शैलेश्वर आदि लिंगों का निर्णय

श्लोक 1 (skanda.4.66.1)

॥स्कन्द उवाच॥ ज्येष्ठेश्वरस्य परितो लिंगान्यन्यानि यानि तु ॥ तानि ते कथयिष्यामि शृणु वातापितापन

||skanda uvāca|| jyeṣṭheśvarasya parito liṁgānyanyāni yāni tu || tāni te kathayiṣyāmi śṛṇu vātāpitāpana

स्कन्द ने कहा - ज्येष्ठेश्वर के चारों ओर जो अन्य लिंग हैं, हे वातापि के दहनकर्ता (अगस्त्य), उन्हें मैं बताता हूँ, सुनो।

श्लोक 2 (skanda.4.66.2)

ज्येष्ठेशाद्दक्षिणे भागे लिंगमप्सरसां शुभम् ॥ तत्रैवाप्सरसः कूपः सौभाग्योदकसंज्ञकः

jyeṣṭheśāddakṣiṇe bhāge liṁgamapsarasāṁ śubham || tatraivāpsarasaḥ kūpaḥ saubhāgyodakasaṁjñakaḥ

ज्येष्ठेश्वर के दक्षिण भाग में अप्सराओं का शुभ लिंग है; वहीं अप्सराओं का कूप है, जो सौभाग्योदक के नाम से जाना जाता है।

श्लोक 3 (skanda.4.66.3)

तत्कूपजलसुस्नातो विलोक्याप्सरसेश्वरम् ॥ न दौर्भाग्यमवाप्नोति नारी वा पुरुषोथवा

tatkūpajalasusnāto vilokyāpsaraseśvaram || na daurbhāgyamavāpnoti nārī vā puruṣothavā

उस कूप के जल में भलीभाँति स्नान कर अप्सरसेश्वर का दर्शन करने वाली नारी अथवा पुरुष कभी दुर्भाग्य को प्राप्त नहीं होते।

श्लोक 4 (skanda.4.66.4)

तत्रैव कुक्कुटेशाख्यं लिंगं वापीसमीपगम् ॥ तस्य पूजनतः पुंसां कुटुंबं परिवर्धते

tatraiva kukkuṭeśākhyaṁ liṁgaṁ vāpīsamīpagam || tasya pūjanataḥ puṁsāṁ kuṭuṁbaṁ parivardhate

वहीं बावड़ी के समीप कुक्कुटेश नामक लिंग है; उसके पूजन से मनुष्यों का कुटुंब बढ़ता है।

श्लोक 5 (skanda.4.66.5)

पितामहेश्वरं लिंगं ज्येष्ठवापीतटे शुभम् ॥ तत्र श्राद्धं नरः कृत्वा पितॄणां मुदमर्पयेत्

pitāmaheśvaraṁ liṁgaṁ jyeṣṭhavāpītaṭe śubham || tatra śrāddhaṁ naraḥ kṛtvā pitṝṇāṁ mudamarpayet

ज्येष्ठ बावड़ी के तट पर पितामहेश्वर नामक शुभ लिंग है; वहाँ श्राद्ध करके मनुष्य अपने पितरों को आनंद प्रदान करता है।

श्लोक 6 (skanda.4.66.6)

पितामहेशान्नैर्ऋत्यां पूजनीयं प्रयत्नतः ॥ गदाधरेश्वरं लिंगं पितॄणां परितृप्तिदम्

pitāmaheśānnairṛtyāṁ pūjanīyaṁ prayatnataḥ || gadādhareśvaraṁ liṁgaṁ pitṝṇāṁ paritṛptidam

पितामहेश्वर से नैऋत्य दिशा में प्रयत्नपूर्वक पूजनीय गदाधरेश्वर लिंग है, जो पितरों को पूर्ण तृप्ति देने वाला है।

श्लोक 7 (skanda.4.66.7)

दिशि पुण्यजनाख्यायां लिंगाज्ज्येष्ठेश्वरान्मुने ॥ वासुकीश्वरसंज्ञं च लिंगमर्च्यं समंततः

diśi puṇyajanākhyāyāṁ liṁgājjyeṣṭheśvarānmune || vāsukīśvarasaṁjñaṁ ca liṁgamarcyaṁ samaṁtataḥ

हे मुने, ज्येष्ठेश्वर लिंग से पुण्यजनों (यक्षों) की दिशा में वासुकीश्वर नामक लिंग है, जो सब ओर से पूजनीय है।

श्लोक 8 (skanda.4.66.8)

तत्र वासुकिकुंडे च स्नानदानादिकाः क्रियाः ॥ सर्पभीतिहराः पुंसां वासुकीशप्रभावतः

tatra vāsukikuṁḍe ca snānadānādikāḥ kriyāḥ || sarpabhītiharāḥ puṁsāṁ vāsukīśaprabhāvataḥ

वहाँ वासुकिकुंड में स्नान-दान आदि क्रियाएँ, वासुकीश के प्रभाव से मनुष्यों के सर्प-भय को दूर करने वाली हैं।

श्लोक 9 (skanda.4.66.9)

यः स्नातो नागपंचम्यां कुंडे वासुकिसंज्ञिते ॥ न तस्य विषसंसर्गो भवेत्सर्पसमुद्भवः

yaḥ snāto nāgapaṁcamyāṁ kuṁḍe vāsukisaṁjñite || na tasya viṣasaṁsargo bhavetsarpasamudbhavaḥ

जो नागपंचमी के दिन वासुकि नामक कुंड में स्नान करता है, उसे सर्प से उत्पन्न विष का संसर्ग कभी नहीं होता।

श्लोक 10 (skanda.4.66.10)

कर्तव्या नागपञ्चम्यां यात्रा वर्षासु तत्र वै ॥ नागाः प्रसन्ना जायंते कुले तस्यापि सर्वदा

kartavyā nāgapañcamyāṁ yātrā varṣāsu tatra vai || nāgāḥ prasannā jāyaṁte kule tasyāpi sarvadā

वर्षा ऋतु में नागपंचमी के दिन वहाँ यात्रा करनी चाहिए; इससे नाग सदा उसके कुल पर भी प्रसन्न होते हैं।

श्लोक 11 (skanda.4.66.11)

तत्कुण्डात्पश्चिमे भागे लिंगं वै तक्षकेश्वरम् ॥ पूजनीयं प्रयत्नेन भक्तानां सर्वसिद्धिदम्

tatkuṇḍātpaścime bhāge liṁgaṁ vai takṣakeśvaram || pūjanīyaṁ prayatnena bhaktānāṁ sarvasiddhidam

उस कुंड के पश्चिम भाग में तक्षकेश्वर नामक लिंग है, जो प्रयत्नपूर्वक पूजनीय और भक्तों को सभी सिद्धियाँ देने वाला है।

श्लोक 12 (skanda.4.66.12)

मुनेस्तस्योत्तरे भागे कुण्डं तक्षकसंज्ञितम् ॥ कृतोदकक्रियस्तत्र न सर्पैरभिभूयते

munestasyottare bhāge kuṇḍaṁ takṣakasaṁjñitam || kṛtodakakriyastatra na sarpairabhibhūyate

हे मुने, उसके उत्तर भाग में तक्षक नामक कुंड है; वहाँ जलक्रिया करने वाला व्यक्ति सर्पों से कभी पराभूत नहीं होता।

श्लोक 13 (skanda.4.66.13)

तत्कुण्डादुत्तरे भागे क्षेत्रं क्षेमकरः सदा ॥ भक्तानां साध्वसध्वंसी कपाली नाम भैरवः

tatkuṇḍāduttare bhāge kṣetraṁ kṣemakaraḥ sadā || bhaktānāṁ sādhvasadhvaṁsī kapālī nāma bhairavaḥ

उस कुंड के उत्तर भाग में सदा कल्याणकारी क्षेत्र है, जहाँ कपाली नामक भैरव भक्तों के भय का नाश करने वाले हैं।

श्लोक 14 (skanda.4.66.14)

भैरवस्य महाक्षेत्रं तद्वै साधकसिद्धिदम् ॥ तत्र संसाधिता विद्याः षण्मासातत्सिद्धिमाप्नुयुः

bhairavasya mahākṣetraṁ tadvai sādhakasiddhidam || tatra saṁsādhitā vidyāḥ ṣaṇmāsātatsiddhimāpnuyuḥ

वह भैरव का महाक्षेत्र साधकों को सिद्धि देने वाला है; वहाँ साधी गई विद्याएँ छह महीनों में ही सिद्धि को प्राप्त हो जाती हैं।

श्लोक 15 (skanda.4.66.15)

तत्र चण्डी महामुण्डा भक्तविघ्नोपशांतिदा ॥ बलिपूजोपहाराद्यैः पूज्या स्वाभीष्टसिद्धये

tatra caṇḍī mahāmuṇḍā bhaktavighnopaśāṁtidā || balipūjopahārādyaiḥ pūjyā svābhīṣṭasiddhaye

वहाँ चण्डी महामुण्डा भक्तों के विघ्नों को शांत करने वाली हैं; अपनी अभीष्ट सिद्धि के लिए बलि, पूजा, उपहार आदि से उनकी आराधना करनी चाहिए।

श्लोक 16 (skanda.4.66.16)

तस्या यात्रां तु यः कुर्यान्महाष्टम्यां नरोत्तमः ॥ यशस्वी पुत्रपौत्राढ्यो लक्ष्मीवाँश्चापि जायते

tasyā yātrāṁ tu yaḥ kuryānmahāṣṭamyāṁ narottamaḥ || yaśasvī putrapautrāḍhyo lakṣmīvā~ścāpi jāyate

जो श्रेष्ठ पुरुष महाष्टमी के दिन उनकी यात्रा करता है, वह यशस्वी, पुत्र-पौत्रों से समृद्ध और लक्ष्मीवान होता है।

श्लोक 17 (skanda.4.66.17)

महामुण्डा प्रतीच्यां तु चतुःसागरवापिका ॥ तस्यां स्नातो भवेत्स्नातः सागरेषु चतुर्ष्वपि

mahāmuṇḍā pratīcyāṁ tu catuḥsāgaravāpikā || tasyāṁ snāto bhavetsnātaḥ sāgareṣu caturṣvapi

महामुण्डा के पश्चिम में चतुःसागर नामक बावड़ी है; उसमें स्नान करने वाला व्यक्ति मानो चारों समुद्रों में स्नान कर चुका होता है।

श्लोक 18 (skanda.4.66.18)

महाप्रसिद्धं तत्स्थानं चतुःसागरसंज्ञितम् ॥ चत्वारि तत्र लिंगानि सागरैः स्थापितानि च

mahāprasiddhaṁ tatsthānaṁ catuḥsāgarasaṁjñitam || catvāri tatra liṁgāni sāgaraiḥ sthāpitāni ca

वह अत्यंत प्रसिद्ध स्थान चतुःसागर नाम से जाना जाता है; वहाँ समुद्रों द्वारा स्थापित चार लिंग हैं।

