व्यास-भुज-स्तम्भ

श्लोक 1 (skanda.4.95.1)

।। व्यास उवाच [। ।। शृणु सूत महाबुद्धे यथा स्कंदेन भाषितम् ।। भविष्यं मम तस्याग्रे कुंभयोने महामते

|| vyāsa uvāca [| || śṛṇu sūta mahābuddhe yathā skaṁdena bhāṣitam || bhaviṣyaṁ mama tasyāgre kuṁbhayone mahāmate

व्यास ने कहा — सुनो, हे महाबुद्धि सूत, जैसा स्कन्द ने कहा था, मेरे उस भविष्य के विषय में, हे महामते कुम्भ-योने (अगस्त्य)।

श्लोक 2 (skanda.4.95.2)

।। स्कंद उवाच ।। ।। निशामय महाभाग त्वं मैत्रावरुणे मुने ।। पाराशर्यो मुनिवरो यथा मोहमुपैष्यति

|| skaṁda uvāca || || niśāmaya mahābhāga tvaṁ maitrāvaruṇe mune || pārāśaryo munivaro yathā mohamupaiṣyati

स्कन्द ने कहा — सुनो, हे महाभाग, हे मित्रावरुण-मुने, जैसे श्रेष्ठ मुनि पाराशर्य (व्यास) मोह को प्राप्त होंगे।

श्लोक 3 (skanda.4.95.3)

व्यस्य वेदान्महाबुद्धिर्नाना शाखा प्रभेदतः ।। अष्टादशपुराणानि सूतादीन्परिपाठ्य च

vyasya vedānmahābuddhirnānā śākhā prabhedataḥ || aṣṭādaśapurāṇāni sūtādīnparipāṭhya ca

उन महाबुद्धि ने वेदों को अनेक शाखाओं और भेदों में बाँटकर, अठारह पुराणों को सूत आदि को पढ़ाकर,

श्लोक 4 (skanda.4.95.4)

श्रुतिस्मृतिपुराणानां रहस्यं यस्त्वचीकरत् ।। महाभारतसंज्ञं च सर्वलोकमनोहरम्

śrutismṛtipurāṇānāṁ rahasyaṁ yastvacīkarat || mahābhāratasaṁjñaṁ ca sarvalokamanoharam

श्रुति, स्मृति और पुराणों के रहस्य को प्रकट करके, और 'महाभारत' नामक, सर्वलोक को मोहित करने वाला ग्रन्थ [रचकर],

श्लोक 5 (skanda.4.95.5)

सर्वपापप्रशमनं सर्वशांतिकरं परम् ।। यस्य श्रवणमात्रेण ब्रह्महत्या विनश्यति

sarvapāpapraśamanaṁ sarvaśāṁtikaraṁ param || yasya śravaṇamātreṇa brahmahatyā vinaśyati

जो सब पापों का शमन करने वाला, परम शान्तिकारक है, जिसके सुनने मात्र से ब्रह्महत्या भी नष्ट हो जाती है —

श्लोक 6 (skanda.4.95.6)

एकदा स मुनिः श्रीमान्पर्यटन्पृथिवीतले ।। संप्राप्तो नैमिषारण्यं यत्र संति मुनीश्वराः

ekadā sa muniḥ śrīmānparyaṭanpṛthivītale || saṁprāpto naimiṣāraṇyaṁ yatra saṁti munīśvarāḥ

एक बार वे श्रीमान मुनि पृथ्वी पर भ्रमण करते हुए नैमिषारण्य पहुँचे, जहाँ मुनीश्वर रहते थे,

श्लोक 7 (skanda.4.95.7)

अष्टाशीतिसहस्राणि शौनकाद्यास्तपोधनाः ।।. त्रिपुंड्रितमहाभाला लसद्रुद्राक्षमालिनः

aṣṭāśītisahasrāṇi śaunakādyāstapodhanāḥ ||. tripuṁḍritamahābhālā lasadrudrākṣamālinaḥ

अठासी हज़ार तपोधन शौनक आदि, त्रिपुण्ड्र से चिह्नित विशाल ललाट वाले, चमकते रुद्राक्ष-माला धारी,

श्लोक 8 (skanda.4.95.8)

विभूतिधारिणो भक्त्या रुद्रसूक्तजपप्रियान् ।। लिंगाराधनसंसक्ताञ्छिवनामकृतादरान्

vibhūtidhāriṇo bhaktyā rudrasūktajapapriyān || liṁgārādhanasaṁsaktāñchivanāmakṛtādarān

भक्तिपूर्वक विभूति धारण करने वाले, रुद्र-सूक्त के जप में रत, लिंगाराधना में लगे, शिव के नाम का आदर करने वाले —

श्लोक 9 (skanda.4.95.9)

एक एव हि विश्वेशो मुक्तिदो नान्य एव हि ।। इति ब्रुवाणान्सततं परिनिश्चितमानसान्

eka eva hi viśveśo muktido nānya eva hi || iti bruvāṇānsatataṁ pariniścitamānasān

"विश्वेश ही अकेले मुक्ति देने वाले हैं, कोई अन्य नहीं" — यह सतत कहने वाले, दृढ़-चित्त इन सबको —

श्लोक 10 (skanda.4.95.10)

विलोक्य स मुनिर्व्यासस्तासर्वान्गिरिशात्मनः ।। उत्क्षिप्य तर्जनीमुच्चैः प्रोवाचेदं वचः पुनः

vilokya sa munirvyāsastāsarvāngiriśātmanaḥ || utkṣipya tarjanīmuccaiḥ provācedaṁ vacaḥ punaḥ

गिरीश-भक्तों को देखकर, वह मुनि व्यास तर्जनी उठाकर, ऊँचे स्वर में फिर यह वचन बोले —

