दुर्गाविजयः

श्लोक 1 (skanda.4.72.1)

॥अगस्त्य उवाच॥ पार्वतीहृदयानंद स्कंद सर्वज्ञनंदन ॥ काः कास्तु शक्तयस्ता वै तासां नामानि मे वद

||agastya uvāca|| pārvatīhṛdayānaṁda skaṁda sarvajñanaṁdana || kāḥ kāstu śaktayastā vai tāsāṁ nāmāni me vada

अगस्त्य ने कहा - हे पार्वती के हृदय को आनंदित करने वाले स्कन्द, हे सर्वज्ञ-पुत्र, वे कौन-कौन सी शक्तियाँ हैं? उनके नाम मुझे बताइए।

श्लोक 2 (skanda.4.72.2)

॥स्कंद उवाच॥ तासां परमशक्तीनामुमावयवसंभुवाम् ॥ आख्याम्याख्यां शृणु मुने कुंभसंभव तत्त्वतः

||skaṁda uvāca|| tāsāṁ paramaśaktīnāmumāvayavasaṁbhuvām || ākhyāmyākhyāṁ śṛṇu mune kuṁbhasaṁbhava tattvataḥ

स्कन्द ने कहा - हे कुंभसंभव मुने, उमा के अंगों से उत्पन्न उन परम शक्तियों के नाम मैं यथार्थ रूप से बताता हूँ, सुनिए।

श्लोक 3 (skanda.4.72.3)

त्रैलोक्यविजया तारा क्षमा त्रैलोक्यसुंदरी ॥ त्रिपुरा त्रिजगन्माता भीमा त्रिपुरभैरवी

trailokyavijayā tārā kṣamā trailokyasuṁdarī || tripurā trijaganmātā bhīmā tripurabhairavī

त्रैलोक्यविजया, तारा, क्षमा, त्रैलोक्यसुंदरी, त्रिपुरा (त्रिजगत की माता), भीमा, त्रिपुरभैरवी -

श्लोक 4 (skanda.4.72.4)

कामाख्या कमलाक्षी च धृतिस्त्रिपुरतापनी ॥ जया जयंती विजया जलेशी चापराजिता

kāmākhyā kamalākṣī ca dhṛtistripuratāpanī || jayā jayaṁtī vijayā jaleśī cāparājitā

- कामाख्या, कमलाक्षी, धृति, त्रिपुरतापनी, जया, जयंती, विजया, जलेशी और अपराजिता -

श्लोक 5 (skanda.4.72.5)

शंखिनी गजवक्त्रा च महिषघ्नी रणप्रिया ॥ शुभानंदा कोटराक्षी विद्युज्जिह्वा शिवारवा

śaṁkhinī gajavaktrā ca mahiṣaghnī raṇapriyā || śubhānaṁdā koṭarākṣī vidyujjihvā śivāravā

- शंखिनी, गजमुखी, महिषघ्नी, रणप्रिया, शुभानंदा, कोटराक्षी, विद्युज्जिह्वा, शिवारवा -

श्लोक 6 (skanda.4.72.6)

त्रिनेत्रा च त्रिवक्त्रा च त्रिपदा सर्वमंगला ॥ हुंकारहेतिस्तालेशी सर्पास्या सर्वसुंदरी

trinetrā ca trivaktrā ca tripadā sarvamaṁgalā || huṁkārahetistāleśī sarpāsyā sarvasuṁdarī

- त्रिनेत्रा, त्रिवक्त्रा, त्रिपदा, सर्वमंगला, हुंकारहेति, तालेशी, सर्पमुखी, सर्वसुंदरी -

श्लोक 7 (skanda.4.72.7)

सिद्धिर्बुद्धिः स्वधा स्वाहा महानिद्रा शराशना ॥ पाशपाणिः खरमुखी वज्रतारा षडानना

siddhirbuddhiḥ svadhā svāhā mahānidrā śarāśanā || pāśapāṇiḥ kharamukhī vajratārā ṣaḍānanā

- सिद्धि, बुद्धि, स्वधा, स्वाहा, महानिद्रा, शराशना, पाशधारिणी, खरमुखी, वज्रतारा, षडानना -

श्लोक 8 (skanda.4.72.8)

मयूरवदना काकी शुकी भासी गरुत्मती ॥ पद्मावती पद्मकेशी पद्मास्या पद्मवासिनी

mayūravadanā kākī śukī bhāsī garutmatī || padmāvatī padmakeśī padmāsyā padmavāsinī

- मयूरमुखी, काकी, शुकी, भासी, गरुत्मती, पद्मावती, पद्मकेशी, पद्ममुखी, पद्मवासिनी -

श्लोक 9 (skanda.4.72.9)

अक्षरा त्र्यक्षरा तंतुः प्रणवेशी स्वरात्मिका ॥ त्रिवर्गा गर्वरहिता अजपा जपहारिणी

akṣarā tryakṣarā taṁtuḥ praṇaveśī svarātmikā || trivargā garvarahitā ajapā japahāriṇī

- अक्षरा, त्र्यक्षरा, तंतु, प्रणवेशी, स्वरात्मिका, त्रिवर्गा, अभिमानरहित, अजपा, जपहारिणी -

श्लोक 10 (skanda.4.72.10)

जपसिद्धिस्तपःसिद्धिर्योगसिद्धिः परामृता ॥ मैत्रीकृन्मित्रनेत्रा च रक्षोघ्नी दैत्यतापनी

japasiddhistapaḥsiddhiryogasiddhiḥ parāmṛtā || maitrīkṛnmitranetrā ca rakṣoghnī daityatāpanī

- जपसिद्धि, तपःसिद्धि, योगसिद्धि, परामृता, मैत्रीकर्त्री, मित्रनेत्रा, राक्षसनाशक, दैत्यतापिनी -

श्लोक 11 (skanda.4.72.11)

स्तंभनी मोहनीमाया बहुमाया बलोत्कटा ॥ उच्चाटनी महोल्कास्या दनुजेंद्रक्षयंकरी

staṁbhanī mohanīmāyā bahumāyā balotkaṭā || uccāṭanī maholkāsyā danujeṁdrakṣayaṁkarī

- स्तंभनी, मोहिनी माया, बहुमाया, बलोत्कटा, उच्चाटनी, ज्वालामुखी, दानवेंद्र-विनाशिनी -

श्लोक 12 (skanda.4.72.12)

क्षेमकरी सिद्धिकरी छिन्नमस्ता शुभानना ॥ शाकंभरी मोक्षलक्ष्मीस्त्रिवर्गफलदायिनी

kṣemakarī siddhikarī chinnamastā śubhānanā || śākaṁbharī mokṣalakṣmīstrivargaphaladāyinī

- क्षेमकरी, सिद्धिकरी, छिन्नमस्ता, शुभमुखी, शाकंभरी, मोक्षलक्ष्मी, त्रिवर्ग-फलदायिनी -

श्लोक 13 (skanda.4.72.13)

वार्ताली जंभली क्लिन्ना अश्वारूढा सुरेश्वरी ॥ ज्वालामुखी प्रभृतयो नवकोट्यौ महाबलाः

vārtālī jaṁbhalī klinnā aśvārūḍhā sureśvarī || jvālāmukhī prabhṛtayo navakoṭyau mahābalāḥ

- वार्ताली, जंभली, क्लिन्ना, अश्वारूढा, सुरेश्वरी, ज्वालामुखी आदि - ये नौ करोड़ महाबली शक्तियाँ हैं।

श्लोक 14 (skanda.4.72.14)

बलानि बलिनां ताभिर्दानवानां स्वलीलया ॥ संक्षिप्ता निजगंतीव प्रलयानलहेतेभिः

balāni balināṁ tābhirdānavānāṁ svalīlayā || saṁkṣiptā nijagaṁtīva pralayānalahetebhiḥ

उन शक्तियों ने अपनी लीला मात्र से ही उन बलशाली दानवों का बल इस प्रकार समेट लिया, मानो प्रलयाग्नि की ज्वालाओं ने ही उसे ग्रस लिया हो।

श्लोक 15 (skanda.4.72.15)

तावत्स दुर्गो दैत्येंद्रः पयोदांतरतो बली ॥ चकार करकावृष्टिं वात्या वेगवतीं बहु

tāvatsa durgo daityeṁdraḥ payodāṁtarato balī || cakāra karakāvṛṣṭiṁ vātyā vegavatīṁ bahu

इतने में उस बलशाली दैत्येंद्र दुर्ग ने बादलों के बीच से ओलों की भयंकर, वेगवती वर्षा कर दी।

श्लोक 16 (skanda.4.72.16)

ततो भगवती देवी शोषणास्त्र प्रयोगतः ॥ वृष्टिं निवारयामास सवर्षोपलमयी क्षणात्

tato bhagavatī devī śoṣaṇāstra prayogataḥ || vṛṣṭiṁ nivārayāmāsa savarṣopalamayī kṣaṇāt

