शुक्रलोक वर्णन

श्लोक 1 (skanda.4.16.1)

गणावूचतुः। शिवशर्मन्महाबुद्धे शुक्रलोकोयमद्भुतः। दानवानां च दैत्यानां गुरुरत्र वसेत्कविः

gaṇāvūcatuḥ śivaśarmanmahābuddhe śukralokoyamadbhutaḥ dānavānāṁ ca daityānāṁ gururatra vasetkaviḥ

गणद्वय ने कहा -- हे शिवशर्मन् महाबुद्धे! यह अद्भुत शुक्रलोक है; यहाँ दानवों और दैत्यों के गुरु कवि निवास करते हैं।

श्लोक 2 (skanda.4.16.2)

पीत्वा वर्षसहस्रं वै कणधूमं सुदुःसहम्। यः प्राप्तवान्महाविद्यां मृत्युसंजीविनीं हरात्

pītvā varṣasahasraṁ vai kaṇadhūmaṁ suduḥsaham yaḥ prāptavānmahāvidyāṁ mṛtyusaṁjīvinīṁ harāt

जिन्होंने सहस्र वर्षों तक अत्यंत असहनीय कणधूम पीकर हर से मृत्युसंजीवनी नामक महाविद्या प्राप्त की।

श्लोक 3 (skanda.4.16.3)

इमां विद्यां न जानाति देवाचार्योति दुप्कराम्। ऋते मृत्युंजयात्स्कंदात्पार्वत्या गजवक्त्रतः

imāṁ vidyāṁ na jānāti devācāryoti dupkarām ṛte mṛtyuṁjayātskaṁdātpārvatyā gajavaktrataḥ

इस दुष्कर विद्या को देवाचार्य (बृहस्पति) भी नहीं जानते, मृत्युंजय शिव, स्कंद, पार्वती और गजवदन गणेश के अतिरिक्त।

श्लोक 4 (skanda.4.16.4)

शिवशर्मोवाच। कोसौ शुक्र इति ख्यातो यस्यायं लोक उत्तमः। कथं तेन च विद्याप्ता मृत्युसंजीवनी हरात्

śivaśarmovāca kosau śukra iti khyāto yasyāyaṁ loka uttamaḥ kathaṁ tena ca vidyāptā mṛtyusaṁjīvanī harāt

शिवशर्मा ने कहा -- यह शुक्र नाम से प्रसिद्ध कौन है, जिसका यह उत्तम लोक है? और उसने हर से मृत्युसंजीवनी विद्या कैसे प्राप्त की?

श्लोक 5 (skanda.4.16.5)

आचक्षाथामिदं देवौ यदि प्रीतिर्मयि प्रभू। ततस्तौ स्माहतुर्देवौ शुक्रस्य परमां कथाम्

ācakṣāthāmidaṁ devau yadi prītirmayi prabhū tatastau smāhaturdevau śukrasya paramāṁ kathām

हे दोनों प्रभु देवो! यदि मुझमें प्रीति है तो यह मुझे बताइए।' तब उन दोनों देवों ने शुक्र की परम कथा कही।

श्लोक 6 (skanda.4.16.6)

यां श्रुत्वा चापमृत्युभ्यो हीयंते श्रद्धयायुताः। भूतप्रेतपिशाचेभ्यो न भयं चापि जायते

yāṁ śrutvā cāpamṛtyubhyo hīyaṁte śraddhayāyutāḥ bhūtapretapiśācebhyo na bhayaṁ cāpi jāyate

जिसे सुनकर श्रद्धायुक्त लोग अकालमृत्यु से बच जाते हैं, और भूत-प्रेत-पिशाचों से भी उन्हें भय नहीं होता।

श्लोक 7 (skanda.4.16.7)

आजौ प्रवर्तमानायामंधकांधकवैरिणोः। अनिर्भेद्य गिरिव्यूह वज्रव्यूहाधिनाथयोः

ājau pravartamānāyāmaṁdhakāṁdhakavairiṇoḥ anirbhedya girivyūha vajravyūhādhināthayoḥ

जब अंधक और अंधकारि (शिव) के बीच युद्ध चल रहा था, उन दोनों दुर्भेद्य पर्वत-व्यूह और वज्र-व्यूह के स्वामियों के बीच...

श्लोक 8 (skanda.4.16.8)

अपसृत्य ततो युद्धादंधकः शुक्रसंनिधिम्। अधिगम्य बभाषेदमवरुह्य रथात्ततः

apasṛtya tato yuddhādaṁdhakaḥ śukrasaṁnidhim adhigamya babhāṣedamavaruhya rathāttataḥ

...तब युद्ध से पीछे हटकर अंधक ने शुक्र के समीप जाकर, रथ से उतरकर यह कहा --

श्लोक 9 (skanda.4.16.9)

भगवंस्त्वामुपाश्रित्य वयं देवांश्च सानुगान्। मन्यामहे तृणैस्तुल्यान्रुद्रोपेंद्रादिकानपि

bhagavaṁstvāmupāśritya vayaṁ devāṁśca sānugān manyāmahe tṛṇaistulyānrudropeṁdrādikānapi

'हे भगवन्! आपकी शरण में आकर हम देवों को उनके अनुचरों सहित, रुद्र और उपेंद्र आदि को भी, तृण के समान मानते हैं।'

श्लोक 10 (skanda.4.16.10)

कुंजरा इव सिंहेभ्यो गरुडेभ्य इवोरगाः। अस्मत्तो बिभ्यति सुरा गुरो युष्मदनुग्रहात्

kuṁjarā iva siṁhebhyo garuḍebhya ivoragāḥ asmatto bibhyati surā guro yuṣmadanugrahāt

'जैसे सिंहों से गजराज, गरुड़ से सर्प डरते हैं, वैसे ही देवगण, हे गुरु, आपकी कृपा से हमसे डरते हैं।'

श्लोक 11 (skanda.4.16.11)

वज्रव्यूहमनिर्भेद्यं विविशुर्देत्यदानवाः। विधूय प्रमथानीकं ह्रदं तापार्दिता इव

vajravyūhamanirbhedyaṁ viviśurdetyadānavāḥ vidhūya pramathānīkaṁ hradaṁ tāpārditā iva

'दैत्य-दानवों ने अभेद्य वज्रव्यूह में प्रवेश किया, प्रमथों की सेना को तापपीड़ितों के सरोवर-प्रवेश की भाँति तितर-बितर करते हुए।'

श्लोक 12 (skanda.4.16.12)

वयं त्वच्छरणं भूत्वा पर्वता इव निश्चलाः। स्थित्वा चराम निःशंका ब्राह्मणेंद्र महाहवे

vayaṁ tvaccharaṇaṁ bhūtvā parvatā iva niścalāḥ sthitvā carāma niḥśaṁkā brāhmaṇeṁdra mahāhave

'हे ब्राह्मणेंद्र! हम आपकी शरण लेकर पर्वतों के समान अचल होकर इस महासंग्राम में निःशंक विचरण करते हैं।'

श्लोक 13 (skanda.4.16.13)

आप्तभावेन च वयं पादौ तव सुखप्रदौ। सदाराः ससुताश्चैव शुश्रूषामो दिवानिशम्

āptabhāvena ca vayaṁ pādau tava sukhapradau sadārāḥ sasutāścaiva śuśrūṣāmo divāniśam

'हम आत्मीयभाव से, पत्नी और पुत्रों सहित, दिन-रात आपके सुखप्रद चरणों की सेवा करते हैं।'

श्लोक 14 (skanda.4.16.14)

अभिरक्षाभितो विप्र प्रसन्नः शरणागतान्। पश्य हुंडं तुहुंडं च कुजंभं जंभमेव च

abhirakṣābhito vipra prasannaḥ śaraṇāgatān paśya huṁḍaṁ tuhuṁḍaṁ ca kujaṁbhaṁ jaṁbhameva ca

'हे विप्र! प्रसन्न होकर शरणागतों की सब ओर से रक्षा कीजिए। देखिए हुंड, तुहुंड, कुजंभ और जंभ को...'

श्लोक 15 (skanda.4.16.15)

पाकं कार्तस्वनं चैव विपाकं पाकहारिणम्। तं चन्द्रदमनं शूरं शूरामरविदारणम्

pākaṁ kārtasvanaṁ caiva vipākaṁ pākahāriṇam taṁ candradamanaṁ śūraṁ śūrāmaravidāraṇam

'...पाक, कार्तस्वन, विपाक, पाकहारी, और उस शूर चंद्रदमन को, जो शूर देवों को चीरने वाला था...'