श्लोक 11 (skanda.4.95.11)

परिनिर्मथ्य वाग्जालं सुनिश्चित्यासकृद्बहु ।। इदमेकं परिज्ञातं सेव्यः सर्वेश्वरो हरिः

parinirmathya vāgjālaṁ suniścityāsakṛdbahu || idamekaṁ parijñātaṁ sevyaḥ sarveśvaro hariḥ

"वाणी के जाल को भलीभाँति मथकर, बार-बार निश्चय करके, एक ही बात मुझे ज्ञात हुई है — सर्वेश्वर हरि ही सेवनीय हैं।"

श्लोक 12 (skanda.4.95.12)

वेदे रामायणे चैव पुराणेषु च भारते ।। आदिमध्यावसानेषु हरिरेकोऽत्र नापरः

vede rāmāyaṇe caiva purāṇeṣu ca bhārate || ādimadhyāvasāneṣu harireko'tra nāparaḥ

"वेद में, रामायण में, पुराणों में और महाभारत में — आदि, मध्य और अन्त में — यहाँ हरि ही एक हैं, अन्य कोई नहीं।"

श्लोक 13 (skanda.4.95.13)

सत्यं सत्यं त्रिसत्यं पुनः सत्यं न मृषा पुनः ।। न वेदादपरं शास्त्रं न देवोच्युततः परः

satyaṁ satyaṁ trisatyaṁ punaḥ satyaṁ na mṛṣā punaḥ || na vedādaparaṁ śāstraṁ na devocyutataḥ paraḥ

"सत्य, सत्य, त्रिसत्य, फिर सत्य, फिर मिथ्या नहीं — वेद से बढ़कर कोई शास्त्र नहीं, अच्युत देव से बढ़कर कोई देव नहीं।"

श्लोक 14 (skanda.4.95.14)

लक्ष्मीशः सर्वदो नान्यो लक्ष्मीशोप्यपवर्गदः ।। एक एव हि लक्ष्मीशस्ततो ध्येयो न चापरः

lakṣmīśaḥ sarvado nānyo lakṣmīśopyapavargadaḥ || eka eva hi lakṣmīśastato dhyeyo na cāparaḥ

"लक्ष्मीश ही सबका दाता हैं, अन्य कोई नहीं; लक्ष्मीश ही मुक्ति भी देने वाले हैं। लक्ष्मीश ही एक ध्येय हैं, अन्य कोई नहीं।"

श्लोक 15 (skanda.4.95.15)

भुक्तेर्मुक्तेरिहान्यत्र नान्यो दाता जनार्दनात्।। तस्माच्चतुर्भुजो नित्यं सेवनीयः सुखेप्सुभिः

bhuktermukterihānyatra nānyo dātā janārdanāt|| tasmāccaturbhujo nityaṁ sevanīyaḥ sukhepsubhiḥ

"यहाँ या अन्यत्र भोग या मोक्ष का जनार्दन से बढ़कर कोई दाता नहीं है; इसलिए सुख चाहने वालों को सदा चतुर्भुज की सेवा करनी चाहिए।"

श्लोक 16 (skanda.4.95.16)

विहाय केशवादन्यं ये सेवंतेल्पमेधसः ।। संसारचक्रे गहने ते विशंति पुनःपुनः

vihāya keśavādanyaṁ ye sevaṁtelpamedhasaḥ || saṁsāracakre gahane te viśaṁti punaḥpunaḥ

"जो अल्पबुद्धि केशव को छोड़कर किसी अन्य की सेवा करते हैं, वे बार-बार संसार के गहन चक्र में प्रवेश करते हैं।"

श्लोक 17 (skanda.4.95.17)

एक एव हि सर्वेशो हृषीकेशः परात्परः ।। तं सेवमानः सततं सेव्यस्त्रिजगतां भवेत्

eka eva hi sarveśo hṛṣīkeśaḥ parātparaḥ || taṁ sevamānaḥ satataṁ sevyastrijagatāṁ bhavet

"हृषीकेश ही अकेले सबके स्वामी हैं, परात्पर हैं; जो उनकी सतत सेवा करता है, वह त्रिलोक द्वारा सेव्य बन जाता है।"

श्लोक 18 (skanda.4.95.18)

एको धर्मप्रदो विष्णुस्त्वेको बह्वर्थदो हरिः ।। एकः कामप्रदश्चक्री त्वेको मोक्षप्रदोच्युतः

eko dharmaprado viṣṇustveko bahvarthado hariḥ || ekaḥ kāmapradaścakrī tveko mokṣapradocyutaḥ

"विष्णु ही अकेले धर्म देने वाले हैं, हरि ही अकेले बहु अर्थ देने वाले हैं; चक्रधारी ही अकेले काम देने वाले हैं, अच्युत ही अकेले मोक्ष देने वाले हैं।"

श्लोक 19 (skanda.4.95.19)

शार्ङ्गिणं ये परित्यज्य देवमन्यमुपासते ।। ते सद्भिश्च बहिष्कार्या वेदहीना यथा द्विजाः

śārṅgiṇaṁ ye parityajya devamanyamupāsate || te sadbhiśca bahiṣkāryā vedahīnā yathā dvijāḥ

"जो शार्ङ्गधारी को छोड़कर किसी अन्य देव की उपासना करते हैं, वे सज्जनों द्वारा वेद-हीन ब्राह्मणों की भाँति बहिष्कृत करने योग्य हैं।"

श्लोक 20 (skanda.4.95.20)

श्रुत्वेति वाक्यं व्यासस्य नैमिषारण्यवासिनः।। प्रवेपमानहृदयाः परिप्रोचुरिदं वचः

śrutveti vākyaṁ vyāsasya naimiṣāraṇyavāsinaḥ|| pravepamānahṛdayāḥ pariprocuridaṁ vacaḥ

