वीरेश्वराख्यान — गंगा-तीर्थ एवं मणिकर्णिका

श्लोक 1 (skanda.4.84.1)

।। स्कंद उवाच ।। आकर्णय क्षोणिसुर यथा स्थाणुरचीकरत् ।। गंगावरणयोः पुण्यात्संभेदात्तीर्थभूमिकाम्

|| skaṁda uvāca || ākarṇaya kṣoṇisura yathā sthāṇuracīkarat || gaṁgāvaraṇayoḥ puṇyātsaṁbhedāttīrthabhūmikām

स्कन्द ने कहा — सुनो, हे पृथ्वी-ब्राह्मण, कैसे स्थाणु (शिव) ने गंगा और वरणा के पुण्य संगम से एक तीर्थ-भूमि रची।

श्लोक 2 (skanda.4.84.2)

संगमे तत्र निष्णातः संगमेशं समर्च्य च ।। नरो न जातु जननी गर्भसंगमवाप्नुयात्

saṁgame tatra niṣṇātaḥ saṁgameśaṁ samarcya ca || naro na jātu jananī garbhasaṁgamavāpnuyāt

उस संगम में डुबकी लगाकर, संगमेश की भलीभाँति पूजा करके मनुष्य फिर कभी माता के गर्भ को प्राप्त नहीं होता।

श्लोक 3 (skanda.4.84.3)

तत्र पादोदकं तीर्थं यत्र देवेन शार्ङ्गिणा ।। आदौ पादौ क्षलितौ तु मंदराच्चागतेन यत्

tatra pādodakaṁ tīrthaṁ yatra devena śārṅgiṇā || ādau pādau kṣalitau tu maṁdarāccāgatena yat

वहाँ पादोदक तीर्थ है, जहाँ धनुर्धारी देव (विष्णु) ने मन्दराचल से आकर सर्वप्रथम अपने दोनों चरण धोए थे —

श्लोक 4 (skanda.4.84.4)

विप्णुपादोदके तीर्थे वारिकार्यं करोति यः ।। व्यतीपातेन नियतं भूयः सांसारिकी गतिः

vipṇupādodake tīrthe vārikāryaṁ karoti yaḥ || vyatīpātena niyataṁ bhūyaḥ sāṁsārikī gatiḥ

विष्णु-पादोदक तीर्थ में व्यतीपात-योग पर जो जल-कर्म करता है, वह निश्चय ही फिर संसार-गति को नहीं पाता।

श्लोक 5 (skanda.4.84.5)

कृतपादोदक स्नानः कृतकेशवपूजनः ।। वीतसंसारवसतिः काश्यामासीन्नरोत्तमः

kṛtapādodaka snānaḥ kṛtakeśavapūjanaḥ || vītasaṁsāravasatiḥ kāśyāmāsīnnarottamaḥ

पादोदक में स्नान करके, केशव की पूजा करके, संसार-वास से मुक्त श्रेष्ठ पुरुष सदा काशी में ही रहा है।

श्लोक 6 (skanda.4.84.6)

काश्यां सा भूमिरुद्दिष्टा श्वेतद्वीप इति द्विजैः ।। तत्र पुण्यार्जनं कृत्वा श्वेतद्वीपाधिपो भवेत्

kāśyāṁ sā bhūmiruddiṣṭā śvetadvīpa iti dvijaiḥ || tatra puṇyārjanaṁ kṛtvā śvetadvīpādhipo bhavet

काशी में उस भूमि को ब्राह्मणों ने "श्वेतद्वीप" कहा है; वहाँ पुण्य अर्जित करके मनुष्य श्वेतद्वीप का अधिपति बनता है।

श्लोक 7 (skanda.4.84.7)

ततः पादोदकात्तीर्थात्तीर्थं क्षीराब्धिसंज्ञकम् ।। तत्रार्जित महापुण्यो वसेत्क्षीराब्धिरोधसि

tataḥ pādodakāttīrthāttīrthaṁ kṣīrābdhisaṁjñakam || tatrārjita mahāpuṇyo vasetkṣīrābdhirodhasi

पादोदक तीर्थ से आगे "क्षीराब्धि" नामक तीर्थ है; वहाँ महापुण्य अर्जित करके मनुष्य क्षीरसागर के तट पर निवास करता है।

श्लोक 8 (skanda.4.84.8)

क्षीरोदाद्दक्षिणेभागे तीर्थं शंखाख्यनुत्तमम् ।। तत्र स्नातो भवेन्नूनं नाशंखादिनिधेः पतिः

kṣīrodāddakṣiṇebhāge tīrthaṁ śaṁkhākhyanuttamam || tatra snāto bhavennūnaṁ nāśaṁkhādinidheḥ patiḥ

क्षीरोद के दक्षिण भाग में "शंख" नामक अनुपम तीर्थ है; वहाँ स्नान करके मनुष्य निश्चय ही शंख आदि निधियों का स्वामी बनता है।

श्लोक 9 (skanda.4.84.9)

अर्वाक्च शंखतीर्थाद्वै चक्रतीर्थमनुत्तमम् ।। संसारचक्रे न पतेत्तत्तीर्थजलमज्जनात्

arvākca śaṁkhatīrthādvai cakratīrthamanuttamam || saṁsāracakre na patettattīrthajalamajjanāt

शंख तीर्थ से पहले अनुपम चक्र तीर्थ है; उस तीर्थ के जल में डुबकी लगाने से मनुष्य संसार-चक्र में नहीं गिरता।

श्लोक 10 (skanda.4.84.10)

गदातीर्थं तदग्रे तु संसारगदनाशनम् ।। तत्र श्राद्धादिकरणात्पश्येद्देवं गदाधरम्

gadātīrthaṁ tadagre tu saṁsāragadanāśanam || tatra śrāddhādikaraṇātpaśyeddevaṁ gadādharam

उससे आगे गदा तीर्थ है, संसार-रोग का नाशक; वहाँ श्राद्ध आदि करके मनुष्य गदाधर देव का दर्शन पाता है।

श्लोक 11 (skanda.4.84.11)

पद्माकृत्पद्मतीर्थं च तदग्रे पितृतृप्तिकृत् ।। तत्र स्नानादिकरणात्प्राप्नुयादघसंक्षयम्

padmākṛtpadmatīrthaṁ ca tadagre pitṛtṛptikṛt || tatra snānādikaraṇātprāpnuyādaghasaṁkṣayam

कमल-आकार पद्म तीर्थ उससे आगे पितरों को तृप्त करने वाला है; वहाँ स्नान आदि करके मनुष्य पाप-नाश पाता है।

श्लोक 12 (skanda.4.84.12)

ततस्तीर्थं महालक्ष्म्या महापुण्यफलप्रदम् ।। तत्राभ्यर्च्य महालक्ष्मीं निर्वाणकमलां लभेत्

tatastīrthaṁ mahālakṣmyā mahāpuṇyaphalapradam || tatrābhyarcya mahālakṣmīṁ nirvāṇakamalāṁ labhet

फिर महालक्ष्मी का महापुण्यदायक तीर्थ है; वहाँ महालक्ष्मी की पूजा करके मनुष्य निर्वाण-कमल को प्राप्त करता है।

श्लोक 13 (skanda.4.84.13)

ततो गारुत्मतं तीर्थं संसारगरनाशनम् ।। कृतोदकक्रियस्तत्र वैकुंठे वसतिं लभेत्

tato gārutmataṁ tīrthaṁ saṁsāragaranāśanam || kṛtodakakriyastatra vaikuṁṭhe vasatiṁ labhet

फिर गरुड़ तीर्थ है, संसार के विष का नाशक; वहाँ जल-कर्म करके मनुष्य वैकुण्ठ में निवास पाता है।

श्लोक 14 (skanda.4.84.14)

ततो नारदतीर्थं च ब्रह्मविद्यैककारणम् ।। तत्र स्नानेन मुक्तः स्याद्दृष्ट्वा नारदकेशवम्

tato nāradatīrthaṁ ca brahmavidyaikakāraṇam || tatra snānena muktaḥ syāddṛṣṭvā nāradakeśavam

फिर नारद तीर्थ है, ब्रह्म-विद्या का एकमात्र कारण; वहाँ स्नान करके नारद-केशव को देखकर मनुष्य मुक्त हो जाता है।

श्लोक 15 (skanda.4.84.15)

प्रह्लादतीर्थं तद्याम्ये महाभक्तिफलप्रदम् ।। तत्र वै स्नानमात्रेण विष्णोः प्रियतरो भवेत्

prahlādatīrthaṁ tadyāmye mahābhaktiphalapradam || tatra vai snānamātreṇa viṣṇoḥ priyataro bhavet