श्लोक 19 (skanda.4.66.19)

तस्या वाप्याश्चतुर्दिक्षु पूजितानि दहंत्यघम् ॥ तदुत्तरे महालिंगं वृषभेश्वरसंज्ञितम्

tasyā vāpyāścaturdikṣu pūjitāni dahaṁtyagham || taduttare mahāliṁgaṁ vṛṣabheśvarasaṁjñitam

उस बावड़ी की चारों दिशाओं में पूजित वे लिंग पाप को भस्म कर देते हैं; उसके उत्तर में वृषभेश्वर नामक महालिंग है।

श्लोक 20 (skanda.4.66.20)

हरस्य वृषभेणैव स्थापितं तत्स्वभक्तितः ॥ तस्य दर्शनतः पुंसां षण्मासान्मुक्तिरुद्भवेत्

harasya vṛṣabheṇaiva sthāpitaṁ tatsvabhaktitaḥ || tasya darśanataḥ puṁsāṁ ṣaṇmāsānmuktirudbhavet

इसे हर के अपने वृषभ (नंदी) ने ही अपनी भक्ति से स्थापित किया था; उसके दर्शन मात्र से मनुष्यों को छह महीनों में मुक्ति प्राप्त होती है।

श्लोक 21 (skanda.4.66.21)

वृषेश्वरादुदीच्यां तु गंधर्वेश्वरसंज्ञितम् ॥ गंधर्वकुण्डं तत्प्राच्यां तत्र स्नात्वा नरोत्तमः

vṛṣeśvarādudīcyāṁ tu gaṁdharveśvarasaṁjñitam || gaṁdharvakuṇḍaṁ tatprācyāṁ tatra snātvā narottamaḥ

वृषेश्वर के उत्तर में गंधर्वेश्वर नामक लिंग है; उसके पूर्व में गंधर्वकुंड है, वहाँ स्नान कर श्रेष्ठ पुरुष -

श्लोक 22 (skanda.4.66.22)

गंधर्वेश्वरमभ्यर्च्य दत्त्वा दानानि शक्तितः ॥ सन्तर्प्य पितॄदेवांश्च गंधर्वैः सह मोदते

gaṁdharveśvaramabhyarcya dattvā dānāni śaktitaḥ || santarpya pitṝdevāṁśca gaṁdharvaiḥ saha modate

- गंधर्वेश्वर की पूजा कर, यथाशक्ति दान देकर तथा पितरों और देवताओं को तृप्त कर, गंधर्वों के साथ आनंद का भागी होता है।

श्लोक 23 (skanda.4.66.23)

कर्कोटनामा नागोस्ति गन्धर्वेश्वरपूर्वतः ॥ तत्र कर्कोटवापी च लिंगं कर्कोटकेश्वरम्

karkoṭanāmā nāgosti gandharveśvarapūrvataḥ || tatra karkoṭavāpī ca liṁgaṁ karkoṭakeśvaram

गंधर्वेश्वर के पूर्व में कर्कोट नामक नाग है; वहाँ कर्कोट बावड़ी और कर्कोटकेश्वर लिंग है।

श्लोक 24 (skanda.4.66.24)

तस्यां वाप्यां नरः स्नात्वा कर्कोटेशं समर्च्य च ॥ कर्कोटनागमाराध्य नागलोके महीयते

tasyāṁ vāpyāṁ naraḥ snātvā karkoṭeśaṁ samarcya ca || karkoṭanāgamārādhya nāgaloke mahīyate

उस बावड़ी में स्नान कर कर्कोटेश की पूजा कर तथा कर्कोट नाग की आराधना कर, मनुष्य नागलोक में सम्मानित होता है।

श्लोक 25 (skanda.4.66.25)

कर्कोट नागो यैर्दृष्टस्तद्वाप्यां विहितोदकैः ॥ क्रमते न विषं तेषां देहे स्थावरजंगमम्

karkoṭa nāgo yairdṛṣṭastadvāpyāṁ vihitodakaiḥ || kramate na viṣaṁ teṣāṁ dehe sthāvarajaṁgamam

जो लोग उस बावड़ी में जलक्रिया करके कर्कोट नाग का दर्शन करते हैं, उनके शरीर में स्थावर या जंगम किसी भी प्राणी का विष नहीं फैलता।

श्लोक 26 (skanda.4.66.26)

कर्कोटेशात्प्रतीच्यां तु धुंधुमारीश्वराभिधम् ॥ तल्लिंगाभ्यर्चनात्पुंसां न भवेद्वैरिजं भयम्

karkoṭeśātpratīcyāṁ tu dhuṁdhumārīśvarābhidham || talliṁgābhyarcanātpuṁsāṁ na bhavedvairijaṁ bhayam

कर्कोटेश के पश्चिम में धुंधुमारीश्वर नामक लिंग है; उस लिंग की पूजा से मनुष्यों को शत्रु से उत्पन्न भय नहीं होता।

श्लोक 27 (skanda.4.66.27)

पुरूरवेश्वरं लिंगं तदुदीच्यां व्यवस्थितम् ॥ द्रष्टव्यं तत्प्रयत्नेन चतुर्वर्गफलप्रदम्

purūraveśvaraṁ liṁgaṁ tadudīcyāṁ vyavasthitam || draṣṭavyaṁ tatprayatnena caturvargaphalapradam

उसके उत्तर में पुरूरवेश्वर लिंग स्थित है; इसे प्रयत्नपूर्वक देखना चाहिए, यह चतुर्वर्ग का फल देने वाला है।

श्लोक 28 (skanda.4.66.28)

दिग्गजेनार्चितं लिंगं सुप्रतीकेन तत्पुरः ॥ सुप्रतीकेश्वरं नाम्ना यशोबलविवर्धनम्

diggajenārcitaṁ liṁgaṁ supratīkena tatpuraḥ || supratīkeśvaraṁ nāmnā yaśobalavivardhanam

उसके आगे दिग्गज सुप्रतीक द्वारा पूजित लिंग है, जो सुप्रतीकेश्वर नाम से यश और बल को बढ़ाने वाला है।

श्लोक 29 (skanda.4.66.29)

सरश्च सुप्रतीकाख्यं तत्पुरो भासते महत् ॥ तत्र स्नात्वा च तल्लिंगं दृष्ट्वा दिक्पतितां लभेत्

saraśca supratīkākhyaṁ tatpuro bhāsate mahat || tatra snātvā ca talliṁgaṁ dṛṣṭvā dikpatitāṁ labhet

उसके सामने सुप्रतीक नामक विशाल सरोवर सुशोभित है; वहाँ स्नान कर उस लिंग का दर्शन करने से व्यक्ति दिक्पालपद प्राप्त करता है।

श्लोक 30 (skanda.4.66.30)

तत्रास्त्येका महागौरी नाम्ना विजयभैरवी ॥ रक्षार्थमुत्तराद्वारि स्थिता पूज्येष्टसिद्धये

tatrāstyekā mahāgaurī nāmnā vijayabhairavī || rakṣārthamuttarādvāri sthitā pūjyeṣṭasiddhaye

वहाँ विजयभैरवी नाम की एक महागौरी हैं, जो रक्षा के लिए उत्तर द्वार पर स्थित हैं; अभीष्ट सिद्धि के लिए वे पूज्य हैं।

श्लोक 31 (skanda.4.66.31)

वरणायास्तटे रम्ये गणौ हुंडनमुंडनौ ॥ क्षेत्ररक्षां विधत्तस्तौ विघ्नस्तंभन कारकौ

varaṇāyāstaṭe ramye gaṇau huṁḍanamuṁḍanau || kṣetrarakṣāṁ vidhattastau vighnastaṁbhana kārakau

वरणा के रमणीय तट पर हुंडन और मुंडन नामक दो गण हैं; वे क्षेत्र की रक्षा करते हैं और विघ्नों को रोकने वाले हैं।

श्लोक 32 (skanda.4.66.32)

तौ द्रष्टव्यौ प्रयत्नेन क्षेत्रनिर्विघ्न हेतवे ॥ हुंडनेशं मुंडनेशं तत्र दृष्ट्वा सुखी भवेत्

tau draṣṭavyau prayatnena kṣetranirvighna hetave || huṁḍaneśaṁ muṁḍaneśaṁ tatra dṛṣṭvā sukhī bhavet

क्षेत्र को निर्विघ्न बनाए रखने के लिए उनका प्रयत्नपूर्वक दर्शन करना चाहिए; वहाँ हुंडनेश और मुंडनेश का दर्शन कर मनुष्य सुखी होता है।

श्लोक 33 (skanda.4.66.33)

॥स्कंद उवाच॥ इल्वलारे कथामेकां शृणुष्वावहितो भव ॥ वरणायास्तटे रम्ये यद्वृत्त पूर्वमुत्तमम्

||skaṁda uvāca|| ilvalāre kathāmekāṁ śṛṇuṣvāvahito bhava || varaṇāyāstaṭe ramye yadvṛtta pūrvamuttamam

स्कन्द ने कहा - हे इल्वल के शत्रु, एक कथा सुनो, सावधान होकर सुनो - वह उत्तम घटना जो पूर्वकाल में वरणा के रमणीय तट पर घटी थी।

श्लोक 34 (skanda.4.66.34)

एकदाद्रींद्रमालोक्य मेना संहृष्टमानसम् ॥ उमां संस्मृत्य निःश्वस्य प्रोवाचेति पतिव्रता

ekadādrīṁdramālokya menā saṁhṛṣṭamānasam || umāṁ saṁsmṛtya niḥśvasya provāceti pativratā

एक बार पर्वतराज हिमवान को प्रसन्नचित्त देखकर, पतिव्रता मेना उमा का स्मरण कर, दीर्घ श्वास लेकर इस प्रकार बोलीं।

श्लोक 35 (skanda.4.66.35)

॥मेनोवाच॥ आर्यपुत्र न जानामि प्रवृत्तिमपि कांचन ॥ विवाहसमयादूर्ध्वं तस्या गौर्या गिरीश्वर

||menovāca|| āryaputra na jānāmi pravṛttimapi kāṁcana || vivāhasamayādūrdhvaṁ tasyā gauryā girīśvara

मेना ने कहा - हे आर्यपुत्र, हे गिरीश्वर, विवाह के समय के बाद से मैं गौरी का कोई भी समाचार नहीं जानती।

श्लोक 36 (skanda.4.66.36)

स वृषेंद्रगतिर्देवो भस्मोरग विभूषणः ॥ महापितृवनावासो दिग्वासाः क्वास्ति संप्रति

sa vṛṣeṁdragatirdevo bhasmoraga vibhūṣaṇaḥ || mahāpitṛvanāvāso digvāsāḥ kvāsti saṁprati

वे वृषभवाहन देव, जो भस्म और सर्पों से विभूषित हैं, जो महाश्मशान में निवास करते हैं और दिशाओं को ही वस्त्र मानने वाले हैं, इस समय कहाँ हैं?

