ओंकारमाहात्म्यम्

श्लोक 1 (skanda.4.74.1)

॥स्कंद उवाच॥ शृणु वातापि संहर्तः काश्यां पातकतंकिनी ॥ पद्मकल्पे तु या वृत्ता दमनस्य द्विजन्मनः

||skaṁda uvāca|| śṛṇu vātāpi saṁhartaḥ kāśyāṁ pātakataṁkinī || padmakalpe tu yā vṛttā damanasya dvijanmanaḥ

स्कन्द ने कहा - हे वातापि के संहारक अगस्त्य, सुनो पापनाशक कथा - पद्मकल्प में काशी में द्विजन्मा दमन के साथ जो घटना घटी थी।

श्लोक 2 (skanda.4.74.2)

भारद्वाजस्य तनयो दमनो नाम नामतः ॥ कृतमौंजीविधिः सोथ विद्याजातं प्रगृह्य च

bhāradvājasya tanayo damano nāma nāmataḥ || kṛtamauṁjīvidhiḥ sotha vidyājātaṁ pragṛhya ca

भारद्वाज का पुत्र, दमन नाम से जाना जाने वाला, यज्ञोपवीत संस्कार कराकर, विद्याओं का समूह प्राप्त कर -

श्लोक 3 (skanda.4.74.3)

संसारदुःखबहुलं जीवितं चापि चंचलम् ॥ विज्ञाय दमनो विद्वान्निर्जगाम गृहान्निजात्

saṁsāraduḥkhabahulaṁ jīvitaṁ cāpi caṁcalam || vijñāya damano vidvānnirjagāma gṛhānnijāt

- संसार को दुःखों से भरपूर और जीवन को भी चंचल जानकर, विद्वान दमन अपने घर से निकल पड़ा।

श्लोक 4 (skanda.4.74.4)

कांचिद्दिशं समालंब्य निर्वेदं परमं गतः ॥ प्रत्याश्रमं प्रतिनगं प्रत्यब्धि प्रतिकाननम्

kāṁciddiśaṁ samālaṁbya nirvedaṁ paramaṁ gataḥ || pratyāśramaṁ pratinagaṁ pratyabdhi pratikānanam

किसी दिशा का सहारा लेकर, परम वैराग्य को प्राप्त होकर, वह आश्रम-आश्रम, नगर-नगर, समुद्र-समुद्र, वन-वन -

श्लोक 5 (skanda.4.74.5)

प्रतितीर्थं प्रतिनदि स बभ्राम तपोयुतः ॥ यावंत्यायतनानीह तिष्ठंति परितो भुवम्

pratitīrthaṁ pratinadi sa babhrāma tapoyutaḥ || yāvaṁtyāyatanānīha tiṣṭhaṁti parito bhuvam

- तीर्थ-तीर्थ, नदी-नदी घूमता रहा, तपस्या करते हुए; यहाँ पृथ्वी के चारों ओर जितने भी तीर्थस्थान हैं -

श्लोक 6 (skanda.4.74.6)

अध्युवास स तावंति संयतेंद्रियमानसः ॥ परं न मनसः स्थैर्यं क्वापि प्रापि च तेन वै

adhyuvāsa sa tāvaṁti saṁyateṁdriyamānasaḥ || paraṁ na manasaḥ sthairyaṁ kvāpi prāpi ca tena vai

- उन सबमें, इंद्रियों और मन को संयमित रखते हुए, वह निवास करता रहा। परंतु उसे मन की स्थिरता कहीं भी प्राप्त नहीं हुई।

श्लोक 7 (skanda.4.74.7)

मनोरथोपदेष्टा च कुत्रचित्क्वापि नेक्षितः ॥ कदाचिद्दैवयोगात्स दमनो नाम तापसः

manorathopadeṣṭā ca kutracitkvāpi nekṣitaḥ || kadāciddaivayogātsa damano nāma tāpasaḥ

उसे कहीं भी मनोरथ का उपदेशक भी नहीं दिखा। एक बार दैवयोग से, दमन नामक वह तपस्वी -

श्लोक 8 (skanda.4.74.8)

रेवातटे निरैक्षिष्ट तीर्थं चामरकंटकम् ॥ महदायतनं पुण्यमोंकारस्यापि तत्र वै

revātaṭe niraikṣiṣṭa tīrthaṁ cāmarakaṁṭakam || mahadāyatanaṁ puṇyamoṁkārasyāpi tatra vai

- रेवा नदी के तट पर, अमरकंटक नामक तीर्थ को देखा, तथा वहीं ओंकार का महान पवित्र आयतन भी देखा।

श्लोक 9 (skanda.4.74.9)

दृष्ट्वा हृष्टमना आसीच्चेतः स्थैर्यमवाप ह ॥ अथ पाशुपतांस्तत्र स निरीक्ष्य तपोधनान्

dṛṣṭvā hṛṣṭamanā āsīccetaḥ sthairyamavāpa ha || atha pāśupatāṁstatra sa nirīkṣya tapodhanān

देखकर वह प्रसन्न-मन हुआ और उसके चित्त को स्थिरता प्राप्त हुई। फिर वहाँ तपस्वी पाशुपतों को देखकर -

श्लोक 10 (skanda.4.74.10)

विभूतिभूषिततनून्कृतलिंगसमर्चनान् ॥ विहितप्राणयात्रांश्च कृतागमविचारणान्

vibhūtibhūṣitatanūnkṛtaliṁgasamarcanān || vihitaprāṇayātrāṁśca kṛtāgamavicāraṇān

- भस्म से विभूषित शरीर वाले, लिंग-पूजा करने वाले, प्राण-यात्रा (आहार) की विधि करने वाले, आगमों का विचार करने वाले -

श्लोक 11 (skanda.4.74.11)

स्वस्थोपविष्टान्स्वपुरोरग्रतोऽचलमानसान् ॥ प्रणम्योपाविशत्तत्र तदाचार्यस्य सन्निधौ

svasthopaviṣṭānsvapuroragrato'calamānasān || praṇamyopāviśattatra tadācāryasya sannidhau

- स्वस्थ बैठे हुए, अपने आचार्य के सामने स्थिर मन वाले - उन्हें प्रणाम कर, वह आचार्य के समीप बैठ गया।

श्लोक 12 (skanda.4.74.12)

प्रबद्धहस्तयुगलः प्रणमतरकंधरः ॥ अथ पाशुपताचार्यो गर्गो नाम महामुनिः

prabaddhahastayugalaḥ praṇamatarakaṁdharaḥ || atha pāśupatācāryo gargo nāma mahāmuniḥ

दोनों हाथ जोड़े, गर्दन झुकाए हुए - तब पाशुपत आचार्य, गर्ग नामक महामुनि -

श्लोक 13 (skanda.4.74.13)

वार्धकेन समाक्रांतस्तपसा कृशविग्रहः ॥ शंभोराराधनेनिष्ठः श्रेष्ठः सर्वतपस्विषु

vārdhakena samākrāṁtastapasā kṛśavigrahaḥ || śaṁbhorārādhaneniṣṭhaḥ śreṣṭhaḥ sarvatapasviṣu

- वृद्धावस्था से घिरे, तप से कृशकाय, शिव-आराधना में निष्ठावान, सभी तपस्वियों में श्रेष्ठ -

श्लोक 14 (skanda.4.74.14)

पप्रच्छ दमनं चेति कस्त्वं कस्मादिहागतः ॥ तरुणोपि विरक्तोसि कुतस्तद्वद सत्तम

papraccha damanaṁ ceti kastvaṁ kasmādihāgataḥ || taruṇopi viraktosi kutastadvada sattama

- ने दमन से पूछा - 'तुम कौन हो, यहाँ कहाँ से आए हो? युवा होते हुए भी विरक्त हो, क्यों, बताओ, हे सज्जन?'