व्यास का यह वचन सुनकर नैमिषारण्य-वासी, हृदय से काँपते हुए, यह वचन बोले —

श्लोक 21 (skanda.4.95.21)

।। ऋषय ऊचुः ।। ।। पाराशर्य मुने मान्यस्त्वमस्माकं महामते ।। यतो वेदास्त्वया व्यस्ताः पुराणान्यपि वेत्ति यत्

|| ṛṣaya ūcuḥ || || pārāśarya mune mānyastvamasmākaṁ mahāmate || yato vedāstvayā vyastāḥ purāṇānyapi vetti yat

ऋषियों ने कहा — "हे पाराशर्य मुने, आप हमारे लिए मान्य हैं, हे महामते, क्योंकि वेद आपने ही विभाजित किए हैं, और आप पुराणों को भी जानते हैं,"

श्लोक 22 (skanda.4.95.22)

यतश्च कर्ता त्वमसि महतो भारतस्य वै ।। धर्मार्थकाममोक्षाणां विनिश्चयकृतो ध्रुवम्

yataśca kartā tvamasi mahato bhāratasya vai || dharmārthakāmamokṣāṇāṁ viniścayakṛto dhruvam

"और क्योंकि आप महान भारत के रचयिता हैं, धर्म, अर्थ, काम, मोक्ष के निश्चयकर्ता हैं, निःसंदेह।"

श्लोक 23 (skanda.4.95.23)

तत्त्वज्ञः कोपरश्चात्र त्वत्तः सत्यवतीसुत।। भवता यत्प्रतिज्ञातं निश्चित्योक्षिप्यतर्जनीम्

tattvajñaḥ koparaścātra tvattaḥ satyavatīsuta|| bhavatā yatpratijñātaṁ niścityokṣipyatarjanīm

"आपसे बढ़कर तत्त्वज्ञ यहाँ और कौन है, हे सत्यवती-पुत्र? आपने जो तर्जनी उठाकर निश्चयपूर्वक प्रतिज्ञा की है,"

श्लोक 24 (skanda.4.95.24)

अस्मिन्माणवकास्तत्र परिश्रद्दधते नहि ।। प्रतिज्ञा तस्य वचसस्तव श्रद्धा भवेत्तदा

asminmāṇavakāstatra pariśraddadhate nahi || pratijñā tasya vacasastava śraddhā bhavettadā

"— उस पर यहाँ के युवा विद्यार्थी पूर्ण श्रद्धा नहीं रखते। तब आपके इस वचन की प्रतिज्ञा पर श्रद्धा तभी होगी,"

श्लोक 25 (skanda.4.95.25)

यदाऽऽनंदवने शंभोः प्रतिजानासि वै वचः

yadā''naṁdavane śaṁbhoḥ pratijānāsi vai vacaḥ

"— जब आप शम्भु के आनन्द-वन में यह वचन प्रतिज्ञा करेंगे।"

श्लोक 26 (skanda.4.95.26)

गच्छ वाराणसीं व्यास यत्र विश्वेश्वरः स्वयम् ।। न तत्र युगधर्मोस्ति न च लग्ना वसुंधरा

gaccha vārāṇasīṁ vyāsa yatra viśveśvaraḥ svayam || na tatra yugadharmosti na ca lagnā vasuṁdharā

"वाराणसी जाइए, हे व्यास, जहाँ स्वयं विश्वेश्वर विराजते हैं; वहाँ युग-धर्म भी लागू नहीं होता, वसुन्धरा भी वहाँ बँधी नहीं है।"

श्लोक 27 (skanda.4.95.27)

इति श्रुत्वा मुनिर्व्यासः किंचित्कुपितवद्धृदि ।। जगाम तूर्णं सहितः स्वशिष्यैरयुतोन्मितैः

iti śrutvā munirvyāsaḥ kiṁcitkupitavaddhṛdi || jagāma tūrṇaṁ sahitaḥ svaśiṣyairayutonmitaiḥ

यह सुनकर मुनि व्यास, हृदय में कुछ क्रुद्ध-से होकर, अपने दस हज़ार शिष्यों सहित शीघ्र चल पड़े।

श्लोक 28 (skanda.4.95.28)

प्राप्य वाराणसीं व्यासः स्नात्वा पंचनदे ह्रदे ।। श्रीमन्माधवमभ्यर्च्य ययौ पादोदकं ततः

prāpya vārāṇasīṁ vyāsaḥ snātvā paṁcanade hrade || śrīmanmādhavamabhyarcya yayau pādodakaṁ tataḥ

वाराणसी पहुँचकर व्यास ने पंचनद ह्रद में स्नान करके, श्रीमान माधव की पूजा करके, फिर पादोदक (चरणामृत) लिया।

श्लोक 29 (skanda.4.95.29)

तत्र स्नानादिकं कृत्वा दृष्ट्वा चैवादिकेशवम् ।। पंचरात्रं ततः कृत्वा वैष्णवैरभिनंदितः

tatra snānādikaṁ kṛtvā dṛṣṭvā caivādikeśavam || paṁcarātraṁ tataḥ kṛtvā vaiṣṇavairabhinaṁditaḥ

वहाँ स्नान आदि करके आदिकेशव के दर्शन करके, फिर पंच-रात्र व्रत करके वैष्णवों द्वारा अभिनन्दित हुए।

श्लोक 30 (skanda.4.95.30)

अग्रतः पृष्ठतः शंखैर्वाद्यमानैः प्रमोदितः ।। जयविष्णो हृषीकेश गोविंद मधुसूदन

agrataḥ pṛṣṭhataḥ śaṁkhairvādyamānaiḥ pramoditaḥ || jayaviṣṇo hṛṣīkeśa goviṁda madhusūdana

