भैरव-प्रादुर्भाव

श्लोक 1 (skanda.4.31.1)

॥ अगस्त्य उवाच॥ सर्वज्ञ हृदयानंद स्कंदस्कंदित तारक॥ न तृप्तिमधिगच्छामि शृण्वन्वाराणसीकथाम्

agastya uvāca sarvajña hṛdayānaṁda skaṁdaskaṁdita tāraka na tṛptimadhigacchāmi śṛṇvanvārāṇasīkathām

अगस्त्य ने कहा — हे सर्वज्ञ! हे हृदय को आनंद देने वाले! हे तारकासुर का नाश करने वाले स्कंद! वाराणसी की कथा सुनते हुए भी मुझे तृप्ति नहीं मिलती।

श्लोक 2 (skanda.4.31.2)

अनुग्रहो यदि मयि योग्योस्मि श्रवणे यदि॥ तदा कथय मे नाथ काश्यां भैरव संकथाम्

anugraho yadi mayi yogyosmi śravaṇe yadi tadā kathaya me nātha kāśyāṁ bhairava saṁkathām

यदि मुझ पर आपकी कृपा है, यदि मैं सुनने योग्य हूँ, तो हे नाथ! मुझे काशी में भैरव की कथा सुनाइए।

श्लोक 3 (skanda.4.31.3)

कोसौ भैरवनामात्र काशिपुर्यां व्यवस्थितः॥ किं रूपमस्य किं कर्म कानि नामानि चास्य वै

kosau bhairavanāmātra kāśipuryāṁ vyavasthitaḥ kiṁ rūpamasya kiṁ karma kāni nāmāni cāsya vai

काशीपुरी में स्थित यह भैरव नामक कौन है? इसका रूप क्या है, इसके कर्म क्या हैं और इसके नाम कौन-कौन से हैं?

श्लोक 4 (skanda.4.31.4)

कथमाराधितश्चैव सिद्धिदः साधकस्य वै॥ आराधितः कुत्र काले क्षिप्रं सिद्ध्यति भैरवः

kathamārādhitaścaiva siddhidaḥ sādhakasya vai ārādhitaḥ kutra kāle kṣipraṁ siddhyati bhairavaḥ

साधक द्वारा वे किस प्रकार आराधित होकर सिद्धि देते हैं? किस काल में आराधित होकर भैरव शीघ्र सिद्ध होते हैं?

श्लोक 5 (skanda.4.31.5)

॥ स्कंद उवाच॥ वाराणस्यां महाभाग यथा ते प्रेम वर्तते॥ तथा न कस्यचिन्मन्ये ततो वक्ष्याम्यशेषतः

skaṁda uvāca vārāṇasyāṁ mahābhāga yathā te prema vartate tathā na kasyacinmanye tato vakṣyāmyaśeṣataḥ

स्कंद ने कहा — हे महाभाग! वाराणसी के प्रति जैसा प्रेम आपमें है, वैसा मैं किसी और में नहीं मानता; इसलिए मैं तुम्हें सब कुछ पूर्णरूप से बताऊँगा।

श्लोक 6 (skanda.4.31.6)

प्रादुर्भावं भैरवस्य महापातकनाशनम्॥ यच्छ्रुत्वा काशिवासस्य फलं निर्विघ्रमाप्नुयात्

prādurbhāvaṁ bhairavasya mahāpātakanāśanam yacchrutvā kāśivāsasya phalaṁ nirvighramāpnuyāt

भैरव का प्रादुर्भाव महापातकों का नाश करने वाला है; जिसे सुनकर काशी-वास का फल निर्विघ्न रूप से प्राप्त होता है।

श्लोक 7 (skanda.4.31.7)

पाणिभ्यां परितः प्रपीड्य सुदृढं निश्चोत्य निश्चोत्य च ब्रह्मांडं सकलं पचेलिमरसालोच्चैः फलाभं मुहुः॥ पायंपायमपायतस्त्रिजगतीमुन्मत्तवत्तै रसैर्नृत्यंस्तांडवडंबरेण विधिनापायान्महाभैरवः

pāṇibhyāṁ paritaḥ prapīḍya sudṛḍhaṁ niścotya niścotya ca brahmāṁḍaṁ sakalaṁ pacelimarasāloccaiḥ phalābhaṁ muhuḥ pāyaṁpāyamapāyatastrijagatīmunmattavattai rasairnṛtyaṁstāṁḍavaḍaṁbareṇa vidhināpāyānmahābhairavaḥ

अपने दोनों हाथों से समस्त ब्रह्मांड को चारों ओर से दृढ़तापूर्वक दबाकर, बार-बार निचोड़कर, पके हुए फल के समान उसका रस बार-बार पीते हुए, मानो उन्मत्त होकर उन्हीं रसों से तीनों लोकों को तांडव-नृत्य के आडंबर से नचाते हुए, वे महाभैरव हमारी रक्षा करें।

श्लोक 8 (skanda.4.31.8)

कुंभयोने न वेत्त्येव महिमानं महेशितुः॥ चतुर्भजोपि वैकुंठश्चतुर्वक्त्रोपि विश्वकृत्

kuṁbhayone na vettyeva mahimānaṁ maheśituḥ caturbhajopi vaikuṁṭhaścaturvaktropi viśvakṛt

हे कुंभयोनि! चतुर्भुज वैकुंठ (विष्णु) तथा चतुर्मुख विश्वकर्ता (ब्रह्मा) भी महेश्वर की महिमा को नहीं जानते।

श्लोक 9 (skanda.4.31.9)

न चित्रमत्र भूदेव भवमाया दुरत्यया॥ तया संमोहिताः सर्वे नावयंत्यपि तं परम्

na citramatra bhūdeva bhavamāyā duratyayā tayā saṁmohitāḥ sarve nāvayaṁtyapi taṁ param

इसमें आश्चर्य नहीं, हे भूदेव! क्योंकि शिव की माया दुस्तर है; उससे मोहित होकर सभी उस परमेश्वर को नहीं जान पाते।

श्लोक 10 (skanda.4.31.10)

वेदयेद्यदिचात्मानं स एव परमेश्वरः॥ तदा विंदंति ब्रह्माद्याः स्वेच्छयैव न तं विदुः॥ स सर्वगोपि नेक्ष्येत स्वात्मारामो महेश्वरः॥ देववद्बुध्यते मूढैरतीतो यो मनोगिराम्

vedayedyadicātmānaṁ sa eva parameśvaraḥ tadā viṁdaṁti brahmādyāḥ svecchayaiva na taṁ viduḥ sa sarvagopi nekṣyeta svātmārāmo maheśvaraḥ devavadbudhyate mūḍhairatīto yo manogirām

यदि वे स्वयं अपने को प्रकट करें, तो ही ब्रह्मा आदि उस परमेश्वर को जान पाते हैं — अपनी इच्छा से वे उन्हें नहीं जानते। वे सर्वव्यापी होते हुए भी नहीं देखे जाते, वे स्वयं में रमण करने वाले महेश्वर हैं; मन और वाणी से परे उन्हें मूर्खजन साधारण देवता के समान समझते हैं।

श्लोक 11 (skanda.4.31.11)

पुरा पितामहं विप्र मेरुशृंगे महर्षयः॥ प्रोचुः प्रणम्य लोकेशं किमेकं तत्त्वमव्ययम्

purā pitāmahaṁ vipra meruśṛṁge maharṣayaḥ procuḥ praṇamya lokeśaṁ kimekaṁ tattvamavyayam

हे विप्र! पूर्वकाल में मेरु के शिखर पर महर्षियों ने ब्रह्मा को प्रणाम करके पूछा — 'वह एक अव्यय तत्त्व क्या है?'

श्लोक 12 (skanda.4.31.12)

समा यया महेशस्य मोहितो लोकसंभवः॥ अविज्ञाय परं भावमात्मानं प्राह वर्पिणम्

samā yayā maheśasya mohito lokasaṁbhavaḥ avijñāya paraṁ bhāvamātmānaṁ prāha varpiṇam

जिस माया से महेश स्वयं संसार को मोहित करते हैं, उससे मोहित होकर, परम तत्त्व को न जानकर, ब्रह्मा ने अपने शरीर को ही परम तत्त्व बता दिया।

श्लोक 13 (skanda.4.31.13)

जगद्योनिरहं धाता स्वयंभूरेक ईश्वरः॥ अनादिमदहं ब्रह्म मामनर्च्य न मु च्यते

jagadyonirahaṁ dhātā svayaṁbhūreka īśvaraḥ anādimadahaṁ brahma māmanarcya na mu cyate

'मैं ही जगत का उद्गम हूँ, विधाता हूँ, स्वयंभू, एकमात्र ईश्वर हूँ। मैं अनादि ब्रह्म हूँ, मेरी पूजा किए बिना कोई मुक्त नहीं होता।'

श्लोक 14 (skanda.4.31.14)

प्रवर्तको हि जगतामहमेको निवर्तकः॥ नान्यो मदधिकः सत्यं कश्चित्कोपि सुरोत्तमाः

pravartako hi jagatāmahameko nivartakaḥ nānyo madadhikaḥ satyaṁ kaścitkopi surottamāḥ

'मैं ही जगतों का उत्पन्न करने वाला और मैं ही उन्हें समेटने वाला हूँ। हे देवश्रेष्ठों! सत्य में मुझसे बढ़कर कोई नहीं है।'

श्लोक 15 (skanda.4.31.15)

तस्यैवं ब्रुवतो धातुः क्रतुर्नारायणांशजः॥ प्रोवाच प्रहसन्वाक्यं रोषताम्रविलोचनः

tasyaivaṁ bruvato dhātuḥ kraturnārāyaṇāṁśajaḥ provāca prahasanvākyaṁ roṣatāmravilocanaḥ

हे विप्र! ब्रह्मा के इस प्रकार कहने पर, नारायण के अंश से उत्पन्न क्रतु ने हँसते हुए, क्रोध से लाल नेत्र किए, यह वचन कहा —

श्लोक 16 (skanda.4.31.16)

अविज्ञाय परं तत्त्वं किमेतत्प्रतिपाद्यते॥ अज्ञानं योगयुक्तस्य न चैतदुचितं तव

avijñāya paraṁ tattvaṁ kimetatpratipādyate ajñānaṁ yogayuktasya na caitaducitaṁ tava

'परम तत्त्व को जाने बिना यह क्या प्रतिपादित कर रहे हैं? यह अज्ञान योगयुक्त पुरुष के लिए उचित नहीं है, यह आपको शोभा नहीं देता।'

श्लोक 17 (skanda.4.31.17)

अहं कर्ता हि लोकानां यज्ञो नारायणः परः॥ न मामनादृत्य विधे जीवनं जगतामज

ahaṁ kartā hi lokānāṁ yajño nārāyaṇaḥ paraḥ na māmanādṛtya vidhe jīvanaṁ jagatāmaja

'मैं ही लोकों का कर्ता हूँ, मैं ही यज्ञ हूँ, परम नारायण हूँ। हे अजन्मा विधे! मेरा अनादर करके जगतों का जीवन संभव नहीं है।'

श्लोक 18 (skanda.4.31.18)

अहमेव परं ज्योतिरहमेव परा गतिः॥ मत्प्रेरितेन भवता सृष्टिरेषा विधीयते

ahameva paraṁ jyotirahameva parā gatiḥ matpreritena bhavatā sṛṣṭireṣā vidhīyate

'मैं ही परम ज्योति हूँ, मैं ही परम गति हूँ। मेरे ही द्वारा प्रेरित होकर तुम यह सृष्टि करते हो।'

