मार्कण्डेयेश्वर माहात्म्य वर्णन

श्लोक 1 (skanda.5.107.1)

श्रीहर उवाच। मार्कण्डेयेश्वरं विद्धि षट्त्रिंशत्तममीश्वरम्। यस्य दर्शनमात्रेण पुत्रवाञ्जायते नरः॥

śrīhara uvāca| mārkaṇḍeyeśvaraṁ viddhi ṣaṭtriṁśattamamīśvaram| yasya darśanamātreṇa putravāñjāyate naraḥ||

श्री हर ने कहा—छत्तीसवाँ ईश्वर मार्कण्डेयेश्वर जानो, जिसके दर्शनमात्र से मनुष्य पुत्रवान् हो जाता है।

श्लोक 2 (skanda.5.107.2)

ब्रह्मवंशसमुत्पन्नो मृकण्डोनाम तापसः। वेदाध्ययनसंपन्नः स चापुत्रो बभूव ह॥

brahmavaṁśasamutpanno mṛkaṇḍonāma tāpasaḥ| vedādhyayanasaṁpannaḥ sa cāputro babhūva ha||

ब्रह्मा के वंश में उत्पन्न मृकण्डु नामक एक तपस्वी वेदाध्ययन से सम्पन्न था, किन्तु वह पुत्रहीन था।

श्लोक 3 (skanda.5.107.3)

पुत्रार्थं चिन्तयामास कथं पुत्रो भवेदिति। अपुत्रस्य कुतो लोक इति वेदेषु पठ्यते॥

putrārthaṁ cintayāmāsa kathaṁ putro bhavediti| aputrasya kuto loka iti vedeṣu paṭhyate||

वह पुत्र के लिए चिन्तित रहता था कि पुत्र कैसे प्राप्त हो; क्योंकि वेदों में कहा गया है कि पुत्रहीन के लिए सद्गति कहाँ।

श्लोक 4 (skanda.5.107.4)

तस्मात्तपः करिष्यामि येन मे तनयो भवेत्। एवं संचित्य बहुधा स जगाम हिमालयम्॥

tasmāttapaḥ kariṣyāmi yena me tanayo bhavet| evaṁ saṁcitya bahudhā sa jagāma himālayam||

अतः मैं तप करूँगा, जिससे मुझे पुत्र प्राप्त हो — ऐसा बार-बार विचार करके वह हिमालय गया।

श्लोक 5 (skanda.5.107.5)

चकार वसतिं चापि तपसे भावितात्मवान्। वायुभक्षोऽम्बुभक्षश्च निराहारोर्ध्वपादकः॥

cakāra vasatiṁ cāpi tapase bhāvitātmavān| vāyubhakṣo'mbubhakṣaśca nirāhārordhvapādakaḥ||

उस भावितात्मा ने वहाँ तप के लिए निवास किया — कभी वायुभक्षण करता, कभी जलपान करता, कभी निराहार रहकर ऊर्ध्वपाद होकर खड़ा रहता।

श्लोक 6 (skanda.5.107.6)

शाकमूलफलाहारः पर्णाश्येकद्विपर्णभुक्। एवमादीनि चान्यानि तपांसि सुबहून्यपि॥

śākamūlaphalāhāraḥ parṇāśyekadviparṇabhuk| evamādīni cānyāni tapāṁsi subahūnyapi||

वह शाक, मूल और फल खाकर, कभी पत्ते खाकर, कभी एक-दो पत्तों पर निर्वाह करते हुए, इत्यादि अनेक कठोर तप करता रहा।

श्लोक 7 (skanda.5.107.7)

चकार स मुनिस्तत्र वर्षाणि द्वादशैव तु। न तुष्टोऽहं तदा देवि तपसा दुष्करेण तु॥

cakāra sa munistatra varṣāṇi dvādaśaiva tu| na tuṣṭo'haṁ tadā devi tapasā duṣkareṇa tu||

उस मुनि ने वहाँ बारह वर्षों तक ऐसा किया, फिर भी, हे देवि, मैं उसके दुष्कर तप से भी संतुष्ट न हुआ।

श्लोक 8 (skanda.5.107.8)

ततो ज्ञात्वा मतिं तस्य विज्ञप्तोऽहं तदा त्वया। करोत्येव तपः क्रूरं पुत्रहेतोर्मुनिर्महान्॥

tato jñātvā matiṁ tasya vijñapto'haṁ tadā tvayā| karotyeva tapaḥ krūraṁ putrahetormunirmahān||

