साध्यामृततीर्थ-महिमा एवं पुरूरवा की शापमुक्ति

श्लोक 1 (skanda.3.28.1)

श्रीसूत उवाच कोटितीर्थं महापुण्यं सेवित्वा केवलं नरः स्नातुं जितेंद्रियस्तीर्थं ततः साध्यामृतं व्रजेत्

śrīsūta uvāca koṭitīrthaṁ mahāpuṇyaṁ sevitvā kevalaṁ naraḥ snātuṁ jiteṁdriyastīrthaṁ tataḥ sādhyāmṛtaṁ vrajet

श्रीसूत जी बोले - अत्यंत पुण्यमय कोटितीर्थ का सेवन करने के पश्चात जितेन्द्रिय मनुष्य स्नान हेतु साध्यामृत तीर्थ की ओर जाए।

श्लोक 2 (skanda.3.28.2)

साध्यामृतं महातीर्थ महापुण्यफलप्रदम् महादुःखप्रशमनं गन्धमादनपर्वते

sādhyāmṛtaṁ mahātīrtha mahāpuṇyaphalapradam mahāduḥkhapraśamanaṁ gandhamādanaparvate

साध्यामृत एक महान तीर्थ है, जो महान पुण्यफल प्रदान करता है; यह गन्धमादन पर्वत पर स्थित है और महान दुःखों को शांत करने वाला है।

श्लोक 3 (skanda.3.28.3)

अस्ति पापहरं पुंसां सर्वाभीष्टप्रदायकम् यत्र स्नात्वा नरो भक्त्या सर्वान्कामानवाप्नुयात्

asti pāpaharaṁ puṁsāṁ sarvābhīṣṭapradāyakam yatra snātvā naro bhaktyā sarvānkāmānavāpnuyāt

यह मनुष्यों के पापों को हरने वाला और समस्त अभीष्ट प्रदान करने वाला है; जो मनुष्य वहाँ भक्तिपूर्वक स्नान करता है, वह अपनी सभी कामनाएँ प्राप्त कर लेता है।

श्लोक 4 (skanda.3.28.4)

तपसा ब्रह्मचर्येण यज्ञैर्दानेन वा पुनः गतिं तां न लभेन्मर्त्यो यां साध्यामृतमज्जनात्

tapasā brahmacaryeṇa yajñairdānena vā punaḥ gatiṁ tāṁ na labhenmartyo yāṁ sādhyāmṛtamajjanāt

तप, ब्रह्मचर्य, यज्ञ अथवा दान से भी मनुष्य उस गति को नहीं पा सकता, जो साध्यामृत में स्नान करने से प्राप्त होती है।

श्लोक 5 (skanda.3.28.5)

स्पृष्टानि येषामंगानि साध्यामृतजलैः शुभैः तेषां देहगतं पापं तत्क्षणादेव नश्यति

spṛṣṭāni yeṣāmaṁgāni sādhyāmṛtajalaiḥ śubhaiḥ teṣāṁ dehagataṁ pāpaṁ tatkṣaṇādeva naśyati

जिन मनुष्यों के अंग साध्यामृत के शुभ जल से स्पृष्ट होते हैं, उनके शरीर में स्थित पाप उसी क्षण नष्ट हो जाता है।

श्लोक 6 (skanda.3.28.6)

साध्यामृतजले यस्तु साघमर्षणकृन्नरः स विधूयेह पापानि विष्णुलोके महीयते

sādhyāmṛtajale yastu sāghamarṣaṇakṛnnaraḥ sa vidhūyeha pāpāni viṣṇuloke mahīyate

जो मनुष्य साध्यामृत के जल में अघमर्षण-कर्म करता है, वह यहाँ के सारे पापों को धोकर विष्णुलोक में महिमामंडित होता है।

श्लोक 7 (skanda.3.28.7)

पूर्वे वयसि पापानि कृत्वा कर्माणि यो नरः पश्चात्साध्यामृतं सेवेत्पश्चात्तापसमन्वितः

pūrve vayasi pāpāni kṛtvā karmāṇi yo naraḥ paścātsādhyāmṛtaṁ sevetpaścāttāpasamanvitaḥ

जो मनुष्य जीवन के पूर्वकाल में पाप-कर्म करके, पश्चात्ताप से युक्त होकर बाद में साध्यामृत का सेवन करता है -

श्लोक 8 (skanda.3.28.8)

अन्ते वयसि मुक्तः स्यात्स नरो नात्र संशयः साध्यामृते नरः स्नात्वा देहबंधाद्विमुच्यते

ante vayasi muktaḥ syātsa naro nātra saṁśayaḥ sādhyāmṛte naraḥ snātvā dehabaṁdhādvimucyate

वह जीवन के अंत में निश्चय ही मुक्त हो जाता है - इसमें कोई संशय नहीं। साध्यामृत में स्नान करके मनुष्य देहबंधन से मुक्त हो जाता है।

श्लोक 9 (skanda.3.28.9)

साध्यामृतजले स्नाता मनुष्याः पापकर्मिणः अनेकक्लेशघोराणि नरकाणि न यांति हि

sādhyāmṛtajale snātā manuṣyāḥ pāpakarmiṇaḥ anekakleśaghorāṇi narakāṇi na yāṁti hi

साध्यामृत के जल में स्नान किए हुए पापकर्मी मनुष्य अनेक क्लेशों से भरे भयंकर नरकों में नहीं जाते।

श्लोक 10 (skanda.3.28.10)

साध्यामृतजले स्नानात्पुंसां या स्याद्गतिर्द्विजाः न सा गतिर्भवेद्यज्ञैर्न वेदैः पुण्यकर्मभिः

sādhyāmṛtajale snānātpuṁsāṁ yā syādgatirdvijāḥ na sā gatirbhavedyajñairna vedaiḥ puṇyakarmabhiḥ

हे द्विजो! साध्यामृत के जल में स्नान करने से मनुष्यों को जो गति प्राप्त होती है, वह गति यज्ञों से, वेदों से अथवा पुण्यकर्मों से भी प्राप्त नहीं होती।

श्लोक 11 (skanda.3.28.11)

यावदस्थि मनुष्याणां साध्यामृतजले स्थितम् तावद्वर्षाणि तिष्ठंति शिवलोके सुपूजिताः

yāvadasthi manuṣyāṇāṁ sādhyāmṛtajale sthitam tāvadvarṣāṇi tiṣṭhaṁti śivaloke supūjitāḥ

मनुष्य की अस्थियाँ साध्यामृत के जल में जितने वर्षों तक स्थित रहती हैं, उतने ही वर्षों तक वह शिवलोक में अत्यंत सम्मानित होकर निवास करता है।

श्लोक 12 (skanda.3.28.12)

अपहत्य तमस्तीव्रं यथा भात्युदये रविः तथा साध्यामृतस्नायी भित्त्वा पापानि राजते

apahatya tamastīvraṁ yathā bhātyudaye raviḥ tathā sādhyāmṛtasnāyī bhittvā pāpāni rājate

