श्रीराम द्वारा ब्राह्मणों को शासनपट्ट-प्रदान वर्णन

श्लोक 1 (skanda.3.86.1)

व्यास उवाच । एवं रामेण धर्मज्ञ जीर्णोद्धारः पुरा कृतः द्विजानां च हितार्थाय श्रीमातुर्वचनेन च

vyāsa uvāca evaṁ rāmeṇa dharmajña jīrṇoddhāraḥ purā kṛtaḥ dvijānāṁ ca hitārthāya śrīmātur vacanena ca

व्यास जी ने कहा — हे धर्मज्ञ! इस प्रकार राम ने पूर्वकाल में, श्रीमाता के वचन से तथा ब्राह्मणों के हित के लिए, जीर्णोद्धार किया।

श्लोक 2 (skanda.3.86.2)

युधिष्ठिर उवाच । कीदृशं शासनं ब्रह्मन्रामेण लिखितं पुरा कथयस्व प्रसादेन त्रेतायां सत्यमंदिरे

yudhiṣṭhira uvāca kīdṛśaṁ śāsanaṁ brahman rāmeṇa likhitaṁ purā kathayasva prasādena tretāyāṁ satyamandire

युधिष्ठिर ने कहा — हे ब्राह्मण! त्रेतायुग में सत्यमंदिर में राम द्वारा जो शासनपत्र लिखा गया, वह कैसा था — कृपया मुझे बताइए।

श्लोक 3 (skanda.3.86.3)

व्यास उवाच । धर्मारण्ये वरे दिव्ये बकुलार्के स्वधिष्ठिते शून्यस्वामिनि विप्रेंद्र स्थिते नारायणे प्रभौ

vyāsa uvāca dharmāraṇye vare divye bakulārke svādhiṣṭhite śūnyasvāmini viprendra sthite nārāyaṇe prabhau

व्यास जी ने कहा — हे विप्रेन्द्र! उस श्रेष्ठ, दिव्य धर्मारण्य में, जहाँ बकुलार्क स्वयं अधिष्ठित हैं, जहाँ शून्यस्वामी प्रभु नारायण भी विराजमान हैं —

श्लोक 4 (skanda.3.86.4)

रक्षणाधिपतौ देवे सर्वज्ञे गुणनायके भवसागर मग्नानां तारिणी यत्र योगिनी

rakṣaṇādhipatau deve sarvajñe guṇanāyake bhavasāgaramagnānāṁ tāriṇī yatra yoginī

— जहाँ रक्षा के अधिपति, सर्वज्ञ, गुणों के नायक देव हैं, और जहाँ योगिनी संसार-सागर में डूबे हुओं को पार लगाने वाली हैं —

श्लोक 5 (skanda.3.86.5)

शासनं तत्र रामस्य राघवस्य च नामतः शृणु ताम्राश्रयं तत्र लिखितं धर्मशास्त्रतः

śāsanaṁ tatra rāmasya rāghavasya ca nāmataḥ śṛṇu tāmrāśrayaṁ tatra likhitaṁ dharmaśāstrataḥ

— वहाँ राघव राम के नाम पर एक शासनपत्र है; उस ताम्रपत्र पर धर्मशास्त्र के अनुसार जो लिखा है, वह सुनो।

श्लोक 6 (skanda.3.86.6)

महाश्चर्यकरं तच्च ह्यनेकयुगसंस्थितम्। सर्वो धातुः क्षयं याति सुवर्णं क्षयमेति च

mahāścaryakaraṁ tac ca hy anekayugasaṁsthitam sarvo dhātuḥ kṣayaṁ yāti suvarṇaṁ kṣayam eti ca

वह अत्यंत आश्चर्यजनक है — अनेक युगों से वैसा ही स्थित है। हर धातु क्षीण हो जाती है, स्वर्ण भी क्षय को प्राप्त होता है —

श्लोक 7 (skanda.3.86.7)

प्रत्यक्षं दृश्यते पुत्र द्विजशासनमक्षयम् अविनाशो हि ताम्रस्य कारणं तत्र विद्यते

pratyakṣaṁ dṛśyate putra dvijaśāsanam akṣayam avināśo hi tāmrasya kāraṇaṁ tatra vidyate

— किंतु हे पुत्र! यह ब्राह्मणों का शासनपत्र आज भी अक्षय और प्रत्यक्ष दृष्टिगोचर होता है; इसका कारण यही है कि तांबा अविनाशी होता है।

श्लोक 8 (skanda.3.86.8)

वेदोक्तं सकलं यस्माद्विष्णुरेव हि कथ्यते पुराणेषु च वेदेषु धर्मशास्त्रेषु भारत

vedoktaṁ sakalaṁ yasmād viṣṇur eva hi kathyate purāṇeṣu ca vedeṣu dharmaśāstreṣu bhārata

