अविमुक्तमाहात्म्यं मंदरगमनं च

श्लोक 1 (skanda.4.39.1)

स्कंद उवाच॥ शृण्वगस्त्य महाभाग कथां पापप्रणाशिनीम्॥ नैःश्रेयस्याः श्रियोहेतुमविमुक्त समाश्रयाम्

skaṁda uvāca śṛṇvagastya mahābhāga kathāṁ pāpapraṇāśinīm naiḥśreyasyāḥ śriyohetumavimukta samāśrayām

स्कन्द ने कहा -- हे महाभाग अगस्त्य! अब इस पाप-नाशक कथा को सुनो, जो अविमुक्त-क्षेत्र के आश्रय में स्थित है और परम कल्याणकारी श्री का कारण है।

श्लोक 2 (skanda.4.39.2)

परं ब्रह्म यदाम्नातं निष्प्रपंचं निरात्मकम्॥ निर्विकल्पं निराकारमव्यक्तं स्थूलसूक्ष्मवत्

paraṁ brahma yadāmnātaṁ niṣprapaṁcaṁ nirātmakam nirvikalpaṁ nirākāramavyaktaṁ sthūlasūkṣmavat

जो परब्रह्म वेदों में प्रतिपादित है, वह प्रपंचरहित, व्यक्तिगत अहंकार से रहित, विकल्परहित, निराकार, अव्यक्त है, और फिर भी वह स्थूल और सूक्ष्म दोनों रूपों में मानो प्रकट होता है।

श्लोक 3 (skanda.4.39.3)

तदेतत्क्षेत्रमापूर्य स्थितं सर्वगमप्यहो॥ किमन्यत्र न शक्तोसौ जंतून्मोचयितुं भवात्

tadetatkṣetramāpūrya sthitaṁ sarvagamapyaho kimanyatra na śaktosau jaṁtūnmocayituṁ bhavāt

आश्चर्य है कि वह सर्वव्यापक ब्रह्म इस क्षेत्र को पूर्णतः व्याप्त करके ही यहाँ स्थित है! क्या वह अन्यत्र प्राणियों को संसार-बन्धन से मुक्त करने में समर्थ नहीं है?

श्लोक 4 (skanda.4.39.4)

भवो ध्रुवं यदत्रैव मोचयेत्तं निशामय॥ महत्या योगयुक्त्या वा महादानैरकामिकैः

bhavo dhruvaṁ yadatraiva mocayettaṁ niśāmaya mahatyā yogayuktyā vā mahādānairakāmikaiḥ

सुनो! जिसे भगवान् भव अन्यत्र महान् योग-साधना द्वारा, अथवा निष्काम भाव से किए गए महादानों द्वारा मुक्त करते हैं...

श्लोक 5 (skanda.4.39.5)

सुमहद्भिस्तपोभिर्वा शिवोन्यत्र विमोचयेत्॥ योगयुक्तिं न महतीं न दानानि महांति च

sumahadbhistapobhirvā śivonyatra vimocayet yogayuktiṁ na mahatīṁ na dānāni mahāṁti ca

...अथवा अत्यन्त महान् तपस्याओं द्वारा शिव अन्यत्र मुक्त करते हैं -- वही मुक्ति यहाँ [काशी में] महान् योग-साधना के बिना, महान् दान के बिना ही मिल जाती है।

श्लोक 6 (skanda.4.39.6)

न तपांस्यतिदीर्घाणि काश्यां मुक्त्यै शिवोर्थयेत्॥ वियुनक्ति न यत्काश्या उपसर्गे महत्यपि

na tapāṁsyatidīrghāṇi kāśyāṁ muktyai śivorthayet viyunakti na yatkāśyā upasarge mahatyapi

काशी में मुक्ति के लिए शिव अत्यन्त दीर्घ तपस्याओं की अपेक्षा नहीं करते, क्योंकि वे बड़े से बड़े संकट में भी काशी का साथ कभी नहीं छोड़ते।

श्लोक 7 (skanda.4.39.7)

अयमेव महायोग उपयोगस्त्विहा परः॥ नियमेन तु विश्वेशे पुष्पं पत्रं फलं जलम्

ayameva mahāyoga upayogastvihā paraḥ niyamena tu viśveśe puṣpaṁ patraṁ phalaṁ jalam

यहाँ का सबसे उत्तम व्यवहार यही महान् योग है -- नियमपूर्वक विश्वेश्वर को फूल, पत्र, फल अथवा जल अर्पित करना।

श्लोक 8 (skanda.4.39.8)

यद्दत्तं सुमनोवृत्त्या महादानं तदत्र वै॥ मुक्तिमंडपिकायां च क्षणं यत्स्थिरमास्यते

yaddattaṁ sumanovṛttyā mahādānaṁ tadatra vai muktimaṁḍapikāyāṁ ca kṣaṇaṁ yatsthiramāsyate

जो कुछ भी शुद्ध भाव से यहाँ दिया जाता है, वही यहाँ महादान बन जाता है; और मुक्ति-मण्डप में क्षणभर भी स्थिर होकर बैठना...

श्लोक 9 (skanda.4.39.9)

स्नात्वा गंगामृते शुद्धे तप एतदिहोत्तमम्॥ सत्कृत्य भिक्षवे भिक्षा यत्काश्यां परिदीयते॥ तुला पुरुष एतस्याः कलां नार्हति षोडशीम्

snātvā gaṁgāmṛte śuddhe tapa etadihottamam satkṛtya bhikṣave bhikṣā yatkāśyāṁ paridīyate tulā puruṣa etasyāḥ kalāṁ nārhati ṣoḍaśīm

...गंगा के शुद्ध अमृत-जल में स्नान करने से भी बढ़कर यहाँ की सर्वोत्तम तपस्या है। काशी में किसी भिक्षुक को सम्मानपूर्वक जो भिक्षा दी जाती है, उसके सोलहवें अंश के बराबर भी [अन्यत्र किए गए] तुलादान का फल नहीं होता।

श्लोक 10 (skanda.4.39.10)

हृदि संचिंत्य विश्वेशं क्षणं यद्विनिमील्यते॥ देवस्य दक्षिणे भागे महायोगोयमुत्तमः॥ इदमेव तपोत्युग्रं यदिंद्रिय विलोलताम्॥ निषिध्य स्थीयते काश्यां क्षुत्तापाद्यवमन्य च

hṛdi saṁciṁtya viśveśaṁ kṣaṇaṁ yadvinimīlyate devasya dakṣiṇe bhāge mahāyogoyamuttamaḥ idameva tapotyugraṁ yadiṁdriya vilolatām niṣidhya sthīyate kāśyāṁ kṣuttāpādyavamanya ca

हृदय में विश्वेश्वर का ध्यान करते हुए देव के दक्षिण भाग में क्षणभर के लिए नेत्र मूँद लेना ही यहाँ का सर्वोत्तम महायोग है। और यही सबसे उग्र तपस्या है -- इन्द्रियों की चंचलता को रोककर, भूख-प्यास आदि की उपेक्षा करते हुए काशी में स्थिर रहना।

श्लोक 11 (skanda.4.39.11)

मासि मासि यदाप्येत व्रताच्चांद्रायणात्फलम्॥ अन्यत्र तदिहाप्येत भूतायां नक्तभोजनात्

māsi māsi yadāpyeta vratāccāṁdrāyaṇātphalam anyatra tadihāpyeta bhūtāyāṁ naktabhojanāt

