नक्षत्र-बुधलोक वर्णन

श्लोक 1 (skanda.4.15.1)

अगस्तिरुवाच। शृणु पत्नि महाभागे लोपामुद्रे सधर्मिणि। कथा विष्णुगणाभ्यां च कथितां शिवशर्मणे

agastiruvāca śṛṇu patni mahābhāge lopāmudre sadharmiṇi kathā viṣṇugaṇābhyāṁ ca kathitāṁ śivaśarmaṇe

अगस्ति ने कहा -- हे महाभागे लोपामुद्रे, सधर्मिणि पत्नि! सुनो, विष्णु के गणों द्वारा शिवशर्मा से कही गई कथा।

श्लोक 2 (skanda.4.15.2)

शिवशर्मोवाच। अहो गणौ विचित्रेयं श्रुता चांद्रमसी कथा। उडुलोककथां ख्यातं विष्वगाख्यानकोविदौ

śivaśarmovāca aho gaṇau vicitreyaṁ śrutā cāṁdramasī kathā uḍulokakathāṁ khyātaṁ viṣvagākhyānakovidau

शिवशर्मा ने कहा -- अहो गणद्वय! यह चंद्रमा की विचित्र कथा मैंने सुनी। अब उडुलोक (तारा-लोक) की प्रसिद्ध कथा कहो, हे समस्त आख्यानों में निपुण द्वय!

श्लोक 3 (skanda.4.15.3)

गणावूचतुः। पुरा सिसृक्षतः सृष्टिं स्रष्टुरंगुष्ठपृष्ठतः। दक्षः प्रजाविनिर्माणे दक्षो जातः प्रजापतिः। षष्टिर्दुहितरस्तस्य तपोलावण्यभूषणाः। सर्वलावण्यरोहिण्यो रोहिणीप्रमुखाः शुभाः

gaṇāvūcatuḥ purā sisṛkṣataḥ sṛṣṭiṁ sraṣṭuraṁguṣṭhapṛṣṭhataḥ dakṣaḥ prajāvinirmāṇe dakṣo jātaḥ prajāpatiḥ ṣaṣṭirduhitarastasya tapolāvaṇyabhūṣaṇāḥ sarvalāvaṇyarohiṇyo rohiṇīpramukhāḥ śubhāḥ

गणद्वय ने कहा -- पूर्वकाल में सृष्टि की इच्छा रखने वाले सृष्टिकर्ता ब्रह्मा के अंगूठे की पीठ से प्रजाओं के निर्माण में दक्ष, दक्ष नामक प्रजापति उत्पन्न हुए। उनकी साठ पुत्रियाँ थीं, तप और सौंदर्य से भूषित; सब रोहिणी के समान सुंदर, शुभ, रोहिणी प्रमुख।

श्लोक 4 (skanda.4.15.4)

ताभिस्तप्त्वा तपस्तीव्रं प्राप्य वैश्वेश्वरीं पुरीम्। आराधितो महादेवः सोमः सोमविभूपणः

tābhistaptvā tapastīvraṁ prāpya vaiśveśvarīṁ purīm ārādhito mahādevaḥ somaḥ somavibhūpaṇaḥ

उन्होंने वैश्वेश्वरी नगरी को प्राप्त कर तीव्र तप किया, और सोमभूषण महादेव सोम की आराधना की।

श्लोक 5 (skanda.4.15.5)

यदा तुष्टोयमीशानो दातुं वरमथाययौ। उवाच च प्रसन्नात्मा याचध्वं वरमुत्तमम्

yadā tuṣṭoyamīśāno dātuṁ varamathāyayau uvāca ca prasannātmā yācadhvaṁ varamuttamam

जब प्रसन्न ईशान वर देने आए, तब प्रसन्नचित्त उन्होंने कहा -- 'उत्तम वर माँगो।'

श्लोक 6 (skanda.4.15.6)

शंभोर्वाक्यमथाकर्ण्य ऊचुस्ताश्च कुमारिकाः। यदि देयो वरोऽस्माकं वरयोग्याः स्म शंकर

śaṁbhorvākyamathākarṇya ūcustāśca kumārikāḥ yadi deyo varo'smākaṁ varayogyāḥ sma śaṁkara

शंभु के वचन सुनकर उन कुमारियों ने कहा -- 'हे शंकर! यदि हमें वर दिया जाना है, तो हम वर पाने योग्य हैं।'

श्लोक 7 (skanda.4.15.7)

भवतोपि महादेव भवतापहरो हि यः। रूपेण भवता तुल्यः स नो भर्ता भवत्विति

bhavatopi mahādeva bhavatāpaharo hi yaḥ rūpeṇa bhavatā tulyaḥ sa no bhartā bhavatviti

'हे महादेव! आपके समान ही जो भव-ताप को हरने वाला, रूप में आपके तुल्य हो, वही हमारा पति बने।'

श्लोक 8 (skanda.4.15.8)

लिंगं संस्थाप्य सुमहन्नक्षत्रेश्वर संज्ञितम्। वारणायास्तटे रम्ये संगमेश्वरसन्निधौ

liṁgaṁ saṁsthāpya sumahannakṣatreśvara saṁjñitam vāraṇāyāstaṭe ramye saṁgameśvarasannidhau

वारणा नदी के रम्य तट पर, संगमेश्वर के समीप, नक्षत्रेश्वर नामक एक महान लिंग की स्थापना कर...

