इन्द्रलोक-अग्निलोक वर्णन

श्लोक 1 (skanda.4.10.1)

शिवशर्मोवाच । रमयंती मनोतीव केयं कस्येयमीशितुः । नयनानंदसंदोहदायिनीपूरनुत्तमा

śivaśarmovāca ramayaṁtī manotīva keyaṁ kasyeyamīśituḥ nayanānaṁdasaṁdohadāyinīpūranuttamā

शिवशर्मा ने कहा — यह कौन है जो मन को इतना अधिक रमाती है? यह किसकी है, हे ईश्वर? नेत्रों को आनंद की प्रचुरता देने वाली यह नगरी सचमुच सर्वोत्तम है।

श्लोक 2 (skanda.4.10.2)

गणावूचतुः । शिवशर्मन्महाभागसुतीर्थफलितद्रुम । लोकोऽत्र रमते विप्र सहसाक्षपुरी त्वियम्

gaṇāvūcatuḥ śivaśarmanmahābhāgasutīrthaphalitadruma loko'tra ramate vipra sahasākṣapurī tviyam

गणों ने कहा — हे महाभाग्यशाली शिवशर्मन्, जिनका तीर्थ-सेवनरूपी वृक्ष फल दे चुका है, हे विप्र, लोग यहाँ रमण करते हैं; यह सहस्राक्ष (इंद्र) की नगरी है।

श्लोक 3 (skanda.4.10.3)

तपोबलेन महता विहिता विश्वकमर्णा । दिवापि कौमुदी यस्याः सौधश्रेणीश्रियं श्रयेत्

tapobalena mahatā vihitā viśvakamarṇā divāpi kaumudī yasyāḥ saudhaśreṇīśriyaṁ śrayet

विश्वकर्मा द्वारा महान तपोबल से यह निर्मित है, जिसकी सौध-पंक्तियों की शोभा दिन में भी चाँदनी का वैभव धारण करती है।

श्लोक 4 (skanda.4.10.4)

यदाकलानिधिः क्वापि दर्शे ऽदृश्यत्वमावहेत् । तदा स्वप्रेयसीं ज्योत्स्नां सौधेष्वेषु निगूहयेत्

yadākalānidhiḥ kvāpi darśe 'dṛśyatvamāvahet tadā svapreyasīṁ jyotsnāṁ saudheṣveṣu nigūhayet

जब चंद्रमा कहीं अमावस्या के कारण अदृश्य हो जाता है, तब वह अपनी प्रियतमा चाँदनी को इन्हीं भवनों में छिपा देता है।

श्लोक 5 (skanda.4.10.5)

यदच्छभित्तौ वीक्ष्य स्वमन्ययोपिद्विशंकिता । मुग्धानाशुविशेच्चित्रमपिस्वांचित्रशालिकाम्

yadacchabhittau vīkṣya svamanyayopidviśaṁkitā mugdhānāśuviśeccitramapisvāṁcitraśālikām

स्वच्छ स्फटिक भित्ति में अपने ही प्रतिबिंब को देखकर, उसे अन्य स्त्री समझ भ्रमित हुई मुग्धा तुरंत अपनी ही चित्रशाला में प्रवेश कर जाती है।

श्लोक 6 (skanda.4.10.6)

हर्म्येषु नीलमणिभिर्निर्मितेष्वत्रनिर्भयम् । स्वनीलिमानमाधाय तमोहःस्वपि तिष्ठति

harmyeṣu nīlamaṇibhirnirmiteṣvatranirbhayam svanīlimānamādhāya tamohaḥsvapi tiṣṭhati

यहाँ नीलमणि से निर्मित हर्म्यों में अंधकार अपनी ही नीलिमा धारण कर निर्भय होकर दिन में भी बैठा रहता है।

श्लोक 7 (skanda.4.10.7)

चंद्रकांतशिलाजालस्रुतमात्रामलंजलम् । तत्र चादाय कलशैर्नेच्छंत्यन्यज्जलं जनाः

caṁdrakāṁtaśilājālasrutamātrāmalaṁjalam tatra cādāya kalaśairnecchaṁtyanyajjalaṁ janāḥ

मूनस्टोन (चंद्रकांतमणि) की शिलाओं से बहा हुआ अत्यंत निर्मल जल लेकर वहाँ के लोग कलशों में अन्य कोई जल ग्रहण करना नहीं चाहते।

श्लोक 8 (skanda.4.10.8)

कुविंदा न च संत्यत्र न च ते पश्यतो हराः । चैलान्यलंकृतीरत्र यतः कल्पद्रुमोर्पयेत्

kuviṁdā na ca saṁtyatra na ca te paśyato harāḥ cailānyalaṁkṛtīratra yataḥ kalpadrumorpayet

यहाँ न तो बुनकर हैं और न वस्त्र-विक्रेता, क्योंकि यहाँ कल्पवृक्ष स्वयं वस्त्र और आभूषण प्रदान करता है।

श्लोक 9 (skanda.4.10.9)

गणका नात्र विद्यंते चिंताविद्याविशारदाः । यतश्चिकेति सर्वेषां चिंता चिंतामणिर्द्रुतम्

gaṇakā nātra vidyaṁte ciṁtāvidyāviśāradāḥ yataściketi sarveṣāṁ ciṁtā ciṁtāmaṇirdrutam

यहाँ चिंता-गणना में निपुण ज्योतिषी भी नहीं हैं, क्योंकि यहाँ का चिंतामणि सबकी चिंता को तत्क्षण जान लेता है।

श्लोक 10 (skanda.4.10.10)

सूपकारा न संत्यत्र रसकर्म विचक्षणाः। दुग्धे सर्वरसानेका कामधेनुरतोयतः

sūpakārā na saṁtyatra rasakarma vicakṣaṇāḥ dugdhe sarvarasānekā kāmadhenuratoyataḥ

यहाँ रसकर्म में निपुण रसोइये भी नहीं हैं, क्योंकि यहाँ एक ही कामधेनु सारे रसों का दोहन कर देती है।

श्लोक 11 (skanda.4.10.11)

कीर्तिरुच्चैःश्रवा यस्य सर्वतो वाजिराजिषु । रत्नमुच्चैःश्रवाः सोत्र हयानां पौरुषाधिकः

kīrtiruccaiḥśravā yasya sarvato vājirājiṣu ratnamuccaiḥśravāḥ sotra hayānāṁ pauruṣādhikaḥ

जिसकी कीर्ति उच्चैःश्रवा नाम से समस्त अश्वसमूहों में सर्वत्र फैली है, वह अश्वों में पौरुष में सर्वश्रेष्ठ रत्न उच्चैःश्रवा यहीं है।

श्लोक 12 (skanda.4.10.12)

ऐरावतो दंतिवरश्चतुर्दंतोत्र राजते । द्वितीय इव कैलासो जंगमस्फटिकोज्ज्वलः

airāvato daṁtivaraścaturdaṁtotra rājate dvitīya iva kailāso jaṁgamasphaṭikojjvalaḥ

यहाँ चार दाँतों वाला श्रेष्ठ गजराज ऐरावत ऐसे सुशोभित होता है मानो चलता-फिरता स्फटिक-उज्ज्वल दूसरा कैलास हो।

श्लोक 13 (skanda.4.10.13)

तरुरत्नंपारिजातः स्त्रीरत्नं सोर्वशी त्विह । नंदनं वनरत्नं च रत्नं मंदाकिनी ह्यपाम्

taruratnaṁpārijātaḥ strīratnaṁ sorvaśī tviha naṁdanaṁ vanaratnaṁ ca ratnaṁ maṁdākinī hyapām

यहाँ वृक्षों में रत्न पारिजात है, स्त्रियों में रत्न उर्वशी है, वनों में रत्न नंदनवन है, और जलों में रत्न मंदाकिनी है।

श्लोक 14 (skanda.4.10.14)

त्रयस्त्रिंशत्सुराणां या कोटिः श्रुति समीरिता । प्रतीक्षते साऽवसरं सेवायै प्रत्यहंत्विह

trayastriṁśatsurāṇāṁ yā koṭiḥ śruti samīritā pratīkṣate sā'vasaraṁ sevāyai pratyahaṁtviha

वेदों में वर्णित तैंतीस करोड़ देवता यहाँ प्रतिदिन उनकी सेवा का अवसर पाने की प्रतीक्षा करते हैं।

श्लोक 15 (skanda.4.10.15)

स्वर्गेष्विंद्रपदादन्यन्न विशिष्येत किंचन । यद्यत्त्रिलोक्यामैश्वर्यं न तत्तुल्यमनेन हि

svargeṣviṁdrapadādanyanna viśiṣyeta kiṁcana yadyattrilokyāmaiśvaryaṁ na tattulyamanena hi

स्वर्गों में इंद्रपद से बढ़कर कुछ भी नहीं है; त्रिलोक में जो भी ऐश्वर्य है, वह इसके समान नहीं है।

श्लोक 16 (skanda.4.10.16)

अश्वमेधसहस्रस्य लभ्यं विनिमयेन यत् । किं तेन तुल्यमन्यत्स्यात्पवित्रमथवा महत

aśvamedhasahasrasya labhyaṁ vinimayena yat kiṁ tena tulyamanyatsyātpavitramathavā mahata

जो सहस्र अश्वमेध यज्ञों के बदले प्राप्त होता है, उसके समान पवित्र या महान और क्या हो सकता है?

श्लोक 17 (skanda.4.10.17)

अर्चिष्मती संयमिनी पुण्यवत्यमलावती । गंधवत्यलकेशी च नैतत्तुल्या महर्धिभिः

arciṣmatī saṁyaminī puṇyavatyamalāvatī gaṁdhavatyalakeśī ca naitattulyā mahardhibhiḥ

अर्चिष्मती, संयमिनी, पुण्यवती, अमलावती, गंधवती और अलकेशी — ये सब भी महान ऋद्धि में इसकी समानता नहीं करतीं।

श्लोक 18 (skanda.4.10.18)

अयमेव सहस्राक्षस्त्वयमेव दिवस्पतिः । शतमन्युरयं देवो नामान्येतानि नामतः

ayameva sahasrākṣastvayameva divaspatiḥ śatamanyurayaṁ devo nāmānyetāni nāmataḥ

यही सहस्राक्ष है, यही दिवस्पति है, यह देवता ही शतमन्यु है — ये सब केवल नामों के भेद हैं।

श्लोक 19 (skanda.4.10.19)

सप्तापि लोकपाला ये त एनं समुपासते । नारदाद्यैर्मुनिवरैरयमाशीर्भिरीड्यते

saptāpi lokapālā ye ta enaṁ samupāsate nāradādyairmunivarairayamāśīrbhirīḍyate

सातों लोकपाल इसकी उपासना करते हैं; नारद आदि श्रेष्ठ मुनि इसे आशीर्वचनों से स्तुत करते हैं।

श्लोक 20 (skanda.4.10.20)

एतत्स्थैर्येण सर्वेषां लोकानां स्थैर्यमिष्यते । पराजयान्महेंद्रस्य त्रैलोक्यं स्यात्पराजितम्

etatsthairyeṇa sarveṣāṁ lokānāṁ sthairyamiṣyate parājayānmaheṁdrasya trailokyaṁ syātparājitam

