ध्रुवोपदेशः

श्लोक 1 (skanda.4.19.1)

शिवशर्मोवाच । तिष्ठन्नेकेन पादेन कोयं भ्रमति सत्तमौ । अनेकरशनाव्यग्र हस्ताग्रो व्यग्रलोचनः

śivaśarmovāca tiṣṭhannekena pādena koyaṁ bhramati sattamau anekaraśanāvyagra hastāgro vyagralocanaḥ

शिवशर्मा ने कहा -- हे श्रेष्ठ सखाओ! यह कौन है जो एक पैर पर खड़ा होकर भी घूमता रहता है, जिसके हाथों के अग्रभाग अनेक रस्सियों के बीच व्यग्र हैं और जिसकी आँखें चंचल हैं?

श्लोक 2 (skanda.4.19.2)

त्रिलोकीमंडपस्तंभ सन्निभोभाभिरावृतः । अतुलं ज्योतिषां राशिं तुलया तुलयन्निव

trilokīmaṁḍapastaṁbha sannibhobhābhirāvṛtaḥ atulaṁ jyotiṣāṁ rāśiṁ tulayā tulayanniva

यह त्रिलोकरूपी मंडप के स्तम्भ के समान अपनी ही आभा से आवृत है, मानो तुला में तौलकर ज्योतिष्पिण्डों की अतुलनीय राशि को तौल रहा हो।

श्लोक 3 (skanda.4.19.3)

सूत्रधार इव व्योम व्यायामपरिमापकः । त्रैविक्रमोंघ्रिदंडो वा प्रोद्दंडो गगनांगणे

sūtradhāra iva vyoma vyāyāmaparimāpakaḥ traivikramoṁghridaṁḍo vā proddaṁḍo gaganāṁgaṇe

यह मानो कोई सूत्रधार आकाश के विस्तार को माप रहा हो, अथवा त्रिविक्रम (वामनरूप विष्णु) के चरण का ऊँचा दण्ड हो, जो आकाश के आँगन में सीधा खड़ा है।

श्लोक 4 (skanda.4.19.4)

अथवांबरकासारसारयूपस्वरूपधृक् । कोयं कथय तं देवौ कृपया परया मम

athavāṁbarakāsārasārayūpasvarūpadhṛk koyaṁ kathaya taṁ devau kṛpayā parayā mama

अथवा यह आकाश-सरोवर के मध्य के यज्ञस्तम्भ का ही रूप धारण किए हुए है। यह कौन है? हे देवद्वय! अत्यन्त कृपापूर्वक मुझे बताइये।

श्लोक 5 (skanda.4.19.5)

निशम्येति वचस्तस्य वयस्यस्य विमानगौ। प्रणयादाहतुस्तस्मै ध्रुवां ध्रुवकथां गणौ

niśamyeti vacastasya vayasyasya vimānagau praṇayādāhatustasmai dhruvāṁ dhruvakathāṁ gaṇau

अपने सखा के इन वचनों को सुनकर विमान में बैठे वे दोनों गण प्रेमपूर्वक उसे ध्रुव की निश्चित कथा सुनाने लगे।

श्लोक 6 (skanda.4.19.6)

गणावूचतुः । मनोः स्वायंभुवस्यासीदुत्तानचरणः सुतः । तस्य क्षितिपतेर्विप्र द्वौ सुतौ संबभूवतुः

gaṇāvūcatuḥ manoḥ svāyaṁbhuvasyāsīduttānacaraṇaḥ sutaḥ tasya kṣitipatervipra dvau sutau saṁbabhūvatuḥ

दोनों गणों ने कहा -- स्वायम्भुव मनु के उत्तानपाद नामक पुत्र थे। हे विप्र! उस राजा के दो पुत्र हुए।

श्लोक 7 (skanda.4.19.7)

सुरुच्यामुत्तमो ज्येष्ठः सुनीत्यां तु ध्रुवो परः । मध्ये सभं नरपतेरुपविष्टस्य चैकदा

surucyāmuttamo jyeṣṭhaḥ sunītyāṁ tu dhruvo paraḥ madhye sabhaṁ narapaterupaviṣṭasya caikadā

सुरुचि से बड़ा पुत्र उत्तम हुआ और सुनीति से दूसरा पुत्र ध्रुव। एक दिन जब राजा सभा के मध्य बैठे थे...

श्लोक 8 (skanda.4.19.8)

सुनीत्या राजसेवायै नियुक्तोऽलंकृतोर्भकः । ध्रुवो धात्रेयिकापुत्रैः समं विनयतत्परः

sunītyā rājasevāyai niyukto'laṁkṛtorbhakaḥ dhruvo dhātreyikāputraiḥ samaṁ vinayatatparaḥ

...सुनीति द्वारा राजसेवा हेतु भेजा गया, आभूषणों से सुसज्जित और सदा विनयशील ध्रुव, धायों के पुत्रों के साथ वहाँ पहुँचा।

श्लोक 9 (skanda.4.19.9)

स गत्वोत्तानचरणं क्षोणीशं प्रणनाम ह । दृष्ट्वोत्तमं तदुत्संगे निविष्टं जनकस्य वै

sa gatvottānacaraṇaṁ kṣoṇīśaṁ praṇanāma ha dṛṣṭvottamaṁ tadutsaṁge niviṣṭaṁ janakasya vai

वह उत्तानपाद राजा के पास जाकर उन्हें प्रणाम करता है, और वहाँ उसने उत्तम को अपने पिता की गोद में बैठा हुआ देखा।

श्लोक 10 (skanda.4.19.10)

प्रोच्चसिंहासनस्थस्य नृपतेर्बाल्यचापलात् । आरोढुकामस्त्वभवत्सौनीतेयस्तदा ध्रुवः

proccasiṁhāsanasthasya nṛpaterbālyacāpalāt āroḍhukāmastvabhavatsaunīteyastadā dhruvaḥ

तब बालसुलभ चपलता के कारण सुनीति-पुत्र ध्रुव भी ऊँचे सिंहासन पर बैठे राजा की गोद में चढ़ने की इच्छा करने लगा।

श्लोक 11 (skanda.4.19.11)

आरुरुक्षुमवेक्ष्यामुं सुरुचिर्धुवमब्रवीत् । दौर्भगेय किमारोढुमिच्छेरंकं महीपतेः

ārurukṣumavekṣyāmuṁ surucirdhuvamabravīt daurbhageya kimāroḍhumiccheraṁkaṁ mahīpateḥ

उसे चढ़ने की इच्छा करते देख सुरुचि ने ध्रुव से कहा -- "हे अभागिनी के पुत्र! तू राजा की गोद में क्यों चढ़ना चाहता है?"

श्लोक 12 (skanda.4.19.12)

बालबालिशबुद्धित्वादभाग्या जठरोद्भव । अस्मिन्सिंहासने स्थातुं न त्वया सुकृतं कृतम्

bālabāliśabuddhitvādabhāgyā jaṭharodbhava asminsiṁhāsane sthātuṁ na tvayā sukṛtaṁ kṛtam

"हे अभागिन के गर्भ से उत्पन्न! तू बालक की मूढ़ बुद्धि के कारण ऐसा सोचता है। इस सिंहासन पर बैठने योग्य पुण्य तूने अर्जित नहीं किया है।"

श्लोक 13 (skanda.4.19.13)

यदि स्यात्सुकृतं तत्किं दुर्भगोदरगोऽभवः । अनेनैवानुमानेन बुध्यस्व स्वाल्पपुण्यताम्

yadi syātsukṛtaṁ tatkiṁ durbhagodarago'bhavaḥ anenaivānumānena budhyasva svālpapuṇyatām

"यदि तेरे पुण्य होते तो तू अभागिन के गर्भ में क्यों उत्पन्न होता? इसी अनुमान से अपने अल्प पुण्य को समझ ले।"

श्लोक 14 (skanda.4.19.14)

भूत्वा राजकुमारोपि नालंकुर्या ममोदरम् । सुकुक्षिजममुं पश्य त्वमुत्तममनुत्तमम्

bhūtvā rājakumāropi nālaṁkuryā mamodaram sukukṣijamamuṁ paśya tvamuttamamanuttamam

"राजकुमार होते हुए भी तू मेरे उदर को सुशोभित नहीं कर सका। देख, इस उत्तम को, जो सुन्दर कोख से उत्पन्न है और सबमें श्रेष्ठ है।"

श्लोक 15 (skanda.4.19.15)

अधिजानुधराजानेर्मानेन परिबृंहितम् । प्रांशोः सिंहासनस्यास्य रुचिश्चेदधिरोहणे

adhijānudharājānermānena paribṛṁhitam prāṁśoḥ siṁhāsanasyāsya ruciścedadhirohaṇe

"वही राजा की गोद में सम्मानपूर्वक बैठने का अधिकारी है। यदि तुझे इस ऊँचे सिंहासन पर चढ़ने की इच्छा ही है..."