श्लोक 9 (skanda.4.15.9)

दिव्यं वर्ष सहस्रं तु पुरुषायितसंज्ञितम्। तपस्तप्तं महत्ताभिः पुरुषैरपि दुष्करम्

divyaṁ varṣa sahasraṁ tu puruṣāyitasaṁjñitam tapastaptaṁ mahattābhiḥ puruṣairapi duṣkaram

...उन्होंने पुरुषायित नामक तप, जो पुरुषों के लिए भी दुष्कर है, सहस्र दिव्य वर्षों तक महान रूप से किया।

श्लोक 10 (skanda.4.15.10)

ततस्तुष्टो हि विश्वेशो व्यतरद्वरमुत्तमम्। सर्वासामेकपत्नीनामकत्रे स्थिरचेतसाम्

tatastuṣṭo hi viśveśo vyataradvaramuttamam sarvāsāmekapatnīnāmakatre sthiracetasām

तब प्रसन्न विश्वेश ने स्थिरचित्त, एक ही पति की भावना रखने वाली उन सबको उत्तम वर प्रदान किया।

श्लोक 11 (skanda.4.15.11)

श्री विश्वेश्वर उवाच। न क्षांतं हि तपोत्युग्रमेतदन्याभिरीदृशम्। पुराऽबलाभिस्तस्माद्वो नाम नक्षत्रमत्र वै

śrī viśveśvara uvāca na kṣāṁtaṁ hi tapotyugrametadanyābhirīdṛśam purā'balābhistasmādvo nāma nakṣatramatra vai

श्री विश्वेश्वर ने कहा -- 'ऐसा उग्र तप पहले किसी अन्य स्त्री द्वारा सहा नहीं गया। इसलिए यहाँ तुम्हारा नाम नक्षत्र होगा।'

श्लोक 12 (skanda.4.15.12)

पुरुषायितसंज्ञेन तप्तं यत्तपसाधुना। भवतीभिस्ततः पुंस्त्वमिच्छया वो भविष्यति

puruṣāyitasaṁjñena taptaṁ yattapasādhunā bhavatībhistataḥ puṁstvamicchayā vo bhaviṣyati

'पुरुषायित नामक तप जो तुमने अभी किया है, उससे तुम्हें अपनी इच्छा से पुंस्त्व (पुरुष-भाव) प्राप्त होगा।'

श्लोक 13 (skanda.4.15.13)

ज्योतिश्चक्रे समस्तेऽस्मिन्नग्रगण्या भविष्यथ। मेषादीनां च राशीनां योनयो यूयमुत्तमाः

jyotiścakre samaste'sminnagragaṇyā bhaviṣyatha meṣādīnāṁ ca rāśīnāṁ yonayo yūyamuttamāḥ

'तुम इस संपूर्ण ज्योतिश्चक्र में अग्रगण्य होगी; तुम मेष आदि राशियों की उत्तम योनि (उद्गम) बनोगी।'

श्लोक 14 (skanda.4.15.14)

ओषधीनां सुधायाश्च ब्राह्मणानां च यः पतिः। पतिमत्यो भवत्योपि तेन पत्या शुभाननाः

oṣadhīnāṁ sudhāyāśca brāhmaṇānāṁ ca yaḥ patiḥ patimatyo bhavatyopi tena patyā śubhānanāḥ

'जो औषधियों, अमृत और ब्राह्मणों का स्वामी है, वही तुम्हारा पति होगा, हे शुभाननाओ! उस पति से तुम सब पतिवाली बनोगी।'

श्लोक 15 (skanda.4.15.15)

भवतीनामिदं लिंगं नक्षत्रेश्वर संज्ञितम्। पूजयित्वा नरो गंता भवतीलोकमुत्तमम्

bhavatīnāmidaṁ liṁgaṁ nakṣatreśvara saṁjñitam pūjayitvā naro gaṁtā bhavatīlokamuttamam

'तुम्हारा यह लिंग नक्षत्रेश्वर नाम से जाना जाएगा; इसकी पूजा कर मनुष्य तुम्हारे उत्तम लोक को जाएगा।'

श्लोक 16 (skanda.4.15.16)

उपरिष्टान्मृगांकस्य लोको वस्तु भविष्यति। सर्वासां तारकाणां च मध्ये मान्या भविष्यथ

upariṣṭānmṛgāṁkasya loko vastu bhaviṣyati sarvāsāṁ tārakāṇāṁ ca madhye mānyā bhaviṣyatha

'यह लोक चंद्रमा के ऊपर स्थित होगा; तुम सब तारों के मध्य पूजनीय होगी।'

श्लोक 17 (skanda.4.15.17)

