परावसु की ब्रह्महत्या-मुक्ति

श्लोक 1 (skanda.3.33.1)

श्रीसूत उवाच भूयोऽप्यहं प्रवक्ष्यामि धनुष्कोटेस्तु वैभवम् अत्यद्भुततरं गुह्यं सर्वलोकैकपावनम्

śrīsūta uvāca bhūyo'pyahaṁ pravakṣyāmi dhanuṣkoṭestu vaibhavam atyadbhutataraṁ guhyaṁ sarvalokaikapāvanam

श्री सूतजी बोले - मैं फिर से धनुष्कोटि का माहात्म्य सुनाता हूँ, जो अत्यंत अद्भुत रहस्य है और समस्त लोकों का एकमात्र पवित्र करने वाला है।

श्लोक 2 (skanda.3.33.2)

पुरा परावसुर्नाम ब्राह्मणो वेदवित्तमः अज्ञानात्पितरं हत्वा ब्रह्महत्यामवाप्तवान् सोऽपि स्नात्वा धनुष्कोटौ तद्दोषा न्मुमुचे क्षणात्

purā parāvasurnāma brāhmaṇo vedavittamaḥ ajñānātpitaraṁ hatvā brahmahatyāmavāptavān so'pi snātvā dhanuṣkoṭau taddoṣā nmumuce kṣaṇāt

प्राचीन काल में परावसु नामक एक वेदवित्तम ब्राह्मण थे; उन्होंने अज्ञानवश अपने पिता का वध कर दिया, जिससे उन्हें ब्रह्महत्या का पाप लगा। वे भी धनुष्कोटि में स्नान करके उसी क्षण उस दोष से मुक्त हो गए।

श्लोक 3 (skanda.3.33.3)

ऋषय ऊचुः पितरं हतवान्पूर्वं कथं सूत परावसुः

ṛṣaya ūcuḥ pitaraṁ hatavānpūrvaṁ kathaṁ sūta parāvasuḥ

ऋषियों ने कहा - हे सूत! परावसु ने पूर्वकाल में अपने पिता का वध कैसे किया?

श्लोक 4 (skanda.3.33.4)

कथं वा धनुषः कोटौ मुक्तिस्तस्याप्यभून्मुने एतन्नः श्रद्दधानानां विस्तराद्वक्तुमर्हसि

kathaṁ vā dhanuṣaḥ koṭau muktistasyāpyabhūnmune etannaḥ śraddadhānānāṁ vistarādvaktumarhasi

"और हे मुने! धनुष्कोटि में उन्हें मुक्ति कैसे मिली? श्रद्धापूर्वक सुनने वाले हम लोगों को यह विस्तार से बताइए।"

श्लोक 5 (skanda.3.33.5)

श्रीसूत उवाच आसीद्राजा बृहद्द्युम्नश्चक्रवर्ती महाबलः धर्मेण पालयामास सागरांतां वसुन्धराम्

śrīsūta uvāca āsīdrājā bṛhaddyumnaścakravartī mahābalaḥ dharmeṇa pālayāmāsa sāgarāṁtāṁ vasundharām

श्री सूतजी बोले - बृहद्द्युम्न नामक एक महाबली चक्रवर्ती राजा थे; उन्होंने समुद्र-पर्यंत इस वसुंधरा का धर्मपूर्वक पालन किया।

श्लोक 6 (skanda.3.33.6)

अयजत्सत्रयागेन देवानिंद्रपुरोगमान् याजकस्तस्य रैभ्योऽभूद्विद्वान्परमधार्मिकः

ayajatsatrayāgena devāniṁdrapurogamān yājakastasya raibhyo'bhūdvidvānparamadhārmikaḥ

उन्होंने सत्रयाग द्वारा इंद्र आदि देवताओं का यजन किया; उनके याजक विद्वान और परम धार्मिक रैभ्य थे।

श्लोक 7 (skanda.3.33.7)

आस्तां पुत्रावुभौ तस्याप्यर्वावसु परावसू षडंगवेदविदुषौ श्रौतस्मार्तेषु कोविदौ

āstāṁ putrāvubhau tasyāpyarvāvasu parāvasū ṣaḍaṁgavedaviduṣau śrautasmārteṣu kovidau

उनके दो पुत्र थे - अर्वावसु और परावसु, जो षडंग वेद के ज्ञाता और श्रौत-स्मार्त कर्मों में निपुण थे।

श्लोक 8 (skanda.3.33.8)

काणादे जैमिनीये च सांख्ये वैयासिके तथा गौतमे योगशास्त्रे च पाणिनीये च कोवि दौ

kāṇāde jaiminīye ca sāṁkhye vaiyāsike tathā gautame yogaśāstre ca pāṇinīye ca kovi dau

वे कणाद (वैशेषिक), जैमिनीय (मीमांसा), सांख्य, व्यास (वेदांत) तथा गौतम (न्याय), योगशास्त्र और पाणिनि (व्याकरण) में भी निपुण थे।

श्लोक 9 (skanda.3.33.9)

मन्वादिस्मृतिनिष्णातौ सर्वशास्त्रविशारदौ सत्रयागे सहायार्थं बृहद्द्युम्नेन याचितौ

manvādismṛtiniṣṇātau sarvaśāstraviśāradau satrayāge sahāyārthaṁ bṛhaddyumnena yācitau

मनु आदि स्मृतियों में पारंगत और सभी शास्त्रों में निपुण उन दोनों को बृहद्द्युम्न ने अपने सत्रयाग में सहायता के लिए आमंत्रित किया।

श्लोक 10 (skanda.3.33.10)

भ्रातरौ समनुज्ञातौ पित्रा रैभ्येण जग्मतुः बृहद्द्युम्नस्य सत्रं तावश्विनाविव रूपिणौ

bhrātarau samanujñātau pitrā raibhyeṇa jagmatuḥ bṛhaddyumnasya satraṁ tāvaśvināviva rūpiṇau

पिता रैभ्य की अनुमति पाकर वे दोनों भाई, जो रूप में अश्विनीकुमारों के समान थे, बृहद्द्युम्न के सत्र में गए।