अन्यत्र प्रतिमास चान्द्रायण व्रत से जो फल प्राप्त होता है, वही फल यहाँ भूताष्टमी के दिन केवल एक रात्रि-भोजन से प्राप्त हो जाता है।

श्लोक 12 (skanda.4.39.12)

मासोपवासादन्यत्र यत्फलं समुपार्ज्यते॥ श्रद्धयैकोपवासेन तत्काश्यां स्यादसंशयम्

māsopavāsādanyatra yatphalaṁ samupārjyate śraddhayaikopavāsena tatkāśyāṁ syādasaṁśayam

अन्यत्र एक मास के उपवास से जो फल अर्जित होता है, वही फल काशी में केवल एक श्रद्धापूर्ण उपवास से निःसन्देह प्राप्त हो जाता है।

श्लोक 13 (skanda.4.39.13)

चातुर्मास्य व्रतात्प्रोक्तं यदन्यत्र महाफलम्॥ एकादश्युपवासेन तत्काश्यां स्यादसंशयम्

cāturmāsya vratātproktaṁ yadanyatra mahāphalam ekādaśyupavāsena tatkāśyāṁ syādasaṁśayam

अन्यत्र चातुर्मास्य व्रत से जो महाफल कहा गया है, वही फल काशी में केवल एकादशी के उपवास से निःसन्देह प्राप्त हो जाता है।

श्लोक 14 (skanda.4.39.14)

षण्मासान्न परित्यागाद्यदन्यत्र फलं लभेत्॥ शिवरात्र्युपवासेन तत्काश्यां जायते ध्रुवम्

ṣaṇmāsānna parityāgādyadanyatra phalaṁ labhet śivarātryupavāsena tatkāśyāṁ jāyate dhruvam

अन्यत्र छह मास तक अन्न का त्याग करने से जो फल प्राप्त होता है, वही फल काशी में शिवरात्रि के उपवास से निश्चय ही प्राप्त हो जाता है।

श्लोक 15 (skanda.4.39.15)

वर्षं कृत्वोपवासानि लभेदन्यत्र यद्व्रती॥ तत्फलं स्यात्त्रिरात्रेण काश्यामविकलं मुने

varṣaṁ kṛtvopavāsāni labhedanyatra yadvratī tatphalaṁ syāttrirātreṇa kāśyāmavikalaṁ mune

हे मुने! अन्यत्र एक वर्ष तक उपवास करने वाला व्रती जो फल पाता है, वही सम्पूर्ण फल काशी में केवल तीन रात्रि के उपवास से प्राप्त हो जाता है।

श्लोक 16 (skanda.4.39.16)

मासिमासि कुशाग्रांबु पानादन्यत्र यत्फलम्॥ काश्यामुत्तरवाहिन्यामेकेन चुलुकेन तत्

māsimāsi kuśāgrāṁbu pānādanyatra yatphalam kāśyāmuttaravāhinyāmekena culukena tat

अन्यत्र प्रतिमास कुश की नोक से टपकाया गया जल पीने से जो फल मिलता है, वही फल काशी की उत्तरवाहिनी गंगा से केवल एक अंजलि जल पीने से मिल जाता है।

श्लोक 17 (skanda.4.39.17)

अनंतो महिमा काश्याः कस्तं वर्णयितुं प्रभुः॥ विपत्तिमिच्छतो जंतोर्यत्रकर्णे जपः शिवः

anaṁto mahimā kāśyāḥ kastaṁ varṇayituṁ prabhuḥ vipattimicchato jaṁtoryatrakarṇe japaḥ śivaḥ

काशी की महिमा अनन्त है; उसका पूर्ण वर्णन करने में कौन समर्थ है? यहाँ मृत्युरूपी विपत्ति का सामना करते प्राणी के कान में स्वयं "शिव" नाम का जप किया जाता है...

श्लोक 18 (skanda.4.39.18)

शंभुस्तत्किंचिदाचष्टे म्रियमाणस्य जन्मिनः॥ कर्णेऽक्षरं यदाकर्ण्य मृतोप्यमृततां व्रजेत्

śaṁbhustatkiṁcidācaṣṭe mriyamāṇasya janminaḥ karṇe'kṣaraṁ yadākarṇya mṛtopyamṛtatāṁ vrajet

...और स्वयं शम्भु ही मरणासन्न प्राणी के कान में वह मन्त्राक्षर सुनाते हैं, जिसे सुनकर मरा हुआ प्राणी भी अमरत्व को प्राप्त कर लेता है।

श्लोक 19 (skanda.4.39.19)

स्मारं स्मारं स्मररिपोः पुरीं त्वमिव शंकरः॥ अदुनोन्मंदरं यातो बहुशस्तदवाप्तये॥ अगस्त्य उवाच॥ स्वकार्यनिपुणैः स्वामिन्गीर्वाणैरतिदारुणैः॥ त्याजितोहं पुरीं काशीं हरो त्याक्षीत्कुतः प्रभुः

smāraṁ smāraṁ smararipoḥ purīṁ tvamiva śaṁkaraḥ adunonmaṁdaraṁ yāto bahuśastadavāptaye agastya uvāca svakāryanipuṇaiḥ svāmingīrvāṇairatidāruṇaiḥ tyājitohaṁ purīṁ kāśīṁ haro tyākṣītkutaḥ prabhuḥ

बार-बार स्मरण करते हुए, कामदेव के शत्रु शिव की उस नगरी का स्मरण करके, तुम्हारी ही भाँति शंकर भी उसे पाने के लिए बार-बार मन्दराचल गए। अगस्त्य ने कहा -- "हे स्वामिन्! अपने ही स्वार्थ में कुशल, अत्यन्त निर्दयी देवताओं के कारण मुझे काशी-नगरी छोड़नी पड़ी थी; किन्तु प्रभु हर स्वयं उसे किसलिए छोड़ते?"

श्लोक 20 (skanda.4.39.20)

पराधीनोहमिव किं देवदेवः पिनाकवान्॥ काशिकां सोऽत्यजत्कस्मान्निर्वाणमणिराशिकाम्

parādhīnohamiva kiṁ devadevaḥ pinākavān kāśikāṁ so'tyajatkasmānnirvāṇamaṇirāśikām

"क्या देवों के देव, पिनाक धनुष धारण करने वाले शिव, मेरी ही भाँति किसी के अधीन हैं? फिर वे काशिका को, जो मुक्तिरूपी रत्नों की राशि है, किस कारण से त्यागते?"

श्लोक 21 (skanda.4.39.21)

॥ स्कंद उवाच॥ मित्रावरुणसंभूत कथयामि कथामिमाम्॥ तत्याज च यथा स्थाणुः काशीं विध्युपरोधतः

skaṁda uvāca mitrāvaruṇasaṁbhūta kathayāmi kathāmimām tatyāja ca yathā sthāṇuḥ kāśīṁ vidhyuparodhataḥ

स्कन्द ने कहा -- हे मित्रावरुण-पुत्र! मैं तुम्हें वह कथा सुनाता हूँ कि किस प्रकार स्थाणु (शिव) ने विधि के आग्रह से बाध्य होकर काशी को त्यागा था।

श्लोक 22 (skanda.4.39.22)

प्रार्थितस्त्वं यथा लेखैः परोपकृतये मुने॥ द्रुहिणेन तथा रुद्रः स्वरक्षण विचक्षणः

prārthitastvaṁ yathā lekhaiḥ paropakṛtaye mune druhiṇena tathā rudraḥ svarakṣaṇa vicakṣaṇaḥ