उसके दक्षिण में प्रह्लाद तीर्थ है, महाभक्ति का फल देने वाला; वहाँ स्नान मात्र से मनुष्य विष्णु का अत्यन्त प्रिय बनता है।

श्लोक 16 (skanda.4.84.16)

अंबरीषं ततस्तीर्थं महापातकनाशनम् ।। तत्र वै शुभकर्माणो जना नो गर्भभाजनम् ।।

aṁbarīṣaṁ tatastīrthaṁ mahāpātakanāśanam || tatra vai śubhakarmāṇo janā no garbhabhājanam ||

फिर अम्बरीष तीर्थ है, महापातकों का नाशक; वहाँ शुभकर्मी लोग फिर गर्भ के पात्र नहीं बनते।

श्लोक 17 (skanda.4.84.17)

आदित्यकेशवं नाम तदग्रे तीर्थमुत्तमम् ।। कृताभिषेकस्तत्रापि लभेत्स्वर्गाभिषेचनम्

ādityakeśavaṁ nāma tadagre tīrthamuttamam || kṛtābhiṣekastatrāpi labhetsvargābhiṣecanam

उससे आगे "आदित्य-केशव" नामक उत्तम तीर्थ है; वहाँ अभिषेक करके मनुष्य स्वर्ग का अभिषेक पाता है।

श्लोक 18 (skanda.4.84.18)

दत्तात्रेयस्य तत्रास्ति तीर्थं त्रैलोक्यपावनम् ।। योगसिद्धिं लभे तत्र स्नानमात्रेण भावतः

dattātreyasya tatrāsti tīrthaṁ trailokyapāvanam || yogasiddhiṁ labhe tatra snānamātreṇa bhāvataḥ

वहाँ दत्तात्रेय का तीर्थ है, त्रिलोक को पवित्र करने वाला; वहाँ भावपूर्वक स्नान मात्र से योग-सिद्धि प्राप्त होती है।

श्लोक 19 (skanda.4.84.19)

तदग्रे भार्गवं तीर्थं महाज्ञानसमर्पकम् ।। तत्र स्नानविधानेन भवेद्भार्गव लोकभाक्

tadagre bhārgavaṁ tīrthaṁ mahājñānasamarpakam || tatra snānavidhānena bhavedbhārgava lokabhāk

उससे आगे भार्गव तीर्थ है, महाज्ञान देने वाला; वहाँ स्नान-विधि से मनुष्य भार्गव-लोक का भागी बनता है।

श्लोक 20 (skanda.4.84.20)

ततो वामनतीर्थं च विष्णुसान्निध्यहेतुकम् ।। तत्र श्राद्धविधानेन मुच्यते पितृजादृणात्

tato vāmanatīrthaṁ ca viṣṇusānnidhyahetukam || tatra śrāddhavidhānena mucyate pitṛjādṛṇāt

फिर वामन तीर्थ है, विष्णु की सन्निधि का कारण; वहाँ श्राद्ध-विधि से मनुष्य पितृ-ऋण से मुक्त होता है।

श्लोक 21 (skanda.4.84.21)

नरनारायणाख्यं हि ततस्तीर्थं शुभप्रदम् ।। तत्तीर्थमज्जनात्पुंसां गर्भवासः सुदुर्लभः

naranārāyaṇākhyaṁ hi tatastīrthaṁ śubhapradam || tattīrthamajjanātpuṁsāṁ garbhavāsaḥ sudurlabhaḥ

फिर "नर-नारायण" नामक शुभदायक तीर्थ है; उस तीर्थ में डुबकी लगाने से मनुष्यों को गर्भवास अत्यन्त दुर्लभ हो जाता है।

श्लोक 22 (skanda.4.84.22)

यज्ञवाराहतीर्थं च ततो दक्षिणतः शुभम् ।। यत्र स्नातस्य वै पुंसां राजसूयफलं ध्रुवम्

yajñavārāhatīrthaṁ ca tato dakṣiṇataḥ śubham || yatra snātasya vai puṁsāṁ rājasūyaphalaṁ dhruvam

फिर दक्षिण में शुभ यज्ञवराह तीर्थ है; वहाँ स्नान करने वाले मनुष्यों को निश्चय ही राजसूय यज्ञ का फल मिलता है।

श्लोक 23 (skanda.4.84.23)

विदारनारसिंहाख्यं तीर्थं तत्रास्ति पावनम् ।। यत्रैकस्नानतो नश्येदघ जन्मशतार्जितम्

vidāranārasiṁhākhyaṁ tīrthaṁ tatrāsti pāvanam || yatraikasnānato naśyedagha janmaśatārjitam

वहाँ "विदार-नरसिंह" नामक पवित्र तीर्थ है, जहाँ एक बार स्नान करने से सौ जन्मों का अर्जित पाप नष्ट हो जाता है।

श्लोक 24 (skanda.4.84.24)

गोपीगोविंदतीर्थं च ततो वैष्णवलोकदम् ।। यस्मिन्स्नातो नरो विद्वान्न विंद्याद्गर्भवेदनम्

gopīgoviṁdatīrthaṁ ca tato vaiṣṇavalokadam || yasminsnāto naro vidvānna viṁdyādgarbhavedanam

फिर गोपी-गोविन्द तीर्थ है, वैष्णव-लोक देने वाला; जिसमें स्नान करने वाला बुद्धिमान मनुष्य गर्भ-पीड़ा नहीं पाता।

श्लोक 25 (skanda.4.84.25)

लक्ष्मीनृसिंहतीर्थं च गोपीगोविंद दक्षिणे ।। निर्वाणलक्ष्म्या यत्रत्यो व्रियते तु नरोत्तमः

lakṣmīnṛsiṁhatīrthaṁ ca gopīgoviṁda dakṣiṇe || nirvāṇalakṣmyā yatratyo vriyate tu narottamaḥ

गोपी-गोविन्द के दक्षिण में लक्ष्मी-नृसिंह तीर्थ है; वहाँ रहने वाला श्रेष्ठ पुरुष निर्वाण-लक्ष्मी द्वारा वरण किया जाता है।

श्लोक 26 (skanda.4.84.26)

तद्दक्षिणायां काष्ठायां शेषतीर्थमनुत्तमम्।। महापापौघ शेषोपि न तिष्ठेद्यन्निमज्जनात् ।।

taddakṣiṇāyāṁ kāṣṭhāyāṁ śeṣatīrthamanuttamam|| mahāpāpaugha śeṣopi na tiṣṭhedyannimajjanāt ||

उसके दक्षिण दिशा में अनुपम शेष तीर्थ है; उसमें डुबकी लगाने से महापापों का समूह भी शेष नहीं रहता।

श्लोक 27 (skanda.4.84.27)

शंखमाधवतीर्थं च तद्याम्यां दिशि चोत्तमम् ।। तत्तीर्थसेवनान्नृणां कुतः पापभयं महत्

śaṁkhamādhavatīrthaṁ ca tadyāmyāṁ diśi cottamam || tattīrthasevanānnṛṇāṁ kutaḥ pāpabhayaṁ mahat

और उसके दक्षिण में उत्तम शंख-माधव तीर्थ है; उस तीर्थ की सेवा से मनुष्यों को पाप का महान भय कहाँ रहे?