श्लोक 11 (skanda.3.33.11)

अतिष्ठदाश्रमे रैभ्यः स्नुषया ज्येष्ठया सह तौ गत्वा भ्रातरौ तत्र राज्ञः सत्रमनुत्तमम्

atiṣṭhadāśrame raibhyaḥ snuṣayā jyeṣṭhayā saha tau gatvā bhrātarau tatra rājñaḥ satramanuttamam

रैभ्य अपनी ज्येष्ठ पुत्रवधू के साथ आश्रम में ही रहे; और वहाँ जाकर वे दोनों भाई राजा के उस अनुपम सत्र में सम्मिलित हुए।

श्लोक 12 (skanda.3.33.12)

याज यामासतुः सत्रे बृहद्द्युम्नं महीपतिम् नाभवत्स्खलनं भ्रात्रोः सत्रे सांगेषु कर्मसु

yāja yāmāsatuḥ satre bṛhaddyumnaṁ mahīpatim nābhavatskhalanaṁ bhrātroḥ satre sāṁgeṣu karmasu

उन्होंने राजा बृहद्द्युम्न के सत्र में याजक का कार्य किया; उस सत्र में अंगों सहित सभी कर्मों में उन दोनों भाइयों से कोई त्रुटि नहीं हुई।

श्लोक 13 (skanda.3.33.13)

सत्रे संतन्यमानेऽस्मिन्बृहद्द्युम्नस्य भूपतेः मुनयो भ्यागमन्सर्वे राज्ञाहूता निरीक्षितुम्

satre saṁtanyamāne'sminbṛhaddyumnasya bhūpateḥ munayo bhyāgamansarve rājñāhūtā nirīkṣitum

राजा बृहद्द्युम्न का यह सत्र चलते रहने पर, राजा द्वारा आमंत्रित सभी मुनि उसे देखने के लिए आए।

श्लोक 14 (skanda.3.33.14)

वसिष्ठो गौतमश्चात्रिर्जाबालिरथ कश्यपः क्रतुर्दक्षः पुलस्त्यश्च पुलहो नारदो मुनिः

vasiṣṭho gautamaścātrirjābāliratha kaśyapaḥ kraturdakṣaḥ pulastyaśca pulaho nārado muniḥ

वसिष्ठ, गौतम, अत्रि, जाबालि, कश्यप, क्रतु, दक्ष, पुलस्त्य, पुलह और मुनि नारद,

श्लोक 15 (skanda.3.33.15)

मार्कंडेयः शतानंदो विश्वामित्रः पराशरः भृगुः कुत्सोऽथ वाल्मीकिर्व्यासधौम्यादयोऽपरे

mārkaṁḍeyaḥ śatānaṁdo viśvāmitraḥ parāśaraḥ bhṛguḥ kutso'tha vālmīkirvyāsadhaumyādayo'pare

मार्कंडेय, शतानंद, विश्वामित्र, पराशर, भृगु, कुत्स, वाल्मीकि, व्यास, धौम्य और अन्य अनेक ऋषि,

श्लोक 16 (skanda.3.33.16)

शिष्यैः प्रशिष्यैर्बहुभिरसंख्यातैः समावृताः तानागतान्समालोक्य बृहद्द्युम्नो महीपतिः

śiṣyaiḥ praśiṣyairbahubhirasaṁkhyātaiḥ samāvṛtāḥ tānāgatānsamālokya bṛhaddyumno mahīpatiḥ

अपने अनेक असंख्य शिष्यों और प्रशिष्यों से घिरे हुए वहाँ आए। उन सबको आया हुआ देखकर राजा बृहद्द्युम्न ने,

श्लोक 17 (skanda.3.33.17)

अर्घ्यादिना मुनीन्सर्वान्पूजयामास सादरम् नाना दिग्भ्यः समायाताश्चतुरंगबलैर्युताः

arghyādinā munīnsarvānpūjayāmāsa sādaram nānā digbhyaḥ samāyātāścaturaṁgabalairyutāḥ

सभी मुनियों का अर्घ्य आदि से आदरपूर्वक सत्कार किया। विभिन्न दिशाओं से चतुरंगिणी सेनाओं सहित राजा भी वहाँ आए,

श्लोक 18 (skanda.3.33.18)

उपदासहिता भूपास्सत्रं वीक्षितुमादरात् वैश्याः शूद्रास्तथा वर्णाश्चत्वरोऽपि समागताः

upadāsahitā bhūpāssatraṁ vīkṣitumādarāt vaiśyāḥ śūdrāstathā varṇāścatvaro'pi samāgatāḥ

वे राजा अपने परिवारजनों सहित सत्र को श्रद्धापूर्वक देखने आए; वैश्य, शूद्र तथा चारों वर्ण भी वहाँ एकत्र हुए।

श्लोक 19 (skanda.3.33.19)

वर्णिनोऽथ गृहस्थाश्च वानप्रस्थाश्च भिक्षवः सत्रं निरीक्षितुं तस्य बृहद्द्युम्नस्य चाययुः

varṇino'tha gṛhasthāśca vānaprasthāśca bhikṣavaḥ satraṁ nirīkṣituṁ tasya bṛhaddyumnasya cāyayuḥ

ब्रह्मचारी, गृहस्थ, वानप्रस्थ और भिक्षुक भी उस बृहद्द्युम्न के सत्र को देखने आए।

श्लोक 20 (skanda.3.33.20)

तान्सर्वान्पूजयामास यथार्हं राजसत्तमः ददौ चान्नानि सर्वेभ्यो घृतसूपादिकांस्तथा

tānsarvānpūjayāmāsa yathārhaṁ rājasattamaḥ dadau cānnāni sarvebhyo ghṛtasūpādikāṁstathā

उस श्रेष्ठ राजा ने उन सबका यथोचित सत्कार किया, और सबको घी, दाल आदि सहित भोजन दिया।

श्लोक 21 (skanda.3.33.21)