इसकी स्थिरता से समस्त लोकों की स्थिरता बनी रहती है; महेंद्र की पराजय से समूचा त्रैलोक्य पराजित हो जाएगा।

श्लोक 21 (skanda.4.10.21)

दनुजा मनुजा दैत्यास्तपस्यंत्युग्रसंयमाः । गंधर्व यक्षरक्षांसि महेंद्रपदलिप्सवः

danujā manujā daityāstapasyaṁtyugrasaṁyamāḥ gaṁdharva yakṣarakṣāṁsi maheṁdrapadalipsavaḥ

दानव, मनुष्य और दैत्य उग्र संयम से तप करते हैं; गंधर्व, यक्ष और राक्षस भी महेंद्र-पद पाने की लालसा रखते हैं।

श्लोक 22 (skanda.4.10.22)

सगराद्या महीपाला वाजिमेधविधायकाः । कृतवंतो महायत्नं शक्रैश्वर्यजिघृक्षवः

sagarādyā mahīpālā vājimedhavidhāyakāḥ kṛtavaṁto mahāyatnaṁ śakraiśvaryajighṛkṣavaḥ

सगर आदि राजा, जो अश्वमेध यज्ञ के विधाता थे, शक्र के ऐश्वर्य को पाने की इच्छा से महान प्रयत्न करते रहे।

श्लोक 23 (skanda.4.10.23)

निष्प्रत्यूहं क्रतुशतं यः कश्चित्कुरुतेऽवनौ । जितेंद्रियोमरावत्यां स प्राप्नोति पुलोमजाम्

niṣpratyūhaṁ kratuśataṁ yaḥ kaścitkurute'vanau jiteṁdriyomarāvatyāṁ sa prāpnoti pulomajām

जो कोई भी पृथ्वी पर सौ यज्ञ निर्विघ्न पूर्ण करता है, वह जितेंद्रिय होकर अमरावती में पुलोमजा (शची) को प्राप्त करता है।

श्लोक 24 (skanda.4.10.24)

असमाप्तक्रतुशता वसंत्यत्र महीभुजः । ज्योतिष्टोमादिभिर्यागैर्ये यजंत्यपि ते द्विजाः

asamāptakratuśatā vasaṁtyatra mahībhujaḥ jyotiṣṭomādibhiryāgairye yajaṁtyapi te dvijāḥ

जिन राजाओं के सौ यज्ञ अधूरे रह गए, वे यहाँ निवास करते हैं; तथा ज्योतिष्टोम आदि यज्ञों से यजन करने वाले द्विज भी।

श्लोक 25 (skanda.4.10.25)

तुलापुरुषदानादि महादानानि षोडश । ये यच्छंत्यमलात्मानस्ते लभंतेऽमरावतीम्

tulāpuruṣadānādi mahādānāni ṣoḍaśa ye yacchaṁtyamalātmānaste labhaṁte'marāvatīm

जो निर्मल आत्मा वाले तुलापुरुष-दान आदि सोलह महादान करते हैं, वे अमरावती को प्राप्त होते हैं।

श्लोक 26 (skanda.4.10.26)

अक्लीबवादिनो धीराः संग्रामेष्वपराङ्मुखाः । विक्रांता वीरशयने तेऽत्र तिष्ठंति भूभुजः

aklībavādino dhīrāḥ saṁgrāmeṣvaparāṅmukhāḥ vikrāṁtā vīraśayane te'tra tiṣṭhaṁti bhūbhujaḥ

जो धीर राजा कभी दुर्बलता स्वीकार नहीं करते, युद्ध में पीठ नहीं दिखाते, और वीरशय्या पर पराक्रम के साथ गिरते हैं — वे यहाँ निवास करते हैं।

श्लोक 27 (skanda.4.10.27)

इत्युद्देशात्समाख्याता महेंद्रनगरी स्थितिः । यायजूका वसंत्यत्र यज्ञविद्याविशारदाः

ityuddeśātsamākhyātā maheṁdranagarī sthitiḥ yāyajūkā vasaṁtyatra yajñavidyāviśāradāḥ

इस प्रकार संक्षेप में महेंद्र-नगरी की स्थिति का वर्णन किया गया। यहाँ यज्ञविद्या में निपुण, यज्ञकर्ता जन वास करते हैं।

श्लोक 28 (skanda.4.10.28)

इमामर्चिष्मतीं पश्य वीतिहोत्रपुरीं शुभाम् । जातवेदसि ये भक्तास्ते वसंत्यत्र सुव्रताः

imāmarciṣmatīṁ paśya vītihotrapurīṁ śubhām jātavedasi ye bhaktāste vasaṁtyatra suvratāḥ

इस शुभ अर्चिष्मती नगरी को देखो, जो वीतिहोत्र (अग्नि) की पुरी है; जो जातवेद के भक्त और सुव्रती हैं, वे यहाँ निवास करते हैं।

श्लोक 29 (skanda.4.10.29)

अग्निप्रवेशं ये कुर्युर्दृढसत्त्वा जितेंद्रियाः । स्त्रियो वा सत्त्वसंपन्नास्ते सर्वे अग्नितेजसः

agnipraveśaṁ ye kuryurdṛḍhasattvā jiteṁdriyāḥ striyo vā sattvasaṁpannāste sarve agnitejasaḥ

जो दृढ़चित्त, जितेंद्रिय पुरुष अथवा सत्त्वसंपन्न स्त्रियाँ अग्नि में प्रवेश करती हैं, वे सब अग्नि के ही तेज से युक्त हो जाते हैं।

श्लोक 30 (skanda.4.10.30)

अग्निहोत्ररता विप्रास्तथाग्निब्रह्मचारिणः । पंचाग्निव्रतिनो ये वै तेऽग्निलोकेग्नितेजसः

agnihotraratā viprāstathāgnibrahmacāriṇaḥ paṁcāgnivratino ye vai te'gnilokegnitejasaḥ

अग्निहोत्र में रत विप्र, अग्नि के ब्रह्मचारी, तथा पंचाग्नि-व्रत रखने वाले — वे सब अग्निलोक में अग्नि के समान तेजस्वी होते हैं।

श्लोक 31 (skanda.4.10.31)

शीते शीतापनुत्यै यस्त्विध्मभारान्प्रयच्छति । कुर्यादग्निष्टिकां वाऽथ स वसेदग्निसन्निधौ

śīte śītāpanutyai yastvidhmabhārānprayacchati kuryādagniṣṭikāṁ vā'tha sa vasedagnisannidhau

जो शीत ऋतु में शीत निवारण हेतु ईंधन के भार देता है, अथवा अग्निष्टिका बनाता है, वह अग्नि की समीपता में निवास करता है।

श्लोक 32 (skanda.4.10.32)

अनाथस्याग्निसंस्कारं यः कुर्याच्छ्रद्धयान्वितः । अशक्तः प्रेरयेदन्यं सोग्निलोके महीयते

anāthasyāgnisaṁskāraṁ yaḥ kuryācchraddhayānvitaḥ aśaktaḥ prerayedanyaṁ sogniloke mahīyate

जो श्रद्धापूर्वक किसी अनाथ का अग्निसंस्कार करता है, या स्वयं असमर्थ होने पर किसी अन्य को इसके लिए प्रेरित करता है, वह अग्निलोक में महिमामंडित होता है।

श्लोक 33 (skanda.4.10.33)

जठराग्निविवृद्ध्यै यो दद्यादाग्नेयमौषधम् । मंदाग्नये स पुण्यात्मा वह्निलोके वसेच्चिरम्

jaṭharāgnivivṛddhyai yo dadyādāgneyamauṣadham maṁdāgnaye sa puṇyātmā vahniloke vasecciram

जो मंदाग्नि वाले व्यक्ति को जठराग्नि बढ़ाने हेतु आग्नेय औषधि देता है, वह पुण्यात्मा दीर्घकाल तक वह्निलोक में निवास करता है।

श्लोक 34 (skanda.4.10.34)

यज्ञोपस्कर वस्तूनि यज्ञार्थं द्रविणं तु वा । यथाशक्ति प्रदद्याद्यो ह्यर्चिष्मत्यांवसेत्स वै

yajñopaskara vastūni yajñārthaṁ draviṇaṁ tu vā yathāśakti pradadyādyo hyarciṣmatyāṁvasetsa vai

जो अपनी सामर्थ्य के अनुसार यज्ञ की सामग्री या यज्ञार्थ धन प्रदान करता है, वह अर्चिष्मती में निवास करता है।

श्लोक 35 (skanda.4.10.35)

अग्निरेको द्विजातीनां निःश्रेयसकरः परः । गुरुर्देवो व्रतं तीर्थं सर्वमग्निर्विनिश्चितम्

agnireko dvijātīnāṁ niḥśreyasakaraḥ paraḥ gururdevo vrataṁ tīrthaṁ sarvamagnirviniścitam

द्विजों के लिए अग्नि ही एक परम कल्याणकारी है; अग्नि ही निश्चित रूप से गुरु, देव, व्रत और तीर्थ — सब कुछ है।

श्लोक 36 (skanda.4.10.36)

अपावनानि सर्वाणि वह्निसंसर्गतः क्षणात् । पावनानि भवंत्येव तस्माद्यः पावकः स्मृतः

apāvanāni sarvāṇi vahnisaṁsargataḥ kṣaṇāt pāvanāni bhavaṁtyeva tasmādyaḥ pāvakaḥ smṛtaḥ

अग्नि के संसर्ग मात्र से समस्त अपवित्र वस्तुएँ क्षणभर में पवित्र हो जाती हैं, इसीलिए वह पावक कहलाता है।

श्लोक 37 (skanda.4.10.37)

अपि वेदं विदित्वा यस्त्यक्त्वा वै जातवेदसम् । अन्यत्र बध्नाति रतिं ब्राह्मणो न स वेदवित्

api vedaṁ viditvā yastyaktvā vai jātavedasam anyatra badhnāti ratiṁ brāhmaṇo na sa vedavit

वेद को जानकर भी जो ब्राह्मण जातवेद (अग्नि) को त्यागकर अन्यत्र अपना अनुराग बाँधता है, वह वास्तव में वेदवित् नहीं है।

श्लोक 38 (skanda.4.10.38)

अंतरात्मा ह्ययं साक्षान्निश्चितो ह्याशुशुक्षणिः । मांसग्रासान्पचेत्कुक्षौ स्त्रीणां नो मांसपेशिकाम्

aṁtarātmā hyayaṁ sākṣānniścito hyāśuśukṣaṇiḥ māṁsagrāsānpacetkukṣau strīṇāṁ no māṁsapeśikām

यह शीघ्रगामी अग्नि साक्षात् अंतरात्मा के रूप में निश्चित है; वह उदर में मांस के ग्रासों को पचाता है, बिना किसी भेदभाव के।

श्लोक 39 (skanda.4.10.39)

तैजसी शांभवी मूर्तिः प्रत्यक्षा दहनात्मिका । कर्त्री हंत्री पालयित्री विनैनां किं विलोक्यते

taijasī śāṁbhavī mūrtiḥ pratyakṣā dahanātmikā kartrī haṁtrī pālayitrī vinaināṁ kiṁ vilokyate

यह तेजोमय, प्रत्यक्ष, दहनस्वरूप शांभवी मूर्ति है — कर्त्री, हंत्री और पालयित्री भी; इसके बिना क्या कुछ देखा भी जा सकता है?

