दुर्वाससो वरप्रदान

श्लोक 1 (skanda.4.85.1)

।। स्कंद उवाच ।। ।। जगज्जनन्याः पार्वत्याः पुरोगस्ते पुरारिणा ।। यथाख्यायि कथा पुण्या तथा ते कथयाम्यहम्

|| skaṁda uvāca || || jagajjananyāḥ pārvatyāḥ purogaste purāriṇā || yathākhyāyi kathā puṇyā tathā te kathayāmyaham

स्कन्द ने कहा — पूर्वकाल में, हे अगस्त्य, पुरारि (शिव) ने जगज्जननी पार्वती को जो पुण्य कथा सुनाई थी, वही मैं तुम्हें सुनाता हूँ।

श्लोक 2 (skanda.4.85.2)

पुरा महीमिमां सर्वां ससमुद्राद्रिकाननाम् ।। ससरित्कां सार्णवां च सग्रामपुरपत्तनाम्

purā mahīmimāṁ sarvāṁ sasamudrādrikānanām || sasaritkāṁ sārṇavāṁ ca sagrāmapurapattanām

पूर्वकाल में इस सम्पूर्ण पृथ्वी को, समुद्र-पर्वत-वनों सहित, नदियों और सागरों सहित, ग्राम-नगर-पत्तनों सहित घूमकर,

श्लोक 3 (skanda.4.85.3)

परिभ्रम्य महातेजा महामर्षो महातपाः ।। दुर्वासाः संपरिप्राप्तः शंभोरानंदकाननम्

paribhramya mahātejā mahāmarṣo mahātapāḥ || durvāsāḥ saṁpariprāptaḥ śaṁbhorānaṁdakānanam

वह महातेजस्वी, महाक्रोधी, महातपस्वी दुर्वासा शम्भु के आनन्दकानन में आ पहुँचे।

श्लोक 4 (skanda.4.85.4)

विलोक्याक्रीडमखिलं बहुप्रासादमंडितम्।। बहुकुंडतडागं च शंभोस्तोषमुपागमत्।।। पदेपदे मुनीनां च जितकाल महाभियाम् ।। दृष्टोटजानि रम्याणि दुर्वासा विस्मितोभवत्।।

vilokyākrīḍamakhilaṁ bahuprāsādamaṁḍitam|| bahukuṁḍataḍāgaṁ ca śaṁbhostoṣamupāgamat||| padepade munīnāṁ ca jitakāla mahābhiyām || dṛṣṭoṭajāni ramyāṇi durvāsā vismitobhavat||

अनेक प्रासादों से सुसज्जित, अनेक कुण्डों-तालाबों से युक्त उस सम्पूर्ण क्रीड़ा-स्थल को देखकर वे शम्भु जैसा ही आनन्द पाने लगे; और पग-पग पर काल को जीत चुके मुनियों के रमणीय आश्रम देखकर दुर्वासा विस्मित हो गए।

श्लोक 5 (skanda.4.85.5)

सर्वर्तुकुसुमान्वृक्षान्सुच्छायस्निग्धपल्लवान् ।। सफलान्सुलताश्लिष्टान्दृष्ट्वा प्रीतिमगान्मुनिः

sarvartukusumānvṛkṣānsucchāyasnigdhapallavān || saphalānsulatāśliṣṭāndṛṣṭvā prītimagānmuniḥ

सब ऋतुओं में फूलने वाले, सुन्दर छाया और चिकने पत्तों वाले, फलों से लदे, सुन्दर लताओं से लिपटे वृक्षों को देखकर मुनि प्रसन्न हो गए।

श्लोक 6 (skanda.4.85.6)

दुर्वासाश्चातिहृष्टोभू्द्दृष्ट्वा पाशुपतोत्तमान् ।। भूतिभूषितसर्वांगाञ्जटाजटितमौलिकान्

durvāsāścātihṛṣṭobhūddṛṣṭvā pāśupatottamān || bhūtibhūṣitasarvāṁgāñjaṭājaṭitamaulikān

दुर्वासा अत्यन्त हर्षित हुए, श्रेष्ठ पाशुपतों को देखकर, जिनके सारे अंग भस्म से सुशोभित थे, जिनके मुकुट जटाओं से जटित थे,

श्लोक 7 (skanda.4.85.7)

कौपीनमात्र वसनान्स्मरारि ध्यान तत्परान् ।। कक्षीकृतमहालाबून्हुडुत्कारजितांबुदान्

kaupīnamātra vasanānsmarāri dhyāna tatparān || kakṣīkṛtamahālābūnhuḍutkārajitāṁbudān

जो केवल कौपीन धारण करते थे, कामारि (शिव) के ध्यान में तत्पर थे, जिनकी कक्षों में बड़े लौकी के पात्र थे, जिनकी हुंकार बादलों को भी जीत लेती थी,

श्लोक 8 (skanda.4.85.8)

करंडदंडपानीय पात्रमात्रपरिग्रहान् ।। क्वचित्त्रिदंडिनो दृष्ट्वा निःसंगा निष्परिग्रहान्

karaṁḍadaṁḍapānīya pātramātraparigrahān || kvacittridaṁḍino dṛṣṭvā niḥsaṁgā niṣparigrahān

जिनका परिग्रह केवल टोकरी, दण्ड और जल-पात्र था; और कहीं-कहीं त्रिदण्डी संन्यासियों को देखकर, जो निःसंग और अपरिग्रही थे,

श्लोक 9 (skanda.4.85.9)

कालादपि निरातंकान्विश्वेशशरणं गतान् ।। क्वचिद्वेदरहस्यज्ञानाबाल्यब्रह्मचारिणः

kālādapi nirātaṁkānviśveśaśaraṇaṁ gatān || kvacidvedarahasyajñānābālyabrahmacāriṇaḥ

जो काल से भी निर्भय, विश्वेश की शरण में गए हुए थे; और कहीं-कहीं वेद के रहस्य को जानने वाले, बाल्यकाल से ही ब्रह्मचारी,