नक्षत्रपूजका ये च नक्षत्रव्रतचारिणः। ते वो लोके वसिष्यंति नक्षत्र सदृशप्रभाः

nakṣatrapūjakā ye ca nakṣatravratacāriṇaḥ te vo loke vasiṣyaṁti nakṣatra sadṛśaprabhāḥ

'जो नक्षत्रों की पूजा करने वाले और नक्षत्र-व्रत का पालन करने वाले हैं, वे नक्षत्र के समान तेजवाले होकर तुम्हारे लोक में निवास करेंगे।'

श्लोक 18 (skanda.4.15.18)

नक्षत्रग्रहराशीनां बाधास्तेषां कदाचन। न भविष्यंति ये काश्यां नक्षत्रेश्वरवीक्षकाः

nakṣatragraharāśīnāṁ bādhāsteṣāṁ kadācana na bhaviṣyaṁti ye kāśyāṁ nakṣatreśvaravīkṣakāḥ

'काशी में नक्षत्रेश्वर का दर्शन करने वालों को नक्षत्र, ग्रह और राशियों की कोई बाधा कभी नहीं होगी।'

श्लोक 19 (skanda.4.15.19)

अगस्त्य उवाच। अतिथित्वमवाप नेत्रयोर्बुधलोकः शिवशर्मणस्त्वथ। गणयोर्भगणस्य संकथां कथयित्रो रिति विष्णुचेतसोः

agastya uvāca atithitvamavāpa netrayorbudhalokaḥ śivaśarmaṇastvatha gaṇayorbhagaṇasya saṁkathāṁ kathayitro riti viṣṇucetasoḥ

अगस्ति ने कहा -- तब शिवशर्मा के नेत्रों के समक्ष बुधलोक अतिथि बना, जब विष्णु-चित्त वाले उन दोनों गणों ने तारा-समूह की यह कथा कहनी आरंभ की।

श्लोक 20 (skanda.4.15.20)

शिवशर्मोवाच। कस्य लोकोयमतुलो ब्रूतं श्रीभगवद्गणौ। पीयूषभानोरिव मे मनः प्रीणयतेतराम्

śivaśarmovāca kasya lokoyamatulo brūtaṁ śrībhagavadgaṇau pīyūṣabhānoriva me manaḥ prīṇayatetarām

शिवशर्मा ने कहा -- यह अतुलनीय लोक किसका है? कहिए, हे भगवान् के श्रेष्ठ गणद्वय! मेरा मन पीयूष-किरण चंद्रमा के समान अत्यंत प्रसन्न हो रहा है।

श्लोक 21 (skanda.4.15.21)

गणावूचतुः। शिवशर्मञ्छृणु कथामेतां पापापहारिणीम्। स्वर्गमार्गविनोदाय तापत्रयविनाशिनीम्

gaṇāvūcatuḥ śivaśarmañchṛṇu kathāmetāṁ pāpāpahāriṇīm svargamārgavinodāya tāpatrayavināśinīm

गणद्वय ने कहा -- हे शिवशर्मन्! स्वर्गमार्ग के विनोद के लिए, त्रिविध ताप का नाश करने वाली, पाप हरने वाली इस कथा को सुनो।

श्लोक 22 (skanda.4.15.22)

योसौ पूर्वं महाकांतिरावाभ्यां परिवर्णितः। साम्राज्यपदमापन्नो द्विजराजस्तवाग्रतः

yosau pūrvaṁ mahākāṁtirāvābhyāṁ parivarṇitaḥ sāmrājyapadamāpanno dvijarājastavāgrataḥ

जो पहले हम दोनों द्वारा तुम्हारे समक्ष महाकांति, साम्राज्य-पद प्राप्त द्विजराज के रूप में वर्णित किया गया था...

श्लोक 23 (skanda.4.15.23)

दक्षिणा राजसूयस्य येन त्रिभुवनं कृता। तपस्तताप योत्युग्रं पद्मानां दशतीर्दश

dakṣiṇā rājasūyasya yena tribhuvanaṁ kṛtā tapastatāpa yotyugraṁ padmānāṁ daśatīrdaśa

...जिसने राजसूय की दक्षिणा में त्रिभुवन को ही दे दिया, जिसने दस-दस पद्म वर्षों तक अत्यंत उग्र तप किया...

श्लोक 24 (skanda.4.15.24)

अत्रिनेत्रसमुद्भूतः पौत्रो वै द्रुहिणस्य यः। नाथः सर्वौषधीनां च ज्योतिषां पतिरेव च

atrinetrasamudbhūtaḥ pautro vai druhiṇasya yaḥ nāthaḥ sarvauṣadhīnāṁ ca jyotiṣāṁ patireva ca

...जो अत्रि के नेत्र से उत्पन्न, ब्रह्मा का पौत्र, समस्त औषधियों का नाथ और ज्योतियों का स्वामी है...

श्लोक 25 (skanda.4.15.25)

निर्मलानां कलानां च शेवधिर्यश्च गीयते। उद्यन्परोपतापं यः स्वकरैर्गलहस्तयेत्

nirmalānāṁ kalānāṁ ca śevadhiryaśca gīyate udyanparopatāpaṁ yaḥ svakarairgalahastayet

...जो निर्मल कलाओं का कोश कहा जाता है, जो उदय होते ही अपनी किरणों से दूसरों के ताप को हर लेता है...