श्लोक 28 (skanda.4.84.28)

ततोपि पावनतरं तीर्थं तत्क्षणसिद्धिदम् ।। नीलग्रीवाख्यमतुलं तत्स्नायी सर्वदा शुचिः

tatopi pāvanataraṁ tīrthaṁ tatkṣaṇasiddhidam || nīlagrīvākhyamatulaṁ tatsnāyī sarvadā śuciḥ

उससे भी अधिक पवित्र, क्षणभर में सिद्धि देने वाला "नीलग्रीव" नामक अनुपम तीर्थ है; वहाँ स्नान करने वाला सदा शुद्ध रहता है।

श्लोक 29 (skanda.4.84.29)

तत्रोद्दालकतीर्थं च सर्वाघौघ विनाशनम् ।। ददाति महतीमृद्धिं स्नानमात्रेण तन्नृणाम्

tatroddālakatīrthaṁ ca sarvāghaugha vināśanam || dadāti mahatīmṛddhiṁ snānamātreṇa tannṛṇām

वहीं उद्दालक तीर्थ है, सब पापों के समूह का नाशक; यह मनुष्यों को स्नान मात्र से महान समृद्धि देता है।

श्लोक 30 (skanda.4.84.30)

ततः सांख्याख्य तीर्थं च सांख्येश्वर समीपतः ।। तत्तीर्थसेवनात्पुंसां सांख्ययोगः प्रसीदति

tataḥ sāṁkhyākhya tīrthaṁ ca sāṁkhyeśvara samīpataḥ || tattīrthasevanātpuṁsāṁ sāṁkhyayogaḥ prasīdati

फिर साङ्ख्येश्वर के समीप साङ्ख्य नामक तीर्थ है; उस तीर्थ की सेवा से मनुष्यों को साङ्ख्य-योग प्रसन्न होता है।

श्लोक 31 (skanda.4.84.31)

स्वर्लोकाद्यत्र संलीनः स्वयं देव उमापतिः ।। अतः स्वर्लीनतीर्थं च स्वर्लीनेश्वर सन्निधौ

svarlokādyatra saṁlīnaḥ svayaṁ deva umāpatiḥ || ataḥ svarlīnatīrthaṁ ca svarlīneśvara sannidhau

जहाँ स्वयं उमापति देव स्वर्गलोक से लीन हुए, वहीं स्वर्लीनेश्वर के समीप "स्वर्लीन" तीर्थ है,

श्लोक 32 (skanda.4.84.32)

तत्र स्नानेन दानेन श्रद्धया द्विजभोजनैः ।। जपहोमार्चनैः पुंसामक्षयं सर्वमेव हि

tatra snānena dānena śraddhayā dvijabhojanaiḥ || japahomārcanaiḥ puṁsāmakṣayaṁ sarvameva hi

वहाँ स्नान, दान, श्रद्धा, ब्राह्मण-भोजन, जप-होम-अर्चन से मनुष्यों का सब कुछ अक्षय हो जाता है।

श्लोक 33 (skanda.4.84.33)

महिषासुरतीर्थं च तत्समीपेति पावनम् ।। यत्र तप्त्वा स दैत्येंद्रो विजिग्ये सकलान्सुरान्

mahiṣāsuratīrthaṁ ca tatsamīpeti pāvanam || yatra taptvā sa daityeṁdro vijigye sakalānsurān

उसके समीप पवित्र महिषासुर तीर्थ है, जहाँ तपस्या करके उस दैत्यराज ने सब देवताओं को जीत लिया था।

श्लोक 34 (skanda.4.84.34)

तत्तीर्थसेवकोद्यापि नारिभिः परिभूयते ।। न पातकैर्महद्भिश्च प्रार्थितं च फलं लभेत्

tattīrthasevakodyāpi nāribhiḥ paribhūyate || na pātakairmahadbhiśca prārthitaṁ ca phalaṁ labhet

उस तीर्थ का सेवक आज भी स्त्रियों से या बड़े पापों से पराभूत नहीं होता, और अपनी माँगी वस्तु का फल पाता है।

श्लोक 35 (skanda.4.84.35)

बाणतीर्थं च तस्यारात्तत्सहस्रभुजप्रदम् ।। तत्र स्नातो नरो भक्तिं प्राप्नुयाच्छांभवीं स्थिराम्

bāṇatīrthaṁ ca tasyārāttatsahasrabhujapradam || tatra snāto naro bhaktiṁ prāpnuyācchāṁbhavīṁ sthirām

उसके निकट बाण तीर्थ है, सहस्र भुजाएँ देने वाला; वहाँ स्नान करने वाला मनुष्य शाम्भवी भक्ति स्थिर रूप से पाता है।

श्लोक 36 (skanda.4.84.36)

गोप्रतारेश्वरं नाम तदग्रे तीर्थमुत्तमम् ।। अपुत्रोपि तरेद्यत्र स्नातो वैतरणीं सुखम्

gopratāreśvaraṁ nāma tadagre tīrthamuttamam || aputropi taredyatra snāto vaitaraṇīṁ sukham

उससे आगे "गोप्रतारेश्वर" नामक उत्तम तीर्थ है; पुत्रहीन भी वहाँ स्नान करके वैतरणी को सुख से पार कर लेता है।

श्लोक 37 (skanda.4.84.37)

तीर्थं हिरण्यगर्भाख्यं तद्याम्ये सर्वपापहृत्।। तत्र स्नातो हिरण्येन मुच्यते न कदाचन

tīrthaṁ hiraṇyagarbhākhyaṁ tadyāmye sarvapāpahṛt|| tatra snāto hiraṇyena mucyate na kadācana

उसके दक्षिण में "हिरण्यगर्भ" नामक सब पापों को हरने वाला तीर्थ है; वहाँ स्नान करने वाला कभी सोने (धन) से वंचित नहीं होता।

श्लोक 38 (skanda.4.84.38)

ततः प्रणवतीर्थं च सर्वतीर्थोत्तमोत्तमम् ।। जीवन्मुक्तो भवेत्तत्र स्नानमात्रेण मानवः

tataḥ praṇavatīrthaṁ ca sarvatīrthottamottamam || jīvanmukto bhavettatra snānamātreṇa mānavaḥ

फिर प्रणव तीर्थ है, सब तीर्थों में सर्वश्रेष्ठ; वहाँ स्नान मात्र से मनुष्य जीवन्मुक्त हो जाता है।

श्लोक 39 (skanda.4.84.39)

ततः पिशंगिला तीर्थं दर्शनादपि पापहृत् ।। मुने ममाधिष्ठानं वै तदगस्तेऽति सिद्धिदम्

tataḥ piśaṁgilā tīrthaṁ darśanādapi pāpahṛt || mune mamādhiṣṭhānaṁ vai tadagaste'ti siddhidam

फिर पिशंगिला तीर्थ है, जो दर्शन मात्र से भी पाप हरता है; हे मुने, वह वास्तव में मेरा ही अधिष्ठान है, हे अगस्त्य, अत्यन्त सिद्धिदायक।

श्लोक 40 (skanda.4.84.40)

स्नात्वा पिशंगिला तीर्थे दत्त्वा दानं च किंचन ।। किं शोचति कृतात्पापादन्यत्रापि मृतो यदि

snātvā piśaṁgilā tīrthe dattvā dānaṁ ca kiṁcana || kiṁ śocati kṛtātpāpādanyatrāpi mṛto yadi

पिशंगिला तीर्थ में स्नान करके कुछ भी दान देने पर, किए गए पाप से भला क्या शोक, चाहे अन्यत्र भी मृत्यु हो जाए?

श्लोक 41 (skanda.4.84.41)

यो वै पिशंगिला तीर्थे स्नात्वा मामर्चयिष्यति ।। भविष्यति स मे मित्त्रं मित्रतेजः समप्रभम्

yo vai piśaṁgilā tīrthe snātvā māmarcayiṣyati || bhaviṣyati sa me mittraṁ mitratejaḥ samaprabham

जो पिशंगिला तीर्थ में स्नान करके मेरी पूजा करेगा, वह मेरा मित्र बन जाएगा, सूर्य के समान तेजस्वी।

श्लोक 42 (skanda.4.84.42)

ततस्त्रैविष्टपीदृष्टि निर्मलीकृत पुष्कलम्।। तीर्थं पिलिपिलाख्यं वै मनोमलविनाशनम्

tatastraiviṣṭapīdṛṣṭi nirmalīkṛta puṣkalam|| tīrthaṁ pilipilākhyaṁ vai manomalavināśanam

फिर देवताओं की दृष्टि को भी निर्मल करने वाला "पिलिपिल" नामक तीर्थ है, जो मन के मल को नाशने वाला है।

श्लोक 43 (skanda.4.84.43)

।। तत्र श्राद्धादिकरणाद्दीनानाथ प्रतर्पणात् ।। महतीं श्रियमाप्नोति मानवोतीव निश्चलाम्

|| tatra śrāddhādikaraṇāddīnānātha pratarpaṇāt || mahatīṁ śriyamāpnoti mānavotīva niścalām

वहाँ श्राद्ध आदि करने से, दीन-अनाथों को तृप्त करने से, मनुष्य अत्यन्त स्थिर, महान समृद्धि प्राप्त करता है।

श्लोक 44 (skanda.4.84.44)

ततो नागेश्वरं तीर्थं महाघपरिशोधनम् ।। तत्तीर्थमज्जनादेव भवेत्सर्वाघसंक्षयः

tato nāgeśvaraṁ tīrthaṁ mahāghapariśodhanam || tattīrthamajjanādeva bhavetsarvāghasaṁkṣayaḥ