श्लोक 37 (skanda.4.66.37)

अष्टौ या मातरो दृष्टा ब्राह्मी प्रभृतयः प्रिय ॥ स्वस्वरूपास्ता मन्येऽहं बालिकाः कष्टहेतवः

aṣṭau yā mātaro dṛṣṭā brāhmī prabhṛtayaḥ priya || svasvarūpāstā manye'haṁ bālikāḥ kaṣṭahetavaḥ

हे प्रिय, ब्राह्मी आदि जो आठ मातृकाएँ हमने देखी थीं, मुझे लगता है वे भयंकर रूप वाली बालिकाएँ हमारी पुत्री के लिए कष्ट का कारण हैं।

श्लोक 38 (skanda.4.66.38)

तस्यैकस्य न कोप्यन्योस्त्यद्वितीयस्य शूलिनः ॥ तदुदंतप्रवृत्त्यै च क्रियतामुद्यमो विभो

tasyaikasya na kopyanyostyadvitīyasya śūlinaḥ || tadudaṁtapravṛttyai ca kriyatāmudyamo vibho

वे त्रिशूलधारी अद्वितीय हैं, उनका कोई और कुटुंब नहीं है - इसलिए हे विभो, उनका समाचार जानने का प्रयास करना चाहिए।

श्लोक 39 (skanda.4.66.39)

तस्याः प्रियाया वाक्येन तदपत्यप्रियो गिरिः ॥ उवाच वचनं सास्रमुमा वात्सल्यसन्नगीः

tasyāḥ priyāyā vākyena tadapatyapriyo giriḥ || uvāca vacanaṁ sāsramumā vātsalyasannagīḥ

अपनी प्रिय पत्नी के इन वचनों से, अपनी पुत्री के प्रति स्नेहवान गिरिराज उमा के प्रति वात्सल्य से द्रवित होकर अश्रुपूर्ण वचन बोले।

श्लोक 40 (skanda.4.66.40)

॥गिरिराज उवाच॥ अहमेव गमिष्यामि तस्या मेने गवेषणे ॥ नितरां बाधते प्रेम तददृष्ट्यग्निदूषितम्

||girirāja uvāca|| ahameva gamiṣyāmi tasyā mene gaveṣaṇe || nitarāṁ bādhate prema tadadṛṣṭyagnidūṣitam

गिरिराज ने कहा - हे मेना, मैं स्वयं ही उसकी खोज में जाऊँगा; उसे न देख पाने की अग्नि से दूषित प्रेम मुझे अत्यंत पीड़ित करता है।

श्लोक 41 (skanda.4.66.41)

यदा प्रभृति सा गौरी निर्गता मम सद्मतः ॥ मन्ये मेने तदारभ्य पद्मसद्मा विनिर्ययौ

yadā prabhṛti sā gaurī nirgatā mama sadmataḥ || manye mene tadārabhya padmasadmā viniryayau

जब से वह गौरी मेरे घर से गई है, हे मेना, मुझे लगता है कि तभी से कमलवासिनी लक्ष्मी भी चली गई हैं।

श्लोक 42 (skanda.4.66.42)

तदालापामृतधयौ न मे शब्दग्रहौ प्रिये ॥ प्राणेश्वरि तदारभ्य स्यातां शब्दांतरग्रहौ

tadālāpāmṛtadhayau na me śabdagrahau priye || prāṇeśvari tadārabhya syātāṁ śabdāṁtaragrahau

हे प्रिये, उसकी वाणी के अमृत का पान करने वाले मेरे दोनों कान अब कोई ध्वनि ग्रहण नहीं करते; हे प्राणेश्वरि, तभी से मेरे कान केवल अन्य साधारण शब्दों को ही ग्रहण करते हैं।

श्लोक 43 (skanda.4.66.43)

जैवातृकी यतोह्नः स्याद्दूरीभूता दृशोर्मम ॥ अहो जैवातृकी ज्योत्स्ना ततोह्नोति दुनोति माम्

jaivātṛkī yatohnaḥ syāddūrībhūtā dṛśormama || aho jaivātṛkī jyotsnā tatohnoti dunoti mām

जब से वह जीवनदायिनी चाँदनी-सी मेरी पुत्री मेरी आँखों से दूर हुई है, तब से जीवनदायिनी चाँदनी भी मुझे संतप्त करती है।

श्लोक 44 (skanda.4.66.44)

इत्युक्त्वादाय रत्नानि वासांसि विविधानि च ॥ धराधरेंद्रो निर्यातः शुभलग्नबलोदये

ityuktvādāya ratnāni vāsāṁsi vividhāni ca || dharādhareṁdro niryātaḥ śubhalagnabalodaye

यह कहकर, रत्न और नाना प्रकार के वस्त्र लेकर, पर्वतराज शुभ और बलवान लग्न के उदय होने पर यात्रा पर निकल पड़े।

श्लोक 45 (skanda.4.66.45)

॥अगस्त्य उवाच॥ कानि कानि च रत्नानि कियंत्यपि च षण्मुख ॥ यान्यादाय प्रतस्थे स तानि मे ब्रूहि पृच्छतः

||agastya uvāca|| kāni kāni ca ratnāni kiyaṁtyapi ca ṣaṇmukha || yānyādāya pratasthe sa tāni me brūhi pṛcchataḥ

अगस्त्य ने कहा - हे षण्मुख, वे कौन-कौन से रत्न थे और कितनी मात्रा में थे, जिन्हें लेकर वे चले थे? मेरे पूछने पर मुझे बताइए।

श्लोक 46 (skanda.4.66.46)

॥स्कंद उवाच॥ तुला मुक्ताफलानां तु कोटिद्वय परीमिताः ॥ तथा वारितराणां च हीरकाणां तुला शतम्

||skaṁda uvāca|| tulā muktāphalānāṁ tu koṭidvaya parīmitāḥ || tathā vāritarāṇāṁ ca hīrakāṇāṁ tulā śatam

स्कन्द ने कहा - मोतियों की दो करोड़ तुला (तराजू-माप) थीं, तथा उत्तम हीरों की सौ तुला थीं।

श्लोक 47 (skanda.4.66.47)

नवलक्षाधिकं विप्र षडस्राणां सुतेजसाम् ॥ लक्षद्वयं विदूराणां तुलाविमलवर्चसाम

navalakṣādhikaṁ vipra ṣaḍasrāṇāṁ sutejasām || lakṣadvayaṁ vidūrāṇāṁ tulāvimalavarcasāma

हे विप्र, तेजस्वी षडस्र रत्नों की नौ लाख से अधिक तुला थीं, तथा निर्मल कांति वाले विदूर रत्नों की दो लाख तुला थीं।

श्लोक 48 (skanda.4.66.48)

कोटयः पद्मरागाणां पंचावैहि तुला मुने ॥ पुष्पराग तुलालक्षं गुणितं नवसंख्यया

koṭayaḥ padmarāgāṇāṁ paṁcāvaihi tulā mune || puṣparāga tulālakṣaṁ guṇitaṁ navasaṁkhyayā

हे मुने, पद्मराग की पाँच करोड़ तुला जानिए; और पुष्पराग की एक लाख तुला को नौ से गुणा करके समझिए।

श्लोक 49 (skanda.4.66.49)

तथा गोमेद रत्नानां तुलालक्षमिता मुनै ॥ इंद्रनीलमणीनां च तुलाः कोट्यर्ध संमिताः

tathā gomeda ratnānāṁ tulālakṣamitā munai || iṁdranīlamaṇīnāṁ ca tulāḥ koṭyardha saṁmitāḥ

इसी प्रकार, हे मुने, गोमेद रत्नों की एक लाख तुला थीं; तथा इंद्रनील मणियों की आधे करोड़ के बराबर तुला थीं।

श्लोक 50 (skanda.4.66.50)

गरुडोद्गाररत्नानां तुलाः प्रयुतसंमिताः ॥ शुद्धविद्रुमरत्नानां तुलाश्च नवकोटयः

garuḍodgāraratnānāṁ tulāḥ prayutasaṁmitāḥ || śuddhavidrumaratnānāṁ tulāśca navakoṭayaḥ

गरुड़ोद्गार रत्नों की दस लाख तुला थीं, तथा शुद्ध मूँगे के रत्नों की नौ करोड़ तुला थीं।

श्लोक 51 (skanda.4.66.51)

अष्टांगाभरणानां च संख्या कर्तुं न शक्यते ॥ वाससां च विचित्राणां कोमलानां तथा मुने

aṣṭāṁgābharaṇānāṁ ca saṁkhyā kartuṁ na śakyate || vāsasāṁ ca vicitrāṇāṁ komalānāṁ tathā mune

आठों प्रकार के आभूषणों की तथा हे मुने, नाना प्रकार के सुंदर और कोमल वस्त्रों की गिनती करना संभव नहीं था।

श्लोक 52 (skanda.4.66.52)

चामराणि च भूयांसि द्रव्याण्यामोदवंति च ॥ सुवर्णदासदास्यादीन्यसंख्यातानि वै मुने

cāmarāṇi ca bhūyāṁsi dravyāṇyāmodavaṁti ca || suvarṇadāsadāsyādīnyasaṁkhyātāni vai mune

अनेक चामर, सुगंधित द्रव्य, स्वर्ण के आभूषण, तथा असंख्य दास-दासी आदि भी थे, हे मुने।

श्लोक 53 (skanda.4.66.53)

सर्वाण्यपि समादाय प्रतस्थे भूधरेश्वरः ॥ आगत्य वरणातीरं दूरात्काशीमलोकयत्

sarvāṇyapi samādāya pratasthe bhūdhareśvaraḥ || āgatya varaṇātīraṁ dūrātkāśīmalokayat

इन सबको लेकर पर्वतराज यात्रा पर निकले; वरणा के तट पर पहुँचकर उन्होंने दूर से काशी को देखा।

श्लोक 54 (skanda.4.66.54)

अनेकरत्ननिचयैः खचिताऽखिलभूमिकाम् ॥ नानाप्रासादमाणिक्यज्योतिस्ततततांबराम्

anekaratnanicayaiḥ khacitā'khilabhūmikām || nānāprāsādamāṇikyajyotistatatatāṁbarām

काशी की समस्त भूमि अनेक रत्नों के समूहों से जड़ित थी, तथा उसके विविध प्रासादों के माणिक्यों की ज्योति से आकाश व्याप्त था।

श्लोक 55 (skanda.4.66.55)

सौधाग्रविविधस्वर्णकलशोज्वलदिङ्मुखाम् ॥ जयंतीवैजयंतीनां निकरैस्त्रिदिवस्थलीम्

saudhāgravividhasvarṇakalaśojvaladiṅmukhām || jayaṁtīvaijayaṁtīnāṁ nikaraistridivasthalīm

उसके भवनों के शिखरों पर स्थित विविध स्वर्ण-कलशों से दिशाएँ उद्भासित थीं, तथा जयंती-वैजयंती ध्वजों के समूहों से वह मानो स्वर्गलोक की भूमि प्रतीत होती थी।

श्लोक 56 (skanda.4.66.56)