तब भगवती देवी ने शोषण-अस्त्र के प्रयोग से, उस ओलों सहित वर्षा को क्षण भर में ही रोक दिया।

श्लोक 17 (skanda.4.72.17)

योषिन्मनोरथवती षंढं प्राप्य यथाऽफला ॥ सा दैत्यकरकावृष्टिर्देवीं प्राप्य तथाभवत्

yoṣinmanorathavatī ṣaṁḍhaṁ prāpya yathā'phalā || sā daityakarakāvṛṣṭirdevīṁ prāpya tathābhavat

जैसे कामनाओं से भरी स्त्री नपुंसक को पाकर निष्फल हो जाती है, वैसे ही दैत्य की वह ओला-वर्षा देवी को पाकर निष्फल हो गई।

श्लोक 18 (skanda.4.72.18)

अथ दैतेयराजेन बाहुसंकर्षकोपतः ॥ उत्पाट्य शैलशिखरं परिक्षिप्तं नभोंगणात्

atha daiteyarājena bāhusaṁkarṣakopataḥ || utpāṭya śailaśikharaṁ parikṣiptaṁ nabhoṁgaṇāt

तब दैत्यराज ने क्रोध में भुजाओं को खींचकर एक पर्वत-शिखर उखाड़ लिया और आकाश-मार्ग से उसे फेंक दिया।

श्लोक 19 (skanda.4.72.19)

अद्रेः शृंगं सुविस्तीर्णमापतत्परिवीक्ष्य सा ॥ शतकोटिप्रहारेण कोटिशः सकलं व्यधात्

adreḥ śṛṁgaṁ suvistīrṇamāpatatparivīkṣya sā || śatakoṭiprahāreṇa koṭiśaḥ sakalaṁ vyadhāt

उस विशाल पर्वत-शिखर को अपनी ओर आते देख, उसने सौ करोड़ प्रहारों से उसे करोड़ों टुकड़ों में तोड़ दिया।

श्लोक 20 (skanda.4.72.20)

आंदोल्य मौलिमसकृत्कुंडलाभ्यां विराजितम् ॥ गजीभूयाशु दुद्राव तां देवीं समरेऽसुरः

āṁdolya maulimasakṛtkuṁḍalābhyāṁ virājitam || gajībhūyāśu dudrāva tāṁ devīṁ samare'suraḥ

बार-बार अपने मुकुट और कुंडलों को हिलाते हुए, वह असुर तुरंत हाथी बनकर देवी की ओर युद्ध में दौड़ पड़ा।

श्लोक 21 (skanda.4.72.21)

शैलाकारं तमायांतं दृष्ट्वा भगवती गजम् ॥ बद्ध्वा पाशेन जवतः खङ्गेन करमच्छिनत्

śailākāraṁ tamāyāṁtaṁ dṛṣṭvā bhagavatī gajam || baddhvā pāśena javataḥ khaṅgena karamacchinat

पर्वत के समान आकार वाले उस हाथी को आते देख, भगवती ने उसे पाश से बाँधकर शीघ्रता से तलवार से उसकी सूँड़ काट डाली।

श्लोक 22 (skanda.4.72.22)

ततोत्यंतं स चीत्कृत्य देव्याकृत्तकरःकरी ॥ अकिंचित्करतां प्राप्य माहिषं वपुराददे

tatotyaṁtaṁ sa cītkṛtya devyākṛttakaraḥkarī || akiṁcitkaratāṁ prāpya māhiṣaṁ vapurādade

तब देवी द्वारा सूँड़ काटे जाने पर वह हाथी अत्यंत चीत्कार कर, शक्तिहीन होकर, भैंसे का रूप धारण कर बैठा।

श्लोक 23 (skanda.4.72.23)

अचलां सचलां सर्वां स चक्रे सुरघाततः ॥ शिलोच्चयांश्च बहुशः शृंगाभ्यां सोक्षिपद्बली

acalāṁ sacalāṁ sarvāṁ sa cakre suraghātataḥ || śiloccayāṁśca bahuśaḥ śṛṁgābhyāṁ sokṣipadbalī

उस बलवान ने देवताओं पर आक्रमण करते हुए चर-अचर सब में उथल-पुथल मचा दी, और अपने सींगों से अनेक पर्वत-राशियाँ उछाल दीं।

श्लोक 24 (skanda.4.72.24)

निःश्वासवातनिहताः पेतुरुर्व्यां महाद्रुमाः ॥ उद्वेलिताः समभवन्सप्तापि जलराशयः

niḥśvāsavātanihatāḥ petururvyāṁ mahādrumāḥ || udvelitāḥ samabhavansaptāpi jalarāśayaḥ

उसके श्वास की वायु से आहत होकर विशाल वृक्ष पृथ्वी पर गिर पड़े; सातों समुद्र अपनी सीमाएँ लाँघकर उमड़ पड़े।

श्लोक 25 (skanda.4.72.25)

महामहिषरूपेण तेन त्रैलोक्यमंडपः ॥ आंदोलितोति बलिना युगांते वात्यया यथा

mahāmahiṣarūpeṇa tena trailokyamaṁḍapaḥ || āṁdolitoti balinā yugāṁte vātyayā yathā

उस अत्यंत बलशाली महामहिष-रूप से त्रैलोक्य का मंडप वैसे ही हिल गया, जैसे युगांत के प्रलय-तूफान से हिलता है।

श्लोक 26 (skanda.4.72.26)

ब्रह्मांडमप्यकांडेन तद्भयेन समाकुलम् ॥ दृष्ट्वा भगवती क्रुद्धा त्रिशूलेन जघान तम्

brahmāṁḍamapyakāṁḍena tadbhayena samākulam || dṛṣṭvā bhagavatī kruddhā triśūlena jaghāna tam

उसके भय से ब्रह्मांड को अचानक व्याकुल हुआ देखकर, क्रुद्ध भगवती ने त्रिशूल से उस पर प्रहार किया।

श्लोक 27 (skanda.4.72.27)

त्रिशूलघातविभ्रांतः पतित्वा पुनरुत्थितः ॥ तं त्यक्त्वा माहिषं वेषमभूद्बाहुसहस्रभृत्

triśūlaghātavibhrāṁtaḥ patitvā punarutthitaḥ || taṁ tyaktvā māhiṣaṁ veṣamabhūdbāhusahasrabhṛt

त्रिशूल के प्रहार से भ्रमित होकर, गिरकर फिर उठते हुए, उसने वह भैंसे का रूप त्याग दिया और सहस्र भुजाओं वाला रूप धारण कर लिया।

श्लोक 28 (skanda.4.72.28)

स दुर्गो नितरां दुर्गो विबभौ समराजिरे ॥ आयुधानां सहस्राणि बिभ्रत्कालांतकोपमः

sa durgo nitarāṁ durgo vibabhau samarājire || āyudhānāṁ sahasrāṇi bibhratkālāṁtakopamaḥ

वह दुर्ग युद्धभूमि में अत्यंत दुर्जेय (दुर्ग) दिखाई देने लगा, हजारों शस्त्र धारण किए, मानो साक्षात् काल हो।

श्लोक 29 (skanda.4.72.29)

अथ तूर्णं स दैत्येंद्रस्तां देवीं रणकोविदाम् ॥ महाबलः प्रगृह्याशु नीतवानान्गगनांगणम्

atha tūrṇaṁ sa daityeṁdrastāṁ devīṁ raṇakovidām || mahābalaḥ pragṛhyāśu nītavānāngaganāṁgaṇam

तब उस युद्धकुशल देवी को उस महाबली दैत्येंद्र ने शीघ्र पकड़कर आकाश के आँगन में ले गया।

श्लोक 30 (skanda.4.72.30)

ततो नभोंगणाद्दूरात्क्षिप्त्वा स जगदंबिकाम् ॥ क्षणात्कलंबजालेन च्छादयामास वेगवान्

tato nabhoṁgaṇāddūrātkṣiptvā sa jagadaṁbikām || kṣaṇātkalaṁbajālena cchādayāmāsa vegavān

फिर आकाश के आँगन से दूर उस जगदंबिका को फेंककर, उस वेगवान ने क्षण भर में उसे बाणों के जाल से ढक दिया।

श्लोक 31 (skanda.4.72.31)

अथांतरिक्षगा देवी तस्य मार्गणमध्यगा ॥ विद्युन्मालेव विबभौ महाभ्रपटलीधृता

athāṁtarikṣagā devī tasya mārgaṇamadhyagā || vidyunmāleva vibabhau mahābhrapaṭalīdhṛtā

तब आकाश में उसके बाणों के बीच स्थित देवी, विशाल मेघपटल में धारण की गई बिजली की माला के समान शोभित हुईं।