श्लोक 16 (skanda.4.19.16)

कुक्षिं हित्वा किमवसः सुरुचेश्च सुरोचिषम् । मध्ये भूपसभं बालस्तयेति परिभर्त्सितः

kukṣiṁ hitvā kimavasaḥ suruceśca surociṣam madhye bhūpasabhaṁ bālastayeti paribhartsitaḥ

"...तो तू सुरुचि के तेजोमय गर्भ में क्यों न रहा?" इस प्रकार राजसभा के बीच उस बालक को फटकारा गया।

श्लोक 17 (skanda.4.19.17)

पतन्निपीतबाष्पांबुर्धैर्यात्किंचिन्न चोक्तवान् । उचिताऽनुचितं किंचिन्नोचिवान्सोपि पार्थिवः

patannipītabāṣpāṁburdhairyātkiṁcinna coktavān ucitā'nucitaṁ kiṁcinnocivānsopi pārthivaḥ

गिरते हुए आँसुओं को पीकर धैर्यपूर्वक उसने कुछ नहीं कहा; और राजा ने भी न उचित न अनुचित, कुछ भी नहीं कहा।

श्लोक 18 (skanda.4.19.18)

नियंत्रितो महिष्याश्च तस्याः सौभाग्यगौरवात् । विमृज्य च सभालोकं शोकं संमृज्य चेष्टितैः

niyaṁtrito mahiṣyāśca tasyāḥ saubhāgyagauravāt vimṛjya ca sabhālokaṁ śokaṁ saṁmṛjya ceṣṭitaiḥ

वह उस रानी के सौभाग्य के गौरव के कारण संयमित रहा। सभा की दृष्टि से बचते हुए और बालोचित चेष्टाओं से अपने शोक को छिपाते हुए...

श्लोक 19 (skanda.4.19.19)

शैशवैः स शिशुर्नत्वा नृपं स्वसदनं ययौ । सुनीतिर्नीतिनिलयमवलोक्याथ बालकम्

śaiśavaiḥ sa śiśurnatvā nṛpaṁ svasadanaṁ yayau sunītirnītinilayamavalokyātha bālakam

...उस बालक ने राजा को प्रणाम कर अपने निवास की ओर प्रस्थान किया। तब नीति की निधि सुनीति ने उस बालक को देखा...

श्लोक 20 (skanda.4.19.20)

सुखलक्ष्म्यैवचाज्ञासीद्ध्रुवं समवमानितम् । अभिसृत्य च तं बालं मूर्ध्न्युपाघ्राय सा सकृत्

sukhalakṣmyaivacājñāsīddhruvaṁ samavamānitam abhisṛtya ca taṁ bālaṁ mūrdhnyupāghrāya sā sakṛt

...और उसके म्लान भाव से ही समझ गयी कि ध्रुव का अपमान हुआ है। उस बालक के पास जाकर उसने स्नेहवश एक बार उसका मस्तक सूँघा...

श्लोक 21 (skanda.4.19.21)

किंचित्परिम्लानमिव ससांत्वं परिषस्वजे । अथ दृष्ट्वा सुनीतिं स रहोंतः पुरवासिनीम्

kiṁcitparimlānamiva sasāṁtvaṁ pariṣasvaje atha dṛṣṭvā sunītiṁ sa rahoṁtaḥ puravāsinīm

...और उसे कुछ मुरझाया हुआ देखकर सांत्वनापूर्वक गले लगा लिया। तब एकांत में अपनी माता सुनीति को अकेली देखकर, जो नगर में रहने वाली थी...

श्लोक 22 (skanda.4.19.22)

दीर्घं निःश्वस्य बहुशो मातुरग्रे रुरोद ह । सांत्वयित्वाश्रुनयना वदनं परिमार्ज्य च

dīrghaṁ niḥśvasya bahuśo māturagre ruroda ha sāṁtvayitvāśrunayanā vadanaṁ parimārjya ca

...वह गहरी और बार-बार साँस लेते हुए अपनी माता के सामने रो पड़ा। अश्रुपूर्ण नेत्रों वाली माता ने उसे सांत्वना देकर उसका मुख पोंछा...

श्लोक 23 (skanda.4.19.23)

दुकूलांचल संपर्कैर्मृदुलैर्मृदुपाणिना । पप्रच्छ तनयं माता वद रोदनकारणम् । विद्यमाने नरपतौ शिशो केनापमानितः

dukūlāṁcala saṁparkairmṛdulairmṛdupāṇinā papraccha tanayaṁ mātā vada rodanakāraṇam vidyamāne narapatau śiśo kenāpamānitaḥ

...अपने मुलायम रेशमी वस्त्र के आँचल और कोमल हाथ से उसे पोंछते हुए माता ने पुत्र से पूछा -- "हे शिशु! रोने का कारण बता, राजा के रहते हुए तुझे किसने अपमानित किया?"

श्लोक 24 (skanda.4.19.24)

अपोथसमुपस्पृश्य तांबूलं परिगृह्य च । मात्रा पृष्टः सोपरोधं ध्रुवस्तां पर्यभाषत

apothasamupaspṛśya tāṁbūlaṁ parigṛhya ca mātrā pṛṣṭaḥ soparodhaṁ dhruvastāṁ paryabhāṣata

जल का स्पर्श कर और ताम्बूल ग्रहण कर, माता के आग्रहपूर्वक पूछने पर ध्रुव ने उससे इस प्रकार कहा:

श्लोक 25 (skanda.4.19.25)

संपृच्छे जननि त्वाहं सम्यक्शंस ममाग्रतः । भार्यात्वेपि च सामान्ये कथं सा सुरुचिः प्रिया

saṁpṛcche janani tvāhaṁ samyakśaṁsa mamāgrataḥ bhāryātvepi ca sāmānye kathaṁ sā suruciḥ priyā

"हे माता! मैं तुमसे पूछता हूँ, मुझे सत्य-सत्य बताओ -- पत्नी होने में समान होते हुए भी सुरुचि पिता को प्रिय क्यों है?"

श्लोक 26 (skanda.4.19.26)

कथं न भवती मातः प्रिया क्षितिपतेरसि । कथमुत्तमतां प्राप्त उत्तमः सुरुचेः सुतः

kathaṁ na bhavatī mātaḥ priyā kṣitipaterasi kathamuttamatāṁ prāpta uttamaḥ suruceḥ sutaḥ

"हे माता! तुम राजा को प्रिय क्यों नहीं हो? सुरुचि का पुत्र उत्तम इतनी श्रेष्ठता को कैसे प्राप्त हुआ?"

श्लोक 27 (skanda.4.19.27)

कुमारत्वेपि सामान्ये कथं त्वहमनुत्तमः । कथं त्वं मंदभाग्यासि सुकुक्षिः सुरुचिः कथम्

kumāratvepi sāmānye kathaṁ tvahamanuttamaḥ kathaṁ tvaṁ maṁdabhāgyāsi sukukṣiḥ suruciḥ katham

"राजकुमार होने में समान होते हुए भी मैं उसके समान क्यों नहीं हूँ? तुम अभागिन क्यों हो और सुरुचि सुकुक्षि (सुन्दर कोख वाली) क्यों कहलाती है?"

श्लोक 28 (skanda.4.19.28)

कथं नृपासनं योग्यमुत्तमस्य कथं न मे । कथं मे सुकृतं तुच्छमुत्तमस्योत्तमं कथम्

kathaṁ nṛpāsanaṁ yogyamuttamasya kathaṁ na me kathaṁ me sukṛtaṁ tucchamuttamasyottamaṁ katham

"राजसिंहासन उत्तम के योग्य क्यों है और मेरे योग्य क्यों नहीं? मेरा पुण्य तुच्छ और उत्तम का पुण्य उत्तम क्यों है?"

श्लोक 29 (skanda.4.19.29)

इति श्रुत्वा वचस्तस्य सुनीतिर्नीतिमच्छिशोः । किंचिदुच्छ्वस्य शनकैः शिशुकोपोपशांतये

iti śrutvā vacastasya sunītirnītimacchiśoḥ kiṁciducchvasya śanakaiḥ śiśukopopaśāṁtaye

अपने नीतिसम्पन्न बालक के इन वचनों को सुनकर सुनीति कुछ आह भरकर, धीरे-धीरे बालक के क्रोध को शांत करने के लिए...