श्लोक 26 (skanda.4.15.26)

मुदंकुमुदिनीनांयस्तनोति जगता सह। दिग्वधू चारु शृंगारदर्शनादर्शमंडलः

mudaṁkumudinīnāṁyastanoti jagatā saha digvadhū cāru śṛṁgāradarśanādarśamaṁḍalaḥ

...जो जगत् सहित कुमुदिनियों को हर्ष देता है, जिसका मंडल दिशाओं की वधुओं के श्रृंगार-दर्शन का दर्पण है...

श्लोक 27 (skanda.4.15.27)

किमन्यैर्गुणसंभारैरतोपि न समं विधोः। निजोत्तमांगे सर्वज्ञः कलां यस्यावतंसयेत्

kimanyairguṇasaṁbhārairatopi na samaṁ vidhoḥ nijottamāṁge sarvajñaḥ kalāṁ yasyāvataṁsayet

...अन्य गुणों की क्या बात, चंद्रमा के समान कुछ भी नहीं है, जिसकी एक कला को सर्वज्ञ शिव अपने ही मस्तक पर धारण करते हैं।

श्लोक 28 (skanda.4.15.28)

बृहस्पतेस्स वै भार्यामैश्वर्यमदमोहितः। पुरोहितस्यापिगुरोर्भ्रातुरांगिरसस्य वै

bṛhaspatessa vai bhāryāmaiśvaryamadamohitaḥ purohitasyāpigurorbhrāturāṁgirasasya vai

वह ऐश्वर्य के मद से मोहित होकर बृहस्पति की, अंगिरस के भ्राता, पुरोहित और गुरु की भार्या का हरण कर बैठा...

श्लोक 29 (skanda.4.15.29)

जहार तरसा तारां रूपवान्रूपशालिनीम्। वार्यमाणोपि गीर्वाणैर्बहुदेवर्षिभिः पुनः

jahāra tarasā tārāṁ rūpavānrūpaśālinīm vāryamāṇopi gīrvāṇairbahudevarṣibhiḥ punaḥ

...रूपवान् उसने रूपशालिनी तारा का बलपूर्वक हरण किया, यद्यपि देवों और अनेक देवर्षियों द्वारा बार-बार रोका गया।

श्लोक 30 (skanda.4.15.30)

नायं कलानिधेर्दोषो द्विजराजस्य तस्य वै। हित्वा त्रिनेत्रं कामेन कस्य नो खडितं मनः

nāyaṁ kalānidherdoṣo dvijarājasya tasya vai hitvā trinetraṁ kāmena kasya no khaḍitaṁ manaḥ

यह उस कलानिधि, द्विजराज का दोष नहीं है; त्रिनेत्र को छोड़कर काम से किसका मन नहीं खंडित हुआ है?

श्लोक 31 (skanda.4.15.31)

ध्वांतमेतदभितः प्रसारियत्तच्छमाय विधिनाविनिर्मितम्। दीपभास्करकरामहौषधं नाधिपत्य तमसस्तुकिंचन

dhvāṁtametadabhitaḥ prasāriyattacchamāya vidhināvinirmitam dīpabhāskarakarāmahauṣadhaṁ nādhipatya tamasastukiṁcana

यह जो चारों ओर फैला अंधकार है, उसकी शांति के लिए विधाता ने दीप, सूर्य-किरण और महौषधियाँ बनाईं; किंतु मोह के अंधकार के आधिपत्य के लिए कोई उपाय नहीं बनाया।

श्लोक 32 (skanda.4.15.32)

आधिपत्यमदमोहितं हितं शंसितं स्पृशति नो हरेर्हितम्। दुर्जनविहिततीर्थमज्जनैः शुद्धधीरिव विरुद्धमानसम्

ādhipatyamadamohitaṁ hitaṁ śaṁsitaṁ spṛśati no harerhitam durjanavihitatīrthamajjanaiḥ śuddhadhīriva viruddhamānasam

ऐश्वर्य के मद से मोहित मन हरि द्वारा कहे गए हित को स्पर्श नहीं करता; जैसे दुर्जनों द्वारा दूषित तीर्थ में स्नान करने पर भी शुद्धबुद्धि मन विपरीत हो जाता है।

श्लोक 33 (skanda.4.15.33)

धिग्धिगेतदधिकर्द्धि चेष्टितं चंक्रमेक्षणविलक्षितं यतः। वीक्षते क्षणमचारुचक्षुषा घातितेन विपदःपदेन च

dhigdhigetadadhikarddhi ceṣṭitaṁ caṁkramekṣaṇavilakṣitaṁ yataḥ vīkṣate kṣaṇamacārucakṣuṣā ghātitena vipadaḥpadena ca

धिक्कार है इस समृद्धिजनित चेष्टा को, जो चंचल दृष्टि से चिह्नित है, जिससे क्षणभर में अशुभ नेत्र से देखने पर विपत्ति के द्वार तक पहुँचा दिया जाता है।