श्लोक 15 (skanda.4.74.15)

इति प्रणयपूर्वं स निशम्य दमनोऽब्रवीत् ॥ भगोः पाशुपताचार्य सर्वज्ञाराधनप्रिय

iti praṇayapūrvaṁ sa niśamya damano'bravīt || bhagoḥ pāśupatācārya sarvajñārādhanapriya

इस प्रकार स्नेहपूर्वक पूछा गया सुनकर, दमन ने कहा - 'हे भगवन्, पाशुपताचार्य, सर्वज्ञ की आराधना के प्रिय -'

श्लोक 16 (skanda.4.74.16)

कथयामि यथार्थं ते निजचेतोविचेष्टितम् ॥ अहं ब्राह्मणदायादो वेदशास्त्रकृतश्रमः

kathayāmi yathārthaṁ te nijacetoviceṣṭitam || ahaṁ brāhmaṇadāyādo vedaśāstrakṛtaśramaḥ

'- मैं अपने मन की सच्ची व्यथा आपको बताता हूँ। मैं ब्राह्मण-पुत्र हूँ, वेद-शास्त्रों में परिश्रम किया हुआ।'

श्लोक 17 (skanda.4.74.17)

संसारासारतां ज्ञात्वा वानप्रस्थमशिश्रियम् ॥ अनेनैव शरीरेण महासिद्धिमभीप्सता

saṁsārāsāratāṁ jñātvā vānaprasthamaśiśriyam || anenaiva śarīreṇa mahāsiddhimabhīpsatā

'संसार की असारता जानकर मैंने वानप्रस्थ आश्रम अपनाया, इसी शरीर से महासिद्धि पाने की इच्छा से।'

श्लोक 18 (skanda.4.74.18)

स्नातं बहुषु तीर्थेषु मंत्रा जप्तास्तु कोटिशः ॥ देवताः सेविता बह्व्यो हवनं च कृतं बहु

snātaṁ bahuṣu tīrtheṣu maṁtrā japtāstu koṭiśaḥ || devatāḥ sevitā bahvyo havanaṁ ca kṛtaṁ bahu

'अनेक तीर्थों में स्नान किया, करोड़ों बार मंत्रों का जप किया, अनेक देवताओं की सेवा की और बहुत हवन किए।'

श्लोक 19 (skanda.4.74.19)

शुश्रूषिताश्च गुरवो बहवो बह्वनेहसम् ॥ महाश्मशानेषु निशा भूयस्योप्यतिवाहिताः

śuśrūṣitāśca guravo bahavo bahvanehasam || mahāśmaśāneṣu niśā bhūyasyopyativāhitāḥ

'बहुत गुरुओं की दीर्घकाल तक सेवा की; महाश्मशानों में भी अनेक रातें बिताईं।'

श्लोक 20 (skanda.4.74.20)

शिखराणि गिरींद्राणां मया चाध्युषितान्यहो ॥ दिव्यौषधि सहस्राणि मया संसाधितान्यपि

śikharāṇi girīṁdrāṇāṁ mayā cādhyuṣitānyaho || divyauṣadhi sahasrāṇi mayā saṁsādhitānyapi

'अहो, पर्वतराजों के शिखरों में मैंने निवास किया; हजारों दिव्य औषधियाँ भी सिद्ध कीं।'

श्लोक 21 (skanda.4.74.21)

रसायनानि बहुशः सेवितानि मया पुनः ॥ महासाहसमालंब्य सिद्धाध्युषितकंदराः

rasāyanāni bahuśaḥ sevitāni mayā punaḥ || mahāsāhasamālaṁbya siddhādhyuṣitakaṁdarāḥ

'अनेक रसायन भी सेवन किए; महान साहस दिखाते हुए, सिद्धों के निवास वाली कंदराओं में -'

श्लोक 22 (skanda.4.74.22)

मया प्रविष्टा बहुशः कृतांतवदनोपमाः ॥ तपश्चापि महत्तप्तं बहुभिर्नियमैर्यमैः

mayā praviṣṭā bahuśaḥ kṛtāṁtavadanopamāḥ || tapaścāpi mahattaptaṁ bahubhirniyamairyamaiḥ

'- यमराज के मुख जैसी उन कंदराओं में मैं अनेक बार प्रविष्ट हुआ; अनेक नियमों और यमों से महान तप भी किया।'

श्लोक 23 (skanda.4.74.23)

परं किंचित्क्वचिन्नैक्षि सिद्ध्यंकुरमपि प्रभो ॥ इदानीं त्वामनुप्राप्य महीं पर्यटता मया

paraṁ kiṁcitkvacinnaikṣi siddhyaṁkuramapi prabho || idānīṁ tvāmanuprāpya mahīṁ paryaṭatā mayā

'हे प्रभो, फिर भी मुझे कहीं भी सिद्धि का लेशमात्र अंकुर भी नहीं दिखा। अब पृथ्वी पर घूमते हुए आपको पाकर -'

श्लोक 24 (skanda.4.74.24)

मनसः स्थैर्यमापन्नमिव संप्राप्तसिद्धिना ॥ अवश्यं त्वन्मुखांभोजाद्यद्वचो निःसरिष्यति

manasaḥ sthairyamāpannamiva saṁprāptasiddhinā || avaśyaṁ tvanmukhāṁbhojādyadvaco niḥsariṣyati

'- मानो मुझे पहले से ही सिद्धि प्राप्त हो, ऐसी मन की स्थिरता प्राप्त हुई है। निश्चय ही आपके मुखकमल से जो वचन निकलेगा -'

श्लोक 25 (skanda.4.74.25)

तेनैव महती सिद्धिर्भवित्री मम नान्यथा ॥ तद्ब्रूहि सूपदेशं च कथं सिद्धिर्भवेन्मम

tenaiva mahatī siddhirbhavitrī mama nānyathā || tadbrūhi sūpadeśaṁ ca kathaṁ siddhirbhavenmama

'- उसी से मेरी महासिद्धि होगी, अन्यथा नहीं। इसलिए वह उपदेश बताइए जिससे मुझे सिद्धि मिले -'

श्लोक 26 (skanda.4.74.26)

अनेनैव शरीरेण पार्थिवेन प्रथीयसी ॥ दमनस्य निशम्येति गर्गाचार्यो वचस्तदा

anenaiva śarīreṇa pārthivena prathīyasī || damanasya niśamyeti gargācāryo vacastadā

'- इसी पार्थिव शरीर से, सर्वोच्च पद।' दमन के इस वचन को सुनकर, तब आचार्य गर्ग ने -

श्लोक 27 (skanda.4.74.27)

प्रत्यक्षदृष्टं प्रोवाच महदाश्चर्यमुत्तमम् ॥ सर्वेषां शृण्वतां तत्र शिष्याणां स्थिरचेतसाम् ॥ मुमुक्षूणां धृतवतां महापाशुपतं व्रतम्

pratyakṣadṛṣṭaṁ provāca mahadāścaryamuttamam || sarveṣāṁ śṛṇvatāṁ tatra śiṣyāṇāṁ sthiracetasām || mumukṣūṇāṁ dhṛtavatāṁ mahāpāśupataṁ vratam

- अपनी आँखों देखी एक महान अद्भुत उत्तम घटना बताई, वहाँ उपस्थित सभी स्थिरचित्त मुमुक्षु शिष्यों के सुनते हुए, जो महापाशुपत व्रत धारण किए हुए थे।

श्लोक 28 (skanda.4.74.28)

॥गर्ग उवाच॥ अनेनैवेह देहेन यदि त्वं सिद्धिकामुकः ॥ शृणुष्वावहितो भूत्वा तदा ते कथयाम्यहम्

||garga uvāca|| anenaiveha dehena yadi tvaṁ siddhikāmukaḥ || śṛṇuṣvāvahito bhūtvā tadā te kathayāmyaham

गर्ग ने कहा - 'यदि तुम इसी शरीर से सिद्धि चाहते हो, तो सावधान होकर सुनो, मैं तुम्हें बताता हूँ।'

श्लोक 29 (skanda.4.74.29)

अविमुक्ते महाक्षेत्रे सर्वसिद्धिप्रदे सताम् ॥ धर्मार्थकाममोक्षाख्य रत्नानां परमाकरे

avimukte mahākṣetre sarvasiddhiprade satām || dharmārthakāmamokṣākhya ratnānāṁ paramākare

'अविमुक्त महाक्षेत्र, जो सज्जनों को सर्वसिद्धि देने वाला है, धर्म-अर्थ-काम-मोक्ष नामक रत्नों की परम खान है -'

श्लोक 30 (skanda.4.74.30)

समाश्रितानां जंतूनां सर्वेषां सर्वकर्मणाम् ॥ शलभानां प्रदीपाभे तमःस्तोम महाद्विपि

samāśritānāṁ jaṁtūnāṁ sarveṣāṁ sarvakarmaṇām || śalabhānāṁ pradīpābhe tamaḥstoma mahādvipi

'- जो वहाँ शरण लेने वाले सभी सत्कर्मी प्राणियों के लिए पतंगों को दीपक-सी शरण देने वाला है, अंधकार-समूहरूपी महागज को नियंत्रित करने वाला महामाहुत है -'

श्लोक 31 (skanda.4.74.31)

कर्मभूरुह दावाग्नौ संसाराब्ध्यौर्वशोचिपि ॥ निर्वाणलक्ष्मी क्षीराब्धौ सुखसंकेतसद्मनि

karmabhūruha dāvāgnau saṁsārābdhyaurvaśocipi || nirvāṇalakṣmī kṣīrābdhau sukhasaṁketasadmani

'- कर्मरूपी वृक्ष के लिए दावाग्नि है, संसार-सागर के लिए बड़वानल है, मोक्षलक्ष्मी के लिए क्षीरसागर है, सुख का संकेत-स्थल है -'