श्लोक 30 (skanda.4.19.30)

स्वभावमधुरां वाणीं वक्तुं समुपचक्रमे । सापत्नं प्रतिघं त्यक्त्वा राजनीतिविदांवरा

svabhāvamadhurāṁ vāṇīṁ vaktuṁ samupacakrame sāpatnaṁ pratighaṁ tyaktvā rājanītividāṁvarā

...अपनी स्वाभाविक मधुर वाणी में बोलने लगी, राजनीति की मर्मज्ञा सुनीति सौत के प्रति द्वेष त्यागकर।

श्लोक 31 (skanda.4.19.31)

सुनीतिरुवाच । अयि तात महाबुद्धे विशुद्धेनांतरात्मना । निवेदयामि ते सर्वं माऽपमाने मतिं कृथाः

sunītiruvāca ayi tāta mahābuddhe viśuddhenāṁtarātmanā nivedayāmi te sarvaṁ mā'pamāne matiṁ kṛthāḥ

सुनीति ने कहा -- "हे पुत्र! हे महाबुद्धिमान! शुद्ध अंतःकरण से मैं तुझे सब कुछ बताती हूँ; अपमान पर मन मत लगा।"

श्लोक 32 (skanda.4.19.32)

तया यदुक्तं तत्सर्वं तथ्यमेव न चान्यथा । सापत्युर्महिषीराज्ञो राज्ञीनामति वल्लभा

tayā yaduktaṁ tatsarvaṁ tathyameva na cānyathā sāpatyurmahiṣīrājño rājñīnāmati vallabhā

"उसने जो कुछ कहा, वह सब सत्य ही है, अन्यथा नहीं। वह राजा की पटरानी है और सब रानियों में सबसे प्रिय है।"

श्लोक 33 (skanda.4.19.33)

तया जन्मांतरे तात यत्पुण्यं समुपार्जितम् । तत्पुण्योपचयाद्राजा सुरुच्यां सुरुचिर्भृशम्

tayā janmāṁtare tāta yatpuṇyaṁ samupārjitam tatpuṇyopacayādrājā surucyāṁ surucirbhṛśam

"हे पुत्र! उसने पूर्वजन्म में जो पुण्य अर्जित किया था, उसी पुण्य के संचय से राजा को सुरुचि में अत्यधिक अनुराग है।"

श्लोक 34 (skanda.4.19.34)

मादृश्यो मंदभाग्यायाः प्रमदासु प्रतिष्ठिताः । केवलं राजपत्नीत्ववादस्तासु न तद्रुचिः

mādṛśyo maṁdabhāgyāyāḥ pramadāsu pratiṣṭhitāḥ kevalaṁ rājapatnītvavādastāsu na tadruciḥ

"मुझ जैसी अभागिनी स्त्रियाँ केवल रानी के पद पर प्रतिष्ठित हैं; केवल राजपत्नी कहलाने भर की बात है, उनमें उस राजा की रुचि नहीं है।"

श्लोक 35 (skanda.4.19.35)

महा सुकृतसंभारैरुत्तमश्चोत्तमोदरे । उवास तस्याः पुण्या या नृपसिंहासनोचितः

mahā sukṛtasaṁbhārairuttamaścottamodare uvāsa tasyāḥ puṇyā yā nṛpasiṁhāsanocitaḥ

"महान पुण्यों के संचय से उत्तम उस श्रेष्ठ कोख में निवास कर सका -- उस माता का पुण्य ही राजसिंहासन के योग्य है।"

श्लोक 36 (skanda.4.19.36)

आतपत्रं च चंद्राभं शुभे चापि च चामरे । भद्रासनं तथोच्चं च सिंधुराश्च मदोद्धुराः

ātapatraṁ ca caṁdrābhaṁ śubhe cāpi ca cāmare bhadrāsanaṁ tathoccaṁ ca siṁdhurāśca madoddhurāḥ

"चन्द्रमा के समान श्वेत छत्र, दोनों शुभ चँवर, ऊँचा और सुखद सिंहासन, मद से उन्मत्त हाथी..."

श्लोक 37 (skanda.4.19.37)

तुरंगमाश्च तुरगास्त्वनाधिव्याधिजीवितम् । निःसपत्नं शुभं राज्यं प्राज्यं हरिहरार्चनम्

turaṁgamāśca turagāstvanādhivyādhijīvitam niḥsapatnaṁ śubhaṁ rājyaṁ prājyaṁ hariharārcanam

"...वेगवान अश्व, मानसिक और शारीरिक व्याधियों से रहित जीवन, प्रतिद्वंद्वियों से रहित शुभ राज्य, हरि-हर की प्रचुर पूजा..."

श्लोक 38 (skanda.4.19.38)

विपुलं च कलाज्ञानमधीतमपराजितम् । तथा जयोरिषड्वर्गे स्वभावात्सात्त्विकी मतिः

vipulaṁ ca kalājñānamadhītamaparājitam tathā jayoriṣaḍvarge svabhāvātsāttvikī matiḥ

"...कलाओं का विशाल और अपराजित ज्ञान, षड्वर्ग पर विजय, तथा स्वभाव से सात्त्विक बुद्धि..."

श्लोक 39 (skanda.4.19.39)

दृष्टिः कारुण्यसंपूर्णा वाणी मधुरभाषिणी । अनालस्यं च कार्येषु तथा गुरुजने नतिः

dṛṣṭiḥ kāruṇyasaṁpūrṇā vāṇī madhurabhāṣiṇī anālasyaṁ ca kāryeṣu tathā gurujane natiḥ

"...करुणा से पूर्ण दृष्टि, मधुर बोलने वाली वाणी, कार्यों में आलस्यरहितता, तथा गुरुजनों के प्रति नम्रता..."

श्लोक 40 (skanda.4.19.40)

सर्वत्र शुचिता तात सा परोपकृतिः सदा । और्जस्वला मनोवृत्तिः सदैवादीनवादिता

sarvatra śucitā tāta sā paropakṛtiḥ sadā aurjasvalā manovṛttiḥ sadaivādīnavāditā

"...हे पुत्र, सर्वत्र पवित्रता, सदा परोपकार, ओजस्वी मनोवृत्ति, तथा कभी दीनतापूर्ण वचन न बोलना..."

श्लोक 41 (skanda.4.19.41)

सदोजिरे च पांडित्यं प्रागल्भ्यं चरणांगणे । आर्जवं बंधुवर्गेषु काठिन्यं क्रयविक्रये

sadojire ca pāṁḍityaṁ prāgalbhyaṁ caraṇāṁgaṇe ārjavaṁ baṁdhuvargeṣu kāṭhinyaṁ krayavikraye

"...सभा में पाण्डित्य, न्यायालय में प्रगल्भता, बन्धुजनों के प्रति सरलता, क्रय-विक्रय में दृढ़ता..."

श्लोक 42 (skanda.4.19.42)

मार्दवं स्त्रीप्रयोगेषु वत्सलत्वं प्रजासु च । ब्राह्मणेभ्यो भयं नित्यं वृद्धवृत्त्युपजीवनम्

mārdavaṁ strīprayogeṣu vatsalatvaṁ prajāsu ca brāhmaṇebhyo bhayaṁ nityaṁ vṛddhavṛttyupajīvanam

"...स्त्रियों के व्यवहार में कोमलता, प्रजा के प्रति वात्सल्य, ब्राह्मणों के प्रति सदा आदरभाव, तथा वृद्धों की मर्यादा के अनुसार जीवनयापन..."

श्लोक 43 (skanda.4.19.43)

वासो भागीरथीतीरे तीर्थे वा मरणं रणे । अपराङ्मुखताऽर्थिभ्यः प्रत्यर्थिभ्यो विशेषतः

vāso bhāgīrathītīre tīrthe vā maraṇaṁ raṇe aparāṅmukhatā'rthibhyaḥ pratyarthibhyo viśeṣataḥ

"...गंगा तट पर निवास, तीर्थ में या रणभूमि में मृत्यु, याचकों को कभी निराश न करना, विशेषकर शत्रु याचकों को भी..."

श्लोक 44 (skanda.4.19.44)

भोगः परिजनैः सार्धं दानावंध्यदिनागमः । विद्याव्यसनिता नित्यं नित्यं पित्रोरुपस्थितिः

bhogaḥ parijanaiḥ sārdhaṁ dānāvaṁdhyadināgamaḥ vidyāvyasanitā nityaṁ nityaṁ pitrorupasthitiḥ

"...परिजनों के साथ भोग, दान से रहित कोई दिन न बीतने देना, विद्या के प्रति निरन्तर अनुराग, तथा माता-पिता की नित्य सेवा..."

श्लोक 45 (skanda.4.19.45)

यशसः संचयो नित्यं नित्यं धर्मस्य संचयः । स्वर्गापवर्गयोः सिद्धिः सदा शीलस्य मंडनम्

yaśasaḥ saṁcayo nityaṁ nityaṁ dharmasya saṁcayaḥ svargāpavargayoḥ siddhiḥ sadā śīlasya maṁḍanam

"...निरन्तर यश का संचय, निरन्तर धर्म का संचय, स्वर्ग और मोक्ष दोनों की सिद्धि, तथा सदा शील का श्रृंगार..."

श्लोक 46 (skanda.4.19.46)

सद्भिश्च संगतिर्नित्यं मैत्री च पितृमित्रकैः । इतिहासपुराणानामुत्कंठा श्रवणे सदा

sadbhiśca saṁgatirnityaṁ maitrī ca pitṛmitrakaiḥ itihāsapurāṇānāmutkaṁṭhā śravaṇe sadā

"...सज्जनों की सतत संगति, पिता के मित्रों से मैत्री, तथा इतिहास-पुराणों को सुनने की सदा उत्कंठा..."

श्लोक 47 (skanda.4.19.47)

विपद्यपि परं धैर्यं स्थैर्यं संपत्समागमे । गांभीर्यं वाग्विलासेषु औदार्यं पात्रपाणिषु

vipadyapi paraṁ dhairyaṁ sthairyaṁ saṁpatsamāgame gāṁbhīryaṁ vāgvilāseṣu audāryaṁ pātrapāṇiṣu

"...विपत्ति में भी परम धैर्य, संपत्ति की प्राप्ति में स्थिरता, वाणी-विलास में गंभीरता, तथा सुपात्रों को देने में उदारता..."