श्लोक 32 (skanda.4.72.32)

तं विधूय शरत्रातं निजेषु निकरैरलम् ॥ महेषुणाथ विव्याध सा तं दैत्यजनेश्वरम्

taṁ vidhūya śaratrātaṁ nijeṣu nikarairalam || maheṣuṇātha vivyādha sā taṁ daityajaneśvaram

उन बाणों के समूह को अपने बाणों की झड़ी से हटाकर, उन्होंने एक महाबाण से उस दैत्येंद्र को बींध दिया।

श्लोक 33 (skanda.4.72.33)

हृदि विद्धस्तया देव्या स च तेन महेषुणा ॥ व्याघूर्णमाननयनः क्षितिमापाति विह्वलः

hṛdi viddhastayā devyā sa ca tena maheṣuṇā || vyāghūrṇamānanayanaḥ kṣitimāpāti vihvalaḥ

देवी के उस महाबाण से हृदय बिंधकर, उसके नेत्र घूमने लगे और वह व्याकुल होकर पृथ्वी पर गिरने लगा -

श्लोक 34 (skanda.4.72.34)

महारुधिरधाराभिः स्रवंतीं च प्रवर्तयन् ॥ तस्मिन्निपतिते दुर्गे महादुर्गपराक्रमे

mahārudhiradhārābhiḥ sravaṁtīṁ ca pravartayan || tasminnipatite durge mahādurgaparākrame

- रक्त की महाधाराएँ बहाते हुए। जब महादुर्जेय पराक्रमी दुर्ग गिर पड़ा -

श्लोक 35 (skanda.4.72.35)

देवदुंदुभयो नेदुः प्रहृष्टानि जगंति च ॥ सूर्याचंद्रमसौ साग्नी तेजो निजमवापतुः

devaduṁdubhayo neduḥ prahṛṣṭāni jagaṁti ca || sūryācaṁdramasau sāgnī tejo nijamavāpatuḥ

- तब देवताओं के नगाड़े बज उठे, संसार हर्षित हुआ; सूर्य, चंद्र और अग्नि ने अपना-अपना मूल तेज पुनः प्राप्त किया।

श्लोक 36 (skanda.4.72.36)

पुष्पवृष्टिं प्रकुर्वंतः प्राप्ता देवा महर्षिभिः ॥ तुष्टुवुश्च महादेवीं महास्तुतिभिरादरात्

puṣpavṛṣṭiṁ prakurvaṁtaḥ prāptā devā maharṣibhiḥ || tuṣṭuvuśca mahādevīṁ mahāstutibhirādarāt

देवगण महर्षियों सहित पुष्प-वर्षा करते हुए वहाँ पहुँचे, और आदरपूर्वक महास्तुतियों से महादेवी की स्तुति करने लगे।

श्लोक 37 (skanda.4.72.37)

देवा ऊचुः ॥ नमो देवि जगद्धात्रि जगत्रयमहारणे ॥ महेश्वर महाशक्ते दैत्यद्रुमकुठारके

devā ūcuḥ || namo devi jagaddhātri jagatrayamahāraṇe || maheśvara mahāśakte daityadrumakuṭhārake

देवताओं ने कहा - हे जगद्धात्रि देवी, त्रिलोकी के महासंग्राम में हे महेश्वर की महाशक्ति, दैत्यरूपी वृक्ष के लिए कुल्हाड़ी बनने वाली, आपको नमस्कार है।

श्लोक 38 (skanda.4.72.38)

त्रैलोक्यव्यापिनि शिवे शंखचक्रगदाधरि ॥ स्वशार्ङ्गव्यग्रहस्ताग्रे नमो विष्णुस्वरूपिणि

trailokyavyāpini śive śaṁkhacakragadādhari || svaśārṅgavyagrahastāgre namo viṣṇusvarūpiṇi

हे त्रैलोक्यव्यापिनी, शिवे, शंख-चक्र-गदाधारिणी, अपने शार्ङ्ग धनुष में व्यस्त हाथों वाली, हे विष्णुस्वरूपिणी, आपको नमस्कार है।

श्लोक 39 (skanda.4.72.39)

हंसयाने नमस्तुभ्यं सर्वसृष्टिविधायिनि ॥ प्राचां वाचां जन्मभूमे चतुराननरूपिणि

haṁsayāne namastubhyaṁ sarvasṛṣṭividhāyini || prācāṁ vācāṁ janmabhūme caturānanarūpiṇi

हे हंसवाहिनी, सर्वसृष्टि की विधाता, प्राचीन वाणी की जन्मभूमि, चतुर्मुखरूपधारिणी, आपको नमस्कार है।

श्लोक 40 (skanda.4.72.40)

त्वमैंद्री त्वं च कौबेरी वायवी त्वं त्वमंबुपा ॥ त्वं यामी नैर्ऋती त्वं च त्वमैशी त्वं च पावकी

tvamaiṁdrī tvaṁ ca kauberī vāyavī tvaṁ tvamaṁbupā || tvaṁ yāmī nairṛtī tvaṁ ca tvamaiśī tvaṁ ca pāvakī

आप ही ऐंद्री, कौबेरी, वायवी और वारुणी हैं; आप ही यामी, नैर्ऋती, ऐशी और पावकी हैं।

श्लोक 41 (skanda.4.72.41)

शशांककौमुदी त्वं च सौरी शक्तिस्त्वमेव च ॥ सर्वदेवमयी शक्तिस्त्वमेव परमेश्वरी

śaśāṁkakaumudī tvaṁ ca saurī śaktistvameva ca || sarvadevamayī śaktistvameva parameśvarī

आप ही चंद्रमा की चांदनी हैं, आप ही सूर्य की शक्ति हैं; आप ही सर्वदेवमयी परमेश्वरी शक्ति हैं।

श्लोक 42 (skanda.4.72.42)

त्वं गौरी त्वं च सावित्री त्वं गायत्री सरस्वती ॥ प्रकृतिस्त्वं मतिस्त्वं च त्वमहंकृतिरूपिणी

tvaṁ gaurī tvaṁ ca sāvitrī tvaṁ gāyatrī sarasvatī || prakṛtistvaṁ matistvaṁ ca tvamahaṁkṛtirūpiṇī

आप ही गौरी, सावित्री, गायत्री और सरस्वती हैं; आप प्रकृति हैं, आप बुद्धि हैं, आप ही अहंकार-रूपिणी हैं।

श्लोक 43 (skanda.4.72.43)

चेतः स्वरूपिणी त्वं वै त्वं सर्वेंद्रियरूपिणी ॥ पंचतन्मात्ररूपा त्वं महाभूतात्मिकेंबिके

cetaḥ svarūpiṇī tvaṁ vai tvaṁ sarveṁdriyarūpiṇī || paṁcatanmātrarūpā tvaṁ mahābhūtātmikeṁbike

आप चित्तस्वरूपा हैं, आप ही समस्त इंद्रियों की रूपा हैं; हे अंबिके, आप पंच तन्मात्राओं की रूपा और महाभूतों की आत्मा हैं।

श्लोक 44 (skanda.4.72.44)

शब्दादि रूपिणी त्वं वै करणानुग्रहा त्वमु ॥ ब्रह्मांडकर्त्री त्वं देवि ब्रह्मांडांतस्त्वमेव हि

śabdādi rūpiṇī tvaṁ vai karaṇānugrahā tvamu || brahmāṁḍakartrī tvaṁ devi brahmāṁḍāṁtastvameva hi

आप शब्द आदि की रूपा हैं, आप ही इंद्रियों को अनुग्रह देने वाली हैं; हे देवी, आप ब्रह्मांड की कर्त्री और स्वयं ब्रह्मांड भी हैं।

श्लोक 45 (skanda.4.72.45)

त्वं परासि महादेवि त्वं च देवि परापरा ॥ परापराणां परमा परमात्मस्वरूपिणी

tvaṁ parāsi mahādevi tvaṁ ca devi parāparā || parāparāṇāṁ paramā paramātmasvarūpiṇī

हे महादेवी, आप परम भी हैं, हे देवी, आप पर-अपर भी हैं; आप पर और अपर दोनों की परम, परमात्मस्वरूपिणी हैं।

श्लोक 46 (skanda.4.72.46)

सर्वरूपा त्वमीशानि त्वमरूपासि सर्वगे ॥ त्वं चिच्छक्तिर्महामाये त्वं स्वाहा त्वं स्वधामृते

sarvarūpā tvamīśāni tvamarūpāsi sarvage || tvaṁ cicchaktirmahāmāye tvaṁ svāhā tvaṁ svadhāmṛte

हे ईशानि, आप सर्वरूपा भी हैं, हे सर्वव्यापिनी, आप अरूप भी हैं; हे महामाये, आप चित्शक्ति हैं, आप स्वाहा हैं, आप स्वधा हैं, आप अमृत हैं।

