रामचरित्र वर्णन

श्लोक 1 (skanda.3.82.1)

व्यास उवाच । पुरा त्रेतायुगे प्राप्ते वैष्णवांशो रघूद्वहः सूर्यवंशे समुत्पन्नो रामो राजीवलोचनः

vyāsa uvāca purā tretāyuge prāpte vaiṣṇavāṁśo raghūdvahaḥ sūryavaṁśe samutpanno rāmo rājīvalocanaḥ

व्यास जी ने कहा — प्राचीन काल में त्रेतायुग आने पर, विष्णु के अंश रघुकुल-प्रधान, कमलनयन राम सूर्यवंश में उत्पन्न हुए।

श्लोक 2 (skanda.3.82.2)

स रामो लक्ष्मणश्चैव काकपक्षधरावुभौ तातस्य वचनात्तौ तु विश्वामित्रमनुव्रतौ

sa rāmo lakṣmaṇaś caiva kākapakṣadharāv ubhau tātasya vacanāt tau tu viśvāmitram anuvratau

राम और लक्ष्मण, दोनों बालवेश धारण किये, पिता के आदेश से विश्वामित्र के अनुव्रती हुए।

श्लोक 3 (skanda.3.82.3)

यज्ञसंरक्षणार्थाय राज्ञा दत्तौ कुमारकौ धनुःशरधरौ वीरौ पितुर्वचनपालकौ

yajñasaṁrakṣaṇārthāya rājñā dattau kumārakau dhanuḥśaradharau vīrau pitur vacanapālakau

यज्ञ की रक्षा के लिए राजा (दशरथ) ने वे दोनों राजकुमार सौंप दिये; धनुष-बाण धारण करने वाले, पिता के वचन का पालन करने वाले वीर बालक।

श्लोक 4 (skanda.3.82.4)

पथि प्रव्रजतो यावत्ताडकानाम राक्षसी तावदागम्य पुरतस्तस्थौ वै विघ्नकारणात्

pathi pravrajato yāvat tāḍakā nāma rākṣasī tāvad āgamya purataḥ tasthau vai vighnakāraṇāt

मार्ग में चलते हुए ही ताड़का नामक राक्षसी विघ्न डालने के उद्देश्य से आकर उनके सामने आ खड़ी हुई।

श्लोक 5 (skanda.3.82.5)

ऋषेरनुज्ञया रामस्ताडकां समघातयत्। प्रादिशच्च धनुर्वेदविद्यां रामाय गाधिजः

ṛṣer anujñayā rāmas tāḍakāṁ samaghātayat prādiśac ca dhanurvedavidyāṁ rāmāya gādhijaḥ

ऋषि की आज्ञा से राम ने ताड़का का वध कर दिया, और गाधि-पुत्र विश्वामित्र ने राम को धनुर्वेद विद्या प्रदान की।

श्लोक 6 (skanda.3.82.6)

तस्य पादतलस्पर्शाच्छिला वासवयोगतः अहल्या गौतमवधूः पुनर्जाता स्वरूपिणी

tasya pādatalasparśāc chilā vāsavayogataḥ ahalyā gautamavadhūḥ punarjātā svarūpiṇī

उनके चरण-स्पर्श से, इन्द्र के संसर्ग से शिला बनी हुई गौतम-पत्नी अहल्या पुनः अपने वास्तविक रूप में लौट आयी।

श्लोक 7 (skanda.3.82.7)

विश्वामित्रस्य यज्ञे तु संप्रवृत्ते रघूत्तमः मारीचं च सुबाहुं च जघान परमेषुभिः

viśvāmitrasya yajñe tu saṁpravṛtte raghūttamaḥ mārīcaṁ ca subāhuṁ ca jaghāna parameṣubhiḥ

विश्वामित्र का यज्ञ आरंभ होने पर उस श्रेष्ठ रघुवंशी राम ने अपने उत्तम बाणों से मारीच और सुबाहु का वध किया।

श्लोक 8 (skanda.3.82.8)

ईश्वरस्य धनुर्भग्नं जनकस्य गृहे स्थितम् रामः पंचदशे वर्षे षड्वर्षां चैव मैथिलीम्

īśvarasya dhanur bhagnaṁ janakasya gṛhe sthitam rāmaḥ pañcadaśe varṣe ṣaḍvarṣāṁ caiva maithilīm

जनक के घर रखा शिव का धनुष तोड़ा गया; राम ने अपने पंद्रहवें वर्ष में छह वर्ष की मैथिली (सीता) से विवाह किया।

श्लोक 9 (skanda.3.82.9)

उपयेमे तदा राजन्रम्यां सीतामयोनिजाम् कृतकृत्यस्तदा जातः सीतां संप्राप्य राघवः

upayeme tadā rājan ramyāṁ sītām ayonijām kṛtakṛtyas tadā jātaḥ sītāṁ saṁprāpya rāghavaḥ

हे राजन्! तब राम ने उस लावण्यमयी, अयोनिजा सीता से विवाह किया; सीता को पाकर राघव कृतकृत्य हो गये।

श्लोक 10 (skanda.3.82.10)

अयोध्यामगमन्मार्गे जामदग्न्यमवेक्ष्य च संग्रामोऽभूत्तदा राजन्देवानामपि दुःसहः

ayodhyām agaman mārge jāmadagnyam avekṣya ca saṁgrāmo 'bhūt tadā rājan devānām api duḥsahaḥ

अयोध्या लौटते समय मार्ग में परशुराम (जमदग्नि-पुत्र) से भेंट हुई; तब ऐसा संग्राम हुआ, हे राजन्! जो देवताओं के लिए भी असहनीय था।

श्लोक 11 (skanda.3.82.11)

ततो रामं पराजित्य सीतया गृहमागतः ततो द्वादशवर्षाणि रेमे रामस्तया सह

tato rāmaṁ parājitya sītayā gṛham āgataḥ tato dvādaśavarṣāṇi reme rāmas tayā saha

फिर राम (परशुराम के अभिमान को) परास्त कर सीता सहित घर लौटे; तत्पश्चात् राम ने बारह वर्षों तक उनके साथ आनंद-सुख भोगा।

श्लोक 12 (skanda.3.82.12)

एकविंशतिमे वर्षे यौवराज्यप्रदायकम् राजानमथ कैकेयी वरद्वयमयाच त

ekaviṁśatime varṣe yauvarājyapradāyakam rājānam atha kaikeyī varadvayam ayācata

इक्कीसवें वर्ष में, युवराज्याभिषेक की तैयारी होने पर कैकेयी ने राजा से दो वरों की माँग की।

श्लोक 13 (skanda.3.82.13)

तयोरेकेन रामस्तु ससीतः सहलक्ष्मणः जटाधरः प्रव्रजतां वर्षाणीह चतुर्दश

tayor ekena rāmas tu sasītaḥ sahalakṣmaṇaḥ jaṭādharaḥ pravrajatāṁ varṣāṇīha caturdaśa

उनमें से एक वर के द्वारा — सीता और लक्ष्मण सहित, जटा धारण किये हुए राम चौदह वर्षों के लिए वनवास को चले जाएँ —

श्लोक 14 (skanda.3.82.14)

भरतस्तु द्वितीयेन यौवराज्याधिपोस्तु मे मंथरावचनान्मूढा वरमेतमयाचत

bharatas tu dvitīyena yauvarājyādhipos tu me mantharāvacanān mūḍhā varam etam ayācata

— और दूसरे वर से भरत मेरे युवराज्य का अधिपति बने। मंथरा के वचनों से मोहित होकर मूढ़ कैकेयी ने ये वर माँगे।

श्लोक 15 (skanda.3.82.15)

