शृगाल-वानर संवाद और सुमति-मुक्ति का उपाय

श्लोक 1 (skanda.3.34.1)

श्रीसूत उवाच इतिहासं पुनर्वक्ष्ये धनुष्कोटिप्रशंसनम् सृगालस्य च संवादं वानरस्य च सत्तमाः

śrīsūta uvāca itihāsaṁ punarvakṣye dhanuṣkoṭipraśaṁsanam sṛgālasya ca saṁvādaṁ vānarasya ca sattamāḥ

श्री सूतजी बोले - हे सत्तमो! मैं फिर से धनुष्कोटि की प्रशंसा में एक इतिहास कहूँगा - सियार और वानर का संवाद।

श्लोक 2 (skanda.3.34.2)

सृगालवानरौ पूर्वमास्तां जातिस्मरावुभौ पुरापि मानुषे भावे सखायौ तौ बभूवतुः

sṛgālavānarau pūrvamāstāṁ jātismarāvubhau purāpi mānuṣe bhāve sakhāyau tau babhūvatuḥ

पूर्वकाल में एक सियार और एक वानर रहते थे, दोनों जातिस्मर थे; पहले भी, मनुष्य रूप में, वे दोनों मित्र रह चुके थे।

श्लोक 3 (skanda.3.34.3)

अन्यां योनिं समापन्नौ सार्गालीं वानरीं तथा सख्यं समीयतुरुभौ सृगालो वानरो द्विजाः

anyāṁ yoniṁ samāpannau sārgālīṁ vānarīṁ tathā sakhyaṁ samīyaturubhau sṛgālo vānaro dvijāḥ

हे द्विजो! सियार और वानर की योनि में जन्म लेकर भी वे दोनों फिर से मित्रता को प्राप्त हुए।

श्लोक 4 (skanda.3.34.4)

कदाचिद्रुद्रभूमिष्ठं सृगालं वानरोऽब्रवीत् श्मशानमध्ये संप्रेक्ष्य पूर्वजातिमनुस्मरन्

kadācidrudrabhūmiṣṭhaṁ sṛgālaṁ vānaro'bravīt śmaśānamadhye saṁprekṣya pūrvajātimanusmaran

एक बार श्मशान में स्थित सियार को देखकर, अपने पूर्वजन्म का स्मरण करते हुए वानर ने उससे कहा -

श्लोक 5 (skanda.3.34.5)

वानर उवाच सृगाल पातकं पूर्वं किमकार्षीः सुदारुणम् यस्त्वं श्मशाने मृतकान्पूतिगंधांश्च कुत्सितान् अत्सीत्युक्तोऽथ कपिना सृगालस्तमभाषत

vānara uvāca sṛgāla pātakaṁ pūrvaṁ kimakārṣīḥ sudāruṇam yastvaṁ śmaśāne mṛtakānpūtigaṁdhāṁśca kutsitān atsītyukto'tha kapinā sṛgālastamabhāṣata

वानर ने कहा - "हे सियार! तुमने पहले ऐसा कौन-सा भयंकर पाप किया था कि तुम श्मशान में सड़ी दुर्गंध वाले घृणित शव खाते हो?" वानर के इस प्रकार कहने पर सियार ने उससे कहा -

श्लोक 6 (skanda.3.34.6)

सृगाल उवाच अहं पूर्वभवे ह्यासं ब्राह्मणो वेदपारगः

sṛgāla uvāca ahaṁ pūrvabhave hyāsaṁ brāhmaṇo vedapāragaḥ

सियार ने कहा - "मैं पूर्वजन्म में वेदपारंगत ब्राह्मण था,"

श्लोक 7 (skanda.3.34.7)

वेदशर्माभिधो विद्वान्सर्वकर्मकलापवित् ब्राह्मणाय प्रतिश्रुत्य न मया तत्र जन्मनि

vedaśarmābhidho vidvānsarvakarmakalāpavit brāhmaṇāya pratiśrutya na mayā tatra janmani

"जो वेदशर्मा नाम से विख्यात था, विद्वान और समस्त कर्मकांड में निपुण था। उस जन्म में मैंने किसी ब्राह्मण को वचन देकर,"

श्लोक 8 (skanda.3.34.8)

कपे धनं तदा दत्तं सृगालोऽहं ततोऽभवम् तस्मादेवंविधं भक्ष्यं भक्षयाम्यतिकुत्सितम्

kape dhanaṁ tadā dattaṁ sṛgālo'haṁ tato'bhavam tasmādevaṁvidhaṁ bhakṣyaṁ bhakṣayāmyatikutsitam

"हे वानर! उसे वह धन नहीं दिया; उसी से मैं सियार बना। इसीलिए मैं इस प्रकार का अत्यंत घृणित भोजन खाता हूँ।"

श्लोक 9 (skanda.3.34.9)

प्रतिश्रुत्य दुरात्मानो न प्रयच्छंति ये नराः कपे सृगालयोनिं ते प्राप्नुवंत्यतिकुत्सिताम्

pratiśrutya durātmāno na prayacchaṁti ye narāḥ kape sṛgālayoniṁ te prāpnuvaṁtyatikutsitām

"हे वानर! जो दुरात्मा मनुष्य वचन देकर नहीं देते, वे अत्यंत घृणित सियार-योनि को प्राप्त करते हैं।"

श्लोक 10 (skanda.3.34.10)

यो न दद्यात्प्रतिश्रुत्य स्वल्पं वा यदि वा बहु सर्वाशास्तस्य नष्टाः स्युः षंढस्येव प्रजोद्भवः

yo na dadyātpratiśrutya svalpaṁ vā yadi vā bahu sarvāśāstasya naṣṭāḥ syuḥ ṣaṁḍhasyeva prajodbhavaḥ

"जो व्यक्ति वचन देकर नहीं देता, चाहे थोड़ा हो या बहुत, उसकी सभी आशाएँ वैसे ही नष्ट हो जाती हैं जैसे नपुंसक की संतानोत्पत्ति की आशा।"

श्लोक 11 (skanda.3.34.11)