श्लोक 40 (skanda.4.10.40)

चित्रभानुरयं साक्षान्नेत्रं त्रिभुवनेशितुः । अंधं तमोमये लोके विनैनं कः प्रकाशकः

citrabhānurayaṁ sākṣānnetraṁ tribhuvaneśituḥ aṁdhaṁ tamomaye loke vinainaṁ kaḥ prakāśakaḥ

यह चित्रभानु (अग्नि) साक्षात् त्रिभुवनेश्वर का नेत्र है; अंधकारमय इस लोक में इसके बिना और कौन प्रकाशक है?

श्लोक 41 (skanda.4.10.41)

धूपप्रदीपनैवेद्य पयो दधि घृतैक्षवम् । एतद्भुक्तं निषेवंते सर्वे दिवि दिवौकसः

dhūpapradīpanaivedya payo dadhi ghṛtaikṣavam etadbhuktaṁ niṣevaṁte sarve divi divaukasaḥ

धूप, दीप, नैवेद्य, दूध, दही, घृत और ईख — इन्हें भोग के रूप में ग्रहण कर स्वर्ग के सभी देवता तृप्त होते हैं।

श्लोक 42 (skanda.4.10.42)

शिवशर्मोवाच । कोयं कृशानुः कस्यायं सूनुः कथमिदं पदम् । आग्नेयं लब्धमेतेन ब्रूतमेतन्ममाग्रतः

śivaśarmovāca koyaṁ kṛśānuḥ kasyāyaṁ sūnuḥ kathamidaṁ padam āgneyaṁ labdhametena brūtametanmamāgrataḥ

शिवशर्मा ने कहा — यह कृशानु (अग्नि) कौन है, यह किसका पुत्र है, इसने यह आग्नेय पद कैसे पाया? यह मुझे बताइए।

श्लोक 43 (skanda.4.10.43)

गणावूचतुः । आकर्णय महाप्राज्ञ वर्णयावो यथातथम् । योयं यस्य यथाऽनेन प्रापि ज्योतिष्मतीपुरी

gaṇāvūcatuḥ ākarṇaya mahāprājña varṇayāvo yathātatham yoyaṁ yasya yathā'nena prāpi jyotiṣmatīpurī

गणों ने कहा — हे महाप्राज्ञ, सुनिए, हम यथातथ्य वर्णन करते हैं कि यह कौन है, किसका है, और इसने ज्योतिष्मती पुरी कैसे प्राप्त की।

श्लोक 44 (skanda.4.10.44)

नर्मदायास्तटे रम्ये पुरे नर्मपुरे पुरा । पुरारिभक्तः पुण्यात्माऽभवद्विश्वानरो मुनिः

narmadāyāstaṭe ramye pure narmapure purā purāribhaktaḥ puṇyātmā'bhavadviśvānaro muniḥ

नर्मदा के रमणीय तट पर, नर्मपुर नामक नगर में, पूर्वकाल में पुरारि (शिव) के भक्त, पुण्यात्मा विश्वानर नामक मुनि रहते थे।

श्लोक 45 (skanda.4.10.45)

ब्रह्मचर्याश्रमे निष्ठो ब्रह्मयज्ञरतःसदा । शांडिल्यगोत्रः शुचिमान्ब्रह्मतेजो निधिर्वशी

brahmacaryāśrame niṣṭho brahmayajñarataḥsadā śāṁḍilyagotraḥ śucimānbrahmatejo nidhirvaśī

वे ब्रह्मचर्याश्रम में निष्ठावान, सदा ब्रह्मयज्ञ में रत, शांडिल्य गोत्र के, पवित्र, ब्रह्मतेज के निधि और जितेंद्रिय थे।

श्लोक 46 (skanda.4.10.46)

विज्ञाताखिलशास्त्रार्थो लौकिकाचारचंचुरः । कदाचिच्चिंतयामास हृदि ध्यात्वा महेश्वरम्

vijñātākhilaśāstrārtho laukikācāracaṁcuraḥ kadācicciṁtayāmāsa hṛdi dhyātvā maheśvaram

समस्त शास्त्रों के अर्थ में निपुण, लौकिक आचार में भी कुशल वे मुनि एक दिन हृदय में महेश्वर का ध्यान करते हुए विचार करने लगे।

श्लोक 47 (skanda.4.10.47)

चतुर्णामप्याश्रमाणां कोतीव श्रेयसे सताम् । यस्मिन्प्राप्नोति संक्षुण्णे परत्रेह च वा सुखम्

caturṇāmapyāśramāṇāṁ kotīva śreyase satām yasminprāpnoti saṁkṣuṇṇe paratreha ca vā sukham

चारों आश्रमों में सज्जनों के कल्याण के लिए कौन-सा सबसे श्रेष्ठ है, जिसमें, दैनिक आचरण में भी, इहलोक और परलोक दोनों में सुख प्राप्त होता है?

श्लोक 48 (skanda.4.10.48)

इदं श्रेयस्त्विदं श्रेयस्त्विदं तु सुकरं भवेत् । इत्थं सर्वं समालोड्य गार्हस्थ्यं प्रशशंस ह

idaṁ śreyastvidaṁ śreyastvidaṁ tu sukaraṁ bhavet itthaṁ sarvaṁ samāloḍya gārhasthyaṁ praśaśaṁsa ha

'यह भी श्रेय है, यह भी श्रेय है, किंतु यह करना सरल होगा' — इस प्रकार सब पर विचार कर उन्होंने गृहस्थाश्रम की प्रशंसा की।

श्लोक 49 (skanda.4.10.49)

ब्रह्मचारी गृहस्थो वा वानप्रस्थोऽथ भिक्षुकः । एषामाधारभूतोसौ गृहस्थो नान्यथेति च

brahmacārī gṛhastho vā vānaprastho'tha bhikṣukaḥ eṣāmādhārabhūtosau gṛhastho nānyatheti ca

ब्रह्मचारी हो, गृहस्थ हो, वानप्रस्थ हो या भिक्षुक — इन सबका आधार गृहस्थ ही है, अन्य कोई नहीं।

श्लोक 50 (skanda.4.10.50)

देवैर्मनुष्यैः पितृभिस्तिर्यग्भिश्चोपजीव्यते । गृहस्थः प्रत्यहं यस्मात्तस्माच्छ्रेष्ठो गृहाश्रमी

devairmanuṣyaiḥ pitṛbhistiryagbhiścopajīvyate gṛhasthaḥ pratyahaṁ yasmāttasmācchreṣṭho gṛhāśramī

देवता, मनुष्य, पितर तथा पशु-पक्षी सब प्रतिदिन गृहस्थ पर ही आश्रित रहते हैं, इसीलिए गृहस्थाश्रम सर्वश्रेष्ठ है।

श्लोक 51 (skanda.4.10.51)

अस्नात्वा चाप्यहुत्वा वाऽदत्त्वा वाश्नाति यो गृही । देवादीनामृणी भूत्वा नरकं प्रतिपद्यते

asnātvā cāpyahutvā vā'dattvā vāśnāti yo gṛhī devādīnāmṛṇī bhūtvā narakaṁ pratipadyate

जो गृहस्थ बिना स्नान किए, बिना हवन किए अथवा बिना दान किए भोजन करता है, वह देवादि का ऋणी होकर नरक को प्राप्त होता है।

श्लोक 52 (skanda.4.10.52)

अस्नाताशी मलं भुंक्ते त्वजपी पूयशोणितम् । अहुताशी कृमीन्भुंक्तेप्यदत्त्वाविड्विभोजनः

asnātāśī malaṁ bhuṁkte tvajapī pūyaśoṇitam ahutāśī kṛmīnbhuṁktepyadattvāviḍvibhojanaḥ

बिना स्नान किए खाने वाला मल भोजन करता है; बिना जप के खाने वाला रक्त-पीव खाता है; बिना हवन के खाने वाला कृमि खाता है; बिना दान किए खाने वाला विष्ठा खाता है।

श्लोक 53 (skanda.4.10.53)

ब्रह्मचर्यं हि गार्हस्थ्ये यादृक्कल्पनयोज्झितम् । स्वभावचपले चित्ते क्व तादृग्ब्रह्मचारिणि

brahmacaryaṁ hi gārhasthye yādṛkkalpanayojjhitam svabhāvacapale citte kva tādṛgbrahmacāriṇi

गृहस्थाश्रम में जैसा निष्कपट ब्रह्मचर्य संभव है, वैसा स्वभाव से चंचल चित्त वाले ब्रह्मचारी में कहाँ?

श्लोक 54 (skanda.4.10.54)

हठाद्वा लोकभीत्या वा स्वार्थाद्वा ब्रह्मचर्यभाक् । संकल्पयति चित्ते चेत्कृतमप्यकृतं तदा

haṭhādvā lokabhītyā vā svārthādvā brahmacaryabhāk saṁkalpayati citte cetkṛtamapyakṛtaṁ tadā

जो हठ से, लोकभय से अथवा स्वार्थवश ब्रह्मचर्य का पालन करता है, किंतु मन में संकल्प करता रहता है, तो उसका किया हुआ भी न किए के समान है।

श्लोक 55 (skanda.4.10.55)

परदारपरित्यागात्स्वदारपरितुष्टितः । ऋतुकालाभिगामित्वाद्ब्रह्मचारी गृहीरितः

paradāraparityāgātsvadāraparituṣṭitaḥ ṛtukālābhigāmitvādbrahmacārī gṛhīritaḥ

पराई स्त्री के त्याग से, अपनी पत्नी में संतुष्ट रहने से, तथा ऋतुकाल में ही समागम करने से गृहस्थ को ब्रह्मचारी कहा गया है।

श्लोक 56 (skanda.4.10.56)

विमुक्तरागद्वेषो यः कामक्रोधविवर्जितः । साग्निः सदारः स गृही वानप्रस्थाद्विशिष्यते

vimuktarāgadveṣo yaḥ kāmakrodhavivarjitaḥ sāgniḥ sadāraḥ sa gṛhī vānaprasthādviśiṣyate

जो राग-द्वेष से मुक्त, काम-क्रोध से रहित है, जो सपत्नीक अग्निहोत्री गृहस्थ है, वह वानप्रस्थ से भी श्रेष्ठ है।

श्लोक 57 (skanda.4.10.57)

वैराग्याद्गृहमुत्सृज्य गृहधर्मान्हृदि स्मरेत् । स भवेदुभयभ्रष्टो वानप्रस्थो न वा गृही

vairāgyādgṛhamutsṛjya gṛhadharmānhṛdi smaret sa bhavedubhayabhraṣṭo vānaprastho na vā gṛhī