जानकीलक्ष्मणसखं रामं प्राव्राजयन्नृपः त्रिरात्रमुदकाहारश्चतुर्थेह्नि फलाशनः

jānakīlakṣmaṇasakhaṁ rāmaṁ prāvrājayan nṛpaḥ trirātram udakāhāraś caturthe 'hni phalāśanaḥ

राजा ने जानकी और लक्ष्मण के साथी राम को वन भेज दिया; तीन रात्रि तक वे केवल जल पीकर रहे, और चौथे दिन फल खाकर।

श्लोक 16 (skanda.3.82.16)

पञ्चमे चित्रकूटे तु रामो वासमकल्पयत् तदा दशरथः स्वर्गं गतो राम इति ब्रुवन्

pañcame citrakūṭe tu rāmo vāsam akalpayat tadā daśarathaḥ svargaṁ gato rāma iti bruvan

पाँचवें दिन राम ने चित्रकूट में निवास स्थापित किया; उसी समय दशरथ 'राम, राम' कहते हुए स्वर्ग को चले गये।

श्लोक 17 (skanda.3.82.17)

ब्रह्मशापं तु सफलं कृत्वा स्वर्गं जगाम किम् ततो भरत शत्रुघ्नौ चित्रकूटे समागतौ

brahmaśāpaṁ tu saphalaṁ kṛtvā svargaṁ jagāma kim tato bharataśatrughnau citrakūṭe samāgatau

इस प्रकार ब्रह्मशाप को सफल कर वे स्वर्ग को गये। तत्पश्चात् भरत और शत्रुघ्न चित्रकूट में उनसे मिलने आये।

श्लोक 18 (skanda.3.82.18)

स्वर्गतं पितरं राजन्रामाय विनिवेद्य च सांत्वनं भरतस्यास्य कृत्वा निवर्तनं प्रति

svargataṁ pitaraṁ rājan rāmāya vinivedya ca sāṁtvanaṁ bharatasyāsya kṛtvā nivartanaṁ prati

हे राजन्! उन्होंने राम को पिता के स्वर्गवास की सूचना दी; राम ने भरत को सांत्वना देकर लौटने के लिए कहा।

श्लोक 19 (skanda.3.82.19)

ततो भरत शत्रुघ्नौ नंदिग्रामं समागतौ पादुकापूजनरतौ तत्र राज्यधरावुभौ

tato bharataśatrughnau naṁdigrāmaṁ samāgatau pādukāpūjanaratau tatra rājyadharāv ubhau

तत्पश्चात् भरत और शत्रुघ्न नंदिग्राम लौट आये, और वहाँ राम की खड़ाऊँ की पूजा करते हुए दोनों ने राज्य-भार सम्भाला।

श्लोक 20 (skanda.3.82.20)

अत्रिं दृष्ट्वा महात्मानं दण्डकारण्यमागमत रक्षोगणवधारम्भे विराधे विनिपातिते

atriṁ dṛṣṭvā mahātmānaṁ daṇḍakāraṇyam āgamat rakṣogaṇavadhārambhe virādhe vinipātite

महात्मा अत्रि का दर्शन कर राम दण्डकारण्य पहुँचे; राक्षस-वध का आरंभ करते हुए उन्होंने विराध का वध किया।

श्लोक 21 (skanda.3.82.21)

अर्द्धत्रयोदशे वर्षे पंचवट्यामुवास ह ततो विरूपयामास शूर्पणखां निशाचरीम् वने विचरतरतस्य जानकीसहितस्य च

ardhatrayodaśe varṣe pañcavaṭyām uvāsa ha tato virūpayāmāsa śūrpaṇakhāṁ niśācarīm vane vicaratas tasya jānakīsahitasya ca

साढ़े बारह वर्ष व्यतीत होने पर वे पंचवटी में निवास करने लगे। जब वे जानकी सहित वन में विचरण कर रहे थे, तभी शूर्पणखा नामक निशाचरी को उन्होंने विरूप कर दिया (उसका नाक-कान काट डाला)।

श्लोक 22 (skanda.3.82.22)

आगतो राक्षसो घोरः सीतापहरणाय सः ततो माघासिताष्टम्यां मुहूर्ते वृन्दसंज्ञके

āgato rākṣaso ghoraḥ sītāpaharaṇāya saḥ tato māghāsitāṣṭamyāṁ muhūrte vṛndasaṁjñake

उसके पश्चात् वह घोर राक्षस (रावण) सीता का हरण करने आया; तब माघ मास के कृष्ण पक्ष की अष्टमी को, वृन्द नामक मुहूर्त में —

श्लोक 23 (skanda.3.82.23)

राघवाभ्यां विना सीतां जहार दश कन्धरः मारीचस्याश्रमं गत्वा मृगरूपेण तेन च

rāghavābhyāṁ vinā sītāṁ jahāra daśakandharaḥ mārīcasyāśramaṁ gatvā mṛgarūpeṇa tena ca

— दशकंधर (रावण) ने राम-लक्ष्मण के अनुपस्थित रहते हुए सीता का हरण कर लिया। इससे पहले, मारीच ने आश्रम में जाकर स्वर्ण-मृग का रूप धारण किया था —

श्लोक 24 (skanda.3.82.24)

नीत्वा दूरं राघवं च लक्ष्मणेन समन्वितम् ततो रामो जघानाशु मारीचं मृगरू पिणम्

nītvā dūraṁ rāghavaṁ ca lakṣmaṇena samanvitam tato rāmo jaghānāśu mārīcaṁ mṛgarūpiṇam

— उस मृग-रूपी मारीच ने राघव को, लक्ष्मण से अलग करते हुए, दूर तक ले जाया; तब राम ने शीघ्र ही मृग-रूपी मारीच का वध कर दिया।

श्लोक 25 (skanda.3.82.25)

पुनः प्राप्याश्रमं रामो विना सीतां ददर्श ह तत्रैव ह्रियमाणा सा चक्रंद कुररी यथा

punaḥ prāpyāśramaṁ rāmo vinā sītāṁ dadarśa ha tatraiva hriyamāṇā sā cakranda kurarī yathā

आश्रम में लौटकर राम ने सीता को वहाँ न पाया; उसी समय हरी जाती हुई सीता कुररी पक्षी की भाँति विलाप कर रही थीं।

श्लोक 26 (skanda.3.82.26)

रामरामेति मां रक्ष रक्ष मां रक्षसा हृताम्। यथा श्येनः क्षुधायु्क्तः क्रन्दंतीं वर्तिकां नयेत्

rāmarāmeti māṁ rakṣa rakṣa māṁ rakṣasā hṛtām yathā śyenaḥ kṣudhāyuktaḥ krandantīṁ vartikāṁ nayet

'हे राम! हे राम! रक्षा करो, रक्षा करो — मुझे राक्षस हर ले जा रहा है!' — जैसे भूखा बाज विलाप करती हुई बटेर को उठा ले जाता है —

श्लोक 27 (skanda.3.82.27)

तथा कामवशं प्राप्तो राक्षसो जनकात्मजाम् नयत्येष जनकजां तच्छ्रुत्वा पक्षिराट् तदा

tathā kāmavaśaṁ prāpto rākṣaso janakātmajām nayaty eṣa janakajāṁ tac chrutvā pakṣirāṭ tadā

— उसी प्रकार वासना के वशीभूत वह राक्षस जनक-पुत्री सीता को ले जा रहा था। यह विलाप सुनकर पक्षीराज जटायु —

श्लोक 28 (skanda.3.82.28)

युयुधे राक्षसेंद्रेण रावणेन हतोऽपतत् माघासितनवम्यां तु वसंतीं रावणालये

yuyudhe rākṣasendreṇa rāvaṇena hato 'patat māghāsitanavamyāṁ tu vasantīṁ rāvaṇālaye

— राक्षसराज रावण से युद्ध करते हुए घायल होकर गिर पड़ा। माघ मास के कृष्ण पक्ष की नवमी को सीता रावण के भवन में रखी गयीं —

