षष्टि-योगिनी-आगमन

श्लोक 1 (skanda.4.45.1)

॥ स्कंद उवाच॥ अथ तद्योगिनीवृंदं दूराद्दृष्टिं प्रसार्य च॥ स्वनेत्रदैर्घ्यनिर्माणं प्रशशंस फलान्वितम्

skaṁda uvāca atha tadyoginīvṛṁdaṁ dūrāddṛṣṭiṁ prasārya ca svanetradairghyanirmāṇaṁ praśaśaṁsa phalānvitam

स्कंद ने कहा — तब उस योगिनी-समूह ने दूर से ही दृष्टि फैलाकर, अपने नेत्रों की दीर्घता को सार्थक मानते हुए उसकी प्रशंसा की।

श्लोक 2 (skanda.4.45.2)

दिव्यप्रासादमालानां पताकाश्चलपल्लवाः॥ सादरं दूरमार्गस्थान्पांथानाह्वयतीरिव

divyaprāsādamālānāṁ patākāścalapallavāḥ sādaraṁ dūramārgasthānpāṁthānāhvayatīriva

उन दिव्य भवनों की पंक्तियों की फहराती हुई पताकाएँ, चंचल पल्लवों के समान, मानो दूर मार्ग में स्थित पथिकों को आदरपूर्वक बुला रही थीं।

श्लोक 3 (skanda.4.45.3)

चंचत्प्रासादमाणिक्यैर्विजृंभितमरीचिभिः॥ सुनीलमपि च व्योमवीक्ष्यमाणं सुनिर्मलम्

caṁcatprāsādamāṇikyairvijṛṁbhitamarīcibhiḥ sunīlamapi ca vyomavīkṣyamāṇaṁ sunirmalam

उन भवनों के चमकते हुए माणिक्यों की फैलती हुई किरणों से, सुनील आकाश भी देखने में अत्यंत निर्मल प्रतीत हो रहा था।

श्लोक 4 (skanda.4.45.4)

देवत्वं माययाच्छाद्य वेषं कार्पटिकोचितम्॥ विधाय काशीमविशद्योगिनीचक्रमक्रमम्

devatvaṁ māyayācchādya veṣaṁ kārpaṭikocitam vidhāya kāśīmaviśadyoginīcakramakramam

माया से अपनी देवत्व को छिपाकर तथा भिखारिणियों के योग्य वेष धारण कर, योगिनी-चक्र क्रमरहित होकर काशी में प्रविष्ट हुआ।

श्लोक 5 (skanda.4.45.5)

काचिच्चयोगिनी भूता काचिज्जाता तपस्विनी॥ काचिद्बभूव सैरंध्री काचिन्मासोपवासिनी

kāciccayoginī bhūtā kācijjātā tapasvinī kācidbabhūva sairaṁdhrī kācinmāsopavāsinī

कोई योगिनी योगिनी-वेषधारिणी बनी, कोई तपस्विनी बनी, कोई सैरंध्री (दासी) बनी, तो कोई मासोपवासी (महीने भर उपवास करने वाली) बनी।

श्लोक 6 (skanda.4.45.6)

मालाकारवधूः काचित्काचिन्नापितसुंदरी॥ सूतिकर्मविचारज्ञा ऽपरा भैषज्यकोविदा

mālākāravadhūḥ kācitkācinnāpitasuṁdarī sūtikarmavicārajñā 'parā bhaiṣajyakovidā

कोई मालाकार की पत्नी बनी, कोई सुंदरी नाइन बनी; कोई प्रसूति-कर्म की ज्ञाता बनी, तो कोई औषध-विद्या में निपुण बनी।

श्लोक 7 (skanda.4.45.7)

वैश्या च काचिदभवत्क्रयविक्रयचंचुरा॥ व्यालग्राहिण्यभूत्काचिद्दासीधात्री च काचन

vaiśyā ca kācidabhavatkrayavikrayacaṁcurā vyālagrāhiṇyabhūtkāciddāsīdhātrī ca kācana

कोई क्रय-विक्रय में निपुण वैश्य-वधू बनी, कोई सर्पग्राहिणी (सँपेरिन) बनी, तो कोई दासी-धात्री (आया) बनी।