प्रतिश्रुत्याप्रदाने तु ब्राह्मणाय प्लवंगम दशजन्मार्जितं पुण्यं तत्क्षणादेव नश्यति

pratiśrutyāpradāne tu brāhmaṇāya plavaṁgama daśajanmārjitaṁ puṇyaṁ tatkṣaṇādeva naśyati

"हे वानर! ब्राह्मण को वचन देकर न देने से दस जन्मों में अर्जित पुण्य उसी क्षण नष्ट हो जाता है।"

श्लोक 12 (skanda.3.34.12)

प्रतिश्रुत्याप्रदानेन यत्पापमुपजायते नाश्वमेधशतेनापितत्पापं परिशुध्यति

pratiśrutyāpradānena yatpāpamupajāyate nāśvamedhaśatenāpitatpāpaṁ pariśudhyati

"वचन देकर न देने से जो पाप उत्पन्न होता है, वह सौ अश्वमेध यज्ञों से भी शुद्ध नहीं होता।"

श्लोक 13 (skanda.3.34.13)

न जानेहमिदं पापं कदा नष्टं भवेदिति तस्मात्प्रतिश्रुतं द्रव्यं दातव्यं विदुषा सदा

na jānehamidaṁ pāpaṁ kadā naṣṭaṁ bhavediti tasmātpratiśrutaṁ dravyaṁ dātavyaṁ viduṣā sadā

"मुझे नहीं पता कि यह पाप कब नष्ट होगा; इसलिए विद्वान व्यक्ति को सदा वचन दिया हुआ धन देना चाहिए।"

श्लोक 14 (skanda.3.34.14)

प्रतिश्रुत्याप्रदानेन सृगालो भवति ध्रुवम् तस्मात्प्राज्ञेन विदुषा दातव्यं हि प्रतिश्रुतम्

pratiśrutyāpradānena sṛgālo bhavati dhruvam tasmātprājñena viduṣā dātavyaṁ hi pratiśrutam

"वचन देकर न देने से मनुष्य निश्चय ही सियार होता है; इसलिए बुद्धिमान विद्वान को वचन दिया हुआ अवश्य देना चाहिए।"

श्लोक 15 (skanda.3.34.15)

इत्युक्त्वा स सृगालस्तं वानरं पुनरब्रवीत् भवता किं कृतं पापं येन वानरतामगात्

ityuktvā sa sṛgālastaṁ vānaraṁ punarabravīt bhavatā kiṁ kṛtaṁ pāpaṁ yena vānaratāmagāt

यह कहकर उस सियार ने फिर वानर से कहा - "तुमने ऐसा कौन-सा पाप किया कि तुम वानर-योनि को प्राप्त हुए?"

श्लोक 16 (skanda.3.34.16)

अनागसो वनचरान्पक्षिणो हिंसि वानर तत्पातकं वदस्वाद्य वानरत्वप्रदं मम इत्युक्तः स सृगालेन सृगालं वानरोऽब्रवीत्

anāgaso vanacarānpakṣiṇo hiṁsi vānara tatpātakaṁ vadasvādya vānaratvapradaṁ mama ityuktaḥ sa sṛgālena sṛgālaṁ vānaro'bravīt

"हे वानर! तुम निर्दोष वनवासी पक्षियों को कष्ट पहुँचाते हो; आज मुझे वह पातक बताओ जिससे तुम्हें वानरत्व प्राप्त हुआ।" सियार के इस प्रकार कहने पर वानर ने सियार से कहा -

श्लोक 17 (skanda.3.34.17)

वानर उवाच पुरा जन्मन्यहं विप्रो वेदनाथ इति स्मृतः

vānara uvāca purā janmanyahaṁ vipro vedanātha iti smṛtaḥ

वानर ने कहा - "पूर्वजन्म में मैं वेदनाथ नामक एक ब्राह्मण था।"

श्लोक 18 (skanda.3.34.18)

विश्वनाथो मम पिता ममांबा कमलालया सृगाल सख्यमभवदावयोः प्राग्भवेऽपि हि

viśvanātho mama pitā mamāṁbā kamalālayā sṛgāla sakhyamabhavadāvayoḥ prāgbhave'pi hi

"विश्वनाथ मेरे पिता थे और मेरी माता कमलालया थीं। हे सियार! उस पूर्व जन्म में भी हम दोनों में मित्रता थी।"

श्लोक 19 (skanda.3.34.19)

त्वं न जानासि तत्सर्वं वेद्म्यहं पुण्य गौरवात् तपसाराध्य गिरिशं तत्प्रसादात्पुरा मम

tvaṁ na jānāsi tatsarvaṁ vedmyahaṁ puṇya gauravāt tapasārādhya giriśaṁ tatprasādātpurā mama

"तुम यह सब नहीं जानते, परंतु मैं अपने पुण्य के प्रभाव से जानता हूँ; तप से गिरीश (शिव) की आराधना करके, उनकी कृपा से पहले,"

श्लोक 20 (skanda.3.34.20)

अतीतभाविविज्ञानमस्ति जन्मांतरेऽपि च गोमायो तद्भवे शाकं ब्राह्मणस्य हृतं मया

atītabhāvivijñānamasti janmāṁtare'pi ca gomāyo tadbhave śākaṁ brāhmaṇasya hṛtaṁ mayā

"मुझे भूत और भविष्य का ज्ञान, अन्य जन्मों तक का भी, प्राप्त हुआ है। हे गोमायु (सियार)! उस जन्म में मैंने एक ब्राह्मण की साग-सब्जी चुरा ली थी।"

श्लोक 21 (skanda.3.34.21)

तत्पापाद्वानरो जातो नरकानुभवादनु नाहर्तव्यं विप्रधनं हरणान्नरकं भवेत्

tatpāpādvānaro jāto narakānubhavādanu nāhartavyaṁ vipradhanaṁ haraṇānnarakaṁ bhavet

"उस पाप से नरक भोगने के बाद मैं वानर बना। ब्राह्मण के धन का हरण कभी नहीं करना चाहिए; उसके हरण से नरक प्राप्त होता है।"

श्लोक 22 (skanda.3.34.22)

