धर्मेश्वराख्यान

श्लोक 1 (skanda.4.81.1)

।। अगस्त्य उवाच ।। ।। धर्मतीर्थस्य माहात्म्यं कीदृग्देवेन शंभुना ।। स्कंद देव्यै समाख्यातं तदाख्याहि कृपां कुरु

|| agastya uvāca || || dharmatīrthasya māhātmyaṁ kīdṛgdevena śaṁbhunā || skaṁda devyai samākhyātaṁ tadākhyāhi kṛpāṁ kuru

अगस्त्य ने कहा — धर्मतीर्थ की महिमा, जैसी देव शम्भु ने स्कन्द देवी को बताई थी, वह कैसी है? हे स्कन्द, वह बताइए, कृपा कीजिए।

श्लोक 2 (skanda.4.81.2)

।। स्कंद उवाच ।। ।। विंध्योन्नतिहृदाख्यामि धर्मतीर्थसमुद्भवम् ।। आकर्णय महाप्राज्ञ यथा देवेन भाषितम्

|| skaṁda uvāca || || viṁdhyonnatihṛdākhyāmi dharmatīrthasamudbhavam || ākarṇaya mahāprājña yathā devena bhāṣitam

स्कन्द ने कहा — हे विन्ध्य का उन्नत हृदय दबाने वाले, मैं धर्मतीर्थ की उत्पत्ति बताता हूँ; सुनो, हे महाप्राज्ञ, जैसा देव ने कहा था।

श्लोक 3 (skanda.4.81.3)

वृत्रं निहत्य वृत्रारिर्ब्रह्महत्यामवाप्तवान् ।। अनुतप्तोथ पप्रच्छ प्रायश्चित्तं पुरोहितम्

vṛtraṁ nihatya vṛtrārirbrahmahatyāmavāptavān || anutaptotha papraccha prāyaścittaṁ purohitam

वृत्र को मारकर वृत्रारि (इन्द्र) को ब्रह्महत्या का पाप लगा; पश्चाताप करते हुए उन्होंने पुरोहित से प्रायश्चित्त पूछा।

श्लोक 4 (skanda.4.81.4)

।। बृहस्पतिरुवाच ।। ।। यदि त्वं देवराजेमां ब्रह्महत्यां सुदुस्त्यजाम् ।। अपानुनुत्सुस्तद्याहि काशीं विश्वेशपालिताम्

|| bṛhaspatiruvāca || || yadi tvaṁ devarājemāṁ brahmahatyāṁ sudustyajām || apānunutsustadyāhi kāśīṁ viśveśapālitām

बृहस्पति ने कहा — "हे देवराज, यदि तुम इस अत्यन्त दुस्त्याज्य ब्रह्महत्या को दूर करना चाहते हो, तो विश्वेश-पालित काशी जाओ।"

श्लोक 5 (skanda.4.81.5)

नान्यत्किंचित्क्वचिद्दृष्टं ब्रह्महत्यामहौषधम् ।। राजधानीं परित्यज्य शक्र विश्वेशितुः पराम्

nānyatkiṁcitkvaciddṛṣṭaṁ brahmahatyāmahauṣadham || rājadhānīṁ parityajya śakra viśveśituḥ parām

"ब्रह्महत्या के लिए अन्य कोई औषध कहीं भी नहीं देखी गई, हे शक्र, राजधानी छोड़कर विश्वेश की उस परम नगरी में जाने के अतिरिक्त।"

श्लोक 6 (skanda.4.81.6)

भैरवस्यापिहस्ताग्रादपतद्वैधसं शिरः ।। यत्रानंदवने तत्र वृत्रशत्रो व्रज द्रुतम्

bhairavasyāpihastāgrādapatadvaidhasaṁ śiraḥ || yatrānaṁdavane tatra vṛtraśatro vraja drutam

"वहाँ, आनन्दवन में, भैरव के हाथ के अग्रभाग से भी ब्रह्मा का सिर गिर गया था; हे वृत्रशत्रु, वहीं शीघ्र जाओ।"

श्लोक 7 (skanda.4.81.7)

सीमानमपि संप्राप्य शक्रानंदवनस्य हि ।। ब्रह्महत्या पलायेत वेपमाना निराश्रया

sīmānamapi saṁprāpya śakrānaṁdavanasya hi || brahmahatyā palāyeta vepamānā nirāśrayā

"आनन्दवन की सीमा को भी पाकर, हे शक्र, ब्रह्महत्या काँपती हुई, बिना आश्रय के भाग जाती है।"

श्लोक 8 (skanda.4.81.8)

अन्येषामपि पापानां महापापजुषामपि ।। नाशयित्री परा काशी विश्वेश समधिष्ठिता

anyeṣāmapi pāpānāṁ mahāpāpajuṣāmapi || nāśayitrī parā kāśī viśveśa samadhiṣṭhitā

"अन्य पापों का भी, महापापों में लिप्त लोगों का भी नाश करने वाली परम काशी विश्वेश से अधिष्ठित है।"

श्लोक 9 (skanda.4.81.9)

महापातकतो मुक्तिः काश्यामे व शतक्रतो ।। महासंसारतो मुक्तिः काश्यामेव न चान्यतः

mahāpātakato muktiḥ kāśyāme va śatakrato || mahāsaṁsārato muktiḥ kāśyāmeva na cānyataḥ

"महापातकों से मुक्ति काशी में ही है, हे शतक्रतु; महासंसार से मुक्ति भी काशी में ही है, अन्यत्र नहीं।"

श्लोक 10 (skanda.4.81.10)

निर्वाणनगरी काशी काशी सर्वाघसंघहृत् ।। विश्वेशितुः प्रिया काशी द्यौः काशी सदृशी नहि ।।

nirvāṇanagarī kāśī kāśī sarvāghasaṁghahṛt || viśveśituḥ priyā kāśī dyauḥ kāśī sadṛśī nahi ||