जैसे उदयकाल में सूर्य घोर अंधकार को हटाकर प्रकाशित होता है, वैसे ही साध्यामृत में स्नान करने वाला व्यक्ति पापों को नष्ट कर देदीप्यमान होता है।

श्लोक 13 (skanda.3.28.13)

वांछिताँल्लभते कामानत्र स्नातो नरः सदा यत्र स्नात्वा महापुण्ये पुरा राजा पुरूरवाः विप्रयोगं सहोर्वश्या जहौ तुंबुरुशापजम्

vāṁchitā~llabhate kāmānatra snāto naraḥ sadā yatra snātvā mahāpuṇye purā rājā purūravāḥ viprayogaṁ sahorvaśyā jahau tuṁburuśāpajam

यहाँ सदा स्नान करने वाला मनुष्य अपनी वांछित कामनाएँ प्राप्त कर लेता है। यहीं स्नान करके प्राचीनकाल में राजा पुरूरवा ने तुम्बुरु के शाप से उत्पन्न उर्वशी-वियोग को त्याग दिया था।

श्लोक 14 (skanda.3.28.14)

ऋषय ऊचुः कथं सूत महाभाग सहोर्वश्यामरस्त्रिया

ṛṣaya ūcuḥ kathaṁ sūta mahābhāga sahorvaśyāmarastriyā

ऋषिगण बोले - हे महाभाग सूत! मर्त्य राजा पुरूरवा ने देवस्त्री उर्वशी के साथ प्रथम मिलन किस प्रकार प्राप्त किया?

श्लोक 15 (skanda.3.28.15)

प्रथमं लब्धवान्योगं मर्त्यो राजा पुरूरवाः विप्रयोगं सहोर्वश्या जहौ तुंबुरुशापजम्

prathamaṁ labdhavānyogaṁ martyo rājā purūravāḥ viprayogaṁ sahorvaśyā jahau tuṁburuśāpajam

और तुम्बुरु के शाप से उत्पन्न उर्वशी-वियोग को उन्होंने किस प्रकार समाप्त किया?

श्लोक 16 (skanda.3.28.16)

हेतुना केन राजानं शशाप तुंबुरुर्मुनिः एतत्सर्वं समाचक्ष्व विस्तरान्मुनिपुंगव

hetunā kena rājānaṁ śaśāpa tuṁbururmuniḥ etatsarvaṁ samācakṣva vistarānmunipuṁgava

किस कारण से मुनि तुम्बुरु ने उस राजा को शाप दिया? हे मुनिश्रेष्ठ, यह सब विस्तारपूर्वक हमें बताइए।

श्लोक 17 (skanda.3.28.17)

सूत उवाच आसीत्पुरूरवानाम शक्रतुल्यपराक्रमः राजराजसमो राजा पुरा ह्यमरपूजितः

sūta uvāca āsītpurūravānāma śakratulyaparākramaḥ rājarājasamo rājā purā hyamarapūjitaḥ

सूत जी बोले - पुरूरवा नामक एक राजा थे, जिनका पराक्रम इन्द्र के समान था; वे राजाओं के स्वामी के समान महान और प्राचीनकाल में देवताओं द्वारा पूजित थे।

श्लोक 18 (skanda.3.28.18)

धर्मतः पालयामास मेदिनीं स नृपोत्तमः ईजे च बहुभिर्यज्ञैर्ददौ दानानि सर्वदा

dharmataḥ pālayāmāsa medinīṁ sa nṛpottamaḥ īje ca bahubhiryajñairdadau dānāni sarvadā

वे नृपोत्तम धर्मपूर्वक पृथ्वी का पालन करते थे; उन्होंने अनेक यज्ञ किए और सदैव दान दिया।

श्लोक 19 (skanda.3.28.19)

प्रशासति महीं सर्वां राज्ञि तस्मिन्महामतौ मित्रावरुणशापेन भुवं प्रापोर्वशी द्विजाः

praśāsati mahīṁ sarvāṁ rājñi tasminmahāmatau mitrāvaruṇaśāpena bhuvaṁ prāporvaśī dvijāḥ

हे द्विजो! जब वह महामति राजा सम्पूर्ण पृथ्वी का शासन कर रहे थे, उसी समय मित्र-वरुण के शाप से उर्वशी पृथ्वी पर आ गई।

श्लोक 20 (skanda.3.28.20)

सा चचारोर्वशी तत्र राज्ञस्तस्य पुरांतिके कोकिलालापमधुरवीणयोपवने जगौ

sā cacārorvaśī tatra rājñastasya purāṁtike kokilālāpamadhuravīṇayopavane jagau

वहाँ उर्वशी उस राजा के नगर के समीप विचरण करने लगी, तथा उपवन में कोयल के समान मधुर वाणी से वीणा के साथ गाने लगी।

श्लोक 21 (skanda.3.28.21)

स राजोपवने रंतुं कदाचिद्धृतकौतुकः आरूढतुरगः प्रायाल्ललनाशतसंवृतः

sa rājopavane raṁtuṁ kadāciddhṛtakautukaḥ ārūḍhaturagaḥ prāyāllalanāśatasaṁvṛtaḥ

एक बार वह राजा कुतूहलवश उपवन में क्रीड़ा करने हेतु घोड़े पर आरूढ़ होकर सैकड़ों ललनाओं से घिरे हुए गए।

श्लोक 22 (skanda.3.28.22)

तादृशीमुर्वशीं तत्र करसम्मितमध्यमाम् उवाच चैनां राजासौ भार्या मम भवेति वै

tādṛśīmurvaśīṁ tatra karasammitamadhyamām uvāca caināṁ rājāsau bhāryā mama bhaveti vai

वहाँ करभर मध्यभाग वाली उस उर्वशी को देखकर राजा ने उससे कहा - "तुम मेरी भार्या बन जाओ।"

श्लोक 23 (skanda.3.28.23)

सापि कामातुरा तत्र राजानं प्रत्यभाषत भवत्वेवं नरश्रेष्ठ समयं यदि मे भवान्

sāpi kāmāturā tatra rājānaṁ pratyabhāṣata bhavatvevaṁ naraśreṣṭha samayaṁ yadi me bhavān

कामातुर होकर उसने भी राजा को उत्तर दिया - "हे नरश्रेष्ठ, ऐसा ही हो, यदि आप मुझसे एक प्रतिज्ञा करें।

श्लोक 24 (skanda.3.28.24)

करिष्यति तवाभ्याशे वत्स्यामि धृतकौतुका करिष्ये समयं सुभ्रु तवाहमिति सोऽब्रवीत्

kariṣyati tavābhyāśe vatsyāmi dhṛtakautukā kariṣye samayaṁ subhru tavāhamiti so'bravīt