हे मुने! जैसे तुम पत्रों द्वारा दूसरों की भलाई के लिए प्रार्थित किए गए थे, वैसे ही अपने भक्तों की रक्षा में सदा कुशल रुद्र भी ब्रह्मा द्वारा प्रार्थित किए गए थे।

श्लोक 23 (skanda.4.39.23)

॥ अगस्त्य उवाच॥ कथं स भगवान्रुद्रो द्रुहिणेन कृपांबुधिः॥ प्रार्थितोभूत्किमर्थं च तन्मे ब्रूहि षडानन

agastya uvāca kathaṁ sa bhagavānrudro druhiṇena kṛpāṁbudhiḥ prārthitobhūtkimarthaṁ ca tanme brūhi ṣaḍānana

अगस्त्य ने कहा -- हे षडानन! भगवान् रुद्र, जो कृपा के सागर हैं, ब्रह्मा द्वारा किस प्रकार और किस प्रयोजन से प्रार्थित किए गए थे? यह मुझे बताइए।

श्लोक 24 (skanda.4.39.24)

॥ स्कंद उवाच॥ पाद्मेकल्पे पुरावृत्ते मनोः स्वायंभुवेंतरे॥ अनावृष्टिरभूद्विप्र सर्वभूतप्रकंपिनी

skaṁda uvāca pādmekalpe purāvṛtte manoḥ svāyaṁbhuveṁtare anāvṛṣṭirabhūdvipra sarvabhūtaprakaṁpinī

स्कन्द ने कहा -- हे विप्र! प्राचीन काल में, पद्मकल्प में, स्वायम्भुव मन्वन्तर के बीत जाने पर, समस्त प्राणियों को कँपा देने वाला भयंकर अनावृष्टि (सूखा) पड़ा था।

श्लोक 25 (skanda.4.39.25)

तया तु षष्टिहायिन्या पीडिताः प्राणिनोऽखिलाः॥ केचिदंबुधितीरेषु गिरिद्रोणीषु केचन

tayā tu ṣaṣṭihāyinyā pīḍitāḥ prāṇino'khilāḥ kecidaṁbudhitīreṣu giridroṇīṣu kecana

उस साठ वर्ष तक चलने वाले सूखे से पीड़ित होकर सभी प्राणी इधर-उधर भटकने लगे -- कुछ समुद्र-तटों पर, कुछ पर्वतों की घाटियों में...

श्लोक 26 (skanda.4.39.26)

महानिम्नेषु कच्छेषु मुनिवृत्त्या जनाः स्थिताः॥ अरण्यान्यवनिर्जाता ग्रामखर्वट वर्जिता

mahānimneṣu kaccheṣu munivṛttyā janāḥ sthitāḥ araṇyānyavanirjāta grāmakharvaṭa varjitā

...और कुछ बड़ी नदियों के तटवर्ती क्षेत्रों में मुनि-वृत्ति अपनाकर बस गए। पृथ्वी के वन उजाड़ हो गए, और गाँव तथा छोटी बस्तियाँ जनशून्य हो गईं।

श्लोक 27 (skanda.4.39.27)

क्रव्यादा एव सर्वेषु नगरेषु पुरेषु च॥ आसन्नभ्रंलिहो वृक्षाः सर्वत्र क्षोणिमंडले

kravyādā eva sarveṣu nagareṣu pureṣu ca āsannabhraṁliho vṛkṣāḥ sarvatra kṣoṇimaṁḍale

सभी नगरों और पुरों में केवल मांसभक्षी प्राणी ही रह गए थे; और सम्पूर्ण भूमण्डल में वृक्ष मानो बादलों को चाटते हुए सूखकर ठूँठ बन गए थे।

श्लोक 28 (skanda.4.39.28)

चौरा एव महाचौरैरुल्लुठ्यंत इतस्ततः॥ मांसवृत्त्योपजीवंति प्राणिनः प्राणरक्षिणः॥ अराजके समुत्पन्ने लोकेऽत्याहितशंसिनि॥ प्रयत्नो विफलस्त्वासीत्सृष्टेः सृष्टिकृतस्तदा

caurā eva mahācaurairulluṭhyaṁta itastataḥ māṁsavṛttyopajīvaṁti prāṇinaḥ prāṇarakṣiṇaḥ arājake samutpanne loke'tyāhitaśaṁsini prayatno viphalastvāsītsṛṣṭeḥ sṛṣṭikṛtastadā

यहाँ तक कि चोर भी बड़े-बड़े चोरों द्वारा लूटे जाकर इधर-उधर भटकते फिरते थे; प्राणी केवल अपने प्राणों की रक्षा के लिए मांस खाकर जीवित रहते थे। जब संसार राजाविहीन होकर घोर अनर्थ की आशंका से भर गया, तब सृष्टिकर्ता का सृष्टि-रचना का प्रयत्न भी उस समय व्यर्थ हो गया।

श्लोक 29 (skanda.4.39.29)

चिंतामवाप महती जगद्योनिः प्रजाक्षयात्॥ प्रजासु क्षीयमाणासु क्षीणा यज्ञादिकाः क्रियाः

ciṁtāmavāpa mahatī jagadyoniḥ prajākṣayāt prajāsu kṣīyamāṇāsu kṣīṇā yajñādikāḥ kriyāḥ

जगत् के मूल कारण ब्रह्मा को प्रजा के नाश से गहन चिन्ता हुई। प्रजा के क्षीण होते ही यज्ञ आदि क्रियाएँ भी क्षीण हो गईं।

श्लोक 30 (skanda.4.39.30)

तासु क्षीणासु संक्षीणाः सर्वे यज्ञभुजोऽभवन्॥ ततश्चिंतयता स्रष्ट्रा दृष्टो राजर्षिसत्तमः

tāsu kṣīṇāsu saṁkṣīṇāḥ sarve yajñabhujo'bhavan tataściṁtayatā sraṣṭrā dṛṣṭo rājarṣisattamaḥ

उन क्रियाओं के क्षीण होने से यज्ञ का भाग ग्रहण करने वाले सभी देवता भी क्षीण हो गए। तब चिन्तामग्न सृष्टिकर्ता ने एक श्रेष्ठ राजर्षि को देखा...

श्लोक 31 (skanda.4.39.31)

अविमुक्ते महाक्षेत्रे तपस्यन्निश्चलेंद्रियः॥ मनोरन्वयजो वीरः क्षात्रो धर्म इवोदितः

avimukte mahākṣetre tapasyanniścaleṁdriyaḥ manoranvayajo vīraḥ kṣātro dharma ivoditaḥ

...जो अविमुक्त महाक्षेत्र में स्थिर इन्द्रियों से तप कर रहा था -- मनु के वंश में जन्मा एक वीर, मानो साक्षात् क्षात्रधर्म ही प्रकट हुआ हो।

श्लोक 32 (skanda.4.39.32)

रिपुंजय इति ख्यातो राजा परपुरंजयः॥ अथ ब्रह्मा तमासाद्य बहुगौरवपूर्वकम्

ripuṁjaya iti khyāto rājā parapuraṁjayaḥ atha brahmā tamāsādya bahugauravapūrvakam

वह राजा शत्रुओं के नगरों को जीतने वाला और रिपुंजय के नाम से प्रसिद्ध था। तब ब्रह्मा उसके पास पहुँचकर अत्यन्त सम्मानपूर्वक...