जो वैराग्यवश घर त्यागकर भी हृदय में गृहस्थ-धर्मों का स्मरण करता रहे, वह दोनों से भ्रष्ट हो जाता है — न वानप्रस्थ, न गृहस्थ।

श्लोक 58 (skanda.4.10.58)

अयाचितोपस्थितया यो वृत्त्या वर्तते गृही । येन केनापि संतुष्टो भिक्षुकात्स विशिष्यते

ayācitopasthitayā yo vṛttyā vartate gṛhī yena kenāpi saṁtuṣṭo bhikṣukātsa viśiṣyate

जो गृहस्थ बिना माँगे प्राप्त वृत्ति से जीवनयापन करता है, जो किसी भी वस्तु से संतुष्ट रहता है, वह भिक्षुक से भी श्रेष्ठ है।

श्लोक 59 (skanda.4.10.59)

प्राथयेद्यत्क्वचित्किंचिद्दुष्प्रापं वा भविष्यति । अशनेषु न संतुष्टः स यतिः पतितो भवेत्

prāthayedyatkvacitkiṁcidduṣprāpaṁ vā bhaviṣyati aśaneṣu na saṁtuṣṭaḥ sa yatiḥ patito bhavet

जो कहीं भी दुर्लभ वस्तु की कामना करे, जो भोजन में संतुष्ट न हो, वह यति भी पतित हो जाता है।

श्लोक 60 (skanda.4.10.60)

गुणागुणविचार्येत्थं स वै विश्वानरो द्विजः । उद्ववाह विधानेन स्वोचितां कुलकन्यकाम्

guṇāguṇavicāryetthaṁ sa vai viśvānaro dvijaḥ udvavāha vidhānena svocitāṁ kulakanyakām

इस प्रकार गुण-दोष का विचार कर उस विश्वानर द्विज ने विधिपूर्वक अपने योग्य कुलकन्या से विवाह किया।

श्लोक 61 (skanda.4.10.61)

अग्निशुश्रूषणरतः पंचयज्ञपरायणः । षट्कर्मनिरतो नित्यं देवपित्रतिथिप्रियः

agniśuśrūṣaṇarataḥ paṁcayajñaparāyaṇaḥ ṣaṭkarmanirato nityaṁ devapitratithipriyaḥ

वे अग्नि की सेवा में रत, पंचयज्ञ में परायण, नित्य षट्कर्मों में निरत, तथा देव, पितर और अतिथियों के प्रिय थे।

श्लोक 62 (skanda.4.10.62)

धर्मार्थकामान्युक्तात्मा सोर्जयन्स्वस्वकालतः । परस्परमसंकोचं दंपत्योरानुकूल्यतः

dharmārthakāmānyuktātmā sorjayansvasvakālataḥ parasparamasaṁkocaṁ daṁpatyorānukūlyataḥ

संयत आत्मा वाले वे धर्म, अर्थ और काम को उनके-उनके उचित समय पर साधते हुए, पति-पत्नी दोनों परस्पर अनुकूलता से संकोचरहित रहे।

श्लोक 63 (skanda.4.10.63)

पूर्वाह्णे दैविकं कर्म सोकरोत्कर्मकांडवित् । मध्यंदिने मनुष्याणां पितॄणामपराह्नके

pūrvāhṇe daivikaṁ karma sokarotkarmakāṁḍavit madhyaṁdine manuṣyāṇāṁ pitṝṇāmaparāhnake

कर्मकांड के ज्ञाता वे पूर्वाह्न में देवकर्म, मध्याह्न में मनुष्य-संबंधी कर्म, तथा अपराह्न में पितृकर्म करते थे।

श्लोक 64 (skanda.4.10.64)

एवं बहुतिथे काले गते तस्याग्रजन्मनः । भार्या शुचिष्मती नाम कामपत्नी वसुव्रता

evaṁ bahutithe kāle gate tasyāgrajanmanaḥ bhāryā śuciṣmatī nāma kāmapatnī vasuvratā

इस प्रकार उस द्विजश्रेष्ठ के बहुत समय बीत जाने पर, उनकी पत्नी, शुचिष्मती नामक, प्रिय एवं व्रतशील स्त्री—

श्लोक 65 (skanda.4.10.65)

अपश्यंत्यंकुरमपि संततेः स्वर्गसाधनम् । विज्ञाय शंकंरं कांतं प्रणिपत्य व्यजिज्ञपत्

apaśyaṁtyaṁkuramapi saṁtateḥ svargasādhanam vijñāya śaṁkaṁraṁ kāṁtaṁ praṇipatya vyajijñapat

—संतान का अंकुर तक न देखकर, जो स्वर्ग-प्राप्ति का साधन है, अपने पति को शंकर-भक्त स्वरूप जानकर, उन्हें प्रणाम कर निवेदन करने लगी।

श्लोक 66 (skanda.4.10.66)

शुचिष्मत्युवाच। आर्यपुत्रार्यधिषण प्राणनाथ प्रियव्रत । न दुर्लभं ममास्तीह किंचित्त्वच्चरणार्चनात्

śuciṣmatyuvāca āryaputrāryadhiṣaṇa prāṇanātha priyavrata na durlabhaṁ mamāstīha kiṁcittvaccaraṇārcanāt

शुचिष्मती ने कहा — हे आर्यपुत्र, हे प्राज्ञ, हे प्राणनाथ, हे प्रियव्रत! आपके चरणों की पूजा से मुझे यहाँ कुछ भी दुर्लभ नहीं है।

श्लोक 67 (skanda.4.10.67)

ये वै भोगाः समुचिताः स्त्रीणां ते त्वत्प्रसादतः । अलंकृत्य मया भुक्ताः प्रसंगाद्वच्मि तान्यपि

ye vai bhogāḥ samucitāḥ strīṇāṁ te tvatprasādataḥ alaṁkṛtya mayā bhuktāḥ prasaṁgādvacmi tānyapi

स्त्रियों के लिए जो भोग उचित हैं, वे सब मैंने आपकी कृपा से अलंकृत होकर भोगे हैं; प्रसंगवश उन्हें भी बताती हूँ।

श्लोक 68 (skanda.4.10.68)

सुवासांसि सुवासाश्च सुशय्या सुनितंबिनी। स्रक्तांबूलान्नपानाश्च अष्टौ भोगाः स्वधर्मिणाम्

suvāsāṁsi suvāsāśca suśayyā sunitaṁbinī sraktāṁbūlānnapānāśca aṣṭau bhogāḥ svadharmiṇām

सुंदर वस्त्र, सुंदर सुगंध, सुंदर शय्या, सुंदर देहयष्टि, माला, ताम्बूल, अन्न और पान — ये स्वधर्मपरायण स्त्रियों के आठ भोग हैं।

श्लोक 69 (skanda.4.10.69)

एकं मे प्रार्थितं नाथ चिराय हृदिसंस्थितम् । गृहस्थानां समुचितं तत्त्वं दातुमिहार्हसि

ekaṁ me prārthitaṁ nātha cirāya hṛdisaṁsthitam gṛhasthānāṁ samucitaṁ tattvaṁ dātumihārhasi

हे नाथ, मैंने चिरकाल से हृदय में एक ही वस्तु की याचना की है, जो गृहस्थों के लिए उचित है — वह तत्त्व आप मुझे यहाँ प्रदान करने योग्य हैं।

श्लोक 70 (skanda.4.10.70)

विश्वानर उवाच । किमदेयं हि सुश्रोणि तव प्रियहितैषिणि । तत्प्रार्थय महाभागे प्रयच्छाम्यविलंबितम्

viśvānara uvāca kimadeyaṁ hi suśroṇi tava priyahitaiṣiṇi tatprārthaya mahābhāge prayacchāmyavilaṁbitam

विश्वानर ने कहा — हे सुश्रोणि, तुझ जैसी प्रिय हितैषिणी को क्या अदेय है? हे महाभागे, वह माँग, मैं बिना विलंब दूँगा।

श्लोक 71 (skanda.4.10.71)

महेशितुः प्रसादेन मम किंचिन्न दुर्ल्भम् । इहामुत्र च कल्याणि सर्वकल्याणकारिणः

maheśituḥ prasādena mama kiṁcinna durlbham ihāmutra ca kalyāṇi sarvakalyāṇakāriṇaḥ

महेश्वर की कृपा से मेरे लिए इहलोक और परलोक दोनों में कुछ भी दुर्लभ नहीं है, हे कल्याणि, क्योंकि वे सर्वकल्याणकारी हैं।

श्लोक 72 (skanda.4.10.72)

इति श्रुत्वा वचः पत्युस्तस्य सा पतिदेवता । उवाच हृष्टवदना यदि देयो वरो मम

iti śrutvā vacaḥ patyustasya sā patidevatā uvāca hṛṣṭavadanā yadi deyo varo mama

पति के ये वचन सुनकर वह पतिव्रता स्त्री हर्षित मुख से बोली — 'यदि मुझे वर देना है—'

श्लोक 73 (skanda.4.10.73)

वरयोग्यास्मि चेन्नाथ नान्यं वरमहं वृणे । महेशसदृशं पुत्रं देहि माहेश्वरानव

varayogyāsmi cennātha nānyaṁ varamahaṁ vṛṇe maheśasadṛśaṁ putraṁ dehi māheśvarānava

'—यदि हे नाथ, मैं वर पाने योग्य हूँ, तो मैं अन्य कोई वर नहीं माँगती। हे माहेश्वर के अनुगामी, मुझे महेश-सदृश पुत्र दीजिए।'

श्लोक 74 (skanda.4.10.74)

इति तस्या वचः श्रुत्वा शुचिष्मत्याः शुचिव्रतः । क्षणं समाधिमाधाय हृ(?)द्येतत्समचिंतयत्

iti tasyā vacaḥ śrutvā śuciṣmatyāḥ śucivrataḥ kṣaṇaṁ samādhimādhāya hṛ(?)dyetatsamaciṁtayat

शुचिष्मती के ये वचन सुनकर, वे शुचिव्रत मुनि क्षणभर समाधि में स्थित होकर हृदय में इस प्रकार विचार करने लगे।

श्लोक 75 (skanda.4.10.75)

अहो किमेतया तन्व्या प्रार्थितं ह्यतिदुर्लभम् । मनोरथपथाद्दूरमस्तुवा स हि सर्वकृत्

aho kimetayā tanvyā prārthitaṁ hyatidurlabham manorathapathāddūramastuvā sa hi sarvakṛt

'अहो, इस तन्वी ने कितनी दुर्लभ वस्तु माँग ली है, जो मनोरथ के मार्ग से भी दूर है! किंतु ऐसा ही हो, क्योंकि वे ही सर्वकर्ता हैं।'

श्लोक 76 (skanda.4.10.76)

तेनैवास्या मुखे स्थित्वा वाक्स्वरूपेण शंभुना । व्याहृतं कोऽन्यथाकर्तुमुत्सहेत भवेदिदम्

tenaivāsyā mukhe sthitvā vāksvarūpeṇa śaṁbhunā vyāhṛtaṁ ko'nyathākartumutsaheta bhavedidam

क्योंकि यह वचन साक्षात् शंभु ने ही उसके मुख में वाणी-रूप में स्थित होकर कहा था — इसे अन्यथा करने का साहस भला कौन कर सकता है?

