सप्तर्षिलोक वर्णन

श्लोक 1 (skanda.4.18.1)

अगस्तिरुवाच। इति शृण्वन्कथां रम्यां शिवशर्माऽथ माथुरः। मुक्तिपुर्यां सुसंस्नातो मायापुर्यां गतासुकः

agastiruvāca iti śṛṇvankathāṁ ramyāṁ śivaśarmā'tha māthuraḥ muktipuryāṁ susaṁsnāto māyāpuryāṁ gatāsukaḥ

अगस्ति ने कहा -- इस प्रकार रम्य कथा सुनते हुए, माथुर शिवशर्मा, मुक्तिपुरी मायापुरी (काशी) में सम्यक् स्नान कर, अपने प्राण उसे अर्पित करके...

श्लोक 2 (skanda.4.18.2)

नेत्रयोः प्राघुणी चक्रे ततः सप्तर्षिमंडलम्। व्रजन्स वैष्णवं लोकमंते विष्णुपुरीक्षणात्

netrayoḥ prāghuṇī cakre tataḥ saptarṣimaṁḍalam vrajansa vaiṣṇavaṁ lokamaṁte viṣṇupurīkṣaṇāt

...तब उसके नेत्रों को सप्तर्षिमंडल अतिथि रूप में प्राप्त हुआ, जब वह अंत में विष्णुपुरी के दर्शन से वैष्णवलोक की ओर जा रहा था।

श्लोक 3 (skanda.4.18.3)

उवाच च प्रसन्नात्मा स्तुतश्चारणमागधैः। प्रार्थितो देवकन्याभिस्तिष्ठ तिष्ठेति चक्षणम्

uvāca ca prasannātmā stutaścāraṇamāgadhaiḥ prārthito devakanyābhistiṣṭha tiṣṭheti cakṣaṇam

चारणों और मागधों द्वारा स्तुत, प्रसन्नचित्त वह, देवकन्याओं द्वारा 'क्षणभर ठहरो, ठहरो' कहकर प्रार्थित हुआ।

श्लोक 4 (skanda.4.18.4)

स्थिता सुतासु निःश्वसस्य मंदभाग्या वयं त्विति। गतः पुण्यतमाँल्लोकानसौ यत्पुण्यवत्तमः

sthitā sutāsu niḥśvasasya maṁdabhāgyā vayaṁ tviti gataḥ puṇyatamā~llokānasau yatpuṇyavattamaḥ

[उन कन्याओं ने कहा] 'हम अभागी यहीं ठहरी हुई सिसकती हैं, जबकि यह परम पुण्यवान पुण्यतम लोकों को चला गया।'

श्लोक 5 (skanda.4.18.5)

इति शृणवन्मुखात्तासां वचनानि विमानगः। देवौ कस्यायमतुलो लोकस्तेजोमयः शुभः

iti śṛṇavanmukhāttāsāṁ vacanāni vimānagaḥ devau kasyāyamatulo lokastejomayaḥ śubhaḥ

उनके मुख से यह वचन सुनते हुए, विमान में जाता हुआ वह [बोला] -- 'हे दोनों देवो! यह अतुलनीय, तेजोमय, शुभ लोक किसका है?'

श्लोक 6 (skanda.4.18.6)

इति द्विजवचः श्रुत्वा प्रोचतुर्गणसत्तमौ। शिवशर्मञ्छिवमते सदा सप्तर्षयोमलाः

iti dvijavacaḥ śrutvā procaturgaṇasattamau śivaśarmañchivamate sadā saptarṣayomalāḥ

द्विज के यह वचन सुनकर, श्रेष्ठ गणद्वय ने कहा -- 'हे शिवशर्मन्, शिव में सदा लीन मति वाले! ये सप्त निर्मल ऋषि...'

श्लोक 7 (skanda.4.18.7)

वसंतीह प्रजाः स्रष्टुं विनियुक्ताः प्रजासृजा। मरीचिरत्रिः पुलहः पुलस्त्यः क्रतुरङ्गिराः

vasaṁtīha prajāḥ sraṣṭuṁ viniyuktāḥ prajāsṛjā marīciratriḥ pulahaḥ pulastyaḥ kraturaṅgirāḥ

'...प्रजा उत्पन्न करने के लिए प्रजापति द्वारा नियुक्त होकर यहाँ निवास करते हैं: मरीचि, अत्रि, पुलह, पुलस्त्य, क्रतु, अंगिरा...'

