काशी खण्ड · अध्याय 83
वीरेश्वराविर्भाव
श्लोक 1 (skanda.4.83.1)
राज्ञ्युवाच ।। ।। अवधेहि धरानाथ कथयामि यथातथम् ।। व्रतस्यास्य विधानं च फलं चाभीष्टदेवताम्
rājñyuvāca || || avadhehi dharānātha kathayāmi yathātatham || vratasyāsya vidhānaṁ ca phalaṁ cābhīṣṭadevatām
रानी ने कहा — "सुनिए, हे धरानाथ, मैं यथावत् कहती हूँ — इस व्रत की विधि, फल और अभीष्ट देवता।"
श्लोक 2 (skanda.4.83.2)
पुरा पुरः श्रीदपत्न्याः श्रीमुख्या ब्रह्मसूनुना ।। नारदेन सुतार्थिन्या व्रतमेतदुदीरितम्
purā puraḥ śrīdapatnyāḥ śrīmukhyā brahmasūnunā || nāradena sutārthinyā vratametadudīritam
"पूर्वकाल में यही व्रत कुबेर की प्रमुख पत्नी श्रीमुखी को, पुत्र चाहने वाली उसे, ब्रह्मा-पुत्र नारद ने बताया था।"
श्लोक 3 (skanda.4.83.3)
चीर्णं चाथ तया देव्या पुत्रोभून्नलकूबरः ।। अन्याभिरपि बह्वीभिः पुत्राः प्राप्ता व्रतादितः
cīrṇaṁ cātha tayā devyā putrobhūnnalakūbaraḥ || anyābhirapi bahvībhiḥ putrāḥ prāptā vratāditaḥ
"उस देवी ने इसे करके नलकूबर पुत्र पाया; और अन्य अनेक स्त्रियों ने भी इस व्रत से पुत्र प्राप्त किए हैं।"
श्लोक 4 (skanda.4.83.4)
विधिनाप्यत्र संपूज्या गौरी सर्वविधानवित् ।। स्तनंधयेन सहिता धयता स्तनमुन्मुखम्
vidhināpyatra saṁpūjyā gaurī sarvavidhānavit || stanaṁdhayena sahitā dhayatā stanamunmukham
"इस विधि में सर्वविधि-ज्ञाता गौरी की पूजा करनी चाहिए — दूध पीते हुए, मुख ऊपर किए, स्तनपान करते शिशु सहित।"
श्लोक 5 (skanda.4.83.5)
मार्गशीर्ष तृतीयायां शुक्लायां कलशोपरि ।। ताम्रपात्रं निधायैकं तंडुलैः परिपूरितम्
mārgaśīrṣa tṛtīyāyāṁ śuklāyāṁ kalaśopari || tāmrapātraṁ nidhāyaikaṁ taṁḍulaiḥ paripūritam
"मार्गशीर्ष मास की शुक्ल तृतीया को, कलश के ऊपर एक ताम्रपात्र चावलों से भरकर रखना चाहिए,"
श्लोक 6 (skanda.4.83.6)
अविच्छिन्नं नवीनं च रजनीरागरंजितम् ।। वासः पात्रोपरि न्यस्य सूक्ष्मात्सूक्ष्मतरं परम्
avicchinnaṁ navīnaṁ ca rajanīrāgaraṁjitam || vāsaḥ pātropari nyasya sūkṣmātsūkṣmataraṁ param
"और उस पात्र पर अखण्ड, नया, हल्दी-रंग से रँगा हुआ, अत्यन्त सूक्ष्म वस्त्र रखना चाहिए,"
श्लोक 7 (skanda.4.83.7)
तस्योपरि शुभं पद्मं रविरश्मिविकासितम् ।। तत्कर्णिकाया उपरि चतुःस्वर्णविनिर्मितम्
tasyopari śubhaṁ padmaṁ raviraśmivikāsitam || tatkarṇikāyā upari catuḥsvarṇavinirmitam
"उसके ऊपर सूर्य-किरणों से खिला हुआ शुभ कमल, और उसकी कर्णिका पर चार प्रकार के सोने से बनी मूर्ति —"
श्लोक 8 (skanda.4.83.8)
विधिं संपूजयेद्भक्त्या रत्नपट्टाबंरादिभिः ।। पुष्पैर्नानाविधै रम्यैः फलैर्नारंगमुख्यकैः
vidhiṁ saṁpūjayedbhaktyā ratnapaṭṭābaṁrādibhiḥ || puṣpairnānāvidhai ramyaiḥ phalairnāraṁgamukhyakaiḥ
"— की भक्तिपूर्वक रत्न-जड़ित रेशमी वस्त्र आदि से, नाना प्रकार के सुन्दर फूलों से, मुख्यतः नारंगी आदि फलों से पूजा करनी चाहिए,"
श्लोक 9 (skanda.4.83.9)
सुगंधैश्चंदनाद्यैश्च कर्पूर मृगनाभिभिः ।। परमान्नादि नैवेद्यैः पक्वान्नैर्बहुभंगिभिः
sugaṁdhaiścaṁdanādyaiśca karpūra mṛganābhibhiḥ || paramānnādi naivedyaiḥ pakvānnairbahubhaṁgibhiḥ
"चन्दन आदि सुगन्धों से, कपूर-कस्तूरी से, परमान्न आदि नैवेद्यों से, अनेक प्रकार के पक्वान्नों से,"
श्लोक 10 (skanda.4.83.10)
धूपैरगुरुमुख्यैश्च रम्ये कुसुममंडपे ।। रात्रौ जागरणं कार्यं विनिंद्रैः परमोत्सवैः
dhūpairagurumukhyaiśca ramye kusumamaṁḍape || rātrau jāgaraṇaṁ kāryaṁ viniṁdraiḥ paramotsavaiḥ
"मुख्यतः अगर की धूप से, रमणीय पुष्प-मण्डप में; रात्रि में निद्रा त्यागकर परम उत्सव के साथ जागरण करना चाहिए।"
श्लोक 11 (skanda.4.83.11)
हस्तमात्रमिते कुंडे जातवेदस इत्यृचा ।। घृतेन मधुनाप्लुत्य जुहुयान्मंत्रविद्द्विजः
hastamātramite kuṁḍe jātavedasa ityṛcā || ghṛtena madhunāplutya juhuyānmaṁtraviddvijaḥ
"एक हाथ प्रमाण के कुण्ड में, 'जातवेदसे' इस ऋचा से, मन्त्रज्ञ ब्राह्मण घी और मधु से आहुति दे।"
श्लोक 12 (skanda.4.83.12)
सहस्रकमलानां च स्मेराणां स्वयमेव हि ।। नवप्रसूतां कपिलां सुशीलां च पयस्विनीम्
sahasrakamalānāṁ ca smerāṇāṁ svayameva hi || navaprasūtāṁ kapilāṁ suśīlāṁ ca payasvinīm
"फिर सहस्र खिले हुए कमलों सहित, नई ब्याई, सुशील, दूध देने वाली कपिला गाय —"
श्लोक 13 (skanda.4.83.13)
दद्यादाचार्यवर्याय सालंकारां सलक्षणाम् ।। उपोष्य दंपती भक्त्या नवांबरविभूषितौ
dadyādācāryavaryāya sālaṁkārāṁ salakṣaṇām || upoṣya daṁpatī bhaktyā navāṁbaravibhūṣitau
"— सुलक्षणा और अलंकृत, आचार्यवर को देनी चाहिए; दम्पति नए वस्त्र पहनकर भक्तिपूर्वक उपवास करके,"
श्लोक 14 (skanda.4.83.14)
प्रातःस्नात्वा चतुर्थ्यां च संपूज्याचार्यमादृतः ।। वस्त्रैराभरणैर्माल्यैर्दक्षिणाभिर्मुदान्वितौ
prātaḥsnātvā caturthyāṁ ca saṁpūjyācāryamādṛtaḥ || vastrairābharaṇairmālyairdakṣiṇābhirmudānvitau
"प्रातः स्नान करके, चतुर्थी को आदरपूर्वक आचार्य की पूजा करके, वस्त्र, आभूषण, माला और दक्षिणा से हर्षपूर्वक,"
श्लोक 15 (skanda.4.83.15)
सोपस्करां च तां मृर्तिमाचार्याय निवेदयेत् ।। समुच्चरन्निमं मंत्रं व्रतकृन्मिथुनं मुदा
sopaskarāṁ ca tāṁ mṛrtimācāryāya nivedayet || samuccarannimaṁ maṁtraṁ vratakṛnmithunaṁ mudā
"उस सामग्री सहित मूर्ति को आचार्य को अर्पित करे, व्रत करने वाला दम्पति हर्ष से यह मन्त्र उच्चारण करते हुए —"
श्लोक 16 (skanda.4.83.16)
नमो विश्वविधानज्ञे विधे विविधकारिणि ।। सुतं वंशकरं देहि तुष्टामुष्माद्व्रताच्छुभात्
namo viśvavidhānajñe vidhe vividhakāriṇi || sutaṁ vaṁśakaraṁ dehi tuṣṭāmuṣmādvratācchubhāt
"'हे विश्व-विधान की ज्ञाता, विविध कार्य करने वाली विधे, नमस्कार है; इस शुभ व्रत से प्रसन्न होकर वंश बढ़ाने वाला पुत्र दीजिए।'"
श्लोक 17 (skanda.4.83.17)
सहसं भोजयित्वाथ द्विजानां भक्तिपूर्वकम् ।। भुक्तशेषेण चान्नेन कुर्याद्वै पारणं ततः
sahasaṁ bhojayitvātha dvijānāṁ bhaktipūrvakam || bhuktaśeṣeṇa cānnena kuryādvai pāraṇaṁ tataḥ
"फिर भक्तिपूर्वक एक हजार ब्राह्मणों को भोजन कराकर, उनके शेष अन्न से पारणा करनी चाहिए।"
श्लोक 18 (skanda.4.83.18)