तब उसका मनोरथ जानकर तुमने मुझसे निवेदन किया कि यह महामुनि पुत्र की कामना से कठोर तप कर रहा है।

श्लोक 9 (skanda.5.107.9)

तेजसा दीपयञ्छैलं शोषयन्सलिलाशयान्। तपसा दुष्करेणैव क्षुभिता नाकवासिनः॥

tejasā dīpayañchailaṁ śoṣayansalilāśayān| tapasā duṣkareṇaiva kṣubhitā nākavāsinaḥ||

अपने तेज से पर्वत को प्रज्वलित करते हुए और जलाशयों को सुखाते हुए, उसके दुष्कर तप से स्वर्गवासी देवता क्षुब्ध हो गए।

श्लोक 10 (skanda.5.107.10)

समुद्राः क्षुभिताः सर्वे चन्द्रादित्यौ तथैव च। ऋषयो विस्मृतिं प्राप्ताः कम्पेते चापि रोदसी। अकालप्रलयो देव भविष्यति न संशयः॥

samudrāḥ kṣubhitāḥ sarve candrādityau tathaiva ca| ṛṣayo vismṛtiṁ prāptāḥ kampete cāpi rodasī| akālapralayo deva bhaviṣyati na saṁśayaḥ||

सभी समुद्र क्षुब्ध हो गए, चन्द्रमा और सूर्य भी क्षुब्ध हुए, ऋषिगण विस्मृति को प्राप्त हो गए और आकाश-पृथ्वी दोनों काँपने लगे — हे देव, निःसंदेह अकाल-प्रलय हो जाएगी।

श्लोक 11 (skanda.5.107.11)

मुनये तन्मृकण्डाय पुत्रो वै दीयतामिति। मया प्रोक्तं वरारोहे पुत्रमिच्छत्ययोनिजम्॥

munaye tanmṛkaṇḍāya putro vai dīyatāmiti| mayā proktaṁ varārohe putramicchatyayonijam||

तुमने कहा—उस मुनि मृकण्डु को पुत्र दिया जाए। हे वरारोहे, मैंने कहा कि वह अयोनिज पुत्र चाहता है।

श्लोक 12 (skanda.5.107.12)

अक्षयं सुविशालाक्षि सहस्राक्षमिवापरम्। चन्द्राभं चन्द्रवदनं चन्द्रवद्भुवनप्रियम्॥

akṣayaṁ suviśālākṣi sahasrākṣamivāparam| candrābhaṁ candravadanaṁ candravadbhuvanapriyam||

हे सुविशालाक्षि, वह अक्षय पुत्र, मानो दूसरा सहस्राक्ष हो, चन्द्रमा के समान कान्तिमान्, चन्द्रमुख और चन्द्रमा के समान संसार को प्रिय हो।

श्लोक 13 (skanda.5.107.13)

नीलोत्पलदलश्यामं नीलोत्पलदलेक्षणम्। विशालचारुजघनं चारुकुण्डलमंडितम्। पुत्रमिच्छति देवेशि मृकण्डोऽयं महामुनिः॥

nīlotpaladalaśyāmaṁ nīlotpaladalekṣaṇam| viśālacārujaghanaṁ cārukuṇḍalamaṁḍitam| putramicchati deveśi mṛkaṇḍo'yaṁ mahāmuniḥ||

नीलकमल की पंखुड़ी के समान श्याम, नीलकमल-दल के समान नेत्रों वाला, विशाल सुन्दर नितम्बों वाला, सुन्दर कुण्डलों से सुशोभित — ऐसा पुत्र, हे देवेशि, यह महामुनि मृकण्डु चाहता है।

श्लोक 14 (skanda.5.107.14)

त्वयाप्युक्तं पुनर्देवि कारुण्याद्भक्तिवत्सले। न ददासि मुनेः पुत्रं तप्यतो विषमं तपः॥

tvayāpyuktaṁ punardevi kāruṇyādbhaktivatsale| na dadāsi muneḥ putraṁ tapyato viṣamaṁ tapaḥ||

फिर, हे भक्तवत्सले देवि, तुमने करुणावश कहा—तुम मुनि को, जो इतना दुष्कर तप कर रहा है, पुत्र नहीं देते।

श्लोक 15 (skanda.5.107.15)

फलस्य दाता तपसां कथं त्वं गीयसे बुधैः। कस्त्वां नु शरणं गच्छेल्लोकानां सम्भवं भवम्॥

phalasya dātā tapasāṁ kathaṁ tvaṁ gīyase budhaiḥ| kastvāṁ nu śaraṇaṁ gacchellokānāṁ sambhavaṁ bhavam||

तप के फल के दाता के रूप में विद्वानों द्वारा तुम्हारी स्तुति कैसे की जाएगी? लोकों की उत्पत्ति के कारण, हे भव, तुम्हारी शरण कौन जाएगा?

