साम्बादित्य-माहात्म्य-कथन

श्लोक 1 (skanda.4.48.1)

स्कंद उवाच॥ शृणुष्व मैत्रावरुणे द्वारवत्यां यदूद्वहः॥ दानवानां वधार्थाय भुवोभारापनुत्तये

skaṁda uvāca śṛṇuṣva maitrāvaruṇe dvāravatyāṁ yadūdvahaḥ dānavānāṁ vadhārthāya bhuvobhārāpanuttaye

स्कंद ने कहा — हे मैत्रावरुणि! सुनो। द्वारका में, दानवों के वध तथा पृथ्वी का भार दूर करने के लिए —

श्लोक 2 (skanda.4.48.2)

आविरासीत्स्वयं कृष्णः कृष्णवर्त्मप्रतापवान्॥ वासुदेवो जगद्धाम देवक्या वसुदेवतः

āvirāsītsvayaṁ kṛṣṇaḥ kṛṣṇavartmapratāpavān vāsudevo jagaddhāma devakyā vasudevataḥ

— स्वयं कृष्ण अवतरित हुए, जो अग्नि के समान प्रतापी वासुदेव तथा जगत् के आश्रय थे, देवकी से वसुदेव द्वारा उत्पन्न।

श्लोक 3 (skanda.4.48.3)

साशीतिलक्षं तस्यासन्कुमारा अर्कवर्चसः॥ स्वर्गे पितादृशा बालाः सुशीला न हि कुंभज

sāśītilakṣaṁ tasyāsankumārā arkavarcasaḥ svarge pitādṛśā bālāḥ suśīlā na hi kuṁbhaja

उनके अस्सी लाख से भी अधिक पुत्र थे, जो सूर्य के समान तेजस्वी थे; हे कुंभज! स्वर्ग में भी पिता के समान ऐसे सुशील बालक नहीं होते।

श्लोक 4 (skanda.4.48.4)

अतीवरूपसंपन्ना अतीव सुमहाबलाः॥ अतीव शस्त्रशास्त्रज्ञा अतीव शुभलक्षणाः

atīvarūpasaṁpannā atīva sumahābalāḥ atīva śastraśāstrajñā atīva śubhalakṣaṇāḥ

वे अत्यंत रूपवान्, अत्यंत महाबली, अत्यंत शस्त्र-शास्त्र में निपुण तथा अत्यंत शुभलक्षणों से युक्त थे।

श्लोक 5 (skanda.4.48.5)

तांद्रष्टुं मानसः पुत्रो ब्रह्मणस्तपसांनिधिः॥ कृतवल्कलकौपीनो धृत कृष्णाजिनांबरः॥ गृहीतब्रह्मदंडश्च त्रिवृन्मौंजी सुमेखलः॥ उरस्थलस्थ तुलसी मालया समलंकृतः

tāṁdraṣṭuṁ mānasaḥ putro brahmaṇastapasāṁnidhiḥ kṛtavalkalakaupīno dhṛta kṛṣṇājināṁbaraḥ gṛhītabrahmadaṁḍaśca trivṛnmauṁjī sumekhalaḥ urasthalastha tulasī mālayā samalaṁkṛtaḥ

उन्हें देखने के लिए ब्रह्मा के मानस-पुत्र, तपस्या के निधिस्वरूप नारद वहाँ आए — वल्कल तथा कौपीन धारण किए, कृष्णाजिन का वस्त्र पहने, ब्रह्मदंड लिए, त्रिवृत् मौंजी की सुंदर मेखला बाँधे तथा वक्षस्थल पर तुलसी की माला से सुशोभित।

श्लोक 6 (skanda.4.48.6)

गोपीचंदननिर्यास लसदंगविलेपनः॥ तपसा कृशसर्वांगो मूर्तो ज्वलनवज्ज्वलन्

gopīcaṁdananiryāsa lasadaṁgavilepanaḥ tapasā kṛśasarvāṁgo mūrto jvalanavajjvalan

गोपीचंदन के लेप से चमकते हुए अंगों वाले तथा तपस्या से समस्त शरीर से कृश वे नारद, मानो साक्षात् अग्नि के समान दैदीप्यमान थे।

श्लोक 7 (skanda.4.48.7)

आजगामांबरचरो नारदो द्वारकापुरीम्॥ विश्वकर्मविनिर्माणां जितस्वर्गपुरीश्रियम्

ājagāmāṁbaracaro nārado dvārakāpurīm viśvakarmavinirmāṇāṁ jitasvargapurīśriyam

आकाशचारी नारद विश्वकर्मा द्वारा निर्मित तथा स्वर्गपुरी की शोभा को भी जीतने वाली द्वारकापुरी में आए।