श्लोक 47 (skanda.4.72.47)

वषड्वौषट्स्वरूपासि त्वमेव प्रणवात्मिका ॥ सर्वमंत्रमयी त्वं वै ब्रह्माद्यास्त्वत्समुद्भवाः

vaṣaḍvauṣaṭsvarūpāsi tvameva praṇavātmikā || sarvamaṁtramayī tvaṁ vai brahmādyāstvatsamudbhavāḥ

आप वषट्-वौषट् की रूपा हैं, आप ही प्रणव-स्वरूपिणी हैं; आप सर्वमंत्रमयी हैं, ब्रह्मा आदि सब आप से ही उत्पन्न हुए हैं।

श्लोक 48 (skanda.4.72.48)

चतुर्वर्गात्मिका त्वं वै चतुर्वर्गफलोदये ॥ त्वत्तः सर्वमिदं विश्वं त्वयि सर्वं जगन्निधे

caturvargātmikā tvaṁ vai caturvargaphalodaye || tvattaḥ sarvamidaṁ viśvaṁ tvayi sarvaṁ jagannidhe

आप चतुर्वर्ग-स्वरूपिणी हैं, चतुर्वर्ग के फल के उदय में; आप से ही यह संपूर्ण विश्व है, हे जगन्निधे, आप में ही सब कुछ स्थित है।

श्लोक 49 (skanda.4.72.49)

यद्दृश्यं यददृश्यं च स्थूलसूक्ष्मस्वरूपतः ॥ तत्र त्वं शक्तिरूपेण किंचिन्न त्वदृते क्वचित्

yaddṛśyaṁ yadadṛśyaṁ ca sthūlasūkṣmasvarūpataḥ || tatra tvaṁ śaktirūpeṇa kiṁcinna tvadṛte kvacit

जो दृश्य है और जो अदृश्य है, स्थूल या सूक्ष्म स्वरूप से, वहाँ आप शक्तिरूप में विद्यमान हैं; आपसे परे कहीं भी कुछ भी नहीं है।

श्लोक 50 (skanda.4.72.50)

मातस्त्वयाद्य विनिहत्य महासुरेंद्रं दुर्गं निसर्गविबुधार्पितदैत्यसैन्यम् ॥ त्राताः स्म देवि सततं नमतां शरण्ये त्वत्तोऽपरः क इह यं शरणं व्रजामः

mātastvayādya vinihatya mahāsureṁdraṁ durgaṁ nisargavibudhārpitadaityasainyam || trātāḥ sma devi satataṁ namatāṁ śaraṇye tvatto'paraḥ ka iha yaṁ śaraṇaṁ vrajāmaḥ

हे माता, आज आपने महादैत्येंद्र दुर्ग को, देवताओं के विरुद्ध खड़ी उस दैत्य-सेना सहित, मारकर हमें बचा लिया; हे शरणागतों की शरण्य देवी, आपके अतिरिक्त हम यहाँ और किसकी शरण जाएँ?

श्लोक 51 (skanda.4.72.51)

लोके त एव धनधान्यसमृद्धिभाजस्ते पुत्रपौत्रसुकलत्र सुमित्रवंतः ॥ तेषां यशः प्रसरचंद्रकरावदातं विश्वं भवेद्भवसि येषु सुदृक्त्वमीशे

loke ta eva dhanadhānyasamṛddhibhājaste putrapautrasukalatra sumitravaṁtaḥ || teṣāṁ yaśaḥ prasaracaṁdrakarāvadātaṁ viśvaṁ bhavedbhavasi yeṣu sudṛktvamīśe

हे ईश्वरी, जिन पर आपकी सुदृष्टि होती है, उनका ही यश चंद्रकिरणों के समान विश्व को उज्ज्वल करता है; वे ही धन-धान्य से समृद्ध, पुत्र-पौत्र-सुपत्नी-सुमित्रों से युक्त होते हैं।

श्लोक 52 (skanda.4.72.52)

त्वद्भक्तिचेतसि जनेन विपत्तिलेशः क्लेशः क्व वानुभवती नतिकृत्सु पुंसु ॥ त्वन्नामसंसृतिजुषां सकलायुषां क्व भूयः पुनर्जनिरिह त्रिपुरारिपत्नि

tvadbhakticetasi janena vipattileśaḥ kleśaḥ kva vānubhavatī natikṛtsu puṁsu || tvannāmasaṁsṛtijuṣāṁ sakalāyuṣāṁ kva bhūyaḥ punarjaniriha tripurāripatni

हे त्रिपुरारि की पत्नी, आपके प्रति भक्तिमय चित्त वाले, आपको नमन करने वाले पुरुषों में विपत्ति का लेशमात्र क्लेश भी कहाँ अनुभव होता है? आपके नाम-स्मरण में लीन जीवन बिताने वालों का यहाँ पुनर्जन्म कहाँ रह जाता है?

श्लोक 53 (skanda.4.72.53)

चित्रं यदत्र समरे स हि दुर्गदैत्यस्त्वद्दृष्टिपातमधिगम्य सुधानिधानम् ॥ मृत्योर्वशत्वमगमद्विदितं भवानि दुष्टोपि ते दृशिगतः कुगतिं न याति

citraṁ yadatra samare sa hi durgadaityastvaddṛṣṭipātamadhigamya sudhānidhānam || mṛtyorvaśatvamagamadviditaṁ bhavāni duṣṭopi te dṛśigataḥ kugatiṁ na yāti

हे भवानी, यह आश्चर्य है कि इस युद्ध में वह दुर्ग दैत्य, आपकी दृष्टि का अमृतमय पात पाकर भी मृत्यु के अधीन हो गया; यह तो प्रसिद्ध है कि दुष्ट भी आपकी दृष्टि में आकर कभी दुर्गति को नहीं जाता।

श्लोक 54 (skanda.4.72.54)

त्वच्छस्त्रवह्निशलभत्वमिता अपीह दैत्याः पतंगरुचिमाप्य दिवं व्रजंति ॥ संतः खलेष्वपि न दुष्टधियो यतः स्युः साधुष्विव प्रणयिनः स्वपथं दिशंति

tvacchastravahniśalabhatvamitā apīha daityāḥ pataṁgarucimāpya divaṁ vrajaṁti || saṁtaḥ khaleṣvapi na duṣṭadhiyo yataḥ syuḥ sādhuṣviva praṇayinaḥ svapathaṁ diśaṁti

आपके शस्त्रों की अग्नि में पतंगे-सी दशा को प्राप्त हुए ये दैत्य भी, उस अग्नि की चमक पाकर स्वर्ग को जाते हैं; क्योंकि संत लोग दुष्टों के प्रति भी दुर्भावना नहीं रखते, बल्कि साधुओं की भाँति उन्हें भी स्नेहपूर्वक सन्मार्ग दिखाते हैं।

श्लोक 55 (skanda.4.72.55)

प्राच्यां मृडानि परिपाहि सदा नतान्नो याम्यामव प्रतिपदं विपदो भवानि ॥ प्रत्यग्दिशि त्रिपुरतापन पत्नि रक्ष त्वं पाह्युदीचि निजभक्तजनान्महेशि

prācyāṁ mṛḍāni paripāhi sadā natānno yāmyāmava pratipadaṁ vipado bhavāni || pratyagdiśi tripuratāpana patni rakṣa tvaṁ pāhyudīci nijabhaktajanānmaheśi

हे मृडानि, पूर्व दिशा में हमारी सदा रक्षा करें, जो आपको नमन करते हैं; हे भवानी, दक्षिण में हमें पद-पद पर विपत्तियों से बचाएँ; हे त्रिपुरतापन-पत्नी, पश्चिम दिशा में हमारी रक्षा करें; हे महेशी, उत्तर में अपने भक्तजनों की रक्षा करें।

श्लोक 56 (skanda.4.72.56)

ब्रह्माणि रक्ष सततं नतमौलिदेशं त्वं वैष्णवि प्रतिकुलं परिपालयाधः ॥ रुद्राग्नि नैर्ऋति सदागति दिक्षु पांतु मृत्युंजया त्रिनयना त्रिपुरा त्रिशक्त्यः

brahmāṇi rakṣa satataṁ natamaulideśaṁ tvaṁ vaiṣṇavi pratikulaṁ paripālayādhaḥ || rudrāgni nairṛti sadāgati dikṣu pāṁtu mṛtyuṁjayā trinayanā tripurā triśaktyaḥ

हे ब्रह्माणी, हमारे नत मस्तकों की सदा रक्षा करें; हे वैष्णवी, नीचे से हमारे कुल की रक्षा करें; रुद्र, अग्नि, नैऋत्य और वायु दिशाओं में हमारी रक्षा करें, तथा मृत्युंजया, त्रिनयना, त्रिपुरा और त्रिशक्तियाँ भी।