"काशी निर्वाण की नगरी है, काशी सब पापों के समूह को हरने वाली है; काशी विश्वेश को प्रिय है; स्वर्ग भी काशी के समान नहीं है।"

श्लोक 11 (skanda.4.81.11)

ब्रह्महत्याभयं यस्य यस्य संसारतो भयम्।। जातुचित्तेन न त्याज्या काशिका मुक्तिकाशिका

brahmahatyābhayaṁ yasya yasya saṁsārato bhayam|| jātucittena na tyājyā kāśikā muktikāśikā

"जिसे ब्रह्महत्या का भय हो, जिसे संसार का भय हो, उसे कभी भी मन से मुक्ति देने वाली काशिका को नहीं त्यागना चाहिए।"

श्लोक 12 (skanda.4.81.12)

जंतूनां कर्मबीजानां यत्र देहविसर्जने ।। न जातुचित्प्ररोहोस्ति हरदृष्ट्याप्तशुष्मणाम्

jaṁtūnāṁ karmabījānāṁ yatra dehavisarjane || na jātucitprarohosti haradṛṣṭyāptaśuṣmaṇām

"जहाँ शरीर त्यागने पर, हर की दृष्टि से प्राप्त शक्ति वाले प्राणियों के कर्म-बीजों का पुनः अंकुरण कभी नहीं होता।"

श्लोक 13 (skanda.4.81.13)

तां काशीं प्राप्य वृत्रारे वृत्रहत्यापनुत्तये ।। समाराधय विश्वेशं विश्वमुक्तिप्रदायकम्

tāṁ kāśīṁ prāpya vṛtrāre vṛtrahatyāpanuttaye || samārādhaya viśveśaṁ viśvamuktipradāyakam

"उस काशी को पाकर, हे वृत्रारे, वृत्र-हत्या को दूर करने के लिए, विश्वमुक्ति देने वाले विश्वेश की आराधना करो।"

श्लोक 14 (skanda.4.81.14)

बृहस्पतेरिति वचो निशम्य स सहस्रदृक् ।। आयाद्द्रुततरं काशीं महापातकघातुकाम्

bṛhaspateriti vaco niśamya sa sahasradṛk || āyāddrutataraṁ kāśīṁ mahāpātakaghātukām

बृहस्पति के इस वचन को सुनकर वह सहस्रनेत्र (इन्द्र) अत्यन्त शीघ्रता से महापातकों को नष्ट करने वाली काशी को आए।

श्लोक 15 (skanda.4.81.15)

स्नात्वोत्तरवहायां च धर्मेशं परितः स्थितः ।। आराधयन्महादेवं ब्रह्मद्वत्याप नुत्तये

snātvottaravahāyāṁ ca dharmeśaṁ paritaḥ sthitaḥ || ārādhayanmahādevaṁ brahmadvatyāpa nuttaye

उत्तरवाहिनी गंगा में स्नान करके, धर्मेश के समीप स्थित होकर, ब्रह्महत्या दूर करने के लिए महादेव की आराधना करते हुए —

श्लोक 16 (skanda.4.81.16)

महारुद्रजपासक्तः सुत्रामाथ त्रिलोचनम् ।। ददर्श लिंगमध्यस्थं स्वभासा दीपितांबरम्

mahārudrajapāsaktaḥ sutrāmātha trilocanam || dadarśa liṁgamadhyasthaṁ svabhāsā dīpitāṁbaram

महारुद्र-जप में लीन सुत्रामा (इन्द्र) ने लिंग के मध्य में स्थित त्रिलोचन को देखा, जो अपने ही तेज से आकाश को प्रकाशित कर रहे थे।

श्लोक 17 (skanda.4.81.17)

पुनस्तुष्टाव वेदोक्तै रुद्रसूक्तैरनेकधा ।। विनिष्क्रम्य ततो लिंगादाविर्भूय भवोवदत्

punastuṣṭāva vedoktai rudrasūktairanekadhā || viniṣkramya tato liṁgādāvirbhūya bhavovadat

फिर उन्होंने वेदोक्त रुद्र-सूक्तों से अनेक प्रकार से स्तुति की; तब लिंग से निकलकर, प्रकट होकर भव ने कहा —

श्लोक 18 (skanda.4.81.18)

शचीपते प्रसन्नोस्मि वरं वरय सुव्रत ।। किं देयं द्रुतमाख्याहि धर्मपीठकृतास्पद

śacīpate prasannosmi varaṁ varaya suvrata || kiṁ deyaṁ drutamākhyāhi dharmapīṭhakṛtāspada

"हे शचीपति, मैं प्रसन्न हूँ, वर माँगो, हे सुव्रत। क्या देना चाहिए, शीघ्र बताओ, हे धर्मपीठ में शरण लेने वाले।"

श्लोक 19 (skanda.4.81.19)

श्रुत्वेति देवदेवस्य स प्रेमवचनं हरिः ।। सर्वज्ञ किंतेऽविदितं तमुवाचेति वृत्रहा

śrutveti devadevasya sa premavacanaṁ hariḥ || sarvajña kiṁte'viditaṁ tamuvāceti vṛtrahā

देवदेव के इस प्रेम-भरे वचन को सुनकर हरि, वह वृत्रहा, बोले — "हे सर्वज्ञ, आपसे क्या अज्ञात है?"