यदि आप मेरे निकट उस प्रतिज्ञा का पालन करेंगे, तो मैं आनंदपूर्वक आपके साथ निवास करूँगी।" राजा ने कहा - "हे सुभ्रु! मैं तुम्हारे साथ वह प्रतिज्ञा करूँगा।"

श्लोक 25 (skanda.3.28.25)

अथोर्वशी बभाषे तं पुरूरवसमुत्सुका पुत्रभूतं मम यदि रक्षस्युरणकद्वयम्

athorvaśī babhāṣe taṁ purūravasamutsukā putrabhūtaṁ mama yadi rakṣasyuraṇakadvayam

तब उर्वशी ने उत्सुक होकर पुरूरवा से कहा - "यदि आप मेरे इन दो मेढ़ों की, जो मेरे पुत्रतुल्य हैं, रक्षा करें,

श्लोक 26 (skanda.3.28.26)

न नग्नो दृश्यसे राजन्कदापि यदि वै तथा नोच्छिष्टं मम दद्याश्चेत्तदा वत्स्ये तवांतिके

na nagno dṛśyase rājankadāpi yadi vai tathā nocchiṣṭaṁ mama dadyāścettadā vatsye tavāṁtike

और हे राजन्! यदि आप कभी भी मुझे नग्न न देखें, और यदि मुझे अपना उच्छिष्ट भोजन कभी न दें, तो मैं आपके समीप निवास करूँगी।

श्लोक 27 (skanda.3.28.27)

घृतमात्राशना चाहं भविष्यामि नृपोत्तम एवमस्त्विति राजोक्तां तां निनाय निजं गृहम्

ghṛtamātrāśanā cāhaṁ bhaviṣyāmi nṛpottama evamastviti rājoktāṁ tāṁ nināya nijaṁ gṛham

और हे नृपोत्तम! मैं केवल घृत का ही आहार करूँगी।" राजा ने "ऐसा ही हो" कहकर उसकी बात मान ली और उसे अपने घर ले गए।

श्लोक 28 (skanda.3.28.28)

अलकायां स भूपालस्तथा चैत्ररथे वने रेमे सरस्वतीतीरे पद्मखण्डमनोरमे

alakāyāṁ sa bhūpālastathā caitrarathe vane reme sarasvatītīre padmakhaṇḍamanorame

वह राजा अलकापुरी में, चैत्ररथ वन में, तथा कमलसमूहों से मनोरम सरस्वती के तट पर विहार करने लगे।

श्लोक 29 (skanda.3.28.29)

एकषष्टिं स वर्षाणि रममाणस्तयानयत् तेनोर्वशी प्रतिदिनं वर्धमानानुरागिणी

ekaṣaṣṭiṁ sa varṣāṇi ramamāṇastayānayat tenorvaśī pratidinaṁ vardhamānānurāgiṇī

उसके साथ क्रीड़ा करते हुए उन्होंने इकसठ वर्ष बिता दिए; इससे उर्वशी का अनुराग प्रतिदिन बढ़ता गया -

श्लोक 30 (skanda.3.28.30)

स्पृहां न देवलोकेऽपि चकार तनुमध्यमा नाभवद्रमणीयोऽसौ देवलोकस्तया विना

spṛhāṁ na devaloke'pi cakāra tanumadhyamā nābhavadramaṇīyo'sau devalokastayā vinā

उस क्षीणकटि उर्वशी को देवलोक की भी कोई इच्छा शेष न रही; और उसके बिना देवलोक भी रमणीय प्रतीत नहीं होता था।

श्लोक 31 (skanda.3.28.31)

अतस्तामानयिष्यामि देवलोकमिति द्विजाः विश्वावसुर्विचार्यैवं भूर्लोकमगमत्क्षणात्

atastāmānayiṣyāmi devalokamiti dvijāḥ viśvāvasurvicāryaivaṁ bhūrlokamagamatkṣaṇāt

"अतः मैं उसे देवलोक में पुनः ले आऊँगा" - ऐसा विचार कर विश्वावसु, हे द्विजो, उसी क्षण भूलोक में उतर आया।

श्लोक 32 (skanda.3.28.32)

उर्वश्याः समयं राज्ञा विश्वावसुरयं सह विदित्वा सह गन्धर्वैः समवेतो निशांतरे

urvaśyāḥ samayaṁ rājñā viśvāvasurayaṁ saha viditvā saha gandharvaiḥ samaveto niśāṁtare

इस विश्वावसु ने राजा के साथ उर्वशी की प्रतिज्ञा को जानकर, रात्रि के मध्य में अन्य गंधर्वों के साथ मिलकर,

श्लोक 33 (skanda.3.28.33)

उर्वश्याः शयनाभ्याशाज्जग्राहोरणकं जवात् आकाशे नीयमानस्य तस्य श्रुत्वोर्वशी पतिम्

urvaśyāḥ śayanābhyāśājjagrāhoraṇakaṁ javāt ākāśe nīyamānasya tasya śrutvorvaśī patim

उर्वशी की शय्या के समीप से एक मेढ़े को शीघ्रतापूर्वक उठा लिया। उस मेढ़े को आकाश में ले जाया जाता सुनकर उर्वशी ने अपने पति से -

श्लोक 34 (skanda.3.28.34)

अब्रवीन्मत्सुतः केन गृह्यते त्यज्यतामयम् अनाथा शरणं यामि कं नरं गतचेतना

abravīnmatsutaḥ kena gṛhyate tyajyatāmayam anāthā śaraṇaṁ yāmi kaṁ naraṁ gatacetanā

कहा - "मेरे पुत्र को कौन ले जा रहा है? इसे छोड़ दो! हे चेतनाशून्य पुरुष, मैं अनाथ होकर किसकी शरण जाऊँ?"

श्लोक 35 (skanda.3.28.35)

पुरूरवाः समाकर्ण्य वाक्यं तस्या निशांतरे मां न नग्नं निरीक्षेत देवीति न ययौ तदा

purūravāḥ samākarṇya vākyaṁ tasyā niśāṁtare māṁ na nagnaṁ nirīkṣeta devīti na yayau tadā

पुरूरवा ने रात्रि में उसके ये वचन सुने, परन्तु यह सोचकर कि "देवी मुझे नग्न न देख ले," वे उस समय नहीं गए।

श्लोक 36 (skanda.3.28.36)

अथान्यमप्युरणकं गन्धर्वाः प्रतिगृह्य ते ययुस्तस्योरणस्यापि शब्दं शुश्राव चोर्वशी

athānyamapyuraṇakaṁ gandharvāḥ pratigṛhya te yayustasyoraṇasyāpi śabdaṁ śuśrāva corvaśī

तत्पश्चात वे गंधर्व दूसरे मेढ़े को भी पकड़कर ले गए; और उर्वशी ने उस मेढ़े का शब्द भी सुना।

श्लोक 37 (skanda.3.28.37)

अनाथाया मम सुतो गृह्यते तस्करैरिति चुक्रोश देवी परुषं कं यामि शरणं नरम्

anāthāyā mama suto gṛhyate taskarairiti cukrośa devī paruṣaṁ kaṁ yāmi śaraṇaṁ naram

"अनाथ मेरा यह पुत्र चोरों द्वारा हरा जा रहा है!" - ऐसा कहकर वह देवी कठोर स्वर में चिल्लाने लगी - "मैं किस पुरुष की शरण जाऊँ?"