हे भारत! क्योंकि वेदों में जो कुछ कहा गया है, वह सब विष्णु ही कहलाता है — पुराणों में, वेदों में, तथा धर्मशास्त्रों में भी।

श्लोक 9 (skanda.3.86.9)

सर्वत्र गीयते विष्णुर्नाना भावसमाश्रयः नानादेशेषु धर्मेषु नानाधर्मनिषेविभिः

sarvatra gīyate viṣṇur nānābhāvasamāśrayaḥ nānādeśeṣu dharmeṣu nānādharmaniṣevibhiḥ

सर्वत्र विष्णु का ही गान होता है, वे नाना भावों के आश्रय हैं; नाना देशों में, नाना धर्मों में, नाना धर्म-पालकों के द्वारा —

श्लोक 10 (skanda.3.86.10)

नानाभेदैस्तु सर्वत्र विष्णुरेवेति चिंत्यते अवतीर्णः स वै साक्षात्पुराणपुरुषो त्तमः देववैरिविनाशाय धर्मसंरक्षणाय च

nānābhedais tu sarvatra viṣṇur eveti cintyate avatīrṇaḥ sa vai sākṣāt purāṇapuruṣottamaḥ devavairivināśāya dharmasaṁrakṣaṇāya ca

— नाना भेदों में भी सर्वत्र विष्णु ही चिंतित हैं। वे ही, वह पुराण-पुरुषोत्तम, देव-शत्रुओं के विनाश और धर्म की रक्षा के लिए साक्षात् अवतरित हुए।

श्लोक 11 (skanda.3.86.11)

तेनेदं शासनं दत्तमविनाशात्मकं सुत

tenedaṁ śāsanaṁ dattam avināśātmakaṁ suta

हे पुत्र! उन्हीं के द्वारा यह अविनाशी शासनपत्र दिया गया।

श्लोक 12 (skanda.3.86.12)

यस्य प्रतापादृषद(य)स्तारिता जलमध्यतः वानरैर्वेष्टिता लंका हेलया राक्षसा हताः

yasya pratāpād ṛṣayas tāritā jalamadhyataḥ vānarair veṣṭitā laṅkā helayā rākṣasā hatāḥ

जिनके प्रताप से पत्थर भी जल के बीच तैर गये, वानरों से घेरी गयी लंका को, तथा राक्षसों को सहज ही मार डाला गया —

श्लोक 13 (skanda.3.86.13)

मुनिपुत्रं मृतं रामो यमलोकादुपानयत् दुंदुभिर्निहतो येन कबंधोऽभिहतस्तथा

muniputraṁ mṛtaṁ rāmo yamalokād upānayat dundubhir nihato yena kabandho 'bhihatas tathā

जिन्होंने एक मृत मुनि-पुत्र को यमलोक से वापस ला दिया, जिन्होंने दुंदुभि का वध किया और कबंध को भी मार गिराया —

श्लोक 14 (skanda.3.86.14)

निहता ताडका चैव सप्तताला विभेदिताः खरश्च दूषणश्चैव त्रिशिराश्च महासुरः

nihatā tāḍakā caiva saptatālā vibheditāḥ kharaś ca dūṣaṇaś caiva triśirāś ca mahāsuraḥ

जिन्होंने ताड़का का वध किया, सात ताड़-वृक्षों को भेद डाला, तथा खर, दूषण और महासुर त्रिशिरा को भी मार गिराया —

श्लोक 15 (skanda.3.86.15)

चतुर्दशसहस्राणि जवेन निहता रणे तेनेदं शासनं दत्तमक्षयं न कथं भवेत्

caturdaśasahasrāṇi javena nihatā raṇe tenedaṁ śāsanaṁ dattam akṣayaṁ na kathaṁ bhavet

जिन्होंने चौदह हज़ार राक्षसों को क्षणभर में युद्ध में मार गिराया — ऐसे उन्हीं के द्वारा दिया गया यह शासन अक्षय क्यों न होगा?