श्लोक 20 (skanda.4.81.20)

ततस्तत्कृपयानुन्नो धर्मपीठनिषेवणात् ।। निष्पाद्य तीर्थं तत्रेशोऽत्र स्नाहींद्रेति चाब्रवीत्

tatastatkṛpayānunno dharmapīṭhaniṣevaṇāt || niṣpādya tīrthaṁ tatreśo'tra snāhīṁdreti cābravīt

तब उनकी कृपा से, धर्मपीठ की सेवा से प्रसन्न होकर, ईश ने वहाँ एक तीर्थ प्रकट किया और कहा — "हे इन्द्र, यहाँ स्नान करो।"

श्लोक 21 (skanda.4.81.21)

तत्रेंद्रः स्नानमात्रेण दिव्यगंधोऽभवत्क्षणात् ।। अवाप च रुचिं चारुं प्राक्तनीं शातयाज्ञिकीम्

tatreṁdraḥ snānamātreṇa divyagaṁdho'bhavatkṣaṇāt || avāpa ca ruciṁ cāruṁ prāktanīṁ śātayājñikīm

वहाँ इन्द्र स्नान मात्र से क्षणभर में दिव्य सुगन्ध वाले हो गए, और अपनी पूर्व की, सौ यज्ञों की सुन्दर कान्ति को पुनः प्राप्त कर लिया।

श्लोक 22 (skanda.4.81.22)

तदाश्चर्यमथो दृष्ट्वा मुनयो नारदादयः ।। परिसस्नुर्मुदायुक्ता धर्मतीर्थेऽघहारिणि

tadāścaryamatho dṛṣṭvā munayo nāradādayaḥ || parisasnurmudāyuktā dharmatīrthe'ghahāriṇi

उस आश्चर्य को देखकर नारद आदि मुनि हर्षित होकर पाप हरने वाले धर्मतीर्थ में चारों ओर स्नान करने लगे।

श्लोक 23 (skanda.4.81.23)

अतर्पयन्पितॄन्दिव्यान्व्यधुः श्राद्धानि श्रद्धया ।। धर्मेशं स्नापयामासुस्तत्तीर्थाम्बुभृतैर्घटैः

atarpayanpitṝndivyānvyadhuḥ śrāddhāni śraddhayā || dharmeśaṁ snāpayāmāsustattīrthāmbubhṛtairghaṭaiḥ

उन्होंने दिव्य पितरों को तर्पण किया, श्रद्धापूर्वक श्राद्ध किए, और उस तीर्थ के जल से भरे घड़ों से धर्मेश को स्नान कराया।

श्लोक 24 (skanda.4.81.24)

तदा प्रभृति तत्तीर्थं धर्मांधुरिति विश्रुतम् ।। ब्रह्महत्यादि पापानामक्लेशं क्षालनं परम्

tadā prabhṛti tattīrthaṁ dharmāṁdhuriti viśrutam || brahmahatyādi pāpānāmakleśaṁ kṣālanaṁ param

तब से वह तीर्थ "धर्मान्धु" (धर्म-कूप) के नाम से प्रसिद्ध हुआ, जो ब्रह्महत्या आदि पापों का सहज, परम प्रक्षालन करने वाला है।

श्लोक 25 (skanda.4.81.25)

यत्फलं तीर्थराजस्य स्नानेन परिकीर्त्यते ।। सहस्रगुणितं तत्स्याद्धर्मांधु स्नानमात्रतः

yatphalaṁ tīrtharājasya snānena parikīrtyate || sahasraguṇitaṁ tatsyāddharmāṁdhu snānamātrataḥ

तीर्थराज (प्रयाग) में स्नान से जो फल कहा गया है, वह फल सहस्रगुणित होकर धर्मान्धु में केवल स्नान मात्र से मिल जाता है।

श्लोक 26 (skanda.4.81.26)

गंगाद्वारे कुरुक्षेत्रे गंगासागरसंगमे ।। यत्फलं लभते मर्त्यो धर्मतीर्थे तदाप्नुयात्

gaṁgādvāre kurukṣetre gaṁgāsāgarasaṁgame || yatphalaṁ labhate martyo dharmatīrthe tadāpnuyāt

गंगाद्वार, कुरुक्षेत्र, गंगा-सागर संगम में जो फल मनुष्य प्राप्त करता है, वही फल धर्मतीर्थ में प्राप्त हो जाता है।

श्लोक 27 (skanda.4.81.27)

नर्मदायां सरस्वत्यां गौतम्यां सिंहगे गुरौ ।। स्नात्वा यत्फलमाप्येत धर्मकूपे तदाप्नुयात्

narmadāyāṁ sarasvatyāṁ gautamyāṁ siṁhage gurau || snātvā yatphalamāpyeta dharmakūpe tadāpnuyāt

नर्मदा, सरस्वती, गौतमी में, या गुरु के सिंह-राशि में होने पर स्नान से जो फल मिलता है, वह धर्मकूप में मिल जाता है।

श्लोक 28 (skanda.4.81.28)

मानसे पुष्करे चैव द्वारिके सागरे तथा ।। तीर्थे स्नात्वा फलं यत्स्यात्तत्स्याद्धर्मजलाशये

mānase puṣkare caiva dvārike sāgare tathā || tīrthe snātvā phalaṁ yatsyāttatsyāddharmajalāśaye

मानसरोवर, पुष्कर, द्वारका और सागर-तीर्थ में स्नान से जो फल मिलता है, वह धर्म-जलाशय में मिल जाता है।

श्लोक 29 (skanda.4.81.29)

कार्तिक्यां सूकरक्षेत्रे चैत्र्यां गौरीमहाह्रदे ।। शंखोद्धारे हरिदिने यत्फलं तत्फलं त्विह

kārtikyāṁ sūkarakṣetre caitryāṁ gaurīmahāhrade || śaṁkhoddhāre haridine yatphalaṁ tatphalaṁ tviha

कार्तिकी पूर्णिमा को सूकर-क्षेत्र में, चैत्री पूर्णिमा को गौरी के महाह्रद में, शंखोद्धार में, हरि के दिन जो फल मिलता है, वही फल यहाँ मिलता है।