श्लोक 57 (skanda.4.72.57)

पातु त्रिशूलममले तव मौलिजान्नो भालस्थलं शशिकला मृदुमाभ्रुवौ च ॥ नेत्रे त्रिलोचनवधूर्गिरिजा च नासामोष्ठं जया च विजयात्वधरप्रदेशम्

pātu triśūlamamale tava maulijānno bhālasthalaṁ śaśikalā mṛdumābhruvau ca || netre trilocanavadhūrgirijā ca nāsāmoṣṭhaṁ jayā ca vijayātvadharapradeśam

हे अमले, आपकी मुकुट-उत्पन्न त्रिशूल हमारी रक्षा करे, चंद्रकला हमारे मस्तक की, कोमल देवी हमारी भौंहों की; त्रिनेत्र की पत्नी और गिरिजा हमारे नेत्रों की, जया और विजया हमारी नासिका और अधरोष्ठ की रक्षा करें।

श्लोक 58 (skanda.4.72.58)

श्रोत्रद्वयं श्रुतिरवा दशनावलिं श्रीश्चंडी कपोलयुगलं रसनां च वाणी ॥ पायात्सदैव चिबुकं जयमंगला नः कात्यायनी वदनमंडलमेव सर्वम्

śrotradvayaṁ śrutiravā daśanāvaliṁ śrīścaṁḍī kapolayugalaṁ rasanāṁ ca vāṇī || pāyātsadaiva cibukaṁ jayamaṁgalā naḥ kātyāyanī vadanamaṁḍalameva sarvam

श्रुतिध्वनि हमारे दोनों कानों की, लक्ष्मी और चंडी हमारी दंतपंक्ति की, वाणी हमारे कपोलों और जिह्वा की रक्षा करें; जयमंगला सदा हमारी ठोड़ी की, और कात्यायनी हमारे संपूर्ण मुखमंडल की रक्षा करें।

श्लोक 59 (skanda.4.72.59)

कंठप्रदेशमवतादिह नीलकंठी भूदारशक्तिरनिशं च कृकाटिकायाम् ॥ कौर्म्यं सदेशमनिशं भुजदंडमैंद्री पद्मा च पाणिफलकं नतिकारिणां नः

kaṁṭhapradeśamavatādiha nīlakaṁṭhī bhūdāraśaktiraniśaṁ ca kṛkāṭikāyām || kaurmyaṁ sadeśamaniśaṁ bhujadaṁḍamaiṁdrī padmā ca pāṇiphalakaṁ natikāriṇāṁ naḥ

नीलकंठी हमारे कंठ की, पृथ्वी-धारिणी शक्ति हमारी गर्दन के पिछले भाग की सतत रक्षा करें; कौर्मी हमारे कंधों की, ऐंद्री हमारी भुजाओं की, और पद्मा नमन करने वालों की हथेलियों की रक्षा करें।

श्लोक 60 (skanda.4.72.60)

हस्तांगुलीः कमलजा विरजा नखांश्च कक्षांतरं तरणिमंडलगा तमोघ्नी ॥ वक्षःस्थलं स्थलचरी हृदयं धरित्री कुशिद्वयं त्ववतु नः क्षणदाचरघ्नी

hastāṁgulīḥ kamalajā virajā nakhāṁśca kakṣāṁtaraṁ taraṇimaṁḍalagā tamoghnī || vakṣaḥsthalaṁ sthalacarī hṛdayaṁ dharitrī kuśidvayaṁ tvavatu naḥ kṣaṇadācaraghnī

कमलजा हमारी उंगलियों की, विरजा हमारे नाखूनों की, सूर्यमंडलवासिनी तमोघ्नी हमारी काँखों की रक्षा करें; स्थलचरी हमारी छाती की, धरित्री हमारे हृदय की, और रात्रिचर-विनाशिनी हमारे दोनों पार्श्वों की रक्षा करें।

श्लोक 61 (skanda.4.72.61)

अव्यात्सदा दरदरीं जगदीश्वरी नो नाभिं नभोगतिरजात्वथ पृष्ठदेशम् ॥ पायात्कटिं च विकटा परमास्फिचौ नो गुह्यं गुहारणिरपानमपाय हंत्री

avyātsadā daradarīṁ jagadīśvarī no nābhiṁ nabhogatirajātvatha pṛṣṭhadeśam || pāyātkaṭiṁ ca vikaṭā paramāsphicau no guhyaṁ guhāraṇirapānamapāya haṁtrī

जगदीश्वरी सदा हमारी पतली कमर की, आकाशचारिणी हमारी नाभि की, फिर हमारी पीठ की रक्षा करें; विकटा हमारे कटि प्रदेश की, दूसरी हमारे नितंबों की, स्कंद की माता हमारे गुह्य भाग की, और अपाय-नाशिनी हमारे मलद्वार की रक्षा करें।

श्लोक 62 (skanda.4.72.62)

ऊरुद्वयं च विपुला ललिता च जानू जंघे जवाऽवतु कठोरतरात्र गुल्फौ ॥ पादौ रसातलचरांगुलिदेशमुग्रा चांद्री नखान्त्पदतलं तलवासिनी च

ūrudvayaṁ ca vipulā lalitā ca jānū jaṁghe javā'vatu kaṭhoratarātra gulphau || pādau rasātalacarāṁgulideśamugrā cāṁdrī nakhāntpadatalaṁ talavāsinī ca

विशाल देवी हमारी दोनों जाँघों की, ललिता हमारे घुटनों की रक्षा करें; तीव्रगामिनी हमारी पिंडलियों की, अत्यंत दृढ़ देवी हमारे टखनों की रक्षा करें; उग्रा हमारे पैरों की, पाताल-चारिणी चांद्री हमारी अंगुलियों की, और तलवासिनी हमारे नाखूनों और तलवों की रक्षा करें।

श्लोक 63 (skanda.4.72.63)

गृहं रक्षतु नो लक्ष्मीः क्षेत्रं क्षेमकरी सदा ॥ पातु पुत्रान्प्रियकरी पायादायुः सनातनी

gṛhaṁ rakṣatu no lakṣmīḥ kṣetraṁ kṣemakarī sadā || pātu putrānpriyakarī pāyādāyuḥ sanātanī

लक्ष्मी हमारे घर की रक्षा करें, क्षेमकरी सदा हमारे खेत की; प्रियकरी हमारे पुत्रों की रक्षा करें, और सनातनी हमारी आयु की रक्षा करें।

श्लोक 64 (skanda.4.72.64)

यशः पातु महादेवी धर्मं पातु धनुर्धरी ॥ कुलदेवी कुलं पातु सद्गतिं सद्गतिप्रदा

yaśaḥ pātu mahādevī dharmaṁ pātu dhanurdharī || kuladevī kulaṁ pātu sadgatiṁ sadgatipradā

महादेवी हमारे यश की रक्षा करें, धनुर्धारिणी हमारे धर्म की रक्षा करें; कुलदेवी हमारे कुल की, और सद्गति देने वाली हमारी सद्गति की रक्षा करें।

श्लोक 65 (skanda.4.72.65)

रणे राजकुले द्यूते संग्रामे शत्रुसंकटे ॥ गृहे वने जलादौ च शर्वाणी सर्वतोऽवतु

raṇe rājakule dyūte saṁgrāme śatrusaṁkaṭe || gṛhe vane jalādau ca śarvāṇī sarvato'vatu

युद्ध में, राजसभा में, जुए में, संग्राम में, शत्रु के संकट में, घर में, वन में, जल आदि में - शर्वाणी सर्वत्र हमारी रक्षा करें।

श्लोक 66 (skanda.4.72.66)

इति स्तुत्वा जगद्धात्रीं प्रणेमुश्च पुनःपुनः ॥ सर्वे सवासवा देवाः सर्षिगंधर्वचारणाः

iti stutvā jagaddhātrīṁ praṇemuśca punaḥpunaḥ || sarve savāsavā devāḥ sarṣigaṁdharvacāraṇāḥ

इस प्रकार जगद्धात्री की स्तुति कर, इंद्र सहित सभी देवताओं ने, ऋषियों, गंधर्वों और चारणों के साथ, बार-बार प्रणाम किया।

श्लोक 67 (skanda.4.72.67)

ततस्तुष्टा जगन्माता तानाह सुरसत्तमान् ॥ स्वाधिकारान्सुराः सर्वे शासतु प्राग्यथायथा

tatastuṣṭā jaganmātā tānāha surasattamān || svādhikārānsurāḥ sarve śāsatu prāgyathāyathā

तब प्रसन्न होकर जगन्माता ने उन श्रेष्ठ देवताओं से कहा - 'सभी देवता पूर्ववत् अपने-अपने अधिकार में शासन करें।'

श्लोक 68 (skanda.4.72.68)