महासिद्ध्यष्टकस्यापि क्रीडाभवनमद्भुतम् ॥ जितकल्पदुमवनां वनैः सर्वफलावनैः

mahāsiddhyaṣṭakasyāpi krīḍābhavanamadbhutam || jitakalpadumavanāṁ vanaiḥ sarvaphalāvanaiḥ

वह मानो अष्ट महासिद्धियों की भी अद्भुत क्रीड़ाभूमि थी, जिसके सभी फलों से भरे वन कल्पवृक्षों के वनों को भी मात करते थे।

श्लोक 57 (skanda.4.66.57)

इति काशीसमृद्धिं स विलोक्याभूद्विलज्जितः ॥ उवाच च मनस्येव भूधरेंद्र इदं वचः

iti kāśīsamṛddhiṁ sa vilokyābhūdvilajjitaḥ || uvāca ca manasyeva bhūdhareṁdra idaṁ vacaḥ

इस प्रकार काशी की समृद्धि को देखकर वे लज्जित हो गए, और पर्वतराज मन ही मन इस प्रकार बोले।

श्लोक 58 (skanda.4.66.58)

प्रासादेषु प्रतोलीषु प्राकारेषु गृहेषु च ॥ गोपुरेषु विचित्रेषु कपाटेषु तटेष्वपि

prāsādeṣu pratolīṣu prākāreṣu gṛheṣu ca || gopureṣu vicitreṣu kapāṭeṣu taṭeṣvapi

प्रासादों में, राजमार्गों में, प्राकारों और घरों में, विचित्र गोपुरों में, द्वारों में तथा तटों पर भी -

श्लोक 59 (skanda.4.66.59)

मणिमाणिक्यरत्नानामुच्छलच्चारुरोचिषाम् ॥ ज्योतिर्जालैर्जटिलितं ययेदमवलोक्यते

maṇimāṇikyaratnānāmucchalaccārurociṣām || jyotirjālairjaṭilitaṁ yayedamavalokyate

- जो कुछ भी उस नगरी में दिखाई देता है, वह सब मणि-माणिक्य-रत्नों की उछलती हुई सुंदर आभा के प्रकाश-जालों से आच्छादित है।

श्लोक 60 (skanda.4.66.60)

द्यावाभूम्योरंतरालं तथेति समवैम्यहम् ॥ ईदृक्संपत्तिसंभारः कुवेरस्यापि नो गृहे

dyāvābhūmyoraṁtarālaṁ tatheti samavaimyaham || īdṛksaṁpattisaṁbhāraḥ kuverasyāpi no gṛhe

'स्वर्ग और पृथ्वी के बीच' - मैं अब ऐसा ही समझता हूँ; इतनी संपत्ति-राशि तो कुबेर के घर में भी नहीं है।

श्लोक 61 (skanda.4.66.61)

अपि वैकुंठभुवने नेतरस्येह का कथा ॥ इति यावद्गिरींद्रोसौ संभावयति चेतसि

api vaikuṁṭhabhuvane netarasyeha kā kathā || iti yāvadgirīṁdrosau saṁbhāvayati cetasi

यहाँ तक कि वैकुंठलोक में भी नहीं - फिर अन्य किसी स्थान की तो बात ही क्या! जब तक पर्वतराज मन में इस प्रकार विचार कर रहे थे -

श्लोक 62 (skanda.4.66.62)

तावत्कार्पटिकः कश्चित्तल्लोचनपथं गतः ॥ आहूय बहुमानं तमपृच्छच्चाचलेश्वरः

tāvatkārpaṭikaḥ kaścittallocanapathaṁ gataḥ || āhūya bahumānaṁ tamapṛcchaccācaleśvaraḥ

- तभी कोई कार्पटिक (परिव्राजक तपस्वी) उनकी दृष्टि के मार्ग में आया; पर्वतेश्वर ने बड़े सम्मान से उसे बुलाकर प्रश्न किया।

श्लोक 63 (skanda.4.66.63)

॥हिमवानुवाच॥ हंहो कार्पटिक श्रेष्ठ अध्यास्वैतदिहासनम् ॥ स्वपुरोदंतमाख्याहि किमपूर्वमिहाध्वग

||himavānuvāca|| haṁho kārpaṭika śreṣṭha adhyāsvaitadihāsanam || svapurodaṁtamākhyāhi kimapūrvamihādhvaga

हिमवान ने कहा - हे श्रेष्ठ कार्पटिक, यहाँ इस आसन पर विराजिए; हे यात्री, अपने नगर का समाचार बताइए - यहाँ क्या नवीन बात है?

श्लोक 64 (skanda.4.66.64)

कोत्र संप्रत्यधिष्ठाता किमधिष्ठातृ चेष्टितम् ॥ यदि जानासि तत्सर्वमिहाचक्ष्व ममाग्रतः

kotra saṁpratyadhiṣṭhātā kimadhiṣṭhātṛ ceṣṭitam || yadi jānāsi tatsarvamihācakṣva mamāgrataḥ

यहाँ इस समय अधिष्ठाता कौन है, और उस अधिष्ठाता के कार्य क्या हैं? यदि आप यह सब जानते हैं तो मेरे सामने बताइए।

श्लोक 65 (skanda.4.66.65)

सोपि कार्पटिकस्तस्य गिरिराजस्य भाषितम् ॥ समाकर्ण्य समाचष्टुं मुने समुपचक्रमे

sopi kārpaṭikastasya girirājasya bhāṣitam || samākarṇya samācaṣṭuṁ mune samupacakrame

हे मुने, वह कार्पटिक भी पर्वतराज के वचन सुनकर उत्तर देने के लिए प्रवृत्त हुआ।

श्लोक 66 (skanda.4.66.66)

॥कार्पटिक उवाच॥ आचक्षे शृणु राजेंद्र यत्पृष्टोस्मि त्वयाखिलम् ॥ अहानि पंचषाण्येव व्यतिक्रांतानि मानद

||kārpaṭika uvāca|| ācakṣe śṛṇu rājeṁdra yatpṛṣṭosmi tvayākhilam || ahāni paṁcaṣāṇyeva vyatikrāṁtāni mānada

कार्पटिक ने कहा - हे राजेन्द्र, आपने जो कुछ पूछा है, वह सब मैं बताता हूँ, सुनिए; हे मानद, अभी केवल पाँच-छह दिन ही बीते हैं -

श्लोक 67 (skanda.4.66.67)

समायाते जगन्नाथे पर्वतेंद्र सुतापतौ ॥ सुंदरान्मंदरादद्रेर्दिवोदासे गते दिवि

samāyāte jagannāthe parvateṁdra sutāpatau || suṁdarānmaṁdarādadrerdivodāse gate divi

- हे पर्वतेन्द्र, दिवोदास के स्वर्गगमन के पश्चात, पर्वतपुत्री के पति जगन्नाथ सुंदर मंदराचल से यहाँ आए हैं।

श्लोक 68 (skanda.4.66.68)

यो वै जगदधिष्ठाता सोधिष्ठातात्र सर्वगः ॥ सर्वदृक्सर्वदः शर्वः कथं न ज्ञायते विभो

yo vai jagadadhiṣṭhātā sodhiṣṭhātātra sarvagaḥ || sarvadṛksarvadaḥ śarvaḥ kathaṁ na jñāyate vibho

जो संसार का अधिष्ठाता है, वही सर्वव्यापी यहाँ का भी अधिष्ठाता है; हे विभो, वह सर्वद्रष्टा, सर्वदाता शर्व आपको कैसे ज्ञात नहीं है?

श्लोक 69 (skanda.4.66.69)

मन्ये दृषत्स्वरूपोसि दृषदोपि कठोरधीः ॥ यतो विश्वेश्वरं काश्यां न वेत्सि गिरिजापतिम्

manye dṛṣatsvarūposi dṛṣadopi kaṭhoradhīḥ || yato viśveśvaraṁ kāśyāṁ na vetsi girijāpatim

मैं मानता हूँ कि आप स्वयं पत्थर के स्वरूप हैं, पत्थर से भी कठोर बुद्धि वाले हैं, क्योंकि आप काशी में गिरिजापति विश्वेश्वर को नहीं जानते।

श्लोक 70 (skanda.4.66.70)

स्वभावकठिनात्मापि स वरं हिमवान्गिरिः ॥ प्राणाधिक सुता दानाद्यो धिनोद्विश्वनायकम्

svabhāvakaṭhinātmāpi sa varaṁ himavāngiriḥ || prāṇādhika sutā dānādyo dhinodviśvanāyakam

स्वभाव से कठोर होते हुए भी वह पर्वत हिमवान धन्य है, जिसने अपने प्राणों से भी अधिक प्रिय पुत्री का दान करके विश्वनायक को संतुष्ट किया।

श्लोक 71 (skanda.4.66.71)

बिभ्रत्सहज काठिन्यं जातो गौरीगुरुर्गुरुः ॥ शंभुं प्रपूज्य सुतया स्रजा विश्वगुरोरपि

bibhratsahaja kāṭhinyaṁ jāto gaurīgururguruḥ || śaṁbhuṁ prapūjya sutayā srajā viśvagurorapi

अपनी सहज कठोरता को धारण करते हुए भी, गौरी के पिता वे हिमवान गुरुओं के भी गुरु बन गए हैं, क्योंकि उन्होंने अपनी पुत्रीरूपी माला से विश्वगुरु के भी गुरु शंभु की पूजा की।

श्लोक 72 (skanda.4.66.72)

चेष्टितं तस्य को वेद वेदवेद्यस्य चेशितुः ॥ मनागिति च जानेहं तच्चेष्टितमिदं जगत्

ceṣṭitaṁ tasya ko veda vedavedyasya ceśituḥ || manāgiti ca jānehaṁ tacceṣṭitamidaṁ jagat

वेदों से जाने जाने वाले उन ईश्वर की लीला को कौन जान सकता है? फिर भी मैं थोड़ा जानता हूँ - यह संपूर्ण जगत ही उनकी लीला है।

श्लोक 73 (skanda.4.66.73)

अधिष्ठाता मया ख्यातस्तथाधिष्ठातृ चेष्टितम् ॥ अपूर्वं यत्त्वयापृष्टं तदाख्यामि च तच्छृणु

adhiṣṭhātā mayā khyātastathādhiṣṭhātṛ ceṣṭitam || apūrvaṁ yattvayāpṛṣṭaṁ tadākhyāmi ca tacchṛṇu

अधिष्ठाता का नाम मैंने बता दिया, तथा उस अधिष्ठाता की लीला भी; अब जो अपूर्व बात आपने पूछी थी, वह बताता हूँ, सुनिए।

श्लोक 74 (skanda.4.66.74)

शुभे ज्येष्ठेश्वरस्थाने सांप्रतं स उमापतिः ॥ काशीं प्राप्य मुदा तिष्ठेद्गिरिराजांगजा सखः

śubhe jyeṣṭheśvarasthāne sāṁprataṁ sa umāpatiḥ || kāśīṁ prāpya mudā tiṣṭhedgirirājāṁgajā sakhaḥ