श्लोक 32 (skanda.4.74.32)

दीर्घनिद्रा प्रसुप्तानां परमोद्बोधदायिनि ॥ यातायातश्रमापन्नप्राणिमार्गमहीरुहि

dīrghanidrā prasuptānāṁ paramodbodhadāyini || yātāyātaśramāpannaprāṇimārgamahīruhi

'- दीर्घ निद्रा में सोए हुओं के लिए परम जागरण देने वाला है, आवागमन के श्रम से थके प्राणियों के मार्ग का छायादार वृक्ष है -'

श्लोक 33 (skanda.4.74.33)

अनेकजन्मजनित महापापाद्रिवज्रिणि ॥ नामोच्चारकृतां पुंसां महाश्रेयो विधायिनि

anekajanmajanita mahāpāpādrivajriṇi || nāmoccārakṛtāṁ puṁsāṁ mahāśreyo vidhāyini

'- अनेक जन्मों के महापाप-पर्वत के लिए वज्र है, जिसका नाम-उच्चारण करने वालों के लिए महाकल्याण करने वाला है -'

श्लोक 34 (skanda.4.74.34)

विश्वेशितुः परेधाम्नि सीम्नि स्वर्गापवर्गयोः ॥ स्वर्धुनी लोलकल्लोला नित्यक्षालित भूतले

viśveśituḥ paredhāmni sīmni svargāpavargayoḥ || svardhunī lolakallolā nityakṣālita bhūtale

'- विश्वेश्वर का परम धाम है, स्वर्ग और मोक्ष की सीमा है, जिसकी भूमि आकाशगंगा की चंचल तरंगों से नित्य धुली रहती है -'

श्लोक 35 (skanda.4.74.35)

एवंविधे महाक्षेत्रे सर्वदुःखौघहारिणि ॥ प्रत्यक्षं मम यद्वृत्तं तद्ब्रवीमि महामते

evaṁvidhe mahākṣetre sarvaduḥkhaughahāriṇi || pratyakṣaṁ mama yadvṛttaṁ tadbravīmi mahāmate

'- ऐसे उस महाक्षेत्र में, जो सभी दुःखों को हरने वाला है, हे महामते, मैं जो अपनी आँखों देखा वह बताता हूँ।'

श्लोक 36 (skanda.4.74.36)

यत्र कालभयं नास्ति यत्र नास्त्येनसो भयम् ॥ तत्क्षेत्रमहिमानं कः सम्यग्वर्णयितुं क्षमः

yatra kālabhayaṁ nāsti yatra nāstyenaso bhayam || tatkṣetramahimānaṁ kaḥ samyagvarṇayituṁ kṣamaḥ

'जहाँ काल का भय नहीं है, जहाँ पाप का भय नहीं है, उस क्षेत्र की महिमा का पूर्ण वर्णन कौन कर सकता है?'

श्लोक 37 (skanda.4.74.37)

तीर्थानि यानि लोकेस्मिञ्जंतूनामघहान्यहो ॥ तानि सर्वाणि शुद्ध्यर्थं काशीमायांति नित्यशः

tīrthāni yāni lokesmiñjaṁtūnāmaghahānyaho || tāni sarvāṇi śuddhyarthaṁ kāśīmāyāṁti nityaśaḥ

'अहो, इस संसार में जो भी तीर्थ प्राणियों के पाप हरने वाले हैं, वे सब अपनी शुद्धि के लिए काशी में सदा आते रहते हैं।'

श्लोक 38 (skanda.4.74.38)

अपि काश्यां वसेद्यस्तु सर्वाशी सर्वविक्रयी ॥ स यां गतिं लभेन्मर्त्यो यज्ञैर्दानैर्न सान्यतः

api kāśyāṁ vasedyastu sarvāśī sarvavikrayī || sa yāṁ gatiṁ labhenmartyo yajñairdānairna sānyataḥ

'सर्वभक्षी और सर्वविक्रयी होते हुए भी जो काशी में रहता है, वह मनुष्य जो गति पाता है, वह यज्ञों-दानों से भी अन्यत्र प्राप्त नहीं होती।'

श्लोक 39 (skanda.4.74.39)

रागबीजसमुद्भूतः संसारविटपो महान् ॥ दीर्घस्वाप कुठारेण च्छिन्नः काश्यां न वर्धते

rāgabījasamudbhūtaḥ saṁsāraviṭapo mahān || dīrghasvāpa kuṭhāreṇa cchinnaḥ kāśyāṁ na vardhate

'रागरूपी बीज से उत्पन्न विशाल संसार-वृक्ष, दीर्घ निद्रा (मृत्यु) रूपी कुल्हाड़ी से काशी में एक बार कटकर फिर नहीं बढ़ता।'

श्लोक 40 (skanda.4.74.40)

सर्वेषामूषराणां तु काशी परम ऊषरः ॥ वप्तुर्बीजमिदं तस्मिन्नुप्तं नैव प्ररोहति

sarveṣāmūṣarāṇāṁ tu kāśī parama ūṣaraḥ || vapturbījamidaṁ tasminnuptaṁ naiva prarohati

'सभी बंजर भूमियों में काशी सबसे बड़ी बंजर भूमि है - उसमें बोया गया कर्म-बीज फिर कभी नहीं उगता।'

श्लोक 41 (skanda.4.74.41)

स्मरिष्यंतीह ये काशीमवश्यं तेपि साधवः ॥ तेप्यघौघ विनिर्मुक्ता यास्यंति गतिमुत्तमाम्

smariṣyaṁtīha ye kāśīmavaśyaṁ tepi sādhavaḥ || tepyaghaugha vinirmuktā yāsyaṁti gatimuttamām

'जो भी यहाँ काशी का स्मरण करेंगे, वे भी निश्चय ही साधु बन जाएँगे; वे भी पाप-समूह से मुक्त होकर उत्तम गति को जाएँगे।'

श्लोक 42 (skanda.4.74.42)

विभूतिः सर्वलोकानां सत्यादीनां सुभंगुरा ॥ अभंगुरा विमुक्तस्य सा तु लभ्या शिवाज्ञया

vibhūtiḥ sarvalokānāṁ satyādīnāṁ subhaṁgurā || abhaṁgurā vimuktasya sā tu labhyā śivājñayā

'सत्यलोक आदि सभी लोकों की विभूति सहज ही नाशवान है; परंतु मुक्त व्यक्ति की वह अविनाशी विभूति शिव की आज्ञा से ही प्राप्त होती है।'

श्लोक 43 (skanda.4.74.43)

कृमिकीटपतंगानामविमुक्ते तनुत्यजाम् ॥ विभूतिर्दृश्यते या सा क्वास्ति ब्रह्मांडमंडले

kṛmikīṭapataṁgānāmavimukte tanutyajām || vibhūtirdṛśyate yā sā kvāsti brahmāṁḍamaṁḍale

'अविमुक्त में शरीर त्यागने वाले कीड़े-मकोड़े-पतंगों की भी जो विभूति दिखाई देती है, वह संपूर्ण ब्रह्मांड में और कहाँ है?'

श्लोक 44 (skanda.4.74.44)

वाराणसी यदा प्राप्ता कदाचित्कालपर्ययात् ॥ स उपायो विधातव्यो येन नो निष्क्रमो बहिः

vārāṇasī yadā prāptā kadācitkālaparyayāt || sa upāyo vidhātavyo yena no niṣkramo bahiḥ

'कालक्रम से जब कभी वाराणसी प्राप्त हो जाए, तब वह उपाय करना चाहिए जिससे उसमें से बाहर निकलना न हो।'

श्लोक 45 (skanda.4.74.45)

पूर्वतो मणिकर्णीशो ब्रह्मेशो दक्षिणे स्थितः ॥ पश्चिमे चैव गोकर्णो भारभूतस्तथोत्तरे

pūrvato maṇikarṇīśo brahmeśo dakṣiṇe sthitaḥ || paścime caiva gokarṇo bhārabhūtastathottare

'पूर्व में मणिकर्णीश हैं, दक्षिण में ब्रह्मेश स्थित हैं, पश्चिम में गोकर्ण हैं, और उत्तर में भारभूत हैं।'

श्लोक 46 (skanda.4.74.46)

इत्येतदुत्तमं क्षेत्रमविमुक्ते महाफलम् ॥ मणिकर्णी ह्रदे स्नात्वा दृष्ट्वा विश्वेश्वरंविभुम्

ityetaduttamaṁ kṣetramavimukte mahāphalam || maṇikarṇī hrade snātvā dṛṣṭvā viśveśvaraṁvibhum

'यह अविमुक्त में स्थित यह उत्तम, महाफलदायी क्षेत्र है। मणिकर्णी ह्रद में स्नान कर, विश्वेश्वर विभु का दर्शन कर -'

श्लोक 47 (skanda.4.74.47)

