सर्वतीर्थ-माहात्म्य एवं सुचरित मुनि की कथा

श्लोक 1 (skanda.3.29.1)

श्रीसूत उवाच स्नात्वा साध्यामृते तीर्थे नृपशापविमोक्षणे सर्वतीर्थं ततो गच्छेन्मनुजो नियमान्वितः

śrīsūta uvāca snātvā sādhyāmṛte tīrthe nṛpaśāpavimokṣaṇe sarvatīrthaṁ tato gacchenmanujo niyamānvitaḥ

श्रीसूत जी बोले - राजा को शाप से मुक्त करने वाले साध्यामृत तीर्थ में स्नान करके नियमपूर्वक मनुष्य तत्पश्चात सर्वतीर्थ की ओर जाए।

श्लोक 2 (skanda.3.29.2)

सर्वतीर्थं महापुण्यं महापातकनाशनम् महापातकयुक्तो वा युक्तो वा सर्वपातकैः

sarvatīrthaṁ mahāpuṇyaṁ mahāpātakanāśanam mahāpātakayukto vā yukto vā sarvapātakaiḥ

सर्वतीर्थ महान पुण्यमय और महापातकों का नाशक है; चाहे मनुष्य महापातक से युक्त हो या समस्त पापों से युक्त हो,

श्लोक 3 (skanda.3.29.3)

शुद्ध्येत तत्क्षणादेव सर्वतीर्थनिमज्जनात् तावत्सर्वाणि पापानि देहे तिष्ठंति सुव्रताः

śuddhyeta tatkṣaṇādeva sarvatīrthanimajjanāt tāvatsarvāṇi pāpāni dehe tiṣṭhaṁti suvratāḥ

सर्वतीर्थ में डुबकी लगाने से वह उसी क्षण शुद्ध हो जाता है। हे सुव्रतो! जब तक पापी पुरुष इस सर्वतीर्थ में स्नान नहीं करता,

श्लोक 4 (skanda.3.29.4)

न यावत्सर्वतीर्थेस्मिन्निमज्जेत्पापपूरुषः स्नानार्थं सर्वतीर्थेऽस्मिन्दृष्ट्वा यांतं द्विजा नरम्

na yāvatsarvatīrthesminnimajjetpāpapūruṣaḥ snānārthaṁ sarvatīrthe'smindṛṣṭvā yāṁtaṁ dvijā naram

तब तक सारे पाप उसके शरीर में स्थित रहते हैं। हे द्विजो! स्नान के लिए इस सर्वतीर्थ की ओर जाते हुए मनुष्य को देखकर,

श्लोक 5 (skanda.3.29.5)

वेपंते सर्वपापानि नाशोऽस्माकं भवेदिति गर्भवासादिदुःखानि तावद्याति नरो भुवि

vepaṁte sarvapāpāni nāśo'smākaṁ bhavediti garbhavāsādiduḥkhāni tāvadyāti naro bhuvi

उसके समस्त पाप यह सोचकर काँप उठते हैं कि "अब हमारा नाश निश्चित है।" मनुष्य गर्भवास आदि दुःखों को इस पृथ्वी पर तब तक भोगता है,

श्लोक 6 (skanda.3.29.6)

न स्नायात्सर्वतीर्थेऽस्मिन्यावद्ब्राह्मणपुंगवाः अनुष्ठितैर्महायागैस्तथा तीर्थनिषेवणैः

na snāyātsarvatīrthe'sminyāvadbrāhmaṇapuṁgavāḥ anuṣṭhitairmahāyāgaistathā tīrthaniṣevaṇaiḥ

जब तक हे ब्राह्मणश्रेष्ठो, वह इस सर्वतीर्थ में स्नान नहीं करता। महायज्ञों के अनुष्ठान से अथवा तीर्थसेवन से,

श्लोक 7 (skanda.3.29.7)

गायत्र्यादिमहामंत्रजपैर्नियमपूर्वकम् चतुर्णामपि वेदानामावृत्त्या शतसंख्यया

gāyatryādimahāmaṁtrajapairniyamapūrvakam caturṇāmapi vedānāmāvṛttyā śatasaṁkhyayā

गायत्री आदि महामंत्रों के नियमपूर्वक जप से, अथवा चारों वेदों के सौ बार आवर्तन से,