श्लोक 8 (skanda.4.48.8)

तंदृष्ट्वा नारदं सर्वे विनम्रतरकंधराः॥ प्रबद्ध मूर्धांजलयः प्रणेमुर्वृष्णिनंदनाः

taṁdṛṣṭvā nāradaṁ sarve vinamratarakaṁdharāḥ prabaddha mūrdhāṁjalayaḥ praṇemurvṛṣṇinaṁdanāḥ

नारद को देखकर समस्त वृष्णिनंदन अत्यंत नम्र होकर, मस्तक पर हाथ जोड़कर उन्हें प्रणाम करने लगे।

श्लोक 9 (skanda.4.48.9)

सांबः स्वरूपसौंदर्य गर्वसर्वस्वमोहितः॥ न ननाम मुनिं तत्र हसंस्तद्रूपसंपदम्॥ सांबस्य तमभिप्रायं विज्ञाय स महामुनिः॥ विवेश सुमहारम्यं नारदः कृष्णमंदिरम्

sāṁbaḥ svarūpasauṁdarya garvasarvasvamohitaḥ na nanāma muniṁ tatra hasaṁstadrūpasaṁpadam sāṁbasya tamabhiprāyaṁ vijñāya sa mahāmuniḥ viveśa sumahāramyaṁ nāradaḥ kṛṣṇamaṁdiram

परंतु साम्ब, अपने रूप-सौंदर्य के गर्व से पूर्णतः मोहित होकर, वहाँ मुनि को प्रणाम नहीं किया, अपितु उनके उस रूप-वैभव पर हँसने लगा। साम्ब के उस अभिप्राय को जानकर महामुनि नारद कृष्ण के अत्यंत रमणीय भवन में प्रविष्ट हुए।

श्लोक 10 (skanda.4.48.10)

कृष्णोथ दृष्ट्वाऽऽगच्छंतं प्रत्युद्गम्य च नारदम्॥ मधुपर्केण संपूज्य स्वासने चोपवेशयत्

kṛṣṇotha dṛṣṭvā''gacchaṁtaṁ pratyudgamya ca nāradam madhuparkeṇa saṁpūjya svāsane copaveśayat

तब कृष्ण ने आते हुए नारद को देखकर, उनकी अगवानी की, मधुपर्क से उनका सत्कार किया तथा उन्हें अपने ही आसन पर बैठाया।

श्लोक 11 (skanda.4.48.11)

कृत्वा कथा विचित्रार्थास्तत एकांतवर्तिनः॥ कृष्णस्य कर्णेऽकथयन्नारदः सांबचेष्टितम्

kṛtvā kathā vicitrārthāstata ekāṁtavartinaḥ kṛṣṇasya karṇe'kathayannāradaḥ sāṁbaceṣṭitam

विभिन्न विचित्र वार्ताएँ करने के पश्चात्, जब वे एकांत में थे, तब नारद ने कृष्ण के कान में साम्ब की चेष्टा के विषय में बताया।

श्लोक 12 (skanda.4.48.12)

अवश्यं किंचिदत्राऽस्ति यशोदानंदवर्धन॥ प्रायशस्तन्न घटतेऽसंभाव्यं नाथ वास्त्रियाम्

avaśyaṁ kiṁcidatrā'sti yaśodānaṁdavardhana prāyaśastanna ghaṭate'saṁbhāvyaṁ nātha vāstriyām

नारद ने कहा — हे यशोदानंदवर्धन! यहाँ अवश्य कुछ न कुछ है; प्रायः तो ऐसा नहीं होता, परंतु हे नाथ! स्त्री के विषय में कुछ भी असंभाव्य नहीं होता।

श्लोक 13 (skanda.4.48.13)

यूनां त्रिभुवनस्थानां सांबोऽतीव सुरूपवान्॥ स्वभावचंचलाक्षीणां चेतोवृत्तिः सुचंचला

yūnāṁ tribhuvanasthānāṁ sāṁbo'tīva surūpavān svabhāvacaṁcalākṣīṇāṁ cetovṛttiḥ sucaṁcalā

तीनों लोकों के युवकों में साम्ब अत्यंत सुरूपवान् है; और स्वभाव से ही चंचल नेत्रों वाली स्त्रियों की चित्तवृत्ति भी अत्यंत चंचल होती है।