क्षेत्रं प्रदक्षिणीकृत्य राजसूयफलं लभेत् ॥ तत्र श्राद्धप्रदातुश्च मुच्यंते प्रपितामहाः

kṣetraṁ pradakṣiṇīkṛtya rājasūyaphalaṁ labhet || tatra śrāddhapradātuśca mucyaṁte prapitāmahāḥ

'- क्षेत्र की परिक्रमा कर, राजसूय यज्ञ का फल प्राप्त होता है। वहाँ श्राद्ध देने वाले के प्रपितामह भी मुक्त हो जाते हैं।'

श्लोक 48 (skanda.4.74.48)

अविमुक्त समं क्षेत्रमपि ब्रह्मांडगोलके ॥ न विद्यते क्वचित्सत्यं सत्यं साधकसिद्धिदम्

avimukta samaṁ kṣetramapi brahmāṁḍagolake || na vidyate kvacitsatyaṁ satyaṁ sādhakasiddhidam

'संपूर्ण ब्रह्मांड में भी अविमुक्त के समान क्षेत्र कहीं नहीं है - यह सत्य है, सत्य है, साधकों को सिद्धि देने वाला है।'

श्लोक 49 (skanda.4.74.49)

रक्षंति सततं क्षेत्रं यत्र पाशासिपाणयः ॥ महापारिषदा उग्राः क्रूरेभ्योऽक्रूरबुद्धयः

rakṣaṁti satataṁ kṣetraṁ yatra pāśāsipāṇayaḥ || mahāpāriṣadā ugrāḥ krūrebhyo'krūrabuddhayaḥ

'वहाँ पाश और तलवार धारण करने वाले, क्रूरों के प्रति उग्र किंतु स्वयं अक्रूर बुद्धि वाले महान परिषद्-गण सदा क्षेत्र की रक्षा करते हैं।'

श्लोक 50 (skanda.4.74.50)

प्राग्द्वारमट्टहासश्च गणकोटिपरीवृतः ॥ रक्षेदहर्निशं क्षेत्रं दुर्वृत्तेभ्यो विभीषणः

prāgdvāramaṭṭahāsaśca gaṇakoṭiparīvṛtaḥ || rakṣedaharniśaṁ kṣetraṁ durvṛttebhyo vibhīṣaṇaḥ

'पूर्व द्वार पर, करोड़ों गणों से घिरे, भयंकर अट्टहास, दिन-रात दुराचारियों से क्षेत्र की रक्षा करते हैं।'

श्लोक 51 (skanda.4.74.51)

तथैव भूतधात्रीशः क्षेत्रदक्षिणरक्षकः ॥ गोकर्णः पश्चिमद्वारं पाति कोटिगणावृतः

tathaiva bhūtadhātrīśaḥ kṣetradakṣiṇarakṣakaḥ || gokarṇaḥ paścimadvāraṁ pāti koṭigaṇāvṛtaḥ

'इसी प्रकार भूतधात्रीश क्षेत्र के दक्षिण भाग के रक्षक हैं; करोड़ों गणों से घिरे गोकर्ण पश्चिम द्वार की रक्षा करते हैं।'

श्लोक 52 (skanda.4.74.52)

उदग्द्वारं तथा रक्षेद्घंटाकर्णो महागणः ॥ ऐशंकोणं छागवक्त्रो भीषणो वह्निदिग्दलम्

udagdvāraṁ tathā rakṣedghaṁṭākarṇo mahāgaṇaḥ || aiśaṁkoṇaṁ chāgavaktro bhīṣaṇo vahnidigdalam

'उत्तर द्वार की रक्षा महागण घंटाकर्ण करते हैं; ईशान कोण की छागवक्त्र, अग्नि दिशा के भाग की भीषण गण।'

श्लोक 53 (skanda.4.74.53)

रक्षः काष्ठां शंकुकर्णो दृमिचंडो मरुद्दिशम् ॥ इत्थं क्षेत्रं सदा पांति गणा एतेऽति भास्वराः

rakṣaḥ kāṣṭhāṁ śaṁkukarṇo dṛmicaṁḍo maruddiśam || itthaṁ kṣetraṁ sadā pāṁti gaṇā ete'ti bhāsvarāḥ

'नैऋत्य दिशा की शंकुकर्ण, वायव्य दिशा की द्रुमिचंड। इस प्रकार ये अत्यंत तेजस्वी गण सदा क्षेत्र की रक्षा करते हैं।'

श्लोक 54 (skanda.4.74.54)

कालाक्षोरण भद्रस्तु कौलेयः कालकंपनः ॥ एते पूर्वेण रक्षंति गंगापारे स्थिता गणाः

kālākṣoraṇa bhadrastu kauleyaḥ kālakaṁpanaḥ || ete pūrveṇa rakṣaṁti gaṁgāpāre sthitā gaṇāḥ

'कालाक्ष, अरण, भद्र, कौलेय और कालकंपन - ये गण गंगा के उस पार स्थित होकर पूर्व दिशा की रक्षा करते हैं।'

श्लोक 55 (skanda.4.74.55)

वीरभद्रो नभश्चैव कर्दमालिप्तविग्रहः ॥ स्थूलकर्णो महाबाहुरसिपारे व्यवस्थिताः

vīrabhadro nabhaścaiva kardamāliptavigrahaḥ || sthūlakarṇo mahābāhurasipāre vyavasthitāḥ

'वीरभद्र, नभस्, कीचड़ से लिपटे शरीर वाले, स्थूलकर्ण और महाबाहु असि नदी के पार स्थित हैं।'

श्लोक 56 (skanda.4.74.56)

विशालाक्षो महाभीमः कुंडोदरमहोदरौ ॥ रक्षंति पश्चिमद्वारं देहलीदेशसंस्थिताः

viśālākṣo mahābhīmaḥ kuṁḍodaramahodarau || rakṣaṁti paścimadvāraṁ dehalīdeśasaṁsthitāḥ

'विशालाक्ष, महाभीम, कुंडोदर और महोदर, देहली प्रदेश में स्थित होकर पश्चिम द्वार की रक्षा करते हैं।'

श्लोक 57 (skanda.4.74.57)

नंदिसेनश्च पंचालः खरपादकरंटकः ॥ आनंदोगोपको बभ्रू रक्षंति वरणातटे

naṁdisenaśca paṁcālaḥ kharapādakaraṁṭakaḥ || ānaṁdogopako babhrū rakṣaṁti varaṇātaṭe

'नंदिसेन, पांचाल, खरपाद, करंटक, आनंद, गोपक और बभ्रु वरणा के तट की रक्षा करते हैं।'

श्लोक 58 (skanda.4.74.58)

तस्मिन्क्षेत्रे महापुण्ये लिंगमोंकारसंज्ञकम् ॥ तत्र सिद्धिं परां प्राप्ता देहेनानेन साधकाः

tasminkṣetre mahāpuṇye liṁgamoṁkārasaṁjñakam || tatra siddhiṁ parāṁ prāptā dehenānena sādhakāḥ

'उस महापुण्य क्षेत्र में ओंकार नामक लिंग है; वहाँ साधकों ने इसी शरीर से परम सिद्धि प्राप्त की है।'

श्लोक 59 (skanda.4.74.59)

कपिलश्चैव सावर्णिः श्रीकंठः पिगलोंशुमान् ॥ एते पाशुपताः सिद्धास्तल्लिंगाराधनेन हि

kapilaścaiva sāvarṇiḥ śrīkaṁṭhaḥ pigaloṁśumān || ete pāśupatāḥ siddhāstalliṁgārādhanena hi

'कपिल, सावर्णि, श्रीकंठ, पिंगल और अंशुमान - ये पाशुपत सिद्ध उसी लिंग की आराधना से सिद्ध हुए।'

श्लोक 60 (skanda.4.74.60)

एकदा तस्य लिंगस्य कृत्वा पंचापिपूजनम् ॥ नृत्यतः सहुडुत्कारं तस्मिँल्लिंगे लयं ययुः

ekadā tasya liṁgasya kṛtvā paṁcāpipūjanam || nṛtyataḥ sahuḍutkāraṁ tasmi~lliṁge layaṁ yayuḥ

'एक बार उस लिंग का पंचोपचार पूजन कर, 'हुडुत्' की ध्वनि सहित नृत्य करते हुए, वे पाँचों उसी लिंग में लीन हो गए।'

श्लोक 61 (skanda.4.74.61)

अन्यच्च ते प्रवक्ष्यामि तत्र यद्वृत्तमद्भुतम् ॥ निशामय महाबुद्धे दमन द्विजसत्तम

anyacca te pravakṣyāmi tatra yadvṛttamadbhutam || niśāmaya mahābuddhe damana dvijasattama

'हे महाबुद्धे, द्विजश्रेष्ठ दमन, वहाँ जो एक और अद्भुत घटना घटी, वह भी सुनो, मैं बताता हूँ।'