श्लोक 8 (skanda.4.45.8)

एका च नृत्यकुशला त्वन्या गानविशारदा॥ अपरा वेणुवादज्ञा परा वीणाधराभवत्

ekā ca nṛtyakuśalā tvanyā gānaviśāradā aparā veṇuvādajñā parā vīṇādharābhavat

एक नृत्य में कुशल थी, तो दूसरी गायन में निपुण; एक वेणुवादन जानती थी, तो दूसरी वीणावादिनी बनी।

श्लोक 9 (skanda.4.45.9)

मृदंगवादनज्ञान्या काचित्ताल कलावती॥ काचित्कार्मणतत्त्वज्ञा काचिन्मौक्तिकगुंफिका

mṛdaṁgavādanajñānyā kācittāla kalāvatī kācitkārmaṇatattvajñā kācinmauktikaguṁphikā

एक मृदंगवादन जानती थी, दूसरी ताल-कला में निपुण थी; एक कर्मण-विद्या (मारण-मोहनादि तंत्र) की ज्ञाता थी, तो दूसरी मुक्ता-गुंफनकारिणी थी।

श्लोक 10 (skanda.4.45.10)

गंधभागविधिज्ञान्या काचिदक्षकलालया॥ आलापोल्लासकुशला काचिच्चत्वरचारिणी॥ वंशाधिरोहणे दक्षा रज्जुमार्गेण चेतरा॥ काचिद्वातुलचेष्टाऽभूत्पथि चीवरवेष्टना

gaṁdhabhāgavidhijñānyā kācidakṣakalālayā ālāpollāsakuśalā kāciccatvaracāriṇī vaṁśādhirohaṇe dakṣā rajjumārgeṇa cetarā kācidvātulaceṣṭā'bhūtpathi cīvaraveṣṭanā

एक सुगंध-मिश्रण-विधि की ज्ञाता थी, दूसरी द्यूत-क्रीड़ा में लीन रहती थी; एक वार्तालाप में कुशल थी, दूसरी चौराहों पर विचरण करने वाली थी; एक बाँस पर चढ़ने में दक्ष थी, दूसरी रस्सी पर चलने में निपुण थी; और एक चिथड़े लपेटे मार्ग में विक्षिप्त-सी चेष्टा करती फिरती थी।

श्लोक 11 (skanda.4.45.11)

अपत्यदाऽनपत्यानां परा तत्रपुरेऽवसत्॥ काचित्करांघ्रिरेखाणां लक्षणानि चिकेति च

apatyadā'napatyānāṁ parā tatrapure'vasat kācitkarāṁghrirekhāṇāṁ lakṣaṇāni ciketi ca

एक उस नगर में संतानहीनों को संतान देने वाली बनकर रहने लगी; तो कोई हस्त-पद की रेखाओं के लक्षणों को पहचानने वाली बनी।

श्लोक 12 (skanda.4.45.12)

चित्रलेखन नैपुण्यात्काचिज्जनमनोहरा॥ वशीकरणमंत्रज्ञा काचित्तत्र चचार ह

citralekhana naipuṇyātkācijjanamanoharā vaśīkaraṇamaṁtrajñā kācittatra cacāra ha

एक चित्रकला की निपुणता से लोगों का मन मोहने लगी, तो एक वशीकरण-मंत्रों की ज्ञाता बनकर वहाँ विचरण करने लगी।

श्लोक 13 (skanda.4.45.13)

गुटिकासिद्धिदा काचित्काचिदंजनसिद्धिदा॥ धातुवादविदग्धान्या पादुकासिद्धिदा परा

guṭikāsiddhidā kācitkācidaṁjanasiddhidā dhātuvādavidagdhānyā pādukāsiddhidā parā

एक गुटिका-सिद्धि प्रदान करने वाली बनी, तो दूसरी अंजन-सिद्धि देने वाली; एक धातुवाद (रसायन-विद्या) में निपुण थी, तो दूसरी पादुका-सिद्धि प्रदान करने वाली थी।

श्लोक 14 (skanda.4.45.14)

