उत्तरार्क-वर्णन

श्लोक 1 (skanda.4.47.1)

॥ स्कंद उवाच॥ अथोत्तरस्यामाशायां कुंडमर्काख्यमुत्तमम्॥ तत्र नाम्नोत्तरार्केण रश्मिमाली व्यवस्थितः

skaṁda uvāca athottarasyāmāśāyāṁ kuṁḍamarkākhyamuttamam tatra nāmnottarārkeṇa raśmimālī vyavasthitaḥ

स्कंद ने कहा — उत्तर दिशा में अर्क नामक एक उत्तम कुंड है; वहाँ रश्मिमाली (सूर्य) उत्तरार्क नाम से स्थित हैं।

श्लोक 2 (skanda.4.47.2)

तापयन्दुःखसंघातं साधूनाप्याययन्रविः॥ उत्तरार्को महातेजाः काशीं रक्षति सर्वदा

tāpayanduḥkhasaṁghātaṁ sādhūnāpyāyayanraviḥ uttarārko mahātejāḥ kāśīṁ rakṣati sarvadā

दुःख-समूह को संतप्त करते हुए तथा साधुजनों को तृप्त करते हुए, महातेजस्वी उत्तरार्क सूर्य सदा काशी की रक्षा करते हैं।

श्लोक 3 (skanda.4.47.3)

तत्रेतिहासो यो वृत्तस्तं निशामय सुव्रत॥ विप्रः प्रियव्रतो नाम कश्चिदात्रेय वंशजः

tatretihāso yo vṛttastaṁ niśāmaya suvrata vipraḥ priyavrato nāma kaścidātreya vaṁśajaḥ

हे सुव्रत! वहाँ जो कथा घटित हुई, उसे सुनो। आत्रेय वंश में उत्पन्न प्रियव्रत नामक एक ब्राह्मण थे।

श्लोक 4 (skanda.4.47.4)

आसीत्काश्यां शुभाचारः सदातिथिजनप्रियः॥ भार्या शुभव्रता तस्य बभूवातिमनोहरा

āsītkāśyāṁ śubhācāraḥ sadātithijanapriyaḥ bhāryā śubhavratā tasya babhūvātimanoharā

वे काशी में निवास करते हुए शुभाचारी तथा सदा अतिथिप्रिय थे। उनकी पत्नी शुभव्रता अत्यंत मनोहर थी।

श्लोक 5 (skanda.4.47.5)

भर्तृशुश्रूषणरता गृहकर्मसुपेशला॥ तस्यां स जनयामास कन्यामेकां सुलक्षणाम्

bhartṛśuśrūṣaṇaratā gṛhakarmasupeśalā tasyāṁ sa janayāmāsa kanyāmekāṁ sulakṣaṇām

पति की सेवा में रत तथा गृहकार्य में अत्यंत निपुण उस पत्नी से उन्होंने एक सुलक्षणा नामक कन्या उत्पन्न की।

श्लोक 6 (skanda.4.47.6)

मूलर्क्षप्रथमेपादे तथा केंद्रे बृहस्पतौ॥ ववृधे सा गृहे पित्रोः शुक्ले पक्षे यथा शशी

mūlarkṣaprathamepāde tathā keṁdre bṛhaspatau vavṛdhe sā gṛhe pitroḥ śukle pakṣe yathā śaśī

मूल नक्षत्र के प्रथम चरण में तथा बृहस्पति के केंद्रस्थ होने पर जन्मी वह कन्या अपने माता-पिता के घर में शुक्लपक्ष के चंद्रमा के समान बढ़ने लगी।

श्लोक 7 (skanda.4.47.7)

सुरूपा विनयाचारा पित्रोश्च प्रियकारिणी॥ अतीव निपुणा जाता गृहोपस्करमार्जने

surūpā vinayācārā pitrośca priyakāriṇī atīva nipuṇā jātā gṛhopaskaramārjane

सुंदर रूप, विनम्र आचरण वाली तथा माता-पिता को प्रिय लगने वाली वह कन्या गृह-उपकरणों के मार्जन में अत्यंत निपुण हो गई।

श्लोक 8 (skanda.4.47.8)