इत्थमेतद्व्रतं राजंश्चिकीर्षामि त्वया सह ।। कुरु चैतत्प्रियं मह्यमभीष्टफललब्धये
itthametadvrataṁ rājaṁścikīrṣāmi tvayā saha || kuru caitatpriyaṁ mahyamabhīṣṭaphalalabdhaye
"इस प्रकार, हे राजन्, यह व्रत मैं आपके साथ करना चाहती हूँ; यह मेरा प्रिय कार्य कीजिए, अभीष्ट फल पाने के लिए।"
श्लोक 19 (skanda.4.83.19)
इति भूपालवर्येण श्रुत्वा संहृष्टचेतसा ।। मुनेव तं समाचीर्णं सांतर्वत्नी बभूव ह
iti bhūpālavaryeṇa śrutvā saṁhṛṣṭacetasā || muneva taṁ samācīrṇaṁ sāṁtarvatnī babhūva ha
इस प्रकार उस श्रेष्ठ राजा ने प्रसन्न मन से सुनकर, मुनि द्वारा कहे अनुसार उसे किया; और वह गर्भवती हो गई।
श्लोक 20 (skanda.4.83.20)
तयाथ प्रार्थिता गौरी गर्भिण्या भक्तितोषिता ।। पुत्रं देहि महामाये साक्षाद्विष्ण्वंशसंभवम्
tayātha prārthitā gaurī garbhiṇyā bhaktitoṣitā || putraṁ dehi mahāmāye sākṣādviṣṇvaṁśasaṁbhavam
उस गर्भवती की भक्ति से प्रसन्न होकर गौरी से उसने प्रार्थना की - "मुझे साक्षात् विष्णु के अंश से उत्पन्न पुत्र दीजिए, हे महामाये,"
श्लोक 21 (skanda.4.83.21)
जातमात्रो व्रजेत्स्वर्गं पुनगयाति चात्र वै ।। भक्तः सदाशिवेऽत्यर्थं प्रसिद्धः सर्वभूतले
jātamātro vrajetsvargaṁ punagayāti cātra vai || bhaktaḥ sadāśive'tyarthaṁ prasiddhaḥ sarvabhūtale
"जो जन्म लेते ही स्वर्ग जाकर पुनः यहाँ आ जाए; सदाशिव का अत्यन्त भक्त, सारी पृथ्वी पर प्रसिद्ध हो,"
श्लोक 22 (skanda.4.83.22)
विनैव स्तन्यपानेन षोडशाब्दाकृतिः क्षणात् ।। एवंभूतः सुतो गौरि यथा मे स्यात्तथाकुरु
vinaiva stanyapānena ṣoḍaśābdākṛtiḥ kṣaṇāt || evaṁbhūtaḥ suto gauri yathā me syāttathākuru
"स्तनपान के बिना ही क्षणभर में सोलह वर्ष की आकृति वाला हो; ऐसा पुत्र, हे गौरी, जैसा मैंने कहा वैसा ही कीजिए।"
श्लोक 23 (skanda.4.83.23)
मृडान्यापि तथेत्युक्ता राज्ञी भक्त्यातितुष्टया ।। अथ कालेन तनयं मूलर्क्षे साप्यजीजनत्
mṛḍānyāpi tathetyuktā rājñī bhaktyātituṣṭayā || atha kālena tanayaṁ mūlarkṣe sāpyajījanat
मृडानी (गौरी) ने भी उसकी भक्ति से अत्यन्त प्रसन्न होकर "ऐसा ही हो" कहा; फिर समय आने पर उसने मूल नक्षत्र में पुत्र को जन्म दिया।
श्लोक 24 (skanda.4.83.24)
हितैरमात्यैरथ सा विज्ञप्तारिष्टसंस्थिता ।। देवि राजार्थिनी चेत्त्वं त्यज दुष्टर्क्षजं सुतम् ।।
hitairamātyairatha sā vijñaptāriṣṭasaṁsthitā || devi rājārthinī cettvaṁ tyaja duṣṭarkṣajaṁ sutam ||
फिर हितैषी मंत्रियों ने अशुभ नक्षत्र में जन्म होने से विनती की - "हे देवि, यदि राजा का कल्याण चाहती हो, तो इस दुष्ट-नक्षत्र-जात पुत्र को त्याग दो।"
श्लोक 25 (skanda.4.83.25)
सा मंत्रिवाक्यमाकर्ण्य केवलं पतिदेवता ।। अत्याक्षीत्तं तथा प्राप्तं तनयं नयकोविदा
sā maṁtrivākyamākarṇya kevalaṁ patidevatā || atyākṣīttaṁ tathā prāptaṁ tanayaṁ nayakovidā
मंत्रियों की बात सुनकर, नीति-कुशल, केवल पति को ही देवता मानने वाली उसने उस प्राप्त पुत्र को त्याग दिया।
श्लोक 26 (skanda.4.83.26)
धात्रेयिकां समाकार्य प्राहेदं सा नृपांगना ।। पंचमुद्रे महापीठे विकटा नाम मातृका
dhātreyikāṁ samākārya prāhedaṁ sā nṛpāṁganā || paṁcamudre mahāpīṭhe vikaṭā nāma mātṛkā
उस राज-रानी ने धाय को बुलाकर कहा - "पंचमुद्रा महापीठ में विकटा नामक मातृका है -"
श्लोक 27 (skanda.4.83.27)
तदग्रे स्थापयित्वामुं बालं धात्रेयिके वद ।। गौर्यादत्तः शिशुरसौ तवाग्रे विनिवेदितः
tadagre sthāpayitvāmuṁ bālaṁ dhātreyike vada || gauryādattaḥ śiśurasau tavāgre viniveditaḥ
"- उसके समक्ष इस बालक को रखकर, हे धाय, कहना - 'गौरी द्वारा दिया गया यह शिशु आपके समक्ष निवेदित है।'"
श्लोक 28 (skanda.4.83.28)
राज्ञ्या पत्युः प्रियेषिण्या मंत्रिविज्ञप्तिनुन्नया ।। सापि राज्ञ्युदितं श्रुत्वा शिशुं लास्य शशिप्रभम्
rājñyā patyuḥ priyeṣiṇyā maṁtrivijñaptinunnayā || sāpi rājñyuditaṁ śrutvā śiśuṁ lāsya śaśiprabham
पति के हित की इच्छुक, मंत्रियों की विनती से प्रेरित उस रानी की बात सुनकर, वह धाय चन्द्र-कान्तिमान शिशु को -
श्लोक 29 (skanda.4.83.29)
विकटायाः पुरः स्थाप्य गृहं धात्रेयिका गता ।। अथ सा विकटा देवी समाहूय च योगिनीः
vikaṭāyāḥ puraḥ sthāpya gṛhaṁ dhātreyikā gatā || atha sā vikaṭā devī samāhūya ca yoginīḥ
विकटा के समक्ष रखकर घर लौट गई। फिर उस विकटा देवी ने योगिनियों को बुलाकर -
श्लोक 30 (skanda.4.83.30)
उवाच नयत क्षिप्रं शिशुं मातृगणाग्रतः ।। तासामाज्ञां च कुरुत रक्षतामुं प्रयत्नतः
uvāca nayata kṣipraṁ śiśuṁ mātṛgaṇāgrataḥ || tāsāmājñāṁ ca kuruta rakṣatāmuṁ prayatnataḥ
कहा - "शीघ्र इस शिशु को मातृ-गण के समक्ष ले जाओ; उनकी आज्ञा मानो, प्रयत्नपूर्वक इसकी रक्षा करो।"
श्लोक 31 (skanda.4.83.31)
योगिन्यो विकटावाक्यात्खेचर्यस्ताः क्षणेन तम् ।। निन्युर्गगनमार्गेण ब्राह्म्याद्या यत्र मातरः
yoginyo vikaṭāvākyātkhecaryastāḥ kṣaṇena tam || ninyurgaganamārgeṇa brāhmyādyā yatra mātaraḥ
विकटा के वचन से वे आकाशगामिनी योगिनियाँ क्षणभर में उसे आकाश-मार्ग से वहाँ ले गईं जहाँ ब्राह्मी आदि माताएँ थीं।
श्लोक 32 (skanda.4.83.32)
प्रणम्य योगिनीवृंदं तं शिशुं सूर्यवर्चसम् ।। पुरो निधाय मातॄणां प्रोवाच विकटोदितम्
praṇamya yoginīvṛṁdaṁ taṁ śiśuṁ sūryavarcasam || puro nidhāya mātṝṇāṁ provāca vikaṭoditam
योगिनियों के समूह को प्रणाम करके उन्होंने सूर्य-तेज वाले उस शिशु को माताओं के समक्ष रखकर विकटा का वचन कह सुनाया।
श्लोक 33 (skanda.4.83.33)
ब्रह्माणी वैष्णवी रौद्री वाराही नारसिंहिका ।। कौमारी चापि माहेंद्री चामुंडा चैव चंडिका
brahmāṇī vaiṣṇavī raudrī vārāhī nārasiṁhikā || kaumārī cāpi māheṁdrī cāmuṁḍā caiva caṁḍikā
ब्रह्माणी, वैष्णवी, रौद्री, वाराही, नारसिंही, कौमारी, माहेन्द्री, चामुण्डा और चण्डिका -
श्लोक 34 (skanda.4.83.34)
दृष्ट्वा तं बालकं रम्यं विकटाप्रेषितं ततः ।। पप्रच्छुर्युगपड्डिंभं कस्ते तातः प्रसूश्च कः
dṛṣṭvā taṁ bālakaṁ ramyaṁ vikaṭāpreṣitaṁ tataḥ || papracchuryugapaḍḍiṁbhaṁ kaste tātaḥ prasūśca kaḥ
विकटा द्वारा भेजे गए उस रमणीय बालक को देखकर, सबने एक साथ शिशु से पूछा - "तुम्हारा पिता कौन है, माता कौन है?"
