काशी खण्ड · अध्याय 54
पिशाचमोचन तीर्थ की कथा
श्लोक 1 (skanda.4.54.1)
॥स्कंद उवाच॥ कुंभसंभव वक्ष्यामि शृणोत्ववहितो भवान् ॥ कपर्दीशस्य लिंगस्य महामाहात्म्यमुत्तमम्
||skaṁda uvāca|| kuṁbhasaṁbhava vakṣyāmi śṛṇotvavahito bhavān || kapardīśasya liṁgasya mahāmāhātmyamuttamam
स्कन्द ने कहा - हे कुम्भसम्भव! मैं कहता हूँ, तुम सावधान होकर सुनो - कपर्दीश लिंग की उत्तम महामहिमा।
श्लोक 2 (skanda.4.54.2)
कपर्दी नाम गणपः शंभोरत्यंतवल्लभः ॥ पित्रीशादुत्तरे भागे लिंगं संस्थाप्य शांभवम्
kapardī nāma gaṇapaḥ śaṁbhoratyaṁtavallabhaḥ || pitrīśāduttare bhāge liṁgaṁ saṁsthāpya śāṁbhavam
कपर्दी नामक गणपति शम्भु के अत्यन्त प्रिय हैं; उन्होंने पित्रीश के उत्तर भाग में शाम्भव लिंग की स्थापना की।
श्लोक 3 (skanda.4.54.3)
कुंडं चखान तस्याग्रे विमलोदक संज्ञकम् ॥ यस्य तोयस्य संस्पर्शाद्विमलो जायते नरः
kuṁḍaṁ cakhāna tasyāgre vimalodaka saṁjñakam || yasya toyasya saṁsparśādvimalo jāyate naraḥ
उसके सामने विमलोदक नामक कुण्ड खोदा, जिसके जल के स्पर्श मात्र से मनुष्य निर्मल हो जाता है।
श्लोक 4 (skanda.4.54.4)
इतिहासं प्रवक्ष्यामि तत्र त्रेतायुगे पुरा ॥ यथावृत्तं कुंभयोने श्रवणात्पातकापहम्
itihāsaṁ pravakṣyāmi tatra tretāyuge purā || yathāvṛttaṁ kuṁbhayone śravaṇātpātakāpaham
मैं वहाँ का इतिहास बताता हूँ, हे कुम्भयोने! जो त्रेतायुग में पूर्वकाल में हुआ था, जिसे सुनने मात्र से पाप दूर होता है।
श्लोक 5 (skanda.4.54.5)
एकः पाशुपत श्रेष्ठो वाल्मीकिरिति संज्ञितः ॥ तपश्चचार स मुनिः कपर्दीशं समर्चयन्
ekaḥ pāśupata śreṣṭho vālmīkiriti saṁjñitaḥ || tapaścacāra sa muniḥ kapardīśaṁ samarcayan
वाल्मीकि नामक एक श्रेष्ठ पाशुपत मुनि, कपर्दीश की अर्चना करते हुए तपस्या करते थे।
श्लोक 6 (skanda.4.54.6)
एकदा स हि हेमंते मार्गे मासि तपोधनः ॥ स्नात्वा तत्र महातीर्थे मध्याह्ने विमलोदके
ekadā sa hi hemaṁte mārge māsi tapodhanaḥ || snātvā tatra mahātīrthe madhyāhne vimalodake
एक बार हेमन्त ऋतु के मार्गशीर्ष मास में, वह तपोधन मध्याह्न के समय उस महातीर्थ विमलोदक में स्नान करके-
श्लोक 7 (skanda.4.54.7)
चकार भस्मना स्नानमापादतलमस्तकम् ॥ लिंगस्य दक्षिणेभागे कृतमाध्याह्निकक्रियः
cakāra bhasmanā snānamāpādatalamastakam || liṁgasya dakṣiṇebhāge kṛtamādhyāhnikakriyaḥ
-आपाद-मस्तक भस्म से स्नान किया, और लिंग के दक्षिण भाग में मध्याह्न की क्रिया सम्पन्न कर-
श्लोक 8 (skanda.4.54.8)
न्यस्तमस्तकपांसुश्च संध्यामाध्यात्मिकीं स्मरन् ॥ जपन्पंचाक्षरीं विद्यां ध्यायन्देवं कपर्दिनम्
nyastamastakapāṁsuśca saṁdhyāmādhyātmikīṁ smaran || japanpaṁcākṣarīṁ vidyāṁ dhyāyandevaṁ kapardinam
-मस्तक पर धूलि रखकर आध्यात्मिक सन्ध्या का स्मरण करते हुए, पंचाक्षरी विद्या का जप करते हुए, कपर्दी देव का ध्यान करते हुए-
श्लोक 9 (skanda.4.54.9)
कृत्वा संहारमार्गेण सप्रमाणं प्रदक्षिणाम् ॥ हुडुंकृत्य हुडुंकृत्य हुडुंकृत्य त्रिरुच्चकैः
kṛtvā saṁhāramārgeṇa sapramāṇaṁ pradakṣiṇām || huḍuṁkṛtya huḍuṁkṛtya huḍuṁkṛtya triruccakaiḥ
-संहार-मार्ग से नियम के अनुसार प्रदक्षिणा करते हुए, तीन बार जोर से 'हुडुं हुडुं हुडुं' का उच्चारण करते हुए-
श्लोक 10 (skanda.4.54.10)
प्रणवं पुरतः कृत्वा षड्जादिस्वरभेदतः ॥ गीतं विधाय सानंदं सनृत्यं हस्तकान्वितम्
praṇavaṁ purataḥ kṛtvā ṣaḍjādisvarabhedataḥ || gītaṁ vidhāya sānaṁdaṁ sanṛtyaṁ hastakānvitam
-प्रणव को आगे रखकर, षड्ज आदि स्वर-भेदों से आनन्दपूर्वक गीत गाते हुए, हाथों सहित नृत्य करते हुए-
श्लोक 11 (skanda.4.54.11)
अंगहारैर्मनोहारि चारी मंडलसंयुतम् ॥ क्षणं तत्र सरस्तीरे उपविष्टो महातपाः
aṁgahārairmanohāri cārī maṁḍalasaṁyutam || kṣaṇaṁ tatra sarastīre upaviṣṭo mahātapāḥ
-मनोहर अंगहारों से, मण्डलाकार गति से युक्त होकर, वह महातपस्वी क्षणभर उस सरोवर के तट पर बैठे थे।
श्लोक 12 (skanda.4.54.12)
अद्राक्षीद्राक्षसं घोरमतीव विकृताकृतिम् ॥ शुष्कशंखकपोलास्यं निमग्ना पिंगलोचनम्
adrākṣīdrākṣasaṁ ghoramatīva vikṛtākṛtim || śuṣkaśaṁkhakapolāsyaṁ nimagnā piṁgalocanam