यथायथा समैधिष्ट सा कन्या पितृमंदिरे॥ तथातथा पितुस्तस्याश्चिंता संववृधेतराम्

yathāyathā samaidhiṣṭa sā kanyā pitṛmaṁdire tathātathā pitustasyāściṁtā saṁvavṛdhetarām

जैसे-जैसे वह कन्या पितृ-गृह में बढ़ती गई, वैसे-वैसे उसके पिता की चिंता भी बढ़ती गई।

श्लोक 9 (skanda.4.47.9)

कस्मै देया वरा कन्या सुरम्येयं सुलक्षणा॥ अस्या अनुगुणो लभ्यः क्व मया वर उत्तमः

kasmai deyā varā kanyā suramyeyaṁ sulakṣaṇā asyā anuguṇo labhyaḥ kva mayā vara uttamaḥ

उसके पिता ने विचार किया — 'यह सुंदर तथा सुलक्षणा उत्तम कन्या किसे दी जाए? इसके योग्य उत्तम वर मुझे कहाँ मिलेगा?'

श्लोक 10 (skanda.4.47.10)

कुलेन वयसा चापि शीलेनापि श्रुतेन च॥ रूपेणार्थेनसंयुक्तः कस्मै दत्ता सुखं लभेत्॥ इति चिंतयतस्तस्य ज्वरोभूदतिदारुणः॥ यश्चिंताख्यो ज्वरः पुंसामौषधैर्नापि शाम्यति

kulena vayasā cāpi śīlenāpi śrutena ca rūpeṇārthenasaṁyuktaḥ kasmai dattā sukhaṁ labhet iti ciṁtayatastasya jvarobhūdatidāruṇaḥ yaściṁtākhyo jvaraḥ puṁsāmauṣadhairnāpi śāmyati

कुल, अवस्था, शील, विद्या, रूप और धन से युक्त वर को यह कन्या देने पर ही सुख मिलेगा — ऐसा विचार करते-करते उन्हें अत्यंत भयंकर ज्वर हो गया, जो चिंता नामक ज्वर पुरुषों की किसी औषधि से भी शांत नहीं होता।

श्लोक 11 (skanda.4.47.11)

तन्मूलर्क्षविपाकेन चिंताख्येन ज्वरेण च॥ स विप्रः पंचतां प्राप्तस्त्यक्त्वा सर्वं गृहादिकम्

tanmūlarkṣavipākena ciṁtākhyena jvareṇa ca sa vipraḥ paṁcatāṁ prāptastyaktvā sarvaṁ gṛhādikam

मूल नक्षत्र के उस फल के परिपाक से तथा चिंता नामक ज्वर से वह ब्राह्मण घर आदि सब कुछ त्यागकर मृत्यु को प्राप्त हो गया।

श्लोक 12 (skanda.4.47.12)

पितर्युपरते तस्याः कन्यायाः सा जनन्यपि॥ शुभव्रता परित्यज्य तां कन्यां पतिमन्वगात्

pitaryuparate tasyāḥ kanyāyāḥ sā jananyapi śubhavratā parityajya tāṁ kanyāṁ patimanvagāt

उस कन्या के पिता के गुजर जाने पर, उसकी माता शुभव्रता भी उस कन्या को छोड़कर अपने पति के पीछे चली गई।

श्लोक 13 (skanda.4.47.13)

धर्मोयं सहचारिण्या जीवताजीवतापि वा॥ पत्या सहैव स्थातव्यं पतिव्रतयुजा सदा

dharmoyaṁ sahacāriṇyā jīvatājīvatāpi vā patyā sahaiva sthātavyaṁ pativratayujā sadā

यही तो सहचारिणी का धर्म है कि पति जीवित हो अथवा मृत, पतिव्रता स्त्री को सदा उसके साथ ही रहना चाहिए।

श्लोक 14 (skanda.4.47.14)

नापत्यं पाति नो माता न पिता नैव बांधवाः॥ पत्युश्चरणशुश्रूषा पायाद्वै केवलं स्त्रियम्

nāpatyaṁ pāti no mātā na pitā naiva bāṁdhavāḥ patyuścaraṇaśuśrūṣā pāyādvai kevalaṁ striyam

न संतान रक्षा करती है, न माता, न पिता और न बांधव; केवल पति के चरणों की सेवा ही स्त्री की सच्ची रक्षा करती है।

श्लोक 15 (skanda.4.47.15)