श्लोक 30 (skanda.4.81.30)

तीर्थद्वयं प्रतीक्षंते सिस्नासून्पितरो नरान् ।। गंगायां धर्मकूपे च पिंडनिर्वपणाशया

tīrthadvayaṁ pratīkṣaṁte sisnāsūnpitaro narān || gaṁgāyāṁ dharmakūpe ca piṁḍanirvapaṇāśayā

दो तीर्थ पिण्ड-अर्पण की आशा से स्नान करने की इच्छा रखने वाले मनुष्यों की प्रतीक्षा करते हैं — गंगा और धर्मकूप।

श्लोक 31 (skanda.4.81.31)

पितामहसमीपे वा धर्मेशस्याग्रतोथ वा ।। फल्गौ च धर्मकूपे च माद्यंति प्रपितामहाः

pitāmahasamīpe vā dharmeśasyāgratotha vā || phalgau ca dharmakūpe ca mādyaṁti prapitāmahāḥ

पितामह के समीप, या धर्मेश के समक्ष, फल्गु में, या धर्मकूप में — सभी जगह प्रपितामह समान रूप से प्रसन्न होते हैं।

श्लोक 32 (skanda.4.81.32)

धर्मकूपे नरः स्नात्वा परितर्प्य पितामहान् ।। गयां गत्वा किमधिकं कर्ता पितृमुदावहम्

dharmakūpe naraḥ snātvā paritarpya pitāmahān || gayāṁ gatvā kimadhikaṁ kartā pitṛmudāvaham

धर्मकूप में स्नान करके पितामहों को तृप्त करने वाला मनुष्य गया जाकर और क्या अधिक करेगा जो पितरों को अधिक हर्ष दे?

श्लोक 33 (skanda.4.81.33)

यथा गयायां तृप्ताः स्युः पिंडदाने पितामहाः ।। धर्मतीर्थे तथैव स्युर्न न्यूनं नैव चाधिकम्

yathā gayāyāṁ tṛptāḥ syuḥ piṁḍadāne pitāmahāḥ || dharmatīrthe tathaiva syurna nyūnaṁ naiva cādhikam

जैसे गया में पिंडदान से पितामह तृप्त होते हैं, वैसे ही धर्मतीर्थ में भी होते हैं — न कम, न अधिक।

श्लोक 34 (skanda.4.81.34)

ते धन्याः पितृभक्तास्ते प्रीणितास्तैः पितामहाः।। पैत्रादृणाद्धर्मतीर्थे निष्कृतिर्यैः कृता सुतैः ।।

te dhanyāḥ pitṛbhaktāste prīṇitāstaiḥ pitāmahāḥ|| paitrādṛṇāddharmatīrthe niṣkṛtiryaiḥ kṛtā sutaiḥ ||

वे पितृभक्त पुत्र धन्य हैं, जिनसे पितामह प्रसन्न हुए हैं, जिन्होंने धर्मतीर्थ में पितृ-ऋण से मुक्ति पा ली है।

श्लोक 35 (skanda.4.81.35)

तत्तीर्थस्य प्रभावेण निष्पापोभूत्क्षणेन च ।। प्रणम्य देवदेवेशमिंद्रोऽगादमरावतीम्

tattīrthasya prabhāveṇa niṣpāpobhūtkṣaṇena ca || praṇamya devadeveśamiṁdro'gādamarāvatīm

उस तीर्थ के प्रभाव से क्षणभर में निष्पाप होकर, देवदेवेश को प्रणाम करके इन्द्र अमरावती को गए।

श्लोक 36 (skanda.4.81.36)

अपारो महिमा तस्य धर्मतीर्थस्य कुंभज ।। तत्कूपे स्वं निरीक्ष्यापि श्राद्धदानफलं लभेत्

apāro mahimā tasya dharmatīrthasya kuṁbhaja || tatkūpe svaṁ nirīkṣyāpi śrāddhadānaphalaṁ labhet

उस धर्मतीर्थ की महिमा अपार है, हे कुम्भज; उस कूप में अपना प्रतिबिम्ब देखने मात्र से भी श्राद्ध-दान का फल मिल जाता है।

श्लोक 37 (skanda.4.81.37)

तत्रापि काकिणी मात्रं यच्छेत्पितृमुदे नरः ।। अक्षयं फलमाप्नोति धर्मपीठप्रभावतः

tatrāpi kākiṇī mātraṁ yacchetpitṛmude naraḥ || akṣayaṁ phalamāpnoti dharmapīṭhaprabhāvataḥ

वहाँ भी जो मनुष्य पितरों की प्रसन्नता के लिए केवल एक काकिणी (छोटा सिक्का) भी देता है, वह धर्मपीठ के प्रभाव से अक्षय फल पाता है।

श्लोक 38 (skanda.4.81.38)

तत्र यो भोजयेद्विप्रान्यतिनोथ तपस्विनः ।। सिक्थे सिक्थे लभेत्सोथ वाजपेयफलं स्फुटम्

tatra yo bhojayedviprānyatinotha tapasvinaḥ || sikthe sikthe labhetsotha vājapeyaphalaṁ sphuṭam

वहाँ जो ब्राह्मणों, यतियों या तपस्वियों को भोजन कराता है, वह एक-एक निवाले पर वाजपेय-यज्ञ का स्पष्ट फल पाता है।

श्लोक 39 (skanda.4.81.39)

प्राप्यामरावतीं शक्रस्ततो दिविषदां पुरः ।। धर्मपीठस्य माहात्म्यं महत्काश्यामवर्णयत्

prāpyāmarāvatīṁ śakrastato diviṣadāṁ puraḥ || dharmapīṭhasya māhātmyaṁ mahatkāśyāmavarṇayat

