गन्धवती-अलका वर्णन

श्लोक 1 (skanda.4.13.1)

गणावूचतुः। इमां गंधवतीं पुण्यां पुरीं वायोर्विलोकय। वारुण्या उत्तरे भागे महाभाग्यनिधे द्विज

gaṇāvūcatuḥ imāṁ gaṁdhavatīṁ puṇyāṁ purīṁ vāyorvilokaya vāruṇyā uttare bhāge mahābhāgyanidhe dvija

गणद्वय ने कहा -- हे महाभाग्यनिधे द्विज! वरुण के उत्तर भाग में स्थित वायु की इस पुण्य नगरी गंधवती को देखो।

श्लोक 2 (skanda.4.13.2)

अस्यां प्रभंजनो नाम जगत्प्राणोदिगीश्वरः। आराध्य श्रीमहादेवं दिक्पालत्वमवाप्तवान्

asyāṁ prabhaṁjano nāma jagatprāṇodigīśvaraḥ ārādhya śrīmahādevaṁ dikpālatvamavāptavān

इसमें प्रभंजन नामक जगत्प्राण, दिशा का स्वामी, निवास करता है, जिसने श्रीमहादेव की आराधना कर दिक्पालत्व प्राप्त किया।

श्लोक 3 (skanda.4.13.3)

पुरा कश्यपदायादः पूतात्मेति च विश्रुतः। धूर्जटे राजधान्यां स चचार विपुलं तपः

purā kaśyapadāyādaḥ pūtātmeti ca viśrutaḥ dhūrjaṭe rājadhānyāṁ sa cacāra vipulaṁ tapaḥ

पूर्वकाल में कश्यप के वंशज, पूतात्मा नाम से विख्यात, ने धूर्जटि की राजधानी में विशाल तप किया।

श्लोक 4 (skanda.4.13.4)

वाराणस्यां महाभागो वर्षाणामयुतं शतम्। स्थापयित्वा महालिंगं पावनं पवनेश्वरम्

vārāṇasyāṁ mahābhāgo varṣāṇāmayutaṁ śatam sthāpayitvā mahāliṁgaṁ pāvanaṁ pavaneśvaram

उस महाभाग ने वाराणसी में सौ अयुत (लाखों) वर्षों तक तप कर पावन पवनेश्वर नामक महालिंग की स्थापना की।

श्लोक 5 (skanda.4.13.5)

यस्य दर्शनमात्रेण पूतात्मा जायते नरः। पापकंचुकमुत्सृज्य स वसेत्पावने पुरे

yasya darśanamātreṇa pūtātmā jāyate naraḥ pāpakaṁcukamutsṛjya sa vasetpāvane pure

जिसके दर्शनमात्र से मनुष्य पूतात्मा हो जाता है; पाप का कंचुक त्यागकर वह उस पावन नगरी में निवास करता है।

श्लोक 6 (skanda.4.13.6)

ततस्तस्योग्रतपसा तपसाफलदः शिवः। आविरासीत्ततो लिंगाज्ज्योतीरूपो महेश्वरः

tatastasyogratapasā tapasāphaladaḥ śivaḥ āvirāsīttato liṁgājjyotīrūpo maheśvaraḥ

तब उसके उग्र तप से, तप का फल देने वाले शिव, उस लिंग से ज्योतिरूप महेश्वर के रूप में प्रकट हुए।

श्लोक 7 (skanda.4.13.7)

उवाच च प्रसन्नात्मा करुणामृतसागरः। उत्तिष्ठोत्तिष्ठ पूतात्मन्वरं वरय सुव्रत

uvāca ca prasannātmā karuṇāmṛtasāgaraḥ uttiṣṭhottiṣṭha pūtātmanvaraṁ varaya suvrata

प्रसन्नचित्त, करुणा के अमृत-सागर उन्होंने कहा -- 'उठो, उठो, हे पूतात्मन्, हे सुव्रत! वर माँगो।'

श्लोक 8 (skanda.4.13.8)

अनेन तपसोग्रेण लिंगस्याराधनेन च। तवादेयं न पूतात्मंस्त्रैलोक्ये सचराचरे

anena tapasogreṇa liṁgasyārādhanena ca tavādeyaṁ na pūtātmaṁstrailokye sacarācare

'इस उग्र तप और लिंग की आराधना से, हे पूतात्मन्, तुम्हें त्रिलोक में चराचर में कुछ भी न देने योग्य नहीं है।'

श्लोक 9 (skanda.4.13.9)

पूतात्मोवाच। देवदेवमहादेव देवानामभयप्रद। ब्रह्मनारायणेंद्रादि सर्वदेवपदप्रद

pūtātmovāca devadevamahādeva devānāmabhayaprada brahmanārāyaṇeṁdrādi sarvadevapadaprada

पूतात्मा ने कहा -- 'हे देवदेव महादेव, देवताओं को अभय देने वाले, ब्रह्मा-नारायण-इंद्र आदि सभी देवताओं को पद देने वाले।'

श्लोक 10 (skanda.4.13.10)

वेदास्त्वां न च विंदंति किमात्मक इति प्रभो। प्राप्ताः शतपथत्वं च नेतिनेतीतिवादिनः

vedāstvāṁ na ca viṁdaṁti kimātmaka iti prabho prāptāḥ śatapathatvaṁ ca netinetītivādinaḥ

'वेद भी आपको नहीं जानते कि आप क्या हैं, हे प्रभो; सौ मार्गों (शतपथ) को प्राप्त होकर भी वे केवल नेति-नेति कहते हैं।'

श्लोक 11 (skanda.4.13.11)

ब्रह्मविष्ण्वोपि गिरां गोचरो न च वाक्पतेः। प्रमथेशं कथं स्तोतुं मादृशः प्रभवेत्प्रभो

brahmaviṣṇvopi girāṁ gocaro na ca vākpateḥ pramatheśaṁ kathaṁ stotuṁ mādṛśaḥ prabhavetprabho

'ब्रह्मा और विष्णु भी, और वाणी के स्वामी बृहस्पति भी, आपकी वाणी के विषय नहीं हैं; हे प्रभो, प्रमथों के स्वामी की स्तुति मुझ जैसा कैसे कर सकता है?'

श्लोक 12 (skanda.4.13.12)

प्रसह्य प्रमिमीतेश भक्तिर्मांस्तुतिकर्मणि। करोमि किं जगन्नाथ न वश्यानींद्रियाणि मे

prasahya pramimīteśa bhaktirmāṁstutikarmaṇi karomi kiṁ jagannātha na vaśyānīṁdriyāṇi me

'फिर भी भक्ति मुझे बलपूर्वक स्तुति के कार्य में लगा देती है; हे जगन्नाथ, मैं क्या करूँ, मेरी इंद्रियाँ वश में नहीं हैं।'

श्लोक 13 (skanda.4.13.13)

विश्वं त्वं नास्ति वै भेदस्त्वमेकः सर्वगो यतः। स्तुत्यं स्तोता स्तुतिस्त्वं च सगुणो निर्गुणो भवान्

viśvaṁ tvaṁ nāsti vai bhedastvamekaḥ sarvago yataḥ stutyaṁ stotā stutistvaṁ ca saguṇo nirguṇo bhavān

'आप ही विश्व हैं, वस्तुतः कोई भेद नहीं है, क्योंकि आप एक होकर सर्वव्यापी हैं; आप ही स्तुत्य हैं, स्तोता हैं, और स्तुति भी; आप सगुण भी हैं और निर्गुण भी।'

श्लोक 14 (skanda.4.13.14)

सर्गात्पुरा भवानेको रूपनाम विवर्जितः। योगिनोपि न ते तत्त्वं विंदंति परमार्थतः

sargātpurā bhavāneko rūpanāma vivarjitaḥ yoginopi na te tattvaṁ viṁdaṁti paramārthataḥ

'सृष्टि से पूर्व आप ही अकेले, रूप और नाम से रहित थे; योगीजन भी परमार्थतः आपके तत्त्व को नहीं जानते।'

श्लोक 15 (skanda.4.13.15)

यदैकलो न शक्नोषि रंतुं स्वैरचर प्रभो। तदिच्छा तवयोत्पन्ना सेव्या शक्तिरभूत्तव

yadaikalo na śaknoṣi raṁtuṁ svairacara prabho tadicchā tavayotpannā sevyā śaktirabhūttava

'हे स्वच्छंदविहारी प्रभो! जब आप अकेले रमण करने में असमर्थ थे, तब आपकी इच्छा उत्पन्न हुई, जो सेव्य शक्ति बनी।'

श्लोक 16 (skanda.4.13.16)

त्वमेको द्वित्वमापन्नः शिवशक्तिप्रभेदतः। त्वं ज्ञानरूपो भगवान्स्वेच्छा शक्तिस्वरूपिणी

tvameko dvitvamāpannaḥ śivaśaktiprabhedataḥ tvaṁ jñānarūpo bhagavānsvecchā śaktisvarūpiṇī

'आप एक होकर भी शिव-शक्ति के भेद से द्वित्व को प्राप्त हुए; आप ज्ञानरूप भगवान् हैं, और आपकी स्वेच्छा शक्ति के रूप में है।'

श्लोक 17 (skanda.4.13.17)

उभाभ्यां शिवशक्तिभ्या युवाभ्यां निजलीलया। उत्पादिता क्रियाशक्तिस्ततः सर्वमिदं जगत्

ubhābhyāṁ śivaśaktibhyā yuvābhyāṁ nijalīlayā utpāditā kriyāśaktistataḥ sarvamidaṁ jagat

'आप दोनों, शिव और शक्ति, ने अपनी लीला से क्रियाशक्ति को उत्पन्न किया, और उसी से यह सारा जगत् उत्पन्न हुआ।'

श्लोक 18 (skanda.4.13.18)

ज्ञानशक्तिर्भवानीश इच्छाशक्तिरुमा स्मृता। क्रियाशक्तिरिदं विश्वमस्य त्वं कारणं ततः

jñānaśaktirbhavānīśa icchāśaktirumā smṛtā kriyāśaktiridaṁ viśvamasya tvaṁ kāraṇaṁ tataḥ

'हे ईश! आप ज्ञानशक्ति हैं, उमा इच्छाशक्ति कही गई हैं; यह विश्व क्रियाशक्ति है, और आप ही इसके कारण हैं।'

श्लोक 19 (skanda.4.13.19)

दक्षिणांगं तव विधिर्वामांगं तव चाच्युतः। चंद्रसूर्याग्निनेत्रस्त्वं त्वन्निःश्वासः श्रुतित्रयम्

dakṣiṇāṁgaṁ tava vidhirvāmāṁgaṁ tava cācyutaḥ caṁdrasūryāgninetrastvaṁ tvanniḥśvāsaḥ śrutitrayam

'ब्रह्मा आपका दाहिना अंग है, विष्णु आपका बायाँ अंग; चंद्र-सूर्य-अग्नि आपके नेत्र हैं, और तीनों वेद आपका ही निःश्वास हैं।'

श्लोक 20 (skanda.4.13.20)

त्वत्स्वेदादंबुनिधयस्तव श्रोत्रं समीरणः। बाहवस्ते दशदिशो मुखं ते ब्राह्मणाः स्मृताः

tvatsvedādaṁbunidhayastava śrotraṁ samīraṇaḥ bāhavaste daśadiśo mukhaṁ te brāhmaṇāḥ smṛtāḥ

'आपके स्वेद से समुद्र उत्पन्न हुए, वायु आपका श्रोत्र है; दसों दिशाएँ आपकी भुजाएँ हैं, और ब्राह्मण आपका मुख कहे गए हैं।'

श्लोक 21 (skanda.4.13.21)

राजन्यवर्यास्ते बाहु वैश्या ऊरुसमुद्भवाः। पद्भ्यां शूद्रस्तवेशान केशास्ते जलदाः प्रभो

rājanyavaryāste bāhu vaiśyā ūrusamudbhavāḥ padbhyāṁ śūdrastaveśāna keśāste jaladāḥ prabho

'क्षत्रियश्रेष्ठ आपकी भुजाएँ हैं, वैश्य आपकी जंघाओं से उत्पन्न हैं; शूद्र आपके पैरों से, हे ईश! और मेघ आपके केश हैं, हे प्रभो!'

