ओंकारमहिमवर्णनम्

श्लोक 1 (skanda.4.73.1)

॥अगस्त्य उवाच॥ त्रिलोचनं समासाद्य देवदेवः षडाननः ॥ जगदंबिकयायुक्तः किं चकाराशु तद्वद

||agastya uvāca|| trilocanaṁ samāsādya devadevaḥ ṣaḍānanaḥ || jagadaṁbikayāyuktaḥ kiṁ cakārāśu tadvada

अगस्त्य ने कहा - त्रिलोचन के पास पहुँचकर, जगदंबिका सहित देवदेव षडानन ने आगे तुरंत क्या किया, वह बताइए।

श्लोक 2 (skanda.4.73.2)

॥स्कन्द उवाच॥ मुने कलशजाख्यामि यत्पृष्टं तन्निशामय ॥ विरजःसंज्ञकं पीठं यत्प्रोक्तं सर्वसिद्धिदम्

||skanda uvāca|| mune kalaśajākhyāmi yatpṛṣṭaṁ tanniśāmaya || virajaḥsaṁjñakaṁ pīṭhaṁ yatproktaṁ sarvasiddhidam

स्कन्द ने कहा - हे कलशज मुने, जो पूछा है वह बताता हूँ, सुनो। सर्वसिद्धिदायक विरजः नामक पीठ का वर्णन किया गया है।

श्लोक 3 (skanda.4.73.3)

तत्पीठदर्शनादेव विरजा जायते नरः ॥ यत्रास्ति तन्महालिंगं वाराणस्यां त्रिलोचनम्

tatpīṭhadarśanādeva virajā jāyate naraḥ || yatrāsti tanmahāliṁgaṁ vārāṇasyāṁ trilocanam

उस पीठ के दर्शन मात्र से मनुष्य विरज (निष्पाप) हो जाता है; वहीं वाराणसी में वह त्रिलोचन नामक महालिंग है।

श्लोक 4 (skanda.4.73.4)

तीर्थं पिलिपिलाख्यं तद्द्युनद्यंभसि विश्रुतम् ॥ सर्वतीर्थमयं तीर्थं तत्काश्यां परिगीयते

tīrthaṁ pilipilākhyaṁ taddyunadyaṁbhasi viśrutam || sarvatīrthamayaṁ tīrthaṁ tatkāśyāṁ parigīyate

पिलिपिला नामक वह तीर्थ आकाशगंगा के जल में प्रसिद्ध है; सर्वतीर्थमय वह तीर्थ काशी में गाया जाता है।

श्लोक 5 (skanda.4.73.5)

विष्टपत्रितयांतर्ये देवर्षिमनुजोरगाः ॥ ससरित्पर्वतारण्याः संति ते तत्र यन्मुने

viṣṭapatritayāṁtarye devarṣimanujoragāḥ || sasaritparvatāraṇyāḥ saṁti te tatra yanmune

हे मुने, त्रिलोक के भीतर जो भी देव, ऋषि, मनुष्य, नाग, नदी, पर्वत और वन हैं, वे सब वहाँ विद्यमान हैं।

श्लोक 6 (skanda.4.73.6)

तदारभ्य च तत्तीर्थं तच्च लिंगं त्रिलोचनम् ॥ त्रिविष्टपमिति ख्यातमतोहेतोर्महत्तरम्

tadārabhya ca tattīrthaṁ tacca liṁgaṁ trilocanam || triviṣṭapamiti khyātamatohetormahattaram

तभी से वह तीर्थ और वह त्रिलोचन लिंग, इसी कारण, त्रिविष्टप (स्वर्ग) नाम से महान रूप में प्रसिद्ध हुआ।

श्लोक 7 (skanda.4.73.7)

त्रिविष्टपस्य लिंगस्य महिमोक्ताः पिनाकिना ॥ जगज्जनन्याः पुरतो यथा वच्मि तथा मुने

triviṣṭapasya liṁgasya mahimoktāḥ pinākinā || jagajjananyāḥ purato yathā vacmi tathā mune

त्रिविष्टप लिंग की महिमा पिनाकधारी शिव ने जगन्माता के सामने जैसे बताई थी, वैसे ही, हे मुने, मैं बताता हूँ।

श्लोक 8 (skanda.4.73.8)

॥देव्युवाच॥ देवदेव जगन्नाथ शर्व सर्वद सर्वग ॥ सर्वदृक्सर्वजनक किंचित्पृच्छामि तद्वद

||devyuvāca|| devadeva jagannātha śarva sarvada sarvaga || sarvadṛksarvajanaka kiṁcitpṛcchāmi tadvada

देवी ने कहा - हे देवदेव, जगन्नाथ, शर्व, सर्वदाता, सर्वव्यापी, सर्वद्रष्टा, सर्वजनक - मैं कुछ पूछती हूँ, बताइए।

श्लोक 9 (skanda.4.73.9)

इदं तव प्रियं क्षेत्रं कर्मबीजमहौषधम् ॥ नैःश्रेयस्याः श्रियो गेहं ममापि प्रीतिदं महत्

idaṁ tava priyaṁ kṣetraṁ karmabījamahauṣadham || naiḥśreyasyāḥ śriyo gehaṁ mamāpi prītidaṁ mahat

'यह आपका प्रिय क्षेत्र, कर्म-बीज के लिए महौषधि, परम कल्याण की श्री का घर, मुझे भी अत्यंत प्रिय है।'

श्लोक 10 (skanda.4.73.10)

यत्क्षेत्ररजसोप्यग्रे त्रिलोक्यपि तृणायते ॥ तस्याखिलस्य महिमा विष्वक्केनावगम्यते

yatkṣetrarajasopyagre trilokyapi tṛṇāyate || tasyākhilasya mahimā viṣvakkenāvagamyate

'जिस क्षेत्र की धूल के सामने त्रिलोक भी तिनके के समान है, उस संपूर्ण की महिमा को कौन पूर्णतः समझ सकता है?'

श्लोक 11 (skanda.4.73.11)

यानीह संति लिंगानि तानि सर्वाण्यसंशयम् ॥ निर्वाणकारणान्येव स्वयंभून्यपि तान्यपि

yānīha saṁti liṁgāni tāni sarvāṇyasaṁśayam || nirvāṇakāraṇānyeva svayaṁbhūnyapi tānyapi

'यहाँ जितने भी लिंग हैं, वे सब निःसंदेह मुक्ति के ही कारण हैं, चाहे स्वयंभू ही क्यों न हों।'

श्लोक 12 (skanda.4.73.12)

यद्यप्येवं तथापीश विशेषं वक्तुमर्हसि ॥ काश्यामनादिसिद्धानि कानि लिंगानि शंकर

yadyapyevaṁ tathāpīśa viśeṣaṁ vaktumarhasi || kāśyāmanādisiddhāni kāni liṁgāni śaṁkara

'यद्यपि यह ऐसा है, फिर भी हे ईश, आपको विशेष रूप से बताना चाहिए - काशी में कौन-से लिंग अनादि सिद्ध हैं, हे शंकर?'

श्लोक 13 (skanda.4.73.13)

यत्र देवः सदा तिष्ठेत्संवर्तेऽपि स वल्लभः ॥ यैरियं प्रथितिं प्राप्ता काशी मुक्तिपुरीति च

yatra devaḥ sadā tiṣṭhetsaṁvarte'pi sa vallabhaḥ || yairiyaṁ prathitiṁ prāptā kāśī muktipurīti ca

'जहाँ देव सदा स्थित रहते हैं, प्रलयकाल में भी वे प्रिय स्थान - किन लिंगों से इस काशी को मुक्तिपुरी की प्रसिद्धि प्राप्त हुई?'

श्लोक 14 (skanda.4.73.14)

येषां स्मरणतोप्यत्र भवेत्पापस्य संक्षयः ॥ दर्शनस्पर्शनाभ्यां च स्यातां स्वर्गापवर्गकौ

yeṣāṁ smaraṇatopyatra bhavetpāpasya saṁkṣayaḥ || darśanasparśanābhyāṁ ca syātāṁ svargāpavargakau

'जिनके स्मरण मात्र से यहाँ पाप का नाश होता है, तथा जिनके दर्शन-स्पर्श से स्वर्ग और मोक्ष दोनों प्राप्त होते हैं?'

श्लोक 15 (skanda.4.73.15)

येषां समर्चनादेव मध्ये जन्म सकृद्विभो ॥ लिंगानि पूजितानि स्युः काश्यां सर्वाणि निश्चितम्

yeṣāṁ samarcanādeva madhye janma sakṛdvibho || liṁgāni pūjitāni syuḥ kāśyāṁ sarvāṇi niścitam

'हे विभो, जिनकी पूजा से, काशी में केवल एक बार जन्म लेने मात्र से, सभी लिंग मानो पूजित हो जाते हैं?'

श्लोक 16 (skanda.4.73.16)

विधाय मय्यनुक्रोशं कारुण्यामृतसागर ॥ एतदाचक्ष्व मे शंभो पादयोः प्रणतास्म्यहम्

vidhāya mayyanukrośaṁ kāruṇyāmṛtasāgara || etadācakṣva me śaṁbho pādayoḥ praṇatāsmyaham

'हे करुणा-अमृत के सागर, मुझ पर कृपा करके यह बताइए, हे शंभो; मैं आपके चरणों में प्रणत हूँ।'

श्लोक 17 (skanda.4.73.17)

इत्याकर्ण्य महेशानस्तस्या देव्याः सुभाषितम् ॥ कथयामास र्विध्यारे महालिंगानि सत्तम

ityākarṇya maheśānastasyā devyāḥ subhāṣitam || kathayāmāsa rvidhyāre mahāliṁgāni sattama

देवी के इस सुंदर वचन को सुनकर, हे विंध्य के शत्रु मुने, महेश ने महालिंगों का वर्णन किया।

श्लोक 18 (skanda.4.73.18)

यन्नामाकर्णनादेव क्षीयंते पापराशयः ॥ प्राप्यते पुण्यसंभारः काश्यां निवार्णकारणम्

yannāmākarṇanādeva kṣīyaṁte pāparāśayaḥ || prāpyate puṇyasaṁbhāraḥ kāśyāṁ nivārṇakāraṇam

जिनके नाम सुनने मात्र से पाप-राशियाँ नष्ट हो जाती हैं, और काशी में मोक्ष के कारणस्वरूप पुण्य-संचय प्राप्त होता है।

श्लोक 19 (skanda.4.73.19)

॥देवदेव उवाच॥ शृणु देवि परं गुह्यं क्षेत्रेऽस्मिन्मुक्तिकारणम् ॥ इदं विदंति नैवापि ब्रह्मनारायणादयः

||devadeva uvāca|| śṛṇu devi paraṁ guhyaṁ kṣetre'sminmuktikāraṇam || idaṁ vidaṁti naivāpi brahmanārāyaṇādayaḥ

देवदेव ने कहा - हे देवि, इस क्षेत्र का परम गुह्य, मोक्ष का कारण सुनो; इसे तो ब्रह्मा-नारायण आदि भी पूर्णतः नहीं जानते।

श्लोक 20 (skanda.4.73.20)

असंख्यातानि लिंगानि पार्वत्यानंदकानने ॥ स्थूलान्यपि च सूक्ष्माणि नानारत्नमयानि च

asaṁkhyātāni liṁgāni pārvatyānaṁdakānane || sthūlānyapi ca sūkṣmāṇi nānāratnamayāni ca

हे पार्वती, आनंदकानन में असंख्य लिंग हैं - स्थूल भी, सूक्ष्म भी, नाना रत्नों से बने हुए भी।

श्लोक 21 (skanda.4.73.21)

नानाधातुमयानीशे दार्षदान्यप्यनेकशः ॥ स्वयंभून्यप्यनेकानि देवर्षिस्थापितान्यहो

nānādhātumayānīśe dārṣadānyapyanekaśaḥ || svayaṁbhūnyapyanekāni devarṣisthāpitānyaho

हे ईश्वरी, नाना धातुओं से बने, तथा अनेक पाषाण-निर्मित भी; अनेक स्वयंभू भी, देव-ऋषियों द्वारा स्थापित भी।

श्लोक 22 (skanda.4.73.22)

सिद्धचारणगंधर्व यक्षरक्षोर्चितान्यपि ॥ असुरोरगमर्त्यैश्च दानवैरप्सरोगणैः

siddhacāraṇagaṁdharva yakṣarakṣorcitānyapi || asuroragamartyaiśca dānavairapsarogaṇaiḥ

सिद्ध, चारण, गंधर्व, यक्ष, राक्षसों द्वारा पूजित भी; असुर, नाग, मनुष्य, दानव और अप्सरा-समूहों द्वारा भी।

श्लोक 23 (skanda.4.73.23)

दिग्गजेर्गिरिभिस्तीर्थेर्ऋक्ष वानर किन्नरैः ॥ पतत्रिप्रमुखैर्देवि स्वस्वनामांकितानि वै

diggajergiribhistīrtherṛkṣa vānara kinnaraiḥ || patatripramukhairdevi svasvanāmāṁkitāni vai