अग्निस्तंभ जलस्तंभ वाक्स्तंभं चाप्यशिक्षयत्॥ खेचरीत्वं ददौ काचिददृश्यत्वं परा ददौ

agnistaṁbha jalastaṁbha vākstaṁbhaṁ cāpyaśikṣayat khecarītvaṁ dadau kācidadṛśyatvaṁ parā dadau

एक अग्निस्तंभन, जलस्तंभन तथा वाक्स्तंभन की विद्या सिखाती थी; एक खेचरत्व (आकाशगमन) प्रदान करती थी, तो दूसरी अदृश्य होने की शक्ति देती थी।

श्लोक 15 (skanda.4.45.15)

काचिदाकर्पणीं सिद्धिं ददावुच्चाटनं परा॥ काचिन्निजांगसौंदर्य युवचित्तविमोहिनी

kācidākarpaṇīṁ siddhiṁ dadāvuccāṭanaṁ parā kācinnijāṁgasauṁdarya yuvacittavimohinī

एक आकर्षण-सिद्धि प्रदान करती थी, तो दूसरी उच्चाटन-सिद्धि; एक अपने अंग-सौंदर्य से युवाओं के चित्त को मोहित करने वाली थी।

श्लोक 16 (skanda.4.45.16)

चिंतितार्थप्रदा काचित्काचिज्ज्योतिः कलावती॥ इत्यादि वेषभाषाभिरनुकृत्य समंततः

ciṁtitārthapradā kācitkācijjyotiḥ kalāvatī ityādi veṣabhāṣābhiranukṛtya samaṁtataḥ

एक मनोवांछित वस्तु प्रदान करने वाली थी, तो दूसरी ज्योतिष-कला में निपुण थी। इस प्रकार विभिन्न वेष और भाषाओं में सर्वत्र अनुकरण करते हुए —

श्लोक 17 (skanda.4.45.17)

प्रत्यंगणं प्रतिगृहं प्राविशद्योगिनीगणः॥ इत्थमब्दंचरंत्यस्ता योगिन्योऽहर्निशं पुरि

pratyaṁgaṇaṁ pratigṛhaṁ prāviśadyoginīgaṇaḥ itthamabdaṁcaraṁtyastā yoginyo'harniśaṁ puri

वह योगिनी-समूह प्रत्येक आँगन और प्रत्येक घर में प्रविष्ट हुआ। इस प्रकार वे योगिनियाँ पूरे एक वर्ष तक दिन-रात उस नगरी में विचरण करती रहीं —

श्लोक 18 (skanda.4.45.18)

न च्छिद्रं लेभिरे क्वापि नृपविघ्नचिकीर्षवः॥ ततः समेत्य ताः सर्वा योगिन्यो वंध्यवांछिताः॥ तस्थुः संमंत्र्य तत्रैव न गता मंदरं पुनः

na cchidraṁ lebhire kvāpi nṛpavighnacikīrṣavaḥ tataḥ sametya tāḥ sarvā yoginyo vaṁdhyavāṁchitāḥ tasthuḥ saṁmaṁtrya tatraiva na gatā maṁdaraṁ punaḥ

विघ्न उत्पन्न करने की इच्छा रखने वाली वे योगिनियाँ कहीं भी कोई छिद्र (दोष) नहीं पा सकीं। तब वे सभी योगिनियाँ, जिनका उद्देश्य निष्फल हो गया था, एकत्रित होकर आपस में मंत्रणा कर वहीं रुक गईं, पुनः मंदराचल को नहीं गईं।

श्लोक 19 (skanda.4.45.19)

प्रभुकार्यमनिष्पाद्य सदः संभावनैधितः॥ कः पुरः शक्नुयात्स्थातुं स्वामिनो क्षतविग्रहः॥ अन्यच्च चिंतितं ताभिर्योगिनीभिरिदं मुने॥ प्रभुं विनापि जीवामो न तु काशीं विना पुनः

prabhukāryamaniṣpādya sadaḥ saṁbhāvanaidhitaḥ kaḥ puraḥ śaknuyātsthātuṁ svāmino kṣatavigrahaḥ anyacca ciṁtitaṁ tābhiryoginībhiridaṁ mune prabhuṁ vināpi jīvāmo na tu kāśīṁ vinā punaḥ