श्लोक 22 (skanda.4.13.22)

त्वं पुं प्रकृतिरूपेण ब्रह्मांडमसृजः पुरा। मध्ये ब्रह्मांडमखिलं विश्वमेतच्चराचरम्

tvaṁ puṁ prakṛtirūpeṇa brahmāṁḍamasṛjaḥ purā madhye brahmāṁḍamakhilaṁ viśvametaccarācaram

'आपने पुरुष-प्रकृति के रूप में पूर्वकाल में ब्रह्मांड की रचना की; उसके भीतर ही यह संपूर्ण चराचर विश्व है।'

श्लोक 23 (skanda.4.13.23)

अतस्त्वत्तो न मन्येऽहं किंचिद्भिन्नं जगन्मय। त्वयि सर्वाणि भूतानि सर्वभूतमयो भवान्

atastvatto na manye'haṁ kiṁcidbhinnaṁ jaganmaya tvayi sarvāṇi bhūtāni sarvabhūtamayo bhavān

'इसलिए, हे जगन्मय! मैं आपसे भिन्न कुछ भी नहीं मानता; आप में सभी प्राणी हैं, और आप ही सर्वभूतमय हैं।'

श्लोक 24 (skanda.4.13.24)

नमस्तुभ्यं नमस्तुभ्यं नमस्तुऽभ्यं नमोनमः। अयमेव वरो नाथ त्वयि मेऽस्तु स्थिरा मतिः

namastubhyaṁ namastubhyaṁ namastu'bhyaṁ namonamaḥ ayameva varo nātha tvayi me'stu sthirā matiḥ

'नमस्तुभ्यं, नमस्तुभ्यं, नमस्तुभ्यं, नमो नमः! हे नाथ! यही एक वर है -- आप में मेरी बुद्धि सदा स्थिर रहे।'

श्लोक 25 (skanda.4.13.25)

इत्युक्तवति देवेश स्तस्मिन्पूतात्मनि प्रभुः। स्वमूर्तित्वं समारोप्य दिक्पालपदमादधे

ityuktavati deveśa stasminpūtātmani prabhuḥ svamūrtitvaṁ samāropya dikpālapadamādadhe

हे देवेश! ऐसा कहने पर, प्रभु ने उस पूतात्मा को अपने ही स्वरूप जैसा बनाकर दिक्पाल पद प्रदान किया।

श्लोक 26 (skanda.4.13.26)

सर्वगो मम रूपेण सर्वतत्त्वावबोधकः। सर्वेषामायुषोरूपं भवानेव भविष्यति

sarvago mama rūpeṇa sarvatattvāvabodhakaḥ sarveṣāmāyuṣorūpaṁ bhavāneva bhaviṣyati

'मेरे रूप में सर्वव्यापी, सर्वतत्त्वों के ज्ञाता, तुम ही समस्त प्राणियों के आयु (प्राण) के रूप बनोगे।'

श्लोक 27 (skanda.4.13.27)

तव लिंगमिदं दिव्यं ये द्रक्ष्यंतीह मानवाः। सर्वभोगसमृद्धास्ते त्वल्लोकसुखभागिनः

tava liṁgamidaṁ divyaṁ ye drakṣyaṁtīha mānavāḥ sarvabhogasamṛddhāste tvallokasukhabhāginaḥ

'जो मनुष्य यहाँ तुम्हारे इस दिव्य लिंग का दर्शन करेंगे, वे सभी भोगों से समृद्ध होकर तुम्हारे लोक के सुख के भागी होंगे।'

श्लोक 28 (skanda.4.13.28)

पवमानेश्वरं लिंगं मध्ये जन्मसकृन्नरः। यथोक्तविधिना पूज्य सुगंधस्नपनादिभिः

pavamāneśvaraṁ liṁgaṁ madhye janmasakṛnnaraḥ yathoktavidhinā pūjya sugaṁdhasnapanādibhiḥ

'पवमानेश्वर लिंग का जो मनुष्य अपने जीवन में एक बार भी विधिपूर्वक सुगंधित स्नान आदि से पूजन करे...'

श्लोक 29 (skanda.4.13.29)

सुगंधचंदनैः पुष्पैर्मम लोके महीयते। ज्येष्ठेशात्पश्चिमेभागे वायुकुंडोत्तरेण तु

sugaṁdhacaṁdanaiḥ puṣpairmama loke mahīyate jyeṣṭheśātpaścimebhāge vāyukuṁḍottareṇa tu

'...सुगंधित चंदन और पुष्पों से, वह मेरे लोक में सम्मानित होता है -- यह ज्येष्ठेश के पश्चिम भाग में, वायुकुंड के उत्तर में स्थित है।'

श्लोक 30 (skanda.4.13.30)

पावमानं समाराध्य पूतो भवति तत्क्षणात्। इति दत्त्वा वरान्देवस्तस्मिँल्लिंगे लयं ययौ

pāvamānaṁ samārādhya pūto bhavati tatkṣaṇāt iti dattvā varāndevastasmi~lliṁge layaṁ yayau

'पावमान की आराधना कर मनुष्य उसी क्षण पवित्र हो जाता है।' यह वर देकर देव उसी लिंग में लीन हो गए।

श्लोक 31 (skanda.4.13.31)

गणावूचतुः। इति गंधवती पुर्याः स्वरूपं ते निरूपितम्। तस्याः प्राच्यां कुबेरस्य श्रीमत्येषालकापुरी

gaṇāvūcatuḥ iti gaṁdhavatī puryāḥ svarūpaṁ te nirūpitam tasyāḥ prācyāṁ kuberasya śrīmatyeṣālakāpurī

गणद्वय ने कहा -- इस प्रकार गंधवती नगरी का स्वरूप आपको बताया गया। उसके पूर्व में कुबेर की यह श्रीमती अलकापुरी है।

श्लोक 32 (skanda.4.13.32)

शंभोः सखित्वमापेदे नाथोस्या भक्तियोगतः। निधीनां पद्ममुख्यानां दाता भोक्ता हरार्चनात्

śaṁbhoḥ sakhitvamāpede nāthosyā bhaktiyogataḥ nidhīnāṁ padmamukhyānāṁ dātā bhoktā harārcanāt

इसका स्वामी भक्तियोग से शंभु की सखा-भाव को प्राप्त हुआ; हर की अर्चना से वह पद्म आदि निधियों का दाता और भोक्ता बना।

श्लोक 33 (skanda.4.13.33)

शिवशर्मोवाच। कोसौ कस्य पुनः कीदृग्भक्तिरस्य सदाशिवे। यया सखित्वमापन्नो देवदेवस्यधूर्जटेः

śivaśarmovāca kosau kasya punaḥ kīdṛgbhaktirasya sadāśive yayā sakhitvamāpanno devadevasyadhūrjaṭeḥ

शिवशर्मा ने कहा -- वह कौन है, किसका पुत्र है, और सदाशिव के प्रति उसकी कैसी भक्ति थी, जिससे उसने देवदेव धूर्जटि की सखिता प्राप्त की?

श्लोक 34 (skanda.4.13.34)

इति श्रोतुं मम मनः श्रुतिगोचरतां गतम्। युवयोर्वाक्सुधास्वाद मेदुरोदरमंथरम्

iti śrotuṁ mama manaḥ śrutigocaratāṁ gatam yuvayorvāksudhāsvāda medurodaramaṁtharam

यह सुनने के लिए मेरा मन उत्सुक हो गया है -- आप दोनों की वाणी के अमृत का स्वाद जो हृदय को तृप्त करने वाला और मंद गति से आगे बढ़ने वाला है।

श्लोक 35 (skanda.4.13.35)

गणावूचतुः। शिवशर्मन्महाप्राज्ञ परिशुद्धेंद्रियेश्वर। सुतीर्थक्षालिताशेषजन्मजातमहामल

gaṇāvūcatuḥ śivaśarmanmahāprājña pariśuddheṁdriyeśvara sutīrthakṣālitāśeṣajanmajātamahāmala

गणद्वय ने कहा -- हे शिवशर्मन्, महाप्राज्ञ, शुद्ध इंद्रियों के स्वामी, पवित्र तीर्थों में धोए गए समस्त जन्म-जन्मांतर के महामल वाले!

श्लोक 36 (skanda.4.13.36)

सुहृदि प्रेमसंपन्ने त्वय्यनुद्यं न किंचन। साधुभिः सह संवादः सर्वश्रेयोऽभिवृद्धये

suhṛdi premasaṁpanne tvayyanudyaṁ na kiṁcana sādhubhiḥ saha saṁvādaḥ sarvaśreyo'bhivṛddhaye

प्रेमपूर्ण हृदय वाले सुहृद् आपसे कुछ भी न कहने योग्य नहीं है; साधुओं के साथ संवाद ही सर्वश्रेय की वृद्धि के लिए होता है।

श्लोक 37 (skanda.4.13.37)

आसीत्कांपिल्यनगरे सोमयाजिकुलोद्भवः। दीक्षितो यज्ञदत्ताख्यो यज्ञविद्याविशारदः

āsītkāṁpilyanagare somayājikulodbhavaḥ dīkṣito yajñadattākhyo yajñavidyāviśāradaḥ

कांपिल्य नगर में सोमयाजी कुल में उत्पन्न, यज्ञविद्या में निपुण, यज्ञदत्त नामक एक दीक्षित था।

श्लोक 38 (skanda.4.13.38)

वेदवेदांगवेदार्थान्वेदोक्ताचारचंचुरः। राजमान्यो बहुधनो वदान्यः कीर्तिभाजनम्

vedavedāṁgavedārthānvedoktācāracaṁcuraḥ rājamānyo bahudhano vadānyaḥ kīrtibhājanam

वह वेद, वेदांग, वेदार्थ और वेदोक्त आचार में निपुण, राजमान्य, धनी, उदार और कीर्तिमान था।

श्लोक 39 (skanda.4.13.39)

अग्निशुश्रूषणरतो वेदाध्ययनतत्परः। तस्य पुत्रो गुणनिधिश्चंद्रबिंबसमाकृतिः

agniśuśrūṣaṇarato vedādhyayanatatparaḥ tasya putro guṇanidhiścaṁdrabiṁbasamākṛtiḥ

अग्नि की सेवा में रत, वेदाध्ययन में तत्पर, उसका पुत्र गुणनिधि चंद्रबिंब के समान सुंदर था।

श्लोक 40 (skanda.4.13.40)

कृतोपनयनः सोथ विद्यां जग्राह भूरिशः। अथ पित्रानभिज्ञातो द्यूतकर्मरतोऽभवत्

kṛtopanayanaḥ sotha vidyāṁ jagrāha bhūriśaḥ atha pitrānabhijñāto dyūtakarmarato'bhavat

उपनयन के पश्चात् उसने बहुत विद्या ग्रहण की; किंतु फिर पिता की जानकारी के बिना वह द्यूतकर्म में रत हो गया।

श्लोक 41 (skanda.4.13.41)

आदायादाय बहुशो धनं मातुः सकाशतः। ददाति द्यूतकारेभ्यो मैत्री तैश्च चकार सः

ādāyādāya bahuśo dhanaṁ mātuḥ sakāśataḥ dadāti dyūtakārebhyo maitrī taiśca cakāra saḥ

माता से बार-बार धन लेकर वह जुआरियों को दे देता था, और उनसे मित्रता कर ली।

श्लोक 42 (skanda.4.13.42)