श्लोक 38 (skanda.3.28.38)

अमर्षवशमापन्नः श्रुत्वा तद्वचनं नृपः तिमिरेणावृतं सर्वमिति मत्त्वा स खङ्गधृक्

amarṣavaśamāpannaḥ śrutvā tadvacanaṁ nṛpaḥ timireṇāvṛtaṁ sarvamiti mattvā sa khaṅgadhṛk

उसके वचन सुनकर राजा क्रोध के वशीभूत हो गए; सब कुछ अंधकार से आवृत है, ऐसा मानकर वे तलवार हाथ में लेकर,

श्लोक 39 (skanda.3.28.39)

दुष्टदुष्ट कुतो यासीत्यभ्यधावद्वचो वदन् तावत्सौदामिनी दीप्ता गन्धर्वैर्जनिता भृशम्

duṣṭaduṣṭa kuto yāsītyabhyadhāvadvaco vadan tāvatsaudāminī dīptā gandharvairjanitā bhṛśam

"दुष्ट, दुष्ट, कहाँ भागता है!" ऐसा कहते हुए दौड़ पड़े। उसी क्षण गंधर्वों द्वारा अत्यंत तीव्रता से उत्पन्न की गई बिजली चमकी,

श्लोक 40 (skanda.3.28.40)

तत्प्रभामंडलैर्देवी राजानं विगतांबरम् दृष्ट्वा निवृत्तसमया तत्क्षणादेव निर्ययौ

tatprabhāmaṁḍalairdevī rājānaṁ vigatāṁbaram dṛṣṭvā nivṛttasamayā tatkṣaṇādeva niryayau

और उस बिजली की चमक से देवी ने राजा को वस्त्रविहीन देख लिया; यह देखकर, प्रतिज्ञा भंग हो जाने के कारण, वह उसी क्षण वहाँ से चली गई।

श्लोक 41 (skanda.3.28.41)

त्यक्त्वा ह्युरणकौ तत्र गंधर्वा अपि निर्ययुः राजा मेषौ समादाय हृष्टः स्वशयनांतिकम्

tyaktvā hyuraṇakau tatra gaṁdharvā api niryayuḥ rājā meṣau samādāya hṛṣṭaḥ svaśayanāṁtikam

उन दोनों मेढ़ों को वहीं छोड़कर गंधर्व भी चले गए। राजा प्रसन्न होकर दोनों मेढ़ों को लेकर अपनी शय्या के समीप आए।

श्लोक 42 (skanda.3.28.42)

आगतो नोर्वशीं तत्र ददर्शायतलोचनाम् तां चापश्यन्विवस्त्रश्च बभ्रामोन्मत्तवद्भुवि

āgato norvaśīṁ tatra dadarśāyatalocanām tāṁ cāpaśyanvivastraśca babhrāmonmattavadbhuvi

वहाँ आकर उन्हें आयतलोचना उर्वशी दिखाई नहीं दी; उसे न पाकर तथा स्वयं वस्त्रहीन होकर वे पागलों की भाँति पृथ्वी पर भटकने लगे।

श्लोक 43 (skanda.3.28.43)

कुरुक्षेत्रं गतो राजा तटाके पद्मसंकुले चतुर्भिरप्सरस्त्रीभिः क्रीडमाना ददर्श ताम्

kurukṣetraṁ gato rājā taṭāke padmasaṁkule caturbhirapsarastrībhiḥ krīḍamānā dadarśa tām

राजा कुरुक्षेत्र गए, और कमलों से भरे एक सरोवर में उन्हें चार अप्सराओं के साथ क्रीड़ा करती हुई उर्वशी दिखाई दी।

श्लोक 44 (skanda.3.28.44)

हे जाये तिष्ठ मनसा घोरेति व्याहरन्मुहुः एवं बहुप्रकारं वै स सूक्तं प्रालपन्नृपः

he jāye tiṣṭha manasā ghoreti vyāharanmuhuḥ evaṁ bahuprakāraṁ vai sa sūktaṁ prālapannṛpaḥ

"हे प्रिये, रुको, हे कठोरहृदया!" - बार-बार ऐसा पुकारते हुए राजा ने इस प्रकार अनेक विलापपूर्ण वचन कहे।

श्लोक 45 (skanda.3.28.45)

अब्रवीदुर्वशी तं च क्रीडती साप्सरोगणैः महाराजालमेतेन चेष्टितेन तवानघ

abravīdurvaśī taṁ ca krīḍatī sāpsarogaṇaiḥ mahārājālametena ceṣṭitena tavānagha

वहाँ अप्सराओं के समूह के साथ क्रीड़ा करती हुई उर्वशी ने उससे कहा - "हे महाराज, हे निष्पाप, अब इस चेष्टा को बंद करो।

श्लोक 46 (skanda.3.28.46)

त्वत्तो गर्भिण्यहं पूर्वमब्दांते भवतात्र वै आगंतव्यं कुमारस्ते भविष्यत्यतिधार्मिकः

tvatto garbhiṇyahaṁ pūrvamabdāṁte bhavatātra vai āgaṁtavyaṁ kumāraste bhaviṣyatyatidhārmikaḥ

मैं पहले से ही तुमसे गर्भवती हूँ; एक वर्ष पूरा होने पर तुम यहाँ आना - तुम्हें अत्यंत धार्मिक पुत्र की प्राप्ति होगी।

श्लोक 47 (skanda.3.28.47)

एकां विभावरीं राजंस्त्वया वत्स्यामि वै तदा इत्युक्तो नृपतिर्हृष्टः स्वपुरीं प्राविशद्द्विजाः

ekāṁ vibhāvarīṁ rājaṁstvayā vatsyāmi vai tadā ityukto nṛpatirhṛṣṭaḥ svapurīṁ prāviśaddvijāḥ

हे राजन्! उस समय मैं तुम्हारे साथ केवल एक रात्रि निवास करूँगी।" ऐसा सुनकर हर्षित राजा, हे द्विजो, अपने नगर में लौट गए।

श्लोक 48 (skanda.3.28.48)

तासामप्सरसां सा तु कथयामास तं नृपम् अयं स पुरुषश्रेष्ठो येनाहं कामरूपिणा

tāsāmapsarasāṁ sā tu kathayāmāsa taṁ nṛpam ayaṁ sa puruṣaśreṣṭho yenāhaṁ kāmarūpiṇā

उस उर्वशी ने उन अप्सराओं से उस राजा के विषय में कहा - "यह वही पुरुषश्रेष्ठ है, जिसके साथ मैंने,