तुष्टाहमनया स्तुत्या नितरां तु यथार्थया ॥ वरमन्यं प्रदास्यामि तच्छृणुध्वं सुरोत्तमाः

tuṣṭāhamanayā stutyā nitarāṁ tu yathārthayā || varamanyaṁ pradāsyāmi tacchṛṇudhvaṁ surottamāḥ

'मैं इस यथार्थ स्तुति से अत्यंत प्रसन्न हूँ; मैं एक और वर दूँगी, वह सुनो, हे श्रेष्ठ देवताओं।'

श्लोक 69 (skanda.4.72.69)

॥दुर्गोवाच॥ यः स्तोष्यति तु मां भक्त्या नरः स्तुत्यानया शुचिः ॥ तस्याहं नाशयिष्यामि विपदं च पदे पदे

||durgovāca|| yaḥ stoṣyati tu māṁ bhaktyā naraḥ stutyānayā śuciḥ || tasyāhaṁ nāśayiṣyāmi vipadaṁ ca pade pade

दुर्गा ने कहा - 'जो पवित्र मनुष्य इस स्तुति से भक्तिपूर्वक मेरी स्तुति करेगा, उसकी हर पद पर आने वाली विपत्ति को मैं नष्ट करूँगी।'

श्लोक 70 (skanda.4.72.70)

एतत्स्तोत्रस्य कवचं परिधास्यति यो नरः ॥ तस्य क्वचिद्भयं नास्ति वज्रपंजरगस्य हि

etatstotrasya kavacaṁ paridhāsyati yo naraḥ || tasya kvacidbhayaṁ nāsti vajrapaṁjaragasya hi

'जो मनुष्य इस स्तोत्र के कवच को धारण करेगा, उसे कभी कोई भय नहीं होगा, मानो वह वज्रपंजर में हो।'

श्लोक 71 (skanda.4.72.71)

अद्यप्रभृति मे नाम दुर्गेति ख्यातिमेष्यति ॥ दुर्गदैत्यस्य समरे पातनादति दुर्गमात्

adyaprabhṛti me nāma durgeti khyātimeṣyati || durgadaityasya samare pātanādati durgamāt

'आज से मेरा नाम दुर्गा नाम से प्रसिद्ध होगा, अत्यंत दुर्गम दैत्य दुर्ग के युद्ध में गिरने के कारण।'

श्लोक 72 (skanda.4.72.72)

ये मां दुर्गां शरणगा न तेषां दुर्गतिः क्वचित् ॥ दुर्गास्तुतिरियं पुण्या वज्रपंजरसंज्ञिका

ye māṁ durgāṁ śaraṇagā na teṣāṁ durgatiḥ kvacit || durgāstutiriyaṁ puṇyā vajrapaṁjarasaṁjñikā

'जो मेरी, दुर्गा की शरण में आते हैं, उनकी कभी दुर्गति नहीं होती; यह वज्रपंजर नाम से जानी जाने वाली पवित्र दुर्गा-स्तुति है।'

श्लोक 73 (skanda.4.72.73)

अनया कवचं कृत्वा मा बिभेतु यमादपि ॥ भूतप्रेतपिशाचाश्च शाकिनीडाकिनी गणाः

anayā kavacaṁ kṛtvā mā bibhetu yamādapi || bhūtapretapiśācāśca śākinīḍākinī gaṇāḥ

'इससे कवच बनाकर मनुष्य यमराज से भी न डरे; न भूत-प्रेत-पिशाच, न शाकिनी-डाकिनी गणों से।'

श्लोक 74 (skanda.4.72.74)

झोटिंगा राक्षसाः क्रूरा विष सर्पाग्नि दस्यवः ॥ वेतालाश्चापि कंकाल ग्रहा बालग्रहा अपि

jhoṭiṁgā rākṣasāḥ krūrā viṣa sarpāgni dasyavaḥ || vetālāścāpi kaṁkāla grahā bālagrahā api

'न झोटिंग, न क्रूर राक्षस, न विष-सर्प-अग्नि-चोर से; न वेताल, न कंकाल-ग्रह, न बालग्रहों से।'

श्लोक 75 (skanda.4.72.75)

वातपित्तादि जनितास्तथा च विषमज्वराः ॥ दूरादेव पलायंते श्रुत्वा स्तुतिमिमां शुभाम्

vātapittādi janitāstathā ca viṣamajvarāḥ || dūrādeva palāyaṁte śrutvā stutimimāṁ śubhām

'वात-पित्त आदि से उत्पन्न रोग तथा विषम ज्वर, इस शुभ स्तुति को सुनकर ही दूर भाग जाते हैं।'

श्लोक 76 (skanda.4.72.76)

वज्रपंजर नामैतत्स्तोत्रं दुर्गाप्रशंसनम् ॥ एतत्स्तोत्रकृतत्राणे वज्रादपि भयं नहि

vajrapaṁjara nāmaitatstotraṁ durgāpraśaṁsanam || etatstotrakṛtatrāṇe vajrādapi bhayaṁ nahi

'दुर्गा की प्रशंसा करने वाला यह स्तोत्र वज्रपंजर नाम से जाना जाता है; इस स्तोत्र से रक्षित व्यक्ति को वज्र से भी भय नहीं होता।'

श्लोक 77 (skanda.4.72.77)

अष्टजप्तेन चानेन योभिमंत्र्य जलं पिबेत् ॥ तस्योदरगतापीडा क्वापि नो संभविष्यति

aṣṭajaptena cānena yobhimaṁtrya jalaṁ pibet || tasyodaragatāpīḍā kvāpi no saṁbhaviṣyati

'इसे आठ बार जपकर, अभिमंत्रित कर जो जल पीता है, उसे कभी उदर-पीड़ा नहीं होगी।'

श्लोक 78 (skanda.4.72.78)

गर्भपीडा तु नो जातु भविष्यत्यभिमंत्रणात् ॥ बालानां परमा शांतिरेतत्स्तोत्रांबुपानतः

garbhapīḍā tu no jātu bhaviṣyatyabhimaṁtraṇāt || bālānāṁ paramā śāṁtiretatstotrāṁbupānataḥ

'अभिमंत्रण से गर्भ-पीड़ा भी कभी नहीं होगी; इस स्तोत्र से अभिमंत्रित जल पीने से बालकों को परम शांति मिलती है।'

श्लोक 79 (skanda.4.72.79)

यत्र सान्निध्यमेतस्य स्तवस्येह भविष्यति ॥ एतास्तु शक्तयः सर्वा सर्वत्र सहिता मया

yatra sānnidhyametasya stavasyeha bhaviṣyati || etāstu śaktayaḥ sarvā sarvatra sahitā mayā

'जहाँ इस स्तोत्र की उपस्थिति होगी, वहाँ ये सभी शक्तियाँ, मेरे साथ सर्वत्र -'

श्लोक 80 (skanda.4.72.80)

रक्षां परिकरिष्यंति मद्भक्तानां ममाज्ञया ॥ इति दत्त्वा वरान्देवी देवेभ्यो तर्हि ता तदा

rakṣāṁ parikariṣyaṁti madbhaktānāṁ mamājñayā || iti dattvā varāndevī devebhyo tarhi tā tadā

- मेरी आज्ञा से मेरे भक्तों की रक्षा करेंगी।' इस प्रकार वर देकर देवताओं से देवी उस समय -

श्लोक 81 (skanda.4.72.81)

तेपि स्वर्गौकसः सर्वे स्वंस्वं स्वर्गं ययुर्मुदा ॥ ॥स्कंद उवाच॥ इत्थं दुर्गाभवन्नाम तया देव्या महामुने ॥ काश्यां सेव्या यथा सा च तच्छृणुष्व वदामि ते

tepi svargaukasaḥ sarve svaṁsvaṁ svargaṁ yayurmudā || ||skaṁda uvāca|| itthaṁ durgābhavannāma tayā devyā mahāmune || kāśyāṁ sevyā yathā sā ca tacchṛṇuṣva vadāmi te

- अंतर्धान हो गईं, और वे सभी स्वर्गवासी हर्षपूर्वक अपने-अपने स्वर्ग को गए। स्कन्द ने कहा - हे महामुने, इस प्रकार देवी का नाम दुर्गा हुआ; काशी में उनकी उपासना कैसे करनी चाहिए, वह सुनिए, मैं आपको बताता हूँ।

श्लोक 82 (skanda.4.72.82)

अष्टम्यां च चतुर्दश्यां भौमवारे विशेषतः ॥ संपूज्या सततं काश्यां दुर्गा दुर्गतिनाशिनी

aṣṭamyāṁ ca caturdaśyāṁ bhaumavāre viśeṣataḥ || saṁpūjyā satataṁ kāśyāṁ durgā durgatināśinī