उन्होंने विचार किया — 'स्वामी के कार्य को सिद्ध किए बिना, तत्काल अपमानित होकर, कौन अक्षत शरीर से अपने स्वामी के समक्ष खड़ा हो सकता है?' हे मुने! उन योगिनियों ने यह भी विचार किया — 'हम प्रभु के बिना तो जीवित रह सकती हैं, परंतु अब काशी के बिना कदापि नहीं।'

श्लोक 20 (skanda.4.45.20)

प्रभूरुष्टोपि सद्भृत्ये जीविकामात्रहारकः॥ काशीहरेत्कराद्भ्रष्टा पुरुषार्थचतुष्टयम्

prabhūruṣṭopi sadbhṛtye jīvikāmātrahārakaḥ kāśīharetkarādbhraṣṭā puruṣārthacatuṣṭayam

क्रुद्ध स्वामी भी अपने सुयोग्य सेवक की केवल आजीविका ही छीन सकता है; परंतु यदि काशी हमारे हाथ से छूट गई, तो हम पुरुषार्थ-चतुष्टय (धर्म, अर्थ, काम, मोक्ष) से ही वंचित हो जाएँगी।

श्लोक 21 (skanda.4.45.21)

नाद्यापि काशीं संत्यज्य तदारभ्य महामुने॥ योगिन्योन्यत्र तिष्ठंति चरंत्योपि जगत्त्रयम्

nādyāpi kāśīṁ saṁtyajya tadārabhya mahāmune yoginyonyatra tiṣṭhaṁti caraṁtyopi jagattrayam

हे महामुने! तभी से लेकर आज तक भी वे योगिनियाँ, तीनों लोकों में विचरण करते हुए भी, काशी को त्यागकर कहीं अन्यत्र नहीं रहतीं।

श्लोक 22 (skanda.4.45.22)

प्राप्यापि श्रीमतीं काशीं यस्तितिक्षति दुर्मतिः॥ स एव प्रत्युत त्यक्तो धर्मकामार्थमुक्तिभिः

prāpyāpi śrīmatīṁ kāśīṁ yastitikṣati durmatiḥ sa eva pratyuta tyakto dharmakāmārthamuktibhiḥ

जो दुर्बुद्धि श्रीमती काशी को पाकर भी उदासीन बना रहता है, वही उलटे धर्म, अर्थ, काम और मोक्ष — इन चारों से ही त्याग दिया जाता है।

श्लोक 23 (skanda.4.45.23)

कः काशीं प्राप्य दुर्बुद्धिरपरत्र यियासति॥ मोक्षनिक्षेप कलशीं तुच्छश्रीकृतमानसः

kaḥ kāśīṁ prāpya durbuddhiraparatra yiyāsati mokṣanikṣepa kalaśīṁ tucchaśrīkṛtamānasaḥ

काशी को, जो मोक्ष के निक्षेप की कलश-स्वरूपा है, पाकर भला कौन दुर्बुद्धि तुच्छ ऐश्वर्य में मन लगाकर अन्यत्र जाने की इच्छा करेगा?

श्लोक 24 (skanda.4.45.24)

विमुखोपीश्वरोस्माकं काशीसेवनपुण्यतः॥ संमुखो भविता पुण्यं कृतकृत्याः स्म तद्वयम्

vimukhopīśvarosmākaṁ kāśīsevanapuṇyataḥ saṁmukho bhavitā puṇyaṁ kṛtakṛtyāḥ sma tadvayam

यद्यपि हमारे स्वामी अभी विमुख हैं, तथापि काशी-सेवा के पुण्य से वे शीघ्र ही हमारी ओर सम्मुख होंगे; इस पुण्य से हम कृतकृत्य ही हैं।

श्लोक 25 (skanda.4.45.25)

दिनैः कतिपयैरेव सर्वज्ञोपि समेष्यति॥ विना काशीं न रमते यतोऽन्यत्र त्रिलोचनः

dinaiḥ katipayaireva sarvajñopi sameṣyati vinā kāśīṁ na ramate yato'nyatra trilocanaḥ