श्लोक 14 (skanda.4.48.14)

अपेक्षंते न मुग्धाक्ष्यः कुलं शीलं श्रुतं धनम्॥ रूपमेव समीक्षंते विषमेषु विमोहिताः

apekṣaṁte na mugdhākṣyaḥ kulaṁ śīlaṁ śrutaṁ dhanam rūpameva samīkṣaṁte viṣameṣu vimohitāḥ

सरल-नयना स्त्रियाँ कुल, शील, विद्या और धन की परवाह नहीं करतीं; विषम परिस्थितियों में मोहित होकर वे केवल रूप को ही देखती हैं।

श्लोक 15 (skanda.4.48.15)

अथवा विदितं नो ते वल्लवीनां विचेष्टितम्॥ विनाष्टौनायिकाः कृष्ण कामयंतेऽबलाह्यमुम्

athavā viditaṁ no te vallavīnāṁ viceṣṭitam vināṣṭaunāyikāḥ kṛṣṇa kāmayaṁte'balāhyamum

अथवा हे कृष्ण! तुम तो गोपिकाओं के आचरण को भली-भाँति जानते ही हो; अष्ट नायिकाओं को छोड़कर अन्य दुर्बल-हृदया स्त्रियाँ इसे (साम्ब को) चाहती हैं।

श्लोक 16 (skanda.4.48.16)

वामभ्रुवां स्वभावाच्च नारदस्य च वाक्यतः॥ विज्ञाताऽऽखिलवृत्तांतस्तथ्यं कृष्णोप्यमन्यत

vāmabhruvāṁ svabhāvācca nāradasya ca vākyataḥ vijñātā''khilavṛttāṁtastathyaṁ kṛṣṇopyamanyata

सुंदरी स्त्रियों के स्वभाव तथा नारद के वचनों से समस्त वृत्तांत को जानकर कृष्ण ने भी उसे सत्य मान लिया।

श्लोक 17 (skanda.4.48.17)

तावद्धैर्यंचलाक्षीणां तावच्चेतोविवेकिता॥ यावन्नार्थी विविक्तस्थो विविक्तेर्थिनि नान्यथा

tāvaddhairyaṁcalākṣīṇāṁ tāvaccetovivekitā yāvannārthī viviktastho vivikterthini nānyathā

चंचल-नेत्रा स्त्रियों का धैर्य तथा उनकी विवेकशीलता तभी तक रहती है, जब तक कोई अभिलाषी एकांत में उपस्थित नहीं होता; एकांत में अभिलाषी के उपस्थित होने पर स्थिति अन्यथा हो जाती है।

श्लोक 18 (skanda.4.48.18)

इत्थं विवेचयंश्चित्ते कृष्णः क्रोधनदीरयम्॥ विवेकसेतुनाऽऽस्तभ्य नारदं प्राहिणोत्सुधीः॥ सांबस्य वैकृतं किंचित्क्वचित्कृष्णोनवैक्षत॥ गते देवमुनौ तस्मिन्वीक्षमाणोप्यहर्निशम्

itthaṁ vivecayaṁścitte kṛṣṇaḥ krodhanadīrayam vivekasetunā''stabhya nāradaṁ prāhiṇotsudhīḥ sāṁbasya vaikṛtaṁ kiṁcitkvacitkṛṣṇonavaikṣata gate devamunau tasminvīkṣamāṇopyaharniśam

इस प्रकार मन में विचार करते हुए, बुद्धिमान् कृष्ण ने अपने क्रोध की नदी को विवेक-रूपी बाँध से रोककर, नारद को विदा किया। परंतु देवमुनि के जाने के पश्चात् दिन-रात देखते रहने पर भी कृष्ण ने साम्ब में कहीं भी कोई विकार नहीं देखा।

श्लोक 19 (skanda.4.48.19)

कियत्यपि गते काले पुनरप्याययौ मुनिः॥ मध्ये लीलावतीनां च ज्ञात्वा कृष्णमवस्थितम्

kiyatyapi gate kāle punarapyāyayau muniḥ madhye līlāvatīnāṁ ca jñātvā kṛṣṇamavasthitam

कुछ समय बीतने पर मुनि पुनः आए, और कृष्ण को अपनी लीलावती स्त्रियों के मध्य बैठा हुआ जानकर —

श्लोक 20 (skanda.4.48.20)