श्लोक 34 (skanda.4.15.34)

कः कामेन न निर्जितस्त्रिजगतां पुष्पायुधेनाप्यहो कः क्रोधस्यवशंगतो ननच को लोभेन संमोहितः। योषिल्लोचनभल्लभिन्नहृदयः को नाप्तवानापदं को राज्यश्रियमाप्यनांधपदवीं यातोपि सल्लोचनः

kaḥ kāmena na nirjitastrijagatāṁ puṣpāyudhenāpyaho kaḥ krodhasyavaśaṁgato nanaca ko lobhena saṁmohitaḥ yoṣillocanabhallabhinnahṛdayaḥ ko nāptavānāpadaṁ ko rājyaśriyamāpyanāṁdhapadavīṁ yātopi sallocanaḥ

काम से त्रिलोक में कौन पराजित नहीं हुआ? अहो, क्रोध के वश में कौन नहीं हुआ, और लोभ से कौन मोहित नहीं हुआ? स्त्री के नेत्र-बाण से जिसका हृदय बिंधा, वह विपत्ति को प्राप्त क्यों नहीं हुआ? राज्यश्री पाकर सुनेत्र होते हुए भी कौन अंधे की गति को नहीं गया?

श्लोक 35 (skanda.4.15.35)

आधिपत्यकमलातिचंचला प्राप्यतां च यदिहार्जितं किल। निश्चलं सदसदुच्चकैर्हितं कार्यमार्यचरितैः सदैव तत्

ādhipatyakamalāticaṁcalā prāpyatāṁ ca yadihārjitaṁ kila niścalaṁ sadasaduccakairhitaṁ kāryamāryacaritaiḥ sadaiva tat

आधिपत्य की लक्ष्मी अत्यंत चंचल है, और यहाँ जो भी अर्जित किया जाता है वह क्षणभंगुर है; इसलिए श्रेष्ठजनों को सदा वही अचल, सत्-असत् में उच्चतम हितकारी कार्य करना चाहिए।

श्लोक 36 (skanda.4.15.36)

न यदांगिरसे तारां स व्यसर्जयदुल्बणः। रुद्रोथ पार्ष्णिं जग्राह गृहीत्वाजगवं धनुः

na yadāṁgirase tārāṁ sa vyasarjayadulbaṇaḥ rudrotha pārṣṇiṁ jagrāha gṛhītvājagavaṁ dhanuḥ

जब उस उग्र सोम ने अंगिरस-वंशज को तारा नहीं लौटाई, तब रुद्र ने आजगव धनुष उठाकर उस कार्य का भार ग्रहण किया।

श्लोक 37 (skanda.4.15.37)

तेन ब्रह्मशिरोनाम परमास्त्रं महात्मना। उत्सृष्टं देवदेवायतेन तन्नाशितं ततः

tena brahmaśironāma paramāstraṁ mahātmanā utsṛṣṭaṁ devadevāyatena tannāśitaṁ tataḥ

उस महात्मा (सोम) ने ब्रह्मशिर नामक परम अस्त्र देवदेव (रुद्र) पर छोड़ा; किंतु वह उन्हीं के द्वारा नष्ट कर दिया गया।

श्लोक 38 (skanda.4.15.38)

तयोस्तद्युद्धमभवद्घोरं वै तारकामयम्। ततस्त्वकांड ब्रह्मांड भंगाद्भीतोभवद्विधिः

tayostadyuddhamabhavadghoraṁ vai tārakāmayam tatastvakāṁḍa brahmāṁḍa bhaṁgādbhītobhavadvidhiḥ

उन दोनों के बीच तारा के लिए वह घोर युद्ध हुआ; तब असमय में ब्रह्मांड के भंग से भयभीत हुए ब्रह्मा...

श्लोक 39 (skanda.4.15.39)

निवार्य रुद्रं समरात्संवर्तानलवर्चसम्। ददावांगिरसे तारां स्वयमेव पितामहः

nivārya rudraṁ samarātsaṁvartānalavarcasam dadāvāṁgirase tārāṁ svayameva pitāmahaḥ

...प्रलयाग्नि के समान तेजस्वी रुद्र को युद्ध से रोककर, पितामह ने स्वयं ही तारा को अंगिरस-वंशज को लौटा दिया।

श्लोक 40 (skanda.4.15.40)

अथांतर्गर्भमालोक्य तारां प्राह बृहस्पतिः। मदीयायां न ते योनौ गर्भो धार्यः कथंचन

athāṁtargarbhamālokya tārāṁ prāha bṛhaspatiḥ madīyāyāṁ na te yonau garbho dhāryaḥ kathaṁcana

तब तारा को गर्भवती देखकर बृहस्पति ने कहा -- 'मेरे वंश में यह गर्भ किसी भी प्रकार धारण नहीं किया जा सकता।'

श्लोक 41 (skanda.4.15.41)