उन्होंने एक अत्यन्त विकृत आकृति वाले भयंकर राक्षस को देखा - सूखे शंख जैसे गाल और मुख वाले, धँसी हुई पीली आँखों वाले,
श्लोक 13 (skanda.4.54.13)
रूक्षस्फुटितकेशाग्रं महालंब शिरोधरम् ॥ अतीव चिपिट घ्राणं शुष्कौष्ठमतिदंतुरम्
rūkṣasphuṭitakeśāgraṁ mahālaṁba śirodharam || atīva cipiṭa ghrāṇaṁ śuṣkauṣṭhamatidaṁturam
रूखे और फटे हुए बालों की नोक वाले, महान लम्बी गर्दन वाले, अत्यन्त चपटी नाक वाले, सूखे होठों और अत्यधिक टेढ़े दाँतों वाले,
श्लोक 14 (skanda.4.54.14)
महाविशालमौलिं च प्रोर्ध्वीभूतशिरोरुहम् ॥ प्रलंबकर्णपालीकं पिंगलश्मश्रुभीषणम्
mahāviśālamauliṁ ca prordhvībhūtaśiroruham || pralaṁbakarṇapālīkaṁ piṁgalaśmaśrubhīṣaṇam
महाविशाल मस्तक वाले, ऊपर की ओर खड़े हुए सिर के बालों वाले, लटकते हुए कान की झिल्लियों वाले, पीली दाढ़ी-मूँछों से भयानक,
श्लोक 15 (skanda.4.54.15)
प्रलंबित ललज्जिह्वमत्युत्कट कृकाटिकम् ॥ स्थूलास्थि जत्रु संस्थानं दीर्घस्कंधद्वयोत्कटम्
pralaṁbita lalajjihvamatyutkaṭa kṛkāṭikam || sthūlāsthi jatru saṁsthānaṁ dīrghaskaṁdhadvayotkaṭam
लटकती हुई लाल जीभ वाले, अत्यन्त उभरी हुई गर्दन की हड्डी वाले, मोटी हड्डी वाले कन्धों के जोड़ वाले, दोनों लम्बे और उभरे हुए कन्धों वाले,
श्लोक 16 (skanda.4.54.16)
निमग्नकक्षाकुहरं शुष्कह्रस्व भुजद्वयम् ॥ विरलांगुलिहस्ताग्रं नतपीन नखावलिम्
nimagnakakṣākuharaṁ śuṣkahrasva bhujadvayam || viralāṁgulihastāgraṁ natapīna nakhāvalim
धँसी हुई बगलों की गुहाओं वाले, सूखी और छोटी दोनों भुजाओं वाले, विरल उँगलियों वाले हाथों के अग्रभाग वाले, झुके हुए मोटे नाखूनों की पंक्ति वाले,
श्लोक 17 (skanda.4.54.17)
विशुष्क पांसुलोत्क्रोडं पृष्ठलग्नोदरत्वचम् ॥ कटीतटेन विकटं निर्मांसत्रिकबंधनम्
viśuṣka pāṁsulotkroḍaṁ pṛṣṭhalagnodaratvacam || kaṭītaṭena vikaṭaṁ nirmāṁsatrikabaṁdhanam
अत्यन्त सूखी और धूल भरी बगल वाले, पीठ से सटी हुई पेट की त्वचा वाले, विकट कमर के किनारों वाले, माँसरहित त्रिक-बन्धन वाले,
श्लोक 18 (skanda.4.54.18)
प्रलंब स्फिग्युगयुतं शुष्कमुष्काल्पमेहनम् ॥ दीर्घनिर्मांसलोरूकं स्थूलजान्वस्थिपंजरम्
pralaṁba sphigyugayutaṁ śuṣkamuṣkālpamehanam || dīrghanirmāṁsalorūkaṁ sthūlajānvasthipaṁjaram
दोनों लम्बे लटकते हुए नितम्बों वाले, सूखे अण्डकोषों और अत्यन्त छोटे लिंग वाले, लम्बी माँसरहित जाँघों वाले, मोटी घुटनों की हड्डियों वाले पंजरनुमा शरीर वाले,
श्लोक 19 (skanda.4.54.19)
अस्थिचर्मावशेषं च शिराजालितविग्रहम् ॥ शिरालं दीर्घजंघं च स्थूलगुल्फास्थिभीषणम्
asthicarmāvaśeṣaṁ ca śirājālitavigraham || śirālaṁ dīrghajaṁghaṁ ca sthūlagulphāsthibhīṣaṇam
हड्डी और चमड़ी मात्र शेष शरीर वाले, शिराओं के जाल से बुने हुए शरीर वाले, नसों से उभरी और लम्बी पिंडलियों वाले, मोटी और भयंकर टखनों की हड्डियों वाले,
श्लोक 20 (skanda.4.54.20)
अतिविस्तृत पादं च दीर्घवक्रकृशांगुलिम् ॥ अस्थिचर्मावशेषेण शिराताडितविग्रहम्
ativistṛta pādaṁ ca dīrghavakrakṛśāṁgulim || asthicarmāvaśeṣeṇa śirātāḍitavigraham
अत्यन्त चौड़े पैरों वाले, लम्बी और टेढ़ी कृश उँगलियों वाले, हड्डी-चमड़ी मात्र शेष और शिराओं से पीड़ित शरीर वाले,
श्लोक 21 (skanda.4.54.21)
विकटं भीषणाकारं क्षुत्क्षाममतिलोमशम् ॥ दावदग्धद्रुमाकारमति चंचललोचनम्
vikaṭaṁ bhīṣaṇākāraṁ kṣutkṣāmamatilomaśam || dāvadagdhadrumākāramati caṁcalalocanam
विकट और भयंकर आकृति वाले, भूख से क्षीण और अत्यन्त रोमश, दावाग्नि से जले हुए वृक्ष के समान आकार वाले, अत्यन्त चंचल नेत्रों वाले,
श्लोक 22 (skanda.4.54.22)
मूर्तं भयानकमिव सर्वप्राणिभयप्रदम् ॥ हृदयाकंपनं दृष्ट्वा तं प्रेतं वृद्धतापसः ॥ अतिदीनाननं कस्त्वमिति धैर्येण पृष्टवान्
mūrtaṁ bhayānakamiva sarvaprāṇibhayapradam || hṛdayākaṁpanaṁ dṛṣṭvā taṁ pretaṁ vṛddhatāpasaḥ || atidīnānanaṁ kastvamiti dhairyeṇa pṛṣṭavān
मानो साक्षात् भय की मूर्ति हो, सभी प्राणियों को भय देने वाले - उस हृदय-कँपाने वाले, अत्यन्त दीन मुख वाले प्रेत को देखकर, वृद्ध तपस्वी ने साहसपूर्वक पूछा - 'तुम कौन हो?'