श्लोक 35 (skanda.4.83.35)
मातृभिश्चेति पुष्टः स यदा किंचिन्न वक्ति च ।। तदा तद्योगिनीचक्रं प्राह मातृगणस्त्विति
mātṛbhiśceti puṣṭaḥ sa yadā kiṁcinna vakti ca || tadā tadyoginīcakraṁ prāha mātṛgaṇastviti
माताओं द्वारा इस प्रकार पूछे जाने पर जब वह कुछ नहीं बोला, तब उस योगिनी-चक्र, मातृ-गण ने कहा -
श्लोक 36 (skanda.4.83.36)
राज्ययोग्यो भवत्येष महालक्षणलक्षितः ।। पुनस्तत्रैव नेतव्यो योगिन्यस्त्वविलंबितम्
rājyayogyo bhavatyeṣa mahālakṣaṇalakṣitaḥ || punastatraiva netavyo yoginyastvavilaṁbitam
"महान लक्षणों से युक्त यह राज्य के योग्य है। इसे फिर वहीं ले जाओ, हे योगिनियो, बिना विलम्ब किए -"
श्लोक 37 (skanda.4.83.37)
पंचमुद्रा महादेवी तिष्ठते यत्र काम्यदा । यस्याः संसेवनान्नृणां निर्वाणश्रीरदूरतः
paṁcamudrā mahādevī tiṣṭhate yatra kāmyadā | yasyāḥ saṁsevanānnṛṇāṁ nirvāṇaśrīradūrataḥ
"- जहाँ इच्छाओं को पूर्ण करने वाली महादेवी पंचमुद्रा विराजती हैं; जिनकी सेवा से मनुष्यों को मुक्ति की श्री दूर नहीं है।"
श्लोक 38 (skanda.4.83.38)
सर्वत्रशुभजन्मिन्यां काश्यां मुक्तिः पदेपदे ।। तथापि सविशेषं हि तत्पीठं सर्वसिद्धिकृत्
sarvatraśubhajanminyāṁ kāśyāṁ muktiḥ padepade || tathāpi saviśeṣaṁ hi tatpīṭhaṁ sarvasiddhikṛt
"सर्वत्र शुभ-जन्म देने वाली काशी में तो पग-पग पर मुक्ति है; फिर भी वह पीठ विशेष रूप से सर्व-सिद्धिदायक है।"
श्लोक 39 (skanda.4.83.39)
तत्पीठसेवनादस्य षोडशाब्दाकृतेः शिशोः ।। सिद्धिर्भवित्री परमा विश्वेशानुग्रहात्परात् ।।
tatpīṭhasevanādasya ṣoḍaśābdākṛteḥ śiśoḥ || siddhirbhavitrī paramā viśveśānugrahātparāt ||
"उस पीठ की सेवा से सोलह वर्ष की आकृति वाले इस शिशु को विश्वेश की परम कृपा से परम सिद्धि प्राप्त होगी।"
श्लोक 40 (skanda.4.83.40)
एवं मातृगणाशीर्भिर्योगिनीभिः क्षणेन हि ।। प्रापितो मातृवाक्येन पंचमुद्रांकितं पुनः
evaṁ mātṛgaṇāśīrbhiryoginībhiḥ kṣaṇena hi || prāpito mātṛvākyena paṁcamudrāṁkitaṁ punaḥ
इस प्रकार मातृ-गण के आशीर्वाद से योगिनियों द्वारा क्षणभर में, माताओं के वचन से, वह फिर पंचमुद्रा-अंकित स्थान -
श्लोक 41 (skanda.4.83.41)
संप्राप्य तन्महापीठं स्वर्गलोकादिहागतः ।। आनंदकानने दिव्यं तताप विपुलं तपः
saṁprāpya tanmahāpīṭhaṁ svargalokādihāgataḥ || ānaṁdakānane divyaṁ tatāpa vipulaṁ tapaḥ
- उस महापीठ पर पहुँचाया गया, स्वर्गलोक से यहाँ आकर; आनन्दकानन में उसने दिव्य, विपुल तपस्या की।
श्लोक 42 (skanda.4.83.42)
तपसातीव तीव्रेण निश्चलेंद्रियचेतसः ।। तस्य राजकुमारस्य प्रसन्नोभूदुमाधवः।
tapasātīva tīvreṇa niścaleṁdriyacetasaḥ || tasya rājakumārasya prasannobhūdumādhavaḥ|
अत्यन्त तीव्र तपस्या से, इन्द्रियों और चित्त को निश्चल करके, उस राजकुमार से उमाधव प्रसन्न हो गए।
श्लोक 43 (skanda.4.83.43)
आविर्बभूव पुरतो लिंगरूपेण शंकरः ।। प्रोवाच च प्रसन्नोस्मि वरं ब्रूहि नृपांगज
āvirbabhūva purato liṁgarūpeṇa śaṁkaraḥ || provāca ca prasannosmi varaṁ brūhi nṛpāṁgaja
शंकर लिंग-रूप में उसके समक्ष प्रकट हुए और बोले - "मैं प्रसन्न हूँ, वर माँगो, हे राजपुत्र।"
श्लोक 44 (skanda.4.83.44)
।। स्कंद उवाच ।। ।। सर्वज्योतिर्मयं लिंगं पुरतो वीक्ष्य वाङ्मयम् ।। सप्तपातालमुद्भिद्य स्थितं बृहदनुग्रहात
|| skaṁda uvāca || || sarvajyotirmayaṁ liṁgaṁ purato vīkṣya vāṅmayam || saptapātālamudbhidya sthitaṁ bṛhadanugrahāta
स्कन्द ने कहा - सामने सर्वज्योतिर्मय, वाणी में वर्णित, सातों पातालों को भेदकर महान अनुग्रह से स्थित उस लिंग को देखकर,
श्लोक 45 (skanda.4.83.45)
प्रणम्य दंडवद्भूमौ परितुष्टाव धूर्जटिम् ।। सूक्तैर्जन्मांतराभ्यस्तैः सुहृष्टो रुद्रदेवतैः
praṇamya daṁḍavadbhūmau parituṣṭāva dhūrjaṭim || sūktairjanmāṁtarābhyastaiḥ suhṛṣṭo rudradevataiḥ
उसने भूमि पर दण्ड के समान गिरकर प्रणाम किया, और अनेक जन्मों से अभ्यस्त रुद्र-सूक्तों से हर्षित होकर धूर्जटि की स्तुति की।
श्लोक 46 (skanda.4.83.46)
ततः प्रसन्नो भगवान्देवदेवो महेश्वरः ।। संतुष्टस्तपसा तस्य प्रोवाच वृषभध्वजः
tataḥ prasanno bhagavāndevadevo maheśvaraḥ || saṁtuṣṭastapasā tasya provāca vṛṣabhadhvajaḥ
तब प्रसन्न होकर भगवान देवदेव महेश्वर, उसकी तपस्या से सन्तुष्ट वृषभध्वज ने कहा -
श्लोक 47 (skanda.4.83.47)
।। देवदेव उवाच ।। ।। वरं वरय संतप्त तपसा क्लेशितं वपुः ।। त्वयेदं बालवपुषा वशीकृतं मनो मम
|| devadeva uvāca || || varaṁ varaya saṁtapta tapasā kleśitaṁ vapuḥ || tvayedaṁ bālavapuṣā vaśīkṛtaṁ mano mama
देवदेव ने कहा - "वर माँगो, हे तपस्या से क्लेशित शरीर वाले; तुमने बालक-देह से ही मेरे मन को वश में कर लिया है।"
श्लोक 48 (skanda.4.83.48)
शिवोक्तं च समाकर्ण्य वरदानं पुनःपुनः ।। वरं च प्रार्थयांचक्रे परिहृष्टतनूरुहः
śivoktaṁ ca samākarṇya varadānaṁ punaḥpunaḥ || varaṁ ca prārthayāṁcakre parihṛṣṭatanūruhaḥ
शिव के बार-बार वर देने के वचन को सुनकर, हर्ष से रोमांचित होकर उसने वर माँगा -
श्लोक 49 (skanda.4.83.49)
।। कुमार उवाच ।। ।। देवदेवमहादेव यदि देयो वरो मम ।। तदत्र भवता स्थेयं भवतापहृता सदा
|| kumāra uvāca || || devadevamahādeva yadi deyo varo mama || tadatra bhavatā stheyaṁ bhavatāpahṛtā sadā
कुमार ने कहा - "हे देवदेव महादेव, यदि मुझे वर देना है, तो आप यहाँ सदा स्थित रहें, संसार-ताप को हरने वाले,"
श्लोक 50 (skanda.4.83.50)
अस्मिँल्लिंगे स्थितः शंभो कुरु भक्तसमीहितम् ।। विना मुद्रादिकरणं मंत्रेणापि विना विभो
asmi~lliṁge sthitaḥ śaṁbho kuru bhaktasamīhitam || vinā mudrādikaraṇaṁ maṁtreṇāpi vinā vibho