श्लोक 19 (skanda.4.31.19)

एवं विप्र कृतौ मोहात्परस्परजयैषिणौ॥ पप्रच्छतुः प्रमाणज्ञानागमांश्चतुरोपि तौ॥ ॥ विधिक्रतू ऊचतुः॥ वेदाः प्रमाणं सर्वत्र प्रतिष्ठां परमामिताः॥ यूयमेव न संदेहः किं तत्त्वं प्रतितिष्ठत

evaṁ vipra kṛtau mohātparasparajayaiṣiṇau papracchatuḥ pramāṇajñānāgamāṁścaturopi tau vidhikratū ūcatuḥ vedāḥ pramāṇaṁ sarvatra pratiṣṭhāṁ paramāmitāḥ yūyameva na saṁdehaḥ kiṁ tattvaṁ pratitiṣṭhata

हे विप्र! इस प्रकार मोहवश एक-दूसरे पर विजय चाहते हुए, उन दोनों ने चारों वेदों से प्रमाण-ज्ञान पूछा। ब्रह्मा और क्रतु ने कहा — 'वेद सर्वत्र परम प्रतिष्ठा वाले प्रमाण हैं; तुम ही निःसंदेह कहो कि कौन-सा तत्त्व श्रेष्ठ है।'

श्लोक 20 (skanda.4.31.20)

श्रुतय ऊचुः॥ यदि मान्या वयं देवौ सृष्टिस्थितिकरौ विभू॥ तदा प्रमाणं वक्ष्यामो भवत्संदेहभेदकम्

śrutaya ūcuḥ yadi mānyā vayaṁ devau sṛṣṭisthitikarau vibhū tadā pramāṇaṁ vakṣyāmo bhavatsaṁdehabhedakam

श्रुतियों ने कहा — 'यदि सृष्टि और स्थिति करने वाले हे दोनों विभु देवो! हम तुम्हें मान्य हैं, तो हम तुम्हारे संशय को मिटाने वाला प्रमाण बताएँगी।'

श्लोक 21 (skanda.4.31.21)

श्रुत्युक्तमिदमाकर्ण्य प्रोचतुस्तौ श्रुतीः प्रति॥ युष्मदुक्तं प्रमाणं नौ किं तत्त्वं सम्यगुच्यताम्

śrutyuktamidamākarṇya procatustau śrutīḥ prati yuṣmaduktaṁ pramāṇaṁ nau kiṁ tattvaṁ samyagucyatām

श्रुतियों के इस कथन को सुनकर उन दोनों ने श्रुतियों से कहा — 'तुम्हारा कहा हुआ हमारे लिए प्रमाण है, अब भलीभाँति कहो कि तत्त्व क्या है?'

श्लोक 22 (skanda.4.31.22)

ऋगुवाच॥ यदंतःस्थानि भूतानि यतः सर्वं प्रवर्तते॥ यदाहुस्तत्परं तत्त्वं स रुद्रस्त्वेक एव हि

ṛguvāca yadaṁtaḥsthāni bhūtāni yataḥ sarvaṁ pravartate yadāhustatparaṁ tattvaṁ sa rudrastveka eva hi

ऋग्वेद ने कहा — 'जिसके भीतर सभी प्राणी स्थित हैं, जिससे सब कुछ उत्पन्न होता है, जिसे परम तत्त्व कहा जाता है, वह एकमात्र रुद्र ही है।'

श्लोक 23 (skanda.4.31.23)

॥ यजुरुवाच॥ यो यज्ञैरखिलैरीशो योगेन च समिज्यते॥ येन प्रमाणं हि वयं स एकः सर्वदृक्छिवः

yajuruvāca yo yajñairakhilairīśo yogena ca samijyate yena pramāṇaṁ hi vayaṁ sa ekaḥ sarvadṛkchivaḥ

यजुर्वेद ने कहा — 'जो समस्त यज्ञों और योग से पूजित होते हैं, जिनके द्वारा हम स्वयं प्रमाणभूत हैं, वह एकमात्र सर्वदृष्टा शिव ही हैं।'

श्लोक 24 (skanda.4.31.24)

॥ सामोवाच॥ येनेदं भ्रश्यते विश्वं योगिभिर्यो विचिंत्यते॥ यद्भासा भासते विश्वं स एकस्त्र्यंबकः परः

sāmovāca yenedaṁ bhraśyate viśvaṁ yogibhiryo viciṁtyate yadbhāsā bhāsate viśvaṁ sa ekastryaṁbakaḥ paraḥ

सामवेद ने कहा — 'जिनसे यह विश्व प्रकट होता है, जिनका योगीजन ध्यान करते हैं, जिनकी आभा से यह विश्व प्रकाशित होता है, वह एकमात्र परम त्र्यंबक ही हैं।'

श्लोक 25 (skanda.4.31.25)

॥ अथर्वोवाच॥ यं प्रपश्यंति देवेशं भक्त्यानुग्रहिणो जनाः॥ तमाहुरेकं कैवल्यं शंकरं दुःखतस्करम्

atharvovāca yaṁ prapaśyaṁti deveśaṁ bhaktyānugrahiṇo janāḥ tamāhurekaṁ kaivalyaṁ śaṁkaraṁ duḥkhataskaram

अथर्ववेद ने कहा — 'जिस देवाधिदेव को भक्तिपूर्ण अनुग्रहीत जन देखते हैं, उन्हें ही दुःखों को चुराने वाला एकमात्र कैवल्यरूप शंकर कहा जाता है।'

श्लोक 26 (skanda.4.31.26)

श्रुतीरितं निशम्येत्थं तावतीव विमोहितौ॥ स्मित्वाहतुः क्रतु विधीमोहाध्येनांकितौ मुने

śrutīritaṁ niśamyetthaṁ tāvatīva vimohitau smitvāhatuḥ kratu vidhīmohādhyenāṁkitau mune

हे मुने! वेदों का यह कथन सुनकर, अत्यंत मोहित हुए ब्रह्मा और क्रतु ने मुस्कुराते हुए, फिर भी मोह से चिह्नित होकर, आपस में कहा —

श्लोक 27 (skanda.4.31.27)

कथं प्रमथनाथोसौ रममाणो निरंतरम्॥ दिगंबरः पितृवने शिवया धूलिधूसरः

kathaṁ pramathanāthosau ramamāṇo niraṁtaram digaṁbaraḥ pitṛvane śivayā dhūlidhūsaraḥ

'यह प्रमथों के स्वामी, जो सदा श्मशान में क्रीड़ा करते हैं, दिगंबर, शिवा के साथ धूल से धूसरित,

श्लोक 28 (skanda.4.31.28)

विटंकवेशो जटिलो वृषगोव्यालभूषणः॥ परं ब्रह्मत्वमापन्नः क्व च तत्संगवर्जितम्॥ तदुदीरितमाकर्ण्य प्रणवात्मा सनातनः॥ अमूर्तो मूर्तिमान्भूत्वा हसमान उवाच तौ

viṭaṁkaveśo jaṭilo vṛṣagovyālabhūṣaṇaḥ paraṁ brahmatvamāpannaḥ kva ca tatsaṁgavarjitam tadudīritamākarṇya praṇavātmā sanātanaḥ amūrto mūrtimānbhūtvā hasamāna uvāca tau

विचित्र वेष वाले, जटाधारी, बैल, गाय की खाल तथा सर्प से विभूषित — भला परब्रह्मत्व को कैसे प्राप्त हुआ, जो इन सब संगों से रहित है?' उनके इस कथन को सुनकर, ओंकार-स्वरूप वह सनातन, अमूर्त होते हुए भी मूर्तिमान होकर, हँसते हुए उनसे बोला।

श्लोक 29 (skanda.4.31.29)

प्रणव उवाच॥ न ह्येष भगवाञ्छक्त्या स्वात्मनो व्यतिरिक्तया॥ कदाचिद्रमते रुद्रो लीलारूपधरो हरः

praṇava uvāca na hyeṣa bhagavāñchaktyā svātmano vyatiriktayā kadācidramate rudro līlārūpadharo haraḥ

प्रणव (ॐ) ने कहा — 'यह भगवान हर, अपनी ही शक्ति से अलग किसी शक्ति से कभी क्रीड़ा नहीं करते; यह रुद्र लीला-रूप धारण करने वाले हैं।'

श्लोक 30 (skanda.4.31.30)

असौ हि भगवानीशः स्वयंज्योतिः सनातनः॥ आनंदरूपा तस्यैषा शक्तिर्नागंतुकी शिवा

asau hi bhagavānīśaḥ svayaṁjyotiḥ sanātanaḥ ānaṁdarūpā tasyaiṣā śaktirnāgaṁtukī śivā

'यह भगवान ईश्वर स्वयं-ज्योति, सनातन हैं। उनकी यह आनंदरूपा शक्ति शिवा किसी बाहर से आई हुई वस्तु नहीं है।'

श्लोक 31 (skanda.4.31.31)

इत्येवमुक्तेपि तदा मखमूर्तेरजस्य हि॥ नाज्ञानमगमन्नाशं श्रीकंठस्यैव मायया

ityevamuktepi tadā makhamūrterajasya hi nājñānamagamannāśaṁ śrīkaṁṭhasyaiva māyayā

इस प्रकार कहे जाने पर भी, यज्ञ-स्वरूप अजन्मा ब्रह्मा का अज्ञान नष्ट नहीं हुआ — यह श्रीकंठ शिव की ही माया थी।

श्लोक 32 (skanda.4.31.32)

प्रादुरासीत्ततो ज्योतिरुभयोरंतरे महत्॥ पूरयन्निजया भासा द्यावाभूम्योर्यदंतरम्

prādurāsīttato jyotirubhayoraṁtare mahat pūrayannijayā bhāsā dyāvābhūmyoryadaṁtaram

तब उन दोनों के बीच एक महान ज्योति प्रकट हुई, जो अपनी आभा से आकाश और पृथ्वी के बीच के अंतर को भर रही थी।

श्लोक 33 (skanda.4.31.33)

ज्योतिर्मंडलमध्यस्थो ददृशे पुरुषाकृतिः॥ प्रजज्वालाथ कोपेन ब्रह्मणः पंचमं शिरः

jyotirmaṁḍalamadhyastho dadṛśe puruṣākṛtiḥ prajajvālātha kopena brahmaṇaḥ paṁcamaṁ śiraḥ

उस ज्योति-मंडल के मध्य में एक पुरुष-आकृति दिखाई दी। तब क्रोध से ब्रह्मा का पाँचवाँ सिर प्रज्वलित हो उठा।

श्लोक 34 (skanda.4.31.34)

आवयोरंतरं कोसौ बिभृयात्पुरुषाकृतिम्॥ विधिः संभावयेद्यावत्तावत्स हि विलोकितः

āvayoraṁtaraṁ kosau bibhṛyātpuruṣākṛtim vidhiḥ saṁbhāvayedyāvattāvatsa hi vilokitaḥ

'हम दोनों के बीच यह पुरुष-आकृति धारण करने वाला कौन है?' — ब्रह्मा इसी विचार में थे कि वह पूरी तरह दिखाई दिया।

श्लोक 35 (skanda.4.31.35)