श्लोक 23 (skanda.4.54.23)
कुतस्त्वमिह संप्राप्तः कस्मात्ते गतिरीदृशी ॥ अनुक्रोशधियारक्षः पृच्छामि वद निर्भयम्
kutastvamiha saṁprāptaḥ kasmātte gatirīdṛśī || anukrośadhiyārakṣaḥ pṛcchāmi vada nirbhayam
'तुम यहाँ कहाँ से आए, तुम्हारी ऐसी गति किस कारण से हुई? हे राक्षस! दया-भाव से मैं पूछता हूँ, निर्भय होकर बताओ।'
श्लोक 24 (skanda.4.54.24)
अस्माकं तापसानां च न भयं त्वद्विधान्मनाक् ॥ शिवनामसहस्राणां विभूतिकृतवर्मणाम्
asmākaṁ tāpasānāṁ ca na bhayaṁ tvadvidhānmanāk || śivanāmasahasrāṇāṁ vibhūtikṛtavarmaṇām
'हम तपस्वियों को, जिन्होंने शिव के सहस्र नामों को कवच के समान धारण किया है, तुम जैसों से लेशमात्र भी भय नहीं है।'
श्लोक 25 (skanda.4.54.25)
तापसोदीरितमिति तद्रक्षः प्रीतिपूवर्कम् ॥ निशम्य प्रांजलिः प्राह तं कृपालुं तपोधनम्
tāpasodīritamiti tadrakṣaḥ prītipūvarkam || niśamya prāṁjaliḥ prāha taṁ kṛpāluṁ tapodhanam
तपस्वी के इस प्रकार कहने पर, वह राक्षस भी प्रीतिपूर्वक हाथ जोड़कर उस दयालु तपस्वी से बोला-
श्लोक 26 (skanda.4.54.26)
॥राक्षस उवाच॥ अनुक्रोशोस्ति यदि ते भगवंस्तापसोत्तम ॥ स्ववृत्तांतं तदा वच्मि शृणुष्वावहितः क्षणम्
||rākṣasa uvāca|| anukrośosti yadi te bhagavaṁstāpasottama || svavṛttāṁtaṁ tadā vacmi śṛṇuṣvāvahitaḥ kṣaṇam
राक्षस ने कहा - 'हे भगवन्, हे तापसोत्तम! यदि आपको मुझ पर दया है, तो मैं अपना वृत्तान्त कहता हूँ, क्षणभर सावधान होकर सुनिए।'
श्लोक 27 (skanda.4.54.27)
प्रतिष्ठानाभिधानोस्ति देशो गोदावरी तटे ॥ तीर्थप्रतिग्रहरुचिस्तत्रासं ब्राह्मणस्त्वहम्
pratiṣṭhānābhidhānosti deśo godāvarī taṭe || tīrthapratigraharucistatrāsaṁ brāhmaṇastvaham
'गोदावरी के तट पर प्रतिष्ठान नामक एक देश है; वहाँ मैं तीर्थ में दान लेने का लोभी एक ब्राह्मण था।'
श्लोक 28 (skanda.4.54.28)
तेन कर्मविपाकेन प्राप्तोस्मि गतिमीदृशीम् ॥ मरुस्थले महाघोरे तरुतोयविवर्जिते
tena karmavipākena prāptosmi gatimīdṛśīm || marusthale mahāghore tarutoyavivarjite
'उसी कर्म के फल से मुझे यह ऐसी गति प्राप्त हुई - जल और वृक्षरहित उस अत्यन्त भयंकर मरुस्थल में।'
श्लोक 29 (skanda.4.54.29)
गतो बहुतरः कालस्तत्र मे वसतो मुने ॥ क्षुधितस्य तृषार्तस्य शीततापसहस्य च
gato bahutaraḥ kālastatra me vasato mune || kṣudhitasya tṛṣārtasya śītatāpasahasya ca
'हे मुने! वहाँ रहते हुए मुझे बहुत समय बीत गया - भूख से पीड़ित, प्यास से व्याकुल, शीत और ताप से त्रस्त।'
श्लोक 30 (skanda.4.54.30)
वर्षत्यपि महामेघे धारासारैर्दिवानिशम् ॥ प्रावृट्कालेऽनिले वाति किंचित्प्रावरणं न मे
varṣatyapi mahāmeghe dhārāsārairdivāniśam || prāvṛṭkāle'nile vāti kiṁcitprāvaraṇaṁ na me
'महामेघ के दिन-रात मूसलधार बरसने पर भी, वर्षाकाल में हवा चलने पर भी, मेरे पास कुछ भी ओढ़ने को नहीं होता।'
श्लोक 31 (skanda.4.54.31)
पर्वण्यदत्तदाना ये कृततीर्थप्रतिग्रहाः ॥ त इमां योनिमृच्छंति महादुःख निबंधनीम्
parvaṇyadattadānā ye kṛtatīrthapratigrahāḥ || ta imāṁ yonimṛcchaṁti mahāduḥkha nibaṁdhanīm
'पर्व के दिनों में दान न देने वाले, तीर्थ में लिए गए दान वाले - वे इस महान दुःखदायी योनि को प्राप्त होते हैं।'
श्लोक 32 (skanda.4.54.32)
गते बहुतिथे काले मरुभूमौ मुने मया ॥ दृष्टो ब्राह्मणदायाद एकदा कश्चिदागतः
gate bahutithe kāle marubhūmau mune mayā || dṛṣṭo brāhmaṇadāyāda ekadā kaścidāgataḥ
'हे मुने! बहुत काल बीत जाने पर, उस मरुभूमि में मैंने एक बार किसी आगन्तुक ब्राह्मण-सन्तान को देखा।'
श्लोक 33 (skanda.4.54.33)
सूर्योदयमनुप्राप्य संध्याविधिविवर्जितः ॥ कृत्वा मूत्रपुरीषे तु शौचाचमनवर्जितः
sūryodayamanuprāpya saṁdhyāvidhivivarjitaḥ || kṛtvā mūtrapurīṣe tu śaucācamanavarjitaḥ
'सूर्योदय के समय पहुँचकर, सन्ध्या-विधि से रहित, मल-मूत्र त्याग कर शौच और आचमन से भी रहित-'