वस्त्राणि च सुवर्णानि हाररत्नान्यनेकशः एवं सत्कारयामास राजा सत्रे समागतान्

vastrāṇi ca suvarṇāni hāraratnānyanekaśaḥ evaṁ satkārayāmāsa rājā satre samāgatān

उन्होंने वस्त्र, स्वर्ण और अनेक रत्नहार भी दिए; इस प्रकार राजा ने सत्र में एकत्रित लोगों का सत्कार किया।

श्लोक 22 (skanda.3.33.22)

रैभ्यपुत्रो तदा विप्रा अर्वावसुपरावसू अध्वरादीनि कर्माणि चक्रतुः स्खलितं विना

raibhyaputro tadā viprā arvāvasuparāvasū adhvarādīni karmāṇi cakratuḥ skhalitaṁ vinā

इस बीच हे विप्रो! रैभ्यपुत्र अर्वावसु और परावसु दोनों ने यज्ञ आदि के सभी कर्मों को बिना किसी त्रुटि के संपन्न किया।

श्लोक 23 (skanda.3.33.23)

तद्दृष्ट्वा मुनयस्सर्वे कौशलं रैभ्यपुत्रयौः श्लाघंते सशिरःकम्पं वसिष्ठप्रमुखास्तदा

taddṛṣṭvā munayassarve kauśalaṁ raibhyaputrayauḥ ślāghaṁte saśiraḥkampaṁ vasiṣṭhapramukhāstadā

यह देखकर वसिष्ठ आदि सभी मुनि रैभ्यपुत्रों की कुशलता की सिर हिला-हिलाकर प्रशंसा करने लगे।

श्लोक 24 (skanda.3.33.24)

कर्माणि कानि चित्तत्र कारयित्वा परावसुः तृतीयसवनस्यांते गृहकृत्यं निरीक्षितुम्

karmāṇi kāni cittatra kārayitvā parāvasuḥ tṛtīyasavanasyāṁte gṛhakṛtyaṁ nirīkṣitum

वहाँ कुछ कर्म संपन्न कराकर परावसु ने, तीसरे सवन के अंत में, घर के कार्य देखने के लिए,

श्लोक 25 (skanda.3.33.25)

प्रययौ स्वाश्रमं सायं विनैवार्वावसुं द्विजाः तस्मिन्नवसरे रैभ्यं कृष्णाजिनसमावृतम्

prayayau svāśramaṁ sāyaṁ vinaivārvāvasuṁ dvijāḥ tasminnavasare raibhyaṁ kṛṣṇājinasamāvṛtam

हे द्विजो! अर्वावसु के बिना ही संध्या के समय अपने आश्रम की ओर प्रस्थान किया। उसी अवसर पर उसने कृष्णाजिन धारण किए हुए रैभ्य को,

श्लोक 26 (skanda.3.33.26)

वने चरंतं पितरं दृष्ट्वा स मृगशंकया निद्राकलुषितो रात्रावंधे तमसि संकुले

vane caraṁtaṁ pitaraṁ dṛṣṭvā sa mṛgaśaṁkayā nidrākaluṣito rātrāvaṁdhe tamasi saṁkule

वन में विचरण करते हुए अपने पिता को मृग की आशंका से देखा; और रात्रि में गहन अंधकार में निद्रा से व्याकुल होकर,

श्लोक 27 (skanda.3.33.27)

आत्मानं हंतुमायाति मृगोऽयमिति चिंतयन् जघान पितरं सोऽयं महारण्ये परावसुः

ātmānaṁ haṁtumāyāti mṛgo'yamiti ciṁtayan jaghāna pitaraṁ so'yaṁ mahāraṇye parāvasuḥ

"यह मृग मुझे मारने आ रहा है" ऐसा सोचकर उस परावसु ने उस विशाल वन में अपने पिता का ही वध कर दिया।

श्लोक 28 (skanda.3.33.28)

रिरक्षुणा शरीरं स्वं तेनाकामनया पिता रजन्यां हिंसितो विप्रा महापातककारिणा

rirakṣuṇā śarīraṁ svaṁ tenākāmanayā pitā rajanyāṁ hiṁsito viprā mahāpātakakāriṇā

हे विप्रो! अपने शरीर की रक्षा की इच्छा से, बिना किसी दुर्भावना के, उस महापातक करने वाले परावसु ने रात्रि में अपने पिता की हिंसा कर दी।

श्लोक 29 (skanda.3.33.29)

अंतिकं स समागत्य व्यलोकयत तं हतम् ज्ञात्वा स्वपितरं रात्रौ शुशोच व्यथितेंद्रियः

aṁtikaṁ sa samāgatya vyalokayata taṁ hatam jñātvā svapitaraṁ rātrau śuśoca vyathiteṁdriyaḥ

पास जाकर उसने उस मारे गए को देखा; रात्रि में अपने पिता को पहचानकर वह व्यथित इंद्रियों वाला होकर शोक करने लगा।

श्लोक 30 (skanda.3.33.30)

प्रेतकार्यं ततः कृत्वा पितुः सर्वं परावसुः भूयोपि नृपतेः सत्रं परावसुरुपाययौ

pretakāryaṁ tataḥ kṛtvā pituḥ sarvaṁ parāvasuḥ bhūyopi nṛpateḥ satraṁ parāvasurupāyayau

तब परावसु ने अपने पिता के सारे प्रेतकार्य (अंत्येष्टि) संपन्न किए, और फिर से राजा के सत्र में लौट गया।

श्लोक 31 (skanda.3.33.31)

स्वचेष्टितं तु तत्सर्वमनुजाय ततोऽब्रवीत् मृतं स्वपितरं श्रुत्वा सोऽपि शोकाकुलोऽभवत्

svaceṣṭitaṁ tu tatsarvamanujāya tato'bravīt mṛtaṁ svapitaraṁ śrutvā so'pi śokākulo'bhavat

तब उसने अपने समस्त कृत्य के बारे में छोटे भाई को बताया; अपने पिता की मृत्यु का समाचार सुनकर वह भी शोकाकुल हो गया।