आगे-पीछे शंख बजाए जाने से प्रमुदित होकर — "जय विष्णु, हृषीकेश, गोविन्द, मधुसूदन,"

श्लोक 31 (skanda.4.95.31)

अच्युतानंतवैकुंठ माधवोपेंद्रकेशव ।। त्रिविक्रम गदापाणे शार्ङ्गपाणे जनार्दन

acyutānaṁtavaikuṁṭha mādhavopeṁdrakeśava || trivikrama gadāpāṇe śārṅgapāṇe janārdana

"अच्युत, अनन्त, वैकुण्ठ, माधव, उपेन्द्र, केशव, त्रिविक्रम, गदापाणि, शार्ङ्गपाणि, जनार्दन,"

श्लोक 32 (skanda.4.95.32)

श्रीवत्सवक्षः श्रीकांत पीतांबर मुरांतक ।। कैटभारे बलिध्वंसिन्कंसारे केशिसूदन ।।

śrīvatsavakṣaḥ śrīkāṁta pītāṁbara murāṁtaka || kaiṭabhāre balidhvaṁsinkaṁsāre keśisūdana ||

"श्रीवत्स-वक्ष, श्रीकान्त, पीताम्बर, मुरान्तक, कैटभारि, बलिध्वंसी, कंसारि, केशि-सूदन,"

श्लोक 33 (skanda.4.95.33)

नारायणासुररिपो कृष्ण शौरे चतुर्भुज ।। देवकीहृदयानंद यशोदानंदवर्धन

nārāyaṇāsuraripo kṛṣṇa śaure caturbhuja || devakīhṛdayānaṁda yaśodānaṁdavardhana

"नारायण, असुर-शत्रु, कृष्ण, शौरि, चतुर्भुज, देवकी के हृदय के आनन्द, यशोदा के आनन्द के वर्धक,"

श्लोक 34 (skanda.4.95.34)

पुंडरीकाक्ष दैत्यारे दामोदर बलप्रिय ।। बलारातिस्तुत हरे वासुदेव वसुप्रद

puṁḍarīkākṣa daityāre dāmodara balapriya || balārātistuta hare vāsudeva vasuprada

"पुण्डरीकाक्ष, दैत्य-शत्रु, दामोदर, बल के प्रिय, बलारि द्वारा स्तुत, हरि, वासुदेव, वसु-प्रद,"

श्लोक 35 (skanda.4.95.35)

विष्वक्चमूस्तार्क्ष्य रथवनमालिन्नरोत्तम ।। अधोक्षज क्षमाधार पद्मनाभ जलेशय

viṣvakcamūstārkṣya rathavanamālinnarottama || adhokṣaja kṣamādhāra padmanābha jaleśaya

"सर्वव्यापी, गरुड़-रथी, वनमाली, नरोत्तम, अधोक्षज, क्षमा के आधार, पद्मनाभ, जल-शायी,"

श्लोक 36 (skanda.4.95.36)

नृसिंह यज्ञवाराह गोपगोपालवल्लभ ।। गोपीपते गुणातीत गरुडध्वज गोत्रभृत्

nṛsiṁha yajñavārāha gopagopālavallabha || gopīpate guṇātīta garuḍadhvaja gotrabhṛt

"नृसिंह, यज्ञ-वराह, गोप-गोपाल के प्रिय, गोपियों के स्वामी, गुणातीत, गरुड़-ध्वज, कुल-रक्षक,"

श्लोक 37 (skanda.4.95.37)

जय चाणूरमथन जय त्रैलोक्यरक्षण ।। जयानाद्य जयानंद जय नीलोत्पलद्युते

jaya cāṇūramathana jaya trailokyarakṣaṇa || jayānādya jayānaṁda jaya nīlotpaladyute

"जय चाणूर-मथन, जय त्रैलोक्य-रक्षक, जय अनादि, जय आनन्द-स्वरूप, जय नीलोत्पल-द्युति,"

श्लोक 38 (skanda.4.95.38)

कौस्तुभोद्भूषितोरस्क पूतनाधातुशोषण ।। रक्षरक्ष जगद्रक्षामणे नरकहारक

kaustubhodbhūṣitoraska pūtanādhātuśoṣaṇa || rakṣarakṣa jagadrakṣāmaṇe narakahāraka

"कौस्तुभ से भूषित वक्ष वाले, पूतना का सत्त्व सुखाने वाले, रक्षा करो, रक्षा करो, हे जगत्-रक्षा-मणि, नरक-हारक,"

श्लोक 39 (skanda.4.95.39)

सहस्रशीर्षपुरुष पुरुहूत सुखप्रद ।। यद्भूतं यच्च भाव्यं वै तत्रैकः पुरुषो भवान्

sahasraśīrṣapuruṣa puruhūta sukhaprada || yadbhūtaṁ yacca bhāvyaṁ vai tatraikaḥ puruṣo bhavān

"सहस्र-शीर्ष पुरुष, पुरुहूत, सुख-प्रद — जो हुआ है और जो होगा, वहाँ आप ही एकमात्र पुरुष हैं।"

श्लोक 40 (skanda.4.95.40)

इत्यादि नाममालाभिः संस्तुवन्वनमालिनम् ।। स्वच्छंदलीलया गायन्नृत्यंश्च परया मुदा

ityādi nāmamālābhiḥ saṁstuvanvanamālinam || svacchaṁdalīlayā gāyannṛtyaṁśca parayā mudā

इस प्रकार नाम-मालाओं से वनमाली की स्तुति करते हुए, स्वच्छन्द लीला से गाते और नाचते हुए, परम प्रसन्नता से,

श्लोक 41 (skanda.4.95.41)

व्यासो विश्वेशभवनं समायातः सुहृष्टवत् ।। ज्ञानवापी पुरोभागे महाभागवतैः सह

vyāso viśveśabhavanaṁ samāyātaḥ suhṛṣṭavat || jñānavāpī purobhāge mahābhāgavataiḥ saha