श्लोक 48 (skanda.4.19.48)

देहे परैका कृशता तपोभिर्नियमैर्यमैः । एतैर्मनोरथफलैः फलत्येव तपोद्रुमाः

dehe paraikā kṛśatā tapobhirniyamairyamaiḥ etairmanorathaphalaiḥ phalatyeva tapodrumāḥ

"...तथा तप, नियम और यम द्वारा शरीर की एकमात्र कृशता -- इन्हीं मनोरथ-फलों से तपरूपी वृक्ष फलित होता है।"

श्लोक 49 (skanda.4.19.49)

तस्मादल्पतपस्त्वाद्वै त्वं चाहं च महामते । प्राप्यापि राजसांनिध्यं राजलक्ष्म्या न भाजनम्

tasmādalpatapastvādvai tvaṁ cāhaṁ ca mahāmate prāpyāpi rājasāṁnidhyaṁ rājalakṣmyā na bhājanam

"अतः हे महामते! अल्प तप के कारण ही तू और मैं, राजा के समीप होते हुए भी, राजलक्ष्मी के भाजन नहीं बन सके।"

श्लोक 50 (skanda.4.19.50)

मानापमानयोस्तस्मात्स्वकृतं कारणं परम् । स्रष्टापि नापमार्ष्टुं तत्परीष्टे स्वकृतां कृतिम् । मा शोचस्त्वमतः पुत्र दिष्टमिष्टं समर्पयेत्

mānāpamānayostasmātsvakṛtaṁ kāraṇaṁ param sraṣṭāpi nāpamārṣṭuṁ tatparīṣṭe svakṛtāṁ kṛtim mā śocastvamataḥ putra diṣṭamiṣṭaṁ samarpayet

"अतः मान और अपमान का मुख्य कारण अपना ही किया हुआ कर्म है; स्वयं ब्रह्मा भी अपने किये कर्म के फल को मिटा नहीं सकते। इसलिए हे पुत्र! शोक मत कर, नियति समय आने पर इष्ट फल भी अर्पित कर देती है।"

श्लोक 51 (skanda.4.19.51)

इत्याकर्ण्य सुनीत्यास्तन्महावाक्यं सुनीतिमत् । सौनीते यो ध्रुवोवाचमाददे वक्तुमुत्तरम्

ityākarṇya sunītyāstanmahāvākyaṁ sunītimat saunīte yo dhruvovācamādade vaktumuttaram

सुनीति के इस महान और नीतियुक्त वचन को सुनकर सुनीति-पुत्र ध्रुव उत्तर देने के लिए वाणी को ग्रहण करने लगा।

श्लोक 52 (skanda.4.19.52)

ध्रुव उवाच । जनयित्रि सुनीते मे शृणु वाक्यमनाकुलम् । मा बाल इति मत्वा मामवमंस्थास्तपस्विनि

dhruva uvāca janayitri sunīte me śṛṇu vākyamanākulam mā bāla iti matvā māmavamaṁsthāstapasvini

ध्रुव ने कहा -- "हे माता सुनीति! मेरी अव्याकुल वाणी सुनो। हे तपस्विनी! मुझे बालक समझकर मेरा तिरस्कार मत करो।"

श्लोक 53 (skanda.4.19.53)

यद्यहं मानवे वंशे जातोस्म्यत्यंत पावने । उत्तानपादतनयस्त्वदीयोदर संभवः

yadyahaṁ mānave vaṁśe jātosmyatyaṁta pāvane uttānapādatanayastvadīyodara saṁbhavaḥ

"यदि मैं अत्यंत पवित्र मानव वंश में जन्मा हूँ, उत्तानपाद का पुत्र और तुम्हारे ही उदर से उत्पन्न हूँ..."

श्लोक 54 (skanda.4.19.54)

तप एव हि चेन्मातः कारणं सर्वसंपदाम् । तत्तदासादितं विद्विपदमन्यैर्दुरासदम्

tapa eva hi cenmātaḥ kāraṇaṁ sarvasaṁpadām tattadāsāditaṁ vidvipadamanyairdurāsadam

"...और हे माता! यदि तप ही समस्त सम्पत्तियों का कारण है, तो मैं उसी अवस्था को प्राप्त करूँगा जो अन्यों के लिए दुर्लभ है।"

श्लोक 55 (skanda.4.19.55)

एकमेव हि साहाय्यं कुरु मातरतंद्रिता । अनुज्ञा दानमात्रं च आशीर्भिरभिनंदय

ekameva hi sāhāyyaṁ kuru mātarataṁdritā anujñā dānamātraṁ ca āśīrbhirabhinaṁdaya

"हे माता! तुम केवल एक ही सहायता करो, बिना विलंब के -- केवल अनुज्ञा दो और आशीर्वादों से मुझे अभिनंदित करो।"

श्लोक 56 (skanda.4.19.56)

सापि ज्ञात्वा महावीर्यं कुमारं कुक्षिसंभवम् । महत्योत्साहसं पत्त्या राजमानमुवाच तम्

sāpi jñātvā mahāvīryaṁ kumāraṁ kukṣisaṁbhavam mahatyotsāhasaṁ pattyā rājamānamuvāca tam

वह भी अपने गर्भ से उत्पन्न कुमार के महान वीर्य को जानकर, महान उत्साह से युक्त होकर उससे बोली...

श्लोक 57 (skanda.4.19.57)

अनुज्ञातुं न शक्ताऽहं त्वामुत्तानशयांगज । साष्टैकवर्षदेशीयन्तथापि कथयाम्यहम्

anujñātuṁ na śaktā'haṁ tvāmuttānaśayāṁgaja sāṣṭaikavarṣadeśīyantathāpi kathayāmyaham

"हे पुत्र! तू अभी मात्र आठ वर्ष का बालक है, मैं तुझे अनुज्ञा देने में समर्थ नहीं हूँ, फिर भी मैं कहती हूँ।"

श्लोक 58 (skanda.4.19.58)

सपत्नीवाक्यभल्लीभिर्भिन्ने महति मे हृदि । तव बाष्पौघवारीणि न तिष्ठंति करोमि किम्

sapatnīvākyabhallībhirbhinne mahati me hṛdi tava bāṣpaughavārīṇi na tiṣṭhaṁti karomi kim

"सौत के वाग्बाणों से बिंधे हुए मेरे बड़े हृदय में, तुम्हारे आँसुओं की धारा नहीं थमती -- मैं क्या करूँ?"

श्लोक 59 (skanda.4.19.59)

तानि मन्येऽत्र मार्गेण स्रवंत्यविरतं शिशो । स्रवंतीश्च चिकीर्षंति प्रतिकूल जलाः किल

tāni manye'tra mārgeṇa sravaṁtyavirataṁ śiśo sravaṁtīśca cikīrṣaṁti pratikūla jalāḥ kila

"हे शिशु! मुझे लगता है ये आँसू निरन्तर इसी मार्ग से बहते जा रहे हैं, मानो ये विपरीत दिशा में बहने वाली नदियाँ बनना चाहते हों।"

श्लोक 60 (skanda.4.19.60)

त्वदेकतनया तात त्वदाधारैकजीविता । त्वमंगयष्टिरसि मे त्वन्मुखासक्तलोचना

tvadekatanayā tāta tvadādhāraikajīvitā tvamaṁgayaṣṭirasi me tvanmukhāsaktalocanā

"हे पुत्र! तू ही मेरी एकमात्र संतान है, तेरे ही सहारे मेरा जीवन है; तू ही मेरे शरीर का आधार है, और मेरे नेत्र सदा तेरे मुख पर ही लगे रहते हैं।"

श्लोक 61 (skanda.4.19.61)

लब्धोसि कतिभिः कष्टैरिष्टाः संप्रार्थ्य देवताः । त्वन्मुखेंदूदये तात मन्मनः क्षीरनीरधिः

labdhosi katibhiḥ kaṣṭairiṣṭāḥ saṁprārthya devatāḥ tvanmukheṁdūdaye tāta manmanaḥ kṣīranīradhiḥ

"कितने ही कष्टों से, इष्ट देवताओं की प्रार्थना करके, मैंने तुझे पाया है! हे पुत्र! तेरे मुखचन्द्र के उदय होते ही मेरा मन क्षीरसागर बन जाता है..."

श्लोक 62 (skanda.4.19.62)

आनन्दपयसापूर्य कुचावुद्वेलितो भवेत् । त्वदंगसंगसंभूत सुखसन्दोह शीतला

ānandapayasāpūrya kucāvudvelito bhavet tvadaṁgasaṁgasaṁbhūta sukhasandoha śītalā

"...आनन्द रूपी दूध से भरकर मेरे स्तन उमड़ पड़ते हैं; तेरे अंग-स्पर्श से उत्पन्न सुख-समूह से मैं शीतल हो जाती हूँ।"

श्लोक 63 (skanda.4.19.63)

सुखंशये सुशयने प्रावृत्य पुलकांबरम् । अपोऽथ समुपस्पृश्य तांबूलं परिगृह्य च

sukhaṁśaye suśayane prāvṛtya pulakāṁbaram apo'tha samupaspṛśya tāṁbūlaṁ parigṛhya ca

"सुखपूर्वक सुन्दर शय्या पर, रोमांच से युक्त वस्त्र ओढ़कर, तथा जल का स्पर्श और ताम्बूल ग्रहण कर..."