बहिः क्रीडंतमाहूय सांबमित्याह नारदः॥ याहि कृष्णांतिकं तूर्णं कथयागमनं मम

bahiḥ krīḍaṁtamāhūya sāṁbamityāha nāradaḥ yāhi kṛṣṇāṁtikaṁ tūrṇaṁ kathayāgamanaṁ mama

— बाहर क्रीड़ा करते हुए साम्ब को बुलाकर नारद ने कहा — 'शीघ्र ही कृष्ण के पास जाओ और उन्हें मेरे आगमन की सूचना दो।'

श्लोक 21 (skanda.4.48.21)

सांबोपि यामि नोयामि क्षणमित्थमचिंतयत्॥ कथं रहःस्थ पितरं यामि स्त्रैणसखंप्रति

sāṁbopi yāmi noyāmi kṣaṇamitthamaciṁtayat kathaṁ rahaḥstha pitaraṁ yāmi straiṇasakhaṁprati

साम्ब भी क्षणभर के लिए सोचने लगा — 'जाऊँ या न जाऊँ?' — 'एकांत में अपनी स्त्रियों के साथ बैठे हुए पिता के पास मैं कैसे जाऊँ?'

श्लोक 22 (skanda.4.48.22)

न यामि च कथं वाक्यादस्याहं ब्रह्मचारिणः॥ ज्वलदंगारसंकाश स्फुरत्सर्वांगतेजसः

na yāmi ca kathaṁ vākyādasyāhaṁ brahmacāriṇaḥ jvaladaṁgārasaṁkāśa sphuratsarvāṁgatejasaḥ

और यदि न जाऊँ, तो इस ब्रह्मचारी की, जो प्रज्वलित अंगार के समान तथा सर्वांग में स्फुरित तेज वाले हैं, आज्ञा का उल्लंघन कैसे करूँ?

श्लोक 23 (skanda.4.48.23)

प्रणमत्सुकुमारेषु व्रीडितोयं मयैकदा॥ इदानीमपि नो यायामस्य वाक्यान्महामुनेः

praṇamatsukumāreṣu vrīḍitoyaṁ mayaikadā idānīmapi no yāyāmasya vākyānmahāmuneḥ

एक बार पहले भी, जब कुमारगण उन्हें प्रणाम कर रहे थे, तब मैं लज्जित हुआ था; क्या अब भी मैं इस महामुनि के वचन से न जाऊँ?

श्लोक 24 (skanda.4.48.24)

अत्याहितं तदस्तीह तदागोद्वयदर्शनात्॥ पितुः कोपोपि सुश्लाघ्यो मयि नो ब्राह्मणस्य तु

atyāhitaṁ tadastīha tadāgodvayadarśanāt pituḥ kopopi suślāghyo mayi no brāhmaṇasya tu

यदि मैं वहाँ देखा गया, तो यह अत्यंत अनिष्टकर होगा। मेरे लिए पिता का कोप तो सह्य है, परंतु ब्राह्मण का कोप नहीं।

श्लोक 25 (skanda.4.48.25)

ब्रह्मकोपाग्निनिर्दग्धाः प्ररोहंति न जातुचित्॥ अपराग्निविनिर्दग्धारो हंते दावदग्धवत्

brahmakopāgninirdagdhāḥ prarohaṁti na jātucit aparāgnivinirdagdhāro haṁte dāvadagdhavat

ब्रह्मकोप की अग्नि से जले हुए फिर कभी अंकुरित नहीं होते; परंतु अन्य अग्नि से जले हुए तो दावाग्नि से जले वन के समान पुनः अंकुरित हो जाते हैं।

श्लोक 26 (skanda.4.48.26)

इति ध्यात्वा क्षणं सांबोऽविशदंतःपुरंपितुः॥ मध्ये स्त्रैणसभंकृष्णं यावज्जांबवतीसुतः

iti dhyātvā kṣaṇaṁ sāṁbo'viśadaṁtaḥpuraṁpituḥ madhye straiṇasabhaṁkṛṣṇaṁ yāvajjāṁbavatīsutaḥ

इस प्रकार क्षणभर विचार कर, जांबवती-पुत्र साम्ब पिता के अंतःपुर में प्रविष्ट हुआ, जहाँ कृष्ण स्त्रियों की सभा के मध्य विराजमान थे।

श्लोक 27 (skanda.4.48.27)