श्लोक 33 (skanda.4.39.33)

उवाच वचनं राजन्रिपुंजय महामते॥ इलां पालय भूपाल ससमुद्राद्रिकाननाम्

uvāca vacanaṁ rājanripuṁjaya mahāmate ilāṁ pālaya bhūpāla sasamudrādrikānanām

...उससे कहा -- "हे महामति राजा रिपुंजय! हे भूपाल! समुद्रों, पर्वतों और वनों सहित इस पृथ्वी का पालन करो।"

श्लोक 34 (skanda.4.39.34)

नागकन्यां नागराजः पत्न्यर्थं ते प्रदास्यति॥ अनंगमोहिनीं नाम्ना वासुकिः शीलभूषणाम्

nāgakanyāṁ nāgarājaḥ patnyarthaṁ te pradāsyati anaṁgamohinīṁ nāmnā vāsukiḥ śīlabhūṣaṇām

"नागराज वासुकि अपनी अनंगमोहिनी नामक शीलवती नाग-कन्या को तुम्हारी पत्नी बनने के लिए प्रदान करेगा।"

श्लोक 35 (skanda.4.39.35)

दिवोपि देवा दास्यंति रत्नानि कुसुमानि च॥ प्रजापालनसंतुष्टा महाराज प्रतिक्षणम्

divopi devā dāsyaṁti ratnāni kusumāni ca prajāpālanasaṁtuṣṭā mahārāja pratikṣaṇam

"हे महाराज! तुम्हारे द्वारा प्रजा-पालन से प्रसन्न होकर स्वर्ग से भी देवता प्रतिक्षण तुम्हें रत्न और पुष्प अर्पित करेंगे।"

श्लोक 36 (skanda.4.39.36)

दिवोदास इति ख्यातमतो नाम त्वमाप्स्यसि॥ मत्प्रभावाच्च नृपते दिव्यं सामर्थ्यमस्तु ते

divodāsa iti khyātamato nāma tvamāpsyasi matprabhāvācca nṛpate divyaṁ sāmarthyamastu te

"इसीलिए तुम 'दिवोदास' इस प्रसिद्ध नाम को प्राप्त करोगे; और हे नृपते! मेरे प्रभाव से तुम्हें दिव्य सामर्थ्य प्राप्त हो।"

श्लोक 37 (skanda.4.39.37)

परमेष्ठिवचः श्रुत्वा ततोसौ राजसत्तमः॥ वेधसं बहुशः स्तुत्वा वाक्यं चेदमुवाच ह॥ ॥राजोवाच॥ पितामह महाप्राज्ञ जनाकीर्णे महीतले॥ कथं नान्ये च राजानो मां कथं कथ्यते त्वया

parameṣṭhivacaḥ śrutvā tatosau rājasattamaḥ vedhasaṁ bahuśaḥ stutvā vākyaṁ cedamuvāca ha rājovāca pitāmaha mahāprājña janākīrṇe mahītale kathaṁ nānye ca rājāno māṁ kathaṁ kathyate tvayā

परमेष्ठी ब्रह्मा के इन वचनों को सुनकर वह श्रेष्ठ राजा विधाता की बार-बार स्तुति करके यह वचन बोला। राजा ने कहा -- "हे पितामह! हे महाप्राज्ञ! इस जनाकीर्ण पृथ्वी पर और भी अनेक राजा हैं, फिर आप मुझसे ही ऐसा क्यों कह रहे हैं?"

श्लोक 38 (skanda.4.39.38)

॥ ब्रह्मोवाच॥ त्वयि राज्यं प्रकुर्वाणे देवो वृष्टिं विधास्यति॥ पापनिष्ठे च वै राज्ञि न देवो वर्षते पुनः

brahmovāca tvayi rājyaṁ prakurvāṇe devo vṛṣṭiṁ vidhāsyati pāpaniṣṭhe ca vai rājñi na devo varṣate punaḥ

ब्रह्मा ने कहा -- "जब तुम राज्य करोगे, तो देवता वर्षा करेंगे; किन्तु यदि पापनिष्ठ राजा राज्य करता है, तो देवता फिर कभी वर्षा नहीं करते।"

श्लोक 39 (skanda.4.39.39)

॥ राजोवाच॥ पितामह महामान्य त्रिलोकी करणक्षम॥ महाप्रसाद इत्याज्ञां त्वदीयां मूर्ध्न्युपाददे

rājovāca pitāmaha mahāmānya trilokī karaṇakṣama mahāprasāda ityājñāṁ tvadīyāṁ mūrdhnyupādade

राजा ने कहा -- "हे पितामह! हे परम पूज्य! हे त्रिलोकी की रचना में समर्थ! यह आपकी महान् कृपा है; मैं आपकी आज्ञा को अपने मस्तक पर धारण करता हूँ।"

श्लोक 40 (skanda.4.39.40)

किंचिद्विज्ञप्तुकामोहं तन्मदर्थं करोषि चेत्॥ ततः करोम्यहं राज्यं पृथिव्यामसपत्नवत्

kiṁcidvijñaptukāmohaṁ tanmadarthaṁ karoṣi cet tataḥ karomyahaṁ rājyaṁ pṛthivyāmasapatnavat

"मैं आपसे एक छोटी-सी विनती करना चाहता हूँ; यदि आप मेरे लिए वह पूर्ण कर दें, तो मैं पृथ्वी पर बिना किसी प्रतिद्वन्द्वी के राज्य करूँगा।"

श्लोक 41 (skanda.4.39.41)

॥ ब्रह्मोवाच॥ अविलंबेन तद्ब्रूहि कृतं मन्यस्व पार्थिव॥ यत्ते हृदि महाबाहो तवादेयं न किंचन

brahmovāca avilaṁbena tadbrūhi kṛtaṁ manyasva pārthiva yatte hṛdi mahābāho tavādeyaṁ na kiṁcana

ब्रह्मा ने कहा -- "हे राजन्! बिना विलम्ब किए वह बात कहो, और इसे हुआ ही समझो। हे महाबाहो! तुम्हारे हृदय में जो भी हो, तुम्हें न देने योग्य कुछ भी नहीं है।"

श्लोक 42 (skanda.4.39.42)

॥ राजोवाच॥ यद्यहं पृथिवीनाथः सर्वलोकपितामह॥ तदादिविष(प?)दो देवा दिवि तिष्ठंतु मा भुवि

rājovāca yadyahaṁ pṛthivīnāthaḥ sarvalokapitāmaha tadādiviṣa(pa?)do devā divi tiṣṭhaṁtu mā bhuvi

राजा ने कहा -- "हे सर्वलोक-पितामह! यदि मैं पृथ्वी का स्वामी होऊँ, तो सर्पराज सहित सभी देवता स्वर्ग में ही निवास करें, पृथ्वी पर नहीं।"

श्लोक 43 (skanda.4.39.43)

देवेषु दिवितिष्ठत्सु मयि तिष्ठति भूतले॥ असपत्नेन राज्येन प्रजासौख्यमवाप्स्यति

deveṣu divitiṣṭhatsu mayi tiṣṭhati bhūtale asapatnena rājyena prajāsaukhyamavāpsyati

"देवताओं के स्वर्ग में और मेरे इस पृथ्वीतल पर रहते हुए, प्रजा बिना किसी प्रतिद्वन्द्वी के राज्य में सुख प्राप्त करेगी।"

श्लोक 44 (skanda.4.39.44)

तथेति विश्वसृक्प्रोक्तो दिवोदासो नरेश्वरः॥ पटहं घोषयांचक्रे दिवं देवा व्रजंत्विति

tatheti viśvasṛkprokto divodāso nareśvaraḥ paṭahaṁ ghoṣayāṁcakre divaṁ devā vrajaṁtviti

सृष्टिकर्ता ब्रह्मा ने "ऐसा ही हो" कहकर स्वीकृति दी। तब राजा दिवोदास ने ढिंढोरा पिटवाया -- "देवता स्वर्ग को चले जाएँ!"