श्लोक 34 (skanda.4.54.34)
मुक्तकच्छमशौचं च संध्याकर्मविवर्जितम् ॥ तं दृष्ट्वा तच्छरीरेहं संक्रांतो भोगलिप्सया
muktakacchamaśaucaṁ ca saṁdhyākarmavivarjitam || taṁ dṛṣṭvā taccharīrehaṁ saṁkrāṁto bhogalipsayā
'-बिना कच्छ बाँधे, अशुद्ध और सन्ध्याकर्म से रहित उस ब्राह्मण को देखकर, मैं भोग की इच्छा से उसके शरीर में प्रविष्ट हो गया।'
श्लोक 35 (skanda.4.54.35)
स द्विजो मंदभाग्यान्मे केनचिद्वणिजा सह ॥ अर्थलोभेन संप्राप्तः पुरीं पुण्यामिमां मुने
sa dvijo maṁdabhāgyānme kenacidvaṇijā saha || arthalobhena saṁprāptaḥ purīṁ puṇyāmimāṁ mune
'हे मुने! मेरे दुर्भाग्य से वह ब्राह्मण किसी वणिक् के साथ, धन के लोभ से, इस पुण्य नगरी को प्राप्त हुआ।'
श्लोक 36 (skanda.4.54.36)
अंतःपुरि प्रविष्टोभूत्स द्विजो मुनिसत्तम ॥ तच्छरीराद्बहिर्भूतस्त्वहं पापैः समं क्षणात्
aṁtaḥpuri praviṣṭobhūtsa dvijo munisattama || taccharīrādbahirbhūtastvahaṁ pāpaiḥ samaṁ kṣaṇāt
'हे मुनिसत्तम! वह ब्राह्मण अन्तःपुर में प्रवेश कर गया; और मैं, अपने पापों के साथ, क्षणभर में उसके शरीर से बाहर निकल गया।'
श्लोक 37 (skanda.4.54.37)
प्रवेशो नास्ति चास्माकं प्रेतानां तपसां निधे ॥ महतां पातकानां च वाराणस्यां शिवाज्ञया
praveśo nāsti cāsmākaṁ pretānāṁ tapasāṁ nidhe || mahatāṁ pātakānāṁ ca vārāṇasyāṁ śivājñayā
'हे तपोनिधे! हम प्रेतों का, शिव की आज्ञा से, वाराणसी में - महापातकों का भी - प्रवेश नहीं है।'
श्लोक 38 (skanda.4.54.38)
अद्यापि तानि पापानि तद्बहिर्निर्गमेच्छया ॥ बहिरेव हि तिष्ठंति सीम्नि प्रमथसाध्वसात्
adyāpi tāni pāpāni tadbahirnirgamecchayā || bahireva hi tiṣṭhaṁti sīmni pramathasādhvasāt
'आज भी वे पाप, वहाँ से बाहर निकलने की इच्छा से, प्रमथों के भय से नगर की सीमा पर ही बाहर टिके रहते हैं।'
श्लोक 39 (skanda.4.54.39)
अद्य श्वो वा परश्वो वा स बहिर्निर्गमिष्यति ॥ इत्याशया स्थिताः स्मो वै यावदद्य तपोधन
adya śvo vā paraśvo vā sa bahirnirgamiṣyati || ityāśayā sthitāḥ smo vai yāvadadya tapodhana
'हे तपोधन! आज, कल, या परसों वह बाहर निकलेगा - इसी आशा में हम आज तक टिके हुए हैं।'
श्लोक 40 (skanda.4.54.40)
नाद्यापि स बहिर्गच्छेन्नाद्याप्याशा प्रयाति नः ॥ इत्यास्महे निराधारा आशापाश नियंत्रिताः
nādyāpi sa bahirgacchennādyāpyāśā prayāti naḥ || ityāsmahe nirādhārā āśāpāśa niyaṁtritāḥ
'वह आज तक बाहर नहीं आया, और हमारी आशा भी आज तक समाप्त नहीं हुई; इस प्रकार हम निराधार होकर आशा-पाश में बँधे हुए हैं।'
श्लोक 41 (skanda.4.54.41)
चित्रमद्यतनं वच्मि तपस्विंस्तन्निशामय ॥ अतीव भावि कल्याणमिति मन्येऽधुनैव हि
citramadyatanaṁ vacmi tapasviṁstanniśāmaya || atīva bhāvi kalyāṇamiti manye'dhunaiva hi
'हे तपस्विन्! आज की एक विचित्र बात बताता हूँ, उसे सुनिए; मुझे अभी ही लगता है कि अब कुछ बड़ा कल्याण होने वाला है।'
श्लोक 42 (skanda.4.54.42)
आप्रयागं प्रतिदिनं प्रयामः क्षुधिता वयम्॥ आहारकाम्यया क्वापि परं नो किंचिदाप्नुमः
āprayāgaṁ pratidinaṁ prayāmaḥ kṣudhitā vayam|| āhārakāmyayā kvāpi paraṁ no kiṁcidāpnumaḥ
'हम भूखे प्रयाग तक प्रतिदिन जाते हैं, आहार की इच्छा से, परन्तु कहीं भी हमें कुछ विशेष नहीं मिलता।'
श्लोक 43 (skanda.4.54.43)
संति सर्वत्र फलिनः पादपाः प्रतिकाननम् ॥ जलाशयाश्च स्वच्छापाः संति भूम्यां पदेपदे
saṁti sarvatra phalinaḥ pādapāḥ pratikānanam || jalāśayāśca svacchāpāḥ saṁti bhūmyāṁ padepade
'हर वन में फल देने वाले वृक्ष सर्वत्र हैं, पृथ्वी पर पग-पग पर स्वच्छ जल के आशय भी हैं।'
श्लोक 44 (skanda.4.54.44)
अन्यान्यपि च भक्ष्याणि सर्वेषां सुलभान्यहो ॥ पानान्यपि विचित्राणि संति भूयांसि सर्वतः
anyānyapi ca bhakṣyāṇi sarveṣāṁ sulabhānyaho || pānānyapi vicitrāṇi saṁti bhūyāṁsi sarvataḥ
'अन्य भी अनेक भक्ष्य पदार्थ सबके लिए सुलभ हैं, अहो! विचित्र प्रकार के पेय पदार्थ भी सब ओर बहुतायत में हैं।'