सुलक्षणापि दुःखार्ता पित्रोः पंचत्वमाप्तयोः॥ और्ध्वदैहिकमापाद्य दशाहं विनिवर्त्य च

sulakṣaṇāpi duḥkhārtā pitroḥ paṁcatvamāptayoḥ aurdhvadaihikamāpādya daśāhaṁ vinivartya ca

सुलक्षणा भी अपने माता-पिता की मृत्यु से दुःखी होकर, उनका और्ध्वदैहिक कर्म संपन्न कर तथा दस दिन का सूतक पूर्ण कर —

श्लोक 16 (skanda.4.47.16)

चिंतामवाप महतीमनाथा दैन्यमागता॥ कथमेकाकिनी पित्रा मात्राहीना भवांबुधेः

ciṁtāmavāpa mahatīmanāthā dainyamāgatā kathamekākinī pitrā mātrāhīnā bhavāṁbudheḥ

अनाथ होकर अत्यंत दैन्य को प्राप्त हो, महती चिंता में पड़ गई — 'मैं माता-पिता से रहित होकर अकेली इस संसार-सागर को कैसे पार करूँगी?'

श्लोक 17 (skanda.4.47.17)

दुस्तरं पारमाप्स्यामि स्त्रीत्वं सर्वाभिभावि यत्॥ न कस्मैचिद्वरायाहं पितृभ्यां प्रतिपादिता

dustaraṁ pāramāpsyāmi strītvaṁ sarvābhibhāvi yat na kasmaicidvarāyāhaṁ pitṛbhyāṁ pratipāditā

मैं इस दुस्तर संसार का पार कैसे पाऊँगी, क्योंकि स्त्रीत्व तो सर्वथा पराभव को प्राप्त होने वाला है; और मेरे माता-पिता ने मुझे किसी भी वर को नहीं सौंपा।

श्लोक 18 (skanda.4.47.18)

तददत्ता कथं स्वैरमहमन्यं वरं वृणे॥ वृतोपि न कुलीनश्चेद्गुणवान्न च शीलवान्

tadadattā kathaṁ svairamahamanyaṁ varaṁ vṛṇe vṛtopi na kulīnaścedguṇavānna ca śīlavān

चूँकि मुझे उन्होंने किसी को नहीं सौंपा, तो मैं स्वयं ही किसी वर का वरण कैसे करूँ? और यदि वरण भी कर लूँ, तो यदि वह कुलीन, गुणवान् और शीलवान् न हो, तो उससे क्या लाभ?

श्लोक 19 (skanda.4.47.19)

स्वाधीनोपि न तत्तेन वृतेनापि हि किं भवेत्॥ इति संचिंतयंती सा रूपौदार्यगुणान्विता॥ युवभिर्बहुभिर्नित्यं प्रार्थितापि मुहुर्मुहुः॥ न कस्यापि ददौ बाला प्रवेशं निज मानसे

svādhīnopi na tattena vṛtenāpi hi kiṁ bhavet iti saṁciṁtayaṁtī sā rūpaudāryaguṇānvitā yuvabhirbahubhirnityaṁ prārthitāpi muhurmuhuḥ na kasyāpi dadau bālā praveśaṁ nija mānase

'और यदि वह स्वाधीन भी हो, तो उसे वरण करने से भी क्या होगा?' — इस प्रकार विचार करती हुई, रूप और औदार्य आदि गुणों से युक्त वह बाला, अनेक युवकों द्वारा बार-बार प्रार्थना किए जाने पर भी, अपने मन में किसी को भी प्रवेश नहीं देती थी।

श्लोक 20 (skanda.4.47.20)

पित्रोरुपरतिं दृष्ट्वा वात्सल्यं च तथाविधम्॥ निनिंद बहुधात्मानं संसारं च निनिंद ह

pitroruparatiṁ dṛṣṭvā vātsalyaṁ ca tathāvidham niniṁda bahudhātmānaṁ saṁsāraṁ ca niniṁda ha

माता-पिता की मृत्यु तथा उनके वैसे वात्सल्य को देखकर वह बारंबार अपनी ही निंदा करने लगी और संसार की भी निंदा करने लगी।

श्लोक 21 (skanda.4.47.21)

याभ्यामुत्पादिता चाहं याभ्यां च परिपालिता॥ पितरौ कुत्र तौ यातौ देहिनो धिगनित्यताम्

yābhyāmutpāditā cāhaṁ yābhyāṁ ca paripālitā pitarau kutra tau yātau dehino dhiganityatām

जिनके द्वारा मैं उत्पन्न हुई और जिनके द्वारा पाली-पोसी गई, वे मेरे माता-पिता कहाँ चले गए? देहधारियों की इस अनित्यता को धिक्कार है!