हे देवि, दिग्गजों, पर्वतों, तीर्थों, रीछों, वानरों, किन्नरों और पक्षियों आदि द्वारा भी अपने-अपने नाम से अंकित।

श्लोक 24 (skanda.4.73.24)

प्रतिष्ठितानि यानीह मुक्तिहेतूनि तान्यपि ॥ अदृश्यान्यपि दृश्यानि दुरवस्थान्यपि प्रिये

pratiṣṭhitāni yānīha muktihetūni tānyapi || adṛśyānyapi dṛśyāni duravasthānyapi priye

हे प्रिये, यहाँ जो भी स्थापित हैं, वे सब मुक्ति के कारण हैं - अदृश्य हों या दृश्य, चाहे दुर्दशा में ही क्यों न हों।

श्लोक 25 (skanda.4.73.25)

भग्नान्यपि च कालेन तानि पूज्यानि सुंदरि ॥ परार्धशतसंख्यानि गणितान्येकदा मया

bhagnānyapi ca kālena tāni pūjyāni suṁdari || parārdhaśatasaṁkhyāni gaṇitānyekadā mayā

हे सुंदरी, काल द्वारा टूटे हुए भी वे पूजनीय हैं; मैंने एक बार उनकी गिनती की थी - वे परार्ध सौ की संख्या में हैं।

श्लोक 26 (skanda.4.73.26)

गंगाभस्यपि तिष्ठंति षष्टिकोटिमितानिहि ॥ सिद्धलिंगानि तानीशे तिष्येऽदृश्यत्वमाययुः

gaṁgābhasyapi tiṣṭhaṁti ṣaṣṭikoṭimitānihi || siddhaliṁgāni tānīśe tiṣye'dṛśyatvamāyayuḥ

हे ईश्वरी, गंगाजल में भी साठ करोड़ की संख्या में सिद्ध लिंग हैं; वे कालांतर में अदृश्य हो गए।

श्लोक 27 (skanda.4.73.27)

गणनादिवसादवार्ङ्ममभक्तजनैःप्रिये ॥ प्रतिष्ठितानि यानीह तेषां संख्या न विद्यते

gaṇanādivasādavārṅmamabhaktajanaiḥpriye || pratiṣṭhitāni yānīha teṣāṁ saṁkhyā na vidyate

हे प्रिये, उस गिनती के दिन से लेकर, जो भक्तिहीन जनों द्वारा यहाँ स्थापित किए गए, उनकी संख्या ज्ञात नहीं है।

श्लोक 28 (skanda.4.73.28)

त्वया तु यानि पृष्टानि यैरिदं क्षेत्रमुत्तमम् ॥ तानि लिंगानि वक्ष्यामि मुक्तिहेतूनि सुंदरि

tvayā tu yāni pṛṣṭāni yairidaṁ kṣetramuttamam || tāni liṁgāni vakṣyāmi muktihetūni suṁdari

परंतु जिनके विषय में तुमने पूछा है, जिनसे यह क्षेत्र सर्वोत्तम है, हे सुंदरी, वे मुक्तिकारक लिंग मैं बताता हूँ।

श्लोक 29 (skanda.4.73.29)

कलावतीव गोप्यानि भविष्यंति गिरींद्रजे ॥ परं तेषां प्रभावो यः स्वस्वस्थानं न हास्यति

kalāvatīva gopyāni bhaviṣyaṁti girīṁdraje || paraṁ teṣāṁ prabhāvo yaḥ svasvasthānaṁ na hāsyati

हे गिरिराज-पुत्री, कलियुग में ये मानो अत्यंत गुप्त हो जाएँगे; परंतु उनका प्रभाव अपने-अपने स्थान में कम नहीं होगा।

श्लोक 30 (skanda.4.73.30)

कलिकल्मषपुष्टा ये ये दुष्टा नास्तिकाः शठाः ॥ एतेषां सिद्धलिंगानां ज्ञास्यंत्याख्यामपीह न

kalikalmaṣapuṣṭā ye ye duṣṭā nāstikāḥ śaṭhāḥ || eteṣāṁ siddhaliṁgānāṁ jñāsyaṁtyākhyāmapīha na

कलियुग के पाप से पुष्ट, दुष्ट, नास्तिक और शठ लोग इन सिद्ध लिंगों का नाम तक नहीं जान पाएँगे।

श्लोक 31 (skanda.4.73.31)

नामश्रवणतोपीह यल्लिंगानां शुभानने ॥ वृजिनानि क्षयं यांति वर्धंते पुण्यराशयः

nāmaśravaṇatopīha yalliṁgānāṁ śubhānane || vṛjināni kṣayaṁ yāṁti vardhaṁte puṇyarāśayaḥ

हे शुभानने, यहाँ इन लिंगों के नाम सुनने मात्र से ही पाप नष्ट होते हैं और पुण्य-राशियाँ बढ़ती हैं।

श्लोक 32 (skanda.4.73.32)

ओंकारः प्रथमं लिंगं द्वितीयं च त्रिलोचनम् ॥ तृतीयश्च महादेवः कृत्तिवासाश्चतुर्थकम्

oṁkāraḥ prathamaṁ liṁgaṁ dvitīyaṁ ca trilocanam || tṛtīyaśca mahādevaḥ kṛttivāsāścaturthakam

ओंकार पहला लिंग है, त्रिलोचन दूसरा; तीसरा महादेव, कृत्तिवास चौथा है।

श्लोक 33 (skanda.4.73.33)

रत्नेशः पंचमं लिंगं षष्ठं चंद्रेश्वराभिधम् ॥ केदारः सप्तमं लिंगं धर्मेशश्चाष्टमं प्रिये

ratneśaḥ paṁcamaṁ liṁgaṁ ṣaṣṭhaṁ caṁdreśvarābhidham || kedāraḥ saptamaṁ liṁgaṁ dharmeśaścāṣṭamaṁ priye

रत्नेश पाँचवाँ लिंग है, छठा चंद्रेश्वर नाम से; केदार सातवाँ लिंग है, हे प्रिये, धर्मेश आठवाँ है।

श्लोक 34 (skanda.4.73.34)

वीरेश्वरं च नवमं कामेशं दशमं विदुः ॥ विश्वकर्मेश्वरं लिंगं शुभमेकादशं परम्

vīreśvaraṁ ca navamaṁ kāmeśaṁ daśamaṁ viduḥ || viśvakarmeśvaraṁ liṁgaṁ śubhamekādaśaṁ param

वीरेश्वर नौवाँ और कामेश दसवाँ माना गया है; विश्वकर्मेश्वर लिंग शुभ ग्यारहवाँ है, परम।

श्लोक 35 (skanda.4.73.35)

द्वादशं मणिकर्णीशमविमुक्तं त्रयोदशम् ॥ चतुर्दशं महालिंगं मम विश्वेश्वराभिधम्

dvādaśaṁ maṇikarṇīśamavimuktaṁ trayodaśam || caturdaśaṁ mahāliṁgaṁ mama viśveśvarābhidham

मणिकर्णीश बारहवाँ, अविमुक्त तेरहवाँ है; चौदहवाँ महालिंग मेरा अपना विश्वेश्वर नामक स्वरूप है।

श्लोक 36 (skanda.4.73.36)

प्रिये चतुर्दशैतानि श्रियोहेतूनि सुंदरि ॥ एतेषां समवायोयं मुक्तिक्षेत्रमिहेरितम्

priye caturdaśaitāni śriyohetūni suṁdari || eteṣāṁ samavāyoyaṁ muktikṣetramiheritam

हे प्रिये, हे सुंदरी, ये चौदह लिंग श्री (समृद्धि) के कारण हैं; इनका सम्मिलन ही यहाँ मुक्तिक्षेत्र कहलाता है।

श्लोक 37 (skanda.4.73.37)

देवताः समधिष्ठात्र्यः क्षेत्रस्यास्य परा इमाः ॥ आराधिताः प्रयच्छंति नृभ्यो नैःश्रेयसीं श्रियम्

devatāḥ samadhiṣṭhātryaḥ kṣetrasyāsya parā imāḥ || ārādhitāḥ prayacchaṁti nṛbhyo naiḥśreyasīṁ śriyam

ये इस क्षेत्र की परम अधिष्ठात्री देवताएँ हैं; पूजित होकर वे मनुष्यों को परम कल्याण की श्री प्रदान करते हैं।

श्लोक 38 (skanda.4.73.38)

आनंदकानने मुक्त्यै प्रोक्तान्येतानि सुंदरि ॥ प्रिये चतुर्दशेज्यानि महालिंगानि देहिनाम्

ānaṁdakānane muktyai proktānyetāni suṁdari || priye caturdaśejyāni mahāliṁgāni dehinām

हे सुंदरी, आनंदकानन में देहधारियों की मुक्ति के लिए ये कहे गए हैं; हे प्रिये, ये चौदह महालिंग पूजनीय हैं।

श्लोक 39 (skanda.4.73.39)

प्रतिमासं समारभ्य तिथिं प्रतिपदं शुभाम् ॥ एतेषां लिंगमुख्यानां कार्या यात्रा प्रयत्नतः

pratimāsaṁ samārabhya tithiṁ pratipadaṁ śubhām || eteṣāṁ liṁgamukhyānāṁ kāryā yātrā prayatnataḥ

प्रत्येक मास प्रतिपदा की शुभ तिथि से आरंभ कर, इन प्रमुख लिंगों की प्रयत्नपूर्वक यात्रा करनी चाहिए।

श्लोक 40 (skanda.4.73.40)

अनाराध्य महादेवमेषु लिंगेषु कुंभज ॥ कः काश्यां मोक्षमाप्नोति सत्यं सत्यं पुनःपुनः

anārādhya mahādevameṣu liṁgeṣu kuṁbhaja || kaḥ kāśyāṁ mokṣamāpnoti satyaṁ satyaṁ punaḥpunaḥ

हे कलशोद्भव, इन लिंगों में महादेव की आराधना किए बिना काशी में मोक्ष कौन प्राप्त करता है? यह सत्य है, बार-बार सत्य है।

श्लोक 41 (skanda.4.73.41)

तस्मात्सर्वप्रयत्नेन काशीफलमभीप्सुभिः ॥ पूज्यान्येतानि लिंगानि भक्त्या परमया मुने

tasmātsarvaprayatnena kāśīphalamabhīpsubhiḥ || pūjyānyetāni liṁgāni bhaktyā paramayā mune

इसलिए, हे मुने, काशी का फल चाहने वालों को परम भक्ति से इन लिंगों की सर्वप्रयत्न से पूजा करनी चाहिए।

श्लोक 42 (skanda.4.73.42)

॥अगस्त्य उवाच॥ एतान्येव किमन्यानि महालिंगानि षण्मुख ॥ निर्वाणकारणानीह यदि संति तदा वद

||agastya uvāca|| etānyeva kimanyāni mahāliṁgāni ṣaṇmukha || nirvāṇakāraṇānīha yadi saṁti tadā vada

अगस्त्य ने कहा - हे षण्मुख, क्या ये ही हैं, या इनके अतिरिक्त भी यहाँ मोक्ष के कारणभूत अन्य महालिंग हैं? यदि हैं तो बताइए।

श्लोक 43 (skanda.4.73.43)

॥स्कंद उवाच॥ अन्यान्यपि च संतीह महालिंगानि सुव्रत ॥ कलिप्रभावाद्गुप्तानि भविष्यंत्येव तानि वै

||skaṁda uvāca|| anyānyapi ca saṁtīha mahāliṁgāni suvrata || kaliprabhāvādguptāni bhaviṣyaṁtyeva tāni vai

स्कन्द ने कहा - हे सुव्रत, यहाँ अन्य महालिंग भी हैं; वे कलियुग के प्रभाव से निश्चय ही गुप्त हो जाएँगे।

श्लोक 44 (skanda.4.73.44)

यस्येश्वरे सदाभक्तिर्यः काशीतत्त्ववित्तमः ॥ स एवैतानि लिंगानि वेत्स्यत्यन्यो न कश्चन

yasyeśvare sadābhaktiryaḥ kāśītattvavittamaḥ || sa evaitāni liṁgāni vetsyatyanyo na kaścana

जिसकी ईश्वर में सदा भक्ति है, जो काशी के तत्त्व का श्रेष्ठ ज्ञाता है, वही इन लिंगों को जानेगा, कोई अन्य नहीं।

श्लोक 45 (skanda.4.73.45)

येषां नामग्रहेणापि कलिकल्मष संक्षयः ॥ अमृतेशस्तारकेशो ज्ञानेशः करुणेश्वरः

yeṣāṁ nāmagraheṇāpi kalikalmaṣa saṁkṣayaḥ || amṛteśastārakeśo jñāneśaḥ karuṇeśvaraḥ

जिनका नाम लेने मात्र से कलियुग के पाप का नाश होता है - अमृतेश, तारकेश, ज्ञानेश, करुणेश्वर -