श्लोक 77 (skanda.4.10.77)

ततः प्रोवाच तां पत्नीमेकपत्निव्रते स्थितः । विश्वानरमुनिः श्रीमानिति कांते भविष्यति

tataḥ provāca tāṁ patnīmekapatnivrate sthitaḥ viśvānaramuniḥ śrīmāniti kāṁte bhaviṣyati

तब एकपत्नीव्रत में स्थित मुनि विश्वानर ने अपनी पत्नी से कहा — 'हे कांते, ऐसा ही होगा।'

श्लोक 78 (skanda.4.10.78)

इत्थमाश्वास्य तां पत्नीं जगाम तपसे मुनिः । यत्र विश्वेश्वरः साक्षात्काशीनाथोधितिष्ठति

itthamāśvāsya tāṁ patnīṁ jagāma tapase muniḥ yatra viśveśvaraḥ sākṣātkāśīnāthodhitiṣṭhati

इस प्रकार पत्नी को आश्वस्त कर मुनि तप करने के लिए वहाँ गए, जहाँ साक्षात् विश्वेश्वर, काशीनाथ, अधिष्ठित रहते हैं।

श्लोक 79 (skanda.4.10.79)

प्राप्य वाराणसीं तूर्णं दृष्ट्वाथ मणिकर्णिकाम् । तत्याज तापत्रितयमपिजन्मशतार्जितम्

prāpya vārāṇasīṁ tūrṇaṁ dṛṣṭvātha maṇikarṇikām tatyāja tāpatritayamapijanmaśatārjitam

शीघ्र ही वाराणसी पहुँचकर, मणिकर्णिका का दर्शन कर, उन्होंने सौ जन्मों में अर्जित त्रिविध ताप को भी त्याग दिया।

श्लोक 80 (skanda.4.10.80)

दृष्ट्वा सर्वाणि लिंगानि विश्वेश प्रमुखानि च । स्नात्वा सर्वेषु कुंडेषु वापीकूटसरःसु च

dṛṣṭvā sarvāṇi liṁgāni viśveśa pramukhāni ca snātvā sarveṣu kuṁḍeṣu vāpīkūṭasaraḥsu ca

विश्वेश आदि प्रमुख सभी लिंगों के दर्शन कर, सभी कुंडों, बावलियों और सरोवरों में स्नान कर—

श्लोक 81 (skanda.4.10.81)

नत्वा विनायकान्सर्वान्गौरीः सर्वाः प्रणम्य च । संपूज्य कालराजं च भैरवं पापभक्षणम्

natvā vināyakānsarvāngaurīḥ sarvāḥ praṇamya ca saṁpūjya kālarājaṁ ca bhairavaṁ pāpabhakṣaṇam

—सभी विनायकों को नमन कर, सभी गौरियों को प्रणाम कर, कालराज और पापभक्षण भैरव की पूजा कर—

श्लोक 82 (skanda.4.10.82)

दण्डनायकमुख्यांश्च गणान्स्तुत्वा प्रयत्नतः । आदिकेशवमुख्यांश्च केशवान्परितोष्य च

daṇḍanāyakamukhyāṁśca gaṇānstutvā prayatnataḥ ādikeśavamukhyāṁśca keśavānparitoṣya ca

—दंडनायक आदि प्रमुख गणों की सप्रयत्न स्तुति कर, आदिकेशव आदि प्रमुख केशवों को संतुष्ट कर—

श्लोक 83 (skanda.4.10.83)

लोलार्कमुख्य सूर्यांश्च प्रणम्य च पुनः पुनः । कृत्वा पिण्डप्रदानानि सर्वतीर्थेष्वतंद्रितः

lolārkamukhya sūryāṁśca praṇamya ca punaḥ punaḥ kṛtvā piṇḍapradānāni sarvatīrtheṣvataṁdritaḥ

—लोलार्क आदि प्रमुख सूर्यों को बारंबार प्रणाम कर, सभी तीर्थों में अथकभाव से पिंडदान कर—

श्लोक 84 (skanda.4.10.84)

सहस्रभोजनाद्यैश्च यतीन्विप्रान्प्रतर्प्य च । महापूजोपचारैश्च लिंगान्यभ्यर्च्य भक्तितः

sahasrabhojanādyaiśca yatīnviprānpratarpya ca mahāpūjopacāraiśca liṁgānyabhyarcya bhaktitaḥ

—सहस्रों को भोजन आदि से तथा यतियों-विप्रों को तृप्त कर, महापूजा-उपचारों से भक्तिपूर्वक लिंगों की अर्चना कर—

श्लोक 85 (skanda.4.10.85)

असकृच्चिन्तयामास किं लिंगं क्षिप्रसिद्धिदम् । यत्र निश्चलतामेति तपस्तनयकाम्यया

asakṛccintayāmāsa kiṁ liṁgaṁ kṣiprasiddhidam yatra niścalatāmeti tapastanayakāmyayā

—वे बार-बार यह विचार करने लगे कि कौन-सा लिंग शीघ्र सिद्धि देने वाला है, जहाँ पुत्र-कामना से किया गया तप निश्चलता को प्राप्त हो।

श्लोक 86 (skanda.4.10.86)

श्रीमदोंकारनाथं वा कृत्तिवासेश्वरं किमु । कालेशं वृद्धकालेशं कलशेश्वरमेव च

śrīmadoṁkāranāthaṁ vā kṛttivāseśvaraṁ kimu kāleśaṁ vṛddhakāleśaṁ kalaśeśvarameva ca

'क्या श्रीमान् ओंकारनाथ हो, या कृत्तिवासेश्वर? कालेश, वृद्धकालेश, अथवा कलशेश्वर?'

श्लोक 87 (skanda.4.10.87)

केदारेशं तु कामेशं चन्द्रेशं वा त्रिलोचनम् । ज्येष्ठेशं जंबुकेशं वा जैगीषव्येश्वरं तु वा

kedāreśaṁ tu kāmeśaṁ candreśaṁ vā trilocanam jyeṣṭheśaṁ jaṁbukeśaṁ vā jaigīṣavyeśvaraṁ tu vā

'केदारेश या कामेश, त्रिलोचन चंद्रेश्वर? ज्येष्ठेश, जंबुकेश, अथवा जैगीषव्येश्वर?'

श्लोक 88 (skanda.4.10.88)

दशाश्वमेधमीशानं द्रुमि चंडेशमेव च । दृक्केशं गरुडेशं च गोकर्णेशं गणेश्वरम्

daśāśvamedhamīśānaṁ drumi caṁḍeśameva ca dṛkkeśaṁ garuḍeśaṁ ca gokarṇeśaṁ gaṇeśvaram

'दशाश्वमेध के ईशान, या द्रुमिस्थित चंडेश्वर? दृक्केश, गरुडेश, गोकर्णेश, या गणेश्वर?'

श्लोक 89 (skanda.4.10.89)

ढुंढ्याशागजसिद्धाख्यं धर्मेशं तारकेश्वरम् । नन्दिकेशं निवासेशं पत्रीशं प्रीतिकेश्वरम्

ḍhuṁḍhyāśāgajasiddhākhyaṁ dharmeśaṁ tārakeśvaram nandikeśaṁ nivāseśaṁ patrīśaṁ prītikeśvaram

'ढुंढि, आशागज-सिद्ध नामक, धर्मेश, तारकेश्वर? नंदिकेश, निवासेश, पत्रीश, या प्रीतिकेश्वर?'

श्लोक 90 (skanda.4.10.90)

पर्वतेशं पशुपतिं ब्रह्मेशं मध्यमेश्वरम् । बृहस्पतीश्वरं वाथ विभांडेश्वरमेव च

parvateśaṁ paśupatiṁ brahmeśaṁ madhyameśvaram bṛhaspatīśvaraṁ vātha vibhāṁḍeśvarameva ca

'पर्वतेश, पशुपति, ब्रह्मेश, मध्यमेश्वर? अथवा बृहस्पतीश्वर, या विभांडेश्वर?'

श्लोक 91 (skanda.4.10.91)

भारभूतेश्वरं किं वा महालक्ष्मीश्वरं तु वा । मरुत्तेशं तु मोक्षेशं गंगेशं नर्मदेश्वरम्

bhārabhūteśvaraṁ kiṁ vā mahālakṣmīśvaraṁ tu vā marutteśaṁ tu mokṣeśaṁ gaṁgeśaṁ narmadeśvaram

'भारभूतेश्वर, या महालक्ष्मीश्वर? मरुत्तेश, मोक्षेश, गंगेश, या नर्मदेश्वर?'

श्लोक 92 (skanda.4.10.92)

मार्कंडं मणिकर्णीश रत्नेश्वरमथापि वा । अथवा योगिनीपीठं साधकस्यैव सिद्धिदम्

mārkaṁḍaṁ maṇikarṇīśa ratneśvaramathāpi vā athavā yoginīpīṭhaṁ sādhakasyaiva siddhidam

'मार्कंड, मणिकर्णीश, रत्नेश्वर? अथवा साधक को ही सिद्धि देने वाला योगिनीपीठ?'

श्लोक 93 (skanda.4.10.93)

यामुनेशं लांगलीशं श्रीमद्विश्वेश्वरं विभुम् । अविमुक्तेश्वरं वाथ विशालाक्षीशमेव च

yāmuneśaṁ lāṁgalīśaṁ śrīmadviśveśvaraṁ vibhum avimukteśvaraṁ vātha viśālākṣīśameva ca

'यामुनेश, लांगलीश, अथवा भगवान् श्रीविश्वेश्वर स्वयं? या अविमुक्तेश्वर, अथवा विशालाक्षीश?'

श्लोक 94 (skanda.4.10.94)

व्याघ्रेश्वरं वराहेशं व्यासेशं वृषभध्वजम् । वरुणेशं विधीशं वा वसिष्ठेशं शनीश्वरम्

vyāghreśvaraṁ varāheśaṁ vyāseśaṁ vṛṣabhadhvajam varuṇeśaṁ vidhīśaṁ vā vasiṣṭheśaṁ śanīśvaram

'व्याघ्रेश्वर, वराहेश, व्यासेश, वृषभध्वज? वरुणेश, विधीश, वसिष्ठेश, या शनीश्वर?'

श्लोक 95 (skanda.4.10.95)

सोमेश्वरं किमिन्द्रेशं स्वर्लीनं संगमेश्वरम् । हरिश्चंद्रेश्वरं किं वा हरिकेशेश्वरं तु वा

someśvaraṁ kimindreśaṁ svarlīnaṁ saṁgameśvaram hariścaṁdreśvaraṁ kiṁ vā harikeśeśvaraṁ tu vā

'सोमेश्वर या इंद्रेश, स्वर्लीन या संगमेश्वर? हरिश्चंद्रेश्वर, अथवा हरिकेशेश्वर?'