व्यास, अत्यन्त हर्षित होकर, ज्ञानवापी के सामने महाभागवतों सहित विश्वेश के भवन को पहुँचे,

श्लोक 42 (skanda.4.95.42)

विराजमानसत्कंठस्तुलसीवरदामभिः ।। स्वयं तालधरो जातः स्वयं जातः सुनर्तकः

virājamānasatkaṁṭhastulasīvaradāmabhiḥ || svayaṁ tāladharo jātaḥ svayaṁ jātaḥ sunartakaḥ

तुलसी की सुन्दर वरमालाओं से शोभित कण्ठ वाले, स्वयं ताल धारण करने वाले, स्वयं उत्तम नर्तक बने,

श्लोक 43 (skanda.4.95.43)

वेणुवादनतत्त्वज्ञः स्वयं श्रुतिधरोभवत् ।। नृत्यं परिसमाप्येत्थं व्यासः सत्यवतीसुतः

veṇuvādanatattvajñaḥ svayaṁ śrutidharobhavat || nṛtyaṁ parisamāpyetthaṁ vyāsaḥ satyavatīsutaḥ

बाँसुरी बजाने के तत्त्व को जानने वाले, स्वयं श्रुतिधर बने। इस प्रकार नृत्य समाप्त करके, सत्यवती-पुत्र व्यास ने,

श्लोक 44 (skanda.4.95.44)

पुनरूर्ध्वभुजं कृत्वा दक्षिणं शिष्यमध्यगः ।। पुनः पपाठ तानेव श्लोकान्गायन्निवोच्चकैः

punarūrdhvabhujaṁ kṛtvā dakṣiṇaṁ śiṣyamadhyagaḥ || punaḥ papāṭha tāneva ślokāngāyannivoccakaiḥ

फिर से भुजा ऊपर उठाकर, दाहिने शिष्यों के मध्य खड़े होकर, वे ही श्लोक पुनः ऊँचे स्वर में गाते हुए-से पढ़ने लगे —

श्लोक 45 (skanda.4.95.45)

परिनिर्मथ्य वाग्जालं सुनिश्चित्यासकृद्बहु ।। इदमेकं परिज्ञातं सेव्यः सर्वेश्वरो हरिः

parinirmathya vāgjālaṁ suniścityāsakṛdbahu || idamekaṁ parijñātaṁ sevyaḥ sarveśvaro hariḥ

"वाणी के जाल को भलीभाँति मथकर, बार-बार निश्चय करके, एक ही बात ज्ञात हुई है — सर्वेश्वर हरि ही सेवनीय हैं" —

श्लोक 46 (skanda.4.95.46)

इत्यादि श्लोकसंघातं स्वप्रतिज्ञा प्रबोधकम्।। यावत्पठति स व्यासः सव्यमुत्क्षिप्य वै भुजम्

ityādi ślokasaṁghātaṁ svapratijñā prabodhakam|| yāvatpaṭhati sa vyāsaḥ savyamutkṣipya vai bhujam

इस प्रकार अपनी प्रतिज्ञा को प्रकट करने वाले श्लोक-समूह को, जैसे ही व्यास बायीं भुजा उठाकर पढ़ रहे थे,

श्लोक 47 (skanda.4.95.47)

तस्तंभ तावत्तद्बाहुं स शैलादिः स्वलीलया ।। वाक्स्तंभश्चापि तस्यासीन्मुनेर्व्यासस्य सन्मुनेः

tastaṁbha tāvattadbāhuṁ sa śailādiḥ svalīlayā || vākstaṁbhaścāpi tasyāsīnmunervyāsasya sanmuneḥ

उसी क्षण शैलादि (नन्दी) ने अपनी लीला से उनकी उस भुजा को स्तम्भित कर दिया; और उस सन्मुनि व्यास की वाणी भी स्तम्भित हो गई।

श्लोक 48 (skanda.4.95.48)

ततो गुप्तं समागम्य विष्णुर्व्यासमभाषत ।। अपराद्धं महच्चात्र भवता व्यास निश्चितम्

tato guptaṁ samāgamya viṣṇurvyāsamabhāṣata || aparāddhaṁ mahaccātra bhavatā vyāsa niścitam

तब गुप्त रूप से आकर विष्णु ने व्यास से कहा — "हे व्यास, यहाँ आपसे निश्चय ही महान अपराध हुआ है।"

श्लोक 49 (skanda.4.95.49)

तवैतदपराधेन भीतिर्मेपि महत्तरा ।। एक एव हि विश्वेशो द्वितीयो नास्ति कश्चन

tavaitadaparādhena bhītirmepi mahattarā || eka eva hi viśveśo dvitīyo nāsti kaścana

"आपके इस अपराध से मुझे भी बड़ा भय है। विश्वेश ही अकेले हैं, दूसरा कोई नहीं है।"

श्लोक 50 (skanda.4.95.50)

तत्प्रसादादहं चक्री लक्ष्मीशस्तत्प्रभावतः ।। त्रैलोक्यरक्षासामर्थ्यं दत्तं तेनैव शंभुना

tatprasādādahaṁ cakrī lakṣmīśastatprabhāvataḥ || trailokyarakṣāsāmarthyaṁ dattaṁ tenaiva śaṁbhunā

"उन्हीं की कृपा से मैं चक्रधारी हूँ, उन्हीं के प्रभाव से लक्ष्मीश हूँ। त्रैलोक्य-रक्षा का सामर्थ्य उन्हीं शम्भु ने दिया है।"

श्लोक 51 (skanda.4.95.51)