श्लोक 8 (skanda.3.29.8)

शिवविष्ण्वादिदेवानां पूजया भक्तिपूर्वकम् एकादश्यादितिथिषु तथैवानशनेन च यत्फलं लभते मर्त्यस्तल्लभेदत्र मज्जनात्

śivaviṣṇvādidevānāṁ pūjayā bhaktipūrvakam ekādaśyāditithiṣu tathaivānaśanena ca yatphalaṁ labhate martyastallabhedatra majjanāt

अथवा शिव-विष्णु आदि देवताओं की भक्तिपूर्वक पूजा से, तथा एकादशी आदि तिथियों में उपवास से - जो फल मनुष्य को प्राप्त होता है, वही फल यहाँ स्नान करने मात्र से प्राप्त हो जाता है।

श्लोक 9 (skanda.3.29.9)

ऋषय ऊचुः सर्वतीर्थमिति ख्यातिः सूतास्य कथमागता ब्रूह्यस्माकमिदं पुण्यं विस्तराच्छृण्वतां मुने

ṛṣaya ūcuḥ sarvatīrthamiti khyātiḥ sūtāsya kathamāgatā brūhyasmākamidaṁ puṇyaṁ vistarācchṛṇvatāṁ mune

ऋषिगण बोले - हे सूत! इस तीर्थ को 'सर्वतीर्थ' कहलाने की यह ख्याति किस प्रकार प्राप्त हुई? हे मुने, हमें यह पुण्यकथा विस्तारपूर्वक सुनाइए।

श्लोक 10 (skanda.3.29.10)

श्रीसूत उवाच पुरा सुचरितोनाम मुनिर्नियमसंयुतः

śrīsūta uvāca purā sucaritonāma munirniyamasaṁyutaḥ

श्रीसूत जी बोले - प्राचीनकाल में सुचरित नामक एक नियमपरायण मुनि थे,

श्लोक 11 (skanda.3.29.11)

भृगुवंशसमुद्भूतो जात्यंधो जरयातुरः अशक्तस्तीर्थयात्रायां नेत्राभावेन स द्विजाः

bhṛguvaṁśasamudbhūto jātyaṁdho jarayāturaḥ aśaktastīrthayātrāyāṁ netrābhāvena sa dvijāḥ

जो भृगुवंश में उत्पन्न, जन्म से अंधे तथा वृद्धावस्था से पीड़ित थे; हे द्विजो! नेत्रहीनता के कारण वे तीर्थयात्रा में असमर्थ थे,

श्लोक 12 (skanda.3.29.12)

सर्वेषामेव तीर्थानां स्नातुकामो महामुनिः दक्षिणांबुनिधौ पुण्यं गंधमादनपर्वतम्

sarveṣāmeva tīrthānāṁ snātukāmo mahāmuniḥ dakṣiṇāṁbunidhau puṇyaṁ gaṁdhamādanaparvatam

फिर भी सभी तीर्थों में स्नान करने की इच्छा रखने वाले उस महामुनि ने दक्षिण समुद्र के तट पर स्थित पुण्यमय गन्धमादन पर्वत पर जाकर,

श्लोक 13 (skanda.3.29.13)

गत्वा शंकरमुद्दिश्य तपस्तेपे सुदुष्करम् त्रिकालमर्चयञ्छंभुमुपवासी जितेंद्रियः

gatvā śaṁkaramuddiśya tapastepe suduṣkaram trikālamarcayañchaṁbhumupavāsī jiteṁdriyaḥ

शंकर जी को लक्ष्य बनाकर अत्यंत कठिन तप किया - उपवास करते हुए तथा जितेन्द्रिय होकर वे त्रिकाल शम्भु की पूजा करते थे,

श्लोक 14 (skanda.3.29.14)

तथा त्रिषवणस्नानात्तथैवातिथिपूजकः शिशिरे जलमध्यस्थो ग्रीष्मे पंचाग्निमध्यगः

tathā triṣavaṇasnānāttathaivātithipūjakaḥ śiśire jalamadhyastho grīṣme paṁcāgnimadhyagaḥ

तथा त्रिकाल स्नान करते हुए एवं अतिथियों की सेवा करते हुए; शिशिर ऋतु में जल में खड़े रहकर, ग्रीष्म ऋतु में पंचाग्नि के मध्य रहकर,