श्लोक 32 (skanda.3.33.32)

ज्येष्ठोऽनुजं ततः प्राह वचनं द्विजसत्तमाः महत्सत्रं समारब्धं बृहद्द्युम्नस्य भूपतेः

jyeṣṭho'nujaṁ tataḥ prāha vacanaṁ dvijasattamāḥ mahatsatraṁ samārabdhaṁ bṛhaddyumnasya bhūpateḥ

हे द्विजसत्तमो! तब बड़े भाई ने छोटे भाई से यह कहा - "राजा बृहद्द्युम्न का यह महान सत्र आरंभ किया जा चुका है,"

श्लोक 33 (skanda.3.33.33)

वोढुत्वशक्तिर्नास्त्यस्य कर्मणो बालकस्य ते जनकश्च हतो रात्रौ मयापि मृगशंकया

voḍhutvaśaktirnāstyasya karmaṇo bālakasya te janakaśca hato rātrau mayāpi mṛgaśaṁkayā

"और तुम अभी बालक हो, इस कार्य का भार वहन करने में समर्थ नहीं हो; तथा हमारे पिता का रात्रि में मुझसे ही मृगाशंका के कारण वध हो गया है।"

श्लोक 34 (skanda.3.33.34)

प्रायश्चित्तं च कर्त्तव्यं ब्रह्महत्या विशुद्धये मदर्थं व्रतचर्यां त्वं चर तात कनिष्ठक

prāyaścittaṁ ca karttavyaṁ brahmahatyā viśuddhaye madarthaṁ vratacaryāṁ tvaṁ cara tāta kaniṣṭhaka

"इस ब्रह्महत्या की शुद्धि के लिए प्रायश्चित्त करना आवश्यक है; हे तात, हे कनिष्ठ! मेरी ओर से तुम व्रत का पालन करो,"

श्लोक 35 (skanda.3.33.35)

एकाकी धुरमुद्वोढुं शक्तोऽहं सत्रकर्मणः अर्वावसुरिति प्रोक्तो ज्येष्ठेन स तमभ्य धात्

ekākī dhuramudvoḍhuṁ śakto'haṁ satrakarmaṇaḥ arvāvasuriti prokto jyeṣṭhena sa tamabhya dhāt

"क्योंकि सत्रकर्म का भार मैं अकेला वहन करने में समर्थ हूँ।" इस प्रकार बड़े भाई द्वारा कहे जाने पर अर्वावसु ने उससे कहा -

श्लोक 36 (skanda.3.33.36)

तथा भवत्वहं ज्येष्ठ चरिष्ये व्रतमुत्तमम् ब्रह्महत्याविशुद्ध्यर्थं त्वं सत्रधुरमावह

tathā bhavatvahaṁ jyeṣṭha cariṣye vratamuttamam brahmahatyāviśuddhyarthaṁ tvaṁ satradhuramāvaha

"हे ज्येष्ठ! ऐसा ही हो, मैं उत्तम व्रत का पालन करूँगा; ब्रह्महत्या की शुद्धि के लिए तुम सत्र का भार वहन करो।"

श्लोक 37 (skanda.3.33.37)

इत्युक्त्वा सोनुऽजो ज्येष्ठं तस्मात्सत्राद्वि निर्ययौ कारयामास कर्माणि ज्येष्ठस्तस्मिन्गते कतौ

ityuktvā sonu'jo jyeṣṭhaṁ tasmātsatrādvi niryayau kārayāmāsa karmāṇi jyeṣṭhastasmingate katau

यह कहकर वह अनुज उस सत्र से बाहर चला गया; और वह चला जाने पर बड़े भाई ने अकेले ही यज्ञ के कर्म संपन्न कराए।

श्लोक 38 (skanda.3.33.38)

द्वादशाब्दं कनिष्ठोपि ब्रह्महत्याव्रतं द्विजाः चरित्वा सत्रयागेऽस्मिन्नाजगाम पुनर्मुदा

dvādaśābdaṁ kaniṣṭhopi brahmahatyāvrataṁ dvijāḥ caritvā satrayāge'sminnājagāma punarmudā

हे द्विजो! छोटे भाई ने भी बारह वर्ष तक ब्रह्महत्या के व्रत का पालन करके पुनः प्रसन्नतापूर्वक इस सत्रयाग में वापस आ गया।

श्लोक 39 (skanda.3.33.39)

तं दृष्ट्वा भ्रातरं ज्येष्ठो बृहद्द्युम्नमुवाच ह अयं ते ब्रह्महा सत्रमर्वावसुरुपागतः

taṁ dṛṣṭvā bhrātaraṁ jyeṣṭho bṛhaddyumnamuvāca ha ayaṁ te brahmahā satramarvāvasurupāgataḥ

अपने भाई को देखकर बड़े भाई ने बृहद्द्युम्न से कहा - "यह अर्वावसु, जो ब्रह्महत्यारा है, तुम्हारे सत्र में आ गया है।"

श्लोक 40 (skanda.3.33.40)

एनमुत्सारयाशु त्वमस्मात्सत्रान्नृपो त्तम अन्यथा सत्रयागस्य फलहानिर्भविष्यति

enamutsārayāśu tvamasmātsatrānnṛpo ttama anyathā satrayāgasya phalahānirbhaviṣyati

"हे नृपोत्तम! इसे तुरंत इस सत्र से बाहर निकाल दो; अन्यथा इस सत्रयाग के फल की हानि होगी।"

श्लोक 41 (skanda.3.33.41)

इतीरितः स स्वप्रेष्यैर्यागात्तमुदवासयत् उद्वास्यमानो राजानमर्वावसुरथाब्रवीत्

itīritaḥ sa svapreṣyairyāgāttamudavāsayat udvāsyamāno rājānamarvāvasurathābravīt

इस प्रकार कहे जाने पर राजा ने अपने सेवकों द्वारा उसे यज्ञ से निकलवा दिया। इस प्रकार निकाले जाते हुए अर्वावसु ने राजा से कहा -