कुछ ही दिनों में सर्वज्ञ स्वामी भी यहाँ आ पहुँचेंगे, क्योंकि त्रिलोचन काशी के बिना अन्यत्र कहीं रमण नहीं करते।

श्लोक 26 (skanda.4.45.26)

शंभोः शक्तिरियं काशी काचित्सर्वैरगोचरा॥ शंभुरेव हि जानीयादेतस्याः परमं सुखम्

śaṁbhoḥ śaktiriyaṁ kāśī kācitsarvairagocarā śaṁbhureva hi jānīyādetasyāḥ paramaṁ sukham

यह काशी शंभु की ही कोई ऐसी शक्ति है, जो सबकी समझ से परे है; इसके परम सुख को तो शंभु ही जान सकते हैं।

श्लोक 27 (skanda.4.45.27)

इति निश्चित्य मनसि शंभोरानंदकानने॥ अतिष्ठद्योगिनीवृंदं कयाचिन्माययावृतम्

iti niścitya manasi śaṁbhorānaṁdakānane atiṣṭhadyoginīvṛṁdaṁ kayācinmāyayāvṛtam

मन में इस प्रकार निश्चय कर, वह योगिनी-वृंद किसी न किसी माया से आवृत होकर शंभु के उस आनंदकानन में ही स्थिर हो गया।

श्लोक 28 (skanda.4.45.28)

व्यास उवाच॥ इत्थं समाकर्ण्य मुनिः पुनः पप्रच्छ षण्मुखम्॥ कानि कानि च नामानि तासां तानि वदेश्वर॥ भजनाद्योगिनीनां च काश्यां किं जायते फलम्॥ कस्मिन्पर्वणि ताः पूज्याः कथं पूज्याश्च तद्वद

vyāsa uvāca itthaṁ samākarṇya muniḥ punaḥ papraccha ṣaṇmukham kāni kāni ca nāmāni tāsāṁ tāni vadeśvara bhajanādyoginīnāṁ ca kāśyāṁ kiṁ jāyate phalam kasminparvaṇi tāḥ pūjyāḥ kathaṁ pūjyāśca tadvada

व्यास ने कहा — यह सुनकर मुनि अगस्ति ने पुनः षण्मुख से पूछा — हे ईश्वर! उन योगिनियों के नाम बताइए। काशी में योगिनियों के भजन से क्या फल प्राप्त होता है? किस पर्व पर वे पूज्य हैं, तथा किस विधि से उनकी पूजा की जाए, यह भी बताइए।

श्लोक 29 (skanda.4.45.29)

श्रुत्वेतिप्रश्नमौमेयो योगिनीसंश्रयं ततः॥ प्रत्युवाच मुने वच्मि शृणोत्ववहितो भवान्

śrutvetipraśnamaumeyo yoginīsaṁśrayaṁ tataḥ pratyuvāca mune vacmi śṛṇotvavahito bhavān

उमापुत्र स्कंद ने योगिनियों से संबंधित यह प्रश्न सुनकर उत्तर दिया — हे मुने! मैं बताता हूँ, आप सावधान होकर सुनिए।

श्लोक 30 (skanda.4.45.30)

॥ स्कंद उवाच॥ नामधेयानि वक्ष्यामि योगिनीनां घटोद्भव॥ आकर्ण्य यानि पापानि क्षयंति भविनां क्षणात्

skaṁda uvāca nāmadheyāni vakṣyāmi yoginīnāṁ ghaṭodbhava ākarṇya yāni pāpāni kṣayaṁti bhavināṁ kṣaṇāt

स्कंद ने कहा — हे घटोद्भव! मैं योगिनियों के नाम बताता हूँ, जिन्हें सुनने मात्र से संसारी जीवों के पाप क्षणभर में नष्ट हो जाते हैं।

श्लोक 31 (skanda.4.45.31)

गजानना सिंहमुखी गृध्रास्या काकतुंडिका॥ उष्ट्रग्रीवा हयग्रीवा वाराही शरभानना

gajānanā siṁhamukhī gṛdhrāsyā kākatuṁḍikā uṣṭragrīvā hayagrīvā vārāhī śarabhānanā