अनंतरं वानरत्वं भविष्यति न संशयः तस्मान्न ब्राह्मणस्वं तु हर्तव्यं विदुषा सदा

anaṁtaraṁ vānaratvaṁ bhaviṣyati na saṁśayaḥ tasmānna brāhmaṇasvaṁ tu hartavyaṁ viduṣā sadā

"और उसके बाद निश्चय ही वानरत्व प्राप्त होता है। इसलिए विद्वान व्यक्ति को कभी भी ब्राह्मण के धन का हरण नहीं करना चाहिए।"

श्लोक 23 (skanda.3.34.23)

ब्रह्मस्वहरणात्पापमधिकं नैव विद्यते पीतवंतं विषं हंति ब्रह्मस्वं सकुलं दहेत्

brahmasvaharaṇātpāpamadhikaṁ naiva vidyate pītavaṁtaṁ viṣaṁ haṁti brahmasvaṁ sakulaṁ dahet

"ब्राह्मण के धन के हरण से बढ़कर कोई पाप नहीं है; विष तो पीने वाले को ही मारता है, परंतु ब्राह्मण का धन तो पूरे कुल को भस्म कर देता है।"

श्लोक 24 (skanda.3.34.24)

ब्रह्मस्वहरणात्पापी कुंभीपाकेषु पच्यते पश्चान्नरकशेषेण वानरीं योनिमश्नुते

brahmasvaharaṇātpāpī kuṁbhīpākeṣu pacyate paścānnarakaśeṣeṇa vānarīṁ yonimaśnute

"ब्राह्मण के धन का हरण करने वाला पापी कुंभीपाक नरक में पकाया जाता है; और उसके बाद उस नरक के शेष फल से वह वानर-योनि प्राप्त करता है।"

श्लोक 25 (skanda.3.34.25)

विप्रद्रव्यं न हर्तव्यं क्षंतव्यं तेष्वतः सदा बाला दरिद्राः कृपणा वेदशास्त्रादिवर्जिताः

vipradravyaṁ na hartavyaṁ kṣaṁtavyaṁ teṣvataḥ sadā bālā daridrāḥ kṛpaṇā vedaśāstrādivarjitāḥ

"ब्राह्मणों का द्रव्य कभी नहीं छीनना चाहिए; उनके प्रति सदा सहनशील रहना चाहिए, चाहे वे बालक हों, दरिद्र हों, दीन हों, या वेदशास्त्र से रहित ही क्यों न हों।"

श्लोक 26 (skanda.3.34.26)

ब्राह्मणा नावमंतव्याः क्रुद्धाश्चेदनलोपमाः अतीतानागतं ज्ञानं सृगालाखिलमस्ति मे

brāhmaṇā nāvamaṁtavyāḥ kruddhāścedanalopamāḥ atītānāgataṁ jñānaṁ sṛgālākhilamasti me

"ब्राह्मणों का अपमान कभी नहीं करना चाहिए; क्रुद्ध होने पर वे अग्नि के समान होते हैं। हे सियार! मुझे भूत और भविष्य का संपूर्ण ज्ञान है।"

श्लोक 27 (skanda.3.34.27)

ज्ञानमस्ति न मे त्वेकमेतत्पापविशोधनम् जातिस्मरोऽपि हि भवान्भाविकार्यं न बुध्यते

jñānamasti na me tvekametatpāpaviśodhanam jātismaro'pi hi bhavānbhāvikāryaṁ na budhyate

"परंतु एक ज्ञान मुझे नहीं है - इस पाप को शुद्ध करने का उपाय। तुम भी जातिस्मर हो, फिर भी भविष्य की बात नहीं जानते।"

श्लोक 28 (skanda.3.34.28)

अतीतेष्वपि किंचिज्ज्ञः प्रतिबंधवशाद्भवान् अतो भवान्न जानीते भाव्यतीतं तथाखिलम्

atīteṣvapi kiṁcijjñaḥ pratibaṁdhavaśādbhavān ato bhavānna jānīte bhāvyatītaṁ tathākhilam

"भूतकाल के विषय में भी तुम बाधाओं के कारण थोड़ा ही जानते हो; इसलिए तुम्हें भविष्य और अतीत का संपूर्ण ज्ञान नहीं है।"

श्लोक 29 (skanda.3.34.29)

कियत्कालं सृगालातो भुक्ता व्यसनमीदृशम् आवयोरस्य पापस्य को वा मोचयिता भवेत्

kiyatkālaṁ sṛgālāto bhuktā vyasanamīdṛśam āvayorasya pāpasya ko vā mocayitā bhavet

"हे सियार! कब तक हमें ऐसी विपत्ति भोगनी होगी? हम दोनों के इस पाप से हमें कौन मुक्त करेगा?"

श्लोक 30 (skanda.3.34.30)

एवं प्रब्रुवतोस्तत्र प्लवंगमसृगालयोः यदृच्छया दैवयोगात्पूर्वपुण्यवशाद्द्विजाः

evaṁ prabruvatostatra plavaṁgamasṛgālayoḥ yadṛcchayā daivayogātpūrvapuṇyavaśāddvijāḥ

इस प्रकार वानर और सियार के वहाँ बातचीत करते समय, संयोगवश, दैवयोग से और पूर्वपुण्य के प्रभाव से, हे द्विजो!