श्लोक 42 (skanda.3.33.42)

न मया ब्रह्महत्येयं बृहद्द्युम्न कृतानघ किन्तु ज्येष्ठेन मे सा हि ब्रह्महत्या कृता विभो

na mayā brahmahatyeyaṁ bṛhaddyumna kṛtānagha kintu jyeṣṭhena me sā hi brahmahatyā kṛtā vibho

"हे निष्पाप बृहद्द्युम्न! यह ब्रह्महत्या मैंने नहीं की थी; हे विभो! वह ब्रह्महत्या तो मेरे बड़े भाई ने की थी।"

श्लोक 43 (skanda.3.33.43)

ब्रह्महत्याव्रतं चीर्णं तदर्थं च मया धुना एवमुक्तोपि राजासौ वचसा स परावसोः

brahmahatyāvrataṁ cīrṇaṁ tadarthaṁ ca mayā dhunā evamuktopi rājāsau vacasā sa parāvasoḥ

"और मैंने ही उसके लिए यह ब्रह्महत्या-व्रत का पालन किया है।" इस प्रकार कहे जाने पर भी वह राजा परावसु के वचनों से,

श्लोक 44 (skanda.3.33.44)

अर्वावसुं निजात्सत्रादुदवासयदाशु वै धिक्कृतो ब्राह्मणैश्चायं ययौ तूष्णीं वनं तदा

arvāvasuṁ nijātsatrādudavāsayadāśu vai dhikkṛto brāhmaṇaiścāyaṁ yayau tūṣṇīṁ vanaṁ tadā

शीघ्र ही अर्वावसु को अपने सत्र से निकलवा दिया; और ब्राह्मणों द्वारा धिक्कारे जाने पर वह चुपचाप वन को चला गया।

श्लोक 45 (skanda.3.33.45)

मुनिवृन्दसमाकीर्णं तपोवनमुपेत्य सः अर्वावसुस्तपश्चक्रे देवैरपि सुदुष्करम्

munivṛndasamākīrṇaṁ tapovanamupetya saḥ arvāvasustapaścakre devairapi suduṣkaram

मुनियों के समूह से भरे तपोवन में जाकर उस अर्वावसु ने ऐसी कठोर तपस्या की जो देवताओं के लिए भी करना कठिन थी।

श्लोक 46 (skanda.3.33.46)

तपः कुर्वंस्तथादित्यमुपतस्थे समा हितः मूर्तिमांस्तपसा तस्य महताऽदुष्टधीः स्वयम्

tapaḥ kurvaṁstathādityamupatasthe samā hitaḥ mūrtimāṁstapasā tasya mahatā'duṣṭadhīḥ svayam

तप करते हुए उसने एकाग्रचित्त होकर सूर्य की उपासना की; उसके महान तप से वह निर्दोष-बुद्धि सूर्य स्वयं,

श्लोक 47 (skanda.3.33.47)

आविरासीत्स्वया दीप्त्या भासयञ्जगतीतलम् कर्मसाक्षी जगच्चक्षुर्भास्करो देवताग्रणीः

āvirāsītsvayā dīptyā bhāsayañjagatītalam karmasākṣī jagaccakṣurbhāskaro devatāgraṇīḥ

अपनी दीप्ति से भूतल को प्रकाशित करते हुए प्रकट हुए - कर्मसाक्षी, जगच्चक्षु, भास्कर, देवताओं में अग्रणी।

श्लोक 48 (skanda.3.33.48)

आविर्बभूवुर्देवाश्च पुरस्कृत्य शचीपतिम् इन्द्रादयस्ततो देवाः प्रोचुरर्वावसुं द्विजाः

āvirbabhūvurdevāśca puraskṛtya śacīpatim indrādayastato devāḥ procurarvāvasuṁ dvijāḥ

शचीपति इंद्र को आगे करके देवगण भी प्रकट हुए; तब हे द्विजो! इंद्र आदि उन देवताओं ने अर्वावसु से कहा -

श्लोक 49 (skanda.3.33.49)

अर्वावसो त्वं प्रवरस्तपसा ब्रह्म चर्यतः आचारेण श्रुतेनापि वेदशास्त्रादिशिक्षया

arvāvaso tvaṁ pravarastapasā brahma caryataḥ ācāreṇa śrutenāpi vedaśāstrādiśikṣayā

"हे अर्वावसु! तुम तप, ब्रह्मचर्य, आचार, श्रुति-ज्ञान और वेद-शास्त्रादि की शिक्षा से श्रेष्ठ हो;"

श्लोक 50 (skanda.3.33.50)

निराकृतोवमानेन त्वं परावसुना बहु तथापि क्षमया युक्तो न कुप्यति भवान्यतः

nirākṛtovamānena tvaṁ parāvasunā bahu tathāpi kṣamayā yukto na kupyati bhavānyataḥ

"और परावसु द्वारा बहुत अपमानित एवं निष्कासित किए जाने पर भी, तुम क्षमाशील होकर क्रोध नहीं करते।"

श्लोक 51 (skanda.3.33.51)

यस्माज्ज्येष्ठोऽवधीत्तातं न हिंसीस्त्वं महामते ब्रह्महत्याव्रतं यस्मात्तदर्थं चरितं त्वया

yasmājjyeṣṭho'vadhīttātaṁ na hiṁsīstvaṁ mahāmate brahmahatyāvrataṁ yasmāttadarthaṁ caritaṁ tvayā

"क्योंकि तुम्हारे बड़े भाई ने पिता का वध किया, फिर भी हे महामते! तुमने उससे कोई द्वेष नहीं रखा, और उसके लिए तुमने ब्रह्महत्या-व्रत का पालन किया,"

श्लोक 52 (skanda.3.33.52)

अतः स्वीकुर्म हे त्वां तु पराकुर्मः परावसुम् उक्त्वैवं बलभिन्मुख्याः सर्वे च त्रिदिवालयाः

ataḥ svīkurma he tvāṁ tu parākurmaḥ parāvasum uktvaivaṁ balabhinmukhyāḥ sarve ca tridivālayāḥ