श्लोक 45 (skanda.4.39.45)

मा गच्छंत्विह वै नागा नराः स्वस्था भवंत्वितः॥ मयि प्रशासति क्षोणीं सुराः स्वस्था भवंत्विति

mā gacchaṁtviha vai nāgā narāḥ svasthā bhavaṁtvitaḥ mayi praśāsati kṣoṇīṁ surāḥ svasthā bhavaṁtviti

"नाग यहाँ न आएँ, ताकि मनुष्य निश्चिन्त रहें; और जब मैं इस पृथ्वी का शासन करूँ, तो देवता भी अपने-अपने स्थान पर सुखपूर्वक रहें।"

श्लोक 46 (skanda.4.39.46)

एतस्मिन्नंतरे ब्रह्मा विश्वेशं प्रणिपत्य ह॥ यावद्विज्ञप्तुकामोभूत्तावदीशोब्रवीद्विधिम्॥ लोकेश्वर समायाहि मंदरो नाम भूधरः॥ कुशद्वीपादिहागत्य तपस्तप्येत दुष्करम्

etasminnaṁtare brahmā viśveśaṁ praṇipatya ha yāvadvijñaptukāmobhūttāvadīśobravīdvidhim lokeśvara samāyāhi maṁdaro nāma bhūdharaḥ kuśadvīpādihāgatya tapastapyeta duṣkaram

इसी बीच ब्रह्मा विश्वेश्वर को प्रणाम करके अपनी प्रार्थना करने ही वाले थे कि ईश्वर ने स्वयं विधाता से पहले कह दिया -- "हे लोकेश्वर! मन्दर नामक पर्वत यहाँ आकर कुशद्वीप से दुष्कर तपस्या कर रहा है।"

श्लोक 47 (skanda.4.39.47)

यावस्तस्मै वरं दातुं बहुकालं तपस्यते॥ इत्युक्त्वा पार्वतीनाथो नंदिभृंगिपुरोगमः

yāvastasmai varaṁ dātuṁ bahukālaṁ tapasyate ityuktvā pārvatīnātho naṁdibhṛṁgipurogamaḥ

"वह इतने दीर्घकाल से तप कर रहा है कि मुझे उसे वर देना ही होगा।" ऐसा कहकर, नन्दी और भृंगी को आगे करके पार्वतीनाथ...

श्लोक 48 (skanda.4.39.48)

जगाम वृषमारुह्य मंदरो यत्र तिष्ठति॥ उवाच च प्रसन्नात्मा देवदेवो वृषध्वज

jagāma vṛṣamāruhya maṁdaro yatra tiṣṭhati uvāca ca prasannātmā devadevo vṛṣadhvaja

...अपने वृषभ पर सवार होकर वहाँ गए जहाँ मन्दर स्थित था। वृषभ-ध्वज देवदेव ने प्रसन्नचित्त होकर कहा...

श्लोक 49 (skanda.4.39.49)

उत्तिष्ठोत्तिष्ठ भद्रं ते वरं ब्रूहि धरोत्तम॥ सोथ श्रुत्वा महेशानं देवदेवं त्रिलोचनम्

uttiṣṭhottiṣṭha bhadraṁ te varaṁ brūhi dharottama sotha śrutvā maheśānaṁ devadevaṁ trilocanam

"उठो, उठो! तुम्हारा कल्याण हो, हे पर्वतश्रेष्ठ! अपना वर माँगो।" तब त्रिनेत्रधारी देवदेव महेश को सुनकर वह [मन्दर]...

श्लोक 50 (skanda.4.39.50)

प्रणम्य बहुशो भूमावद्रिरेतद्व्यजिज्ञपत्॥ लीलाविग्रहभृच्छंभो प्रणतैक कृपानिधे

praṇamya bahuśo bhūmāvadriretadvyajijñapat līlāvigrahabhṛcchaṁbho praṇataika kṛpānidhe

...उस मन्दर पर्वत ने भूमि पर बार-बार प्रणाम करके यह विनती की -- "हे शम्भो, हे लीला-विग्रह धारण करने वाले, हे शरणागतों के एकमात्र कृपा-निधान...

श्लोक 51 (skanda.4.39.51)

सर्वज्ञोपि कथं नाम न वेत्थ मम वांछितम्॥ शरणागतसंत्राण सर्ववृत्तांतकोविद

sarvajñopi kathaṁ nāma na vettha mama vāṁchitam śaraṇāgatasaṁtrāṇa sarvavṛttāṁtakovida

"...सर्वज्ञ होते हुए भी आप मेरी इच्छा को कैसे नहीं जानते? हे शरणागतों के रक्षक, हे समस्त वृत्तान्तों के ज्ञाता..."

श्लोक 52 (skanda.4.39.52)

सर्वेषां हृदयानंद शर्वसर्वगसर्वकृत्॥ यदि देयो वरो मह्यं स्वभावादृषदात्मने

sarveṣāṁ hṛdayānaṁda śarvasarvagasarvakṛt yadi deyo varo mahyaṁ svabhāvādṛṣadātmane

"...हे सबके हृदय के आनन्द, हे शर्व, हे सर्वव्यापक, हे सर्वकर्ता! यदि स्वभाव से पाषाणरूप मुझ जैसे को कोई वर देना ही है..."

श्लोक 53 (skanda.4.39.53)

याचकायातिशोच्याय प्रणतार्तिप्रभंजक॥ ततोऽविमुक्तक्षेत्रस्य साम्यं ह्यभिलषाम्यहम्

yācakāyātiśocyāya praṇatārtiprabhaṁjaka tato'vimuktakṣetrasya sāmyaṁ hyabhilaṣāmyaham

"...एक अत्यन्त दयनीय याचक को -- हे शरणागतों के दुःख के नाशक! -- तो मैं अविमुक्त-क्षेत्र की समानता ही चाहता हूँ।"

श्लोक 54 (skanda.4.39.54)

कुशद्वीप उमा सार्धं नाथाद्य सपरिच्छदः॥ मन्मौलौ विहितावासः प्रयात्वेष वरो मम

kuśadvīpa umā sārdhaṁ nāthādya saparicchadaḥ manmaulau vihitāvāsaḥ prayātveṣa varo mama

"हे नाथ! आज उमा सहित, अपने पूरे परिवार के साथ, कुशद्वीप में मेरे ही शिखर पर निवास स्थापित करते हुए पधारिए -- यही मेरा वर है।"

श्लोक 55 (skanda.4.39.55)

सर्वेषां सर्वदः शंभुः क्षणं यावद्विचिंतयेत्॥ विज्ञातावसरो ब्रह्मा तावच्छंभुं व्यजिज्ञपत्॥ प्रणम्याग्रेसरो भूत्वा मौलौ बद्धकरद्वयः॥ ॥ ब्रह्मोवाच॥ विश्वेश जगतांनाथ पत्या व्यापारितोस्म्यहम्॥ कृतप्रसादेन विभो सृष्टिं कर्तुं चतुर्विधाम्

sarveṣāṁ sarvadaḥ śaṁbhuḥ kṣaṇaṁ yāvadviciṁtayet vijñātāvasaro brahmā tāvacchaṁbhuṁ vyajijñapat praṇamyāgresaro bhūtvā maulau baddhakaradvayaḥ brahmovāca viśveśa jagatāṁnātha patyā vyāpāritosmyaham kṛtaprasādena vibho sṛṣṭiṁ kartuṁ caturvidhām

सबको सब कुछ देने वाले शम्भु जब तक क्षणभर विचार कर रहे थे, तभी अवसर पाकर ब्रह्मा ने शम्भु के आगे आकर, माथे पर दोनों हाथ जोड़कर, प्रणाम करते हुए अपनी विनती की। ब्रह्मा ने कहा -- "हे विश्वेश! हे जगत् के स्वामी! मैं अपने स्वामी द्वारा नियुक्त किया गया हूँ; हे विभो! आपकी ही कृपा से चतुर्विध सृष्टि की रचना करने के लिए..."