श्लोक 31 (skanda.3.34.31)

आययौ स महातेजाः सिंधुद्वीपाह्वयो मुनिः भस्मोद्धूलितसर्वांगस्त्रिपुंड्रांकितमस्तकः

āyayau sa mahātejāḥ siṁdhudvīpāhvayo muniḥ bhasmoddhūlitasarvāṁgastripuṁḍrāṁkitamastakaḥ

वहाँ सिंधुद्वीप नामक अत्यंत तेजस्वी मुनि आ पहुँचे, जिनका सारा शरीर भस्म से धूसरित था, जिनके मस्तक पर त्रिपुंड्र अंकित था,

श्लोक 32 (skanda.3.34.32)

रुद्राक्षमालाभरणः शिवनामानि कीर्तयन् सृगालवानरौ दृष्ट्वा सिंधुद्वीपाभिधं मुनिम् प्रणम्य मुदि तौ भूत्वा पप्रच्छतुरिदं तदा

rudrākṣamālābharaṇaḥ śivanāmāni kīrtayan sṛgālavānarau dṛṣṭvā siṁdhudvīpābhidhaṁ munim praṇamya mudi tau bhūtvā papracchaturidaṁ tadā

जो रुद्राक्ष माला से विभूषित थे और शिव के नामों का कीर्तन कर रहे थे। सिंधुद्वीप नामक उस मुनि को देखकर सियार और वानर ने प्रणाम करके, प्रसन्न होकर उनसे यह पूछा -

श्लोक 33 (skanda.3.34.33)

सृगालवानरावूचतुः भगवन्सर्वधर्मज्ञ सिंधुद्वीप महामुने

sṛgālavānarāvūcatuḥ bhagavansarvadharmajña siṁdhudvīpa mahāmune

सियार और वानर ने कहा - "हे भगवन! हे सर्वधर्मज्ञ महामुने सिंधुद्वीप!"

श्लोक 34 (skanda.3.34.34)

आवां रक्ष कृपादृष्ट्या विलोकय मुहुर्मुदा कपित्वं च सृगालत्वमावयोर्येन नश्यति

āvāṁ rakṣa kṛpādṛṣṭyā vilokaya muhurmudā kapitvaṁ ca sṛgālatvamāvayoryena naśyati

"हमारी रक्षा कीजिए, कृपादृष्टि से बार-बार प्रसन्नतापूर्वक हमें देखिए; जिससे हमारा वानरत्व और सियारत्व नष्ट हो जाए, वह उपाय बताइए।"

श्लोक 35 (skanda.3.34.35)

तमुपायं वदस्वाद्य त्वं हि पुण्यवतां वरः अनाथान्कृपणानज्ञान्बालान्रोगातुराञ्जनान्

tamupāyaṁ vadasvādya tvaṁ hi puṇyavatāṁ varaḥ anāthānkṛpaṇānajñānbālānrogāturāñjanān

"आज हमें वह उपाय बताइए, क्योंकि आप पुण्यवानों में श्रेष्ठ हैं; अनाथों, दीनों, अज्ञानियों, बालकों और रोगियों की -"

श्लोक 36 (skanda.3.34.36)

रक्षंति साधवो नित्यं कृपया निरपेक्षकाः ताभ्यामितीरितः प्राज्ञः सिंधुद्वीपो महामुनिः प्राह तौ कपिगोमायू ध्यात्वा तु मनसा चिरम्

rakṣaṁti sādhavo nityaṁ kṛpayā nirapekṣakāḥ tābhyāmitīritaḥ prājñaḥ siṁdhudvīpo mahāmuniḥ prāha tau kapigomāyū dhyātvā tu manasā ciram

"साधुजन सदा निःस्वार्थ भाव से कृपापूर्वक रक्षा करते हैं।" इस प्रकार उनके द्वारा कहे जाने पर बुद्धिमान महामुनि सिंधुद्वीप ने मन में बहुत देर तक विचार करके उन वानर और सियार से कहा -

श्लोक 37 (skanda.3.34.37)

सिंधुद्वीप उवाच जानाम्यहं युवां सम्यग्घे सृगालप्लवंगमौ

siṁdhudvīpa uvāca jānāmyahaṁ yuvāṁ samyagghe sṛgālaplavaṁgamau

सिंधुद्वीप ने कहा - "हे सियार और वानर! मैं तुम दोनों को भली-भाँति जानता हूँ।"

श्लोक 38 (skanda.3.34.38)

सृगाल प्राग्भवे त्वं वै वेदशर्माभिधो द्विजः ब्राह्मणाय प्रतिश्रुत्य धान्यानामाढकं त्वया

sṛgāla prāgbhave tvaṁ vai vedaśarmābhidho dvijaḥ brāhmaṇāya pratiśrutya dhānyānāmāḍhakaṁ tvayā

"हे सियार! पूर्वजन्म में तुम वेदशर्मा नामक ब्राह्मण थे; तुमने किसी ब्राह्मण को अनाज की एक आढ़क मात्रा का वचन देकर,"

श्लोक 39 (skanda.3.34.39)

न दत्तं तेन पापेन सार्गालीं योनिमाप्तवान् त्वं च वानर पूर्वस्मिन्वेदनाथाभिधो द्विजः

na dattaṁ tena pāpena sārgālīṁ yonimāptavān tvaṁ ca vānara pūrvasminvedanāthābhidho dvijaḥ

"वह नहीं दिया, और उस पाप से सियार-योनि प्राप्त की। और तुम, हे वानर! पूर्वजन्म में वेदनाथ नामक ब्राह्मण थे।"

श्लोक 40 (skanda.3.34.40)

ब्राह्मणस्य गृहाच्छाकं हृतं चौर्यात्त्वया तत प्राप्तोसि वानरीं योनिं सर्वपक्षिभयंकरीम्

brāhmaṇasya gṛhācchākaṁ hṛtaṁ cauryāttvayā tata prāptosi vānarīṁ yoniṁ sarvapakṣibhayaṁkarīm

"तुमने चोरी से किसी ब्राह्मण के घर से साग चुराया था; उसके कारण तुम्हें सभी पक्षियों को भयभीत करने वाली वानर-योनि प्राप्त हुई।"

श्लोक 41 (skanda.3.34.41)

युवयोः पापशांत्यर्थमुपायं प्रवदाम्यहम् दक्षिणांबुनिधौ रामधनुष्कोटौ युवामरम्

yuvayoḥ pāpaśāṁtyarthamupāyaṁ pravadāmyaham dakṣiṇāṁbunidhau rāmadhanuṣkoṭau yuvāmaram

"तुम दोनों के पाप की शांति के लिए मैं एक उपाय बताता हूँ: दक्षिण समुद्र में राम की धनुष्कोटि में तुम दोनों,"

श्लोक 42 (skanda.3.34.42)

