काशी के द्वादश आदित्य: अरुण, वृद्ध, केशव, विमल, गंगा और यमादित्य

श्लोक 1 (skanda.4.51.1)

॥ अथ श्रीकाशीखंडोत्तरार्धं प्रारभ्यते ॥ श्रीगणेशाय नमः ॥ ॥ अगस्तिरुवाच ॥ पार्वती हृदयानंद सर्वज्ञांगभव प्रभो ॥ किंचित्प्रष्टुमनाः स्वामिंस्तद्भवान्वक्तुमर्हति

|| atha śrīkāśīkhaṁḍottarārdhaṁ prārabhyate || śrīgaṇeśāya namaḥ || || agastiruvāca || pārvatī hṛdayānaṁda sarvajñāṁgabhava prabho || kiṁcitpraṣṭumanāḥ svāmiṁstadbhavānvaktumarhati

अगस्ति ने कहा - अब श्रीकाशीखण्ड का उत्तरार्ध आरम्भ होता है। श्रीगणेश को नमस्कार। हे पार्वती के हृदय के आनन्द, हे सर्वज्ञ शिव के अंग से प्रकट हुए प्रभु! मैं कुछ पूछना चाहता हूँ, आप कृपा करके बताइए।

श्लोक 2 (skanda.4.51.2)

दक्ष प्रजापतेः पुत्री कश्यपस्य परिग्रहः ॥ गरुत्मतः प्रसूः साध्वी कुतो दास्यमवाप सा

dakṣa prajāpateḥ putrī kaśyapasya parigrahaḥ || garutmataḥ prasūḥ sādhvī kuto dāsyamavāpa sā

दक्ष प्रजापति की पुत्री, कश्यप की पत्नी, गरुड़ की साध्वी माता विनता को दासत्व कैसे प्राप्त हुआ?

श्लोक 3 (skanda.4.51.3)

॥स्कंद उवाच॥ हंजिकात्वं यथा प्राप्ता विनता सा तपस्विनी ॥ तदप्यहं समाख्यामि निशामय महामते

||skaṁda uvāca|| haṁjikātvaṁ yathā prāptā vinatā sā tapasvinī || tadapyahaṁ samākhyāmi niśāmaya mahāmate

स्कन्द ने कहा - वह तपस्विनी विनता किस प्रकार 'हंजिका' नाम को प्राप्त हुई, वह भी मैं बताता हूँ; हे महामते, सुनो।

श्लोक 4 (skanda.4.51.4)

कद्रूरजीजनत्पुत्राञ्शतं कश्यपतः पुरा ॥ उलूकमरुणं तार्क्ष्यमसूत विनता त्रयम्

kadrūrajījanatputrāñśataṁ kaśyapataḥ purā || ulūkamaruṇaṁ tārkṣyamasūta vinatā trayam

पूर्वकाल में कद्रू ने कश्यप से सौ पुत्र उत्पन्न किए, और विनता ने तीन - उलूक, अरुण और तार्क्ष्य (गरुड़)।

श्लोक 5 (skanda.4.51.5)

कौशिको राज्यमाप्यापि श्रेष्ठत्वात्पक्षिणां मुने ॥ निर्गुणत्वाच्च तैः सर्वैः स राज्यादवरोपितः

kauśiko rājyamāpyāpi śreṣṭhatvātpakṣiṇāṁ mune || nirguṇatvācca taiḥ sarvaiḥ sa rājyādavaropitaḥ

हे मुने, उलूक पक्षियों में श्रेष्ठ होने के कारण राज्य को प्राप्त हुआ, किन्तु गुणहीन होने के कारण सब पक्षियों ने उसे राज्य से हटा दिया।

श्लोक 6 (skanda.4.51.6)

क्रूराक्षोयं दिवांधोयं सदा वक्रनखस्त्वसौ ॥ अतीवोद्वेगजनकं सर्वेषामस्य भाषणम्

krūrākṣoyaṁ divāṁdhoyaṁ sadā vakranakhastvasau || atīvodvegajanakaṁ sarveṣāmasya bhāṣaṇam

'यह क्रूर नेत्रों वाला है, यह दिन में अंधा है, इसके नख सदा टेढ़े रहते हैं' - इसकी वाणी भी सबको अत्यन्त उद्वेगकारी लगती थी।

श्लोक 7 (skanda.4.51.7)

इत्थं तस्य गुणग्रामान्विकथ्य बहुशः खगाः ॥ नाद्यापि वृण्वते राज्ये कमपि स्वैरचारिणः

itthaṁ tasya guṇagrāmānvikathya bahuśaḥ khagāḥ || nādyāpi vṛṇvate rājye kamapi svairacāriṇaḥ

इस प्रकार उसके गुण-समूह की बार-बार निन्दा करके, स्वच्छन्दचारी पक्षी आज भी किसी को राज्य पर नहीं बिठाते।

श्लोक 8 (skanda.4.51.8)

कौशिकेथ तथावृत्ते पुत्रवीक्षणलालसा ॥ अंडं प्रस्फोटयामास मध्यमं विनता तदा

kauśiketha tathāvṛtte putravīkṣaṇalālasā || aṁḍaṁ prasphoṭayāmāsa madhyamaṁ vinatā tadā

जब कौशिक की यह गति हुई, तब पुत्र देखने की उत्सुकता से विनता ने बीच वाला अण्डा फोड़ डाला।

श्लोक 9 (skanda.4.51.9)

पूर्णे वर्षसहस्रे तु प्रस्फोट्य घटसंभव ॥ तदभेदितयौत्सुक्यादंडमष्टमके शते

pūrṇe varṣasahasre tu prasphoṭya ghaṭasaṁbhava || tadabheditayautsukyādaṁḍamaṣṭamake śate

हे घटसम्भव! एक सहस्र वर्ष पूर्ण होने से पूर्व ही, आठवें सौ में उत्सुकतावश उसने उस अण्डे को फोड़ दिया।

श्लोक 10 (skanda.4.51.10)

तावत्सर्वाणि गात्राणि तस्यातिमहसः शिशोः ॥ ऊर्वोरुपरिसिद्धानि दंडांतर्निवासिनः

tāvatsarvāṇi gātrāṇi tasyātimahasaḥ śiśoḥ || ūrvoruparisiddhāni daṁḍāṁtarnivāsinaḥ

उस समय तक उस अत्यन्त तेजस्वी शिशु के, जो अभी अण्डे के भीतर ही निवास कर रहा था, केवल जंघाओं तक के ही अंग बन पाए थे।

श्लोक 11 (skanda.4.51.11)

अंडान्निर्गतमात्रेण क्रोधारुणमुखश्रिया ॥ अर्धनिष्पन्नदेहेन शिशुना शापिता प्रसूः

aṁḍānnirgatamātreṇa krodhāruṇamukhaśriyā || ardhaniṣpannadehena śiśunā śāpitā prasūḥ

अण्डे से निकलते ही, क्रोध से लाल हुए मुख की शोभा वाले उस अर्धनिर्मित देह के शिशु ने अपनी माता को शाप दे दिया।

श्लोक 12 (skanda.4.51.12)

जनयित्रि त्वया दृष्ट्वा काद्रवेयान्स्वलीलया ॥ खेलतो मातुरुत्संगे यदंडं व्याधित द्विधा

janayitri tvayā dṛṣṭvā kādraveyānsvalīlayā || khelato māturutsaṁge yadaṁḍaṁ vyādhita dvidhā

'हे जननी! तूने कद्रू के पुत्रों को अपनी माता की गोद में सहज क्रीड़ा करते देखकर मेरे अण्डे को दो भागों में फोड़ डाला—

श्लोक 13 (skanda.4.51.13)

तदनिष्पन्न सर्वांगः शपामि त्वा विहंगमे ॥ तेषामेवैधि दासी त्वं सपत्न्यंग भुवामिह

tadaniṣpanna sarvāṁgaḥ śapāmi tvā vihaṁgame || teṣāmevaidhi dāsī tvaṁ sapatnyaṁga bhuvāmiha

—इसलिए, हे विहंगमे, अपने अंग अभी पूर्ण न होने पर भी मैं तुझे शाप देता हूँ: तू यहाँ पृथ्वी पर अपनी उसी सपत्नी की दासी बन जा।'

श्लोक 14 (skanda.4.51.14)

वेपमानाथ तच्छापादिदं प्रोवाच पक्षिणी ॥ अनूरो ब्रूहि मे शापावसानं मातुरंगज

vepamānātha tacchāpādidaṁ provāca pakṣiṇī || anūro brūhi me śāpāvasānaṁ māturaṁgaja

उस शाप से काँपती हुई उस पक्षिणी ने कहा - 'हे अनूरु, हे मेरे पुत्र! मुझे इस शाप की समाप्ति बता दो।'