श्लोक 16 (skanda.5.107.16)

करोषि सर्वदैत्यानां सर्वदेवाकुलाकुलम्। त्वयाहं सुचिरं देवं सत्कृता करुणाकर॥

karoṣi sarvadaityānāṁ sarvadevākulākulam| tvayāhaṁ suciraṁ devaṁ satkṛtā karuṇākara||

यदि तुम सब दैत्यों के लिए तो सब कुछ करते हो और देवताओं को व्याकुल कर देते हो? हे करुणाकर देव, मैं तुम्हारे द्वारा दीर्घकाल से सम्मानित हूँ,

श्लोक 17 (skanda.5.107.17)

नान्यो मामनुकम्पार्थं प्रयच्छेत्प्रवरं वरम्। स त्वं सर्वजगन्नाथ प्रभुः कर्त्ता प्रशासिता॥

nānyo māmanukampārthaṁ prayacchetpravaraṁ varam| sa tvaṁ sarvajagannātha prabhuḥ karttā praśāsitā||

मुझ पर दया करके कोई और उत्तम वर नहीं दे सकता। तुम ही सम्पूर्ण जगत् के नाथ, प्रभु, कर्ता और शासक हो।

श्लोक 18 (skanda.5.107.18)

हेतुः स्वामी महेशानो दयालुर्भक्तवत्सलः। सर्वेश्वर स्तुतोऽभीष्टं किं न विप्राय दीयते॥

hetuḥ svāmī maheśāno dayālurbhaktavatsalaḥ| sarveśvara stuto'bhīṣṭaṁ kiṁ na viprāya dīyate||

तुम ही सबके हेतु, स्वामी, महेशान, दयालु और भक्तवत्सल हो। हे सर्वेश्वर, स्तुति किए जाने पर भी अभीष्ट वर उस ब्राह्मण को क्यों नहीं दिया जाता?

श्लोक 19 (skanda.5.107.19)

तपसा क्षीणपापस्य ब्रह्मत्वे भावितात्मनः। अस्य पुत्रप्रदानं त्वं कुरु मद्वचनाच्छिव॥

tapasā kṣīṇapāpasya brahmatve bhāvitātmanaḥ| asya putrapradānaṁ tvaṁ kuru madvacanācchiva||

जिसके पाप तप से क्षीण हो गए हैं और जिसका मन ब्रह्मभाव में स्थित है, हे शिव, मेरे कहने से इसे पुत्र प्रदान करो।

श्लोक 20 (skanda.5.107.20)

मया त्वं वर्णिता देवि स्नेहाक्षरपदैः शुभैः। लोलपंकजपत्राक्षि गौरि भूधरगात्रजे॥

mayā tvaṁ varṇitā devi snehākṣarapadaiḥ śubhaiḥ| lolapaṁkajapatrākṣi gauri bhūdharagātraje||

हे देवि, तब मैंने स्नेहपूर्ण शुभ शब्दों में तुम्हारी प्रशंसा की — हे चंचल कमलपत्राक्षी, हे गौरि, हे पर्वतपुत्री,

श्लोक 21 (skanda.5.107.21)

स्कंदमातः कलापूर्णचंद्रबिम्बनिभानने। कृशोदरि विनिःस्पृष्टचामीकरनिभद्युते॥

skaṁdamātaḥ kalāpūrṇacaṁdrabimbanibhānane| kṛśodari viniḥspṛṣṭacāmīkaranibhadyute||

हे स्कन्द की माता, कलापूर्ण चन्द्रबिम्ब के समान मुख वाली, कृशोदरी, निर्मल स्वर्ण के समान कान्ति वाली,

श्लोक 22 (skanda.5.107.22)