श्लोक 62 (skanda.4.74.62)

एका भेकी मुने तत्र चरंती लिंग सन्निधौ ॥ प्रदक्षिणं सदा कुर्यान्निर्माल्याक्षतभक्षिणी

ekā bhekī mune tatra caraṁtī liṁga sannidhau || pradakṣiṇaṁ sadā kuryānnirmālyākṣatabhakṣiṇī

'हे मुने, वहाँ एक मादा मेंढकी विचरण करती हुई, लिंग के समीप निर्माल्य के अक्षत खाती हुई, सदा प्रदक्षिणा करती थी।'

श्लोक 63 (skanda.4.74.63)

सा तत्र मृत्युं न प्राप शिवनिर्माल्यभक्षणात् ॥ क्षेत्रादन्यत्र मरणं जातं तस्यास्तदेनसः

sā tatra mṛtyuṁ na prāpa śivanirmālyabhakṣaṇāt || kṣetrādanyatra maraṇaṁ jātaṁ tasyāstadenasaḥ

'शिव के निर्माल्य के भक्षण के कारण उसे वहाँ मृत्यु प्राप्त नहीं हुई; उस पाप के कारण उसकी मृत्यु क्षेत्र से बाहर ही हुई।'

श्लोक 64 (skanda.4.74.64)

वरं विषमपिप्राश्यं शिवस्वं नैव भक्षयेत् ॥ विषमेकाकिनं हंति थिवस्वं पुत्रपौवकम्

varaṁ viṣamapiprāśyaṁ śivasvaṁ naiva bhakṣayet || viṣamekākinaṁ haṁti thivasvaṁ putrapauvakam

'विष खा लेना भी अच्छा है, परंतु शिव की वस्तु कभी नहीं खानी चाहिए; विष तो केवल खाने वाले को ही मारता है, पर शिव की वस्तु पुत्र-पौत्रों को भी।'

श्लोक 65 (skanda.4.74.65)

शिवस्य परिपुष्टांगाः स्पर्शनीया न साधुभिः ॥ तेन कर्मविपाकेन ततस्ते रौरवौकसः

śivasya paripuṣṭāṁgāḥ sparśanīyā na sādhubhiḥ || tena karmavipākena tataste rauravaukasaḥ

'शिव के धन से पले-पुसे अंगों वाले प्राणियों को सज्जनों को कभी स्पर्श नहीं करना चाहिए; उस कर्म के फल से वे रौरव नरक के वासी होते हैं।'

श्लोक 66 (skanda.4.74.66)

कश्चित्काकः समालोक्य मंडूकीं तामितस्ततः ॥ पोप्लूयमानामादाय चंच्वा क्षेत्राद्बहिर्गतः

kaścitkākaḥ samālokya maṁḍūkīṁ tāmitastataḥ || poplūyamānāmādāya caṁcvā kṣetrādbahirgataḥ

'किसी कौवे ने उस मेंढकी को इधर-उधर उछलते देखकर, उसे चोंच से उठाकर क्षेत्र से बाहर ले गया।'

श्लोक 67 (skanda.4.74.67)

वर्षाभ्वी तेन सा क्षिप्ता काकेन क्षेत्रबाह्यतः ॥ अथ सा कालतो भेकी तत्रैव क्षेत्रसत्तमे

varṣābhvī tena sā kṣiptā kākena kṣetrabāhyataḥ || atha sā kālato bhekī tatraiva kṣetrasattame

'उस वर्षा-उत्पन्न मेंढकी को कौवे ने क्षेत्र के बाहर गिरा दिया। फिर वह मेंढकी काल पाकर, उसी श्रेष्ठ क्षेत्र में -'

श्लोक 68 (skanda.4.74.68)

प्रदक्षिणीकरणतो लिंगस्यस्पर्शनादपि ॥ पुण्यापुण्यवतीजाता कन्यापुष्पबटोर्गृहे

pradakṣiṇīkaraṇato liṁgasyasparśanādapi || puṇyāpuṇyavatījātā kanyāpuṣpabaṭorgṛhe

'- प्रदक्षिणा करने और लिंग का स्पर्श करने के कारण, पाप-पुण्य दोनों से युक्त होकर, पुष्पबट के घर में एक कन्या बनी।'

श्लोक 69 (skanda.4.74.69)

शुभावयवसंस्थाना शुभलक्षणलक्षिता ॥ परं गृध्रमुखी जाता निर्माल्याक्षतभक्षणात्

śubhāvayavasaṁsthānā śubhalakṣaṇalakṣitā || paraṁ gṛdhramukhī jātā nirmālyākṣatabhakṣaṇāt

'शुभ अंगों वाली, शुभ लक्षणों से युक्त, परंतु निर्माल्य के अक्षत खाने के कारण गिद्ध-मुखी हुई।'

श्लोक 70 (skanda.4.74.70)

सम्यग्गीतरहस्यज्ञा नितरां मधुरस्वरा ॥ सप्तस्वरास्त्रयो ग्रामा मूर्च्छनास्त्वैकविंशतिः

samyaggītarahasyajñā nitarāṁ madhurasvarā || saptasvarāstrayo grāmā mūrcchanāstvaikaviṁśatiḥ

'वह गीत के रहस्य को भलीभाँति जानने वाली, अत्यंत मधुर स्वर वाली थी - सात स्वर, तीन ग्राम, इक्कीस मूर्च्छनाएँ -'

श्लोक 71 (skanda.4.74.71)

ताना एकोनपंचाश ताला एकोत्तरंशतम् ॥ रागाः षडेव तेषां तु पंचपंचापि चांगनाः

tānā ekonapaṁcāśa tālā ekottaraṁśatam || rāgāḥ ṣaḍeva teṣāṁ tu paṁcapaṁcāpi cāṁganāḥ

'- उनचास ताने, एक सौ एक ताल, छह राग, और उनकी पैंतीस पत्नियाँ -'

श्लोक 72 (skanda.4.74.72)

षड्विंशद्रागरागिण्य इति रागि मुदावहाः ॥ देशकाल विभेदेन पंचषष्टिस्तथा पराः

ṣaḍviṁśadrāgarāgiṇya iti rāgi mudāvahāḥ || deśakāla vibhedena paṁcaṣaṣṭistathā parāḥ

'- छब्बीस राग-रागिनियाँ जो आनंददायी हैं, तथा देश-काल के भेद से पैंसठ अन्य भी -'

श्लोक 73 (skanda.4.74.73)

यावंत एव तालाः स्यु रागास्तावंत एव हि ॥ इति गीतोपनिषदा प्रत्यहं सा शुभव्रता

yāvaṁta eva tālāḥ syu rāgāstāvaṁta eva hi || iti gītopaniṣadā pratyahaṁ sā śubhavratā

'- जितने ताल हों, उतने ही राग होते हैं। इस प्रकार संगीत के गुह्य रहस्य को जानने वाली वह शुभव्रता -'

श्लोक 74 (skanda.4.74.74)

माधवी मधुरालापा सदोंकारं समर्चयेत् ॥ प्राप्याप्यनर्घ्यतारुण्यं सा तु पुष्पबटोः सुता

mādhavī madhurālāpā sadoṁkāraṁ samarcayet || prāpyāpyanarghyatāruṇyaṁ sā tu puṣpabaṭoḥ sutā

'- माधवी, मधुर वाणी वाली, प्रतिदिन ओंकार की पूजा करती थी। पुष्पबट की वह पुत्री, अमूल्य यौवन को पाकर -'

श्लोक 75 (skanda.4.74.75)

प्राग्जन्मवासनायोगादोंकारं बह्वमंस्त वै ॥ स्वभाव चंचलं चेतस्तस्यास्तल्लिंग सेवनात्

prāgjanmavāsanāyogādoṁkāraṁ bahvamaṁsta vai || svabhāva caṁcalaṁ cetastasyāstalliṁga sevanāt

'- पूर्वजन्म के संस्कार से ओंकार को अत्यंत महत्व देने लगी। स्वभाव से चंचल उसका चित्त, उस लिंग की सेवा से -'

श्लोक 76 (skanda.4.74.76)

दमनस्थैर्यमगमद्योगेनेव महात्मनः ॥ न दिवा बाधयांचक्रे क्षुत्तृण्निद्रा क्षपा सुताम्

damanasthairyamagamadyogeneva mahātmanaḥ || na divā bādhayāṁcakre kṣuttṛṇnidrā kṣapā sutām

'- हे दमन, महात्मा के योग की भाँति स्थिरता को प्राप्त हो गया। दिन में भूख, प्यास और नींद उस कन्या को कभी बाधित नहीं करते थे।'

श्लोक 77 (skanda.4.74.77)