श्लोक 15 (skanda.4.51.15)

॥ अनूरुरुवाच ॥ अंडं तृतीयं मा भिंधि ह्यनिष्पन्नं ममेव हि ॥ अस्मिन्नंडे भविष्यो यः स ते दास्यं हरिष्यति

|| anūruruvāca || aṁḍaṁ tṛtīyaṁ mā bhiṁdhi hyaniṣpannaṁ mameva hi || asminnaṁḍe bhaviṣyo yaḥ sa te dāsyaṁ hariṣyati

अनूरु ने कहा - 'तीसरे अण्डे को मेरी भाँति अपरिपक्व अवस्था में मत फोड़ना। इस अण्डे से जो उत्पन्न होगा, वही तेरे दासत्व को दूर करेगा।'

श्लोक 16 (skanda.4.51.16)

इत्युक्त्वा सोरुणोगच्छदुड्डीयानंदकाननम् ॥ यत्र विश्वेश्वरो दद्यादपि पंगोः शुभां गतिम्

ityuktvā soruṇogacchaduḍḍīyānaṁdakānanam || yatra viśveśvaro dadyādapi paṁgoḥ śubhāṁ gatim

यह कहकर अरुण उड़कर आनन्दकानन को चले गए, जहाँ विश्वेश्वर लंगड़े को भी शुभ गति प्रदान करते हैं।

श्लोक 17 (skanda.4.51.17)

एतत्ते पृच्छतः ख्यातं विनता दास्यकारणम्॥ मुने प्रसंगतो वच्मि अरुणादित्यसंभवम्

etatte pṛcchataḥ khyātaṁ vinatā dāsyakāraṇam|| mune prasaṁgato vacmi aruṇādityasaṁbhavam

इस प्रकार तुम्हारे प्रश्न के उत्तर में विनता के दासत्व का कारण बताया गया। अब, हे मुने, प्रसंगवश मैं अरुणादित्य की उत्पत्ति की कथा कहता हूँ।

श्लोक 18 (skanda.4.51.18)

अनूरुत्वादनूरुर्योरुणः क्रोधारुणो यतः ॥ वाराणस्यां तपस्तप्त्वा तेनाराधि दिवाकरः

anūrutvādanūruryoruṇaḥ krodhāruṇo yataḥ || vārāṇasyāṁ tapastaptvā tenārādhi divākaraḥ

जंघा-रहित होने से वह अनूरु और क्रोध से लाल होने के कारण अरुण कहलाया; वाराणसी में तप करके उसने सूर्यदेव की आराधना की।

श्लोक 19 (skanda.4.51.19)

सोपि प्रसन्नो दत्त्वाथ वरांस्तस्मा अनूरवे ॥ आदित्यस्तस्य नाम्नाभूदरुणादित्य इत्यपि

sopi prasanno dattvātha varāṁstasmā anūrave || ādityastasya nāmnābhūdaruṇāditya ityapi

सूर्यदेव भी प्रसन्न होकर अनूरु को वर देकर, तत्पश्चात् उसी के नाम से 'अरुणादित्य' कहलाए।

श्लोक 20 (skanda.4.51.20)

॥अर्क उवाच॥ तिष्ठानूरो मम रथे सदैव विनतात्मज ॥ जगतां च हितार्थाय ध्वांतं विध्वंसयन्पुरः

||arka uvāca|| tiṣṭhānūro mama rathe sadaiva vinatātmaja || jagatāṁ ca hitārthāya dhvāṁtaṁ vidhvaṁsayanpuraḥ

सूर्य ने कहा - 'हे विनतापुत्र! तुम सदा मेरे रथ पर विराजमान रहो, आगे रहकर संसार के हित के लिए अन्धकार का नाश करते हुए।'

श्लोक 21 (skanda.4.51.21)

अत्र त्वत्स्थापितां मूर्तिं ये भजिष्यंति मानवाः ॥ वाराणस्यां महादेवोत्तरे तेषां कुतो भयम्

atra tvatsthāpitāṁ mūrtiṁ ye bhajiṣyaṁti mānavāḥ || vārāṇasyāṁ mahādevottare teṣāṁ kuto bhayam

'यहाँ वाराणसी में महादेव के उत्तर में तुम्हारे द्वारा स्थापित मूर्ति की जो मनुष्य पूजा करेंगे, उन्हें भला कैसा भय होगा?'

श्लोक 22 (skanda.4.51.22)

येर्चयिष्यंति सततमरुणादित्यसंज्ञकम् ॥ मामत्र तेषां नो दुःखं न दारिद्र्यं न पातकम्

yercayiṣyaṁti satatamaruṇādityasaṁjñakam || māmatra teṣāṁ no duḥkhaṁ na dāridryaṁ na pātakam

'जो मेरी यहाँ अरुणादित्य नाम से सतत पूजा करेंगे, उनके लिए न दुःख होगा, न दरिद्रता, न पाप।'

श्लोक 23 (skanda.4.51.23)

व्याधिभिर्नाभिभूयंते नो पसर्गैश्च कैश्चन ॥ शोकाग्निना न दह्यंते ह्यरुणादित्यसेवनात्

vyādhibhirnābhibhūyaṁte no pasargaiśca kaiścana || śokāgninā na dahyaṁte hyaruṇādityasevanāt

'अरुणादित्य की सेवा से वे न रोगों से पराभूत होंगे, न किसी उपद्रव से, न शोक की अग्नि से जलेंगे।'

श्लोक 24 (skanda.4.51.24)

अथ स्यंदनमारोप्य नीतवानरुणं रविः ॥ अद्यापि स रथे सौरे प्रातरेव समुद्यति

atha syaṁdanamāropya nītavānaruṇaṁ raviḥ || adyāpi sa rathe saure prātareva samudyati

इस प्रकार सूर्य ने अरुण को अपने रथ पर बिठाकर साथ ले लिया; आज भी वह प्रातःकाल सूर्य के रथ पर उदित होता है।

श्लोक 25 (skanda.4.51.25)

यः कुर्यात्प्रातरुत्थाय नमस्कारं दिनेदिने ॥ अरुणाय ससूर्याय तस्य दुःखभयं कुतः

yaḥ kuryātprātarutthāya namaskāraṁ dinedine || aruṇāya sasūryāya tasya duḥkhabhayaṁ kutaḥ

जो प्रतिदिन प्रातः उठकर सूर्य सहित अरुण को प्रणाम करता है, उसे दुःख और भय कहाँ छू सकता है?

श्लोक 26 (skanda.4.51.26)

अरुणादित्यमाहात्म्यं यः श्रोष्यति नरोत्तमः ॥ न तस्य दुष्कृतं किंचिद्भविष्यति कदाचन

aruṇādityamāhātmyaṁ yaḥ śroṣyati narottamaḥ || na tasya duṣkṛtaṁ kiṁcidbhaviṣyati kadācana

जो श्रेष्ठ मनुष्य अरुणादित्य के माहात्म्य को सुनेगा, उसे कभी भी कोई दुष्कृत्य नहीं होगा।

श्लोक 27 (skanda.4.51.27)

॥स्कंद उवाच॥ वृद्धादित्यस्य माहात्म्यं शृणु ते कथयाम्यहम्॥ यस्य श्रवणमात्रेण नरो नो दुष्कृतं भजेत्

||skaṁda uvāca|| vṛddhādityasya māhātmyaṁ śṛṇu te kathayāmyaham|| yasya śravaṇamātreṇa naro no duṣkṛtaṁ bhajet

स्कन्द ने कहा - अब वृद्धादित्य का माहात्म्य सुनो, जिसे मैं तुम्हें बताता हूँ; जिसे सुनने मात्र से मनुष्य दुष्कृत्य को प्राप्त नहीं होता।

श्लोक 28 (skanda.4.51.28)

पुरात्र वृद्धहारीतो वाराणस्यां महातपाः ॥ महातपः समृद्ध्यर्थं समाराधितवान्रविम्

purātra vṛddhahārīto vārāṇasyāṁ mahātapāḥ || mahātapaḥ samṛddhyarthaṁ samārādhitavānravim

पूर्वकाल में वाराणसी में महातपस्वी वृद्धहारीत ने अपनी महान तपस्या की सिद्धि के लिए सूर्य की आराधना की।

श्लोक 29 (skanda.4.51.29)

मूर्तिं संस्थाप्य शुभदां भास्वतः शुभलक्षणाम् ॥ दक्षिणेन विशालाक्ष्या दृढभक्तिसमन्वितः

mūrtiṁ saṁsthāpya śubhadāṁ bhāsvataḥ śubhalakṣaṇām || dakṣiṇena viśālākṣyā dṛḍhabhaktisamanvitaḥ

विशालाक्षी के दक्षिण में सूर्य की शुभलक्षणों से युक्त मंगलदायिनी मूर्ति स्थापित कर, वे दृढ़ भक्ति के साथ आराधना करने लगे।

श्लोक 30 (skanda.4.51.30)

तुष्टस्तस्मै वरं प्रादाद्ब्रध्नो वृद्धतपस्विने ॥ अलं विलंब्य याचस्व कस्ते देयो वरो मया

tuṣṭastasmai varaṁ prādādbradhno vṛddhatapasvine || alaṁ vilaṁbya yācasva kaste deyo varo mayā

प्रसन्न होकर सूर्य ने उस वृद्ध तपस्वी को वर दिया - 'अब विलम्ब मत करो, माँगो, मुझसे तुम्हें कौन-सा वर देना है?'