श्लोक 16 (skanda.4.16.16)

प्रमथैर्भीमविक्रांतैः क्रांतं मृत्युप्रमाथिभिः। सूदितान्पतितांश्चैव द्राविडैरिव चंदनान्

pramathairbhīmavikrāṁtaiḥ krāṁtaṁ mṛtyupramāthibhiḥ sūditānpatitāṁścaiva drāviḍairiva caṁdanān

'...भीम-विक्रम प्रमथों द्वारा, मृत्यु के समान संहारकों द्वारा रौंदे गए, मारे गए और गिरे हुए, जैसे द्रविड़ों द्वारा चंदन के वृक्ष काटे गए हों।'

श्लोक 17 (skanda.4.16.17)

या पीत्वा कणधूमं वै सहस्रं शरदां पुरा। वरा विद्या त्वया प्राप्ता तस्याः कालोयमागतः

yā pītvā kaṇadhūmaṁ vai sahasraṁ śaradāṁ purā varā vidyā tvayā prāptā tasyāḥ kāloyamāgataḥ

'जो श्रेष्ठ विद्या आपने पूर्वकाल में सहस्र वर्षों तक कणधूम पीकर प्राप्त की थी, उसका यह समय आ गया है।'

श्लोक 18 (skanda.4.16.18)

अथ विद्याफलं तत्ते दैत्यान्संजीवयिष्यतः। पश्यंतु प्रमथाः सर्वे त्वया संजीवितानिमान्

atha vidyāphalaṁ tatte daityānsaṁjīvayiṣyataḥ paśyaṁtu pramathāḥ sarve tvayā saṁjīvitānimān

'अब उस विद्या का फल दिखाइए, दैत्यों को जीवित कीजिए; समस्त प्रमथ आपके द्वारा संजीवित इन्हें देखें।'

श्लोक 19 (skanda.4.16.19)

इत्यंधकवचः श्रुत्वा स्थिरधीर्भार्गवोमुनिः। किंचित्स्मितं तदा कृत्वा दानवाधिपमब्रवीत्

ityaṁdhakavacaḥ śrutvā sthiradhīrbhārgavomuniḥ kiṁcitsmitaṁ tadā kṛtvā dānavādhipamabravīt

अंधक के इन वचनों को सुनकर, स्थिरबुद्धि भार्गव मुनि ने कुछ मुस्कुराते हुए दानवाधिपति से कहा --

श्लोक 20 (skanda.4.16.20)

दानवाधिपते सर्वं तथ्यं यद्भाषितं त्वया। विद्योपार्जनमेतद्धि दानवार्थं मया कृतम्

dānavādhipate sarvaṁ tathyaṁ yadbhāṣitaṁ tvayā vidyopārjanametaddhi dānavārthaṁ mayā kṛtam

'हे दानवाधिपते! आपने जो कहा, वह सब सत्य है। यह विद्या-अर्जन ही मैंने दानवों के हित के लिए किया था।'

श्लोक 21 (skanda.4.16.21)

पीत्वा वर्षसहस्रं वै कणधूमं सुदुःसहम्। एषा प्राप्तेश्वराद्विद्या बांधवानां सुखावहा

pītvā varṣasahasraṁ vai kaṇadhūmaṁ suduḥsaham eṣā prāpteśvarādvidyā bāṁdhavānāṁ sukhāvahā

'सहस्र वर्षों तक अत्यंत असह्य कणधूम पीकर, यह विद्या ईश्वर से प्राप्त की गई, जो बांधवों को सुख देने वाली है।'

श्लोक 22 (skanda.4.16.22)

एतया विद्यया सोहं प्रमयैर्मथितान्रणे। उत्थापयिष्ये ग्लानानि धान्यन्यंबुधरो यथा

etayā vidyayā sohaṁ pramayairmathitānraṇe utthāpayiṣye glānāni dhānyanyaṁbudharo yathā

'इस विद्या से मैं युद्ध में प्रमथों द्वारा मथे गए इन ग्लान दैत्यों को उठा दूँगा, जैसे मेघ मुरझाई फसल को पुनर्जीवित करता है।'

श्लोक 23 (skanda.4.16.23)

निर्व्रणान्नीरुजः स्वस्थान्सुप्त्वेव पुनरुत्थितान्। अस्मिन्मुहूर्ते द्रष्टासि दानवानुत्थितान्नृप

nirvraṇānnīrujaḥ svasthānsuptveva punarutthitān asminmuhūrte draṣṭāsi dānavānutthitānnṛpa

'व्रणरहित, रोगरहित, स्वस्थ, मानो सोकर पुनः उठे हुए -- इसी क्षण, हे राजन्, आप दानवों को उठा हुआ देखेंगे।'

श्लोक 24 (skanda.4.16.24)

इत्युक्त्वा दानवपतिं विद्यामावर्तयत्कविः। एकैकं दैत्यमुद्दिश्य त उत्तस्थुर्धृतायुधाः

ityuktvā dānavapatiṁ vidyāmāvartayatkaviḥ ekaikaṁ daityamuddiśya ta uttasthurdhṛtāyudhāḥ

ऐसा कहकर, दानवपति से यह कहते हुए, कवि ने विद्या का जाप आरंभ किया; एक-एक दैत्य को संबोधित करते हुए वे आयुध धारण किए उठ खड़े हुए...

श्लोक 25 (skanda.4.16.25)

वेदा इव सदभ्यस्ताः समये वा यथांबुदाः। ब्राह्मणेभ्यो यथा दत्ताः श्रद्धयार्था महापदि

vedā iva sadabhyastāḥ samaye vā yathāṁbudāḥ brāhmaṇebhyo yathā dattāḥ śraddhayārthā mahāpadi

...जैसे भली-भाँति अभ्यस्त वेद, जैसे समय पर मेघ, जैसे महाविपत्ति में श्रद्धापूर्वक ब्राह्मणों को दिया गया धन।

श्लोक 26 (skanda.4.16.26)

उज्जीवितांस्तु तान्दृष्ट्वा तुहुंडाद्यान्महासुरान्। विनेदुः पूर्वदेवास्ते जलपूर्णा इवांबुदाः

ujjīvitāṁstu tāndṛṣṭvā tuhuṁḍādyānmahāsurān vineduḥ pūrvadevāste jalapūrṇā ivāṁbudāḥ

तुहुंड आदि उन महासुरों को पुनर्जीवित देखकर, पूर्वदेव (दैत्यगण) जलपूर्ण मेघों की भाँति गरज उठे।

श्लोक 27 (skanda.4.16.27)

शुक्रेणोजीवितान्दृष्ट्वा दानवांस्तान्गणेश्वराः। विज्ञाप्यमेव देवेशे ह्येवं तेऽन्योन्यमब्रुवन्

śukreṇojīvitāndṛṣṭvā dānavāṁstāngaṇeśvarāḥ vijñāpyameva deveśe hyevaṁ te'nyonyamabruvan

शुक्र द्वारा पुनर्जीवित उन दानवों को देखकर, गणेश्वरों ने देवेश को सूचित करने का निश्चय कर आपस में यह कहा --

श्लोक 28 (skanda.4.16.28)

आश्चर्यरूपे प्रमथेश्वराणां तस्मिंस्तथा वर्तति युद्धयज्ञे। अमर्षितो भार्गवकर्मदृष्ट्वा शिलादपुत्रोभ्यगमन्महेशम्

āścaryarūpe pramatheśvarāṇāṁ tasmiṁstathā vartati yuddhayajñe amarṣito bhārgavakarmadṛṣṭvā śilādaputrobhyagamanmaheśam

प्रमथेश्वरों के उस आश्चर्यजनक युद्ध-यज्ञ के चलते हुए, भार्गव के इस कर्म को देखकर क्रुद्ध शिलादपुत्र (नंदी) महेश के पास गया।

श्लोक 29 (skanda.4.16.29)

जयेति चोक्त्वा जय योनिमुग्रमुवाच नंदी कनकावदातम्। गणेश्वराणां रणकर्म देव देवैश्च सेंद्रैरपि दुष्करं यत्

jayeti coktvā jaya yonimugramuvāca naṁdī kanakāvadātam gaṇeśvarāṇāṁ raṇakarma deva devaiśca seṁdrairapi duṣkaraṁ yat

'जय' कहकर नंदी ने उस उग्र, कनक-सम कांतिमान विजय-स्रोत से कहा -- 'हे देव! गणेश्वरों का जो रणकर्म देवों और इंद्र सहित के लिए भी दुष्कर था...'

श्लोक 30 (skanda.4.16.30)

तद्भार्गवेणाद्य कृतं वृथा नः संजीव्य तानाजिमृतान्विपक्षान्। आवर्त्य विद्यां मृतजीवदात्रीमेकैकमुद्दिश्य सहेलमीश

tadbhārgaveṇādya kṛtaṁ vṛthā naḥ saṁjīvya tānājimṛtānvipakṣān āvartya vidyāṁ mṛtajīvadātrīmekaikamuddiśya sahelamīśa

'...वह भार्गव ने आज व्यर्थ कर दिया, हमारे उन युद्ध में मारे गए शत्रुओं को पुनर्जीवित कर, एक-एक को संबोधित कर सहज ही मृतजीवनदायिनी विद्या का जाप करके, हे ईश!'

श्लोक 31 (skanda.4.16.31)

तुहुंडहुंडादिकजंभजंभविपाकपाकादि महासुरेंद्राः। यमालयादद्य पुनर्निवृत्ता विद्रावयंतः प्रमथाश्चरंति

tuhuṁḍahuṁḍādikajaṁbhajaṁbhavipākapākādi mahāsureṁdrāḥ yamālayādadya punarnivṛttā vidrāvayaṁtaḥ pramathāścaraṁti

'तुहुंड, हुंड, जंभ, कुजंभ, विपाक, पाक आदि महासुरेंद्र आज यमलोक से पुनः लौटकर प्रमथों को खदेड़ते हुए विचर रहे हैं।'

श्लोक 32 (skanda.4.16.32)

यदि ह्यसौ दैत्यवरान्निरस्तान्संजीवयेदत्र पुनःपुनस्तान्। जयः कुतो नो भविता महेश गणेश्वराणां कुत एव शांतिः

yadi hyasau daityavarānnirastānsaṁjīvayedatra punaḥpunastān jayaḥ kuto no bhavitā maheśa gaṇeśvarāṇāṁ kuta eva śāṁtiḥ

'यदि यह इन गिरे हुए दैत्यश्रेष्ठों को यहाँ बार-बार पुनर्जीवित करता रहे, तो हमारी विजय कहाँ से होगी, हे महेश, और गणेश्वरों की शांति भी कहाँ से होगी?'

