दूतागमन वर्णन

श्लोक 1 (skanda.3.83.1)

श्रीराम उवाच । भगवन्यानि तीर्थानि सेवितानि त्वया विभो एतेषां परमं तीर्थं तन्ममाचक्ष्व मानद

śrīrāma uvāca bhagavan yāni tīrthāni sevitāni tvayā vibho eteṣāṁ paramaṁ tīrthaṁ tan mamācakṣva mānada

श्रीराम ने कहा — हे भगवन्! हे विभो! आपने जिन-जिन तीर्थों की सेवा की है, उनमें से सर्वश्रेष्ठ तीर्थ कौन-सा है — हे मानद! वह मुझे बताइए।

श्लोक 2 (skanda.3.83.2)

मया तु सीताहरणे निहता ब्रह्मराक्षसाः तत्पापस्य विशुदयर्थं वद तीर्थोत्तमोत्तमम्

mayā tu sītāharaṇe nihatā brahmarākṣasāḥ tatpāpasya viśuddhyarthaṁ vada tīrthottamottamam

सीता के हरण के प्रसंग में मैंने अनेक ब्राह्मण-राक्षसों का वध किया था; उस पाप की शुद्धि के लिए सर्वोत्तम तीर्थ का नाम बताइए।

श्लोक 3 (skanda.3.83.3)

वसिष्ठ उवाच । गंगा च नर्मदा तापी यमुना च सरस्वती गंडकी गोमती पूर्णा एता नद्यः सुपावनाः

vasiṣṭha uvāca gaṅgā ca narmadā tāpī yamunā ca sarasvatī gaṇḍakī gomatī pūrṇā etā nadyaḥ supāvanāḥ

वसिष्ठ ने कहा — गंगा, नर्मदा, ताप्ती, यमुना, सरस्वती, गंडकी, गोमती और पूर्णा — ये सब अत्यंत पवित्र नदियाँ हैं।

श्लोक 4 (skanda.3.83.4)

एतासां नर्मदा श्रेष्ठा गंगा त्रिपथगामिनी दहते किल्बिषं सर्वं दर्शनादेव राघव

etāsāṁ narmadā śreṣṭhā gaṅgā tripathagāminī dahate kilbiṣaṁ sarvaṁ darśanād eva rāghava

इनमें नर्मदा श्रेष्ठ है, और त्रिपथगामिनी गंगा भी; हे राघव! इनके दर्शन मात्र से ही समस्त पाप भस्म हो जाते हैं।

श्लोक 5 (skanda.3.83.5)

दृष्ट्वा जन्मशतं पापं गत्वा जन्मशतत्रयम् स्नात्वा जन्मसहस्रं च हंति रेवा कलौ युगे

dṛṣṭvā janmaśataṁ pāpaṁ gatvā janmaśatatrayam snātvā janmasahasraṁ ca hanti revā kalau yuge

उसे देखने मात्र से सौ जन्मों का पाप, उसके तट पर जाने से तीन सौ जन्मों का पाप, और स्नान करने से हज़ार जन्मों का पाप नष्ट हो जाता है — यह रेवा (नर्मदा) कलियुग में करती है।

श्लोक 6 (skanda.3.83.6)

नर्मदातीरमाश्रित्य शाकमूलफलैरपि एकस्मिन्भोजिते विप्रे कोटि भोजफलं लभेत

narmadātīram āśritya śākamūlaphalair api ekasmin bhojite vipre koṭibhojaphalaṁ labhet

नर्मदा के तट पर रहकर, यदि साग, कंदमूल और फलों से भी एक ब्राह्मण को भोजन करा दिया जाए, तो करोड़ों ब्राह्मणों को भोजन कराने का फल प्राप्त होता है।

श्लोक 7 (skanda.3.83.7)

गंगा गंगेति यो ब्रूयाद्योजनानां शतैरपि मुच्यते सर्वपापेभ्यो विष्णुलोकं स गच्छति

gaṅgā gaṅgeti yo brūyād yojanānāṁ śatair api mucyate sarvapāpebhyo viṣṇulokaṁ sa gacchati

जो सैकड़ों योजन दूर से भी 'गंगा, गंगा' कहता है, वह भी समस्त पापों से मुक्त होकर विष्णुलोक को जाता है।

श्लोक 8 (skanda.3.83.8)

फाल्गुनांते कुहूं प्राप्य तथा प्रौष्ठपदेऽसिते पक्षे गंगामधि प्राप्य स्नानं च पितृतर्पणम्

phālgunānte kuhūṁ prāpya tathā prauṣṭhapade 'site pakṣe gaṅgām adhi prāpya snānaṁ ca pitṛtarpaṇam

फाल्गुन के अंत में अमावस्या को, तथा भाद्रपद के कृष्ण पक्ष में गंगा पर पहुँचकर जो स्नान और पितृ-तर्पण करता है —

श्लोक 9 (skanda.3.83.9)

कुरुते पिंडदानानि सोऽक्षयं फलमश्नुते शुचौ मासे च संप्राप्ते स्नानं वाप्यां करोति यः

kurute piṇḍadānāni so 'kṣayaṁ phalam aśnute śucau māse ca saṁprāpte snānaṁ vāpyāṁ karoti yaḥ

— और पिण्डदान करता है, वह अक्षय फल पाता है। शुचि मास (आषाढ़) आने पर जो बावड़ी में स्नान करता है —

श्लोक 10 (skanda.3.83.10)

चतुरशीतिनरकान्न पश्यति नरो नृप तपत्याः स्मरणे राम महापातकिनामपि

caturaśītinarakān na paśyati naro nṛpa tapatyāḥ smaraṇe rāma mahāpātakinām api

— वह पुरुष चौरासी नरकों को कभी नहीं देखता, हे राजन्। हे राम! ताप्ती के स्मरण मात्र से महापातकियों का भी उद्धार हो जाता है।

श्लोक 11 (skanda.3.83.11)

उद्धरेत्सप्तगोत्राणि कुलमेकोत्तरं शतम् यमुनायां नरः स्नात्वा सर्वपापैः प्रमुच्यते

uddharet saptagotrāṇi kulam ekottaraṁ śatam yamunāyāṁ naraḥ snātvā sarvapāpaiḥ pramucyate