श्लोक 64 (skanda.4.19.64)

त्वदास्यस्यौष्ठपुटक दुग्धवार्धि विवर्धिताम् । सुधासुधांशुवदनधयत्यपि धिनोमि न

tvadāsyasyauṣṭhapuṭaka dugdhavārdhi vivardhitām sudhāsudhāṁśuvadanadhayatyapi dhinomi na

"...तेरे ओष्ठपुट के दुग्धसागर से बढ़ी हुई अमृतधारा को पीकर भी, हे अमृतमय चन्द्रमुख! मैं तृप्त नहीं होती।"

श्लोक 65 (skanda.4.19.65)

त्वदीयः शीतलालापः प्राप श्रुतिपथं यदा । सपत्नीवाक्यदवथुस्तदैवत्यात्स वेपथुः

tvadīyaḥ śītalālāpaḥ prāpa śrutipathaṁ yadā sapatnīvākyadavathustadaivatyātsa vepathuḥ

"जब तेरी शीतल वाणी मेरे कानों तक पहुँचती है, तभी सौत के वचनों से उत्पन्न दाहज्वर की कँपकँपी शांत हो जाती है।"

श्लोक 66 (skanda.4.19.66)

यदंग निद्रासिचिरं ध्यायंत्यस्मि तदेत्यहम् । कदा निद्रा दरिद्रोसौ भवितार्कोदयेऽब्जवत्

yadaṁga nidrāsiciraṁ dhyāyaṁtyasmi tadetyaham kadā nidrā daridrosau bhavitārkodaye'bjavat

"हे पुत्र! जब निद्रा तुझे मुझसे बहुत देर तक दूर रखती है, तब मैं सोचती रहती हूँ -- यह दरिद्र निद्रा कब सूर्योदय पर कमल की भाँति समाप्त होगी?"

श्लोक 67 (skanda.4.19.67)

यदोपेया गृहान्वत्स खेलित्वा बालखेलनैः । तदानर्घ्यार्घ्यमुत्स्रष्टुं स्तनौस्यातामिवोन्मुखौ

yadopeyā gṛhānvatsa khelitvā bālakhelanaiḥ tadānarghyārghyamutsraṣṭuṁ stanausyātāmivonmukhau

"हे वत्स! जब तू बालोचित खेल खेलकर घर लौटता है, तब मेरे स्तन मानो तुझे अनमोल अर्घ्य अर्पित करने को उन्मुख हो जाते हैं।"

श्लोक 68 (skanda.4.19.68)

यदा सौधाद्विनिर्यायाः पद्मरेखांकितं पदम् । प्राणानां ते यियासूनां तदा तदवलंबनम्

yadā saudhādviniryāyāḥ padmarekhāṁkitaṁ padam prāṇānāṁ te yiyāsūnāṁ tadā tadavalaṁbanam

"जब तू महल से बाहर निकलता है, तेरा कमल-रेखांकित चरण ही, प्राणों के निकल जाने की आशंका के समय, मेरा एकमात्र सहारा बनता है।"

श्लोक 69 (skanda.4.19.69)

यदायदा बहिर्यासि पुत्र त्रिचतुरं पदम् । तदातदा मम प्राणः कंठप्राघुणिकी भवेत्

yadāyadā bahiryāsi putra tricaturaṁ padam tadātadā mama prāṇaḥ kaṁṭhaprāghuṇikī bhavet

"हे पुत्र! जब-जब तू तीन-चार कदम भी बाहर जाता है, तब-तब मेरा प्राण कंठ में अतिथि की भाँति ठहर जाता है।"

श्लोक 70 (skanda.4.19.70)

चित्रं पुत्र त्वरयति यातुं मे मानसांडजः । सुधाधाराधर इव बहिश्चिरयति त्वयि

citraṁ putra tvarayati yātuṁ me mānasāṁḍajaḥ sudhādhārādhara iva bahiścirayati tvayi

"आश्चर्य है पुत्र! मेरे मन का हंस मानो तेरे पास जाने के लिए शीघ्रता करता है, किन्तु तेरे बाहर होते ही अमृतधारा बरसाने वाले मेघ की भाँति देर तक ठहर जाता है।"

श्लोक 71 (skanda.4.19.71)

अथ तिष्ठंतु कठिनाः प्राणाः कंठाटवीतटे । तपस्यंतोतिसंतप्तास्तपसे त्वयि यास्यति

atha tiṣṭhaṁtu kaṭhināḥ prāṇāḥ kaṁṭhāṭavītaṭe tapasyaṁtotisaṁtaptāstapase tvayi yāsyati

"अब मेरे कठोर प्राण कंठरूपी वन के तट पर ही ठहरे रहें, स्वयं अत्यंत संतप्त होकर तपस्या करते हुए, जबकि तू तप के लिए जा रहा है।"

श्लोक 72 (skanda.4.19.72)

इत्यनुज्ञामनुप्राप्य जननी चरणांबुजौ । क्षणं मौलिजजंबाल जडौ कृत्वा ध्रुवो ययौ

ityanujñāmanuprāpya jananī caraṇāṁbujau kṣaṇaṁ maulijajaṁbāla jaḍau kṛtvā dhruvo yayau

इस प्रकार अनुज्ञा प्राप्त कर ध्रुव ने क्षणभर के लिए माता के चरणकमलों को अपने मस्तक की धूलि से युक्त कर, फिर वह चल पड़ा।

श्लोक 73 (skanda.4.19.73)

तयापि धैर्यसूत्रेण सुनीत्या परिगुंफ्य च । नेत्रेंदीवरजामाला ध्रुवस्योपायनीकृता

tayāpi dhairyasūtreṇa sunītyā pariguṁphya ca netreṁdīvarajāmālā dhruvasyopāyanīkṛtā

और सुनीति ने भी अपने धैर्य के सूत्र से अपने नेत्रों के नीलकमल जैसे आँसुओं की माला गूँथकर ध्रुव को भेंट स्वरूप दी।

श्लोक 74 (skanda.4.19.74)

मात्रातन्मार्गरक्षार्थं तदा तदनुगीकृताः । परैरवार्यप्रसराः स्वाशीर्वादाः परःशताः

mātrātanmārgarakṣārthaṁ tadā tadanugīkṛtāḥ parairavāryaprasarāḥ svāśīrvādāḥ paraḥśatāḥ

उसके मार्ग की रक्षा हेतु माता ने अपने सैकड़ों आशीर्वादों को, जिन्हें कोई भी रोक नहीं सकता था, उसके साथ भेज दिया।

श्लोक 75 (skanda.4.19.75)

स्वसौधात्स विनिर्गत्य बालोऽबालपराक्रमः । अनुकूलेन मरुता दर्शिताध्वाऽविशद्वनम्

svasaudhātsa vinirgatya bālo'bālaparākramaḥ anukūlena marutā darśitādhvā'viśadvanam

अपने महल से निकलकर, बालक होते हुए भी अद्भुत पराक्रमी वह ध्रुव, अनुकूल वायु द्वारा दिखाए गए मार्ग से वन में प्रविष्ट हुआ।

श्लोक 76 (skanda.4.19.76)

समरुत्तरुशाखाग्र प्रसारणमिषेण सः । कृताहूतिरिव प्रेम्णा वनेन वनमाविशत्

samaruttaruśākhāgra prasāraṇamiṣeṇa saḥ kṛtāhūtiriva premṇā vanena vanamāviśat

मानो वन के वृक्षों की वायु से हिलती शाखाओं के बहाने वन ने ही प्रेमपूर्वक उसे बुलाया हो, इस प्रकार वह एक वन से दूसरे वन में प्रवेश करता गया।

श्लोक 77 (skanda.4.19.77)

समातृदैवतोभिज्ञः केवलं राजवर्त्मनि । न वेद काननाध्वानं क्षणं दध्यौ नृपात्मजः

samātṛdaivatobhijñaḥ kevalaṁ rājavartmani na veda kānanādhvānaṁ kṣaṇaṁ dadhyau nṛpātmajaḥ

जो केवल माता, कुलदेवता और राजमार्ग से ही परिचित था, वन के मार्गों को न जानने वाला वह राजकुमार क्षणभर के लिए सोच में पड़ गया।

श्लोक 78 (skanda.4.19.78)

यावदुन्मील्य नयने पुरः पश्यति स ध्रुवः । तावद्ददर्श सप्तर्षीनतर्कित गतीन्वने

yāvadunmīlya nayane puraḥ paśyati sa dhruvaḥ tāvaddadarśa saptarṣīnatarkita gatīnvane

जैसे ही ध्रुव ने अपने नेत्र खोलकर आगे देखा, उसी क्षण उसने वन में अप्रत्याशित रूप से पधारे सप्तर्षियों को देखा।

श्लोक 79 (skanda.4.19.79)

वालिशेष्वसहायेषु भवेद्भाग्यं सहायकृत् । अरण्यान्यां रणे गेहे ततो भाग्यं हि कारणम्

vāliśeṣvasahāyeṣu bhavedbhāgyaṁ sahāyakṛt araṇyānyāṁ raṇe gehe tato bhāgyaṁ hi kāraṇam

असहाय और भोले-भाले बालकों के लिए भाग्य ही सहायक बनता है -- चाहे वन में हो, युद्ध में हो या घर में -- भाग्य ही वास्तविक कारण है।

श्लोक 80 (skanda.4.19.80)

क्व राजतनयो बालो गहनं क्व च तद्वनम् । बलात्स्वसात्प्रत्कुर्वत्यै नमस्ते भवितव्य ते

kva rājatanayo bālo gahanaṁ kva ca tadvanam balātsvasātpratkurvatyai namaste bhavitavya te

कहाँ वह बालक राजकुमार और कहाँ वह घना वन -- यह तो बलपूर्वक सब कुछ अपने अनुकूल कर लेने वाली नियति को नमस्कार है!