गत्वात्र कुरुतं स्नानं तेन पापाद्विमोक्ष्यथः पुरा किरातीसंसर्गात्सुमतिर्ब्राह्मणः सुराम् पीतवान्त्स धनुष्कोटौ स्नात्वा पापाद्विमोचितः

gatvātra kurutaṁ snānaṁ tena pāpādvimokṣyathaḥ purā kirātīsaṁsargātsumatirbrāhmaṇaḥ surām pītavāntsa dhanuṣkoṭau snātvā pāpādvimocitaḥ

"वहाँ जाकर स्नान करो; उससे तुम पाप से मुक्त हो जाओगे। प्राचीन काल में एक किरात स्त्री के संसर्ग से सुमति नामक ब्राह्मण ने सुरापान किया था; वह भी धनुष्कोटि में स्नान करके पाप से मुक्त हुआ था।"

श्लोक 43 (skanda.3.34.43)

सृगाल वानरावूचतुः सुमतिः कस्य पुत्रोऽसौ कथं च स सुरां पपौ

sṛgāla vānarāvūcatuḥ sumatiḥ kasya putro'sau kathaṁ ca sa surāṁ papau

सियार और वानर ने कहा - "वह सुमति किसका पुत्र था, और उसने सुरापान कैसे किया?"

श्लोक 44 (skanda.3.34.44)

कथं किरात्यां सक्तोऽभूत्सिंधुद्वीप महामते आवयोर्विस्तरादेतद्वद त्वं कृपायाधुना

kathaṁ kirātyāṁ sakto'bhūtsiṁdhudvīpa mahāmate āvayorvistarādetadvada tvaṁ kṛpāyādhunā

"हे महामते सिंधुद्वीप! वह किरात स्त्री में कैसे आसक्त हुआ? कृपया आज हमें यह विस्तार से बताइए।"

श्लोक 45 (skanda.3.34.45)

सिंधुद्वीप उवाच महाराष्ट्राभिधे देशे ब्राह्मणः कश्चिदास्तिकः यज्ञदेव इति ख्यातो वेदवेदांगपारगः

siṁdhudvīpa uvāca mahārāṣṭrābhidhe deśe brāhmaṇaḥ kaścidāstikaḥ yajñadeva iti khyāto vedavedāṁgapāragaḥ

सिंधुद्वीप ने कहा - "महाराष्ट्र नामक देश में यज्ञदेव नामक एक आस्तिक ब्राह्मण था, जो वेद-वेदांगों में पारंगत था।"

श्लोक 46 (skanda.3.34.46)

दयालुरातिथेयश्च शिवनारायणार्चकः सुमतिर्नाम पुत्रोऽभूद्यज्ञदेवस्य तस्य वै

dayālurātitheyaśca śivanārāyaṇārcakaḥ sumatirnāma putro'bhūdyajñadevasya tasya vai

वह दयालु, अतिथिप्रेमी और शिव-नारायण का पूजक था। उस यज्ञदेव के सुमति नामक एक पुत्र था।

श्लोक 47 (skanda.3.34.47)

पितरौ स परित्यज्य भार्यामपि पतिव्रताम् प्रययावुत्कले देशे विटगोष्ठीपरायणः

pitarau sa parityajya bhāryāmapi pativratām prayayāvutkale deśe viṭagoṣṭhīparāyaṇaḥ

वह अपने माता-पिता और अपनी पतिव्रता पत्नी को भी छोड़कर, दुराचारियों की संगति में तत्पर होकर उत्कल देश को चला गया।

श्लोक 48 (skanda.3.34.48)

काचित्किराती तद्देशे वसन्ती युवमोहिनी यूनां समस्तद्रव्याणि प्रलोभ्य जगृहे चिरम्

kācitkirātī taddeśe vasantī yuvamohinī yūnāṁ samastadravyāṇi pralobhya jagṛhe ciram

उस देश में रहने वाली एक किरात स्त्री, जो युवकों को मोहित कर लेती थी, बहुत समय से युवकों को लुभाकर उनका सारा धन हड़प लेती थी।

श्लोक 49 (skanda.3.34.49)

तस्या गृहं स प्रययौ सुमतिर्ब्राह्मणाधमः सुमतिं सा न जग्राह किराती निर्धनं द्विजम्

tasyā gṛhaṁ sa prayayau sumatirbrāhmaṇādhamaḥ sumatiṁ sā na jagrāha kirātī nirdhanaṁ dvijam

वह अधम ब्राह्मण सुमति उसके घर गया; परंतु उस निर्धन ब्राह्मण सुमति को उस किरात स्त्री ने स्वीकार नहीं किया।

श्लोक 50 (skanda.3.34.50)

तया त्यक्तोऽथ सुमतिस्तत्संयोगैकतत्परः इतस्ततश्चोरयित्वा बहुद्रव्याणि संततम्

tayā tyakto'tha sumatistatsaṁyogaikatatparaḥ itastataścorayitvā bahudravyāṇi saṁtatam

उसके द्वारा त्यागे जाने पर सुमति, केवल उसके संग की कामना में लीन होकर, इधर-उधर से निरंतर बहुत सा धन चुराकर,

श्लोक 51 (skanda.3.34.51)

दत्त्वा तया चिरं रेमे तद्ग्रहे बुभुजे च सः एकेन चषकेणासौ तया सह सुरां पपौ

dattvā tayā ciraṁ reme tadgrahe bubhuje ca saḥ ekena caṣakeṇāsau tayā saha surāṁ papau

उसे उसे देकर उसके घर में बहुत समय तक भोग-विलास करता रहा; एक ही प्याले से उसने उसके साथ सुरापान भी किया।

श्लोक 52 (skanda.3.34.52)

एवं स बहुकालं वै रममाणस्तया सह पितरौ निजपत्नीं च नास्मरद्विषयातुरः

evaṁ sa bahukālaṁ vai ramamāṇastayā saha pitarau nijapatnīṁ ca nāsmaradviṣayāturaḥ

इस प्रकार उसके साथ बहुत काल तक रमण करते हुए, विषयों में आसक्त होकर, उसे अपने माता-पिता और अपनी पत्नी का स्मरण भी नहीं रहा।

श्लोक 53 (skanda.3.34.53)