श्लोक 46 (skanda.4.73.46)

मोक्षद्वारेश्वरश्चैव स्वर्गद्वारेश्वरस्तथा ॥ ब्रह्मेशो लांगलश्चैव वृद्धकालेश्वरस्तथा

mokṣadvāreśvaraścaiva svargadvāreśvarastathā || brahmeśo lāṁgalaścaiva vṛddhakāleśvarastathā

- मोक्षद्वारेश्वर, और स्वर्गद्वारेश्वर भी, ब्रह्मेश, लांगल, और वृद्धकालेश्वर भी -

श्लोक 47 (skanda.4.73.47)

वृषेशश्चैव चंडीशो नंदिकेशो महेश्वरः ॥ ज्योतीरूपेश्वरं लिंगं ख्यातमत्र चतुर्दशम्

vṛṣeśaścaiva caṁḍīśo naṁdikeśo maheśvaraḥ || jyotīrūpeśvaraṁ liṁgaṁ khyātamatra caturdaśam

- वृषेश, चंडीश, नंदिकेश, महेश्वर, और ज्योतीरूपेश्वर लिंग - यहाँ चौदहवाँ प्रसिद्ध है।

श्लोक 48 (skanda.4.73.48)

काश्यां चतुर्दशैतानि महालिंगानि सुंदरि ॥ इमानि मुक्तिहेतूनि लिंगान्यानंदकानने

kāśyāṁ caturdaśaitāni mahāliṁgāni suṁdari || imāni muktihetūni liṁgānyānaṁdakānane

हे सुंदरी, काशी में आनंदकानन के ये चौदह महालिंग मोक्ष के कारण हैं।

श्लोक 49 (skanda.4.73.49)

कलिकल्मषबुद्धीनां नाख्येयानि कदाचन ॥ एतान्याराधयेद्यस्तु लिंगानीह चतुर्दश

kalikalmaṣabuddhīnāṁ nākhyeyāni kadācana || etānyārādhayedyastu liṁgānīha caturdaśa

कलियुग के पापी बुद्धि वालों को इन्हें कभी नहीं बताना चाहिए। जो इन चौदह लिंगों की आराधना करता है -

श्लोक 50 (skanda.4.73.50)

न तस्य पुनरावृत्तिः संसाराध्वनि कर्हिचित् ॥ काशीकोशोयमतुलो न प्रकाश्यो यतस्ततः

na tasya punarāvṛttiḥ saṁsārādhvani karhicit || kāśīkośoyamatulo na prakāśyo yatastataḥ

- उसका संसार के मार्ग में फिर कभी आगमन नहीं होता। यह काशी का अतुलनीय कोश है, इसलिए इसे सर्वत्र प्रकट नहीं करना चाहिए।

श्लोक 51 (skanda.4.73.51)

एतल्लिंगाभिधा देवि महापद्यपि दुःखहृत् ॥ रहस्यं परमं चैतत्क्षेत्रस्यास्य वरानने

etalliṁgābhidhā devi mahāpadyapi duḥkhahṛt || rahasyaṁ paramaṁ caitatkṣetrasyāsya varānane

हे देवि, इस लिंग का नाम मात्र लेना भी महाविपत्ति में दुःख हरने वाला है; हे वरानने, यही इस क्षेत्र का परम रहस्य है।

श्लोक 52 (skanda.4.73.52)

चतुर्दशापि लिंगानि मत्सान्निध्यकराणि हि ॥ अविमुक्तस्य हृदयमेतदेव गिरींद्रजे

caturdaśāpi liṁgāni matsānnidhyakarāṇi hi || avimuktasya hṛdayametadeva girīṁdraje

ये चौदह लिंग निश्चय ही मेरी उपस्थिति के कारण हैं; हे गिरिराज-पुत्री, यही अविमुक्त का हृदय है।

श्लोक 53 (skanda.4.73.53)

इमानि यानि लिंगानि सर्वेषां मुक्तिदानि हि ॥ एकैकभुवनस्येह सारमादाय सर्वतः ॥ मयैतानि कृतान्येव महाभक्तिकृपावशात्

imāni yāni liṁgāni sarveṣāṁ muktidāni hi || ekaikabhuvanasyeha sāramādāya sarvataḥ || mayaitāni kṛtānyeva mahābhaktikṛpāvaśāt

सबको मुक्ति देने वाले ये जो लिंग हैं, इन्हें मैंने एक-एक लोक का सार लेकर, महाभक्ति और कृपावश ही यहाँ बनाया है।

श्लोक 54 (skanda.4.73.54)

अस्मिन्क्षेत्रे ध्रुवं मुक्तिरिति या प्रथिति प्रिये ॥ कारणं तत्र लिंगानि ममैतानि चतुर्दश

asminkṣetre dhruvaṁ muktiriti yā prathiti priye || kāraṇaṁ tatra liṁgāni mamaitāni caturdaśa

हे प्रिये, इस क्षेत्र में निश्चय ही मोक्ष है - यह जो प्रसिद्धि है, उसका कारण मेरे ये चौदह लिंग ही हैं।

श्लोक 55 (skanda.4.73.55)

त एव व्रतिनः कांते त एव च तपस्विनः ॥ ध्यातान्येतानि यैर्भक्तैर्लिंगान्यानंदकानने

ta eva vratinaḥ kāṁte ta eva ca tapasvinaḥ || dhyātānyetāni yairbhaktairliṁgānyānaṁdakānane

हे कांते, जिन भक्तों द्वारा आनंदकानन के इन लिंगों का ध्यान किया जाता है, वे ही सच्चे व्रती हैं, वे ही सच्चे तपस्वी हैं।

श्लोक 56 (skanda.4.73.56)

त एवाभ्यस्तसद्योगा दत्तदानास्त एव हि ॥ काश्यामिमानि लिंगानि यैर्दृष्टान्यपि दूरतः

ta evābhyastasadyogā dattadānāsta eva hi || kāśyāmimāni liṁgāni yairdṛṣṭānyapi dūrataḥ

जिन्होंने काशी में इन लिंगों को दूर से भी देखा है, उन्होंने ही वास्तव में सद्योग का अभ्यास किया है, उन्होंने ही सच्चा दान किया है।

श्लोक 57 (skanda.4.73.57)

इष्टापूर्ताश्च ये धर्माः प्रणीता मुनिसत्तमैः ॥ ते सर्वे तेन विहिता यावज्जीवं निरेनसा

iṣṭāpūrtāśca ye dharmāḥ praṇītā munisattamaiḥ || te sarve tena vihitā yāvajjīvaṁ nirenasā

श्रेष्ठ मुनियों द्वारा बताए गए जो इष्ट और पूर्त धर्म हैं, वे सब उसके द्वारा जीवनपर्यंत निष्पाप होकर संपन्न कर लिए गए समझने चाहिए।

श्लोक 58 (skanda.4.73.58)

येनाविमुक्तमासाद्य महालिंगानि पार्वति ॥ सकृदभ्यर्चितानीह स मुक्तो नात्र संशयः

yenāvimuktamāsādya mahāliṁgāni pārvati || sakṛdabhyarcitānīha sa mukto nātra saṁśayaḥ

हे पार्वती, जिसने अविमुक्त को पाकर इन महालिंगों की एक बार भी पूजा कर ली है, वह मुक्त है, इसमें संशय नहीं।

श्लोक 59 (skanda.4.73.59)

॥स्कंद उवाच॥ अन्यान्यपि च विंध्यारे देव्यै प्रोक्तानि शंभुना ॥ स्वभक्तानां हिताथार्य तान्यथाकर्णयाग्रज

||skaṁda uvāca|| anyānyapi ca viṁdhyāre devyai proktāni śaṁbhunā || svabhaktānāṁ hitāthārya tānyathākarṇayāgraja

स्कन्द ने कहा - हे विंध्य के शत्रु, शंभु ने अपने भक्तों के हित के लिए देवी को अन्य लिंग भी बताए थे; हे अग्रज, वे भी सुनिए।

श्लोक 60 (skanda.4.73.60)

शैलेशः संगमेशश्च स्वर्लीनो मध्यमेश्वरः ॥ हिरण्यगर्भ ईशानो गोप्रेक्षो वृषभध्वजः

śaileśaḥ saṁgameśaśca svarlīno madhyameśvaraḥ || hiraṇyagarbha īśāno goprekṣo vṛṣabhadhvajaḥ

शैलेश, संगमेश, स्वर्लीन, मध्यमेश्वर, हिरण्यगर्भ, ईशान, गोप्रेक्ष, वृषभध्वज -

श्लोक 61 (skanda.4.73.61)

उपशांत शिवो ज्येष्ठो निवासेश्वर एव च ॥ शुक्रेशो व्याघ्रलिंगं च जंबुकेशं चतुर्दशम्

upaśāṁta śivo jyeṣṭho nivāseśvara eva ca || śukreśo vyāghraliṁgaṁ ca jaṁbukeśaṁ caturdaśam

- उपशांतशिव, ज्येष्ठ, तथा निवासेश्वर भी, शुक्रेश, व्याघ्रलिंग, और चौदहवाँ जंबुकेश।

श्लोक 62 (skanda.4.73.62)

मुने चतुर्दशैतानि महांत्यायतनानि वै ॥ एतेषामपि सेवातो नरो मोक्षमवाप्नुयात्

mune caturdaśaitāni mahāṁtyāyatanāni vai || eteṣāmapi sevāto naro mokṣamavāpnuyāt

हे मुने, ये चौदह महान आयतन (सिद्ध-स्थान) हैं; इनकी सेवा से भी मनुष्य मोक्ष प्राप्त करता है।

श्लोक 63 (skanda.4.73.63)

चैत्रकृष्णप्रतिपदं समारभ्य प्रयत्नतः ॥ आ चतुर्दशिपूज्यानि लिंगान्येतानि सत्तमैः

caitrakṛṣṇapratipadaṁ samārabhya prayatnataḥ || ā caturdaśipūjyāni liṁgānyetāni sattamaiḥ

चैत्र मास की कृष्ण प्रतिपदा से आरंभ कर, चतुर्दशी तक, श्रेष्ठ पुरुषों द्वारा ये लिंग प्रयत्नपूर्वक पूजनीय हैं।

श्लोक 64 (skanda.4.73.64)

एतेषां वार्षिकी यात्रा सुमहोत्सवपूर्वकम् ॥ कार्या मुमुक्षुभिः सम्यक्क्षेत्रसंसिद्धिदायिनी

eteṣāṁ vārṣikī yātrā sumahotsavapūrvakam || kāryā mumukṣubhiḥ samyakkṣetrasaṁsiddhidāyinī

इनकी वार्षिक यात्रा, महान उत्सव सहित, मुमुक्षुओं द्वारा भलीभाँति करनी चाहिए - यह क्षेत्र की पूर्ण सिद्धि देने वाली है।

श्लोक 65 (skanda.4.73.65)

मुने चतुर्दशैतानि महालिंगानि यत्नतः ॥ दृष्ट्वा न जायते जंतुः संसारे दुःखसागरे

mune caturdaśaitāni mahāliṁgāni yatnataḥ || dṛṣṭvā na jāyate jaṁtuḥ saṁsāre duḥkhasāgare

हे मुने, इन चौदह महालिंगों को प्रयत्नपूर्वक देखकर, प्राणी दुःखसागर रूपी संसार में फिर जन्म नहीं लेता।

श्लोक 66 (skanda.4.73.66)

क्षेत्रस्य परमं तत्त्वमेतदेव प्रिये ध्रुवम् ॥ संसाररोगग्रस्तानामिदमेव महौषधम्

kṣetrasya paramaṁ tattvametadeva priye dhruvam || saṁsārarogagrastānāmidameva mahauṣadham

हे प्रिये, यही निश्चय ही क्षेत्र का परम तत्त्व है; संसार-रोग से ग्रस्त लोगों के लिए यही महौषधि है।

श्लोक 67 (skanda.4.73.67)

क्षेत्रस्योपनिषच्चैषा मुक्तिबीजमिदं परम् ॥ कर्मकाननदावाग्निरेषा लिंगावलिः प्रिये

kṣetrasyopaniṣaccaiṣā muktibījamidaṁ param || karmakānanadāvāgnireṣā liṁgāvaliḥ priye

यही क्षेत्र का उपनिषद् (गुह्य रहस्य) है, यही मोक्ष का परम बीज है; हे प्रिये, यह लिंगों की पंक्ति कर्मरूपी वन की दावाग्नि है।

श्लोक 68 (skanda.4.73.68)

एकैकस्यास्य लिंगस्य महिमाद्यंत वर्जितः ॥ मयैव ज्ञायते देवि सम्यङ्नान्येन केनचित्

ekaikasyāsya liṁgasya mahimādyaṁta varjitaḥ || mayaiva jñāyate devi samyaṅnānyena kenacit

हे देवि, इस एक-एक लिंग की आदि-अंत रहित महिमा को केवल मैं ही भलीभाँति जानता हूँ, अन्य कोई नहीं।