श्लोक 15 (skanda.3.29.15)

वर्षास्वासारसहनोऽब्भक्षो वायुभोजनः उद्धूलनं त्रिपुंड्रं च भस्मना धारयन्सदा

varṣāsvāsārasahano'bbhakṣo vāyubhojanaḥ uddhūlanaṁ tripuṁḍraṁ ca bhasmanā dhārayansadā

वर्षा ऋतु की मूसलधार वर्षा को सहते हुए, केवल जल पर निर्वाह करते हुए, वायु का ही आहार करते हुए, सदा त्रिपुण्ड्र धारण करते हुए तथा भस्म का उद्धूलन करते हुए,

श्लोक 16 (skanda.3.29.16)

जाबालोपनिषद्रीत्या तथा रुद्राक्षधारकः एवमुग्रं तपश्चक्रे दशसंवत्सरं द्विजः

jābālopaniṣadrītyā tathā rudrākṣadhārakaḥ evamugraṁ tapaścakre daśasaṁvatsaraṁ dvijaḥ

जाबालोपनिषद् की विधि के अनुसार रुद्राक्ष धारण करते हुए - इस प्रकार उस द्विज ने दस वर्षों तक उग्र तपस्या की।

श्लोक 17 (skanda.3.29.17)

तपसा तस्य संतुष्टः शंकरश्चंद्रशेखरः प्रादुरासीन्मुनेस्तस्य द्विजाः सुचरितस्य वै

tapasā tasya saṁtuṣṭaḥ śaṁkaraścaṁdraśekharaḥ prādurāsīnmunestasya dvijāḥ sucaritasya vai

उनकी तपस्या से संतुष्ट होकर चंद्रशेखर शंकर जी, हे द्विजो, उस मुनि सुचरित के समक्ष प्रकट हुए,

श्लोक 18 (skanda.3.29.18)

समारुह्य महोक्षाणं भूतवृंदनिषेवितः गिरिजार्धवपुः शूली सूर्यकोटिसमप्रभः

samāruhya mahokṣāṇaṁ bhūtavṛṁdaniṣevitaḥ girijārdhavapuḥ śūlī sūryakoṭisamaprabhaḥ

अपने विशाल वृषभ पर सवार होकर, भूतगणों से सेवित, अपने शरीर के आधे भाग में गिरिजा को धारण किए हुए, त्रिशूलधारी, करोड़ों सूर्यों के समान तेजस्वी,

श्लोक 19 (skanda.3.29.19)

स्वभासा भासयन्सर्वा दिशो वितिमिरास्तदा भस्मपांडुरसर्वांगो जटामंडलमंडितः

svabhāsā bhāsayansarvā diśo vitimirāstadā bhasmapāṁḍurasarvāṁgo jaṭāmaṁḍalamaṁḍitaḥ

अपनी आभा से समस्त दिशाओं को प्रकाशित करते हुए, समस्त अंधकार को दूर करते हुए, भस्म से धवल संपूर्ण अंगों वाले, जटाजूट से सुशोभित,

श्लोक 20 (skanda.3.29.20)

अनंतादिमहानागविभूषणविभूषितः प्रादुर्भूतस्ततः शंभुः प्रादात्तस्य विलोचने

anaṁtādimahānāgavibhūṣaṇavibhūṣitaḥ prādurbhūtastataḥ śaṁbhuḥ prādāttasya vilocane

अनंत आदि महानागों के आभूषणों से विभूषित - इस प्रकार शम्भु प्रकट हुए, और उन्होंने उस मुनि को नेत्र प्रदान किए,

श्लोक 21 (skanda.3.29.21)

आत्मावलोकनार्थाय शंकरो गिरिजापतिः ततः सुचरितो विप्राः शंभुना दत्तदृग्द्वयः आलोक्य परमेशानं प्रतुष्टाव प्रसन्नधीः

ātmāvalokanārthāya śaṁkaro girijāpatiḥ tataḥ sucarito viprāḥ śaṁbhunā dattadṛgdvayaḥ ālokya parameśānaṁ pratuṣṭāva prasannadhīḥ

ताकि वे उन्हें अपने नेत्रों से देख सकें - गिरिजापति शंकर ने ऐसा किया। तत्पश्चात हे द्विजो, शम्भु द्वारा नेत्र प्रदान किए गए सुचरित मुनि ने परमेश्वर का दर्शन कर प्रसन्न मन से उनकी स्तुति की।

श्लोक 22 (skanda.3.29.22)

सुचरित उवाच जय देव महेशान जय शंकर धूर्जटे

sucarita uvāca jaya deva maheśāna jaya śaṁkara dhūrjaṭe

सुचरित बोले - "हे देव महेश्वर, आपकी जय हो! हे शंकर, हे धूर्जटे, आपकी जय हो!