श्लोक 96 (skanda.4.10.96)

त्रिसंध्येशं महादेवमुपशांति शिवं तथा। भवानीशं कपर्दीशं कंदुकेशं मखेश्वरम्

trisaṁdhyeśaṁ mahādevamupaśāṁti śivaṁ tathā bhavānīśaṁ kapardīśaṁ kaṁdukeśaṁ makheśvaram

'त्रिसंध्येश महादेव, अथवा उपशांति शिव? भवानीश, कपर्दीश, कंदुकेश, या मखेश्वर?'

श्लोक 97 (skanda.4.10.97)

मित्रावरुणसंज्ञं वा किमेषामाशुपुत्रदम् । क्षणं विचार्य स मुनिरिति विश्वानरः सुधीः

mitrāvaruṇasaṁjñaṁ vā kimeṣāmāśuputradam kṣaṇaṁ vicārya sa muniriti viśvānaraḥ sudhīḥ

'अथवा मित्रावरुण नामक — इनमें से कौन शीघ्र पुत्र देने वाला है?' — क्षणभर ऐसा विचार कर, वे सुधी मुनि विश्वानर—

श्लोक 98 (skanda.4.10.98)

आज्ञातं विस्मृतं तावत्फलितो मे मनोरथः । सिद्धैः संसेवितं लिंगं सर्वसिद्धिकरं परम्

ājñātaṁ vismṛtaṁ tāvatphalito me manorathaḥ siddhaiḥ saṁsevitaṁ liṁgaṁ sarvasiddhikaraṁ param

—'यह तो मुझे ज्ञात था, केवल भूल गया था! मेरा मनोरथ पूर्ण हो गया — सिद्धों द्वारा सेवित, सर्वसिद्धिकारक परम लिंग है!'

श्लोक 99 (skanda.4.10.99)

दर्शनात्स्पर्शनाद्यस्य मनो निर्वृतिभाग्भवेत् । उद्घाटितं सदैवास्ते स्वर्गद्वारं हि यत्र वै

darśanātsparśanādyasya mano nirvṛtibhāgbhavet udghāṭitaṁ sadaivāste svargadvāraṁ hi yatra vai

—'जिसके दर्शन और स्पर्श मात्र से मन आनंदित हो उठे, जहाँ स्वर्ग का द्वार सदैव ही खुला रहता है।'

श्लोक 100 (skanda.4.10.100)

दिवानिशं पूजनार्थं विज्ञाप्य त्रिदशेश्वरम् । पञ्चमुद्रे महापीठे सिद्धिदे सर्वजंतुषु

divāniśaṁ pūjanārthaṁ vijñāpya tridaśeśvaram pañcamudre mahāpīṭhe siddhide sarvajaṁtuṣu

दिन-रात पूजा के लिए त्रिदशेश्वर को निवेदित कर, पंचमुद्रा वाले उस महापीठ में, जो समस्त प्राणियों को सिद्धि देने वाला है—

श्लोक 101 (skanda.4.10.101)

यत्र सा विकटा देवी प्रकटा सिद्धिरूपिणी । यत्र स्थितानां भक्तानां साक्षात्सिद्धिविनायकः

yatra sā vikaṭā devī prakaṭā siddhirūpiṇī yatra sthitānāṁ bhaktānāṁ sākṣātsiddhivināyakaḥ

—जहाँ वह विकटा देवी साक्षात् सिद्धिस्वरूपा प्रकट हैं, जहाँ वहाँ स्थित भक्तों के लिए साक्षात् सिद्धिविनायक विराजमान हैं—

श्लोक 102 (skanda.4.10.102)

निर्धूय विघ्नजालानि सर्वाः सिद्धीः प्रयच्छति । अविमुक्ते महाक्षेत्रे सिद्धिक्षेत्रं हि तत्परम्

nirdhūya vighnajālāni sarvāḥ siddhīḥ prayacchati avimukte mahākṣetre siddhikṣetraṁ hi tatparam

—जो विघ्नों के समस्त जाल को नष्ट कर सारी सिद्धियाँ प्रदान करते हैं; अविमुक्त महाक्षेत्र में वही सिद्धिक्षेत्र सर्वोपरि है।

श्लोक 103 (skanda.4.10.103)

यत्र वीरेश्वरं लिंगं महागुह्यतमं मतम् । तिलांतरापि नो काश्यां भूमिर्लिंगं विना क्वचित्

yatra vīreśvaraṁ liṁgaṁ mahāguhyatamaṁ matam tilāṁtarāpi no kāśyāṁ bhūmirliṁgaṁ vinā kvacit

जहाँ वीरेश्वर लिंग महागुह्यतम माना गया है — क्योंकि काशी में तिल-भर भी भूमि लिंग के बिना कहीं नहीं है।

श्लोक 104 (skanda.4.10.104)

परं वीरेश सदृशं न लिंगं त्वाशुसिद्धिदम् । धर्मदं चार्थदं सम्यक्कामदं मोक्षदं तथा

paraṁ vīreśa sadṛśaṁ na liṁgaṁ tvāśusiddhidam dharmadaṁ cārthadaṁ samyakkāmadaṁ mokṣadaṁ tathā

किंतु वीरेश्वर के समान शीघ्र सिद्धि देने वाला कोई अन्य लिंग नहीं है; वह धर्म, अर्थ, काम और मोक्ष — सब कुछ पूर्णतः प्रदान करता है।

श्लोक 105 (skanda.4.10.105)

यथा वीरेश्वरं लिंगं काश्यां नान्यत्तथा धुवम् । पंचस्वरोत्र गंधर्वः परां सिद्धिमगात्पुरा

yathā vīreśvaraṁ liṁgaṁ kāśyāṁ nānyattathā dhuvam paṁcasvarotra gaṁdharvaḥ parāṁ siddhimagātpurā

जैसी सिद्धि वीरेश्वर लिंग देता है, वैसी निश्चय ही काशी में अन्य कोई नहीं देता; यहाँ पूर्वकाल में पंचस्वर नामक गंधर्व ने परम सिद्धि पाई थी।

श्लोक 106 (skanda.4.10.106)

विद्याधरः स्वच्छविद्यो वसुपूर्णश्च यक्षराट् । नृत्यंती निजभावेन पुराह्यत्राप्सरोवरा

vidyādharaḥ svacchavidyo vasupūrṇaśca yakṣarāṭ nṛtyaṁtī nijabhāvena purāhyatrāpsarovarā

विद्याधर स्वच्छविद्य, यक्षराज वसुपूर्ण, तथा पूर्वकाल में यहाँ अपने ही भाव से नृत्य करती एक श्रेष्ठ अप्सरा—

श्लोक 107 (skanda.4.10.107)

सदेहा कोकिलालापा लिंगमध्ये लयं गता । ऋषिर्वेदशिरा नाम जपन्वै शतरुद्रियम्

sadehā kokilālāpā liṁgamadhye layaṁ gatā ṛṣirvedaśirā nāma japanvai śatarudriyam

—जो कोकिला-जैसे मधुर स्वर वाली थी, सशरीर ही लिंग में लीन हो गई; तथा शतरुद्रिय का जप करते हुए वेदशिरा नामक ऋषि—

श्लोक 108 (skanda.4.10.108)

मन्त्रज्योतिर्मये लिंगे सशरीरो विशत्पुरा । चन्द्रमौलि भरद्वाजावुभौ पाशुपतोत्तमौ

mantrajyotirmaye liṁge saśarīro viśatpurā candramauli bharadvājāvubhau pāśupatottamau

—मंत्र-ज्योतिर्मय उस लिंग में सशरीर पूर्वकाल में प्रविष्ट हो गए; तथा दोनों श्रेष्ठ पाशुपत भक्त चंद्रमौलि और भरद्वाज—

श्लोक 109 (skanda.4.10.109)

वीरेश्वरं समभ्यर्च्य गायमानौ लयं गतौ । शंखचूडो हि नागेंद्रः स्वफणामणिभिर्निशि

vīreśvaraṁ samabhyarcya gāyamānau layaṁ gatau śaṁkhacūḍo hi nāgeṁdraḥ svaphaṇāmaṇibhirniśi

—वीरेश्वर की भलीभांति अर्चना कर गाते-गाते उसी में लीन हो गए; तथा नागराज शंखचूड, रात्रि में अपने फणों के मणियों से—

श्लोक 110 (skanda.4.10.110)

षण्मासात्सिद्धिमगमद्बहुनीराजनैरिह । किन्नरी हंसपद्यत्र भर्त्रा वेणुप्रियेण वै

ṣaṇmāsātsiddhimagamadbahunīrājanairiha kinnarī haṁsapadyatra bhartrā veṇupriyeṇa vai

—अनेक आरतियाँ करते हुए छह महीनों में यहाँ सिद्धि पा गया; तथा किन्नरी हंसपदी यहाँ अपने पति वेणुप्रिय के साथ—

श्लोक 111 (skanda.4.10.111)

गायंती सुस्वरं याता परां निर्वाणभूमिकाम् । असंख्याताः सहस्राणि सिद्धाः सिद्धिमिहागताः

gāyaṁtī susvaraṁ yātā parāṁ nirvāṇabhūmikām asaṁkhyātāḥ sahasrāṇi siddhāḥ siddhimihāgatāḥ

—मधुर स्वर में गाती हुई परम निर्वाण-पद को प्राप्त हुई। असंख्य हज़ारों सिद्ध यहाँ आकर सिद्धि पा चुके हैं।

श्लोक 112 (skanda.4.10.112)

सिद्धलिंगमिहाख्यातं तस्माद्वीरेश्वरं परम्

siddhaliṁgamihākhyātaṁ tasmādvīreśvaraṁ param

इसीलिए यह लिंग यहाँ 'सिद्धलिंग' के नाम से प्रसिद्ध है — वह वीरेश्वर ही सर्वोपरि है।

श्लोक 113 (skanda.4.10.113)

वीरेश्वरं समाराध्य भ्रष्टराज्यो जयद्रथः । हत्वा रिपूनस्खलितं राज्यं प्राप विदेहजः

vīreśvaraṁ samārādhya bhraṣṭarājyo jayadrathaḥ hatvā ripūnaskhalitaṁ rājyaṁ prāpa videhajaḥ

वीरेश्वर की आराधना कर राज्यभ्रष्ट जयद्रथ ने शत्रुओं का वध कर निष्कंटक राज्य प्राप्त किया, और वैदेह राजकुमार ने भी।

श्लोक 114 (skanda.4.10.114)

विदूरथोऽथ नृपतिरपुत्रः पुत्रवानभूत् । वीरेश्वरप्रसादेन मगधाधिपतिर्वशी

vidūratho'tha nṛpatiraputraḥ putravānabhūt vīreśvaraprasādena magadhādhipatirvaśī

पुत्रहीन राजा विदूरथ पुत्रवान हुआ; तथा वीरेश्वर की कृपा से मगध का जितेंद्रिय अधिपति भी उसी प्रकार सफल हुआ।

श्लोक 115 (skanda.4.10.115)