श्लोक 81 (skanda.4.19.81)

यत्र यस्य हि यद्भाव्यं शुभं वाऽशुभमेव च । आकृष्यभाविनी रज्जुस्तत्र तस्य हि दापयेत

yatra yasya hi yadbhāvyaṁ śubhaṁ vā'śubhameva ca ākṛṣyabhāvinī rajjustatra tasya hi dāpayeta

जहाँ जिसका जो कुछ भी होना निश्चित है, चाहे शुभ हो या अशुभ, भवितव्यता की रस्सी उसे वहाँ खींचकर वही फल दिलवा देती है।

श्लोक 82 (skanda.4.19.82)

अन्यथा विदधात्येष मानवो बुद्धिवैभवात् । भगवत्या भवित्र्याऽसौ विदध्याद्विधिरन्यथा

anyathā vidadhātyeṣa mānavo buddhivaibhavāt bhagavatyā bhavitryā'sau vidadhyādvidhiranyathā

मनुष्य अपनी बुद्धि के गर्व से कुछ और ही योजना बनाता है, किन्तु दैवी भवितव्यता विधि को सर्वथा अन्यथा ही रच देती है।

श्लोक 83 (skanda.4.19.83)

नवयो न च वै चित्र्यं न चित्रं विदधेहितम् । न बलं नोद्यमः पुंसां कारणं प्राक्कृतं कृतम्

navayo na ca vai citryaṁ na citraṁ vidadhehitam na balaṁ nodyamaḥ puṁsāṁ kāraṇaṁ prākkṛtaṁ kṛtam

न यौवन, न चातुर्य, न कोई अद्भुत उपाय, न बल और न उद्यम ही मनुष्यों का कारण है -- पूर्वजन्म का किया हुआ कर्म ही वास्तविक कारण है।

श्लोक 84 (skanda.4.19.84)

अथ दृष्ट्वा स सप्तर्षीन्सप्तसप्त्यतितेजसः । भाग्यसूत्रैरिवाकृष्योपनीतान्प्रमुमोद ह

atha dṛṣṭvā sa saptarṣīnsaptasaptyatitejasaḥ bhāgyasūtrairivākṛṣyopanītānpramumoda ha

तब सूर्य के सप्ताश्वों से भी अधिक तेजस्वी उन सप्तर्षियों को, मानो भाग्य के सूत्रों से खींचकर लाया गया हो, देखकर ध्रुव अत्यंत हर्षित हुआ।

श्लोक 85 (skanda.4.19.85)

तिलकांकित सद्भालान्कुशोपग्रहितांगुलीन् । कृष्णाजिनोपविष्टांश्च यज्ञसूत्रैरलंकृतान्

tilakāṁkita sadbhālānkuśopagrahitāṁgulīn kṛṣṇājinopaviṣṭāṁśca yajñasūtrairalaṁkṛtān

जिनके ललाट पर तिलक शोभित थे, जिनकी अँगुलियों में कुश थे, जो कृष्णाजिन पर बैठे थे और यज्ञोपवीत से सुशोभित थे...

श्लोक 86 (skanda.4.19.86)

साक्षसूत्रकरान्किंचिद्विनिमीलितलो चनान् । सुधौतसूक्ष्मकाषायवासः प्रावरणान्वितान

sākṣasūtrakarānkiṁcidvinimīlitalo canān sudhautasūkṣmakāṣāyavāsaḥ prāvaraṇānvitāna

...जिनके हाथों में जपमाला थी, जिनके नेत्र ध्यानवश कुछ अधमुँदे थे, तथा जो स्वच्छ धुले हुए सूक्ष्म गेरुए वस्त्रों से आवृत थे...

श्लोक 87 (skanda.4.19.87)

अकांडेपि महाभागान्मिलितान्सप्तनीरधीन् । चित्रं विपद्विनिर्मग्नानुद्दिधीर्षूनिव प्रजाः

akāṁḍepi mahābhāgānmilitānsaptanīradhīn citraṁ vipadvinirmagnānuddidhīrṣūniva prajāḥ

...अचानक ही, बिना किसी पूर्वसूचना के, सप्तसागरों के समान मिले हुए उन महाभाग्यशाली मुनियों को देखकर, मानो वे विपत्ति में डूबी प्रजा का उद्धार करने आये हों -- यह आश्चर्यजनक था।

श्लोक 88 (skanda.4.19.88)

उपगम्य विनम्रः स प्रबद्धकरसंपुटः । ध्रुवो विज्ञापयांचक्रे प्रणम्य ललितं वचः

upagamya vinamraḥ sa prabaddhakarasaṁpuṭaḥ dhruvo vijñāpayāṁcakre praṇamya lalitaṁ vacaḥ

उनके निकट जाकर विनम्रतापूर्वक हाथ जोड़े हुए ध्रुव ने प्रणाम कर मधुर वचनों में अपनी बात निवेदित की।

श्लोक 89 (skanda.4.19.89)

ध्रुव उवाच । अवैत मां मुनिवराः सुनीत्युदरसंभवम्। उत्तानपादतनयं ध्रुवं निर्विण्णमानसम्

dhruva uvāca avaita māṁ munivarāḥ sunītyudarasaṁbhavam uttānapādatanayaṁ dhruvaṁ nirviṇṇamānasam

ध्रुव ने कहा -- "हे मुनिवरो! मुझे सुनीति के गर्भ से उत्पन्न, उत्तानपाद-पुत्र, विरक्त-मन ध्रुव के रूप में जानिए।"

श्लोक 90 (skanda.4.19.90)

इदं वनमनुप्राप्तं सनाथं युष्मदंघ्रिभिः । प्रायोनभिज्ञं सर्वत्र महर्द्ध्युषितमानसम्

idaṁ vanamanuprāptaṁ sanāthaṁ yuṣmadaṁghribhiḥ prāyonabhijñaṁ sarvatra maharddhyuṣitamānasam

"यह वन आपके चरणों से सनाथ हो गया, जिसमें मैं, प्रायः सर्वत्र अनभिज्ञ और वैभवपूर्ण जीवन का अभ्यस्त-मन होकर, आ पहुँचा हूँ।"

श्लोक 91 (skanda.4.19.91)

ते दृष्ट्वोर्जस्वलं बालं स्वभाव मधुराकृतिम् । अनर्घ्यनयनेपथ्यं मृदुगंभीरभाषिणम्

te dṛṣṭvorjasvalaṁ bālaṁ svabhāva madhurākṛtim anarghyanayanepathyaṁ mṛdugaṁbhīrabhāṣiṇam

उस ओजस्वी, स्वभाव से मधुर आकृति वाले, अनमोल नेत्रों से सुशोभित, तथा कोमल और गंभीर वाणी बोलने वाले बालक को देखकर...

श्लोक 92 (skanda.4.19.92)

उपोपवेश्य शिशुकं प्रोचुर्वै विस्मिता भृशम् । अहोबालविशालाक्ष महाराज कुमारक

upopaveśya śiśukaṁ procurvai vismitā bhṛśam ahobālaviśālākṣa mahārāja kumāraka

...उन्होंने उस बालक को अपने पास बिठाकर अत्यंत विस्मित होकर कहा -- "अहो! हे विशाल नेत्रों वाले बालक, हे महाराज-कुमार!"

श्लोक 93 (skanda.4.19.93)

विचार्यापि न जानीमो वद निर्वेदकारणम् । अद्य ते ह्यर्थचिंता नो क्वापमानः प्रसूर्गृहे

vicāryāpi na jānīmo vada nirvedakāraṇam adya te hyarthaciṁtā no kvāpamānaḥ prasūrgṛhe

"बहुत विचार करने पर भी हम नहीं समझ पा रहे हैं -- अपने वैराग्य का कारण बताओ। क्या आज तुम्हें धन की चिंता है, या माता के घर में किसी अपमान का सामना करना पड़ा?"