संत्यक्त ब्राह्मणाचारः संध्यास्नानपराङ्मुखः। निंदको वेदशास्त्राणां देवब्राह्मणनिंदकः

saṁtyakta brāhmaṇācāraḥ saṁdhyāsnānaparāṅmukhaḥ niṁdako vedaśāstrāṇāṁ devabrāhmaṇaniṁdakaḥ

उसने ब्राह्मणोचित आचार त्याग दिया, संध्या-स्नान से विमुख हो गया, वेद-शास्त्रों की निंदा करने लगा, और देव-ब्राह्मणों की भी निंदा करने लगा।

श्लोक 43 (skanda.4.13.43)

स्मृत्याचारविहीनस्तु गीतवाद्यविनोदभाक्। नटपाखंडिभंडैश्च बद्धप्रेमपरंपरः

smṛtyācāravihīnastu gītavādyavinodabhāk naṭapākhaṁḍibhaṁḍaiśca baddhapremaparaṁparaḥ

स्मृति-आचार से रहित होकर वह गीत-वाद्य के विनोद में लिप्त रहा, और नट-पाखंडी-भाँडों के साथ स्थायी प्रेम-संबंध बना लिया।

श्लोक 44 (skanda.4.13.44)

प्रेरितोपि जनन्या स न याति पितुरंतिकम्। गृहकार्यांतरव्यग्रो दीक्षितो दीक्षितायिनीम्

preritopi jananyā sa na yāti pituraṁtikam gṛhakāryāṁtaravyagro dīkṣito dīkṣitāyinīm

माता के कहने पर भी वह पिता के पास नहीं जाता था। दीक्षित, गृहकार्य में व्यस्त होकर, दीक्षितायिनी (अपनी पत्नी) से पूछता --

श्लोक 45 (skanda.4.13.45)

यदा यदैव तां पृच्छेदयेगुणनिधिः सुतः। न दृश्यते मया गेहे क्व याति विदधाति किम्

yadā yadaiva tāṁ pṛcchedayeguṇanidhiḥ sutaḥ na dṛśyate mayā gehe kva yāti vidadhāti kim

'जब-जब मैं पूछता हूँ कि पुत्र गुणनिधि कहाँ है, मुझे घर में नहीं दिखता, कहाँ जाता है, क्या करता है --'

श्लोक 46 (skanda.4.13.46)

तदा तदेति सा ब्रूयादिदानीं स बहिर्गतः। स्नात्वा समर्च्य वै देवानेतावंतमनेहसम्

tadā tadeti sā brūyādidānīṁ sa bahirgataḥ snātvā samarcya vai devānetāvaṁtamanehasam

'तब-तब वह कहती -- अभी-अभी वह बाहर गया है; स्नान कर देवताओं का पूजन करके इतनी देर हो गई है।'

श्लोक 47 (skanda.4.13.47)

अधीत्याध्ययनार्थं स द्वित्रैर्मित्रैः समं ययौ। एकपुत्रेति तन्माता प्रतारयति दीक्षितम्

adhītyādhyayanārthaṁ sa dvitrairmitraiḥ samaṁ yayau ekaputreti tanmātā pratārayati dīkṣitam

'पढ़ने के लिए वह दो-तीन मित्रों के साथ गया है' -- इस प्रकार इकलौता पुत्र होने के कारण उसकी माता दीक्षित को धोखा देती रहती।

श्लोक 48 (skanda.4.13.48)

न तत्कर्म च तद्वृत्तं किंचिद्वेत्ति स दीक्षितः। स च केशांतकर्मास्य कृत्वा वर्षेऽथ षोडशे

na tatkarma ca tadvṛttaṁ kiṁcidvetti sa dīkṣitaḥ sa ca keśāṁtakarmāsya kṛtvā varṣe'tha ṣoḍaśe

वह दीक्षित उसके कर्म या आचरण के बारे में कुछ भी नहीं जानता था। सोलहवें वर्ष में उसका केशांत संस्कार करके...

श्लोक 49 (skanda.4.13.49)

गृह्योक्तेन विधानेन पाणिग्राहमकारयत्। प्रत्यहं तस्य जननी सुतं गुणनिधिं मृदु

gṛhyoktena vidhānena pāṇigrāhamakārayat pratyahaṁ tasya jananī sutaṁ guṇanidhiṁ mṛdu

...गृह्यसूत्र में कहे गए विधान से उसका विवाह करा दिया। प्रतिदिन उसकी माता अपने पुत्र गुणनिधि को कोमलता से --

श्लोक 50 (skanda.4.13.50)

शास्ति स्नेहार्द्रहृदया क्रोधनस्ते पितेत्यलम्। यदि ज्ञास्यति ते वृत्तं त्वां च मां ताडयिष्यति

śāsti snehārdrahṛdayā krodhanaste pitetyalam yadi jñāsyati te vṛttaṁ tvāṁ ca māṁ tāḍayiṣyati

स्नेह से आर्द्र हृदय होकर समझाती -- 'बस करो! तुम्हारे पिता क्रोधी हैं; यदि उन्हें तुम्हारे आचरण का पता चला तो वे तुम्हें और मुझे दोनों को पीटेंगे।'

श्लोक 51 (skanda.4.13.51)

आच्छादयामि ते नित्यं पितुरग्रे कुचेष्टितम्। लोकमान्योस्ति ते तातः सदाचारैर्न वै धनैः

ācchādayāmi te nityaṁ pituragre kuceṣṭitam lokamānyosti te tātaḥ sadācārairna vai dhanaiḥ

'मैं सदा तुम्हारी बुरी चेष्टाओं को पिता के सामने छिपाती हूँ। तुम्हारे पिता सदाचार से लोकमान्य हैं, धन से नहीं।'

श्लोक 52 (skanda.4.13.52)

ब्राह्मणानां धनं पुत्र सद्विद्या साधुसंगमः। सच्छ्रोत्रियास्त्वनूचाना दीक्षिताः सोमयाजिनः

brāhmaṇānāṁ dhanaṁ putra sadvidyā sādhusaṁgamaḥ sacchrotriyāstvanūcānā dīkṣitāḥ somayājinaḥ

'ब्राह्मणों का धन तो, पुत्र, सुविद्या और साधु-संगति ही है। तुम्हारे पूर्वज सत्-श्रोत्रिय, अनूचान, दीक्षित और सोमयाजी थे।'

श्लोक 53 (skanda.4.13.53)

इति रूढिमिह प्राप्तास्तव पूर्वपितामहाः। त्यक्त्वा दुर्वृत्तसंसर्गं साधुसंगरतो भव

iti rūḍhimiha prāptāstava pūrvapitāmahāḥ tyaktvā durvṛttasaṁsargaṁ sādhusaṁgarato bhava

'इस प्रकार यहाँ तुम्हारे पूर्वजों ने प्रसिद्धि पाई थी। दुष्टों का संग त्यागकर साधुओं के संग में रत हो जाओ।'

श्लोक 54 (skanda.4.13.54)

सद्विद्या सुमनो धेहि ब्राह्मणाचारमाचर। तवानुरूपारूपेण वयसाकुलशीलतः

sadvidyā sumano dhehi brāhmaṇācāramācara tavānurūpārūpeṇa vayasākulaśīlataḥ

'सुविद्या और सुमन प्राप्त करो, ब्राह्मणोचित आचार का पालन करो, अपनी आयु, कुल और स्वभाव के अनुरूप रूप से।'

श्लोक 55 (skanda.4.13.55)

ऊनविंशतिकोऽसि त्वमेषा षोडशवार्षिकी। तव पत्नी गुणनिधे साध्वी मधुरभाषिणी

ūnaviṁśatiko'si tvameṣā ṣoḍaśavārṣikī tava patnī guṇanidhe sādhvī madhurabhāṣiṇī

'तुम उन्नीस वर्ष के हो, और तुम्हारी यह पत्नी सोलह वर्ष की, हे गुणनिधे, साध्वी और मधुरभाषिणी है।'

श्लोक 56 (skanda.4.13.56)

एतां संवृणु सद्वृत्तां पितृभक्तियुता भव। श्वशुरोपि हि ते मान्यः सर्वत्र गुणशीलतः

etāṁ saṁvṛṇu sadvṛttāṁ pitṛbhaktiyutā bhava śvaśuropi hi te mānyaḥ sarvatra guṇaśīlataḥ

'इस सद्वृत्ता का सम्मान करो, पितृभक्तियुक्त बनो; तुम्हारे श्वसुर भी सर्वत्र गुणों से सम्मानित हैं।'

श्लोक 57 (skanda.4.13.57)

ततोऽपत्रपसे किं न त्यज दुर्वृत्ततां शिशो। मातुलास्तेऽतुलाः पुत्र विद्याशीलकुलादिभिः

tato'patrapase kiṁ na tyaja durvṛttatāṁ śiśo mātulāste'tulāḥ putra vidyāśīlakulādibhiḥ

'फिर भी तुम्हें लज्जा क्यों नहीं आती? हे शिशु, दुर्वृत्तता त्याग दो। पुत्र, तुम्हारे मामा विद्या, शील और कुल में अतुल्य हैं।'

श्लोक 58 (skanda.4.13.58)

तेभ्योपि न बिभेषि त्वं शुद्धोस्युभय वंशतः। पश्यैतान्प्रतिवेश्मस्थान्ब्राह्मणानां कुमारकान्

tebhyopi na bibheṣi tvaṁ śuddhosyubhaya vaṁśataḥ paśyaitānprativeśmasthānbrāhmaṇānāṁ kumārakān

'उनसे भी तुम्हें भय नहीं है? तुम दोनों वंशों से शुद्ध हो। देखो इन पड़ोस में रहने वाले ब्राह्मण-पुत्रों को।'

श्लोक 59 (skanda.4.13.59)

गृहेपि शिष्यान्पश्यैतान्पितुस्ते विनयोचितान्। राजापि श्रोष्यति यदा तव दुश्चेष्टितं सुत

gṛhepi śiṣyānpaśyaitānpituste vinayocitān rājāpi śroṣyati yadā tava duśceṣṭitaṁ suta

'घर में भी अपने पिता के इन विनयशील शिष्यों को देखो। हे पुत्र, जब राजा भी तुम्हारी दुश्चेष्टा सुनेगा...'

श्लोक 60 (skanda.4.13.60)

श्रद्धां विहाय ते ताते वृत्तिलोपं करिष्यति। बालचेष्टितमेवैतद्वदंत्यद्यापि ते जनाः

śraddhāṁ vihāya te tāte vṛttilopaṁ kariṣyati bālaceṣṭitamevaitadvadaṁtyadyāpi te janāḥ

'...तो वह तुम्हारे पिता पर से श्रद्धा हटाकर उनकी वृत्ति (जीविका) समाप्त कर देगा। लोग अभी भी इसे बालचेष्टा ही कहते हैं।'

श्लोक 61 (skanda.4.13.61)

अनंतरं हसिष्यंति युक्तं दीक्षिततास्त्विति। सर्वेप्याक्षारयिष्यंति तव विप्रं च मां च वै

anaṁtaraṁ hasiṣyaṁti yuktaṁ dīkṣitatāstviti sarvepyākṣārayiṣyaṁti tava vipraṁ ca māṁ ca vai

'किंतु बाद में वे हँसेंगे, कहेंगे "यह तो दीक्षित के पुत्र को ही शोभा देता है" -- सभी तुम्हारे विप्र पिता और मुझे भी उलाहना देंगे।'

श्लोक 62 (skanda.4.13.62)

मातुश्चरित्रं तनयो धत्ते दुर्भाषणैरिति। पिता पितेन पापीयाञ्च्छ्रुतिस्मृतिपथीनकिम्

mātuścaritraṁ tanayo dhatte durbhāṣaṇairiti pitā pitena pāpīyāñcchrutismṛtipathīnakim

'लोग कहेंगे पुत्र अपनी माता का ही चरित्र धारण करता है, अपने दुर्वचनों से; पिता तो श्रुति-स्मृति के मार्ग को जानने वाला होकर भी और भी बड़ा पापी होगा।'

श्लोक 63 (skanda.4.13.63)

तदंघ्रिलीनमनसो मम साक्षी महेश्वरः। न चर्तुस्नातयापीह मुखं दुष्टस्य वीक्षितम्

tadaṁghrilīnamanaso mama sākṣī maheśvaraḥ na cartusnātayāpīha mukhaṁ duṣṭasya vīkṣitam

'जिनके चरणों में मेरा मन लीन है, वे महेश्वर मेरे साक्षी हैं -- ऋतुस्नान के पश्चात् भी मैंने कभी उस दुष्ट का मुख नहीं देखा।'

श्लोक 64 (skanda.4.13.64)

अहो बलीयान्सविधिर्येन जाता भवानिति। प्रतिक्षणं जनन्येति शिक्ष्यमाणोतिदुर्मदः

aho balīyānsavidhiryena jātā bhavāniti pratikṣaṇaṁ jananyeti śikṣyamāṇotidurmadaḥ

'अहो, कैसा प्रबल है विधाता, जिससे तुम ऐसे उत्पन्न हुए!' -- इस प्रकार प्रतिक्षण माता द्वारा समझाए जाने पर भी वह अत्यंत उन्मत्त...