गजानना, सिंहमुखी, गृध्रास्या, काकतुंडिका, उष्ट्रग्रीवा, हयग्रीवा, वाराही और शरभानना — (ये योगिनियाँ हैं)।

श्लोक 32 (skanda.4.45.32)

उलूकिका शिवारावा मयूरी विकटानना॥ अष्टवक्त्रा कोटराक्षी कुब्जा विकटलोचना

ulūkikā śivārāvā mayūrī vikaṭānanā aṣṭavaktrā koṭarākṣī kubjā vikaṭalocanā

उलूकिका, शिवारावा, मयूरी, विकटानना, अष्टवक्त्रा, कोटराक्षी, कुब्जा और विकटलोचना —

श्लोक 33 (skanda.4.45.33)

शुष्कोदरी ललज्जिह्वा श्वदंष्ट्रा वानरानना॥ ऋक्षाक्षी केकराक्षी च बृहत्तुंडा सुराप्रिया

śuṣkodarī lalajjihvā śvadaṁṣṭrā vānarānanā ṛkṣākṣī kekarākṣī ca bṛhattuṁḍā surāpriyā

शुष्कोदरी, ललज्जिह्वा, श्वदंष्ट्रा, वानरानना, ऋक्षाक्षी, केकराक्षी, बृहत्तुंडा और सुराप्रिया —

श्लोक 34 (skanda.4.45.34)

कपालहस्ता रक्ताक्षी शुकी श्येनी कपोतिका॥ पाशहस्ता दंडहस्ता प्रचंडा चंडविक्रमा

kapālahastā raktākṣī śukī śyenī kapotikā pāśahastā daṁḍahastā pracaṁḍā caṁḍavikramā

कपालहस्ता, रक्ताक्षी, शुकी, श्येनी, कपोतिका, पाशहस्ता, दंडहस्ता, प्रचंडा और चंडविक्रमा —

श्लोक 35 (skanda.4.45.35)

शिशुघ्नी पापहंत्री च काली रुधिरपायिनी॥ वसाधया गर्भभक्षा शवहस्तांत्रमालिनी

śiśughnī pāpahaṁtrī ca kālī rudhirapāyinī vasādhayā garbhabhakṣā śavahastāṁtramālinī

शिशुघ्नी, पापहंत्री, काली, रुधिरपायिनी, वसाधया, गर्भभक्षा, शवहस्ता और अंत्रमालिनी —

श्लोक 36 (skanda.4.45.36)

स्थूलकेशी बृहत्कुक्षिः सर्पास्या प्रेतवाहना॥ दंदशूककरा क्रौंची मृगशीर्षा वृषानना

sthūlakeśī bṛhatkukṣiḥ sarpāsyā pretavāhanā daṁdaśūkakarā krauṁcī mṛgaśīrṣā vṛṣānanā

स्थूलकेशी, बृहत्कुक्षिः, सर्पास्या, प्रेतवाहना, दंदशूककरा, क्रौंची, मृगशीर्षा और वृषानना —

श्लोक 37 (skanda.4.45.37)

व्यात्तास्या धूमनिःश्वासा व्योमैकचरणोर्ध्वदृक्॥ तापनी शोषणीदृष्टिः कोटरी स्थूलनासिका॥ विद्युत्प्रभा बलाकास्या मार्जारी कटपूतना॥ अट्टाट्टहासा कामाक्षी मृगाक्षी मृगलोचना

vyāttāsyā dhūmaniḥśvāsā vyomaikacaraṇordhvadṛk tāpanī śoṣaṇīdṛṣṭiḥ koṭarī sthūlanāsikā vidyutprabhā balākāsyā mārjārī kaṭapūtanā aṭṭāṭṭahāsā kāmākṣī mṛgākṣī mṛgalocanā