"इसलिए हम तुम्हें ही स्वीकार करेंगे, और परावसु को अस्वीकार करेंगे।" ऐसा कहकर इंद्र आदि सभी स्वर्गवासी देवताओं ने,

श्लोक 53 (skanda.3.33.53)

तं ते प्रवरयामासुर्निरासुश्च परावसुम् पुनरिंद्रादयो देवाः पुरोधाय दिवाकरम्

taṁ te pravarayāmāsurnirāsuśca parāvasum punariṁdrādayo devāḥ purodhāya divākaram

उसे (अर्वावसु को) श्रेष्ठ मानकर स्वीकार किया, और परावसु को अस्वीकार कर दिया। फिर इंद्र आदि देवताओं ने सूर्य को आगे करके,

श्लोक 54 (skanda.3.33.54)

अर्वावसुं प्रोचुरिदं वरं त्वं वरयेति वै स चापि प्रार्थयामास जनकस्योत्थितिं पुन

arvāvasuṁ procuridaṁ varaṁ tvaṁ varayeti vai sa cāpi prārthayāmāsa janakasyotthitiṁ puna

अर्वावसु से यह कहा - "तुम कोई वर माँगो।" और उसने भी अपने पिता के पुनः जीवित हो उठने की प्रार्थना की,

श्लोक 55 (skanda.3.33.55)

वधे चास्मरणं देवानात्मनो जनकस्य वै तथास्त्विति सुराः प्रोचुः पुनरूचुरिदं वचः

vadhe cāsmaraṇaṁ devānātmano janakasya vai tathāstviti surāḥ procuḥ punarūcuridaṁ vacaḥ

तथा यह भी कि देवगण उसके पिता की हत्या को (मानो घटित ही न हुआ हो) स्मरण न रखें। "ऐसा ही हो," देवताओं ने कहा; और फिर उन्होंने यह वचन कहा -

श्लोक 56 (skanda.3.33.56)

वरं चान्यं प्रदास्यामो वरय त्वं महामते एवमुक्तः सुरैः सोयमर्वावसुरभाषत

varaṁ cānyaṁ pradāsyāmo varaya tvaṁ mahāmate evamuktaḥ suraiḥ soyamarvāvasurabhāṣata

"और हम तुम्हें एक और वर भी देंगे; हे महामते! माँगो।" देवताओं द्वारा इस प्रकार कहे जाने पर उस अर्वावसु ने कहा -

श्लोक 57 (skanda.3.33.57)

मम भ्रातुरदुष्टत्वं भवतु त्रिदशालयाः अर्वावसोर्वचः श्रुत्वा त्रिदशाः पुनरब्रुवन्

mama bhrāturaduṣṭatvaṁ bhavatu tridaśālayāḥ arvāvasorvacaḥ śrutvā tridaśāḥ punarabruvan

"हे त्रिदशालयो! मेरे भाई को निर्दोष घोषित कर दिया जाए।" अर्वावसु के इस वचन को सुनकर देवताओं ने फिर कहा -

श्लोक 58 (skanda.3.33.58)

ब्राह्मणस्य पितुर्घातान्महान्दोषः परावसोः न ह्यन्यकृतपापस्य परेणानुष्ठितेन वै

brāhmaṇasya piturghātānmahāndoṣaḥ parāvasoḥ na hyanyakṛtapāpasya pareṇānuṣṭhitena vai

"ब्राह्मण पिता के वध से परावसु पर महान दोष लगा है; क्योंकि किसी और के द्वारा किए गए पाप की शुद्धि दूसरे के द्वारा किए गए प्रायश्चित्त से नहीं होती।"

श्लोक 59 (skanda.3.33.59)

प्रायश्चित्तेन शांतिः स्यान्महापातकपंचके पितुर्ब्राह्मणहंतुस्तु सुतरां नास्ति निष्कृतिः

prāyaścittena śāṁtiḥ syānmahāpātakapaṁcake piturbrāhmaṇahaṁtustu sutarāṁ nāsti niṣkṛtiḥ

"पाँच महापातकों की शांति प्रायश्चित्त से हो सकती है; परंतु ब्राह्मण पिता के हत्यारे के लिए तो और भी अधिक कोई मुक्ति नहीं है।"

श्लोक 60 (skanda.3.33.60)

आत्मनानुष्ठितेनापि व्रतेन न हि दुष्कृतिः परावसोस्तव भ्रातुरतो नैवास्ति निष्कृतिः

ātmanānuṣṭhitenāpi vratena na hi duṣkṛtiḥ parāvasostava bhrāturato naivāsti niṣkṛtiḥ

"स्वयं द्वारा किए गए व्रत से भी यह दुष्कृत्य नहीं मिट सकता; इसलिए तुम्हारे भाई परावसु के लिए इस प्रकार कोई मुक्ति नहीं है।"

श्लोक 61 (skanda.3.33.61)

अतोऽस्माभिरदुष्टत्वमस्मै दातुं न शक्यते अर्वावसुः पुनःप्राह देवानिंद्रपुरोगमान्

ato'smābhiraduṣṭatvamasmai dātuṁ na śakyate arvāvasuḥ punaḥprāha devāniṁdrapurogamān

"इसलिए हम उसे निर्दोषता प्रदान नहीं कर सकते।" तब अर्वावसु ने पुनः इंद्र आदि देवताओं से कहा -

श्लोक 62 (skanda.3.33.62)

तथापि युष्मन्माहात्म्यात्प्रसादाद्भवतां तथा पितुर्ब्राह्मणहंतुर्मे भ्रातुस्त्रिदशसत्तमाः

tathāpi yuṣmanmāhātmyātprasādādbhavatāṁ tathā piturbrāhmaṇahaṁturme bhrātustridaśasattamāḥ

"हे त्रिदशसत्तमो! फिर भी आपकी महिमा और आपकी कृपा से, ब्राह्मण पिता के हत्यारे मेरे भाई के लिए,"

श्लोक 63 (skanda.3.33.63)