श्लोक 8 (skanda.4.18.8)

वसिष्ठश्च महाभागो ब्रह्मणो मानसाः सुताः। सप्त ब्रह्माण इत्येते पुराणे निश्चयं गताः

vasiṣṭhaśca mahābhāgo brahmaṇo mānasāḥ sutāḥ sapta brahmāṇa ityete purāṇe niścayaṁ gatāḥ

'...और महाभाग वसिष्ठ -- ये ब्रह्मा के मानस पुत्र हैं; पुराणों में ये सात ब्रह्मा नाम से निश्चित हैं।'

श्लोक 9 (skanda.4.18.9)

संभूतिरनसूया च क्षमा प्रीतिश्च सन्नतिः। स्मृतिरूर्जा क्रमादेषां पत्न्यो लोकस्य मातरः

saṁbhūtiranasūyā ca kṣamā prītiśca sannatiḥ smṛtirūrjā kramādeṣāṁ patnyo lokasya mātaraḥ

'संभूति, अनसूया, क्षमा, प्रीति, सन्नति, स्मृति और ऊर्जा क्रमशः इनकी पत्नियाँ हैं, जो लोक की माताएँ हैं।'

श्लोक 10 (skanda.4.18.10)

एतेषां तपसा चैतद्धार्यते भुवनत्रयम्। उत्पाद्य ब्रह्मणा पूर्वमेते प्रोक्ता महर्षयः

eteṣāṁ tapasā caitaddhāryate bhuvanatrayam utpādya brahmaṇā pūrvamete proktā maharṣayaḥ

'इनके ही तप से यह त्रिभुवन धारण किया जाता है। इन्हें उत्पन्न कर, पूर्वकाल में ब्रह्मा ने इन महर्षियों से कहा --'

श्लोक 11 (skanda.4.18.11)

प्रजाः सृजत रे पुत्रा नानारूपाः प्रयत्नतः। ततः प्रणम्य ब्रह्माणं तपसे कृतनिश्चयाः

prajāḥ sṛjata re putrā nānārūpāḥ prayatnataḥ tataḥ praṇamya brahmāṇaṁ tapase kṛtaniścayāḥ

'"हे पुत्रो! नाना रूपों वाली प्रजा उत्पन्न करो, प्रयत्नपूर्वक।" तब ब्रह्मा को प्रणाम कर, तप के लिए निश्चय कर...'

श्लोक 12 (skanda.4.18.12)

अविमुक्तं समासाद्य क्षेत्रंक्षेत्रज्ञधिष्ठितम्। मुक्तये सर्वजंतूनामविमुक्तं शिवेन यत्

avimuktaṁ samāsādya kṣetraṁkṣetrajñadhiṣṭhitam muktaye sarvajaṁtūnāmavimuktaṁ śivena yat

'...वे अविमुक्त क्षेत्र को गए, जो क्षेत्रज्ञ (शिव) द्वारा अधिष्ठित है, और जिसे शिव समस्त प्राणियों की मुक्ति के लिए कभी नहीं त्यागते।'

श्लोक 13 (skanda.4.18.13)

प्रतिष्ठाप्य च लिंगानि ते स्वनाम्नांकितानि च। शिवेति परया भक्त्या तेपुरुग्रं तपो भृशम

pratiṣṭhāpya ca liṁgāni te svanāmnāṁkitāni ca śiveti parayā bhaktyā tepurugraṁ tapo bhṛśama

'अपने-अपने नाम से अंकित लिंगों की स्थापना कर, वे परम भक्ति से "शिव-शिव" कहते हुए अत्यंत उग्र तप करने लगे।'

श्लोक 14 (skanda.4.18.14)

तुष्टस्तत्तपसा शंभुः प्राजापत्यपदं ददौ। लिंगान्यत्रीश्वरादीनि दृष्ट्वा काश्यां प्रयत्नतः

tuṣṭastattapasā śaṁbhuḥ prājāpatyapadaṁ dadau liṁgānyatrīśvarādīni dṛṣṭvā kāśyāṁ prayatnataḥ

'उस तप से प्रसन्न शंभु ने उन्हें प्राजापत्य पद प्रदान किया। काशी में अत्रीश्वर आदि इन लिंगों का प्रयत्नपूर्वक दर्शन कर...'