अमरावती पहुँचकर शक्र ने देवताओं के समक्ष काशी में धर्मपीठ की महान महिमा का वर्णन किया।

श्लोक 40 (skanda.4.81.40)

आगत्य पुनरप्यत्र शंभोरानंदकानने ।। मुनिवृंदारकैः सार्धं लिंगमस्थापयद्धरिः

āgatya punarapyatra śaṁbhorānaṁdakānane || munivṛṁdārakaiḥ sārdhaṁ liṁgamasthāpayaddhariḥ

फिर यहाँ शम्भु के आनन्दकानन में पुनः आकर, महान मुनियों सहित, हरि (इन्द्र) ने एक लिंग स्थापित किया।

श्लोक 41 (skanda.4.81.41)

तारकेशात्पश्चिमत इंद्रेश्वरमितीरितम् ।। तस्य संदर्शनात्पुंसामैंद्रलोको न दूरतः

tārakeśātpaścimata iṁdreśvaramitīritam || tasya saṁdarśanātpuṁsāmaiṁdraloko na dūrataḥ

तारकेश से पश्चिम में वह "इन्द्रेश्वर" कहलाया; उसके दर्शन से मनुष्यों के लिए इन्द्रलोक दूर नहीं है।

श्लोक 42 (skanda.4.81.42)

तद्दक्षिणे शचीशश्च स्वयं शच्या प्रतिष्ठितः ।। शचीशार्चनतः स्त्रीणां सौभाग्यमतुलं भवेत्

taddakṣiṇe śacīśaśca svayaṁ śacyā pratiṣṭhitaḥ || śacīśārcanataḥ strīṇāṁ saubhāgyamatulaṁ bhavet

उसके दक्षिण में शचीश स्वयं शची द्वारा प्रतिष्ठित है; शचीश की पूजा से स्त्रियों को अतुल सौभाग्य मिलता है।

श्लोक 43 (skanda.4.81.43)

तत्समीपेस्ति रंभेशो बहुसौख्यसमृद्धिदः ।। इंद्रेश्वरस्य परितो लोकपालेश्वरो परः

tatsamīpesti raṁbheśo bahusaukhyasamṛddhidaḥ || iṁdreśvarasya parito lokapāleśvaro paraḥ

उसके समीप रम्भेश हैं, जो अनेक सुख-समृद्धि देने वाले हैं; इन्द्रेश्वर के चारों ओर अन्य लोकपालों के ईश्वर भी हैं।

श्लोक 44 (skanda.4.81.44)

तदर्चनात्प्रसीदंति लोकपालाः समृद्धिदाः ।। धर्मेशात्पश्चिमाशायां धरणीशः प्रकीर्तितः ।। तद्दर्शनेन धैर्यं स्याद्राज्ये राजकुलादिषु

tadarcanātprasīdaṁti lokapālāḥ samṛddhidāḥ || dharmeśātpaścimāśāyāṁ dharaṇīśaḥ prakīrtitaḥ || taddarśanena dhairyaṁ syādrājye rājakulādiṣu

उनकी पूजा से समृद्धि देने वाले लोकपाल प्रसन्न होते हैं; धर्मेश से पश्चिम दिशा में धरणीश प्रसिद्ध है; उसके दर्शन से राज्य और राजवंश में धैर्य मिलता है।

श्लोक 45 (skanda.4.81.45)

धर्मेशाद्दक्षिणे पूज्यं तत्त्वेशाख्यं परं नरैः ।। तत्त्वज्ञानं प्रवर्तेत तल्लिंगस्य समर्चनात्

dharmeśāddakṣiṇe pūjyaṁ tattveśākhyaṁ paraṁ naraiḥ || tattvajñānaṁ pravarteta talliṁgasya samarcanāt

धर्मेश से दक्षिण में मनुष्यों द्वारा पूज्य "तत्त्वेश" नामक परम लिंग है; उस लिंग की पूजा से तत्त्वज्ञान प्रकट होता है।

श्लोक 46 (skanda.4.81.46)

धर्मेशात्पूर्वदिग्भागे वैराग्येशं समर्चयेत् ।। निवृत्तिश्चेतसस्तस्य लिंगस्य स्पर्शनादपि

dharmeśātpūrvadigbhāge vairāgyeśaṁ samarcayet || nivṛttiścetasastasya liṁgasya sparśanādapi

धर्मेश से पूर्व दिशा में वैराग्येश की पूजा करनी चाहिए; उस लिंग के स्पर्श मात्र से भी मन का वैराग्य होता है।

श्लोक 47 (skanda.4.81.47)

ज्ञानेश्वरं तथैशान्यां ज्ञानदं सर्वदेहिनाम् ।। ऐश्वर्येशमुदीच्यां च लिंगाद्धर्मेश्वराच्छुभात्

jñāneśvaraṁ tathaiśānyāṁ jñānadaṁ sarvadehinām || aiśvaryeśamudīcyāṁ ca liṁgāddharmeśvarācchubhāt

वैसे ही ईशान कोण में ज्ञानेश्वर हैं, जो सब प्राणियों को ज्ञान देते हैं; और शुभ धर्मेश्वर लिंग से उत्तर में ऐश्वर्येश हैं।

श्लोक 48 (skanda.4.81.48)

तद्दर्शनाद्भवेन्नृणामैश्वर्यं मनसेप्सितम् ।। पंचवक्त्रस्य रूपाणि लिंगान्येतानि कुंभज

taddarśanādbhavennṛṇāmaiśvaryaṁ manasepsitam || paṁcavaktrasya rūpāṇi liṁgānyetāni kuṁbhaja

उनके दर्शन से मनुष्यों को अपने मन-वांछित ऐश्वर्य की प्राप्ति होती है। ये लिंग, हे कुम्भज, पंचमुख शिव के ही रूप हैं।

श्लोक 49 (skanda.4.81.49)