श्लोक 16 (skanda.3.86.16)

स्ववंशवर्णनं तत्र लिखित्वा स्वयमेव तु देशकालादिकं सर्वं लिलेख विधिपूर्वकम्

svavaṁśavarṇanaṁ tatra likhitvā svayam eva tu deśakālādikaṁ sarvaṁ lilekha vidhipūrvakam

उन्होंने वहाँ स्वयं ही अपने वंश का वर्णन लिखा, तथा विधिपूर्वक देश, काल आदि सब कुछ लेखबद्ध किया।

श्लोक 17 (skanda.3.86.17)

स्वमुद्राचिह्नितं तत्र त्रैविद्येभ्यस्तथा ददौ। चतुश्चत्वारिंशवर्षो रामो दशरथात्मजः

svamudrācihnitaṁ tatra trai vidyebhyas tathā dadau catuścatvāriṁśavarṣo rāmo daśarathātmajaḥ

उसे अपनी ही मुद्रा से अंकित कर, दशरथ-पुत्र राम ने चवालीस वर्ष की आयु में त्रयी-विद्या वाले ब्राह्मणों को वहाँ दे दिया।

श्लोक 18 (skanda.3.86.18)

तस्मिन्काले महाश्चर्यं संदत्तं किल भारत। तत्र स्वर्णोपमं चापि रौप्योपमम थापि च

tasmin kāle mahāścaryaṁ saṁdattaṁ kila bhārata tatra svarṇopamaṁ cāpi raupyopamam athāpi ca

उस समय एक महान् आश्चर्य भी घटित हुआ, हे भारत! वहाँ स्वर्ण के समान तथा चाँदी के समान भी —

श्लोक 19 (skanda.3.86.19)

उवाह सलिलं तीर्थे देवर्षिपितृतृप्तिदम् स्ववंशनायकस्याग्रे सूर्येण कृतमेव तत्

uvāha salilaṁ tīrthe devarṣipitṛtṛptidam svavaṁśanāyakasyāgre sūryeṇa kṛtam eva tat

— उस तीर्थ में जल प्रवाहित हुआ, जो देवताओं, ऋषियों और पितरों को तृप्त करने वाला था; यह स्वयं सूर्य ने अपने वंश-नायक (राम) के समक्ष किया था।

श्लोक 20 (skanda.3.86.20)

तद्दृष्ट्वा महदाश्चर्यं रामो विष्णुं प्रपूज्य च रामलेखविचित्रैस्तु लिखितं धर्मशासनम्

tad dṛṣṭvā mahad āścaryaṁ rāmo viṣṇuṁ prapūjya ca rāmalekhavicitrais tu likhitaṁ dharmaśāsanam

उस महान् आश्चर्य को देखकर राम ने विष्णु की पूजा की, और रामलिपि के विचित्र अक्षरों में यह धर्म-शासन लिखा गया।

श्लोक 21 (skanda.3.86.21)

यद्दृष्ट्वाथ द्विजाः सर्वे संसारभयबंधनम् कुर्वते नैव यस्मान्च तस्मान्निखिलरक्षकम्

yad dṛṣṭvātha dvijāḥ sarve saṁsārabhayabandhanam kurvate naiva yasmān na tasmān nikhilarakṣakam

जिसे देखकर सभी ब्राह्मण संसार के भय-बंधन को प्राप्त नहीं होते — इसीलिए यह सर्वरक्षक कहलाता है।

श्लोक 22 (skanda.3.86.22)

ये पापिष्ठा दुराचारा मित्रद्रोहरताश्च ये तेषां प्रबोधनार्थाय प्रसिद्धिमकरोत्पुरा

ye pāpiṣṭhā durācārā mitradroharatāś ca ye teṣāṁ prabodhanārthāya prasiddhim akarot purā

जो अत्यंत पापी, दुराचारी और मित्र-द्रोही हैं, उनके प्रबोधन के लिए पहले ही इसे प्रसिद्ध किया गया था।

श्लोक 23 (skanda.3.86.23)

रामलेखविचित्रैस्तु विचित्रे ताम्रपट्टके वाक्यानीमानि श्रूयंते शासने किल नारद

rāmalekhavicitrais tu vicitre tāmrapaṭṭake vākyānīmāni śrūyante śāsane kila nārada

हे नारद! उस विचित्र ताम्रपट्ट पर रामलिपि के विचित्र अक्षरों में शासनपत्र में ये वचन सुनने को मिलते हैं —

श्लोक 24 (skanda.3.86.24)

आस्फोटयंति पितरः कथयंति पितामहाः भूमिदोऽस्मत्कुले जातः सोऽस्मान्संतारयिष्यति

āsphoṭayanti pitaraḥ kathayanti pitāmahāḥ bhūmido 'smatkule jātaḥ so 'smān saṁtārayiṣyati

— 'पितर हर्षपूर्वक हाथ हिलाते हैं, पितामह कहते हैं — हमारे कुल में जो भूमि-दाता उत्पन्न होगा, वह हमें पार लगाएगा —'

श्लोक 25 (skanda.3.86.25)

बहुभिर्बहुधा भुक्ता राजभिः पृथिवी त्वियम् यस्ययस्य यदा भूमिस्तस्यतस्य तदा फलम्

bahubhir bahudhā bhuktā rājabhiḥ pṛthivī tv iyam yasya yasya yadā bhūmis tasya tasya tadā phalam