वह अपने सात गोत्रों को और एक सौ एक पीढ़ियों के कुल को उद्धार कर देता है; यमुना में स्नान करने वाला मनुष्य समस्त पापों से मुक्त हो जाता है।

श्लोक 12 (skanda.3.83.12)

महापातकयुक्तोऽपि स गच्छेत्परमां गतिम् कार्त्तिक्यां कृत्तिकायोगे सरस्वत्यां निमज्जयेत्

mahāpātakayukto 'pi sa gacchet paramāṁ gatim kārttikyāṁ kṛttikāyoge sarasvatyāṁ nimajjayet

यहाँ तक कि महापातकों से युक्त पुरुष भी परम गति को प्राप्त हो जाता है। कार्तिक-पूर्णिमा को कृत्तिका-नक्षत्र के योग में सरस्वती में डुबकी लगानी चाहिए —

श्लोक 13 (skanda.3.83.13)

गच्छेत्स गरुडारूढः स्तूयमानः सुरोत्तमैः स्नात्वा यः कार्तिके मासि यत्र प्राची सरस्वती

gacchet sa garuḍārūḍhaḥ stūyamānaḥ surottamaiḥ snātvā yaḥ kārtike māsi yatra prācī sarasvatī

— वह गरुड़ पर आरूढ़ होकर, श्रेष्ठ देवताओं द्वारा स्तुत होकर (विष्णुलोक) जाता है। जो कार्तिक मास में उस स्थान पर स्नान करता है जहाँ प्राची सरस्वती बहती हैं —

श्लोक 14 (skanda.3.83.14)

प्राचीं माधवमास्तूय स गच्छेत्परमां गतिम् गंडकीपुण्यतीर्थे हि स्नानं यः कुरुते नरः

prācīṁ mādhavam astūya sa gacchet paramāṁ gatim gaṇḍakīpuṇyatīrthe hi snānaṁ yaḥ kurute naraḥ

— और उस प्राची सरस्वती एवं माधव (विष्णु) की स्तुति करता है, वह परम गति को प्राप्त होता है। जो मनुष्य गंडकी के पुण्य-तीर्थ में स्नान करता है —

श्लोक 15 (skanda.3.83.15)

शालग्रामशिलामर्च्य न भूयः स्तनपो भवेत् गोमतीजलकल्लोलैर्मज्जयेत्कृष्णसन्निधौ

śālagrāmaśilām arcya na bhūyaḥ stanapo bhavet gomatījalakallolair majjayet kṛṣṇasannidhau

— और शालग्राम शिला की पूजा करता है, वह फिर कभी दुग्धपायी शिशु के रूप में जन्म नहीं लेता। गोमती के जल-तरंगों में कृष्ण के समीप स्नान करना चाहिए —

श्लोक 16 (skanda.3.83.16)

चतुर्भुजो नरो भूत्वा वैकुण्ठे मोदते चिरम् चर्मण्वतीं नमस्कृत्य अपः स्पृशति यो नरः

caturbhujo naro bhūtvā vaikuṇṭhe modate ciram carmaṇvatīṁ namaskṛtya apaḥ spṛśati yo naraḥ

— तब मनुष्य चतुर्भुज होकर चिरकाल तक वैकुण्ठ में आनंद पाता है। जो चर्मण्वती नदी को प्रणाम कर उसका जल स्पर्श करता है —

श्लोक 17 (skanda.3.83.17)

स तारयति पूर्वजान्दश पूर्वान्दशापरान् द्वयोश्च संगमं दृष्ट्वा श्रुत्वा वा सागरध्वनिम्

sa tārayati pūrvajān daśa pūrvān daśāparān dvayoś ca saṁgamaṁ dṛṣṭvā śrutvā vā sāgaradhvanim

— वह अपने दस पूर्व और दस पर पीढ़ियों के पूर्वजों को उद्धार कर देता है। दो नदियों का संगम देखकर, अथवा सागर की गर्जना सुनकर —

श्लोक 18 (skanda.3.83.18)

ब्रह्महत्यायुतो वापि पूतो गच्छेत्परां गतिम् माघमासे प्रयागे तु मज्जनं कुरुते नरः

brahmahatyāyuto vāpi pūto gacchet parāṁ gatim māghamāse prayāge tu majjanaṁ kurute naraḥ

— यहाँ तक कि ब्रह्महत्यारा भी शुद्ध होकर परम गति को प्राप्त हो जाता है। जो मनुष्य माघ मास में प्रयाग में डुबकी लगाता है —

श्लोक 19 (skanda.3.83.19)

इह लोके सुखं भुक्त्वा अन्ते विष्णुपदं व्रजेत् प्रभासे ये नरा राम त्रिरात्रं ब्रह्मचारिणः

iha loke sukhaṁ bhuktvā ante viṣṇupadaṁ vrajet prabhāse ye narā rāma trirātraṁ brahmacāriṇaḥ

— वह इस लोक में सुख भोगकर अंत में विष्णुपद को प्राप्त होता है। हे राम! जो मनुष्य प्रभास में तीन रात्रि ब्रह्मचर्य का पालन करते हैं —

श्लोक 20 (skanda.3.83.20)

यमलोकं न पश्येयुः कुंभीपाकादिकं तथा नैमिषारण्यवासी यो नरो देवत्वमाप्नुयात्

yamalokaṁ na paśyeyuḥ kuṁbhīpākādikaṁ tathā naimiṣāraṇyavāsī yo naro devatvam āpnuyāt

— वे कभी यमलोक अथवा कुम्भीपाक आदि नरकों को नहीं देखते। जो मनुष्य नैमिषारण्य में निवास करता है, वह देवत्व को प्राप्त होता है —

श्लोक 21 (skanda.3.83.21)

देवानामालयं यस्मात्तदेव भुवि दुर्लभम् कुरुक्षेत्रे नरो राम ग्रहणे चन्द्रसूर्ययोः

devānām ālayaṁ yasmāt tad eva bhuvi durlabham kurukṣetre naro rāma grahaṇe candrasūryayoḥ

— क्योंकि वह स्वयं देवताओं का निवास-स्थान है, जो पृथ्वी पर दुर्लभ है। हे राम! जो मनुष्य कुरुक्षेत्र में चन्द्र या सूर्य ग्रहण के समय —