श्लोक 23 (skanda.3.29.23)

जय ब्रह्मादिपूज्य त्वं त्रिपुरघ्न यमांतक जयोमेश महादेव कामांतक जयामल

jaya brahmādipūjya tvaṁ tripuraghna yamāṁtaka jayomeśa mahādeva kāmāṁtaka jayāmala

हे ब्रह्मादि द्वारा पूज्य, त्रिपुरनाशक, यमांतक, आपकी जय हो! हे उमेश महादेव, कामांतक, हे निर्मल, आपकी जय हो!

श्लोक 24 (skanda.3.29.24)

जय संसारवैद्य त्वं भूतपाल शिवाव्यय त्रियंबक नमस्तुभ्यं भक्तरक्षणदीक्षित

jaya saṁsāravaidya tvaṁ bhūtapāla śivāvyaya triyaṁbaka namastubhyaṁ bhaktarakṣaṇadīkṣita

हे संसार के वैद्य, भूतपाल, अविनाशी शिव, आपकी जय हो! हे त्र्यंबक, भक्तों की रक्षा में दीक्षित, आपको नमस्कार है।

श्लोक 25 (skanda.3.29.25)

व्योमकेश नमस्तुभ्यं जय कारुण्यविग्रह नीलकण्ठ नमस्तुभ्यं जय संसारमोचक

vyomakeśa namastubhyaṁ jaya kāruṇyavigraha nīlakaṇṭha namastubhyaṁ jaya saṁsāramocaka

हे व्योमकेश, आपको नमस्कार है, हे करुणामूर्ति, आपकी जय हो! हे नीलकण्ठ, आपको नमस्कार है, हे संसार-मोचक, आपकी जय हो!

श्लोक 26 (skanda.3.29.26)

महेश्वर नमस्तुभ्यं परमानंदविग्रह गंगाधर नमस्तुभ्यं विश्वेश्वर मृडाव्यय

maheśvara namastubhyaṁ paramānaṁdavigraha gaṁgādhara namastubhyaṁ viśveśvara mṛḍāvyaya

हे महेश्वर, परमानंदस्वरूप, आपको नमस्कार है! हे गंगाधर, विश्वेश्वर, हे अविनाशी मृड, आपको नमस्कार है।

श्लोक 27 (skanda.3.29.27)

नमस्तुभ्यं भगवते वासुदेवाय शंभवे शर्वायोग्राय गर्भाय कैलासपतये नमः

namastubhyaṁ bhagavate vāsudevāya śaṁbhave śarvāyogrāya garbhāya kailāsapataye namaḥ

हे भगवान वासुदेव, हे शंभु, आपको नमस्कार है! हे शर्व, हे उग्र, हे गर्भस्वरूप, हे कैलासपति, आपको नमस्कार है।

श्लोक 28 (skanda.3.29.28)

रक्ष मां करुणासिंधो कृपादृष्ट्यवलोकनात् मम वृत्तमनालोच्य त्राहि मां कृपया हर

rakṣa māṁ karuṇāsiṁdho kṛpādṛṣṭyavalokanāt mama vṛttamanālocya trāhi māṁ kṛpayā hara

हे करुणासिंधो, अपनी कृपादृष्टि से मेरी रक्षा कीजिए; मेरे आचरण पर विचार किए बिना, हे हर, कृपापूर्वक मेरी रक्षा कीजिए।"

श्लोक 29 (skanda.3.29.29)

श्रीसूत उवाच इति स्तुतो महादेवस्तमेनमिदमभ्यधात् मुनिं सुचरितं विप्राः दयोदन्वानुमापतिः

śrīsūta uvāca iti stuto mahādevastamenamidamabhyadhāt muniṁ sucaritaṁ viprāḥ dayodanvānumāpatiḥ