स कदाचित्किरातैस्तु चौर्यं कर्तुं ययौ सह द्रव्यं हर्तुं किरातास्ते लाटानां विषयं ययुः

sa kadācitkirātaistu cauryaṁ kartuṁ yayau saha dravyaṁ hartuṁ kirātāste lāṭānāṁ viṣayaṁ yayuḥ

एक बार वह किरातों के साथ चोरी करने गया; वे किरात धन चुराने के लिए लाट देश में गए।

श्लोक 54 (skanda.3.34.54)

विप्रस्य कस्यचिद्गेहे सोऽपि कैरातवेषधृक् ययौ चोरयितुं द्रव्यं साहसी खङ्गहस्तवान्

viprasya kasyacidgehe so'pi kairātaveṣadhṛk yayau corayituṁ dravyaṁ sāhasī khaṅgahastavān

किरात का वेश धारण किए हुए वह भी, साहसी होकर, हाथ में तलवार लिए किसी ब्राह्मण के घर से धन चुराने गया।

श्लोक 55 (skanda.3.34.55)

तद्गृहस्वामिनं विप्रं हत्वा खड्गेन साहसी समादाय बहु द्रव्यं किरातीभवनं ययौ

tadgṛhasvāminaṁ vipraṁ hatvā khaḍgena sāhasī samādāya bahu dravyaṁ kirātībhavanaṁ yayau

उस साहसी ने तलवार से उस घर के स्वामी ब्राह्मण की हत्या करके, बहुत सा धन लेकर किरातिनी के घर की ओर प्रस्थान किया।

श्लोक 56 (skanda.3.34.56)

तं यांतमनुयाति स्म ब्रह्महत्या भयंकरी नीलवस्त्रधरा भीमा भृशं रक्तशिरोरुहा

taṁ yāṁtamanuyāti sma brahmahatyā bhayaṁkarī nīlavastradharā bhīmā bhṛśaṁ raktaśiroruhā

उसके पीछे-पीछे भयंकर ब्रह्महत्या चलने लगी, जो नीले वस्त्र पहने, भीषण रूप वाली और अत्यंत लाल केशों वाली थी,

श्लोक 57 (skanda.3.34.57)

गर्जंती साट्टहासं सा कंपयन्ती च रोदसी अनुद्रुतस्तया सोऽयं बभ्राम जगतीतले

garjaṁtī sāṭṭahāsaṁ sā kaṁpayantī ca rodasī anudrutastayā so'yaṁ babhrāma jagatītale

जो जोर से अट्टहास करती हुई गरज रही थी और आकाश-पृथ्वी को कंपा रही थी; उसके द्वारा खदेड़े जाने पर वह पृथ्वी पर इधर-उधर भटकता रहा।

श्लोक 58 (skanda.3.34.58)

एवं भ्रमन्भुवं सर्वां कदाचित्सुमतिः स्वयम् स्वं ग्रामं प्रययौ भीत्या हे सृगालप्लवंगमौ

evaṁ bhramanbhuvaṁ sarvāṁ kadācitsumatiḥ svayam svaṁ grāmaṁ prayayau bhītyā he sṛgālaplavaṁgamau

हे सियार और वानर! इस प्रकार सारी पृथ्वी पर भटकते हुए सुमति स्वयं अंततः भय के कारण अपने ही गाँव को चला गया।

श्लोक 59 (skanda.3.34.59)

अनुद्रुतस्तया भीतः प्रययौ स्वगृहं प्रति ब्रह्महत्याप्यनुद्रुत्य तेन साकं गृहं ययौ

anudrutastayā bhītaḥ prayayau svagṛhaṁ prati brahmahatyāpyanudrutya tena sākaṁ gṛhaṁ yayau

उससे खदेड़े जाकर, भयभीत होकर, वह अपने घर की ओर गया; और ब्रह्महत्या भी उसका पीछा करते हुए उसके साथ उसी घर में पहुँच गई।

श्लोक 60 (skanda.3.34.60)

पितरं रक्ष रक्षेति सुमतिः शरणं ययौ मा भैषीरिति तं प्रोच्य पिता रक्षितुमुद्यतः तदानीं ब्रह्महत्येयं तत्तातं प्रत्यभाषत

pitaraṁ rakṣa rakṣeti sumatiḥ śaraṇaṁ yayau mā bhaiṣīriti taṁ procya pitā rakṣitumudyataḥ tadānīṁ brahmahatyeyaṁ tattātaṁ pratyabhāṣata

"पिता जी, रक्षा कीजिए, रक्षा कीजिए!" ऐसा कहते हुए सुमति ने पिता की शरण ली। "डरो मत," ऐसा कहकर पिता उसकी रक्षा के लिए तत्पर हुए। तभी उस ब्रह्महत्या ने उसके पिता से कहा -

श्लोक 61 (skanda.3.34.61)

ब्रह्महत्योवाच मैनं त्वं प्रतिगृह्णीष्व यज्ञदेव द्विजोत्तम

brahmahatyovāca mainaṁ tvaṁ pratigṛhṇīṣva yajñadeva dvijottama

ब्रह्महत्या ने कहा - "हे द्विजोत्तम यज्ञदेव! इसे स्वीकार मत करो।"

श्लोक 62 (skanda.3.34.62)

असौ सुरापी स्तेयी च ब्रह्महा चातिपातकी मातृद्रोही पितृद्रोही भार्यात्यागी च पापकृत्

asau surāpī steyī ca brahmahā cātipātakī mātṛdrohī pitṛdrohī bhāryātyāgī ca pāpakṛt

"यह सुरापी, चोर, ब्रह्महत्यारा और अत्यंत पातकी है; यह माता का द्रोही, पिता का द्रोही और पत्नी का त्यागी पापकर्मी है।"

श्लोक 63 (skanda.3.34.63)

किरातीसंगदुष्टश्च नैनं मुञ्चाम्यहं द्विज गृह्णासि चेदिमं विप्र महापातकिनं सुतम्

kirātīsaṁgaduṣṭaśca nainaṁ muñcāmyahaṁ dvija gṛhṇāsi cedimaṁ vipra mahāpātakinaṁ sutam