श्लोक 45 (skanda.4.54.45)
परं नो दृग्गतान्येव दूरे दूरे व्रजंत्यहो ॥ दैवादद्यैकमायांतं दृष्ट्वा कार्पटिकं मुने
paraṁ no dṛggatānyeva dūre dūre vrajaṁtyaho || daivādadyaikamāyāṁtaṁ dṛṣṭvā kārpaṭikaṁ mune
'परन्तु वे सब केवल हमारी दृष्टि में ही रहते हैं, दूर, बहुत दूर हट जाते हैं, अहो! आज दैवयोग से एक भिखारी को आते देखकर, हे मुने-'
श्लोक 46 (skanda.4.54.46)
तस्यांतिकमहं प्राप्तः क्षुधया परिपीडितः ॥ प्रसह्य भक्षयाम्येनमिति मत्वा त्वरान्वितः
tasyāṁtikamahaṁ prāptaḥ kṣudhayā paripīḍitaḥ || prasahya bhakṣayāmyenamiti matvā tvarānvitaḥ
'-उसके निकट मैं पहुँचा, भूख से अत्यन्त पीड़ित होकर, त्वरा से युक्त होकर यह सोचकर कि मैं इसे बलपूर्वक खा जाऊँगा।'
श्लोक 47 (skanda.4.54.47)
यावत्तं तु जिघृक्षामि तावत्तद्वदनांबुजात् ॥ शिवनामपवित्रा वाङ्निरगाद्विघ्नहारिणी
yāvattaṁ tu jighṛkṣāmi tāvattadvadanāṁbujāt || śivanāmapavitrā vāṅniragādvighnahāriṇī
'ज्यों ही मैं उसे पकड़ने ही वाला था, त्यों ही उसके कमल-मुख से विघ्नहारिणी, शिव-नाम से पवित्र वाणी निकली।'
श्लोक 48 (skanda.4.54.48)
शिवनामस्मरणतो मदीयमपि पातकम् ॥ मंदीभूतं ततस्तेन प्रवेशं लब्धवानहम्
śivanāmasmaraṇato madīyamapi pātakam || maṁdībhūtaṁ tatastena praveśaṁ labdhavānaham
'शिव-नाम के स्मरण से मेरा भी पाप मन्द हो गया, और उसके बाद मुझे प्रवेश की अनुमति मिल गई।'
श्लोक 49 (skanda.4.54.49)
सीमस्थैः प्रमथैर्नाहं सद्यो दृग्गोचरीकृतः ॥ शिवनामश्रुतौ येषां तान्न पश्येद्यमोपि यत्
sīmasthaiḥ pramathairnāhaṁ sadyo dṛggocarīkṛtaḥ || śivanāmaśrutau yeṣāṁ tānna paśyedyamopi yat
'सीमा पर स्थित प्रमथों ने मुझे तुरन्त दृष्टिगोचर नहीं किया - क्योंकि जिनके कानों में शिव-नाम पड़ा हो, उन्हें यमराज भी नहीं देख पाता।'
श्लोक 50 (skanda.4.54.50)
अंतर्गेहस्य सीमानं प्राप्तस्तेन सहाधुना ॥ स तु कार्पटिको मध्यं प्रविष्टोहमिहस्थितः
aṁtargehasya sīmānaṁ prāptastena sahādhunā || sa tu kārpaṭiko madhyaṁ praviṣṭohamihasthitaḥ
'इस प्रकार उसके साथ ही अब मैं अन्तर्गृह की सीमा तक पहुँच गया हूँ; वह भिखारी बीच में प्रविष्ट हो गया, और मैं यहीं रह गया।'
श्लोक 51 (skanda.4.54.51)
आत्मानं बहुमन्येहं त्वां विलोक्याधुना मुने ॥ मामुद्धर कृपालो त्वं योनेरस्मात्सदारुणात्
ātmānaṁ bahumanyehaṁ tvāṁ vilokyādhunā mune || māmuddhara kṛpālo tvaṁ yonerasmātsadāruṇāt
'हे मुने! आपको देखकर अब मैं स्वयं को धन्य मानता हूँ; हे कृपालु! आप मुझे इस अत्यन्त भयंकर योनि से उद्धार कीजिए।'
श्लोक 52 (skanda.4.54.52)
इति प्रेतवचः श्रुत्वा स कृपालुस्तपोधनः ॥ मनसा चिंतयामास धिङ्निजार्थोद्यमान्नरान्
iti pretavacaḥ śrutvā sa kṛpālustapodhanaḥ || manasā ciṁtayāmāsa dhiṅnijārthodyamānnarān
उस प्रेत के इन वचनों को सुनकर, वह दयालु तपस्वी मन में विचार करने लगा - 'केवल अपना ही पेट भरने वाले मनुष्यों को धिक्कार है।'
श्लोक 53 (skanda.4.54.53)
स्वोदरं भर यः सर्वे पशुपक्षिमृगादयः ॥ स एव धन्यः संसारे यः परार्थोद्यतः सदा
svodaraṁ bhara yaḥ sarve paśupakṣimṛgādayaḥ || sa eva dhanyaḥ saṁsāre yaḥ parārthodyataḥ sadā
'सभी पशु, पक्षी, मृग आदि तो अपना ही पेट भरते हैं; इस संसार में तो वही धन्य है, जो सदा दूसरों के हित के लिए तत्पर रहता है।'
श्लोक 54 (skanda.4.54.54)
तपसाद्य निजेनाहं प्रेतमेतमघातुरम्॥ मामेव शरणं प्राप्तमुद्धरिष्याम्यसंशयम्
tapasādya nijenāhaṁ pretametamaghāturam|| māmeva śaraṇaṁ prāptamuddhariṣyāmyasaṁśayam
'आज मैं अपने ही तप से इस पापी-रोगी प्रेत को - जो मेरी शरण में आया है - सन्देह के बिना उद्धार करूँगा।'
श्लोक 55 (skanda.4.54.55)
विमृश्येति स वै चित्ते पिशाचं प्राह सत्तमः ॥ विमलोदे सरस्यस्मिन्स्नाहि रे पापनुत्तये
vimṛśyeti sa vai citte piśācaṁ prāha sattamaḥ || vimalode sarasyasminsnāhi re pāpanuttaye