श्लोक 31 (skanda.4.51.31)

सोथ प्रसन्नाद्द्युमणेरवृणीत वरं मुनिः ॥ यदि प्रसन्नो भगवान्युवत्वं देहि मे पुनः

sotha prasannāddyumaṇeravṛṇīta varaṁ muniḥ || yadi prasanno bhagavānyuvatvaṁ dehi me punaḥ

तब उस मुनि ने प्रसन्न सूर्यदेव से वर माँगा - 'हे भगवन्, यदि आप प्रसन्न हैं, तो मुझे पुनः यौवन प्रदान कीजिए।'

श्लोक 32 (skanda.4.51.32)

तपःकरण सामर्थ्यं स्थविरस्य न मे यतः ॥ पुनस्तारुण्यमाप्तोहं चरिष्याम्युत्तमं तपः

tapaḥkaraṇa sāmarthyaṁ sthavirasya na me yataḥ || punastāruṇyamāptohaṁ cariṣyāmyuttamaṁ tapaḥ

'क्योंकि वृद्ध होने के कारण मुझमें तप करने का सामर्थ्य नहीं रहा; पुनः यौवन प्राप्त कर मैं उत्तम तप करूँगा।'

श्लोक 33 (skanda.4.51.33)

तप एव परो धर्मस्तप एव परं वसु ॥ तप एव परः कामो निर्वाणं तप एव हि

tapa eva paro dharmastapa eva paraṁ vasu || tapa eva paraḥ kāmo nirvāṇaṁ tapa eva hi

'तप ही परम धर्म है, तप ही परम धन है; तप ही परम काम्य वस्तु है, और तप ही निर्वाण है।'

श्लोक 34 (skanda.4.51.34)

ऋतेन तपसः क्वापि लभ्या ऐश्वर्यसंपदः ॥ पदं ध्रुवादिभिः प्रापि केवलं तपसो बलात्

ṛtena tapasaḥ kvāpi labhyā aiśvaryasaṁpadaḥ || padaṁ dhruvādibhiḥ prāpi kevalaṁ tapaso balāt

'तप के बिना ऐश्वर्य की सम्पत्ति कहीं भी प्राप्त नहीं होती; ध्रुव आदि ने भी अपना पद केवल तप के बल से ही प्राप्त किया।'

श्लोक 35 (skanda.4.51.35)

ततस्तपश्चरिष्यामि लोकद्वयमहत्त्वदम् ॥ प्राप्य त्वद्वरदानेन यौवनं सर्वसंमतम्

tatastapaścariṣyāmi lokadvayamahattvadam || prāpya tvadvaradānena yauvanaṁ sarvasaṁmatam

'अतः आपके वरदान से सर्वसम्मत यौवन को प्राप्त कर मैं ऐसा तप करूँगा, जो दोनों लोकों में महत्त्व देने वाला हो।'

श्लोक 36 (skanda.4.51.36)

धिग्जरांप्राणिनामत्र यया सर्वो विरज्यति ॥ जरातुरेंद्रियग्रामे स्त्रियोपि नयतः स्वसात्

dhigjarāṁprāṇināmatra yayā sarvo virajyati || jarātureṁdriyagrāme striyopi nayataḥ svasāt

'प्राणियों की इस वृद्धावस्था को धिक्कार है, जिससे सब उनसे विरक्त हो जाते हैं; इन्द्रियों के जरा से पीड़ित होने पर स्त्रियाँ भी वश में नहीं रहतीं।'

श्लोक 37 (skanda.4.51.37)

वरं मरणमेवास्तु मा जरास्त्वतिशोच्यकृत् ॥ क्षणं दुःखं च मरणं जरा दुःखं क्षणेक्षणे

varaṁ maraṇamevāstu mā jarāstvatiśocyakṛt || kṣaṇaṁ duḥkhaṁ ca maraṇaṁ jarā duḥkhaṁ kṣaṇekṣaṇe

'मरण ही श्रेष्ठ है, पर अत्यन्त शोचनीय वृद्धावस्था न हो; मृत्यु का दुःख क्षणिक है, किन्तु वृद्धावस्था का दुःख क्षण-क्षण में होता है।'

श्लोक 38 (skanda.4.51.38)

कांक्षंति दीर्घतपसे चिरमायुर्जितेंद्रियाः ॥ धनं दानाय पुत्राय कलत्रं मुक्तये धियम्

kāṁkṣaṁti dīrghatapase ciramāyurjiteṁdriyāḥ || dhanaṁ dānāya putrāya kalatraṁ muktaye dhiyam

'जितेन्द्रिय पुरुष दीर्घ तप के लिए चिरायु की कामना करते हैं, दान के लिए धन, पुत्र के लिए पत्नी, और मुक्ति के लिए बुद्धि की।'

श्लोक 39 (skanda.4.51.39)

वृद्धस्यवार्धकं ब्रध्नस्तत्क्षणादपहृत्य वै ॥ ददौ च चारुता हेतुं तारुण्यं पुण्यसाधनम्

vṛddhasyavārdhakaṁ bradhnastatkṣaṇādapahṛtya vai || dadau ca cārutā hetuṁ tāruṇyaṁ puṇyasādhanam

तब सूर्यदेव ने उस वृद्ध की वृद्धावस्था को तत्काल हर लिया और उसे सुन्दरता का कारण, पुण्य का साधन, यौवन प्रदान किया।

श्लोक 40 (skanda.4.51.40)

एवं स वृद्धहारीतो वाराणस्यां महामुनिः ॥ संप्राप्य यौवनं ब्रध्नात्तप उग्रं चचार ह

evaṁ sa vṛddhahārīto vārāṇasyāṁ mahāmuniḥ || saṁprāpya yauvanaṁ bradhnāttapa ugraṁ cacāra ha

इस प्रकार वृद्धहारीत महामुनि ने वाराणसी में सूर्य से यौवन प्राप्त कर उग्र तप किया।

श्लोक 41 (skanda.4.51.41)

वृद्धेनाराधितो यस्माद्धारीतेन तपस्विना ॥ आदित्यो वार्धकहरो वृद्धादित्यस्ततः स्मृतः

vṛddhenārādhito yasmāddhārītena tapasvinā || ādityo vārdhakaharo vṛddhādityastataḥ smṛtaḥ

क्योंकि वृद्ध तपस्वी हारीत के द्वारा आराधित होकर सूर्य ने उसकी वृद्धावस्था हरी, अतः वे तभी से वृद्धादित्य कहलाए।

श्लोक 42 (skanda.4.51.42)

वृद्धादित्यं समाराध्य वाराणस्यां घटोद्भव ॥ जरा दुर्गति रोगघ्नं बहवः सिद्धिमागताः

vṛddhādityaṁ samārādhya vārāṇasyāṁ ghaṭodbhava || jarā durgati rogaghnaṁ bahavaḥ siddhimāgatāḥ

हे घटोद्भव! वाराणसी में जरा, दुर्गति और रोग का नाश करने वाले वृद्धादित्य की आराधना करके अनेक लोग सिद्धि को प्राप्त हुए हैं।

श्लोक 43 (skanda.4.51.43)

वृद्धादित्यं नमस्कृत्य वाराणस्या रवौ नरः ॥ लभेदभीप्सितां सिद्धिं न क्वचिद्दुर्गतिं लभेत्

vṛddhādityaṁ namaskṛtya vārāṇasyā ravau naraḥ || labhedabhīpsitāṁ siddhiṁ na kvaciddurgatiṁ labhet

वाराणसी में सूर्यरूप वृद्धादित्य को नमस्कार करने वाला मनुष्य अभीष्ट सिद्धि को प्राप्त करता है और कहीं भी दुर्गति को नहीं पाता।

श्लोक 44 (skanda.4.51.44)