तद्भक्त्या परमैश्वर्यं मया लब्धं वरात्ततः ।। इदानीं स्तुहि तं शंभुं यदि मे शुभमिच्छसि

tadbhaktyā paramaiśvaryaṁ mayā labdhaṁ varāttataḥ || idānīṁ stuhi taṁ śaṁbhuṁ yadi me śubhamicchasi

"उन्हीं की भक्ति से मैंने उनके वर से परम ऐश्वर्य पाया। अब उन्हीं शम्भु की स्तुति कीजिए, यदि मेरा शुभ चाहते हैं।"

श्लोक 52 (skanda.4.95.52)

अन्यदापि न वै कार्या भवता शेमुषीदृशी ।। पाराशर्य इति श्रुत्वा संज्ञया व्याजहार ह

anyadāpi na vai kāryā bhavatā śemuṣīdṛśī || pārāśarya iti śrutvā saṁjñayā vyājahāra ha

"आगे कभी भी ऐसी बुद्धि आपको नहीं करनी चाहिए।" यह सुनकर पाराशर्य ने संकेत से कहा —

श्लोक 53 (skanda.4.95.53)

भुजस्तंभः कृतस्तेन नंदिना दृष्टिमात्रतः ।। वाक्स्तंभस्तद्भयाज्जातः स्पृश मे कंठकंदलीम्

bhujastaṁbhaḥ kṛtastena naṁdinā dṛṣṭimātrataḥ || vākstaṁbhastadbhayājjātaḥ spṛśa me kaṁṭhakaṁdalīm

"नन्दी ने दृष्टि-मात्र से मेरी भुजा स्तम्भित कर दी है; उसी भय से वाणी भी स्तम्भित हो गई है। मेरे कण्ठ को स्पर्श कीजिए,"

श्लोक 54 (skanda.4.95.54)

यथा स्तोतुं भवानीश प्रभवाभि भवांतकम ।। संस्पृश्य विष्णुस्तत्कंठं गुप्तमेव जगाम ह

yathā stotuṁ bhavānīśa prabhavābhi bhavāṁtakama || saṁspṛśya viṣṇustatkaṁṭhaṁ guptameva jagāma ha

"ताकि मैं भवानी के स्वामी, भव के अन्तक की स्तुति कर सकूँ।" उनके कण्ठ को स्पर्श करके विष्णु गुप्त रूप से ही चले गए।

श्लोक 55 (skanda.4.95.55)

ततः सत्यवतीसूनुस्तथा स्तंभितदोर्लतः।। प्रारब्धवान्महेशानं परितुष्टोतुमुदारधीः ।।

tataḥ satyavatīsūnustathā staṁbhitadorlataḥ|| prārabdhavānmaheśānaṁ parituṣṭotumudāradhīḥ ||

फिर सत्यवती-पुत्र, इस प्रकार भुजा-लता स्तम्भित होने पर भी, उदार-बुद्धि होकर, महेशान को प्रसन्न करने के लिए स्तुति आरम्भ की।

श्लोक 56 (skanda.4.95.56)

।। व्यास उवाच ।। ।। एको रुद्रो न द्वितीयो यतस्तद्ब्रह्मैवैकं नेह नानास्ति किंचित् ।। यद्यप्यन्यः कोपि वा कुत्रचिद्वा व्याचष्टां तद्यस्य शक्तिर्मदग्रे

|| vyāsa uvāca || || eko rudro na dvitīyo yatastadbrahmaivaikaṁ neha nānāsti kiṁcit || yadyapyanyaḥ kopi vā kutracidvā vyācaṣṭāṁ tadyasya śaktirmadagre

व्यास ने कहा — "रुद्र एक ही है, दूसरा नहीं, क्योंकि वह ब्रह्म ही एक है, यहाँ अनेकता कुछ भी नहीं है। यदि कोई कहीं अन्य कुछ कहे, तो जिसमें शक्ति हो, वह मेरे सामने उसे स्पष्ट करे।"

श्लोक 57 (skanda.4.95.57)

यः क्षीराब्धेर्मंदराघातजातो ज्वालामाली कालकूटोति भीमः ।। तं सोढुं वा को परोऽभून्महेशाद्यत्कीलाभिः कृष्णतामाप विष्णुः

yaḥ kṣīrābdhermaṁdarāghātajāto jvālāmālī kālakūṭoti bhīmaḥ || taṁ soḍhuṁ vā ko paro'bhūnmaheśādyatkīlābhiḥ kṛṣṇatāmāpa viṣṇuḥ

"जो क्षीर-सागर के मन्दर-मन्थन से उत्पन्न, ज्वाला-माला वाला, अत्यन्त भयंकर कालकूट था, उसे सहने वाला महेश के अतिरिक्त और कौन हुआ, जिसके कणों से विष्णु ही श्यामल हो गए?"

श्लोक 58 (skanda.4.95.58)

यद्वाणोभूच्छ्रीपतिर्यस्य यंता लोकेशो यत्स्यंदनं भूः समस्ता ।। वाहा वेदा यस्य येनेषुपाताद्दग्धा ग्रामास्त्रैपुरास्तत्समः कः

yadvāṇobhūcchrīpatiryasya yaṁtā lokeśo yatsyaṁdanaṁ bhūḥ samastā || vāhā vedā yasya yeneṣupātāddagdhā grāmāstraipurāstatsamaḥ kaḥ

"जिसका बाण स्वयं श्रीपति थे, जिसका सारथी लोकेश (ब्रह्मा) था, जिसका रथ सम्पूर्ण पृथ्वी था, जिसके अश्व वेद थे — जिसके बाण-प्रहार से त्रिपुर के नगर जल गए, उसके समान कौन है?"