श्लोक 10 (skanda.4.85.10)

नित्यं भागीरथीस्नानपरिपिंगलमूर्धजान्

nityaṁ bhāgīrathīsnānaparipiṁgalamūrdhajān

भागीरथी में नित्य स्नान से जिनके सिर के बाल पीले हो गए थे —

श्लोक 11 (skanda.4.85.11)

विलोक्य काश्यां दुर्वासा ब्राह्मणान्मुमुदेतराम्

vilokya kāśyāṁ durvāsā brāhmaṇānmumudetarām

ऐसे ब्राह्मणों को काशी में देखकर दुर्वासा अत्यन्त प्रसन्न हुए।

श्लोक 12 (skanda.4.85.12)

पशुष्वपि च या तुष्टिर्मृगेष्वपि च या द्युतिः ।। तिर्यक्ष्वपि च या हृष्टिः काश्यां नान्यत्र सा स्फुटम्

paśuṣvapi ca yā tuṣṭirmṛgeṣvapi ca yā dyutiḥ || tiryakṣvapi ca yā hṛṣṭiḥ kāśyāṁ nānyatra sā sphuṭam

पशुओं में भी जो सन्तोष है, हिरणों में भी जो चमक है, पशु-पक्षियों में भी जो प्रसन्नता है, वह काशी में स्पष्ट है, अन्यत्र नहीं।

श्लोक 13 (skanda.4.85.13)

इदं सुश्रेयसो व्युष्टिः क्वामरेषु त्रिविष्टपे ।। यत्रत्येष्वपि तिर्यक्षु परमानंदवर्धिनी

idaṁ suśreyaso vyuṣṭiḥ kvāmareṣu triviṣṭape || yatratyeṣvapi tiryakṣu paramānaṁdavardhinī

यह परम कल्याण की परिणति है — देवताओं में स्वर्ग में भी कहाँ, जो यहाँ के पशु-पक्षियों में भी परमानन्द बढ़ाने वाली है?

श्लोक 14 (skanda.4.85.14)

वरमेतेपि पशव आनंदवनचारिणः ।। सदानंदाः पुनर्देवाननंदनवनाश्रिताः

varametepi paśava ānaṁdavanacāriṇaḥ || sadānaṁdāḥ punardevānanaṁdanavanāśritāḥ

आनन्दवन में विचरने वाले ये पशु ही श्रेष्ठ हैं, जो सदा आनन्दित रहते हैं, नन्दन-वन में रहने वाले देवताओं से भी बढ़कर।

श्लोक 15 (skanda.4.85.15)

वरं काशीपुरीवासी म्लेच्छोपि हि शुभायतिः ।। नान्यत्रत्यो दीक्षितोपि स हि मुक्तेरभाजनम्

varaṁ kāśīpurīvāsī mlecchopi hi śubhāyatiḥ || nānyatratyo dīkṣitopi sa hi mukterabhājanam

काशीपुरी में रहने वाला म्लेच्छ भी श्रेष्ठ है, शुभ गति वाला; अन्यत्र दीक्षित व्यक्ति भी नहीं, क्योंकि वही (काशीवासी) मुक्ति का पात्र है।

श्लोक 16 (skanda.4.85.16)

वैश्वेश्वरी पुरी चैषा यथा मे चित्तहारिणी ।। सर्वापि न तथा क्षोणी न स्वर्गो नैव नागभूः

vaiśveśvarī purī caiṣā yathā me cittahāriṇī || sarvāpi na tathā kṣoṇī na svargo naiva nāgabhūḥ

यह विश्वेश्वरी नगरी जैसे मेरा मन हर लेती है, वैसे न सम्पूर्ण पृथ्वी, न स्वर्ग, न नागलोक कर पाया।

श्लोक 17 (skanda.4.85.17)

स्थैर्यं बबंध न क्वापि भ्रमतो मे मनोगतिः ।। सर्वस्मिन्नपि भूभागे यथा स्थैर्यमगादिह

sthairyaṁ babaṁdha na kvāpi bhramato me manogatiḥ || sarvasminnapi bhūbhāge yathā sthairyamagādiha

भ्रमण करते हुए मेरे मन की गति ने कहीं भी स्थिरता नहीं बाँधी, जैसी सारे भू-भागों में यहाँ आकर पाई।

श्लोक 18 (skanda.4.85.18)

रम्या पुरी भवेदेषा ब्रह्मांडादखिलादपि ।। परिष्टुत्येति दुर्वासाश्चेतोवृत्तिमवाप ह

ramyā purī bhavedeṣā brahmāṁḍādakhilādapi || pariṣṭutyeti durvāsāścetovṛttimavāpa ha

यह नगरी सम्पूर्ण ब्रह्माण्ड से भी रमणीय है — इस प्रकार स्तुति करते हुए दुर्वासा को चित्त की स्थिरता प्राप्त हुई।

श्लोक 19 (skanda.4.85.19)

तप्यमानोपि हि तपः सुचिरं स महातपाः।। यदा नाप फलं किंचिच्चुकोप च तदा भृशम्

tapyamānopi hi tapaḥ suciraṁ sa mahātapāḥ|| yadā nāpa phalaṁ kiṁciccukopa ca tadā bhṛśam

फिर वह महातपस्वी दीर्घकाल तक तपस्या करने पर भी, जब उन्हें कुछ भी फल नहीं मिला, तब अत्यन्त क्रोधित हो गए।

श्लोक 20 (skanda.4.85.20)

धिक्च मां तापसं दुष्टं धिक्च मे दुश्चरं तपः ।। धिक्च क्षेत्रमिदं शंभोः सर्वेषां च प्रतारकम्

dhikca māṁ tāpasaṁ duṣṭaṁ dhikca me duścaraṁ tapaḥ || dhikca kṣetramidaṁ śaṁbhoḥ sarveṣāṁ ca pratārakam

"धिक्कार है मुझ दुष्ट तपस्वी को! धिक्कार है मेरे दुष्कर तप को! धिक्कार है शम्भु के इस क्षेत्र को, जो सबको धोखा देने वाला है!"