श्लोक 22 (skanda.4.47.22)

अहो देहोप्यहोंगत्वं यथा पित्रोः पुरो मम॥ इति निश्चित्य सा बाला विजितेंद्रिय मानसा

aho dehopyahoṁgatvaṁ yathā pitroḥ puro mama iti niścitya sā bālā vijiteṁdriya mānasā

'अहो! यह देह भी कैसी क्षणभंगुर है, जैसा मैंने अपने माता-पिता में स्वयं देखा है!' — ऐसा निश्चय कर, इंद्रियों और मन को वश में करने वाली उस बाला ने —

श्लोक 23 (skanda.4.47.23)

ब्रह्मचर्यं दृढं कृत्वा तप उग्रं चचार ह॥ उत्तरार्कस्य देवस्य समीपे स्थिरमानसा

brahmacaryaṁ dṛḍhaṁ kṛtvā tapa ugraṁ cacāra ha uttarārkasya devasya samīpe sthiramānasā

दृढ़ ब्रह्मचर्य का पालन कर उग्र तपस्या करने लगी, तथा स्थिरचित्त होकर उत्तरार्क देव के समीप ही तप करने लगी।

श्लोक 24 (skanda.4.47.24)

तस्यां तपस्यमानायामेकाच्छागी लघीयसी॥ तत्र प्रत्यहमागत्य तिष्ठेत्तत्पुरतोऽचला

tasyāṁ tapasyamānāyāmekācchāgī laghīyasī tatra pratyahamāgatya tiṣṭhettatpurato'calā

उसके तपस्या करते समय, एक छोटी बकरी प्रतिदिन वहाँ आकर उसके समक्ष स्थिर होकर खड़ी रहती थी।

श्लोक 25 (skanda.4.47.25)

तृणपर्णादिकं किंचित्सायमभ्यवहृत्य सा॥ तत्कुंडपीतपानीया स्वस्वामिसदनं व्रजेत्

tṛṇaparṇādikaṁ kiṁcitsāyamabhyavahṛtya sā tatkuṁḍapītapānīyā svasvāmisadanaṁ vrajet

सायंकाल कुछ तृण-पत्तादि खाकर तथा उस कुंड का जल पीकर वह अपने स्वामी के घर चली जाती थी।

श्लोक 26 (skanda.4.47.26)

तत इत्थं व्यतीतासु पंचषा सुसमासु च॥ लीलया विचरन्देवस्तत्र देव्या सहागतः

tata itthaṁ vyatītāsu paṁcaṣā susamāsu ca līlayā vicarandevastatra devyā sahāgataḥ

इस प्रकार चार-पाँच वर्ष बीत जाने पर, लीलापूर्वक विचरण करते हुए देव देवी के साथ वहाँ आए।

श्लोक 27 (skanda.4.47.27)

सन्निधावुत्तरार्कस्य तपस्यतीं सुलक्षणाम्॥ स्थाणुवन्निश्चलां स्थाणुरद्राक्षीत्तपसा कृशाम्

sannidhāvuttarārkasya tapasyatīṁ sulakṣaṇām sthāṇuvanniścalāṁ sthāṇuradrākṣīttapasā kṛśām

उत्तरार्क के समीप स्थाणु (शिव) ने तपस्या करती हुई सुलक्षणा को स्तंभ के समान निश्चल तथा तप से कृशकाय देखा।

श्लोक 28 (skanda.4.47.28)

ततो गिरिजया शंभुर्विज्ञप्तः करुणात्मना॥ वरेणानुगृहाणेमां बंधुहीनां सुमध्यमाम्॥ शर्वाणीगिरमाकर्ण्य ततः शर्वः कृपानिधिः॥ समाधिमीलिताक्षीं तामुवाच वरदो हरः

tato girijayā śaṁbhurvijñaptaḥ karuṇātmanā vareṇānugṛhāṇemāṁ baṁdhuhīnāṁ sumadhyamām śarvāṇīgiramākarṇya tataḥ śarvaḥ kṛpānidhiḥ samādhimīlitākṣīṁ tāmuvāca varado haraḥ