श्लोक 22 (skanda.3.83.22)

हेमदानाच्च राजेंद्र न भूयः स्तनपो भवेत् श्रीस्थले दर्शनं कृत्वा नरः पापात्प्रमुच्यते

hemadānāc ca rājendra na bhūyaḥ stanapo bhavet śrīsthale darśanaṁ kṛtvā naraḥ pāpāt pramucyate

— सोने का दान करता है, वह पुनः दुग्धपायी शिशु के रूप में जन्म नहीं लेता, हे राजेन्द्र। श्रीस्थल का दर्शन कर मनुष्य पाप से मुक्त हो जाता है —

श्लोक 23 (skanda.3.83.23)

सर्वदुःखविनाशे च विष्णुलोके महीयते काश्यपीं स्पर्शयेद्यो गां मानवो भुवि राघव

sarvaduḥkhavināśe ca viṣṇuloke mahīyate kāśyapīṁ sparśayed yo gāṁ mānavo bhuvi rāghava

— उसके समस्त दुःखों का नाश होकर वह विष्णुलोक में सम्मानित होता है। हे राघव! जो मनुष्य पृथ्वी पर काश्यपी गंगा को गौ का स्पर्श कराता है —

श्लोक 24 (skanda.3.83.24)

सर्वकामदुघावासमृषिलोकं स गच्छति उज्जयिन्यां तु वैशाखे शिप्रायां स्नानमाचरेत्

sarvakāmadughāvāsam ṛṣilokaṁ sa gacchati ujjayinyāṁ tu vaiśākhe śiprāyāṁ snānam ācaret

— वह समस्त कामनाएँ पूर्ण करने वाले ऋषि-लोक को प्राप्त होता है। उज्जयिनी में वैशाख मास में शिप्रा नदी में स्नान करना चाहिए —

श्लोक 25 (skanda.3.83.25)

मोचयेद्रौरवाद्घोरात्पूर्वजांश्च सहस्रशः सिंधुस्नानं नरो राम प्रकरोति दिनत्रयम्

mocayed rauravād ghorāt pūrvajāṁś ca sahasraśaḥ sindhusnānaṁ naro rāma prakaroti dinatrayam

— जिससे वह हज़ारों पूर्वजों को घोर रौरव नरक से मुक्त कर देता है। हे राम! जो मनुष्य सिंधु नदी में तीन दिनों तक स्नान करता है —

श्लोक 26 (skanda.3.83.26)

सर्वपापविशुद्धात्मा कैलासे मोदते नरः कोटितीर्थे नरः स्नात्वा दृष्ट्वा कोटीश्वरं शिवम्

sarvapāpaviśuddhātmā kailāse modate naraḥ koṭitīrthe naraḥ snātvā dṛṣṭvā koṭīśvaraṁ śivam

— उसकी आत्मा समस्त पापों से शुद्ध होकर कैलास में आनंद पाती है। कोटितीर्थ में स्नान कर, कोटीश्वर शिव का दर्शन कर मनुष्य —

श्लोक 27 (skanda.3.83.27)

ब्रह्महत्यादिभिः पापैर्लिप्यते न च स क्वचित् अज्ञानामपि जंतूनां महाऽमेध्ये तु गच्छताम्

brahmahatyādibhiḥ pāpair lipyate na ca sa kvacit ajñānām api jantūnāṁ mahāmedhye tu gacchatām

— कभी ब्रह्महत्या आदि पापों से लिप्त नहीं होता। यहाँ तक कि अनजाने ही महा-अमेध्य स्थान में जाने वाले प्राणियों का भी —

श्लोक 28 (skanda.3.83.28)

पादोद्भूतं पयः पीत्वा सर्वपापं प्रणश्यति वेदवत्यां नरो यस्तु स्नाति सूर्योदये शुभे

pādodbhūtaṁ payaḥ pītvā sarvapāpaṁ praṇaśyati vedavatyāṁ naro yas tu snāti sūryodaye śubhe

— (शिव के) चरणों से उत्पन्न जल पीने मात्र से समस्त पाप नष्ट हो जाता है। जो मनुष्य वेदवती में शुभ सूर्योदय के समय स्नान करता है —

श्लोक 29 (skanda.3.83.29)

सर्वरोगात्प्रमुच्येत परं सुखमवाप्नुयात् तीर्थानि राम सर्वत्र स्नानपानावगाहनैः

sarvarogāt pramucyeta paraṁ sukham avāpnuyāt tīrthāni rāma sarvatra snānapānāvagāhanaiḥ

— वह समस्त रोगों से मुक्त होकर परम सुख को प्राप्त करता है। हे राम! सर्वत्र स्थित तीर्थ, स्नान, पान और अवगाहन के द्वारा —

श्लोक 30 (skanda.3.83.30)

नाशयंति मनुष्याणां सर्वपापानि लीलया तीर्थानां परमं तीर्थं धर्मारण्यं प्रचक्षते

nāśayanti manuṣyāṇāṁ sarvapāpāni līlayā tīrthānāṁ paramaṁ tīrthaṁ dharmāraṇyaṁ pracakṣate

— मनुष्यों के समस्त पापों को सहज ही नष्ट कर देते हैं। परंतु समस्त तीर्थों में सर्वश्रेष्ठ तीर्थ धर्मारण्य को कहा गया है —

श्लोक 31 (skanda.3.83.31)

ब्रह्मविष्णुशिवाद्यैर्यदादौ संस्थापितं पुरा अरण्यानां च सर्वेषां तीर्थानां च विशेषतः

brahmaviṣṇuśivādyair yad ādau saṁsthāpitaṁ purā araṇyānāṁ ca sarveṣāṁ tīrthānāṁ ca viśeṣataḥ

— जिसे आरंभ में ब्रह्मा, विष्णु और शिव आदि ने स्थापित किया था। समस्त अरण्यों में तथा समस्त तीर्थों में यह विशेष रूप से श्रेष्ठ है —

श्लोक 32 (skanda.3.83.32)

धर्मारण्यात्परं नास्ति भुक्तिमुक्तिप्रदायकम् स्वर्गे देवाः प्रशंसंति धर्मारण्यनिवासिनः

dharmāraṇyāt paraṁ nāsti bhuktimuktipradāyakam svarge devāḥ praśaṁsanti dharmāraṇyanivāsinaḥ