॥स्कंद उवाच॥ अतः परं शृणु मुने केशवादित्यमुत्तमम् ॥ यथा तु केशवं प्राप्य सविता ज्ञानमाप्तवान्

||skaṁda uvāca|| ataḥ paraṁ śṛṇu mune keśavādityamuttamam || yathā tu keśavaṁ prāpya savitā jñānamāptavān

स्कन्द ने कहा - अब, हे मुने, उत्तम केशवादित्य के विषय में सुनो, जिस प्रकार केशव को प्राप्त कर सूर्य ने ज्ञान प्राप्त किया।

श्लोक 45 (skanda.4.51.45)

व्योम्नि संचरमाणेन सप्ताश्वेनादिकेशवः ॥ एकदा दर्शिभावेन पूजयँल्लिंगमैश्वरम्

vyomni saṁcaramāṇena saptāśvenādikeśavaḥ || ekadā darśibhāvena pūjaya~lliṁgamaiśvaram

एक दिन आकाश में अपने सप्त अश्वों से विचरण करते हुए सूर्य ने आदिकेशव को, जो उन्हें देखने की उत्सुकता से ईश्वर के लिंग की पूजा कर रहे थे, देखा।

श्लोक 46 (skanda.4.51.46)

कौतुकादिव उत्तीर्य हरे रविरुपाविशत् ॥ निःशब्दो निश्चलः स्वस्थो महाश्चर्यसमन्वितः

kautukādiva uttīrya hare ravirupāviśat || niḥśabdo niścalaḥ svastho mahāścaryasamanvitaḥ

मानो कौतुकवश सूर्य रथ से उतरकर हरि के समीप बैठ गए - मौन, निश्चल, स्वस्थ, महान आश्चर्य से युक्त।

श्लोक 47 (skanda.4.51.47)

प्रतीक्षमाणोवसरं किंचित्प्रष्टुमना हरिम् ॥ हरिं विसर्जितार्चं च प्रणनाम कृतांजलिः

pratīkṣamāṇovasaraṁ kiṁcitpraṣṭumanā harim || hariṁ visarjitārcaṁ ca praṇanāma kṛtāṁjaliḥ

अवसर की प्रतीक्षा करते हुए, हरि से कुछ पूछने की इच्छा से, पूजा समाप्त होने पर उन्होंने अंजलि बाँधकर हरि को प्रणाम किया।

श्लोक 48 (skanda.4.51.48)

स्वागतं ते हरिः प्राह बहुमानपुरःसरम् ॥ स्वाभ्याशं आसयामास भास्वंतं नतकंधरम्

svāgataṁ te hariḥ prāha bahumānapuraḥsaram || svābhyāśaṁ āsayāmāsa bhāsvaṁtaṁ natakaṁdharam

हरि ने बड़े सम्मान के साथ कहा - 'तुम्हारा स्वागत है', और नतमस्तक तेजस्वी सूर्य को अपने निकट बिठाया।

श्लोक 49 (skanda.4.51.49)

अथावसरमालोक्य लोकचक्षुरधोक्षजम् ॥ नत्वा विज्ञापयामास कृतानुज्ञोऽसुरारिणा

athāvasaramālokya lokacakṣuradhokṣajam || natvā vijñāpayāmāsa kṛtānujño'surāriṇā

तब अवसर देखकर, संसार के नेत्र सूर्य ने अधोक्षज को नमस्कार कर, असुरारि से अनुमति पाकर अपनी बात निवेदित की।

श्लोक 50 (skanda.4.51.50)

॥ रविरुवाच ॥ अंतरात्मासि जगतां विश्वंभर जगत्पते ॥ तवापि पूज्यः कोप्यस्ति जगत्पूज्यात्र माधव

|| raviruvāca || aṁtarātmāsi jagatāṁ viśvaṁbhara jagatpate || tavāpi pūjyaḥ kopyasti jagatpūjyātra mādhava

सूर्य ने कहा - 'हे विश्वम्भर, हे जगत्पते! तुम समस्त लोकों की अन्तरात्मा हो; फिर भी, हे माधव, क्या यहाँ कोई ऐसा है जो जगत्पूज्य तुम्हारे लिए भी पूज्य हो?'

श्लोक 51 (skanda.4.51.51)

त्वत्तश्चाविर्भवेदेतत्त्वयि सर्वं प्रलीयते ॥ त्वमेव पाता सर्वस्य जगतो जगतांनिधे

tvattaścāvirbhavedetattvayi sarvaṁ pralīyate || tvameva pātā sarvasya jagato jagatāṁnidhe

'यह सब तुमसे ही प्रकट होता है और तुम्हीं में सब कुछ विलीन हो जाता है; हे जगन्निधे, तुम्हीं समस्त जगत के रक्षक हो।'

श्लोक 52 (skanda.4.51.52)

इत्याश्चर्यं समालोक्य प्राप्तोस्म्यत्र तवांतिकम् ॥ किमिदं पूज्यते नाथ भवता भवतापहृत्

ityāścaryaṁ samālokya prāptosmyatra tavāṁtikam || kimidaṁ pūjyate nātha bhavatā bhavatāpahṛt

'यह आश्चर्य देखकर मैं तुम्हारे समीप आया हूँ; हे संसार-ताप-हारी नाथ, यह क्या है, जिसकी तुम पूजा कर रहे हो?'

श्लोक 53 (skanda.4.51.53)

इति श्रुत्वा हृषीकेशः सहस्रांशोरुदीरितम् ॥ उच्चैर्माशंस सप्ताश्वं वारयन्करसंज्ञया

iti śrutvā hṛṣīkeśaḥ sahasrāṁśorudīritam || uccairmāśaṁsa saptāśvaṁ vārayankarasaṁjñayā

सहस्ररश्मि सूर्य की यह बात सुनकर हृषीकेश ने हाथ के संकेत से सप्ताश्वों को रोकते हुए ऊँचे स्वर में कहा -

श्लोक 54 (skanda.4.51.54)

॥ श्रीविष्णुरुवाच ॥ देवदेवो महादेवो नीलकंठ उमापतिः ॥ एक एव हि पूज्योत्र सर्वकारणकारणम्

|| śrīviṣṇuruvāca || devadevo mahādevo nīlakaṁṭha umāpatiḥ || eka eva hi pūjyotra sarvakāraṇakāraṇam

श्रीविष्णु ने कहा - 'देवों के देव महादेव, नीलकण्ठ, उमापति - वे ही एकमात्र यहाँ पूज्य हैं, वे ही समस्त कारणों के कारण हैं।'

श्लोक 55 (skanda.4.51.55)

अत्र त्रिलोचनादन्यं समर्चयतियोल्पधीः ॥ सलोचनोपि विज्ञेयो लोचनाभ्यां विवर्जितः

atra trilocanādanyaṁ samarcayatiyolpadhīḥ || salocanopi vijñeyo locanābhyāṁ vivarjitaḥ

'जो यहाँ त्रिलोचन के अतिरिक्त किसी अन्य की पूजा करता है, वह अल्पबुद्धि है; नेत्र होते हुए भी वह दोनों नेत्रों से रहित ही समझा जाना चाहिए।'

श्लोक 56 (skanda.4.51.56)

एको मृत्युंजयः पूज्यो जन्ममृत्युजराहरः ॥ मृत्युंजयं किलाभ्यर्च्य श्वेतो मृत्युंजयोभवत्

eko mṛtyuṁjayaḥ pūjyo janmamṛtyujarāharaḥ || mṛtyuṁjayaṁ kilābhyarcya śveto mṛtyuṁjayobhavat

'एक मृत्युंजय ही पूज्य है, जो जन्म, मृत्यु और जरा को हरने वाला है; मृत्युंजय की आराधना करके ही श्वेत भी मृत्युंजय हो गया था।'

श्लोक 57 (skanda.4.51.57)

कालकालं समाराध्य भृंगी कालं जिगायवै ॥ शैलादिमपि तत्याज मृत्युर्मृत्युंजयार्चकम्

kālakālaṁ samārādhya bhṛṁgī kālaṁ jigāyavai || śailādimapi tatyāja mṛtyurmṛtyuṁjayārcakam

'कालकाल की आराधना करके भृंगी ने काल पर विजय पा ली; मृत्युंजय के आराधक शैलादि को भी मृत्यु ने छोड़ दिया।'

श्लोक 58 (skanda.4.51.58)

विजिग्ये त्रिपुरं यस्तु हेलयैकेषु मोक्षणात् ॥ तं समभ्यर्च्य भूतेशं को न पूज्यतमो भवेत्

vijigye tripuraṁ yastu helayaikeṣu mokṣaṇāt || taṁ samabhyarcya bhūteśaṁ ko na pūjyatamo bhavet

'जिसने एक ही बाण से लीलामात्र में त्रिपुर पर विजय पाई, उन भूतेश की आराधना करके कौन परम पूज्य नहीं बन जाता?'