फिर नागेश्वर तीर्थ है, महापाप को पूर्णतः शुद्ध करने वाला; उस तीर्थ में डुबकी लगाने मात्र से सब पापों का नाश होता है।

श्लोक 45 (skanda.4.84.45)

तद्दक्षिणे महापुण्यं कर्णादित्याख्यमुत्तमम् ।। तीर्थं यत्राप्लुतो मर्त्यो भास्करीं श्रियमावहेत्

taddakṣiṇe mahāpuṇyaṁ karṇādityākhyamuttamam || tīrthaṁ yatrāpluto martyo bhāskarīṁ śriyamāvahet

उसके दक्षिण में महापुण्यदायक "कर्णादित्य" नामक उत्तम तीर्थ है, जिसमें डुबकी लगाने वाला मनुष्य सूर्य की-सी कान्ति पाता है।

श्लोक 46 (skanda.4.84.46)

ततो भैरवतीर्थं च महाघौघक्षयप्रदम् ।। चतुरर्थोदयकरं सर्वविघ्ननिवारणम्

tato bhairavatīrthaṁ ca mahāghaughakṣayapradam || caturarthodayakaraṁ sarvavighnanivāraṇam

फिर भैरव तीर्थ है, महापापों के समूह का नाशक, चार पुरुषार्थों को उत्पन्न करने वाला, सब विघ्नों को दूर करने वाला।

श्लोक 47 (skanda.4.84.47)

भौमाष्टम्यां तत्र नरः स्नात्वा संतर्पयेत्पितॄन् ।। दृष्ट्वा च भैरवं कालं कलिं कालं च संजयेत्

bhaumāṣṭamyāṁ tatra naraḥ snātvā saṁtarpayetpitṝn || dṛṣṭvā ca bhairavaṁ kālaṁ kaliṁ kālaṁ ca saṁjayet

मंगलवार को पड़ने वाली अष्टमी को वहाँ स्नान करके पितरों को तर्पण करके, और भैरव का दर्शन करके, मनुष्य काल और कलि दोनों को जीत लेता है।

श्लोक 48 (skanda.4.84.48)

तीर्थं खर्वनृसिंहाख्यं तीर्थाद्भरवतः पुरः ।। तत्र स्नातस्य वै पुंसः कुतोघजनितं भयम्

tīrthaṁ kharvanṛsiṁhākhyaṁ tīrthādbharavataḥ puraḥ || tatra snātasya vai puṁsaḥ kutoghajanitaṁ bhayam

भैरव तीर्थ से पहले "खर्व-नृसिंह" नामक तीर्थ है; वहाँ स्नान करने वाले मनुष्य को पाप से उत्पन्न भय कहाँ रहे?

श्लोक 49 (skanda.4.84.49)

मृकंडस्य मुनेस्तीर्थं तद्याम्यामतिनिर्मलम ।। तत्र स्नानेन मर्त्यानां नापायमरणं क्वचित्

mṛkaṁḍasya munestīrthaṁ tadyāmyāmatinirmalama || tatra snānena martyānāṁ nāpāyamaraṇaṁ kvacit

उसके दक्षिण में मृकण्ड मुनि का अत्यन्त निर्मल तीर्थ है; वहाँ स्नान से मनुष्यों को कभी अकाल-मृत्यु नहीं होती।

श्लोक 50 (skanda.4.84.50)

ततः पंचनदाख्यं वै सर्वतीर्थनिषेवितम् ।। तीर्थं यत्र नरः स्नात्वा न संसारी पुनर्भवेत्

tataḥ paṁcanadākhyaṁ vai sarvatīrthaniṣevitam || tīrthaṁ yatra naraḥ snātvā na saṁsārī punarbhavet

फिर "पंचनद" नामक तीर्थ है, सब तीर्थों द्वारा सेवित; वहाँ स्नान करके मनुष्य फिर संसारी नहीं होता।

श्लोक 51 (skanda.4.84.51)

ब्रह्मांडोदरवर्तीनि यानि तीर्थानि सर्वतः ।। ऊर्जे यत्र समायांति स्वाघौघ परिनुत्तये

brahmāṁḍodaravartīni yāni tīrthāni sarvataḥ || ūrje yatra samāyāṁti svāghaugha parinuttaye

ब्रह्माण्ड के भीतर स्थित सब तीर्थ अपने पाप-समूह को दूर करने के लिए कार्तिक मास में वहाँ आते हैं।

श्लोक 52 (skanda.4.84.52)

सर्वदा यत्र सर्वाणि दशम्यादिदिनत्रयम् ।। तिष्ठंति तीर्थवर्याणि निजनैर्मल्यहेतवे ।।

sarvadā yatra sarvāṇi daśamyādidinatrayam || tiṣṭhaṁti tīrthavaryāṇi nijanairmalyahetave ||

वहाँ सदा दशमी आदि तीन दिनों तक सब श्रेष्ठ तीर्थ अपनी निर्मलता के लिए स्थित रहते हैं।

श्लोक 53 (skanda.4.84.53)

भूरिशः सर्वतीर्थानि मध्य काशि पदेपदे ।। परं पांचनदः कैश्चिन्महिमानापि कुत्रचित्

bhūriśaḥ sarvatīrthāni madhya kāśi padepade || paraṁ pāṁcanadaḥ kaiścinmahimānāpi kutracit

काशी के मध्य पग-पग पर बहुत से सब तीर्थ हैं; परन्तु पंचनद की महिमा किसी अन्य के समान कहीं भी नहीं।

श्लोक 54 (skanda.4.84.54)

अप्येकं कार्तिकस्याहस्तत्र वै सफलीकृतम् ।। जपहोमार्चनादानैः कृतकृत्यास्त एव हि

apyekaṁ kārtikasyāhastatra vai saphalīkṛtam || japahomārcanādānaiḥ kṛtakṛtyāsta eva hi

कार्तिक मास का एक भी दिन वहाँ सफल किया जाए तो जप-होम-अर्चन-दान से वे कृतकृत्य ही हो जाते हैं।

श्लोक 55 (skanda.4.84.55)

सर्वाण्यपि च तीर्थानि युगपत्तुलितान्यपि ।। नाधिजन्मुः पंचनद्याः कलाया अपि तुल्यताम्

sarvāṇyapi ca tīrthāni yugapattulitānyapi || nādhijanmuḥ paṁcanadyāḥ kalāyā api tulyatām

सब तीर्थों को एक साथ तराजू पर तौलने पर भी वे पंचनद के सोलहवें भाग के भी बराबर नहीं हो पाते।

श्लोक 56 (skanda.4.84.56)

स्नात्वा पांचनदे तीर्थे दृष्ट्वा वै बिंदुमाधवम् ।। न जातु जायते धीमाञ्जननी जठराजिरे

snātvā pāṁcanade tīrthe dṛṣṭvā vai biṁdumādhavam || na jātu jāyate dhīmāñjananī jaṭharājire

पंचनद तीर्थ में स्नान करके, बिन्दुमाधव का दर्शन करके, बुद्धिमान मनुष्य फिर कभी माता के गर्भ में जन्म नहीं लेता।

श्लोक 57 (skanda.4.84.57)

ततो ज्ञानहदं तीर्थं जडानामपि जाड्यहृत् ।। तत्र स्नातो नरो जातु ज्ञानभ्रंशं न चाप्नुयात्

tato jñānahadaṁ tīrthaṁ jaḍānāmapi jāḍyahṛt || tatra snāto naro jātu jñānabhraṁśaṁ na cāpnuyāt

फिर ज्ञानहद तीर्थ है, जो जड़ों की भी जड़ता हरने वाला है; वहाँ स्नान करने वाला मनुष्य कभी ज्ञान से भ्रष्ट नहीं होता।

श्लोक 58 (skanda.4.84.58)

तत्र ज्ञानह्रदे स्नात्वा दृष्ट्वा ज्ञानेश्वरं नरः ।। ज्ञानं तदधिगच्छेद्वै येन नो बाध्यते पुनः

tatra jñānahrade snātvā dṛṣṭvā jñāneśvaraṁ naraḥ || jñānaṁ tadadhigacchedvai yena no bādhyate punaḥ

ज्ञानह्रद में स्नान करके, ज्ञानेश्वर का दर्शन करके, मनुष्य वह ज्ञान प्राप्त करता है जिससे वह फिर बाधित नहीं होता।

श्लोक 59 (skanda.4.84.59)

ततोस्ति मंगलं तीर्थं सर्वामंगलनाशनम् ।। तत्रावगाहनं कृत्वा भवेन्मंगलभाजनम्

tatosti maṁgalaṁ tīrthaṁ sarvāmaṁgalanāśanam || tatrāvagāhanaṁ kṛtvā bhavenmaṁgalabhājanam