श्लोक 59 (skanda.4.95.59)

यं कदर्पो वीक्षमाणः समानं देवैरन्यैर्भस्मजातः स्वयं हि ।। पौष्पैर्बाणैः सर्वविश्वैकजेता को वा स्तुत्यः कामजेतुस्ततोन्यः

yaṁ kadarpo vīkṣamāṇaḥ samānaṁ devairanyairbhasmajātaḥ svayaṁ hi || pauṣpairbāṇaiḥ sarvaviśvaikajetā ko vā stutyaḥ kāmajetustatonyaḥ

"जिसे देखकर अन्य देवताओं के समान समझने वाला कन्दर्प स्वयं ही भस्म हो गया; जो पुष्प-बाणों से भी सम्पूर्ण विश्व का अकेला विजेता है, काम के विजेता से बढ़कर स्तुति के योग्य और कौन है?"

श्लोक 60 (skanda.4.95.60)

यं वै वेदो वेद नो नैव विष्णुर्नोवा वेधा नो मनो नैव वाणी ।। तं देवेशं मादृशः कोल्पमेधा याथात्म्याद्वै वेत्त्यहो विश्वनाथम्

yaṁ vai vedo veda no naiva viṣṇurnovā vedhā no mano naiva vāṇī || taṁ deveśaṁ mādṛśaḥ kolpamedhā yāthātmyādvai vettyaho viśvanātham

"जिसे वेद भी नहीं जानता, न विष्णु, न विधाता, न मन, न वाणी — उस देवेश को मुझ-जैसा अल्पबुद्धि यथार्थ रूप से कैसे जान सके, अहो विश्वनाथ को?"

श्लोक 61 (skanda.4.95.61)

यस्मिन्सर्वं यस्तु सर्वत्र सर्वो यो वै कर्ता योऽविता योऽपहर्ता ।। नो यस्यादिर्यः समस्तादिरेको नो यस्यांतो योंतकृत्तं नतोस्मि

yasminsarvaṁ yastu sarvatra sarvo yo vai kartā yo'vitā yo'pahartā || no yasyādiryaḥ samastādireko no yasyāṁto yoṁtakṛttaṁ natosmi

"जिसमें सब कुछ है, जो सर्वत्र सब कुछ है, जो कर्ता है, जो रक्षक है, जो संहारक है — जिसका आदि नहीं, जो स्वयं सबका आदि है, जिसका अन्त नहीं, जो अन्त करने वाला है — उसे मैं नमस्कार करता हूँ।"

श्लोक 62 (skanda.4.95.62)

यस्यैकाख्या वाजिमेधेन तुल्या यस्या न त्या चैकयाल्पेंद्रलक्ष्मीः ।। यस्य स्तुत्या लभ्यते सत्यलोको यस्यार्चातो मोक्षलक्ष्मीरदूरा

yasyaikākhyā vājimedhena tulyā yasyā na tyā caikayālpeṁdralakṣmīḥ || yasya stutyā labhyate satyaloko yasyārcāto mokṣalakṣmīradūrā

"जिसका एक नाम भी अश्वमेध यज्ञ के तुल्य है, जिसके एक नाम की भी इन्द्र की सम्पदा बराबरी नहीं कर सकती; जिसकी स्तुति से सत्यलोक प्राप्त होता है, जिसकी पूजा से मोक्ष-लक्ष्मी दूर नहीं है।"

श्लोक 63 (skanda.4.95.63)

नान्यं देवं वेद्म्यहं श्रीमहेशान्नान्यं देवं स्तौमि शंभोर्ऋतेऽहम् ।। नान्यं देवं वा नमामि त्रिनेत्रात्सत्यं सत्यं सत्यमेतन्मृषा न

nānyaṁ devaṁ vedmyahaṁ śrīmaheśānnānyaṁ devaṁ staumi śaṁbhorṛte'ham || nānyaṁ devaṁ vā namāmi trinetrātsatyaṁ satyaṁ satyametanmṛṣā na

"मैं श्री महेश के अतिरिक्त कोई अन्य देव नहीं जानता; मैं शम्भु के अतिरिक्त किसी अन्य देव की स्तुति नहीं करता; मैं त्रिनेत्र के अतिरिक्त किसी अन्य देव को नमस्कार नहीं करता — यह सत्य है, सत्य है, सत्य है, मिथ्या नहीं।"

श्लोक 64 (skanda.4.95.64)

इत्थं यावत्स्तौति शंभुं महर्षिस्तावन्नंदी शांभवाद्दृक्प्रसादात् ।। तद्दोः स्तंभं त्यक्तवांश्चाबभाषे स्मायंस्मायं ब्राह्मणेभ्यो नमो वः

itthaṁ yāvatstauti śaṁbhuṁ maharṣistāvannaṁdī śāṁbhavāddṛkprasādāt || taddoḥ staṁbhaṁ tyaktavāṁścābabhāṣe smāyaṁsmāyaṁ brāhmaṇebhyo namo vaḥ

इस प्रकार जब तक महर्षि शम्भु की स्तुति करते रहे, तब तक नन्दी ने शाम्भव कृपा-दृष्टि से उनकी भुजा का स्तम्भ छोड़ दिया, और मुस्कुराते हुए कहा — "हे ब्राह्मणों, आप सबको नमस्कार।"

श्लोक 65 (skanda.4.95.65)

नंदिकेश्वर उवाच ।। इदं स्तवं महापुण्यं व्यास ते परिकीर्तितम् ।। यः पठिष्यति मेधावी तस्य तुष्यति शंकरः

naṁdikeśvara uvāca || idaṁ stavaṁ mahāpuṇyaṁ vyāsa te parikīrtitam || yaḥ paṭhiṣyati medhāvī tasya tuṣyati śaṁkaraḥ

नन्दिकेश्वर ने कहा — "यह महापुण्य स्तोत्र, हे व्यास, आपके द्वारा कहा गया; जो बुद्धिमान इसे पढ़ेगा, उससे शंकर प्रसन्न होंगे।"