श्लोक 59 (skanda.4.51.59)

त्रिजगज्जयिनो हेतोस्त्र्यक्षस्याराधनं परम् ॥ को नाराधयति ब्रध्नसारस्य स्मरविद्विषः

trijagajjayino hetostryakṣasyārādhanaṁ param || ko nārādhayati bradhnasārasya smaravidviṣaḥ

'तीनों लोकों पर विजय के लिए त्र्यक्ष की आराधना ही सर्वोपरि है; कामदेव के शत्रु, सूर्य के भी सार-स्वरूप शिव की आराधना कौन नहीं करता?'

श्लोक 60 (skanda.4.51.60)

यस्याक्षिपक्ष्मसंकोचाज्जगत्संकोचमेत्यदः ॥ विकस्वरं विकासाच्च कस्य पूज्यतमो न सः

yasyākṣipakṣmasaṁkocājjagatsaṁkocametyadaḥ || vikasvaraṁ vikāsācca kasya pūjyatamo na saḥ

'जिसकी पलकों के संकोच मात्र से यह जगत सिकुड़ जाता है और जिसके खुलने से विकसित हो उठता है, वे किसके लिए परम पूज्य नहीं हैं?'

श्लोक 61 (skanda.4.51.61)

शंभोर्लिंगं समभ्यर्च्य पुरुषार्थचतुष्टयम् ॥ प्राप्नोत्यत्र पुमान्सद्यो नात्र कार्या विचारणा

śaṁbhorliṁgaṁ samabhyarcya puruṣārthacatuṣṭayam || prāpnotyatra pumānsadyo nātra kāryā vicāraṇā

'शम्भु के लिंग की भलीभाँति पूजा करके मनुष्य यहाँ तत्काल चारों पुरुषार्थों को प्राप्त कर लेता है, इसमें कोई विचार करने की आवश्यकता नहीं।'

श्लोक 62 (skanda.4.51.62)

समर्च्य शांभवं लिंगमपिजन्मशतार्जितम् ॥ पापपुंजं जहात्येव पुमानत्र क्षणाद्ध्रुवम्

samarcya śāṁbhavaṁ liṁgamapijanmaśatārjitam || pāpapuṁjaṁ jahātyeva pumānatra kṣaṇāddhruvam

'शाम्भव लिंग की पूजा करके मनुष्य सौ जन्मों में अर्जित पापों के समूह को भी निश्चय ही क्षणभर में त्याग देता है।'

श्लोक 63 (skanda.4.51.63)

किंकिं न संभवेदत्र शिवलिंगसमर्चनात् ॥ पुत्राः कलत्र क्षेत्राणि स्वर्गो मोक्षोप्यसंशयम्

kiṁkiṁ na saṁbhavedatra śivaliṁgasamarcanāt || putrāḥ kalatra kṣetrāṇi svargo mokṣopyasaṁśayam

'शिवलिंग की पूजा से यहाँ क्या-क्या प्राप्त नहीं होता - पुत्र, पत्नी, भूमि, स्वर्ग और निःसंदेह मोक्ष भी।'

श्लोक 64 (skanda.4.51.64)

त्रैलोक्यैश्वर्यसंपत्तिर्मया प्राप्ता सहस्रगो ॥ शिवलिंगार्चनादेकात्सत्यंसत्यं पुनःपुनः

trailokyaiśvaryasaṁpattirmayā prāptā sahasrago || śivaliṁgārcanādekātsatyaṁsatyaṁ punaḥpunaḥ

'हे सहस्रगो! त्रिलोक के ऐश्वर्य की सम्पत्ति मैंने एक शिवलिंग की पूजा से ही प्राप्त की है - यह सत्य है, सत्य है, बार-बार सत्य है।'

श्लोक 65 (skanda.4.51.65)

अयमेव परोयोगस्त्विदमेव परं तपः ॥ इदमेव परं ज्ञानं स्थाणुलिंगं यदर्च्यते

ayameva paroyogastvidameva paraṁ tapaḥ || idameva paraṁ jñānaṁ sthāṇuliṁgaṁ yadarcyate

'यही परम योग है, यही परम तप है, यही परम ज्ञान है - स्थाणु के लिंग की जो पूजा की जाती है।'

श्लोक 66 (skanda.4.51.66)

यैर्लिंगं सकृदप्यत्र पूजितं पार्वतीपतेः ॥ कुतो दुःखभयं तेषां संसारे दुःखभाजने

yairliṁgaṁ sakṛdapyatra pūjitaṁ pārvatīpateḥ || kuto duḥkhabhayaṁ teṣāṁ saṁsāre duḥkhabhājane

'जिन्होंने यहाँ पार्वतीपति के लिंग की एक बार भी पूजा की है, उनके लिए इस दुःखमय संसार में भला कैसा दुःख और भय?'

श्लोक 67 (skanda.4.51.67)

सर्वं परित्यज्य रवे यो लिंगं शरणं गतः ॥ न तं पापानि बाधंते महांत्यपि दिवाकर

sarvaṁ parityajya rave yo liṁgaṁ śaraṇaṁ gataḥ || na taṁ pāpāni bādhaṁte mahāṁtyapi divākara

'हे रवि! जो सब कुछ त्यागकर लिंग की शरण में गया है, हे दिवाकर, बड़े-बड़े पाप भी उसे बाधा नहीं पहुँचा सकते।'

श्लोक 68 (skanda.4.51.68)

लिंगार्चने भवेद्वृद्धिस्तेषामेवात्र भास्कर ॥ येषां पुनर्भवच्छेदं चिकीर्षति महेश्वरः

liṁgārcane bhavedvṛddhisteṣāmevātra bhāskara || yeṣāṁ punarbhavacchedaṁ cikīrṣati maheśvaraḥ

'हे भास्कर! लिंग की पूजा में वृद्धि उन्हीं की होती है, जिनके पुनर्जन्म को महेश्वर काटना चाहते हैं।'

श्लोक 69 (skanda.4.51.69)

न लिंगाराधनात्पुण्यं त्रिषुलोकेषु चापरम् ॥ सर्वतीर्थाभिषेकः स्याल्लिंगस्नानांबु सेवनात्

na liṁgārādhanātpuṇyaṁ triṣulokeṣu cāparam || sarvatīrthābhiṣekaḥ syālliṁgasnānāṁbu sevanāt

'तीनों लोकों में लिंगाराधना से बढ़कर कोई पुण्य नहीं है; लिंग के स्नान-जल के सेवन से समस्त तीर्थों का अभिषेक हो जाता है।'

श्लोक 70 (skanda.4.51.70)

तस्माल्लिंगं त्वमप्यर्क समर्चय महेशितुः ॥ संप्राप्तं परमां लक्ष्मीं महातेजोभि जृंभणीम्

tasmālliṁgaṁ tvamapyarka samarcaya maheśituḥ || saṁprāptaṁ paramāṁ lakṣmīṁ mahātejobhi jṛṁbhaṇīm

'अतः, हे अर्क! तुम भी महेश्वर के लिंग की पूजा करो, जो परम लक्ष्मी को प्राप्त कराने वाला और महातेज को बढ़ाने वाला है।'

श्लोक 71 (skanda.4.51.71)

इति श्रुत्वा हरेर्वाक्यं तदारभ्य सहस्रगुः ॥ विधाय स्फाटिकं लिंगं मुनेद्यापि समर्चयेत्

iti śrutvā harervākyaṁ tadārabhya sahasraguḥ || vidhāya sphāṭikaṁ liṁgaṁ munedyāpi samarcayet

हरि के इस वचन को सुनकर सहस्रगु ने उसी समय से, हे मुने, एक स्फटिक लिंग बनाकर आज भी उसकी पूजा की है।

श्लोक 72 (skanda.4.51.72)

गुरुत्वेन तदाकल्य विवस्वानादिकेशवम् ॥ तत्रोपतिष्ठतेद्यापि उत्तरेणादिकेशवात्

gurutvena tadākalya vivasvānādikeśavam || tatropatiṣṭhatedyāpi uttareṇādikeśavāt

आदिकेशव को अपना गुरु मानकर विवस्वान आज भी आदिकेशव के उत्तर में वहीं विराजमान रहते हैं।

श्लोक 73 (skanda.4.51.73)

अतः स केशवादित्यः काश्यां भक्ततमोनुदः ॥ समर्चितः सदा देयान्मनसो वांछितं फलम्

ataḥ sa keśavādityaḥ kāśyāṁ bhaktatamonudaḥ || samarcitaḥ sadā deyānmanaso vāṁchitaṁ phalam

अतः वे काशी में केशवादित्य कहलाते हैं, भक्तों के अंधकार को दूर करने वाले; पूजित होने पर वे सदा मन की इच्छित फल प्रदान करते हैं।