फिर मंगल तीर्थ है, सब अमंगलों का नाशक; वहाँ स्नान करके मनुष्य मंगल का पात्र बनता है।

श्लोक 60 (skanda.4.84.60)

अमंगलानि नश्येयुर्भवेयुर्मंगलानि च ।। स्नातुर्वै मंगले तीर्थे नमस्कर्तुश्च मंगलम् ।।

amaṁgalāni naśyeyurbhaveyurmaṁgalāni ca || snāturvai maṁgale tīrthe namaskartuśca maṁgalam ||

मंगल तीर्थ में स्नान करने वाले के अमंगल नष्ट हो जाते हैं और मंगल हो जाते हैं; प्रणाम करने वाले का भी मंगल होता है।

श्लोक 61 (skanda.4.84.61)

मयूखमालिनस्तीर्थं तदग्रे मलनाशनम् ।। तत्राप्लुतो गभस्तीशं विलोक्य विमलो भवेत्

mayūkhamālinastīrthaṁ tadagre malanāśanam || tatrāpluto gabhastīśaṁ vilokya vimalo bhavet

उससे आगे मयूखमालिन तीर्थ है, मल का नाशक; वहाँ डुबकी लगाकर गभस्तीश का दर्शन कर मनुष्य निर्मल हो जाता है।

श्लोक 62 (skanda.4.84.62)

मखतीर्थं तु तत्रैव मखैश्वर समीपतः ।। मखजं पुण्यमाप्नोति तत्र स्नातो नरोत्तमः

makhatīrthaṁ tu tatraiva makhaiśvara samīpataḥ || makhajaṁ puṇyamāpnoti tatra snāto narottamaḥ

वहीं मखेश्वर के समीप मख तीर्थ है; वहाँ स्नान करने वाला श्रेष्ठ पुरुष यज्ञ-जनित पुण्य पाता है।

श्लोक 63 (skanda.4.84.63)

तत्पार्श्वे बिंदुतीर्थं च परमज्ञानकारणम् ।। तत्र श्राद्धादिकं कृत्वा लभेत्सुकृतमुत्तमम्

tatpārśve biṁdutīrthaṁ ca paramajñānakāraṇam || tatra śrāddhādikaṁ kṛtvā labhetsukṛtamuttamam

उसके पार्श्व में बिन्दु तीर्थ है, परम ज्ञान का कारण; वहाँ श्राद्ध आदि करके उत्तम सुकृत प्राप्त होता है।

श्लोक 64 (skanda.4.84.64)

पिप्पलादस्य च मुनेस्तीर्थं तद्याम्यदिक्स्थितम् ।। स्नात्वा शनेर्दिने तत्र दृष्ट्वावै पिप्पलेश्वरम्

pippalādasya ca munestīrthaṁ tadyāmyadiksthitam || snātvā śanerdine tatra dṛṣṭvāvai pippaleśvaram

पिप्पलाद मुनि का तीर्थ उसके दक्षिण में है; शनिवार को वहाँ स्नान करके, पिप्पलेश्वर का दर्शन करके,

श्लोक 65 (skanda.4.84.65)

पिप्पलं तत्र सेवित्वा अश्वत्थ इति मंत्रतः ।। शनिपीडां न लभते दुःस्वप्नं चापि नाशयेत्

pippalaṁ tatra sevitvā aśvattha iti maṁtrataḥ || śanipīḍāṁ na labhate duḥsvapnaṁ cāpi nāśayet

वहाँ "अश्वत्थ" मन्त्र से पीपल की सेवा करके, शनि-पीड़ा नहीं होती, और दुःस्वप्न भी नष्ट हो जाता है।

श्लोक 66 (skanda.4.84.66)

ततस्ताम्रवराहाख्यं तीर्थं चैवातिपावनम् ।। यत्र स्नानेन दानेन न मज्जेदघसागरे

tatastāmravarāhākhyaṁ tīrthaṁ caivātipāvanam || yatra snānena dānena na majjedaghasāgare

फिर "ताम्रवराह" नामक अत्यन्त पवित्र तीर्थ है; वहाँ स्नान-दान से मनुष्य पाप-सागर में नहीं डूबता।

श्लोक 67 (skanda.4.84.67)

तदग्रे कालगंगा च कलिकल्मषनाशिनी ।। तस्यां स्नात्वा नरो धीमांस्तत्क्षणान्निरघो भवेत्

tadagre kālagaṁgā ca kalikalmaṣanāśinī || tasyāṁ snātvā naro dhīmāṁstatkṣaṇānniragho bhavet

उससे आगे कालगंगा है, कलियुग के मैल का नाशक; उसमें स्नान करके बुद्धिमान मनुष्य उसी क्षण निष्पाप हो जाता है।

श्लोक 68 (skanda.4.84.68)

इंद्रद्युम्नं महातीर्थमिंद्रद्युम्नेश्वराग्रतः ।। तोयकृत्यं तत्र कृत्वा लोकमैंद्रमवाप्नुयात

iṁdradyumnaṁ mahātīrthamiṁdradyumneśvarāgrataḥ || toyakṛtyaṁ tatra kṛtvā lokamaiṁdramavāpnuyāta

इन्द्रद्युम्नेश्वर के समक्ष इन्द्रद्युम्न महातीर्थ है; वहाँ जल-कर्म करके मनुष्य इन्द्रलोक प्राप्त करता है।

श्लोक 69 (skanda.4.84.69)

ततस्तु रामतीर्थं च वीररामेश्वराग्रतः।। तत्तीर्थस्नानमात्रेण वैष्णवं लोकमाप्नुयात्

tatastu rāmatīrthaṁ ca vīrarāmeśvarāgrataḥ|| tattīrthasnānamātreṇa vaiṣṇavaṁ lokamāpnuyāt

फिर वीर-रामेश्वर के समक्ष राम तीर्थ है; उस तीर्थ में स्नान मात्र से मनुष्य विष्णु-लोक प्राप्त करता है।

श्लोक 70 (skanda.4.84.70)

तत ऐक्ष्वाकवं तीर्थं सर्वाघौघविनाशनम् ।। तत्र स्नानेन पूतात्मा जायते मनुजोत्तमः

tata aikṣvākavaṁ tīrthaṁ sarvāghaughavināśanam || tatra snānena pūtātmā jāyate manujottamaḥ

फिर इक्ष्वाकुओं का तीर्थ है, सब पाप-समूहों का नाशक; वहाँ स्नान से मनुष्य पवित्र आत्मा, श्रेष्ठ पुरुष बनता है।

श्लोक 71 (skanda.4.84.71)

मरुत्ततीर्थं तत्प्रांते मरुत्तेश्वरसन्निधो ।। तत्र स्नात्वा तमर्च्येशं महदैश्वर्यमाप्नुयात्

maruttatīrthaṁ tatprāṁte marutteśvarasannidho || tatra snātvā tamarcyeśaṁ mahadaiśvaryamāpnuyāt

उसके किनारे मरुत्तेश्वर के समीप मरुत्त तीर्थ है; वहाँ स्नान करके उस ईश की पूजा करके मनुष्य महान ऐश्वर्य पाता है।

श्लोक 72 (skanda.4.84.72)

मैत्रावरुणतीर्थं च ततः पातकनाशनम् ।। तत्र पिंडप्रदानेन पितॄणां भवति प्रियः

maitrāvaruṇatīrthaṁ ca tataḥ pātakanāśanam || tatra piṁḍapradānena pitṝṇāṁ bhavati priyaḥ

फिर मैत्रावरुण तीर्थ है, पापों का नाशक; वहाँ पिंडदान करके मनुष्य पितरों का प्रिय बनता है।

श्लोक 73 (skanda.4.84.73)

ततोग्नितीर्थविमलमग्नीश पुरतो महत् ।। अग्निलोकमवाप्नोति तत्तीर्थपरिमज्जनात्

tatognitīrthavimalamagnīśa purato mahat || agnilokamavāpnoti tattīrthaparimajjanāt

फिर अग्नीश के समक्ष महान, निर्मल अग्नि तीर्थ है; उस तीर्थ में डुबकी लगाने से अग्निलोक प्राप्त होता है।

श्लोक 74 (skanda.4.84.74)

अंगारतीर्थं तत्रैव अंगारेश्वरसन्निधौ ।। तत्रांगार चतुर्थ्यां नु स्नात्वा निष्पापतामियात्

aṁgāratīrthaṁ tatraiva aṁgāreśvarasannidhau || tatrāṁgāra caturthyāṁ nu snātvā niṣpāpatāmiyāt