श्लोक 65 (skanda.4.13.65)

न तत्याज च तद्धर्मं दुर्बोधो व्यसनी यतः। मृगया मद्य पैशुन्य वेश्याचौर्यदुरोदरैः

na tatyāja ca taddharmaṁ durbodho vyasanī yataḥ mṛgayā madya paiśunya veśyācauryadurodaraiḥ

...उस दुराचार को नहीं त्याग सका, क्योंकि वह दुर्बोध और व्यसनी था -- मृगया, मद्य, चुगली, वेश्यागमन, चोरी और जुआ...

श्लोक 66 (skanda.4.13.66)

सपारदारैर्व्यसनैरेभिः कोत्र न खंडितः। यद्यन्मध्ये गृहे पश्येत्तत्तन्नीत्वा सुदुर्मतिः

sapāradārairvyasanairebhiḥ kotra na khaṁḍitaḥ yadyanmadhye gṛhe paśyettattannītvā sudurmatiḥ

...और परस्त्रीगमन जैसे व्यसनों से भला कौन नहीं बिगड़ता? घर में जो कुछ भी दिखता, वह दुर्बुद्धि उसे लेकर...

श्लोक 67 (skanda.4.13.67)

अर्पयेद्द्यूतकाराणां सकुप्यं वसनादिकम्। नवरत्नमयीं मातुः करतः पितुरूर्मिकाम

arpayeddyūtakārāṇāṁ sakupyaṁ vasanādikam navaratnamayīṁ mātuḥ karataḥ piturūrmikāma

...जुआरियों को दे देता -- बर्तन, वस्त्र आदि। एक बार उसने माता के हाथ से पिता का नौ रत्नों वाला कड़ा लिया।

श्लोक 68 (skanda.4.13.68)

स्वपंत्यास्त्वेकदाऽऽदाय दुरोदरिकरेऽर्पयत्। एकदा गच्छता राजभवनान्निजमुद्रिका

svapaṁtyāstvekadā''dāya durodarikare'rpayat ekadā gacchatā rājabhavanānnijamudrikā

सोती हुई माता से एक बार उसे लेकर उसने एक जुआरी के हाथ में सौंप दिया। एक बार राजभवन से आते हुए, दीक्षित ने अपनी ही मुद्रिका...

श्लोक 69 (skanda.4.13.69)

दीक्षितेन परिज्ञाता दैवाद्द्यूतकृतः करे। उवाच दीक्षितस्तं च कुतो लब्धा त्वयोर्मिका। पृष्टस्तेनाथ निर्बंधादसकृत्प्रत्युवाच किम्

dīkṣitena parijñātā daivāddyūtakṛtaḥ kare uvāca dīkṣitastaṁ ca kuto labdhā tvayormikā pṛṣṭastenātha nirbaṁdhādasakṛtpratyuvāca kim

...संयोगवश उस जुआरी के हाथ में पहचान ली। दीक्षित ने उससे कहा -- 'यह मुद्रिका तुझे कहाँ से मिली?' बार-बार आग्रहपूर्वक पूछे जाने पर उसने क्या उत्तर दिया?

श्लोक 70 (skanda.4.13.70)

ममाक्षिपसि विप्रोच्चैः किं मया चौर्य कर्मणा। लब्धा मुद्रा त्वदीयेन पुत्रेणैषा ममार्पिता

mamākṣipasi viproccaiḥ kiṁ mayā caurya karmaṇā labdhā mudrā tvadīyena putreṇaiṣā mamārpitā

'हे विप्र! तुम मुझ पर इतना ज़ोर से चोरी का आरोप क्यों लगाते हो? यह मुद्रिका मुझे तुम्हारे ही पुत्र ने दी है।'

श्लोक 71 (skanda.4.13.71)

मम मातुर्हि पूर्वे द्युर्जित्वानीतो हि शाटकः। न केवलं ममाप्येतदंगुलीयं समर्पितम्

mama māturhi pūrve dyurjitvānīto hi śāṭakaḥ na kevalaṁ mamāpyetadaṁgulīyaṁ samarpitam

'पहले भी उसने जीतकर मेरी माता के लिए एक शाल लाकर दी थी। केवल यह अंगूठी ही मुझे नहीं दी गई...'

श्लोक 72 (skanda.4.13.72)

अन्येषां द्यूतकर्तृणां भूरि तेनार्पितं वसु। रत्नकुप्यदुकूलानि भृंगारुप्रभृतीनि च

anyeṣāṁ dyūtakartṛṇāṁ bhūri tenārpitaṁ vasu ratnakupyadukūlāni bhṛṁgāruprabhṛtīni ca

'...बल्कि अन्य जुआरियों को भी उसने बहुत सा धन दिया है -- रत्न, धातु के बर्तन, रेशमी वस्त्र, कलश आदि।'

श्लोक 73 (skanda.4.13.73)

भाजनानि विचित्राणि कांस्य ताम्रमयानि च। नग्नीकृत्यप्रति दिनं बद्ध्यंते द्यूतकारिभिः

bhājanāni vicitrāṇi kāṁsya tāmramayāni ca nagnīkṛtyaprati dinaṁ baddhyaṁte dyūtakāribhiḥ

'कांसे और ताँबे के अनेक विचित्र पात्र भी -- हम जुआरी प्रतिदिन उसकी उदारता से समृद्ध होते और उससे बँधे रहते हैं।'

श्लोक 74 (skanda.4.13.74)

न तेन सदृशः कश्चिदाक्षिको भूमिमंडले। अद्य यावत्त्वया विप्र दुरोदरशिरोमणिः

na tena sadṛśaḥ kaścidākṣiko bhūmimaṁḍale adya yāvattvayā vipra durodaraśiromaṇiḥ

'इस भूमंडल में उसके समान कोई जुआरी नहीं है; हे विप्र! आज तक तुमने अपने पुत्र को जुआरियों का शिरोमणि क्यों नहीं जाना?'

श्लोक 75 (skanda.4.13.75)

कथं नाज्ञायि तनयो ऽविनयानयकोविदः। इति श्रुत्वा त्रपाभार विनम्रतरकंधरः

kathaṁ nājñāyi tanayo 'vinayānayakovidaḥ iti śrutvā trapābhāra vinamratarakaṁdharaḥ

'कुचेष्टा और अनीति में निपुण तुम्हारा पुत्र तुम्हें कैसे नहीं ज्ञात हुआ?' यह सुनकर, लज्जा के भार से नत गर्दन वाला दीक्षित...

श्लोक 76 (skanda.4.13.76)

प्रावृत्य वाससा मौलिं प्राविशन्निजमंदिरम्। महापतिव्रतामास्य पत्नीं प्रोवाच तामथ

prāvṛtya vāsasā mauliṁ prāviśannijamaṁdiram mahāpativratāmāsya patnīṁ provāca tāmatha

...अपने वस्त्र से सिर ढककर अपने घर में प्रविष्ट हुआ। तब उसने अपनी महापतिव्रता पत्नी से कहा --

श्लोक 77 (skanda.4.13.77)

दीक्षितायिनि कुत्रासि क्व ते गुणनिधिः सुतः। अथ तिष्ठतु किं तेन क्व सा मम शुभोर्मिका

dīkṣitāyini kutrāsi kva te guṇanidhiḥ sutaḥ atha tiṣṭhatu kiṁ tena kva sā mama śubhormikā

'हे दीक्षितायिनि! तुम कहाँ हो? तुम्हारा पुत्र गुणनिधि कहाँ है? रहने दो उसे -- मेरा वह शुभ कड़ा कहाँ है?'

श्लोक 78 (skanda.4.13.78)

अंगोद्वर्तन काले या त्वया मेंऽगुलितो हृता। नवरत्नमयीं शीघ्रं तामानीय प्रयच्छ मे

aṁgodvartana kāle yā tvayā meṁ'gulito hṛtā navaratnamayīṁ śīghraṁ tāmānīya prayaccha me

'अंग-मर्दन के समय तुमने जो मेरी उँगली से लिया था, वह नौ रत्नों वाला कड़ा शीघ्र लाकर मुझे दो।'

श्लोक 79 (skanda.4.13.79)

इति श्रुत्वाथ तद्वाक्यं भीता सा दीक्षितायिनी। प्रोवाच सा तु माध्याह्नीं क्रियां निष्पादयत्वथ

iti śrutvātha tadvākyaṁ bhītā sā dīkṣitāyinī provāca sā tu mādhyāhnīṁ kriyāṁ niṣpādayatvatha

यह सुनकर भयभीत दीक्षितायिनी ने कहा -- 'पहले अपना मध्याह्न-कर्म पूरा कर लीजिए।'

श्लोक 80 (skanda.4.13.80)

व्यग्रास्मि देवपूजार्थमुपहारादि कर्मणि। समयोयमतिक्रामेदतिथीनां प्रियातिथे

vyagrāsmi devapūjārthamupahārādi karmaṇi samayoyamatikrāmedatithīnāṁ priyātithe

'मैं देवपूजा के लिए उपहार आदि तैयार करने में व्यस्त हूँ; यह समय बीत रहा है, हे प्रिय अतिथि जैसे प्रियतम!'

श्लोक 81 (skanda.4.13.81)

इदानीमेव पक्वान्नकरणव्यग्रया मया। स्थापिता भाजने क्वापि विस्मृतेति न वेद्म्यहम्

idānīmeva pakvānnakaraṇavyagrayā mayā sthāpitā bhājane kvāpi vismṛteti na vedmyaham

'अभी-अभी भोजन बनाने में व्यस्त होने के कारण मैंने उसे किसी बर्तन में रख दिया था -- भूल गई हूँ, याद नहीं है कहाँ।'

श्लोक 82 (skanda.4.13.82)

दीक्षित उवाच। हंहो सत्पुत्रजननि नित्यं सत्यप्रभाषिणि। यदायदा त्वां संपृच्छे तनयः क्व गतस्त्विति

dīkṣita uvāca haṁho satputrajanani nityaṁ satyaprabhāṣiṇi yadāyadā tvāṁ saṁpṛcche tanayaḥ kva gatastviti

दीक्षित ने कहा -- 'अरे सत्पुत्र की माता, सदा सत्य बोलने वाली! जब-जब मैं तुमसे पूछता हूँ कि पुत्र कहाँ गया...'