"इस लिंग में स्थित होकर, हे शम्भो, भक्तों की इच्छा पूर्ण कीजिए - बिना मुद्रा आदि के, बिना मन्त्र के भी, हे विभो।"
श्लोक 51 (skanda.4.83.51)
दिश सिद्धिं परामत्र दर्शनात्स्पर्शनान्नतेः ।। अस्य लिंगस्य ये भक्ता मनोवाक्कायकर्मभिः
diśa siddhiṁ parāmatra darśanātsparśanānnateḥ || asya liṁgasya ye bhaktā manovākkāyakarmabhiḥ
"दर्शन, स्पर्श और नमन मात्र से यहाँ परम सिद्धि दीजिए; इस लिंग के जो भी भक्त मन, वचन, काया से हैं -"
श्लोक 52 (skanda.4.83.52)
सदैवानुग्रहस्तेषु कर्तव्यो वर एष मे ।। इति तद्व्रतमाकर्ण्य लिंगरूपोवदत्प्रभुः
sadaivānugrahasteṣu kartavyo vara eṣa me || iti tadvratamākarṇya liṁgarūpovadatprabhuḥ
"- उन पर सदा अनुग्रह किया जाए, यही मेरा वर है।" यह संकल्प सुनकर लिंग-रूपी प्रभु ने कहा -
श्लोक 53 (skanda.4.83.53)
एवमस्तु यदुक्तं ते वीरवैष्णव सूनुना ।। जनेतुर्विष्णुभक्ताच्च राज्ञोऽमित्रज्जितो भवान्
evamastu yaduktaṁ te vīravaiṣṇava sūnunā || janeturviṣṇubhaktācca rājño'mitrajjito bhavān
"ऐसा ही हो, जो तुमने कहा, हे वीर वैष्णव-पुत्र; तुम विष्णु-भक्त राजा अमित्रजित् के ही पुत्र हो।"
श्लोक 54 (skanda.4.83.54)
विष्ण्वंश एवमुत्पन्नो मम भक्तिपरांगज ।। वीरवीरेश्वरं नाम लिंगमेतत्त्वदाख्यया
viṣṇvaṁśa evamutpanno mama bhaktiparāṁgaja || vīravīreśvaraṁ nāma liṁgametattvadākhyayā
"इस प्रकार विष्णु के अंश से उत्पन्न, मेरे भक्ति में तत्पर सन्तान, यह लिंग तुम्हारे ही नाम से 'वीर-वीरेश्वर' कहलाएगा।"
श्लोक 55 (skanda.4.83.55)
काश्यां दास्यत्यभीष्टानि भक्तानां चिंतितान्यहो ।। अस्मिँल्लिंगे सदा वीर स्थास्याम्यद्यदिनावधि
kāśyāṁ dāsyatyabhīṣṭāni bhaktānāṁ ciṁtitānyaho || asmi~lliṁge sadā vīra sthāsyāmyadyadināvadhi
"यह काशी में भक्तों की चिन्तित अभीष्ट वस्तुएँ देगा; इस लिंग में, हे वीर, मैं आज से सदा स्थित रहूँगा।"
श्लोक 56 (skanda.4.83.56)
दास्यामि च परां सिद्धिमाश्रितेभ्यो न संशयः ।। परं न महिमानं मे कलौ कश्चिच्च वेत्स्यति
dāsyāmi ca parāṁ siddhimāśritebhyo na saṁśayaḥ || paraṁ na mahimānaṁ me kalau kaścicca vetsyati
"और शरणागतों को परम सिद्धि दूँगा, इसमें संशय नहीं; परन्तु कलियुग में मेरी इस महिमा को शायद ही कोई जान पाएगा।"
श्लोक 57 (skanda.4.83.57)
यस्तु वेत्स्यति भाग्येन स परां सिद्धिमाप्स्यति ।। अत्र जप्तं हुतं दत्तं स्तुतमर्चितमेव वा
yastu vetsyati bhāgyena sa parāṁ siddhimāpsyati || atra japtaṁ hutaṁ dattaṁ stutamarcitameva vā
"जो भाग्यवश जान लेगा, वह परम सिद्धि पाएगा। यहाँ जो भी जपा, हवन किया, दिया, स्तुत या पूजित हुआ,"
श्लोक 58 (skanda.4.83.58)
जीर्णोद्धारादिकरणमक्षय्यफलहेतुकम् ।। त्वं तु राज्यं परं प्राप्य सर्वभूपालदुर्लभम्
jīrṇoddhārādikaraṇamakṣayyaphalahetukam || tvaṁ tu rājyaṁ paraṁ prāpya sarvabhūpāladurlabham
"- या जीर्णोद्धार आदि किया गया, वह अक्षय फल का कारण है। तुम तो सब राजाओं को दुर्लभ ऐसा परम राज्य पाकर,"
श्लोक 59 (skanda.4.83.59)
भुक्त्वा भोगांश्च विपुलानंते सिद्धिमवाप्स्यसि ।। पुरी वाराणसी रम्या सर्वस्मिञ्जगतीतले
bhuktvā bhogāṁśca vipulānaṁte siddhimavāpsyasi || purī vārāṇasī ramyā sarvasmiñjagatītale
"विपुल भोग भोगकर अन्त में सिद्धि प्राप्त करोगे। सारी पृथ्वी में वाराणसी नगरी सबसे रमणीय है;"
श्लोक 60 (skanda.4.83.60)
पुण्यस्तत्रापि संभेदः सरितोरसि गंगयोः ।। ततोऽपि च हयग्रीवं तीर्थं चैवाति पुण्यदम्
puṇyastatrāpi saṁbhedaḥ saritorasi gaṁgayoḥ || tato'pi ca hayagrīvaṁ tīrthaṁ caivāti puṇyadam
"और उसमें भी गंगा के वक्षस्थल पर वह पुण्य संगम है; और उससे भी अधिक पुण्यदायक हयग्रीव तीर्थ है,"
श्लोक 61 (skanda.4.83.61)
यत्र विष्णुर्हयग्रीवो भक्तचिंतितमर्पयेत् ।। हयग्रीवाच्च वै तीर्थाद्गजतीर्थं विशिष्यते
yatra viṣṇurhayagrīvo bhaktaciṁtitamarpayet || hayagrīvācca vai tīrthādgajatīrthaṁ viśiṣyate
"जहाँ विष्णु हयग्रीव-रूप में भक्तों की चिन्तित वस्तु देते हैं; और हयग्रीव तीर्थ से भी गजतीर्थ श्रेष्ठ है,"
श्लोक 62 (skanda.4.83.62)
यत्र वै स्नानमात्रेण गजदानफलं लभेत् ।। कोकावराहतीर्थं च पुण्यदं गजतीर्थतः
yatra vai snānamātreṇa gajadānaphalaṁ labhet || kokāvarāhatīrthaṁ ca puṇyadaṁ gajatīrthataḥ
"जहाँ स्नान मात्र से गज-दान का फल मिलता है; और गजतीर्थ से भी पुण्यदायक कोकावराह तीर्थ है,"
श्लोक 63 (skanda.4.83.63)
कोकावराहमभ्यर्च्य तत्र नो जन्मभाग्जनः ।। अपि कोकावराहाच्च दिलीपेश्वरसन्निधौ
kokāvarāhamabhyarcya tatra no janmabhāgjanaḥ || api kokāvarāhācca dilīpeśvarasannidhau
"जहाँ कोकावराह की पूजा करके मनुष्य फिर जन्म नहीं लेता; और कोकावराह से भी, दिलीपेश्वर के समीप,"
श्लोक 64 (skanda.4.83.64)
दिलीपतीर्थं सुश्रेष्ठं सद्यः पापहरं परम् ।। ततः सगरतीर्थं च सगरेश समीपतः
dilīpatīrthaṁ suśreṣṭhaṁ sadyaḥ pāpaharaṁ param || tataḥ sagaratīrthaṁ ca sagareśa samīpataḥ
"अत्यन्त श्रेष्ठ दिलीप तीर्थ है, जो शीघ्र ही परम पाप हरने वाला है; फिर सगरेश के समीप सगर तीर्थ है,"
श्लोक 65 (skanda.4.83.65)
यत्र मज्जन्नरो मज्जेन्न भूयो दुःखसागरे ।। सप्तसागरतीर्थं च शुभं सगरतीर्थतः
yatra majjannaro majjenna bhūyo duḥkhasāgare || saptasāgaratīrthaṁ ca śubhaṁ sagaratīrthataḥ
"जिसमें डुबकी लगाकर मनुष्य फिर दुःख-सागर में नहीं डूबता; सगर तीर्थ से शुभ सप्तसागर तीर्थ है,"
श्लोक 66 (skanda.4.83.66)
सप्ताब्धिस्नानजं पुण्यं यत्र स्नात्वा नरो लभेत् ।। महोदधीति विख्यातं तीर्थं सप्ताब्धितीर्थतः
saptābdhisnānajaṁ puṇyaṁ yatra snātvā naro labhet || mahodadhīti vikhyātaṁ tīrthaṁ saptābdhitīrthataḥ