'— यह पृथ्वी अनेक राजाओं द्वारा अनेक बार भोगी गयी है; जिस-जिस के अधीन जब यह भूमि रहती है, तभी उसे उसका फल मिलता है।'

श्लोक 26 (skanda.3.86.26)

षष्टिवर्षसहस्राणि स्वर्गे वसति भूमिदः आच्छेत्ता चानुमंता च तान्येव नरकं व्रजेत्

ṣaṣṭivarṣasahasrāṇi svarge vasati bhūmidaḥ ācchettā cānumantā ca tāny eva narakaṁ vrajet

'भूमि-दाता साठ हज़ार वर्षों तक स्वर्ग में निवास करता है; परंतु जो भूमि छीनता है, अथवा उसमें सम्मति देता है, वह उतने ही वर्षों तक नरक में जाता है।'

श्लोक 27 (skanda.3.86.27)

संदंशैस्तुद्यमानस्तु मुद्गरैर्विनिहत्य च पाशैः सुबध्यमानस्तु रोरवीति महास्वरम्

saṁdaṁśais tudyamānas tu mudgarair vinihatya ca pāśaiḥ subadhyamānas tu roravīti mahāsvaram

'चिमटों से नोचा जाता, मूसलों से पीटा जाता, फंदों से बांधा जाता — वह ऊँची आवाज़ में चीखता है।'

श्लोक 28 (skanda.3.86.28)

ताड्यमानः शिरे दंडैः समालिंग्य विभावसुम् क्षुरिकया छिद्यमानो रोरवीति महास्वनम्

tāḍyamānaḥ śire daṇḍais samāliṅgya vibhāvasum kṣurikayā chidyamāno roravīti mahāsvanam

'सिर पर डंडों से पीटा जाता, अग्नि का आलिंगन कराया जाता, छुरी से काटा जाता — वह उच्च स्वर में चीत्कार करता है।'

श्लोक 29 (skanda.3.86.29)

यमदूतैर्महाघोरैर्ब्रह्मवृत्तिविलोपकः एवंविधैर्महादुष्टैः पीड्यंते ते महागणैः

yamadūtair mahāghorair brahmavṛttivilopakaḥ evaṁvidhair mahāduṣṭaiḥ pīḍyante te mahāgaṇaiḥ

जो ब्राह्मणों की जीविका छीनता है, उसे यमदूत — अत्यंत भयंकर और दुष्ट गण — इस प्रकार पीड़ित करते हैं।

श्लोक 30 (skanda.3.86.30)

ततस्तिर्यक्त्वमाप्नोति योनिं वा राक्षसीं शुनीम् व्यालीं शृगालीं पैशाचीं महाभूतभयंकरीम् भूमेरंगुलहर्ता हि स कथं पापमाचरेत्

tatas tiryaktvam āpnoti yoniṁ vā rākṣasīṁ śunīm vyālīṁ śṛgālīṁ paiśācīṁ mahābhūtabhayaṁkarīm bhūmer aṅgulahartā hi sa kathaṁ pāpam ācaret

फिर वह पशु-योनि को प्राप्त होता है — कभी राक्षसी, कभी कुत्ती, कभी नागिन, कभी सियारिन, कभी पैशाची, महाभूतों को भी भयभीत करने वाली योनि में। भूमि की एक अंगुल भी छीनने वाला ऐसा पाप कैसे कर लेता है!

श्लोक 31 (skanda.3.86.31)

भूमेरंगुलदाता च स कथं पुण्यमाचरेत्

bhūmer aṅguladātā ca sa kathaṁ puṇyam ācaret

और भूमि का एक अंगुल भी दान करने वाला कैसा पुण्य प्राप्त करता है!

श्लोक 32 (skanda.3.86.32)

अश्वमेधसहस्राणां राजसूयशतस्य च कन्याशतप्रदानस्य फलं प्राप्नोति भूमिदः

aśvamedhasahasrāṇāṁ rājasūyaśatasya ca kanyāśataprapradānasya phalaṁ prāpnoti bhūmidaḥ

भूमि-दाता को हज़ार अश्वमेध यज्ञों, सौ राजसूय यज्ञों, तथा सौ कन्याओं के दान का फल प्राप्त होता है।

श्लोक 33 (skanda.3.86.33)

आयुर्यशः सुखं प्रज्ञा धर्मो धान्यं धनं जयः संतानं वर्द्धते नित्यं भूमिदः सुखमश्मुते

āyur yaśaḥ sukhaṁ prajñā dharmo dhānyaṁ dhanaṁ jayaḥ saṁtānaṁ vardhate nityaṁ bhūmidaḥ sukham aśnute