श्लोक 83 (skanda.4.13.83)

तदातदेति त्वं ब्रूया नाथेदानीं स निर्गतः। अधीत्याध्ययनार्थं च द्वित्रैर्मित्रैः सयुग्बहिः

tadātadeti tvaṁ brūyā nāthedānīṁ sa nirgataḥ adhītyādhyayanārthaṁ ca dvitrairmitraiḥ sayugbahiḥ

'...तब-तब तुम कहती हो -- अभी वह पढ़ने के लिए दो-तीन मित्रों के साथ बाहर गया है।'

श्लोक 84 (skanda.4.13.84)

कुतस्त्वच्छाटकः पत्नि मांजिष्ठो यो मयाऽर्पितः। लंबते वस्त्रधान्यांयस्तथ्यं ब्रूहि भयं त्यज

kutastvacchāṭakaḥ patni māṁjiṣṭho yo mayā'rpitaḥ laṁbate vastradhānyāṁyastathyaṁ brūhi bhayaṁ tyaja

'मेरी वह लाल शाल कहाँ है, पत्नी, जो मैंने तुम्हें दी थी, जो कपड़े की डोरी पर लटकती रहती है? सच बताओ, भय त्याग दो।'

श्लोक 85 (skanda.4.13.85)

सांप्रतं नेक्ष्यते सोपि भृंगारुर्मणिमंडितः। पट्टसूत्रमयीसापि त्रिपटी क्व नृपार्पिता

sāṁprataṁ nekṣyate sopi bhṛṁgārurmaṇimaṁḍitaḥ paṭṭasūtramayīsāpi tripaṭī kva nṛpārpitā

'अब वह मणि-मंडित कलश भी नहीं दिखता; और राजा द्वारा दी गई वह त्रिपटी रेशमी वस्त्र कहाँ है?'

श्लोक 86 (skanda.4.13.86)

क्व दाक्षिणात्यं तत्कांस्यं गौडी ताम्रघटी क्व सा। नागदंतमयी सा क्व सुखकौतुकमंचिका

kva dākṣiṇātyaṁ tatkāṁsyaṁ gauḍī tāmraghaṭī kva sā nāgadaṁtamayī sā kva sukhakautukamaṁcikā

'दक्षिण देश का वह कांस्य-पात्र कहाँ है? गौड़ देश का वह ताम्रघट कहाँ है?' 'हाथीदाँत की वह सुखद, चित्ताकर्षक मंचिका (आसन) कहाँ है?'

श्लोक 87 (skanda.4.13.87)

क्व सा पर्वतदेशीया चंद्रकांतशिलोद्भवा। दीपिका व्यग्रहस्ताग्रा सालंकृच्छालभंजिका

kva sā parvatadeśīyā caṁdrakāṁtaśilodbhavā dīpikā vyagrahastāgrā sālaṁkṛcchālabhaṁjikā

'पर्वत प्रदेश की वह चंद्रकांत शिला से बनी, सुसज्जित पुतली के फैले हुए हाथ में धरी दीपिका कहाँ है?'

श्लोक 88 (skanda.4.13.88)

किं बहूक्तेन कुलजे तुभ्यं कुप्याम्यहं वृथा। तदाभ्यवहरिष्येहमुपयंस्याम्यहं यदा

kiṁ bahūktena kulaje tubhyaṁ kupyāmyahaṁ vṛthā tadābhyavahariṣyehamupayaṁsyāmyahaṁ yadā

'क्या अधिक कहूँ, हे कुलजा? मैं तुम पर व्यर्थ ही क्रोध कर रहा हूँ। मैं तब ही भोजन करूँगा जब जो करना है कर लूँगा।'

श्लोक 89 (skanda.4.13.89)

अनपत्योस्मि तेनाहं दुष्टेन कुलदूषिणा। उत्तिष्ठानय दर्भांबु तस्मै दद्यां तिलांजलिम्

anapatyosmi tenāhaṁ duṣṭena kuladūṣiṇā uttiṣṭhānaya darbhāṁbu tasmai dadyāṁ tilāṁjalim

'उस दुष्ट कुलदूषक के कारण मैं मानो निःसंतान ही हूँ। उठो, कुशा और जल लाओ, मैं उसे तिलांजलि दूँगा।'

श्लोक 90 (skanda.4.13.90)

अपुत्रत्वं वरं नृणां कुपुत्रात्कुलपांसनात्। त्यजेदेकं कुलस्यार्थे नीतिरेषा सनातनी

aputratvaṁ varaṁ nṛṇāṁ kuputrātkulapāṁsanāt tyajedekaṁ kulasyārthe nītireṣā sanātanī

'कुपुत्र, जो कुल का कलंक हो, उससे मनुष्यों के लिए निःसंतानता ही श्रेष्ठ है; कुल के लिए एक को त्याग देना यही सनातन नीति है।'

श्लोक 91 (skanda.4.13.91)

स्नात्वा नित्यविधिं कृत्वा तस्मिन्नेवाह्निकस्यचित्। श्रोत्रियस्य सुतां प्राप्य पाणिं जग्राह दीक्षितः

snātvā nityavidhiṁ kṛtvā tasminnevāhnikasyacit śrotriyasya sutāṁ prāpya pāṇiṁ jagrāha dīkṣitaḥ

स्नान कर नित्यविधि पूर्ण करके, उसी दिन किसी आह्निक कर्म के अवसर पर दीक्षित ने एक श्रोत्रिय की पुत्री को प्राप्त कर उसका पाणिग्रहण किया।

श्लोक 92 (skanda.4.13.92)

श्रुत्वा तथा स वृत्तांतं प्राक्तनं स्वं विनिंद्य च। कांचिद्दिशं समालोच्य निर्ययौ दीक्षितांगजः

śrutvā tathā sa vṛttāṁtaṁ prāktanaṁ svaṁ viniṁdya ca kāṁciddiśaṁ samālocya niryayau dīkṣitāṁgajaḥ

यह वृत्तांत सुनकर और अपने पूर्व आचरण की निंदा करते हुए, दीक्षितपुत्र किसी दिशा का विचार कर घर से निकल पड़ा।

श्लोक 93 (skanda.4.13.93)

चिंतामवाप महतीं क्व यामि करवाणि किम्। नाहमभ्यस्तविद्योस्मि न चैवास्ति धनोस्म्यहम्

ciṁtāmavāpa mahatīṁ kva yāmi karavāṇi kim nāhamabhyastavidyosmi na caivāsti dhanosmyaham

उसे महान चिंता हुई -- 'कहाँ जाऊँ, क्या करूँ? न मैंने विद्या का अभ्यास किया है, न मेरे पास धन है।'

श्लोक 94 (skanda.4.13.94)

देशांतरे ह्यस्ति धनः सद्विद्यः सुखमेधते। भयमस्ति धने चौरात्सविद्यः सर्वतोऽभयः

deśāṁtare hyasti dhanaḥ sadvidyaḥ sukhamedhate bhayamasti dhane caurātsavidyaḥ sarvato'bhayaḥ

'परदेश में धनी अथवा सुविद्य व्यक्ति ही सुखपूर्वक फलता-फूलता है; धन में चोर का भय रहता है, पर विद्यावान सर्वत्र निर्भय रहता है।'

श्लोक 95 (skanda.4.13.95)

यायजूके कुले जन्म क्वक्व मे व्यसनं तथा। अहो बलीयान्स विधिर्भाविकर्मानुसंधयेत्

yāyajūke kule janma kvakva me vyasanaṁ tathā aho balīyānsa vidhirbhāvikarmānusaṁdhayet

'याजक-कुल में जन्म, और मेरा यह व्यसन -- कहाँ-कहाँ! अहो, कैसा प्रबल है विधाता, जो भावी कर्म के अनुसार ही सब रचता है।'

श्लोक 96 (skanda.4.13.96)

भिक्षितुं नाधिगच्छामि न मे परिचितः क्वचित्। न च पार्श्वे धनं किंचित्किमत्र शरणं भवेत्

bhikṣituṁ nādhigacchāmi na me paricitaḥ kvacit na ca pārśve dhanaṁ kiṁcitkimatra śaraṇaṁ bhavet

'भीख माँगना मुझे नहीं आता, कहीं कोई परिचित भी नहीं है, न पास में कुछ धन है -- यहाँ क्या शरण होगी?'

श्लोक 97 (skanda.4.13.97)

सदाभ्युदिते भानौ प्रसूर्मे मृष्टभोजनम्। दद्यादद्यात्र कं याचे याचेह जननी न मे

sadābhyudite bhānau prasūrme mṛṣṭabhojanam dadyādadyātra kaṁ yāce yāceha jananī na me

'सदा सूर्योदय होते ही मेरी माता मुझे स्वादिष्ट भोजन देती थी -- अब किससे माँगूँ? मेरी माता तो यहाँ नहीं है कि मैं उससे माँगूँ।'

श्लोक 98 (skanda.4.13.98)

इति चिंतयतस्तस्य भानुरस्ताचलं गतः। एतस्मिन्नेव समये कश्चिन्माहेश्वरो नरः

iti ciṁtayatastasya bhānurastācalaṁ gataḥ etasminneva samaye kaścinmāheśvaro naraḥ

इस प्रकार सोचते हुए उसके, सूर्य अस्ताचल को चला गया। उसी समय कोई माहेश्वर (शिवभक्त) पुरुष...

श्लोक 99 (skanda.4.13.99)

महोपहारानादाय नगराद्बहिरभ्यगात्। समभ्यर्चितुमीशानं शिवरात्रावुपोषितः

mahopahārānādāya nagarādbahirabhyagāt samabhyarcitumīśānaṁ śivarātrāvupoṣitaḥ

...बड़ी-बड़ी सामग्री लेकर नगर से बाहर गया, शिवरात्रि के उपवास में ईशान की पूजा करने के लिए।

श्लोक 100 (skanda.4.13.100)

पक्वान्नगंधमाघ्राय क्षुधितः स तमन्वगात्। इदमन्नं मया ग्राह्यं शिवायोपस्कृतं निशि

pakvānnagaṁdhamāghrāya kṣudhitaḥ sa tamanvagāt idamannaṁ mayā grāhyaṁ śivāyopaskṛtaṁ niśi

पकवान की गंध सूँघकर वह भूखा उसके पीछे-पीछे चला, यह सोचते हुए कि 'यह भोजन, जो रात्रि में शिव के लिए बनाया गया है, मैं ले लूँगा।'

श्लोक 101 (skanda.4.13.101)

इत्याशामवलंब्याथ द्वारि शंभोरुपाविशत्। ददर्श च महापूजां तेन भक्तेन निर्मिताम्

ityāśāmavalaṁbyātha dvāri śaṁbhorupāviśat dadarśa ca mahāpūjāṁ tena bhaktena nirmitām

इसी आशा से वह शंभु के द्वार पर बैठ गया, और उस भक्त द्वारा की जा रही महापूजा को देखने लगा।

श्लोक 102 (skanda.4.13.102)

विधाय नृत्यगीतादि भक्ताः सुप्ताः क्षणं यदा। नैवेद्यं स तदाऽऽदातुं गर्भागारं विवेश ह

vidhāya nṛtyagītādi bhaktāḥ suptāḥ kṣaṇaṁ yadā naivedyaṁ sa tadā''dātuṁ garbhāgāraṁ viveśa ha

नृत्य-गीत आदि करके जब भक्तगण क्षणभर के लिए सो गए, तब वह नैवेद्य लेने के लिए गर्भगृह में प्रविष्ट हुआ।

श्लोक 103 (skanda.4.13.103)

दीपं मंदप्रभं दृष्ट्वा पक्वान्नावेक्षणाय सः। निजचैलांचलाद्वर्तिं दत्त्वा समुददीपयत्

dīpaṁ maṁdaprabhaṁ dṛṣṭvā pakvānnāvekṣaṇāya saḥ nijacailāṁcalādvartiṁ dattvā samudadīpayat

मंद प्रकाश वाले दीपक को देखकर, पकवान देखने के लिए, उसने अपने वस्त्र के छोर से बत्ती बनाकर उसे प्रज्वलित कर दिया।

श्लोक 104 (skanda.4.13.104)

ततः पक्कान्नमादाय त्वरितं गच्छतो बहिः। तस्य पादतलाघातात्प्रसुप्तः कोप्यबुध्यत

tataḥ pakkānnamādāya tvaritaṁ gacchato bahiḥ tasya pādatalāghātātprasuptaḥ kopyabudhyata

तब पकवान लेकर शीघ्रता से बाहर जाते हुए, उसके पैर के आघात से सोया हुआ कोई जाग गया।

श्लोक 105 (skanda.4.13.105)

कोयंकोयं त्वरापन्नश्चोरोयं गृह्यतामिति। यावद्भूयात्समागत्य तावत्स पुररक्षकैः

koyaṁkoyaṁ tvarāpannaścoroyaṁ gṛhyatāmiti yāvadbhūyātsamāgatya tāvatsa purarakṣakaiḥ

'यह कौन है, कौन है, इतनी जल्दी में? यह चोर है, पकड़ो इसे!' -- और जब तक और लोग आते, तब तक नगर-रक्षकों ने...