— भोग और मोक्ष प्रदान करने में धर्मारण्य से बढ़कर कुछ भी नहीं है। स्वर्ग में देवता धर्मारण्य के निवासियों की प्रशंसा करते हैं।

श्लोक 33 (skanda.3.83.33)

ते पुण्यास्ते पुण्यकृतो ये वसंति कलौ नराः धर्मारण्ये रामदेव सर्वकिल्बिषनाशने

te puṇyās te puṇyakṛto ye vasanti kalau narāḥ dharmāraṇye rāmadeva sarvakilbiṣanāśane

हे राम देव! कलियुग में जो मनुष्य समस्त पापों का नाश करने वाले धर्मारण्य में निवास करते हैं, वे ही पुण्यशाली और पुण्यकर्मा हैं।

श्लोक 34 (skanda.3.83.34)

ब्रह्महत्यादिपापानि सर्वस्तेयकृतानि च परदारप्रसंगादि अभक्ष्यभक्षणादि वै

brahmahatyādipāpāni sarvasteyakṛtāni ca paradāraprasaṅgādi abhakṣyabhakṣaṇādi vai

ब्रह्महत्या आदि पाप, सभी प्रकार की चोरी से किये गये पाप, परस्त्री-संग आदि, तथा अभक्ष्य पदार्थों का भक्षण आदि —

श्लोक 35 (skanda.3.83.35)

अगम्यागमना यानि अस्पर्शस्पर्शनादि च भस्मीभवंति लोकानां धर्मारण्यावगाहनात्

agamyāgamanā yāni asparśasparśanādi ca bhasmībhavanti lokānāṁ dharmāraṇyāvagāhanāt

— जो निषिद्ध स्त्री-गमन के पाप हैं, तथा अस्पृश्य वस्तुओं के स्पर्श के पाप हैं — ये सब धर्मारण्य में स्नान करने से भस्म हो जाते हैं।

श्लोक 36 (skanda.3.83.36)

ब्रह्मघ्नश्च कृतघ्नश्च बालघ्नोऽनृतभाषणः स्त्रीगोघ्नश्चैव ग्रामघ्रो धर्मारण्ये विमुच्यते

brahmaghnaś ca kṛtaghnaś ca bālaghno 'nṛtabhāṣaṇaḥ strīgoghnaś caiva grāmaghno dharmāraṇye vimucyate

ब्रह्महत्यारा, कृतघ्न, बालहत्यारा, असत्य-भाषी, स्त्री या गो-हत्यारा, तथा ग्राम-नाशक — ये सब धर्मारण्य में मुक्त हो जाते हैं।

श्लोक 37 (skanda.3.83.37)

नातः परं पावनं हि पापिनां प्राणिनां भुवि स्वर्ग्यं यशस्यमायुष्यं वांछितार्थप्रदं शुभम्

nātaḥ paraṁ pāvanaṁ hi pāpināṁ prāṇināṁ bhuvi svargyaṁ yaśasyam āyuṣyaṁ vāñchitārthapradaṁ śubham

पृथ्वी पर पापी प्राणियों के लिए इससे बढ़कर कोई पवित्र-कारक स्थान नहीं है; यह स्वर्ग देने वाला, यश देने वाला, आयु देने वाला, इच्छित वस्तुएँ प्रदान करने वाला और शुभ है।

श्लोक 38 (skanda.3.83.38)

कामिनां कामदं क्षेत्रं यतीनां मुक्तिदायकम् सिद्धानां सिद्धिदं प्रोक्तं धर्मारण्यं युगेयुगे

kāmināṁ kāmadaṁ kṣetraṁ yatīnāṁ muktidāyakam siddhānāṁ siddhidaṁ proktaṁ dharmāraṇyaṁ yugeyuge

कामनाओं वाले पुरुषों के लिए यह इच्छापूर्ति करने वाला क्षेत्र है, यतियों के लिए मुक्तिदायक है, और सिद्धों के लिए सिद्धिदायक — इस प्रकार धर्मारण्य को युग-युग में कहा गया है।

श्लोक 39 (skanda.3.83.39)

ब्रह्मोवाच । वसिष्ठवचनं श्रुत्वा रामो धर्मभृतां वरः परं हर्षमनुप्राप्य हृदयानंदकारकम्

brahmovāca vasiṣṭhavacanaṁ śrutvā rāmo dharmabhṛtāṁ varaḥ paraṁ harṣam anuprāpya hṛdayānandakārakam

ब्रह्मा ने कहा — वसिष्ठ के वचन सुनकर, धर्मधारियों में श्रेष्ठ राम को हृदय को आनंदित करने वाला परम हर्ष प्राप्त हुआ।

श्लोक 40 (skanda.3.83.40)

प्रोत्फुल्लहृदयो रामो रोमाचिंततनूरुहः गमनाय मतिं चक्रे धर्मारण्ये शुभव्रतः

protphullahṛdayo rāmo romāñcitatanūruhaḥ gamanāya matiṁ cakre dharmāraṇye śubhavrataḥ

प्रफुल्लित हृदय वाले, रोमांचित शरीर वाले, शुभ-व्रत धारण करने वाले राम ने धर्मारण्य जाने का संकल्प किया।

श्लोक 41 (skanda.3.83.41)

यस्मिन्कीटपतंगादिमानुषाः पशवस्तथा त्रिरात्रसेवनेनैव मुच्यन्ते सर्वपातकैः

yasmin kīṭapataṅgādimānuṣāḥ paśavas tathā trirātrasevanenaiva mucyante sarvapātakaiḥ

जिस स्थान में कीट-पतंग से लेकर मनुष्य और पशु भी, केवल तीन रात्रि निवास करने मात्र से समस्त पापों से मुक्त हो जाते हैं —

श्लोक 42 (skanda.3.83.42)

कुशस्थली यथा काशी शूलपाणिश्च भैरवः यथा वै मुक्तिदो राम धर्मारण्यं तथोत्तमम्

kuśasthalī yathā kāśī śūlapāṇiś ca bhairavaḥ yathā vai muktido rāma dharmāraṇyaṁ tathottamam

जैसे काशी कुशस्थली है और त्रिशूलधारी भैरव मुक्ति देने वाले हैं, हे राम! उसी प्रकार धर्मारण्य भी उतना ही उत्तम और मुक्तिदायक है।