दूरात्प्रणम्य विज्ञप्तिं स चकार सशंकितः॥ तावत्तमन्वगच्छच्च नारदः कार्यसिद्धये॥ ससंभ्रमोथ कृष्णोपि दृष्ट्वा सांबं च नारदम्॥ समुत्तस्थौ परिदधत्पीतकौशेयमंबरम्

dūrātpraṇamya vijñaptiṁ sa cakāra saśaṁkitaḥ tāvattamanvagacchacca nāradaḥ kāryasiddhaye sasaṁbhramotha kṛṣṇopi dṛṣṭvā sāṁbaṁ ca nāradam samuttasthau paridadhatpītakauśeyamaṁbaram

दूर से ही प्रणाम कर, कुछ शंकित होते हुए, उसने अपना संदेश दिया। इतने में नारद भी अपने प्रयोजन की सिद्धि के लिए उसके पीछे-पीछे वहाँ आ पहुँचे। साम्ब तथा नारद को एक साथ देखकर कृष्ण भी घबराते हुए तत्काल उठ खड़े हुए और पीत रेशमी वस्त्र धारण करने लगे।

श्लोक 28 (skanda.4.48.28)

उत्थिते देवकीसूनौ ताः सर्वा अपि गोपिकाः॥ विलज्जिताः समुत्तस्धुर्गृह्णंत्यः स्वंस्वमंबरम्

utthite devakīsūnau tāḥ sarvā api gopikāḥ vilajjitāḥ samuttasdhurgṛhṇaṁtyaḥ svaṁsvamaṁbaram

देवकीनंदन के उठते ही वे सभी गोपिकाएँ भी लज्जित होकर, अपने-अपने वस्त्र समेटती हुई शीघ्रता से उठ खड़ी हुईं।

श्लोक 29 (skanda.4.48.29)

महार्हशयनीये तं हस्ते धृत्वा महामुनिम्॥ समुपावेशयत्कृष्णः सांबश्च क्रीडितुं ययौ

mahārhaśayanīye taṁ haste dhṛtvā mahāmunim samupāveśayatkṛṣṇaḥ sāṁbaśca krīḍituṁ yayau

उस महामुनि का हाथ पकड़कर कृष्ण ने उन्हें अत्यंत मूल्यवान् शय्या पर बिठाया; और साम्ब पुनः खेलने चला गया।

श्लोक 30 (skanda.4.48.30)

तासां स्खलितमालोक्य तिष्ठंतीनां पुरो मुनिः॥ कृष्णलीलाद्रवीभूतवरांगानां जगौ हरिम्

tāsāṁ skhalitamālokya tiṣṭhaṁtīnāṁ puro muniḥ kṛṣṇalīlādravībhūtavarāṁgānāṁ jagau harim

कृष्ण की लीला से जिनके सुंदर अंग द्रवीभूत हो गए थे, वहाँ खड़ी उन स्त्रियों की अस्तव्यस्तता देखकर मुनि ने हरि से कहा।

श्लोक 31 (skanda.4.48.31)

पश्यपश्य महाबुद्धे दृष्ट्वा जांबवतीसुतम्॥ इमाः स्खलितमापन्नास्तद्रूपक्षुब्धचेतसः

paśyapaśya mahābuddhe dṛṣṭvā jāṁbavatīsutam imāḥ skhalitamāpannāstadrūpakṣubdhacetasaḥ

नारद ने कहा — हे महाबुद्धे! देखो, देखो! जांबवती-पुत्र को देखते ही इन स्त्रियों का चित्त उसके रूप से क्षुब्ध होकर अस्तव्यस्त हो गया है।

श्लोक 32 (skanda.4.48.32)

कृष्णोपि सांबमाहूय सहसैवाशपत्सुतम्॥ सर्वा जांबवतीतुल्याः पश्यंतमपि दुर्विधेः

kṛṣṇopi sāṁbamāhūya sahasaivāśapatsutam sarvā jāṁbavatītulyāḥ paśyaṁtamapi durvidheḥ

कृष्ण ने भी साम्ब को बुलाकर, यह जानते हुए भी कि उसके लिए वे सभी स्त्रियाँ जांबवती के समान ही थीं, दुर्विधि के वशीभूत होकर सहसा अपने ही पुत्र को शाप दे दिया।

श्लोक 33 (skanda.4.48.33)

यस्मात्त्वद्रूपमालोक्य गोपाल्यः स्खलिता इमाः॥ तस्मात्कुष्ठी भव क्षिप्रमकांडागमनेन च

yasmāttvadrūpamālokya gopālyaḥ skhalitā imāḥ tasmātkuṣṭhī bhava kṣipramakāṁḍāgamanena ca