तब करुणामयी गिरिजा ने शंभु से निवेदन किया — 'बंधुहीन इस सुमध्यमा को अपने वरदान से अनुगृहीत कीजिए।' शर्वाणी की यह वाणी सुनकर कृपानिधि शर्व, वरदाता हर ने समाधि में नेत्र मूँदे हुए उस कन्या से कहा।

श्लोक 29 (skanda.4.47.29)

सुलक्षणे प्रसन्नोस्मि वरं वरय सुव्रते॥ चिरं खिन्नासि तपसा कस्तेऽस्तीह मनोरथः

sulakṣaṇe prasannosmi varaṁ varaya suvrate ciraṁ khinnāsi tapasā kaste'stīha manorathaḥ

शिव ने कहा — हे सुलक्षणे! हे सुव्रते! मैं तुम पर प्रसन्न हूँ, वर माँगो। तुम बहुत समय से तपस्या से खिन्न हो, तुम्हारे मन में क्या इच्छा है?

श्लोक 30 (skanda.4.47.30)

सापि शंभोर्गिरं श्रुत्वा मुखपीयूषवर्षिणीम्॥ महासंतापशमनीं लोचने उदमीलयत्

sāpi śaṁbhorgiraṁ śrutvā mukhapīyūṣavarṣiṇīm mahāsaṁtāpaśamanīṁ locane udamīlayat

वह भी शंभु की मुख-अमृत बरसाने वाली तथा महासंताप को शांत करने वाली वाणी सुनकर अपने नेत्र खोल दिए।

श्लोक 31 (skanda.4.47.31)

त्र्यक्षं प्रत्यक्षमावीक्ष्य वरदानोन्मुखं पुरः॥ देवीं च वामभागस्थां प्रणनाम कृतांजलिः

tryakṣaṁ pratyakṣamāvīkṣya varadānonmukhaṁ puraḥ devīṁ ca vāmabhāgasthāṁ praṇanāma kṛtāṁjaliḥ

त्र्यक्ष को साक्षात् वरदान हेतु उन्मुख देखकर तथा उनके वामभाग में स्थित देवी को देखकर, वह हाथ जोड़कर प्रणाम करने लगी।

श्लोक 32 (skanda.4.47.32)

किं वृणे यावदित्थं सा चिंतयेच्चारुमध्यमा॥ तावत्तयानिरैक्षिष्ट वराकी बर्करी पुरः

kiṁ vṛṇe yāvaditthaṁ sā ciṁtayeccārumadhyamā tāvattayāniraikṣiṣṭa varākī barkarī puraḥ

'मैं क्या माँगूँ?' — जब तक वह सुंदरी यही सोच रही थी, तभी उसने अपने समक्ष उस बेचारी बकरी को देखा।

श्लोक 33 (skanda.4.47.33)

आत्मार्थं जीवलोकेस्मिन्को न जीवति मानवः॥ परं परोपकारार्थं यो जीवति स जीवति

ātmārthaṁ jīvalokesminko na jīvati mānavaḥ paraṁ paropakārārthaṁ yo jīvati sa jīvati

उसने विचार किया — 'इस जीवलोक में अपने लिए तो कौन नहीं जीता? परंतु जो परोपकार के लिए जीता है, वही सच्चे अर्थ में जीता है।'

श्लोक 34 (skanda.4.47.34)

अनया मत्तपोवृत्ति साक्षिण्या बह्वनेहसम्॥ असेव्यहं तदेतस्यै वरयामि जगत्पतिम्

anayā mattapovṛtti sākṣiṇyā bahvanehasam asevyahaṁ tadetasyai varayāmi jagatpatim

'इस बकरी ने ही मेरी तपस्या की साक्षी बनकर इतने लंबे समय तक मेरी सेवा की है; अतः मैं इसी के लिए जगत्पति से वर माँगती हूँ।'

श्लोक 35 (skanda.4.47.35)