श्लोक 29 (skanda.3.82.29)

मार्गमाणौ तदा तौ तु भ्रातरौ रामलक्ष्मणौ

mārgamāṇau tadā tau tu bhrātarau rāmalakṣmaṇau

— तब दोनों भाई राम और लक्ष्मण उन्हें खोजते हुए वहाँ पहुँचे।

श्लोक 30 (skanda.3.82.30)

जटायुषं तु दृष्ट्वैव ज्ञात्वा राक्षससंहृताम् सीतां ज्ञात्वा ततः पक्षी संस्कृतस्तेन भक्तितः

jaṭāyuṣaṁ tu dṛṣṭvaiva jñātvā rākṣasasaṁhṛtām sītāṁ jñātvā tataḥ pakṣī saṁskṛtas tena bhaktitaḥ

जटायु को देखकर, तथा उससे यह जानकर कि सीता का राक्षस द्वारा हरण हुआ है, राम ने उस पक्षी का भक्तिपूर्वक अंतिम संस्कार किया।

श्लोक 31 (skanda.3.82.31)

अग्रतः प्रययौ रामो लक्ष्मणस्तत्पदानुगः पंपाभ्याशमनुप्राप्य शबरीमनुगृह्य च

agrataḥ prayayau rāmo lakṣmaṇas tatpadānugaḥ pampābhyāśam anuprāpya śabarīm anugṛhya ca

राम आगे-आगे चले, लक्ष्मण उनके पीछे-पीछे। पंपा सरोवर के निकट पहुँचकर उन्होंने शबरी पर कृपा की —

श्लोक 32 (skanda.3.82.32)

तज्जलं समुपस्पृश्य हनुमद्दर्शनं कृतम् ततो रामो हनुमता सह सख्यं चकार ह

tajjalaṁ samupaspṛśya hanumaddarśanaṁ kṛtam tato rāmo hanumatā saha sakhyaṁ cakāra ha

— उस जल का स्पर्श करने के बाद हनुमान का दर्शन हुआ; तत्पश्चात् राम ने हनुमान के साथ मित्रता स्थापित की।

श्लोक 33 (skanda.3.82.33)

ततः सुग्रीवमभ्येत्य अहनद्वालिवानरम् प्रेषिता रामदेवेन हनुमत्प्रमुखाः प्रियाम्

tataḥ sugrīvam abhyetya ahanad vālivānaram preṣitā rāmadevena hanumatpramukhāḥ priyām

फिर सुग्रीव से मिलकर, राम ने वानर वालि का वध किया। तत्पश्चात् राम देव ने हनुमान आदि को अपनी प्रियतमा (सीता) की खोज में भेजा।

श्लोक 34 (skanda.3.82.34)

अंगुलीयकमादाय वायुसूनुस्तदागतः संपातिर्दशमे मासि आचख्यौ वानराय ताम्

aṅgulīyakam ādāya vāyusūnus tadāgataḥ saṁpātir daśame māsi ācakhyau vānarāya tām

पवनपुत्र (हनुमान) राम की अंगूठी लेकर वहाँ पहुँचे; दसवें महीने में संपाति ने वानरों को उस (सीता) के बारे में बताया।

श्लोक 35 (skanda.3.82.35)

ततस्तद्वचनादब्धिं पुप्लुवे शतयोजनम् हनुमान्निशि तस्यां तु लंकायां परितोऽचिनोत्

tatas tadvacanād abdhiṁ pupluve śatayojanam hanumān niśi tasyāṁ tu laṅkāyāṁ parito 'cinot

उसके वचन से प्रेरित होकर हनुमान ने सौ योजन विस्तृत सागर को लांघ लिया; उसी रात्रि लंका में चारों ओर उन्होंने सीता को खोजा।

श्लोक 36 (skanda.3.82.36)

तद्रात्रिशेषे सीताया दर्शनं तु हनूमतः द्वादश्यां शिंशपावृक्षे हनुमान्पर्यवस्थितः

tadrātriśeṣe sītāyā darśanaṁ tu hanūmataḥ dvādaśyāṁ śiṁśapāvṛkṣe hanumān paryavasthitaḥ

उस रात्रि के अंत में हनुमान को सीता के दर्शन हुए; द्वादशी को हनुमान अशोक-वन के शिंशपा-वृक्ष पर बैठे रहे।

श्लोक 37 (skanda.3.82.37)

तस्यां निशायां जानक्या विश्वासायाह संकथाम् अक्षादिभिस्त्रयोदश्यां ततो युद्धमवर्त्तत

tasyāṁ niśāyāṁ jānakyā viśvāsāyāha saṁkathām akṣādibhis trayodaśyāṁ tato yuddham avartata

उसी रात्रि जानकी का विश्वास जीतने के लिए हनुमान ने उनसे बातचीत की; तेरहवें दिन अक्षकुमार आदि के साथ युद्ध छिड़ गया।

श्लोक 38 (skanda.3.82.38)

ब्रह्मास्त्रेण त्रयोदश्यां बद्धः शक्रजिता कपिः दारुणानि च रूक्षाणि वाक्यानि राक्षसाधिपम्

brahmāstreṇa trayodaśyāṁ baddhaḥ śakrajitā kapiḥ dāruṇāni ca rūkṣāṇi vākyāni rākṣasādhipam

तेरहवें दिन शक्रजित (इन्द्रजित) ने ब्रह्मास्त्र से उस वानर (हनुमान) को बाँध लिया; उन्होंने राक्षसराज (रावण) को कठोर एवं तीखे वचन सुनाये —

श्लोक 39 (skanda.3.82.39)

अब्रवीद्वायुसूनुस्तं बद्धो ब्रह्मास्त्रसंयुतः वह्निना पुच्छयुक्तेन लंकाया दहनं कृतम्

abravīd vāyusūnus taṁ baddho brahmāstrasaṁyutaḥ vahninā pucchayuktena laṅkāyā dahanaṁ kṛtam

— यों बंधा हुआ पवनसुत रावण को कठोर वचन सुनाता रहा; फिर, अपनी पूँछ में लगायी हुई अग्नि से हनुमान ने लंका को जला डाला।

श्लोक 40 (skanda.3.82.40)

पूर्णिमायां महेंद्राद्रौ पुनरागमनं कपेः मार्गशीर्षप्रतिपदः पंचभिः पथि वासरैः

pūrṇimāyāṁ mahendrādrau punarāgamanaṁ kapeḥ mārgaśīrṣapratipadaḥ pañcabhiḥ pathi vāsaraiḥ

पूर्णिमा को उस वानर का महेंद्र पर्वत पर पुनरागमन हुआ; मार्गशीर्ष मास की प्रतिपदा से पाँच दिनों की यात्रा में —

श्लोक 41 (skanda.3.82.41)

पुनरागत्य वर्षेह्नि ध्वस्तं मधुवनं किल सप्तम्यां प्रत्यभिज्ञानदानं सर्वनिवेदनम्

punarāgatya varṣe 'hni dhvastaṁ madhuvanaṁ kila saptamyāṁ pratyabhijñānadānaṁ sarvanivedanam

— लौटकर उन्होंने मधुवन को उजाड़ डाला; सातवें दिन सीता का पहचान-चिह्न देकर उन्होंने राम को सब कुछ निवेदन किया।

श्लोक 42 (skanda.3.82.42)

मणिप्रदानं सीतायाः सर्वं रामाय शंसयत् अष्टम्युत्तरफाल्गुन्यां मुहूर्ते विजयाभिधे

maṇipradānaṁ sītāyāḥ sarvaṁ rāmāya śaṁsayat aṣṭamy uttaraphālgunyāṁ muhūrte vijayābhidhe

सीता द्वारा दिये गये चूड़ामणि सहित सब कुछ राम को निवेदित किया गया। अष्टमी और उत्तराफाल्गुनी नक्षत्र में, विजय नामक मुहूर्त में —