श्लोक 33 (skanda.4.16.33)

इत्येवमुक्तः प्रमथेश्वरेण स नंदिना वै प्रमथेश्वरेशः। उवाच देवः प्रहसंस्तदानीं तं नंदिनं सर्वगणेशराजम्

ityevamuktaḥ pramatheśvareṇa sa naṁdinā vai pramatheśvareśaḥ uvāca devaḥ prahasaṁstadānīṁ taṁ naṁdinaṁ sarvagaṇeśarājam

नंदी, प्रमथों के स्वामी, द्वारा इस प्रकार कहे जाने पर, प्रमथेश्वरों के स्वामी उस देव ने तब हँसते हुए उस नंदी, समस्त गणेशों के राजा, से कहा --

श्लोक 34 (skanda.4.16.34)

नंदिन्प्रयाहि त्वरितोतिमात्रं द्विजेंद्रवर्यं दितिनंदनानाम्। मध्यात्समुद्धृत्य तथानयाशु श्येनो यथा लावकमंडजातम्

naṁdinprayāhi tvaritotimātraṁ dvijeṁdravaryaṁ ditinaṁdanānām madhyātsamuddhṛtya tathānayāśu śyeno yathā lāvakamaṁḍajātam

'हे नंदी! अति शीघ्रता से जाओ, और दितिपुत्रों के मध्य से उस श्रेष्ठ द्विजेंद्र को उठाकर शीघ्र ले आओ, जैसे बाज बटेर के बच्चे को उठा ले जाता है।'

श्लोक 35 (skanda.4.16.35)

स एव मुक्तो वृषभध्वजेन ननाद नंदी वृषसिंहनादः। जगाम तूर्णं च विगाह्य सेनां यत्राभवद्भार्गववंशदीपः

sa eva mukto vṛṣabhadhvajena nanāda naṁdī vṛṣasiṁhanādaḥ jagāma tūrṇaṁ ca vigāhya senāṁ yatrābhavadbhārgavavaṁśadīpaḥ

वृषभध्वज द्वारा इस प्रकार भेजा गया वह नंदी, वृष-सिंहनाद करते हुए, सेना में शीघ्र प्रविष्ट होकर, जहाँ भार्गव-वंश का दीपक था, वहाँ पहुँचा।

श्लोक 36 (skanda.4.16.36)

तं रक्ष्यमाणं दितिजैः समस्तैः पाशासिवृक्षोपलशैलहस्तैः। विक्षोभ्य दैत्यान्बलवाञ्जहार काव्यं स नंदी शरभो यथेभम्

taṁ rakṣyamāṇaṁ ditijaiḥ samastaiḥ pāśāsivṛkṣopalaśailahastaiḥ vikṣobhya daityānbalavāñjahāra kāvyaṁ sa naṁdī śarabho yathebham

समस्त दितिजों द्वारा रक्षित, हाथों में पाश, खड्ग, वृक्ष, शिला और पर्वत लिए हुए, उन्हें विचलित कर बलवान नंदी ने कवि को उठा लिया, जैसे शरभ हाथी को उठा ले।

श्लोक 37 (skanda.4.16.37)

स्रस्तांबरं विच्युतभूषणं च विमुक्तकेशं बलिना गृहीतम्। विमोचयिष्यंत इवानुजग्मुः सुरारयः सिंहरवान्सृजंतः

srastāṁbaraṁ vicyutabhūṣaṇaṁ ca vimuktakeśaṁ balinā gṛhītam vimocayiṣyaṁta ivānujagmuḥ surārayaḥ siṁharavānsṛjaṁtaḥ

उस बलवान द्वारा पकड़े गए, वस्त्र खिसके, आभूषण गिरे, केश बिखरे हुए उस कवि को छुड़ाने के लिए मानो, देवशत्रु सिंहनाद करते हुए पीछे भागे।

श्लोक 38 (skanda.4.16.38)

दंभोलि शूलासिपरश्वधानामुद्दंडचक्रोपल कंपनानाम्। नंदीश्वरस्योपरि दानवेद्रा वर्षं ववर्षुर्जलदा इवोग्रम्

daṁbholi śūlāsiparaśvadhānāmuddaṁḍacakropala kaṁpanānām naṁdīśvarasyopari dānavedrā varṣaṁ vavarṣurjaladā ivogram

दानवेंद्रों ने वज्र, त्रिशूल, खड्ग, फरसे, दंडायमान चक्र और शिलाओं की उग्र वर्षा नंदीश्वर पर मेघों की भाँति की।

श्लोक 39 (skanda.4.16.39)

तं भार्गवं प्राप्य गणाधिराजो मुखाग्निना शस्त्रशतानि दग्ध्वा। आयात्प्रवृद्धेऽसुरदेवयुद्धे भवस्य पार्श्वे व्यथितारिसैन्यः

taṁ bhārgavaṁ prāpya gaṇādhirājo mukhāgninā śastraśatāni dagdhvā āyātpravṛddhe'suradevayuddhe bhavasya pārśve vyathitārisainyaḥ

उस भार्गव को प्राप्त कर, मुखाग्नि से सैकड़ों शस्त्रों को भस्म करके, गणाधिराज, शत्रुसेना को व्यथित कर, उस बढ़ते हुए असुर-देव युद्ध में भव के पास आया।

श्लोक 40 (skanda.4.16.40)

अयं स शुक्रो भगवन्नितीदं निवेदयामास भवाय शीघ्रम्। जग्राह शुक्रं स च देवदेवो यथोपहारं शुचिना प्रदत्तम्

ayaṁ sa śukro bhagavannitīdaṁ nivedayāmāsa bhavāya śīghram jagrāha śukraṁ sa ca devadevo yathopahāraṁ śucinā pradattam

'यह वही शुक्र है, हे भगवन्!' -- ऐसा उसने शीघ्र भव को निवेदित किया; और देवदेव ने शुक्र को, मानो किसी शुचि भक्त द्वारा अर्पित उपहार की भाँति, ग्रहण कर लिया।

श्लोक 41 (skanda.4.16.41)

न किंचिदुक्त्वा स हि भूतगोप्ता चिक्षेप वक्त्रे फलवत्कवींद्रम्। हाहारवस्तैरसुरैः समस्तैरुच्चैर्विमुक्तो हहहेति भूरि

na kiṁciduktvā sa hi bhūtagoptā cikṣepa vaktre phalavatkavīṁdram hāhāravastairasuraiḥ samastairuccairvimukto hahaheti bhūri

कुछ भी न कहते हुए, उन भूतगोप्ता ने उस कविश्रेष्ठ को फल के समान अपने मुख में डाल दिया; इससे समस्त असुरों में उच्च स्वर से बार-बार 'हाहा' का कोलाहल मच गया।

श्लोक 42 (skanda.4.16.42)

काव्ये निगीर्णे गिरिजेश्वरेण दैत्या जयाशा रहिता बभूवुः। हस्तैर्विमुक्ता इव वारणेंद्राः शृंगैर्विहीना इव गोवृषाश्च

kāvye nigīrṇe girijeśvareṇa daityā jayāśā rahitā babhūvuḥ hastairvimuktā iva vāraṇeṁdrāḥ śṛṁgairvihīnā iva govṛṣāśca

गिरिजेश्वर द्वारा कवि के निगल लिए जाने पर, दैत्य विजय की आशा से रहित हो गए -- मानो सूँड से रहित गजराज, या सींगों से रहित बैल।

श्लोक 43 (skanda.4.16.43)

शरीर हीना इव जीवसंघा द्विजा यथा चाध्ययनेन हीनाः। निरुद्यमाः सत्त्वगुणा यथा वै यथोद्यमा भाग्यविवर्जिताश्च

śarīra hīnā iva jīvasaṁghā dvijā yathā cādhyayanena hīnāḥ nirudyamāḥ sattvaguṇā yathā vai yathodyamā bhāgyavivarjitāśca

जैसे शरीर से रहित प्राणिसमूह, जैसे अध्ययन से रहित द्विज, जैसे उद्यम से रहित सत्त्वगुण, जैसे भाग्य से रहित उद्यम...

श्लोक 44 (skanda.4.16.44)

पत्या विहीनाश्च यथैव योषा यथा विपक्षा इव मार्गणौघाः। आयूंषि हीनानि यथैव पुण्यैर्वृत्तेन हीनानि यथा श्रुतानि

patyā vihīnāśca yathaiva yoṣā yathā vipakṣā iva mārgaṇaughāḥ āyūṁṣi hīnāni yathaiva puṇyairvṛttena hīnāni yathā śrutāni

...जैसे पति से रहित स्त्री, जैसे शत्रु के पंखरहित बाणों की धारा, जैसे पुण्य से रहित आयु, जैसे सदाचार से रहित शास्त्र-श्रुति...

श्लोक 45 (skanda.4.16.45)

विना यथा वैभवशक्तिमेकां भवंति हीनाः स्वफलैः क्रियौघाः। तथा विना तं द्विजवर्यमेकं दैत्या जयाशा विमुखा बभूवुः

vinā yathā vaibhavaśaktimekāṁ bhavaṁti hīnāḥ svaphalaiḥ kriyaughāḥ tathā vinā taṁ dvijavaryamekaṁ daityā jayāśā vimukhā babhūvuḥ

...जैसे उस एक वैभव-शक्ति के बिना सारे कर्म अपने फल से रहित हो जाते हैं, वैसे ही उस एक श्रेष्ठ द्विज के बिना दैत्य विजय की आशा से विमुख हो गए।

श्लोक 46 (skanda.4.16.46)

नंदिनापहृते शुक्रे गिलिते च विषादिना। विषादमगमन्दैत्या हीयमानरणोत्सवाः

naṁdināpahṛte śukre gilite ca viṣādinā viṣādamagamandaityā hīyamānaraṇotsavāḥ

नंदी द्वारा शुक्र के अपहृत होने और विषधारी (शिव) द्वारा निगल लिए जाने पर, युद्धोत्सव से हीन होते हुए दैत्य विषाद को प्राप्त हुए।

श्लोक 47 (skanda.4.16.47)

तान्वीक्ष्य विगतोत्साहानंधकः प्रत्यभाषत। कविं विक्रम्य नयता नंदिना वंचिता वयम्

tānvīkṣya vigatotsāhānaṁdhakaḥ pratyabhāṣata kaviṁ vikramya nayatā naṁdinā vaṁcitā vayam

उन्हें उत्साहहीन देखकर अंधक ने कहा -- 'हम नंदी की चतुराई से ठगे गए हैं, जो कवि को बलपूर्वक ले गया।'

श्लोक 48 (skanda.4.16.48)