वहीं अंगारेश्वर के समीप अंगार तीर्थ है; अंगारक-चतुर्थी को वहाँ स्नान करके मनुष्य निष्पाप हो जाता है।

श्लोक 75 (skanda.4.84.75)

ततो वै कलितीर्थं च कलशेश्वरसन्निधौ ।। स्नात्वा तल्लिंगमभ्यर्च्य कलिकालान्न बिभ्यति

tato vai kalitīrthaṁ ca kalaśeśvarasannidhau || snātvā talliṁgamabhyarcya kalikālānna bibhyati

फिर कलशेश्वर के समीप कलि तीर्थ है; वहाँ स्नान करके उस लिंग की पूजा करके मनुष्य कलिकाल से नहीं डरता।

श्लोक 76 (skanda.4.84.76)

चंद्रतीर्थं च तत्रैव चंद्रेश्वरसमीपतः ।। तत्र स्नात्वार्च्य चंद्रेशं चंद्रलोकमवाप्नुयात्

caṁdratīrthaṁ ca tatraiva caṁdreśvarasamīpataḥ || tatra snātvārcya caṁdreśaṁ caṁdralokamavāpnuyāt

वहीं चन्द्रेश्वर के समीप चन्द्र तीर्थ है; वहाँ स्नान करके चन्द्रेश की पूजा करके मनुष्य चन्द्रलोक प्राप्त करता है।

श्लोक 77 (skanda.4.84.77)

तदग्रे वीरतीर्थं च वीरेश्वर समीपतः ।। यदुक्तं प्राक्तवपुरस्तीर्थानामुत्तमं परम्

tadagre vīratīrthaṁ ca vīreśvara samīpataḥ || yaduktaṁ prāktavapurastīrthānāmuttamaṁ param

उससे आगे वीरेश्वर के समीप वीर तीर्थ है, जो पहले तुम्हारे समक्ष सब तीर्थों में सर्वोत्तम बताया गया है।

श्लोक 78 (skanda.4.84.78)

विघ्नेशतीर्थं च ततः सर्वविघ्नविघातकृत् ।। जातुचित्तत्र संस्नातो न विघ्नैरभिभूयते

vighneśatīrthaṁ ca tataḥ sarvavighnavighātakṛt || jātucittatra saṁsnāto na vighnairabhibhūyate

फिर विघ्नेश तीर्थ है, सब विघ्नों को दूर करने वाला; वहाँ एक बार भी स्नान करने वाला विघ्नों से पराभूत नहीं होता।

श्लोक 79 (skanda.4.84.79)

हरिश्चंद्रस्य राजर्षस्ततस्तीर्थमनुत्तमम् ।। यत्र स्नातो नरो जातु न सत्याच्चयवते कचित्

hariścaṁdrasya rājarṣastatastīrthamanuttamam || yatra snāto naro jātu na satyāccayavate kacit

फिर राजर्षि हरिश्चन्द्र का अनुपम तीर्थ है; वहाँ स्नान करने वाला मनुष्य कभी सत्य से च्युत नहीं होता।

श्लोक 80 (skanda.4.84.80)

हरिश्चंद्रस्य तीर्थे तु यच्छ्रेयः समुपार्जितम् ।। तदक्षयफलं वीर इह लोके परत्र च

hariścaṁdrasya tīrthe tu yacchreyaḥ samupārjitam || tadakṣayaphalaṁ vīra iha loke paratra ca

हरिश्चन्द्र के तीर्थ में जो श्रेय अर्जित किया जाता है, वह इस लोक और परलोक दोनों में, हे वीर, अक्षय फल देने वाला है।

श्लोक 81 (skanda.4.84.81)

ततः पर्वततीर्थं च पर्वतेश समीपतः ।। सर्वपर्वफलं तस्य स्नात्वा पर्वण्यपर्वणि

tataḥ parvatatīrthaṁ ca parvateśa samīpataḥ || sarvaparvaphalaṁ tasya snātvā parvaṇyaparvaṇi

फिर पर्वतेश के समीप पर्वत तीर्थ है; वहाँ स्नान करके, पर्व हो या न हो, मनुष्य सब पर्वों का फल पाता है।

श्लोक 82 (skanda.4.84.82)

कंबलाश्वतरं तीर्थं तत्र सर्वविषापहम् ।। तत्र स्नातो भवेन्मर्त्यो गीतविद्याविशारदः

kaṁbalāśvataraṁ tīrthaṁ tatra sarvaviṣāpaham || tatra snāto bhavenmartyo gītavidyāviśāradaḥ

वहाँ कम्बलाश्वतर तीर्थ है, सब विषों को दूर करने वाला; वहाँ स्नान करने वाला मनुष्य गीत-विद्या में निपुण बनता है।

श्लोक 83 (skanda.4.84.83)

ततः सारस्वतं तीर्थं सर्वविद्योपपादकम् ।। तिष्ठेयुः पितरस्तत्र सह देवर्षिमानवैः

tataḥ sārasvataṁ tīrthaṁ sarvavidyopapādakam || tiṣṭheyuḥ pitarastatra saha devarṣimānavaiḥ

फिर सारस्वत तीर्थ है, सब विद्याओं को देने वाला; वहाँ पितर देवता, ऋषियों और मनुष्यों के साथ निवास करते हैं।

श्लोक 84 (skanda.4.84.84)

उमातीर्थं तु तत्रैव सर्वशक्तिसमन्वितम् ।। औमेयलोकप्राप्त्यै स्यात्स्नानमात्रेण निश्चितम्

umātīrthaṁ tu tatraiva sarvaśaktisamanvitam || aumeyalokaprāptyai syātsnānamātreṇa niścitam

वहीं उमा तीर्थ है, सब शक्तियों से युक्त; स्नान मात्र से निश्चय ही उमा के लोक की प्राप्ति होती है।

श्लोक 85 (skanda.4.84.85)

ततस्त्रिलोकी विख्यातं त्रिलोक्युद्धरणक्षमम् ।। तीर्थं श्रेष्ठतरं वीर यदाख्या मणिकर्णिका

tatastrilokī vikhyātaṁ trilokyuddharaṇakṣamam || tīrthaṁ śreṣṭhataraṁ vīra yadākhyā maṇikarṇikā

फिर "त्रिलोकी" नाम से प्रसिद्ध, तीनों लोकों का उद्धार करने में सक्षम, वह श्रेष्ठतम तीर्थ है, हे वीर, जिसका नाम मणिकर्णिका है।

श्लोक 86 (skanda.4.84.86)

चक्रपुष्करिणीतीर्थं तदादौ विष्णुना कृतम् ।। तदाख्या कर्णनादेव सर्वैः पापैः प्रमुच्यते

cakrapuṣkariṇītīrthaṁ tadādau viṣṇunā kṛtam || tadākhyā karṇanādeva sarvaiḥ pāpaiḥ pramucyate

सबसे पहले वहाँ चक्रपुष्करिणी तीर्थ विष्णु द्वारा बनाया गया था; उसका नाम सुनने मात्र से मनुष्य सब पापों से मुक्त हो जाता है।

श्लोक 87 (skanda.4.84.87)

स्वर्गौकसस्त्रिसंध्यं वै जपंति मणिकर्णिकाम् ।। यन्नामग्रहणं पुंसां श्रेयसं परमाय हि

svargaukasastrisaṁdhyaṁ vai japaṁti maṇikarṇikām || yannāmagrahaṇaṁ puṁsāṁ śreyasaṁ paramāya hi

स्वर्गवासी तीनों संध्याओं में मणिकर्णिका का जप करते हैं; उसका नाम-उच्चारण मनुष्यों के लिए परम कल्याणकारी है।

श्लोक 88 (skanda.4.84.88)

यैः श्रुता यैः स्मृता वीर यैर्दृष्टा मणिकर्णिका ।। त एव कृतिनो लोके कृतकृत्यास्त एव हि

yaiḥ śrutā yaiḥ smṛtā vīra yairdṛṣṭā maṇikarṇikā || ta eva kṛtino loke kṛtakṛtyāsta eva hi

जिन्होंने मणिकर्णिका को सुना है, स्मरण किया है, देखा है, हे वीर, वे ही लोक में कृतकृत्य हैं, वे ही सफल हैं।

श्लोक 89 (skanda.4.84.89)