श्लोक 106 (skanda.4.13.106)

पलायमानो निहतः क्षणात्पंचत्वमागतः। अभक्षयच्च नैवेद्यं भाविपुण्यबलान्न सः

palāyamāno nihataḥ kṣaṇātpaṁcatvamāgataḥ abhakṣayacca naivedyaṁ bhāvipuṇyabalānna saḥ

...भागते हुए उसे मार डाला, वह क्षणभर में मृत्यु को प्राप्त हो गया; और भावी पुण्य के बल से उसने नैवेद्य नहीं खाया।

श्लोक 107 (skanda.4.13.107)

अथ बद्धः समागत्य पाशमुद्गरपाणिभिः। निनीषुभिः सयमिनीं यामैः स विकटैर्भटैः

atha baddhaḥ samāgatya pāśamudgarapāṇibhiḥ ninīṣubhiḥ sayaminīṁ yāmaiḥ sa vikaṭairbhaṭaiḥ

तब बाँधकर, पाश और मुद्गर हाथ में लिए, संयमिनी (यमपुरी) ले जाने की इच्छा से आए भयानक यमदूतों द्वारा घेरे जाने पर...

श्लोक 108 (skanda.4.13.108)

तावत्पारिषदाः प्राप्ताः किंकिणीजालमालितम्। दिव्यंविमानमादाय तं नेतुं शूलपाणयः

tāvatpāriṣadāḥ prāptāḥ kiṁkiṇījālamālitam divyaṁvimānamādāya taṁ netuṁ śūlapāṇayaḥ

...उसी समय शिव के पार्षद, घंटियों के जाल से सजी दिव्य विमान लेकर, त्रिशूलधारी, उसे ले जाने के लिए वहाँ आ पहुँचे।

श्लोक 109 (skanda.4.13.109)

शंभोर्गणान्समालोक्य भीतैस्तैर्यमकिंकरैः। अवादिप्रणतैरित्थं दुर्वृत्तोयं गणा द्विजः

śaṁbhorgaṇānsamālokya bhītaistairyamakiṁkaraiḥ avādipraṇatairitthaṁ durvṛttoyaṁ gaṇā dvijaḥ

शंभु के गणों को देखकर भयभीत उन यमदूतों ने प्रणाम करते हुए कहा -- 'हे गणो! यह ब्राह्मण दुराचारी है।'

श्लोक 110 (skanda.4.13.110)

कुलाचारप्रतीपोयं पित्रोर्वाक्यपराङ्मुखः। सत्यशौचपरिभ्रष्टःसंध्यास्नानविवर्जितः

kulācārapratīpoyaṁ pitrorvākyaparāṅmukhaḥ satyaśaucaparibhraṣṭaḥsaṁdhyāsnānavivarjitaḥ

'यह कुलाचार के विरुद्ध, माता-पिता के वचन से विमुख, सत्य और शौच से भ्रष्ट, संध्या-स्नान से रहित था।'

श्लोक 111 (skanda.4.13.111)

आस्तां दूरेऽस्य कर्माणि शिवनिर्माल्यहारकः। प्रत्यक्षतोऽत्र वीक्षध्वमस्पृश्योयं भवादृशाम्

āstāṁ dūre'sya karmāṇi śivanirmālyahārakaḥ pratyakṣato'tra vīkṣadhvamaspṛśyoyaṁ bhavādṛśām

'उसके अन्य कर्म तो दूर रहें, वह शिव के निर्माल्य का हरण करने वाला है! प्रत्यक्ष यहाँ देख लो -- वह तुम जैसों के लिए भी अस्पृश्य है।'

श्लोक 112 (skanda.4.13.112)

शिवनिर्माल्यभोक्तारः शिवनिर्माल्यलंघकाः। शिवनिर्माल्यदातारः स्पर्शस्तेषां ह्यपुण्यकृत्

śivanirmālyabhoktāraḥ śivanirmālyalaṁghakāḥ śivanirmālyadātāraḥ sparśasteṣāṁ hyapuṇyakṛt

'शिव के निर्माल्य को खाने वाले, शिव के निर्माल्य का उल्लंघन करने वाले, शिव के निर्माल्य को देने वाले भी -- इन सबका स्पर्श पापकारी है।'

श्लोक 113 (skanda.4.13.113)

विषमालोड्य वापे यं श्रेयोवाऽनशनं परम्। सेवितव्यं शिवस्वं न प्राणः कंठगतैरपि

viṣamāloḍya vāpe yaṁ śreyovā'naśanaṁ param sevitavyaṁ śivasvaṁ na prāṇaḥ kaṁṭhagatairapi

'विष मिलाकर पी लेना श्रेष्ठ है, या पूर्ण अनशन कर लेना; पर शिव की वस्तु का उपयोग, प्राण कंठ में आ जाने पर भी, कभी नहीं करना चाहिए।'

श्लोक 114 (skanda.4.13.114)

यूयं प्रमाणं धर्मेषु यथा न च तथा वयम्। अस्ति चेद्धर्मलेशोस्य गणास्तच्छृणुमो वयम्

yūyaṁ pramāṇaṁ dharmeṣu yathā na ca tathā vayam asti ceddharmaleśosya gaṇāstacchṛṇumo vayam

'तुम धर्म के विषय में प्रमाण हो, जैसे हम नहीं हैं; यदि इसमें धर्म का लेशमात्र भी है, हे गणो, तो हम उसे सुनें।'

श्लोक 115 (skanda.4.13.115)

इत्थं तद्वाक्यमाकर्ण्य प्रोचुः पारिषदास्ततः। किंकराः शिवधर्मा ये सूक्ष्मास्ते वै भवादृशैः

itthaṁ tadvākyamākarṇya procuḥ pāriṣadāstataḥ kiṁkarāḥ śivadharmā ye sūkṣmāste vai bhavādṛśaiḥ

यह वचन सुनकर पार्षदों ने कहा -- 'हे किंकरो! शिव-धर्म की सूक्ष्मताएँ तुम जैसों के द्वारा...'

श्लोक 116 (skanda.4.13.116)

स्थूललक्ष्यैः कथं लक्ष्या लक्ष्या ये सूक्ष्मदृष्टिभिः। अनेनानेन सा कर्म यत्कृतं शृणुतेह तत्

sthūlalakṣyaiḥ kathaṁ lakṣyā lakṣyā ye sūkṣmadṛṣṭibhiḥ anenānena sā karma yatkṛtaṁ śṛṇuteha tat

'...स्थूल दृष्टि से कैसे देखी जा सकती हैं, जो केवल सूक्ष्मदृष्टि वालों द्वारा ही देखी जा सकती हैं? सुनो यहाँ इसके द्वारा किया गया वह कर्म।'

श्लोक 117 (skanda.4.13.117)

पतंती लिंगशिरसि दीपच्छाया निवारिता। स्वचैलांचलतोऽनेन दत्त्वादीपे दशां निशि

pataṁtī liṁgaśirasi dīpacchāyā nivāritā svacailāṁcalato'nena dattvādīpe daśāṁ niśi

'लिंग के मस्तक पर पड़ती हुई दीपक की छाया को इसने रोका -- रात्रि में अपने वस्त्र के छोर से दीपक को बत्ती देकर।'

श्लोक 118 (skanda.4.13.118)

अपरोपि परो धर्मो जातस्तत्रास्य किंकराः। शृण्वता शिवनामानि प्रसंगादपिगृह्णतः

aparopi paro dharmo jātastatrāsya kiṁkarāḥ śṛṇvatā śivanāmāni prasaṁgādapigṛhṇataḥ

'उसे वहाँ एक और उच्चतर धर्म भी प्राप्त हुआ, हे किंकरो -- क्योंकि वह प्रसंगवश ही सही, शिव के नामों को सुनकर ग्रहण करता रहा।'

श्लोक 119 (skanda.4.13.119)

भक्तेन विधिना पूजा क्रियमाणा निरीक्षिता। उपोषिते न भूतायामनेन स्थिरचेतसा

bhaktena vidhinā pūjā kriyamāṇā nirīkṣitā upoṣite na bhūtāyāmanena sthiracetasā

'उस भक्त द्वारा विधिपूर्वक की जा रही पूजा को उसने देखा; और अनजाने में उपवासी होकर भी वह स्थिरचित्त होकर उसे देखता रहा।'

श्लोक 120 (skanda.4.13.120)

कलिंगराजोभविताऽधुनाविधुतकल्मषः। एष द्विजवरो दूता यूयं यात यथागताः

kaliṁgarājobhavitā'dhunāvidhutakalmaṣaḥ eṣa dvijavaro dūtā yūyaṁ yāta yathāgatāḥ

'यह श्रेष्ठ ब्राह्मण, अब अपने पाप धोकर, कलिंग का राजा बनेगा। हे दूतो! तुम जिस प्रकार आए हो उसी प्रकार लौट जाओ।'

श्लोक 121 (skanda.4.13.121)

पार्षदैर्यमदूतेभ्यो मोचितस्त्विति स द्विजः। अरिंदमस्य तनयः कलिंगाधितेर्दमः

pārṣadairyamadūtebhyo mocitastviti sa dvijaḥ ariṁdamasya tanayaḥ kaliṁgādhiterdamaḥ

इस प्रकार शिव के पार्षदों द्वारा यमदूतों से मुक्त किया गया वह ब्राह्मण, शत्रुदमन कलिंगराज का पुत्र दम बना।

श्लोक 122 (skanda.4.13.122)

क्रमाद्राज्यमवाप्याथ पितर्युपरते युवा। नान्यं धर्मं विजानाति दुर्दमो भूपतिर्दमः

kramādrājyamavāpyātha pitaryuparate yuvā nānyaṁ dharmaṁ vijānāti durdamo bhūpatirdamaḥ

क्रमशः पिता के स्वर्गवास होने पर उस युवक ने राज्य प्राप्त किया; और दुर्दम राजा दम कोई अन्य धर्म नहीं जानता था --

श्लोक 123 (skanda.4.13.123)

शिवालयेषु सर्वेषु दीपदानादृते द्विज। ग्रामाधीशान्समाहूय सर्वान्त्स्वविषयस्थितान्

śivālayeṣu sarveṣu dīpadānādṛte dvija grāmādhīśānsamāhūya sarvāntsvaviṣayasthitān

समस्त शिवालयों में दीपदान के अतिरिक्त, हे द्विज! उसने अपने राज्य में स्थित सभी ग्रामाधीशों को बुलाया।

श्लोक 124 (skanda.4.13.124)

इत्थमाज्ञापयामास स मे दंड्यो भविष्यति। यस्य यस्याभितो ग्रामं यावंतश्च शिवालयाः

itthamājñāpayāmāsa sa me daṁḍyo bhaviṣyati yasya yasyābhito grāmaṁ yāvaṁtaśca śivālayāḥ

उसने इस प्रकार आज्ञा दी -- 'जिस-जिस गाँव के चारों ओर जितने भी शिवालय हों...'