एतान्यवश्यं संसेव्य नरः प्राप्नोति शाश्वतम् ।। अन्यत्तत्रैव यद्वृत्तं तदाख्यामि मुने शृणु

etānyavaśyaṁ saṁsevya naraḥ prāpnoti śāśvatam || anyattatraiva yadvṛttaṁ tadākhyāmi mune śṛṇu

इनकी अवश्य सेवा करके मनुष्य शाश्वत पद को प्राप्त करता है। वहीं और जो घटना हुई, वह भी बताता हूँ, हे मुने, सुनो —

श्लोक 50 (skanda.4.81.50)

यच्छ्रुत्वापि नरो घोरे संसाराब्धौ न मज्जति ।। कदंबशिखरो नाम विंध्यपादो महानिह

yacchrutvāpi naro ghore saṁsārābdhau na majjati || kadaṁbaśikharo nāma viṁdhyapādo mahāniha

जिसे सुनकर भी मनुष्य भयंकर संसार-सागर में नहीं डूबता। यहाँ विन्ध्य की महान तलहटी में "कदम्बशिखर" नामक स्थान है।

श्लोक 51 (skanda.4.81.51)

दमस्य पुत्रस्तत्रासीद्दुर्दमो नाम पार्थिवः ।। पितर्युपरते राज्यं संप्राप्याविजितेंद्रियः

damasya putrastatrāsīddurdamo nāma pārthivaḥ || pitaryuparate rājyaṁ saṁprāpyāvijiteṁdriyaḥ

वहाँ दम का पुत्र दुर्दम नामक राजा था; पिता के देहावसान पर राज्य पाकर, इन्द्रियों को न जीत पाने के कारण —

श्लोक 52 (skanda.4.81.52)

हरेत्पुरंध्रीः प्रसभं पौराणां काममोहितः ।। असाधवः प्रियास्तस्य साधवोऽप्रियतां ययुः

haretpuraṁdhrīḥ prasabhaṁ paurāṇāṁ kāmamohitaḥ || asādhavaḥ priyāstasya sādhavo'priyatāṁ yayuḥ

वह कामवश नगर की स्त्रियों को बलपूर्वक हर लेता था; दुष्ट उसे प्रिय थे, और सज्जन उसे अप्रिय हो गए थे।

श्लोक 53 (skanda.4.81.53)

अदंड्यान्दंडयांचक्रे दंड्येष्वासीत्पराङमुखः ।। सदैव मृगयाशीलः सोऽभून्मृगयु संगतः ।।

adaṁḍyāndaṁḍayāṁcakre daṁḍyeṣvāsītparāṅamukhaḥ || sadaiva mṛgayāśīlaḥ so'bhūnmṛgayu saṁgataḥ ||

उसने अदंडनीयों को दंड दिया और दंडनीयों से मुँह मोड़ लिया; वह सदा शिकार में रत रहता था, और शिकारियों की संगति में रहता था।

श्लोक 54 (skanda.4.81.54)

विवासिताः स्वविषयात्तेन सन्मतिदायिनः ।। धर्माधिकारिणः शूद्रा ब्राह्मणाः करदीकृताः

vivāsitāḥ svaviṣayāttena sanmatidāyinaḥ || dharmādhikāriṇaḥ śūdrā brāhmaṇāḥ karadīkṛtāḥ

सन्मति देने वाले लोगों को उसने अपने राज्य से निर्वासित कर दिया; धर्म-अधिकारी पदों पर शूद्रों को बिठाया, और ब्राह्मणों को कर देने वाला बना दिया।

श्लोक 55 (skanda.4.81.55)

परदारेषुसंतुष्टः स्वदारेषु पराङ्मुखः ।। आनर्च जातुचिन्नैव देवौ दुःखांतकारिणौ

paradāreṣusaṁtuṣṭaḥ svadāreṣu parāṅmukhaḥ || ānarca jātucinnaiva devau duḥkhāṁtakāriṇau

वह परायी स्त्रियों में सन्तुष्ट रहता, अपनी पत्नियों से विमुख रहता; उसने कभी भी दुःखान्तकारी उन दोनों देवों की पूजा नहीं की —

श्लोक 56 (skanda.4.81.56)

हारिणौ सर्वपापानां सर्ववांछितदायिनौ ।। सर्वेषां जगतीसारौ श्रीकंठश्रीपतीपती

hāriṇau sarvapāpānāṁ sarvavāṁchitadāyinau || sarveṣāṁ jagatīsārau śrīkaṁṭhaśrīpatīpatī

— जो सब पापों को हरने वाले, सब वांछनाओं को देने वाले, सबके लिए जगत् के सार, श्रीकण्ठ और श्रीपति के पति हैं।

श्लोक 57 (skanda.4.81.57)

स्वप्रजास्वेक उदितो धूमकेतुरिवापरः ।। दुर्दमो नाम भूपालः क्षयाया कांड एव हि

svaprajāsveka udito dhūmaketurivāparaḥ || durdamo nāma bhūpālaḥ kṣayāyā kāṁḍa eva hi

अपनी प्रजा में वह अकेला मानो दूसरा धूमकेतु बनकर उदित हुआ, दुर्दम नामक राजा, विनाश का बाण ही।

श्लोक 58 (skanda.4.81.58)

स कदाचिन्मृगयुभिः पापर्धि व्यसनातुरः ।। सार्धं विवेशारण्यानि गृष्टिपृष्ठानुगो हयी ।।

sa kadācinmṛgayubhiḥ pāpardhi vyasanāturaḥ || sārdhaṁ viveśāraṇyāni gṛṣṭipṛṣṭhānugo hayī ||

एक बार वह पापपूर्ण व्यसन से पीड़ित होकर शिकारियों सहित, घोड़े पर सवार होकर, एक हिरणी के पीछे वन में गया।