श्लोक 15 (skanda.4.18.15)

प्राजापत्येऽत्र ते लोके वसंत्युज्ज्वलतेजसः। गोकर्णेशस्य सरसः प्रत्यक्तीरे प्रतिष्ठितम्

prājāpatye'tra te loke vasaṁtyujjvalatejasaḥ gokarṇeśasya sarasaḥ pratyaktīre pratiṣṭhitam

'...वे उज्ज्वल तेजस्वी होकर इस प्राजापत्य लोक में निवास करते हैं। यह गोकर्णेश के सरोवर के पश्चिम तट पर स्थापित है।'

श्लोक 16 (skanda.4.18.16)

लिंगमत्रीश्वरं दृष्ट्वा ब्रह्मतेजोभिवर्धते। कर्कोट वाप्या ईशाने मरीचेः कुंडमुत्तमम्

liṁgamatrīśvaraṁ dṛṣṭvā brahmatejobhivardhate karkoṭa vāpyā īśāne marīceḥ kuṁḍamuttamam

'अत्रीश्वर लिंग का दर्शन कर ब्रह्मतेज बढ़ता है। कर्कोट वापी के ईशान कोण में मरीचि का उत्तम कुंड है।'

श्लोक 17 (skanda.4.18.17)

तत्र स्नात्वा नरो भक्त्त्या भ्राजते भास्करो यथा। मरीचीश्वर संज्ञं तु तत्र लिंगं प्रतिष्ठितम्

tatra snātvā naro bhakttyā bhrājate bhāskaro yathā marīcīśvara saṁjñaṁ tu tatra liṁgaṁ pratiṣṭhitam

'वहाँ भक्तिपूर्वक स्नान कर मनुष्य सूर्य के समान चमकता है। वहाँ मरीचीश्वर नामक लिंग स्थापित है।'

श्लोक 18 (skanda.4.18.18)

तल्लिंगदर्शनाद्विप्र मारीचं लोकमाप्नुयात्। कांत्या मरीचिमालीव शोभते पुरुषर्षभः

talliṁgadarśanādvipra mārīcaṁ lokamāpnuyāt kāṁtyā marīcimālīva śobhate puruṣarṣabhaḥ

'उस लिंग के दर्शन से, हे विप्र, मनुष्य मारीच लोक को प्राप्त करता है; वह पुरुषश्रेष्ठ सूर्य के समान कांति से सुशोभित होता है।'

श्लोक 19 (skanda.4.18.19)

पुलहेश पुलस्त्येशौ स्वर्गद्वारस्य पश्चिमे। तौ दृष्ट्वा मनुजो लोके प्राजापत्ये महीयते

pulaheśa pulastyeśau svargadvārasya paścime tau dṛṣṭvā manujo loke prājāpatye mahīyate

'पुलहेश और पुलस्त्येश स्वर्गद्वार के पश्चिम में हैं; इन दोनों के दर्शन से मनुष्य प्राजापत्य लोक में महिमामंडित होता है।'

श्लोक 20 (skanda.4.18.20)

हरिकेशवने रम्ये दृष्ट्वैवांगिरसेश्वरम्। इह लोके वसेद्विप्र तेजसापरिबृंहितः

harikeśavane ramye dṛṣṭvaivāṁgiraseśvaram iha loke vasedvipra tejasāparibṛṁhitaḥ

'रम्य हरिकेशवन में अंगिरसेश्वर का दर्शन कर मनुष्य, हे विप्र, तेज से समृद्ध होकर इस लोक में निवास करता है।'

श्लोक 21 (skanda.4.18.21)

वरणायास्तटे रम्ये दृष्ट्वा वासिष्ठमीश्वम्। क्रत्वीश्वरं च तत्रैव लभते वसतिं त्विह

varaṇāyāstaṭe ramye dṛṣṭvā vāsiṣṭhamīśvam kratvīśvaraṁ ca tatraiva labhate vasatiṁ tviha

'वरणा के रम्य तट पर वासिष्ठेश्वर का, और वहीं क्रत्वीश्वर का दर्शन कर, मनुष्य यहाँ निवास प्राप्त करता है।'

श्लोक 22 (skanda.4.18.22)

काश्यामेतानि लिंगानि सेवितानि शुभैषिभिः। मनोभिवांछितं दद्युरिह लोके परत्र च

kāśyāmetāni liṁgāni sevitāni śubhaiṣibhiḥ manobhivāṁchitaṁ dadyuriha loke paratra ca

'काशी में शुभेच्छुओं द्वारा सेवित ये लिंग यहाँ और परलोक में मनोवांछित फल देते हैं।'

श्लोक 23 (skanda.4.18.23)

गणावूचतुः। शिवशर्मन्महाभाग तिष्ठते सात्र सुंदरी। अरुंधती महापुण्या पतिव्रतपरायणा

gaṇāvūcatuḥ śivaśarmanmahābhāga tiṣṭhate sātra suṁdarī aruṁdhatī mahāpuṇyā pativrataparāyaṇā

गणद्वय ने कहा -- हे शिवशर्मन् महाभाग! यहाँ भी वह सुंदरी, महापुण्या, पतिव्रत-परायणा अरुंधती निवास करती है।

श्लोक 24 (skanda.4.18.24)

यस्याः स्मरणमात्रेण गंगास्नान फलं लभेत्। अंतःपुरचरैर्द्वित्रैः पवित्रैः सहितो विभुः

yasyāḥ smaraṇamātreṇa gaṁgāsnāna phalaṁ labhet aṁtaḥpuracarairdvitraiḥ pavitraiḥ sahito vibhuḥ

जिसके स्मरणमात्र से गंगा-स्नान का फल प्राप्त होता है। स्वयं विभु (विष्णु), दो-तीन पवित्र अंतःपुरचरों सहित...