श्लोक 21 (skanda.4.85.21)

यथा न मुक्तिरत्र स्यात्कस्यापि करवै तथा ।। इति शप्तुं यदोद्युक्तः संजहास तदा शिवः

yathā na muktiratra syātkasyāpi karavai tathā || iti śaptuṁ yadodyuktaḥ saṁjahāsa tadā śivaḥ

"मैं ऐसा करूँगा कि यहाँ किसी को भी मुक्ति न मिले" — इस प्रकार शाप देने के लिए जब वे उद्यत हुए, तब शिव मुस्कुराए।

श्लोक 22 (skanda.4.85.22)

तत्र लिंगमभूदेकं ख्यातं प्रहसितेश्वरम् ।। तल्लिंगदर्शनात्पुंसामानंदः स्यात्पदेपदे

tatra liṁgamabhūdekaṁ khyātaṁ prahasiteśvaram || talliṁgadarśanātpuṁsāmānaṁdaḥ syātpadepade

वहाँ "प्रहसितेश्वर" नाम से प्रसिद्ध एक लिंग प्रकट हुआ; उस लिंग के दर्शन मात्र से मनुष्यों को पग-पग पर आनन्द मिलता है।

श्लोक 23 (skanda.4.85.23)

उवाच विस्मयाविष्टो मनस्येव महेशिता ।। ईदृशेभ्यस्तपस्विभ्यो नमोस्त्विति पुनःपुनः

uvāca vismayāviṣṭo manasyeva maheśitā || īdṛśebhyastapasvibhyo namostviti punaḥpunaḥ

महेश्वर ने विस्मित होकर अपने मन में ही कहा — "ऐसे तपस्वियों को बारम्बार नमस्कार हो!"

श्लोक 24 (skanda.4.85.24)

यत्रैव हि तपस्यंति यत्रैव विहिताश्रमाः ।। लब्धप्रतिष्ठा यत्रैव तत्रैवामर्षिणो द्विजाः

yatraiva hi tapasyaṁti yatraiva vihitāśramāḥ || labdhapratiṣṭhā yatraiva tatraivāmarṣiṇo dvijāḥ

"जहाँ भी तपस्या करते हैं, जहाँ भी आश्रम बनाते हैं, जहाँ भी प्रतिष्ठा पाते हैं, वहीं ऐसे क्रोधी ब्राह्मण होते हैं।"

श्लोक 25 (skanda.4.85.25)

मनाक्चिंतितमात्रं तु चेल्लभंते न तापसाः ।। क्रुधा तदैव जीयंते हारिण्या तपसां श्रियः

manākciṁtitamātraṁ tu cellabhaṁte na tāpasāḥ || krudhā tadaiva jīyaṁte hāriṇyā tapasāṁ śriyaḥ

"यदि तपस्वियों को अपना थोड़ा-सा भी सोचा हुआ न मिले, तो उसी क्षण क्रोध से उनकी तपस्या की शोभा नष्ट हो जाती है।"

श्लोक 26 (skanda.4.85.26)

तथापि तापसा मान्याः स्वश्रेयोवृद्धिकांक्षिभिः ।। अक्रोधनाः क्रोधना वा का चिंता हि तपस्विनाम्

tathāpi tāpasā mānyāḥ svaśreyovṛddhikāṁkṣibhiḥ || akrodhanāḥ krodhanā vā kā ciṁtā hi tapasvinām

"फिर भी अपने कल्याण की वृद्धि चाहने वालों को तपस्वियों का सम्मान करना चाहिए — क्रोधी हों या अक्रोधी, तपस्वियों के विषय में क्या चिन्ता?"

श्लोक 27 (skanda.4.85.27)

इति यावन्महेशानो मनस्येव विचिंतयेत् ।। तावत्तत्क्रोधजो वह्निर्व्यानशे व्योममंडलम्

iti yāvanmaheśāno manasyeva viciṁtayet || tāvattatkrodhajo vahnirvyānaśe vyomamaṁḍalam

जब तक महेशान अपने मन में यह सोच ही रहे थे, तब तक उस क्रोध से उत्पन्न अग्नि ने सारे आकाश-मण्डल को व्याप्त कर लिया।

श्लोक 28 (skanda.4.85.28)

तत्कोधानलधूमोघैर्व्यापितं यन्नभोंगणम् ।। तद्दधाति नभोद्यापि नीलिमानं महत्तरम्

tatkodhānaladhūmoghairvyāpitaṁ yannabhoṁgaṇam || taddadhāti nabhodyāpi nīlimānaṁ mahattaram

उस क्रोधाग्नि के धुएँ के समूह से व्याप्त हुआ जो आकाश-मण्डल था, वह आज भी उसी कारण गहरा नीलापन धारण करता है।

श्लोक 29 (skanda.4.85.29)

ततो गणाः परिक्षुब्धाः प्रलयार्णव नीरवत् ।। आः किमेतत्किमेतद्वै भाषमाणाः परस्परम्

tato gaṇāḥ parikṣubdhāḥ pralayārṇava nīravat || āḥ kimetatkimetadvai bhāṣamāṇāḥ parasparam

तब शिवगण, प्रलय-सागर के जल के समान क्षुब्ध होकर, आपस में कहने लगे — "अरे, यह क्या है? यह क्या है?"