श्लोक 43 (skanda.3.83.43)

ततो रामो महेष्वासो मुदा परमया युतः प्रस्थितस्तीर्थयात्रायां सीतया भ्रातृभिः सह

tato rāmo maheṣvāso mudā paramayā yutaḥ prasthitas tīrthayātrāyāṁ sītayā bhrātṛbhiḥ saha

तब महान् धनुर्धर राम परम प्रसन्नता से युक्त होकर, सीता और अपने भाइयों सहित तीर्थयात्रा पर निकल पड़े।

श्लोक 44 (skanda.3.83.44)

अनुजग्मुस्तदा रामं हनुमांश्च कपीश्वरः कौशल्या च सुमित्रा च कैकेयी च मुदान्विता

anujagmus tadā rāmaṁ hanumāṁś ca kapīśvaraḥ kauśalyā ca sumitrā ca kaikeyī ca mudānvitā

उस समय हनुमान और वानरराज (सुग्रीव), तथा प्रसन्नचित्त कौशल्या, सुमित्रा और कैकेयी भी राम के पीछे-पीछे चलीं।

श्लोक 45 (skanda.3.83.45)

लक्ष्मणो लक्षणोपेतो भरतश्च महामतिः शत्रुघ्नः सैन्यसहितोप्ययोध्यावासिनस्तथा

lakṣmaṇo lakṣaṇopeto bharataś ca mahāmatiḥ śatrughnaḥ sainyasahito 'py ayodhyāvāsinas tathā

शुभ लक्षणों वाले लक्ष्मण, महाबुद्धिमान भरत, सेना सहित शत्रुघ्न, तथा अयोध्या के अन्य निवासी भी —

श्लोक 46 (skanda.3.83.46)

प्रकृतयो नरव्याघ्र धर्मारण्ये विनिर्ययुः अनुजग्मुस्तदा रामं मुदा परमया युताः

prakṛtayo naravyāghra dharmāraṇye viniryayuḥ anujagmus tadā rāmaṁ mudā paramayā yutāḥ

हे पुरुष-श्रेष्ठ! सभी प्रजाजन परम हर्षपूर्वक धर्मारण्य के लिए निकल पड़े और राम के पीछे-पीछे चले।

श्लोक 47 (skanda.3.83.47)

तीर्थयात्राविधिं कर्तुं गृहात्प्रचलितो नृपः वसिष्ठं स्वकुलाचार्यमिदमाह महीपते

tīrthayātrāvidhiṁ kartuṁ gṛhāt pracalito nṛpaḥ vasiṣṭhaṁ svakulācāryam idam āha mahīpate

हे महीपते! तीर्थयात्रा की विधि सम्पन्न करने के लिए राजा राम अपने घर से चल पड़े, और अपने कुलाचार्य वसिष्ठ से यह बोले —

श्लोक 48 (skanda.3.83.48)

श्रीराम उवाच । एतदाश्चर्यमतुलं किमादि द्वारकाभवत् कियत्कालसमुत्पन्ना वसिष्ठेदं वदस्व मे

śrīrāma uvāca etad āścaryam atulaṁ kim ādi dvārakābhavat kiyatkālasamutpannā vasiṣṭhedaṁ vadasva me

श्रीराम ने कहा — यह अनुपम आश्चर्य क्या है? द्वारका सबसे पहले कैसे बनी, और कितने समय पहले स्थापित हुई — हे वसिष्ठ! यह मुझे बताइए।

श्लोक 49 (skanda.3.83.49)

वसिष्ठ उवाच । न जानामि महाराज कियत्कालादभूदिदम् लोमशो जांबवांश्चैव जानातीति च कारणम्

vasiṣṭha uvāca na jānāmi mahārāja kiyatkālād abhūd idam lomaśo jāmbavāṁś caiva jānātīti ca kāraṇam

वसिष्ठ ने कहा — हे महाराज! मैं नहीं जानता कि यह कितने समय पूर्व बनी थी; लोमश और जांबवान ही इसका कारण जानते हैं।

श्लोक 50 (skanda.3.83.50)

शरीरे यत्कृतं पापं नानाजन्मांतरेष्वपि प्रायश्चितं हि सर्वेषामेतत्क्षेत्र परं स्मृतम्

śarīre yat kṛtaṁ pāpaṁ nānājanmāntareṣv api prāyaścittaṁ hi sarveṣām etat kṣetra paraṁ smṛtam

अनेक जन्मों में शरीर से किये गये जो भी पाप हों, उन सबके प्रायश्चित का यह क्षेत्र सर्वोत्तम माना गया है।

श्लोक 51 (skanda.3.83.51)

श्रुत्वेति वचनं तस्य रामं ज्ञानवतां वरः गन्तुं कृतमतिस्तीर्थं यात्राविधिमथाचरत्

śrutveti vacanaṁ tasya rāmaṁ jñānavatāṁ varaḥ gantuṁ kṛtamatis tīrthaṁ yātrāvidhim athācarat

उनके इस वचन को सुनकर ज्ञानियों में श्रेष्ठ राम ने तीर्थ जाने का निश्चय कर लिया, और यात्रा-विधि का पालन करने लगे।

श्लोक 52 (skanda.3.83.52)

वसिष्ठं चाग्रतः कृत्वा महामांडलिकैर्नृपैः पुनश्चरविधिं कृत्वा प्रस्थितश्चोत्तरां दिशम्

vasiṣṭhaṁ cāgrataḥ kṛtvā mahāmāṇḍalikair nṛpaiḥ punaścaravidhiṁ kṛtvā prasthitaś cottarāṁ diśam

वसिष्ठ को आगे कर, बड़े-बड़े सामंत राजाओं सहित पुनश्चरण-विधि सम्पन्न कर वे उत्तर दिशा की ओर चल पड़े।

श्लोक 53 (skanda.3.83.53)

वसिष्ठं चाग्रतः कृत्वा प्रतस्थे पश्चिमां दिशम् ग्रामाद्ग्राममतिक्रम्य देशाद्देशं वनाद्वनम्

vasiṣṭhaṁ cāgrataḥ kṛtvā pratasthe paścimāṁ diśam grāmād grāmam atikramya deśād deśaṁ vanād vanam