स्रष्टा क्षणेन च महान्पुरुषो नीललोहितः॥ त्रिशूलपाणिर्भालाक्षो नागोडुपविभूषणः

sraṣṭā kṣaṇena ca mahānpuruṣo nīlalohitaḥ triśūlapāṇirbhālākṣo nāgoḍupavibhūṣaṇaḥ

एक क्षण में वह महान पुरुष सृष्टिकर्ता, नीललोहित, त्रिशूलधारी, ललाट-नेत्र वाला, सर्प और चंद्रमा से विभूषित प्रकट हुआ।

श्लोक 36 (skanda.4.31.36)

हिरण्यगर्भस्तं प्राह जाने त्वां चंद्रशेखरम्॥ भालस्थलान्ममपुरा रुद्रः प्रादुरभूद्भवान्

hiraṇyagarbhastaṁ prāha jāne tvāṁ caṁdraśekharam bhālasthalānmamapurā rudraḥ prādurabhūdbhavān

हिरण्यगर्भ (ब्रह्मा) ने उनसे कहा — 'मैं तुम्हें चंद्रशेखर के रूप में जानता हूँ। तुम पूर्व में मेरे ही ललाट से रुद्र के रूप में प्रकट हुए थे।'

श्लोक 37 (skanda.4.31.37)

रोदनाद्रुद्रनामापि योजितोसि मया पुरा॥ मामेव शरणं याहि पुत्र रक्षां करोमि ते॥ अथेश्वरः पद्मयोनेः श्रुत्वा गर्ववतीं गिरम्॥ सकोपतः समुत्पाद्य पुरुषं भैरवाकृतिम्

rodanādrudranāmāpi yojitosi mayā purā māmeva śaraṇaṁ yāhi putra rakṣāṁ karomi te atheśvaraḥ padmayoneḥ śrutvā garvavatīṁ giram sakopataḥ samutpādya puruṣaṁ bhairavākṛtim

'रोने के कारण मैंने ही तुम्हें पूर्वकाल में रुद्र नाम दिया था। हे पुत्र! मेरी ही शरण में आओ, मैं तुम्हारी रक्षा करूँगा।' तब कमल-योनि ब्रह्मा के गर्वयुक्त वचन सुनकर, ईश्वर ने क्रोधपूर्वक भैरव के आकार वाला एक पुरुष उत्पन्न किया।

श्लोक 38 (skanda.4.31.38)

प्राह पंकजजन्मासौ शास्यस्ते कालभैरव॥ कालवद्राजसे साक्षात्कालराजस्ततो भवान्

prāha paṁkajajanmāsau śāsyaste kālabhairava kālavadrājase sākṣātkālarājastato bhavān

उन्होंने कहा — 'यह कमल से जन्मा ब्रह्मा तुम्हारे द्वारा दंडनीय है, हे कालभैरव! तुम काल के समान साक्षात् शोभित होते हो, अतः तुम कालराज हो।'

श्लोक 39 (skanda.4.31.39)

विश्वं भर्तुं समर्थोऽसि भरणाद्भैरवः स्मृतः॥ त्वत्तो भेष्यति कालोपि ततस्त्वं कालभैरवः

viśvaṁ bhartuṁ samartho'si bharaṇādbhairavaḥ smṛtaḥ tvatto bheṣyati kālopi tatastvaṁ kālabhairavaḥ

'तुम विश्व को धारण करने में समर्थ हो, इसी धारण-गुण के कारण तुम्हें भैरव कहा गया। स्वयं काल भी तुमसे भयभीत होगा, इसलिए तुम कालभैरव हो।'

श्लोक 40 (skanda.4.31.40)

आमर्दयिष्यति भवांस्तुष्टो दुष्टात्मनो यतः॥ आमर्दक इति ख्याति ततः सर्वत्र यास्यति

āmardayiṣyati bhavāṁstuṣṭo duṣṭātmano yataḥ āmardaka iti khyāti tataḥ sarvatra yāsyati

'प्रसन्न होकर तुम दुष्टों की आत्माओं को कुचल डालोगे, इसलिए तुम सर्वत्र 'आमर्दक' के नाम से विख्यात होगे।'

श्लोक 41 (skanda.4.31.41)

यतः पापानि भक्तानां भक्षयिष्यति तत्क्षणात्॥ पापभक्षण इत्येव तव नाम भविष्यति

yataḥ pāpāni bhaktānāṁ bhakṣayiṣyati tatkṣaṇāt pāpabhakṣaṇa ityeva tava nāma bhaviṣyati

'चूँकि तुम भक्तों के पापों को उसी क्षण खा जाओगे, अतः तुम्हारा नाम पापभक्षण होगा।'

श्लोक 42 (skanda.4.31.42)

या मे मुक्तिपुरी काशी सर्वाभ्योपि गरीयसी॥ आधिपत्यं च तस्यास्ते कालराज सदैव हि

yā me muktipurī kāśī sarvābhyopi garīyasī ādhipatyaṁ ca tasyāste kālarāja sadaiva hi

'मेरी मुक्तिपुरी काशी, जो सबसे बढ़कर है, उसका आधिपत्य हे कालराज! तुम्हें सदा के लिए रहेगा।'

श्लोक 43 (skanda.4.31.43)

तत्र ये पापकर्तारस्तेषां शास्ता त्वमेव हि॥ शुभाशुभं न तत्कर्म चित्रगुप्तो लिखिष्यति

tatra ye pāpakartārasteṣāṁ śāstā tvameva hi śubhāśubhaṁ na tatkarma citragupto likhiṣyati

'वहाँ जो भी पाप करने वाले हैं, उनके शासक तुम ही होगे; उनके शुभ-अशुभ कर्म को चित्रगुप्त नहीं लिखेगा।'

श्लोक 44 (skanda.4.31.44)

एतान्वरान्प्रगृह्याऽथ तत्क्षणात्कालभैरवः॥ वामांगुलिनखाग्रेण चकर्त च शिरो विधेः

etānvarānpragṛhyā'tha tatkṣaṇātkālabhairavaḥ vāmāṁgulinakhāgreṇa cakarta ca śiro vidheḥ

ये वर पाकर, कालभैरव ने उसी क्षण अपने बाएँ हाथ की उँगली के नख की नोक से ब्रह्मा का सिर काट दिया।

श्लोक 45 (skanda.4.31.45)

यदंगमपराध्नोति कार्यं तस्यैव शासनम्॥ अतो येन कृता निंदा तच्छिन्नं पचमं शिरः

yadaṁgamaparādhnoti kāryaṁ tasyaiva śāsanam ato yena kṛtā niṁdā tacchinnaṁ pacamaṁ śiraḥ

जो अंग अपराध करता है, उसी को दंड दिया जाना उचित है; अतः जिस पाँचवें सिर ने निंदा की थी, वही काटा गया।

श्लोक 46 (skanda.4.31.46)

यज्ञमूर्तिधरो विष्णुस्ततस्तुष्टाव शंकरम्॥ भीतो हिरण्यगर्भोपि जजाप शतरुद्रियम्॥ आश्वास्य तौ महादेवः प्रीतः प्रणतवत्सलः॥ प्राह स्वां मूर्तिमपरां भैरवं तं कपर्दिनम्

yajñamūrtidharo viṣṇustatastuṣṭāva śaṁkaram bhīto hiraṇyagarbhopi jajāpa śatarudriyam āśvāsya tau mahādevaḥ prītaḥ praṇatavatsalaḥ prāha svāṁ mūrtimaparāṁ bhairavaṁ taṁ kapardinam

तब यज्ञ-स्वरूप विष्णु ने शंकर की स्तुति की, और भयभीत हिरण्यगर्भ ने भी शतरुद्रीय का जप किया। महादेव ने प्रसन्न होकर, प्रणतवत्सल भाव से दोनों को आश्वस्त किया, और अपने ही दूसरे रूप जटाधारी भैरव से कहा —

श्लोक 47 (skanda.4.31.47)

मान्योऽध्वरोसौ भवता तथा शतधृतिस्त्वयम्॥ कपालं वैधसं चापि नीललोहित धारय

mānyo'dhvarosau bhavatā tathā śatadhṛtistvayam kapālaṁ vaidhasaṁ cāpi nīlalohita dhāraya

'यह यज्ञस्वरूप विष्णु तुम्हारे द्वारा सम्मान्य है, वैसे ही यह शतधृति (ब्रह्मा) भी। और हे नीललोहित! ब्रह्मा का यह कपाल तुम धारण करो।'

श्लोक 48 (skanda.4.31.48)

ब्रह्महत्यापनोदाय व्रतं लोकाय दर्शयन्॥ चर त्वं सततं भिक्षां कापालव्रतमास्थितः॥ इत्युक्त्वांऽतर्हितो देवस्तेजोरूपस्तदा शिवः

brahmahatyāpanodāya vrataṁ lokāya darśayan cara tvaṁ satataṁ bhikṣāṁ kāpālavratamāsthitaḥ ityuktvāṁ'tarhito devastejorūpastadā śivaḥ

'ब्रह्महत्या को दूर करने के लिए, लोगों को यह व्रत दिखलाते हुए, तुम कापाल-व्रत धारण कर सदा भिक्षाटन करते रहो।' यह कहकर तेजोरूप शिव अंतर्धान हो गए, और ब्रह्महत्या नामक एक कन्या उत्पन्न की,

श्लोक 49 (skanda.4.31.49)

उत्पाद्य कन्यामेकां तु ब्रह्महत्येति विश्रुताम्॥ रक्तांबरधरां रक्तां रक्तस्रग्गंधलेपनाम्

utpādya kanyāmekāṁ tu brahmahatyeti viśrutām raktāṁbaradharāṁ raktāṁ raktasraggaṁdhalepanām

जो लाल वस्त्र धारण किए, लाल रंग की, लाल माला और चंदन से लिप्त थी,

श्लोक 50 (skanda.4.31.50)

दंष्टाकरालवदनां ललज्जिह्वातिभीषणाम्॥ अंतरिक्षैकपादाग्रां पिबंतीं रुधिरं बहु

daṁṣṭākarālavadanāṁ lalajjihvātibhīṣaṇām aṁtarikṣaikapādāgrāṁ pibaṁtīṁ rudhiraṁ bahu

जिसका मुख दाढ़ों से भयंकर था, जिह्वा लपलपाती हुई अत्यंत डरावनी थी, जो आकाश में एक पैर की नोक पर खड़ी होकर खूब रक्त पीती थी,

श्लोक 51 (skanda.4.31.51)

कर्त्रीं कर्परहस्ताग्रां स्फुरत्पिंगोग्रतारकाम्॥ गर्जयंतीं महावेगां भैरवस्यापिभीषणाम्

kartrīṁ karparahastāgrāṁ sphuratpiṁgogratārakām garjayaṁtīṁ mahāvegāṁ bhairavasyāpibhīṣaṇām

जिसके हाथों में छुरी और कपाल था, जिसकी उग्र आँखें पिंगल वर्ण की चमक रही थीं, जो गरजती हुई अत्यंत वेगवती थी, भैरव को भी भयभीत करने वाली।

श्लोक 52 (skanda.4.31.52)

यावद्वाराणसीं दिव्यां पुरीमेष गमिष्यति॥ तावत्त्वं भीषणे कालमनुगच्छोग्ररूपिणि

yāvadvārāṇasīṁ divyāṁ purīmeṣa gamiṣyati tāvattvaṁ bhīṣaṇe kālamanugacchograrūpiṇi