श्लोक 30 (skanda.4.85.30)

गर्जंतस्तर्जयंतश्च प्रोद्यता युधपाणयः ।। प्रमथाः परितस्थुस्ते परितो धाम शांभवम्

garjaṁtastarjayaṁtaśca prodyatā yudhapāṇayaḥ || pramathāḥ paritasthuste parito dhāma śāṁbhavam

गर्जना और धमकी देते हुए, हाथों में हथियार उठाए, वे प्रमथगण शाम्भव धाम के चारों ओर खड़े हो गए।

श्लोक 31 (skanda.4.85.31)

को यमः कोथवा कालः को मृत्युः कस्तथांतकः।। को वा विधाता के लेखाः कुद्धेष्वस्मासु कः परः

ko yamaḥ kothavā kālaḥ ko mṛtyuḥ kastathāṁtakaḥ|| ko vā vidhātā ke lekhāḥ kuddheṣvasmāsu kaḥ paraḥ

"कहाँ यम, कहाँ काल, कहाँ मृत्यु, कहाँ अन्तक! कहाँ विधाता और उसके लेख! हम क्रुद्ध हों तो हमसे बढ़कर कौन है?"

श्लोक 32 (skanda.4.85.32)

अग्निं पिबामो जलवच्चूर्णीकुर्मोखिलान्गिरीन् ।। सप्तापि चार्णवांस्तूर्णं करवाम मरुस्थलीम्

agniṁ pibāmo jalavaccūrṇīkurmokhilāngirīn || saptāpi cārṇavāṁstūrṇaṁ karavāma marusthalīm

"आओ, अग्नि को जल की भाँति पी जाएँ! सब पर्वतों को चूर्ण कर दें! सातों समुद्रों को शीघ्र रेगिस्तान बना दें!"

श्लोक 33 (skanda.4.85.33)

पातालं चानयामोर्ध्वमधो दध्मोथवा दिवम् ।। एकमेव हि वा ग्रासं गगनं करवामहे

pātālaṁ cānayāmordhvamadho dadhmothavā divam || ekameva hi vā grāsaṁ gaganaṁ karavāmahe

"पाताल को ऊपर ले आएँ, स्वर्ग को नीचे धकेल दें! या फिर सम्पूर्ण आकाश को एक ही ग्रास बना लें!"

श्लोक 34 (skanda.4.85.34)

ब्रह्मांडभांडमथवा स्फोटयामः क्षणेन हि ।। आस्फालयामो वान्योन्यं कालं मृत्युं च तालवत्

brahmāṁḍabhāṁḍamathavā sphoṭayāmaḥ kṣaṇena hi || āsphālayāmo vānyonyaṁ kālaṁ mṛtyuṁ ca tālavat

"या क्षणभर में ब्रह्माण्ड के इस भाण्ड को ही फोड़ डालें! या काल और मृत्यु को झाँझ की भाँति परस्पर टकरा दें!"

श्लोक 35 (skanda.4.85.35)

ग्रसामो वाथ भुवनं मुक्त्वा वाराणसीं पुरीम् ।। यत्र मुक्ता भवंत्येव मृतमात्रेण जंतवः

grasāmo vātha bhuvanaṁ muktvā vārāṇasīṁ purīm || yatra muktā bhavaṁtyeva mṛtamātreṇa jaṁtavaḥ

"या वाराणसी नगरी को छोड़कर सारे भुवन को निगल जाएँ, जहाँ मरते ही प्राणी मुक्त हो जाते हैं!"

श्लोक 36 (skanda.4.85.36)

कुतोऽयं धूमसंभारो ज्वालावल्यः कुतस्त्वमूः ।। को वा मृत्युंजयं रुद्रं नो विद्यान्मदमोहितः

kuto'yaṁ dhūmasaṁbhāro jvālāvalyaḥ kutastvamūḥ || ko vā mṛtyuṁjayaṁ rudraṁ no vidyānmadamohitaḥ

"यह धुएँ का समूह कहाँ से है, ये ज्वालाओं की पंक्तियाँ कहाँ से हैं? मद से मोहित होकर मृत्युंजय रुद्र को कौन नहीं पहचानता?"

श्लोक 37 (skanda.4.85.37)

इति पारिषदाः शंभोर्महाभय भयप्रदाः ।। जल्पंतः कल्पयामासुः प्राकारं गगनस्पृशम्

iti pāriṣadāḥ śaṁbhormahābhaya bhayapradāḥ || jalpaṁtaḥ kalpayāmāsuḥ prākāraṁ gaganaspṛśam

इस प्रकार बड़बड़ाते हुए शम्भु के पार्षदों ने, जो महाभय को भी भय देने वाले थे, आकाश-स्पर्शी एक प्राचीर बना दी।

श्लोक 38 (skanda.4.85.38)

शकलीकृत्य बहुशः शिलावत्प्रलयानलम् ।। नंदी च नंदिषेणश्च सोमनंदी महोदरः ।।

śakalīkṛtya bahuśaḥ śilāvatpralayānalam || naṁdī ca naṁdiṣeṇaśca somanaṁdī mahodaraḥ ||

उस प्रलयाग्नि को शिला की भाँति बार-बार खण्ड-खण्ड करके नन्दी, नन्दिषेण, सोमनन्दी, महोदर,

श्लोक 39 (skanda.4.85.39)

महाहनुर्महाग्रीवो महाकालो जितांतकः ।। मृत्युप्रकंपनो भीमो घंटाकर्णो महाबलः

mahāhanurmahāgrīvo mahākālo jitāṁtakaḥ || mṛtyuprakaṁpano bhīmo ghaṁṭākarṇo mahābalaḥ

महाहनु, महाग्रीव, महाकाल, जितान्तक, मृत्युप्रकम्पन, भीम, घण्टाकर्ण, महाबल,

श्लोक 40 (skanda.4.85.40)

क्षोभणो द्रावणो जृंभी पचास्यः पंचलोचनः ।। द्विशिरास्त्रिशिराः सोमः पंचहस्तो दशाननः

kṣobhaṇo drāvaṇo jṛṁbhī pacāsyaḥ paṁcalocanaḥ || dviśirāstriśirāḥ somaḥ paṁcahasto daśānanaḥ

क्षोभण, द्रावण, जृम्भी, पचास्य, पंचलोचन, द्विशिरा, त्रिशिरा, सोम, पंचहस्त, दशानन,

श्लोक 41 (skanda.4.85.41)