श्लोक 69 (skanda.4.73.69)

इति श्रुत्वा मुने प्राह देवी हृष्टतनूरुहा ॥ प्रणम्य देवमीशानं सर्वज्ञं सर्वदं शिवम्

iti śrutvā mune prāha devī hṛṣṭatanūruhā || praṇamya devamīśānaṁ sarvajñaṁ sarvadaṁ śivam

हे मुने, यह सुनकर, रोमांचित शरीर वाली देवी ने सर्वज्ञ, सर्वदाता शिव ईशान को प्रणाम कर कहा।

श्लोक 70 (skanda.4.73.70)

॥देव्युवाच॥ रहस्यं परमं काश्यां यदेतत्समुदीरितम् ॥ तच्छ्रुत्वोत्सुकतां प्राप्तं मनो मेतीव वल्लभ

||devyuvāca|| rahasyaṁ paramaṁ kāśyāṁ yadetatsamudīritam || tacchrutvotsukatāṁ prāptaṁ mano metīva vallabha

देवी ने कहा - 'हे प्रिय, काशी के विषय में जो यह परम रहस्य बताया गया, उसे सुनकर मेरा मन अत्यंत उत्सुक हो गया है।'

श्लोक 71 (skanda.4.73.71)

यदुक्तं लिगमेकैकं महासारतरं परम् ॥ काश्यां परमनिर्वाणकारणं कारणेश्वर

yaduktaṁ ligamekaikaṁ mahāsārataraṁ param || kāśyāṁ paramanirvāṇakāraṇaṁ kāraṇeśvara

'हे कारणेश्वर, आपने कहा कि प्रत्येक लिंग काशी में परम निर्वाण का श्रेष्ठतम, महासारभूत कारण है।'

श्लोक 72 (skanda.4.73.72)

प्रत्येकं महिमानं मे ब्रूह्येषां भुवनेश्वर ॥ चतुर्दशानां लिंगानां श्रवणादघहारिणाम्

pratyekaṁ mahimānaṁ me brūhyeṣāṁ bhuvaneśvara || caturdaśānāṁ liṁgānāṁ śravaṇādaghahāriṇām

'हे भुवनेश्वर, मुझे इन पापहारी चौदह लिंगों के श्रवण की, प्रत्येक की महिमा अलग-अलग बताइए।'

श्लोक 73 (skanda.4.73.73)

ओंकारेशस्य लिंगस्य कथमत्र समागमः ॥ अतिपुण्यतमात्तस्मात्क्षेत्रादमरकंटकात्

oṁkāreśasya liṁgasya kathamatra samāgamaḥ || atipuṇyatamāttasmātkṣetrādamarakaṁṭakāt

'ओंकारेश्वर लिंग का यहाँ किस प्रकार आगमन हुआ, उस अत्यंत पवित्र अमरकंटक क्षेत्र से?'

श्लोक 74 (skanda.4.73.74)

किमात्मकोऽयमोंकारो महिमास्य च को हर ॥ केनाराधि पुरा चैष ददावाराधितश्च किम्

kimātmako'yamoṁkāro mahimāsya ca ko hara || kenārādhi purā caiṣa dadāvārādhitaśca kim

'यह ओंकार क्या स्वरूप है, इसकी महिमा क्या है, हे हर? पूर्वकाल में इसकी आराधना किसने की, और आराधित होकर इसने क्या दिया?'

श्लोक 75 (skanda.4.73.75)

मृडानीवाक्सुधामेतां विधाय श्रुतिगोचराम् ॥ कथामकथयद्देव ओंकारस्यमहाद्भुताम्

mṛḍānīvāksudhāmetāṁ vidhāya śrutigocarām || kathāmakathayaddeva oṁkārasyamahādbhutām

इस प्रकार अमृतमय वाणी को कानों तक पहुँचाकर, देव ने ओंकार की यह अत्यंत अद्भुत कथा कही।

श्लोक 76 (skanda.4.73.76)

॥देवदेव उवाच॥ कथामाकर्णयापर्णे वर्णयामि तवाग्रतः ॥ यथोंकारस्य लिंगस्य प्रादुर्भाव इहाभवत्

||devadeva uvāca|| kathāmākarṇayāparṇe varṇayāmi tavāgrataḥ || yathoṁkārasya liṁgasya prādurbhāva ihābhavat

देवदेव ने कहा - हे अपर्णे, यह कथा सुनो, मैं तुम्हारे सामने वर्णन करता हूँ कि किस प्रकार ओंकार लिंग का यहाँ प्राकट्य हुआ।

श्लोक 77 (skanda.4.73.77)

पुरानंदवने चात्र ब्रह्मणा विश्वयोनिना ॥ तपस्तप्तं महादेवि समाधिं दधतापरम्

purānaṁdavane cātra brahmaṇā viśvayoninā || tapastaptaṁ mahādevi samādhiṁ dadhatāparam

पूर्वकाल में, हे महादेवी, विश्व की योनि ब्रह्मा ने यहीं आनंदकानन में, अखंड समाधि धारण कर, तप किया था।

श्लोक 78 (skanda.4.73.78)

पूर्णे युगसहस्रेऽथ भित्त्वा पातालसप्तकम् ॥ उदतिष्ठत्पुरोज्योतिर्विद्योतित हरिन्मुखम्

pūrṇe yugasahasre'tha bhittvā pātālasaptakam || udatiṣṭhatpurojyotirvidyotita harinmukham

एक हजार युग पूर्ण होने पर, सातों पातालों को भेदकर, उनके सामने एक ज्योति उठी, जिसने पूर्व दिशा को प्रकाशित कर दिया।

श्लोक 79 (skanda.4.73.79)

यदंतराविरभवन्निर्व्याजेन समाधिना ॥ तदेव परमं धाम बहिराविरभूद्विधेः

yadaṁtarāvirabhavannirvyājena samādhinā || tadeva paramaṁ dhāma bahirāvirabhūdvidheḥ

जो उनके भीतर उस निष्कपट समाधि से प्रकट हुआ था, वही परम धाम विधाता के बाहर भी प्रकट हो गया।

श्लोक 80 (skanda.4.73.80)

योभूच्चटचटाशब्दः स्फुटतो भूमिभागतः ॥ तच्छब्दाद्व्यसृजद्वेधाः समाधिं क्रमतो वशी

yobhūccaṭacaṭāśabdaḥ sphuṭato bhūmibhāgataḥ || tacchabdādvyasṛjadvedhāḥ samādhiṁ kramato vaśī

भूमि के फटने से जो चटचट शब्द हुआ, उस शब्द से संयमी विधाता ने क्रमशः अपनी समाधि छोड़ी।

श्लोक 81 (skanda.4.73.81)

स्रष्टाविसृष्ट तद्ध्यानो यावदुन्मील्यलोचने ॥ पुरः पश्येद्ददर्शाग्रे तावदक्षरमादिमम्

sraṣṭāvisṛṣṭa taddhyāno yāvadunmīlyalocane || puraḥ paśyeddadarśāgre tāvadakṣaramādimam

सृष्टिकर्ता का ध्यान समाप्त होते ही, ज्यों ही उन्होंने आँखें खोलकर आगे देखा, उन्होंने वहीं वह आदि अक्षर देखा।

श्लोक 82 (skanda.4.73.82)

अकारं सत्त्वसंपन्नमृक्क्षेत्रं सृष्टिपालकम् ॥ नारायणात्मकं साक्षात्तमः पारे प्रतिष्ठितम्

akāraṁ sattvasaṁpannamṛkkṣetraṁ sṛṣṭipālakam || nārāyaṇātmakaṁ sākṣāttamaḥ pāre pratiṣṭhitam

- अकार को, सत्त्वगुण से युक्त, ऋग्वेद का क्षेत्र, सृष्टि का पालक, साक्षात् नारायण-स्वरूप, अंधकार के पार स्थित।

श्लोक 83 (skanda.4.73.83)

उकारमथ तस्याग्रे रजोरूपं यजुर्जनिम् ॥ विधातारं समस्तस्य स्वाकारमिव बिंबितम्

ukāramatha tasyāgre rajorūpaṁ yajurjanim || vidhātāraṁ samastasya svākāramiva biṁbitam

फिर उसके आगे उकार को - रजोगुण-रूप, यजुर्वेद की उत्पत्ति, समस्त सृष्टि के विधाता, मानो अपने ही स्वरूप का प्रतिबिंब।

श्लोक 84 (skanda.4.73.84)

नीरवध्वांतसंकेत सदनाभं तदग्रतः ॥ मकारं स ददर्शाथ तमोरूपं विशेषतः

nīravadhvāṁtasaṁketa sadanābhaṁ tadagrataḥ || makāraṁ sa dadarśātha tamorūpaṁ viśeṣataḥ

फिर उसके आगे मकार को देखा - मौन अंधकार के संकेत का आवास सा, विशेष रूप से तमोगुणी।

श्लोक 85 (skanda.4.73.85)

साम्नो योनिं लये हेतुं साक्षाद्रुद्रस्वरूपिणम् ॥ अथ तत्पुरतो ध्याता व्यधात्स्वनयनातिथिम्

sāmno yoniṁ laye hetuṁ sākṣādrudrasvarūpiṇam || atha tatpurato dhyātā vyadhātsvanayanātithim

सामवेद की योनि, प्रलय का कारण, साक्षात् रुद्रस्वरूप - फिर उसके आगे ध्याता ने अपने नेत्रों का अतिथि बनाया -

श्लोक 86 (skanda.4.73.86)

विश्वरूपमयाकारं सगुणं वापि निर्गुणम् ॥ अनाख्यनादसदनं परमानंदविग्रहम्

viśvarūpamayākāraṁ saguṇaṁ vāpi nirguṇam || anākhyanādasadanaṁ paramānaṁdavigraham

- विश्वरूप को, आकाररहित को, सगुण अथवा निर्गुण को, अनाम नाद के निवास को, परमानंद की मूर्ति को।

श्लोक 87 (skanda.4.73.87)

शव्दब्रह्मेति यत्ख्यातं सर्ववाङ्मयकारणम् ॥ अथोपरिष्टान्नादस्य बिंदुरूपं परात्परम्

śavdabrahmeti yatkhyātaṁ sarvavāṅmayakāraṇam || athopariṣṭānnādasya biṁdurūpaṁ parātparam

जो शब्दब्रह्म नाम से प्रसिद्ध है, समस्त वाणी का कारण; फिर उस नाद के भी ऊपर, बिंदुरूप में, परम से भी परम -

श्लोक 88 (skanda.4.73.88)

कारणं कारणानां च जगद्योनिं च तं परम् ॥ विधिर्विलोकयांचक्रे तपसागोचरीकृतम्

kāraṇaṁ kāraṇānāṁ ca jagadyoniṁ ca taṁ param || vidhirvilokayāṁcakre tapasāgocarīkṛtam

- कारणों के भी कारण, जगत की योनि, उस परम तत्त्व को विधाता ने अपने तप से सुलभ कर देखा।

श्लोक 89 (skanda.4.73.89)

अवनादोमिति ख्यातं सर्वस्यास्य प्रभावतः ॥ भक्तमुन्नयते यस्मात्तदोमिति य ईरितः

avanādomiti khyātaṁ sarvasyāsya prabhāvataḥ || bhaktamunnayate yasmāttadomiti ya īritaḥ

'रक्षा (अव्) करने के कारण यह इस सबके प्रभाव से 'ओम्' नाम से प्रसिद्ध है; क्योंकि यह भक्त को ऊपर उठाता है, इसलिए इसे 'ओम्' कहा गया।'

श्लोक 90 (skanda.4.73.90)

अरूपोपि सरूपाढ्यः स धात्रा नेत्रगीकृतः ॥ तारयेद्यद्भवांभोधेः स्वजपासक्तमानसम् ॥ ततस्तार इति ख्यातो यस्तं ब्रह्मा व्यलोकयत्

arūpopi sarūpāḍhyaḥ sa dhātrā netragīkṛtaḥ || tārayedyadbhavāṁbhodheḥ svajapāsaktamānasam || tatastāra iti khyāto yastaṁ brahmā vyalokayat

अरूप होते हुए भी वह सरूप होकर विधाता के नेत्रों के सामने आया; अपने जप में लीन मन को भवसागर से तार देने के कारण, वह 'तार' नाम से प्रसिद्ध हुआ - उसे ही ब्रह्मा ने देखा।

श्लोक 91 (skanda.4.73.91)

प्रणूयते यतः सर्वैः परनिर्वाणकामुकैः ॥ सर्वेभ्योभ्यधिकस्तस्मात्प्रणवो यैः प्रकीर्तितः

praṇūyate yataḥ sarvaiḥ paranirvāṇakāmukaiḥ || sarvebhyobhyadhikastasmātpraṇavo yaiḥ prakīrtitaḥ

परम निर्वाण की कामना करने वाले सभी जिसकी स्तुति करते हैं, तथा जो सबसे श्रेष्ठ कहा गया है, इसलिए वह 'प्रणव' कहलाया।