श्लोक 49 (skanda.3.28.49)

एतावंतं महाकालमनुरागवशातुरा उषितास्मि सहानेन सख्यो नृपतिना चिरम्

etāvaṁtaṁ mahākālamanurāgavaśāturā uṣitāsmi sahānena sakhyo nṛpatinā ciram

कामरूपिणी होकर, अनुराग के वशीभूत होकर, इतने दीर्घकाल तक निवास किया - हे सखियो, मैं इस राजा के साथ चिरकाल तक रही।

श्लोक 50 (skanda.3.28.50)

एवमुक्तास्ततः सख्यस्तामूचुः साधुसाध्विति अनेन साकमास्यामः सर्वकालं वयं सखि

evamuktāstataḥ sakhyastāmūcuḥ sādhusādhviti anena sākamāsyāmaḥ sarvakālaṁ vayaṁ sakhi

ऐसा सुनकर उन सखियों ने उससे कहा - "बहुत अच्छा, बहुत अच्छा! हे सखी, हम सब भी सदैव इसके साथ रहेंगी" -

श्लोक 51 (skanda.3.28.51)

इत्यूचुरुर्वशीं तत्र सखीमप्सरसस्तदा अब्देऽथ पूर्णे राजापि तटाकांतिकमाययौ

ityūcururvaśīṁ tatra sakhīmapsarasastadā abde'tha pūrṇe rājāpi taṭākāṁtikamāyayau

उस समय अप्सरा-सखियों ने वहाँ उर्वशी से यह कहा। तत्पश्चात वर्ष पूर्ण होने पर राजा भी उस सरोवर के समीप आए।

श्लोक 52 (skanda.3.28.52)

आगतं नृपतिं दृष्ट्वा पुरूरवसमुर्वशी कुमारमायुषं तस्मै ददौ संप्रीतमानसा

āgataṁ nṛpatiṁ dṛṣṭvā purūravasamurvaśī kumāramāyuṣaṁ tasmai dadau saṁprītamānasā

वहाँ आए हुए राजा पुरूरवा को देखकर प्रेमपूर्ण हृदय वाली उर्वशी ने उन्हें आयुष नामक पुत्र प्रदान किया।

श्लोक 53 (skanda.3.28.53)

तेन साकं निशामेकामुषिता सानुरागिणी पंचपुत्रप्रदं गर्भं तस्मादापाशु सोर्वशी

tena sākaṁ niśāmekāmuṣitā sānurāgiṇī paṁcaputrapradaṁ garbhaṁ tasmādāpāśu sorvaśī

उसके साथ एक रात्रि निवास करके अनुरागिणी उर्वशी ने तत्काल ही उससे पाँच पुत्र देने वाला गर्भ धारण कर लिया।

श्लोक 54 (skanda.3.28.54)

उवाच चैनं राजानमुर्वशी परमांगना वरं दास्यंति गन्धर्वा मत्प्रीत्या तव भूपते

uvāca cainaṁ rājānamurvaśī paramāṁganā varaṁ dāsyaṁti gandharvā matprītyā tava bhūpate

और उस परम सुंदरी उर्वशी ने राजा से कहा - "हे भूपते! मेरे प्रति स्नेह के कारण गंधर्व तुम्हें एक वर देंगे -

श्लोक 55 (skanda.3.28.55)

भवतां प्रार्थ्यतां तेभ्यो वरो राजर्षिसत्तम इत्युक्तः स तया राजा प्राह गन्धर्वसत्तमान्

bhavatāṁ prārthyatāṁ tebhyo varo rājarṣisattama ityuktaḥ sa tayā rājā prāha gandharvasattamān

हे राजर्षिश्रेष्ठ, आप उनसे वर मांग लीजिए।" ऐसा सुनकर राजा ने उन गंधर्वश्रेष्ठों से कहा -

श्लोक 56 (skanda.3.28.56)

अहं संपूर्णकोशश्च विजिताराति मंडलः सलोकतां विनोर्वश्याः प्राप्तव्यं नान्यदस्ति मे

ahaṁ saṁpūrṇakośaśca vijitārāti maṁḍalaḥ salokatāṁ vinorvaśyāḥ prāptavyaṁ nānyadasti me

"मेरा कोष परिपूर्ण है और मैंने शत्रुमंडल को जीत लिया है; उर्वशी के लोक में सालोक्य-प्राप्ति के अतिरिक्त मुझे और कुछ भी प्राप्त करने योग्य शेष नहीं है।

श्लोक 57 (skanda.3.28.57)

अतस्तया सहोर्वश्या कालं नेतुमहं वृणे एवमुक्ते नृपेणाथ गन्धर्वास्तुष्टमानसाः अग्निस्थालीं प्रदायास्मै प्रोचुश्चैनं नृपं तदा

atastayā sahorvaśyā kālaṁ netumahaṁ vṛṇe evamukte nṛpeṇātha gandharvāstuṣṭamānasāḥ agnisthālīṁ pradāyāsmai procuścainaṁ nṛpaṁ tadā

अतः मैं उर्वशी के साथ अपना समय बिताना चाहता हूँ।" राजा के ऐसा कहने पर प्रसन्नचित्त गंधर्वों ने उन्हें एक अग्निपात्र प्रदान करते हुए कहा -

श्लोक 58 (skanda.3.28.58)

गन्धर्वा ऊचुः अग्निं वेदानुसारी त्वं त्रिधा कृत्वा नृपोत्तम

gandharvā ūcuḥ agniṁ vedānusārī tvaṁ tridhā kṛtvā nṛpottama

गंधर्व बोले - "हे नृपोत्तम! वेदविधि का अनुसरण करते हुए इस अग्नि को तीन भागों में विभक्त करके,

श्लोक 59 (skanda.3.28.59)

इष्ट्वा यज्ञेन चोर्वश्याः सालोक्यं याहि भूपते इतीरितस्तैरादाय स्थालीमग्नेर्ययौ नृपः

iṣṭvā yajñena corvaśyāḥ sālokyaṁ yāhi bhūpate itīritastairādāya sthālīmagneryayau nṛpaḥ

यज्ञ द्वारा उसकी आराधना करके, हे भूपते, उर्वशी के लोक की सालोक्यता प्राप्त करो।" उनके ऐसा कहने पर राजा वह पात्र लेकर अग्नि से चल पड़े।

श्लोक 60 (skanda.3.28.60)

अहो बतातिमूढोहमिति मध्ये वनं नृपः उर्वशी न मया लब्धा वह्निस्थाल्या तु किं फलम्

aho batātimūḍhohamiti madhye vanaṁ nṛpaḥ urvaśī na mayā labdhā vahnisthālyā tu kiṁ phalam

"अहो, हाय! मैं कितना मूर्ख हूँ!" - वन के मध्य में राजा ने ऐसा सोचा: "मुझे उर्वशी तो प्राप्त नहीं हुई - इस अग्निपात्र से क्या लाभ?"