आयु, यश, सुख, प्रज्ञा, धर्म, धान्य, धन, विजय और संतान — इन सबकी सदा वृद्धि होती है; भूमि-दाता सुख प्राप्त करता है।

श्लोक 34 (skanda.3.86.34)

भूमेरंगुलमेकं तु ये हरंति खला नराः वंध्याटवीष्वतोयासु शुष्ककोटरवासिनः कृष्णसर्पाः प्रजायंते दत्तदायापहारकाः

bhūmer aṅgulam ekaṁ tu ye haranti khalā narāḥ vandhyāṭavīṣv atoyāsu śuṣkakoṭaravāsinaḥ kṛṣṇasarpāḥ prajāyante dattadāyāpahārakāḥ

जो दुष्ट मनुष्य भूमि का एक अंगुल भी छीनते हैं, अथवा दी गई धरोहर को हड़प लेते हैं, वे बंजर, जलहीन वनों में सूखी कोटरों में रहने वाले काले सर्प बनकर जन्म लेते हैं।

श्लोक 35 (skanda.3.86.35)

तडागानां सहस्रेण अश्वमेधशतेन वा गवां कोटिप्रदानेन भूमिहर्त्ता विशुध्यति

taḍāgānāṁ sahasreṇa aśvamedhaśatena vā gavāṁ koṭipradānena bhūmihartā viśudhyati

भूमि छीनने वाला केवल एक हज़ार जलाशयों के निर्माण से, अथवा सौ अश्वमेध यज्ञों से, अथवा एक करोड़ गायों के दान से ही शुद्ध हो सकता है।

श्लोक 36 (skanda.3.86.36)

यानीह दत्तानि पुनर्धनानि दानानि धर्मार्थयशस्कराणि औदार्यतो विप्रनिवेदितानि को नाम साधुः पुनराददीत

yānīha dattāni punar dhanāni dānāni dharmārthayaśaskarāṇi audāryato vipraniveditāni ko nāma sādhuḥ punar ādadīta

जो धन-दान यहाँ धर्म, अर्थ और यश देने वाले हैं, तथा उदारतापूर्वक ब्राह्मणों को समर्पित किये गये हैं — ऐसा कौन सज्जन है जो उन्हें पुनः वापस ले लेगा?

श्लोक 37 (skanda.3.86.37)

चलदलदललीलाचंचले जीवलोके तृणलवलघुसारे सर्वसंसारसौख्ये अपहरति दुराशः शासनं ब्राह्मणानां नरकगहनगर्त्तावर्तपातोत्सुको यः

caladaladalalīlācaṁcale jīvaloke tṛṇalavalaghusāre sarvasaṁsārasaukhye apaharati durāśaḥ śāsanaṁ brāhmaṇānāṁ narakagahanagarttāvartapātotsuko yaḥ

इस जीव-लोक में — जो हिलते हुए पत्ते के समान चंचल है, जो तृण के तिनके जितना ही सारवान है, तथा जहाँ सांसारिक सुख इतना ही क्षणभंगुर है — जो लालची व्यक्ति ब्राह्मणों के शासन-पत्र को छीनता है, वह घोर नरक-गर्त के भँवर में गिरने के लिए ही उत्सुक होता है।

श्लोक 38 (skanda.3.86.38)

ये पास्यंति महीभुजः क्षितिमिमां यास्यंति भुक्त्वाखिलां नो याता न तु याति यास्यति न वा केनापि सार्द्धं धरा। यत्किंचिद्भुवि तद्विनाशि सकलं कीर्तिः परं स्थायिनी त्वेवं वै वसुधापि यैरुपकृता लोप्या न सत्कीर्तयः

ye pāsyanti mahībhujaḥ kṣitim imāṁ yāsyanti bhuktvākhilāṁ no yātā na tu yāti yāsyati na vā kenāpi sārdhaṁ dharā yat kiṁcid bhuvi tad vināśi sakalaṁ kīrtiḥ paraṁ sthāyinī tv evaṁ vai vasudhāpi yair upakṛtā lopyā na satkīrtayaḥ

जो राजा इस पृथ्वी का पालन करेंगे, वे सब इसे भोगकर चले जायेंगे — न पहले कोई इसके साथ गया, न अब जाता है, न भविष्य में जाएगा; इस भूतल की कोई भी वस्तु विनाशी है, केवल कीर्ति ही चिरस्थायी है। इस प्रकार, जिन्होंने इस पृथ्वी पर उपकार किया है, उनकी वह सत्कीर्ति कभी मिटायी नहीं जानी चाहिए।

श्लोक 39 (skanda.3.86.39)

एकैव भगिनी लोके सर्वेषामेव भूभुजाम् न भोज्या न करग्राह्या विप्रदत्ता वसुंधरा

ekaiva bhaginī loke sarveṣām eva bhūbhujām na bhojyā na karagrāhyā vipradattā vasuṁdharā