वे उमापति, गिरिराज-पुत्री के सखा, इस समय काशी में आकर शुभ ज्येष्ठेश्वर स्थान में आनंदपूर्वक निवास कर रहे हैं।

श्लोक 75 (skanda.4.66.75)

॥स्कंद उवाच॥ यदा यदा स गिरिजा मृदुनामाक्षरामृतम् ॥ आविष्करोति पथिकोऽद्रींद्रो हृष्येत्तदातदा

||skaṁda uvāca|| yadā yadā sa girijā mṛdunāmākṣarāmṛtam || āviṣkaroti pathiko'drīṁdro hṛṣyettadātadā

स्कन्द ने कहा - जब-जब गिरिजा अपने कोमल अक्षरों के अमृत को प्रकट करती, तब-तब वह यात्री पर्वतराज, अनजाने ही, हर्षित होते।

श्लोक 76 (skanda.4.66.76)

उमानामामृतं पीतं येनेह जगतीतले ॥ न जातु जननीस्तन्यं स पिबेत्कुंभसंभव

umānāmāmṛtaṁ pītaṁ yeneha jagatītale || na jātu jananīstanyaṁ sa pibetkuṁbhasaṁbhava

हे कुंभयोने, जिसने इस पृथ्वी पर उमा के नाम का अमृत पी लिया है, वह फिर कभी माता का स्तनपान अर्थात पुनर्जन्म नहीं करता।

श्लोक 77 (skanda.4.66.77)

उमेतिद्व्यक्षरं मंत्रं योऽहर्निशमनुस्मरेत् ॥ न स्मरेच्चित्रगुप्तस्तं कृतपापमपि द्विज

umetidvyakṣaraṁ maṁtraṁ yo'harniśamanusmaret || na smareccitraguptastaṁ kṛtapāpamapi dvija

हे द्विज, जो दिन-रात 'उमा' इस द्व्यक्षर मंत्र का स्मरण करता है, चित्रगुप्त उसके किए हुए पाप का भी स्मरण नहीं करते।

श्लोक 78 (skanda.4.66.78)

पुनः शुश्राव हिमवान्हृष्टः कार्पटिकोदितम् ॥ ॥कार्पटिक उवाच॥ राजन्विश्वेश्वरार्थेयः प्रासादो विश्वकर्मणा

punaḥ śuśrāva himavānhṛṣṭaḥ kārpaṭikoditam || ||kārpaṭika uvāca|| rājanviśveśvarārtheyaḥ prāsādo viśvakarmaṇā

पुनः हिमवान हर्षित होकर कार्पटिक के कहे हुए वचन सुनने लगे। कार्पटिक ने कहा - हे राजन्, विश्वेश्वर के लिए विश्वकर्मा द्वारा जो प्रासाद -

श्लोक 79 (skanda.4.66.79)

निर्मीयते सुनिर्माणो जन्मि निर्वाणदायिनः ॥ तदपूर्वं न कर्णाभ्यामप्याकर्णितवानहम्

nirmīyate sunirmāṇo janmi nirvāṇadāyinaḥ || tadapūrvaṁ na karṇābhyāmapyākarṇitavānaham

- सुंदर निर्माण किया जा रहा है, जो जन्म लेने वालों को निर्वाण देने वाला है, वह अपूर्व बात मैंने कभी अपने कानों से भी नहीं सुनी थी।

श्लोक 80 (skanda.4.66.80)

यत्रातिमित्रतेजोभिः शलाकाभिः समंततः ॥ मणिमाणिक्यरत्नानां प्रासादेभित्तयः कृताः

yatrātimitratejobhiḥ śalākābhiḥ samaṁtataḥ || maṇimāṇikyaratnānāṁ prāsādebhittayaḥ kṛtāḥ

जहाँ अत्यंत तेजस्वी शलाकाओं से, मणि-माणिक्य-रत्नों से प्रासाद की दीवारें सब ओर से बनाई गई हैं।

श्लोक 81 (skanda.4.66.81)

यत्र संति शतं स्तंभा भास्वंतो द्वादशोत्तराः ॥ एकैकं भुवनं धर्तुमष्टाष्टाविति कल्पिताः

yatra saṁti śataṁ staṁbhā bhāsvaṁto dvādaśottarāḥ || ekaikaṁ bhuvanaṁ dhartumaṣṭāṣṭāviti kalpitāḥ

जहाँ एक सौ बारह देदीप्यमान स्तंभ हैं, जो प्रत्येक भुवन को धारण करने के लिए आठ-आठ के समूह में कल्पित किए गए हैं।

श्लोक 82 (skanda.4.66.82)

चतुर्दशसु या शोभा विष्टपेषु समंततः ॥ तस्मिन्विमाने सास्तीह शतकोटिगुणोत्तरा

caturdaśasu yā śobhā viṣṭapeṣu samaṁtataḥ || tasminvimāne sāstīha śatakoṭiguṇottarā

चौदहों लोकों में सब ओर जो शोभा है, वही शोभा इस विमान में यहाँ करोड़ों गुना अधिक है।

श्लोक 83 (skanda.4.66.83)

चंद्रकांतमणीनां च स्तंभाधार शिलाश्च याः ॥ चित्ररत्नमयैस्तंभैः स्तंभितास्तत्प्रभाभराः

caṁdrakāṁtamaṇīnāṁ ca staṁbhādhāra śilāśca yāḥ || citraratnamayaistaṁbhaiḥ staṁbhitāstatprabhābharāḥ

और चंद्रकांत मणियों की जो आधार-शिलाएँ स्तंभों को धारण करती हैं, उनकी प्रभा के समूह मानो विचित्र रत्नमय स्तंभों से रोके हुए हैं।

श्लोक 84 (skanda.4.66.84)

पद्मरागेंद्रनीलानां शालीनाः शालभंजिकाः ॥ नीराजयंत्यहोरात्रं यत्र रजप्रदीपकैः

padmarāgeṁdranīlānāṁ śālīnāḥ śālabhaṁjikāḥ || nīrājayaṁtyahorātraṁ yatra rajapradīpakaiḥ

जहाँ पद्मराग और इंद्रनील मणियों से बनी सुंदर शालभंजिका-पुतलियाँ रात-दिन रत्नधूलि के दीपकों से आरती करती हैं।

श्लोक 85 (skanda.4.66.85)

स्फुरत्स्फटिकनिर्माण श्लक्ष्ण पद्मशिलातले ॥ अनेकरत्नरूपाणि विचित्राणि समंततः

sphuratsphaṭikanirmāṇa ślakṣṇa padmaśilātale || anekaratnarūpāṇi vicitrāṇi samaṁtataḥ

देदीप्यमान स्फटिक से निर्मित चिकने कमल-शिलातल पर सब ओर अनेक प्रकार के विचित्र रत्न-रूप बने हुए हैं।

श्लोक 86 (skanda.4.66.86)

आरक्तपीतमंजिष्ठ नीलकिर्मीरवर्णकैः ॥ विन्यस्तानीव भासंते चित्रे चित्रकृतायतः

āraktapītamaṁjiṣṭha nīlakirmīravarṇakaiḥ || vinyastānīva bhāsaṁte citre citrakṛtāyataḥ

लाल-पीले, मजीठिया, नीले और चित्र-विचित्र रंगों से, वे मानो किसी निपुण चितेरे द्वारा चित्रित रचना में सजाए गए-से शोभित होते हैं।

श्लोक 87 (skanda.4.66.87)

दृक्पिच्छिला विलोक्यंते माणिक्यस्तंभराजयः ॥ यतोऽविमुक्ते स्वक्षेत्रे मोक्षलक्ष्म्यंकुरा इव

dṛkpicchilā vilokyaṁte māṇikyastaṁbharājayaḥ || yato'vimukte svakṣetre mokṣalakṣmyaṁkurā iva

माणिक्य के स्तंभों की पंक्तियाँ दृष्टि को चौंधिया देने वाली दिखाई देती हैं, मानो अविमुक्त क्षेत्र में मोक्षलक्ष्मी के अंकुर हों।

श्लोक 88 (skanda.4.66.88)

रत्नाकरेभ्यः सर्वेभ्यो गणा रत्नोच्चयान्बहून् ॥ राशींश्चक्रुः समानीय यत्राद्रिशिखरोपमान्

ratnākarebhyaḥ sarvebhyo gaṇā ratnoccayānbahūn || rāśīṁścakruḥ samānīya yatrādriśikharopamān

जहाँ गणों ने सभी रत्नाकरों से बहुत से रत्न-समूह लाकर पर्वत-शिखरों के समान राशियाँ बना दी हैं।

श्लोक 89 (skanda.4.66.89)

यत्र पातालतलतो नागानां कोशवेश्मतः ॥ गणैर्मणिगणाः सर्वे समाहृत्य गिरीकृताः

yatra pātālatalato nāgānāṁ kośaveśmataḥ || gaṇairmaṇigaṇāḥ sarve samāhṛtya girīkṛtāḥ

जहाँ पाताल-तल से नागों के कोश-भवनों से समस्त मणि-समूहों को गणों ने एकत्रित कर पर्वत के समान ढेर बना दिया है।

श्लोक 90 (skanda.4.66.90)

शिवभक्तः स्वयं यत्र पौलस्त्यः स्वद्रिकूटतः ॥ कोटिहाटककूटानि आनयामास राक्षसैः

śivabhaktaḥ svayaṁ yatra paulastyaḥ svadrikūṭataḥ || koṭihāṭakakūṭāni ānayāmāsa rākṣasaiḥ

जहाँ शिवभक्त पौलस्त्य (रावण) ने स्वयं अपने पर्वत-शिखर से, राक्षसों के द्वारा करोड़ों स्वर्ण-शिखर मँगवाए हैं।

श्लोक 91 (skanda.4.66.91)

प्रासादनिर्मितिं श्रुत्वा भक्ता द्वीपांतरस्थिताः ॥ माणिक्यानि समाजह्रुर्यथासंख्यान्यहो नृप

prāsādanirmitiṁ śrutvā bhaktā dvīpāṁtarasthitāḥ || māṇikyāni samājahruryathāsaṁkhyānyaho nṛpa

हे राजन्, प्रासाद-निर्माण की बात सुनकर, दूर-दूर द्वीपों में रहने वाले भक्तों ने भी अगणित माणिक्य भेजे।

श्लोक 92 (skanda.4.66.92)

चिंतामणिः स्वयं यत्र कमर्णे विश्वकर्मणे ॥ विश्राणयेदहोरात्रं विचित्रांश्चिं तितान्मणीन्

ciṁtāmaṇiḥ svayaṁ yatra kamarṇe viśvakarmaṇe || viśrāṇayedahorātraṁ vicitrāṁściṁ titānmaṇīn

जहाँ चिंतामणि स्वयं दिन-रात विश्वकर्मा को अपने चिंतन से उत्पन्न विचित्र मणियाँ प्रदान करता रहा।

श्लोक 93 (skanda.4.66.93)