इषीकास्तंबमासाद्य गर्भं सा चोत्ससर्ज ह। जातमात्रः स भगवान्देवानामाक्षिपद्वपुः

iṣīkāstaṁbamāsādya garbhaṁ sā cotsasarja ha jātamātraḥ sa bhagavāndevānāmākṣipadvapuḥ

एक सरकंडे के झुरमुट के पास पहुँचकर उसने उस गर्भ को त्याग दिया। वह भगवान् बालक जन्म लेते ही देवताओं के शरीरों को भी चकाचौंध कर देने वाला था।

श्लोक 42 (skanda.4.15.42)

ततः संशयमापन्नास्तारामूचुः सुरोत्तमाः। सत्यं बूहि सुतः कस्य सोमस्याथ बृहस्पतेः

tataḥ saṁśayamāpannāstārāmūcuḥ surottamāḥ satyaṁ būhi sutaḥ kasya somasyātha bṛhaspateḥ

तब संशय में पड़े श्रेष्ठ देवों ने तारा से कहा -- 'सत्य बताओ, यह पुत्र किसका है -- सोम का, या बृहस्पति का?'

श्लोक 43 (skanda.4.15.43)

पृच्छमाना यदा देवै र्नाह ताराऽतिसत्रपा। तदा सा शप्तुमारब्धा कुमारेणातितेजसा

pṛcchamānā yadā devai rnāha tārā'tisatrapā tadā sā śaptumārabdhā kumāreṇātitejasā

देवों द्वारा पूछे जाने पर जब अत्यंत लज्जित तारा ने कुछ नहीं कहा, तब उस अत्यंत तेजस्वी बालक ने उसे शाप देना आरंभ किया।

श्लोक 44 (skanda.4.15.44)

तं निवार्य तदा ब्रह्मा तारां पप्रच्छ संशयम्। प्रोवाच प्रांजलिः सा तं सोमस्येति पितामहम्

taṁ nivārya tadā brahmā tārāṁ papraccha saṁśayam provāca prāṁjaliḥ sā taṁ somasyeti pitāmaham

उसे रोककर ब्रह्मा ने तारा से संशय पूछा; अंजलि बाँधे उसने पितामह से कहा कि वह सोम का पुत्र है।

श्लोक 45 (skanda.4.15.45)

तदा स मूर्ध्न्युपाघ्राय राजा गर्भं प्रजापतिः। बुध इत्यकरोन्नाम तस्य बालस्य धीमतः

tadā sa mūrdhnyupāghrāya rājā garbhaṁ prajāpatiḥ budha ityakaronnāma tasya bālasya dhīmataḥ

तब प्रजापति राजा ने उस गर्भ के मस्तक को सूँघकर उस बुद्धिमान बालक का नाम 'बुध' रखा।

श्लोक 46 (skanda.4.15.46)

ततश्च सर्वदेवेभ्यस्तेजोरूपबलाधिकः। बुधः सोमं समापृच्छय तपसे कृतनिश्चयः

tataśca sarvadevebhyastejorūpabalādhikaḥ budhaḥ somaṁ samāpṛcchaya tapase kṛtaniścayaḥ

और तेज, रूप तथा बल में समस्त देवों से अधिक बुध ने सोम से विदा लेकर तप का संकल्प किया...

श्लोक 47 (skanda.4.15.47)

जगाम काशीं निर्वाणराशिं विश्वेशपालिताम्। तत्र लिगं प्रतिष्ठाप्य स स्वनाम्ना बुधेश्वरम्

jagāma kāśīṁ nirvāṇarāśiṁ viśveśapālitām tatra ligaṁ pratiṣṭhāpya sa svanāmnā budheśvaram

...और विश्वेश द्वारा पालित, निर्वाण की राशि काशी को गया; वहाँ उसने अपने ही नाम से बुधेश्वर लिंग की स्थापना की।

श्लोक 48 (skanda.4.15.48)

तपश्चचार चात्युग्रमुग्रं संशीलयन्हृदि। वर्षाणामयुतं बालो बालेंदुतिलकं शिवम्

tapaścacāra cātyugramugraṁ saṁśīlayanhṛdi varṣāṇāmayutaṁ bālo bāleṁdutilakaṁ śivam

उस बालक ने हृदय में शशिशेखर शिव का ध्यान करते हुए दस हज़ार वर्षों तक अत्यंत उग्र तप किया।

श्लोक 49 (skanda.4.15.49)

ततो विश्वपतिः श्रीमान्विश्वेशो विश्वभावनः। बुधेश्वरान्महालिंगादाविरासीन्महोदयः

tato viśvapatiḥ śrīmānviśveśo viśvabhāvanaḥ budheśvarānmahāliṁgādāvirāsīnmahodayaḥ

तब श्रीमान् विश्वपति, विश्वभावन विश्वेश, महालिंग बुधेश्वर से महान उदय के साथ प्रकट हुए।

श्लोक 50 (skanda.4.15.50)

उवाच च प्रसन्नात्मा ज्योतीरूपो महेश्वरः। वरं ब्रूहि महाबुद्धे बुधान्य विबुधोत्तमः

uvāca ca prasannātmā jyotīrūpo maheśvaraḥ varaṁ brūhi mahābuddhe budhānya vibudhottamaḥ