तनूर्विना हृताः प्राणाः सर्वेषामद्य तेन नः। धैर्यं वीर्यं गतिः कीर्तिः सत्त्वं तेजः पराक्रमः

tanūrvinā hṛtāḥ prāṇāḥ sarveṣāmadya tena naḥ dhairyaṁ vīryaṁ gatiḥ kīrtiḥ sattvaṁ tejaḥ parākramaḥ

'शरीर तो शेष है, पर आज उसके कारण हम सबके प्राण, धैर्य, वीर्य, गति, कीर्ति, सत्त्व, तेज और पराक्रम हर लिए गए हैं।'

श्लोक 49 (skanda.4.16.49)

युगपन्नो हृतं सर्वमेकस्मिन्भार्गवे हृते। धिगस्मान्कुलपूज्यो यैरेकोपि कुलसत्तमः। गुरुः सर्वसमर्थश्च त्राता त्रातो न चापदि

yugapanno hṛtaṁ sarvamekasminbhārgave hṛte dhigasmānkulapūjyo yairekopi kulasattamaḥ guruḥ sarvasamarthaśca trātā trāto na cāpadi

'एक भार्गव के हरे जाने से हम सबका सब कुछ एक साथ हर लिया गया है। धिक्कार है हमें, जिन्होंने अपने कुल के एकमात्र पूज्य, कुलश्रेष्ठ, सर्वसमर्थ गुरु, त्राता को विपत्ति में असुरक्षित छोड़ दिया।'

श्लोक 50 (skanda.4.16.50)

तद्धैर्यमवलंब्येह युध्यध्वमरिभिः सह। सूदयिष्याम्यहं सर्वान्प्रमथान्सह नंदिना

taddhairyamavalaṁbyeha yudhyadhvamaribhiḥ saha sūdayiṣyāmyahaṁ sarvānpramathānsaha naṁdinā

'इसलिए धैर्य धारण कर शत्रुओं से युद्ध करो; मैं नंदी सहित समस्त प्रमथों का संहार करूँगा।'

श्लोक 51 (skanda.4.16.51)

अद्यैतान्विवशान्हत्वा सह देवैः सवासवैः। भार्गवं मोचयिष्यामि जीवं योगीव कर्मतः

adyaitānvivaśānhatvā saha devaiḥ savāsavaiḥ bhārgavaṁ mocayiṣyāmi jīvaṁ yogīva karmataḥ

'आज इन असहाय देवों को वासव सहित मारकर, मैं भार्गव को जीवित मुक्त कराऊँगा, जैसे योगी कर्म से मुक्त होता है।'

श्लोक 52 (skanda.4.16.52)

स चापि योगी योगेन यदि नाम स्वयं प्रभुः। शरीरात्तस्य निर्गच्छेदस्माकं रोषपालिता

sa cāpi yogī yogena yadi nāma svayaṁ prabhuḥ śarīrāttasya nirgacchedasmākaṁ roṣapālitā

'और वह भी योगी होकर अपने योग-सामर्थ्य से यदि स्वयं समर्थ है, तो हमारे क्रोध से रक्षित उस शरीर से बाहर निकल भी सकता है।'

श्लोक 53 (skanda.4.16.53)

इत्यंधकवचः श्रुत्वा दानवा मेघनिःस्वनाः। प्रमथा नर्दयामासुर्मर्तव्ये कृत निश्चयाः

ityaṁdhakavacaḥ śrutvā dānavā meghaniḥsvanāḥ pramathā nardayāmāsurmartavye kṛta niścayāḥ

अंधक के इन वचनों को सुनकर, मेघ के समान गर्जते दानव, मरने का निश्चय कर प्रमथों पर गरजने लगे।

श्लोक 54 (skanda.4.16.54)

सत्यायुपि न नो जातु शक्ताः स्युः प्रमथाबलात्। असत्यायुषि किं गत्वा त्यक्त्वा स्वामिनमाहवे

satyāyupi na no jātu śaktāḥ syuḥ pramathābalāt asatyāyuṣi kiṁ gatvā tyaktvā svāminamāhave

'पूर्ण आयु में भी हम कभी प्रमथों के बल से समर्थ नहीं हो सकते; तो असत्य (क्षीण) आयु में स्वामी को युद्ध में त्यागकर जाने से क्या लाभ?'

श्लोक 55 (skanda.4.16.55)

ये स्वामिनं विहायाजौ बहुमानधना जनाः। यांति ते यांति नियतमंधतामिस्रमालयम्

ye svāminaṁ vihāyājau bahumānadhanā janāḥ yāṁti te yāṁti niyatamaṁdhatāmisramālayam

'जो लोग युद्ध में स्वामी को त्यागकर जाते हैं, चाहे वे कितने ही मान-धन से संपन्न हों, वे निश्चय ही अंधतामिस्र नरक को जाते हैं।'

श्लोक 56 (skanda.4.16.56)

अयशस्तमसा ख्यातिं मलिनीकृत्यभूरिशः। इहामुत्रापि सुखिनो न स्युर्भग्ना रणाजिरात्

ayaśastamasā khyātiṁ malinīkṛtyabhūriśaḥ ihāmutrāpi sukhino na syurbhagnā raṇājirāt

'अपयश के अंधकार से अपनी कीर्ति को अत्यंत मलिन कर, रणभूमि से भागे हुए लोग न इहलोक में और न परलोक में सुखी होते हैं।'

श्लोक 57 (skanda.4.16.57)

किं दानैः किं तपोभिश्च किं तीर्थपरिमज्जनैः। धरातीर्थे यदि स्नातं पुनर्भव मलापहे

kiṁ dānaiḥ kiṁ tapobhiśca kiṁ tīrthaparimajjanaiḥ dharātīrthe yadi snātaṁ punarbhava malāpahe

'दान से क्या, तप से क्या, तीर्थस्नान से क्या -- यदि रणभूमि रूपी तीर्थ में स्नान कर लिया जाए, जो पुनर्जन्म के मल को हरने वाली है?'

श्लोक 58 (skanda.4.16.58)

संप्रधार्येति तेऽन्योन्यं दैत्यास्ते दनुजास्तथा। ममंथुः प्रमथानाजौ रणभेरीर्निनाद्य च

saṁpradhāryeti te'nyonyaṁ daityāste danujāstathā mamaṁthuḥ pramathānājau raṇabherīrninādya ca

ऐसा आपस में निश्चय कर, उन दैत्यों और दानवों ने रणभेरी बजाकर प्रमथों को युद्ध में मथ डाला।

श्लोक 59 (skanda.4.16.59)

तत्र वाणासिवज्रौघैः कटंकटशिलामयैः। भुशुंडीभिंदिपालैश्च शक्तिभल्ल परश्वधैः

tatra vāṇāsivajraughaiḥ kaṭaṁkaṭaśilāmayaiḥ bhuśuṁḍībhiṁdipālaiśca śaktibhalla paraśvadhaiḥ

वहाँ बाण, खड्ग, वज्र, नुकीली शिलाओं के समूह, भुशुंडी, भिंदिपाल, शक्ति, भल्ल और फरसों से...

श्लोक 60 (skanda.4.16.60)

खट्वांगैः पट्टिशैः शूलैर्लकुटैर्मुसलैरलम्। परस्परमभिघ्नंतः प्रचक्रुः कदनं महत्

khaṭvāṁgaiḥ paṭṭiśaiḥ śūlairlakuṭairmusalairalam parasparamabhighnaṁtaḥ pracakruḥ kadanaṁ mahat

...खट्वांग, पट्टिश, त्रिशूल, लाठियों और मूसलों से भरपूर, वे परस्पर एक-दूसरे को मारते हुए भारी संहार करने लगे।

श्लोक 61 (skanda.4.16.61)

कार्मुकाणां विकृष्टानां पततां च पतत्रिणाम्। भिंदिपालभुशुंडीनां क्ष्वेडितानां रवोऽभवत्

kārmukāṇāṁ vikṛṣṭānāṁ patatāṁ ca patatriṇām bhiṁdipālabhuśuṁḍīnāṁ kṣveḍitānāṁ ravo'bhavat

खींचे गए धनुषों, गिरते हुए बाणों, फेंके गए भिंदिपाल और भुशुंडियों की सीटी की ध्वनि होने लगी।

श्लोक 62 (skanda.4.16.62)

रणतूर्यनिनादैश्च गजानां बहुबृंहितैः। हेषारवैर्हयानां च महान्कोलाहलोऽभवत्

raṇatūryaninādaiśca gajānāṁ bahubṛṁhitaiḥ heṣāravairhayānāṁ ca mahānkolāhalo'bhavat

युद्ध की तुरही ध्वनि, हाथियों की बहुविध चिंघाड़, और घोड़ों की हिनहिनाहट से महान कोलाहल मच गया।

श्लोक 63 (skanda.4.16.63)

प्रतिस्वनैरवापूरि द्यावाभूम्योर्यदंतरम्। अभीरूणां च भीरूणां महारोमोद्गमोऽभवत्

pratisvanairavāpūri dyāvābhūmyoryadaṁtaram abhīrūṇāṁ ca bhīrūṇāṁ mahāromodgamo'bhavat

प्रतिध्वनियों से आकाश और पृथ्वी के मध्य का सारा अंतराल भर गया; निर्भय और भयभीत दोनों में ही रोमांच का महान उद्गम हुआ।

श्लोक 64 (skanda.4.16.64)

गजवाजिमहाराव स्फुटच्छब्दग्रहाणि च। भग्नध्वजपताकानि क्षीणप्रहरणानि च

gajavājimahārāva sphuṭacchabdagrahāṇi ca bhagnadhvajapatākāni kṣīṇapraharaṇāni ca

हाथियों-घोड़ों के महारव, फूटते हुए शब्दों-ग्रहों से युक्त, टूटे ध्वजों-पताकाओं और क्षीण शस्त्रों वाला वह युद्धक्षेत्र...