"जिसमें स्नान करके मनुष्य सातों समुद्रों के स्नान का पुण्य पाता है; और सप्तसागर तीर्थ से 'महोदधि' नामक प्रसिद्ध तीर्थ है,"
श्लोक 67 (skanda.4.83.67)
सकृद्यत्राप्लुतो धीमान्दहेदघमहोदधिम् ।। चौरतीर्थं ततः पुण्यं कपिलेश्वर सन्निधौ
sakṛdyatrāpluto dhīmāndahedaghamahodadhim || cauratīrthaṁ tataḥ puṇyaṁ kapileśvara sannidhau
"जिसमें एक बार डुबकी लगाकर बुद्धिमान मनुष्य पाप-समुद्र को जला देता है; फिर कपिलेश्वर के समीप पुण्यदायक चौर तीर्थ है,"
श्लोक 68 (skanda.4.83.68)
पापं सुवर्णचौर्यादि यत्र स्नात्वा क्षयं व्रजेत् ।। हंसतीर्थ ततोपीड्यं केदारेश्वर सन्निधौ
pāpaṁ suvarṇacauryādi yatra snātvā kṣayaṁ vrajet || haṁsatīrtha tatopīḍyaṁ kedāreśvara sannidhau
"जहाँ स्नान करके स्वर्ण-चोरी आदि पाप नष्ट होते हैं; फिर केदारेश्वर के समीप पूज्य हंस तीर्थ है,"
श्लोक 69 (skanda.4.83.69)
हंस स्वरूपी यत्राहं नयामि ब्रह्मदेहिनः
haṁsa svarūpī yatrāhaṁ nayāmi brahmadehinaḥ
जहाँ हंस-रूपधारी मैं ब्रह्म-चिन्तकों को (मोक्ष तक) ले जाता हूँ -
श्लोक 70 (skanda.4.83.70)
ततस्त्रिभुवनाख्यस्य केशवस्याति पुण्यदम् ।। तीर्थं यत्राप्लुता मर्त्या मर्त्यलोकं विशंति न
tatastribhuvanākhyasya keśavasyāti puṇyadam || tīrthaṁ yatrāplutā martyā martyalokaṁ viśaṁti na
फिर त्रिभुवन नामक केशव का अत्यन्त पुण्यदायक तीर्थ है, जिसमें डुबकी लगाकर मरणशील प्राणी फिर मर्त्यलोक में प्रवेश नहीं करते;
श्लोक 71 (skanda.4.83.71)
गोव्याघ्रे श्वर तीर्थं च ततोप्यधिकमेव हि ।। स्वभाववैरमुत्सृज्य यत्रोभौ सिद्धिमापतुः
govyāghre śvara tīrthaṁ ca tatopyadhikameva hi || svabhāvavairamutsṛjya yatrobhau siddhimāpatuḥ
और उससे भी अधिक गोव्याघ्रेश्वर तीर्थ है, जहाँ गाय और बाघ दोनों ने स्वाभाविक वैर त्यागकर सिद्धि पाई;
श्लोक 72 (skanda.4.83.72)
ततोपि हि वरं वीर तीर्थं मांधातुसंज्ञितम् ।। चक्रवर्तिपदं यत्र प्राप्तं तेन महीभुजा
tatopi hi varaṁ vīra tīrthaṁ māṁdhātusaṁjñitam || cakravartipadaṁ yatra prāptaṁ tena mahībhujā
उससे भी श्रेष्ठ, हे वीर, माँधातु नामक तीर्थ है, जहाँ उस राजा ने चक्रवर्ती पद प्राप्त किया;
श्लोक 73 (skanda.4.83.73)
ततोपि मुचुकुंदाख्यं तीर्थं चातीव पुण्यदम् ।। यत्र स्नातो नरो जातु रिपुभिर्नाभिभूयते
tatopi mucukuṁdākhyaṁ tīrthaṁ cātīva puṇyadam || yatra snāto naro jātu ripubhirnābhibhūyate
उससे भी अत्यन्त पुण्यदायक मुचुकुन्द नामक तीर्थ है, जहाँ स्नान करने वाला मनुष्य कभी शत्रुओं से पराजित नहीं होता;
श्लोक 74 (skanda.4.83.74)
पृथु तीर्थं ततोप्युच्चैः श्रेयसां साधनं परम् ।। पृथ्वीश्वरं यत्र दृष्ट्वा नरः पृथ्वीपतिर्भवेत्
pṛthu tīrthaṁ tatopyuccaiḥ śreyasāṁ sādhanaṁ param || pṛthvīśvaraṁ yatra dṛṣṭvā naraḥ pṛthvīpatirbhavet
उससे भी ऊँचा पृथु तीर्थ है, कल्याणों का परम साधन; जहाँ पृथ्वीश्वर को देखकर मनुष्य पृथ्वी का स्वामी बनता है;
श्लोक 75 (skanda.4.83.75)
ततः परशुरामस्य तीर्थं चातीव सिद्धिदम् ।। यत्र क्षत्रवधात्पापाज्जामदग्न्यो विमुक्तवान् ।
tataḥ paraśurāmasya tīrthaṁ cātīva siddhidam || yatra kṣatravadhātpāpājjāmadagnyo vimuktavān |
फिर परशुराम का अत्यन्त सिद्धिदायक तीर्थ है, जहाँ क्षत्रिय-वध के पाप से जमदग्नि-पुत्र मुक्त हुए थे -
श्लोक 76 (skanda.4.83.76)
अद्यापि क्षत्रवधजं पापं तत्र प्रणश्यति ।। एकेन स्नानमात्रेण ज्ञानाज्ञानकृतेन च
adyāpi kṣatravadhajaṁ pāpaṁ tatra praṇaśyati || ekena snānamātreṇa jñānājñānakṛtena ca
आज भी वहाँ क्षत्रिय-वध का पाप एक बार स्नान मात्र से ही, जान-बूझकर या अनजाने में किया गया हो, नष्ट हो जाता है;
श्लोक 77 (skanda.4.83.77)
ततोपि श्रेयसां कर्तृ तीर्थं कृष्णाग्रजस्य हि ।। यत्र सूतवधात्पापाद्बलदेवो विमुक्तवान्
tatopi śreyasāṁ kartṛ tīrthaṁ kṛṣṇāgrajasya hi || yatra sūtavadhātpāpādbaladevo vimuktavān
फिर कृष्ण के अग्रज (बलराम) का कल्याणकारी तीर्थ है, जहाँ सारथी-वध के पाप से बलदेव मुक्त हुए;
श्लोक 78 (skanda.4.83.78)
दिवोदासस्य वै तीर्थं तत्र राज्ञोऽतिमेधसः ।। तत्र स्नातो नरो जातु न ज्ञानाच्च्यवतेंऽततः
divodāsasya vai tīrthaṁ tatra rājño'timedhasaḥ || tatra snāto naro jātu na jñānāccyavateṁ'tataḥ
अत्यन्त बुद्धिमान राजा दिवोदास का तीर्थ है, जहाँ स्नान करने वाला मनुष्य कभी ज्ञान से च्युत नहीं होता;
श्लोक 79 (skanda.4.83.79)
ततोपि हि महातीर्थं सर्वपापप्रणाशनम् ।। यत्र भागीरथी साक्षान्मूर्तिरूपेण तिष्ठति
tatopi hi mahātīrthaṁ sarvapāpapraṇāśanam || yatra bhāgīrathī sākṣānmūrtirūpeṇa tiṣṭhati
और उससे भी बढ़कर, सब पापों का नाश करने वाला महातीर्थ है, जहाँ भागीरथी साक्षात् मूर्ति-रूप में विराजती हैं;
श्लोक 80 (skanda.4.83.80)
स्नात्वा भागीरथी तीर्थे कृत्वा श्राद्धं विधानवित् ।। दत्त्वा दानं च पात्रेभ्यो न भूयो गर्भभाग्भवेत्
snātvā bhāgīrathī tīrthe kṛtvā śrāddhaṁ vidhānavit || dattvā dānaṁ ca pātrebhyo na bhūyo garbhabhāgbhavet
उस भागीरथी तीर्थ में स्नान करके, विधिपूर्वक श्राद्ध करके, सुपात्रों को दान देकर मनुष्य फिर गर्भ में नहीं आता;
श्लोक 81 (skanda.4.83.81)
हरपापं च भो वीर तीर्थं भागीरथीतटे ।। तत्र स्नात्वा क्षयं यांति महापापकुलान्यपि
harapāpaṁ ca bho vīra tīrthaṁ bhāgīrathītaṭe || tatra snātvā kṣayaṁ yāṁti mahāpāpakulānyapi
और, हे वीर, भागीरथी के तट पर हरपाप तीर्थ है, जिसमें स्नान करके महापापी कुल भी नष्ट हो जाते हैं;
श्लोक 82 (skanda.4.83.82)
यो निष्पापेश्वरं लिंगं तत्र पश्यति मानवः ।। निष्पापो जायते वीर स तल्लिंगेक्षणात्क्षणात्