ज्योतीरूप महेश्वर ने प्रसन्नचित्त होकर कहा -- 'हे महाबुद्धे, समस्त विबुधों में श्रेष्ठ बुध! वर माँगो।'

श्लोक 51 (skanda.4.15.51)

तवानेनाति तपसा लिंगसंशीलनेन च। प्रसन्नोस्मि महासौम्य नादेयं त्वयि विद्यते

tavānenāti tapasā liṁgasaṁśīlanena ca prasannosmi mahāsaumya nādeyaṁ tvayi vidyate

'तुम्हारे इस महान तप और लिंग-आराधना से, हे महासौम्य, मैं प्रसन्न हूँ; तुम्हें कुछ भी न देने योग्य नहीं है।'

श्लोक 52 (skanda.4.15.52)

इति श्रुत्वा वचः सोथ मेघगंभीर निःस्वनम्। अवग्रहपरिम्लान सस्यसंजीवनोपमम्

iti śrutvā vacaḥ sotha meghagaṁbhīra niḥsvanam avagrahaparimlāna sasyasaṁjīvanopamam

मेघ के समान गंभीर, सूखी फसल को पुनर्जीवित करने वाली उस वाणी को सुनकर...

श्लोक 53 (skanda.4.15.53)

उन्मील्यलोचने यावत्पुरः पश्यति बालकः। तावल्लिंगे ददर्शाथ त्र्यंबकं शशिशेखरम्

unmīlyalocane yāvatpuraḥ paśyati bālakaḥ tāvalliṁge dadarśātha tryaṁbakaṁ śaśiśekharam

...ज्योंही उस बालक ने नेत्र खोलकर सामने देखा, त्योंही उसने लिंग में शशिशेखर त्र्यंबक को देखा।

श्लोक 54 (skanda.4.15.54)

बुध उवाच। नमः पूतात्मने तुभ्यं ज्योतीरूप नमोस्तु ते। विश्वरूप नमस्तुभ्यं रूपातीताय ते नमः

budha uvāca namaḥ pūtātmane tubhyaṁ jyotīrūpa namostu te viśvarūpa namastubhyaṁ rūpātītāya te namaḥ

बुध ने कहा -- हे पूतात्मन्, आपको नमस्कार; हे ज्योतिरूप, आपको नमस्कार; हे विश्वरूप, आपको नमस्कार; हे रूपातीत, आपको नमस्कार।

श्लोक 55 (skanda.4.15.55)

नमः सर्वार्ति नाशाय प्रणतानां शिवात्मने। सर्वज्ञाय नमस्तुभ्यं सर्वकर्त्रे नमोस्तु ते

namaḥ sarvārti nāśāya praṇatānāṁ śivātmane sarvajñāya namastubhyaṁ sarvakartre namostu te

शरणागतों की समस्त पीड़ा हरने वाले, शिवस्वरूप को नमस्कार; सर्वज्ञ को नमस्कार; सर्वकर्ता को नमस्कार।

श्लोक 56 (skanda.4.15.56)

कृपालवे नमस्तुभ्यं भक्तिगम्याय ते नमः। फलदात्रे च तपसां तपोरूपाय ते नमः

kṛpālave namastubhyaṁ bhaktigamyāya te namaḥ phaladātre ca tapasāṁ taporūpāya te namaḥ

कृपालु को नमस्कार; केवल भक्ति से गम्य को नमस्कार; तपों के फलदाता, तपोरूप को नमस्कार।

श्लोक 57 (skanda.4.15.57)

शंभो शिवशिवाकांत शांतश्री कंठशूलभृत्। शशिशेखरशर्वेश शंकरेश्वर धूर्जटे

śaṁbho śivaśivākāṁta śāṁtaśrī kaṁṭhaśūlabhṛt śaśiśekharaśarveśa śaṁkareśvara dhūrjaṭe

हे शंभो, शिव, शिवा के प्रिय, शांत श्री वाले, कंठ में त्रिशूल धारण करने वाले, शशिशेखर, शर्वेश, शंकरेश्वर, धूर्जटि!

श्लोक 58 (skanda.4.15.58)

पिनाकपाणे गिरिश शितिकंठ सदाशिव। महादेव नमस्तुभ्यं देवदेव नमोस्तु ते

pinākapāṇe giriśa śitikaṁṭha sadāśiva mahādeva namastubhyaṁ devadeva namostu te

पिनाकपाणि, गिरीश, शितिकंठ, सदाशिव, महादेव, आपको नमस्कार; देवदेव, आपको नमस्कार।

श्लोक 59 (skanda.4.15.59)

स्तुतिकर्तुं न जानामि स्तुतिप्रिय महेश्वर। तव पादांबुजद्वंद्वे निर्द्वंद्वा भक्तिरस्तु मे

stutikartuṁ na jānāmi stutipriya maheśvara tava pādāṁbujadvaṁdve nirdvaṁdvā bhaktirastu me