शिव ने कहा — 'हे भीषण, उग्ररूपिणी! जब तक यह दिव्य वाराणसी नगरी को नहीं पहुँचेगा, तब तक तुम इसका अनुगमन करो।'

श्लोक 53 (skanda.4.31.53)

सर्वत्र ते प्रवेशोस्ति त्यक्त्वा वाराणसीं पुरीम्॥ नियोज्यतामिति शिवोप्यंतर्धानं गतस्ततः

sarvatra te praveśosti tyaktvā vārāṇasīṁ purīm niyojyatāmiti śivopyaṁtardhānaṁ gatastataḥ

'सर्वत्र तुम्हारा प्रवेश है, केवल वाराणसी नगरी को छोड़कर — इस प्रकार तुम नियुक्त की जाती हो।' यह कहकर शिव भी अंतर्धान हो गए।

श्लोक 54 (skanda.4.31.54)

तत्सान्निध्याद्भैरवोपि कालोभूत्कालकालतः॥ स देवदेववाक्येन बिभ्रत्कापालिकं व्रतम्

tatsānnidhyādbhairavopi kālobhūtkālakālataḥ sa devadevavākyena bibhratkāpālikaṁ vratam

उसके निरंतर साथ रहने से भैरव भी, स्वयं काल के भी काल होते हुए, काल के समान बंधे हुए हो गए। देवाधिदेव के वचन से कापालिक व्रत धारण करते हुए,

श्लोक 55 (skanda.4.31.55)

कपालपाणिर्विश्वात्मा चचार भुवनत्रयम्॥ नात्याक्षीच्चापि तं देवं ब्रह्महत्या सुदारुणा॥ सत्यलोकेपि वैकुंठे महेंद्रादि पुरीष्वपि॥ त्रिजगत्पतिरुग्रोपि व्रती त्रिजगतीश्वरः

kapālapāṇirviśvātmā cacāra bhuvanatrayam nātyākṣīccāpi taṁ devaṁ brahmahatyā sudāruṇā satyalokepi vaikuṁṭhe maheṁdrādi purīṣvapi trijagatpatirugropi vratī trijagatīśvaraḥ

हाथ में कपाल लिए, विश्व की आत्मा वे तीनों लोकों में विचरण करने लगे। सत्यलोक, वैकुंठ, तथा महेंद्र आदि की नगरियों में भी वह अत्यंत भयंकर ब्रह्महत्या उन्हें कहीं नहीं छोड़ती थी। त्रिलोक के स्वामी, उग्र होते हुए भी, व्रतधारी बने रहे —

श्लोक 56 (skanda.4.31.56)

प्रतितीर्थं भ्रमन्नापि विमुक्तो ब्रह्महत्यया

pratitīrthaṁ bhramannāpi vimukto brahmahatyayā

प्रत्येक तीर्थ में भटकते हुए भी वे ब्रह्महत्या से मुक्त नहीं हो सके।

श्लोक 57 (skanda.4.31.57)

अनेनैवानुमानेन महिमा त्ववगम्यताम्॥ ब्रह्महत्यापनोदिन्याः काश्याः कलशसंभव

anenaivānumānena mahimā tvavagamyatām brahmahatyāpanodinyāḥ kāśyāḥ kalaśasaṁbhava

हे कलशसंभव! इसी अनुमान से ब्रह्महत्या को दूर करने वाली काशी की महिमा समझी जानी चाहिए।

श्लोक 58 (skanda.4.31.58)

संति तीर्थान्यनेकानि बहून्यायतनानि च॥ अधि त्रिलोकिनो काश्याः कलामर्हंति षोडशीम्

saṁti tīrthānyanekāni bahūnyāyatanāni ca adhi trilokino kāśyāḥ kalāmarhaṁti ṣoḍaśīm

तीनों लोकों में अनेक तीर्थ हैं, अनेक पवित्र स्थान हैं, किंतु वे काशी के सोलहवें अंश के भी योग्य नहीं हैं।

श्लोक 59 (skanda.4.31.59)

तावद्गर्जंति पापानि ब्रहत्यादिकान्यलम्॥ यावन्नाम न शृण्वंति काश्याः पापाचलाशनेः

tāvadgarjaṁti pāpāni brahatyādikānyalam yāvannāma na śṛṇvaṁti kāśyāḥ pāpācalāśaneḥ

ब्रह्महत्या आदि पाप तभी तक गर्जते हैं, जब तक वे पाप-पर्वत पर वज्रस्वरूप काशी का नाम नहीं सुनते।

श्लोक 60 (skanda.4.31.60)

प्रमथैः सेव्यमानोऽयं त्रिलोकीं विचरन्हरः॥ कापालिको ययौ देवो नारायणनिकेतनम्

pramathaiḥ sevyamāno'yaṁ trilokīṁ vicaranharaḥ kāpāliko yayau devo nārāyaṇaniketanam

प्रमथों द्वारा सेवित यह हर, तीनों लोकों में विचरण करते हुए, कापालिक होकर नारायण के धाम पहुँचे।

श्लोक 61 (skanda.4.31.61)

अथायांतं महाकालं त्रिनेत्रं सर्पकुंडलम्॥ महादेवांशसंभूतं भैरवं भीषणाकृतिम्

athāyāṁtaṁ mahākālaṁ trinetraṁ sarpakuṁḍalam mahādevāṁśasaṁbhūtaṁ bhairavaṁ bhīṣaṇākṛtim

फिर त्रिनेत्र, सर्प-कुंडल वाले, महादेव के अंश से उत्पन्न, भयानक आकृति वाले उस महाकाल भैरव को आते देखकर —

श्लोक 62 (skanda.4.31.62)

पपात दंडवद्भूमौ दृष्ट्वा तं गरुडध्वजः॥ देवाश्च मुनयश्चैव देवनार्यः समंततः

papāta daṁḍavadbhūmau dṛṣṭvā taṁ garuḍadhvajaḥ devāśca munayaścaiva devanāryaḥ samaṁtataḥ

गरुड़ध्वज विष्णु दंड के समान भूमि पर गिर पड़े, तथा देवता, मुनि और देवांगनाएँ चारों ओर से,

श्लोक 63 (skanda.4.31.63)

निपेतुः प्रणिपत्यैनं प्रणतः कमलापतिः॥ शिरस्यंजलिमारोप्य स्तुत्वा बहुविधैः स्तवैः

nipetuḥ praṇipatyainaṁ praṇataḥ kamalāpatiḥ śirasyaṁjalimāropya stutvā bahuvidhaiḥ stavaiḥ

प्रणाम करके गिर पड़े। कमलापति विष्णु ने प्रणत होकर सिर पर अंजलि रखकर, अनेक प्रकार की स्तुतियों से उनकी स्तुति की।

श्लोक 64 (skanda.4.31.64)

क्षीरोदमथनो तां प्राह पद्मालयां हरिः॥ प्रिये पश्याऽब्जनयने धन्याऽसि सुभगेनघे॥ धन्योऽहं देवि सुश्रोणि यत्पश्यावो जगत्पतिम्॥ अयं धाता विधाता च लोकानां प्रभुरीश्वरः

kṣīrodamathano tāṁ prāha padmālayāṁ hariḥ priye paśyā'bjanayane dhanyā'si subhagenaghe dhanyo'haṁ devi suśroṇi yatpaśyāvo jagatpatim ayaṁ dhātā vidhātā ca lokānāṁ prabhurīśvaraḥ

क्षीरसागर के मंथन करने वाले हरि ने पद्मालया (लक्ष्मी) से कहा — 'हे प्रिये, कमलनयने! देखो, तुम धन्य हो, हे सुंदर, निष्पाप देवी! मैं भी धन्य हूँ, हे सुश्रोणि! कि हम जगत्पति को देख रहे हैं। यह लोकों के धाता, विधाता, प्रभु, ईश्वर हैं —'

श्लोक 65 (skanda.4.31.65)

अनादिः शरणः शांतः परः षड्विंशसंमितः॥ सर्वज्ञः सर्वयोगीशः सर्वभूतैकनायकः

anādiḥ śaraṇaḥ śāṁtaḥ paraḥ ṣaḍviṁśasaṁmitaḥ sarvajñaḥ sarvayogīśaḥ sarvabhūtaikanāyakaḥ

'अनादि, शरणदाता, शांत, परम, छब्बीसवें तत्त्व के रूप में जाने जाने वाले, सर्वज्ञ, समस्त योगियों के स्वामी, समस्त प्राणियों के एकमात्र नायक —'

श्लोक 66 (skanda.4.31.66)

सर्वभूतांतरात्माऽयं सर्वेषां सर्वदः सदा॥ यं विनिद्रा विनिःश्वासाः शांता ध्यानपरायणाः

sarvabhūtāṁtarātmā'yaṁ sarveṣāṁ sarvadaḥ sadā yaṁ vinidrā viniḥśvāsāḥ śāṁtā dhyānaparāyaṇāḥ

'समस्त प्राणियों की अंतरात्मा, सबको सदा सब कुछ देने वाले। जिन्हें निद्रारहित, श्वासरहित, शांत, ध्यानपरायण साधक —'

श्लोक 67 (skanda.4.31.67)

धिया पश्यंति हृदये सोयमद्य समीक्ष्यताम्॥ यं विदुर्वेदतत्त्वज्ञा योगिनो यतमानसाः

dhiyā paśyaṁti hṛdaye soyamadya samīkṣyatām yaṁ vidurvedatattvajñā yogino yatamānasāḥ

'बुद्धि से हृदय में देखते हैं, वे ही आज साक्षात् देखे जा रहे हैं! जिन्हें वेद-तत्त्व के ज्ञाता, संयमित मन वाले योगीजन जानते हैं —'

श्लोक 68 (skanda.4.31.68)

अरूपो रूपवान्भूत्वा सोयमायाति सर्वगः॥ अहो विचित्रं देवस्य चेष्टितं परमेष्ठिनः

arūpo rūpavānbhūtvā soyamāyāti sarvagaḥ aho vicitraṁ devasya ceṣṭitaṁ parameṣṭhinaḥ

'वे रूपरहित होते हुए भी रूपवान होकर, सर्वव्यापी वे आ रहे हैं। अहा! परमेष्ठी देव की लीला कितनी विचित्र है!'

श्लोक 69 (skanda.4.31.69)

यस्याख्यां ब्रुवतां नित्यं न देहः सोपि देहधृक्॥ यं दृष्ट्वा न पुनर्जन्म लभ्यते मानवैर्भुवि

yasyākhyāṁ bruvatāṁ nityaṁ na dehaḥ sopi dehadhṛk yaṁ dṛṣṭvā na punarjanma labhyate mānavairbhuvi

'जिनका नाम निरंतर लेने वालों को भी देह नहीं रहती, वे स्वयं देहधारी बने हैं! जिन्हें देखकर मनुष्यों को इस पृथ्वी पर पुनर्जन्म नहीं मिलता —'

श्लोक 70 (skanda.4.31.70)

सोयमायाति भगवांस्त्र्यंबकः शशिभूषणः॥ पुंडरीकदलायामे धन्येमेऽद्य विलोचने

soyamāyāti bhagavāṁstryaṁbakaḥ śaśibhūṣaṇaḥ puṁḍarīkadalāyāme dhanyeme'dya vilocane

'वही भगवान त्र्यंबक, चंद्रभूषित, हमारी ओर आ रहे हैं! धन्य हैं आज मेरे कमल-दल जैसे विशाल नेत्र —'

श्लोक 71 (skanda.4.31.71)

धिग्धिक्पदं तु देवानां परं दृष्ट्वाऽत्र शंकरम्॥ लभ्यते यन्न निर्वाणं सर्वदुःखांतकृत्तु यत्

dhigdhikpadaṁ tu devānāṁ paraṁ dṛṣṭvā'tra śaṁkaram labhyate yanna nirvāṇaṁ sarvaduḥkhāṁtakṛttu yat

'यहाँ परम शंकर को देखकर भी जिन्हें वह मुक्ति नहीं मिलती जो समस्त दुःखों का अंत करती है, उन देवताओं के पद को धिक्कार है!'