चंडो भृंगिरिटिस्तुंडी प्रचंडस्तांडवप्रियः ।। पिचिंडिलः स्थूलशिराः स्थूलकेशो गभस्तिमान्

caṁḍo bhṛṁgiriṭistuṁḍī pracaṁḍastāṁḍavapriyaḥ || piciṁḍilaḥ sthūlaśirāḥ sthūlakeśo gabhastimān

चण्ड, भृंगिरिटि, तुण्डी, प्रचण्ड, ताण्डव-प्रिय, पिचिण्डिल, स्थूलशिरा, स्थूलकेश, गभस्तिमान्,

श्लोक 42 (skanda.4.85.42)

क्षेमकः क्षेमधन्वा च वीरभद्रो रणप्रियः ।। चंडपाणिः शूलपाणिः पाशपाणिः करोदरः

kṣemakaḥ kṣemadhanvā ca vīrabhadro raṇapriyaḥ || caṁḍapāṇiḥ śūlapāṇiḥ pāśapāṇiḥ karodaraḥ

क्षेमक, क्षेमधन्वा, वीरभद्र, रणप्रिय, चण्डपाणि, शूलपाणि, पाशपाणि, करोदर,

श्लोक 43 (skanda.4.85.43)

दीर्घग्रीवोथ पिंगाक्षः पिंगलः पिंगमूर्धजः ।। बहुनेत्रो लंबकर्णः खर्वः पर्वतविग्रहः

dīrghagrīvotha piṁgākṣaḥ piṁgalaḥ piṁgamūrdhajaḥ || bahunetro laṁbakarṇaḥ kharvaḥ parvatavigrahaḥ

दीर्घग्रीव, पिंगाक्ष, पिंगल, पिंगमूर्धज, बहुनेत्र, लम्बकर्ण, खर्व, पर्वत जैसे विग्रह वाले,

श्लोक 44 (skanda.4.85.44)

गोकर्णो गजकर्णश्च कोकिलाख्यो गजाननः ।। अहं वै नैगमेयश्च विकटास्योट्टहासकः

gokarṇo gajakarṇaśca kokilākhyo gajānanaḥ || ahaṁ vai naigameyaśca vikaṭāsyoṭṭahāsakaḥ

गोकर्ण, गजकर्ण, कोकिल, गजानन, मैं स्वयं (नैगमेय), विकट मुख वाले अट्टहासकर्ता,

श्लोक 45 (skanda.4.85.45)

सीरपाणिः शिवारावो वैणिको वेणुवादनः ।। दुराधर्षो दुःसहश्च गर्जनो रिपुतर्जनः

sīrapāṇiḥ śivārāvo vaiṇiko veṇuvādanaḥ || durādharṣo duḥsahaśca garjano riputarjanaḥ

सीरपाणि, शिवाराव, वैणिक, वेणुवादन, दुराधर्ष, दुःसह, गर्जन, रिपुतर्जन —

श्लोक 46 (skanda.4.85.46)

इत्यादयो गणेशानाः शतकोटि दुरासदाः ।। काश्यां निवारयामासुरपि प्राभंजनीं गतिम्

ityādayo gaṇeśānāḥ śatakoṭi durāsadāḥ || kāśyāṁ nivārayāmāsurapi prābhaṁjanīṁ gatim

इत्यादि गणेश, सौ करोड़ में, दुर्जेय, काशी में उस झंझावात-सी गति को भी रोक बैठे।

श्लोक 47 (skanda.4.85.47)

क्षुब्धेषु तेषु वीरेषु चकंपे भुवनत्रयम् ।। दुर्वाससश्च कोपाग्नि ज्वालाभिर्व्याकुलीकृतम्

kṣubdheṣu teṣu vīreṣu cakaṁpe bhuvanatrayam || durvāsasaśca kopāgni jvālābhirvyākulīkṛtam

उन क्षुब्ध वीरों से तीनों लोक काँप उठे; और दुर्वासा की क्रोधाग्नि की ज्वालाओं से सब कुछ व्याकुल हो गया।

श्लोक 48 (skanda.4.85.48)

तदा विविशतुः काश्यां सूर्याचंद्रमसावपि ।। न गणैरकृतानुज्ञौ तत्तेजः शमितप्रभौ

tadā viviśatuḥ kāśyāṁ sūryācaṁdramasāvapi || na gaṇairakṛtānujñau tattejaḥ śamitaprabhau

तब सूर्य और चन्द्रमा भी काशी में प्रविष्ट हो गए, गणों की अनुमति के बिना ही, उनका तेज उस अग्नि से मन्द पड़ गया था।

श्लोक 49 (skanda.4.85.49)

निवार्य प्रमथानीकमतिक्षुब्धमुमाधवः ।। मदंश एव हि मुनीरानसूये य एष वै

nivārya pramathānīkamatikṣubdhamumādhavaḥ || madaṁśa eva hi munīrānasūye ya eṣa vai

अत्यन्त क्षुब्ध प्रमथ-सेना को रोककर, उमापति ने कहा — "यह मुनि मेरा ही अंश है, हे अनसूया-पुत्र —"

श्लोक 50 (skanda.4.85.50)

अथो दुर्वाससे लिंगादाविरासीत्कृपानिधिः ।। महातेजोमयः शंभुर्मुनिशापात्पुरीमवन्

atho durvāsase liṁgādāvirāsītkṛpānidhiḥ || mahātejomayaḥ śaṁbhurmuniśāpātpurīmavan

फिर दुर्वासा के समक्ष लिंग से करुणा-निधि, महातेजोमय शम्भु प्रकट हुए, मुनि के शाप से नगरी की रक्षा करते हुए।

श्लोक 51 (skanda.4.85.51)

माभूच्छापो मुनेः काश्यां निर्वाणप्रतिबंधकः ।। इत्यनुक्रोशतो देवस्तस्य प्रत्यक्षतां गतः

mābhūcchāpo muneḥ kāśyāṁ nirvāṇapratibaṁdhakaḥ || ityanukrośato devastasya pratyakṣatāṁ gataḥ

"मुनि का शाप काशी में निर्वाण को रोकने वाला न हो" — इस प्रकार दया करते हुए देव उनके समक्ष प्रत्यक्ष हो गए।

श्लोक 52 (skanda.4.85.52)

उवाच च प्रसन्नोस्मि महाक्रोधन तापस ।। वरयस्व वरः कस्ते मया देयो विशंकितः

uvāca ca prasannosmi mahākrodhana tāpasa || varayasva varaḥ kaste mayā deyo viśaṁkitaḥ

और कहा — "मैं प्रसन्न हूँ, हे महाक्रोधी तपस्वी। वर माँगो, तुम्हें बिना संकोच कौन-सा वर दूँ?"