ऐसा मन में विचार कर, उस श्रेष्ठ तपस्वी ने पिशाच से कहा - 'हे पापनाशक! इस विमलोदक सरोवर में स्नान करो।'
श्लोक 56 (skanda.4.54.56)
पिशाच ते पिशाचत्वं तीर्थस्यास्य प्रभावतः ॥ कपर्दीशेक्षणादद्य क्षणात्क्षीणं विनंक्ष्यति
piśāca te piśācatvaṁ tīrthasyāsya prabhāvataḥ || kapardīśekṣaṇādadya kṣaṇātkṣīṇaṁ vinaṁkṣyati
'हे पिशाच! इस तीर्थ के प्रभाव से, और कपर्दीश के दर्शन से, तुम्हारा यह पिशाचत्व आज ही क्षणभर में क्षीण होकर नष्ट हो जाएगा।'
श्लोक 57 (skanda.4.54.57)
श्रुत्वेति स मुनेर्वाक्यं प्रेतः प्राह प्रणम्य तम्॥ प्रीतात्मा प्रीतमनसं प्रबद्धकरसंपुटः
śrutveti sa munervākyaṁ pretaḥ prāha praṇamya tam|| prītātmā prītamanasaṁ prabaddhakarasaṁpuṭaḥ
मुनि के इस वचन को सुनकर, वह प्रेत उन्हें प्रणाम कर, प्रसन्नचित्त होकर, हाथ जोड़कर, उस प्रसन्नमन मुनि से बोला-
श्लोक 58 (skanda.4.54.58)
पानीयं पातुमपि नो लभेयं मुनिसत्तम । स्नानस्य का कथा नाथ रक्षेयुर्जलदेवताः
pānīyaṁ pātumapi no labheyaṁ munisattama | snānasya kā kathā nātha rakṣeyurjaladevatāḥ
'हे मुनिसत्तम! हमें जल पीने को भी नहीं मिलता, स्नान की तो बात ही क्या; हे नाथ, क्या जल-देवता ही हमें रोक नहीं देंगे?'
श्लोक 59 (skanda.4.54.59)
पानस्याप्यत्र का वार्ता जलस्पर्शोपि दुर्लभः ॥ इति प्रेतोक्तमाकर्ण्य स भृशं प्रीतिमानभूत्
pānasyāpyatra kā vārtā jalasparśopi durlabhaḥ || iti pretoktamākarṇya sa bhṛśaṁ prītimānabhūt
'यहाँ पीने की भी क्या बात, जल का स्पर्श भी दुर्लभ है' - प्रेत के इस कथन को सुनकर, वे अत्यन्त प्रसन्न हुए।
श्लोक 60 (skanda.4.54.60)
उवाच च तपस्वी तं जगदुद्धरणक्षमः ॥ गृहाणेमां विभूतिं त्वं ललाटफलके कुरु
uvāca ca tapasvī taṁ jagaduddharaṇakṣamaḥ || gṛhāṇemāṁ vibhūtiṁ tvaṁ lalāṭaphalake kuru
जगत का उद्धार करने में समर्थ वह तपस्वी बोला - 'यह विभूति ग्रहण करो और इसे अपने ललाट-तल पर लगाओ।'
श्लोक 61 (skanda.4.54.61)
अस्माद्विभूतिमाहात्म्यात्प्रेत कोपि न कुत्रचित् ॥ बाधा करोति कस्यापि महापातकिनोप्यहो
asmādvibhūtimāhātmyātpreta kopi na kutracit || bādhā karoti kasyāpi mahāpātakinopyaho
'इस विभूति के माहात्म्य से, हे प्रेत, कोई भी महापातकी भी, अहो, किसी को भी कहीं बाधा नहीं पहुँचा सकता।'
श्लोक 62 (skanda.4.54.62)
भालं विभूतिधवलं विलोक्य यमकिंकराः ॥ पापिनोपि पलायंते भीताः पाशुपतास्त्रतः
bhālaṁ vibhūtidhavalaṁ vilokya yamakiṁkarāḥ || pāpinopi palāyaṁte bhītāḥ pāśupatāstrataḥ
भस्म से उज्ज्वल ललाट को देखकर यम के दूत भी, पाशुपत अस्त्र से भयभीत होकर, पापी लोगों से भी दूर भाग जाते हैं।
श्लोक 63 (skanda.4.54.63)
अस्थिध्वजांकितं दृष्ट्वा यथा पांथा जलाशयम् ॥ दूरं यंति तथा भस्म भालांकं यमकिंकराः
asthidhvajāṁkitaṁ dṛṣṭvā yathā pāṁthā jalāśayam || dūraṁ yaṁti tathā bhasma bhālāṁkaṁ yamakiṁkarāḥ
जैसे यात्री हड्डियों के झण्डे से चिह्नित जलाशय से दूर चले जाते हैं, वैसे ही भस्म से चिह्नित ललाट को देखकर यम के दूत भी दूर हो जाते हैं।
श्लोक 64 (skanda.4.54.64)
कृतभूति तनुत्राणं शिवमंत्रैर्नरोत्तमम् ॥ नोपसर्पंति नियतमपि हिंस्राः समंततः
kṛtabhūti tanutrāṇaṁ śivamaṁtrairnarottamam || nopasarpaṁti niyatamapi hiṁsrāḥ samaṁtataḥ
जो श्रेष्ठ मनुष्य शिव-मंत्रों से पवित्र की गई विभूति को कवच के रूप में धारण करता है, उसके निकट हिंसक प्राणी भी सब ओर से कभी नहीं आते।
श्लोक 65 (skanda.4.54.65)
भक्त्या बिभर्ति यो भस्म शिवमंत्रपवित्रितम् ॥ भाले वक्षसि दोर्मूले न तं हिंसंति हिंसकाः ॥ सर्वेभ्यो दुष्टसत्त्वेभ्यो यतो रक्षेदहर्निशम् ॥ रक्षत्येषा ततः प्रोक्ता विभूतिर्भूतिकृद्यतः
bhaktyā bibharti yo bhasma śivamaṁtrapavitritam || bhāle vakṣasi dormūle na taṁ hiṁsaṁti hiṁsakāḥ || sarvebhyo duṣṭasattvebhyo yato rakṣedaharniśam || rakṣatyeṣā tataḥ proktā vibhūtirbhūtikṛdyataḥ