श्रीसूत जी बोले - इस प्रकार स्तुति किए जाने पर करुणा के सागर उमापति महादेव ने, हे द्विजो, उस मुनि सुचरित से यह कहा।

श्लोक 30 (skanda.3.29.30)

महादेव उवाच मुने सुचरिताद्य त्वं वरं वरय कांक्षितम् वरं दातुं तवायातः पुण्येस्मिन्नाश्रमे शुभे इतीरितो मुनिः प्राह महादेवं दयानिधिम्

mahādeva uvāca mune sucaritādya tvaṁ varaṁ varaya kāṁkṣitam varaṁ dātuṁ tavāyātaḥ puṇyesminnāśrame śubhe itīrito muniḥ prāha mahādevaṁ dayānidhim

महादेव बोले - "हे सुचरित! अब तुम अपनी इच्छित वर मांग लो; मैं इस पुण्यमय शुभ आश्रम में तुम्हें वर देने के लिए आया हूँ।" ऐसा सुनकर उस मुनि ने दयानिधि महादेव से कहा -

श्लोक 31 (skanda.3.29.31)

सुचरित उवाच भगवंस्त्वं प्रसन्नो मे यदि स्याश्चंद्रशेखर

sucarita uvāca bhagavaṁstvaṁ prasanno me yadi syāścaṁdraśekhara

सुचरित बोले - "हे भगवन्, हे चंद्रशेखर! यदि आप वास्तव में मुझसे प्रसन्न हैं,

श्लोक 32 (skanda.3.29.32)

तर्हि त्वां प्रवृणोम्यद्धा वरं मदभिकांक्षितम् जरापलितदेहोहं कुत्रचिद्गंतुमक्षमः

tarhi tvāṁ pravṛṇomyaddhā varaṁ madabhikāṁkṣitam jarāpalitadehohaṁ kutracidgaṁtumakṣamaḥ

तो मैं आपसे अपनी अभिलषित वर मांगता हूँ। मेरा शरीर वृद्धावस्था और पलित बालों से जर्जर है; मैं कहीं भी जाने में असमर्थ हूँ,

श्लोक 33 (skanda.3.29.33)

सर्वतीर्थेषु च स्नातुमाकांक्षा मम विद्यते तस्मात्सर्वेषु तीर्थेषु स्नानेन मनुजो हि यत् फलं प्राप्नोति मे ब्रूहि तत्फलावाप्तिसाधनम्

sarvatīrtheṣu ca snātumākāṁkṣā mama vidyate tasmātsarveṣu tīrtheṣu snānena manujo hi yat phalaṁ prāpnoti me brūhi tatphalāvāptisādhanam

फिर भी मेरी सभी तीर्थों में स्नान करने की इच्छा है। अतः समस्त तीर्थों में स्नान करने से मनुष्य को जो फल प्राप्त होता है, वह फल मुझे प्राप्त हो सके, ऐसा साधन मुझे बताइए।"

श्लोक 34 (skanda.3.29.34)

महादेव उवाच अहमावाहयिष्यामि तीर्थान्यत्रैव कृत्स्नशः

mahādeva uvāca ahamāvāhayiṣyāmi tīrthānyatraiva kṛtsnaśaḥ

महादेव बोले - "मैं यहीं इस स्थान पर समस्त तीर्थों का आवाहन करूँगा,

श्लोक 35 (skanda.3.29.35)

रामस्य सेतुना पूते नगेऽस्मिन्गंधमादने इत्युक्त्वा स महादेवः पर्वते गन्धमादने

rāmasya setunā pūte nage'smingaṁdhamādane ityuktvā sa mahādevaḥ parvate gandhamādane

राम के सेतु से पवित्र इस गन्धमादन पर्वत पर।" ऐसा कहकर वे परम महादेव गन्धमादन पर्वत पर,

श्लोक 36 (skanda.3.29.36)

तीर्थान्यावाहयामास मुनिप्रीत्यर्थमुत्तमः ततस्सुचरितं प्राह शंकरः करुणानिधिः

tīrthānyāvāhayāmāsa muniprītyarthamuttamaḥ tatassucaritaṁ prāha śaṁkaraḥ karuṇānidhiḥ

मुनि के प्रति स्नेह के कारण समस्त तीर्थों का आवाहन कर दिया। तत्पश्चात करुणानिधि शंकर ने सुचरित से कहा -