श्लोक 59 (skanda.4.81.59)

एकाकी दैवयोगेन दुर्दमः सोऽवनीपतिः । धन्वी तुरंगमारुढोऽविशदानंदकाननम्

ekākī daivayogena durdamaḥ so'vanīpatiḥ | dhanvī turaṁgamāruḍho'viśadānaṁdakānanam

दैवयोगवश अकेला हुआ वह राजा दुर्दम, धनुष लिए घोड़े पर सवार होकर आनन्दकानन में प्रविष्ट हो गया।

श्लोक 60 (skanda.4.81.60)

स विलोक्याथ सर्वत्र पादपा नवकेशिनः ।। सुच्छायांश्च सुविस्तारान्गतश्रम इवाभवत्

sa vilokyātha sarvatra pādapā navakeśinaḥ || succhāyāṁśca suvistārāngataśrama ivābhavat

वहाँ चारों ओर नवीन पत्तों वाले, सुन्दर छाया और विशाल फैलाव वाले वृक्षों को देखकर वह मानो थकान-रहित हो गया।

श्लोक 61 (skanda.4.81.61)

सुगंधेन सुशीतेन सुमदेन सुवायुना ।। क्षणं संवीजितो राजा पल्लवव्यजनैः कुजैः

sugaṁdhena suśītena sumadena suvāyunā || kṣaṇaṁ saṁvījito rājā pallavavyajanaiḥ kujaiḥ

सुगन्धित, शीतल, मादक और सुखद वायु से, तथा वृक्षों के पल्लव-पंखों से, राजा क्षणभर के लिए झूलने लगा।

श्लोक 62 (skanda.4.81.62)

केवलं मृगया जातस्तत्खेदो न व्यपाव्रजत् ।। आजन्मजनितः खेदो निरगात्तद्वनेक्षणात्

kevalaṁ mṛgayā jātastatkhedo na vyapāvrajat || ājanmajanitaḥ khedo niragāttadvanekṣaṇāt

केवल शिकार की ही नहीं, बल्कि जन्म से उत्पन्न उसकी सारी थकान भी उस वन को देखते ही दूर हो गई।

श्लोक 63 (skanda.4.81.63)

मध्ये वनं स चापश्यत्प्रासादं चुंबितांबरम् ।। महारत्नशलाकानां रम्यमेकमिवाकरम्

madhye vanaṁ sa cāpaśyatprāsādaṁ cuṁbitāṁbaram || mahāratnaśalākānāṁ ramyamekamivākaram

वन के मध्य में उसने एक प्रासाद देखा, जो आकाश को चूमता था, मानो महान रत्न-स्तम्भों की एक रमणीय खान हो।

श्लोक 64 (skanda.4.81.64)

अथावरुह्य तुरगात्स भूपालोतिविस्मितः ।। धर्मेशमंडपं प्राप्य स्वात्मानं प्रशशंस ह

athāvaruhya turagātsa bhūpālotivismitaḥ || dharmeśamaṁḍapaṁ prāpya svātmānaṁ praśaśaṁsa ha

फिर घोड़े से उतरकर वह अत्यन्त विस्मित राजा धर्मेश-मण्डप में पहुँचकर स्वयं की सराहना करने लगा —

श्लोक 65 (skanda.4.81.65)

धन्योस्म्यहं प्रसन्नोस्मि धन्ये मेद्य विलोचने ।। धन्यमद्यतनं चाहर्यदपश्यमिमां भुवम्

dhanyosmyahaṁ prasannosmi dhanye medya vilocane || dhanyamadyatanaṁ cāharyadapaśyamimāṁ bhuvam

"मैं धन्य हूँ, मैं प्रसन्न हूँ; धन्य हैं आज मेरे ये नेत्र; धन्य है आज का यह दिन, जब मैंने इस भूमि को देखा।"

श्लोक 66 (skanda.4.81.66)

पुनर्निनिंद चात्मानं धर्मपीठ प्रभावतः ।। धिङ्मां दुर्जनसंसर्गं त्यक्तसज्जनसंगमम्

punarniniṁda cātmānaṁ dharmapīṭha prabhāvataḥ || dhiṅmāṁ durjanasaṁsargaṁ tyaktasajjanasaṁgamam

फिर धर्मपीठ के प्रभाव से उसने स्वयं की निन्दा भी की — "धिक्कार है मुझे, जो दुर्जनों की संगति करता है और सज्जनों की संगति त्याग चुका है,"

श्लोक 67 (skanda.4.81.67)

जंतूद्वेगकरं मूढं प्रजापीडनपंडितम् ।। परदारपरद्रव्यापहृत्यासुखमानिनम्

jaṁtūdvegakaraṁ mūḍhaṁ prajāpīḍanapaṁḍitam || paradāraparadravyāpahṛtyāsukhamāninam

"जो प्राणियों को त्रास देने वाला, मूर्ख, प्रजा को पीड़ा देने में निपुण है, परायी स्त्रियों और परायी सम्पत्ति हरने में सुख मानने वाला है।"

श्लोक 68 (skanda.4.81.68)

अद्ययावन्मम गतं वृथाजन्माल्पमेधस ।। धर्मस्थानानीदृशानि यद्दृष्टानि न कुत्रचित्

adyayāvanmama gataṁ vṛthājanmālpamedhasa || dharmasthānānīdṛśāni yaddṛṣṭāni na kutracit

"आज तक मेरा जीवन व्यर्थ ही बीता, हे अल्पबुद्धि; ऐसे धर्म-स्थान मैंने कहीं भी नहीं देखे थे।"

श्लोक 69 (skanda.4.81.69)