त्वयोक्तं प्रकरिष्यामि वाक्यं द्विरदगामिनि। त्वं सिद्धिः साधका साध्यं त्वं क्रिया प्रक्रमाश्रया॥

tvayoktaṁ prakariṣyāmi vākyaṁ dviradagāmini| tvaṁ siddhiḥ sādhakā sādhyaṁ tvaṁ kriyā prakramāśrayā||

हे गजगामिनी, तुम्हारा कहा वचन मैं अवश्य पूर्ण करूँगा; तुम ही सिद्धि हो, साधना हो और साध्य हो, तुम ही क्रिया और उसके आरम्भ का आश्रय हो।

श्लोक 23 (skanda.5.107.23)

त्वं माया श्रीर्द्युतिः श्रीमच्छ्रद्धारुचिरसंततिः। कृत्वा मानं बहुविधं मयैव सह सुन्दरि॥

tvaṁ māyā śrīrdyutiḥ śrīmacchraddhārucirasaṁtatiḥ| kṛtvā mānaṁ bahuvidhaṁ mayaiva saha sundari||

तुम माया हो, श्री हो, द्युति हो, श्रद्धामयी सुन्दर सन्तति हो — हे सुन्दरी, मेरे ही साथ नाना प्रकार का मान करके

श्लोक 24 (skanda.5.107.24)

भ्राजसे विविधाकारा मोहयित्वाखिलं जगत्। त्वयाप्युक्तं पुनर्देवि क्रियतां तु वचो मम॥

bhrājase vividhākārā mohayitvākhilaṁ jagat| tvayāpyuktaṁ punardevi kriyatāṁ tu vaco mama||

तुम नाना रूपों में सम्पूर्ण जगत् को मोहित करके शोभा पाती हो। फिर, हे देवि, तुमने भी कहा—मेरा वचन पूर्ण किया जाए।

श्लोक 25 (skanda.5.107.25)

मुनयेऽस्मै तपःक्षीणसर्वगात्राय सांप्रतम्। वरः प्रदीयतामस्मै ब्राह्मणाय महेश्वर॥

munaye'smai tapaḥkṣīṇasarvagātrāya sāṁpratam| varaḥ pradīyatāmasmai brāhmaṇāya maheśvara||

तप से जिसका सम्पूर्ण शरीर क्षीण हो गया है, ऐसे इस मुनि को अभी वर दिया जाए — हे महेश्वर, इस ब्राह्मण को वर दो।

श्लोक 26 (skanda.5.107.26)

मयाप्युक्तं विशालाक्षि श्रूयतां वचनं मम। असौ गच्छतु विप्रेंद्रो महाकालवनोत्तमे॥

mayāpyuktaṁ viśālākṣi śrūyatāṁ vacanaṁ mama| asau gacchatu vipreṁdro mahākālavanottame||

मैंने भी कहा—हे विशालाक्षि, मेरा वचन सुनो; यह श्रेष्ठ ब्राह्मण उत्तम महाकालवन में जाए,

श्लोक 27 (skanda.5.107.27)

पत्तनेश्वरपूर्वे तु तत्रास्ते लिंगमुत्तमम्। पुत्रप्रदं विशालाक्षि महापातकनाशनम्॥

pattaneśvarapūrve tu tatrāste liṁgamuttamam| putrapradaṁ viśālākṣi mahāpātakanāśanam||

पत्तनेश्वर के पूर्व में वहाँ एक उत्तम लिंग है, जो पुत्र देने वाला और हे विशालाक्षि, महापातकों का नाश करने वाला है।

श्लोक 28 (skanda.5.107.28)

मदीयं वचनं श्रुत्वा त्वयाप्युक्तो द्विजोत्तमः। महाकालवनं गच्छ पुत्रार्थमृषि सत्तम। तत्र लिंगं समाराध्य लप्स्यसे पुत्रमुत्तमम्॥

madīyaṁ vacanaṁ śrutvā tvayāpyukto dvijottamaḥ| mahākālavanaṁ gaccha putrārthamṛṣi sattama| tatra liṁgaṁ samārādhya lapsyase putramuttamam||

मेरा यह वचन सुनकर तुमने भी उस श्रेष्ठ द्विज से कहा—हे ऋषिसत्तम, पुत्र के लिए महाकालवन जाओ; वहाँ लिंग की भलीभाँति आराधना करके तुम उत्तम पुत्र पाओगे।

श्लोक 29 (skanda.5.107.29)