त्रिलोके ये जपंतीह मानवा मणिकर्णिकाम् ।। जपामि तानहं वीर त्रिकालं पुण्यकर्मणः

triloke ye japaṁtīha mānavā maṇikarṇikām || japāmi tānahaṁ vīra trikālaṁ puṇyakarmaṇaḥ

त्रिलोक में जो मनुष्य यहाँ मणिकर्णिका का जप करते हैं, उन पुण्यकर्मियों का, हे वीर, मैं स्वयं तीनों संध्याओं में जप करता हूँ।

श्लोक 90 (skanda.4.84.90)

इष्टं तेन महायज्ञैः सहस्रशतदक्षिणैः ।। पंचाक्षरी महाविद्या येनोक्ता मणिकर्णिका

iṣṭaṁ tena mahāyajñaiḥ sahasraśatadakṣiṇaiḥ || paṁcākṣarī mahāvidyā yenoktā maṇikarṇikā

जिसने पंचाक्षरी महाविद्या और मणिकर्णिका का नाम कहा है, उसने मानो सौ-सौ दक्षिणा वाले महायज्ञ किए हैं।

श्लोक 91 (skanda.4.84.91)

महादानानि दत्तानि तेन वै पुण्यकर्मणा ।। येनाहमर्चितो वीर संप्राप्य मणिकर्णिकाम्

mahādānāni dattāni tena vai puṇyakarmaṇā || yenāhamarcito vīra saṁprāpya maṇikarṇikām

जिस पुण्यकर्मी ने मणिकर्णिका पाकर, हे वीर, मेरी पूजा की, उसने मानो महादान दिए हैं।

श्लोक 92 (skanda.4.84.92)

मणिकर्ण्यंबुभिर्येन तर्पिताः प्रपितामहाः ।। तेन श्राद्धानि दत्तानि गयायां मधुपायसैः

maṇikarṇyaṁbubhiryena tarpitāḥ prapitāmahāḥ || tena śrāddhāni dattāni gayāyāṁ madhupāyasaiḥ

जिसने मणिकर्णिका के जल से प्रपितामहों को तर्पण किया, उसने मानो गया में मधु-पायस से श्राद्ध दिए हैं।

श्लोक 93 (skanda.4.84.93)

मणिकर्णीजलं येन संपीतं शुद्धबुद्धिना ।। किं तस्य सोमपानैस्तैः पुनरावृत्तिलक्षणैः

maṇikarṇījalaṁ yena saṁpītaṁ śuddhabuddhinā || kiṁ tasya somapānaistaiḥ punarāvṛttilakṣaṇaiḥ

शुद्ध-बुद्धि वाले जिसने मणिकर्णिका का जल पिया है, उसे पुनरावृत्ति-स्वरूप उन सोम-पानों से क्या लेना-देना?

श्लोक 94 (skanda.4.84.94)

ते स्नाताः सर्वतीर्थेषु महापर्वसुभूरिशः ।। तथा च सर्वावभृथैर्यैः स्नाता मणिकर्णिका ।।

te snātāḥ sarvatīrtheṣu mahāparvasubhūriśaḥ || tathā ca sarvāvabhṛthairyaiḥ snātā maṇikarṇikā ||

जिन्होंने मणिकर्णिका में स्नान किया, वे मानो सब तीर्थों में, महापर्वों में अनेकों बार स्नान कर चुके, और सब अवभृथ-स्नान भी कर चुके।

श्लोक 95 (skanda.4.84.95)

तैः सुराः पूजिताः सर्वे ब्रह्मविष्णुमुखा मखैः ।। यैः स्वर्णकुसुमैरत्नैरर्चिता मणिकर्णिका

taiḥ surāḥ pūjitāḥ sarve brahmaviṣṇumukhā makhaiḥ || yaiḥ svarṇakusumairatnairarcitā maṇikarṇikā

जिन्होंने स्वर्ण-पुष्पों और रत्नों से मणिकर्णिका की पूजा की, उन्होंने मानो ब्रह्मा-विष्णु आदि सभी देवताओं को यज्ञों से पूजा है।

श्लोक 96 (skanda.4.84.96)

अहं तेनोमया सार्धं दीक्षां संप्राप्य शांभवीम् ।। अर्चितः प्रत्यहं येन पूजिता णिकर्णिका

ahaṁ tenomayā sārdhaṁ dīkṣāṁ saṁprāpya śāṁbhavīm || arcitaḥ pratyahaṁ yena pūjitā ṇikarṇikā

जिसने प्रतिदिन मणिकर्णिका की पूजा की, उसने मानो मुझे उमा सहित पूजकर स्थिर शाम्भवी दीक्षा प्राप्त कर ली।

श्लोक 97 (skanda.4.84.97)

तपांसि तेन तप्तानि शीर्णपर्णादिना चिरम् ।। सेविता श्रद्धया येन श्रीमती मणिकर्णिका

tapāṁsi tena taptāni śīrṇaparṇādinā ciram || sevitā śraddhayā yena śrīmatī maṇikarṇikā

जिसने श्रद्धा से श्रीमती मणिकर्णिका की सेवा की, उसने मानो चिरकाल तक सूखे पत्तों आदि पर तपस्या की।

श्लोक 98 (skanda.4.84.98)

दत्त्वा दानानि भूरीणि मखानिष्ट्वा तु भूरिशः ।। चिरं तप्त्वाप्यरण्येषु स्वर्गैश्वर्यान्महीं पुनः

dattvā dānāni bhūrīṇi makhāniṣṭvā tu bhūriśaḥ || ciraṁ taptvāpyaraṇyeṣu svargaiśvaryānmahīṁ punaḥ

अनेक दान देकर, अनेक यज्ञ करके, वनों में चिरकाल तपस्या करके, स्वर्ग का ऐश्वर्य भोगकर फिर पृथ्वी पर लौटकर -

श्लोक 99 (skanda.4.84.99)

विपुलेत्र महीपृष्ठे पंचक्रोश्यां मनोहरा ।। संश्रिता मणिकर्णीयैस्ते याताश्चानिवर्तकाः

vipuletra mahīpṛṣṭhe paṁcakrośyāṁ manoharā || saṁśritā maṇikarṇīyaiste yātāścānivartakāḥ

इस विशाल पृथ्वी-तल पर, रमणीय पंचक्रोशी में जो मणिकर्णिका की शरण लेते हैं, वे वहाँ जाकर फिर नहीं लौटते।

श्लोक 100 (skanda.4.84.100)

दानानां च व्रतानां च क्रतूनां तपसामपि ।। इदमेव फलं मन्ये यदाप्या मणिकर्णिका

dānānāṁ ca vratānāṁ ca kratūnāṁ tapasāmapi || idameva phalaṁ manye yadāpyā maṇikarṇikā

दानों, व्रतों, यज्ञों और तपस्याओं का यही एकमात्र फल मैं मानता हूँ - मणिकर्णिका की प्राप्ति।

श्लोक 101 (skanda.4.84.101)

मोक्षलक्ष्मीरियं साक्षाच्छ्रीमती मणिकर्णिका ।। प्रायोस्या महिमानं वै नवेद्म्यहमपि स्फुटम्

mokṣalakṣmīriyaṁ sākṣācchrīmatī maṇikarṇikā || prāyosyā mahimānaṁ vai navedmyahamapi sphuṭam

यह मणिकर्णिका साक्षात् मोक्ष-लक्ष्मी है; इसकी महिमा को शायद ही मैं भी पूर्णतः स्पष्ट रूप से जानता हूँ।

श्लोक 102 (skanda.4.84.102)

अवाच्यां मणिकर्ण्याश्च तीर्थं पाशुपतं परम् ।। तीर्थं तु रुद्रवासाख्यं विश्वतीर्थमतः परम्

avācyāṁ maṇikarṇyāśca tīrthaṁ pāśupataṁ param || tīrthaṁ tu rudravāsākhyaṁ viśvatīrthamataḥ param

मणिकर्णिका के अवाच्य महत्व के आगे परम पाशुपत तीर्थ है; फिर रुद्रवास नामक तीर्थ, और उससे परे विश्वतीर्थ है -

श्लोक 103 (skanda.4.84.103)

मुक्तितीर्थं ततो रम्यमविमुक्तमथोत्तमम् ।। तीर्थं च तारकं स्कांदं ढुंढेस्तीर्थं ततोपि च

muktitīrthaṁ tato ramyamavimuktamathottamam || tīrthaṁ ca tārakaṁ skāṁdaṁ ḍhuṁḍhestīrthaṁ tatopi ca