श्लोक 53 (skanda.4.85.53)

ततो विलज्जितोगस्त्य शापोद्यतकरो मुनिः ।। अपराद्धं बहु मया क्रोधांधेनेति दुर्धिया

tato vilajjitogastya śāpodyatakaro muniḥ || aparāddhaṁ bahu mayā krodhāṁdheneti durdhiyā

तब लज्जित हुए वे मुनि अगस्त्य, शाप देने को उद्यत हाथ लिए, दुर्बुद्धि से कहने लगे — "क्रोध से अन्धे होकर मैंने बहुत बड़ा अपराध किया —"

श्लोक 54 (skanda.4.85.54)

उवाच चेति बहुशो धिङ्मां क्रोधवशंगतम् ।। त्रैलोक्याभयदां काशीं शप्तुमुद्यतचेतसम्

uvāca ceti bahuśo dhiṅmāṁ krodhavaśaṁgatam || trailokyābhayadāṁ kāśīṁ śaptumudyatacetasam

"धिक्कार है मुझे, क्रोध के वशीभूत होकर तीनों लोकों को अभय देने वाली काशी को शाप देने के लिए तैयार हुए मन को —"

श्लोक 55 (skanda.4.85.55)

दुःखार्णव निमग्नानां यातायातेति खेदिनाम् ।। कर्मपाशितकंठानां काश्येका मुक्तिसाधनम्

duḥkhārṇava nimagnānāṁ yātāyāteti khedinām || karmapāśitakaṁṭhānāṁ kāśyekā muktisādhanam

"— दुःख-सागर में डूबे, आवागमन से थके, कर्म-पाश में बँधे कण्ठ वाले प्राणियों के लिए काशी ही एकमात्र मुक्ति का साधन है।"

श्लोक 56 (skanda.4.85.56)

सर्वेषां जंतुजातानां जनन्येकैक्काशिका। महामृतस्तन्यदात्री नेत्री च परमं पदम्

sarveṣāṁ jaṁtujātānāṁ jananyekaikkāśikā| mahāmṛtastanyadātrī netrī ca paramaṁ padam

"काशी ही समस्त प्राणियों की माता है, अमृत का दूध पिलाने वाली, और परम पद तक ले जाने वाली।"

श्लोक 57 (skanda.4.85.57)

जनन्या सह नो काशी लभेदुपमितिं क्वचित्।। धारयेज्जननी गर्भे काशी गर्भाद्विमोचयेत्

jananyā saha no kāśī labhedupamitiṁ kvacit|| dhārayejjananī garbhe kāśī garbhādvimocayet

"अपनी माता से भी काशी की उपमा कहीं नहीं होती; माता तो केवल गर्भ में धारण करती है, काशी तो गर्भ से ही मुक्त कर देती है।"

श्लोक 58 (skanda.4.85.58)

एवंभूतां तु यः काशीमन्योपि हि शपिष्यति ।। तस्यैव शापो भविता न तु काश्याः कथंचन

evaṁbhūtāṁ tu yaḥ kāśīmanyopi hi śapiṣyati || tasyaiva śāpo bhavitā na tu kāśyāḥ kathaṁcana

"ऐसी काशी को जो कोई भी शाप देगा, वह शाप उसी को लगेगा, काशी को कभी नहीं।"

श्लोक 59 (skanda.4.85.59)

इति दुर्वाससो वाक्यं श्रुत्वा देवस्त्रिलोचनः ।। अतीव तुषितो जातः काशीस्तवन लब्धमुत्

iti durvāsaso vākyaṁ śrutvā devastrilocanaḥ || atīva tuṣito jātaḥ kāśīstavana labdhamut

दुर्वासा के इस वचन को सुनकर त्रिलोचन देव अत्यन्त प्रसन्न हो गए, काशी की इस स्तुति से हर्षित होकर।

श्लोक 60 (skanda.4.85.60)

यः काशीं स्तौति मेधावी यः काशीं हृदि धारयेत् ।। तेन तप्तं तपस्तीव्रं तेनेष्टं क्रतुकोटिभिः

yaḥ kāśīṁ stauti medhāvī yaḥ kāśīṁ hṛdi dhārayet || tena taptaṁ tapastīvraṁ teneṣṭaṁ kratukoṭibhiḥ

"जो बुद्धिमान काशी की स्तुति करता है, जो काशी को हृदय में धारण करता है, उसने तीव्र तपस्या की है, उसने करोड़ों यज्ञ किए हैं।"

श्लोक 61 (skanda.4.85.61)

जिह्वाग्रे वर्तते यस्य काशीत्यक्षरयुग्मकम् ।। न तस्य गर्भवासः स्यात्क्वचिदेव सुमेधसः

jihvāgre vartate yasya kāśītyakṣarayugmakam || na tasya garbhavāsaḥ syātkvacideva sumedhasaḥ

"जिसकी जीभ की नोक पर 'काशी' यह दो अक्षर सदा रहते हैं, उस बुद्धिमान को कभी गर्भवास नहीं होता।"

श्लोक 62 (skanda.4.85.62)

यो मंत्रं जपति प्रातः काशी वर्णद्वयात्मकम्।। स तु लोकद्वयं जित्वा लोकातीतं व्रजेत्पदम्

yo maṁtraṁ japati prātaḥ kāśī varṇadvayātmakam|| sa tu lokadvayaṁ jitvā lokātītaṁ vrajetpadam