फिर वसिष्ठ को आगे कर पश्चिम दिशा की ओर प्रस्थान किया, ग्राम से ग्राम, देश से देश, वन से वन पार करते हुए —

श्लोक 54 (skanda.3.83.54)

विमुच्य निर्ययौ रामः ससैन्यः सपरिच्छदः गजवाजिसहस्रौघै रथैर्यानैश्च कोटिभिः।

vimucya niryayau rāmaḥ sasainyaḥ saparicchadaḥ gajavājisahasraughai rathair yānaiś ca koṭibhiḥ

— राम अयोध्या को छोड़कर सेना और अपने परिवार सहित निकले, हज़ारों हाथी-घोड़ों तथा करोड़ों रथों और वाहनों के साथ।

श्लोक 55 (skanda.3.83.55)

शिबिकाभिश्चासंख्याभिः प्रययौ राघवस्तदा गजारूढः प्रपश्यंश्च देशान्विविधसौहृदान्

śibikābhiś cāsaṁkhyābhiḥ prayayau rāghavas tadā gajārūḍhaḥ prapaśyaṁś ca deśān vividhasauhṛdān

अनगिनत पालकियों के साथ राघव तब चले, हाथी पर सवार होकर विविध मित्रता वाले देशों को देखते हुए।

श्लोक 56 (skanda.3.83.56)

श्वेतातपत्रं विधृत्य चामरेण शुभेन च वीजितश्च जनौघेन रामस्तत्र समभ्यगात्

śvetātapatraṁ vidhṛtya cāmareṇa śubhena ca vījitaś ca janaughena rāmas tatra samabhyagāt

श्वेत छत्र धारण किये हुए, शुभ चामर से हवा किये जाते हुए, जनसमूह से घिरे हुए राम वहाँ पहुँचे।

श्लोक 57 (skanda.3.83.57)

वादित्राणां स्वनैघोरैर्नृत्यगीतपुरःसरैः स्तूयमानोपि सूतैश्च ययौ रामो मुदान्वितः

vāditrāṇāṁ svanair ghorair nṛtyagītapuraḥsaraiḥ stūyamāno 'pi sūtaiś ca yayau rāmo mudānvitaḥ

वाद्यों की गंभीर ध्वनि के साथ, नृत्य-गीत के आगे-आगे बजते हुए, सूतों द्वारा स्तुति किये जाते हुए, राम प्रसन्नतापूर्वक चले।

श्लोक 58 (skanda.3.83.58)

दशमेऽहनि संप्राप्तं धर्मारण्यमनुत्तमम् अदूरे हि ततो रामो दृष्ट्वा मांडलिकं पुरम्

daśame 'hani saṁprāptaṁ dharmāraṇyam anuttamam adūre hi tato rāmo dṛṣṭvā māṇḍalikaṁ puram

दसवें दिन उन्होंने अनुपम धर्मारण्य पहुँच लिया; फिर वहाँ से न अधिक दूर एक मांडलिक नगर देखकर राम ने —

श्लोक 59 (skanda.3.83.59)

तत्र स्थित्वा ससैन्यस्तु उवास निशि तां पुरीम् श्रुत्वा तु निर्जनं क्षेत्रमुद्वसं च भयानकम्

tatra sthitvā sasainyas tu uvāsa niśi tāṁ purīm śrutvā tu nirjanaṁ kṣetram udvasaṁ ca bhayānakam

— वहाँ अपनी सेना सहित ठहरकर, उस रात नगरी में विश्राम किया। यह सुनकर कि वह क्षेत्र निर्जन, उजाड़ और भयानक है —

श्लोक 60 (skanda.3.83.60)

व्याघ्रसिंहाकुलं तत्र यक्षराक्षससेवितम् श्रुत्वा जनमुखाद्रामो धर्मारण्यमरण्यकम् तच्छ्रुत्वा रामदेवस्तु न चिंता क्रियतामिति

vyāghrasiṁhākulaṁ tatra yakṣarākṣasasevitam śrutvā janamukhād rāmo dharmāraṇyam araṇyakam tac chrutvā rāmadevas tu na cintā kriyatām iti

— बाघों-सिंहों से भरा हुआ, यक्ष-राक्षसों का बसेरा — यह सुनकर, प्रजा के मुख से यह सब सुनकर राम ने कहा — 'चिंता मत करो' — यह कहकर उन्होंने धर्मारण्य को (केवल) एक वन के रूप में सुना।

श्लोक 61 (skanda.3.83.61)

तत्रस्थान्वणिजः शूरान्दक्षान्स्वव्यवसायके समर्थान्हि महाकायान्महाबलपराक्रमान् समाहूय तदा काले वाक्यमेतदथाब्रवीत्

tatrasthān vaṇijaḥ śūrān dakṣān svavyavasāyake samarthān hi mahākāyān mahābalaparākramān samāhūya tadā kāle vākyam etad athābravīt

उस समय राम ने वहाँ के शूरवीर, अपने-अपने व्यवसाय में निपुण, समर्थ, विशालकाय और महाबली वणिकों को बुलाकर यह वचन कहा —

श्लोक 62 (skanda.3.83.62)

शिबिकां सुसुवणां मे शीघ्रं वाहयताचिरम् यथा क्षणेन चैकेन धर्मरण्यं व्रजाम्यहम्

śibikāṁ susuvarṇāṁ me śīghraṁ vāhayatācciram yathā kṣaṇena caikena dharmāraṇyaṁ vrajāmy aham

'मेरी स्वर्णजड़ित पालकी को शीघ्र, बिना विलंब के ढो लो, ताकि मैं एक ही क्षण में धर्मारण्य पहुँच जाऊँ।'

श्लोक 63 (skanda.3.83.63)

तत्र स्नात्वा च पीत्वा च सर्वपापात्प्रमुच्यते एवं ते वणिजः सर्वै रामेण प्रेरितास्तदा

tatra snātvā ca pītvā ca sarvapāpāt pramucyate evaṁ te vaṇijaḥ sarve rāmeṇa preritās tadā

'वहाँ स्नान और जल-पान करने मात्र से मनुष्य समस्त पापों से मुक्त हो जाता है।' इस प्रकार राम द्वारा प्रेरित होकर वे सभी वणिक —