फिर रमणीय मुक्ति तीर्थ, फिर उत्तम अविमुक्त; तारक तीर्थ, स्कन्द तीर्थ, और ढुण्ढि का तीर्थ भी -

श्लोक 104 (skanda.4.84.104)

भवानेयमथैशानं ज्ञानतीर्थमथोत्तमम् ।। नंदितीर्थं विष्णुतीर्थं तीर्थं पैतामहं ततः

bhavāneyamathaiśānaṁ jñānatīrthamathottamam || naṁditīrthaṁ viṣṇutīrthaṁ tīrthaṁ paitāmahaṁ tataḥ

भवानेय, फिर ऐशान, फिर उत्तम ज्ञान तीर्थ; नन्दि तीर्थ, विष्णु तीर्थ, फिर पितामह का तीर्थ -

श्लोक 105 (skanda.4.84.105)

नाभितीर्थमिदं चैव ब्रह्मनालमतः परम् ।। ततो भागीरथं तीर्थं यत्तवाग्रे पुराकथि

nābhitīrthamidaṁ caiva brahmanālamataḥ param || tato bhāgīrathaṁ tīrthaṁ yattavāgre purākathi

यह नाभि तीर्थ, और उससे परे ब्रह्मनाल; फिर भागीरथ तीर्थ, जो पहले तुम्हारे समक्ष बताया जा चुका है।

श्लोक 106 (skanda.4.84.106)

तीर्थात्युत्तरवाहिन्यां स्वर्धुन्यां काशिसन्निधौ ।। संत्यनेकानि पुण्यानि मयोक्तान्यल्पशः पुनः

tīrthātyuttaravāhinyāṁ svardhunyāṁ kāśisannidhau || saṁtyanekāni puṇyāni mayoktānyalpaśaḥ punaḥ

काशी के समीप उत्तरवाहिनी स्वर्ग-नदी (गंगा) के किनारे अनेक पुण्य तीर्थ हैं, जिनमें से कुछ ही मैंने तुम्हें फिर से बताए हैं।

श्लोक 107 (skanda.4.84.107)

तत्रापि नितरां श्रेष्ठा पंचतीर्थी(?) नृपांगज ।। यस्यां स्तात्वा नरो भूयो गर्भवासं न संस्मरेत्

tatrāpi nitarāṁ śreṣṭhā paṁcatīrthī(?) nṛpāṁgaja || yasyāṁ stātvā naro bhūyo garbhavāsaṁ na saṁsmaret

उनमें भी सबसे श्रेष्ठ, हे राजपुत्र, पंचतीर्थी है; जिसमें स्नान करके मनुष्य फिर कभी गर्भवास का स्मरण नहीं करता।

श्लोक 108 (skanda.4.84.108)

प्रथमं चासिसंभेदं तीर्थानां प्रवरं परम्।। ततो दशाश्वमेधाख्यं सर्वतीर्थनिषेवितम्

prathamaṁ cāsisaṁbhedaṁ tīrthānāṁ pravaraṁ param|| tato daśāśvamedhākhyaṁ sarvatīrthaniṣevitam

उसमें प्रथम असि-संगम है, तीर्थों में सर्वश्रेष्ठ; फिर दशाश्वमेध नामक तीर्थ, सब तीर्थों द्वारा सेवित;

श्लोक 109 (skanda.4.84.109)

ततः पादोदकं तीर्थमादिकेशवसन्निधौ ।। ततः पंचनदं पुण्यं स्नानमात्रादघौघहृत्

tataḥ pādodakaṁ tīrthamādikeśavasannidhau || tataḥ paṁcanadaṁ puṇyaṁ snānamātrādaghaughahṛt

फिर आदिकेशव के समीप पादोदक तीर्थ; फिर पंचनद, पुण्यदायक, स्नान मात्र से सब पाप हरने वाला।

श्लोक 110 (skanda.4.84.110)

एतेषामपि तीर्थानां चतुर्णामपि सत्तम ।। पंचमं मणिकर्ण्याख्यं मनावेयवशुद्धिदम्

eteṣāmapi tīrthānāṁ caturṇāmapi sattama || paṁcamaṁ maṇikarṇyākhyaṁ manāveyavaśuddhidam

इन चारों तीर्थों में भी, हे श्रेष्ठ, पाँचवाँ मणिकर्णिका नामक तीर्थ है, जो मनु के वंश जैसी शुद्धि देने वाला है।

श्लोक 111 (skanda.4.84.111)

अहं स्नाम्यत्र सततमुमया सह पर्वसु ।। ब्रह्मणा विष्णुना सार्धं सहेंद्रादिसुरर्षिभिः

ahaṁ snāmyatra satatamumayā saha parvasu || brahmaṇā viṣṇunā sārdhaṁ saheṁdrādisurarṣibhiḥ

मैं स्वयं वहाँ सदा पर्वों पर उमा सहित, ब्रह्मा-विष्णु सहित, इन्द्र आदि देवताओं और ऋषियों सहित स्नान करता हूँ।

श्लोक 112 (skanda.4.84.112)

अतएवात्र गीयेत गाथेयं श्रुतिसंमता।। नागलोककृतावासैः स्वर्गौकोभिश्च संततम्

ataevātra gīyeta gātheyaṁ śrutisaṁmatā|| nāgalokakṛtāvāsaiḥ svargaukobhiśca saṁtatam

इसीलिए यहाँ, नागलोक और स्वर्गलोक के निवासियों द्वारा, यह श्रुति-सम्मत गाथा सदा गाई जाती है -

श्लोक 113 (skanda.4.84.113)

सत्यं सत्यं पुनः सत्यं सत्यपूर्वमिदं वचः ।। मणिकर्णी समं तीर्थं नास्ति ब्रह्मांडगोलके

satyaṁ satyaṁ punaḥ satyaṁ satyapūrvamidaṁ vacaḥ || maṇikarṇī samaṁ tīrthaṁ nāsti brahmāṁḍagolake

"सत्य, सत्य, फिर सत्य, यह वचन सत्य-पूर्वक कहा गया है - इस ब्रह्माण्ड-गोलक में मणिकर्णिका के समान कोई तीर्थ नहीं है।"

श्लोक 114 (skanda.4.84.114)

पंचतीर्थ्यां नरः स्नात्वा न देहं पांचभौतिकम् ।। गृह्णाति जातुचित्काश्यां पंचास्योवाथ जायते

paṁcatīrthyāṁ naraḥ snātvā na dehaṁ pāṁcabhautikam || gṛhṇāti jātucitkāśyāṁ paṁcāsyovātha jāyate

पंचतीर्थी में स्नान करके मनुष्य कभी पंच-भौतिक देह धारण नहीं करता; काशी में वह पंचमुख (शिव) बनता है, या मुक्त हो जाता है।

श्लोक 115 (skanda.4.84.115)

इति दत्त्वा वरान्देवो वीरस्यांतर्दधे हरः ।। स च वीरोपि वीरेशं प्रार्च्य प्राप्तः समीहितम्

iti dattvā varāndevo vīrasyāṁtardadhe haraḥ || sa ca vīropi vīreśaṁ prārcya prāptaḥ samīhitam

इस प्रकार वर देकर देव हर उस वीर के समक्ष से अन्तर्धान हो गए; और वह वीर भी वीरेश की पूजा करके अपना अभीष्ट पा गया।

श्लोक 116 (skanda.4.84.116)

।। स्कंद उवाच।। ।। तीर्थाध्यायमिमं पुण्यमगस्ते यो निशामयेत् ।। तस्याघसंक्षयं यायादपि जन्मशतार्जितम्

|| skaṁda uvāca|| || tīrthādhyāyamimaṁ puṇyamagaste yo niśāmayet || tasyāghasaṁkṣayaṁ yāyādapi janmaśatārjitam

स्कन्द ने कहा - हे अगस्त्य, जो इस पुण्य तीर्थ-अध्याय को सुनता है, उसके सौ जन्मों के अर्जित पाप भी नष्ट हो जाते हैं।

श्लोक 117 (skanda.4.84.117)

इति वीरेश्वराख्यानं तीर्थाख्यानप्रसंगतः ।। कथितं ते पुरागस्ते कामेशं कथयाम्यतः

iti vīreśvarākhyānaṁ tīrthākhyānaprasaṁgataḥ || kathitaṁ te purāgaste kāmeśaṁ kathayāmyataḥ

इस प्रकार तीर्थों की कथा के प्रसंग से वीरेश्वर का आख्यान तुम्हें बताया, हे प्राचीन अगस्त्य; अब मैं कामेश्वर की कथा कहता हूँ।