श्लोक 92 (skanda.4.73.92)

स्वसेवितारं पुरुषं प्रणयेद्यः परंपदम् ॥ अतस्तप्रणवं शांतं प्रत्यक्षीकृतवान्विधिः

svasevitāraṁ puruṣaṁ praṇayedyaḥ paraṁpadam || atastapraṇavaṁ śāṁtaṁ pratyakṣīkṛtavānvidhiḥ

जो अपने सेवक को परम पद तक ले जाता है, इसलिए विधाता ने उस शांत प्रणव को साक्षात् देखा।

श्लोक 93 (skanda.4.73.93)

त्रयीमयस्तुरीयोयस्तुर्यातीतोखिलात्मकः ॥ नादबिंदुस्वरूपो यः स प्रैक्षि द्विजगामिना

trayīmayasturīyoyasturyātītokhilātmakaḥ || nādabiṁdusvarūpo yaḥ sa praikṣi dvijagāminā

जो त्रयीमय, तुरीय, तुरीय से भी परे, सर्वस्वरूप है, नाद-बिंदु-स्वरूप है - उसे पक्षी पर सवार (ब्रह्मा) ने देखा।

श्लोक 94 (skanda.4.73.94)

प्रावर्तंत यतो वेदाः सांगाः सर्वस्य योनयः ॥ सवेदादिः पद्मभुवा पुरस्तादवलोकितः

prāvartaṁta yato vedāḥ sāṁgāḥ sarvasya yonayaḥ || savedādiḥ padmabhuvā purastādavalokitaḥ

जिससे अंगों सहित वेद प्रवृत्त हुए, जो सबका मूल है - उस वेदों के आदि स्रोत को कमलयोनि (ब्रह्मा) ने आगे देखा।

श्लोक 95 (skanda.4.73.95)

वृषभो यस्त्रिधाबद्धो रोरवीति महोमयः ॥ सनेत्रविषयी चक्रे परमः परमेष्ठिना

vṛṣabho yastridhābaddho roravīti mahomayaḥ || sanetraviṣayī cakre paramaḥ parameṣṭhinā

जो वृषभरूप में, तीन स्थानों में बँधा, महातेजोमय गर्जना करता है - उस परम को परमेष्ठी ने अपने नेत्रों का विषय बनाया।

श्लोक 96 (skanda.4.73.96)

शृंगश्चत्वारि यस्यासन्हस्तासः सप्त एव च ॥ द्वे शीर्षे च त्रयः पादाः स देवो विधिनैक्षत

śṛṁgaścatvāri yasyāsanhastāsaḥ sapta eva ca || dve śīrṣe ca trayaḥ pādāḥ sa devo vidhinaikṣata

जिसके चार सींग थे, सात हाथ थे, दो सिर और तीन पैर थे - उस देव को विधाता ने देखा।

श्लोक 97 (skanda.4.73.97)

यदंतर्लीनमखिलं भूतं भावि भवत्पुनः ॥ तद्बीजं बीजरहितं द्रुहिणेन विलोकितम्

yadaṁtarlīnamakhilaṁ bhūtaṁ bhāvi bhavatpunaḥ || tadbījaṁ bījarahitaṁ druhiṇena vilokitam

जिसके भीतर संपूर्ण भूत, भविष्य और वर्तमान लीन है, उस बीजरहित बीज को द्रुहिण (ब्रह्मा) ने देखा।

श्लोक 98 (skanda.4.73.98)

लीनं मृग्येत यत्रैतदाब्रह्मस्तंबभाजनम् ॥ अतः स भाज्यते सद्भिर्यल्लिंगं तद्विलोकितम्

līnaṁ mṛgyeta yatraitadābrahmastaṁbabhājanam || ataḥ sa bhājyate sadbhiryalliṁgaṁ tadvilokitam

जहाँ ब्रह्मा से लेकर तिनके तक सब कुछ लीन ढूँढा जाता है, इसलिए सज्जनों द्वारा 'भजा' जाने वाले उस लिंग को देखा गया।

श्लोक 99 (skanda.4.73.99)

पंचार्था यत्र भासंते पंचब्रह्ममयं हि यत् ॥ आदिपंचस्वरूपंयन्निरैक्षि ब्रह्मणा हि तत्

paṁcārthā yatra bhāsaṁte paṁcabrahmamayaṁ hi yat || ādipaṁcasvarūpaṁyanniraikṣi brahmaṇā hi tat

जहाँ पंच तत्त्व प्रकाशित होते हैं, जो पंचब्रह्ममय है - उस आदि पंचरूप को ब्रह्मा ने देखा।

श्लोक 100 (skanda.4.73.100)

तमालोक्य ततो वेधा लिंगरूपिणमीश्वरम् ॥ पंचाक्षरं प्रपंचाच्च भिन्नं तुष्टाव शंकरम्

tamālokya tato vedhā liṁgarūpiṇamīśvaram || paṁcākṣaraṁ prapaṁcācca bhinnaṁ tuṣṭāva śaṁkaram

उसे देखकर, फिर विधाता ने लिंगरूपधारी ईश्वर की, प्रपंच से भिन्न पंचाक्षर शंकर की स्तुति की।

श्लोक 101 (skanda.4.73.101)

॥ब्रह्मोवाच॥ नम ओंकाररूपाय नमोऽक्षरवपुर्धृते ॥ नमोऽकारादिवर्णानां प्रभवाय सदाशिव

||brahmovāca|| nama oṁkārarūpāya namo'kṣaravapurdhṛte || namo'kārādivarṇānāṁ prabhavāya sadāśiva

ब्रह्मा ने कहा - ओंकाररूप को नमस्कार, अक्षर-शरीर को धारण करने वाले को नमस्कार; हे सदाशिव, अकार आदि वर्णों के उद्गम को नमस्कार।

श्लोक 102 (skanda.4.73.102)

अकारस्त्वमुकारस्त्वं मकारस्त्वमनाकृते ॥ ऋग्यजुः सामरूपाय रूपातीताय ते नमः

akārastvamukārastvaṁ makārastvamanākṛte || ṛgyajuḥ sāmarūpāya rūpātītāya te namaḥ

हे निराकार, तुम अकार हो, तुम उकार हो, तुम मकार हो; ऋक्-यजुः-सामरूप, रूपातीत तुम्हें नमस्कार।

श्लोक 103 (skanda.4.73.103)

नमो नादात्मने तुभ्यं नमो बिंदुकलात्मने ॥ अलिंगलिंगरूपाय सर्वरूपस्वरूपिणे

namo nādātmane tubhyaṁ namo biṁdukalātmane || aliṁgaliṁgarūpāya sarvarūpasvarūpiṇe

नादस्वरूप तुम्हें नमस्कार, बिंदु-कलास्वरूप तुम्हें नमस्कार; अलिंग-लिंगरूप, सर्वरूपस्वरूप तुम्हें नमस्कार।

श्लोक 104 (skanda.4.73.104)

नमस्ते धाम निधये निधनादिविवर्जित ॥ नमो भवाय रुद्राय शर्वाय च नमोस्तुते

namaste dhāma nidhaye nidhanādivivarjita || namo bhavāya rudrāya śarvāya ca namostute

मृत्यु आदि से रहित, तेज के भंडार, तुम्हें नमस्कार; भव को, रुद्र को, और शर्व को तुम्हें नमस्कार।

श्लोक 105 (skanda.4.73.105)

नम उग्राय भीमाय पशूनां पतये नमः ॥ नमस्तारस्वरूपाय संभवाय नमोस्तु ते

nama ugrāya bhīmāya paśūnāṁ pataye namaḥ || namastārasvarūpāya saṁbhavāya namostu te

उग्र को, भीम को, पशुओं के स्वामी को नमस्कार; तारस्वरूप को, संभव को तुम्हें नमस्कार।

श्लोक 106 (skanda.4.73.106)

अमायाय नमस्तुभ्यं नमः शिवतराय ते ॥ कपर्दिने नमस्तुभ्यं शितिकंठ नमोस्तु ते

amāyāya namastubhyaṁ namaḥ śivatarāya te || kapardine namastubhyaṁ śitikaṁṭha namostu te

मायारहित तुम्हें नमस्कार, अत्यंत मंगलमय तुम्हें नमस्कार; कपर्दी तुम्हें नमस्कार, हे शितिकंठ, तुम्हें नमस्कार।

श्लोक 107 (skanda.4.73.107)

मीढुष्टमाय गिरिश शिपिविष्टाय ते नमः ॥ नमोऽह्रस्वाय खर्वाय बृहते वृद्धरूपिणे

mīḍhuṣṭamāya giriśa śipiviṣṭāya te namaḥ || namo'hrasvāya kharvāya bṛhate vṛddharūpiṇe

हे गिरीश, परम उदार वर्षा देने वाले, तेज से सबको व्याप्त करने वाले, तुम्हें नमस्कार; न ह्रस्व, न बौने, विशाल, प्राचीन स्वरूप वाले को नमस्कार।

श्लोक 108 (skanda.4.73.108)

कुमारगुरवे तुभ्यं कुमारवपुषे नमः ॥ नमः श्वेताय कृष्णाय पीतायारुणमूर्तये

kumāragurave tubhyaṁ kumāravapuṣe namaḥ || namaḥ śvetāya kṛṣṇāya pītāyāruṇamūrtaye

कुमार के गुरु तुम्हें नमस्कार, कुमार-रूप को नमस्कार; श्वेत, कृष्ण, पीत, अरुण मूर्ति को नमस्कार।

श्लोक 109 (skanda.4.73.109)

धूम्रवर्णाय पिंगाय नमः किर्मीरवर्चसे ॥ नमः पाटलवर्णाय नमो हरिततेजसे

dhūmravarṇāya piṁgāya namaḥ kirmīravarcase || namaḥ pāṭalavarṇāya namo haritatejase

धूम्रवर्ण को, पिंगल को नमस्कार, चित्र-विचित्र कांति वाले को नमस्कार; गुलाबी वर्ण को नमस्कार, हरित तेज वाले को नमस्कार।

श्लोक 110 (skanda.4.73.110)

नानावर्णस्वरूपाय वर्णानां पतये नमः ॥ नमस्ते स्वररूपाय नमो व्यंजनरूपिणे

nānāvarṇasvarūpāya varṇānāṁ pataye namaḥ || namaste svararūpāya namo vyaṁjanarūpiṇe

नाना वर्णस्वरूप को, वर्णों के स्वामी को नमस्कार; स्वररूप को नमस्कार, व्यंजनरूप को नमस्कार।

श्लोक 111 (skanda.4.73.111)

उदात्तायानुदात्ताय स्वरिताय नमो नमः ॥ ह्रस्वदीर्घप्लुतेशाय सविसर्गाय ते नमः

udāttāyānudāttāya svaritāya namo namaḥ || hrasvadīrghapluteśāya savisargāya te namaḥ

उदात्त, अनुदात्त और स्वरित को बार-बार नमस्कार; ह्रस्व-दीर्घ-प्लुत के स्वामी, विसर्ग सहित को नमस्कार।

श्लोक 112 (skanda.4.73.112)

अनुस्वारस्वरूपाय नमस्ते सानुनासिक ॥ नमो निरनुनासाय दंत्यतालव्यरूपिणे

anusvārasvarūpāya namaste sānunāsika || namo niranunāsāya daṁtyatālavyarūpiṇe

अनुस्वार-स्वरूप को नमस्कार, अनुनासिक सहित को नमस्कार; अननुनासिक को, दंत्य-तालव्य स्वरूप को नमस्कार।

श्लोक 113 (skanda.4.73.113)

ओष्ठ्योरस्यस्वरूपाय नम ऊष्मस्वरूपिणे ॥ अंतस्थाय नमस्तुभ्यं पंचमाय पिनाकिने

oṣṭhyorasyasvarūpāya nama ūṣmasvarūpiṇe || aṁtasthāya namastubhyaṁ paṁcamāya pinākine

ओष्ठ्य-कंठ्य स्वरूप को नमस्कार, ऊष्म स्वरूप को नमस्कार; अंतस्थ को नमस्कार, पंचम वर्ग को नमस्कार, हे पिनाकधारी।

श्लोक 114 (skanda.4.73.114)

निषादाय नमस्तुभ्यं निषादपतये नमः ॥ वीणावेणुमृदंगादि वाद्यरूपाय ते नमः

niṣādāya namastubhyaṁ niṣādapataye namaḥ || vīṇāveṇumṛdaṁgādi vādyarūpāya te namaḥ

निषाद स्वर को नमस्कार, निषाद के स्वामी को नमस्कार; वीणा-वेणु-मृदंग आदि वाद्यरूप को नमस्कार।

श्लोक 115 (skanda.4.73.115)

नमस्ताराय मंद्राय घोरायाघोरमूर्तये ॥ नमस्तानस्वरूपाय मूर्च्छनां पतये नमः

namastārāya maṁdrāya ghorāyāghoramūrtaye || namastānasvarūpāya mūrcchanāṁ pataye namaḥ