श्लोक 61 (skanda.3.28.61)

निधायैव वने स्थालीं स्वपुरं प्रययौ नृपः अर्धरात्रे व्यतीतेऽसौ विनिद्रोऽचिंतयत्स्वयम्

nidhāyaiva vane sthālīṁ svapuraṁ prayayau nṛpaḥ ardharātre vyatīte'sau vinidro'ciṁtayatsvayam

उसी वन में वह पात्र रखकर राजा अपने नगर को चले गए; आधी रात्रि बीत जाने पर निद्राहीन होकर उन्होंने स्वयं विचार किया -

श्लोक 62 (skanda.3.28.62)

उर्वशीलोकसिद्ध्यर्थं मम गन्धर्वपुंगवैः अग्निस्थाली संप्रदत्ता सा च त्यक्ता मया वने

urvaśīlokasiddhyarthaṁ mama gandharvapuṁgavaiḥ agnisthālī saṁpradattā sā ca tyaktā mayā vane

"उर्वशी के लोक की प्राप्ति हेतु गंधर्वश्रेष्ठों द्वारा मुझे जो अग्निपात्र दिया गया था, उसे मैंने वन में ही छोड़ दिया -

श्लोक 63 (skanda.3.28.63)

आहरिष्ये पुनः स्थालीमित्युत्थाय ययौ वनम् नाग्निस्थालीं ददर्शासौ वने तत्र पुरूरवाः

āhariṣye punaḥ sthālīmityutthāya yayau vanam nāgnisthālīṁ dadarśāsau vane tatra purūravāḥ

मैं वह पात्र पुनः लेकर आऊँगा" - ऐसा सोचकर वे उठकर वन को गए। परन्तु पुरूरवा को वहाँ वन में वह अग्निपात्र नहीं मिला।

श्लोक 64 (skanda.3.28.64)

शमीगर्भमथाश्वत्थमग्निस्थाने विलोक्य सः व्यचिंतयन्मया स्थाली निक्षिप्तात्र वने पुरा

śamīgarbhamathāśvatthamagnisthāne vilokya saḥ vyaciṁtayanmayā sthālī nikṣiptātra vane purā

तब अग्नि के स्थान पर शमी वृक्ष के भीतर उगे हुए एक अश्वत्थ वृक्ष को देखकर उन्होंने सोचा - "जो पात्र मैंने प्राचीनकाल में यहाँ इस वन में रखा था,

श्लोक 65 (skanda.3.28.65)

सा चाश्वत्थः शमीगर्भः समभूदधुना त्विह तस्मादेनं समादाय वह्निरूपमहं पुरम्

sā cāśvatthaḥ śamīgarbhaḥ samabhūdadhunā tviha tasmādenaṁ samādāya vahnirūpamahaṁ puram

वही अब यहाँ शमी के भीतर उगे इस अश्वत्थ वृक्ष के रूप में परिणत हो गया है। अतः इसे अग्निरूप में लेकर मैं अपने नगर को जाऊँगा -"

श्लोक 66 (skanda.3.28.66)

गत्वा कृत्वारणीं सम्यक्तदुत्पन्नाग्निमादरात् उपास्यामीति निश्चित्य स्वपुरं गतवान्नृपः

gatvā kṛtvāraṇīṁ samyaktadutpannāgnimādarāt upāsyāmīti niścitya svapuraṁ gatavānnṛpaḥ

"वहाँ जाकर इससे भलीभाँति अरणि बनाकर, उससे उत्पन्न अग्नि की मैं आदरपूर्वक उपासना करूँगा" - ऐसा निश्चय कर राजा अपने नगर को चले गए।

श्लोक 67 (skanda.3.28.67)

रमणीयारणीं चक्रे स्वांगुलैः प्रमितामसौ निर्माणसमये राजा गायत्रीमजपद्द्विजाः

ramaṇīyāraṇīṁ cakre svāṁgulaiḥ pramitāmasau nirmāṇasamaye rājā gāyatrīmajapaddvijāḥ

उन्होंने अपनी अंगुलियों से नापकर एक सुंदर अरणि बनाई; और उसके निर्माण के समय, हे द्विजो, राजा ने गायत्री मंत्र का जप किया।

श्लोक 68 (skanda.3.28.68)

गायत्र्याः पठ्यमानाया यानि संत्यक्षराणि हि तावदंगुलिमर्यादामकरोदरणीं नृपः

gāyatryāḥ paṭhyamānāyā yāni saṁtyakṣarāṇi hi tāvadaṁgulimaryādāmakarodaraṇīṁ nṛpaḥ

गायत्री मंत्र के पाठ में जितने अक्षर होते हैं, उतने ही अंगुलों के प्रमाण में राजा ने वह अरणि बनाई।

श्लोक 69 (skanda.3.28.69)

तत्र निर्मथनादग्नित्रयमुत्पाद्य भूपतिः उर्वशीलोकसंप्राप्तिफलमुद्दिश्य कांक्षितम्

tatra nirmathanādagnitrayamutpādya bhūpatiḥ urvaśīlokasaṁprāptiphalamuddiśya kāṁkṣitam

वहाँ मंथन द्वारा राजा ने तीन प्रकार की अग्नि उत्पन्न की, जिसका लक्ष्य उर्वशी के लोक की सालोक्य-प्राप्ति रूपी वांछित फल था।

श्लोक 70 (skanda.3.28.70)

वेदानुसारी नृपतिर्जुहावाग्नित्रयं मुदा तेनैव चाग्निविधिना बहून्यज्ञानथातनोत्

vedānusārī nṛpatirjuhāvāgnitrayaṁ mudā tenaiva cāgnividhinā bahūnyajñānathātanot

वेदविधि का अनुसरण करते हुए राजा ने आनंदपूर्वक उस त्रिविध अग्नि में हवन किया; और उसी अग्निविधि से उन्होंने आगे अनेक यज्ञ किए।

श्लोक 71 (skanda.3.28.71)

तेन गन्धर्वलोकांश्च संप्राप्य जगतीपतिः सहोर्वश्या चिरं रेमे देवलोके द्विजोत्तमाः

tena gandharvalokāṁśca saṁprāpya jagatīpatiḥ sahorvaśyā ciraṁ reme devaloke dvijottamāḥ

उससे वह पृथ्वीपति गंधर्वलोकों को प्राप्त हुए, और हे द्विजोत्तमो, देवलोक में उर्वशी के साथ चिरकाल तक रमण करते रहे।

श्लोक 72 (skanda.3.28.72)

अथ सर्वामरोपेतः कदाचिद्बलवृत्रहा नृत्यं सुरांगनानां वै व्यलोकयत संसदि

atha sarvāmaropetaḥ kadācidbalavṛtrahā nṛtyaṁ surāṁganānāṁ vai vyalokayata saṁsadi