श्लोक 72 (skanda.4.31.72)

देवत्वादशुभं किंचिद्देवलोके न विद्यते॥ दृष्ट्वापि सर्वदेवेशं यन्मुक्तिं न लभामहे

devatvādaśubhaṁ kiṁciddevaloke na vidyate dṛṣṭvāpi sarvadeveśaṁ yanmuktiṁ na labhāmahe

'देवत्व के कारण देवलोक में कुछ भी अशुभ नहीं है, केवल यह कि समस्त देवेश को देखकर भी हमें मुक्ति नहीं मिलती।'

श्लोक 73 (skanda.4.31.73)

एवमुक्त्वा हृषीकेशः संप्रहृष्टतनूरुहः॥ प्रणिपत्य महादेवमिदमाह वृषध्वजम्॥ किमिदं देवदेवेन सर्वज्ञेन त्वया विभो॥ क्रियते जगतां धात्रा सर्वपापहराऽव्यय

evamuktvā hṛṣīkeśaḥ saṁprahṛṣṭatanūruhaḥ praṇipatya mahādevamidamāha vṛṣadhvajam kimidaṁ devadevena sarvajñena tvayā vibho kriyate jagatāṁ dhātrā sarvapāpaharā'vyaya

ऐसा कहकर, रोमांचित शरीर वाले हृषीकेश ने महादेव को प्रणाम करके वृषध्वज से यह कहा — 'हे विभो! हे सर्वज्ञ देवाधिदेव! हे समस्त पापों को हरने वाले अव्यय! यह क्या कर रहे हैं आप, जगतों के धाता?'

श्लोक 74 (skanda.4.31.74)

क्रीडेयं तव देवेश त्रिलोचन महामते॥ किं कारणं विरूपाक्ष चेष्टितं ते स्मरार्दन

krīḍeyaṁ tava deveśa trilocana mahāmate kiṁ kāraṇaṁ virūpākṣa ceṣṭitaṁ te smarārdana

'हे देवेश! हे त्रिलोचन! हे महामते! क्या यह आपकी लीला है? हे विरूपाक्ष! हे स्मरार्दन! आपके इस कर्म का क्या कारण है?'

श्लोक 75 (skanda.4.31.75)

किमर्थं भगवत्र्छंभो भिक्षां चरसि शक्तिप॥ संशयो मे जगन्नाथ नतत्रैलोक्यराज्यद

kimarthaṁ bhagavatrchaṁbho bhikṣāṁ carasi śaktipa saṁśayo me jagannātha natatrailokyarājyada

'हे भगवान शंभु! हे शक्ति देने वाले! किसलिए आप भिक्षा माँगते फिरते हैं? हे जगन्नाथ, त्रैलोक्य के राज्यदाता! मुझे इसमें संशय है।'

श्लोक 76 (skanda.4.31.76)

एवमुक्तस्ततः शंभुर्विष्णुमेतदुदाहरत्॥ ब्रह्मणस्तु शिरश्छिन्नमंगु्ल्यग्रनखेन ह

evamuktastataḥ śaṁbhurviṣṇumetadudāharat brahmaṇastu śiraśchinnamaṁgulyagranakhena ha

ऐसा कहे जाने पर शंभु ने विष्णु से यह कहा — 'मेरी अंगुली के नख की नोक से ब्रह्मा का सिर कट गया,'

श्लोक 77 (skanda.4.31.77)

तदघप्रतिघं विष्णो चराम्येतद्व्रतं शुभम्॥ एवमुक्तो महेशेन पुंडरीकविलोचनः

tadaghapratighaṁ viṣṇo carāmyetadvrataṁ śubham evamukto maheśena puṁḍarīkavilocanaḥ

'और, हे विष्णो! उस अपराध के प्रतिकार में मैं यह शुभ व्रत धारण करता हूँ।' महेश द्वारा ऐसा कहे जाने पर, कमलनयन विष्णु ने,

श्लोक 78 (skanda.4.31.78)

स्मित्वा किंचिन्नतशिराः पुनरेवं व्यजिज्ञपत्॥ यथेच्छसि तथा क्रीड सर्वविष्टपनायक

smitvā kiṁcinnataśirāḥ punarevaṁ vyajijñapat yathecchasi tathā krīḍa sarvaviṣṭapanāyaka

मुस्कुराते हुए, सिर कुछ झुकाकर, फिर से यह निवेदन किया — 'हे समस्त लोकों के स्वामी! जैसी आपकी इच्छा हो, वैसी ही क्रीड़ा कीजिए,'

श्लोक 79 (skanda.4.31.79)

मायया मां महादेव नच्छादयितुमर्हसि॥ नाभीकमलकोशात्तु कोटिशः कमलासनान्

māyayā māṁ mahādeva nacchādayitumarhasi nābhīkamalakośāttu koṭiśaḥ kamalāsanān

'किंतु, हे महादेव! आपको माया से मुझे छिपाना उचित नहीं है। मैं अपने नाभि-कमल की कोष से करोड़ों कमलासन (ब्रह्मा) —'

श्लोक 80 (skanda.4.31.80)

कल्पे कल्पे सृजामीश त्वन्नियोगबलाद्विभो॥ त्यज मायामिमां देव दुस्तरामकृतात्मभिः

kalpe kalpe sṛjāmīśa tvanniyogabalādvibho tyaja māyāmimāṁ deva dustarāmakṛtātmabhiḥ

'हे विभो, ईश! प्रत्येक कल्प में आपकी ही आज्ञा के बल से उत्पन्न करता हूँ। हे देव! यह माया, जो असंस्कृत आत्माओं के लिए दुस्तर है, त्याग दीजिए,'

श्लोक 81 (skanda.4.31.81)

मदाद्यो महादेव मायया तव मोहिताः॥ यथावदवगच्छामि चेष्टितं ते शिवापते

madādyo mahādeva māyayā tava mohitāḥ yathāvadavagacchāmi ceṣṭitaṁ te śivāpate

'क्योंकि, हे महादेव! मुझ आदि सबको आपकी माया से मोहित करते हुए भी, मैं आपके इस कर्म को यथार्थ रूप में समझ रहा हूँ, हे शिवापते!'

श्लोक 82 (skanda.4.31.82)

संहारकाले संप्राप्ते सदेवानखिलान्मुनीन्॥ लोकान्वर्णाश्रमवतो हरिष्यसि यदा हर॥ तदा क्व ते महादेव पाप ब्रह्मवधादिकम्॥ पारतंत्र्यं न ते शंभो स्वैरं क्रीडेत्ततो भवान्

saṁhārakāle saṁprāpte sadevānakhilānmunīn lokānvarṇāśramavato hariṣyasi yadā hara tadā kva te mahādeva pāpa brahmavadhādikam pārataṁtryaṁ na te śaṁbho svairaṁ krīḍettato bhavān

'संहार-काल आने पर, हे हर! जब आप देवताओं, मुनियों तथा वर्णाश्रम में स्थित सभी लोकों का संहार करेंगे, तब हे महादेव! आपके लिए ब्रह्म-वध आदि पाप कहाँ रहेगा? हे शंभु! आप किसी के अधीन नहीं हैं, इसलिए आप स्वच्छंद क्रीड़ा करते हैं।'

श्लोक 83 (skanda.4.31.83)

अतीतब्रह्मणामस्थ्नां स्रक्कंठे तव भासते॥ तदातदा क्वानुगता ब्रह्महत्या तवानघ

atītabrahmaṇāmasthnāṁ srakkaṁṭhe tava bhāsate tadātadā kvānugatā brahmahatyā tavānagha

'बीते हुए ब्रह्माओं की हड्डियों की माला आपके कंठ में सुशोभित होती है — तो हे निष्पाप! उस समय-उस समय ब्रह्महत्या आपको कहाँ छू पाई?'

श्लोक 84 (skanda.4.31.84)

कृत्वापि सुमहत्पापं त्वां यः स्मरति भावतः॥ आधारं जगतामीशं तस्य पापं विलीयते

kṛtvāpi sumahatpāpaṁ tvāṁ yaḥ smarati bhāvataḥ ādhāraṁ jagatāmīśaṁ tasya pāpaṁ vilīyate

'महान पाप करके भी जो व्यक्ति सच्चे भाव से जगत के आधार, ईश्वर, आपका स्मरण करता है, उसका पाप विलीन हो जाता है।'

श्लोक 85 (skanda.4.31.85)

यथा तमो न तिष्ठेत संनिधावंशुमालिनः॥ तथा न भवभक्तस्य पापं तस्य व्रजेत्क्षयम्

yathā tamo na tiṣṭheta saṁnidhāvaṁśumālinaḥ tathā na bhavabhaktasya pāpaṁ tasya vrajetkṣayam

'जैसे सूर्य की उपस्थिति में अंधकार नहीं ठहरता, वैसे ही शिव के भक्त का पाप क्षीण नहीं होता, वह पूर्णतः नष्ट ही हो जाता है।'

श्लोक 86 (skanda.4.31.86)

यश्चिंतयति पुण्यात्मा तव पादांबुजद्वयम्॥ ब्रह्महत्यादिकमपि पापं तस्य व्रजेत्क्षयम्

yaściṁtayati puṇyātmā tava pādāṁbujadvayam brahmahatyādikamapi pāpaṁ tasya vrajetkṣayam

'जो पुण्यात्मा आपके दोनों चरण-कमलों का चिंतन करता है, उसका ब्रह्महत्या जैसा पाप भी नष्ट हो जाता है।'

श्लोक 87 (skanda.4.31.87)

तव नामानुरक्ता वाग्यस्य पुंसो जगत्पते॥ अप्यद्रिकूटतुलितं नैनस्तमनुबाधते

tava nāmānuraktā vāgyasya puṁso jagatpate apyadrikūṭatulitaṁ nainastamanubādhate

'हे जगत्पते! जिस पुरुष की वाणी आपके नाम में अनुरक्त है, पर्वत-शिखर के बराबर पाप भी उसे नहीं बाधित करता।'

श्लोक 88 (skanda.4.31.88)

रजसा तमसा विवर्धितं क्व नु पापं परितापदायकम्॥ क्व च ते शिव नाम मंगलं जनजीवातु जगद्रुजापहम्

rajasā tamasā vivardhitaṁ kva nu pāpaṁ paritāpadāyakam kva ca te śiva nāma maṁgalaṁ janajīvātu jagadrujāpaham

'रजस और तमस से बढ़ा हुआ, संताप देने वाला पाप कहाँ, और हे शिव! जन-जीवन का आधार, जगत की व्याधि हरने वाला आपका मंगलमय नाम कहाँ?'