श्लोक 43 (skanda.3.82.43)

मध्यं प्राप्ते सहस्रांशौ प्रस्थानं राघवस्य च रामः कृत्वा प्रतिज्ञां हि प्रयातुं दक्षिणां दिशम्।

madhyaṁ prāpte sahasrāṁśau prasthānaṁ rāghavasya ca rāmaḥ kṛtvā pratijñāṁ hi prayātuṁ dakṣiṇāṁ diśam

— जब सूर्य आकाश के मध्य में पहुँचा, तब राघव ने प्रस्थान किया; राम ने प्रतिज्ञा की और दक्षिण दिशा की ओर चल पड़े —

श्लोक 44 (skanda.3.82.44)

तीर्त्वाहं सागरमपि हनिष्ये राक्षसेश्वरम् दक्षिणाशां प्रयातस्य सुग्रीवोऽथाभव त्सखा

tīrtvāhaṁ sāgaram api haniṣye rākṣaseśvaram dakṣiṇāśāṁ prayātasya sugrīvo 'thābhavat sakhā

— 'मैं सागर को भी लांघकर राक्षसराज का वध करूँगा।' दक्षिण दिशा की ओर प्रस्थान करते समय सुग्रीव उनके साथी बने।

श्लोक 45 (skanda.3.82.45)

वासरैः सप्तभिः सिंधोस्तीरे सैन्यनिवेशनम् पौषशुक्लप्रतिपदस्तृतीयां यावदंबुधौ उपस्थानं ससैन्यस्य राघवस्य बभूव ह

vāsaraiḥ saptabhiḥ sindhos tīre sainyaniveśanam pauṣaśuklapratipadas tṛtīyāṁ yāvad ambudhau upasthānaṁ sasainyasya rāghavasya babhūva ha

सात दिनों में सागर-तट पर सेना का पड़ाव हुआ; पौष मास की शुक्ल पक्ष की प्रतिपदा से तृतीया तक, सेना सहित राघव सागर-तट पर उपस्थित रहे।

श्लोक 46 (skanda.3.82.46)

विभीषणश्चतुर्थ्यां तु रामेण सह संगतः समुद्रतरणार्थाय पंचम्यां मंत्र उद्यतेः

vibhīṣaṇaś caturthyāṁ tu rāmeṇa saha saṁgataḥ samudrataraṇārthāya pañcamyāṁ mantra udyateḥ

चतुर्थी को विभीषण राम से जा मिले; पाँचवें दिन सागर पार करने के उपाय पर विचार-विमर्श हुआ।

श्लोक 47 (skanda.3.82.47)

प्रायोपवेशनं चक्रे रामो दिनचतुष्टयम् समुद्राद्वरलाभश्च सहोपायप्रदर्शनः

prāyopaveśanaṁ cakre rāmo dinacatuṣṭayam samudrād varalābhaś ca sahopāyapradarśanaḥ

राम ने चार दिनों तक अनशन-व्रत धारण किया; तत्पश्चात् उन्हें सागर से वर की प्राप्ति हुई, साथ ही (सेतु-निर्माण का) उपाय भी दिखाया गया।

श्लोक 48 (skanda.3.82.48)

सेतोर्दशम्यामारंभस्त्रयोदश्यां समापनम् चतुर्दश्यां सुवेलाद्रौ रामः सेनां न्यवे शयत्

setor daśamyām ārambhas trayodaśyāṁ samāpanam caturdaśyāṁ suvelādrau rāmaḥ senāṁ nyaveśayat

दसवें दिन सेतु का निर्माण आरंभ हुआ और तेरहवें दिन पूर्ण हुआ; चौदहवें दिन राम ने सुवेल पर्वत पर अपनी सेना का पड़ाव डाला।

श्लोक 49 (skanda.3.82.49)

पूर्णिमास्या द्वितीयायां त्रिदिनैः सैन्यतारणम् तीर्त्वा तोयनिधिं रामः शूरवानरसैन्यवान्

pūrṇimāsyā dvitīyāyāṁ tridinaiḥ sainyatāraṇam tīrtvā toyanidhiṁ rāmaḥ śūravānarasainyavān

पूर्णिमा से द्वितीया तक, तीन दिनों में सेना ने सागर पार किया; शूरवीर वानर-सेना सहित राम ने सागर को पार किया।

श्लोक 50 (skanda.3.82.50)

रुरोध च पुरीं लंकां सीतार्थं शुभलक्षणः तृतीयादिदशम्यंतं निवेशश्च दिनाष्टकः

rurodha ca purīṁ laṅkāṁ sītārthaṁ śubhalakṣaṇaḥ tṛtīyādidaśamyantaṁ niveśaś ca dināṣṭakaḥ

— शुभलक्षणों वाले राम ने सीता के लिए लंकापुरी को घेर लिया; तृतीया से दशमी तक, आठ दिनों में सेना का पड़ाव रहा।

श्लोक 51 (skanda.3.82.51)

शुकसारणयोस्तत्र प्राप्तिरेकादशीदिने पौषासिते च द्वादश्यां सैन्यसंख्यानमेव च

śukasāraṇayos tatra prāptir ekādaśīdine pauṣāsite ca dvādaśyāṁ sainyasaṁkhyānam eva ca

एकादशी के दिन शुक और सारण नामक (रावण के दूत) वहाँ पकड़े गये; पौष कृष्ण द्वादशी को सेना की गणना की गयी।

श्लोक 52 (skanda.3.82.52)

शार्दूलेन कपींद्राणां सारासारोपवर्णनम् त्रयोदश्याद्यमांते च लंकायां दिवसैस्त्रिभिः

śārdūlena kapīndrāṇāṁ sārāsāropavarṇanam trayodaśyādyamānte ca laṅkāyāṁ divasais tribhiḥ

शार्दूल नामक दूत ने वानरों की शक्ति-अशक्ति का वर्णन किया; त्रयोदशी से अमावस्या तक, तीन दिनों में लंका में —

श्लोक 53 (skanda.3.82.53)

रावणः सैन्यसं ख्यानं रणोत्साहं तदाऽकरोत् प्रययावंगदो दौत्ये माघशुक्लाद्यवासरे

rāvaṇaḥ sainyasaṁkhyānaṁ raṇotsāhaṁ tadā akarot prayayāv aṅgado dautye māghaśuklādyavāsare

— रावण ने अपनी सेना गिनी और युद्ध के लिए उत्साह बढ़ाया; माघ शुक्ल पक्ष के पहले दिन अंगद दूत बनकर गये।

श्लोक 54 (skanda.3.82.54)

सीतायाश्च तदा भर्तुर्मायामूर्धादिदर्शनम् माघशुक्लद्वितीया यां दिनैः सप्तभिरष्टमीम्

sītāyāś ca tadā bhartur māyāmūrdhādidarśanam māghaśukladvitīyāyāṁ dinaiḥ saptabhir aṣṭamīm

तब सीता को (रावण द्वारा) पति का मायावी सिर आदि दिखाया गया; माघ शुक्ल द्वितीया से सात दिनों में अष्टमी तक —

श्लोक 55 (skanda.3.82.55)

रक्षसां वानराणां च युद्धमासीच्च संकुलम् माघशुक्लनवम्यां तु रात्राविंद्रजिता रणे

rakṣasāṁ vānarāṇāṁ ca yuddham āsīc ca saṁkulam māghaśuklanavamyāṁ tu rātrāv indrajitā raṇe

— राक्षसों और वानरों के बीच घमासान युद्ध हुआ; माघ शुक्ल नवमी की रात्रि को युद्ध में इन्द्रजित ने —

श्लोक 56 (skanda.3.82.56)

