! 'पाप-शुद्धि के लिए, लोक-संग्रह के लिए विचरण करो,

श्लोक 50 (skanda.3.24.50)

कपालधारी हस्तेन भिक्षां गृह्णातु भैरवः। इतीरयित्वा गिरिशः कन्यां कांचिद्भयंकरीम्

kapāladhārī hastena bhikṣāṁ gṛhṇātu bhairavaḥ itīrayitvā giriśaḥ kanyāṁ kāṁcidbhayaṁkarīm

कपालधारी होकर हाथ से भैरव भिक्षा ग्रहण करें' - यह कहकर गिरीश ने एक भयंकर कन्या को,

श्लोक 51 (skanda.3.24.51)

ब्रह्महत्याभिधां क्रूरां वडवानलसन्निभाम्। तां प्रेरयित्वा गिरिशो भैरवं पुनरब्रवीत्

brahmahatyābhidhāṁ krūrāṁ vaḍavānalasannibhām tāṁ prerayitvā giriśo bhairavaṁ punarabravīt

ब्रह्महत्या नामक क्रूर, वडवानल के समान कन्या को भेजकर, गिरीश ने फिर भैरव से कहा -

श्लोक 52 (skanda.3.24.52)

ईश्वर उवाच। भैरवैतद्व्रतं त्वब्दं ब्रह्महत्याविशुद्धये। चर त्वं सर्वतीर्थेषु स्नाहि शुद्ध्यर्थमात्मनः

īśvara uvāca bhairavaitadvrataṁ tvabdaṁ brahmahatyāviśuddhaye cara tvaṁ sarvatīrtheṣu snāhi śuddhyarthamātmanaḥ

ईश्वर ने कहा - 'हे भैरव! यह ब्रह्महत्या-शुद्धि का व्रत एक वर्ष तक करो। सभी तीर्थों में विचरण करते हुए, अपनी शुद्धि के लिए स्नान करो।

श्लोक 53 (skanda.3.24.53)

ततो वाराणसीं गच्छ ब्रह्महत्याप्रशांतये। वाराणसीप्रवेशेन ब्रह्महत्या तवाधमा

tato vārāṇasīṁ gaccha brahmahatyāpraśāṁtaye vārāṇasīpraveśena brahmahatyā tavādhamā

फिर ब्रह्महत्या की शान्ति के लिए वाराणसी जाओ। वाराणसी में प्रवेश करने से तुम्हारी नीच ब्रह्महत्या का,

श्लोक 54 (skanda.3.24.54)

पादशेषा विनष्टा स्याच्चतुर्थांशो न नश्यति। तस्य नाशं प्रवक्ष्यामि तव भैरव तच्छुणु

pādaśeṣā vinaṣṭā syāccaturthāṁśo na naśyati tasya nāśaṁ pravakṣyāmi tava bhairava tacchuṇu

तीन-चौथाई भाग नष्ट हो जाएगा, चौथा भाग नष्ट नहीं होगा। उसके नाश का उपाय, हे भैरव! मैं बताता हूँ, उसे सुनो।

श्लोक 55 (skanda.3.24.55)

दक्षिणांभोनिधेस्तीरे गन्धमादनपर्वते। सर्वप्राण्युपकाराय कृतं तीर्थं मया शुभम्

dakṣiṇāṁbhonidhestīre gandhamādanaparvate sarvaprāṇyupakārāya kṛtaṁ tīrthaṁ mayā śubham

दक्षिण समुद्र के तट पर, गन्धमादन पर्वत पर, सभी प्राणियों के उपकार के लिए, मेरे द्वारा एक शुभ तीर्थ बनाया गया है,

श्लोक 56 (skanda.3.24.56)

शिवसंज्ञं महापुण्यं तत्र याहि त्वमादरात्। तत्प्रवेशनमात्रेण ब्रह्महत्या तवाशुभा

śivasaṁjñaṁ mahāpuṇyaṁ tatra yāhi tvamādarāt tatpraveśanamātreṇa brahmahatyā tavāśubhā

जो शिव-नाम से महापुण्यमय है; वहाँ तुम आदरपूर्वक जाओ। उसमें प्रवेश करने मात्र से तुम्हारी अशुभ ब्रह्महत्या,

श्लोक 57 (skanda.3.24.57)