श्लोक 56 (skanda.4.39.56)

प्रयत्नेन मया सृष्टा सा सृष्टिस्त्वदनुज्ञया॥ अवृष्ट्या षष्टिहायिन्या तत्र नष्टाऽप्रजा भुवि

prayatnena mayā sṛṣṭā sā sṛṣṭistvadanujñayā avṛṣṭyā ṣaṣṭihāyinyā tatra naṣṭā'prajā bhuvi

"...आपकी अनुमति से मैंने बड़े प्रयत्न से वह सृष्टि रची थी; किन्तु साठ वर्ष के सूखे से वह वहाँ नष्ट हो गई, और पृथ्वी सन्तानहीन हो गई।"

श्लोक 57 (skanda.4.39.57)

अराजकं महच्चासीद्दुरवस्थमभूज्जगत्॥ ततो रिपुंजयो नाम राजर्षिर्मनुवंशजः

arājakaṁ mahaccāsīdduravasthamabhūjjagat tato ripuṁjayo nāma rājarṣirmanuvaṁśajaḥ

"संसार राजाविहीन होकर अत्यन्त दुर्दशा को प्राप्त हो गया। तब मनु के वंश में उत्पन्न रिपुंजय नामक राजर्षि..."

श्लोक 58 (skanda.4.39.58)

मयाभिषिक्तो राजर्षिः प्रजाः पातुं नरेश्वरः॥ चकार समयं सोपि महावीर्यो महातपाः

mayābhiṣikto rājarṣiḥ prajāḥ pātuṁ nareśvaraḥ cakāra samayaṁ sopi mahāvīryo mahātapāḥ

"...मेरे द्वारा प्रजा के पालन के लिए राजपद पर अभिषिक्त किया गया। महापराक्रमी और महातपस्वी उस राजर्षि ने भी एक शर्त रखी।"

श्लोक 59 (skanda.4.39.59)

तवाज्ञया चेत्स्थास्यंति सर्वे दिविषदो दिवि॥ नागलोके तथा नागास्ततो राज्यं करोम्यहम्

tavājñayā cetsthāsyaṁti sarve diviṣado divi nāgaloke tathā nāgāstato rājyaṁ karomyaham

"'यदि आपकी आज्ञा से सभी देवता स्वर्ग में और सभी नाग नागलोक में ही स्थिर रहें, तो मैं यह राज्य स्वीकार करूँगा' -- ऐसा उसने कहा था।"

श्लोक 60 (skanda.4.39.60)

तथेति च मया प्रोक्तं प्रमाणीक्रियतां तु तत्॥ मंदराय वरो दत्तो भवेदेवं कृपानिधे

tatheti ca mayā proktaṁ pramāṇīkriyatāṁ tu tat maṁdarāya varo datto bhavedevaṁ kṛpānidhe

"मैंने भी 'ऐसा ही हो' कहकर स्वीकार किया था; हे कृपानिधे! उसे अब प्रमाणित कीजिए, जैसे आपने मन्दर को वर दिया है।"

श्लोक 61 (skanda.4.39.61)

तस्य राज्ञः प्रजास्त्रातुं भूयाच्चैष मनोरथः॥ मम नाडीद्वयं राज्यं तस्यापि च शतक्रतोः

tasya rājñaḥ prajāstrātuṁ bhūyāccaiṣa manorathaḥ mama nāḍīdvayaṁ rājyaṁ tasyāpi ca śatakratoḥ

"उस राजा की प्रजा की रक्षा हो -- यही मेरी हार्दिक कामना है। मेरा तो राज्यकाल दो घड़ी मात्र है, और इन्द्र का भी उतना ही है।"

श्लोक 62 (skanda.4.39.62)

मर्त्यानां गणना क्वेह निमेषार्ध निमेषिणाम्॥ देवोपि निर्मलं मत्वा मंदरं चारुकंदरम्

martyānāṁ gaṇanā kveha nimeṣārdha nimeṣiṇām devopi nirmalaṁ matvā maṁdaraṁ cārukaṁdaram

"फिर आधे निमेष जितने जीवन वाले मनुष्यों की गणना यहाँ कहाँ ठहरती है? स्वयं देव ने भी मन्दर पर्वत को, उसकी सुन्दर गुफाओं के साथ, अत्यन्त पवित्र मानकर..."

श्लोक 63 (skanda.4.39.63)

विधेश्च गौरवं रक्षंस्तथोरी कृतवान्हरः॥ जंबूद्वीपे यथा काशी निर्वाणपददा सदा

vidheśca gauravaṁ rakṣaṁstathorī kṛtavānharaḥ jaṁbūdvīpe yathā kāśī nirvāṇapadadā sadā

...विधाता के वचन की गरिमा को बचाते हुए, हर ने उसे भी अपना निवास बना लिया, जैसे जम्बूद्वीप में काशी सदा निर्वाणपद देने वाली है।

श्लोक 64 (skanda.4.39.64)

तथा बहुतिथं कालं द्वीपोभूत्सोपि मंदरः॥ यियासुना च देवेन मंदरं चित्रकंदरम्॥ निजमूर्तिमयं लिंगमविज्ञातं विधेरपि॥ स्थापितं सर्वसिद्धीनां स्थापकेभ्यः समर्पितुम्

tathā bahutithaṁ kālaṁ dvīpobhūtsopi maṁdaraḥ yiyāsunā ca devena maṁdaraṁ citrakaṁdaram nijamūrtimayaṁ liṁgamavijñātaṁ vidherapi sthāpitaṁ sarvasiddhīnāṁ sthāpakebhyaḥ samarpitum

इस प्रकार दीर्घकाल तक वह मन्दर पर्वत [शिव का] द्वीप-निवास बना रहा। मन्दर को छोड़कर जाने की इच्छा रखने वाले देव ने उस विचित्र-गुफा वाले मन्दर पर्वत पर, ब्रह्मा को भी अज्ञात, अपना स्वरूप ही मानो एक लिंग स्थापित कर दिया, ताकि वह उसके स्थापकों को समस्त सिद्धियाँ प्रदान करता रहे।

श्लोक 65 (skanda.4.39.65)

विपन्नानां च जंतूनां दातुं नैःश्रेयसीं श्रियम्॥ सर्वेषामिह संस्थानां क्षेत्रं चैवाभिरक्षितुम्

vipannānāṁ ca jaṁtūnāṁ dātuṁ naiḥśreyasīṁ śriyam sarveṣāmiha saṁsthānāṁ kṣetraṁ caivābhirakṣitum

यह उसने संकटग्रस्त प्राणियों को परम कल्याणकारी श्री प्रदान करने के लिए, तथा वहाँ रहने वाले सभी के क्षेत्र की रक्षा के लिए किया।

श्लोक 66 (skanda.4.39.66)