श्लोक 37 (skanda.3.29.37)

मुने सुचरितेदं तु महापातकनाशनम् सांनिध्यात्सर्वतीर्थानां सर्वतीर्थाभिधं स्मृतम्

mune sucaritedaṁ tu mahāpātakanāśanam sāṁnidhyātsarvatīrthānāṁ sarvatīrthābhidhaṁ smṛtam

"हे सुचरित! महापातकों का नाश करने वाला यह तीर्थ समस्त तीर्थों की समीपता के कारण 'सर्वतीर्थ' नाम से जाना जाता है।

श्लोक 38 (skanda.3.29.38)

मयात्र सर्वतीर्थानां मनसाकर्षणादिदम् मानसं तीर्थमित्याख्यां लप्स्यते भुक्तिमुक्तिदम्

mayātra sarvatīrthānāṁ manasākarṣaṇādidam mānasaṁ tīrthamityākhyāṁ lapsyate bhuktimuktidam

और चूँकि मैंने अपने मन से ही इन सब तीर्थों को यहाँ आकर्षित किया है, इसलिए यह भोग और मोक्ष प्रदान करने वाले 'मानसतीर्थ' नाम को भी प्राप्त करेगा।

श्लोक 39 (skanda.3.29.39)

अतः सुचरितात्र त्वं स्नाहि सद्यो विमुक्तये महापातकसंघानां दावानलसमद्युतौ

ataḥ sucaritātra tvaṁ snāhi sadyo vimuktaye mahāpātakasaṁghānāṁ dāvānalasamadyutau

अतः हे सुचरित! तत्काल मुक्ति हेतु यहीं स्नान करो - यह तीर्थ महापातकों के समूह के लिए दावानल के समान तेजस्वी है,

श्लोक 40 (skanda.3.29.40)

काममोहभयक्रोधलोभरोगादिनाशने विना वेदांतविज्ञानं सद्योनिर्वाणकारणे

kāmamohabhayakrodhalobharogādināśane vinā vedāṁtavijñānaṁ sadyonirvāṇakāraṇe

जो काम, मोह, भय, क्रोध, लोभ, रोग आदि का नाशक है, जो वेदांत-ज्ञान के बिना भी तत्काल निर्वाण का कारण है,

श्लोक 41 (skanda.3.29.41)

जन्ममृत्य्वादिनक्रौघसंसारार्णवतारणे कुम्भीपाकादिसकलनरकाग्निविनाशने

janmamṛtyvādinakraughasaṁsārārṇavatāraṇe kumbhīpākādisakalanarakāgnivināśane

जो जन्म-मृत्यु आदि मगरमच्छों से भरे संसार-सागर से पार उतारने वाला है, तथा जो कुम्भीपाक आदि समस्त नरकों की अग्नि का नाश करने वाला है।

श्लोक 42 (skanda.3.29.42)

इतीरितः सुचरितः शम्भुना मदनारिणा सस्नौ विप्राः सर्वतीर्थे महादेवस्य संनिधौ

itīritaḥ sucaritaḥ śambhunā madanāriṇā sasnau viprāḥ sarvatīrthe mahādevasya saṁnidhau

कामारि शम्भु द्वारा ऐसा कहे जाने पर सुचरित ने, हे द्विजो, महादेव की उपस्थिति में सर्वतीर्थ में स्नान किया।

श्लोक 43 (skanda.3.29.43)

स्नात्वोत्थितः सुचरितो ददृशेऽखिलमानवैः जरापलितनिर्मुक्तस्तरुणोऽतीव सुन्दरः

snātvotthitaḥ sucarito dadṛśe'khilamānavaiḥ jarāpalitanirmuktastaruṇo'tīva sundaraḥ

स्नान करके उठे हुए सुचरित को समस्त लोगों ने देखा - वे वृद्धावस्था और पलित से मुक्त, युवा तथा अत्यंत सुंदर हो गए थे।

श्लोक 44 (skanda.3.29.44)

दृष्ट्वा स्वदेहसौंदर्यं ततः सुचरितो मुनिः श्लाघयामास तत्तीर्थं बहुधाऽन्ये च तापसाः

dṛṣṭvā svadehasauṁdaryaṁ tataḥ sucarito muniḥ ślāghayāmāsa tattīrthaṁ bahudhā'nye ca tāpasāḥ