परामृश्य मनस्येतत्प्राह त्र्यक्षं सुलक्षणा॥ कृपानिधे महादेव यदि देयो वरो मम

parāmṛśya manasyetatprāha tryakṣaṁ sulakṣaṇā kṛpānidhe mahādeva yadi deyo varo mama

मन में ऐसा निश्चय कर सुलक्षणा ने त्र्यक्ष से कहा — हे कृपानिधे महादेव! यदि मुझे वर देना ही है, तो —

श्लोक 36 (skanda.4.47.36)

अजशावी वराक्येषा तर्हि प्रागनुगृह्यताम्॥ वक्तुं पशुत्वान्नोवेत्ति किंचिन्मद्भक्तिपेशला

ajaśāvī varākyeṣā tarhi prāganugṛhyatām vaktuṁ paśutvānnovetti kiṁcinmadbhaktipeśalā

— तो पहले इस बेचारी बकरी को अनुगृहीत कीजिए। पशु-योनि होने के कारण यह कुछ कह नहीं सकती, यद्यपि यह मेरी भक्ति में अत्यंत निपुण है।

श्लोक 37 (skanda.4.47.37)

इति वाचं निशम्येशः परोपकृतिशालिनीम्॥ सुलक्षणाया नितरां तुतोष प्रणतार्तिहा॥ देवदवस्ततः प्राह देवि पश्य गिरींद्रजे॥ साधूनामीदृशी बुद्धिः परोपकरणोर्जिता

iti vācaṁ niśamyeśaḥ paropakṛtiśālinīm sulakṣaṇāyā nitarāṁ tutoṣa praṇatārtihā devadavastataḥ prāha devi paśya girīṁdraje sādhūnāmīdṛśī buddhiḥ paropakaraṇorjitā

परोपकार से शोभित यह वचन सुनकर, शरणागतों की पीड़ा हरने वाले ईश्वर सुलक्षणा पर अत्यंत प्रसन्न हुए। तब देवदेव ने कहा — हे गिरिराजपुत्री! देखो, सज्जनों की ऐसी ही बुद्धि परोपकार से बलवती होती है।

श्लोक 38 (skanda.4.47.38)

ते धन्याः सर्वलोकेषु सर्वधर्माश्रयाश्च ते॥ यतंते सर्वभावेन परोपकरणाय ये

te dhanyāḥ sarvalokeṣu sarvadharmāśrayāśca te yataṁte sarvabhāvena paropakaraṇāya ye

जो लोग सर्वभाव से परोपकार के लिए प्रयत्न करते हैं, वे ही समस्त लोकों में धन्य हैं तथा वे ही समस्त धर्मों के आश्रय हैं।

श्लोक 39 (skanda.4.47.39)

संचयाः सर्ववस्तूनां चिरं तिष्ठति नो क्वचित्॥ सुचिरं तिष्ठते चैकं परोपकरणं प्रिये

saṁcayāḥ sarvavastūnāṁ ciraṁ tiṣṭhati no kvacit suciraṁ tiṣṭhate caikaṁ paropakaraṇaṁ priye

हे प्रिये! समस्त वस्तुओं का संचय कहीं भी चिरकाल तक नहीं टिकता; केवल एक परोपकार ही चिरकाल तक टिका रहता है।

श्लोक 40 (skanda.4.47.40)

धन्या सुलक्षणा चैषा योग्याऽनुग्रहकर्मणि॥ ब्रूहि देवि वरो देयः कोऽस्यैच्छाग्यै च कः प्रिये

dhanyā sulakṣaṇā caiṣā yogyā'nugrahakarmaṇi brūhi devi varo deyaḥ ko'syaicchāgyai ca kaḥ priye

यह सुलक्षणा धन्य है, अनुग्रह-कर्म के योग्य है। हे देवी! हे प्रिये! बताइए, इसे तथा इस बकरी को क्या वर देना चाहिए?