श्लोक 65 (skanda.4.16.65)

रुधिरोद्गार चित्राणि व्यश्वहस्तिरथानि च। पिपासितानि सैन्यानि मुमूर्छुरुभयत्र वै

rudhirodgāra citrāṇi vyaśvahastirathāni ca pipāsitāni sainyāni mumūrchurubhayatra vai

...रक्त की धाराओं से चित्रित, घोड़ों-हाथियों-रथों से रहित हो गया; और प्यासी सेनाएँ दोनों ओर मूर्च्छित हो गईं।

श्लोक 66 (skanda.4.16.66)

दृष्ट्वा सैन्यं च प्रमथैर्भज्यमानमितस्ततः। दुद्राव रथमास्थाय स्वयमेवांधको गणान्

dṛṣṭvā sainyaṁ ca pramathairbhajyamānamitastataḥ dudrāva rathamāsthāya svayamevāṁdhako gaṇān

प्रमथों द्वारा इधर-उधर टूटती हुई अपनी सेना को देखकर, अंधक स्वयं ही रथ पर चढ़कर गणों की ओर दौड़ा।

श्लोक 67 (skanda.4.16.67)

शरवज्रप्रहारैस्तैर्वज्राघातैर्नगा इव। प्रमथानेशिरे वातैर्निस्तोया इव तोयदाः

śaravajraprahāraistairvajrāghātairnagā iva pramathāneśire vātairnistoyā iva toyadāḥ

उन वज्र-सम बाण-प्रहारों से, जैसे वज्राघात से पर्वत, प्रमथ वैसे ही छिन्न-भिन्न हो गए, जैसे वायु से जलरहित मेघ।

श्लोक 68 (skanda.4.16.68)

यांतमायांतमालोक्य दूरस्थं निकटस्थितम्। प्रत्येकं रोमसंख्याभिर्व्यधाद्बाणैस्तदांधकः

yāṁtamāyāṁtamālokya dūrasthaṁ nikaṭasthitam pratyekaṁ romasaṁkhyābhirvyadhādbāṇaistadāṁdhakaḥ

आते-जाते, दूर या निकट स्थित, प्रत्येक प्रमथ को अंधक ने उतने ही बाणों से बींध डाला जितने उसके शरीर पर रोम थे।

श्लोक 69 (skanda.4.16.69)

विनायकेन स्कंदेन नंदिना सोमनंदिना। नैगमेयेन शाखेन विशाखेन बलीयसा

vināyakena skaṁdena naṁdinā somanaṁdinā naigameyena śākhena viśākhena balīyasā

विनायक, स्कंद, नंदी, सोमनंदी, नैगमेय, शाख और बलशाली विशाख के साथ...

श्लोक 70 (skanda.4.16.70)

इत्याद्यैस्तु गणैरुग्रैरंधकोप्यंधकीकृतः। त्रिशूल शक्तिबाणौघ धारासंपातपातिभिः

ityādyaistu gaṇairugrairaṁdhakopyaṁdhakīkṛtaḥ triśūla śaktibāṇaugha dhārāsaṁpātapātibhiḥ

...इन आदि उग्र गणों द्वारा, त्रिशूल-शक्ति-बाणों की धाराओं की वर्षा करते हुए, अंधक भी 'अंधक' (अंधा) बना दिया गया।

श्लोक 71 (skanda.4.16.71)

ततः कोलाहलो जातः प्रमथासुरसैन्ययोः। तेन शब्देन महता शुक्रः शंभूदरे स्थितः

tataḥ kolāhalo jātaḥ pramathāsurasainyayoḥ tena śabdena mahatā śukraḥ śaṁbhūdare sthitaḥ

तब प्रमथों और असुरों की सेनाओं में महाकोलाहल हुआ; उस महान शब्द से शंभु के उदर में स्थित शुक्र...

श्लोक 72 (skanda.4.16.72)

छिद्रान्वेषी भ्रमन्सोथ विनिःकेतो यथानिलः। सप्तलोकान् सपालान्स रुद्रदेहे व्यलोकयत्

chidrānveṣī bhramansotha viniḥketo yathānilaḥ saptalokān sapālānsa rudradehe vyalokayat

...छिद्र ढूँढ़ता हुआ, वायु के समान बिना आश्रय भ्रमण करता हुआ, रुद्र के शरीर में सप्तलोकों को उनके पालकों सहित देखने लगा।

श्लोक 73 (skanda.4.16.73)

ब्रह्मनारायणेंद्राणामादित्याप्यरसां तथा। भुवनानि विचित्राणि युद्धं च प्रमथासुरम्

brahmanārāyaṇeṁdrāṇāmādityāpyarasāṁ tathā bhuvanāni vicitrāṇi yuddhaṁ ca pramathāsuram

ब्रह्मा, नारायण, इंद्र, आदित्यों और जलों के विचित्र भुवनों, और प्रमथ-असुर युद्ध को भी उसने देखा।

श्लोक 74 (skanda.4.16.74)

सवर्षाणां शतं कुक्षौ भवस्य परितो भ्रमन्। न तस्य ददृशे रंध्रं शुचे रंध्रं खलो यथा

savarṣāṇāṁ śataṁ kukṣau bhavasya parito bhraman na tasya dadṛśe raṁdhraṁ śuce raṁdhraṁ khalo yathā

सौ वर्षों तक भव के उदर में सब ओर भ्रमण करते हुए भी उसे कोई छिद्र नहीं मिला, जैसे दुष्ट को पवित्र व्यक्ति में कोई छिद्र नहीं मिलता।

श्लोक 75 (skanda.4.16.75)

शांभवेनाथयोगेन शुक्ररूपेण भार्गवः। चस्कंदाथ ननामापि ततो देवेन भाषितः

śāṁbhavenāthayogena śukrarūpeṇa bhārgavaḥ caskaṁdātha nanāmāpi tato devena bhāṣitaḥ

तब शांभव योग से, शुक्र (वीर्य) के रूप में भार्गव बाहर निकल आए और प्रणाम किया; तब देव ने कहा --

श्लोक 76 (skanda.4.16.76)

शुक्रवन्निःसृतोयस्मात्तस्मात्त्वं भृगुनंदन। कर्मणानेन शुक्रस्त्वं मम पुत्रोसि गम्यताम्

śukravanniḥsṛtoyasmāttasmāttvaṁ bhṛgunaṁdana karmaṇānena śukrastvaṁ mama putrosi gamyatām

'चूँकि तुम शुक्र (वीर्य) के समान निकले हो, हे भृगुनंदन, इसलिए इस कर्म से तुम शुक्र हो; तुम मेरे ही पुत्र हो, जाओ।'

श्लोक 77 (skanda.4.16.77)

जठरान्निर्गते शुक्रे देवोपि मुमुदेतराम्। भ्रमञ्छ्रेयोभवद्यन्मे न मृतो जठरे द्विजः

jaṭharānnirgate śukre devopi mumudetarām bhramañchreyobhavadyanme na mṛto jaṭhare dvijaḥ

शुक्र के उदर से निकलने पर देव भी अत्यंत प्रसन्न हुए -- 'भ्रमण करता हुआ भी यह द्विज मेरे उदर में मरा नहीं, यह अच्छा हुआ।'

श्लोक 78 (skanda.4.16.78)

इत्येवमुक्तो देवेन शुक्रोर्कसदृश द्युतिः। विवेश दानवानीकं मेघमालां यथा शशी

ityevamukto devena śukrorkasadṛśa dyutiḥ viveśa dānavānīkaṁ meghamālāṁ yathā śaśī

देव द्वारा ऐसा कहे जाने पर, सूर्य के समान द्युतिमान शुक्र दानवों की सेना में प्रविष्ट हुआ, जैसे मेघमाला में चंद्रमा।

श्लोक 79 (skanda.4.16.79)

शुक्रोदयान्मुदं लेभे स दानव महार्णवः। यथा चंद्रोदये हर्षमूर्मिमाली महोदधिः

śukrodayānmudaṁ lebhe sa dānava mahārṇavaḥ yathā caṁdrodaye harṣamūrmimālī mahodadhiḥ

शुक्र के उदय से वह दानव-महासागर आनंदित हुआ, जैसे चंद्रोदय से लहरों वाला महासागर हर्षित होता है।

श्लोक 80 (skanda.4.16.80)

अंधकांधकहंत्रोर्वै वर्तमाने महाहवे। इत्थं नाम्नाभवच्छुक्रः स वै भार्गवनंदनः

aṁdhakāṁdhakahaṁtrorvai vartamāne mahāhave itthaṁ nāmnābhavacchukraḥ sa vai bhārgavanaṁdanaḥ

अंधक और अंधकहंता के बीच महायुद्ध चलते हुए, इस प्रकार वह भृगुनंदन 'शुक्र' नाम से प्रसिद्ध हुआ।

श्लोक 81 (skanda.4.16.81)

यथा च विद्यां तां प्राप मृतसंजीवनीं पराम्। शंभोरनुग्रहात्काव्यस्तन्निशामय सुव्रत

yathā ca vidyāṁ tāṁ prāpa mṛtasaṁjīvanīṁ parām śaṁbhoranugrahātkāvyastanniśāmaya suvrata

और शंभु की कृपा से कवि ने वह श्रेष्ठ मृतसंजीवनी विद्या कैसे प्राप्त की, हे सुव्रत, वह सुनो।

श्लोक 82 (skanda.4.16.82)

गणावूचतुः। पुराऽसौ भृगुदायादो गत्वा वाराणसीं पुरीम्। अंडजस्वेदजोद्भिज्जजरायुज गतिप्रदाम्

gaṇāvūcatuḥ purā'sau bhṛgudāyādo gatvā vārāṇasīṁ purīm aṁḍajasvedajodbhijjajarāyuja gatipradām

गणद्वय ने कहा -- पूर्वकाल में वह भृगुवंशज, अंडज-स्वेदज-उद्भिज्ज-जरायुज प्राणियों को गति देने वाली वाराणसी नगरी को गया।

श्लोक 83 (skanda.4.16.83)

संस्थाप्य लिंगं श्रीशंभोः कूपं कृत्वा तदग्रतः। बहुकालं तपस्तेपे ध्यायन्विश्वेश्वरं प्रभुम्

saṁsthāpya liṁgaṁ śrīśaṁbhoḥ kūpaṁ kṛtvā tadagrataḥ bahukālaṁ tapastepe dhyāyanviśveśvaraṁ prabhum

श्रीशंभु का लिंग स्थापित कर, उसके आगे एक कुआँ बनवाकर, उसने विश्वेश्वर प्रभु का ध्यान करते हुए दीर्घकाल तक तप किया।

श्लोक 84 (skanda.4.16.84)

राजचंपकधत्तूर करवीरकुशेशयैः। मालती कर्णिकारैश्च कदंबैर्बकुलोत्पलैः

rājacaṁpakadhattūra karavīrakuśeśayaiḥ mālatī karṇikāraiśca kadaṁbairbakulotpalaiḥ

राजचंपक, धतूरा, कनेर, कमल, मालती, कर्णिकार, कदंब, बकुल और उत्पल पुष्पों से...