नानावर्णपताकाश्च यत्र कल्पमहीरुहः ॥ अनल्पाः कल्पयंत्येव नित्यभक्तिसमन्विताः

nānāvarṇapatākāśca yatra kalpamahīruhaḥ || analpāḥ kalpayaṁtyeva nityabhaktisamanvitāḥ

और जहाँ कल्पवृक्ष नित्य भक्तिपूर्वक अनेक रंगों की पताकाएँ प्रचुर मात्रा में बनाते रहते हैं।

श्लोक 94 (skanda.4.66.94)

अब्धयो यत्र सततं दधिक्षीरेक्षुसर्पिषाम् ॥ पंचामृतानां कलशैः स्नपयंति दिनेदिने

abdhayo yatra satataṁ dadhikṣīrekṣusarpiṣām || paṁcāmṛtānāṁ kalaśaiḥ snapayaṁti dinedine

जहाँ समुद्र स्वयं प्रतिदिन दही, दूध, ईख के रस और घी आदि पंचामृतों के कलशों से शिवलिंग को स्नान कराते हैं।

श्लोक 95 (skanda.4.66.95)

यत्र कामदुघा नित्यं स्नपयेन्मधुधारया ॥ स्वदुग्धया स्वयं भक्त्या विश्वेशं लिंगरूपिणम्

yatra kāmadughā nityaṁ snapayenmadhudhārayā || svadugdhayā svayaṁ bhaktyā viśveśaṁ liṁgarūpiṇam

जहाँ कामधेनु स्वयं भक्तिपूर्वक प्रतिदिन मधुधारा से तथा अपने ही दुग्ध से लिंगरूपधारी विश्वेश को स्नान कराती है।

श्लोक 96 (skanda.4.66.96)

गंधसाररसैर्यं च सेवते मलयाचलः ॥ कर्पूररंभा कर्पूरपूरैर्भक्त्या निषेवते

gaṁdhasārarasairyaṁ ca sevate malayācalaḥ || karpūraraṁbhā karpūrapūrairbhaktyā niṣevate

जिनकी सेवा मलयाचल चंदन के सारभूत रस से करता है, और जिनकी भक्तिपूर्वक सेवा कर्पूर-रंभा कर्पूर की प्रचुरता से करती है।

श्लोक 97 (skanda.4.66.97)

इत्याद्य पूर्वं यत्रास्ति प्रत्यहं शंकरालये ॥ कथं तं त्वमुमाकातं न वेत्सि कठिनाशय

ityādya pūrvaṁ yatrāsti pratyahaṁ śaṁkarālaye || kathaṁ taṁ tvamumākātaṁ na vetsi kaṭhināśaya

इस प्रकार की और भी अनेक बातें प्रतिदिन शंकर के आलय में विद्यमान हैं - हे कठोर हृदय वाले, आप उन उमापति को कैसे नहीं जानते?

श्लोक 98 (skanda.4.66.98)

इति तस्य समृद्धिं तां दृष्ट्वा जामातुरद्रिराट ॥ त्रपया परिभूतोभून्नितरां कुंभसंभव

iti tasya samṛddhiṁ tāṁ dṛṣṭvā jāmāturadrirāṭa || trapayā paribhūtobhūnnitarāṁ kuṁbhasaṁbhava

हे कुंभयोने, इस प्रकार अपने जामाता की उस समृद्धि को सुनकर पर्वतराज अत्यंत लज्जा से अभिभूत हो गए।

श्लोक 99 (skanda.4.66.99)

तस्मै कार्पटिकायाथ स दत्त्वा पारितोषिकम् ॥ पुनश्चिंतापरोजातोऽद्रिराट्कार्पटिके गते

tasmai kārpaṭikāyātha sa dattvā pāritoṣikam || punaściṁtāparojāto'drirāṭkārpaṭike gate

तब उस कार्पटिक को पारितोषिक देकर, कार्पटिक के चले जाने पर पर्वतराज पुनः चिंता में डूब गए।

श्लोक 100 (skanda.4.66.100)

उवाचेति मनस्येव विस्मयोत्फुल्ललोचनः ॥ अहो भद्रमिदं जातं यत्त्वया श्रावि शर्मभाक्

uvāceti manasyeva vismayotphullalocanaḥ || aho bhadramidaṁ jātaṁ yattvayā śrāvi śarmabhāk

मन ही मन विस्मय से चकित नेत्रों वाले वे बोले - 'अरे! यह तो शुभ ही हुआ कि तुमने मुझे यह सब सुनाया, जिससे मुझे यह आनंद प्राप्त हुआ।'

श्लोक 101 (skanda.4.66.101)

यावत्संपत्तिसंभारः श्रूयते दृश्यतेत्र वै ॥ जामातुरत्र सदने लीला त्रिजगतीपतेः

yāvatsaṁpattisaṁbhāraḥ śrūyate dṛśyatetra vai || jāmāturatra sadane līlā trijagatīpateḥ

'जितनी भी यह संपत्ति की राशि यहाँ सुनी और देखी जाती है, वह सब यहाँ इस सदन में त्रिभुवनपति मेरे जामाता की लीला मात्र है।'

श्लोक 102 (skanda.4.66.102)

ततः प्राभृतकस्तुच्छो नितरां प्रतिभाति मे ॥ कन्यार्थं यो मया नीतो जामातुः परितोषकृत्

tataḥ prābhṛtakastuccho nitarāṁ pratibhāti me || kanyārthaṁ yo mayā nīto jāmātuḥ paritoṣakṛt

'इसलिए कन्या के बदले जामाता को संतुष्ट करने के लिए जो उपहार मैं लाया था, वह अब मुझे अत्यंत तुच्छ प्रतीत होता है।'

श्लोक 103 (skanda.4.66.103)

अहं मन्ये तथैवासौ यथादर्शि मया पुरा ॥ वृद्धोक्षमात्रसंपत्तिः सर्वकर्मपराङ्मुखः

ahaṁ manye tathaivāsau yathādarśi mayā purā || vṛddhokṣamātrasaṁpattiḥ sarvakarmaparāṅmukhaḥ

'मैं तो उन्हें वैसा ही मानता था जैसा मैंने पहले देखा था - केवल एक बूढ़े बैल मात्र की संपत्ति वाला, समस्त कर्मों से विमुख।'

श्लोक 104 (skanda.4.66.104)

नैनं कोपि विजानीयान्नान्वयोस्य कदाऽचन ॥ नामापि यस्य नैकं च किंदेशीयश्च नोह्यते

nainaṁ kopi vijānīyānnānvayosya kadā'cana || nāmāpi yasya naikaṁ ca kiṁdeśīyaśca nohyate

'इसे कोई भी कभी पूरी तरह नहीं जान सकता, न इसके वंश को; इसका एक निश्चित नाम भी नहीं है, और यह भी ज्ञात नहीं होता कि यह किस देश का है।'

श्लोक 105 (skanda.4.66.105)

किंवृत्तश्च किमाचारो नाममात्रेण चेश्वरः ॥ ऐश्वर्यसूचकं वस्तु यस्य किंचिन्न लक्ष्यते

kiṁvṛttaśca kimācāro nāmamātreṇa ceśvaraḥ || aiśvaryasūcakaṁ vastu yasya kiṁcinna lakṣyate

'इसकी वृत्ति क्या है, आचार क्या है? यह केवल नाम मात्र से ईश्वर है, क्योंकि इसमें ऐश्वर्य का सूचक कुछ भी दिखाई नहीं देता।'

श्लोक 106 (skanda.4.66.106)

सोसौ निर्वाणसंपत्तिं रंकायापि ददात्यहो ॥ सुमुखः सर्वकर्माणि फलवंति करोति सः

sosau nirvāṇasaṁpattiṁ raṁkāyāpi dadātyaho || sumukhaḥ sarvakarmāṇi phalavaṁti karoti saḥ

'फिर भी अहो! वही निर्धन को भी मोक्ष की संपत्ति प्रदान करता है; वह प्रसन्नमुख होकर सभी कर्मों को फलदायी बनाता है।'

श्लोक 107 (skanda.4.66.107)

वेदवेद्यो हि सर्वज्ञो यत्संतानोऽखिलं जगत् ॥ यं न कोपि हि वेदादौ वेदवेद्यः स एष वै

vedavedyo hi sarvajño yatsaṁtāno'khilaṁ jagat || yaṁ na kopi hi vedādau vedavedyaḥ sa eṣa vai

'वह वेदों से जाना जाने वाला सर्वज्ञ है, जिसकी संतान यह संपूर्ण जगत है; जिसे वेदों के आरंभ में भी कोई नहीं जानता, वही वास्तव में वेदवेद्य है।'

श्लोक 108 (skanda.4.66.108)

योनभिज्ञः सदाज्ञातः स सर्वज्ञोयमेव हि ॥ यस्यैकमपि नो नाम पुंसा ज्ञेयं न केनचित्

yonabhijñaḥ sadājñātaḥ sa sarvajñoyameva hi || yasyaikamapi no nāma puṁsā jñeyaṁ na kenacit

'जो अनभिज्ञ-सा प्रतीत होकर भी सदा ज्ञात है, वही वास्तव में सर्वज्ञ है; जिसका एक भी नाम किसी पुरुष द्वारा पूर्णतः नहीं जाना जा सकता।'

श्लोक 109 (skanda.4.66.109)

सर्वेषां सर्वनामानि यस्य नामानि निश्चितम् ॥ सोसौ हि सर्वदेशीयः सर्वेभ्यः सर्वसिद्धिदः

sarveṣāṁ sarvanāmāni yasya nāmāni niścitam || sosau hi sarvadeśīyaḥ sarvebhyaḥ sarvasiddhidaḥ

'सभी प्राणियों के सभी नाम निश्चय ही उसके नाम हैं; वह सब देशों का है और सबको सभी सिद्धियाँ देने वाला है।'

श्लोक 110 (skanda.4.66.110)

यस्य देशो न विदितो यस्तु वृत्तिपराङ्मुखः ॥ आचारहीनमिव यं पुराऽपश्यं कठोरधीः

yasya deśo na vidito yastu vṛttiparāṅmukhaḥ || ācārahīnamiva yaṁ purā'paśyaṁ kaṭhoradhīḥ

'जिसका देश ज्ञात नहीं, जो आजीविका से विमुख-सा प्रतीत होता है - उसे मैं कठोर बुद्धि वाला व्यक्ति पहले आचारहीन-सा समझता था।'

श्लोक 111 (skanda.4.66.111)

श्रुतिस्मृती यतः सर्वमाचारं वित्त एव हि ॥ नाममात्रेण नियतं यमज्ञासिषमीश्वरम्

śrutismṛtī yataḥ sarvamācāraṁ vitta eva hi || nāmamātreṇa niyataṁ yamajñāsiṣamīśvaram

'क्योंकि आचार तो श्रुति और स्मृति से ही जाना जाता है - मैंने केवल नाम मात्र से निश्चित रूप से उस ईश्वर को नहीं पहचाना।'