"यह किरातिनी के संग से दूषित हो चुका है; हे द्विज! मैं इसे नहीं छोड़ूँगी। हे विप्र! यदि तुम इस महापातकी पुत्र को स्वीकार करते हो,"

श्लोक 64 (skanda.3.34.64)

त्वद्भार्यामस्य भार्यां च त्वां च पुत्रमिमं द्विज भक्षयिष्यामि वंशं च तस्मान्मुञ्च सुतं त्विमम्

tvadbhāryāmasya bhāryāṁ ca tvāṁ ca putramimaṁ dvija bhakṣayiṣyāmi vaṁśaṁ ca tasmānmuñca sutaṁ tvimam

"तो हे द्विज! मैं तुम्हारी पत्नी, इसकी पत्नी, तुम्हें, इस पुत्र को और तुम्हारे समस्त कुल को भक्षण कर लूँगी; इसलिए इस पुत्र को त्याग दो।"

श्लोक 65 (skanda.3.34.65)

इमं त्यजसि चेत्पुत्रं युष्मान्मोक्ष्यामि सांप्रतम् नैकस्यार्थे कुलं हन्तुमर्हसि त्वं महामते इत्युक्तः स तया तत्र यज्ञदेवोऽब्रवीच्च ताम्

imaṁ tyajasi cetputraṁ yuṣmānmokṣyāmi sāṁpratam naikasyārthe kulaṁ hantumarhasi tvaṁ mahāmate ityuktaḥ sa tayā tatra yajñadevo'bravīcca tām

"यदि तुम इस पुत्र को त्याग दोगे, तो मैं तुम सबको अभी मुक्त कर दूँगी। हे महामते! एक के लिए तुम्हें अपने पूरे कुल को नष्ट नहीं करना चाहिए।" उसके इस प्रकार कहने पर यज्ञदेव ने उससे कहा -

श्लोक 66 (skanda.3.34.66)

यज्ञदेव उवाच बाधते मां सुतस्नेहः कथमेनं परित्यजे ब्रह्महत्या तदाकर्ण्य द्विजोक्तं तमभाषत

yajñadeva uvāca bādhate māṁ sutasnehaḥ kathamenaṁ parityaje brahmahatyā tadākarṇya dvijoktaṁ tamabhāṣata

यज्ञदेव ने कहा - "पुत्र-स्नेह मुझे पीड़ा दे रहा है; मैं इसे कैसे त्याग दूँ?" द्विज के इस वचन को सुनकर ब्रह्महत्या ने उससे कहा -

श्लोक 67 (skanda.3.34.67)

ब्रह्महत्योवाच अयं हि पतितोऽभूत्ते वर्णाश्रमबहिष्कृतः

brahmahatyovāca ayaṁ hi patito'bhūtte varṇāśramabahiṣkṛtaḥ

ब्रह्महत्या ने कहा - "तुम्हारा यह पुत्र पतित हो चुका है, वर्णाश्रम से बहिष्कृत हो चुका है।"

श्लोक 68 (skanda.3.34.68)

पुत्रेस्मिन्मा कुरु स्नेहं निंदितं तस्य दर्शनम् इत्युक्त्वा ब्रह्महत्या सा यज्ञदेवस्य पश्यतः

putresminmā kuru snehaṁ niṁditaṁ tasya darśanam ityuktvā brahmahatyā sā yajñadevasya paśyataḥ

"इस पुत्र के प्रति स्नेह मत रखो; इसका दर्शन भी निंदित है।" यह कहकर वह ब्रह्महत्या यज्ञदेव के देखते-देखते,

श्लोक 69 (skanda.3.34.69)

तलेन प्रजहारास्य पुत्रं सुमतिनामकम् रुरोद तात तातेति पितरं प्रब्रुवन्मुहुः

talena prajahārāsya putraṁ sumatināmakam ruroda tāta tāteti pitaraṁ prabruvanmuhuḥ

अपने हाथ की हथेली से उस सुमति नामक पुत्र पर प्रहार करने लगी; वह बार-बार "पिताजी, पिताजी!" कहकर पिता को पुकारते हुए रोने लगा।

श्लोक 70 (skanda.3.34.70)

रुरुदुर्जनको माता भार्यापि सुमतेस्तदा एतस्मिन्नंतरे तत्र दुर्वासाः शंकरांशजः

rurudurjanako mātā bhāryāpi sumatestadā etasminnaṁtare tatra durvāsāḥ śaṁkarāṁśajaḥ

तब सुमति के लिए उनके पिता, माता और पत्नी भी रोने लगे। इसी बीच वहाँ शंकर के अंश से उत्पन्न दुर्वासा,

श्लोक 71 (skanda.3.34.71)

दिष्टवा समाययौ योगी हे सृगालप्लवंगमौ यज्ञदेवोऽथ तं दृष्ट्वा मुनिं रुद्रावतारकम् श्रुत्वा प्रणम्य शरणं ययाचे पुत्रकारणात्

diṣṭavā samāyayau yogī he sṛgālaplavaṁgamau yajñadevo'tha taṁ dṛṣṭvā muniṁ rudrāvatārakam śrutvā praṇamya śaraṇaṁ yayāce putrakāraṇāt

हे सियार और वानर! वह योगी सौभाग्यवश वहाँ आ पहुँचे। तब यज्ञदेव ने उन रुद्रावतार मुनि को देखकर, उनके विषय में सुनकर, प्रणाम करके अपने पुत्र के लिए शरण माँगी।

श्लोक 72 (skanda.3.34.72)

पितोवाच दुर्वासस्त्वं महायोगी साक्षाद्वै शंकरांशजः

pitovāca durvāsastvaṁ mahāyogī sākṣādvai śaṁkarāṁśajaḥ

पिता ने कहा - "हे दुर्वासा! आप महायोगी हैं, साक्षात शंकर के अंश से उत्पन्न हैं।"

श्लोक 73 (skanda.3.34.73)

त्वद्दर्शनमपुण्यानां भविता न कदाचन ब्रह्महा च सुरापी च स्तेयी चाभूत्सुतो मम

tvaddarśanamapuṇyānāṁ bhavitā na kadācana brahmahā ca surāpī ca steyī cābhūtsuto mama