कृष्ण ने कहा — चूँकि तुम्हारा रूप देखकर इन गोपिकाओं का चित्त विचलित हो गया है, अतः तुम्हारे इस असामयिक आगमन के कारण तुम शीघ्र ही कुष्ठरोगी हो जाओ।

श्लोक 34 (skanda.4.48.34)

वेपमानो महाव्याधिभयात्सांबोपि दारुणात्॥ कृष्णं प्रसादयामास बहुशः पापशांतये

vepamāno mahāvyādhibhayātsāṁbopi dāruṇāt kṛṣṇaṁ prasādayāmāsa bahuśaḥ pāpaśāṁtaye

उस दारुण महाव्याधि के भय से कांपते हुए साम्ब ने भी अपने पाप की शांति के लिए बार-बार कृष्ण को प्रसन्न करने का प्रयत्न किया।

श्लोक 35 (skanda.4.48.35)

कृष्णोप्यनेन संजानन्सांबं स्वसुतमौरसम्॥ अब्रवीत्कुष्ठमोक्षाय व्रज वैश्वेश्वरीं पुरीम्

kṛṣṇopyanena saṁjānansāṁbaṁ svasutamaurasam abravītkuṣṭhamokṣāya vraja vaiśveśvarīṁ purīm

कृष्ण ने भी, यह जानते हुए कि साम्ब उनका ही औरस पुत्र है, कहा — 'कुष्ठरोग से मुक्ति के लिए वैश्वेश्वरी नगरी (काशी) को जाओ।'

श्लोक 36 (skanda.4.48.36)

तत्र ब्रध्नं समाराध्य प्रकृतिं स्वामवाप्स्यसि॥ महैनसां क्षयो यत्र नास्ति वाराणसीं विना॥ यत्र विश्वेश्वरः साक्षाद्यत्र स्वर्गापगा च सा॥ येषां महैनसां दृष्टा मुनिभिर्नैव निष्कृतिः॥ तेषां विशुद्धिरस्त्येव प्राप्य वाराणसीं पुरीम्

tatra bradhnaṁ samārādhya prakṛtiṁ svāmavāpsyasi mahainasāṁ kṣayo yatra nāsti vārāṇasīṁ vinā yatra viśveśvaraḥ sākṣādyatra svargāpagā ca sā yeṣāṁ mahainasāṁ dṛṣṭā munibhirnaiva niṣkṛtiḥ teṣāṁ viśuddhirastyeva prāpya vārāṇasīṁ purīm

वहाँ सूर्य की आराधना कर तुम अपनी मूल प्रकृति को पुनः प्राप्त कर लोगे। वाराणसी के बिना महापापों का क्षय अन्यत्र कहीं नहीं है — जहाँ स्वयं साक्षात् विश्वेश्वर विराजमान हैं तथा जहाँ वह स्वर्गगामिनी गंगा प्रवाहित होती हैं। जिन महापापों का प्रायश्चित्त मुनियों को भी नहीं मिलता, वाराणसी नगरी को प्राप्त कर उनकी भी विशुद्धि हो जाती है।

श्लोक 37 (skanda.4.48.37)

न केवलं हि पापेभ्यो वाराणस्यां विमुच्यते॥ प्राकृतेभ्योपि पापेभ्यो मुच्यते शंकराज्ञया

na kevalaṁ hi pāpebhyo vārāṇasyāṁ vimucyate prākṛtebhyopi pāpebhyo mucyate śaṁkarājñayā

वाराणसी में मनुष्य केवल साधारण पापों से ही मुक्त नहीं होता, अपितु शंकर की आज्ञा से अत्यंत गहन पापों से भी मुक्त हो जाता है।

श्लोक 38 (skanda.4.48.38)

पुरा पुरारिणा सृष्टमविमुक्तं विमुक्तये॥ सर्वेषामेव जंतूनां कृपयांते तनुत्यजाम्

purā purāriṇā sṛṣṭamavimuktaṁ vimuktaye sarveṣāmeva jaṁtūnāṁ kṛpayāṁte tanutyajām

पुरारि ने पूर्वकाल में सभी प्राणियों के देहत्याग के समय उनकी मुक्ति के लिए, करुणावश ही अविमुक्त-क्षेत्र (काशी) की रचना की थी।

श्लोक 39 (skanda.4.48.39)

तत्रानंदवने शंभोस्तवशाप निराकृतिः॥ सांब तत्त्वेरितं याहि नान्यथा शापनिर्वृतिः

tatrānaṁdavane śaṁbhostavaśāpa nirākṛtiḥ sāṁba tattveritaṁ yāhi nānyathā śāpanirvṛtiḥ