श्लोक 89 (skanda.4.31.89)

यदि जातुचिदंधकद्विषस्तवनामौष्ठपुटाद्विनिःसृतम्॥ शिवशंकर चंद्रशेखरेत्यसकृत्तस्य न संसृतिः पुनः

yadi jātucidaṁdhakadviṣastavanāmauṣṭhapuṭādviniḥsṛtam śivaśaṁkara caṁdraśekharetyasakṛttasya na saṁsṛtiḥ punaḥ

'हे अंधकासुर के शत्रु! यदि कभी भी आपका नाम — शिव, शंकर, चंद्रशेखर — किसी के होंठों से बार-बार निकल जाए, तो उसका पुनः संसार में जन्म नहीं होता।'

श्लोक 90 (skanda.4.31.90)

परमात्मन्परंधाम स्वेच्छा विधृत विग्रह॥ कुतूहलं तवेशेदं क्व पराधीनतेश्वरे

paramātmanparaṁdhāma svecchā vidhṛta vigraha kutūhalaṁ taveśedaṁ kva parādhīnateśvare

'हे परमात्मन्! हे परमधाम! अपनी इच्छा से शरीर धारण करने वाले! हे ईश! आपकी यह लीला कैसी है — परतंत्रता तो ईश्वर में कहाँ हो सकती है?'

श्लोक 91 (skanda.4.31.91)

अद्य धन्योस्मि देवेश यं न पश्यति योगिनः॥ पश्यामि तं जगन्मूलं परमेश्वरमक्षयम्॥ अद्य मे परमो लाभस्त्वद्य मे मंगलं परम्॥ त्वद्दृष्ट्यमृततृप्तस्य तृणं स्वर्गापवर्गदम्

adya dhanyosmi deveśa yaṁ na paśyati yoginaḥ paśyāmi taṁ jaganmūlaṁ parameśvaramakṣayam adya me paramo lābhastvadya me maṁgalaṁ param tvaddṛṣṭyamṛtatṛptasya tṛṇaṁ svargāpavargadam

'आज मैं धन्य हूँ, हे देवेश! जिन्हें योगीजन भी नहीं देख पाते, उन जगत के मूल, अक्षय परमेश्वर को मैं देख रहा हूँ। आज मेरा परम लाभ है, आज मेरा परम मंगल है; आपके दर्शन-अमृत से तृप्त व्यक्ति के लिए स्वर्ग-मोक्ष तक तिनके के समान तुच्छ हो जाते हैं।'

श्लोक 92 (skanda.4.31.92)

इत्थं वदति गोविंदे विमला पद्मया तया॥ मनोरथवती नाम भिक्षापात्रे समर्पिता

itthaṁ vadati goviṁde vimalā padmayā tayā manorathavatī nāma bhikṣāpātre samarpitā

गोविंद के इस प्रकार कहने पर, निर्मल पद्मा (लक्ष्मी) ने अपनी मनोकामना पूर्ण मानकर उनके भिक्षा-पात्र में अर्पण किया।

श्लोक 93 (skanda.4.31.93)

भिक्षाटनाय देवोपि निरगात्परया मुदा॥ दृष्ट्वाऽनुयायिनीं तां तु समाहूय जनार्दनः॥ संप्रार्थयद्ब्रह्महत्यां विमुंच त्वं त्रिशूलिनम्

bhikṣāṭanāya devopi niragātparayā mudā dṛṣṭvā'nuyāyinīṁ tāṁ tu samāhūya janārdanaḥ saṁprārthayadbrahmahatyāṁ vimuṁca tvaṁ triśūlinam

देव (भैरव) भी परम आनंद से भिक्षाटन के लिए निकल पड़े। उनके पीछे चलती हुई ब्रह्महत्या को देखकर जनार्दन ने उसे बुलाकर प्रार्थना की — 'तुम त्रिशूलधारी को छोड़ दो।'

श्लोक 94 (skanda.4.31.94)

॥ ब्रह्महत्योवाच॥ अनेनापि मिषेणाऽहं संसेव्यामुं वृषध्वजम्॥ आत्मानं पावयिष्यामि क्व पुनर्भवदर्शनम्

brahmahatyovāca anenāpi miṣeṇā'haṁ saṁsevyāmuṁ vṛṣadhvajam ātmānaṁ pāvayiṣyāmi kva punarbhavadarśanam

ब्रह्महत्या ने कहा — 'इसी बहाने से मैं इस वृषध्वज की सेवा करके स्वयं को पवित्र करूँगी — पुनः इनका दर्शन कहाँ मिलेगा?'

श्लोक 95 (skanda.4.31.95)

सा तत्याज न तत्पार्श्वं व्याहृतापि मुरारिणा॥ तमूचेऽथ हरिं शंभुः स्मेरास्यो वचनं शुभम्

sā tatyāja na tatpārśvaṁ vyāhṛtāpi murāriṇā tamūce'tha hariṁ śaṁbhuḥ smerāsyo vacanaṁ śubham

मुरारि विष्णु द्वारा कहे जाने पर भी उसने उनका साथ नहीं छोड़ा। तब शंभु ने मुस्कुराते हुए हरि से यह शुभ वचन कहा —

श्लोक 96 (skanda.4.31.96)

त्वद्वाक्पीयूषपानेन तृप्तोस्मि बहुमानद॥ वरं वृणीष्व गोविंद वरदोऽस्मि तवानघ

tvadvākpīyūṣapānena tṛptosmi bahumānada varaṁ vṛṇīṣva goviṁda varado'smi tavānagha

'हे बहुत सम्मान देने वाले! मैं तुम्हारे वचनों के अमृत-पान से तृप्त हूँ। हे गोविंद, निष्पाप! वर माँगो, मैं तुम्हें वर देने वाला हूँ।'

श्लोक 97 (skanda.4.31.97)

न माद्यंति यथा भैक्षैर्भिक्षवोप्यतिसंस्कृतैः॥ यथामानसुधापानैर्नुन्न भिक्षाटनज्वराः

na mādyaṁti yathā bhaikṣairbhikṣavopyatisaṁskṛtaiḥ yathāmānasudhāpānairnunna bhikṣāṭanajvarāḥ

'जैसे भिक्षुक अत्यंत सुसंस्कृत भिक्षान्न से भी तृप्त नहीं होते, वैसे ही केवल सम्मान के अमृत-पान से ही भिक्षाटन का ज्वर शांत होता है।'

श्लोक 98 (skanda.4.31.98)

महाविष्णुरुवाच॥ एष एव वरः श्लाघ्यो यदहं देवताधिपम्॥ पश्यामि त्वां देवदेवं मनोरथपथातिगम्

mahāviṣṇuruvāca eṣa eva varaḥ ślāghyo yadahaṁ devatādhipam paśyāmi tvāṁ devadevaṁ manorathapathātigam

महाविष्णु ने कहा — 'यही वर सराहनीय है कि मैं मनोरथ के मार्ग से भी परे, देवाधिदेव, देवताओं के स्वामी, आपको देख रहा हूँ।'

श्लोक 99 (skanda.4.31.99)

अनभ्रेयं सुधावृष्टिरनायासो महोत्सवः॥ अयत्नो निधिलाभो यद्वीक्षणं हरते सताम्

anabhreyaṁ sudhāvṛṣṭiranāyāso mahotsavaḥ ayatno nidhilābho yadvīkṣaṇaṁ harate satām

'यह बिना बादल के अमृत की वर्षा है, बिना परिश्रम का महोत्सव है, बिना प्रयत्न के निधि की प्राप्ति है — आपका यह दर्शन सज्जनों का समस्त दुःख हर लेता है।'

श्लोक 100 (skanda.4.31.100)

अवियोगोऽस्तु मे देव त्वदंघ्रियुगलेन वै॥ एष एव वरः शंभो नान्यं कंचिद्वरं वृणे॥ ईश्वर उवाच॥ एवं भवतु तेऽनंत यत्त्वयोक्तं महामते॥ सर्वेषामपि देवानां वरदस्त्वं भविष्यसि

aviyogo'stu me deva tvadaṁghriyugalena vai eṣa eva varaḥ śaṁbho nānyaṁ kaṁcidvaraṁ vṛṇe īśvara uvāca evaṁ bhavatu te'naṁta yattvayoktaṁ mahāmate sarveṣāmapi devānāṁ varadastvaṁ bhaviṣyasi

'हे देव! मुझे आपके दोनों चरणों से कभी वियोग न हो — यही वर है, हे शंभु! मैं कोई और वर नहीं माँगता।' ईश्वर ने कहा — 'हे अनंत! तुमने जैसा कहा, हे महामते! वैसा ही हो। तुम स्वयं समस्त देवताओं को वर देने वाले होगे।'

श्लोक 101 (skanda.4.31.101)

अनुगृह्येति दैत्यारिं केंद्रादि भुवने चरन्॥ भेजे विमुक्तिजननीं नाम्ना वाराणसीं पुरीम्

anugṛhyeti daityāriṁ keṁdrādi bhuvane caran bheje vimuktijananīṁ nāmnā vārāṇasīṁ purīm

इस प्रकार दैत्यों के शत्रु विष्णु का अनुग्रह करके, इंद्र आदि के साथ लोक में विचरण करते हुए, वह मुक्ति की जननी नामक वाराणसी नगरी को प्राप्त हुए।

श्लोक 102 (skanda.4.31.102)

यत्र स्थितानां जंतूनां कलां नार्हंति षोडशीम्॥ अपि ब्रह्मादि देवानां पदानि विपदां पदम्

yatra sthitānāṁ jaṁtūnāṁ kalāṁ nārhaṁti ṣoḍaśīm api brahmādi devānāṁ padāni vipadāṁ padam

जहाँ स्थित प्राणियों की तुलना में, विपत्तियों का धाम कहलाने वाले ब्रह्मा आदि देवताओं के पद भी सोलहवें अंश के योग्य नहीं हैं।

श्लोक 103 (skanda.4.31.103)

वरं वाराणसी वासी जटी मुंडी दिगंबरः॥ नान्यत्रच्छत्रसंछन्न वसुधामंडलेश्वरः

varaṁ vārāṇasī vāsī jaṭī muṁḍī digaṁbaraḥ nānyatracchatrasaṁchanna vasudhāmaṁḍaleśvaraḥ

जटाधारी, मुंडित अथवा दिगंबर होकर वाराणसी में निवास करना श्रेष्ठ है, न कि अन्यत्र छत्र से आच्छादित पृथ्वीमंडल का स्वामी बनना।

श्लोक 104 (skanda.4.31.104)

वरं वाराणसी भिक्षा न लक्षाधिपतान्यतः॥ लक्षाधीशो विशेद्गर्भं तद्भिक्षाशी न गर्भभाक्

varaṁ vārāṇasī bhikṣā na lakṣādhipatānyataḥ lakṣādhīśo viśedgarbhaṁ tadbhikṣāśī na garbhabhāk

वाराणसी में भिक्षा माँगना श्रेष्ठ है, अन्यत्र लाखों के स्वामी होने से भी; क्योंकि लाखों का स्वामी पुनः गर्भ में प्रवेश करता है, किंतु वहाँ भिक्षा खाने वाला गर्भ को नहीं भोगता।

श्लोक 105 (skanda.4.31.105)

भिक्षापि यत्र भिक्षुभ्यो दत्तामलकसंमिता॥ सुमेरुणापि तुलिता वाराणस्यां गुरुर्भवेत्

bhikṣāpi yatra bhikṣubhyo dattāmalakasaṁmitā sumeruṇāpi tulitā vārāṇasyāṁ gururbhavet

वाराणसी में भिक्षुकों को दिया गया आँवले के बराबर भी दान, सुमेरु पर्वत से भी तौलने पर भारी हो जाता है।