व्यात्तास्या, धूमनिःश्वासा, आकाश में एक पैर पर खड़े होकर ऊर्ध्वदृष्टि रखने वाली, तापनी, शोषणीदृष्टि, कोटरी, स्थूलनासिका, विद्युत्प्रभा, बलाकास्या, मार्जारी, कटपूतना, अट्टाट्टहासा, कामाक्षी, मृगाक्षी और मृगलोचना — इस प्रकार ये चौंसठ योगिनियाँ हैं।

श्लोक 38 (skanda.4.45.38)

नामानीमानि यो मर्त्यश्चतुःषष्टिं दिनेदिने॥ जपेत्त्रिसंध्यं तस्येह दुष्टबाधा प्रशाम्यति

nāmānīmāni yo martyaścatuḥṣaṣṭiṁ dinedine japettrisaṁdhyaṁ tasyeha duṣṭabādhā praśāmyati

जो मनुष्य इन चौंसठ नामों का प्रतिदिन तीनों संध्याओं में जप करता है, उसकी समस्त दुष्ट-बाधाएँ शांत हो जाती हैं।

श्लोक 39 (skanda.4.45.39)

न डाकिन्यो न शाकिन्यो न कूष्मांडा न राक्षसाः॥ तस्य पीडां प्रकुर्वंति नामानीमानि यः पठेत्

na ḍākinyo na śākinyo na kūṣmāṁḍā na rākṣasāḥ tasya pīḍāṁ prakurvaṁti nāmānīmāni yaḥ paṭhet

जो इन नामों का पाठ करता है, उसे न डाकिनियाँ, न शाकिनियाँ, न कूष्मांड और न राक्षस कभी पीड़ा पहुँचा सकते हैं।

श्लोक 40 (skanda.4.45.40)

शिशूनां शांतिकारीणि गर्भशांतिकराणि च॥ रणे राजकुले वापि विवादे जयदान्यपि

śiśūnāṁ śāṁtikārīṇi garbhaśāṁtikarāṇi ca raṇe rājakule vāpi vivāde jayadānyapi

ये नाम शिशुओं की शांति करने वाले तथा गर्भ की रक्षा करने वाले हैं, और ये युद्ध में, राजदरबार में अथवा विवाद में भी विजय प्रदान करने वाले हैं।

श्लोक 41 (skanda.4.45.41)

लभेदभीप्सितां सिद्धिं योगिनीपीठसेवकः॥ मंत्रांतराण्यपि जपंस्तत्पीठे सिद्धिभाग्भवेत्

labhedabhīpsitāṁ siddhiṁ yoginīpīṭhasevakaḥ maṁtrāṁtarāṇyapi japaṁstatpīṭhe siddhibhāgbhavet

योगिनी-पीठ का सेवक अपनी अभीष्ट सिद्धि प्राप्त कर लेता है; उस पीठ में अन्य मंत्रों का जप करने वाला भी सिद्धि का भागी बनता है।

श्लोक 42 (skanda.4.45.42)

बलिपूजोपहारैश्च धूपदीपसमर्पणैः॥ क्षिप्रं प्रसन्ना योगिन्यः प्रयच्छेयुर्मनोरथान्

balipūjopahāraiśca dhūpadīpasamarpaṇaiḥ kṣipraṁ prasannā yoginyaḥ prayaccheyurmanorathān

बलि, पूजा और उपहारों से, तथा धूप-दीप अर्पण करने से योगिनियाँ शीघ्र ही प्रसन्न होकर मनोरथ पूर्ण कर देती हैं।

श्लोक 43 (skanda.4.45.43)

शरत्काले महापूजां तत्र कृत्वा विधानतः॥ हवींषि हुत्वा मंत्रज्ञो महतीं सिद्धिमाप्नुयात्

śaratkāle mahāpūjāṁ tatra kṛtvā vidhānataḥ havīṁṣi hutvā maṁtrajño mahatīṁ siddhimāpnuyāt

शरत्काल में वहाँ विधिपूर्वक महापूजा कर तथा हवन कर, मंत्रज्ञ पुरुष महान् सिद्धि प्राप्त करता है।

श्लोक 44 (skanda.4.45.44)