अतंद्रितमना आसीत्सा तल्लिंग निरीक्षणे ॥ अक्ष्णोर्निमेषा यावंतस्तस्या आसन्दिवानिशम्

ataṁdritamanā āsītsā talliṁga nirīkṣaṇe || akṣṇornimeṣā yāvaṁtastasyā āsandivāniśam

'उस लिंग के अवलोकन में उसका मन अथक और सतत जागरूक रहता था। दिन-रात में उसकी आँखों की जितनी पलकें झपकतीं -'

श्लोक 78 (skanda.4.74.78)

तावत्कालस्तया साध्व्या महान्विघ्नोऽनुमीयते ॥ निमेषांतरितः कालो यो यो व्यथोंगतो मम ॥ लिंगानवेक्षणात्तत्र प्रायश्चित्तं कथं भवेत

tāvatkālastayā sādhvyā mahānvighno'numīyate || nimeṣāṁtaritaḥ kālo yo yo vyathoṁgato mama || liṁgānavekṣaṇāttatra prāyaścittaṁ kathaṁ bhaveta

'- उतने ही समय को वह साध्वी महान विघ्न मानती थी - लिंग को न देख पाने में पलक झपकने में जो भी क्षण व्यर्थ हुआ, उसका प्रायश्चित्त कैसे हो, यह सोचकर।'

श्लोक 79 (skanda.4.74.79)

इति संचितयंत्येव सेवां तत्याज नोंकृतेः ॥ जलाभिलाषिणी सा तु लिंगनामामृतं पिबेत्

iti saṁcitayaṁtyeva sevāṁ tatyāja noṁkṛteḥ || jalābhilāṣiṇī sā tu liṁganāmāmṛtaṁ pibet

- ऐसा सोचते हुए ही, उसने ओंकार की सेवा कभी नहीं त्यागी; प्यास लगने पर भी वह लिंग के नाम-रूपी अमृत का ही पान करती थी।

श्लोक 80 (skanda.4.74.80)

नान्य द्दिदृक्षिणी तस्या अक्षिणी श्रुतिगे अपि ॥ विहाय लिंगमोंकारं हृद्विहायः स्थितं सताम्

nānya ddidṛkṣiṇī tasyā akṣiṇī śrutige api || vihāya liṁgamoṁkāraṁ hṛdvihāyaḥ sthitaṁ satām

उसकी आँखों को ओंकार लिंग के अतिरिक्त, जो सज्जनों के हृदयाकाश में स्थित है, कुछ और देखने की, न कानों को कुछ और सुनने की इच्छा थी।

श्लोक 81 (skanda.4.74.81)

तस्याः शब्दग्रहौ नान्य शब्दग्रहणतत्परौ ॥ अतीव निपुणौ जातौ तत्सन्माल्यकरौकरौ

tasyāḥ śabdagrahau nānya śabdagrahaṇatatparau || atīva nipuṇau jātau tatsanmālyakaraukarau

उसके दोनों कान, अन्य शब्द ग्रहण करने में निपुण होते हुए भी, अब उस नाम के अतिरिक्त कुछ ग्रहण नहीं करते थे; उसके हाथ उस लिंग के लिए माला बनाने में अत्यंत कुशल हो गए थे।

श्लोक 82 (skanda.4.74.82)

नान्यत्र चरणौ तस्याश्चरतः सुखवांछया ॥ त्यक्त्वोंकाराजिरक्षोणीं क्षुण्णां निर्वाणपद्मया

nānyatra caraṇau tasyāścarataḥ sukhavāṁchayā || tyaktvoṁkārājirakṣoṇīṁ kṣuṇṇāṁ nirvāṇapadmayā

मोक्षलक्ष्मी द्वारा कुचली गई ओंकार-प्रांगण की भूमि को छोड़कर, सुख की इच्छा से उसके पैर कहीं और नहीं चलते थे।

श्लोक 83 (skanda.4.74.83)

ओंकारं प्रणवं सारं परब्रह्मप्रकाशकम् ॥ शब्दब्रह्मत्रयीरूपं नादबिंदुकलालयम्

oṁkāraṁ praṇavaṁ sāraṁ parabrahmaprakāśakam || śabdabrahmatrayīrūpaṁ nādabiṁdukalālayam

वह ओंकार का ध्यान करती थी - प्रणव, सार, परब्रह्म का प्रकाशक, शब्दब्रह्म-त्रयीरूप, नाद-बिंदु-कला का आवास -

श्लोक 84 (skanda.4.74.84)

सदक्षरं चादिरूपं विश्वरूपं परावरम् ॥ वरं वरेण्यं वरदं शाश्वतं शांतमीश्वरम्

sadakṣaraṁ cādirūpaṁ viśvarūpaṁ parāvaram || varaṁ vareṇyaṁ varadaṁ śāśvataṁ śāṁtamīśvaram

- सद्अक्षर, आदिरूप, विश्वरूप, पर और अपर दोनों, वर, वरेण्य, वरदाता, शाश्वत, शांत ईश्वर -

श्लोक 85 (skanda.4.74.85)

सर्वलोकैकजनकं सर्वलोकैकरक्षकम् ॥ सर्वलोकैकसंहर्तृ सर्वलोकैकवंदितम्

sarvalokaikajanakaṁ sarvalokaikarakṣakam || sarvalokaikasaṁhartṛ sarvalokaikavaṁditam

- सर्वलोकों का एकमात्र जनक, सर्वलोकों का एकमात्र रक्षक, सर्वलोकों का एकमात्र संहर्ता, सर्वलोकों द्वारा वंदित -

श्लोक 86 (skanda.4.74.86)

आद्यंतरहितं नित्यं र्शिवं शंकरमव्ययम् ॥ एकगुणत्रयातीतं भक्तस्वांतकृतास्पदम्

ādyaṁtarahitaṁ nityaṁ rśivaṁ śaṁkaramavyayam || ekaguṇatrayātītaṁ bhaktasvāṁtakṛtāspadam

- आदि-अंत से रहित, नित्य, शिव, शंकर, अव्यय, तीनों गुणों से अतीत, भक्तों के हृदय में निवास करने वाला -

श्लोक 87 (skanda.4.74.87)

निरुपाधिं निराकारं निर्विकारं निरंजनम् ॥ निर्मलं निरहंकारं निष्प्रपंचं निजोदयम्

nirupādhiṁ nirākāraṁ nirvikāraṁ niraṁjanam || nirmalaṁ nirahaṁkāraṁ niṣprapaṁcaṁ nijodayam

- निरुपाधि, निराकार, निर्विकार, निरंजन, निर्मल, निरहंकार, प्रपंच रहित, स्वयं उदित -

श्लोक 88 (skanda.4.74.88)

स्वात्माराममनंतं च सर्वगं सर्वदर्शिनम् ॥ सर्वदं सर्वभोक्तारं सर्वं सर्वसुखास्पदम्

svātmārāmamanaṁtaṁ ca sarvagaṁ sarvadarśinam || sarvadaṁ sarvabhoktāraṁ sarvaṁ sarvasukhāspadam

- अपनी ही आत्मा में रमण करने वाला, अनंत, सर्वव्यापी, सर्वद्रष्टा, सर्वदाता, सर्वभोक्ता, सर्व, सर्वसुख का आवास।

श्लोक 89 (skanda.4.74.89)

वागिंद्रियं तदीयं च प्रोच्चरत्तदहर्निशम् ॥ नामांतरं न गृह्णाति क्वचिदन्यस्यकस्यचित्

vāgiṁdriyaṁ tadīyaṁ ca proccarattadaharniśam || nāmāṁtaraṁ na gṛhṇāti kvacidanyasyakasyacit

उसकी वाणी दिन-रात उसी नाम का उच्चारण करती थी; वह किसी अन्य के नाम को कभी ग्रहण नहीं करती थी।

श्लोक 90 (skanda.4.74.90)

एतन्नामाक्षररसं रसयंती दिवानिशम् ॥ रसना नैव जानाति तस्या अन्यद्रसांतरम्

etannāmākṣararasaṁ rasayaṁtī divāniśam || rasanā naiva jānāti tasyā anyadrasāṁtaram

इस नाम के अक्षरों के रस को दिन-रात चखती हुई उसकी जिह्वा किसी अन्य रस को जानती ही नहीं थी।

श्लोक 91 (skanda.4.74.91)

संमार्जनं रंगमालाः प्रासादं परितः सदा ॥ विदध्यान्माधवी तत्र तथार्चा पात्रशोधनम्

saṁmārjanaṁ raṁgamālāḥ prāsādaṁ paritaḥ sadā || vidadhyānmādhavī tatra tathārcā pātraśodhanam

माधवी वहाँ प्रासाद के चारों ओर सफाई, रंगोली-मालाओं की सज्जा, तथा पूजा और पात्रों की शुद्धि सदा करती थी।

श्लोक 92 (skanda.4.74.92)