ताररूप, मंद्ररूप, घोर और अघोर मूर्ति को नमस्कार; तानस्वरूप को नमस्कार, मूर्च्छनाओं के स्वामी को नमस्कार।

श्लोक 116 (skanda.4.73.116)

स्थायिसंचारिभेदेन नमो भावस्वरूपिणे ॥ तालप्रियाय तालाय लास्यतांडवजन्मने

sthāyisaṁcāribhedena namo bhāvasvarūpiṇe || tālapriyāya tālāya lāsyatāṁḍavajanmane

स्थायी-संचारी भाव के भेद से भावस्वरूप को नमस्कार; ताल के प्रिय, ताल को, लास्य-तांडव के जन्मदाता को नमस्कार।

श्लोक 117 (skanda.4.73.117)

तौर्यत्रिकस्वरूपाय तौर्यत्रिकमहाप्रिय ।। तौर्यत्रिककृतांभक्त्या निर्वाणश्रीप्रदायक

tauryatrikasvarūpāya tauryatrikamahāpriya || tauryatrikakṛtāṁbhaktyā nirvāṇaśrīpradāyaka

त्रिविध कला (गीत-नृत्य-वाद्य) के स्वरूप को नमस्कार, त्रिविध कला के परम प्रिय को नमस्कार; भक्तिपूर्वक त्रिविध कला करने वालों को मोक्षश्री देने वाले को नमस्कार।

श्लोक 118 (skanda.4.73.118)

स्थूलसूक्ष्मस्वरूपाय दृश्यादृश्य स्वरूपिणे ॥ अर्वाचीनाय च नमः पराचीनाय ते नमः

sthūlasūkṣmasvarūpāya dṛśyādṛśya svarūpiṇe || arvācīnāya ca namaḥ parācīnāya te namaḥ

स्थूल-सूक्ष्म स्वरूप को नमस्कार, दृश्य-अदृश्य स्वरूप को नमस्कार; अर्वाचीन को नमस्कार, पराचीन को नमस्कार।

श्लोक 119 (skanda.4.73.119)

वाक्प्रपंच स्वरूपाय वाक्प्रपंच पराय च ॥ एकायानेकभेदाय सदसत्पतये नमः

vākprapaṁca svarūpāya vākprapaṁca parāya ca || ekāyānekabhedāya sadasatpataye namaḥ

वाणी के प्रपंच-स्वरूप को नमस्कार, वाणी के प्रपंच से परे को भी नमस्कार; एक को और अनेक भेद वाले को, सत्-असत् के स्वामी को नमस्कार।

श्लोक 120 (skanda.4.73.120)

शब्दब्रह्म नमस्तुभ्यं परब्रह्म नमोस्तुते ॥ नमो वेदांतवेद्याय वेदानां पतये नमः

śabdabrahma namastubhyaṁ parabrahma namostute || namo vedāṁtavedyāya vedānāṁ pataye namaḥ

शब्दब्रह्म तुम्हें नमस्कार, परब्रह्म तुम्हें नमस्कार; वेदांत से जानने योग्य को नमस्कार, वेदों के स्वामी को नमस्कार।

श्लोक 121 (skanda.4.73.121)

नमो वेदस्वरूपाय वेदगोचरमूर्तये ॥ पार्वतीश नमस्तुभ्यं जगदीश नमोस्तु ते

namo vedasvarūpāya vedagocaramūrtaye || pārvatīśa namastubhyaṁ jagadīśa namostu te

वेदस्वरूप को नमस्कार, वेदगोचर मूर्ति को नमस्कार; हे पार्वतीश, तुम्हें नमस्कार; हे जगदीश, तुम्हें नमस्कार।

श्लोक 122 (skanda.4.73.122)

नमस्ते देवदेवेश देव दिव्यपदप्रद ॥ शंकराय नमस्तुभ्यं नमस्तुभ्यं महेश्वर

namaste devadeveśa deva divyapadaprada || śaṁkarāya namastubhyaṁ namastubhyaṁ maheśvara

हे देवदेवेश, दिव्यपद देने वाले देव, तुम्हें नमस्कार; शंकर को नमस्कार, हे महेश्वर, तुम्हें नमस्कार।

श्लोक 123 (skanda.4.73.123)

नमस्ते जगदानंद नमस्ते शशिशेखर ॥ मृत्युंजय नमस्तुभ्यं नमस्ते त्र्यंबकाय च

namaste jagadānaṁda namaste śaśiśekhara || mṛtyuṁjaya namastubhyaṁ namaste tryaṁbakāya ca

हे जगदानंद, तुम्हें नमस्कार; हे शशिशेखर, तुम्हें नमस्कार; हे मृत्युंजय, तुम्हें नमस्कार; हे त्र्यंबक, तुम्हें नमस्कार।

श्लोक 124 (skanda.4.73.124)

नमः पिनाकहस्ताय त्रिशूलायुधधारिणे ॥ नमस्त्रिपुरहंत्रे च नमोंधक निषूदन

namaḥ pinākahastāya triśūlāyudhadhāriṇe || namastripurahaṁtre ca namoṁdhaka niṣūdana

पिनाकधारी हाथ वाले, त्रिशूल-शस्त्र धारण करने वाले को नमस्कार; त्रिपुरनाशक को नमस्कार, हे अंधक-नाशक, नमस्कार।

श्लोक 125 (skanda.4.73.125)

कंदर्पदर्पदलन नमोजालंधरारये ॥ कालाय कालकालाय कालकूटविषादिने

kaṁdarpadarpadalana namojālaṁdharāraye || kālāya kālakālāya kālakūṭaviṣādine

हे कामदेव के अहंकार को दलने वाले, हे जालंधर के शत्रु, नमस्कार; काल को, काल के भी काल को, कालकूट विष के भक्षक को नमस्कार।

श्लोक 126 (skanda.4.73.126)

विषादहंत्रे भक्तानामभक्तैक विषादद ॥ ज्ञानाय ज्ञानरूपाय सर्वज्ञाय नमोऽस्तुते

viṣādahaṁtre bhaktānāmabhaktaika viṣādada || jñānāya jñānarūpāya sarvajñāya namo'stute

भक्तों के विषाद को हरने वाले, अभक्तों को ही विषाद देने वाले को नमस्कार; ज्ञान को, ज्ञानस्वरूप को, सर्वज्ञ को तुम्हें नमस्कार।

श्लोक 127 (skanda.4.73.127)

योगसिद्धिप्रदोसि त्वं योगिनां योगसत्तम ॥ तपसां फलदोसि त्वं तपस्विभ्यस्तपोधन

yogasiddhipradosi tvaṁ yogināṁ yogasattama || tapasāṁ phaladosi tvaṁ tapasvibhyastapodhana

हे योगियों में श्रेष्ठ योगी, तुम योगसिद्धि देने वाले हो; हे तपस्वियों के तपोधन, तुम तप का फल देने वाले हो।

श्लोक 128 (skanda.4.73.128)

त्वमेव मंत्ररूपोसि मंत्राणां फलदो भवान् ॥ महादानफलं त्वं वै महादानप्रदो भवान्

tvameva maṁtrarūposi maṁtrāṇāṁ phalado bhavān || mahādānaphalaṁ tvaṁ vai mahādānaprado bhavān

तुम ही मंत्ररूप हो, तुम मंत्रों का फल देने वाले हो; तुम ही महादान का फल हो, तुम महादान देने वाले हो।

श्लोक 129 (skanda.4.73.129)

महायज्ञस्त्वमेवेश महायज्ञ फलप्रद ॥ त्वं सर्वः सर्वगस्त्वं वै सर्वदः सर्वदृग्भवान्

mahāyajñastvameveśa mahāyajña phalaprada || tvaṁ sarvaḥ sarvagastvaṁ vai sarvadaḥ sarvadṛgbhavān

हे ईश, तुम ही महायज्ञ हो, महायज्ञ का फल देने वाले हो; तुम सर्व हो, सर्वव्यापी हो, तुम सर्व-दाता, सर्व-द्रष्टा हो।

श्लोक 130 (skanda.4.73.130)

सर्वभुक्सर्वकर्ता त्वं सर्वसंहारकारक ॥ योगिनां हृदयाकाश कृतालय नमोस्तु ते

sarvabhuksarvakartā tvaṁ sarvasaṁhārakāraka || yogināṁ hṛdayākāśa kṛtālaya namostu te

तुम सर्व-भोक्ता, सर्व-कर्ता, सर्व-संहारकारक हो; योगियों के हृदयाकाश में निवास करने वाले तुम्हें नमस्कार।

श्लोक 131 (skanda.4.73.131)

त्वमेव विष्णुरूपेण शंखचक्रगदाधर ॥ त्रिलोकीं त्रायसे त्रातः सत्त्वमूर्ते नमोस्तु ते

tvameva viṣṇurūpeṇa śaṁkhacakragadādhara || trilokīṁ trāyase trātaḥ sattvamūrte namostu te

तुम ही विष्णुरूप में शंख-चक्र-गदा धारण करते हुए त्रिलोक की रक्षा करते हो, हे रक्षक, सत्त्वमूर्ति तुम्हें नमस्कार।

श्लोक 132 (skanda.4.73.132)

त्वमेव विदधास्ये तद्विधिर्भूत्वा विधानवित् ॥ रजोरूपं समालंब्य नीरजस्कपदप्रद

tvameva vidadhāsye tadvidhirbhūtvā vidhānavit || rajorūpaṁ samālaṁbya nīrajaskapadaprada

तुम ही विधाता बनकर विधान करते हो, विधि के ज्ञाता होकर; रजोगुण धारण कर, निष्काम पद देते हो।

श्लोक 133 (skanda.4.73.133)

त्वमेव हि महारुद्रस्त्वं महोग्रो भुजंगभृत् ॥ त्वमेव हि महाभीमो महापितृवनेचर

tvameva hi mahārudrastvaṁ mahogro bhujaṁgabhṛt || tvameva hi mahābhīmo mahāpitṛvanecara

तुम ही महारुद्र हो, तुम महाभयंकर, सर्प धारण करने वाले हो; तुम ही महाभीम, महाश्मशान-वासी हो।

श्लोक 134 (skanda.4.73.134)

तामसीं तनुमाश्रित्य त्वं कृतांत कृतांतक ॥ कालाग्निरुद्रो भूऽत्वांते त्वं संवर्त प्रवर्तकः

tāmasīṁ tanumāśritya tvaṁ kṛtāṁta kṛtāṁtaka || kālāgnirudro bhū'tvāṁte tvaṁ saṁvarta pravartakaḥ

तामसी देह धारण कर तुम कृतांत के भी अंतकर्ता हो; अंत में कालाग्निरुद्र बनकर तुम प्रलय के प्रवर्तक हो।

श्लोक 135 (skanda.4.73.135)

त्वं पुंप्रकृतिरूपाभ्यां महदाद्यखिलं जगत् ॥ अक्षिपक्ष्मसमुत्क्षेपात्पुनराविः करोप्यज

tvaṁ puṁprakṛtirūpābhyāṁ mahadādyakhilaṁ jagat || akṣipakṣmasamutkṣepātpunarāviḥ karopyaja

हे अज, पुरुष और प्रकृति दोनों रूपों से महत् आदि इस संपूर्ण जगत को, पलक झपकते ही, तुम पुनः प्रकट करते हो।

श्लोक 136 (skanda.4.73.136)

उन्मेषविनिमेषौ ते सर्गासर्गैककारणम् ॥ कपालमालाखेलोयं भवतः स्वैरचारिणः

unmeṣavinimeṣau te sargāsargaikakāraṇam || kapālamālākheloyaṁ bhavataḥ svairacāriṇaḥ

तुम्हारे नेत्रों का खुलना-बंद होना ही सृष्टि और प्रलय का एकमात्र कारण है; स्वच्छंद विचरण करने वाले तुम्हारा यह कपाल-माला का खेल है।

श्लोक 137 (skanda.4.73.137)

त्वत्कंठे नृकरोटीयं धूर्जटे या विभासते ॥ सर्वेषामंतदग्धानां सास्फुटं बीजमालिका

tvatkaṁṭhe nṛkaroṭīyaṁ dhūrjaṭe yā vibhāsate || sarveṣāmaṁtadagdhānāṁ sāsphuṭaṁ bījamālikā

हे धूर्जटि, तुम्हारे कंठ में जो यह मनुष्य-कपालों की माला शोभित होती है, वह निःसंदेह अंत में भस्म हुए सभी प्राणियों की बीज-माला ही है।

श्लोक 138 (skanda.4.73.138)

त्वत्तः सर्वमिदं शंभो त्वयि सर्वं चराचरम् ॥ कस्त्वां स्तोतुं विजानाति पुरां वाचामगोचरम्

tvattaḥ sarvamidaṁ śaṁbho tvayi sarvaṁ carācaram || kastvāṁ stotuṁ vijānāti purāṁ vācāmagocaram

हे शंभो, तुमसे ही यह सब है, तुम में ही सब चराचर है; तुम्हारी स्तुति करना कौन जानता है, जो वाणी की पहुँच से परे हो?