तत्पश्चात एक बार समस्त देवताओं के साथ बलवृत्रहा (इन्द्र) अपनी सभा में देवांगनाओं के नृत्य को देख रहे थे।

श्लोक 73 (skanda.3.28.73)

पुरूरवा नृपोप्यायात्तदा देवेंद्रसंसदम् द्रष्टुं सुरांगनानृत्यं मनोहारि दिवौकसाम्

purūravā nṛpopyāyāttadā deveṁdrasaṁsadam draṣṭuṁ surāṁganānṛtyaṁ manohāri divaukasām

राजा पुरूरवा भी उस समय देवताओं की मनोहारी नृत्य देखने हेतु देवेन्द्र की सभा में पहुँचे।

श्लोक 74 (skanda.3.28.74)

एकैकशस्ताः शक्रस्य ननृतुः पुरतोंऽगनाः अथोर्वशी समागत्य ननर्त पुरतो हरेः

ekaikaśastāḥ śakrasya nanṛtuḥ puratoṁ'ganāḥ athorvaśī samāgatya nanarta purato hareḥ

एक-एक करके वे देवांगनाएँ इन्द्र के समक्ष नृत्य करने लगीं; तब उर्वशी भी आगे आकर हरि (इन्द्र) के समक्ष नृत्य करने लगी।

श्लोक 75 (skanda.3.28.75)

नृत्ताभिनयसामर्थ्यगर्वयुक्ता तदोर्वशी तं पुरूरवसं दृष्ट्वा जहासातिमनोहरा

nṛttābhinayasāmarthyagarvayuktā tadorvaśī taṁ purūravasaṁ dṛṣṭvā jahāsātimanoharā

नृत्य के अभिनय-कौशल के गर्व से युक्त उर्वशी ने वहाँ पुरूरवा को देखकर अत्यंत मनोहर हँसी हँसी।

श्लोक 76 (skanda.3.28.76)

जहास तत्र राजापि तां विलोक्य तदोर्वशीम् हाससंकुपितस्तत्र नाट्याचार्योऽथ तुंबुरुः शशाप तावुभौ कोपादुर्वशीं च नृपोत्तमम्

jahāsa tatra rājāpi tāṁ vilokya tadorvaśīm hāsasaṁkupitastatra nāṭyācāryo'tha tuṁburuḥ śaśāpa tāvubhau kopādurvaśīṁ ca nṛpottamam

वहाँ उस उर्वशी को देखकर राजा भी हँस पड़े; उस हँसी से क्रुद्ध होकर वहाँ नाट्याचार्य तुम्बुरु ने क्रोधवश उन दोनों - उर्वशी और नृपोत्तम - को शाप दे दिया।

श्लोक 77 (skanda.3.28.77)

तुंबुरुरुवाच अनेकदेवसंपूर्णसभायामत्र यत्कृतम्

tuṁbururuvāca anekadevasaṁpūrṇasabhāyāmatra yatkṛtam

तुम्बुरु बोले - "अनेक देवताओं से भरी इस सभा में, नृत्य के मध्य, तुम दोनों ने जो यह किया है -

श्लोक 78 (skanda.3.28.78)

युवाभ्यां हसितं नृत्तमध्ये निष्कारणं वृथा तस्माज्झटिति राजेंद्र वियोगो युवयोः क्षणात्

yuvābhyāṁ hasitaṁ nṛttamadhye niṣkāraṇaṁ vṛthā tasmājjhaṭiti rājeṁdra viyogo yuvayoḥ kṣaṇāt

बिना किसी कारण के, व्यर्थ ही हँसना - इसलिए, हे राजेन्द्र, तुम दोनों के मध्य क्षणभर में शीघ्र वियोग हो जाए!" -

श्लोक 79 (skanda.3.28.79)

भूयादिति शशापैनं सर्वदैवतसंनिधौ अथ शप्तो नृपस्तत्र नाट्याचार्येण दुःखितः

bhūyāditi śaśāpainaṁ sarvadaivatasaṁnidhau atha śapto nṛpastatra nāṭyācāryeṇa duḥkhitaḥ

ऐसा कहकर उसने सभी देवताओं की उपस्थिति में उन्हें शाप दे दिया। तत्पश्चात वहाँ नाट्याचार्य द्वारा शापित होकर दुःखी राजा -

श्लोक 80 (skanda.3.28.80)

जगाम शरणं तत्र पाहिपाहीति वज्रिणम् उवाच दीनया वाचा पुरुहूतं पुरूरवाः

jagāma śaraṇaṁ tatra pāhipāhīti vajriṇam uvāca dīnayā vācā puruhūtaṁ purūravāḥ

"मेरी रक्षा करो, रक्षा करो!" कहते हुए वज्रधारी इन्द्र की शरण में गए; दीन वाणी से पुरूरवा ने पुरुहूत (इन्द्र) से कहा -

श्लोक 81 (skanda.3.28.81)

उर्वश्या सह सालोक्यसिद्ध्यर्थमहमिष्टवान् अतस्तस्मा वियोगो मेऽसह्यः स्यात्पाकशासन

urvaśyā saha sālokyasiddhyarthamahamiṣṭavān atastasmā viyogo me'sahyaḥ syātpākaśāsana

"मैंने उर्वशी के लोक के साथ सालोक्य-प्राप्ति की इच्छा की थी; अतः हे पाकशासन, उससे वियोग मेरे लिए असह्य होगा।"

श्लोक 82 (skanda.3.28.82)

इत्युक्तवंतं तं प्राह सहस्राक्षः शचीपतिः शापमोक्षं प्रवक्ष्यामि मा भैषीस्त्वं नृपोत्तम

ityuktavaṁtaṁ taṁ prāha sahasrākṣaḥ śacīpatiḥ śāpamokṣaṁ pravakṣyāmi mā bhaiṣīstvaṁ nṛpottama

ऐसा कहने वाले उस राजा से सहस्राक्ष शचीपति (इन्द्र) ने कहा - "मैं तुम्हें शाप से मुक्ति का उपाय बताता हूँ; हे नृपोत्तम, भयभीत मत हो।

श्लोक 83 (skanda.3.28.83)

दक्षिणांभोनिधौ पुण्ये गंधमादनपर्वते साध्यामृतमिति ख्यातं तीर्थमस्ति महत्तरम्

dakṣiṇāṁbhonidhau puṇye gaṁdhamādanaparvate sādhyāmṛtamiti khyātaṁ tīrthamasti mahattaram

दक्षिण समुद्र के तट पर, पुण्यमय गन्धमादन पर्वत पर, साध्यामृत नामक एक अत्यंत महान तीर्थ है,

श्लोक 84 (skanda.3.28.84)