यथा स्यान्निष्कृतिर्ब्रूत तथैव कृपया युताः एवमर्वावसोः श्रुत्वा वचस्ते त्रिदशालयाः

yathā syānniṣkṛtirbrūta tathaiva kṛpayā yutāḥ evamarvāvasoḥ śrutvā vacaste tridaśālayāḥ

"कोई मुक्ति का उपाय हो, वह मुझे कृपापूर्वक बताइए।" अर्वावसु के इस वचन को सुनकर उन देवताओं ने,

श्लोक 64 (skanda.3.33.64)

ध्यात्वा तु सुचिरं कालं विनिश्चित्येदमबुवन् उपायं ते प्रवक्ष्यामस्तत्पातकनिवारणम्

dhyātvā tu suciraṁ kālaṁ viniścityedamabuvan upāyaṁ te pravakṣyāmastatpātakanivāraṇam

बहुत देर तक विचार करके और निश्चय करके यह कहा - "हम तुम्हें उस पाप को दूर करने का उपाय बताते हैं।"

श्लोक 65 (skanda.3.33.65)

दक्षिणांबुनिधौ पुण्ये रामसेतौ विमुक्तिदे धनुष्कोटिरिति ख्यातं तीर्थमस्ति विमुक्तिदम्

dakṣiṇāṁbunidhau puṇye rāmasetau vimuktide dhanuṣkoṭiriti khyātaṁ tīrthamasti vimuktidam

"दक्षिण समुद्र में स्थित पवित्र, मुक्तिदायक रामसेतु में धनुष्कोटि नामक एक तीर्थ है, जो मुक्ति प्रदान करने वाला है।"

श्लोक 66 (skanda.3.33.66)

ब्रह्महत्यासुरापानस्वर्णस्तेयविनाशनम् गुरुतल्पगसंसर्गदोषाणामपि नाशनम्

brahmahatyāsurāpānasvarṇasteyavināśanam gurutalpagasaṁsargadoṣāṇāmapi nāśanam

"वह ब्रह्महत्या, सुरापान और स्वर्णचोरी का नाश करने वाला है; गुरुपत्नीगमन आदि संसर्ग-दोषों का भी नाश करने वाला है।"

श्लोक 67 (skanda.3.33.67)

अकामेनापि यः स्नायादपवर्गफलप्रदम् दुःस्वप्ननाशनं धन्यं नरकक्लेशनाशनम्

akāmenāpi yaḥ snāyādapavargaphalapradam duḥsvapnanāśanaṁ dhanyaṁ narakakleśanāśanam

"जो बिना किसी कामना के भी वहाँ स्नान करता है, उसे मोक्षरूपी फल प्राप्त होता है; वह धन्य है, दुःस्वप्नों और नरक-क्लेशों का नाशक है।"

श्लोक 68 (skanda.3.33.68)

कैलासादिपदप्राप्तिकारणं परमार्थदम् सर्वकाममिदं पुंसामृणदारिद्र्यनाशनम्

kailāsādipadaprāptikāraṇaṁ paramārthadam sarvakāmamidaṁ puṁsāmṛṇadāridryanāśanam

"वह कैलास आदि पदों की प्राप्ति का कारण है और परमार्थ प्रदान करने वाला है; वह लोगों की सभी कामनाओं को पूर्ण करने वाला तथा ऋण और दरिद्रता का नाशक है।"

श्लोक 69 (skanda.3.33.69)

धनुष्कोटिर्धनु ष्कोटिर्धनुष्कोटिरितीरणात् स्वर्गापवर्गदं पुंसां महापुण्यफलप्रदम्

dhanuṣkoṭirdhanu ṣkoṭirdhanuṣkoṭiritīraṇāt svargāpavargadaṁ puṁsāṁ mahāpuṇyaphalapradam

"'धनुष्कोटि, धनुष्कोटि, धनुष्कोटि' इस प्रकार उच्चारण करने मात्र से ही यह लोगों को स्वर्ग और मोक्ष देने वाला और महापुण्य का फल देने वाला है।"

श्लोक 70 (skanda.3.33.70)

तत्र गत्वा तव भ्राता स्नायाद्यदि परावसुः तत्क्षणादेव ते ज्येष्ठो मुच्यते ब्रह्महत्यया

tatra gatvā tava bhrātā snāyādyadi parāvasuḥ tatkṣaṇādeva te jyeṣṭho mucyate brahmahatyayā

"यदि तुम्हारा भाई परावसु वहाँ जाकर स्नान करे, तो उसी क्षण तुम्हारा बड़ा भाई ब्रह्महत्या से मुक्त हो जाएगा।"

श्लोक 71 (skanda.3.33.71)

इदं रहस्यं सुमहत्प्रायश्चित्तमुदीरितम् उक्त्वेत्यर्वावसुं देवाः प्रययुः स्वपुरीं प्रति

idaṁ rahasyaṁ sumahatprāyaścittamudīritam uktvetyarvāvasuṁ devāḥ prayayuḥ svapurīṁ prati

"यह अत्यंत महान गुप्त प्रायश्चित्त बताया गया है।" अर्वावसु से यह कहकर देवगण अपनी नगरी को चले गए।

श्लोक 72 (skanda.3.33.72)

तत अर्वावसुर्ज्येष्ठं समादाय परावसुम् रामचन्द्रधनुष्कोटिं प्रययौ मुक्तिदायिनीम्

tata arvāvasurjyeṣṭhaṁ samādāya parāvasum rāmacandradhanuṣkoṭiṁ prayayau muktidāyinīm

तब अर्वावसु अपने बड़े भाई परावसु को साथ लेकर रामचंद्र की मुक्तिदायिनी धनुष्कोटि गया।

श्लोक 73 (skanda.3.33.73)

सेतौ संकल्पमुक्त्वा तु नियमेन परावसुः सह भ्रात्रा धनुष्कोटौ सस्नौ पातकशुद्धये

setau saṁkalpamuktvā tu niyamena parāvasuḥ saha bhrātrā dhanuṣkoṭau sasnau pātakaśuddhaye