समस्त राजाओं के लिए, ब्राह्मणों को दी गई भूमि एक सगी बहन के समान है — वह न भोगने योग्य है, न कर लेने योग्य है।

श्लोक 40 (skanda.3.86.40)

दत्त्वा भूमिं भाविनः पार्थिवेशान्भूयोभूयो याचते रामचन्द्रः सामान्योऽयं धर्मसेतुर्नृपाणां स्वे स्वे काले पालनीयो भवद्भिः

dattvā bhūmiṁ bhāvinaḥ pārthiveśān bhūyo bhūyo yācate rāmacandraḥ sāmānyo 'yaṁ dharmasetur nṛpāṇāṁ sve sve kāle pālanīyo bhavadbhiḥ

भूमि दान कर रामचन्द्र भविष्य के राजाओं से बार-बार यह याचना करते हैं — यह धर्म-सेतु सभी राजाओं के लिए समान है, और आप सबको अपने-अपने समय में इसका पालन करना चाहिए।

श्लोक 41 (skanda.3.86.41)

अस्मिन्वंशे क्षितौ कोपि राजा यदि भविष्यति तस्याहं करलग्नोस्मि मद्दत्तं यदि पाल्यते।

asmin vaṁśe kṣitau ko 'pi rājā yadi bhaviṣyati tasyāhaṁ karalagno 'smi mad dattaṁ yadi pālyate

'इस वंश में पृथ्वी पर जो भी राजा होगा, यदि वह मेरे इस दान का पालन करता है, तो मैं उसका सदा हितैषी रहूँगा।'

श्लोक 42 (skanda.3.86.42)

लिखित्वा शासनं रामश्चातुर्वेद्यद्विजोत्तमान्। संपूज्य प्रददौ धीमान्वसिष्ठस्य च सन्निधौ।

likhitvā śāsanaṁ rāmaś cāturvedyadvijottamān saṁpūjya pradadau dhīmān vasiṣṭhasya ca sannidhau

इस प्रकार शासनपत्र लिखकर, बुद्धिमान राम ने वसिष्ठ की उपस्थिति में चतुर्वेदी ब्राह्मणों की पूजा कर उन्हें वह पत्र दे दिया।

श्लोक 43 (skanda.3.86.43)

ते वाडवा गृहीत्वा तं पट्टं रामाज्ञया शुभम्। ताम्रं हैमाक्षरयुतं धर्म्यं धर्मविभूषणम्।

te vāḍavā gṛhītvā taṁ paṭṭaṁ rāmājñayā śubham tāmraṁ haimākṣarayutaṁ dharmyaṁ dharmavibhūṣaṇam

उन ब्राह्मणों ने राम की आज्ञा से उस शुभ ताम्रपत्र को, जो स्वर्णाक्षरों से युक्त, धर्ममय और धर्म का आभूषण था, ग्रहण किया।

श्लोक 44 (skanda.3.86.44)

पूजार्थं भक्तिकामार्थास्तद्रक्षणमकुर्वत। चंदनेन च दिव्येन पुष्पेण च सुगन्धिना।

pūjārthaṁ bhaktikāmārthās tadrakṣaṇam akurvata candanena ca divyena puṣpeṇa ca sugandhinā

भक्ति और कामना की पूर्ति के लिए उन्होंने उसकी रक्षा की, दिव्य चंदन और सुगंधित पुष्पों से पूजा करते हुए।

श्लोक 45 (skanda.3.86.45)

तथा सुवर्णपुष्पेण रूप्यपुष्पेण वा पुनः। अहन्यहनि पूजां ते कुर्वते वाडवाः शुभाम्।

tathā suvarṇapuṣpeṇa rūpyapuṣpeṇa vā punaḥ ahany ahani pūjāṁ te kurvate vāḍavāḥ śubhām

तथा स्वर्ण-पुष्पों और चाँदी के पुष्पों से भी वे ब्राह्मण प्रतिदिन उस शुभ पूजा को सम्पन्न करते थे।

श्लोक 46 (skanda.3.86.46)

तदग्रे दीपकं चैव घृतेन विमलेन हि। सप्तवर्तियुतं राजन्नर्घ्यं प्रकुर्वते द्विजाः।

tadagre dīpakaṁ caiva ghṛtena vimalena hi saptavartiyutaṁ rājann arghyaṁ prakurvate dvijāḥ

हे राजन्! उसके सामने वे द्विज निर्मल घृत का सात-बत्ती वाला दीपक जलाकर अर्घ्य अर्पित करते थे।

श्लोक 47 (skanda.3.86.47)