yo niṣpāpeśvaraṁ liṁgaṁ tatra paśyati mānavaḥ || niṣpāpo jāyate vīra sa talliṁgekṣaṇātkṣaṇāt
जो मनुष्य वहाँ निष्पापेश्वर लिंग का दर्शन करता है, वह, हे वीर, उस लिंग के दर्शन मात्र से क्षणभर में निष्पाप हो जाता है;
श्लोक 83 (skanda.4.83.83)
दशाश्वमेधतीर्थं च ततोपि प्रवरं मतम् ।। दशानामश्वमेधानां यत्र स्नात्वा फलं लभेत्
daśāśvamedhatīrthaṁ ca tatopi pravaraṁ matam || daśānāmaśvamedhānāṁ yatra snātvā phalaṁ labhet
उससे भी श्रेष्ठ माना जाने वाला दशाश्वमेध तीर्थ है, जिसमें स्नान करके दस अश्वमेध यज्ञों का फल मिलता है;
श्लोक 84 (skanda.4.83.84)
ततोपि शुभदं वीर बंदीतीर्थं प्रचक्षते ।। यत्र स्नातो नरो मुच्येदपि संसारबंधनात्
tatopi śubhadaṁ vīra baṁdītīrthaṁ pracakṣate || yatra snāto naro mucyedapi saṁsārabaṁdhanāt
उससे भी शुभदायक, हे वीर, 'बन्दी' तीर्थ कहलाता है, जिसमें स्नान करने वाला मनुष्य संसार-बन्धन से भी मुक्त हो जाता है।
श्लोक 85 (skanda.4.83.85)
हिरण्याक्षेण दैत्येन बहुशो देवताः पुरा ।। बंदीकृता निगडिता स्तुष्टुवुर्जगदंबिकाम्
hiraṇyākṣeṇa daityena bahuśo devatāḥ purā || baṁdīkṛtā nigaḍitā stuṣṭuvurjagadaṁbikām
पूर्वकाल में हिरण्याक्ष दैत्य द्वारा बार-बार बन्दी बनाए और जकड़े गए देवताओं ने जगदम्बिका की स्तुति की थी;
श्लोक 86 (skanda.4.83.86)
ततो विशृंखलीभूतैर्वंदिता यज्जगज्जनिः ।। तदा प्रभृति बंदीति गीयतेद्यापि मानवैः
tato viśṛṁkhalībhūtairvaṁditā yajjagajjaniḥ || tadā prabhṛti baṁdīti gīyatedyāpi mānavaiḥ
फिर बेड़ियों से मुक्त होकर उन्होंने जगत्-जननी की 'वन्दना' (स्तुति) की थी - तब से आज तक मनुष्य इसे 'बन्दी' कहते हैं।
श्लोक 87 (skanda.4.83.87)
बंदीतीर्थस्तु तत्रैव महानिगडखंडनम् ।। तत्र स्नातो विमुच्येत सर्वस्मात्कर्मपाशतः
baṁdītīrthastu tatraiva mahānigaḍakhaṁḍanam || tatra snāto vimucyeta sarvasmātkarmapāśataḥ
बन्दी तीर्थ वहीं महान बेड़ियों को तोड़ने वाला है; वहाँ स्नान करने से हर कर्म-पाश से मुक्ति मिलती है।
श्लोक 88 (skanda.4.83.88)
बंदीतीर्थं महाश्रेष्ठं काशिपुर्यां विशांपते ।। तत्र स्नातो नरो यायाद्विमुक्तिं देव्यनुग्रहात्
baṁdītīrthaṁ mahāśreṣṭhaṁ kāśipuryāṁ viśāṁpate || tatra snāto naro yāyādvimuktiṁ devyanugrahāt
काशीपुरी में बन्दी तीर्थ सबसे श्रेष्ठ है, हे प्रजापते; वहाँ स्नान करने वाला मनुष्य देवी की कृपा से मुक्ति पाता है।
श्लोक 89 (skanda.4.83.89)
ततोपि हि श्रेष्ठतरं प्रयागमिति विश्रुतम् ।। प्रयागमाधवो यत्र सर्वयागफलप्रदः
tatopi hi śreṣṭhataraṁ prayāgamiti viśrutam || prayāgamādhavo yatra sarvayāgaphalapradaḥ
उससे भी श्रेष्ठ, 'प्रयाग' नाम से प्रसिद्ध तीर्थ है, जहाँ प्रयाग-माधव सब यज्ञों का फल देते हैं;
श्लोक 90 (skanda.4.83.90)
क्षोणीवराहतीर्थं च ततोपि शुभदं परम् ।। तत्र स्नातो नरो जातु तिर्यग्योनिं न गच्छति
kṣoṇīvarāhatīrthaṁ ca tatopi śubhadaṁ param || tatra snāto naro jātu tiryagyoniṁ na gacchati
और उससे भी शुभदायक क्षोणीवराह तीर्थ है, जिसमें स्नान करके मनुष्य कभी पशु-योनि में नहीं जाता;
श्लोक 91 (skanda.4.83.91)
ततः कालेश्वरं तीर्थं वीरश्रेष्ठतरं परम् ।। कलिकालौ न बाधेते यत्र स्नातं नरोत्तमम्
tataḥ kāleśvaraṁ tīrthaṁ vīraśreṣṭhataraṁ param || kalikālau na bādhete yatra snātaṁ narottamam
फिर, हे वीर, उससे भी श्रेष्ठ कालेश्वर तीर्थ है, जहाँ स्नान करने वाला श्रेष्ठ पुरुष काल और कलि दोनों से अबाधित रहता है;
श्लोक 92 (skanda.4.83.92)
अशोकतीर्थं तत्रैव ततोप्यतितरां शुभम् ।। यत्र स्नातो नरो जातु नापतेच्छोकसागरे
aśokatīrthaṁ tatraiva tatopyatitarāṁ śubham || yatra snāto naro jātu nāpatecchokasāgare
और उससे भी शुभतर अशोक तीर्थ वहीं है, जिसमें स्नान करने वाला मनुष्य कभी शोक-सागर में नहीं गिरता;
श्लोक 93 (skanda.4.83.93)
ततोति निर्मलतरं शुक्रतीर्थं नृपांगज ।। शुक्रद्वारा न जायेत यत्र स्नातो नरोत्तमः
tatoti nirmalataraṁ śukratīrthaṁ nṛpāṁgaja || śukradvārā na jāyeta yatra snāto narottamaḥ
उससे भी अधिक निर्मल, हे राजपुत्र, शुक्र तीर्थ है, जिसमें स्नान करने वाला श्रेष्ठ पुरुष फिर बीज-द्वार से जन्म नहीं लेता;
श्लोक 94 (skanda.4.83.94)
ततोऽपि पुण्यदं राजन्भवानीतीर्थमुत्तमम् ।। यत्र स्नात्वा भवानीशौ दृष्ट्वा नैव पुनर्भवेत्
tato'pi puṇyadaṁ rājanbhavānītīrthamuttamam || yatra snātvā bhavānīśau dṛṣṭvā naiva punarbhavet
और उससे भी पुण्यदायक, हे राजन्, उत्तम भवानी तीर्थ है, जिसमें स्नान कर भवानी-भव को देखकर मनुष्य फिर जन्म नहीं लेता;
श्लोक 95 (skanda.4.83.95)
प्रभासतीर्थं विख्यातं ततोपि शुभदं नृणाम् ।। सोमेश्वरस्य पुरतस्तत्र स्नातो न गर्भभाक्
prabhāsatīrthaṁ vikhyātaṁ tatopi śubhadaṁ nṛṇām || someśvarasya puratastatra snāto na garbhabhāk
और उससे भी अधिक मनुष्यों के लिए शुभदायक प्रसिद्ध प्रभास तीर्थ है, सोमेश्वर के समक्ष, जिसमें स्नान करने वाला फिर गर्भ में नहीं आता;
श्लोक 96 (skanda.4.83.96)
ततो गरुडतीर्थं च संसारविषनाशनम् ।। गरुडेशं समभ्यर्च्य तत्र स्नात्वा न शोचति
tato garuḍatīrthaṁ ca saṁsāraviṣanāśanam || garuḍeśaṁ samabhyarcya tatra snātvā na śocati
फिर संसार के विष का नाश करने वाला गरुड़ तीर्थ है; गरुड़ेश की पूजा करके वहाँ स्नान करने वाला फिर शोक नहीं करता;
श्लोक 97 (skanda.4.83.97)
ब्रह्मतीर्थं ततः पुण्यं वीरब्रह्मेश्वरात्पुरः ।। ब्रह्मविद्यामवाप्नोति तत्र स्नानेन मानवः
brahmatīrthaṁ tataḥ puṇyaṁ vīrabrahmeśvarātpuraḥ || brahmavidyāmavāpnoti tatra snānena mānavaḥ
फिर वीरब्रह्मेश्वर के समक्ष पुण्यदायक ब्रह्म तीर्थ है, जिसमें स्नान करके मनुष्य ब्रह्म-विद्या प्राप्त करता है;