सेतु में संकल्प कहकर परावसु ने अपने भाई के साथ पाप-शुद्धि के लिए विधिपूर्वक धनुष्कोटि में स्नान किया।

श्लोक 74 (skanda.3.33.74)

स्नात्वोत्थितं धनुष्कोटौ तं प्रोवाचाशरीरिणी परावसो विनष्टा ते पितुर्ब्राह्मणघातजा

snātvotthitaṁ dhanuṣkoṭau taṁ provācāśarīriṇī parāvaso vinaṣṭā te piturbrāhmaṇaghātajā

धनुष्कोटि में स्नान करके उठते हुए उससे एक आकाशवाणी ने कहा - "हे परावसु! तुम्हारे ब्राह्मण पिता के वध से उत्पन्न पाप नष्ट हो गया है -"

श्लोक 75 (skanda.3.33.75)

ब्रह्महत्या महा घोरा नरकक्लेशकारिणी इत्युक्त्वा विररामाथ सापि वागशरीरिणी

brahmahatyā mahā ghorā narakakleśakāriṇī ityuktvā virarāmātha sāpi vāgaśarīriṇī

"वह अत्यंत भयंकर ब्रह्महत्या, जो नरक-क्लेश का कारण थी।" यह कहकर वह आकाशवाणी भी शांत हो गई।

श्लोक 76 (skanda.3.33.76)

परावसुस्तदा विप्राः कनिष्ठेन समन्वितः रामचन्द्रधनुष्कोटिं प्रणम्य च सभक्तिकम्

parāvasustadā viprāḥ kaniṣṭhena samanvitaḥ rāmacandradhanuṣkoṭiṁ praṇamya ca sabhaktikam

तब हे विप्रो! परावसु ने अपने छोटे भाई के साथ भक्तिपूर्वक रामचंद्र की धनुष्कोटि को प्रणाम किया,

श्लोक 77 (skanda.3.33.77)

रामनाथं महादेवं नत्वा भक्तिपुरःसरम् विमुक्तपातको विप्राः प्रययौ पितुराश्रमम्

rāmanāthaṁ mahādevaṁ natvā bhaktipuraḥsaram vimuktapātako viprāḥ prayayau piturāśramam

और भक्तिपूर्वक महादेव रामनाथ को नमन किया; पापमुक्त होकर हे विप्रो! वह अपने पिता के आश्रम को गया।

श्लोक 78 (skanda.3.33.78)

मृत्वोत्थितस्तदा रैभ्यो दृष्ट्वा पुत्रौ समागतौ संतुष्टहृदयो ह्यास्ते पुत्राभ्यां स्वाश्रमे तदा

mṛtvotthitastadā raibhyo dṛṣṭvā putrau samāgatau saṁtuṣṭahṛdayo hyāste putrābhyāṁ svāśrame tadā

मृत्यु से पुनः उठे हुए रैभ्य ने अपने दोनों पुत्रों को आया हुआ देखकर संतुष्ट हृदय से अपने आश्रम में दोनों पुत्रों के साथ निवास किया।

श्लोक 79 (skanda.3.33.79)

रामचन्द्रधनुष्कोटौ स्नानेन हतपातकम् एनं परावसुं सर्वे स्वीचक्रुर्मुनयस्तदा

rāmacandradhanuṣkoṭau snānena hatapātakam enaṁ parāvasuṁ sarve svīcakrurmunayastadā

रामचंद्र की धनुष्कोटि में स्नान से जिसका पाप नष्ट हो गया था, उस परावसु को तब सभी मुनियों ने स्वीकार कर लिया।

श्लोक 80 (skanda.3.33.80)

एवं परावसोरुक्तं ब्रह्महत्याविमोक्षणम् स्नानमात्राद्धनुष्कोटौ युष्माकं मुनिपुंगवाः

evaṁ parāvasoruktaṁ brahmahatyāvimokṣaṇam snānamātrāddhanuṣkoṭau yuṣmākaṁ munipuṁgavāḥ

हे मुनिपुंगवो! इस प्रकार मैंने तुम्हें धनुष्कोटि में स्नानमात्र से परावसु की ब्रह्महत्या-मुक्ति की कथा सुनाई।

श्लोक 81 (skanda.3.33.81)

सुरा पानादयो विप्रा नश्यंत्येवात्र मज्जनात् सत्यंसत्यं पुनः सत्यमुद्धृत्य भुजमुच्यते

surā pānādayo viprā naśyaṁtyevātra majjanāt satyaṁsatyaṁ punaḥ satyamuddhṛtya bhujamucyate

हे विप्रो! सुरापान आदि पाप यहाँ स्नान करने से नष्ट हो जाते हैं; सत्य, सत्य, और पुनः सत्य - मैं भुजा उठाकर यह कहता हूँ।

श्लोक 82 (skanda.3.33.82)

महापातकसंघाश्च नश्येयुर्मज्जनादिह य इमं पठतेऽध्यायं ब्रह्महत्याविमोक्षणम्

mahāpātakasaṁghāśca naśyeyurmajjanādiha ya imaṁ paṭhate'dhyāyaṁ brahmahatyāvimokṣaṇam

बड़े-बड़े पातकों के समूह भी यहाँ स्नान करने से नष्ट हो जाते हैं। जो कोई इस अध्याय को पढ़ता है, जो ब्रह्महत्या से मुक्ति की कथा है,

श्लोक 83 (skanda.3.33.83)

ब्रह्महत्या विनश्येत तत्क्षणान्नास्ति संशयः सुरापानादयोऽप्यस्य शांतिं गच्छेयुरंजसा

brahmahatyā vinaśyeta tatkṣaṇānnāsti saṁśayaḥ surāpānādayo'pyasya śāṁtiṁ gaccheyuraṁjasā

उसका ब्रह्महत्या का पाप उसी क्षण नष्ट हो जाता है, इसमें कोई संदेह नहीं; और उसके सुरापान आदि पाप भी सहज ही शांत हो जाते हैं।