श्लोक 74 (skanda.4.51.74)

केशवादित्यमाराध्य वाराणस्यां नरोत्तमः ॥ परमं ज्ञानमाप्नोति येन निर्वाणभाग्भवेत्

keśavādityamārādhya vārāṇasyāṁ narottamaḥ || paramaṁ jñānamāpnoti yena nirvāṇabhāgbhavet

वाराणसी में केशवादित्य की आराधना कर श्रेष्ठ मनुष्य परम ज्ञान प्राप्त करता है, जिससे वह निर्वाण का भागी बनता है।

श्लोक 75 (skanda.4.51.75)

तत्र पादोदके तीर्थेकृतसर्वोदकक्रियः ॥ विलोक्य केशवादित्यं मुच्यते जन्मपातकैः

tatra pādodake tīrthekṛtasarvodakakriyaḥ || vilokya keśavādityaṁ mucyate janmapātakaiḥ

वहाँ पादोदक तीर्थ में समस्त जलक्रियाएँ करके और केशवादित्य का दर्शन कर मनुष्य जन्म के पापों से मुक्त हो जाता है।

श्लोक 76 (skanda.4.51.76)

अगस्ते रथसप्तम्यां रविवारो यदाप्यते ॥ तदा पादोदके तीर्थे आदिकेशव सन्निधौ

agaste rathasaptamyāṁ ravivāro yadāpyate || tadā pādodake tīrthe ādikeśava sannidhau

हे अगस्त्य! जब रथसप्तमी को रविवार पड़ता है, तब पादोदक तीर्थ में, आदिकेशव की समीपता में—

श्लोक 77 (skanda.4.51.77)

स्नात्वोषसि नरो मौनी केशवादित्यपूजनात् ॥ सप्तजन्मार्जितात्पापान्मुक्तो भवति तत्क्षणात्

snātvoṣasi naro maunī keśavādityapūjanāt || saptajanmārjitātpāpānmukto bhavati tatkṣaṇāt

—प्रातःकाल मौन रहकर स्नान करने वाला मनुष्य केशवादित्य की पूजा से सात जन्मों में अर्जित पापों से तत्काल मुक्त हो जाता है।

श्लोक 78 (skanda.4.51.78)

यद्यज्जन्मकृतं पापं मया सप्तसु जन्मसु ॥ तन्मे रोगं च शोकं च माकरी हंतु सप्तमी

yadyajjanmakṛtaṁ pāpaṁ mayā saptasu janmasu || tanme rogaṁ ca śokaṁ ca mākarī haṁtu saptamī

'मैंने सात जन्मों में जो-जो पाप किया है, वह, तथा मेरे रोग और शोक को, यह माकरी सप्तमी नष्ट करे।'

श्लोक 79 (skanda.4.51.79)

एतज्जन्मकृतं पापं यच्च जन्मांतरार्जितम् ॥ मनोवाक्कायजं यच्च ज्ञाताज्ञाते च ये पुनः

etajjanmakṛtaṁ pāpaṁ yacca janmāṁtarārjitam || manovākkāyajaṁ yacca jñātājñāte ca ye punaḥ

'इस जन्म में किया गया पाप, अन्य जन्मों में अर्जित पाप, मन, वाणी और शरीर से उत्पन्न पाप, तथा जो ज्ञात या अज्ञात हों—

श्लोक 80 (skanda.4.51.80)

इति सप्तविधं पापं स्नानान्मे सप्तसप्तिके ॥ सप्तव्याधिसमायुक्तं हर माकरि सप्तमि

iti saptavidhaṁ pāpaṁ snānānme saptasaptike || saptavyādhisamāyuktaṁ hara mākari saptami

—हे सप्तसप्तिके, इस स्नान से मेरे इस सातों प्रकार के पाप को, सात व्याधियों सहित, हे माकरि सप्तमी, हर लो।'

श्लोक 81 (skanda.4.51.81)

एतन्मंत्रत्रयं जप्त्वा स्नात्वा पादोदके नरः ॥ केशवादित्यमालोक्य क्षणान्निष्कलुषो भवेत्

etanmaṁtratrayaṁ japtvā snātvā pādodake naraḥ || keśavādityamālokya kṣaṇānniṣkaluṣo bhavet

इन तीन मंत्रों का जप कर पादोदक में स्नान करके मनुष्य केशवादित्य का दर्शन करते ही क्षणभर में निष्पाप हो जाता है।

श्लोक 82 (skanda.4.51.82)

केशवादित्यमाहात्म्यं शृण्वञ्श्रद्धासमन्वितः ॥ नरो न लिप्यते पापैः शिवभक्तिं च विंदति

keśavādityamāhātmyaṁ śṛṇvañśraddhāsamanvitaḥ || naro na lipyate pāpaiḥ śivabhaktiṁ ca viṁdati

श्रद्धायुक्त होकर केशवादित्य का माहात्म्य सुनने वाला मनुष्य पापों से लिप्त नहीं होता और शिवभक्ति को प्राप्त करता है।

श्लोक 83 (skanda.4.51.83)

॥स्कंद उवाच॥ अतः परं शृणु मुने विमलादित्यमुत्तमम् ॥ हरिकेशवने रम्ये वाराणस्यां व्यवस्थितम्

||skaṁda uvāca|| ataḥ paraṁ śṛṇu mune vimalādityamuttamam || harikeśavane ramye vārāṇasyāṁ vyavasthitam

स्कन्द ने कहा - अब, हे मुने, वाराणसी के रमणीय हरिकेशवन में स्थित उत्तम विमलादित्य के विषय में सुनो।

श्लोक 84 (skanda.4.51.84)

उच्चदेशेभवत्पूर्वं विमलो नाम बाहुजः ॥ स प्राक्तनात्कर्मयोगाद्विमले पथ्यपि स्थितः

uccadeśebhavatpūrvaṁ vimalo nāma bāhujaḥ || sa prāktanātkarmayogādvimale pathyapi sthitaḥ

पूर्वकाल में किसी उच्च देश में विमल नामक एक बाहुज (क्षत्रिय) था; पूर्वकर्म के प्रभाव से वह पवित्र मार्ग में रहते हुए भी रोगग्रस्त हुआ।

श्लोक 85 (skanda.4.51.85)

कुष्ठरोगमवाप्योच्चैस्त्यक्त्वा दारान्गृहं वसु ॥ वाराणसीं समासाद्य ब्रध्नमाराधयत्सुधीः

kuṣṭharogamavāpyoccaistyaktvā dārāngṛhaṁ vasu || vārāṇasīṁ samāsādya bradhnamārādhayatsudhīḥ

अत्यधिक कुष्ठरोग को प्राप्त होकर उसने पत्नी, घर और धन त्याग दिए, और वाराणसी पहुँचकर उस बुद्धिमान ने सूर्य की आराधना की।

श्लोक 86 (skanda.4.51.86)

करवीरैर्जपाभिश्च गंधकैः किंशुकैः शुभैः ॥ रक्तोत्पलैरशोकैश्च स समानर्च भास्करम्

karavīrairjapābhiśca gaṁdhakaiḥ kiṁśukaiḥ śubhaiḥ || raktotpalairaśokaiśca sa samānarca bhāskaram

करवीर, जपापुष्प, गंध, शुभ किंशुक, रक्तकमल और अशोक पुष्पों से उसने भास्कर की पूजा की।

श्लोक 87 (skanda.4.51.87)

विचित्ररचनैर्माल्यैः पाटलाचंपकोद्भवैः ॥ कुंकुमागुरुकर्पूरमिश्रितैः शोणचंदनैः

vicitraracanairmālyaiḥ pāṭalācaṁpakodbhavaiḥ || kuṁkumāgurukarpūramiśritaiḥ śoṇacaṁdanaiḥ

विचित्र रचना वाली, पाटल और चम्पा के फूलों की मालाओं से, तथा कुंकुम, अगुरु और कर्पूर से मिश्रित रक्तचंदन से—

श्लोक 88 (skanda.4.51.88)

देवमोहनधूपैश्च बह्वामोदततांबरैः ॥ कर्पूरवर्तिदीपैश्च नैवेद्यैर्घृतपायसैः

devamohanadhūpaiśca bahvāmodatatāṁbaraiḥ || karpūravartidīpaiśca naivedyairghṛtapāyasaiḥ

—देवताओं को भी मोहित करने वाली धूप से, अत्यन्त सुगन्धित वस्त्रों से, कर्पूर की बत्ती वाले दीपों से, तथा घृतयुक्त खीर के नैवेद्य से—

श्लोक 89 (skanda.4.51.89)