मंदराद्रिगतेनापि क्षेत्रं नैतत्पिनाकिना॥ विमुक्तं लिंगरूपेण अविमुक्तमतः स्मृतम्

maṁdarādrigatenāpi kṣetraṁ naitatpinākinā vimuktaṁ liṁgarūpeṇa avimuktamataḥ smṛtam

इस प्रकार मन्दराचल चले जाने पर भी पिनाकधारी शिव ने इस क्षेत्र को, अपने लिंगरूप के द्वारा, कभी नहीं छोड़ा; इसीलिए यह "अविमुक्त" (कभी न त्यागा गया) कहलाया।

श्लोक 67 (skanda.4.39.67)

पुरा नंदवनं नाम क्षेत्रमेतत्प्रकीर्तितम्॥ अविमुक्तं तदारभ्य नामास्य प्रथितं भुवि

purā naṁdavanaṁ nāma kṣetrametatprakīrtitam avimuktaṁ tadārabhya nāmāsya prathitaṁ bhuvi

पूर्वकाल में यह क्षेत्र नन्दवन नाम से प्रसिद्ध था; तभी से इसका "अविमुक्त" नाम पृथ्वी पर विख्यात हुआ।

श्लोक 68 (skanda.4.39.68)

नामाविमुक्तमभवदुभयोः क्षेत्रलिंगयोः॥ एतद्द्वयं समासाद्य न भूयो गर्भभाग्भवेत्

nāmāvimuktamabhavadubhayoḥ kṣetraliṁgayoḥ etaddvayaṁ samāsādya na bhūyo garbhabhāgbhavet

"अविमुक्त" नाम क्षेत्र और लिंग दोनों का ही हो गया; इन दोनों को साथ प्राप्त करके मनुष्य फिर कभी गर्भवास नहीं भोगता।

श्लोक 69 (skanda.4.39.69)

अविमुक्तेश्वरं लिंगं दृष्ट्वा क्षेत्रेऽविमुक्तके॥ विमुक्त एव भवति सर्वस्मात्कर्मबंधनात्

avimukteśvaraṁ liṁgaṁ dṛṣṭvā kṣetre'vimuktake vimukta eva bhavati sarvasmātkarmabaṁdhanāt

अविमुक्त क्षेत्र में अविमुक्तेश्वर के लिंग का दर्शन करके मनुष्य समस्त कर्म-बन्धनों से पूर्णतः मुक्त हो जाता है।

श्लोक 70 (skanda.4.39.70)

अर्चंति विश्वे विश्वेशं विश्वेशोर्चति विश्वकृत्॥ अविमुक्तेश्वरं लिंगं भुविमुक्तिप्रदायकम्

arcaṁti viśve viśveśaṁ viśveśorcati viśvakṛt avimukteśvaraṁ liṁgaṁ bhuvimuktipradāyakam

सम्पूर्ण विश्व विश्वेश्वर की आराधना करता है, और स्वयं विश्वकर्ता विश्वेश्वर भी पृथ्वी पर मुक्ति देने वाले अविमुक्तेश्वर लिंग की आराधना करते हैं।

श्लोक 71 (skanda.4.39.71)

पुरा न स्थापितं लिंगं कस्यचित्केनचित्क्वचित्॥ किमाकृति भवेल्लिंगं नैतद्वेत्त्यपि कश्चन

purā na sthāpitaṁ liṁgaṁ kasyacitkenacitkvacit kimākṛti bhavelliṁgaṁ naitadvettyapi kaścana

पूर्वकाल में यह लिंग किसी के द्वारा, कहीं भी, किसी के लिए भी स्थापित नहीं किया गया था; इसका आकार क्या है, यह भी कोई नहीं जानता था।

श्लोक 72 (skanda.4.39.72)

आकारमविमुक्तस्य दृष्ट्वा ब्रह्माच्युतादयः॥ लिंगं संस्थापयामासुर्वसिष्ठाद्यास्तथषर्यः

ākāramavimuktasya dṛṣṭvā brahmācyutādayaḥ liṁgaṁ saṁsthāpayāmāsurvasiṣṭhādyāstathaṣaryaḥ

स्वयं-प्रकट अविमुक्त के स्वरूप को देखकर ब्रह्मा, विष्णु आदि तथा वसिष्ठ आदि ऋषियों ने ही उस लिंग की विधिवत् स्थापना की।

श्लोक 73 (skanda.4.39.73)

आदिलिंगमिदं प्रोक्तमविमुक्तेश्वरं महत्॥ ततो लिंगांतराण्यत्र जातानि क्षितिमंडले॥ अविमुक्तेश नामापि श्रुत्वा जन्मार्जितादघात्॥ क्षणान्मुक्तो भवेन्मर्त्यो नात्र कार्या विचारणा

ādiliṁgamidaṁ proktamavimukteśvaraṁ mahat tato liṁgāṁtarāṇyatra jātāni kṣitimaṁḍale avimukteśa nāmāpi śrutvā janmārjitādaghāt kṣaṇānmukto bhavenmartyo nātra kāryā vicāraṇā

यह महान् अविमुक्तेश्वर आदिलिंग कहा गया है; इसी से पृथ्वीमण्डल पर अन्य सभी लिंग उत्पन्न हुए। "अविमुक्तेश" नाम मात्र भी सुनकर मनुष्य जन्म-जन्म में अर्जित पाप से क्षणभर में मुक्त हो जाता है -- इसमें कोई सन्देह नहीं करना चाहिए।

श्लोक 74 (skanda.4.39.74)

अविमुक्तेश्वरं लिंगं स्मृत्वा दूरगतोपि च॥ जन्मद्वयकृतात्पापात्क्षणादेव विमुच्यते

avimukteśvaraṁ liṁgaṁ smṛtvā dūragatopi ca janmadvayakṛtātpāpātkṣaṇādeva vimucyate

जो दूर देश में रहते हुए भी अविमुक्तेश्वर लिंग का स्मरण करता है, वह दो जन्मों में किए गए पाप से भी उसी क्षण मुक्त हो जाता है।

श्लोक 75 (skanda.4.39.75)

अविमुक्ते महाक्षेत्रेऽविमुक्तमवलोक्य च॥ त्रिजन्मजनितं पापं हित्वा पुण्यमयो भवेत्

avimukte mahākṣetre'vimuktamavalokya ca trijanmajanitaṁ pāpaṁ hitvā puṇyamayo bhavet

अविमुक्त महाक्षेत्र में साक्षात् अविमुक्त का दर्शन करके मनुष्य तीन जन्मों में उत्पन्न पाप को त्यागकर पुण्यमय हो जाता है।

श्लोक 76 (skanda.4.39.76)

यत्कृतं ज्ञानविभ्रंशादेनः पंचसु जन्मसु॥ अविमुक्तेश संस्पर्शात्तत्क्षयेदेव नान्यथा

yatkṛtaṁ jñānavibhraṁśādenaḥ paṁcasu janmasu avimukteśa saṁsparśāttatkṣayedeva nānyathā

ज्ञान के भ्रष्ट हो जाने से पाँच जन्मों में जो पाप किया गया हो, वह भी अविमुक्तेश के स्पर्श से ही नष्ट होता है, अन्यथा नहीं।

श्लोक 77 (skanda.4.39.77)

अर्चयित्वा महालिंगमविमुक्तेश्वरं नरः॥ कृतकृत्यो भवेदत्र न च स्याज्जन्मभाक्कुतः

arcayitvā mahāliṁgamavimukteśvaraṁ naraḥ kṛtakṛtyo bhavedatra na ca syājjanmabhākkutaḥ

अविमुक्तेश्वर के महालिंग की आराधना करके मनुष्य यहाँ कृतकृत्य हो जाता है; फिर वह पुनर्जन्म का भागी कैसे हो सकता है?