वसुदत्तोत्र च वणिक्सुतां वसुसुतोपमाम् । अब्दमभ्यर्च्य वीरेशं रत्नदत्तोप्यवाप्तवान्

vasudattotra ca vaṇiksutāṁ vasusutopamām abdamabhyarcya vīreśaṁ ratnadattopyavāptavān

और यहाँ वर्षभर वीरेश्वर की अर्चना कर रत्नदत्त ने भी वैश्यसुता वसुदत्ता को प्राप्त किया, जो वसु की पुत्री के समान थी।

श्लोक 116 (skanda.4.10.116)

अहमप्यत्र वीरेशं समाराध्यत्रिकालतः । आशु पुत्रमवाप्स्यामि यथाभिलषितं स्त्रिया

ahamapyatra vīreśaṁ samārādhyatrikālataḥ āśu putramavāpsyāmi yathābhilaṣitaṁ striyā

'मैं भी यहाँ त्रिकाल वीरेश्वर की आराधना कर शीघ्र ही, जैसी मेरी पत्नी की अभिलाषा है, वैसा पुत्र प्राप्त करूँगा।'

श्लोक 117 (skanda.4.10.117)

इति कृत्वा मतिं धीरो विप्रो विश्वानरः कृती । चन्द्र्कूपजलैः स्नात्वा जग्राह नियमं व्रती

iti kṛtvā matiṁ dhīro vipro viśvānaraḥ kṛtī candrkūpajalaiḥ snātvā jagrāha niyamaṁ vratī

ऐसा निश्चय कर, वह धीर, संस्कारी विप्र विश्वानर चंद्रकूप के जल से स्नान कर व्रती होकर नियम ग्रहण करने लगा।

श्लोक 118 (skanda.4.10.118)

एकाहारोभवन्मासं मासं नक्ताशनोभवत । अयाचिताशनो मासं मासं त्यक्ताशनः पुनः

ekāhārobhavanmāsaṁ māsaṁ naktāśanobhavata ayācitāśano māsaṁ māsaṁ tyaktāśanaḥ punaḥ

एक महीने वे एक बार भोजन करने वाले रहे, दूसरे महीने रात्रि में ही भोजन करते रहे, तीसरे महीने अयाचित भोजन करते रहे, चौथे महीने पुनः भोजन-त्याग किया।

श्लोक 119 (skanda.4.10.119)

पयोव्रतोभवन्मासं मासं शाकफलाशनः । मासं मुष्टितिलाहारो मासं पानीयभोजनः

payovratobhavanmāsaṁ māsaṁ śākaphalāśanaḥ māsaṁ muṣṭitilāhāro māsaṁ pānīyabhojanaḥ

एक महीने वे दुग्धव्रती रहे, एक महीने शाक-फलाहारी रहे, एक महीने मुट्ठीभर तिल खाकर रहे, एक महीने केवल जल पर रहे।

श्लोक 120 (skanda.4.10.120)

पंचगव्याशनो मासं मासं चांद्रायणव्रती । मासं कुशाग्रजलभुङ्मासं श्वसनभक्षणः

paṁcagavyāśano māsaṁ māsaṁ cāṁdrāyaṇavratī māsaṁ kuśāgrajalabhuṅmāsaṁ śvasanabhakṣaṇaḥ

एक महीने वे पंचगव्याहारी रहे, एक महीने चांद्रायण व्रत किया, एक महीने कुशाग्र से टपकने वाला जल पीकर रहे, एक महीने केवल वायु पर रहे।

श्लोक 121 (skanda.4.10.121)

अथ त्रयोदशे मासि स्नात्वा त्रिपथगांभसि । प्रत्यूष एव वीरेशं यावदायाति स द्विजः

atha trayodaśe māsi snātvā tripathagāṁbhasi pratyūṣa eva vīreśaṁ yāvadāyāti sa dvijaḥ

फिर तेरहवें महीने में त्रिपथगामिनी गंगा में स्नान कर, प्रातःकाल ही वे विप्र वीरेश्वर की ओर आते हुए—

श्लोक 122 (skanda.4.10.122)

तावद्विलोकयांचक्रे मध्ये लिंगं तपोधनः । विभूतिभूषितं बालमष्टवर्षाकृतिं शुभम्

tāvadvilokayāṁcakre madhye liṁgaṁ tapodhanaḥ vibhūtibhūṣitaṁ bālamaṣṭavarṣākṛtiṁ śubham

—उन तपोधन ने लिंग के मध्य में विभूति से विभूषित, आठ वर्ष की आकृति वाला एक शुभ बालक देखा।

श्लोक 123 (skanda.4.10.123)

आकर्णपूर्णनेत्रं च सुरक्तदशनच्छदम् । चारुपिंगजटामौलिं नग्नं प्रहसिताननम्

ākarṇapūrṇanetraṁ ca suraktadaśanacchadam cārupiṁgajaṭāmauliṁ nagnaṁ prahasitānanam

जिसके नेत्र कानों तक फैले थे, जिसके दाँतों पर लाल अधर शोभित थे, जिसके सुंदर पिंगल जटाजूट का मुकुट था, जो नग्न था और जिसका मुख हास्य से पूर्ण था।

श्लोक 124 (skanda.4.10.124)

शैशवोचितनेपथ्यधारिणं चित्तहारिणम् । पठंतं श्रुतिसूक्तानि हसंतं च स्वलीलया

śaiśavocitanepathyadhāriṇaṁ cittahāriṇam paṭhaṁtaṁ śrutisūktāni hasaṁtaṁ ca svalīlayā

बाल्यावस्था के अनुरूप वेश धारण किए, मन को हरने वाला, वेद-सूक्तों का पाठ करता हुआ, अपनी ही लीला से हँसता हुआ।

श्लोक 125 (skanda.4.10.125)

तमालोक्य स्तुतिं चक्रे रोमकंचुकितो मुदा । प्रोच्चरद्गद्गदालापो नमोस्त्विति पुनः पुनः

tamālokya stutiṁ cakre romakaṁcukito mudā proccaradgadgadālāpo namostviti punaḥ punaḥ

उसे देखकर, आनंद से रोमांचित हो, उन्होंने स्तुति की, गद्गद वाणी से बारंबार 'तुम्हें नमस्कार है' कहते हुए।

श्लोक 126 (skanda.4.10.126)

विश्वानर उवाच । एकब्रह्मैवाद्वितीयं समस्तं सत्यं सत्यं नेहनानास्ति किंचित् । एको रुद्रो न द्वितीयोवतस्थे तस्मादेकं त्वां प्रपद्ये महेशम्

viśvānara uvāca ekabrahmaivādvitīyaṁ samastaṁ satyaṁ satyaṁ nehanānāsti kiṁcit eko rudro na dvitīyovatasthe tasmādekaṁ tvāṁ prapadye maheśam

विश्वानर ने कहा — 'एक ब्रह्म ही अद्वितीय, सर्वस्व, सत्य-सत्य है; यहाँ कुछ भी भिन्न-भिन्न नहीं है। एक रुद्र ही है, कोई दूसरा उससे भिन्न नहीं ठहरता; इसीलिए मैं तुझ एक महेश की शरण लेता हूँ।'

श्लोक 127 (skanda.4.10.127)

एकः कर्ता त्वं हि सर्वस्य शंभो नानारूपेष्वेकरूपोस्य रूपः । यद्वत्प्रत्यप्स्वर्क एकोप्यनेकस्तस्मान्नान्यं त्वां विनेशं प्रपद्ये

ekaḥ kartā tvaṁ hi sarvasya śaṁbho nānārūpeṣvekarūposya rūpaḥ yadvatpratyapsvarka ekopyanekastasmānnānyaṁ tvāṁ vineśaṁ prapadye

'हे शंभो, आप ही अकेले सबके कर्ता हैं; नाना रूपों में भी आपका एक ही रूप है — जैसे एक ही सूर्य अनेक जलों में प्रतिबिंबित होकर अनेक-सा दिखाई देता है; इसीलिए मैं आपके अतिरिक्त अन्य किसी की शरण नहीं लेता।'

श्लोक 128 (skanda.4.10.128)

रज्जौ सर्पः शुक्तिकायां च रूप्यंनैरःपूरस्तन्मृगाख्ये मरीचौ । यद्वत्तद्वद्विष्वगेष प्रपंचो यस्मिञ्ज्ञाते तं प्रपद्ये महेशम्

rajjau sarpaḥ śuktikāyāṁ ca rūpyaṁnairaḥpūrastanmṛgākhye marīcau yadvattadvadviṣvageṣa prapaṁco yasmiñjñāte taṁ prapadye maheśam

'जैसे रस्सी में सर्प का, सीप में चाँदी का, तथा मृगतृष्णा में जल का भ्रम होता है, वैसे ही यह समस्त प्रपंच सर्वत्र [आपकी सत्ता पर आरोपित] है; जिसे जान लेने पर, हे महेश, मैं आपकी शरण लेता हूँ।'

श्लोक 129 (skanda.4.10.129)

तोये शैत्यं दाहकत्वं च वह्नौ तापो भानौ शीत भानौप्रसादः । पुष्पे गंधो दुग्धमध्येपि सर्पिर्यत्तच्छंभो त्वं ततस्त्वां प्रपद्ये

toye śaityaṁ dāhakatvaṁ ca vahnau tāpo bhānau śīta bhānauprasādaḥ puṣpe gaṁdho dugdhamadhyepi sarpiryattacchaṁbho tvaṁ tatastvāṁ prapadye

'जल में शीतलता, अग्नि में दाहकता, सूर्य में ताप, चंद्रमा में शीतल प्रसन्नता, पुष्प में सुगंध, दूध में घृत — हे शंभो, जो कुछ भी वह सार है, वह आप ही हैं; इसीलिए मैं आपकी शरण लेता हूँ।'

श्लोक 130 (skanda.4.10.130)

शब्दं गृह्णास्यश्रवास्त्वं हि जिघ्रेरघ्राणस्त्वं व्यंघ्रिरायासि दूरात् । व्यक्षः पश्येस्त्वं रसज्ञोप्यजिह्वः कस्त्वां सम्यग्वेत्त्यतस्त्वां प्रपद्ये

śabdaṁ gṛhṇāsyaśravāstvaṁ hi jighreraghrāṇastvaṁ vyaṁghrirāyāsi dūrāt vyakṣaḥ paśyestvaṁ rasajñopyajihvaḥ kastvāṁ samyagvettyatastvāṁ prapadye

'आप बिना कानों के शब्द ग्रहण करते हैं, बिना नाक के सूँघते हैं, बिना पैरों के दूर से आ जाते हैं, बिना नेत्रों के देखते हैं, बिना जीभ के रस जानते हैं — आपको भला पूरी तरह कौन जान सकता है? इसीलिए मैं आपकी शरण लेता हूँ।'

श्लोक 131 (skanda.4.10.131)

नोवेदस्त्वामीश साक्षाद्धिवेदनो वा विष्णुर्नोविधाताऽखिलस्य । नो योगींद्रानेंद्रमुख्याश्च देवा भक्तो वेद त्वामतस्त्वां प्रपद्ये

novedastvāmīśa sākṣāddhivedano vā viṣṇurnovidhātā'khilasya no yogīṁdrāneṁdramukhyāśca devā bhakto veda tvāmatastvāṁ prapadye