नैवेद्यं कुर्वते नित्यं भक्तिपूर्वं द्विजोत्तमाः। रामरामेति रामेति मन्त्रमप्युच्चरंति हि।

naivedyaṁ kurvate nityaṁ bhaktipūrvaṁ dvijottamāḥ rāmarāmeti rāmeti mantram apy uccaranti hi

वे उत्तम द्विज प्रतिदिन भक्तिपूर्वक नैवेद्य अर्पित करते थे, और 'राम-राम, राम' मंत्र का उच्चारण भी करते थे।

श्लोक 48 (skanda.3.86.48)

अशने शयने पाने गमने चोपवेशने । सुखे वाप्यथवा दुःखे राममन्त्रं समुच्चरेत् ।

aśane śayane pāne gamane copaveśane sukhe vāpy athavā duḥkhe rāmamantraṁ samuccaret

भोजन करते समय, सोते समय, जल पीते समय, चलते समय, बैठते समय, सुख में हो अथवा दुःख में — राम-मंत्र का ही उच्चारण करना चाहिए।

श्लोक 49 (skanda.3.86.49)

न तस्य दुःखदौर्भाग्यं नाधिव्याधिभयं भवेत् । आयुः श्रियं बलं तस्य वर्द्धयंति दिने दिने ।

na tasya duḥkhadaurbhāgyaṁ nādhivyādhibhayaṁ bhavet āyuḥ śriyaṁ balaṁ tasya vardhayanti dine dine

उसके लिए दुःख, दुर्भाग्य, मानसिक-शारीरिक व्याधि और भय नहीं होता; उसकी आयु, संपत्ति और बल दिन-प्रतिदिन बढ़ते जाते हैं।

श्लोक 50 (skanda.3.86.50)

रामेति नाम्ना मुच्येत पापाद्वै दारुणादपि । नरकं नहि गच्छेत गतिं प्राप्नोति शाश्वतीम् ।

rāmeti nāmnā mucyeta pāpād vai dāruṇād api narakaṁ nahi gaccheta gatiṁ prāpnoti śāśvatīm

'राम' नाम से मनुष्य घोर पाप से भी मुक्त हो जाता है; वह कभी नरक नहीं जाता, बल्कि शाश्वत गति को प्राप्त होता है।

श्लोक 51 (skanda.3.86.51)

इति कृत्वा ततो रामः कृतकृत्यममन्यत । प्रदक्षिणीकृत्य तदा प्रणम्य च द्विजान्बहून् ।

iti kṛtvā tato rāmaḥ kṛtakṛtyam amanyata pradakṣiṇīkṛtya tadā praṇamya ca dvijān bahūn

इस प्रकार यह सब सम्पन्न कर राम ने स्वयं को कृतकृत्य समझा; तब उन्होंने अनेक ब्राह्मणों की प्रदक्षिणा और प्रणाम किया।

श्लोक 52 (skanda.3.86.52)

दत्त्वा दानं भूरितरं गवाश्वमहिषीरथम् । ततः सर्वान्निजांस्तांश्च वाक्यमेतदुवाच ह ।

dattvā dānaṁ bhūritaraṁ gavāśvamahiṣīratham tataḥ sarvān nijāṁs tāṁś ca vākyam etad uvāca ha

गायें, घोड़े, भैंसें और रथ आदि अत्यधिक दान देकर, फिर उन्होंने अपने सभी लोगों से यह वचन कहा —

श्लोक 53 (skanda.3.86.53)

अत्रैव स्थीयतां सर्वैर्यावच्चंद्रदिवाकरौ । यावन्मेरुर्महीपृष्ठे सागराः सप्त एव च ।

atraiva sthīyatāṁ sarvair yāvac candradivākarau yāvan merur mahīpṛṣṭhe sāgarāḥ sapta eva ca

'जब तक चन्द्रमा और सूर्य रहें, जब तक मेरु पर्वत पृथ्वी पर स्थित रहे, और जब तक सातों सागर रहें — तब तक आप सब यहीं निवास करें।'

श्लोक 54 (skanda.3.86.54)

तावदत्रैव स्थातव्यं भवद्भिर्हि न संशयः । यदा हि शासनं विप्रा न मन्यंते नृपा भुवि ।

tāvad atraiva sthātavyaṁ bhavadbhir hi na saṁśayaḥ yadā hi śāsanaṁ viprā na manyante nṛpā bhuvi

'तब तक आपको यहीं ठहरना चाहिए, इसमें कोई संशय नहीं। परंतु जब पृथ्वी के राजा इस ब्राह्मणों के शासन को न मानें —'

श्लोक 55 (skanda.3.86.55)