"आपका दर्शन पुण्यहीनों को कभी प्राप्त नहीं होता। मेरा पुत्र ब्रह्महत्यारा, सुरापी और चोर बन गया है।"

श्लोक 74 (skanda.3.34.74)

एनं प्रहर्तुमायाता ब्रह्महत्या विवर्तते भूयाद्यथा मे पुत्रोऽयं महापातकमोचितः

enaṁ prahartumāyātā brahmahatyā vivartate bhūyādyathā me putro'yaṁ mahāpātakamocitaḥ

"यह ब्रह्महत्या इसे मारने के लिए आई है और यहीं मंडरा रही है; ऐसा कीजिए कि मेरा यह पुत्र इस महापातक से मुक्त हो जाए,"

श्लोक 75 (skanda.3.34.75)

घोरा च ब्रह्महत्येयं यथा शीघ्रं लयं व्रजेत् तमुपायं वदस्वाद्य मम पुत्रे दयां कुरु

ghorā ca brahmahatyeyaṁ yathā śīghraṁ layaṁ vrajet tamupāyaṁ vadasvādya mama putre dayāṁ kuru

"और यह भयंकर ब्रह्महत्या शीघ्र ही नष्ट हो जाए। आज मुझे वह उपाय बताइए; मेरे पुत्र पर दया कीजिए।"

श्लोक 76 (skanda.3.34.76)

अयमेव हि पुत्रो मे नान्योऽस्ति तनयो मुने अस्मिन्मृते तु वंशो मे समुच्छिद्येत्समूलतः

ayameva hi putro me nānyo'sti tanayo mune asminmṛte tu vaṁśo me samucchidyetsamūlataḥ

"हे मुने! यही मेरा एकमात्र पुत्र है, मेरा और कोई संतान नहीं है। इसके मरने पर मेरा वंश समूल नष्ट हो जाएगा।"

श्लोक 77 (skanda.3.34.77)

ततः पितृभ्यः पिंडानां दातापि न भवेद्ध्रुवम् अतः कृपां कुरुष्व त्वमस्मासु भगवन्मुने

tataḥ pitṛbhyaḥ piṁḍānāṁ dātāpi na bhaveddhruvam ataḥ kṛpāṁ kuruṣva tvamasmāsu bhagavanmune

"तब हमारे पितरों को पिंड देने वाला भी कोई नहीं रह जाएगा; इसलिए हे भगवन मुने! हम पर कृपा कीजिए।"

श्लोक 78 (skanda.3.34.78)

इत्युक्तः स तदोवाच दुर्वासाः शंकरांशजः ध्यात्वा तु सुचिरं कालं यज्ञदेवं द्विजोत्तमम्

ityuktaḥ sa tadovāca durvāsāḥ śaṁkarāṁśajaḥ dhyātvā tu suciraṁ kālaṁ yajñadevaṁ dvijottamam

इस प्रकार कहे जाने पर शंकर के अंश दुर्वासा ने बहुत देर तक विचार करके द्विजोत्तम यज्ञदेव से यह कहा -

श्लोक 79 (skanda.3.34.79)

दुर्वासा उवाच य़ज्ञदेव कृतं पापमतिक्रूरं सुतेन ते नास्य पापस्य शांतिः स्यात्प्रायश्चित्तायुतैरपि

durvāsā uvāca ya़jñadeva kṛtaṁ pāpamatikrūraṁ sutena te nāsya pāpasya śāṁtiḥ syātprāyaścittāyutairapi

दुर्वासा ने कहा - "हे यज्ञदेव! तुम्हारे पुत्र द्वारा अत्यंत क्रूर पाप किया गया है; इस पाप की शांति दस हजार प्रायश्चित्तों से भी नहीं हो सकती।"

श्लोक 80 (skanda.3.34.80)

अथापि ते सुतस्याहमस्य पापस्य शांतये प्रायश्चित्तं वदिष्यामि शृणु नान्यमना द्विज

athāpi te sutasyāhamasya pāpasya śāṁtaye prāyaścittaṁ vadiṣyāmi śṛṇu nānyamanā dvija

"फिर भी तुम्हारे इस पुत्र के पाप की शांति के लिए मैं एक प्रायश्चित्त बताता हूँ; हे द्विज! एकाग्रचित्त होकर सुनो।"

श्लोक 81 (skanda.3.34.81)

श्रीरामधनुषः कोटौ दक्षिणे सलिलार्णवे स्नाति चेत्तव पुत्रोऽयं पातकान्मोक्ष्यते क्षणात्

śrīrāmadhanuṣaḥ koṭau dakṣiṇe salilārṇave snāti cettava putro'yaṁ pātakānmokṣyate kṣaṇāt

"यदि तुम्हारा यह पुत्र दक्षिण के समुद्र में स्थित श्रीराम के धनुष की कोटि (धनुष्कोटि) में स्नान करे, तो वह क्षणमात्र में अपने पापों से मुक्त हो जाएगा।"

श्लोक 82 (skanda.3.34.82)

दुर्विनीताभिधो विप्रो यत्र स्नानाद्द्विजोत्तम गुरुस्त्रीगम पापेभ्यस्तत्क्षणादेव मोचितः

durvinītābhidho vipro yatra snānāddvijottama gurustrīgama pāpebhyastatkṣaṇādeva mocitaḥ

"हे द्विजोत्तम! वहीं दुर्विनीत नामक ब्राह्मण भी स्नान करके गुरुस्त्रीगमन के पापों से उसी क्षण मुक्त हो गया था।"

श्लोक 83 (skanda.3.34.83)

सैषा श्रीधनुषः कोटी राघवस्य स्वयं हरेः स्नानमात्रेण पापौघं नाशयेत्त्वत्सुतस्य सा

saiṣā śrīdhanuṣaḥ koṭī rāghavasya svayaṁ hareḥ snānamātreṇa pāpaughaṁ nāśayettvatsutasya sā

"यही राघव, स्वयं हरि के धनुष की वह कोटि है; स्नानमात्र से वह तुम्हारे पुत्र के पापों के समूह का नाश कर देगी।"