श्लोक 106 (skanda.4.31.106)

वर्षाशनं हि यो दद्यात्काश्यां सीदत्कुटुंबिने॥ यावंत्यब्दानि तावंति युगानि स दिवीज्यते

varṣāśanaṁ hi yo dadyātkāśyāṁ sīdatkuṭuṁbine yāvaṁtyabdāni tāvaṁti yugāni sa divījyate

जो काशी में किसी दुःखी गृहस्थ को एक वर्ष का भोजन देता है, वह उतने ही वर्षों तक स्वर्ग में पूजित होता है जितने युगों के बराबर वे वर्ष हों।

श्लोक 107 (skanda.4.31.107)

वाराणस्यां वर्षभोज्यं यो दद्यान्निरुपायिने॥ स कदाचित्तृट्क्षुधा नो दुःखं भुंक्ते नरर्षभः

vārāṇasyāṁ varṣabhojyaṁ yo dadyānnirupāyine sa kadācittṛṭkṣudhā no duḥkhaṁ bhuṁkte nararṣabhaḥ

जो श्रेष्ठ पुरुष वाराणसी में किसी निराश्रय को एक वर्ष का भोजन देता है, वह कभी भूख-प्यास का दुःख नहीं भोगता।

श्लोक 108 (skanda.4.31.108)

वाराणस्यां निवसतां यत्पुण्यमुपजायते॥ तदेव संवासयितुः फलं त्वविकलं भवेत्

vārāṇasyāṁ nivasatāṁ yatpuṇyamupajāyate tadeva saṁvāsayituḥ phalaṁ tvavikalaṁ bhavet

वाराणसी में निवास करने वालों को जो पुण्य प्राप्त होता है, वही संपूर्ण फल उन्हें आश्रय देने वाले को भी प्राप्त होता है।

श्लोक 109 (skanda.4.31.109)

ब्रह्महत्यादि पापानि यस्या नाम्नोपि कीर्तनात्॥ त्यजंति पापिनं काशी सा केनेहोपमीयते॥ क्षेत्रे प्रविष्टमात्रेऽथ भैरवे भीषणाकृतौ॥ हाहेत्युक्त्वा ब्रह्महत्या पातालतलमाविशत्

brahmahatyādi pāpāni yasyā nāmnopi kīrtanāt tyajaṁti pāpinaṁ kāśī sā kenehopamīyate kṣetre praviṣṭamātre'tha bhairave bhīṣaṇākṛtau hāhetyuktvā brahmahatyā pātālatalamāviśat

जिस काशी के नाम के कीर्तनमात्र से ब्रह्महत्या आदि पाप पापी को छोड़ देते हैं, उसकी तुलना किससे की जाए? भयंकर आकृति वाले भैरव के क्षेत्र में प्रवेश करते ही, ब्रह्महत्या 'हाय-हाय' कहकर पाताल में प्रविष्ट हो गई।

श्लोक 110 (skanda.4.31.110)

कपालब्रह्मणो रुद्रः सर्वेषामेव पश्यताम्॥ हस्तात्पतितमालोक्य ननर्त परया मुदा

kapālabrahmaṇo rudraḥ sarveṣāmeva paśyatām hastātpatitamālokya nanarta parayā mudā

सबके देखते-देखते ब्रह्मा की खोपड़ी को अपने हाथ से गिरा हुआ देखकर रुद्र परम आनंद से नृत्य करने लगे।

श्लोक 111 (skanda.4.31.111)

विधेः कपालं नामुंचत्करमत्यंतदुःसहम्॥ हरस्य भ्रमतः क्वापि तत्काश्यां क्षणतोऽपतत्

vidheḥ kapālaṁ nāmuṁcatkaramatyaṁtaduḥsaham harasya bhramataḥ kvāpi tatkāśyāṁ kṣaṇato'patat

ब्रह्मा का वह अत्यंत असहनीय कपाल कहीं भी हर के हाथ से नहीं छूटता था; काशी में वह क्षणभर में गिर गया।

श्लोक 112 (skanda.4.31.112)

शूलिनो ब्रह्मणो हत्या नापैति स्म च या क्वचित्॥ सा काश्यां क्षणतो नष्टा कथं काशी न दुर्लभा

śūlino brahmaṇo hatyā nāpaiti sma ca yā kvacit sā kāśyāṁ kṣaṇato naṣṭā kathaṁ kāśī na durlabhā

त्रिशूलधारी की ब्रह्महत्या कहीं भी दूर नहीं होती थी; वह काशी में क्षणभर में नष्ट हो गई — तो फिर काशी दुर्लभ क्यों न हो!

श्लोक 113 (skanda.4.31.113)

अतः प्रदक्षिणीकार्या पूजनीया पुरी त्वियम्

ataḥ pradakṣiṇīkāryā pūjanīyā purī tviyam

इसलिए यह नगरी प्रदक्षिणा और पूजन के योग्य है।

श्लोक 114 (skanda.4.31.114)

वाराणसीति काशीति महामंत्रमिमं जपम्॥ यावज्जीवं त्रिसंध्यं तु जंतुर्जातु न जायते

vārāṇasīti kāśīti mahāmaṁtramimaṁ japam yāvajjīvaṁ trisaṁdhyaṁ tu jaṁturjātu na jāyate

जो प्राणी 'वाराणसी', 'काशी' इस महामंत्र का जीवनभर तीनों संध्याओं में जप करता है, वह कभी पुनर्जन्म नहीं लेता।

श्लोक 115 (skanda.4.31.115)

अविमुक्तं महाक्षेत्रं स्मरन्प्राणांस्तु यस्त्वजेत्॥ दूरदेशांतरस्थोपि सोपि जातु न जायते

avimuktaṁ mahākṣetraṁ smaranprāṇāṁstu yastvajet dūradeśāṁtarasthopi sopi jātu na jāyate

जो अविमुक्त महाक्षेत्र का स्मरण करते हुए प्राण त्यागता है, वह दूर देश में रहते हुए भी कभी पुनर्जन्म नहीं लेता।

श्लोक 116 (skanda.4.31.116)

आनंदकानने यस्य चित्तं संस्मरते सदा॥ तत्क्षेत्रनामश्रवणान्न स भूयोऽभिजायते

ānaṁdakānane yasya cittaṁ saṁsmarate sadā tatkṣetranāmaśravaṇānna sa bhūyo'bhijāyate

जिसका चित्त सदा आनंदकानन का स्मरण करता है, वह उस क्षेत्र का नाम सुनने मात्र से पुनः जन्म नहीं लेता।

श्लोक 117 (skanda.4.31.117)

रुद्रावासे वसेन्नित्यं नरो नियतमानसः॥ एनसामपि संभारं कृत्वा कालाद्विमुच्यते

rudrāvāse vasennityaṁ naro niyatamānasaḥ enasāmapi saṁbhāraṁ kṛtvā kālādvimucyate

संयमित मन वाला मनुष्य यदि रुद्रावास में सदा निवास करे, तो पापों का महान संचय करके भी वह काल से मुक्त हो जाता है।

श्लोक 118 (skanda.4.31.118)

महाश्मशानमासाद्य यदि देवाद्विपद्यते॥ पुनः श्मशानशयनं न क्वापि लभते पुमान्॥ कपालमोचनं काश्यां ये स्मरिष्यंति मानवाः॥ तेषां विनंक्ष्यति क्षिप्रमिहान्यत्रापि पातकम्

mahāśmaśānamāsādya yadi devādvipadyate punaḥ śmaśānaśayanaṁ na kvāpi labhate pumān kapālamocanaṁ kāśyāṁ ye smariṣyaṁti mānavāḥ teṣāṁ vinaṁkṣyati kṣipramihānyatrāpi pātakam

यदि महाश्मशान को पाकर कोई दैवयोग से मृत्यु प्राप्त करे, तो वह पुनः कहीं भी श्मशान में शयन को प्राप्त नहीं होता। जो मनुष्य काशी में कपालमोचन का स्मरण करेंगे, उनका पाप — चाहे यहाँ या अन्यत्र किया गया हो — शीघ्र नष्ट हो जाएगा।

श्लोक 119 (skanda.4.31.119)

आगत्य तीर्थप्रवरे स्नानं कृत्वा विधानतः॥ तर्पयित्वा पितॄन्देवान्मुच्यते ब्रह्महत्यया

āgatya tīrthapravare snānaṁ kṛtvā vidhānataḥ tarpayitvā pitṝndevānmucyate brahmahatyayā

इस श्रेष्ठ तीर्थ में आकर विधिपूर्वक स्नान करके तथा पितरों और देवताओं का तर्पण करके मनुष्य ब्रह्महत्या से भी मुक्त हो जाता है।

श्लोक 120 (skanda.4.31.120)

अशाश्वतमिदं ज्ञात्वा वाराणस्यां वसंति ये॥ देहांते तत्परं ज्ञानं तेषां दास्यति शंकरः

aśāśvatamidaṁ jñātvā vārāṇasyāṁ vasaṁti ye dehāṁte tatparaṁ jñānaṁ teṣāṁ dāsyati śaṁkaraḥ

इस संसार को अनित्य जानकर जो वाराणसी में निवास करते हैं, उन्हें शंकर देहांत के समय वह परम ज्ञान प्रदान करते हैं।

श्लोक 121 (skanda.4.31.121)

इयं काशीपुरी विप्र साक्षाद्रुद्रतनुः परा॥ अनिर्वाच्या परानंदा दुष्प्राप्येशविरोधिभिः

iyaṁ kāśīpurī vipra sākṣādrudratanuḥ parā anirvācyā parānaṁdā duṣprāpyeśavirodhibhiḥ

हे विप्र! यह काशीपुरी साक्षात् रुद्र का ही परम शरीर है — अनिर्वचनीय, परमानंदमयी, तथा ईश्वर के विरोधियों के लिए दुष्प्राप्य।

श्लोक 122 (skanda.4.31.122)

अस्यास्तत्त्वमहं जाने शिवभक्तिपरोपि वा॥ मुच्यंते जंतवोऽत्रैव यथा योगेन योगिनः

asyāstattvamahaṁ jāne śivabhaktiparopi vā mucyaṁte jaṁtavo'traiva yathā yogena yoginaḥ

मैं इसका तत्त्व जानता हूँ — शिवभक्ति में तत्पर हों या न हों, प्राणी यहाँ उसी प्रकार मुक्त हो जाते हैं जैसे योगी योग से मुक्त होते हैं।

श्लोक 123 (skanda.4.31.123)

परंपदमियं काशी परानंद इयं पुरी॥ इयमेव परं ज्ञानं सेव्याऽसौ मोक्षकांक्षिभिः

paraṁpadamiyaṁ kāśī parānaṁda iyaṁ purī iyameva paraṁ jñānaṁ sevyā'sau mokṣakāṁkṣibhiḥ

यह काशी परम पद है, यह नगरी परमानंद है; यही परम ज्ञान है, मोक्षकांक्षियों को इसकी सेवा करनी चाहिए।

श्लोक 124 (skanda.4.31.124)

अत्रोषित्वापीशभक्तान्विरुणद्धि तु यः कुधीः॥ पुर्यैद्रुह्यति वा मूढस्तस्यान्यत्रात्र नो गतिः

atroṣitvāpīśabhaktānviruṇaddhi tu yaḥ kudhīḥ puryaidruhyati vā mūḍhastasyānyatrātra no gatiḥ

जो दुर्बुद्धि यहाँ रहकर भी ईश-भक्तों को रोकता है, या मूर्खतावश इस नगरी से द्रोह करता है, उसकी न यहाँ न अन्यत्र कोई गति है।

श्लोक 125 (skanda.4.31.125)

कपालमोचनं तीर्थं पुरस्कृत्वा तु भैरवः॥ तत्रैव तस्थौ भक्तानां भक्षयन्नघसंततिम्

kapālamocanaṁ tīrthaṁ puraskṛtvā tu bhairavaḥ tatraiva tasthau bhaktānāṁ bhakṣayannaghasaṁtatim

कपालमोचन तीर्थ को अपने समक्ष रखकर भैरव वहीं स्थित रहकर भक्तों की पापपरंपरा को खाते रहते हैं।

श्लोक 126 (skanda.4.31.126)

पापभक्षणमासाद्य कृत्वापापशतान्यपि॥ कुतो बिभेति पापेभ्यः कालभैरवसेवकः

pāpabhakṣaṇamāsādya kṛtvāpāpaśatānyapi kuto bibheti pāpebhyaḥ kālabhairavasevakaḥ

पापभक्षण (भैरव) को पाकर, सैकड़ों पाप करके भी, कालभैरव का सेवक भला पापों से क्यों डरे?