सेवितं सर्वदेवैश्च सिद्धचारणकिन्नरैः सनकादि महायोगिमुनिवृंदनिषेवितम्

sevitaṁ sarvadevaiśca siddhacāraṇakinnaraiḥ sanakādi mahāyogimunivṛṁdaniṣevitam

जिसका सेवन समस्त देवताओं, सिद्धों, चारणों और किन्नरों द्वारा तथा सनकादि महायोगी मुनिवृंदों द्वारा किया जाता है।

श्लोक 85 (skanda.3.28.85)

भुक्तिमुक्तिप्रदं पुंसां सर्वशापविमोक्षदम् अस्ति तीर्थं भवांस्तत्र गच्छस्व त्वरया नृप

bhuktimuktipradaṁ puṁsāṁ sarvaśāpavimokṣadam asti tīrthaṁ bhavāṁstatra gacchasva tvarayā nṛpa

यह मनुष्यों को भोग और मोक्ष प्रदान करने वाला तथा समस्त शापों से मुक्ति देने वाला तीर्थ है; वह तीर्थ वहाँ स्थित है, हे राजन्, शीघ्र वहाँ जाओ।

श्लोक 86 (skanda.3.28.86)

सर्वेषाममृतं स्नानादत्र साध्यं यतस्ततः साध्यामृतमिति ख्यातं सर्वलोकेषु विश्रुतम्

sarveṣāmamṛtaṁ snānādatra sādhyaṁ yatastataḥ sādhyāmṛtamiti khyātaṁ sarvalokeṣu viśrutam

चूँकि यहाँ स्नान से समस्त साध्यगणों को अमृतत्व की प्राप्ति होती है, इसलिए यह साध्यामृत नाम से समस्त लोकों में विख्यात है।

श्लोक 87 (skanda.3.28.87)

तत्र स्नानात्तवोर्वश्याः पुनर्योगो भविष्यति मम लोके निवासश्च भविष्यति न संशयः

tatra snānāttavorvaśyāḥ punaryogo bhaviṣyati mama loke nivāsaśca bhaviṣyati na saṁśayaḥ

वहाँ स्नान करने से तुम्हारा उर्वशी के साथ पुनः मिलन होगा; और मेरे लोक में तुम्हारा निवास भी अवश्य होगा - इसमें कोई संदेह नहीं है।"

श्लोक 88 (skanda.3.28.88)

इति प्रतिसमादिष्टो नृपः संप्रीतमानसः साध्यामृतं महातीर्थं समुद्दिश्य ययौ क्षणात्

iti pratisamādiṣṭo nṛpaḥ saṁprītamānasaḥ sādhyāmṛtaṁ mahātīrthaṁ samuddiśya yayau kṣaṇāt

इस प्रकार आश्वस्त किए जाने पर प्रसन्नचित्त राजा उसी क्षण साध्यामृत महातीर्थ की ओर प्रस्थान कर गए।

श्लोक 89 (skanda.3.28.89)

सस्नौ साध्यामृते तत्र महापातकनाशने तत्र स्नानान्नृपो विप्राः सद्यः शापेन मोचितः

sasnau sādhyāmṛte tatra mahāpātakanāśane tatra snānānnṛpo viprāḥ sadyaḥ śāpena mocitaḥ

उन्होंने वहाँ महापातकनाशक साध्यामृत में स्नान किया; उस स्नान से, हे द्विजो, राजा तत्काल शाप से मुक्त हो गए।

श्लोक 90 (skanda.3.28.90)

स्नानानंतरमेवासावुर्वश्या सह संगतः तया सह विमानस्थः प्रययावमरावतीम्

snānānaṁtaramevāsāvurvaśyā saha saṁgataḥ tayā saha vimānasthaḥ prayayāvamarāvatīm

स्नान के तुरंत बाद ही वे उर्वशी से पुनः मिल गए; और उसके साथ विमान में बैठकर अमरावती को चले गए।

श्लोक 91 (skanda.3.28.91)

रेमे पुनस्तया सार्धं देववद्देवमंदिरे एवंप्रभावं तत्तीर्थं साध्यामृतमनुत्तमम्

reme punastayā sārdhaṁ devavaddevamaṁdire evaṁprabhāvaṁ tattīrthaṁ sādhyāmṛtamanuttamam

वहाँ वे पुनः उसके साथ देवमन्दिर में देवता के समान रमण करने लगे। ऐसा है उस अनुपम तीर्थ साध्यामृत का प्रभाव,

श्लोक 92 (skanda.3.28.92)

पुरूरवा सहोर्वश्या यत्र स्नानेन संगतः अतोऽत्र तीर्थे यः स्नायान्महापातकनाशने

purūravā sahorvaśyā yatra snānena saṁgataḥ ato'tra tīrthe yaḥ snāyānmahāpātakanāśane

जहाँ स्नान करने से पुरूरवा का उर्वशी के साथ पुनर्मिलन हुआ। अतः इस महापातकनाशक तीर्थ में जो भी स्नान करता है,

श्लोक 93 (skanda.3.28.93)

वांछिताँल्लभते कामान्यास्यति स्वर्गमुत्तमम् निष्कामः स्नाति चेद्विप्रा मोक्षमाप्नोति मानवः

vāṁchitā~llabhate kāmānyāsyati svargamuttamam niṣkāmaḥ snāti cedviprā mokṣamāpnoti mānavaḥ

वह अपनी वांछित कामनाएँ प्राप्त कर उत्तम स्वर्ग को जाता है; और हे विप्रो, यदि निष्काम मनुष्य यहाँ स्नान करे, तो वह मोक्ष प्राप्त करता है।

श्लोक 94 (skanda.3.28.94)

इमं पवित्रं पापघ्नमध्यायं पठते तु यः शृणुयाद्वा मनुष्योऽसौ वैकुंठे लभते स्थितिम्

imaṁ pavitraṁ pāpaghnamadhyāyaṁ paṭhate tu yaḥ śṛṇuyādvā manuṣyo'sau vaikuṁṭhe labhate sthitim

जो मनुष्य इस पवित्र, पापनाशक अध्याय को पढ़ता है अथवा सुनता है, वह वैकुण्ठ में स्थान प्राप्त करता है।

श्लोक 95 (skanda.3.28.95)

एवं वः कथितं विप्रा वैभवं पापनाशनम् साध्यामृतस्य तीर्थस्य विस्तराच्छ्रद्धया मया

evaṁ vaḥ kathitaṁ viprā vaibhavaṁ pāpanāśanam sādhyāmṛtasya tīrthasya vistarācchraddhayā mayā

इस प्रकार हे विप्रो! मैंने तुम्हें साध्यामृत तीर्थ का पापनाशक वैभव विस्तारपूर्वक श्रद्धा के साथ सुनाया,

श्लोक 96 (skanda.3.28.96)

यत्पुरा सनकादिभ्यः प्रोक्तवांश्चतुराननः

yatpurā sanakādibhyaḥ proktavāṁścaturānanaḥ

जिसे प्राचीनकाल में चतुरानन ब्रह्मा ने सनकादि ऋषियों को सुनाया था।