श्लोक 78 (skanda.4.39.78)

स्तुत्वा नत्वार्चयित्वा च यथाशक्ति यथामति॥ अविमुक्ते विमुक्तेशं स्तूयते नम्यतेऽर्च्यते

stutvā natvārcayitvā ca yathāśakti yathāmati avimukte vimukteśaṁ stūyate namyate'rcyate

जो अविमुक्त में अपनी सामर्थ्य और बुद्धि के अनुसार विमुक्तेश की स्तुति, वन्दना और अर्चना करता है, वह मानो स्वयं ही स्तुत, वन्दित और अर्चित हो जाता है।

श्लोक 79 (skanda.4.39.79)

अनादिमदिदं लिंगं स्वयं विश्वेश्वरार्चितम्॥ काश्यां प्रयत्नतः सेव्यमविमुक्तं विमुक्तये

anādimadidaṁ liṁgaṁ svayaṁ viśveśvarārcitam kāśyāṁ prayatnataḥ sevyamavimuktaṁ vimuktaye

यह लिंग अनादिकाल से विद्यमान है, स्वयं विश्वेश्वर के द्वारा भी पूजित है; काशी में मुक्ति की कामना करने वाले को इस अविमुक्त लिंग की सेवा बड़े यत्न से करनी चाहिए।

श्लोक 80 (skanda.4.39.80)

संति लिंगान्यनेकानि पुण्येष्वायतनेषु च॥ आयांति तानि लिंगानि माघीं प्राप्य चतुदर्शीम्

saṁti liṁgānyanekāni puṇyeṣvāyataneṣu ca āyāṁti tāni liṁgāni māghīṁ prāpya catudarśīm

पवित्र तीर्थों में अनेक लिंग विद्यमान हैं; माघ मास की चतुर्दशी आने पर वे सभी लिंग यहाँ [अविमुक्त क्षेत्र में] आ जाते हैं।

श्लोक 81 (skanda.4.39.81)

कृष्णायां माघभूतायामविमुक्तेश जागरात्॥ सदा विगतनिद्रस्य योगिनो गतिभाग्भवेत्

kṛṣṇāyāṁ māghabhūtāyāmavimukteśa jāgarāt sadā vigatanidrasya yogino gatibhāgbhavet

माघ मास की उस कृष्ण चतुर्दशी को अविमुक्तेश की रात्रि-जागरण करने वाले, सदा निद्रारहित रहने वाले योगी को परम गति की प्राप्ति होती है।

श्लोक 82 (skanda.4.39.82)

नानायतनलिंगानि चतुर्वर्गप्रदान्यपि॥ माघकृष्णचतुर्दश्यामविमुक्तमुपासते॥ किं बिभेति नरो धीरः कृतादघशिलोच्चयात्॥ अविमुक्तेश लिंगस्य भक्ति वज्रधरो यदि

nānāyatanaliṁgāni caturvargapradānyapi māghakṛṣṇacaturdaśyāmavimuktamupāsate kiṁ bibheti naro dhīraḥ kṛtādaghaśiloccayāt avimukteśa liṁgasya bhakti vajradharo yadi

चतुर्वर्ग-फल देने वाले अनेक तीर्थों के लिंग भी माघ-कृष्ण चतुर्दशी को अविमुक्त की उपासना करते हैं। जिसे अविमुक्तेश लिंग के प्रति भक्ति हो, चाहे वह वज्रधर इन्द्र ही क्यों न हो, वह धीर पुरुष अपने संचित पाप-पर्वत से क्यों भयभीत हो?

श्लोक 83 (skanda.4.39.83)

क्वाविमुक्तं महालिंगं चतुर्वर्गफलोदयम्॥ क्व पापि पापशैलोऽल्पो यःक्षयेन्नामसंभृतः

kvāvimuktaṁ mahāliṁgaṁ caturvargaphalodayam kva pāpi pāpaśailo'lpo yaḥkṣayennāmasaṁbhṛtaḥ

कहाँ तो चतुर्वर्ग-फल का उदय करने वाला महान् अविमुक्त लिंग, और कहाँ पाप का वह क्षुद्र पर्वत, जो उसके नाम-मात्र से ही ढह जाता है!

श्लोक 84 (skanda.4.39.84)

अविमुक्ते महाक्षेत्रे विश्वेशसमधिष्ठिते॥ यैर्न दृष्टं विमूढास्तेऽविमुक्तं लिंगमुत्तमम्

avimukte mahākṣetre viśveśasamadhiṣṭhite yairna dṛṣṭaṁ vimūḍhāste'vimuktaṁ liṁgamuttamam

विश्वेश्वर के स्वयं अधिष्ठित इस अविमुक्त महाक्षेत्र में जिन लोगों ने अविमुक्त के उत्तम लिंग का दर्शन नहीं किया, वे वस्तुतः महामूर्ख ही हैं।

श्लोक 85 (skanda.4.39.85)

द्रष्टारमविमुक्तस्य दृष्ट्वा दंडधरो यमः॥ दूरादेव प्रणमति प्रबद्धकरसंपुटः

draṣṭāramavimuktasya dṛṣṭvā daṁḍadharo yamaḥ dūrādeva praṇamati prabaddhakarasaṁpuṭaḥ

अविमुक्त का दर्शन करने वाले उस भक्त को देखते ही दण्डधारी यमराज दूर से ही हाथ जोड़कर प्रणाम करते हैं।

श्लोक 86 (skanda.4.39.86)

धन्यं तन्नेत्रनिर्माणं कृतकृत्यौ तु तौ करौ॥ अविमुक्तेश्वरं येन याभ्यामैक्षिष्ट यः स्पृशेत्

dhanyaṁ tannetranirmāṇaṁ kṛtakṛtyau tu tau karau avimukteśvaraṁ yena yābhyāmaikṣiṣṭa yaḥ spṛśet

धन्य है उन नेत्रों की रचना जिनसे अविमुक्तेश्वर का दर्शन किया गया, और सफल हैं वे दोनों हाथ जिनसे उन्हें स्पर्श किया गया।

श्लोक 87 (skanda.4.39.87)

त्रिसंध्यमविमुक्तेशं यो जपेन्नियतः शुचिः॥ दूरदेशविपन्नोपि काशीमृतफलं लभेत्

trisaṁdhyamavimukteśaṁ yo japenniyataḥ śuciḥ dūradeśavipannopi kāśīmṛtaphalaṁ labhet

जो नियमपूर्वक शुद्ध रहकर तीनों सन्ध्याओं में अविमुक्तेश का जप करता है, वह दूर देश में मृत्यु को प्राप्त होने पर भी काशी-मरण का फल पाता है।

श्लोक 88 (skanda.4.39.88)

अविमुक्तं महालिंगं दृष्ट्वा ग्रामांतरं व्रजेत्॥ लब्धाशुकार्यसंसिद्धिं क्षेमेण प्रविशेद्गृहम्

avimuktaṁ mahāliṁgaṁ dṛṣṭvā grāmāṁtaraṁ vrajet labdhāśukāryasaṁsiddhiṁ kṣemeṇa praviśedgṛham

अविमुक्त के महालिंग का दर्शन करके ही मनुष्य दूसरे गाँव के लिए प्रस्थान करे; ऐसा करने से वह शीघ्र अपने कार्य की सिद्धि पाकर कुशलतापूर्वक घर लौट आता है।