श्लोक 139 (skanda.4.73.139)

स्तोता त्वं हि स्तुतिस्त्वं हि नित्यं स्तुत्यस्त्वमेव च ॥ वेद्म्यों नमः शिवायेति नान्यद्वेऽद्म्येव किंचन

stotā tvaṁ hi stutistvaṁ hi nityaṁ stutyastvameva ca || vedmyoṁ namaḥ śivāyeti nānyadve'dmyeva kiṁcana

तुम ही स्तोता हो, तुम ही स्तुति हो, तुम ही सदा स्तुत्य हो; मैं केवल 'ॐ नमः शिवाय' जानता हूँ, इसके अतिरिक्त कुछ भी नहीं जानता।

श्लोक 140 (skanda.4.73.140)

त्वमेव हि शरण्यं मे त्वमेव हि गतिः परा ॥ त्वामेव प्रणमामीश नमस्तुभ्यं नमो नमः

tvameva hi śaraṇyaṁ me tvameva hi gatiḥ parā || tvāmeva praṇamāmīśa namastubhyaṁ namo namaḥ

तुम ही मेरे लिए शरण्य हो, तुम ही परम गति हो; हे ईश, तुम्हें ही प्रणाम करता हूँ, तुम्हें नमस्कार, बार-बार नमस्कार।

श्लोक 141 (skanda.4.73.141)

इत्युदीर्यासकृद्वेधाः प्रणनाम महेश्वरम् ॥ प्रणवाख्यं महालिंगरूपिणं दंडवत्क्षितौ

ityudīryāsakṛdvedhāḥ praṇanāma maheśvaram || praṇavākhyaṁ mahāliṁgarūpiṇaṁ daṁḍavatkṣitau

यह कहकर विधाता ने बार-बार, प्रणव नामक महालिंगरूपधारी महेश्वर को दंडवत् भूमि पर प्रणाम किया।

श्लोक 142 (skanda.4.73.142)

॥ईश्वर उवाच॥ ततो गिरींद्रतनये श्रुत्वा ब्रह्मस्तुतिं पराम् ॥ परमैश्वर्यसंपत्ति हेतुं तुष्टोहमद्भुतम्

||īśvara uvāca|| tato girīṁdratanaye śrutvā brahmastutiṁ parām || paramaiśvaryasaṁpatti hetuṁ tuṣṭohamadbhutam

ईश्वर ने कहा - हे गिरिराज-पुत्री, फिर ब्रह्मा की उस परम स्तुति को सुनकर, जो परम ऐश्वर्य-संपत्ति का कारण है, मैं अत्यंत प्रसन्न हुआ।

श्लोक 143 (skanda.4.73.143)

अमूर्तोऽहं ततो लिंगान्मूर्तिमास्थाय शांकरीम् ॥ प्रसन्नोस्मि वरं ब्रूहीत्युवाच चतुराननम्

amūrto'haṁ tato liṁgānmūrtimāsthāya śāṁkarīm || prasannosmi varaṁ brūhītyuvāca caturānanam

तब मैं, अमूर्त होते हुए भी, लिंग से शांकर-मूर्ति धारण कर, चतुर्मुख से बोला - 'मैं प्रसन्न हूँ, वर माँगो।'

श्लोक 144 (skanda.4.73.144)

चतुर्वक्त्रः समुत्थाय प्रत्यक्षं वीक्ष्य मामथ ॥ पुनर्जयजयेत्युक्त्वा प्रणनाम कृतांजलिः

caturvaktraḥ samutthāya pratyakṣaṁ vīkṣya māmatha || punarjayajayetyuktvā praṇanāma kṛtāṁjaliḥ

चतुर्मुख ब्रह्मा तब उठकर, मुझे साक्षात् देखकर, पुनः 'जय-जय' कहकर, हाथ जोड़कर प्रणाम करने लगे।

श्लोक 145 (skanda.4.73.145)

आनंदबाष्पसलिलनेत्रो हृष्टतनूरुहः ॥ गद्गदेन स्वरेणाथ प्रोवाच जलजासनः

ānaṁdabāṣpasalilanetro hṛṣṭatanūruhaḥ || gadgadena svareṇātha provāca jalajāsanaḥ

आनंद के अश्रुओं से भरे नेत्रों वाले, रोमांचित शरीर वाले कमलासन ब्रह्मा तब गद्गद स्वर में बोले।

श्लोक 146 (skanda.4.73.146)

॥ब्रह्मोवाच॥ यदि प्रसन्नो देवेश यदि देयो वरो मम ॥ तदेतस्मिन्महालिंगे सान्निध्यं तेऽस्तु शंकर

||brahmovāca|| yadi prasanno deveśa yadi deyo varo mama || tadetasminmahāliṁge sānnidhyaṁ te'stu śaṁkara

ब्रह्मा ने कहा - 'हे देवेश, यदि प्रसन्न हो, यदि मुझे वर देना चाहते हो, तो हे शंकर, इस महालिंग में तुम्हारा सान्निध्य सदा हो।'

श्लोक 147 (skanda.4.73.147)

अयमेव वरो देयो नान्यं वरमहं वृणे ॥ ओंकारेश्वरनामैतदस्तु भक्तैकमुक्तिदम्

ayameva varo deyo nānyaṁ varamahaṁ vṛṇe || oṁkāreśvaranāmaitadastu bhaktaikamuktidam

'यही एक वर देने योग्य है, मैं अन्य कोई वर नहीं माँगता; इसका नाम ओंकारेश्वर हो, जो भक्तों को अकेले ही मुक्ति देने वाला हो।'

श्लोक 148 (skanda.4.73.148)

॥स्कंद उवाच॥ विध्युक्तमिति विप्रर्षे समाकर्ण्य तदेशिता ॥ उवाच वचनं चैतत्तथास्तु चतुराननम्

||skaṁda uvāca|| vidhyuktamiti viprarṣe samākarṇya tadeśitā || uvāca vacanaṁ caitattathāstu caturānanam

स्कन्द ने कहा - हे विप्रऋषि, विधाता के इस कथन को सुनकर, ईश्वर ने चतुर्मुख से यह वचन कहा - 'ऐसा ही हो'।

श्लोक 149 (skanda.4.73.149)

वरानन्यानपि विभुः प्रसन्नस्तत्क्षणाद्ददौ ॥ विधये दीर्घतपसे तया स्तुत्यातितोषितः

varānanyānapi vibhuḥ prasannastatkṣaṇāddadau || vidhaye dīrghatapase tayā stutyātitoṣitaḥ

उस स्तुति से अत्यंत संतुष्ट होकर, प्रसन्न विभु ने तत्क्षण दीर्घतपस्वी विधाता को अन्य वर भी दिए।

श्लोक 150 (skanda.4.73.150)

॥ईश्वर उवाच॥ सुरश्रेष्ठ तपःश्रेष्ठ सर्वाम्नाय निधिर्भव ॥ सृष्टेःकरणसामर्थ्यं तवास्तु मदनुग्रहात्

||īśvara uvāca|| suraśreṣṭha tapaḥśreṣṭha sarvāmnāya nidhirbhava || sṛṣṭeḥkaraṇasāmarthyaṁ tavāstu madanugrahāt

ईश्वर ने कहा - 'हे देवश्रेष्ठ, तपःश्रेष्ठ, तुम सर्व वेदों के निधि बनो; मेरी कृपा से सृष्टि करने की सामर्थ्य तुम्हें प्राप्त हो।'

श्लोक 151 (skanda.4.73.151)

पितामहस्त्वं सर्वेषां सर्वेषां मान्यभूर्भवान् ॥ त्वत्तपःफलदानार्थं यदेतल्लिंगमुत्थितम्

pitāmahastvaṁ sarveṣāṁ sarveṣāṁ mānyabhūrbhavān || tvattapaḥphaladānārthaṁ yadetalliṁgamutthitam

'तुम सबके पितामह बनो, सबके द्वारा सम्मानित होओ। तुम्हारी तप-फल-प्राप्ति के लिए ही यह लिंग प्रकट हुआ है।'

श्लोक 152 (skanda.4.73.152)

परमोंकाररूपं च शब्दब्रह्ममयं विधे ॥ अस्याराधनतः पुंसां न दूरं ब्रह्मणः पदम्

paramoṁkārarūpaṁ ca śabdabrahmamayaṁ vidhe || asyārādhanataḥ puṁsāṁ na dūraṁ brahmaṇaḥ padam

'हे विधे, यह शब्दब्रह्ममय, परम ओंकाररूप है; इसकी आराधना से मनुष्यों को ब्रह्मपद दूर नहीं है।'

श्लोक 153 (skanda.4.73.153)

अकाराख्यमिदं लिंगमुकाराख्यमिदं परम् ॥ मकाराह्वयमेतच्च नादाख्यं बिंदुसंज्ञकम्

akārākhyamidaṁ liṁgamukārākhyamidaṁ param || makārāhvayametacca nādākhyaṁ biṁdusaṁjñakam

'यह अकार नामक लिंग है, यह उकार नामक परम है; यह मकार नामक है, यह नाद नामक है, यह बिंदु नामक है।'

श्लोक 154 (skanda.4.73.154)

पंचायतनमीशानमित्थमेतदुदीरितम् ॥ मोक्षाय सर्वजंतूनामस्मिन्नानंदकानने

paṁcāyatanamīśānamitthametadudīritam || mokṣāya sarvajaṁtūnāmasminnānaṁdakānane

'इस प्रकार यह ईशान का पंचायतन कहा गया है, इस आनंदकानन में सभी प्राणियों की मुक्ति के लिए।'

श्लोक 155 (skanda.4.73.155)

स्नात्वा मत्स्योदरी तीर्थे विलोक्योंकारमीश्वरम् ॥ न जातु जायते जंतुर्जननी जठरे क्वचित्

snātvā matsyodarī tīrthe vilokyoṁkāramīśvaram || na jātu jāyate jaṁturjananī jaṭhare kvacit

'मत्स्योदरी तीर्थ में स्नान कर, ईश्वर ओंकार का दर्शन कर, प्राणी फिर कभी माता के गर्भ में जन्म नहीं लेता।'

श्लोक 156 (skanda.4.73.156)

एतन्नादेश्वरं लिंगमेतल्लिंगं सुदुर्लभम् ॥ रम्ये मत्स्योदरी तीरे दृष्टं स्पृष्टं विमुक्तिदम्

etannādeśvaraṁ liṁgametalliṁgaṁ sudurlabham || ramye matsyodarī tīre dṛṣṭaṁ spṛṣṭaṁ vimuktidam

'यह नादेश्वर लिंग, यह अत्यंत दुर्लभ लिंग, मत्स्योदरी के रमणीय तट पर देखा-छुआ जाने पर मुक्ति देने वाला है।'

श्लोक 157 (skanda.4.73.157)

यदेतत्कापिलं ज्योतिरेतल्लिंगे विलोक्यते ॥ अतस्तु कपिलेशाख्यमेतल्लिंगं सुदुर्लभम्

yadetatkāpilaṁ jyotiretalliṁge vilokyate || atastu kapileśākhyametalliṁgaṁ sudurlabham

'चूँकि इस लिंग में यह कपिल (तप्त-सुनहरा) ज्योति दिखाई देती है, इसलिए यह अत्यंत दुर्लभ लिंग कपिलेश नाम से जाना जाता है।'

श्लोक 158 (skanda.4.73.158)

मत्स्योदरी यदा गंगा कपिलेश्वर सन्निधौ ॥ तदा तत्र नरः स्नात्वा ब्रह्महत्यां व्यपोहति

matsyodarī yadā gaṁgā kapileśvara sannidhau || tadā tatra naraḥ snātvā brahmahatyāṁ vyapohati

'जब मत्स्योदरी गंगा कपिलेश्वर के समीप होती है, तब वहाँ स्नान करने वाला मनुष्य ब्रह्महत्या के पाप को धो डालता है।'

श्लोक 159 (skanda.4.73.159)

वरणोत्सिक्तपानीये द्युनदीतोयमिश्रिते ॥ स्नात्वा नादेश्वरं दृष्ट्वा नरः किमनुशोचति

varaṇotsiktapānīye dyunadītoyamiśrite || snātvā nādeśvaraṁ dṛṣṭvā naraḥ kimanuśocati

'वरणा के उमड़ते जल में, आकाशगंगा के जल से मिश्रित जल में स्नान कर, नादेश्वर का दर्शन कर, मनुष्य को फिर क्या शोक रह जाता है?'