जो भक्तिपूर्वक शिव-मंत्र से पवित्र की गई भस्म को ललाट, वक्षस्थल और भुजमूल में धारण करता है, हिंसक प्राणी उसे कभी नहीं मारते; क्योंकि यह सब दुष्ट प्राणियों से दिन-रात रक्षा करती है, इसीलिए इसे 'विभूति' कहा गया है, क्योंकि यह रक्षा करने वाली है।
श्लोक 66 (skanda.4.54.66)
भासनाद्भर्त्सनाद्भस्म पांसुः पांसुत्वदायतः ॥ पापानां क्षारणात्क्षारो बुधेरेवं निरुच्यते
bhāsanādbhartsanādbhasma pāṁsuḥ pāṁsutvadāyataḥ || pāpānāṁ kṣāraṇātkṣāro budherevaṁ nirucyate
'भासन' और 'भर्त्सन' के कारण इसे भस्म कहलाती है; पापों को नष्ट करने के कारण विद्वानों ने इसे 'क्षार' भी कहा है।
श्लोक 67 (skanda.4.54.67)
गृहीत्वा धारमध्यात्स भस्म प्रेतकरेऽर्पयत् ॥ सोप्यादरात्समादाय भालदेशे न्यवेशयत्
gṛhītvā dhāramadhyātsa bhasma pretakare'rpayat || sopyādarātsamādāya bhāladeśe nyaveśayat
मध्य धारा से भस्म लेकर उन्होंने उसे प्रेत के हाथ में रख दिया; उसने भी आदरपूर्वक उसे ग्रहण कर अपने ललाट-प्रदेश में लगा लिया।
श्लोक 68 (skanda.4.54.68)
विभूतिधारिणं वीक्ष्य पिशाचं जलदेवताः ॥ जलावगाहनपरं वारयांचक्रिरे न तम्
vibhūtidhāriṇaṁ vīkṣya piśācaṁ jaladevatāḥ || jalāvagāhanaparaṁ vārayāṁcakrire na tam
विभूति धारण किए हुए उस पिशाच को देखकर जल-देवताओं ने उसे जल में डुबकी लगाने से नहीं रोका।
श्लोक 69 (skanda.4.54.69)
स्नात्वा पीत्वा स निर्गच्छेद्यावत्तस्माज्जलाशयात् ॥ तावत्पैशाच्यमगमद्दिव्यदेहमवाप च ॥ दिव्यमालांबरधरो दिव्यगंधानुलेपनः ॥ दिव्ययानं समारुह्य वर्त्म प्राप्तोथ पावनम्
snātvā pītvā sa nirgacchedyāvattasmājjalāśayāt || tāvatpaiśācyamagamaddivyadehamavāpa ca || divyamālāṁbaradharo divyagaṁdhānulepanaḥ || divyayānaṁ samāruhya vartma prāptotha pāvanam
स्नान करके, जल पीकर, जब तक वह उस जलाशय से बाहर निकला, तब तक ही उसका पैशाच्य नष्ट हो गया और उसने दिव्य देह प्राप्त कर ली; दिव्य माला और वस्त्र धारण किए हुए, दिव्य गन्ध से अनुलिप्त, दिव्य विमान पर आरूढ़ होकर वह पवित्र मार्ग को प्राप्त हुआ।
श्लोक 70 (skanda.4.54.70)
गच्छता तेन गगने स तपस्वी नमस्कृतः ॥ प्रोच्चैः प्रोवाच भगवन्मोचितोस्मि त्वयानघ
gacchatā tena gagane sa tapasvī namaskṛtaḥ || proccaiḥ provāca bhagavanmocitosmi tvayānagha
आकाश में जाते हुए उस दिव्यपुरुष ने उस तपस्वी को प्रणाम कर बड़े स्वर में कहा - 'हे निष्पाप भगवन्, आपके द्वारा मैं मुक्त कर दिया गया हूँ!'
श्लोक 71 (skanda.4.54.71)
तस्मात्कदर्ययोनित्वादतीव परिनिंदितात् ॥ अस्य तीर्थस्य माहात्म्याद्दिव्यदेहमवाप्तवान्
tasmātkadaryayonitvādatīva pariniṁditāt || asya tīrthasya māhātmyāddivyadehamavāptavān
'उस अत्यन्त निन्दित नीच योनि से इस तीर्थ के माहात्म्य द्वारा ही मैंने यह दिव्य देह प्राप्त की है।'
श्लोक 72 (skanda.4.54.72)
पिशाचमोचनं तीर्थमद्यारभ्य समाख्यया ॥ अन्येषामपि पैशाच्यमिदं स्नानाद्धरिष्यति
piśācamocanaṁ tīrthamadyārabhya samākhyayā || anyeṣāmapi paiśācyamidaṁ snānāddhariṣyati
आज से इस तीर्थ का नाम 'पिशाचमोचन' होगा; यह अन्य लोगों के पिशाचत्व को भी स्नान मात्र से दूर करेगा।
श्लोक 73 (skanda.4.54.73)
अस्मिंस्तीर्थे महापुण्ये ये स्नास्यंतीह मानवाः ॥ पिंडांश्च निर्वपिष्यंति संध्यातर्पणपूर्वकम्
asmiṁstīrthe mahāpuṇye ye snāsyaṁtīha mānavāḥ || piṁḍāṁśca nirvapiṣyaṁti saṁdhyātarpaṇapūrvakam
इस महापुण्यकारी तीर्थ में जो भी मनुष्य यहाँ स्नान करेंगे और सन्ध्या-तर्पणपूर्वक पिण्डदान करेंगे-
श्लोक 74 (skanda.4.54.74)
दैवात्पैशाच्यमापन्नास्तेषां पितृपितामहाः ॥ तेपि पैशाच्यमुत्सृज्य यास्यंति परमां गतिम्
daivātpaiśācyamāpannāsteṣāṁ pitṛpitāmahāḥ || tepi paiśācyamutsṛjya yāsyaṁti paramāṁ gatim
-दैवयोग से पिशाचत्व को प्राप्त हुए उनके पितर और पितामह भी, अपने पैशाच्य को त्यागकर परम गति को प्राप्त होंगे।