रामलक्ष्मणयोर्ना गपाशबंधः कृतः किल आकुलेषु कपीशेषु हताशेषु च सर्वशः

rāmalakṣmaṇayor nāgapāśabandhaḥ kṛtaḥ kila ākuleṣu kapīśeṣu hatāśeṣu ca sarvaśaḥ

— राम और लक्ष्मण दोनों को नागपाश से बाँध दिया, ऐसा कहा जाता है; तब वानरराज व्याकुल हो उठे और सर्वत्र निराश हो गये।

श्लोक 57 (skanda.3.82.57)

वायूपदेशाद्गरुडं सस्मार राघवस्तदा नागपाशविमोक्षार्थं दशम्यां गरु डोऽभ्यगात्

vāyūpadeśād garuḍaṁ sasmāra rāghavas tadā nāgapāśavimokṣārthaṁ daśamyāṁ garuḍo 'bhyagāt

वायु के परामर्श से राघव ने तब गरुड़ का स्मरण किया; नागपाश से मुक्ति दिलाने के लिए दसवें दिन गरुड़ वहाँ पहुँचे।

श्लोक 58 (skanda.3.82.58)

अवहारो माघशुक्लैस्यैकादश्यां दिनद्वयम् द्वादश्यामांजनेयेन धूम्राक्षस्य वधः कृतः

avahāro māghaśuklasyaikādaśyāṁ dinadvayam dvādaśyām āñjaneyena dhūmrākṣasya vadhaḥ kṛtaḥ

माघ शुक्ल एकादशी को दो दिनों के लिए युद्ध-विराम रहा; द्वादशी को आंजनेय (हनुमान) ने धूम्राक्ष का वध किया।

श्लोक 59 (skanda.3.82.59)

त्रयोदश्यां तु तेनैव निहतोऽकंपनो रणे मायासीतां दर्शयित्वा रामाय दशकंधरः

trayodaśyāṁ tu tenaiva nihato 'kampano raṇe māyāsītāṁ darśayitvā rāmāya daśakandharaḥ

तेरहवें दिन उन्हीं (हनुमान) ने रण में अकम्पन का वध किया; दशकंधर ने राम को मायावी सीता का सिर दिखाया —

श्लोक 60 (skanda.3.82.60)

त्रासयामास च तदा सर्वान्सैन्यगतानपि माघशुक्लचतुर्द्दश्यां यावत्कृष्णादिवासरम्

trāsayāmāsa ca tadā sarvān sainyagatān api māghaśuklacaturdaśyāṁ yāvat kṛṣṇādivāsaram

— और उस समय समस्त सेना को भयभीत कर दिया। माघ शुक्ल चतुर्दशी से लेकर कृष्ण पक्ष के पहले दिन तक —

श्लोक 61 (skanda.3.82.61)

त्रिदिनेन प्रहस्तस्य नीलेन विहितो वधः माघकृष्णद्वितीयायाश्चतुर्थ्यंतं त्रिभिर्दिनैः

tridinena prahastasya nīlena vihito vadhaḥ māghakṛṣṇadvitīyāyāś caturthyantaṁ tribhir dinaiḥ

— तीन दिनों के भीतर नील ने प्रहस्त का वध किया। माघ कृष्ण द्वितीया से चतुर्थी तक, तीन दिनों में —

श्लोक 62 (skanda.3.82.62)

रामेण तुमुले युद्धे रावणो द्रावितो रणात् पञ्चम्या अष्टमी यावद्रावणेन प्रबोधितः

rāmeṇa tumule yuddhe rāvaṇo drāvito raṇāt pañcamyā aṣṭamī yāvad rāvaṇena prabodhitaḥ

— घमासान युद्ध में राम ने रावण को रणभूमि से खदेड़ दिया। पंचमी से अष्टमी तक रावण द्वारा —

श्लोक 63 (skanda.3.82.63)

कुंभकर्णस्तदा चक्रेऽभ्यवहारं चतुर्दिनम् कुम्भकर्णोकरोद्युद्धं नवम्यादिचतुर्दिनैः

kuṁbhakarṇas tadā cakre 'bhyavahāraṁ caturdinam kuṁbhakarṇo 'karod yuddhaṁ navamyādicaturdinaiḥ

— कुम्भकर्ण को चार दिनों तक भोजन कराकर जगाया गया; नवमी से चार दिनों में कुम्भकर्ण ने युद्ध किया।

श्लोक 64 (skanda.3.82.64)

रामेण निहतो युद्धे बहुवानरभक्षकः अमावास्यादिने शोकाऽभ्यवहारो बभूव ह

rāmeṇa nihato yuddhe bahuvānarabhakṣakaḥ amāvāsyādine śokābhyavahāro babhūva ha

अनेक वानरों को भक्षण करने वाला वह कुम्भकर्ण युद्ध में राम द्वारा मारा गया; अमावस्या के दिन शोक में डूबकर (रावण ने पुनः) भोज-आयोजन किया।

श्लोक 65 (skanda.3.82.65)

फाल्गुनप्रतिपदादौ चतुर्थ्यंतैश्चतुर्दिनैः नरांतकप्रभृतयो निहताः पञ्च राक्षसाः

phālgunapratipadādau caturthyantaiś caturdinaiḥ narāntakaprabhṛtayo nihatāḥ pañca rākṣasāḥ

फाल्गुन मास की प्रतिपदा से चतुर्थी तक, चार दिनों में नरांतक आदि पाँच राक्षस मारे गये।

श्लोक 66 (skanda.3.82.66)

पंचम्याः सप्तमीं यावदतिकायवधस्त्र्यहात् अष्टम्या द्वादशीं यावन्निहतो दिनपंचकात्

pañcamyāḥ saptamīṁ yāvad atikāyavadhas tryahāt aṣṭamyā dvādaśīṁ yāvan nihato dinapañcakāt

पंचमी से सप्तमी तक, तीन दिनों में अतिकाय का वध हुआ; अष्टमी से द्वादशी तक, पाँच दिनों में —

श्लोक 67 (skanda.3.82.67)

निकुम्भकुम्भौ द्वावेतौ मकराक्षश्चतुर्दिनैः फाल्गुनासितद्वितीयाया दिने वै शक्रजिज्जितः

nikuṁbhakuṁbhau dvāv etau makarākṣaś caturdinaiḥ phālgunāsitadvitīyāyā dine vai śakrajij jitaḥ

— निकुम्भ और कुम्भ, ये दोनों तथा चार दिनों में मकराक्ष मारे गये; फाल्गुन कृष्ण द्वितीया के दिन शक्रजित (इन्द्रजित) पराजित हुआ।

श्लोक 68 (skanda.3.82.68)

तृतीयादौ सप्तम्यंतदिनपञ्चकमेव च ओषध्यानयवैयग्र्यादवहारो बभूव ह

tṛtīyādau saptamyantadinapañcakam eva ca oṣadhyānayavaiyagryād avahāro babhūva ha

तृतीया से सप्तमी तक, पाँच दिनों में औषधि लाने के प्रयत्न में व्यस्तता के कारण युद्ध-विराम रहा।

श्लोक 69 (skanda.3.82.69)

अष्टम्यां रावणो मायामैथिलीं हतवान्कुधीः। शोकावेगात्तदा रामश्चक्रे सैन्यावधारणम्

aṣṭamyāṁ rāvaṇo māyāmaithilīṁ hatavān kudhīḥ śokāvegāt tadā rāmaś cakre sainyāvadhāraṇam

अष्टमी को दुर्बुद्धि रावण ने मायावी मैथिली (सीता) का वध कर दिखाया; शोकावेग से राम ने तब सेना को संयत रखा।

श्लोक 70 (skanda.3.82.70)

ततस्त्रयोदशीं यावद्दिनैः पंचभिरिंद्रजित् लक्ष्मणेन हतो युद्धे विख्यातबलपौरुषः

tatas trayodaśīṁ yāvad dinaiḥ pañcabhir indrajit lakṣmaṇena hato yuddhe vikhyātabalapauruṣaḥ