श्लोक 94 (skanda.4.19.94)

नीरुक्छरीरसंपत्तिर्निवेदे किं नु कारणम् । अनवाप्ताभिलाषाणां वैराग्यं जायते नृणाम्

nīrukcharīrasaṁpattirnivede kiṁ nu kāraṇam anavāptābhilāṣāṇāṁ vairāgyaṁ jāyate nṛṇām

"तुम्हारा शरीर नीरोग और सम्पन्न है -- फिर यह विरक्ति किस कारण से है? मनुष्यों में वैराग्य प्रायः अपूर्ण अभिलाषाओं से ही उत्पन्न होता है।"

श्लोक 95 (skanda.4.19.95)

सप्तद्वीपपतेराज्ञः कुमारस्त्वं तथा कथम् । स्वभावभिन्नप्रकृतौ लोकेस्मिन्न मनोगतम्

saptadvīpapaterājñaḥ kumārastvaṁ tathā katham svabhāvabhinnaprakṛtau lokesminna manogatam

"तुम सप्तद्वीपों के स्वामी के पुत्र हो -- फिर यह कैसे संभव है? इस लोक में जहाँ स्वभाव भिन्न-भिन्न होता है, मन की बात जानना कठिन है..."

श्लोक 96 (skanda.4.19.96)

अवगंतुं हि शक्येत यूनो वृद्धस्य वा शिशोः । इति श्रुत्वा वचस्तेषां सहजप्रेमनिर्भरम्

avagaṁtuṁ hi śakyeta yūno vṛddhasya vā śiśoḥ iti śrutvā vacasteṣāṁ sahajapremanirbharam

"...चाहे वह युवा हो, वृद्ध हो या बालक।" उनके सहज प्रेम से परिपूर्ण इन वचनों को सुनकर...

श्लोक 97 (skanda.4.19.97)

वाचं जग्राह स तदा शिशुः प्रांशुमनोरथः ध्रुव उवाच । प्रेषितो राजसेवार्थं जनन्याऽहं मुनीश्वराः

vācaṁ jagrāha sa tadā śiśuḥ prāṁśumanorathaḥ dhruva uvāca preṣito rājasevārthaṁ jananyā'haṁ munīśvarāḥ

...उस उच्च मनोरथ वाले बालक ने तब वाणी ग्रहण की। ध्रुव ने कहा -- "हे मुनीश्वरो! मुझे मेरी माता ने राजसेवा के लिए भेजा था..."

श्लोक 98 (skanda.4.19.98)

राजांकमारुरुक्षुर्हि सुरुच्या परिभर्त्सितः । उत्तमं चोत्तमीकृत्य मां च मन्मातरं तथा

rājāṁkamārurukṣurhi surucyā paribhartsitaḥ uttamaṁ cottamīkṛtya māṁ ca manmātaraṁ tathā

"...और जब मैं राजा की गोद में चढ़ना चाहता था, तब सुरुचि ने मुझे फटकारा, उत्तम को श्रेष्ठ बताते हुए मेरा और मेरी माता का तिरस्कार किया।"

श्लोक 99 (skanda.4.19.99)

धिक्कृत्य प्रशशंस स्वं निर्वेदे कारणं त्विदम् । निशम्येति शिशोर्वाक्यं परस्परमवेक्ष्य ते

dhikkṛtya praśaśaṁsa svaṁ nirvede kāraṇaṁ tvidam niśamyeti śiśorvākyaṁ parasparamavekṣya te

"हमें धिक्कारकर उसने अपने पुत्र की प्रशंसा की -- यही मेरे वैराग्य का कारण है।" बालक की यह बात सुनकर वे मुनि परस्पर एक दूसरे को देखने लगे...

श्लोक 100 (skanda.4.19.100)

क्षात्रमेव शशंसुस्तदहो बालेपि न क्षमा

kṣātrameva śaśaṁsustadaho bālepi na kṣamā

...और उसके क्षत्रिय स्वभाव की प्रशंसा करते हुए कहने लगे -- "अहो! बालक होते हुए भी इसमें अपमान सहन करने की क्षमा नहीं है!"

श्लोक 101 (skanda.4.19.101)

ऋषय ऊचुः । किमस्माभिरहो कार्यं कस्तवास्ति मनोरथः । ज्ञातो भवतु तावत्स नः श्रवो गोचरी कुरु

ṛṣaya ūcuḥ kimasmābhiraho kāryaṁ kastavāsti manorathaḥ jñāto bhavatu tāvatsa naḥ śravo gocarī kuru

ऋषियों ने कहा -- "हम तुम्हारे लिए क्या कर सकते हैं? तुम्हारा मनोरथ क्या है? वह हमें ज्ञात हो, अपनी बात हमें सुनाओ।"

श्लोक 102 (skanda.4.19.102)

ध्रुव उवाच । मुनयो मम यो बंधुरुत्तमश्चोत्तमोत्तमः । पित्रा दत्तं च सोऽध्यास्तां तद्भद्रासनमुत्तमम्

dhruva uvāca munayo mama yo baṁdhuruttamaścottamottamaḥ pitrā dattaṁ ca so'dhyāstāṁ tadbhadrāsanamuttamam

ध्रुव ने कहा -- "हे मुनियो! मेरा भाई उत्तम, जो श्रेष्ठों में श्रेष्ठ है, पिता द्वारा दिया गया वह उत्तम आसन भले ही ग्रहण करे।"

श्लोक 103 (skanda.4.19.103)

भवत्कृतं हि साहाय्यमेतदिच्छामि सुव्रताः । प्रायो जाने न बालत्वादुपदेशस्तदुच्यताम्

bhavatkṛtaṁ hi sāhāyyametadicchāmi suvratāḥ prāyo jāne na bālatvādupadeśastaducyatām

"हे सुव्रतो! मैं आपसे केवल यही सहायता चाहता हूँ -- बालक होने के कारण मैं प्रायः मार्ग नहीं जानता, कृपया मुझे उपदेश दीजिए।"

श्लोक 104 (skanda.4.19.104)

अनन्यनृपभुक्तं यद्यदन्येभ्यः समुच्छ्रितम् । इंद्रादिदुरवापं यत्कथं लभ्यं दुरासदम्

ananyanṛpabhuktaṁ yadyadanyebhyaḥ samucchritam iṁdrādiduravāpaṁ yatkathaṁ labhyaṁ durāsadam

"जो पद अन्य किसी राजा ने कभी नहीं भोगा, जो सबसे ऊँचा है, जो इन्द्र आदि देवों के लिए भी दुर्लभ है -- वह दुर्लभ पद कैसे प्राप्त हो सकता है?"

श्लोक 105 (skanda.4.19.105)

पित्रोत्सृष्टं न कांक्षामि कांक्षामि स्वभुजाजितम् । मनोरथपथातीतं भवेद्यत्पितुरप्यहो

pitrotsṛṣṭaṁ na kāṁkṣāmi kāṁkṣāmi svabhujājitam manorathapathātītaṁ bhavedyatpiturapyaho

"मैं पिता द्वारा दिया हुआ पद नहीं चाहता, अपनी भुजाओं से अर्जित पद चाहता हूँ -- ऐसा पद जो मेरे पिता के मनोरथ से भी परे हो।"

श्लोक 106 (skanda.4.19.106)

पितृसंपत्तिभोक्तारः प्रायशो न यशोधनाः । नरोत्तमास्तु ते ज्ञेया ये पित्राधिक्यदर्शिनः

pitṛsaṁpattibhoktāraḥ prāyaśo na yaśodhanāḥ narottamāstu te jñeyā ye pitrādhikyadarśinaḥ

"जो केवल पिता की सम्पत्ति का भोग करते हैं, वे प्रायः यशधनी नहीं होते; उत्तम पुरुष वे ही जाने जाते हैं जो अपने पिता से भी बढ़कर हों।"

श्लोक 107 (skanda.4.19.107)

उपार्जितं हि पित्रा ये नाशयंति यशःश्रुतम् । धनं निधनमेवास्तु तेषां दुर्वृत्तचेतसाम्

upārjitaṁ hi pitrā ye nāśayaṁti yaśaḥśrutam dhanaṁ nidhanamevāstu teṣāṁ durvṛttacetasām

"जो पिता द्वारा अर्जित यशरूपी धन को नष्ट कर देते हैं, उन दुष्ट-चित्त लोगों का धन विनाश के समान ही व्यर्थ है।"

श्लोक 108 (skanda.4.19.108)

इति श्रुत्वा वचस्तस्य मुनयः सुनयोर्जितम् । यथार्थमेव प्रत्यूचुर्मरीच्याद्यास्तथा ध्रुवम्

iti śrutvā vacastasya munayaḥ sunayorjitam yathārthameva pratyūcurmarīcyādyāstathā dhruvam

सुनयों से परिपूर्ण उसके इन वचनों को सुनकर मरीचि आदि मुनियों ने ध्रुव को यथार्थ उत्तर दिया।

श्लोक 109 (skanda.4.19.109)

मरीचिरुवाच । अनर्चिताच्युतपदः पदमापद्यते कथम् । यथातथात्वमात्थांग नातथ्यं कथयाम्यहम्

marīciruvāca anarcitācyutapadaḥ padamāpadyate katham yathātathātvamātthāṁga nātathyaṁ kathayāmyaham

मरीचि ने कहा -- "अच्युत के चरणों की आराधना किये बिना वह पद कैसे प्राप्त हो सकता है? हे वत्स! तूने ठीक वैसा ही कहा है, मैं तुझसे कोई असत्य नहीं कहता।"

श्लोक 110 (skanda.4.19.110)