तत्र पाशुपता ये वै प्रणवेशार्चने रताः ॥ तांश्च शुश्रूषयेन्नित्यं पितृबुद्ध्याति भक्तितः

tatra pāśupatā ye vai praṇaveśārcane ratāḥ || tāṁśca śuśrūṣayennityaṁ pitṛbuddhyāti bhaktitaḥ

वहाँ जो भी पाशुपत प्रणवेश की पूजा में रत रहते, उन सबकी वह पिता की भाँति भक्तिपूर्वक नित्य सेवा करती।

श्लोक 93 (skanda.4.74.93)

वैशाखस्य चतुर्दश्यामेकदा सा तु माधवी ॥ रात्रौ जागरणं कृत्वा दिवोपवसान्विता

vaiśākhasya caturdaśyāmekadā sā tu mādhavī || rātrau jāgaraṇaṁ kṛtvā divopavasānvitā

एक बार वैशाख की चतुर्दशी को उस माधवी ने रात्रि में जागरण करके, दिन में उपवास किए हुए -

श्लोक 94 (skanda.4.74.94)

यात्रामिलितभक्तेषु प्रातर्यातेषु सर्वतः ॥ संमार्जनादिकं कृत्वा लिंगमभ्यर्च्य हर्षतः

yātrāmilitabhakteṣu prātaryāteṣu sarvataḥ || saṁmārjanādikaṁ kṛtvā liṁgamabhyarcya harṣataḥ

- यात्रा में एकत्रित भक्तों के प्रातःकाल सब ओर चले जाने पर, सफाई आदि कर, हर्षपूर्वक लिंग की पूजा कर -

श्लोक 95 (skanda.4.74.95)

गायंती मधुरं गीतं नृत्यंती निजलीलया ॥ ध्यायंती लिंगमोंकारं तत्र लिंगे लयं ययौ

gāyaṁtī madhuraṁ gītaṁ nṛtyaṁtī nijalīlayā || dhyāyaṁtī liṁgamoṁkāraṁ tatra liṁge layaṁ yayau

- मधुर गीत गाती हुई, अपनी लीला से नाचती हुई, ओंकार लिंग का ध्यान करती हुई, वह वहीं उस लिंग में लीन हो गई।

श्लोक 96 (skanda.4.74.96)

अनेनैव शरीरेण पार्थिवेन महामतिः ॥ अस्मदाचार्यमुख्यानां पश्यतां च तपस्विनाम्

anenaiva śarīreṇa pārthivena mahāmatiḥ || asmadācāryamukhyānāṁ paśyatāṁ ca tapasvinām

हे महामते, इसी पार्थिव शरीर से, हमारे प्रमुख आचार्यों और तपस्वियों के देखते हुए -

श्लोक 97 (skanda.4.74.97)

प्रादुर्बभूव यल्लिंगाज्ज्योतिर्जटिलितांबरम् ॥ तत्र ज्योतिषि सा बाला ज्योतिर्मय्यपि साप्यभूत्

prādurbabhūva yalliṁgājjyotirjaṭilitāṁbaram || tatra jyotiṣi sā bālā jyotirmayyapi sāpyabhūt

- उस लिंग से एक ज्योति प्रकट हुई जिसने आकाश को व्याप्त कर लिया; उस ज्योति में वह बालिका भी ज्योतिर्मय हो गई।

श्लोक 98 (skanda.4.74.98)

राधशुक्लचतुर्दश्यामद्यापि क्षेत्रवासिनः ॥ तत्र यात्रां प्रकुर्वंति महोत्सवपुरःसराः

rādhaśuklacaturdaśyāmadyāpi kṣetravāsinaḥ || tatra yātrāṁ prakurvaṁti mahotsavapuraḥsarāḥ

आज भी वैशाख की शुक्ल चतुर्दशी को क्षेत्र-निवासी वहाँ महोत्सव के साथ यात्रा करते हैं।

श्लोक 99 (skanda.4.74.99)

तत्र जागरणं कृत्वा चतुर्दश्यामुपोषिताः ॥ प्राप्नुवंति परं ज्ञानं यत्रकुत्रापि वै मृताः

tatra jāgaraṇaṁ kṛtvā caturdaśyāmupoṣitāḥ || prāpnuvaṁti paraṁ jñānaṁ yatrakutrāpi vai mṛtāḥ

वहाँ जागरण कर, चतुर्दशी को उपवास रखने वाले, कहीं भी मरने पर भी परम ज्ञान प्राप्त करते हैं।

श्लोक 100 (skanda.4.74.100)

ब्रह्मांडोदर मध्ये तु यानि तीर्थानि सर्वतः ॥ तानि वैशाखभूतायामायांत्योंकृति दर्शने

brahmāṁḍodara madhye tu yāni tīrthāni sarvataḥ || tāni vaiśākhabhūtāyāmāyāṁtyoṁkṛti darśane

ब्रह्मांड के भीतर जितने भी तीर्थ हैं, वे सब वैशाख के उस दिन ओंकार के दर्शन के लिए आते हैं।

श्लोक 101 (skanda.4.74.101)

लिंगाग्रे श्रीमुखी नाम्नी गुहास्ति परमोत्तमा ॥ पातालस्य च तद्द्वारं तत्र सिद्धा वसंति हि

liṁgāgre śrīmukhī nāmnī guhāsti paramottamā || pātālasya ca taddvāraṁ tatra siddhā vasaṁti hi

लिंग के आगे श्रीमुखी नामक एक परम उत्तम गुफा है; वह पाताल का द्वार है, वहाँ सिद्ध निवास करते हैं।

श्लोक 102 (skanda.4.74.102)

तिष्ठेयुः पंचरात्रं ये गुहायां तत्र सुव्रताः ॥ ते नागकन्याः पश्यंति ब्रूयुस्ताश्च शुभाशुभम्

tiṣṭheyuḥ paṁcarātraṁ ye guhāyāṁ tatra suvratāḥ || te nāgakanyāḥ paśyaṁti brūyustāśca śubhāśubham

जो सुव्रती उस गुफा में पाँच रात्रि रहते हैं, वे नाग-कन्याओं को देखते हैं, और वे कन्याएँ उन्हें शुभ-अशुभ बताती हैं।

श्लोक 103 (skanda.4.74.103)

कंदरोत्तरदिग्भागे तत्र कूपो रसोदकः ॥ आषण्मासं च तत्पीत्वा पिबेद्ब्रह्मरसायनम्

kaṁdarottaradigbhāge tatra kūpo rasodakaḥ || āṣaṇmāsaṁ ca tatpītvā pibedbrahmarasāyanam

कंदरा के उत्तर दिशा भाग में रस-जल का एक कूप है; उसे छह मास तक पीकर मनुष्य ब्रह्म-रसायन का पान करता है।

श्लोक 104 (skanda.4.74.104)

तत्र नादेश्वरं लिंगं दृष्ट्वा नादनिदानभूः ॥ सर्वनादात्मकं विश्वं तच्छ्रवो गोचरी भवेत्

tatra nādeśvaraṁ liṁgaṁ dṛṣṭvā nādanidānabhūḥ || sarvanādātmakaṁ viśvaṁ tacchravo gocarī bhavet

वहाँ नाद के मूल स्रोत नादेश्वर लिंग का दर्शन कर, सर्वनादमय यह संपूर्ण विश्व उसके श्रवण की पहुँच में आ जाता है।

श्लोक 105 (skanda.4.74.105)

तत्र मत्स्योदरीं स्नात्वा स्वर्धुनीं वरुणाप्लुताम् ॥ कृतकृत्यो भवेज्जंतुर्नैव शोचति कुत्रचित्

tatra matsyodarīṁ snātvā svardhunīṁ varuṇāplutām || kṛtakṛtyo bhavejjaṁturnaiva śocati kutracit

वहाँ वरुण से आप्लावित आकाशगंगा मत्स्योदरी में स्नान कर, प्राणी कृतकृत्य हो जाता है और फिर कहीं भी शोक नहीं करता।

श्लोक 106 (skanda.4.74.106)

असंख्याता गताः सिद्धिमोंकारेश्वरसेवकाः ॥ पार्थिवेनैव देहेन दिव्यभूतेन तत्क्षणात्

asaṁkhyātā gatāḥ siddhimoṁkāreśvarasevakāḥ || pārthivenaiva dehena divyabhūtena tatkṣaṇāt

असंख्य ओंकारेश्वर के सेवकों ने इसी पार्थिव देह से, जो उसी क्षण दिव्य हो गई, सिद्धि प्राप्त की है।

श्लोक 107 (skanda.4.74.107)

अविमुक्तं परं क्षेत्रं ब्रह्मांडादपि सर्वतः ॥ ततोपि पर ओंकार उक्तो मत्स्योदरी तटे

avimuktaṁ paraṁ kṣetraṁ brahmāṁḍādapi sarvataḥ || tatopi para oṁkāra ukto matsyodarī taṭe

अविमुक्त ब्रह्मांड से भी सब ओर से परम क्षेत्र है; और मत्स्योदरी के तट पर उससे भी परम ओंकार कहा गया है।

श्लोक 108 (skanda.4.74.108)

प्रणवेशोंऽग यैः काश्यां न नतो नापि चार्चितः ॥ किमर्थं ते समुत्पन्ना मातृतारुण्यहारिणः

praṇaveśoṁ'ga yaiḥ kāśyāṁ na nato nāpi cārcitaḥ || kimarthaṁ te samutpannā mātṛtāruṇyahāriṇaḥ

'हे प्रिय, जिन्होंने काशी में प्रणवेश को न प्रणाम किया, न पूजा किया, वे किस लिए जन्मे - मात्र माता के यौवन को हरने के लिए?'