शिवतीर्थस्य माहात्म्यान्निःशेषं नश्यति ध्रुवम्। उक्त्वैवं भैरवं रुद्रः कैलासं प्रययौ क्षणात्

śivatīrthasya māhātmyānniḥśeṣaṁ naśyati dhruvam uktvaivaṁ bhairavaṁ rudraḥ kailāsaṁ prayayau kṣaṇāt

शिवतीर्थ के माहात्म्य से निःशेष होकर निश्चय ही नष्ट हो जाएगी।' भैरव से यह कहकर रुद्र क्षणभर में कैलास चले गए।

श्लोक 58 (skanda.3.24.58)

ततः कपालपाणिस्तु भैरवः शिवचोदितः। देवदानवयक्षादिलोकेषु विचचार सः

tataḥ kapālapāṇistu bhairavaḥ śivacoditaḥ devadānavayakṣādilokeṣu vicacāra saḥ

तब कपाल-हस्त भैरव, शिव द्वारा प्रेरित होकर, देव, दानव, यक्ष आदि लोकों में विचरण करने लगे।

श्लोक 59 (skanda.3.24.59)

तं यांतमनुयाति स्म ब्रह्महत्यातिभीषणा। भैरवः सर्वतीर्थानि पुण्यान्यायतनानि च

taṁ yāṁtamanuyāti sma brahmahatyātibhīṣaṇā bhairavaḥ sarvatīrthāni puṇyānyāyatanāni ca

जाते हुए उनके पीछे अत्यन्त भयंकर ब्रह्महत्या चलती रही। भैरव लीलापूर्वक सभी पुण्य तीर्थों और आयतनों में,

श्लोक 60 (skanda.3.24.60)

चरित्वा लीलया देवस्ततो वाराणसीं ययौ। वाराणसीं प्रविष्टे तु भैरवे शंकरांशजे

caritvā līlayā devastato vārāṇasīṁ yayau vārāṇasīṁ praviṣṭe tu bhairave śaṁkarāṁśaje

विचरण करके फिर वाराणसी गए। शंकर के अंश से उत्पन्न भैरव के वाराणसी में प्रवेश करने पर,

श्लोक 61 (skanda.3.24.61)

चतुर्थांशं विना नष्टा ब्रह्महत्यातिकुत्सिता। चतुर्थांशेन दुद्राव भैरवं शंकरांशजम्

caturthāṁśaṁ vinā naṣṭā brahmahatyātikutsitā caturthāṁśena dudrāva bhairavaṁ śaṁkarāṁśajam

चौथे भाग को छोड़कर अत्यन्त निन्दनीय ब्रह्महत्या नष्ट हो गई; शेष चौथे भाग से वह शंकरांश-जात भैरव के पीछे दौड़ती रही।

श्लोक 62 (skanda.3.24.62)

ततः स भैरवो देवः शूलपाणिः कपालधृक्। शिवाज्ञया ययौ पश्चाद्गंधमादनपर्वतम्

tataḥ sa bhairavo devaḥ śūlapāṇiḥ kapāladhṛk śivājñayā yayau paścādgaṁdhamādanaparvatam

तब वह भैरव देव, त्रिशूलधारी, कपालधारी, शिव की आज्ञा से फिर गन्धमादन पर्वत गए।

श्लोक 63 (skanda.3.24.63)

शिवतीर्थं ततो गत्वा भैरवः स्नातवान्द्विजाः। स्नानमात्रेण तत्रास्य शिवतीर्थे महत्तरे

śivatīrthaṁ tato gatvā bhairavaḥ snātavāndvijāḥ snānamātreṇa tatrāsya śivatīrthe mahattare

हे द्विजो! फिर शिवतीर्थ जाकर भैरव ने स्नान किया। उस महान् शिवतीर्थ में केवल स्नान से ही,

श्लोक 64 (skanda.3.24.64)

निःशेषं विलयं याता ब्रह्महत्यातिभीषणा। अस्मिन्नवसरे शंभुः प्रादुरासीत्तदग्रतः। प्रादुर्भूतो महादेवो भैरवं वाक्यमब्रवीत्

niḥśeṣaṁ vilayaṁ yātā brahmahatyātibhīṣaṇā asminnavasare śaṁbhuḥ prādurāsīttadagrataḥ prādurbhūto mahādevo bhairavaṁ vākyamabravīt