श्लोक 85 (skanda.4.16.85)

मल्लिकाशतपत्रीभिः सिंदुवारैः सकिंशुकैः। अशोकैः करुणैः पुष्पैः पुन्नागैर्नागकेसरैः

mallikāśatapatrībhiḥ siṁduvāraiḥ sakiṁśukaiḥ aśokaiḥ karuṇaiḥ puṣpaiḥ punnāgairnāgakesaraiḥ

...मल्लिका, शतपत्री, सिंदुवार, किंशुक, अशोक और करुण पुष्पों से, पुन्नाग और नागकेसर से...

श्लोक 86 (skanda.4.16.86)

क्षुद्राभिर्माधवीभिश्च पाटला बिल्वचंपकैः। नवमल्लीविचिकिलैः कुंदैः समुचुकुंदकैः

kṣudrābhirmādhavībhiśca pāṭalā bilvacaṁpakaiḥ navamallīvicikilaiḥ kuṁdaiḥ samucukuṁdakaiḥ

...लघु माधवी पुष्पों, पाटला, बिल्व, चंपक, नवमल्ली, विचिकिल, कुंद और मुचुकुंद से...

श्लोक 87 (skanda.4.16.87)

मंदारैर्बिल्वपत्रैश्च द्रोणैर्मरुबकैर्बकैः। ग्रंथिपर्णैर्दमनकैः सुरभूचूतपल्लवैः

maṁdārairbilvapatraiśca droṇairmarubakairbakaiḥ graṁthiparṇairdamanakaiḥ surabhūcūtapallavaiḥ

...मंदार पुष्पों और बिल्वपत्रों, द्रोण, मरुवक, बक, ग्रंथिपर्ण, दमनक, सुगंधित पृथ्वी-पुष्पों और आम्र-पल्लवों से...

श्लोक 88 (skanda.4.16.88)

तुलसी देवगंधारी बृहत्पत्री कुशांकुरैः। नद्यावर्तैरगस्त्यैश्च सशालैर्देवदारुभिः

tulasī devagaṁdhārī bṛhatpatrī kuśāṁkuraiḥ nadyāvartairagastyaiśca saśālairdevadārubhiḥ

...तुलसी, देवगंधारी, बृहत्पत्री, कुशांकुर, नद्यावर्त, अगस्त्य पुष्पों, शाल और देवदारु शाखाओं से...

श्लोक 89 (skanda.4.16.89)

कांचनारैः कुरबकैर्दूर्वांकुर कुरंटकैः। प्रत्येकमेभिः कुसुमैः पल्लवैरपरैरपि

kāṁcanāraiḥ kurabakairdūrvāṁkura kuraṁṭakaiḥ pratyekamebhiḥ kusumaiḥ pallavairaparairapi

...कांचनार, कुरबक, दूर्वांकुर और कुरंटक से -- इन प्रत्येक पुष्पों और अन्य पल्लवों से भी...

श्लोक 90 (skanda.4.16.90)

पत्रैः शतसहस्रैश्च स समानर्च शंकरम्। पंचामृतैर्द्रोणमितैर्लक्षकृत्वः प्रयत्नतः

patraiḥ śatasahasraiśca sa samānarca śaṁkaram paṁcāmṛtairdroṇamitairlakṣakṛtvaḥ prayatnataḥ

...और लाखों-सहस्रों पत्तों से उसने शंकर की पूजा की; द्रोण-प्रमाण पंचामृतों से लाख बार, प्रयत्नपूर्वक...

श्लोक 91 (skanda.4.16.91)

स्नपयामास देवेशं सुगंधस्नपनैर्बहु। सहस्रकृत्वो देवेशं चंदनैर्यक्षकर्दमैः

snapayāmāsa deveśaṁ sugaṁdhasnapanairbahu sahasrakṛtvo deveśaṁ caṁdanairyakṣakardamaiḥ

...उसने देवेश को अनेक सुगंधित स्नानों से स्नान कराया; सहस्र बार देवेश को चंदन और यक्षकर्दम से...

श्लोक 92 (skanda.4.16.92)

समालिलिंप देवेशं सुगंधोद्वर्तनान्यनु। गीतनृत्योपहारैश्च श्रुत्युक्तस्तुतिभिर्बहुः

samāliliṁpa deveśaṁ sugaṁdhodvartanānyanu gītanṛtyopahāraiśca śrutyuktastutibhirbahuḥ

...अभ्यंगित किया, सुगंधित उबटन से; गीत-नृत्य के उपहारों से, और श्रुति में कही गई स्तुतियों से बहुत बार...

श्लोक 93 (skanda.4.16.93)

नाम्नां सहस्रैरन्यैश्च स्तोत्रैस्तुष्टाव शंकरम्। सहस्रं पंचशरदामित्थं शुक्रः समर्चयन्

nāmnāṁ sahasrairanyaiśca stotraistuṣṭāva śaṁkaram sahasraṁ paṁcaśaradāmitthaṁ śukraḥ samarcayan

...सहस्र नामों और अन्य स्तोत्रों से उसने शंकर की स्तुति की। इस प्रकार शुक्र ने पाँच सहस्र वर्षों तक अर्चना की।

श्लोक 94 (skanda.4.16.94)

यदा देवं नालुलोके मनागपि वरोन्मुखम्। तदान्यं नियमं घोरं जग्राहातीवदुःसहम्

yadā devaṁ nāluloke manāgapi varonmukham tadānyaṁ niyamaṁ ghoraṁ jagrāhātīvaduḥsaham

जब उसने देव को किंचित् भी वर देने के लिए उन्मुख नहीं देखा, तब उसने एक अन्य घोर, अत्यंत दुःसह नियम धारण किया।

श्लोक 95 (skanda.4.16.95)

प्रक्षाल्य चेतसो त्यंतं चांचल्याख्यं महामलम्। भावनावार्भि रसकृदिंद्रियैः सहितस्य च

prakṣālya cetaso tyaṁtaṁ cāṁcalyākhyaṁ mahāmalam bhāvanāvārbhi rasakṛdiṁdriyaiḥ sahitasya ca

चित्त के अत्यंत चांचल्य नामक महामल को इंद्रियों सहित बार-बार भावना के जल से धोकर...

श्लोक 96 (skanda.4.16.96)

निर्मलीकृत्य तच्चेतो रत्नं दत्त्वा पिनाकिने। प्रपपौ कणधूमौघं सहस्रं शरदां कविः

nirmalīkṛtya tacceto ratnaṁ dattvā pinākine prapapau kaṇadhūmaughaṁ sahasraṁ śaradāṁ kaviḥ

...उस चित्त को रत्न के समान निर्मल बनाकर पिनाकधारी को अर्पित कर, कवि ने सहस्र वर्षों तक कणधूम का प्रवाह पिया।

श्लोक 97 (skanda.4.16.97)

प्रससाद तदा देवो भार्गवाय महात्मने। तस्माल्लिंगाद्विनिर्गत्य सहस्रार्काधिकद्युतिः

prasasāda tadā devo bhārgavāya mahātmane tasmālliṁgādvinirgatya sahasrārkādhikadyutiḥ

तब देव उस महात्मा भार्गव पर प्रसन्न हुए; उस लिंग से बाहर निकलकर, सहस्र सूर्यों से अधिक तेजयुक्त...

श्लोक 98 (skanda.4.16.98)

उवाच च विरूपाक्षः साक्षाद्दाक्षायणीपतिः। तपोनिधे प्रसन्नोस्मि वरं वरय भार्गव

uvāca ca virūpākṣaḥ sākṣāddākṣāyaṇīpatiḥ taponidhe prasannosmi varaṁ varaya bhārgava

...विरूपाक्ष, साक्षात् दाक्षायणीपति ने कहा -- 'हे तपोनिधे! मैं प्रसन्न हूँ, हे भार्गव, वर माँगो।'

श्लोक 99 (skanda.4.16.99)

निशम्येति वचः शंभोरंभोजनयनो द्विजः। उद्यदानंदसंदोह रोमांचांचित विग्रहः

niśamyeti vacaḥ śaṁbhoraṁbhojanayano dvijaḥ udyadānaṁdasaṁdoha romāṁcāṁcita vigrahaḥ

शंभु के इन वचनों को सुनकर, कमलनयन उस द्विज का शरीर उमड़ते आनंद से रोमांचित हो उठा।

श्लोक 100 (skanda.4.16.100)

तुष्टावाष्टतनुं तुष्टः प्रफु ल्ल नयनांचलः। मौलावंजलिमाधाय वदञ्जयजयेति च

tuṣṭāvāṣṭatanuṁ tuṣṭaḥ praphu lla nayanāṁcalaḥ maulāvaṁjalimādhāya vadañjayajayeti ca

प्रसन्न, प्रफुल्ल नेत्रों वाले उसने अष्टमूर्ति शिव की स्तुति की, मस्तक पर अंजलि जोड़कर 'जय जय' कहते हुए।

श्लोक 101 (skanda.4.16.101)