अष्टमी और चतुर्दशी को, विशेषतः मंगलवार को, दुर्गति को नष्ट करने वाली दुर्गा की काशी में सदा पूजा करनी चाहिए।

श्लोक 83 (skanda.4.72.83)

नवरात्रं प्रयत्नेन प्रत्यहं सा समर्चिता ॥ नाशयिष्यति विघ्नौघान्सुमतिं च प्रदास्यति

navarātraṁ prayatnena pratyahaṁ sā samarcitā || nāśayiṣyati vighnaughānsumatiṁ ca pradāsyati

नवरात्र में प्रतिदिन प्रयत्नपूर्वक पूजित होकर, वे विघ्न-समूहों को नष्ट करेंगी और सुबुद्धि प्रदान करेंगी।

श्लोक 84 (skanda.4.72.84)

महापूजोपहारैश्च महाबलिनिवेदनैः ॥ दास्यत्यभीष्टदा सिद्धिं दुर्गा काश्यां न संशयः

mahāpūjopahāraiśca mahābalinivedanaiḥ || dāsyatyabhīṣṭadā siddhiṁ durgā kāśyāṁ na saṁśayaḥ

महापूजा के उपहारों और महाबलि-निवेदन से, दुर्गा काशी में इच्छित सिद्धि निश्चय ही प्रदान करेंगी।

श्लोक 85 (skanda.4.72.85)

प्रतिसंवत्सरं तस्याः कार्या यात्रा प्रयत्नतः ॥ शारदं नवरात्रं च सकुटुंबैः शुभार्थिभिः

pratisaṁvatsaraṁ tasyāḥ kāryā yātrā prayatnataḥ || śāradaṁ navarātraṁ ca sakuṭuṁbaiḥ śubhārthibhiḥ

प्रतिवर्ष उनकी प्रयत्नपूर्वक यात्रा करनी चाहिए, शारदीय नवरात्र में, शुभार्थी जनों को अपने परिवार सहित।

श्लोक 86 (skanda.4.72.86)

यो न सांवत्सरीं यात्रां दुर्गायाः कुरुते कुधीः ॥ काश्यां विघ्न सहस्राणि तस्य स्युश्च पदेपदे

yo na sāṁvatsarīṁ yātrāṁ durgāyāḥ kurute kudhīḥ || kāśyāṁ vighna sahasrāṇi tasya syuśca padepade

जो कुबुद्धि मनुष्य दुर्गा की वार्षिक यात्रा नहीं करता, काशी में उसे पद-पद पर हजारों विघ्न होते हैं।

श्लोक 87 (skanda.4.72.87)

दुर्गाकुंडे नरः स्नात्वा सर्वदुर्गार्तिहारिणीम् ॥ दुर्गां संपूज्य विधिवन्नवजन्माघमुत्सृजेत्

durgākuṁḍe naraḥ snātvā sarvadurgārtihāriṇīm || durgāṁ saṁpūjya vidhivannavajanmāghamutsṛjet

सभी दुर्गति-कष्ट हरने वाली दुर्गा की दुर्गाकुंड में स्नान कर, विधिपूर्वक पूजा करने से, मनुष्य नौ जन्मों के पाप का त्याग करता है।

श्लोक 88 (skanda.4.72.88)

सा दुर्गाशक्तिभिः सार्धं काशीं रक्षति सर्वतः ॥ ताः प्रयत्नेन संपूज्या कालरात्रिमुखा नरैः

sā durgāśaktibhiḥ sārdhaṁ kāśīṁ rakṣati sarvataḥ || tāḥ prayatnena saṁpūjyā kālarātrimukhā naraiḥ

वे दुर्गा-शक्तियों सहित काशी की सब ओर से रक्षा करती हैं; कालरात्रि आदि उन शक्तियों की मनुष्यों को प्रयत्नपूर्वक पूजा करनी चाहिए।

श्लोक 89 (skanda.4.72.89)

रक्षंति क्षेत्रमेतद्वै तथान्या नवशक्तयः ॥ उपसर्गसहस्रेभ्यस्ता वैदिग्देवताक्रमात्

rakṣaṁti kṣetrametadvai tathānyā navaśaktayaḥ || upasargasahasrebhyastā vaidigdevatākramāt

इसी प्रकार अन्य नौ शक्तियाँ भी इस क्षेत्र की, दिशाओं की देवताओं के क्रम से, हजारों विपत्तियों से रक्षा करती हैं।

श्लोक 90 (skanda.4.72.90)

शतनेत्रा सहस्रास्या तथायुतभुजापरा ॥ अश्वारूढा गजास्या च त्वरिता शववाहिनी

śatanetrā sahasrāsyā tathāyutabhujāparā || aśvārūḍhā gajāsyā ca tvaritā śavavāhinī

शतनेत्रा, सहस्रमुखी, तथा दस हजार भुजाओं वाली एक और, अश्वारूढा, गजमुखी, त्वरिता, शववाहिनी -

श्लोक 91 (skanda.4.72.91)

विश्वा सौभाग्यगौरी च सृष्टाः प्राच्यादिमध्यतः ॥ एता यत्नेन संपूज्याः क्षेत्ररक्षणदेवताः

viśvā saubhāgyagaurī ca sṛṣṭāḥ prācyādimadhyataḥ || etā yatnena saṁpūjyāḥ kṣetrarakṣaṇadevatāḥ

- विश्वा और सौभाग्यगौरी - ये पूर्व से मध्य तक क्रमशः स्थापित हैं; क्षेत्र की रक्षक इन देवताओं की प्रयत्नपूर्वक पूजा करनी चाहिए।

श्लोक 92 (skanda.4.72.92)

तथैव भैरवाश्चाष्टौ दिक्ष्वष्टासु प्रतिष्ठिताः ॥ रक्षंति सततं काशीं निर्वाणश्रीनिकेतनम्

tathaiva bhairavāścāṣṭau dikṣvaṣṭāsu pratiṣṭhitāḥ || rakṣaṁti satataṁ kāśīṁ nirvāṇaśrīniketanam

इसी प्रकार आठों दिशाओं में स्थापित आठ भैरव, निर्वाण की लक्ष्मी के निकेतन काशी की सदा रक्षा करते हैं।

श्लोक 93 (skanda.4.72.93)

रुरुश्चंडोसितांगश्च कपाली क्रोधनस्तथा ॥ उन्मत्तभैरवस्तद्वत्क्रमात्संहारभीषणौ

ruruścaṁḍositāṁgaśca kapālī krodhanastathā || unmattabhairavastadvatkramātsaṁhārabhīṣaṇau

रुरु, चंड, असितांग, कपाली, तथा क्रोधन, उन्मत्तभैरव, और क्रमशः संहार और भीषण।

श्लोक 94 (skanda.4.72.94)

चतुःषष्टिस्तु वेताला महाभीषणमूर्तयः ॥ रुंडमुंडस्रजः सर्वे कर्त्रीखर्परपाणयः

catuḥṣaṣṭistu vetālā mahābhīṣaṇamūrtayaḥ || ruṁḍamuṁḍasrajaḥ sarve kartrīkharparapāṇayaḥ

तथा चौंसठ वेताल, महाभयंकर मूर्तियाँ, सभी मुंडों की मालाओं वाले, हाथों में कर्तरी और खप्पर धारण किए हुए।

श्लोक 95 (skanda.4.72.95)

श्ववाहना रक्तमुखा महादंष्ट्रा महाभुजाः ॥ नग्ना विमुक्तकेशाश्च प्रमत्ता रुधिरासवैः

śvavāhanā raktamukhā mahādaṁṣṭrā mahābhujāḥ || nagnā vimuktakeśāśca pramattā rudhirāsavaiḥ

कुत्तों पर सवार, रक्त-मुख वाले, महादंष्ट्र, महाभुज, नग्न, बिखरे केश वाले, रक्त-मदिरा से उन्मत्त।

श्लोक 96 (skanda.4.72.96)

नानारूपधराः सर्वे नानाशस्त्रास्त्र पाणयः ॥ तदाकारैश्च तद्भृत्यैः कोटिशः परिवारिताः

nānārūpadharāḥ sarve nānāśastrāstra pāṇayaḥ || tadākāraiśca tadbhṛtyaiḥ koṭiśaḥ parivāritāḥ

सभी नाना रूप धारण करने वाले, हाथों में नाना शस्त्रास्त्र लिए, समान रूप और समान सेवकों से करोड़ों की संख्या में घिरे हुए।

श्लोक 97 (skanda.4.72.97)

विद्युज्जिह्वो ललज्जिह्वः क्रूरास्यः क्रूरलोचनः ॥ उग्रो विकटदंष्ट्रश्च वक्रास्यो वक्रनासिकः

vidyujjihvo lalajjihvaḥ krūrāsyaḥ krūralocanaḥ || ugro vikaṭadaṁṣṭraśca vakrāsyo vakranāsikaḥ