अपने शरीर के सौंदर्य को देखकर मुनि सुचरित ने, तथा अन्य अनेक तपस्वियों ने भी, उस तीर्थ की बहुत प्रकार से प्रशंसा की।

श्लोक 45 (skanda.3.29.45)

महादेवः सुचरितं बभाषे तदनंतरम् अस्य तीर्थस्य तीरे त्वं वसन्सुचरित द्विज

mahādevaḥ sucaritaṁ babhāṣe tadanaṁtaram asya tīrthasya tīre tvaṁ vasansucarita dvija

तत्पश्चात महादेव ने सुचरित से कहा - "हे द्विज सुचरित! इस तीर्थ के तट पर निवास करते हुए तुम,

श्लोक 46 (skanda.3.29.46)

स्नानं कुरुष्व सततं स्मरन्मां मुक्तिदायकम् देशांतरीयतीर्थेषु मा व्रज ब्राह्मणोत्तम

snānaṁ kuruṣva satataṁ smaranmāṁ muktidāyakam deśāṁtarīyatīrtheṣu mā vraja brāhmaṇottama

मुझे मुक्तिदाता स्मरण करते हुए सदा यहीं स्नान करो; हे ब्राह्मणोत्तम, अन्य देशों के तीर्थों में मत जाना।

श्लोक 47 (skanda.3.29.47)

अस्य तीर्थस्य माहात्म्यान्मामंते प्राप्स्यसि ध्रुवम् अन्येऽपि येऽत्र स्नास्यंति तेऽपि मां प्राप्नुयुर्द्विज

asya tīrthasya māhātmyānmāmaṁte prāpsyasi dhruvam anye'pi ye'tra snāsyaṁti te'pi māṁ prāpnuyurdvija

इस तीर्थ की महिमा से तुम अंत में निश्चय ही मुझे प्राप्त करोगे; हे द्विज, यहाँ स्नान करने वाले अन्य लोग भी मुझे ही प्राप्त करेंगे।"

श्लोक 48 (skanda.3.29.48)

इत्युक्त्वा भगवानीशस्तत्रैवांतरधीयत तस्मिन्नंतर्हिते रुद्रे ततः सुचरितो मुनिः

ityuktvā bhagavānīśastatraivāṁtaradhīyata tasminnaṁtarhite rudre tataḥ sucarito muniḥ

ऐसा कहकर भगवान ईश्वर वहीं अंतर्धान हो गए। रुद्र के इस प्रकार अंतर्हित हो जाने पर मुनि सुचरित,

श्लोक 49 (skanda.3.29.49)

अनेककालं निवसन्सर्वतीर्थस्य तीरतः स्नानं समाचरंस्तीर्थे मानसे नियमान्वितः

anekakālaṁ nivasansarvatīrthasya tīrataḥ snānaṁ samācaraṁstīrthe mānase niyamānvitaḥ

दीर्घकाल तक सर्वतीर्थ के तट पर निवास करते हुए नियमपूर्वक उस मानसतीर्थ में नित्य स्नान करते रहे।

श्लोक 50 (skanda.3.29.50)

देहांते शंकरं प्राप सर्वबन्धविमोचितः सायुज्यं चापि संप्राप सर्वतीर्थस्य वैभवात्

dehāṁte śaṁkaraṁ prāpa sarvabandhavimocitaḥ sāyujyaṁ cāpi saṁprāpa sarvatīrthasya vaibhavāt

देहांत होने पर समस्त बंधनों से मुक्त होकर वे शंकर को प्राप्त हुए; सर्वतीर्थ के प्रभाव से उन्हें सायुज्य (शिव के साथ एकत्व) भी प्राप्त हुआ।

श्लोक 51 (skanda.3.29.51)

एवं वः कथितं विप्राः सर्वतीर्थस्य वैभवम् एतत्पठन्वा शृण्वन्वा मुच्यते सर्वपातकैः

evaṁ vaḥ kathitaṁ viprāḥ sarvatīrthasya vaibhavam etatpaṭhanvā śṛṇvanvā mucyate sarvapātakaiḥ

इस प्रकार हे विप्रो! मैंने तुम्हें सर्वतीर्थ का यह वैभव सुनाया; इसे पढ़ने अथवा सुनने से मनुष्य समस्त पापों से मुक्त हो जाता है।