"जो प्रातःकाल 'काशी' नामक दो अक्षरों का मन्त्र जपता है, वह दोनों लोकों को जीतकर लोकातीत पद को प्राप्त होता है।"

श्लोक 63 (skanda.4.85.63)

आनुसूयेय ते ज्ञानं काशीस्तवन पुण्यतः ।। यथेदानीं समुत्पन्नं तथा न तपसः पुरा

ānusūyeya te jñānaṁ kāśīstavana puṇyataḥ || yathedānīṁ samutpannaṁ tathā na tapasaḥ purā

"हे अनसूया-पुत्र, काशी की स्तुति के पुण्य से तुम्हें जो ज्ञान अभी उत्पन्न हुआ है, वैसा पहले तुम्हारी तपस्या से नहीं हुआ था।"

श्लोक 64 (skanda.4.85.64)

मुने न मे प्रियस्तद्वद्दीक्षितो मम पूजकः ।। यादृक्प्रियतरः सत्यं काशीस्तवन लालसः

mune na me priyastadvaddīkṣito mama pūjakaḥ || yādṛkpriyataraḥ satyaṁ kāśīstavana lālasaḥ

"हे मुनि, मेरा दीक्षित पूजक भी मुझे उतना प्रिय नहीं है, जितना काशी-स्तुति में लालायित व्यक्ति सचमुच प्रिय है।"

श्लोक 65 (skanda.4.85.65)

तादृक्तुष्टिर्न मे दानैस्तादृक्तुष्टिर्न मे मखैः ।। न तुष्टिस्तपसा तादृग्यादृशी काशिसंस्तवैः

tādṛktuṣṭirna me dānaistādṛktuṣṭirna me makhaiḥ || na tuṣṭistapasā tādṛgyādṛśī kāśisaṁstavaiḥ

"दानों से मुझे वैसी सन्तुष्टि नहीं होती, यज्ञों से भी वैसी सन्तुष्टि नहीं होती; तपस्या से भी वैसी सन्तुष्टि नहीं होती, जैसी काशी की स्तुतियों से होती है।"

श्लोक 66 (skanda.4.85.66)

आनंदकाननं येन स्तुतमेतत्सुचेतसा ।। तेनाहं संस्तुतः सम्यक्सर्वैः सूक्तैः श्रुतीरितैः

ānaṁdakānanaṁ yena stutametatsucetasā || tenāhaṁ saṁstutaḥ samyaksarvaiḥ sūktaiḥ śrutīritaiḥ

"जिसने शुद्ध मन से इस आनन्दकानन की स्तुति की, उसने मानो श्रुति-कथित सब सूक्तों से मेरी भलीभाँति स्तुति कर ली।"

श्लोक 67 (skanda.4.85.67)

तव कामाः समृद्धाः स्युरानुसूयेय तापस ।। ज्ञानं ते परमं भावि महामोहविनाशनम्

tava kāmāḥ samṛddhāḥ syurānusūyeya tāpasa || jñānaṁ te paramaṁ bhāvi mahāmohavināśanam

"हे अनसूया-पुत्र तपस्वी, तुम्हारी कामनाएँ समृद्ध हों; तुम्हें महामोह का नाश करने वाला परम ज्ञान प्राप्त होगा।"

श्लोक 68 (skanda.4.85.68)

अपरं च वरं ब्रूहि किं दातव्यं तवानघ ।। त्वादृशा एव मुनयः श्लाघनीया यतः सताम्

aparaṁ ca varaṁ brūhi kiṁ dātavyaṁ tavānagha || tvādṛśā eva munayaḥ ślāghanīyā yataḥ satām

"और एक और वर माँगो, हे निष्पाप, तुम्हें और क्या देना चाहिए? तुम्हारे जैसे मुनि ही सज्जनों द्वारा प्रशंसनीय हैं।"

श्लोक 69 (skanda.4.85.69)

यस्यास्त्वेव हि सामर्थ्यं तपसः क्रुद्ध्यतीहसः ।। कुपितोप्यसमर्थस्तु किं कर्ता क्षीणवृत्तिवत्

yasyāstveva hi sāmarthyaṁ tapasaḥ kruddhyatīhasaḥ || kupitopyasamarthastu kiṁ kartā kṣīṇavṛttivat

"जिसमें तपस्या का सामर्थ्य है, वही यहाँ क्रोधित हो सकता है; असमर्थ व्यक्ति क्रुद्ध होकर भी क्षीण-शक्ति की भाँति क्या कर सकता है?"

श्लोक 70 (skanda.4.85.70)

इति श्रुत्वा परिष्टुत्य दुर्वासाः कृत्तिवाससम् ।। वरं च प्रार्थयामास परिहृष्ट तनूरुहः

iti śrutvā pariṣṭutya durvāsāḥ kṛttivāsasam || varaṁ ca prārthayāmāsa parihṛṣṭa tanūruhaḥ

यह सुनकर, कृत्तिवास (शिव) की स्तुति करके, हर्ष से रोमांचित दुर्वासा ने वर माँगा —

श्लोक 71 (skanda.4.85.71)

।।दुर्वासा उवाच ।। ।। देवदेव जगन्नाथ करुणाकर शंकर ।। महापराधविध्वंसिन्नंधकारे स्मरांतक

||durvāsā uvāca || || devadeva jagannātha karuṇākara śaṁkara || mahāparādhavidhvaṁsinnaṁdhakāre smarāṁtaka

दुर्वासा ने कहा — "हे देवदेव, जगन्नाथ, करुणाकर शंकर! महान अपराधों को नष्ट करने वाले, अन्धक के अन्धकार में, कामान्तक!"