श्लोक 109 (skanda.4.74.109)

यदा प्रभृति विश्वेशो मंदरादागतोऽभवत् ॥ तस्मिन्नानंद गहने तदाप्रभृति सत्तम

yadā prabhṛti viśveśo maṁdarādāgato'bhavat || tasminnānaṁda gahane tadāprabhṛti sattama

'हे श्रेष्ठ, जब से विश्वेश मंदर से आकर उस घने आनंदकानन में पधारे, तब से -'

श्लोक 110 (skanda.4.74.110)

सर्वाण्यायतनान्याशु साब्धीनि स गिरीण्यपि ॥ स नदीनि स तीर्थानि स द्वीपानि ययुस्ततः

sarvāṇyāyatanānyāśu sābdhīni sa girīṇyapi || sa nadīni sa tīrthāni sa dvīpāni yayustataḥ

'- समुद्रों, पर्वतों, नदियों, तीर्थों और द्वीपों सहित सभी आयतन शीघ्र ही वहाँ चले गए।'

श्लोक 111 (skanda.4.74.111)

इदानीं मम भाग्येन स्मारितोहं त्वया मुने ॥ अहमप्यागमिष्यामि यामः काशीं शनैः शनैः

idānīṁ mama bhāgyena smāritohaṁ tvayā mune || ahamapyāgamiṣyāmi yāmaḥ kāśīṁ śanaiḥ śanaiḥ

'अब मेरे सौभाग्य से मुझे तुमने याद दिला दिया, हे मुने; मैं भी आऊँगा - चलो धीरे-धीरे काशी चलें।'

श्लोक 112 (skanda.4.74.112)

एतेपि मम शिष्या ये महापाशुपतव्रताः ॥ काशीं यियासवस्तेपि यतः सर्वे मुमुक्षवः

etepi mama śiṣyā ye mahāpāśupatavratāḥ || kāśīṁ yiyāsavastepi yataḥ sarve mumukṣavaḥ

'महापाशुपत व्रतधारी मेरे ये शिष्य भी काशी जाना चाहते हैं, क्योंकि सभी मोक्षाकांक्षी हैं।'

श्लोक 113 (skanda.4.74.113)

अपि वार्धकमासाद्य यैः काशी नैव शीलिता ॥ मानुषे दुर्लभे नष्टे कुतस्तेषां महासुखम्

api vārdhakamāsādya yaiḥ kāśī naiva śīlitā || mānuṣe durlabhe naṣṭe kutasteṣāṁ mahāsukham

'जिन्होंने वृद्धावस्था आने तक भी काशी का सेवन नहीं किया, दुर्लभ मानव जीवन नष्ट हो जाने पर उन्हें महासुख कहाँ से मिलेगा?'

श्लोक 114 (skanda.4.74.114)

यावन्नेंद्रिय वैकल्यं यावन्नैवायुषः क्षयः ॥ तावत्सेव्यं प्रयत्नेन शंभोरानंदकाननम्

yāvanneṁdriya vaikalyaṁ yāvannaivāyuṣaḥ kṣayaḥ || tāvatsevyaṁ prayatnena śaṁbhorānaṁdakānanam

'जब तक इंद्रियाँ क्षीण न हों, जब तक आयु का क्षय न हो, तब तक शंभु के आनंदकानन की प्रयत्नपूर्वक सेवा करनी चाहिए।'

श्लोक 115 (skanda.4.74.115)

य आनंदवनं शंभोः शिश्रियुः श्रीनिकेतनम् ॥ अचलाश्रीर्न मुंचेत्तान्महासौख्यैकशेवधीन्

ya ānaṁdavanaṁ śaṁbhoḥ śiśriyuḥ śrīniketanam || acalāśrīrna muṁcettānmahāsaukhyaikaśevadhīn

'जिन्होंने श्री के निकेतन, शंभु के आनंदवन की शरण ली है, उन महासुख के भंडारों को अचल लक्ष्मी कभी नहीं त्यागतीं।'

श्लोक 116 (skanda.4.74.116)

इत्याख्याय कथां रम्यां गर्गः पाशुपतोत्तमः ॥ भारद्वाजेन सहितः प्राप वाराणसीं पुरीम्

ityākhyāya kathāṁ ramyāṁ gargaḥ pāśupatottamaḥ || bhāradvājena sahitaḥ prāpa vārāṇasīṁ purīm

इस प्रकार रमणीय कथा सुनाकर, पाशुपतों में श्रेष्ठ गर्ग, भारद्वाज-पुत्र सहित वाराणसी नगरी को पहुँचे।

श्लोक 117 (skanda.4.74.117)

दमनोपि हि धर्मात्मा गर्गाचार्येण संयुतः ॥ आराध्य श्रीमदोंकारं तस्मिँल्लिंगे लयं गतः

damanopi hi dharmātmā gargācāryeṇa saṁyutaḥ || ārādhya śrīmadoṁkāraṁ tasmi~lliṁge layaṁ gataḥ

धर्मात्मा दमन भी आचार्य गर्ग सहित, श्रीमान ओंकार की आराधना कर, उसी लिंग में लीन हो गया।

श्लोक 118 (skanda.4.74.118)

॥स्कंद उवाच॥ इल्वलारे परं स्थानमोंकारमविमुक्तके ॥ तत्र सिद्धिपरां जग्मुः साधका बहुशो मुने

||skaṁda uvāca|| ilvalāre paraṁ sthānamoṁkāramavimuktake || tatra siddhiparāṁ jagmuḥ sādhakā bahuśo mune

स्कन्द ने कहा - हे इल्वल के शत्रु, अविमुक्त में ओंकार परम स्थान है; हे मुने, वहाँ अनेक साधकों ने परम सिद्धि प्राप्त की है।

श्लोक 119 (skanda.4.74.119)

कलौ कलुषचित्तानां पुरो नाख्येयमेव हि ॥ प्रणवेश्वरमाहात्म्यं नास्तिकानां विशेषतः

kalau kaluṣacittānāṁ puro nākhyeyameva hi || praṇaveśvaramāhātmyaṁ nāstikānāṁ viśeṣataḥ

कलियुग में मलिन चित्त वालों के सामने, विशेषकर नास्तिकों के सामने, प्रणवेश्वर की यह महिमा कभी नहीं बतानी चाहिए।

श्लोक 120 (skanda.4.74.120)

ये निंदंति महादेवं क्षेत्रं निंदंति येऽधियः ॥ पुराणं ये च निंदंति ते संभाष्या न कुत्रचित्

ye niṁdaṁti mahādevaṁ kṣetraṁ niṁdaṁti ye'dhiyaḥ || purāṇaṁ ye ca niṁdaṁti te saṁbhāṣyā na kutracit

जो महादेव की निंदा करते हैं, जो मूर्ख इस क्षेत्र की निंदा करते हैं, जो पुराण की निंदा करते हैं, उनसे कहीं भी बात नहीं करनी चाहिए।

श्लोक 121 (skanda.4.74.121)

ओंकारसदृशं लिंगं न क्वचिज्जगतीतले ॥ इति गौर्यै समाख्यातं देवदेवेन निश्चितम्

oṁkārasadṛśaṁ liṁgaṁ na kvacijjagatītale || iti gauryai samākhyātaṁ devadevena niścitam

पृथ्वी पर कहीं भी ओंकार के समान लिंग नहीं है - यह देवदेव द्वारा गौरी को निश्चित रूप से बताया गया।

श्लोक 122 (skanda.4.74.122)

इममध्यायमाकर्ण्य नरस्तद्गतमानसः ॥ विमुक्तः सर्वपापेभ्यः शिवलोकमवाप्नुयात्

imamadhyāyamākarṇya narastadgatamānasaḥ || vimuktaḥ sarvapāpebhyaḥ śivalokamavāpnuyāt

इस अध्याय को सुनकर, उसमें मन लगाने वाला मनुष्य, सभी पापों से मुक्त होकर शिवलोक को प्राप्त करता है।