श्लोक 41 (skanda.4.47.41)

॥ श्रीदेव्युवाच॥ सर्वसृष्टिकृतां कर्तः सर्वज्ञप्रणतार्तिहन्॥ सुलक्षणा शुभाचारा सखी मेस्तु शुभोद्यमा

śrīdevyuvāca sarvasṛṣṭikṛtāṁ kartaḥ sarvajñapraṇatārtihan sulakṣaṇā śubhācārā sakhī mestu śubhodyamā

श्री देवी ने कहा — हे समस्त सृष्टि के कर्ता! हे सर्वज्ञ! हे प्रणतार्तिहन्! यह शुभाचारिणी तथा शुभ उद्यम वाली सुलक्षणा मेरी सखी बने।

श्लोक 42 (skanda.4.47.42)

यथा जया च विजया यथा चैव जयंतिका॥ शुभानंदा सुनंदा च कौमुदी च यथोर्मिला

yathā jayā ca vijayā yathā caiva jayaṁtikā śubhānaṁdā sunaṁdā ca kaumudī ca yathormilā

जैसे जया, विजया तथा जयंतिका हैं, जैसे शुभानंदा, सुनंदा, कौमुदी तथा ऊर्मिला हैं —

श्लोक 43 (skanda.4.47.43)

यथा चंपकमाला च यथा मलयवासिनी॥ कर्पूरलतिका यद्वद्गंधधारा यथा शुभा

yathā caṁpakamālā ca yathā malayavāsinī karpūralatikā yadvadgaṁdhadhārā yathā śubhā

जैसे चंपकमाला तथा मलयवासिनी हैं, जैसे कर्पूरलतिका तथा शुभ गंधधारा हैं —

श्लोक 44 (skanda.4.47.44)

अशोका च विशोका च यथा मलयगंधिनी॥ यथा चंदननिःश्वासा यथा मृगमदोत्तमा

aśokā ca viśokā ca yathā malayagaṁdhinī yathā caṁdananiḥśvāsā yathā mṛgamadottamā

जैसे अशोका, विशोका तथा मलयगंधिनी हैं, जैसे चंदननिःश्वासा तथा मृगमदोत्तमा हैं —

श्लोक 45 (skanda.4.47.45)

यथा च कोकिलालापा यथा मधुरभाषिणी॥ गद्यपद्यनिधिर्यद्वदनुक्तज्ञा यथा च सा

yathā ca kokilālāpā yathā madhurabhāṣiṇī gadyapadyanidhiryadvadanuktajñā yathā ca sā

जैसे कोकिलालापा तथा मधुरभाषिणी हैं, जैसे गद्य-पद्य की निधिस्वरूपा तथा अनकही बात को भी समझने वाली वह है —

श्लोक 46 (skanda.4.47.46)

दृगंचलेंगितज्ञा च यथा कृतमनोरथा॥ गानचित्तहरा यद्वत्तथास्त्वेषा सुलक्षणा॥ अतिप्रिया भवित्री मे यद्बाल ब्रह्मचारिणी॥ अनेनैव शरीरेण दिव्यावयवभूषणा

dṛgaṁcaleṁgitajñā ca yathā kṛtamanorathā gānacittaharā yadvattathāstveṣā sulakṣaṇā atipriyā bhavitrī me yadbāla brahmacāriṇī anenaiva śarīreṇa divyāvayavabhūṣaṇā

— जैसे नेत्रों के इशारे को समझने वाली, मनोरथ पूर्ण करने वाली तथा गान से चित्त हरने वाली है, वैसी ही यह सुलक्षणा भी हो। यह बाल-ब्रह्मचारिणी इसी शरीर से दिव्य अंगों से विभूषित होकर मुझे अत्यंत प्रिय बनेगी।

श्लोक 47 (skanda.4.47.47)

दिव्यांबरा दिव्यगंधा दिव्यज्ञानसमन्विता॥ समया मां सदैवास्तां चंचच्चामरधारिणी

divyāṁbarā divyagaṁdhā divyajñānasamanvitā samayā māṁ sadaivāstāṁ caṁcaccāmaradhāriṇī

दिव्य वस्त्र, दिव्य सुगंध तथा दिव्य ज्ञान से युक्त होकर, चंचल चामर धारण करने वाली यह मेरी समान सखी सदा बनी रहे।

श्लोक 48 (skanda.4.47.48)

एषापि काशिराजस्य कुमार्यस्त्विह बर्करी॥ अत्रैव भोगान्संप्राप्य मुक्तिं प्राप्स्यत्यनुत्तमाम्

eṣāpi kāśirājasya kumāryastviha barkarī atraiva bhogānsaṁprāpya muktiṁ prāpsyatyanuttamām