अर्घदानैश्च विधिवत्सौरेः स्तोत्रजपैरपि ॥ एवं समाराधयतस्तस्यार्को वरदोभवत्

arghadānaiśca vidhivatsaureḥ stotrajapairapi || evaṁ samārādhayatastasyārko varadobhavat

—और विधिपूर्वक अर्घ्यदान तथा सूर्य-स्तोत्रों के जप से - इस प्रकार आराधना करने वाले उसके लिए सूर्य वरदाता हो गए।

श्लोक 90 (skanda.4.51.90)

उवाच च वरं ब्रूहि विमलामलचेष्टित ॥ कुष्ठश्च ते प्रयात्वेष प्रार्थयान्यं वरं पुनः

uvāca ca varaṁ brūhi vimalāmalaceṣṭita || kuṣṭhaśca te prayātveṣa prārthayānyaṁ varaṁ punaḥ

उन्होंने कहा - 'हे निर्मल आचरण वाले विमल, वर माँगो; तुम्हारा यह कुष्ठ रोग दूर हो जाए, और इसके अतिरिक्त कोई और वर माँगो।'

श्लोक 91 (skanda.4.51.91)

आकर्ण्य विमलश्चेत्थमालापं रश्मिमालिनः ॥ प्रणतो दंडवद्भूमौ संप्रहष्टतनूरुहः

ākarṇya vimalaścetthamālāpaṁ raśmimālinaḥ || praṇato daṁḍavadbhūmau saṁprahaṣṭatanūruhaḥ

रश्मिमाली सूर्य के इन वचनों को सुनकर विमल, हर्ष से रोमांचित होकर, दण्ड के समान भूमि पर प्रणत हो गया।

श्लोक 92 (skanda.4.51.92)

शनैर्विज्ञापयांचक्र एकचक्ररथं रविम् ॥ जगच्चक्षुरमेयात्मन्महाध्वांतविधूनन

śanairvijñāpayāṁcakra ekacakrarathaṁ ravim || jagaccakṣurameyātmanmahādhvāṁtavidhūnana

उसने धीरे-धीरे एकचक्र-रथ वाले सूर्य से निवेदन किया - 'हे जगच्चक्षु, हे अमेय आत्मन्, हे महान अंधकार को दूर करने वाले—

श्लोक 93 (skanda.4.51.93)

यदि प्रसन्नो भगवन्यदि देयो वरो मम ॥ तदा त्वद्भक्तिनिष्ठा ये कुष्ठं मास्तु तदन्वये

yadi prasanno bhagavanyadi deyo varo mama || tadā tvadbhaktiniṣṭhā ye kuṣṭhaṁ māstu tadanvaye

'—यदि आप प्रसन्न हैं, हे भगवन्, यदि मुझे वर देना है, तो जो आपकी भक्ति में निष्ठावान हैं, उनके वंश में कुष्ठ न हो।'

श्लोक 94 (skanda.4.51.94)

अन्येपि रोगा मा संतु मास्तु तेषां दरिद्रता ॥ मास्तु कश्चन संतापस्त्वद्भक्तानां सहस्रगो

anyepi rogā mā saṁtu māstu teṣāṁ daridratā || māstu kaścana saṁtāpastvadbhaktānāṁ sahasrago

'अन्य रोग भी न हों, उन्हें दरिद्रता न हो; हे सहस्रगो, तुम्हारे भक्तों को कोई संताप न हो।'

श्लोक 95 (skanda.4.51.95)

॥श्रीसूर्य उवाच॥ तथास्त्विति महाप्राज्ञ शृण्वन्यं वरमुत्तमम् ॥ त्वयेयं पूजिता मूर्तिरेवं काश्यां महामते

||śrīsūrya uvāca|| tathāstviti mahāprājña śṛṇvanyaṁ varamuttamam || tvayeyaṁ pūjitā mūrtirevaṁ kāśyāṁ mahāmate

श्रीसूर्य ने कहा - 'हे महाप्राज्ञ, ऐसा ही हो' - इस श्रेष्ठ वर को सुनकर - 'हे महामते, तुम्हारे द्वारा काशी में पूजित यह मूर्ति—

श्लोक 96 (skanda.4.51.96)

अस्याः सान्निध्यमत्राहं न त्यक्ष्यामि कदाचन ॥ प्रथिता तव नाम्ना च प्रतिमैषा भविष्यति

asyāḥ sānnidhyamatrāhaṁ na tyakṣyāmi kadācana || prathitā tava nāmnā ca pratimaiṣā bhaviṣyati

'—मैं इस मूर्ति में अपनी सन्निधि यहाँ कभी नहीं छोड़ूँगा; और यह प्रतिमा तुम्हारे ही नाम से विख्यात होगी।'

श्लोक 97 (skanda.4.51.97)

विमलादित्य इत्याख्या भक्तानां वरदा सदा ॥ सर्वव्याधि निहंत्री च सर्वपापक्षयंकरी

vimalāditya ityākhyā bhaktānāṁ varadā sadā || sarvavyādhi nihaṁtrī ca sarvapāpakṣayaṁkarī

'विमलादित्य नाम से जानी जाने वाली, भक्तों को सदा वरदान देने वाली, सर्वव्याधिनाशिनी और सर्वपापक्षयंकरी होगी।'

श्लोक 98 (skanda.4.51.98)

इति दत्त्वा वरान्सूर्यस्तत्रैवांतरधीयत ॥ विमलो निर्मलतनुः सोपि स्वभवनं ययौ

iti dattvā varānsūryastatraivāṁtaradhīyata || vimalo nirmalatanuḥ sopi svabhavanaṁ yayau

इस प्रकार वर देकर सूर्य वहीं अन्तर्धान हो गए; निर्मल शरीर हुआ विमल भी अपने घर लौट गया।

श्लोक 99 (skanda.4.51.99)

इत्थं स विमलादित्यो वाराणस्यां शुभप्रदः ॥ तस्य दर्शनमात्रेण कुष्ठरोगः प्रणश्यति

itthaṁ sa vimalādityo vārāṇasyāṁ śubhapradaḥ || tasya darśanamātreṇa kuṣṭharogaḥ praṇaśyati

इस प्रकार वाराणसी में शुभप्रद वे विमलादित्य हैं - उनके दर्शन मात्र से कुष्ठरोग नष्ट हो जाता है।

श्लोक 100 (skanda.4.51.100)

यश्चैतां विमलादित्यकथां वै शृणुयान्नरः ॥ प्राप्नोति निर्मलां शुद्धिं त्यज्यते च मनोमलैः

yaścaitāṁ vimalādityakathāṁ vai śṛṇuyānnaraḥ || prāpnoti nirmalāṁ śuddhiṁ tyajyate ca manomalaiḥ

जो मनुष्य इस विमलादित्य की कथा को सुनता है, वह निर्मल शुद्धि को प्राप्त करता है और मन के मलों से मुक्त हो जाता है।

श्लोक 101 (skanda.4.51.101)

॥स्कंद उवाच॥ गंगादित्योस्ति तत्रान्यो विश्वेशाद्दक्षिणेन वै ॥ तस्य दर्शनमात्रेण नरः शुद्धिमियादिह

||skaṁda uvāca|| gaṁgādityosti tatrānyo viśveśāddakṣiṇena vai || tasya darśanamātreṇa naraḥ śuddhimiyādiha

स्कन्द ने कहा - वहाँ विश्वेश के दक्षिण में एक अन्य गंगादित्य हैं; उनके दर्शन मात्र से मनुष्य यहाँ शुद्धि को प्राप्त होता है।

श्लोक 102 (skanda.4.51.102)

यदा गंगा समायाता भगीरथपुरस्कृता ॥ तदा गंगां परिष्टोतुं रविस्तत्रैव संस्थितः

yadā gaṁgā samāyātā bhagīrathapuraskṛtā || tadā gaṁgāṁ pariṣṭotuṁ ravistatraiva saṁsthitaḥ

जब भगीरथ द्वारा अगुवाई की गई गंगा आईं, तब गंगा की स्तुति करने के लिए सूर्य वहीं स्थित हो गए।

श्लोक 103 (skanda.4.51.103)

अद्याप्यहर्निशं गंगां संमुखीकृत्य भास्करः ॥ परिष्टौति प्रसन्नात्मा गंगाभक्तवरप्रदः

adyāpyaharniśaṁ gaṁgāṁ saṁmukhīkṛtya bhāskaraḥ || pariṣṭauti prasannātmā gaṁgābhaktavarapradaḥ

आज भी दिन-रात भास्कर, गंगा के सम्मुख होकर, प्रसन्न मन से उनकी स्तुति करते हैं, और गंगाभक्तों को वर प्रदान करते हैं।

श्लोक 104 (skanda.4.51.104)