वहाँ शंभु के आनंदवन में ही तुम्हारे शाप की निवृत्ति होगी। हे साम्ब! जैसा मैंने तुम्हें सत्य बताया है, वैसा ही करो; अन्यथा शाप से मुक्ति नहीं है।

श्लोक 40 (skanda.4.48.40)

ततः कृष्णं समापृच्छ्य कर्मनिर्मुक्तचेष्टितः॥ नारदः कृतकृत्यः सन्ययावाकाशवर्त्मना

tataḥ kṛṣṇaṁ samāpṛcchya karmanirmuktaceṣṭitaḥ nāradaḥ kṛtakṛtyaḥ sanyayāvākāśavartmanā

तत्पश्चात् कृष्ण से आज्ञा लेकर, कृतकृत्य नारद अपने कार्य से मुक्त होकर आकाश-मार्ग से चले गए।

श्लोक 41 (skanda.4.48.41)

सांबो वाराणसीं प्राप्य समाराध्यांशुमालिनम्॥ कुंडं तत्पृष्ठतः कृत्वा निजां प्रकृतिमाप्तवान्

sāṁbo vārāṇasīṁ prāpya samārādhyāṁśumālinam kuṁḍaṁ tatpṛṣṭhataḥ kṛtvā nijāṁ prakṛtimāptavān

साम्ब वाराणसी पहुँचकर सूर्यदेव की आराधना कर, उस कुंड को अपने पीछे रखकर, अपनी मूल प्रकृति को पुनः प्राप्त कर लिया।

श्लोक 42 (skanda.4.48.42)

सांबादित्यस्तदारभ्य सर्वव्याधिहरो रविः॥ ददाति सर्वभक्तेभ्योऽनामयाः सर्वसंपदः

sāṁbādityastadārabhya sarvavyādhiharo raviḥ dadāti sarvabhaktebhyo'nāmayāḥ sarvasaṁpadaḥ

तभी से सांबादित्य नाम से समस्त व्याधियों को हरने वाले सूर्य, अपने समस्त भक्तों को नीरोगता तथा समस्त संपदाएँ प्रदान करते हैं।

श्लोक 43 (skanda.4.48.43)

सांबकुंडे नरः स्नात्वा रविवारेऽरुणोदये॥ सांबादित्यं च संपूज्य व्याधिभिर्नाभिभूयते

sāṁbakuṁḍe naraḥ snātvā ravivāre'ruṇodaye sāṁbādityaṁ ca saṁpūjya vyādhibhirnābhibhūyate

रविवार को अरुणोदय के समय साम्बकुंड में स्नान कर तथा साम्बादित्य की सम्यक् पूजा कर मनुष्य व्याधियों से पराभूत नहीं होता।

श्लोक 44 (skanda.4.48.44)

न स्त्री वैधव्यमाप्नोति सांबादित्यस्य सेवनात्॥ वंध्या पुत्रं प्रसूयेत शुद्धरूपसमन्वितम्

na strī vaidhavyamāpnoti sāṁbādityasya sevanāt vaṁdhyā putraṁ prasūyeta śuddharūpasamanvitam

साम्बादित्य की सेवा से स्त्री विधवा नहीं होती; बांझ स्त्री भी शुद्ध रूप वाले पुत्र को जन्म देती है।

श्लोक 45 (skanda.4.48.45)

शुक्लायां द्विज सप्तम्यां माघे मासि रवेर्दिने॥ महापर्व समाख्यातं रविपर्व समं शुभम्॥ महारोगात्प्रमुच्येत तत्र स्नात्वारुणोदये॥ सांबादित्यं प्रपूज्यापि धर्ममक्षयमाप्नुयात्

śuklāyāṁ dvija saptamyāṁ māghe māsi raverdine mahāparva samākhyātaṁ raviparva samaṁ śubham mahārogātpramucyeta tatra snātvāruṇodaye sāṁbādityaṁ prapūjyāpi dharmamakṣayamāpnuyāt

हे द्विज! माघ मास की शुक्ल सप्तमी, जो रविवार को पड़े, वह सूर्य के रथसप्तमी पर्व के समान शुभ महापर्व कहा गया है। वहाँ अरुणोदय के समय स्नान कर मनुष्य महारोगों से मुक्त होता है, तथा साम्बादित्य की पूजा कर अक्षय धर्म भी प्राप्त करता है।