श्लोक 98 (skanda.4.83.98)
ततो वृद्धार्कतीर्थं च विधितीर्थं ततः परम् ।। तत्राप्लुतो नरो याति रविलोकं सुनिर्मलम्
tato vṛddhārkatīrthaṁ ca vidhitīrthaṁ tataḥ param || tatrāpluto naro yāti ravilokaṁ sunirmalam
फिर वृद्धार्क तीर्थ है, और उससे भी परे विधि तीर्थ है, जिसमें डुबकी लगाकर मनुष्य अत्यन्त निर्मल सूर्यलोक जाता है;
श्लोक 99 (skanda.4.83.99)
ततो नृसिंहतीर्थं च महाभयनिवारणम् ।। कालादपि कुतस्तत्र स्नात्वा परिबिभेति च
tato nṛsiṁhatīrthaṁ ca mahābhayanivāraṇam || kālādapi kutastatra snātvā paribibheti ca
फिर महान भय को दूर करने वाला नृसिंह तीर्थ है, जिसमें स्नान करके मनुष्य काल से भी नहीं डरता;
श्लोक 100 (skanda.4.83.100)
ततोपि पुण्यदं नृणां तीर्थं चित्ररथेश्वरम् ।। यत्र स्नात्वा च दत्त्वा च चित्रगुप्तं न पश्यति ।।4.2.83.१ ० ०।। धर्मतीर्थं ततः पुण्यं धर्मेश पुरतः स्थितम् ।। तत्र श्राद्धदिकं कृत्वा पितॄणामनृणो भवेत्
tatopi puṇyadaṁ nṛṇāṁ tīrthaṁ citraratheśvaram || yatra snātvā ca dattvā ca citraguptaṁ na paśyati ||4.2.83.1 0 0|| dharmatīrthaṁ tataḥ puṇyaṁ dharmeśa purataḥ sthitam || tatra śrāddhadikaṁ kṛtvā pitṝṇāmanṛṇo bhavet
और उससे भी अधिक मनुष्यों के लिए पुण्यदायक चित्ररथेश्वर तीर्थ है, जिसमें स्नान और दान करके मनुष्य चित्रगुप्त को नहीं देखता; फिर धर्मेश के समक्ष पुण्यदायक धर्म तीर्थ है, जहाँ श्राद्ध आदि करके मनुष्य पितरों के ऋण से मुक्त हो जाता है।
श्लोक 101 (skanda.4.83.101)
विशालतीर्थं विमलं विशालफलदं ततः ।। तत्र स्नात्वा विशालाक्षी दृष्ट्वा गर्भेन जायते
viśālatīrthaṁ vimalaṁ viśālaphaladaṁ tataḥ || tatra snātvā viśālākṣī dṛṣṭvā garbhena jāyate
विशाल फल देने वाला निर्मल विशाल तीर्थ है, जिसमें स्नान करके विशालाक्षी का दर्शन कर स्त्री गर्भवती होती है;
श्लोक 102 (skanda.4.83.102)
जरासंधेश तीर्थं च जरासंधेशसन्निधौ ।। संसारज्वरपीडाभिस्तत्र स्नातो न मुह्यति
jarāsaṁdheśa tīrthaṁ ca jarāsaṁdheśasannidhau || saṁsārajvarapīḍābhistatra snāto na muhyati
जरासंधेश के समीप जरासंधेश तीर्थ है, जिसमें स्नान करने वाला संसार-ज्वर की पीड़ाओं से मोहित नहीं होता;
श्लोक 103 (skanda.4.83.103)
ततोऽपि ललितातीर्थं महासौभाग्यवर्धनम् ।। स्नात्वार्चयित्वा ललितां न दरिद्रो न दुःखभाक्
tato'pi lalitātīrthaṁ mahāsaubhāgyavardhanam || snātvārcayitvā lalitāṁ na daridro na duḥkhabhāk
उससे भी महासौभाग्य बढ़ाने वाला ललिता तीर्थ है; वहाँ स्नान और ललिता की पूजा करके न कोई दरिद्र रहता है, न दुःखी;
श्लोक 104 (skanda.4.83.104)
ततो गौतमतीर्थं च सर्वपापविशोधनम् ।। स्नात्वा पिंडान्विनिर्वाप्य यत्र शोचति न क्वचित्
tato gautamatīrthaṁ ca sarvapāpaviśodhanam || snātvā piṁḍānvinirvāpya yatra śocati na kvacit
फिर सब पापों को शुद्ध करने वाला गौतम तीर्थ है, जिसमें स्नान कर पिंडदान करके मनुष्य कहीं शोक नहीं करता;
श्लोक 105 (skanda.4.83.105)
गंगाकेशवतीर्थं च तीर्थं चागस्त्य संज्ञकम् ।। ततस्तु योगिनीतीर्थं त्रिसंध्याख्यं ततः परम्
gaṁgākeśavatīrthaṁ ca tīrthaṁ cāgastya saṁjñakam || tatastu yoginītīrthaṁ trisaṁdhyākhyaṁ tataḥ param
गंगा-केशव तीर्थ और अगस्त्य नामक तीर्थ है; फिर योगिनी तीर्थ, और उससे परे त्रिसंध्या नामक तीर्थ है;
श्लोक 106 (skanda.4.83.106)
ततस्तु नार्मदं तीर्थं तत आरुंधतेयकम् ।। वासिष्ठं च ततस्तीर्थं मार्कंण्डेयमनुत्तमम्
tatastu nārmadaṁ tīrthaṁ tata āruṁdhateyakam || vāsiṣṭhaṁ ca tatastīrthaṁ mārkaṁṇḍeyamanuttamam
फिर नार्मद तीर्थ, फिर अरुन्धतेय तीर्थ, फिर वासिष्ठ तीर्थ, और अनुपम मार्कण्डेय तीर्थ है -
श्लोक 107 (skanda.4.83.107)
ज्ञेयान्येतानि तीर्थानि पुण्यदान्युत्तरोत्तरम ।। खुरकर्तरि संज्ञं च ततस्तीर्थमनुत्तमम्
jñeyānyetāni tīrthāni puṇyadānyuttarottarama || khurakartari saṁjñaṁ ca tatastīrthamanuttamam
ये सब तीर्थ उत्तरोत्तर अधिक पुण्यदायक जानने चाहिए; फिर खुरकर्तरी नामक अनुपम तीर्थ है,
श्लोक 108 (skanda.4.83.108)
तत्र श्राद्धादिकरणान्नरोमुच्येत किल्बिषैः ।। ततो भगीरथं तीर्थं राजर्षेरतिपुण्यदम्
tatra śrāddhādikaraṇānnaromucyeta kilbiṣaiḥ || tato bhagīrathaṁ tīrthaṁ rājarṣeratipuṇyadam
वहाँ श्राद्ध आदि करने से मनुष्य पापों से मुक्त हो जाता है; फिर उस राजर्षि का अत्यन्त पुण्यदायक भगीरथ तीर्थ है,
श्लोक 109 (skanda.4.83.109)
तत्राल्पमपि यच्छेद्यत्कल्पांतेप्यक्षयं हि तत् ।। एतेभ्योपि हि तीर्थेभ्यो लिंगकोटित्रयादपि
tatrālpamapi yacchedyatkalpāṁtepyakṣayaṁ hi tat || etebhyopi hi tīrthebhyo liṁgakoṭitrayādapi
वहाँ जो भी अल्प दान दिया जाए, वह कल्पान्त तक भी अक्षय रहता है। इन सब तीर्थों से भी, और तीन करोड़ लिंगों से भी बढ़कर,
श्लोक 110 (skanda.4.83.110)
वीरवीरेश्वरं लिंगं महाश्रेष्ठं भविष्यति ।। वीरतीर्थे नरः स्नात्वा वीरेशं परिपूज्य च
vīravīreśvaraṁ liṁgaṁ mahāśreṣṭhaṁ bhaviṣyati || vīratīrthe naraḥ snātvā vīreśaṁ paripūjya ca
यह वीर-वीरेश्वर लिंग सबसे श्रेष्ठ होगा। वीर-तीर्थ में स्नान करके, वीरेश की भलीभाँति पूजा करके -
श्लोक 111 (skanda.4.83.111)
तीर्थेष्वेतेषु सर्वेषु स्नातो भवति नान्यथा ।। यस्तु वीरेश्वरं लिंगं नक्तमभ्यर्चयिप्यति ।। तेन त्रिकोटिसंख्यानि लिंगानीहार्चितानि वै
tīrtheṣveteṣu sarveṣu snāto bhavati nānyathā || yastu vīreśvaraṁ liṁgaṁ naktamabhyarcayipyati || tena trikoṭisaṁkhyāni liṁgānīhārcitāni vai
- मनुष्य इन सभी तीर्थों में स्नान करने वाला ही होता है, अन्यथा नहीं। जो रात्रि में वीरेश्वर लिंग की पूजा करता है, उसने मानो यहाँ तीन करोड़ लिंगों की पूजा कर ली।