अथवा वणिजः शूरा मदमायाविमोहिताः । मदाज्ञां न प्रकुर्वंति मन्यंते वा न ते जनाः ।

athavā vaṇijaḥ śūrā madamāyāvimohitāḥ madājñāṁ na prakurvanti manyante vā na te janāḥ

'— अथवा जब मद और माया से मोहित शूर वणिक मेरी आज्ञा का पालन न करें, अथवा वे लोग मुझे न मानें —'

श्लोक 56 (skanda.3.86.56)

तदा वै वायुपुत्रस्य स्मरणं क्रियतां द्विजाः । स्मृतमात्रो हनूमान्वै समागत्य करिष्यति । सहसा भस्म तान्सत्यं वचनान्मे न संशयः ।

tadā vai vāyuputrasya smaraṇaṁ kriyatāṁ dvijāḥ smṛtamātro hanūmān vai samāgatya kariṣyati sahasā bhasma tān satyaṁ vacanān me na saṁśayaḥ

'— तब, हे द्विजो! वायुपुत्र हनुमान का स्मरण करना; स्मरण करते ही हनुमान आकर उन्हें तुरंत भस्म कर देंगे — यह मेरे वचन से सत्य है, इसमें संशय नहीं।'

श्लोक 57 (skanda.3.86.57)

य इदं शासनं रम्यं पालयिष्यति भूपतिः । वायुपुत्रः सदा तस्य सौख्यमृद्धिं प्रदास्यति ।

ya idaṁ śāsanaṁ ramyaṁ pālayiṣyati bhūpatiḥ vāyuputraḥ sadā tasya saukhyam ṛddhiṁ pradāsyati

जो भी राजा इस रम्य शासन का पालन करेगा, वायुपुत्र सदा उसे सुख और समृद्धि प्रदान करेंगे।

श्लोक 58 (skanda.3.86.58)

ददाति पुत्रान्पौत्रांश्च साध्वीं पत्नीं यशो जयम् ।

dadāti putrān pautrāṁś ca sādhvīṁ patnīṁ yaśo jayam

वे उसे पुत्र, पौत्र, सती पत्नी, यश और विजय भी प्रदान करेंगे।

श्लोक 59 (skanda.3.86.59)

इत्येवं कथयित्वा च हनुमंतं प्रबोध्य च । निवर्तितो रामदेवः ससैन्यः सपरिच्छदः । वादित्राणां स्वनैर्विष्वक्सूच्यमानशुभागमः ।

ity evaṁ kathayitvā ca hanumantaṁ prabodhya ca nivartito rāmadevaḥ sasainyaḥ saparicchadaḥ vāditrāṇāṁ svanair viṣvak sūcyamānaśubhāgamaḥ

इस प्रकार कहकर और हनुमान को समझाकर, राम देव अपनी सेना और परिवार सहित लौट चले — वाद्यों की ध्वनि से चारों ओर उनके शुभ आगमन का संकेत मिल रहा था।

श्लोक 60 (skanda.3.86.60)

श्वेतातपत्रयुक्तोऽसौ चामरैर्वी जितो नरैः । अयोध्यां नगरीं प्राप्य चिरं राज्यं चकार ह । इति श्रीस्कांदे महापुराण एकाशीतिसाहस्र्यां संहितायां तृतीये ब्रह्मखण्डे पूर्वभागे धर्मारण्यमाहात्म्ये ब्रह्मनारदसंवादे श्रीरामेण ब्राह्मणेभ्यः शासनपट्टप्रदानवर्णनं नाम चतुस्त्रिंशोऽध्यायः

śvetātapatrayukto 'sau cāmarair vījito naraiḥ ayodhyāṁ nagarīṁ prāpya ciraṁ rājyaṁ cakāra ha iti śrīskānde mahāpurāṇa ekāśītisāhasryāṁ saṁhitāyāṁ tṛtīye brahmakhaṇḍe pūrvabhāge dharmāraṇyamāhātmye brahmanāradasaṁvāde śrīrāmeṇa brāhmaṇebhyaḥ śāsanapaṭṭapradānavarṇanaṁ nāma catustriṁśo 'dhyāyaḥ

श्वेत छत्र धारण किये हुए, लोगों द्वारा चामर से हवा किये जाते हुए, वे अयोध्या नगरी पहुँचकर चिरकाल तक राज्य करते रहे। इस प्रकार श्रीस्कन्दमहापुराण की एक लाख इक्यासी हज़ार श्लोकों वाली संहिता के तृतीय ब्रह्मखण्ड के पूर्वभाग में, धर्मारण्य-माहात्म्य के अंतर्गत, ब्रह्म-नारद संवाद में श्रीराम द्वारा ब्राह्मणों को शासनपट्ट-प्रदान-वर्णन नामक चौंतीसवाँ अध्याय पूर्ण हुआ।