भार्गव उवाच। त्वं भाभिराभिरभिभूय तमः समस्तमस्तं नयस्यभिमतानि निशाचराणाम्। देदीप्यसे मणेगगनेहिताय लोकत्रयस्य जगदीश्वर तन्नमस्ते

bhārgava uvāca tvaṁ bhābhirābhirabhibhūya tamaḥ samastamastaṁ nayasyabhimatāni niśācarāṇām dedīpyase maṇegaganehitāya lokatrayasya jagadīśvara tannamaste

भार्गव ने कहा -- अपनी इन किरणों से समस्त अंधकार को अभिभूत कर आप निशाचरों के अभीष्ट को नष्ट कर देते हैं। हे जगदीश्वर! आकाश के मणि के समान, त्रिलोक के हित के लिए देदीप्यमान आप को नमस्कार।

श्लोक 102 (skanda.4.16.102)

लोकेतिवेलमतिवेलमहामहोभिर्निर्मासि कौमुदमुदं च समुत्समुद्रम्। विद्राविताखिलतमाः सुतमोहिमांशो पीयूषपूरपरिपूरित तन्नमस्ते

loketivelamativelamahāmahobhirnirmāsi kaumudamudaṁ ca samutsamudram vidrāvitākhilatamāḥ sutamohimāṁśo pīyūṣapūraparipūrita tannamaste

लोक में असीम, महान तेज से आप समुद्र-सम विशाल चंद्रिका-आनंद रचते हैं; समस्त अंधकार को नष्ट करने वाले, अमृत-प्रवाह से परिपूर्ण किरणों वाले, आपको नमस्कार।

श्लोक 103 (skanda.4.16.103)

त्वं पावने पथि सदागतिरस्युपास्यः कस्त्वां विना भुवनजीवनजीवतीह। स्तब्धप्रभंजन विवर्धित सर्वजंतोसंतोषिताहि कुलसर्वगतन्नमस्ते

tvaṁ pāvane pathi sadāgatirasyupāsyaḥ kastvāṁ vinā bhuvanajīvanajīvatīha stabdhaprabhaṁjana vivardhita sarvajaṁtosaṁtoṣitāhi kulasarvagatannamaste

आप पावन मार्ग में सदा गति और उपास्य हैं; आपके बिना कौन इस लोक-जीवन को जिला सकता है? प्रचंड वायु में भी समस्त प्राणियों को बढ़ाने वाले, सर्पकुल को संतुष्ट करने वाले, सर्वव्यापी आपको नमस्कार।

श्लोक 104 (skanda.4.16.104)

विश्वैकपावकनतावकपावकैक शक्तेर्ऋतेऽमृतवतामृतदिव्यकार्यम्। प्राणित्यदो जगदहो जगदंतरात्मंस्तत्पावक प्रतिपदं शमदं नमस्ते

viśvaikapāvakanatāvakapāvakaika śakterṛte'mṛtavatāmṛtadivyakāryam prāṇityado jagadaho jagadaṁtarātmaṁstatpāvaka pratipadaṁ śamadaṁ namaste

विश्व के एकमात्र पावक, सबसे नमित, आपकी उस पावक शक्ति के बिना अमृतवानों का कोई दिव्य कार्य संभव नहीं; इसी से जगत् प्राण धारण करता है, हे जगत् के अंतरात्मन्, हे पावक, प्रतिपद शांतिदाता, आपको नमस्कार।

श्लोक 105 (skanda.4.16.105)

पानीयरूप परमेश जगत्पवित्र चित्रं विचित्रसुचरित्र करोषि नूनम्। विश्वपवित्रममलं किल विश्वनाथ पानावगाहनत एतदतो नतोस्मि

pānīyarūpa parameśa jagatpavitra citraṁ vicitrasucaritra karoṣi nūnam viśvapavitramamalaṁ kila viśvanātha pānāvagāhanata etadato natosmi

हे परमेश! जल-रूप, जगत् को पवित्र करने वाले, विचित्र और सुंदर आचरण करने वाले, आप निश्चय ही यह सब करते हैं। हे विश्वनाथ! पान और अवगाहन से यह विश्व निर्मल और पवित्र होता है -- इसलिए मैं नमन करता हूँ।

श्लोक 106 (skanda.4.16.106)

आकाशरूप बहिरंतरुतावकाश दानाद्विकस्वरमिहेश्वर विश्वमैतत्। त्वत्तः सदा सदयसंश्वसिति स्वभावात्संकोचमेति भवतोस्मि नतस्ततस्त्वाम्

ākāśarūpa bahiraṁtarutāvakāśa dānādvikasvaramiheśvara viśvamaitat tvattaḥ sadā sadayasaṁśvasiti svabhāvātsaṁkocameti bhavatosmi natastatastvām

हे आकाशरूप ईश्वर! बाहर और भीतर स्थान देने से यह संपूर्ण विश्व यहाँ विकसित होता है; आपसे ही यह सदा दयापूर्वक स्वभाव से श्वास लेता है, और आप में ही संकुचित होता है -- इसलिए मैं आपको नमन करता हूँ।

श्लोक 107 (skanda.4.16.107)

विश्वंभरात्मक बिभर्ति विभोऽत्रविश्वं को विश्वनाथ भवतोन्य तमस्तमोरे। तत्त्वां विना न शमिनां हिमजाहिभूषस्तव्योऽपरः परपरप्रणतस्ततस्त्वाम्

viśvaṁbharātmaka bibharti vibho'traviśvaṁ ko viśvanātha bhavatonya tamastamore tattvāṁ vinā na śamināṁ himajāhibhūṣastavyo'paraḥ paraparapraṇatastatastvām

हे विश्वंभर स्वरूप, विभो! इस विश्व को यहाँ कौन धारण करता है, हे विश्वनाथ, हे अंधकार के शत्रु, आपके अतिरिक्त? आपके बिना शांत जनों के लिए कोई अन्य आश्रय नहीं, हे हिमगिरि-पुत्री और सर्पों से विभूषित, परम से परम द्वारा भी नमित -- इसलिए आपको नमन।

श्लोक 108 (skanda.4.16.108)

आत्मस्वरूप तव रूप परंपराभिराभिस्ततं हर चराचर रूपमेतत्। सर्वांतरात्मनिलयप्रतिरूपरूपनित्यंनतोस्मि परमात्मतनोऽष्टमूर्ते

ātmasvarūpa tava rūpa paraṁparābhirābhistataṁ hara carācara rūpametat sarvāṁtarātmanilayapratirūparūpanityaṁnatosmi paramātmatano'ṣṭamūrte

हे आत्मस्वरूप! यह संपूर्ण चराचर आपके ही रूपों की परंपरा से व्याप्त है, हे हर! हे सबकी अंतरात्मा के निवास के प्रतिरूप, हे परमात्मस्वरूप, हे अष्टमूर्ते! मैं नित्य आपको नमन करता हूँ।

श्लोक 109 (skanda.4.16.109)

इत्यष्टमूर्तिभि रिमाभिरुमाभिवंद्यवंद्यातिवंद्य भव विश्वजनीनमूर्ते। एतत्ततं सुविततं प्रणतप्रणीत सर्वाथर्सार्थपरमार्थ ततो नतोस्मि

ityaṣṭamūrtibhi rimābhirumābhivaṁdyavaṁdyātivaṁdya bhava viśvajanīnamūrte etattataṁ suvitataṁ praṇatapraṇīta sarvātharsārthaparamārtha tato natosmi

इस प्रकार, हे भव! उमा द्वारा भी वंदित, अति वंद्य मूर्ते, विश्वजनीन रूप! यह विस्तृत स्तुति नमितजनों को परम अर्थ प्रदान करने वाली है -- इसलिए मैं आपको नमन करता हूँ।

श्लोक 110 (skanda.4.16.110)

अष्टमूर्त्यष्टकेनेष्टं परिष्टूयेति भार्गवः। भर्गभूमिमिलन्मौलिः प्रणनाम पुनःपुनः

aṣṭamūrtyaṣṭakeneṣṭaṁ pariṣṭūyeti bhārgavaḥ bhargabhūmimilanmauliḥ praṇanāma punaḥpunaḥ

इस प्रकार अष्टमूर्ति के आठ स्तोत्रों से इष्टदेव की स्तुति कर, भर्ग की भूमि में मस्तक टिकाकर भार्गव ने बार-बार प्रणाम किया।

श्लोक 111 (skanda.4.16.111)

इति स्तुतो महादेवो भार्गवेणातितेजसा। उत्थाप्य भूमेर्बाहुभ्यां धृत्वा तं प्रणतं द्विजम्

iti stuto mahādevo bhārgaveṇātitejasā utthāpya bhūmerbāhubhyāṁ dhṛtvā taṁ praṇataṁ dvijam

अत्यंत तेजस्वी भार्गव द्वारा इस प्रकार स्तुत होकर, महादेव ने अपनी दोनों भुजाओं से उस प्रणत द्विज को भूमि से उठाकर, धारण करते हुए...

श्लोक 112 (skanda.4.16.112)

उवाच दशनज्योत्स्ना प्रद्योतित दिगंतरः। अनेनात्युग्रतपसा ह्यनन्याचरितेन च

uvāca daśanajyotsnā pradyotita digaṁtaraḥ anenātyugratapasā hyananyācaritena ca

...दिशाओं के अंतर को अपनी दंत-ज्योत्स्ना से प्रकाशित करते हुए कहा -- 'इस अत्यंत उग्र, अनन्य आचरित तप से...'

श्लोक 113 (skanda.4.16.113)

लिंगस्थापनपुण्येन लिंगस्याराधनेन च। चित्तरत्नोपहारेण शुचिना निश्चलेन च

liṁgasthāpanapuṇyena liṁgasyārādhanena ca cittaratnopahāreṇa śucinā niścalena ca

'...लिंग-स्थापन के पुण्य से, लिंग की आराधना से, शुचि और अचल चित्त-रत्न के उपहार से...'