श्लोक 112 (skanda.4.83.112)
यस्तु कामयते लक्ष्मीं मुक्तिदां भुक्तिदामपि ।। तेन वीरेश्वरं लिंगं संसेव्यमतियत्नतः
yastu kāmayate lakṣmīṁ muktidāṁ bhuktidāmapi || tena vīreśvaraṁ liṁgaṁ saṁsevyamatiyatnataḥ
जो मुक्ति और भुक्ति दोनों देने वाली लक्ष्मी की कामना करे, उसे अत्यन्त प्रयत्नपूर्वक वीरेश्वर लिंग की सेवा करनी चाहिए।
श्लोक 113 (skanda.4.83.113)
विधायैकं जागरणं नरो वीरेशमर्चयन् ।। भूतायां नैव गृह्णाति शरीरं पांचभौतिकम्
vidhāyaikaṁ jāgaraṇaṁ naro vīreśamarcayan || bhūtāyāṁ naiva gṛhṇāti śarīraṁ pāṁcabhautikam
वीरेश की पूजा करते हुए एक बार जागरण करने वाला मनुष्य फिर कभी पंच-भौतिक शरीर धारण नहीं करता।
श्लोक 114 (skanda.4.83.114)
इदं लिंगं सदाभ्यर्च्यं सिद्धैः संसिद्धिकामुकैः ।। ऐहिकामुष्मिकान्यस्मात्सर्वान्कामान्समर्थयेत्
idaṁ liṁgaṁ sadābhyarcyaṁ siddhaiḥ saṁsiddhikāmukaiḥ || aihikāmuṣmikānyasmātsarvānkāmānsamarthayet
सिद्धि चाहने वाले सिद्धों द्वारा यह लिंग सदा पूजनीय है; इससे इस लोक और परलोक की सब कामनाएँ पूर्ण होती हैं।
श्लोक 115 (skanda.4.83.115)
पंचामृतेन स्नपनं यः करिष्यति मानवः ।। पलेपले फलं तस्य वीरेशे घटकोटिजम्
paṁcāmṛtena snapanaṁ yaḥ kariṣyati mānavaḥ || palepale phalaṁ tasya vīreśe ghaṭakoṭijam
जो मनुष्य पंचामृत से स्नपन करता है, उसे वीरेश में हर बूँद पर करोड़ों घड़ों का फल मिलता है।
श्लोक 116 (skanda.4.83.116)
यदन्यत्र फलं लिंगे कोटिपुष्प प्रदानतः ।। तदेकेनैव पुष्पेण वीरेशे नात्र संशयः
yadanyatra phalaṁ liṁge koṭipuṣpa pradānataḥ || tadekenaiva puṣpeṇa vīreśe nātra saṁśayaḥ
अन्यत्र किसी लिंग में करोड़ फूल चढ़ाने का जो फल है, वही फल वीरेश में एक ही फूल से मिलता है, इसमें संशय नहीं।
श्लोक 117 (skanda.4.83.117)
एकामप्याहुतिं दत्त्वा वीरेश्वरसमीपतः ।। कोटिहोमफलं सम्यङ्नात्र कार्या विचारणा
ekāmapyāhutiṁ dattvā vīreśvarasamīpataḥ || koṭihomaphalaṁ samyaṅnātra kāryā vicāraṇā
वीरेश्वर के समीप एक भी आहुति देने से करोड़ होमों का फल मिलता है, इसमें विचार करने की आवश्यकता नहीं।
श्लोक 118 (skanda.4.83.118)
सिक्थेसिक्थे च नैवैद्यै कोटिसिक्थफलं भवेत् ।। अत्यल्पमपि वीरेशे कृतमक्षयतां व्रजेत्
sikthesikthe ca naivaidyai koṭisikthaphalaṁ bhavet || atyalpamapi vīreśe kṛtamakṣayatāṁ vrajet
प्रत्येक निवाले के नैवेद्य पर करोड़ निवालों का फल मिलता है; वीरेश में अत्यन्त अल्प किया गया कार्य भी अक्षय हो जाता है।
श्लोक 119 (skanda.4.83.119)
अप्येकं यो महारुद्रं जपेद्वीरेश सन्निधौ ।। जापयेद्वा भवेत्तस्य कोटिरुद्रफलं ध्रुवम्
apyekaṁ yo mahārudraṁ japedvīreśa sannidhau || jāpayedvā bhavettasya koṭirudraphalaṁ dhruvam
जो एक बार भी महारुद्र का जप वीरेश के समीप करता है, या करवाता है, उसे निश्चय ही करोड़ रुद्र-जप का फल मिलता है।
श्लोक 120 (skanda.4.83.120)
व्रतोत्सर्गादि वीरेशे यत्कृतं व्रतिभिर्नृभिः ।। तत्कोटिगुणसंख्याकं भवत्येव न संशयः
vratotsargādi vīreśe yatkṛtaṁ vratibhirnṛbhiḥ || tatkoṭiguṇasaṁkhyākaṁ bhavatyeva na saṁśayaḥ
वीरेश में व्रती मनुष्यों द्वारा किया गया व्रतोत्सर्ग आदि करोड़ गुना हो जाता है, इसमें संशय नहीं।
श्लोक 121 (skanda.4.83.121)
कृता अष्टौ नमस्कारा येन वीरेश्वराग्रतः ।। अष्टकोटि नमस्कारफलं तस्य न संशयः
kṛtā aṣṭau namaskārā yena vīreśvarāgrataḥ || aṣṭakoṭi namaskāraphalaṁ tasya na saṁśayaḥ
जिसने वीरेश्वर के समक्ष आठ प्रणाम किए, उसे आठ करोड़ प्रणामों का फल मिलता है, इसमें संशय नहीं।
श्लोक 122 (skanda.4.83.122)
सर्वासां संपदां स्थानमिदं लिंगं भविष्यति ।। वीरश्वेरं न संदेहो वीर मे वरदानतः
sarvāsāṁ saṁpadāṁ sthānamidaṁ liṁgaṁ bhaviṣyati || vīraśveraṁ na saṁdeho vīra me varadānataḥ
यह लिंग सब सम्पदाओं का स्थान होगा; मेरे वरदान से, हे वीर, वीरेश्वर में इसमें कोई सन्देह नहीं।
श्लोक 123 (skanda.4.83.123)
ज्ञानमुत्पत्स्यते पुंसां तारकाख्यं ममाज्ञया ।। जीवतामेव तत्सेव्यमेतल्लिंगं शुभार्थिभिः
jñānamutpatsyate puṁsāṁ tārakākhyaṁ mamājñayā || jīvatāmeva tatsevyametalliṁgaṁ śubhārthibhiḥ
मेरी आज्ञा से मनुष्यों को तारक नामक ज्ञान उत्पन्न होगा; शुभ चाहने वालों को यह लिंग जीते-जी ही सेवनीय है।
श्लोक 124 (skanda.4.83.124)
एतच्छ्रुत्वा पुनः प्राह वीरो मित्रजितः सुतः ।। प्रणम्य देवदेवेशं परिपूर्णमनोरथः
etacchrutvā punaḥ prāha vīro mitrajitaḥ sutaḥ || praṇamya devadeveśaṁ paripūrṇamanorathaḥ
यह सुनकर मित्रजित् का वीर पुत्र, मनोरथ पूर्ण होने पर देवदेवेश को प्रणाम करके फिर बोला -
श्लोक 125 (skanda.4.83.125)
तीर्थान्येतानि देवेश यान्युक्तानि ममाग्रतः ।। कृपया पुनरप्येव तदन्यानि वद प्रभो
tīrthānyetāni deveśa yānyuktāni mamāgrataḥ || kṛpayā punarapyeva tadanyāni vada prabho
"हे देवेश, जो तीर्थ मेरे समक्ष कहे गए, उनके अतिरिक्त कृपया अन्य तीर्थ भी बताइए, हे प्रभो।"
श्लोक 126 (skanda.4.83.126)
आदिकेशवमारभ्य तत्तीर्थाच्च भगीरथात् ।। येषां श्रवणमात्रेण निष्पापो जायते नरः
ādikeśavamārabhya tattīrthācca bhagīrathāt || yeṣāṁ śravaṇamātreṇa niṣpāpo jāyate naraḥ
"आदिकेशव से लेकर भगीरथ तीर्थ तक, जिनके श्रवण मात्र से मनुष्य निष्पाप हो जाता है।"
श्लोक 127 (skanda.4.83.127)
इति श्रुत्वा महेशानो महीप तनयोदितम् ।। पुनस्तीर्थानि गंगायां वक्तुं समुपचक्रमे
iti śrutvā maheśāno mahīpa tanayoditam || punastīrthāni gaṁgāyāṁ vaktuṁ samupacakrame
राजपुत्र के इस निवेदन को सुनकर महेशान फिर गंगा-तट के तीर्थों को कहने के लिए तत्पर हुए।