वह अत्यन्त भीषण ब्रह्महत्या निःशेष होकर लय को प्राप्त हो गई। इसी अवसर पर शम्भु उनके सामने प्रकट हुए; प्रकट होकर महादेव ने भैरव से यह वचन कहा -

श्लोक 65 (skanda.3.24.65)

ईश्वर उवाच। निःशेषं ब्रह्महत्या ते शिवतीर्थे निमज्जनात्

īśvara uvāca niḥśeṣaṁ brahmahatyā te śivatīrthe nimajjanāt

ईश्वर ने कहा - 'हे भैरव! शिवतीर्थ में निमज्जन से तुम्हारी ब्रह्महत्या निःशेष होकर,

श्लोक 66 (skanda.3.24.66)

नष्टा भैरव नास्त्यत्र संदेहस्तव सुव्रत। इदं कपालं काश्यां त्वं स्थापयस्व क्वचित्स्थले

naṣṭā bhairava nāstyatra saṁdehastava suvrata idaṁ kapālaṁ kāśyāṁ tvaṁ sthāpayasva kvacitsthale

नष्ट हो गई है, हे सुव्रत! इसमें संदेह नहीं। तुम इस कपाल को काशी में कहीं स्थापित कर दो।'

श्लोक 67 (skanda.3.24.67)

इत्युक्त्वा भगवाञ्छंभुस्तत्रैवांतरधीयत। भैरवोऽपि तदा विप्रा ब्रह्महत्याविमोचितः

ityuktvā bhagavāñchaṁbhustatraivāṁtaradhīyata bhairavo'pi tadā viprā brahmahatyāvimocitaḥ

यह कहकर भगवान् शम्भु वहीं अन्तर्धान हो गए। हे विप्रो! भैरव भी तब ब्रह्महत्या से मुक्त होकर,

श्लोक 68 (skanda.3.24.68)

शिवतीर्थस्य माहात्म्याद्ययौ वाराणसीं पुरीम्। कपालं स्थापयामास प्रदेशे कुत्रचिद्द्विजाः। कपालतीर्थमित्याख्यामलभत्तत्स्थलं तदा

śivatīrthasya māhātmyādyayau vārāṇasīṁ purīm kapālaṁ sthāpayāmāsa pradeśe kutraciddvijāḥ kapālatīrthamityākhyāmalabhattatsthalaṁ tadā

शिवतीर्थ के माहात्म्य से वाराणसी नगरी को गए। हे द्विजो! उन्होंने किसी स्थान पर कपाल स्थापित किया; वह स्थान तब कपालतीर्थ नाम से प्रसिद्ध हुआ।

श्लोक 69 (skanda.3.24.69)

श्रीसूत उवाच। एवं प्रभावं तत्पुण्यं शिवतीर्थं विमुक्तिदम्

śrīsūta uvāca evaṁ prabhāvaṁ tatpuṇyaṁ śivatīrthaṁ vimuktidam

श्रीसूत जी ने कहा - इस प्रकार वह पुण्यमय, मुक्तिदायक शिवतीर्थ ऐसे प्रभाव वाला है,

श्लोक 70 (skanda.3.24.70)

महादुःखप्रशमनं महापातकनाशनम्। नरकक्लेशशमनं स्वर्गदं मोक्षदं तथा।

mahāduḥkhapraśamanaṁ mahāpātakanāśanam narakakleśaśamanaṁ svargadaṁ mokṣadaṁ tathā

जो महादुःख को शान्त करने वाला, महापातकों का नाशक, नरक के क्लेश को शान्त करने वाला और वैसे ही स्वर्ग तथा मोक्ष देने वाला है।

श्लोक 71 (skanda.3.24.71)

शिवतीर्थस्य माहात्म्यं मया प्रोक्तं विमुक्तिदम्। इदं पठन्सदा मर्त्यो दुःखग्रामाद्विमुच्यते

śivatīrthasya māhātmyaṁ mayā proktaṁ vimuktidam idaṁ paṭhansadā martyo duḥkhagrāmādvimucyate

मैंने शिवतीर्थ की मुक्तिदायक महिमा बताई। इसे सदा पढ़ने वाला मरणशील प्राणी दुःखों के समूह से मुक्त हो जाता है।