अत्रिरुवाच । अनास्वादितगोविंदपदांबुजरजोरसः । मनोरथपथातीतं स्फीतं नाकलयेत्पदम्

atriruvāca anāsvāditagoviṁdapadāṁbujarajorasaḥ manorathapathātītaṁ sphītaṁ nākalayetpadam

अत्रि ने कहा -- "गोविन्द के चरणकमलों की रज के रस का आस्वादन किये बिना कोई भी मनोरथ से परे उस विशाल पद को प्राप्त नहीं कर सकता।"

श्लोक 111 (skanda.4.19.111)

अंगिरा उवाच । अदवीयः पदं तस्य सर्वासां संपदामिह । कमलाकांतकांतांघ्रि कमले यः सुशीलयेत्

aṁgirā uvāca adavīyaḥ padaṁ tasya sarvāsāṁ saṁpadāmiha kamalākāṁtakāṁtāṁghri kamale yaḥ suśīlayet

अंगिरा ने कहा -- "जो कमलापति के सुन्दर चरणकमल की भलीभाँति सेवा करता है, उसके लिए समस्त सम्पदाओं से युक्त वह पद दूर नहीं है।"

श्लोक 112 (skanda.4.19.112)

पुलस्त्य उवाच । यस्य स्मरणमात्रेण महापातकसंततिः । परमांतमवाप्नोति स विष्णुः सर्वदो ध्रुव

pulastya uvāca yasya smaraṇamātreṇa mahāpātakasaṁtatiḥ paramāṁtamavāpnoti sa viṣṇuḥ sarvado dhruva

पुलस्त्य ने कहा -- "जिसके केवल स्मरणमात्र से महापातकों की परम्परा भी नष्ट हो जाती है, हे ध्रुव! वे विष्णु ही सबकुछ देने वाले हैं।"

श्लोक 113 (skanda.4.19.113)

पुलह उवाच । यदाहुः परमं ब्रह्म प्रधान पुरुषात्परम् । यन्मायया ततं सर्वं सर्वं दास्यति सोच्युतः

pulaha uvāca yadāhuḥ paramaṁ brahma pradhāna puruṣātparam yanmāyayā tataṁ sarvaṁ sarvaṁ dāsyati socyutaḥ

पुलह ने कहा -- "जिसे परब्रह्म कहा जाता है, जो प्रधान और पुरुष दोनों से परे है, जिसकी माया से यह सम्पूर्ण जगत व्याप्त है, वे अच्युत ही सब कुछ प्रदान करेंगे।"

श्लोक 114 (skanda.4.19.114)

क्रतुरुवाच । यो यज्ञपुरुषो विष्णुर्वेदवेद्यो जनार्दनः । अंतरात्माऽस्य जगतः तुष्टः किं न यच्छति

kraturuvāca yo yajñapuruṣo viṣṇurvedavedyo janārdanaḥ aṁtarātmā'sya jagataḥ tuṣṭaḥ kiṁ na yacchati

क्रतु ने कहा -- "जो विष्णु यज्ञपुरुष हैं, वेदों से जानने योग्य हैं, जनार्दन हैं, इस जगत की अन्तरात्मा हैं -- प्रसन्न होने पर वे क्या नहीं देंगे?"

श्लोक 115 (skanda.4.19.115)

वसिष्ठ उवाच । यद्भ्रूनर्तनवर्तिन्यः सिद्धयोऽष्टौ नृपात्मज । तमाराध्य हृषीकेशमपवर्गोप्यदूरतः

vasiṣṭha uvāca yadbhrūnartanavartinyaḥ siddhayo'ṣṭau nṛpātmaja tamārādhya hṛṣīkeśamapavargopyadūrataḥ

वसिष्ठ ने कहा -- "हे राजकुमार! जिनकी भ्रू-भंगिमा मात्र से आठों सिद्धियाँ नृत्य करती हैं, उन हृषीकेश की आराधना करने पर मोक्ष भी दूर नहीं है।"

श्लोक 116 (skanda.4.19.116)

ध्रुव उवाच । सत्यमुक्तं मुनीशाना विष्णोराराधनं प्रति । कथं वा भगवानीज्यः सविधिश्चोपदिश्यताम्

dhruva uvāca satyamuktaṁ munīśānā viṣṇorārādhanaṁ prati kathaṁ vā bhagavānījyaḥ savidhiścopadiśyatām

ध्रुव ने कहा -- "हे मुनीश्वरो! विष्णु की आराधना के विषय में आपने सत्य कहा। परन्तु भगवान की पूजा किस प्रकार होती है? कृपया विधिपूर्वक उपदेश दीजिए।"

श्लोक 117 (skanda.4.19.117)

मुनय ऊचुः । तिष्ठता गच्छता वापि स्वपता जाग्रता तथा । शयानेनोपविष्टेन जप्यो नारायणः सदा

munaya ūcuḥ tiṣṭhatā gacchatā vāpi svapatā jāgratā tathā śayānenopaviṣṭena japyo nārāyaṇaḥ sadā

मुनियों ने कहा -- "खड़े हुए, चलते हुए, सोते हुए, जागते हुए, लेटे हुए अथवा बैठे हुए -- सदा नारायण का जप करना चाहिए।"

श्लोक 118 (skanda.4.19.118)

द्वादशाक्षरमंत्रेण वासुदेवात्मकेन च। ध्यायंश्चतुर्भुजं विष्णुं जप्त्वा सिद्धिं न को गतः

dvādaśākṣaramaṁtreṇa vāsudevātmakena ca dhyāyaṁścaturbhujaṁ viṣṇuṁ japtvā siddhiṁ na ko gataḥ

"द्वादशाक्षर वासुदेव-मन्त्र से, चतुर्भुज विष्णु का ध्यान करते हुए जप करने पर, कौन सिद्धि को प्राप्त नहीं हुआ?"

श्लोक 119 (skanda.4.19.119)

अतसीपुष्पसंकाशं पीतवाससमच्युतम् । क्षणं सर्वात्मकं पश्यन्को न सिध्यति भूतले

atasīpuṣpasaṁkāśaṁ pītavāsasamacyutam kṣaṇaṁ sarvātmakaṁ paśyanko na sidhyati bhūtale

"अतसी पुष्प के समान श्याम कांति वाले, पीताम्बरधारी, सर्वात्मक अच्युत को क्षणभर भी देखकर, इस पृथ्वी पर कौन सिद्ध नहीं होता?"

श्लोक 120 (skanda.4.19.120)

पुत्रान्कलत्रमित्राणि राज्यं स्वर्गापवर्गकम् । वासुदेवं जपन्मर्त्यः सर्वं प्राप्नोत्यसंशयम्

putrānkalatramitrāṇi rājyaṁ svargāpavargakam vāsudevaṁ japanmartyaḥ sarvaṁ prāpnotyasaṁśayam

"पुत्र, पत्नी, मित्र, राज्य, स्वर्ग और मोक्ष -- वासुदेव का जप करने वाला मनुष्य निःसंदेह इन सबको प्राप्त कर लेता है।"

श्लोक 121 (skanda.4.19.121)

वासुदेव जपासक्तानपिपापकृतो जनान् । नोपस्पृशंति वै विघ्ना यमदूताश्च दारुणाः

vāsudeva japāsaktānapipāpakṛto janān nopaspṛśaṁti vai vighnā yamadūtāśca dāruṇāḥ

"वासुदेव के जप में आसक्त मनुष्यों को, चाहे उन्होंने पाप किया हो, विघ्न कभी स्पर्श नहीं करते, न ही यमदूत उन्हें छूते हैं।"

श्लोक 122 (skanda.4.19.122)

पितामहेन तेप्येष महामंत्र उपासितः । मनुना राज्यकामेन वैष्णवेन महर्द्धिना

pitāmahena tepyeṣa mahāmaṁtra upāsitaḥ manunā rājyakāmena vaiṣṇavena maharddhinā

"यह महामन्त्र तुम्हारे पितामह मनु ने भी, राज्य की कामना से, विष्णुभक्त और महान समृद्धिशाली होते हुए, उपासित किया था।"

श्लोक 123 (skanda.4.19.123)

त्वमप्येतेन मंत्रेण वासुदेवपरो भव । यथाभिलषितामृद्धिं क्षिप्रमाप्नुहि सत्तम

tvamapyetena maṁtreṇa vāsudevaparo bhava yathābhilaṣitāmṛddhiṁ kṣipramāpnuhi sattama

"हे उत्तम! तुम भी इसी मन्त्र से वासुदेवपरायण बनो और शीघ्र ही अपनी अभीष्ट समृद्धि को प्राप्त करो।"

श्लोक 124 (skanda.4.19.124)

इत्युक्त्वांऽतर्हिताः सर्वे महात्मानो मुनीश्वराः । वासुदेवमना भूत्वा ध्रुवोपि तपसे गतः

ityuktvāṁ'tarhitāḥ sarve mahātmāno munīśvarāḥ vāsudevamanā bhūtvā dhruvopi tapase gataḥ

ऐसा कहकर वे सभी महात्मा मुनीश्वर अन्तर्धान हो गये; और ध्रुव भी अपने मन को वासुदेव में लगाकर तपस्या के लिए चल पड़ा।