हे स्तुतिप्रिय महेश्वर! मैं स्तुति करना नहीं जानता; आपके चरण-कमल युगल में मेरी भक्ति निर्द्वंद्व हो।

श्लोक 60 (skanda.4.15.60)

अयमेव वरो नाथ प्रसन्नोसि यदीश्वर। नान्यं वरं वृणे त्वत्तः करुणामृतवारिधे

ayameva varo nātha prasannosi yadīśvara nānyaṁ varaṁ vṛṇe tvattaḥ karuṇāmṛtavāridhe

हे नाथ! यदि आप प्रसन्न हैं, तो यही मेरा वर है; हे करुणामृत के सागर! मैं आपसे अन्य कोई वर नहीं माँगता।

श्लोक 61 (skanda.4.15.61)

ततः प्राह महेशानस्तत्स्तुत्या परितोषितः। रौहिणेय महाभाग सौम्यसौम्यवचोनिधे

tataḥ prāha maheśānastatstutyā paritoṣitaḥ rauhiṇeya mahābhāga saumyasaumyavaconidhe

तब उस स्तुति से संतुष्ट होकर महेशान ने कहा -- 'हे रौहिणेय महाभाग, सौम्य, सौम्य वचनों के कोश!'

श्लोक 62 (skanda.4.15.62)

नक्षत्रलोकादुपरि तव लोको भविष्यति। मध्ये सर्वग्रहाणां च सपर्यां लप्स्यसे पराम्

nakṣatralokādupari tava loko bhaviṣyati madhye sarvagrahāṇāṁ ca saparyāṁ lapsyase parām

'नक्षत्रलोक के ऊपर तुम्हारा लोक होगा; समस्त ग्रहों के मध्य तुम्हें परम पूजा प्राप्त होगी।'

श्लोक 63 (skanda.4.15.63)

त्वयेदं स्थापितं लिंगं सर्वेषां बुद्धिदायकम्। दुर्बुद्धिहरणं सौम्य त्वल्लोकवसतिप्रदम्

tvayedaṁ sthāpitaṁ liṁgaṁ sarveṣāṁ buddhidāyakam durbuddhiharaṇaṁ saumya tvallokavasatipradam

'तुम्हारे द्वारा स्थापित यह लिंग सबको बुद्धि देने वाला, दुर्बुद्धि हरने वाला, हे सौम्य, तुम्हारे लोक में निवास देने वाला होगा।'

श्लोक 64 (skanda.4.15.64)

इत्युक्त्वा भगवाञ्छंभुस्तत्रैवांतरधीयत। बुधः स्वर्लोकमगमद्देवदेवप्रसादतः

ityuktvā bhagavāñchaṁbhustatraivāṁtaradhīyata budhaḥ svarlokamagamaddevadevaprasādataḥ

यह कहकर भगवान् शंभु वहीं अंतर्धान हो गए; और बुध देवदेव की कृपा से स्वर्गलोक को गया।

श्लोक 65 (skanda.4.15.65)

गणावूचतुः। काश्यां बुधेश्वरसमर्चनलब्धबुद्धिः संसारसिंधुमधिगम्य नरो ह्यगाधम्। मज्जेन्न सज्जनविलोचन चंद्रकांतिः कांताननस्त्वधिवसेच्च बुधेऽत्र लोके

gaṇāvūcatuḥ kāśyāṁ budheśvarasamarcanalabdhabuddhiḥ saṁsārasiṁdhumadhigamya naro hyagādham majjenna sajjanavilocana caṁdrakāṁtiḥ kāṁtānanastvadhivasecca budhe'tra loke

गणद्वय ने कहा -- काशी में बुधेश्वर की पूजा से बुद्धि प्राप्त कर, संसार के अगाध सागर में पहुँचकर भी मनुष्य डूबता नहीं; सज्जनों के नेत्रों को प्रिय, चंद्रकांति-सम कमनीय मुखवाला होकर वह इस बुधलोक में निवास करेगा।

श्लोक 66 (skanda.4.15.66)

चंद्रेश्वरात्पूर्वभागे दृष्ट्वा लिंगं बुधेश्वरम्। न बुद्ध्या हीयते जंतुरंतकालेपि जातुचित्

caṁdreśvarātpūrvabhāge dṛṣṭvā liṁgaṁ budheśvaram na buddhyā hīyate jaṁturaṁtakālepi jātucit

चंद्रेश्वर के पूर्व भाग में स्थित बुधेश्वर लिंग का दर्शन कर, प्राणी अंतकाल में भी कभी बुद्धिहीन नहीं होता।

श्लोक 67 (skanda.4.15.67)

गणौ यावत्कथामित्थं चक्राते बुधलोकगाम्। तावद्विमानं संप्राप्तं शुक्रलोकमनुत्तमम्

gaṇau yāvatkathāmitthaṁ cakrāte budhalokagām tāvadvimānaṁ saṁprāptaṁ śukralokamanuttamam

जब तक दोनों गणों ने बुधलोक संबंधी यह कथा कही, तब तक उनका विमान अनुत्तम शुक्रलोक को प्राप्त हो गया।