तत्पश्चात् त्रयोदशी तक, पाँच दिनों के भीतर, विख्यात बल-पराक्रम वाला इन्द्रजित लक्ष्मण द्वारा युद्ध में मारा गया।

श्लोक 71 (skanda.3.82.71)

चतुर्द्दश्यां दशग्रीवो दीक्षामापावहारतः अमावास्यादिने प्रागाद्युद्धाय दशकंधरः

caturddaśyāṁ daśagrīvo dīkṣām āpāvahārataḥ amāvāsyādine prāgād yuddhāya daśakandharaḥ

चौदहवें दिन दशग्रीव ने (शत्रु-वध हेतु) दीक्षा ग्रहण की, फिर उससे मुक्त हुआ; अमावस्या के दिन दशकंधर युद्ध के लिए निकला।

श्लोक 72 (skanda.3.82.72)

चैत्रशुक्लप्रतिपदः पंचमीदिनपंचके रावणो युध्यमानो ऽभूत्प्रचुरो रक्षसां वधः

caitraśuklapratipadaḥ pañcamīdinapañcake rāvaṇo yudhyamāno 'bhūt pracuro rakṣasāṁ vadhaḥ

चैत्र शुक्ल प्रतिपदा से पंचमी तक, पाँच दिनों में रावण स्वयं युद्धरत रहा, और अनेक राक्षसों का वध हुआ।

श्लोक 73 (skanda.3.82.73)

चैत्रशुक्लाष्टमीं यावत्स्यंदनाश्वादिसूदनम् चैत्रशुक्लनवम्यां तु सौमित्रेः शक्तिभेदने कोपाविष्टेन रामेण द्रावितो दशकंधरः विभीषणोपदेशेन हनुमद्युद्धमेव च

caitraśuklāṣṭamīṁ yāvat syandanāśvādisūdanam caitraśuklanavamyāṁ tu saumitreḥ śaktibhedane kopāviṣṭena rāmeṇa drāvito daśakandharaḥ vibhīṣaṇopadeśena hanumadyuddham eva ca

चैत्र शुक्ल अष्टमी तक रथों और घोड़ों का संहार होता रहा; चैत्र शुक्ल नवमी को लक्ष्मण के शक्ति-बाण से बिंधने पर, क्रोधित राम ने दशकंधर को रणभूमि से खदेड़ दिया; विभीषण के परामर्श से हनुमान का युद्ध भी हुआ —

श्लोक 74 (skanda.3.82.74)

द्रोणाद्रेरोषधीं नेतुं लक्ष्मणार्थमुपागतः विशल्यां तु समादाय लक्ष्मणं तामपाययत्

droṇādrer oṣadhīṁ netuṁ lakṣmaṇārtham upāgataḥ viśalyāṁ tu samādāya lakṣmaṇaṁ tām apāyayat

— वे लक्ष्मण के लिए द्रोणगिरि से औषधि लाने गये; विशल्या नामक औषधि लाकर उन्होंने लक्ष्मण को पिलायी।

श्लोक 75 (skanda.3.82.75)

दशम्यामवहारोऽभूद्रात्रौ युद्धं तु रक्षसाम् एकादश्यां तु रामाय रथो मातलिसारथिः

daśamyām avahāro 'bhūd rātrau yuddhaṁ tu rakṣasām ekādaśyāṁ tu rāmāya ratho mātalisārathiḥ

दसवें दिन युद्ध-विराम हुआ, किंतु रात्रि में राक्षसों का आक्रमण जारी रहा; ग्यारहवें दिन मातलि सारथी सहित रथ राम को प्राप्त हुआ।

श्लोक 76 (skanda.3.82.76)

प्राप्तो युद्धाय द्वादश्यां यावत्कृष्णां चतुर्दशीम् अष्टादशदिने रामो रावणं द्वैरथेऽवधीत्

prāpto yuddhāya dvādaśyāṁ yāvat kṛṣṇāṁ caturdaśīm aṣṭādaśadine rāmo rāvaṇaṁ dvairathe 'vadhīt

बारहवें दिन से कृष्ण पक्ष की चतुर्दशी तक युद्ध चलता रहा; अठारहवें दिन राम ने द्वंद्व-युद्ध में रावण का वध किया।

श्लोक 77 (skanda.3.82.77)

संस्कारा रावणादीनाममावा स्यादिनेऽभवन् संग्रामे तुमुले जाते रामो जयमवाप्तवान्

saṁskārā rāvaṇādīnām amāvāsyādine 'bhavan saṁgrāme tumule jāte rāmo jayam avāptavān

अमावस्या के दिन रावण आदि के अंतिम संस्कार हुए; उस घमासान संग्राम में विजय राम को प्राप्त हुई।

श्लोक 78 (skanda.3.82.78)

माघशुक्लद्वितीयादिचैत्रकृष्णचतुर्द्दशीम् सप्ताशीतिदिनान्येवं मध्ये पंवदशा हकम् युद्धावहारः संग्रामो द्वासप्ततिदिनान्यभूत् वैशाखादि तिथौ राम उवास रणभूमिषु अभिषिक्तो द्वितीयायां लंकाराज्ये विभी षणः

māghaśukladvitīyādicaitrakṛṣṇacaturdaśīm saptāśītidināny evaṁ madhye pañcadaśāhakam yuddhāvahāraḥ saṁgrāmo dvāsaptatidināny abhūt vaiśākhādi tithau rāma uvāsa raṇabhūmiṣu abhiṣikto dvitīyāyāṁ laṅkārājye vibhīṣaṇaḥ

इस प्रकार माघ शुक्ल द्वितीया से चैत्र कृष्ण चतुर्दशी तक कुल सत्तासी दिन बीते, जिनमें पंद्रह दिन युद्ध-विराम के थे और बहत्तर दिन संग्राम के। वैशाख की प्रथम तिथि से राम रणभूमि में ही ठहरे रहे; द्वितीया को विभीषण का लंका-राज्य पर अभिषेक हुआ।

श्लोक 79 (skanda.3.82.79)

सीताशुद्धिस्तृतीयायां देवेभ्यो वरलंभनम् दशरथस्यागमनं तत्र चैवानुमोदनम्

sītāśuddhis tṛtīyāyāṁ devebhyo varalaṁbhanam daśarathasyāgamanaṁ tatra caivānumodanam

तृतीया को सीता की अग्नि-परीक्षा हुई, तथा देवताओं से वरों की प्राप्ति हुई; वहीं दशरथ का आगमन और आशीर्वाद भी हुआ।

श्लोक 80 (skanda.3.82.80)

हत्वा त्वरेण लंकेशं लक्ष्मणस्याग्रजो विभुः। गृहीत्वा जानकीं पुण्यां दुःखितां राक्षसेन तु

hatvā tvareṇa laṅkeśaṁ lakṣmaṇasyāgrajo vibhuḥ gṛhītvā jānakīṁ puṇyāṁ duḥkhitāṁ rākṣasena tu

लंकापति को शीघ्रता से मारकर, लक्ष्मण के बड़े भाई प्रभु राम ने राक्षस द्वारा दुःखित की गयी पवित्र जानकी को ग्रहण किया —

श्लोक 81 (skanda.3.82.81)

आदाय परया प्रीत्या जानकीं स न्यवर्तत वैशाखस्य चतुर्थ्यां तु रामः पुष्पकमा श्रितः

ādāya parayā prītyā jānakīṁ sa nyavartata vaiśākhasya caturthyāṁ tu rāmaḥ puṣpakam āśritaḥ

— और परम प्रेम से जानकी को लेकर वे लौट चले। वैशाख की चतुर्थी को राम पुष्पक विमान पर आरूढ़ हुए —

श्लोक 82 (skanda.3.82.82)