श्लोक 112 (skanda.4.66.112)

साक्षादीश्वर एवैष सोन्येष्वैश्वर्यसूचकः ॥ अपि सर्वगुणाधारो गुणातीतः परापरः

sākṣādīśvara evaiṣa sonyeṣvaiśvaryasūcakaḥ || api sarvaguṇādhāro guṇātītaḥ parāparaḥ

'यही साक्षात् ईश्वर है, अन्यों में जो ऐश्वर्य दिखाई देता है वह भी इसी का सूचक है; यह समस्त गुणों का आधार है, फिर भी गुणातीत तथा परम और अपर दोनों है।'

श्लोक 113 (skanda.4.66.113)

अर्वाचीन इहाप्येष पराचीनः परात्परः ॥ भूधराणामहं नाथो विश्वनाथ उमापतिः

arvācīna ihāpyeṣa parācīnaḥ parātparaḥ || bhūdharāṇāmahaṁ nātho viśvanātha umāpatiḥ

'यह यहाँ भी उपस्थित है और परे भी, परम से भी परम है; मैं तो पर्वतों का स्वामी हूँ, परंतु वह विश्वनाथ, उमापति है।'

श्लोक 114 (skanda.4.66.114)

अहं प्रमितसंपत्तिरप्रमेय धनोह्यसौ ॥ तुच्छप्राभृत कस्तस्मान्नेदानीमस्य दर्शनम्

ahaṁ pramitasaṁpattiraprameya dhanohyasau || tucchaprābhṛta kastasmānnedānīmasya darśanam

'मेरी संपत्ति परिमित है, किंतु उसका धन अप्रमेय है; अतः इस तुच्छ उपहार के साथ अभी मैं उसका दर्शन नहीं करूँगा।'

श्लोक 115 (skanda.4.66.115)

करिष्येथ करिष्यामि व्यावृत्त्यागत्य कर्हिचित् ॥ संप्रधार्येति मनसि सायं स च गिरीश्वरः

kariṣyetha kariṣyāmi vyāvṛttyāgatya karhicit || saṁpradhāryeti manasi sāyaṁ sa ca girīśvaraḥ

'मैं करूँगा, मैं करूँगा - फिर कभी लौटकर आऊँगा' - मन में ऐसा निश्चय करके, वे पर्वतेश्वर उस संध्या को वहीं रहे।

श्लोक 116 (skanda.4.66.116)

आहूय सर्वाननुगान्पार्वतीयान्महाबलान् ॥ आदिष्टवानिदं वाक्यं सर्वे यूयं बलाधिकाः

āhūya sarvānanugānpārvatīyānmahābalān || ādiṣṭavānidaṁ vākyaṁ sarve yūyaṁ balādhikāḥ

अपने सभी पर्वतीय महाबली अनुचरों को बुलाकर उन्होंने यह आदेश दिया - 'तुम सब अत्यंत बलवान हो -'

श्लोक 117 (skanda.4.66.117)

कुर्वंत्वेकं ममादेशं यावन्नोद्यति भानुमान् ॥ तावच्छिवालयं चैकं विदधत्वत्र सत्वरम्

kurvaṁtvekaṁ mamādeśaṁ yāvannodyati bhānumān || tāvacchivālayaṁ caikaṁ vidadhatvatra satvaram

- 'मेरी यह एक आज्ञा पालन करो - जब तक सूर्य का उदय न हो, तब तक यहाँ शीघ्र ही एक शिवालय बना दो।'

श्लोक 118 (skanda.4.66.118)

यस्मिन्कृते कृतार्थः स्यामिह लोके परत्र च ॥ समागत्येह काश्यां यः कुर्यादेकं शिवालयम्

yasminkṛte kṛtārthaḥ syāmiha loke paratra ca || samāgatyeha kāśyāṁ yaḥ kuryādekaṁ śivālayam

'जिसके बनाए जाने से मैं इस लोक और परलोक दोनों में कृतार्थ हो जाऊँगा; क्योंकि जो कोई भी यहाँ काशी में आकर एक शिवालय बनवाता है -'

श्लोक 119 (skanda.4.66.119)

तेन त्रैलोक्यमखिलं सालयं कृतमेव हि ॥ तेन दत्तानि दानानि महांति विधिपूर्वकम्

tena trailokyamakhilaṁ sālayaṁ kṛtameva hi || tena dattāni dānāni mahāṁti vidhipūrvakam

- 'उसके द्वारा मानो संपूर्ण त्रैलोक्य अपने आलयों सहित निर्मित कर दिया गया है; उसने विधिपूर्वक महान दान भी दे दिए हैं।'

श्लोक 120 (skanda.4.66.120)

सुपर्वणि सुपात्राय सुताथ श्रद्धयाधिकम् ॥ येन स्ववित्तमानेन धर्मोपार्जित वित्ततः

suparvaṇi supātrāya sutātha śraddhayādhikam || yena svavittamānena dharmopārjita vittataḥ

'शुभ पर्व पर, सुपात्र के लिए, अत्यंत श्रद्धा से, अपने धर्मार्जित धन के अनुसार -'

श्लोक 121 (skanda.4.66.121)

कृतं शंभोर्महासद्म न तं पद्मा त्यजेत्क्वचित् ॥ तपांसि तेन तप्तानि शीर्णपर्णाशनान्यपि

kṛtaṁ śaṁbhormahāsadma na taṁ padmā tyajetkvacit || tapāṁsi tena taptāni śīrṇaparṇāśanānyapi

- 'जिसने शंभु का महासदन बनवाया, उसे लक्ष्मी कभी नहीं त्यागतीं; मानो उसने सूखे पत्तों के आहार जैसे तप भी कर लिए हैं।'

श्लोक 122 (skanda.4.66.122)

वाराणसीं समासाद्य येनाकारि शिवालयः ॥ अशेषाः सुविशेषाढ्या इष्टांस्तेन महामखाः

vārāṇasīṁ samāsādya yenākāri śivālayaḥ || aśeṣāḥ suviśeṣāḍhyā iṣṭāṁstena mahāmakhāḥ

'जिसने वाराणसी पहुँचकर शिवालय बनवाया, उसने मानो समस्त विशेष रूप से समृद्ध महायज्ञ भी कर लिए।'

श्लोक 123 (skanda.4.66.123)

आनंदकानने येन देवदेवालयः कृतः ॥ इति तस्य समादेशं समाकर्ण्यानुगास्ततः

ānaṁdakānane yena devadevālayaḥ kṛtaḥ || iti tasya samādeśaṁ samākarṇyānugāstataḥ

- 'जिसने आनंदकानन में देवदेव के आलय का निर्माण करवाया, उसने सब कुछ पा लिया।' उनका यह आदेश सुनकर अनुचरगण तब -

श्लोक 124 (skanda.4.66.124)

चक्रुर्देवालयं श्रेष्ठं यावद्व्युष्टा न यामिनी ॥ तावच्छैलेश्वरं लिंगं शैलेशेन प्रतिष्ठितम् ॥ चंद्रकांतमणेश्चंचत्कांतिश्चेतितमंडपम्

cakrurdevālayaṁ śreṣṭhaṁ yāvadvyuṣṭā na yāminī || tāvacchaileśvaraṁ liṁgaṁ śaileśena pratiṣṭhitam || caṁdrakāṁtamaṇeścaṁcatkāṁtiścetitamaṁḍapam

- रात्रि बीतने से पूर्व ही देवालय का निर्माण कर दिया; और तब तक शैलेश (हिमवान) द्वारा शैलेश्वर नामक लिंग की स्थापना कर दी गई - चंद्रकांत मणि की चंचल कांति से उद्भासित मंडप के साथ।

श्लोक 125 (skanda.4.66.125)

अलेखयत्प्रशस्तिं च प्रशस्ताक्षरमालिनीम् ॥ व्याचक्षाणां निजां सर्वं गोत्रेभ्योप्यधिकोन्नतिम्

alekhayatpraśastiṁ ca praśastākṣaramālinīm || vyācakṣāṇāṁ nijāṁ sarvaṁ gotrebhyopyadhikonnatim

उन्होंने एक प्रशस्ति भी लिखवाई, जो उत्तम अक्षरों की माला से युक्त थी, तथा जो अपने वंश की अन्य वंशों से भी अधिक उन्नति का पूर्ण वर्णन करती थी।

श्लोक 126 (skanda.4.66.126)

ततोऽरुणोदये जाते स्नात्वा पंचनदे ह्रदे ॥ शैलराजः कालराजं नमस्कृत्य समर्च्य च

tato'ruṇodaye jāte snātvā paṁcanade hrade || śailarājaḥ kālarājaṁ namaskṛtya samarcya ca

तब अरुणोदय होने पर, पंचनद ह्रद में स्नान कर, पर्वतराज ने कालराज को नमस्कार और पूजन करके -

श्लोक 127 (skanda.4.66.127)

तत्र राशिं समुत्सृज्य परितस्तवरितो ययौ ॥ पार्वतीयैरनुगतः सर्वैरपि निजालयम्

tatra rāśiṁ samutsṛjya paritastavarito yayau || pārvatīyairanugataḥ sarvairapi nijālayam

- वहाँ चारों ओर शेष सामग्री की राशि छोड़कर, वे शीघ्रता से अपने सभी पर्वतीय अनुचरों सहित अपने आलय को चले गए।

श्लोक 128 (skanda.4.66.128)

ततः प्रातः समालोक्य गणौ हुंडनमुंडनो ॥ हृष्टौ देवालयं रम्यं वरणायास्तटे शुभे

tataḥ prātaḥ samālokya gaṇau huṁḍanamuṁḍano || hṛṣṭau devālayaṁ ramyaṁ varaṇāyāstaṭe śubhe

तब प्रातःकाल हुंडन और मुंडन नामक दोनों गण, वरणा के शुभ तट पर उस रमणीय देवालय को देखकर हर्षित हुए -

श्लोक 129 (skanda.4.66.129)

अदृष्टपूर्वदेवाय निवेदयितुमागतौ ॥ तौ तु दृष्ट्वा महादेवमुमादर्शितदर्पणम्

adṛṣṭapūrvadevāya nivedayitumāgatau || tau tu dṛṣṭvā mahādevamumādarśitadarpaṇam

- अदृष्टपूर्व उस देव को यह सूचित करने आए। परंतु उन दोनों ने महादेव को अन्यमनस्क-से देखा, मानो उमा उन्हें कुछ दिखा रही हों।

श्लोक 130 (skanda.4.66.130)

प्रणम्य दंडवद्भूमौ कृतांजलिपुटौ गणौ ॥ कृताभ्यनुज्ञो भ्रूक्षेपाद्विज्ञप्तिमथ चक्रतुः

praṇamya daṁḍavadbhūmau kṛtāṁjalipuṭau gaṇau || kṛtābhyanujño bhrūkṣepādvijñaptimatha cakratuḥ

- दंडवत् भूमि पर प्रणाम कर, हाथ जोड़े हुए दोनों गणों ने, भ्रूभंग से अनुमति पाकर, अपना निवेदन प्रस्तुत किया।