श्लोक 125 (skanda.4.13.125)

तत्र तत्र सदा दीपो द्योतनीयोऽविचारितम्। ममाज्ञाभंगदोषेण शिरश्छेत्स्याम्यसंशयम्

tatra tatra sadā dīpo dyotanīyo'vicāritam mamājñābhaṁgadoṣeṇa śiraśchetsyāmyasaṁśayam

'...वहाँ-वहाँ सदा दीपक जलाया जाए, बिना किसी अपवाद के। मेरी आज्ञा भंग करने के दोष से मैं निश्चय ही सिर काट दूँगा।'

श्लोक 126 (skanda.4.13.126)

इति तद्भयतो दीप्ता दीपाः प्रति शिवालयम्। अनेनैव स धर्मेण यावज्जीवं दमो नृपः

iti tadbhayato dīptā dīpāḥ prati śivālayam anenaiva sa dharmeṇa yāvajjīvaṁ damo nṛpaḥ

इस भय से प्रत्येक शिवालय में दीपक जलते रहते थे। इसी धर्म के बल पर राजा दम आजीवन...

श्लोक 127 (skanda.4.13.127)

धर्मर्द्धि महतीं प्राप्य कालधर्मवशं गतः। सदीपवासनायागोद्बहून्दीपान्प्रदीप्य वै

dharmarddhi mahatīṁ prāpya kāladharmavaśaṁ gataḥ sadīpavāsanāyāgodbahūndīpānpradīpya vai

...महान धर्म-समृद्धि प्राप्त कर काल के अधीन हुआ; और बहुत से दीपक जलाने की वासना के कारण...

श्लोक 128 (skanda.4.13.128)

अलकायाः पतिरभूद्रत्नदीपशिखाश्रयः। एवं फलति कालेन शिवेऽल्पमपि यत्कृतम्

alakāyāḥ patirabhūdratnadīpaśikhāśrayaḥ evaṁ phalati kālena śive'lpamapi yatkṛtam

...रत्न-दीपशिखाओं के आश्रय में अलका का स्वामी बना। इस प्रकार समय के साथ, शिव के प्रति किया गया अल्प कार्य भी फल देता है।

श्लोक 129 (skanda.4.13.129)

इति ज्ञात्वा शिवे कार्यं भजनं स्वसुखार्थिभिः। क्व स दीक्षितदायादः सर्वधर्म पराङ्मुखः

iti jñātvā śive kāryaṁ bhajanaṁ svasukhārthibhiḥ kva sa dīkṣitadāyādaḥ sarvadharma parāṅmukhaḥ

यह जानकर, अपने सुख के इच्छुक जनों को शिव की भक्ति करनी चाहिए। कहाँ था वह दीक्षित-पुत्र, समस्त धर्म से विमुख...

श्लोक 130 (skanda.4.13.130)

स्वार्थदीपदशोद्योत लिंगमौलि तमोहरः। कलिंगविषये राज्यं प्राप्तो धर्मरतिः सदा

svārthadīpadaśodyota liṁgamauli tamoharaḥ kaliṁgaviṣaye rājyaṁ prāpto dharmaratiḥ sadā

...जिसने अपने ही स्वार्थ के लिए दीपशिखा जलाकर लिंग के मस्तक का अंधकार दूर किया, वह कलिंग देश में राज्य पाकर सदा धर्मरत रहा।

श्लोक 131 (skanda.4.13.131)

शिवालये समुद्दीप्य दीपान्प्राग्वासनोदयात्। क्वैषा दिक्पालपदवी शिवशर्मन्विलोकय। मनुष्यधर्मणानेन सांप्रतं येह भुज्यते

śivālaye samuddīpya dīpānprāgvāsanodayāt kvaiṣā dikpālapadavī śivaśarmanvilokaya manuṣyadharmaṇānena sāṁprataṁ yeha bhujyate

शिवालय में दीपक जलाकर, पूर्वजन्म की उस वासना के जागने से -- देखो, हे शिवशर्मन्, यह दिक्पाल का पद अब इसी मनुष्य-धर्म से भोगा जा रहा है।

श्लोक 132 (skanda.4.13.132)

गणावूचतुः। सर्वदैव शिवेनासौ सखित्वं च यथेयिवान्। तदप्येकमना विप्र संशृणुष्व ब्रवावहै

gaṇāvūcatuḥ sarvadaiva śivenāsau sakhitvaṁ ca yatheyivān tadapyekamanā vipra saṁśṛṇuṣva bravāvahai

गणद्वय ने कहा -- शिव के साथ इसने जो सदा की सखिता प्राप्त की, वह भी, हे विप्र, एकाग्रचित्त होकर सुनो, हम बताते हैं।

श्लोक 133 (skanda.4.13.133)

पाद्मे कल्पे पुरा विप्र ब्रह्मणो मानसात्सुतात्। पुलस्त्याद्विश्रवा जज्ञे तस्य वैश्रवणः सुतः

pādme kalpe purā vipra brahmaṇo mānasātsutāt pulastyādviśravā jajñe tasya vaiśravaṇaḥ sutaḥ

पूर्वकाल में, हे विप्र, पाद्म कल्प में, ब्रह्मा के मानस पुत्र पुलस्त्य से विश्रवा उत्पन्न हुए, और उनके पुत्र वैश्रवण (कुबेर) हुए।

श्लोक 134 (skanda.4.13.134)

तेनेयमलका भुक्ता पुरी विश्वकृता कृता। आराध्यं त्र्यंबकं देवमत्युग्रतपसा पुरा

teneyamalakā bhuktā purī viśvakṛtā kṛtā ārādhyaṁ tryaṁbakaṁ devamatyugratapasā purā

उसने विश्वकर्मा द्वारा बनाई गई इस अलका नगरी को भोगा, पूर्वकाल में अत्यंत उग्र तप से त्रिनेत्र देव की आराधना करके।

श्लोक 135 (skanda.4.13.135)

व्यतीते तत्र कल्पे वै प्रवृत्ते मेघवाहने। याज्ञदत्तिरसौश्रीदस्तपस्तेपे सुदुःसहम्

vyatīte tatra kalpe vai pravṛtte meghavāhane yājñadattirasauśrīdastapastepe suduḥsaham

उस कल्प के बीत जाने पर, मेघवाहन कल्प के प्रवृत्त होने पर, वही श्रीद (कुबेर) यज्ञदत्त के पुत्र के रूप में अत्यंत दुःसह तप करने लगा।

श्लोक 136 (skanda.4.13.136)

भक्तिप्रभावं विज्ञाय शंभोस्तद्दीपमात्रतः। पुरीं पुरारेः संप्राप्य काशिकां चित्प्रकाशिकाम्

bhaktiprabhāvaṁ vijñāya śaṁbhostaddīpamātrataḥ purīṁ purāreḥ saṁprāpya kāśikāṁ citprakāśikām

शंभु की भक्ति का प्रभाव जानकर, उस एक दीपक मात्र से, वह पुरारि की नगरी काशी को, जो चित्-प्रकाशिका है, प्राप्त कर...

श्लोक 137 (skanda.4.13.137)

शिवैकदशमुद्बोध्य चित्ररत्नप्रदीपकम्। अनन्यभक्तिस्नेहाढ्यं तन्महोध्याननिश्चलम्

śivaikadaśamudbodhya citraratnapradīpakam ananyabhaktisnehāḍhyaṁ tanmahodhyānaniścalam

...वहाँ शिव के लिए एक अद्भुत रत्नमय दीपक जलाकर, अनन्य भक्ति और स्नेह से युक्त, उस महाध्यान में अचल होकर...

श्लोक 138 (skanda.4.13.138)

शिवैक्यसुमहापात्रं तपोग्निपरिबृंहितम्। कामक्रोधमहाविघ्नपतंगाघातवर्जितम्

śivaikyasumahāpātraṁ tapogniparibṛṁhitam kāmakrodhamahāvighnapataṁgāghātavarjitam

...शिव के साथ एकत्व का महापात्र, तप की अग्नि से पुष्ट, काम-क्रोध रूपी महाविघ्न के पतंगों के आघात से रहित...

श्लोक 139 (skanda.4.13.139)

प्राणसंरोधनिर्वातं निर्मलं निर्मलेक्षणात्। संस्थाप्य शांभवं लिंगं सद्भावकुसुमार्चितम्

prāṇasaṁrodhanirvātaṁ nirmalaṁ nirmalekṣaṇāt saṁsthāpya śāṁbhavaṁ liṁgaṁ sadbhāvakusumārcitam

...प्राण-निरोध से निर्वात, अपनी निर्मल दृष्टि से निर्मल होकर, उसने सद्भाव के पुष्पों से पूजित शांभव लिंग की स्थापना की।

श्लोक 140 (skanda.4.13.140)

तावत्तताप स तपस्त्वगस्थिपरिशेषितम्। यावद्बभूव तद्वर्ष्म वर्षाणामयुतं शतम्

tāvattatāpa sa tapastvagasthipariśeṣitam yāvadbabhūva tadvarṣma varṣāṇāmayutaṁ śatam

उसने उस तप को इतने काल तक तपा, जब तक कि उसका शरीर केवल त्वचा और हड्डी शेष रहते हुए सौ अयुत वर्षों तक स्थित न हो गया।

श्लोक 141 (skanda.4.13.141)

ततः सह विशालाक्ष्या देवो विश्वेश्वरः स्वयम्। अलकापतिमालोक्य प्रसन्नेनांतरात्मना

tataḥ saha viśālākṣyā devo viśveśvaraḥ svayam alakāpatimālokya prasannenāṁtarātmanā

तब विशालाक्षी के साथ स्वयं विश्वेश्वर देव, अलका के भावी स्वामी को देखकर, प्रसन्न अंतरात्मा से...

श्लोक 142 (skanda.4.13.142)

लिंगे मनः समाधाय स्थितं स्थाणुस्वरूपिणम्। उवाच वरदोस्मीति तप्त्वालमलकापते

liṁge manaḥ samādhāya sthitaṁ sthāṇusvarūpiṇam uvāca varadosmīti taptvālamalakāpate

...लिंग में मन लगाए, स्थाणु के समान स्थिर उससे कहा -- 'मैं वरदाता हूँ; हे अलकापते, तप अब पर्याप्त है।'

श्लोक 143 (skanda.4.13.143)

उन्मील्य नयने यावत्स पश्यति तपोधनः। तावदुद्यत्सहस्रांशु सहस्राधिक तेजसम्

unmīlya nayane yāvatsa paśyati tapodhanaḥ tāvadudyatsahasrāṁśu sahasrādhika tejasam

ज्योंही उस तपोधनी ने नेत्र खोलकर देखा, त्योंही उसने सहस्र उदित सूर्यों से भी सहस्र गुना अधिक तेज देखा।

श्लोक 144 (skanda.4.13.144)

पुरो ददर्श श्रीकंठं चंद्रचूडमुमाधवम्। तत्तेजः परिभूताक्षितेजाः संमील्य लोचने

puro dadarśa śrīkaṁṭhaṁ caṁdracūḍamumādhavam tattejaḥ paribhūtākṣitejāḥ saṁmīlya locane

उसने सामने श्रीकंठ, चंद्रचूड़, उमाधव को देखा; उस तेज से अपनी नेत्र-शक्ति अभिभूत होने पर उसने नेत्र बंद कर लिए...

श्लोक 145 (skanda.4.13.145)

उवाच देवदेवेशं मनोरथपथातिगम्। निजांघ्रिदर्शनेनाथ दृक्सामर्थ्यं प्रयच्छ मे

uvāca devadeveśaṁ manorathapathātigam nijāṁghridarśanenātha dṛksāmarthyaṁ prayaccha me

...और मनोरथ के भी परे उस देवदेवेश से कहा -- 'अपने चरणों के दर्शन के लिए मुझे दृष्टि-सामर्थ्य प्रदान कीजिए।'

श्लोक 146 (skanda.4.13.146)

अयमेव वरो नाथ यत्त्वं साक्षान्निरीक्ष्यसे। किमन्येन वरेणेश नमस्ते शशिशेखर

ayameva varo nātha yattvaṁ sākṣānnirīkṣyase kimanyena vareṇeśa namaste śaśiśekhara

'हे नाथ! यही मेरा वर है कि मैं आपको साक्षात् देख सकूँ। अन्य वर से क्या, हे ईश? हे शशिशेखर, आपको नमस्कार है!'