और यह बकरी भी काशिराज की कन्या बनेगी; यहीं भोगों को प्राप्त कर वह सर्वोत्तम मुक्ति को भी प्राप्त करेगी।

श्लोक 49 (skanda.4.47.49)

अनया त्वर्ककुंडेस्मिन्पुष्ये मासि रवेर्दिने॥ स्नातं त्वनुदिते सूर्ये शीतादक्षुब्धचित्तया

anayā tvarkakuṁḍesminpuṣye māsi raverdine snātaṁ tvanudite sūrye śītādakṣubdhacittayā

इसी अर्ककुंड में पुष्य मास में, रविवार को, सूर्योदय से पूर्व, शीत से भी अविचलित चित्त होकर स्नान करने पर —

श्लोक 50 (skanda.4.47.50)

राजपुत्री ततः पुण्यादस्त्वेषा शुभलोचना॥ वरदानप्रभावेण तव विश्वेश्वर प्रभो

rājaputrī tataḥ puṇyādastveṣā śubhalocanā varadānaprabhāveṇa tava viśveśvara prabho

— उस पुण्य के फलस्वरूप, हे विश्वेश्वर प्रभो! आपके वरदान के प्रभाव से यह शुभलोचना राजकुमारी बने।

श्लोक 51 (skanda.4.47.51)

बर्करीकुंडमित्याख्या त्वर्ककुंडस्य जायताम्॥ एतस्याः प्रतिमा पूज्या भविष्यत्यत्र मानवैः

barkarīkuṁḍamityākhyā tvarkakuṁḍasya jāyatām etasyāḥ pratimā pūjyā bhaviṣyatyatra mānavaiḥ

और इस अर्ककुंड का नाम 'बर्करीकुंड' पड़े; इसकी प्रतिमा यहाँ मनुष्यों द्वारा पूज्य होगी।

श्लोक 52 (skanda.4.47.52)

उत्तरार्कस्य देवस्य पुष्ये मासि रवेर्दिने॥ कार्या सा वत्सरीयात्रा न तैः काशीफलेप्सुभिः

uttarārkasya devasya puṣye māsi raverdine kāryā sā vatsarīyātrā na taiḥ kāśīphalepsubhiḥ

पुष्य मास में, रविवार के दिन, काशी का फल चाहने वाले लोगों को उत्तरार्क देव की वह वार्षिक यात्रा अवश्य करनी चाहिए।

श्लोक 53 (skanda.4.47.53)

मृडान्याभिहि तं सर्वं कृत्वैतद्विश्वगो विभुः॥ विश्वनाथो विवेशाथ प्रासादं स्वमतर्कितः

mṛḍānyābhihi taṁ sarvaṁ kṛtvaitadviśvago vibhuḥ viśvanātho viveśātha prāsādaṁ svamatarkitaḥ

मृडानी (पार्वती) के वचन से यह सब कुछ संपन्न कर, विश्वव्यापी विभु विश्वनाथ पुनः अकस्मात् अपने प्रासाद में प्रविष्ट हो गए।

श्लोक 54 (skanda.4.47.54)

॥ स्कंद उवाच॥ लोलार्कस्य च माहात्म्यमुत्तरार्कस्य च द्विज॥ कथितं ते महाभाग सांबादित्यं निशामय

skaṁda uvāca lolārkasya ca māhātmyamuttarārkasya ca dvija kathitaṁ te mahābhāga sāṁbādityaṁ niśāmaya

स्कंद ने कहा — हे महाभाग द्विज! लोलार्क तथा उत्तरार्क का माहात्म्य तुम्हें बता दिया गया; अब साम्बादित्य का वृत्तांत सुनो।

श्लोक 55 (skanda.4.47.55)

श्रुत्वैतत्पुण्यमाख्यानं शुभं लोलोत्तरार्कयोः॥ व्याधिभिर्नाभिभूयेत न दारिद्र्येण बाध्यते

śrutvaitatpuṇyamākhyānaṁ śubhaṁ lolottarārkayoḥ vyādhibhirnābhibhūyeta na dāridryeṇa bādhyate

लोलार्क और उत्तरार्क के इस पुण्य एवं शुभ आख्यान को सुनकर मनुष्य न व्याधियों से पराभूत होता है और न दरिद्रता से बाधित होता है।