श्लोक 131 (skanda.4.66.131)

देवदेव न जानीवः केनचिद्दृढभक्तिना ॥ अतीव रम्यः प्रासादो निर्मितो वरणातटे

devadeva na jānīvaḥ kenaciddṛḍhabhaktinā || atīva ramyaḥ prāsādo nirmito varaṇātaṭe

'हे देवदेव, हमें नहीं ज्ञात कि किसने, परंतु दृढ़ भक्ति से, वरणा के तट पर एक अत्यंत रमणीय प्रासाद बनाया गया है।'

श्लोक 132 (skanda.4.66.132)

आसायं नैक्षिचावाभ्यां दृष्टोद्यैव प्रगे विभो ॥ गणोदितमितीशानो निशम्याह गिरींद्रजाम्

āsāyaṁ naikṣicāvābhyāṁ dṛṣṭodyaiva prage vibho || gaṇoditamitīśāno niśamyāha girīṁdrajām

'हमने इसे कल संध्या तक नहीं देखा था; आज प्रातः ही देखा, हे विभो।' गणों द्वारा कहा गया यह सुनकर, ईशान ने गिरिराज-पुत्री से कहा।

श्लोक 133 (skanda.4.66.133)

विज्ञातसर्ववृत्तांतः सर्वज्ञोप्यनभिज्ञवत् ॥ अचलेंद्रागजेयावस्तत्प्रासादविलोकने

vijñātasarvavṛttāṁtaḥ sarvajñopyanabhijñavat || acaleṁdrāgajeyāvastatprāsādavilokane

सर्वज्ञ होते हुए भी और संपूर्ण वृत्तांत जानते हुए भी, मानो अनभिज्ञ की भाँति उन्होंने कहा - 'हे अचलेंद्रजा, चलो हम दोनों उस प्रासाद को देखने चलें।'

श्लोक 134 (skanda.4.66.134)

इत्युक्त्वेशः सगिरिजो निरगात्सगणो मुने ॥ महास्यंदनमारुह्य प्रासादं द्रष्टुमुत्सुकः

ityuktveśaḥ sagirijo niragātsagaṇo mune || mahāsyaṁdanamāruhya prāsādaṁ draṣṭumutsukaḥ

हे मुने, यह कहकर ईश, गिरिजा और गणों सहित, महारथ पर आरूढ़ होकर प्रासाद देखने के लिए उत्सुकतापूर्वक निकल पड़े।

श्लोक 135 (skanda.4.66.135)

अथालुलोके गिरिशः प्रासादं वरणातटे ॥ अतीव रम्यरचनं यामिनीमात्रनिर्मितम्

athāluloke giriśaḥ prāsādaṁ varaṇātaṭe || atīva ramyaracanaṁ yāminīmātranirmitam

तब गिरीश ने वरणा के तट पर उस प्रासाद को देखा, जिसकी रचना अत्यंत रमणीय थी और जो केवल एक ही रात में निर्मित हुआ था।

श्लोक 136 (skanda.4.66.136)

स्यंदनादवरुह्याथ गर्भागारमवीविशत् ॥ ददर्श च महालिंगं चंद्रकांतशिलामयम्

syaṁdanādavaruhyātha garbhāgāramavīviśat || dadarśa ca mahāliṁgaṁ caṁdrakāṁtaśilāmayam

तब रथ से उतरकर उन्होंने गर्भगृह में प्रवेश किया और चंद्रकांत शिला से बने महालिंग का दर्शन किया।

श्लोक 137 (skanda.4.66.137)

देदीप्यमानं महसा मोक्षलक्ष्म्यंकुराकृति ॥ दृष्टिप्रसादजननं पुनर्जननशातनम्

dedīpyamānaṁ mahasā mokṣalakṣmyaṁkurākṛti || dṛṣṭiprasādajananaṁ punarjananaśātanam

वह अपने तेज से देदीप्यमान था, मानो मोक्षलक्ष्मी का अंकुर हो, दर्शन मात्र से प्रसन्नता उत्पन्न करने वाला और पुनर्जन्म का नाश करने वाला था।

श्लोक 138 (skanda.4.66.138)

केनेदं स्थापितं लिंगं यावज्जिज्ञासतीश्वरः ॥ तावद्दर्श पुरतः प्रशस्तिं कर्तृसूचिकाम् ॥ वाचयित्वेव च मनाङ्मनस्येव मनोजहृत् ॥ उवाच देवो दिष्ट्येति प्रेक्षस्वात्मपितुः कृतिम्

kenedaṁ sthāpitaṁ liṁgaṁ yāvajjijñāsatīśvaraḥ || tāvaddarśa purataḥ praśastiṁ kartṛsūcikām || vācayitveva ca manāṅmanasyeva manojahṛt || uvāca devo diṣṭyeti prekṣasvātmapituḥ kṛtim

जब ईश्वर यह जानने की इच्छा कर रहे थे कि 'यह लिंग किसके द्वारा स्थापित किया गया है', तभी उन्होंने अपने सामने कर्ता को सूचित करने वाली प्रशस्ति देखी। मन ही मन उसे मानो पढ़कर, मनोहर भाव से देव ने कहा - 'सौभाग्य से! अपने पिता की यह कृति देखो।'

श्लोक 139 (skanda.4.66.139)

उमा श्रुत्येति संहृष्टा कदंबकुसुमश्रियम् ॥ आनंदांकुरलक्ष्मीवदंगेषु परिबिभ्रती

umā śrutyeti saṁhṛṣṭā kadaṁbakusumaśriyam || ānaṁdāṁkuralakṣmīvadaṁgeṣu paribibhratī

उमा यह सुनकर अत्यंत हर्षित हुईं, उनके शरीर पर कदंब पुष्प के समान आनंद के रोमांच-अंकुर प्रकट हो उठे।

श्लोक 140 (skanda.4.66.140)

ततो व्यजिज्ञपद्देवं देवी पादौ प्रणम्य च ॥ अस्मिँल्लिंगवरे नाथ त्वया स्थेयमहर्निशम्

tato vyajijñapaddevaṁ devī pādau praṇamya ca || asmi~lliṁgavare nātha tvayā stheyamaharniśam

तब देवी ने देव के चरणों में प्रणाम कर निवेदन किया - 'हे नाथ, आप इस श्रेष्ठ लिंग में दिन-रात निवास करें।'

श्लोक 141 (skanda.4.66.141)

अस्य लिंगस्य ये भक्ता शैलेशस्य महेशितुः ॥ तेभ्यस्त्वं महतीमृद्धिं दास्यसीह परत्र च

asya liṁgasya ye bhaktā śaileśasya maheśituḥ || tebhyastvaṁ mahatīmṛddhiṁ dāsyasīha paratra ca

'हे महेश्वर, इस शैलेश्वर लिंग के जो भी भक्त हैं, उन्हें आप इस लोक और परलोक दोनों में महान समृद्धि प्रदान करें।'

श्लोक 142 (skanda.4.66.142)

तथेति देव उक्त्वा तां पार्वतीं पुनरब्रवीत् ॥ वरणायां कृतस्नानैः शैलेशो यैः समर्चितः

tatheti deva uktvā tāṁ pārvatīṁ punarabravīt || varaṇāyāṁ kṛtasnānaiḥ śaileśo yaiḥ samarcitaḥ

देव ने 'तथास्तु' कहकर पार्वती से पुनः कहा - 'जो लोग वरणा में स्नान करके शैलेश की पूजा करते हैं -'

श्लोक 143 (skanda.4.66.143)

पितॄन्संतर्प्य च मुदा दत्त्वा दानानि शक्तितः ॥ न तेषां पुनरावृत्तिरत्र संसारवर्त्मनि

pitṝnsaṁtarpya ca mudā dattvā dānāni śaktitaḥ || na teṣāṁ punarāvṛttiratra saṁsāravartmani

- 'और जो प्रसन्नतापूर्वक पितरों को तृप्त कर, यथाशक्ति दान देते हैं, उनका इस संसार-मार्ग में पुनः आवागमन नहीं होता।'

श्लोक 144 (skanda.4.66.144)

शैलैश्वरे महालिंगे नित्यं स्थास्याम्यहं शुभे ॥ प्रदास्यामि परां मुक्तिमेतल्लिंगार्चके जने

śailaiśvare mahāliṁge nityaṁ sthāsyāmyahaṁ śubhe || pradāsyāmi parāṁ muktimetalliṁgārcake jane

'हे शुभे, मैं इस शैलेश्वर महालिंग में सदा निवास करूँगा; इस लिंग की पूजा करने वाले जनों को मैं परम मुक्ति प्रदान करूँगा।'

श्लोक 145 (skanda.4.66.145)

शैलेश्वरं ये द्रक्ष्यंति वरणायाः सुरोधसि ॥ तेषां काश्यां निवसतां दुःखं नाभिभविष्यति

śaileśvaraṁ ye drakṣyaṁti varaṇāyāḥ surodhasi || teṣāṁ kāśyāṁ nivasatāṁ duḥkhaṁ nābhibhaviṣyati

'जो लोग वरणा के सुंदर तट पर शैलेश्वर का दर्शन करेंगे, काशी में निवास करते हुए उन पर दुःख कभी हावी नहीं होगा।'

श्लोक 146 (skanda.4.66.146)

उमयापि वरो दत्तस्तत्र लिंगे घटोद्भव ॥ शैलेश्वरस्य ये भक्तास्ते मे पुत्रा न संशयः

umayāpi varo dattastatra liṁge ghaṭodbhava || śaileśvarasya ye bhaktāste me putrā na saṁśayaḥ

हे घटोद्भव, उस लिंग के विषय में उमा ने भी वर दिया - 'शैलेश्वर के जो भक्त हैं, वे निःसंदेह मेरे पुत्र हैं।'

श्लोक 147 (skanda.4.66.147)

॥स्कंद उवाच॥ इति शैलेश्वरं लिंगं कथितं ते महामुने ॥ इदानीं कथयिष्यामि रत्नेश्वरसमुद्भवम्

||skaṁda uvāca|| iti śaileśvaraṁ liṁgaṁ kathitaṁ te mahāmune || idānīṁ kathayiṣyāmi ratneśvarasamudbhavam

स्कन्द ने कहा - हे महामुने, इस प्रकार शैलेश्वर लिंग का वर्णन आपसे किया गया; अब मैं रत्नेश्वर की उत्पत्ति का वर्णन करूँगा।

श्लोक 148 (skanda.4.66.148)

श्रुत्वा शैलेश माहात्म्यं श्रद्धया परया नरः ॥ पापकंचुकमुत्सृज्य शिवलोकमवाप्नुयात्

śrutvā śaileśa māhātmyaṁ śraddhayā parayā naraḥ || pāpakaṁcukamutsṛjya śivalokamavāpnuyāt

जो मनुष्य परम श्रद्धा से शैलेश की महिमा को सुनता है, वह पाप के आवरण को त्यागकर शिवलोक को प्राप्त करता है।