श्लोक 64 (skanda.3.83.64)

तथेत्युक्त्वा च ते सर्वे ऊहुस्तच्छिबिकां तदा क्षेत्रमध्ये यदा रामः प्रविष्टः सहसैनिकः

tathety uktvā ca te sarve ūhus tac chibikāṁ tadā kṣetramadhye yadā rāmaḥ praviṣṭaḥ sahasainikaḥ

'ऐसा ही हो' कहकर उन सबने उस पालकी को उठाया। जब राम सैनिकों सहित उस क्षेत्र के मध्य प्रविष्ट हुए —

श्लोक 65 (skanda.3.83.65)

तद्यानस्य गतिर्मंदा संजाता किल भारत मंदशब्दानि वाद्यानि मातंगा मंदगामिनः

tadyānasya gatir mandā saṁjātā kila bhārata mandaśabdāni vādyāni mātaṅgā mandagāminaḥ

— हे भरतवंशी! उनकी पालकी की गति मंद हो गयी, वाद्यों का स्वर भी मंद हो गया, तथा हाथी भी धीरे-धीरे चलने लगे —

श्लोक 66 (skanda.3.83.66)

हयाश्च तादृशा जाता रामो विस्मय मागतः गुरुं पप्रच्छ विनयाद्वशिष्ठं मुनिपुंगवम्

hayāś ca tādṛśā jātā rāmo vismayam āgataḥ guruṁ papraccha vinayād vaśiṣṭhaṁ munipuṅgavam

— और घोड़े भी वैसे ही हो गये। इससे विस्मित होकर राम ने विनयपूर्वक अपने गुरु, मुनिश्रेष्ठ वसिष्ठ से पूछा —

श्लोक 67 (skanda.3.83.67)

किमेतन्मंदगतयश्चित्रं हृदि मुनीश्वर त्रिकालज्ञो मुनिः प्राह धर्मक्षेत्रमुपागतम्

kim etan mandagatayaś citraṁ hṛdi munīśvara trikālajño muniḥ prāha dharmakṣetram upāgatam

'हे मुनीश्वर! यह क्या है — यह मंद गति मेरे हृदय में विस्मय उत्पन्न कर रही है।' त्रिकाल-ज्ञ मुनि ने कहा — 'हम धर्मक्षेत्र में पहुँच चुके हैं —'

श्लोक 68 (skanda.3.83.68)

तीर्थे पुरातने राम पादचारेण गम्यते एवं कृते ततः पश्चात्सैन्यसौख्यं भविष्यति

tīrthe purātane rāma pādacāreṇa gamyate evaṁ kṛte tataḥ paścāt sainyasaukhyaṁ bhaviṣyati

'— हे राम! इस प्राचीन तीर्थ में पैदल ही चलना चाहिए; ऐसा करने पर ही आगे सेना को सुख मिलेगा।'

श्लोक 69 (skanda.3.83.69)

पादचारी ततौ रामः सैन्येन सह संयुतः मधुवासनके ग्रामे प्राप्तः परमभावनः

pādacārī tato rāmaḥ sainyena saha saṁyutaḥ madhuvāsanake grāme prāptaḥ paramabhāvanaḥ

तब राम, अपनी सेना सहित पैदल चलते हुए, परम भाव से युक्त होकर मधुवासनक ग्राम पहुँचे।

श्लोक 70 (skanda.3.83.70)

गुरुणा चोक्तमार्गेण मातॄणां पूजनं कृतम् नानोपहारैर्विविधैः प्रतिष्ठाविधिपूर्वकम्

guruṇā coktamārgeṇa mātṝṇāṁ pūjanaṁ kṛtam nānopahārair vividhaiḥ pratiṣṭhāvidhipūrvakam

गुरु द्वारा बताये गये विधान से नाना प्रकार के उपहारों से माताओं (कुलदेवियों) की पूजा प्रतिष्ठा-विधिपूर्वक की गयी।

श्लोक 71 (skanda.3.83.71)

ततो रामो हरिक्षेत्रं सुवर्णादक्षिणे तटे निरीक्ष्य यज्ञयोग्याश्च भूमीर्वै बहुशस्तथा

tato rāmo harikṣetraṁ suvarṇād dakṣiṇe taṭe nirīkṣya yajñayogyāś ca bhūmīr vai bahuśas tathā

फिर राम ने सुवर्णा नदी के दक्षिण तट पर स्थित हरिक्षेत्र का निरीक्षण किया, तथा यज्ञ के योग्य अनेक भूमियाँ भी देखीं।

श्लोक 72 (skanda.3.83.72)

कृतकृत्यं तदात्मानं मेने रामो रघूद्वहः धर्मस्थानं निरीक्ष्याथ सुवर्णाक्षोत्तरे तटे

kṛtakṛtyaṁ tadātmānaṁ mene rāmo raghūdvahaḥ dharmasthānaṁ nirīkṣyātha suvarṇākṣottare taṭe

तब वह रघुकुल-प्रधान राम स्वयं को कृतकृत्य समझने लगा; तत्पश्चात् सुवर्णाक्ष के उत्तर तट पर धर्मस्थान को देखकर —

श्लोक 73 (skanda.3.83.73)

सैन्यसंघं समुत्तीर्य्य बभ्राम क्षेत्रमध्यतः तत्र तीर्थेषु सर्वेषु देवतायतनेषु च

sainyasaṁghaṁ samuttīrya babhrāma kṣetramadhyataḥ tatra tīrtheṣu sarveṣu devatāyataneṣu ca

— अपनी सेना को पार कराकर वह उस क्षेत्र के मध्य विचरण करने लगा; वहाँ के समस्त तीर्थों और देव-मंदिरों में —

श्लोक 74 (skanda.3.83.74)

यथोक्तानि च कर्माणि रामश्चक्रे विधानतः श्राद्धानि विधिवच्चक्रे श्रद्धया परया युतः

yathoktāni ca karmāṇi rāmaś cakre vidhānataḥ śrāddhāni vidhivac cakre śraddhayā parayā yutaḥ

— राम ने विधिपूर्वक निर्धारित सभी कर्म सम्पन्न किये, तथा परम श्रद्धा सहित विधिपूर्वक श्राद्ध भी किये।

श्लोक 75 (skanda.3.83.75)