श्लोक 75 (skanda.4.54.75)
अद्यशुक्लचतुर्दश्यां मार्गेमासि तपोनिधे ॥ अत्र स्नानादिकं कार्यं पैशाच्यपरिमोचनम
adyaśuklacaturdaśyāṁ mārgemāsi taponidhe || atra snānādikaṁ kāryaṁ paiśācyaparimocanama
हे तपोनिधे! आज मार्गशीर्ष मास की शुक्ल चतुर्दशी को यहाँ स्नान आदि करना पैशाच्य से मुक्ति दिलाने वाला है।
श्लोक 76 (skanda.4.54.76)
इमां सांवत्सरीं यात्रां ये करिष्यंति मानवाः ॥ तीर्थप्रतिग्रहात्पापान्निःसरिष्यंति ते नराः
imāṁ sāṁvatsarīṁ yātrāṁ ye kariṣyaṁti mānavāḥ || tīrthapratigrahātpāpānniḥsariṣyaṁti te narāḥ
जो मनुष्य इस वार्षिक यात्रा को सम्पन्न करेंगे, वे तीर्थ में लिए गए दान के पाप से भी मुक्त हो जाएँगे।
श्लोक 77 (skanda.4.54.77)
पिशाचमोचने स्नात्वा कपर्दीशं समर्च्य च ॥ कृत्वा तत्रान्नदानं च नरोन्यत्रापि निर्भयाः
piśācamocane snātvā kapardīśaṁ samarcya ca || kṛtvā tatrānnadānaṁ ca naronyatrāpi nirbhayāḥ
पिशाचमोचन में स्नान कर, कपर्दीश की पूजा कर, वहाँ अन्नदान करके मनुष्य अन्यत्र भी निर्भय हो जाते हैं।
श्लोक 78 (skanda.4.54.78)
मार्गशुक्लचतुर्दश्यां कपर्दीश्वर संनिधौ ॥ स्नात्वान्यत्रापि मरणान्न पैशाच्यमवाप्नुयुः
mārgaśuklacaturdaśyāṁ kapardīśvara saṁnidhau || snātvānyatrāpi maraṇānna paiśācyamavāpnuyuḥ
मार्गशीर्ष की शुक्ल चतुर्दशी को कपर्दीश्वर के समीप स्नान करने वाले, अन्यत्र भी मरने पर पैशाच्य को प्राप्त नहीं होते।
श्लोक 79 (skanda.4.54.79)
इत्युक्त्वा दिव्यपुरुषो भूयोभूयो नमस्य तम् ॥ तपोधनं महाभागो दिव्यां गतिमवाप्तवान्
ityuktvā divyapuruṣo bhūyobhūyo namasya tam || tapodhanaṁ mahābhāgo divyāṁ gatimavāptavān
यह कहकर वह दिव्यपुरुष, महाभाग उस तपस्वी को बार-बार प्रणाम करके, दिव्य गति को प्राप्त हुआ।
श्लोक 80 (skanda.4.54.80)
तपोधनोपि तं दृष्ट्वा महाश्चर्यं घटोद्भव ॥ कपर्दीश्वरमाराध्य कालान्निर्वाणमाप्तवान्
tapodhanopi taṁ dṛṣṭvā mahāścaryaṁ ghaṭodbhava || kapardīśvaramārādhya kālānnirvāṇamāptavān
वह तपस्वी भी, हे घटोद्भव, इस महान आश्चर्य को देखकर, कपर्दीश्वर की आराधना करते हुए काल पाकर निर्वाण को प्राप्त हुआ।
श्लोक 81 (skanda.4.54.81)
पिशाचमोचनं तीर्थं तदारभ्य महामुने ॥ वाराणस्यां परां ख्यातिमगमत्सर्वपापहृत्
piśācamocanaṁ tīrthaṁ tadārabhya mahāmune || vārāṇasyāṁ parāṁ khyātimagamatsarvapāpahṛt
तभी से, हे महामुने, वह पिशाचमोचन नामक तीर्थ, सर्वपापहारी होकर, वाराणसी में परम कीर्ति को प्राप्त हुआ।
श्लोक 82 (skanda.4.54.82)
पैशाचमोचने तीर्थे संभोज्य शिवयोगिनम् ॥ कोटिभोज्यफलं सम्यगेकैक परिसंख्यया ॥ श्रुत्वाध्यायमिमं पुण्यं नरो नियतमानसः ॥ भूतैः प्रेतैः पिशाचैश्च कदाचिन्नाभिभूयते
paiśācamocane tīrthe saṁbhojya śivayoginam || koṭibhojyaphalaṁ samyagekaika parisaṁkhyayā || śrutvādhyāyamimaṁ puṇyaṁ naro niyatamānasaḥ || bhūtaiḥ pretaiḥ piśācaiśca kadācinnābhibhūyate
पिशाचमोचन तीर्थ में एक शिवयोगी को भोजन कराने से, गणना के अनुसार, प्रत्येक भोजन का फल एक करोड़ गुना हो जाता है। इस पुण्यदायक अध्याय को सुनने वाला संयमितचित्त मनुष्य कभी भी भूत, प्रेत या पिशाचों से पराभूत नहीं होता।
श्लोक 83 (skanda.4.54.83)
बालग्रहाभिभूतानां बालानां शांतिकारकम् ॥ पठनीयं प्रयत्नेन महाख्यानमिदं परम्
bālagrahābhibhūtānāṁ bālānāṁ śāṁtikārakam || paṭhanīyaṁ prayatnena mahākhyānamidaṁ param
बालग्रहों से पीड़ित बालकों की शान्ति के लिए इस श्रेष्ठ महाआख्यान को यत्नपूर्वक पढ़ना चाहिए।
श्लोक 84 (skanda.4.54.84)
इदमाख्यानमाकर्ण्य गच्छन्देशांतरं नरः ॥ चोरव्याघ्रपिशाचाद्यैर्नाभिभूयेत कुत्रचित्
idamākhyānamākarṇya gacchandeśāṁtaraṁ naraḥ || coravyāghrapiśācādyairnābhibhūyeta kutracit
इस आख्यान को सुनकर देशान्तर को जाने वाला मनुष्य कहीं भी चोर, व्याघ्र, पिशाच आदि से पराभूत नहीं होता।