श्लोक 147 (skanda.4.13.147)

इति तद्वचनं श्रुत्वा देवदेव उमापतिः। ददौ दर्शनसामर्थ्यं स्पृष्ट्वा पाणितलेन तम्

iti tadvacanaṁ śrutvā devadeva umāpatiḥ dadau darśanasāmarthyaṁ spṛṣṭvā pāṇitalena tam

यह वचन सुनकर देवदेव उमापति ने अपनी हथेली से उसे स्पर्श करके दर्शन-सामर्थ्य प्रदान की।

श्लोक 148 (skanda.4.13.148)

प्रसार्य नयने पूर्वमुमामेव व्यलोकयत्। शंभोः समीपे कायोषिदेषा सर्वांगसुंदरी

prasārya nayane pūrvamumāmeva vyalokayat śaṁbhoḥ samīpe kāyoṣideṣā sarvāṁgasuṁdarī

नेत्र खोलकर उसने पहले उमा को ही देखा -- शंभु के समीप खड़ी वह सर्वांगसुंदरी --

श्लोक 149 (skanda.4.13.149)

अनया किंतपस्तप्तं ममापि तपसोधिकम्। अहो रूपमहो प्रेम सौभाग्यश्रीरहो भृशम्

anayā kiṁtapastaptaṁ mamāpi tapasodhikam aho rūpamaho prema saubhāgyaśrīraho bhṛśam

[और सोचा] 'इसने कैसा तप किया है, जो मेरे तप से भी बढ़कर है? अहो रूप! अहो प्रेम! अहो सौभाग्य की अत्यधिक शोभा!'

श्लोक 150 (skanda.4.13.150)

क्रूरदृग्वीक्षते यावत्पुनःपुनरिदं वदन्। तावत्पुस्फोट तन्नेत्रं वामं वामा विलोकनात

krūradṛgvīkṣate yāvatpunaḥpunaridaṁ vadan tāvatpusphoṭa tannetraṁ vāmaṁ vāmā vilokanāta

इस प्रकार बार-बार यह कहते हुए तीक्ष्ण दृष्टि से देखता रहा, तभी देवी के उस कटाक्ष से उसका बायाँ नेत्र फूट गया।

श्लोक 151 (skanda.4.13.151)

अथ देव्यब्रवीद्देवं किमसौ दुष्टतापसः। असकृद्वीक्ष्य मां वक्ति न्यक्कुर्वन्मे तपःप्रभाम्

atha devyabravīddevaṁ kimasau duṣṭatāpasaḥ asakṛdvīkṣya māṁ vakti nyakkurvanme tapaḥprabhām

तब देवी ने देव से कहा -- 'यह दुष्ट तापस क्यों बार-बार मुझे देखकर, मेरे तप के तेज को तुच्छ करता हुआ बोलता है?'

श्लोक 152 (skanda.4.13.152)

असकृद्दक्षिणेनाक्ष्णा पुनर्मामेवपश्यति। असूयमानो मे रूपं प्रेमसौभाग्यसंपदः

asakṛddakṣiṇenākṣṇā punarmāmevapaśyati asūyamāno me rūpaṁ premasaubhāgyasaṁpadaḥ

'बार-बार अपने दाहिने नेत्र से यह मुझे ही देख रहा है, मानो मेरे रूप, प्रेम और सौभाग्य की संपदा से ईर्ष्या करता हो।'

श्लोक 153 (skanda.4.13.153)

इति देवीगिरं श्रुत्वा प्रहस्य प्राह तां प्रभुः। उमे त्वदीयः पुत्रोयं न च क्रूरेण चक्षुषा

iti devīgiraṁ śrutvā prahasya prāha tāṁ prabhuḥ ume tvadīyaḥ putroyaṁ na ca krūreṇa cakṣuṣā

देवी की यह वाणी सुनकर प्रभु ने हँसकर उससे कहा -- 'हे उमा! यह तुम्हारा ही पुत्र है, और यह क्रूर दृष्टि से नहीं...'

श्लोक 154 (skanda.4.13.154)

संपश्यते तपो लक्ष्मीं तव किं त्वधिवर्णयेत्। इति देवीं समाभाष्य तमीशः पुनरब्रवीत्

saṁpaśyate tapo lakṣmīṁ tava kiṁ tvadhivarṇayet iti devīṁ samābhāṣya tamīśaḥ punarabravīt

'...बल्कि तुम्हारे तप के ऐश्वर्य को देख रहा है -- इसे तुम क्यों तुच्छ मानती हो?' देवी से यह कहकर, ईश ने उस [तपस्वी] से पुनः कहा --

श्लोक 155 (skanda.4.13.155)

वरान्ददामि ते वत्स तपसानेन तोषितः। निधीनामधिनाथस्त्वं गुह्यकानां भवेश्वरः

varāndadāmi te vatsa tapasānena toṣitaḥ nidhīnāmadhināthastvaṁ guhyakānāṁ bhaveśvaraḥ

'हे वत्स! तेरे इस तप से प्रसन्न होकर मैं तुझे वर देता हूँ। निधियों का अधिनाथ, गुह्यकों का स्वामी बन।'

श्लोक 156 (skanda.4.13.156)

यक्षाणां किन्नराणां च राजा राज्ञां च सुव्रत। पतिः पुण्यजनानां च सर्वेषां धनदो भव

yakṣāṇāṁ kinnarāṇāṁ ca rājā rājñāṁ ca suvrata patiḥ puṇyajanānāṁ ca sarveṣāṁ dhanado bhava

'यक्षों और किन्नरों का, हे सुव्रत, राजाओं का भी राजा बन; पुण्यजनों का स्वामी बन, और सबको धन देने वाला (धनद) बन।'

श्लोक 157 (skanda.4.13.157)

मया सख्यं च ते नित्यं वत्स्यामि च तवांतिके। अलकां निकषामित्र तव प्रीतिविवृद्धये

mayā sakhyaṁ ca te nityaṁ vatsyāmi ca tavāṁtike alakāṁ nikaṣāmitra tava prītivivṛddhaye

'मेरा तुझसे सदा सख्य रहेगा, और तेरे प्रेम की वृद्धि के लिए, अलका के निकट ही मैं निवास करूँगा।'

श्लोक 158 (skanda.4.13.158)

आगच्छ पादयोरस्याः पत ते जननी त्वियम्। इति दत्त्वा वरान्देवः पुनराह शिवां शिवः। प्रसादं कुरु देवेशि तपस्विन्यंगजेऽत्र वै

āgaccha pādayorasyāḥ pata te jananī tviyam iti dattvā varāndevaḥ punarāha śivāṁ śivaḥ prasādaṁ kuru deveśi tapasvinyaṁgaje'tra vai

'आओ, इनके चरणों में गिरो -- यह तुम्हारी माता है।' यह वर देकर देव शिव ने पुनः शिवा (पार्वती) से कहा -- 'हे देवेशी! इस तपस्वी पुत्र पर कृपा करो।'

श्लोक 159 (skanda.4.13.159)

देव्युवाच। वत्स ते निश्चला भक्तिर्भवे भवतु सर्वदा। भवैकांषेंगोगोनेत्रेण वामेन स्फुटितेन ह

devyuvāca vatsa te niścalā bhaktirbhave bhavatu sarvadā bhavaikāṁṣeṁgogonetreṇa vāmena sphuṭitena ha

देवी ने कहा -- 'हे वत्स! शिव में तेरी अटल भक्ति सदा बनी रहे।' और शिव के ही अंश रूप उसके बाएँ नेत्र के फूट जाने के विषय में --

श्लोक 160 (skanda.4.13.160)

देवेन दत्ता ये तुभ्यं वराः संतु तथैव ते। कुबेरो भव नाम्ना त्वं मम रूपेर्ष्यया सुत

devena dattā ye tubhyaṁ varāḥ saṁtu tathaiva te kubero bhava nāmnā tvaṁ mama rūperṣyayā suta

'देव द्वारा तुझे जो भी वर दिए गए हैं, वे सब वैसे ही रहें। और, हे पुत्र, मेरे रूप के प्रति ईर्ष्या के कारण तू कुबेर (विरूप) नाम से जाना जाएगा।'

श्लोक 161 (skanda.4.13.161)

त्वयेदं स्थापितं लिंगं तव नाम्ना भविष्यति। सिद्धिदं साधकानां च सर्वपापहरं परम्

tvayedaṁ sthāpitaṁ liṁgaṁ tava nāmnā bhaviṣyati siddhidaṁ sādhakānāṁ ca sarvapāpaharaṁ param

'तुम्हारे द्वारा स्थापित यह लिंग तुम्हारे ही नाम से प्रसिद्ध होगा, साधकों को सिद्धि देने वाला और परम पाप-हरण करने वाला।'

श्लोक 162 (skanda.4.13.162)

न धनेन वियुज्येत न सख्या न च बांधवैः। कुबेरेश्वरलिंगस्य कुर्याद्यो दर्शनं नरः

na dhanena viyujyeta na sakhyā na ca bāṁdhavaiḥ kubereśvaraliṁgasya kuryādyo darśanaṁ naraḥ

'जो मनुष्य कुबेरेश्वर लिंग का दर्शन करेगा, वह कभी धन से, मित्रों से, या बांधवों से वियुक्त नहीं होगा।'

श्लोक 163 (skanda.4.13.163)

विश्वेशाद्दक्षिणेभागे कुबेरेशं समर्चयेत्। नरो लिप्येत नो पापैर्न दारिद्र्येण नोऽसुखैः

viśveśāddakṣiṇebhāge kubereśaṁ samarcayet naro lipyeta no pāpairna dāridryeṇa no'sukhaiḥ

'विश्वेश के दक्षिण भाग में स्थित कुबेरेश की पूजा करनी चाहिए; मनुष्य न पापों से, न दरिद्रता से, न दुःखों से लिप्त होता है।'

श्लोक 164 (skanda.4.13.164)

इति दत्त्वा वरान्देवो देव्या सह महेश्वरः। धनदाया विवेशाथ धाम वैश्वेश्वरं परम्

iti dattvā varāndevo devyā saha maheśvaraḥ dhanadāyā viveśātha dhāma vaiśveśvaraṁ param

यह वर देकर देवी के साथ महेश्वर देव, धनद (कुबेर) के साथ, विश्वेश्वर के परम धाम में प्रविष्ट हुए।

श्लोक 165 (skanda.4.13.165)

गणावूचतुः। इत्थं सखित्वं श्रीशंभोः प्रापैष धनदः परम्। अलकां निकषाचैष कैलासः शंकरालयः

gaṇāvūcatuḥ itthaṁ sakhitvaṁ śrīśaṁbhoḥ prāpaiṣa dhanadaḥ param alakāṁ nikaṣācaiṣa kailāsaḥ śaṁkarālayaḥ

गणद्वय ने कहा -- इस प्रकार इस धनद ने श्रीशंभु की परम सखिता प्राप्त की। अलका के निकट ही यह कैलास, शंकर का आलय है।

श्लोक 166 (skanda.4.13.166)

पुर्यां यक्षेश्वराणां ते स्वरूपमिति वर्णितम्। यच्छ्रुत्वा सर्वपापेभ्यो नरो मुच्येदसंशयम्

puryāṁ yakṣeśvarāṇāṁ te svarūpamiti varṇitam yacchrutvā sarvapāpebhyo naro mucyedasaṁśayam

इस प्रकार यक्षेश्वरों की नगरी का स्वरूप आपको बताया गया। इसे सुनकर मनुष्य निःसंदेह समस्त पापों से मुक्त हो जाता है।