श्लोक 127 (skanda.4.31.127)

आमर्दयति पापानि दुष्टानां च मनोरथान्॥ आमर्दक इति ख्यातस्ततोऽसौ कालभैरवः॥ कलिकालं कलयति सदा काशी निवासिनाम्॥ अतः ख्यातिं परां प्राप्तः कालभैरवसंज्ञिताम्

āmardayati pāpāni duṣṭānāṁ ca manorathān āmardaka iti khyātastato'sau kālabhairavaḥ kalikālaṁ kalayati sadā kāśī nivāsinām ataḥ khyātiṁ parāṁ prāptaḥ kālabhairavasaṁjñitām

वे पापों को तथा दुष्टों की कामनाओं को कुचल देते हैं, इसीलिए वह कालभैरव 'आमर्दक' नाम से विख्यात हैं। वे काशीवासियों से सदा कलियुग को दूर रखते हैं, इसलिए उन्हें 'कालभैरव' नाम की परम प्रसिद्धि प्राप्त हुई है।

श्लोक 128 (skanda.4.31.128)

सदैव यस्य भक्तेभ्यो यमदूताः सुदारुणाः॥ परमां भीरुतां प्राप्तास्ततोसौ भैरवः स्मृतः

sadaiva yasya bhaktebhyo yamadūtāḥ sudāruṇāḥ paramāṁ bhīrutāṁ prāptāstatosau bhairavaḥ smṛtaḥ

उनके भक्तों के लिए यमदूत सदा अत्यंत भयभीत रहते हैं, इसीलिए उन्हें 'भैरव' कहा जाता है।

श्लोक 129 (skanda.4.31.129)

मार्गशीर्षासिताष्टम्यां कालभैरवसंनिधौ॥ उपोष्य जागरं कुर्वन्महापापैः प्रमुच्यते

mārgaśīrṣāsitāṣṭamyāṁ kālabhairavasaṁnidhau upoṣya jāgaraṁ kurvanmahāpāpaiḥ pramucyate

जो मार्गशीर्ष मास की कृष्ण अष्टमी को कालभैरव के समीप उपवास करके जागरण करता है, वह महापापों से मुक्त हो जाता है।

श्लोक 130 (skanda.4.31.130)

यत्किंचिदशुभं कर्म कृतं मानुषबुद्धितः॥ तत्सर्वं विलयं याति कालभैरव दर्शनात्

yatkiṁcidaśubhaṁ karma kṛtaṁ mānuṣabuddhitaḥ tatsarvaṁ vilayaṁ yāti kālabhairava darśanāt

मानवबुद्धि से किया गया जो भी अशुभ कर्म हो, वह सब कालभैरव के दर्शन से नष्ट हो जाता है।

श्लोक 131 (skanda.4.31.131)

अनेकजन्मनियुतैर्यत्कृतं जंतुभिस्त्वघम्॥ तत्सर्वं विलयत्याशु कालभैरव दर्शनात्

anekajanmaniyutairyatkṛtaṁ jaṁtubhistvagham tatsarvaṁ vilayatyāśu kālabhairava darśanāt

अनेक करोड़ों जन्मों में प्राणियों द्वारा किया गया पाप, वह सब कालभैरव के दर्शन से शीघ्र नष्ट हो जाता है।

श्लोक 132 (skanda.4.31.132)

कृत्वा च विविधां पूजां महासंभारविस्तरैः॥ नरो मार्गासिताष्टम्यां वार्षिकं विघ्नमुत्सृजेत्

kṛtvā ca vividhāṁ pūjāṁ mahāsaṁbhāravistaraiḥ naro mārgāsitāṣṭamyāṁ vārṣikaṁ vighnamutsṛjet

जो मनुष्य मार्गशीर्ष की कृष्ण अष्टमी को महान सामग्री के विस्तार से विविध पूजा करता है, वह वर्षभर के विघ्नों को त्याग देता है।

श्लोक 133 (skanda.4.31.133)

अष्टम्यां च चतुर्दश्यां रविभूमिजवासरे॥ यात्रां च भैरवीं कृत्वा कृतैः पापैः प्रमुच्यते

aṣṭamyāṁ ca caturdaśyāṁ ravibhūmijavāsare yātrāṁ ca bhairavīṁ kṛtvā kṛtaiḥ pāpaiḥ pramucyate

जो अष्टमी, चतुर्दशी, रविवार या मंगलवार को भैरव-यात्रा करता है, वह किए हुए पापों से मुक्त हो जाता है।

श्लोक 134 (skanda.4.31.134)

कालभैरव भक्तानां सदा काशीनिवासिनाम्॥ विघ्नं यः कुरुते मूढः स दुर्गतिमवाप्नुयात्

kālabhairava bhaktānāṁ sadā kāśīnivāsinām vighnaṁ yaḥ kurute mūḍhaḥ sa durgatimavāpnuyāt

जो मूर्ख काशी में सदा निवास करने वाले कालभैरव-भक्तों के लिए विघ्न उत्पन्न करता है, वह दुर्गति को प्राप्त होता है।

श्लोक 135 (skanda.4.31.135)

विश्वेश्वरेपि ये भक्ता नो भक्ताः कालभैरवे॥ काश्यां ते विघ्नसंघातं लभंते तु पदे पदे

viśveśvarepi ye bhaktā no bhaktāḥ kālabhairave kāśyāṁ te vighnasaṁghātaṁ labhaṁte tu pade pade

विश्वेश्वर के भक्त होते हुए भी जो कालभैरव के भक्त नहीं हैं, वे काशी में पग-पग पर विघ्नों के समूह को प्राप्त करते हैं।

श्लोक 136 (skanda.4.31.136)

तीर्थे कालोदके स्नात्वा कृत्वा तर्पणमत्वरः॥ विलोक्य कालराजं च निरयादुद्धरेत्पितॄन्॥ अष्टौ प्रदक्षिणीकृत्य प्रत्यहं पापभक्षणम्॥ नरो न पापैर्लिप्येत मनोवाक्कायसंभवैः

tīrthe kālodake snātvā kṛtvā tarpaṇamatvaraḥ vilokya kālarājaṁ ca nirayāduddharetpitṝn aṣṭau pradakṣiṇīkṛtya pratyahaṁ pāpabhakṣaṇam naro na pāpairlipyeta manovākkāyasaṁbhavaiḥ

कालोदक तीर्थ में स्नान करके, बिना विलंब के तर्पण करके तथा कालराज का दर्शन करके, नरक से पितरों का उद्धार करता है। पापभक्षण की प्रतिदिन आठ बार प्रदक्षिणा करने वाला मनुष्य मन, वाणी और शरीर से उत्पन्न पापों से लिप्त नहीं होता।

श्लोक 137 (skanda.4.31.137)

तस्मिन्नामर्दके पीठे जप्त्वास्वाभीष्टदेवताम्॥ षण्मासं सिद्धिमाप्नोति साधको भैरवाज्ञया

tasminnāmardake pīṭhe japtvāsvābhīṣṭadevatām ṣaṇmāsaṁ siddhimāpnoti sādhako bhairavājñayā

उस आमर्दक पीठ पर अपनी इष्ट देवता का जप करके साधक भैरव की आज्ञा से छह महीने में सिद्धि प्राप्त करता है।

श्लोक 138 (skanda.4.31.138)

वाराणस्यामुषित्वा यो भैरवं न भजेन्नरः॥ तस्य पापानि वर्धंते शुक्लपक्षे यथा शशी

vārāṇasyāmuṣitvā yo bhairavaṁ na bhajennaraḥ tasya pāpāni vardhaṁte śuklapakṣe yathā śaśī

वाराणसी में रहते हुए भी जो मनुष्य भैरव की भक्ति नहीं करता, उसके पाप शुक्ल पक्ष के चंद्रमा की भाँति बढ़ते जाते हैं।

श्लोक 139 (skanda.4.31.139)

यं यं संचितयेत्कामं पापभक्षणसेवया॥ बलिपूजोपहारैश्च तं तं स समवाप्नुयात्

yaṁ yaṁ saṁcitayetkāmaṁ pāpabhakṣaṇasevayā balipūjopahāraiśca taṁ taṁ sa samavāpnuyāt

पापभक्षण की सेवा से, बलि-पूजा और उपहार से मनुष्य जिस-जिस कामना का चिंतन करता है, उसे वही प्राप्त होता है।

श्लोक 140 (skanda.4.31.140)

कालराजं न यः काश्यां प्रतिभूताष्टमीकुजम्॥ भजेत्तस्यक्षयेत्पुण्यं कृष्णपक्षे यथा शशी

kālarājaṁ na yaḥ kāśyāṁ pratibhūtāṣṭamīkujam bhajettasyakṣayetpuṇyaṁ kṛṣṇapakṣe yathā śaśī

जो काशी में विशेष रूप से अष्टमी और मंगलवार को प्रकट होने वाले कालराज की भक्ति नहीं करता, उसका पुण्य कृष्ण पक्ष के चंद्रमा की भाँति क्षीण होता जाता है।

श्लोक 141 (skanda.4.31.141)

श्रुत्वाध्यायमिमं पुण्यं ब्रह्महत्यापनोदकम्॥ भैरवोत्पत्तिसंज्ञं च सर्वपापैः प्रमुच्यते

śrutvādhyāyamimaṁ puṇyaṁ brahmahatyāpanodakam bhairavotpattisaṁjñaṁ ca sarvapāpaiḥ pramucyate

ब्रह्महत्या को दूर करने वाले, भैरव की उत्पत्ति नामक इस पवित्र अध्याय को सुनकर मनुष्य समस्त पापों से मुक्त हो जाता है।

श्लोक 142 (skanda.4.31.142)

बंधनागारसंस्थोपि प्राप्तोपि विपदं पराम्॥ प्रादुर्भावं भैरवस्य श्रुत्वा मुच्येत संकटात्

baṁdhanāgārasaṁsthopi prāptopi vipadaṁ parām prādurbhāvaṁ bhairavasya śrutvā mucyeta saṁkaṭāt

बंदीगृह में बंद व्यक्ति भी, परम विपत्ति में पड़ा हुआ भी, भैरव के प्रादुर्भाव को सुनकर संकट से मुक्त हो जाता है।