श्लोक 114 (skanda.4.16.114)

अविमुक्त महाक्षेत्रे पवित्राचरणेन च। त्वां सुताभ्यां प्रपश्यामि तवादेयं न किंचन

avimukta mahākṣetre pavitrācaraṇena ca tvāṁ sutābhyāṁ prapaśyāmi tavādeyaṁ na kiṁcana

'...और अविमुक्त महाक्षेत्र में पवित्र आचरण से, मैं तुम्हें अपने पुत्र के समान देखता हूँ; तुम्हें कुछ भी न देने योग्य नहीं है।'

श्लोक 115 (skanda.4.16.115)

अनेनैव शरीरेण ममोदरदरीं गतः। मद्वरेंद्रियमार्गेण पुत्र जन्मत्वमेष्यसि

anenaiva śarīreṇa mamodaradarīṁ gataḥ madvareṁdriyamārgeṇa putra janmatvameṣyasi

'इसी शरीर से मेरे उदर की गुहा में जाकर, मेरे ही श्रेष्ठ इंद्रिय-मार्ग से तुम पुत्र-जन्म को प्राप्त होगे।'

श्लोक 116 (skanda.4.16.116)

अन्यं वरं प्रयच्छामि दुष्प्रापं पार्षदैरपि। हरौ हिरण्यगर्भेपि प्रायशोऽहं जुगोपयाम्

anyaṁ varaṁ prayacchāmi duṣprāpaṁ pārṣadairapi harau hiraṇyagarbhepi prāyaśo'haṁ jugopayām

'मैं तुम्हें एक और वर देता हूँ, जो मेरे पार्षदों को भी दुष्प्राप्य है; जिसे मैंने प्रायः हरि और हिरण्यगर्भ से भी छिपाकर रखा है।'

श्लोक 117 (skanda.4.16.117)

मृतसंजीवनी नाम विद्या या मम निर्मला। तपोबलेन महता मयैव परिनिर्मिता

mṛtasaṁjīvanī nāma vidyā yā mama nirmalā tapobalena mahatā mayaiva parinirmitā

'मृतसंजीवनी नामक जो निर्मल विद्या, महान तपोबल से मैंने स्वयं रची है...'

श्लोक 118 (skanda.4.16.118)

त्वां तां तु प्रापयाम्यद्य मंत्ररूपां महाशुचे। योग्यता तेऽस्ति विद्यायास्तस्याः शुचितपोनिधे

tvāṁ tāṁ tu prāpayāmyadya maṁtrarūpāṁ mahāśuce yogyatā te'sti vidyāyāstasyāḥ śucitaponidhe

'...वही विद्या, मंत्र-रूप में, आज तुम्हें प्रदान करता हूँ, हे महाशुचे! उस विद्या की योग्यता तुम्हारे पास है, हे शुचि तपोनिधे!'

श्लोक 119 (skanda.4.16.119)

यंयमुद्दिश्यनियतमेतामावर्तयिष्यसि। विद्यां विद्येश्वरश्रेष्ठ स स प्राणिष्यति धुवम्

yaṁyamuddiśyaniyatametāmāvartayiṣyasi vidyāṁ vidyeśvaraśreṣṭha sa sa prāṇiṣyati dhuvam

'हे विद्येश्वरश्रेष्ठ! जिस-जिस को उद्दिष्ट कर तुम नियमपूर्वक इस विद्या का जाप करोगे, वह-वह निश्चय ही जीवित हो जाएगा।'

श्लोक 120 (skanda.4.16.120)

अत्यर्कमत्यग्निं च ते तेजो व्योम्न्यतितारकम्। देदीप्यमानं भविता ग्रहाणां प्रवरो भव

atyarkamatyagniṁ ca te tejo vyomnyatitārakam dedīpyamānaṁ bhavitā grahāṇāṁ pravaro bhava

'सूर्य से भी अधिक, अग्नि से भी अधिक, आकाश में तारों से भी अधिक तुम्हारा तेज देदीप्यमान होगा; ग्रहों में श्रेष्ठ बनो।'

श्लोक 121 (skanda.4.16.121)

अभि त्वां ये करिष्यंति यात्रां नार्यो नरोपि वा। तेषां त्वदृष्टिपातेन सर्वं कार्यं प्रणंक्ष्यति

abhi tvāṁ ye kariṣyaṁti yātrāṁ nāryo naropi vā teṣāṁ tvadṛṣṭipātena sarvaṁ kāryaṁ praṇaṁkṣyati

'जो स्त्री या पुरुष तुम्हारे प्रति यात्रा करेंगे, उनका सारा कार्य तुम्हारी दृष्टि पड़ने मात्र से सिद्ध हो जाएगा।'

श्लोक 122 (skanda.4.16.122)

तवोदये भविष्यंति विवाहादीनि सुव्रत। सर्वाणि धर्मकार्याणि फलवंति नृणामिह

tavodaye bhaviṣyaṁti vivāhādīni suvrata sarvāṇi dharmakāryāṇi phalavaṁti nṛṇāmiha

'हे सुव्रत! तुम्हारे उदय पर मनुष्यों के विवाह आदि सभी धर्म-कार्य यहाँ फलवान होंगे।'

श्लोक 123 (skanda.4.16.123)

सर्वाश्च तिथयो मंदास्तव संयोगतः शुभाः। तव भक्ता भविष्यंति बहुशुक्रा बहुप्रजाः

sarvāśca tithayo maṁdāstava saṁyogataḥ śubhāḥ tava bhaktā bhaviṣyaṁti bahuśukrā bahuprajāḥ

'तुम्हारे संयोग से सभी अशुभ तिथियाँ शुभ हो जाएँगी; तुम्हारे भक्त बहुशुक्र (बहुवीर्य) और बहुसंतान वाले होंगे।'

श्लोक 124 (skanda.4.16.124)

त्वयेदं स्थापितं लिंगं शुक्रेशमिति संज्ञितम्। येऽर्चयिष्यंति मनुजास्तेषां सिद्धिर्भविष्यति

tvayedaṁ sthāpitaṁ liṁgaṁ śukreśamiti saṁjñitam ye'rcayiṣyaṁti manujāsteṣāṁ siddhirbhaviṣyati

'तुम्हारे द्वारा स्थापित यह लिंग शुक्रेश नाम से जाना जाएगा; जो मनुष्य इसकी पूजा करेंगे, उन्हें सिद्धि प्राप्त होगी।'

श्लोक 125 (skanda.4.16.125)

आवर्षं प्रतिशुक्रं ये नक्तव्रतपरा नराः। त्वद्दिने शुक्रकूपे ये कृतसर्वोदकक्रियाः

āvarṣaṁ pratiśukraṁ ye naktavrataparā narāḥ tvaddine śukrakūpe ye kṛtasarvodakakriyāḥ

'जो मनुष्य प्रतिवर्ष प्रत्येक शुक्रवार को नक्त-व्रत करके, तुम्हारे दिन शुक्र-कुएँ में समस्त जल-क्रियाएँ संपन्न कर...'

श्लोक 126 (skanda.4.16.126)

शुक्रेशमर्चयिष्यंति शृणु तेषां तु यत्फलम्। अवंध्यशुक्रास्ते मर्त्याः पुत्रवंतोऽतिरेतसः

śukreśamarcayiṣyaṁti śṛṇu teṣāṁ tu yatphalam avaṁdhyaśukrāste martyāḥ putravaṁto'tiretasaḥ

'...शुक्रेश की पूजा करेंगे, उनका फल सुनो: वे मर्त्य कभी वीर्यहीन नहीं होंगे, पुत्रवान और अत्यंत सामर्थ्यवान होंगे।'

श्लोक 127 (skanda.4.16.127)

पुंस्त्वसौभाग्यसंपन्ना भविष्यंति न संशयः। व्यपेतविघ्नास्ते सर्वे जनाः स्युः सुखवासिनः। इति दत्त्वा वरान्देवस्तत्र लिंगे लयं ययौ

puṁstvasaubhāgyasaṁpannā bhaviṣyaṁti na saṁśayaḥ vyapetavighnāste sarve janāḥ syuḥ sukhavāsinaḥ iti dattvā varāndevastatra liṁge layaṁ yayau

'वे निश्चय ही पुंस्त्व और सौभाग्य से संपन्न होंगे। वे सब लोग विघ्नरहित होकर सुखपूर्वक निवास करेंगे।' यह वर देकर देव उस लिंग में लीन हो गए।

श्लोक 128 (skanda.4.16.128)

गणावूचतुः। शुक्रेश्वरस्य ये भक्ताः शुक्रलोके वसंति ते। विश्वेश्वराद्दक्षिणतः शुक्रेशोस्ति परंतप

gaṇāvūcatuḥ śukreśvarasya ye bhaktāḥ śukraloke vasaṁti te viśveśvarāddakṣiṇataḥ śukreśosti paraṁtapa

गणद्वय ने कहा -- शुक्रेश्वर के जो भक्त हैं, वे शुक्रलोक में निवास करते हैं। विश्वेश्वर के दक्षिण में शुक्रेश स्थित है, हे परंतप!

श्लोक 129 (skanda.4.16.129)

तस्य दर्शनमात्रेण शुक्रलोके महीयते। इत्येषा शुक्रलोकस्य स्थितिरुक्ता महामते

tasya darśanamātreṇa śukraloke mahīyate ityeṣā śukralokasya sthitiruktā mahāmate

उसके दर्शनमात्र से मनुष्य शुक्रलोक में महिमामंडित होता है। इस प्रकार यह शुक्रलोक की स्थिति कही गई, हे महामते!

श्लोक 130 (skanda.4.16.130)

अगस्त्य उवाच। इत्थं सधर्मिणि कथां शुक्रलोकस्य सुव्रते। शृण्वन्नांगारकं लोकमालुलोकेऽथ स द्विजः

agastya uvāca itthaṁ sadharmiṇi kathāṁ śukralokasya suvrate śṛṇvannāṁgārakaṁ lokamāluloke'tha sa dvijaḥ

अगस्त्य ने कहा -- हे सधर्मिणि, सुव्रते! इस प्रकार शुक्रलोक की कथा सुनते हुए वह द्विज तब अंगारक (मंगल) लोक को देखने लगा।