विद्युज्जिह्व, ललज्जिह्व, क्रूरमुख, क्रूरनेत्र, उग्र, विकटदंष्ट्र, वक्रमुख, वक्रनासिक -

श्लोक 98 (skanda.4.72.98)

जंभको जृंभणमुखो ज्वालानेत्रो वृकोदरः ॥ गर्तनेत्रो महानेत्रस्तुच्छनेत्रोंऽत्रमण्डनः

jaṁbhako jṛṁbhaṇamukho jvālānetro vṛkodaraḥ || gartanetro mahānetrastucchanetroṁ'tramaṇḍanaḥ

- जंभक, जृंभणमुख, ज्वालानेत्र, वृकोदर, गर्तनेत्र, महानेत्र, तुच्छनेत्र, आँतों से सजे हुए -

श्लोक 99 (skanda.4.72.99)

ज्वलत्केशः कंबुशिराः खर्वग्रीवो महाहनुः ॥ महानासो लंबकर्णः कर्णप्रावरणोनसः

jvalatkeśaḥ kaṁbuśirāḥ kharvagrīvo mahāhanuḥ || mahānāso laṁbakarṇaḥ karṇaprāvaraṇonasaḥ

- ज्वलंत केशों वाले, शंख-सिर, छोटी गर्दन वाले, महाहनु, महानासा, लंबकर्ण, कान से ढके नासिका वाले।

श्लोक 100 (skanda.4.72.100)

इत्यादयो मुने क्षेत्रं दुर्वृत्तरुधिरप्रियाः ॥ त्रासयंतो दुराचारान्रक्षंति परितः सदा

ityādayo mune kṣetraṁ durvṛttarudhirapriyāḥ || trāsayaṁto durācārānrakṣaṁti paritaḥ sadā

हे मुने, इस प्रकार के ये, दुष्टों के रक्त के प्रेमी, दुराचारियों को भयभीत करते हुए, सदा सब ओर से क्षेत्र की रक्षा करते हैं।

श्लोक 101 (skanda.4.72.101)

त्रैलोक्यविजयाद्याश्च ज्वालामुख्यंतगाश्च याः ॥ शक्तयोऽत्र मया ख्याता मुने कलशसंभव

trailokyavijayādyāśca jvālāmukhyaṁtagāśca yāḥ || śaktayo'tra mayā khyātā mune kalaśasaṁbhava

त्रैलोक्यविजया आदि से लेकर ज्वालामुखी तक जो शक्तियाँ हैं, वे मैंने यहाँ बता दीं, हे कलशोद्भव मुने।

श्लोक 102 (skanda.4.72.102)

ताः काशीं परिरक्षंति चतुर्दिक्षूद्यतायुधाः ॥ ताः समर्च्याः प्रयत्नेन महाविघ्न प्रशांतये

tāḥ kāśīṁ parirakṣaṁti caturdikṣūdyatāyudhāḥ || tāḥ samarcyāḥ prayatnena mahāvighna praśāṁtaye

वे शस्त्र उठाए, चारों दिशाओं में काशी की रक्षा करती हैं; महाविघ्नों की शांति के लिए उनकी प्रयत्नपूर्वक पूजा करनी चाहिए।

श्लोक 103 (skanda.4.72.103)

भैरवा रुरुमुख्याश्च महाभयनिवारकाः ॥ संपूज्याः सर्वदा काश्यां सर्वसंपत्तिहेतवः

bhairavā rurumukhyāśca mahābhayanivārakāḥ || saṁpūjyāḥ sarvadā kāśyāṁ sarvasaṁpattihetavaḥ

रुरु आदि भैरव महाभय का निवारण करने वाले हैं; वे सर्वसंपत्ति के कारणस्वरूप, काशी में सदा पूजनीय हैं।

श्लोक 104 (skanda.4.72.104)

विद्युज्जिह्वप्रभृतयो वेताला उग्ररूपिणः ॥ अत्युग्रानपि विघ्नौघान्हरिष्यंत्यर्चिता इह

vidyujjihvaprabhṛtayo vetālā ugrarūpiṇaḥ || atyugrānapi vighnaughānhariṣyaṁtyarcitā iha

विद्युज्जिह्व आदि उग्ररूपी वेताल, यहाँ पूजित होने पर अत्यंत उग्र विघ्न-समूहों को भी हर लेंगे।

श्लोक 105 (skanda.4.72.105)

तथा भूतावली चात्र नानाभीषणरूपिणी ॥ उदायुधाऽवति पुरीं शतकोटिमिता मुने

tathā bhūtāvalī cātra nānābhīṣaṇarūpiṇī || udāyudhā'vati purīṁ śatakoṭimitā mune

हे मुने, इसी प्रकार यहाँ नाना भीषण रूपों वाला, शस्त्र उठाए हुए, सौ करोड़ की संख्या वाला भूत-समूह भी नगरी की रक्षा करता है।

श्लोक 106 (skanda.4.72.106)

निर्वाणलक्ष्मीक्षेत्रस्य पालयित्री पदेपदे ॥ एता वै देवताः पूज्याः काश्यां निर्वाणकांक्षिभिः

nirvāṇalakṣmīkṣetrasya pālayitrī padepade || etā vai devatāḥ pūjyāḥ kāśyāṁ nirvāṇakāṁkṣibhiḥ

निर्वाण-लक्ष्मी के इस क्षेत्र के पद-पद पर रक्षक ये देवता हैं; काशी में मोक्षाकांक्षियों को इन देवताओं की पूजा करनी चाहिए।

श्लोक 107 (skanda.4.72.107)

श्रुत्वाध्यायमिमं पुण्यं नरो दुर्गजयाभिधम् ॥ नानाशक्तिसमायुक्तं दुर्गमाशु तरिष्यति

śrutvādhyāyamimaṁ puṇyaṁ naro durgajayābhidham || nānāśaktisamāyuktaṁ durgamāśu tariṣyati

इस पुण्य दुर्गजय नामक अध्याय को, जो नाना शक्तियों से युक्त है, सुनकर मनुष्य शीघ्र ही कठिनाई को पार कर जाएगा।

श्लोक 108 (skanda.4.72.108)

य एते भैरवाः प्रोक्ता ये वेताला उदाहृताः ॥ तेषां नामानि चाकर्ण्य नरो विप्रैर्न दूयते

ya ete bhairavāḥ proktā ye vetālā udāhṛtāḥ || teṣāṁ nāmāni cākarṇya naro viprairna dūyate

जो भैरव यहाँ बताए गए और जो वेताल वर्णित किए गए, उनके नाम सुनने वाला मनुष्य ब्राह्मणों के शाप आदि से दुःखी नहीं होता।

श्लोक 109 (skanda.4.72.109)

अदृष्टा अपि ते भूता एतदाख्यानपाठकम् ॥ रक्षिष्यंति प्रयत्नेन सह श्रोतृजनेन च

adṛṣṭā api te bhūtā etadākhyānapāṭhakam || rakṣiṣyaṁti prayatnena saha śrotṛjanena ca

वे भूत, अदृश्य रहते हुए भी, इस आख्यान के पाठक की, श्रोताओं सहित, प्रयत्नपूर्वक रक्षा करेंगे।

श्लोक 110 (skanda.4.72.110)

तस्मात्सर्वप्रयत्नेन काशीभक्तिपरैर्नरैः ॥ श्रोतव्यमिदमाख्यानं महाविघ्ननिवारणम्

tasmātsarvaprayatnena kāśībhaktiparairnaraiḥ || śrotavyamidamākhyānaṁ mahāvighnanivāraṇam

इसलिए, काशी में भक्ति रखने वाले मनुष्यों को सर्वप्रयत्न से यह महाविघ्ननिवारक आख्यान सुनना चाहिए।

श्लोक 111 (skanda.4.72.111)

गृहेपि यस्य लिखितमेतत्स्थास्यति पूजितम् ॥ तस्यापदां सहस्राणि नाशयिष्यंति देवताः

gṛhepi yasya likhitametatsthāsyati pūjitam || tasyāpadāṁ sahasrāṇi nāśayiṣyaṁti devatāḥ

जिसके घर में भी यह पूजित होकर लिखित रखा रहेगा, देवगण उसकी हजारों विपत्तियों को नष्ट कर देंगे।

श्लोक 112 (skanda.4.72.112)

काश्यां यस्यास्ति वै प्रेम तेन कृत्वाऽऽदरं गुरुम् ॥ श्रोतव्यमिदमाख्यानं वज्रपंजरसन्निभम्

kāśyāṁ yasyāsti vai prema tena kṛtvā''daraṁ gurum || śrotavyamidamākhyānaṁ vajrapaṁjarasannibham

जिसे काशी से प्रेम है, उसे बड़े आदर से इस वज्रपंजर के समान आख्यान को सुनना चाहिए।