श्लोक 160 (skanda.4.73.160)

अष्टम्यां च चतुर्दश्यां तीर्थानि सह सागरैः ॥ षष्टि कोटि सहस्राणि मत्स्योदर्यां विशंति हि

aṣṭamyāṁ ca caturdaśyāṁ tīrthāni saha sāgaraiḥ || ṣaṣṭi koṭi sahasrāṇi matsyodaryāṁ viśaṁti hi

'अष्टमी और चतुर्दशी को, समुद्रों सहित साठ हजार करोड़ तीर्थ मत्स्योदरी में प्रवेश करते हैं।'

श्लोक 161 (skanda.4.73.161)

प्रणवेश समीपे तु यदा गंगा समेष्यति ॥ तदा पुण्यतमः कालो देवर्षि पितृवल्लभः

praṇaveśa samīpe tu yadā gaṁgā sameṣyati || tadā puṇyatamaḥ kālo devarṣi pitṛvallabhaḥ

'जब गंगा प्रणवेश के समीप आती है, तब देव-ऋषि-पितरों को प्रिय, वह अत्यंत पुण्यमय समय होता है।'

श्लोक 162 (skanda.4.73.162)

तत्र स्नानं जपोदानं हवनं देवतार्चनम् ॥ मत्स्योदर्यामक्षयं स्यादोंकारेश्वरसन्निधौ

tatra snānaṁ japodānaṁ havanaṁ devatārcanam || matsyodaryāmakṣayaṁ syādoṁkāreśvarasannidhau

'वहाँ मत्स्योदरी में, ओंकारेश्वर के समीप, स्नान, जप, दान, हवन और देवता-पूजन अक्षय फलदायी होते हैं।'

श्लोक 163 (skanda.4.73.163)

ओंकारदर्शनादेव वाजिमेधफलं लभेत् ॥ तस्मात्काश्यां प्रयत्नेन दृश्य ओंकार ईश्वरः

oṁkāradarśanādeva vājimedhaphalaṁ labhet || tasmātkāśyāṁ prayatnena dṛśya oṁkāra īśvaraḥ

'ओंकार के दर्शन मात्र से अश्वमेध का फल प्राप्त होता है; इसलिए काशी में ईश्वर ओंकार का प्रयत्नपूर्वक दर्शन करना चाहिए।'

श्लोक 164 (skanda.4.73.164)

दुर्लभं मानवं जन्म चतुर्वर्गैकसाधनम् ॥ जलबुद्बुदवत्तत्स्यान्नादेशो येन नेक्षितः

durlabhaṁ mānavaṁ janma caturvargaikasādhanam || jalabudbudavattatsyānnādeśo yena nekṣitaḥ

'मानव जन्म दुर्लभ है, चतुर्वर्ग का एकमात्र साधन; जिसने नादेश को नहीं देखा, उसका वह जन्म जल के बुलबुले के समान क्षणभंगुर है।'

श्लोक 165 (skanda.4.73.165)

निरीक्ष्य कपिलेशानं स्नात्वा मत्स्योदरीजले ॥ कृत्वा पिंडप्रदानानि पितॄणामनृणो भवेत्

nirīkṣya kapileśānaṁ snātvā matsyodarījale || kṛtvā piṁḍapradānāni pitṝṇāmanṛṇo bhavet

'कपिलेशान का दर्शन कर, मत्स्योदरी के जल में स्नान कर, पिंडदान कर, मनुष्य पितरों के प्रति ऋणमुक्त हो जाता है।'

श्लोक 166 (skanda.4.73.166)

कृत्वापि मोहात्पापानि भूरीण्येव महांत्यपि ॥ काश्यामोंकारमालोक्य कुतस्त्रस्यति वै यमात्

kṛtvāpi mohātpāpāni bhūrīṇyeva mahāṁtyapi || kāśyāmoṁkāramālokya kutastrasyati vai yamāt

'मोहवश अनेक बड़े-बड़े पाप करके भी, काशी में ओंकार का दर्शन कर मनुष्य यम से क्यों डरे?'

श्लोक 167 (skanda.4.73.167)

ओंकारयात्राभिमुखं नरं वीक्ष्य पितामहाः ॥ परिनृत्यंति मुदिताः स्वसंतानसमुद्भवम्

oṁkārayātrābhimukhaṁ naraṁ vīkṣya pitāmahāḥ || parinṛtyaṁti muditāḥ svasaṁtānasamudbhavam

'ओंकार की यात्रा के लिए निकलते हुए मनुष्य को देखकर, उसके पितर, अपने ही वंशज को देखकर, हर्षित होकर नाच उठते हैं।'

श्लोक 168 (skanda.4.73.168)

यस्य यस्य च वै नाम स्मृत्वा स्मृत्वा नमस्यति ॥ तं तमुन्नयते प्राज्ञः पितरं ब्रह्मणः पदम्

yasya yasya ca vai nāma smṛtvā smṛtvā namasyati || taṁ tamunnayate prājñaḥ pitaraṁ brahmaṇaḥ padam

'जिस-जिस पितर का नाम बार-बार स्मरण कर वह नमन करता है, बुद्धिमान उसे उस-उस पितर को ब्रह्मपद तक पहुँचा देता है।'

श्लोक 169 (skanda.4.73.169)

रुद्राणां नियुतं जप्त्वा यत्फलं सम्यगाप्यते ॥ तत्फलं लभते नूनं भक्त्योंकार विलोकनात्

rudrāṇāṁ niyutaṁ japtvā yatphalaṁ samyagāpyate || tatphalaṁ labhate nūnaṁ bhaktyoṁkāra vilokanāt

'रुद्र-मंत्र का एक करोड़ जप कर जो फल भलीभाँति प्राप्त होता है, वही फल भक्तिपूर्वक ओंकार के दर्शन से निश्चय ही प्राप्त होता है।'

श्लोक 170 (skanda.4.73.170)

केवलं भूमिभाराय जन्मिनो जन्म तस्य वै ॥ येनानंदवने दृष्टो नोंकारः सर्वकामदः

kevalaṁ bhūmibhārāya janmino janma tasya vai || yenānaṁdavane dṛṣṭo noṁkāraḥ sarvakāmadaḥ

'जिसने आनंदकानन में सर्वकामप्रद ओंकार को नहीं देखा, जन्मे हुए प्राणी का वह जन्म केवल पृथ्वी का भार मात्र है।'

श्लोक 171 (skanda.4.73.171)

एकमोंकारमालोक्य समस्ते क्षोणिमंडले ।। लिं ॥ गजातानि सर्वाणि दृष्टानि स्युर्न संशयः

ekamoṁkāramālokya samaste kṣoṇimaṁḍale || liṁ || gajātāni sarvāṇi dṛṣṭāni syurna saṁśayaḥ

'एक ओंकार का दर्शन कर लेने से, संपूर्ण पृथ्वीमंडल के सभी लिंग-समूह मानो देख लिए गए समझने चाहिए, इसमें संदेह नहीं।'

श्लोक 172 (skanda.4.73.172)

प्रणवेशं प्रणम्याथ यद्यन्यत्र विपद्यते ॥ स्वर्गलोकमवाप्याथ काश्यां मुक्तिमवाप्नुयात्

praṇaveśaṁ praṇamyātha yadyanyatra vipadyate || svargalokamavāpyātha kāśyāṁ muktimavāpnuyāt

'प्रणवेश को प्रणाम कर, यदि मनुष्य अन्यत्र भी मृत्यु को प्राप्त होता है, तो पहले स्वर्गलोक पाकर फिर काशी में मोक्ष प्राप्त करता है।'

श्लोक 173 (skanda.4.73.173)

अस्मिँल्लिंगे सदा ब्रह्मन्स्थास्यामीति विनिश्चितम् ॥ दास्यामि च सदा मोक्षमेतल्लिंगार्चकाय वै

asmi~lliṁge sadā brahmansthāsyāmīti viniścitam || dāsyāmi ca sadā mokṣametalliṁgārcakāya vai

'हे ब्रह्मन्, मैंने निश्चय किया है कि मैं सदा इस लिंग में रहूँगा; और इस लिंग के पूजक को सदा मोक्ष प्रदान करूँगा।'

श्लोक 174 (skanda.4.73.174)

ओंकारं सकृदप्यत्र नरो नत्वा प्रयत्नतः ॥ कृतकृत्यो भवेन्नूनं परमान्मदनुग्रहात

oṁkāraṁ sakṛdapyatra naro natvā prayatnataḥ || kṛtakṛtyo bhavennūnaṁ paramānmadanugrahāta

'यहाँ प्रयत्नपूर्वक ओंकार को एक बार भी नमन करने वाला मनुष्य निश्चय ही मेरे परम अनुग्रह से कृतकृत्य होगा।'

श्लोक 175 (skanda.4.73.175)

ओंकारपश्चिमे भागे तारतीर्थमनुत्तमम् ॥ कृतोदकक्रियस्तत्र नरस्तरति दुर्गतिम्

oṁkārapaścime bhāge tāratīrthamanuttamam || kṛtodakakriyastatra narastarati durgatim

'ओंकार के पश्चिम भाग में अनुपम तारतीर्थ है; वहाँ जलक्रिया करने वाला मनुष्य दुर्गति को पार कर जाता है।'

श्लोक 176 (skanda.4.73.176)

ओंकारेशस्य ये भक्ता ज्ञेयास्ते नैव मानवाः ॥ मनुष्यचर्मणा नद्धास्ते रुद्रा मोक्षगामिनः

oṁkāreśasya ye bhaktā jñeyāste naiva mānavāḥ || manuṣyacarmaṇā naddhāste rudrā mokṣagāminaḥ

'ओंकारेश के जो भक्त हैं, वे मनुष्य मात्र नहीं समझने चाहिए; वे मनुष्य-चर्म से आवृत, मोक्षगामी रुद्र ही हैं।'

श्लोक 177 (skanda.4.73.177)

अस्य लिंगस्य महिमा नान्यैरत्रावगम्यते ॥ त्वत्पुण्योदयतो यस्माद्विधेत्राविरभूदिदम्

asya liṁgasya mahimā nānyairatrāvagamyate || tvatpuṇyodayato yasmādvidhetrāvirabhūdidam

'इस लिंग की महिमा को अन्य कोई यहाँ नहीं समझता; क्योंकि यह तुम्हारे पुण्य के उदय से ही, हे विधे, प्रकट हुआ है।'

श्लोक 178 (skanda.4.73.178)

एतल्लिंगप्रभावाच्च सर्वं ज्ञास्यसि तत्त्वतः ॥ विधे विधेहि तस्मात्त्वं सर्वमेतच्चराचरम्

etalliṁgaprabhāvācca sarvaṁ jñāsyasi tattvataḥ || vidhe vidhehi tasmāttvaṁ sarvametaccarācaram

'और इस लिंग के प्रभाव से तुम सब कुछ यथार्थ रूप से जानोगे। इसलिए, हे विधे, तुम इस संपूर्ण चराचर का विधान करो।'

श्लोक 179 (skanda.4.73.179)

इति दत्त्वा वरं तस्मै ब्रह्मणे पद्मसंभवे ॥ तस्मिन्नेव महालिंगे शंभुर्लीनो बभूव ह

iti dattvā varaṁ tasmai brahmaṇe padmasaṁbhave || tasminneva mahāliṁge śaṁbhurlīno babhūva ha

इस प्रकार कमलसंभव ब्रह्मा को वर देकर, शंभु उसी महालिंग में लीन हो गए।

श्लोक 180 (skanda.4.73.180)

॥स्कंद उवाच॥ ब्रह्मापि भजतेद्यापि तल्लिंगं कलशोद्भव ॥ स्तुवन्ब्रह्म स्तवेनैव स्वात्मना विहितेन हि

||skaṁda uvāca|| brahmāpi bhajatedyāpi talliṁgaṁ kalaśodbhava || stuvanbrahma stavenaiva svātmanā vihitena hi

स्कन्द ने कहा - हे कलशोद्भव, आज भी ब्रह्मा उस लिंग की भक्ति करते हैं, अपने ही द्वारा रचित उस स्तवन से ब्रह्मा की स्तुति करते हुए।

श्लोक 181 (skanda.4.73.181)

ब्रह्मस्तवं जपन्मर्त्यः सर्वैः पापैः प्रमुच्यते ॥ पूर्यते च महापुण्यैर्ज्ञानं प्राप्नोति सत्तमम्

brahmastavaṁ japanmartyaḥ sarvaiḥ pāpaiḥ pramucyate || pūryate ca mahāpuṇyairjñānaṁ prāpnoti sattamam

ब्रह्मा के इस स्तवन का जप करने वाला मनुष्य सभी पापों से मुक्त हो जाता है, महापुण्यों से परिपूर्ण होता है, और श्रेष्ठ ज्ञान प्राप्त करता है।

श्लोक 182 (skanda.4.73.182)

ब्रह्मस्तवमिमं जप्त्वा त्रिकालं परिवत्सरम् ॥ अंतकाले भवेज्ज्ञानं येन बंधात्प्रमुच्यते

brahmastavamimaṁ japtvā trikālaṁ parivatsaram || aṁtakāle bhavejjñānaṁ yena baṁdhātpramucyate

जो इस ब्रह्म-स्तवन का एक वर्ष तक त्रिकाल जप करता है, उसे अंतकाल में वह ज्ञान होता है जिससे वह बंधन से मुक्त हो जाता है।