विहायसा निवृत्तस्तु भूयोऽयोध्यां पुरीं प्रति पूर्णे चतुर्दशे वर्षे पंचम्यां माधवस्य च

vihāyasā nivṛttas tu bhūyo 'yodhyāṁ purīṁ prati pūrṇe caturdaśe varṣe pañcamyāṁ mādhavasya ca

— और आकाश-मार्ग से वापस अयोध्या नगरी की ओर चल पड़े। चौदह वर्ष पूर्ण होने पर, वैशाख (माधव) मास की पंचमी को —

श्लोक 83 (skanda.3.82.83)

भारद्वाजाश्रमे रामः सगणः समु पाविशत् नंदिग्रामे तु षष्ठ्यां स पुष्पकेण समागतः

bhāradvājāśrame rāmaḥ sagaṇaḥ samupāviśat naṁdigrāme tu ṣaṣṭhyāṁ sa puṣpakena samāgataḥ

— राम अपने दल सहित भारद्वाज-आश्रम में जा बैठे; छठे दिन वे पुष्पक विमान से नंदिग्राम पहुँचे।

श्लोक 84 (skanda.3.82.84)

सप्तम्यामभिषिक्तोऽसौ भूयोऽयोध्यायां रघूद्वहः दशाहाधिकमासांश्च चतुर्दश हि मैथिली

saptamyām abhiṣikto 'sau bhūyo 'yodhyāyāṁ raghūdvahaḥ daśāhādhikamāsāṁś ca caturdaśa hi maithilī

सातवें दिन उस रघुनाथ का अयोध्या में पुनः राज्याभिषेक हुआ। मैथिली (सीता) कुल चौदह महीने और दस दिन —

श्लोक 85 (skanda.3.82.85)

उवास रामरहिता रावणस्य निवेशने द्वाचत्वारिंशके वर्षे रामो राज्यमकारयत्

uvāsa rāmarahitā rāvaṇasya niveśane dvācatvāriṁśake varṣe rāmo rājyam akārayat

— राम से अलग रहकर रावण के भवन में रहीं। बयालीसवें वर्ष में राम ने राज्य-शासन आरंभ किया।

श्लोक 86 (skanda.3.82.86)

सीतायास्तु त्रयस्त्रिंशद्वर्षाणि तु तदा भवन् स चतुर्दशवर्षांते प्रविष्टः स्वां पुरीं प्रभुः

sītāyās tu trayastriṁśad varṣāṇi tu tadā bhavan sa caturdaśavarṣānte praviṣṭaḥ svāṁ purīṁ prabhuḥ

उस समय सीता की आयु तैंतीस वर्ष थी; चौदह वर्षों के अंत में प्रभु राम ने अपने नगर में प्रवेश किया।

श्लोक 87 (skanda.3.82.87)

अयोध्यां नाम मुदितो रामो रावणदर्पहा भ्रातृभिः सहितस्तत्र रामो राज्यमकार यत्

ayodhyāṁ nāma mudito rāmo rāvaṇadarpahā bhrātṛbhiḥ sahitas tatra rāmo rājyam akārayat

रावण के अभिमान का नाश करने वाले राम प्रसन्नतापूर्वक अयोध्या नगरी में लौटे; वहाँ भाइयों सहित राम ने राज्य किया।

श्लोक 88 (skanda.3.82.88)

दशवर्षसहस्राणि दशवर्षशतानि च रामो राज्यं पालयित्वा जगाम त्रिदिवालयम्

daśavarṣasahasrāṇi daśavarṣaśatāni ca rāmo rājyaṁ pālayitvā jagāma tridivālayam

दस हज़ार वर्ष और एक हज़ार वर्ष तक राज्य का पालन करने के पश्चात् राम स्वर्गलोक को चले गये।

श्लोक 89 (skanda.3.82.89)

रामराज्ये तदा लोका हर्षनिर्भरमा नसाः बभूवुर्धनधान्याढ्याः पुत्रपौत्रयुता नराः

rāmarājye tadā lokā harṣanirbharamānasāḥ babhūvur dhanadhānyāḍhyāḥ putrapautrayutā narāḥ

राम-राज्य में तब सभी लोगों का मन हर्ष से परिपूर्ण रहता था; मनुष्य धन-धान्य से सम्पन्न, पुत्र-पौत्र से युक्त थे।

श्लोक 90 (skanda.3.82.90)

कामवर्षी च पर्जन्यः सस्यानि गुणवंति च गावस्तु घटदोहिन्यः पादपाश्च सदा फलाः

kāmavarṣī ca parjanyaḥ sasyāni guṇavanti ca gāvas tu ghaṭadohinyaḥ pādapāś ca sadā phalāḥ

मेघ इच्छानुसार वर्षा करते थे, फसलें उत्तम गुणों वाली थीं, गायें घड़े भर-भर दूध देती थीं, और वृक्ष सदा फलों से लदे रहते थे।

श्लोक 91 (skanda.3.82.91)

नाधयो व्याधयश्चैव रामराज्ये नराधिप नार्यः पतिव्रताश्चासन्पितृभक्तिपरा नराः

nādhayo vyādhayaś caiva rāmarājye narādhipa nāryaḥ pativratāś cāsan pitṛbhaktiparā narāḥ

हे नराधिप! राम-राज्य में न मानसिक व्याधियाँ थीं, न शारीरिक रोग; स्त्रियाँ पतिव्रता थीं और पुरुष पितृ-भक्ति में तत्पर थे।

श्लोक 92 (skanda.3.82.92)

द्विजा वेदपरा नित्यं क्षत्रिया द्विज सेविनः कुर्वते वैश्यवर्णाश्च भक्तिं द्विजगवां सदा

dvijā vedaparā nityaṁ kṣatriyā dvijasevinaḥ kurvate vaiśyavarṇāś ca bhaktiṁ dvijagavāṁ sadā

ब्राह्मण सदा वेद-परायण थे, क्षत्रिय ब्राह्मणों की सेवा में रत थे, और वैश्य वर्ण के लोग सदा ब्राह्मणों तथा गौओं की भक्ति में लगे रहते थे।

श्लोक 93 (skanda.3.82.93)

न योनिसंकरश्चासीत्तत्र नाचारसंकरः न वंध्या दुर्भगा नारी काकवंध्या मृत प्रजा

na yonisaṁkaraś cāsīt tatra nācārasaṁkaraḥ na vandhyā durbhagā nārī kākavandhyā mṛtaprajā

वहाँ न वर्ण-संकर था, न आचार-संकर; कोई स्त्री बांझ, अभागी, एक ही संतान वाली अथवा मृत-संतान वाली नहीं थी।

श्लोक 94 (skanda.3.82.94)

विधवा नैव काप्यासीत्सभर्तृका न लप्यते नावज्ञां कुर्वते केपि मातापित्रोर्गुरोस्तथा

vidhavā naiva kāpy āsīt sabhartṛkā na lapyate nāvajñāṁ kurvate ke 'pi mātāpitror guros tathā

कोई विधवा नहीं थी, फिर भी पति-सहित स्त्री की बात नहीं कही जाती (क्योंकि सबका जीवन दीर्घ था); कोई भी माता-पिता या गुरु का अनादर नहीं करता था।

श्लोक 95 (skanda.3.82.95)

न च वाक्यं हि वृद्धानामुल्लं घयति पुण्यकृत् न भूमिहरणं तत्र परनारीपराङ्मुखाः

na ca vākyaṁ hi vṛddhānām ullaṅghayati puṇyakṛt na bhūmiharaṇaṁ tatra paranārīparāṅmukhāḥ

पुण्यकर्मी लोग वृद्धों के वचन का उल्लंघन नहीं करते थे; भूमि-हरण भी नहीं होता था, और लोग परस्त्री से विमुख रहते थे।

श्लोक 96 (skanda.3.82.96)