आरभ्याश्वयुजःशुक्लां तिथिं प्रतिपदं शुभाम्॥ पूजयेन्नवमीयावन्नरश्चिंतितमाप्नुयात्

ārabhyāśvayujaḥśuklāṁ tithiṁ pratipadaṁ śubhām pūjayennavamīyāvannaraściṁtitamāpnuyāt

आश्विन शुक्ल पक्ष की शुभ प्रतिपदा से आरंभ कर नवमी तक पूजा करने वाला मनुष्य अपनी इच्छित वस्तु प्राप्त कर लेता है।

श्लोक 45 (skanda.4.45.45)

कृष्णपक्षस्य भूतायामुपवासी नरोत्तमः॥ तत्र जागरणं कृत्वा महतीं सिद्धिमाप्नुयात्

kṛṣṇapakṣasya bhūtāyāmupavāsī narottamaḥ tatra jāgaraṇaṁ kṛtvā mahatīṁ siddhimāpnuyāt

कृष्ण पक्ष की चतुर्दशी (भूत-चतुर्दशी) को उपवास करने वाला श्रेष्ठ पुरुष वहाँ रात्रि-जागरण कर महान् सिद्धि प्राप्त करता है।

श्लोक 46 (skanda.4.45.46)

प्रणवादिचतुर्थ्यन्तैर्नामभिर्भक्तिमान्नरः॥ प्रत्येकं हवनं कृत्वा शतमष्टोत्तरं निशि॥ ससर्पिषा गुग्गुलुना लघुकोलि प्रमाणतः॥ यां यां सिद्धिमभीप्सेत तांतां प्राप्नोति मानवः

praṇavādicaturthyantairnāmabhirbhaktimānnaraḥ pratyekaṁ havanaṁ kṛtvā śatamaṣṭottaraṁ niśi sasarpiṣā guggulunā laghukoli pramāṇataḥ yāṁ yāṁ siddhimabhīpseta tāṁtāṁ prāpnoti mānavaḥ

भक्तिमान् पुरुष प्रणव-सहित तथा चतुर्थी-विभक्ति-युक्त प्रत्येक नाम से रात्रि में घृत और गुग्गुल द्वारा बेर के प्रमाण जितनी एक सौ आठ आहुतियाँ देकर, जो-जो सिद्धि चाहे, वह-वह प्राप्त कर लेता है।

श्लोक 47 (skanda.4.45.47)

चैत्रकृष्णप्रतिपदि तत्र यात्रा प्रयत्नतः॥ क्षेत्रविघ्नशांत्यर्थं कर्तव्या पुण्यकृज्जनैः

caitrakṛṣṇapratipadi tatra yātrā prayatnataḥ kṣetravighnaśāṁtyarthaṁ kartavyā puṇyakṛjjanaiḥ

चैत्र कृष्ण प्रतिपदा को पुण्यकर्मी जनों को क्षेत्र के विघ्नों की शांति के लिए वहाँ प्रयत्नपूर्वक यात्रा करनी चाहिए।

श्लोक 48 (skanda.4.45.48)

यात्रा च सांवत्सरिकीं यो न कुर्यादवज्ञया॥ तस्य विघ्नं प्रयच्छंति योगिन्यः काशिवासिनः

yātrā ca sāṁvatsarikīṁ yo na kuryādavajñayā tasya vighnaṁ prayacchaṁti yoginyaḥ kāśivāsinaḥ

जो व्यक्ति अवज्ञावश यह वार्षिक यात्रा नहीं करता, काशी-निवासिनी योगिनियाँ उसके लिए विघ्न उत्पन्न कर देती हैं।

श्लोक 49 (skanda.4.45.49)

अग्रे कृत्वा स्थिताः सर्वास्ताः काश्यां मणिकर्णिकाम्॥ तन्नमस्कारमात्रेण नरो विघ्नैर्न बाध्यते

agre kṛtvā sthitāḥ sarvāstāḥ kāśyāṁ maṇikarṇikām tannamaskāramātreṇa naro vighnairna bādhyate

वे सभी योगिनियाँ काशी में मणिकर्णिका को अग्रस्थान देकर स्थित रहती हैं; उसे प्रणाम मात्र करने से ही मनुष्य विघ्नों से बाधित नहीं होता।