श्लोक 66 (skanda.4.95.66)

व्यासाष्टकमिदं प्रातः पठितव्यं प्रयत्नतः ।। दुःस्वप्नपापशमनं शिवसान्निध्यकारकम्

vyāsāṣṭakamidaṁ prātaḥ paṭhitavyaṁ prayatnataḥ || duḥsvapnapāpaśamanaṁ śivasānnidhyakārakam

"यह व्यासाष्टक प्रातःकाल प्रयत्नपूर्वक पढ़ना चाहिए; यह बुरे स्वप्नों और पाप को शान्त करने वाला, शिव-सान्निध्य कराने वाला है।"

श्लोक 67 (skanda.4.95.67)

मातृहा पितृहा वापि गोघ्नो बालघ्र एव वा ।। सुरापी स्वर्णहृद्वापि निष्पापो स्याः स्तुतेर्जपात्

mātṛhā pitṛhā vāpi goghno bālaghra eva vā || surāpī svarṇahṛdvāpi niṣpāpo syāḥ stuterjapāt

"माता या पिता का हत्यारा, गौ का हत्यारा, बालक का हत्यारा, सुरापान करने वाला, या स्वर्ण चुराने वाला भी, इस स्तुति के जप से निष्पाप हो जाता है।"

श्लोक 68 (skanda.4.95.68)

स्कंद उवाच ।। ।। पाराशर्यस्तदारभ्य शंभुभक्तिपरोभवत् ।। लिंगं व्यासेश्वरं स्थाप्य घंटाकर्ण ह्रदाग्रतः

skaṁda uvāca || || pārāśaryastadārabhya śaṁbhubhaktiparobhavat || liṁgaṁ vyāseśvaraṁ sthāpya ghaṁṭākarṇa hradāgrataḥ

स्कन्द ने कहा — तभी से पाराशर्य शम्भु-भक्ति में परायण हो गए; घण्टाकर्ण ह्रद के सामने व्यासेश्वर लिंग स्थापित करके,

श्लोक 69 (skanda.4.95.69)

विभूतिभूषणो नित्यं नित्यरुद्राक्षभूषणः ।। रुद्रसूक्तपरो नित्यं नित्यं लिंगार्चकोभवत्

vibhūtibhūṣaṇo nityaṁ nityarudrākṣabhūṣaṇaḥ || rudrasūktaparo nityaṁ nityaṁ liṁgārcakobhavat

सदा विभूति से विभूषित, सदा रुद्राक्ष से विभूषित, सदा रुद्र-सूक्त में लीन, सदा लिंग-पूजक बन गए।

श्लोक 70 (skanda.4.95.70)

स कृत्वा क्षेत्रसंन्यासं त्यजेन्नाद्यापि काशिकाम् ।। तत्त्वं क्षेत्रस्य विज्ञाय निर्वाणपददायिनः

sa kṛtvā kṣetrasaṁnyāsaṁ tyajennādyāpi kāśikām || tattvaṁ kṣetrasya vijñāya nirvāṇapadadāyinaḥ

क्षेत्र-संन्यास लेकर उन्हें आज भी काशिका नहीं छोड़नी चाहिए; निर्वाण-पद देने वाले इस क्षेत्र के तत्त्व को जानकर।

श्लोक 71 (skanda.4.95.71)

घंटाकर्णह्रदे स्नात्वा दृष्ट्वा व्यासेश्वरं नरः ।। यत्रकुत्र मृतो वापि वाराणस्यां मृतो भवेत्

ghaṁṭākarṇahrade snātvā dṛṣṭvā vyāseśvaraṁ naraḥ || yatrakutra mṛto vāpi vārāṇasyāṁ mṛto bhavet

घण्टाकर्ण ह्रद में स्नान करके और व्यासेश्वर का दर्शन करके मनुष्य, चाहे कहीं भी मरे, वाराणसी में मरा हुआ ही माना जाएगा।

श्लोक 72 (skanda.4.95.72)

काश्यां व्यासेश्वरं लिंगं पूजयित्वा नरोत्तमः ।। न ज्ञानाद्भ्रश्यते क्वापि पातकैर्नाभिभूयते

kāśyāṁ vyāseśvaraṁ liṁgaṁ pūjayitvā narottamaḥ || na jñānādbhraśyate kvāpi pātakairnābhibhūyate

काशी में व्यासेश्वर लिंग की पूजा करके उत्तम मनुष्य ज्ञान से कभी भ्रष्ट नहीं होता, पापों से अभिभूत नहीं होता।

श्लोक 73 (skanda.4.95.73)

व्यासेश्वरस्य ये भक्ता न तेषां कलिकालतः ।। न पापतो भयं क्वापि न च क्षेत्रोपसर्गतः

vyāseśvarasya ye bhaktā na teṣāṁ kalikālataḥ || na pāpato bhayaṁ kvāpi na ca kṣetropasargataḥ

व्यासेश्वर के जो भक्त हैं, उन्हें न कलिकाल से, न पाप से, न क्षेत्र की किसी विपत्ति से कहीं भय होता है।

श्लोक 74 (skanda.4.95.74)

व्यासेश्वरः प्रयत्नेन द्रष्टव्यः काशिवासिभिः ।। घंटाकर्णकृतस्नानैः क्षेत्रपातकभीरुभिः

vyāseśvaraḥ prayatnena draṣṭavyaḥ kāśivāsibhiḥ || ghaṁṭākarṇakṛtasnānaiḥ kṣetrapātakabhīrubhiḥ

काशी-वासियों को, घण्टाकर्ण में स्नान करके, क्षेत्र के पाप से डरने वालों को, प्रयत्नपूर्वक व्यासेश्वर का दर्शन करना चाहिए।