श्लोक 72 (skanda.4.85.72)

मृत्युंजयोग्रभूतेश मृडानीश त्रिलोचन ।। यदि प्रसन्नो मे नाथ यदि देयो वरो मम

mṛtyuṁjayograbhūteśa mṛḍānīśa trilocana || yadi prasanno me nātha yadi deyo varo mama

"मृत्युंजय, उग्र भूतेश, मृडानीश, त्रिलोचन! यदि आप मुझसे प्रसन्न हैं, हे नाथ, यदि मुझे वर देना है,"

श्लोक 73 (skanda.4.85.73)

तदिदं कामदं नाम लिगमस्त्विह धूर्जटे ।। इदं च पल्वलं मेत्र कामकुंडाख्यमस्तु वै

tadidaṁ kāmadaṁ nāma ligamastviha dhūrjaṭe || idaṁ ca palvalaṁ metra kāmakuṁḍākhyamastu vai

"तो यह लिंग यहाँ 'कामद' नाम से हो, हे धूर्जटे; और यह मेरा जलाशय 'कामकुण्ड' नाम से प्रसिद्ध हो।"

श्लोक 74 (skanda.4.85.74)

।। देवदेव उवाच ।। ।। एवमस्तु महातेजो मुने परमकोपन ।। यत्त्वया स्थापितं लिंगं दुर्वासेश्वरसंज्ञितम्

|| devadeva uvāca || || evamastu mahātejo mune paramakopana || yattvayā sthāpitaṁ liṁgaṁ durvāseśvarasaṁjñitam

देवदेव ने कहा — "ऐसा ही हो, हे महातेजस्वी, परम क्रोधी मुनि। तुमने जो लिंग स्थापित किया है, 'दुर्वासेश्वर' नाम वाला,"

श्लोक 75 (skanda.4.85.75)

तदेव कामकृन्नृणां कामेश्वरमिहास्त्विति ।। यः प्रदोषे त्रयोदश्यां शनिवासरसंयुजि

tadeva kāmakṛnnṛṇāṁ kāmeśvaramihāstviti || yaḥ pradoṣe trayodaśyāṁ śanivāsarasaṁyuji

"वह मनुष्यों की कामनाएँ पूर्ण करने वाला 'कामेश्वर' नाम से यहाँ प्रसिद्ध होगा। जो प्रदोष काल में, त्रयोदशी को, शनिवार पड़ने पर,"

श्लोक 76 (skanda.4.85.76)

संस्नास्यति नरो धीमान्कामकुंडे त्वदास्पदे ।। त्वत्स्थापितं च कामेशं लिंगं द्रक्ष्यति मानवः

saṁsnāsyati naro dhīmānkāmakuṁḍe tvadāspade || tvatsthāpitaṁ ca kāmeśaṁ liṁgaṁ drakṣyati mānavaḥ

"तुम्हारे इस स्थान कामकुण्ड में स्नान करेगा, और तुम्हारे स्थापित कामेश लिंग का दर्शन करेगा,"

श्लोक 77 (skanda.4.85.77)

स वै कामकृताद्दोषाद्यामीं नाप्स्यति यातनाम् ।। बहवोपि हि पाप्मानो बहुभिर्जन्मभिः कृताः

sa vai kāmakṛtāddoṣādyāmīṁ nāpsyati yātanām || bahavopi hi pāpmāno bahubhirjanmabhiḥ kṛtāḥ

"वह काम-जनित दोष से यमराज की यातना नहीं पाएगा। अनेक जन्मों में किए गए बहुत से पाप भी,"

श्लोक 78 (skanda.4.85.78)

कामतीर्थांबु संस्नानाद्यास्यंति विलयं क्षणात् ।। कामाः समृद्धिमाप्स्यंति कामेश्वर निषेवणात्

kāmatīrthāṁbu saṁsnānādyāsyaṁti vilayaṁ kṣaṇāt || kāmāḥ samṛddhimāpsyaṁti kāmeśvara niṣevaṇāt

"काम-तीर्थ के जल में स्नान करने से क्षणभर में नष्ट हो जाएँगे; कामेश्वर की सेवा से कामनाएँ समृद्धि पाएँगी।"

श्लोक 79 (skanda.4.85.79)

इति दत्त्वा वराञ्शंभुस्तल्लिंगे लयमाययौ।। ।। स्कंद उवाच ।। तल्लिंगाराधनात्कामाः प्राप्ता दुर्वाससा भृशम्

iti dattvā varāñśaṁbhustalliṁge layamāyayau|| || skaṁda uvāca || talliṁgārādhanātkāmāḥ prāptā durvāsasā bhṛśam

यह वर देकर शम्भु उस लिंग में लीन हो गए। स्कन्द ने कहा - उस लिंग की आराधना से दुर्वासा को अत्यन्त कामनाएँ प्राप्त हुईं।

श्लोक 80 (skanda.4.85.80)

तस्मात्सर्वप्रयत्नेन काश्यां कामेश्वरः सदा ।। पूजनीयः प्रयत्नेन महाकामाभिलाषुकैः

tasmātsarvaprayatnena kāśyāṁ kāmeśvaraḥ sadā || pūjanīyaḥ prayatnena mahākāmābhilāṣukaiḥ

इसलिए काशी में कामेश्वर की सदा सब प्रयत्नों से पूजा करनी चाहिए, विशेषकर महान कामनाओं की इच्छा रखने वालों को।

श्लोक 81 (skanda.4.85.81)

कामकुंडकृतस्नानैर्महापातकशांतये ।। इदं कामेश्वराख्यानं यः पठिष्यति पुण्यवान् ।। यः श्रोष्यति च मेधावी तौ निष्पापौ भविष्यतः

kāmakuṁḍakṛtasnānairmahāpātakaśāṁtaye || idaṁ kāmeśvarākhyānaṁ yaḥ paṭhiṣyati puṇyavān || yaḥ śroṣyati ca medhāvī tau niṣpāpau bhaviṣyataḥ

कामकुण्ड में किए गए स्नानों से महापातक शान्त होते हैं। इस कामेश्वर-आख्यान को जो पुण्यवान पढ़ेगा, और जो बुद्धिमान सुनेगा, वे दोनों निष्पाप हो जाएँगे।