'हे ईश, न वेद स्वयं आपको साक्षात् जानता है, न विष्णु, न समस्त सृष्टि के विधाता ब्रह्मा; न योगींद्र, न इंद्र आदि प्रमुख देवता ही जानते हैं — केवल भक्त ही आपको जानता है; इसीलिए मैं आपकी शरण लेता हूँ।'

श्लोक 132 (skanda.4.10.132)

नो ते गोत्रं नेशजन्मापिनाख्यानो वा रूपं नैव शीलं न देशः । इत्थंभूतोपीश्वरस्त्वं त्रिलोक्याः सर्वान्कामान्पूरयेस्तद्भजे त्वाम्

no te gotraṁ neśajanmāpinākhyāno vā rūpaṁ naiva śīlaṁ na deśaḥ itthaṁbhūtopīśvarastvaṁ trilokyāḥ sarvānkāmānpūrayestadbhaje tvām

'न आपका कोई गोत्र है, न जन्म, न नाम, न रूप, न शील, न कोई देश — फिर भी ऐसे स्वरूप वाले आप त्रिलोक के ईश्वर होकर सबकी समस्त कामनाएँ पूर्ण करते हैं; इसीलिए मैं आपकी भक्ति करता हूँ।'

श्लोक 133 (skanda.4.10.133)

त्वत्तः सर्वं त्वं हि सर्वं स्मरारे त्वं गौरीशस्त्वं च नग्नोऽतिशांतः । त्वं वै वृद्धस्त्वं युवा त्वं च बालस्तत्त्वं यत्किंनास्यतस्त्वां नतोस्मि

tvattaḥ sarvaṁ tvaṁ hi sarvaṁ smarāre tvaṁ gaurīśastvaṁ ca nagno'tiśāṁtaḥ tvaṁ vai vṛddhastvaṁ yuvā tvaṁ ca bālastattvaṁ yatkiṁnāsyatastvāṁ natosmi

'हे स्मरारे, आपसे ही सब कुछ है, आप ही सब कुछ हैं; आप गौरीश हैं, और आप ही अत्यंत शांत नग्न रूप भी हैं; आप वृद्ध हैं, आप युवा हैं, आप बालक भी हैं — जो कुछ भी सत् है, वह आप ही हैं, आपके बिना कुछ नहीं है; इसीलिए मैं आपको नमन करता हूँ।'

श्लोक 134 (skanda.4.10.134)

स्तुत्वेति भूमौ निपपात विप्रः स दंडवद्यावदतीव हृष्टः । तावत्स बालोखिलवृद्धवृद्धः प्रोवाच भूदेव वरं वृणीहि

stutveti bhūmau nipapāta vipraḥ sa daṁḍavadyāvadatīva hṛṣṭaḥ tāvatsa bālokhilavṛddhavṛddhaḥ provāca bhūdeva varaṁ vṛṇīhi

इस प्रकार स्तुति कर वह विप्र अत्यंत हर्षित होकर दंडवत् भूमि पर गिर पड़ा; तभी वह बालक, जो समस्त वृद्धों में भी वृद्धतम था, बोला — 'हे भूदेव, वर माँगो।'

श्लोक 135 (skanda.4.10.135)

तत उत्थाय हृष्टात्मा मुनिर्विश्वानरः कृती । प्रत्यब्रवीत्किमज्ञातं सर्वज्ञस्य तव प्रभो

tata utthāya hṛṣṭātmā munirviśvānaraḥ kṛtī pratyabravītkimajñātaṁ sarvajñasya tava prabho

तब हर्षित मन से उठकर उस संस्कारी मुनि विश्वानर ने उत्तर दिया — 'हे प्रभु, आप सर्वज्ञ हैं, आपसे भला क्या अज्ञात है?'

श्लोक 136 (skanda.4.10.136)

सर्वांतरात्मा भगवान्सर्वः सर्वप्रदो भवान् । याच्ञां प्रतिनियुंक्ते मां किमीशो दैन्यकारिणीम्

sarvāṁtarātmā bhagavānsarvaḥ sarvaprado bhavān yācñāṁ pratiniyuṁkte māṁ kimīśo dainyakāriṇīm

'आप भगवान् सबके अंतरात्मा हैं, आप ही सर्वस्व हैं, आप ही सबके दाता हैं — फिर हे ईश, आप मुझसे यह याचना क्यों करवाकर दीन बनाते हैं?'

श्लोक 137 (skanda.4.10.137)

इति श्रुत्वा वचस्तस्य देवो विश्वानरस्य ह । शुचेः शुचिव्रतस्याशु शुचिस्मित्वाब्रवीच्छिशुः

iti śrutvā vacastasya devo viśvānarasya ha śuceḥ śucivratasyāśu śucismitvābravīcchiśuḥ

विश्वानर के इन वचनों को सुनकर, उस पवित्र, शुचिव्रती के लिए वह देव-बालक तुरंत पवित्र मुस्कान के साथ बोला।

श्लोक 138 (skanda.4.10.138)

बाल उवाच । त्वया शुचे शुचिष्मत्यां योभिलाषः कृतो हृदि । अचिरेणैवकालेन स भविष्यत्यसंशयः

bāla uvāca tvayā śuce śuciṣmatyāṁ yobhilāṣaḥ kṛto hṛdi acireṇaivakālena sa bhaviṣyatyasaṁśayaḥ

बालक ने कहा — 'हे शुचि, शुचिष्मती के विषय में तुमने हृदय में जो अभिलाषा की है, वह शीघ्र ही, बिना संदेह, पूर्ण होगी।'

श्लोक 139 (skanda.4.10.139)

तव पुत्रत्वमेष्यामि शुचिष्मत्यां महामते । ख्यातो गृहपतिर्नाम्ना शुचिः सर्वामरप्रियः

tava putratvameṣyāmi śuciṣmatyāṁ mahāmate khyāto gṛhapatirnāmnā śuciḥ sarvāmarapriyaḥ

'हे महामते, मैं ही शुचिष्मती के गर्भ से तुम्हारा पुत्र बनकर आऊँगा, गृहपति नाम से प्रसिद्ध, पवित्र और सब देवताओं का प्रिय।'

श्लोक 140 (skanda.4.10.140)

अभिलाषाष्टकं पुण्यं स्तोत्रमेतत्त्वयेरितम् । अब्दं त्रिकालपठनात्कामदं शिवसंनिधौ

abhilāṣāṣṭakaṁ puṇyaṁ stotrametattvayeritam abdaṁ trikālapaṭhanātkāmadaṁ śivasaṁnidhau

'तुमने अभी जो यह पुण्यमय अष्टक-स्तोत्र कहा है, इसे यदि वर्षभर तीनों संध्याओं में पढ़ा जाए, तो यह शिव के समीप समस्त कामनाएँ पूर्ण करने वाला होगा।'

श्लोक 141 (skanda.4.10.141)

एतत्स्तोत्रस्य पठनं पुत्र पौत्र धनप्रदम् । सर्वशांतिकरं चापि सर्वापत्परिनाशनम्

etatstotrasya paṭhanaṁ putra pautra dhanapradam sarvaśāṁtikaraṁ cāpi sarvāpatparināśanam

'इस स्तोत्र का पाठ पुत्र, पौत्र और धन प्रदान करने वाला है; यह सर्वशांतिकारक भी है और समस्त विपत्तियों का नाशक भी।'

श्लोक 142 (skanda.4.10.142)

स्वर्गापवर्ग संपत्तिकारकं नात्र संशयः । प्रातरुत्थाय सुस्नातो लिंगमभ्यर्च्य शांभवम्

svargāpavarga saṁpattikārakaṁ nātra saṁśayaḥ prātarutthāya susnāto liṁgamabhyarcya śāṁbhavam

'इसमें कोई संदेह नहीं कि यह स्वर्ग और मोक्ष दोनों की संपत्ति देने वाला है। प्रातःकाल उठकर भलीभांति स्नान कर, शांभव लिंग की अर्चना कर—'

श्लोक 143 (skanda.4.10.143)

वर्षं जपन्निदं स्तोत्रमपुत्रः पुत्रवान्भवेत् । वैशाखे कार्तिके माघे विशेषनियमैर्युतः

varṣaṁ japannidaṁ stotramaputraḥ putravānbhavet vaiśākhe kārtike māghe viśeṣaniyamairyutaḥ

'—जो वर्षभर इस स्तोत्र का जप करे, वह पुत्रहीन होते हुए भी पुत्रवान हो जाता है; विशेषतः वैशाख, कार्तिक और माघ मास में विशेष नियमों सहित करने पर।'

श्लोक 144 (skanda.4.10.144)

यः पठेत्स्नानसमये स लभेत्सकलं फलम् । कार्तिकस्य तु मासस्य प्रसादादहमव्ययः

yaḥ paṭhetsnānasamaye sa labhetsakalaṁ phalam kārtikasya tu māsasya prasādādahamavyayaḥ

'जो स्नान के समय इसका पाठ करता है, वह इसका संपूर्ण फल प्राप्त करता है; और कार्तिक मास की कृपा से मैं, अव्यय (अविनाशी)—'

श्लोक 145 (skanda.4.10.145)

तव पुत्रत्वमेष्यामि यस्त्वन्यस्तत्पठिष्यति । अभिलाषाष्टकमिदं न देयं यस्य कस्यचित्

tava putratvameṣyāmi yastvanyastatpaṭhiṣyati abhilāṣāṣṭakamidaṁ na deyaṁ yasya kasyacit

'—तुम्हारा पुत्र बनकर आऊँगा। जो अन्य कोई इसे पढ़ेगा, उसे भी वैसा ही फल मिलेगा। यह अभिलाषाष्टक जिस-किसी को नहीं देना चाहिए।'

श्लोक 146 (skanda.4.10.146)

गोपनीयं प्रयत्नेन महावंध्याप्रसूतिकृत् । स्त्रिया वा पुरुषेणापि नियमाल्लिंग संनिधौ

gopanīyaṁ prayatnena mahāvaṁdhyāprasūtikṛt striyā vā puruṣeṇāpi niyamālliṁga saṁnidhau

'इसे यत्नपूर्वक गोपनीय रखना चाहिए, क्योंकि यह महावंध्या स्त्री को भी संतान देने वाला है — स्त्री हो या पुरुष, नियमपूर्वक लिंग के समीप इसका पाठ करे।'

श्लोक 147 (skanda.4.10.147)

अब्दं जप्तमिदं स्तोत्रं पुत्रदं नात्र संशयः । इत्युक्त्वांतर्दधे बालः सोपि विप्रो गृहं गतः

abdaṁ japtamidaṁ stotraṁ putradaṁ nātra saṁśayaḥ ityuktvāṁtardadhe bālaḥ sopi vipro gṛhaṁ gataḥ

'वर्षभर जप किया गया यह स्तोत्र निःसंदेह पुत्र देने वाला है।' ऐसा कहकर वह बालक अंतर्धान हो गया, और वह विप्र भी अपने घर लौट गया।