श्लोक 25 (skanda.4.18.25)

सदा नारायणो देवो यस्याश्चक्रे कथां मुदा। कमलायाः पुरोभागे पातिव्रत्य सुतोषितः

sadā nārāyaṇo devo yasyāścakre kathāṁ mudā kamalāyāḥ purobhāge pātivratya sutoṣitaḥ

...सदा नारायण देव उसकी कथा कमला (लक्ष्मी) के समक्ष हर्षपूर्वक कहते हैं, उसके पातिव्रत्य से अत्यंत संतुष्ट होकर।

श्लोक 26 (skanda.4.18.26)

पतिव्रतास्वरुंधत्याः कमले विमलाशयः। यथास्ति न तथाऽन्यस्याः कस्याश्चित्कापि भामिनि

pativratāsvaruṁdhatyāḥ kamale vimalāśayaḥ yathāsti na tathā'nyasyāḥ kasyāścitkāpi bhāmini

'हे विमलाशया कमले! पतिव्रताओं में अरुंधती में जो है, वैसा अन्य किसी भी स्त्री में नहीं है, हे भामिनि!'

श्लोक 27 (skanda.4.18.27)

न तद्रूपं न तच्छीलं न तत्कौलीन्यमेव च। न तत्कलासुकौशल्यं पत्युः शुश्रूषणं न तत्

na tadrūpaṁ na tacchīlaṁ na tatkaulīnyameva ca na tatkalāsukauśalyaṁ patyuḥ śuśrūṣaṇaṁ na tat

'न वह रूप, न वह शील, न वह कुलीनता ही, न वह कलाओं में कुशलता, न वह पति की सेवा...'

श्लोक 28 (skanda.4.18.28)

न माधुर्यं न गांभीर्यं न चार्यपरितोषणम्। अरुंधत्या यथा देवि तथाऽन्यासां क्वचित्प्रिये

na mādhuryaṁ na gāṁbhīryaṁ na cāryaparitoṣaṇam aruṁdhatyā yathā devi tathā'nyāsāṁ kvacitpriye

'...न वह माधुर्य, न वह गांभीर्य, न वह गुरुजनों को संतुष्ट करना -- जैसा अरुंधती में है, हे देवि, वैसा अन्य किसी में कहीं नहीं, हे प्रिये!'

श्लोक 29 (skanda.4.18.29)

धन्यास्ता योषितो लोके सभाग्याः शुद्धबुद्धयः। अरुंधत्याः प्रसंगे या नामापि परिगृह्णते

dhanyāstā yoṣito loke sabhāgyāḥ śuddhabuddhayaḥ aruṁdhatyāḥ prasaṁge yā nāmāpi parigṛhṇate

'धन्य हैं वे स्त्रियाँ इस लोक में, सौभाग्यशाली, शुद्धबुद्धि, जो अरुंधती के प्रसंग में उसका नाम भी लेती हैं।'

श्लोक 30 (skanda.4.18.30)

यदा पतिव्रतानां तु कथास्मद्भवने भवेत्। तदा प्राथमिकीं रेखामेषाऽलंकुरुते सती

yadā pativratānāṁ tu kathāsmadbhavane bhavet tadā prāthamikīṁ rekhāmeṣā'laṁkurute satī

'जब हमारे भवन में पतिव्रताओं की कथा होती है, तब यह सती सबसे पहली पंक्ति को सुशोभित करती है।'

श्लोक 31 (skanda.4.18.31)

ब्रुवतोरिति संकथां तथा गणयोर्वैष्णवयोर्मुदावहाम्। ध्रुवलोकउपागतस्ततो नयनातिथ्यमतथ्यवर्जितः

bruvatoriti saṁkathāṁ tathā gaṇayorvaiṣṇavayormudāvahām dhruvalokaupāgatastato nayanātithyamatathyavarjitaḥ

इस प्रकार वैष्णव गणद्वय द्वारा यह आनंददायी कथा कही जाते हुए, ध्रुवलोक तब सत्य और मिथ्यारहित रूप से उनके नेत्रों का अतिथि बना।