श्लोक 46 (skanda.4.48.46)

सन्निहत्यां कुरुक्षेत्रे यत्पुण्यं राहुदर्शने॥ तत्पुण्यं रविसप्तम्यां माघे काश्यां न संशयः

sannihatyāṁ kurukṣetre yatpuṇyaṁ rāhudarśane tatpuṇyaṁ ravisaptamyāṁ māghe kāśyāṁ na saṁśayaḥ

कुरुक्षेत्र में सन्निहत्या तीर्थ में राहु-दर्शन के समय जो पुण्य प्राप्त होता है, वही पुण्य माघ मास की रविसप्तमी को काशी में निःसंदेह प्राप्त होता है।

श्लोक 47 (skanda.4.48.47)

मधौमासि रवेर्वारे यात्रा सांवत्सरी भवेत्॥ अशोकैस्तत्र संपूज्य कुंडे स्नात्वा विधानतः

madhaumāsi ravervāre yātrā sāṁvatsarī bhavet aśokaistatra saṁpūjya kuṁḍe snātvā vidhānataḥ

चैत्र मास के रविवार को वार्षिक यात्रा होनी चाहिए; वहाँ अशोक के फूलों से पूजा कर तथा विधिपूर्वक कुंड में स्नान कर —

श्लोक 48 (skanda.4.48.48)

सांबादित्यं नरो जातु न शोकैरभिभूयते॥ संवत्सरकृतात्पापाद्बहिर्भवति तत्क्षणात्

sāṁbādityaṁ naro jātu na śokairabhibhūyate saṁvatsarakṛtātpāpādbahirbhavati tatkṣaṇāt

— साम्बादित्य की पूजा करने वाला मनुष्य कभी शोकों से पराभूत नहीं होता; वह एक वर्ष में किए गए पाप से तत्काल मुक्त हो जाता है।

श्लोक 49 (skanda.4.48.49)

विश्वेशात्पश्चिमाशायां सांबेनात्र महात्मना॥ सम्यगाराधिता मूर्तिरादित्यस्य शुभप्रदा

viśveśātpaścimāśāyāṁ sāṁbenātra mahātmanā samyagārādhitā mūrtirādityasya śubhapradā

विश्वेश से पश्चिम दिशा में, यहाँ महात्मा साम्ब द्वारा भलीभाँति स्थापित शुभप्रद सूर्यमूर्ति विराजमान है।

श्लोक 50 (skanda.4.48.50)

इयं भविष्या तन्मूर्तिरगस्ते त्वत्पुरोऽकथि॥ तामभ्यर्च्य नमस्कृत्य कृत्वाष्टौ च प्रदक्षिणाः॥ नरो भवति निष्पापः काशीवास फलं लभेत्

iyaṁ bhaviṣyā tanmūrtiragaste tvatpuro'kathi tāmabhyarcya namaskṛtya kṛtvāṣṭau ca pradakṣiṇāḥ naro bhavati niṣpāpaḥ kāśīvāsa phalaṁ labhet

हे अगस्ते! तुम्हारे समक्ष यह भविष्य में होने वाली मूर्ति बताई गई। उसकी पूजा-अर्चना कर, प्रणाम कर तथा आठ प्रदक्षिणाएँ कर मनुष्य निष्पाप हो जाता है और काशीवास का फल प्राप्त करता है।

श्लोक 51 (skanda.4.48.51)

सांबादित्यस्य माहात्म्यं कथितं ते महामते॥ यच्छ्रुत्वापि नरो जातु यमलोकं न पश्यति

sāṁbādityasya māhātmyaṁ kathitaṁ te mahāmate yacchrutvāpi naro jātu yamalokaṁ na paśyati

हे महामते! तुम्हें साम्बादित्य का माहात्म्य बता दिया गया; इसे सुनकर मात्र भी मनुष्य कभी यमलोक नहीं देखता।

श्लोक 52 (skanda.4.48.52)

इदानीं द्रौपदादित्यं कथयिष्यामि तेनघ॥ तथा द्रौपदआदित्यः संसेव्यो भक्तसिद्धिदः

idānīṁ draupadādityaṁ kathayiṣyāmi tenagha tathā draupadaādityaḥ saṁsevyo bhaktasiddhidaḥ

हे निष्पाप! अब मैं तुम्हें द्रौपदादित्य के विषय में बताऊँगा; द्रौपदादित्य भी भक्तों को सिद्धि प्रदान करने वाले हैं, अतः वे भी सेवनीय हैं।