नापवादपरो लोको न दरिद्रो न रोगभाक् न स्तेयो द्यूतकारी च मैरेयी पापिनो नहि

nāpavādaparo loko na daridro na rogabhāk na steyo dyūtakārī ca maireyī pāpino nahi

लोग निंदा में लिप्त नहीं थे, न कोई दरिद्र था, न कोई रोगी; न कोई चोर था, न जुआरी, न मद्यपान करने वाला पापी।

श्लोक 97 (skanda.3.82.97)

न हेमहारी ब्रह्मघ्नो न चैव गुरुतल्पगः न स्त्रीघ्नो न च बालघ्नो न चैवानृतभाषणः

na hemahārī brahmaghno na caiva gurutalpagaḥ na strīghno na ca bālaghno na caivānṛtabhāṣaṇaḥ

कोई स्वर्ण-चोर नहीं था, कोई ब्रह्महत्यारा नहीं था, कोई गुरु-पत्नी-गामी नहीं था; कोई स्त्री-हत्यारा या बाल-हत्यारा नहीं था, और कोई असत्य नहीं बोलता था।

श्लोक 98 (skanda.3.82.98)

न वृत्तिलोपकश्चासीत्कूट साक्षी न चैव हि न शठो न कृतघ्नश्च मलिनो नैव दृश्यते

na vṛttilopakaś cāsīt kūṭasākṣī na caiva hi na śaṭho na kṛtaghnaś ca malino naiva dṛśyate

कोई किसी की जीविका छीनने वाला नहीं था, कोई झूठा साक्षी नहीं था; कोई धूर्त या कृतघ्न भी नहीं दिखता था, कोई मलिन आचरण वाला नहीं था।

श्लोक 99 (skanda.3.82.99)

सदा सर्वत्र पूज्यंते ब्राह्मणा वेदपारगाः नावैष्णवोऽव्रती राजन्राम राज्येऽतिविश्रुते

sadā sarvatra pūjyante brāhmaṇā vedapāragāḥ nāvaiṣṇavo 'vratī rājan rāmarājye 'tiviśrute

वेदपारंगत ब्राह्मण सर्वत्र सदा पूजित थे; हे राजन्! उस अति-विख्यात राम-राज्य में न कोई विष्णु-विमुख था, न कोई व्रतहीन।

श्लोक 100 (skanda.3.82.100)

राज्यं प्रकुर्वतस्तस्य पुरोधा वदतां वरः वसिष्ठो मुनिभिः सार्द्धं कृत्वा तीर्थान्यनेकशः

rājyaṁ prakurvatas tasya purodhā vadatāṁ varaḥ vasiṣṭho munibhiḥ sārdhaṁ kṛtvā tīrthāny anekaśaḥ

उस राज्य को चलाते समय, वक्ताओं में श्रेष्ठ पुरोहित वसिष्ठ मुनियों के साथ अनेक तीर्थों की यात्रा कर —

श्लोक 101 (skanda.3.82.101)

आजगाम ब्रह्मपुत्रो महाभागस्तपोनिधिः रामस्तं पूजयामास मुनिभिः सहितं गुरुम्

ājagāma brahmaputro mahābhāgas taponidhiḥ rāmas taṁ pūjayāmāsa munibhiḥ sahitaṁ gurum

— वह महाभाग, तप के निधि, ब्रह्मपुत्र वसिष्ठ वहाँ लौट आये; राम ने मुनियों सहित उन गुरु की पूजा की।

श्लोक 102 (skanda.3.82.102)

अभ्युत्थानार्घपाद्यैश्च मधुपर्कादिपूजया प्रपच्छ कुशलं रामं वसिष्ठो मुनिपुंगवः

abhyutthānārghapādyaiś ca madhuparkādipūjayā prapraccha kuśalaṁ rāmaṁ vasiṣṭho munipuṅgavaḥ

उठकर, अर्घ्य-पाद्य और मधुपर्क आदि से उनकी पूजा कर, मुनिश्रेष्ठ वसिष्ठ ने राम से कुशल-क्षेम पूछा।

श्लोक 103 (skanda.3.82.103)

राज्ये चाश्वे गजे कोशे देशे सद्भ्रातृभृत्ययोः कुशलं वर्त्तते राम इति पृष्टे मुनेस्तदा

rājye cāśve gaje kośe deśe sadbhrātṛbhṛtyayoḥ kuśalaṁ vartate rāma iti pṛṣṭe munes tadā

'हे राम! क्या राज्य, अश्व, गज, कोश, देश, भाइयों और सेवकों में सब कुशल है?' — मुनि ने जब यह पूछा —

श्लोक 104 (skanda.3.82.104)

राम उवाच । सर्वत्र कुशलं मेऽद्य प्रसादाद्भवतः सदा पप्रच्छ कुशलं रामो वसिष्ठं मुनिपुंगवम्

rāma uvāca sarvatra kuśalaṁ me 'dya prasādād bhavataḥ sadā papraccha kuśalaṁ rāmo vasiṣṭhaṁ munipuṅgavam

राम ने कहा — 'आज सब कुछ आपकी कृपा से सदा कुशल है।' फिर राम ने भी मुनिश्रेष्ठ वसिष्ठ से कुशल-क्षेम पूछा।

श्लोक 105 (skanda.3.82.105)

सर्वतः कुशली त्वं हि भार्यापुत्रसमन्वितः स सर्वं कथयामास यथा तीर्थान्यशेषतः

sarvataḥ kuśalī tvaṁ hi bhāryāputrasamanvitaḥ sa sarvaṁ kathayāmāsa yathā tīrthāny aśeṣataḥ

'क्या आप पत्नी और पुत्र सहित सर्वथा कुशल हैं?' तब वसिष्ठ ने उन्हें अपनी संपूर्ण तीर्थ-यात्रा का वृत्तांत सुनाया —

श्लोक 106 (skanda.3.82.106)

सेवितानि धरापृष्ठे क्षेत्राण्यायतनानि च रामाय कथयामास सर्वत्र कुशलं तदा

sevitāni dharāpṛṣṭhe kṣetrāṇy āyatanāni ca rāmāya kathayāmāsa sarvatra kuśalaṁ tadā

— पृथ्वी पर उन्होंने जिन क्षेत्रों और मंदिरों की सेवा की थी, वह सब राम को बताया, और कहा कि सर्वत्र कुशलता है।

श्लोक 107 (skanda.3.82.107)

ततः स विस्मयाविष्टो रामो राजीवलोचनः पप्रच्छ तीर्थमाहात्म्यं यत्तीर्थेषूत्तमोत्तमम् इति श्रीस्कांदे महापुराण एकाशीतिसाहस्र्यां संहितायां तृतीये ब्रह्मखण्डे पूर्वभागे धर्मारण्यमाहात्म्ये रामचरित्रवर्णनं नाम त्रिंशोऽध्यायः

tataḥ sa vismayāviṣṭo rāmo rājīvalocanaḥ papraccha tīrthamāhātmyaṁ yat tīrtheṣūttamottamam iti śrīskānde mahāpurāṇa ekāśītisāhasryāṁ saṁhitāyāṁ tṛtīye brahmakhaṇḍe pūrvabhāge dharmāraṇyamāhātmye rāmacaritravarṇanaṁ nāma triṁśo 'dhyāyaḥ

तब आश्चर्यचकित होकर कमलनयन राम ने पूछा कि तीर्थों में सर्वश्रेष्ठ तीर्थ का माहात्म्य क्या है। इस प्रकार श्रीस्कन्दमहापुराण की एक लाख इक्यासी हज़ार श्लोकों वाली संहिता के तृतीय ब्रह्मखण्ड के पूर्वभाग में, धर्मारण्य-माहात्म्य के अंतर्गत, रामचरित्र-वर्णन नामक तीसवाँ अध्याय पूर्ण हुआ।