स्थापयामास रामेशं तथा कामेश्वरं पुनः स्थानाद्वायुप्रदेशे तु सुवर्णो भयतस्तटे

sthāpayāmāsa rāmeśaṁ tathā kāmeśvaraṁ punaḥ sthānād vāyupradeśe tu suvarṇobhayatas taṭe

उन्होंने रामेश्वर की स्थापना की, और सुवर्णा नदी के दोनों तटों के वायव्य प्रदेश में कामेश्वर की भी स्थापना की।

श्लोक 76 (skanda.3.83.76)

कृत्वैवं कृतकृत्योऽभूद्रामो दशरथात्मजः कृत्वा सर्वविधिं चैव सभायां समुपाविशत्

kṛtvaivaṁ kṛtakṛtyo 'bhūd rāmo daśarathātmajaḥ kṛtvā sarvavidhiṁ caiva sabhāyāṁ samupāviśat

इस प्रकार करके दशरथ-पुत्र राम कृतकृत्य हो गये; समस्त विधि सम्पन्न कर वे सभा में बैठ गये।

श्लोक 77 (skanda.3.83.77)

तां निशां स नदीतीरे सुष्वाप रघुनंदनः ततोऽर्द्धरात्रे संजाते रामो राजीवलोचनः

tāṁ niśāṁ sa nadītīre suṣvāpa raghunandanaḥ tato 'rdharātre saṁjāte rāmo rājīvalocanaḥ

उस रात्रि रघुनंदन राम नदी-तट पर ही सोये रहे; फिर आधी रात होने पर कमलनयन राम —

श्लोक 78 (skanda.3.83.78)

जागृतस्तु तदा काल एकाकी धर्मवत्सलः अश्रौषीच्च क्षणे तस्मिन्रामो नारीविरोदनम्

jāgṛtas tu tadā kāla ekākī dharmavatsalaḥ aśrauṣīc ca kṣaṇe tasmin rāmo nārīvirodanam

— उस समय अकेले जागे हुए, धर्म-प्रिय राम ने उसी क्षण एक स्त्री का करुण विलाप सुना।

श्लोक 79 (skanda.3.83.79)

निशायां करुणैर्वाक्यै रुदंतीं कुररीमिव चारैर्विलोकयामास रामस्तामतिसंभ्रमात्

niśāyāṁ karuṇair vākyai rudantīṁ kurarīm iva cārair vilokayāmāsa rāmas tām atisaṁbhramāt

रात्रि में कुररी पक्षी की भाँति करुण वचनों से रोती हुई उस स्त्री को — अत्यंत संभ्रमित होकर राम ने अपने गुप्तचरों द्वारा देखने भेजा।

श्लोक 80 (skanda.3.83.80)

दृष्ट्वातिविह्वलां नारीं क्रंदन्तीं करुणैः स्वरैः पृष्टा सा दुःखिता नारी रामदूतैस्तदानघ

dṛṣṭvātivihvalāṁ nārīṁ krandantīṁ karuṇaiḥ svaraiḥ pṛṣṭā sā duḥkhitā nārī rāmadūtais tadānagha

हे निष्पाप! अत्यंत व्याकुल, करुण स्वरों में विलाप करती हुई उस स्त्री को देखकर, राम के दूतों ने उस दुःखी स्त्री से पूछा —

श्लोक 81 (skanda.3.83.81)

दूता ऊचुः । कासि त्वं सुभगे नारि देवी वा दानवी नु किम् केन वा त्रासितासि त्वं मुष्टं केन धनं तव

dūtā ūcuḥ kāsi tvaṁ subhage nāri devī vā dānavī nu kim kena vā trāsitāsi tvaṁ muṣṭaṁ kena dhanaṁ tava

दूतों ने कहा — 'हे सुभगे! तुम कौन हो — देवी हो या दानवी? किसने तुम्हें भयभीत किया है? किसने तुम्हारा धन छीना है?'

श्लोक 82 (skanda.3.83.82)

विकला दारुणाञ्छब्दानुद्गिरंती मुहुर्मुहुः कथयस्व यथातथ्यं रामो राजाभिपृच्छति।

vikalā dāruṇāñ chabdān udgirantī muhur muhuḥ kathayasva yathātathyaṁ rāmo rājābhipṛcchati

'तुम व्याकुल होकर बार-बार भयंकर पुकारें कर रही हो — जैसा भी हुआ हो, यथार्थ बताओ; राजा राम तुमसे पूछ रहे हैं।'

श्लोक 83 (skanda.3.83.83)

तयोक्तं स्वामिनं दूताः प्रेषयध्वं ममांतिकम् यथाहं मानसं दुःखं शांत्यै तस्मै निवेदये

tayoktaṁ svāminaṁ dūtāḥ preṣayadhvaṁ mamāntikam yathāhaṁ mānasaṁ duḥkhaṁ śāntyai tasmai nivedaye

उसने कहा — 'हे दूतो! अपने स्वामी को मेरे निकट भेजो, ताकि मैं अपने मन का दुःख उन्हें बता सकूँ और शांति पा सकूँ।'

श्लोक 84 (skanda.3.83.84)

तथेत्युक्त्वा ततो दूता राममागत्य चाब्रुवन् इति श्रीस्कांदे महापुराण एकाशीतिसाहस्र्यां संहितायां तृतीये ब्रह्मखण्डे पूर्वभागे धर्मारण्यमाहात्म्ये दूतागमनं नामैकत्रिंशोऽध्यायः

tathety uktvā tato dūtā rāmam āgatya cābruvan iti śrīskānde mahāpurāṇa ekāśītisāhasryāṁ saṁhitāyāṁ tṛtīye brahmakhaṇḍe pūrvabhāge dharmāraṇyamāhātmye dūtāgamanaṁ nāmaikatriṁśo 'dhyāyaḥ

'ऐसा ही हो' कहकर वे दूत राम के पास लौट आये और यह बात निवेदित की। इस प्रकार श्रीस्कन्दमहापुराण की एक लाख इक्यासी हज़ार श्लोकों वाली संहिता के तृतीय ब्रह्मखण्ड के पूर्वभाग में, धर्मारण्य-माहात्म्य के अंतर्गत, दूतागमन नामक इकतीसवाँ अध्याय पूर्ण हुआ।