गंगादित्यं समाराध्य वाराणस्यां नरोत्तमः ॥ दुर्गतिं जातु न क्वापि लभते न च रोगभाक्

gaṁgādityaṁ samārādhya vārāṇasyāṁ narottamaḥ || durgatiṁ jātu na kvāpi labhate na ca rogabhāk

वाराणसी में गंगादित्य की आराधना करने वाला श्रेष्ठ मनुष्य कभी कहीं भी दुर्गति को प्राप्त नहीं होता और न रोगी होता है।

श्लोक 105 (skanda.4.51.105)

॥स्कंद उवाच॥ अन्यच्छृणु महाभाग यमादित्यस्य संभवम्॥ यच्छ्रुत्वापि नरो जातु यमलोकं न पश्यति

||skaṁda uvāca|| anyacchṛṇu mahābhāga yamādityasya saṁbhavam|| yacchrutvāpi naro jātu yamalokaṁ na paśyati

स्कन्द ने कहा - हे महाभाग, अब यमादित्य की उत्पत्ति सुनो; जिसे सुनकर मनुष्य कभी यमलोक को नहीं देखता।

श्लोक 106 (skanda.4.51.106)

यमेशात्पश्चिमे भागे वीरेशात्पूर्वतो मुने ॥ यमादित्यं नरो दृष्ट्वा यमलोकं न पश्यति

yameśātpaścime bhāge vīreśātpūrvato mune || yamādityaṁ naro dṛṣṭvā yamalokaṁ na paśyati

हे मुने! यमेश के पश्चिम और वीरेश के पूर्व में स्थित यमादित्य का दर्शन करके मनुष्य यमलोक को नहीं देखता।

श्लोक 107 (skanda.4.51.107)

यमतीर्थे नरः स्नात्वा भूतायां भौमवासरे ॥ यमेश्वरं विलोक्याशु सर्वैः पापैः प्रमुच्यते

yamatīrthe naraḥ snātvā bhūtāyāṁ bhaumavāsare || yameśvaraṁ vilokyāśu sarvaiḥ pāpaiḥ pramucyate

यमतीर्थ में भरणी नक्षत्र से युक्त मंगलवार को स्नान करके यमेश्वर का दर्शन करने वाला मनुष्य शीघ्र ही सब पापों से मुक्त हो जाता है।

श्लोक 108 (skanda.4.51.108)

यमतीर्थे यमः पूर्वं तप्त्वा सुविमलं तपः ॥ यमेशं च यमादित्यं प्रत्यष्ठाद्भक्तसिद्धिदम्

yamatīrthe yamaḥ pūrvaṁ taptvā suvimalaṁ tapaḥ || yameśaṁ ca yamādityaṁ pratyaṣṭhādbhaktasiddhidam

यमतीर्थ में स्वयं यम ने पूर्वकाल में विशुद्ध तप करके भक्तों को सिद्धि देने वाले यमेश और यमादित्य की स्थापना की।

श्लोक 109 (skanda.4.51.109)

यमेन स्थापितो यस्मादादित्यस्तत्र कुंभज ॥ अतः स हि यमादित्यो यामीं हरति यातनाम्

yamena sthāpito yasmādādityastatra kuṁbhaja || ataḥ sa hi yamādityo yāmīṁ harati yātanām

हे कुम्भज! चूँकि सूर्य वहाँ यम द्वारा स्थापित किए गए, अतः वे ही यमादित्य हैं, जो यम-सम्बन्धी यातना को हर लेते हैं।

श्लोक 110 (skanda.4.51.110)

यमेशं च यमादित्यं यमेन स्थापितं नमन् ॥ यमतीर्थे कृतस्नानो यमलोकं न पश्यति

yameśaṁ ca yamādityaṁ yamena sthāpitaṁ naman || yamatīrthe kṛtasnāno yamalokaṁ na paśyati

यमतीर्थ में स्नान करके यम द्वारा स्थापित यमेश और यमादित्य को नमस्कार करने वाला मनुष्य यमलोक को नहीं देखता।

श्लोक 111 (skanda.4.51.111)

यमतीर्थे चतुर्दश्यां भरण्यां भौमवासरे ॥ तर्पणं पिंडदानं च कृत्वा पित्रनृणी भवेत्

yamatīrthe caturdaśyāṁ bharaṇyāṁ bhaumavāsare || tarpaṇaṁ piṁḍadānaṁ ca kṛtvā pitranṛṇī bhavet

यमतीर्थ में चतुर्दशी को भरणी नक्षत्र सहित मंगलवार के दिन तर्पण और पिण्डदान करके मनुष्य पितरों के ऋण से मुक्त हो जाता है।

श्लोक 112 (skanda.4.51.112)

अभिलष्यंति सततं पितरो नरकौकसः ॥ भौमै भरण्यां भूतायां यदि योगोयमुत्तमम्

abhilaṣyaṁti satataṁ pitaro narakaukasaḥ || bhaumai bharaṇyāṁ bhūtāyāṁ yadi yogoyamuttamam

नरकवासी पितर सदा इसी की अभिलाषा करते रहते हैं कि 'यह उत्तम योग - मंगलवार और भरणी नक्षत्र का संयोग - हो जाए।'

श्लोक 113 (skanda.4.51.113)

काश्यां कश्चिद्यमे तीर्थे कृत्वा स्नानं महामतिः ॥ अपि यस्तर्पणंकुर्यात्सतिलं नो विमुक्तये

kāśyāṁ kaścidyame tīrthe kṛtvā snānaṁ mahāmatiḥ || api yastarpaṇaṁkuryātsatilaṁ no vimuktaye

काशी में यमतीर्थ में स्नान करके भला ऐसा कौन महामति होगा जो मुक्ति के लिए तिलयुक्त तर्पण न करे?

श्लोक 114 (skanda.4.51.114)

किं गया गमनैः पुंसां किं श्राद्धैर्भूरिदक्षिणैः ॥ यदि काश्यां यमे तीर्थे योगेस्मिञ्श्राद्धमाप्यते

kiṁ gayā gamanaiḥ puṁsāṁ kiṁ śrāddhairbhūridakṣiṇaiḥ || yadi kāśyāṁ yame tīrthe yogesmiñśrāddhamāpyate

यदि काशी में यमतीर्थ पर इस योग में श्राद्ध प्राप्त हो जाता है, तो मनुष्यों को गया जाने से क्या और अधिक दक्षिणा वाले श्राद्धों से क्या लाभ?

श्लोक 115 (skanda.4.51.115)

श्राद्धं कृत्वा यमे तीर्थे पूजयित्वा यमेश्वरम् ॥ यमादित्यं नमस्कृत्य पितॄणामनृणो भवेत्

śrāddhaṁ kṛtvā yame tīrthe pūjayitvā yameśvaram || yamādityaṁ namaskṛtya pitṝṇāmanṛṇo bhavet

यमतीर्थ में श्राद्ध करके, यमेश्वर की पूजा करके और यमादित्य को नमस्कार करके मनुष्य पितरों के ऋण से मुक्त हो जाता है।

श्लोक 116 (skanda.4.51.116)

॥स्कंद उवाच॥ इति ते द्वादशादित्याः कथिता पापनाशनाः ॥ यत्संभवं समाकर्ण्य नरो न निरयी भवेत्

||skaṁda uvāca|| iti te dvādaśādityāḥ kathitā pāpanāśanāḥ || yatsaṁbhavaṁ samākarṇya naro na nirayī bhavet

स्कन्द ने कहा - इस प्रकार तुम्हें पापनाशक द्वादश आदित्य बताए गए; जिनकी उत्पत्ति को सुनकर मनुष्य नरकगामी नहीं होता।

श्लोक 117 (skanda.4.51.117)

अन्येपि संति घटज रविभक्तैरनेकशः ॥ काश्यां संस्थापिताः सूर्या गुह्यकार्कादयः किल

anyepi saṁti ghaṭaja ravibhaktairanekaśaḥ || kāśyāṁ saṁsthāpitāḥ sūryā guhyakārkādayaḥ kila

हे घटज! इसके अतिरिक्त भी सूर्यभक्तों द्वारा काशी में स्थापित अनेक सूर्य हैं, जैसे गुह्यकार्क आदि।

श्लोक 118 (skanda.4.51.118)

श्रुत्वाध्यायानिमान्पुण्यान्द्वादशादित्यसूचकान् ॥ श्रावयित्वापि नो मर्त्यो दुर्गतिं याति कुत्रचित्

śrutvādhyāyānimānpuṇyāndvādaśādityasūcakān || śrāvayitvāpi no martyo durgatiṁ yāti kutracit

इन पुण्यदायक, द्वादश आदित्यों का वर्णन करने वाले अध्यायों को सुनकर या सुनाकर मनुष्य कहीं भी दुर्गति को नहीं प्राप्त होता।