एवं बहु विनिंद्य स्वं नत्वा धर्मेश्वरं विभुम् ।। आरुह्याश्वं ययौ राजा दुर्दमो विषयं स्वकम्

evaṁ bahu viniṁdya svaṁ natvā dharmeśvaraṁ vibhum || āruhyāśvaṁ yayau rājā durdamo viṣayaṁ svakam

इस प्रकार स्वयं की बहुत निन्दा करके, विभु धर्मेश्वर को प्रणाम करके, राजा दुर्दम घोड़े पर चढ़कर अपने राज्य को गया।

श्लोक 70 (skanda.4.81.70)

ततोमात्यान्समाहूय क्रमायातांश्चिरंतनान् ।। नवीनान्परिनिर्वास्य पौरांश्चापि समाह्वयत्

tatomātyānsamāhūya kramāyātāṁściraṁtanān || navīnānparinirvāsya paurāṁścāpi samāhvayat

फिर अपने पुराने, क्रमानुसार आए हुए मंत्रियों को बुलाकर, नए लोगों को निर्वासित करके, नगरवासियों को भी बुलाया।

श्लोक 71 (skanda.4.81.71)

ब्राह्मणांश्चनमस्कृत्य तेभ्यो वृत्तीः प्रदाय च ।। पुत्रे राज्यं समारोप्य प्रजाधर्मे निवेश्य च

brāhmaṇāṁścanamaskṛtya tebhyo vṛttīḥ pradāya ca || putre rājyaṁ samāropya prajādharme niveśya ca

ब्राह्मणों को नमस्कार करके उन्हें आजीविका प्रदान करके, पुत्र को राज्य पर बिठाकर, उसे प्रजा-धर्म में स्थापित करके,

श्लोक 72 (skanda.4.81.72)

परिदंड्य च दंडार्हान्साधूंश्च परितोष्य च ।। दारानपि परित्यज्य विषयेषु पराङ्मुखः

paridaṁḍya ca daṁḍārhānsādhūṁśca paritoṣya ca || dārānapi parityajya viṣayeṣu parāṅmukhaḥ

दंड के योग्य लोगों को दंड देकर और साधुओं को सन्तुष्ट करके, अपनी पत्नियों को भी त्यागकर, विषयों से विमुख होकर —

श्लोक 73 (skanda.4.81.73)

समागच्छदथैकाकी काशीं श्रेयोविकासिनीम् ।। धर्मेश्वरं समाराध्य कालान्निर्वाणमाप्तवान्

samāgacchadathaikākī kāśīṁ śreyovikāsinīm || dharmeśvaraṁ samārādhya kālānnirvāṇamāptavān

वह अकेले ही कल्याण-प्रकाशिनी काशी में आया; और धर्मेश्वर की आराधना करके समय आने पर निर्वाण प्राप्त कर लिया।

श्लोक 74 (skanda.4.81.74)

धर्मेशदर्शनान्नित्यं तथाभूतः स दुर्दमः ।। बभूव दमिनां श्रेष्ठः प्रांते मोक्षं च लब्धवान्

dharmeśadarśanānnityaṁ tathābhūtaḥ sa durdamaḥ || babhūva damināṁ śreṣṭhaḥ prāṁte mokṣaṁ ca labdhavān

धर्मेश के नित्य दर्शन से वह दुर्दम इस प्रकार का हो गया कि संयमियों में श्रेष्ठ बन गया, और अन्ततः मोक्ष भी प्राप्त किया।

श्लोक 75 (skanda.4.81.75)

इत्थं धर्मेश माहात्म्यं मया स्वल्पं निरूपितम् ।। धर्मपीठस्य माहात्म्यं सम्यक्को वेद कुंभज

itthaṁ dharmeśa māhātmyaṁ mayā svalpaṁ nirūpitam || dharmapīṭhasya māhātmyaṁ samyakko veda kuṁbhaja

इस प्रकार धर्मेश की महिमा मैंने संक्षेप में बताई है; धर्मपीठ की महिमा को पूर्णतः कौन जान सकता है, हे कुम्भज?

श्लोक 76 (skanda.4.81.76)

इदं धर्मेश्वराख्यानं यः श्रोष्यति नरोत्तमः ।। आजन्मसंचितात्पापात्स मुक्तो भवति क्षणात्

idaṁ dharmeśvarākhyānaṁ yaḥ śroṣyati narottamaḥ || ājanmasaṁcitātpāpātsa mukto bhavati kṣaṇāt

जो श्रेष्ठ मनुष्य इस धर्मेश्वर-आख्यान को सुनेगा, वह जन्म से संचित पाप से क्षणभर में मुक्त हो जाएगा।

श्लोक 77 (skanda.4.81.77)

श्राद्धकाले विशेषेण धर्मेशाख्यानमुत्तमम्।। श्रावयेद्ब्राह्मणान्धीमान्पितॄणां तृप्तिकारणम्

śrāddhakāle viśeṣeṇa dharmeśākhyānamuttamam|| śrāvayedbrāhmaṇāndhīmānpitṝṇāṁ tṛptikāraṇam

श्राद्ध के समय विशेष रूप से इस उत्तम धर्मेश-आख्यान को बुद्धिमान व्यक्ति को ब्राह्मणों से सुनवाना चाहिए, जो पितरों की तृप्ति का कारण है।

श्लोक 78 (skanda.4.81.78)

धर्माख्यानमिदं शृण्वन्नपि दूरस्थितः सुधीः ।। सर्वपापर्विनिर्मुक्तो गंतांते शिवमंदिरम्

dharmākhyānamidaṁ śṛṇvannapi dūrasthitaḥ sudhīḥ || sarvapāparvinirmukto gaṁtāṁte śivamaṁdiram

इस धर्म-आख्यान को दूर बैठकर भी सुनने वाला बुद्धिमान व्यक्ति सब पापों से मुक्त होकर, अन्त में शिव-मंदिर को जाता है।