त्वया संप्रेरितो विप्रस्तथेति कृतनिश्चयः। आशया परया युक्तः पुत्रकामो जगाम सः॥

tvayā saṁprerito viprastatheti kṛtaniścayaḥ| āśayā parayā yuktaḥ putrakāmo jagāma saḥ||

तुम्हारे द्वारा प्रेरित होकर उस ब्राह्मण ने 'ऐसा ही हो' कहकर निश्चय किया, और परम आशा से युक्त होकर पुत्रकामनावाला वह वहाँ गया।

श्लोक 30 (skanda.5.107.30)

तत्र दृष्ट्वा महालिंगं पुत्रदं पापनाशनम्। भक्त्या संसेवयामास तपसा दुष्करेण तु॥

tatra dṛṣṭvā mahāliṁgaṁ putradaṁ pāpanāśanam| bhaktyā saṁsevayāmāsa tapasā duṣkareṇa tu||

वहाँ पुत्रदायक और पापनाशक महालिंग को देखकर उसने भक्तिपूर्वक और दुष्कर तप से उसकी सेवा की।

श्लोक 31 (skanda.5.107.31)

अथ केनापि कालेन निःसृतोऽहं त्वया सह। लिंगमध्याद्वरारोहे स च प्रोक्तो द्विजोत्तमः॥

atha kenāpi kālena niḥsṛto'haṁ tvayā saha| liṁgamadhyādvarārohe sa ca prokto dvijottamaḥ||

तत्पश्चात् कुछ समय बाद, हे वरारोहे, मैं तुम्हारे साथ लिंग के मध्य से प्रकट हुआ और उस श्रेष्ठ द्विज से कहा—

श्लोक 32 (skanda.5.107.32)

शर्वोऽहमिति जानीहि ब्रूहि किं करवाणि ते। आवां पुरा प्रसन्नौ ते ज्ञातं तव विचेष्टितम्॥

śarvo'hamiti jānīhi brūhi kiṁ karavāṇi te| āvāṁ purā prasannau te jñātaṁ tava viceṣṭitam||

'जान लो कि मैं शर्व हूँ; कहो, तुम्हारे लिए मैं क्या करूँ? हम दोनों तुमसे प्रसन्न हैं, तुम्हारी चेष्टा ज्ञात है।'

श्लोक 33 (skanda.5.107.33)

यमिच्छसि वरं ब्रह्मंस्तदद्य प्रददामि ते। मया प्रोक्तः प्रसन्नेन मुनिः परमविस्मितः॥

yamicchasi varaṁ brahmaṁstadadya pradadāmi te| mayā proktaḥ prasannena muniḥ paramavismitaḥ||

'हे ब्रह्मन्, जो वर तुम चाहते हो, वह आज मैं तुम्हें देता हूँ।' मेरे द्वारा प्रसन्नतापूर्वक कहे जाने पर वह मुनि अत्यन्त विस्मित हुआ।

श्लोक 34 (skanda.5.107.34)

प्रह्वः प्राह सुहृदये स हृष्टो मुनिसत्तमः। अपत्यहेतोर्देवेशौ किमलभ्यं भवेन्मम॥

prahvaḥ prāha suhṛdaye sa hṛṣṭo munisattamaḥ| apatyahetordeveśau kimalabhyaṁ bhavenmama||

वह श्रेष्ठ मुनि हर्षित हृदय से नतमस्तक होकर बोला—हे देवेश्वरो! सन्तान की कामना से तुम दोनों के होते हुए मुझे क्या असम्भव है?

श्लोक 35 (skanda.5.107.35)

मया प्रोक्तस्तदा देवि मृकण्डो मुनिसत्तमः। अयोनिजस्ते तनयो मानुषो वै भविष्यति। ऐश्वर्यज्ञानसंपन्नो दीर्घायुः सर्ववित्सुधीः॥

mayā proktastadā devi mṛkaṇḍo munisattamaḥ| ayonijaste tanayo mānuṣo vai bhaviṣyati| aiśvaryajñānasaṁpanno dīrghāyuḥ sarvavitsudhīḥ||

तब, हे देवि, मैंने उस श्रेष्ठ मुनि मृकण्डु से कहा—तुम्हारा पुत्र अयोनिज होगा, मानुष रूप में जन्मेगा, ऐश्वर्य और ज्ञान से सम्पन्न, दीर्घायु, सर्वज्ञ और सुबुद्धि वाला होगा।

श्लोक 36 (skanda.5.107.36)

एतस्मिन्नंतरे देवि प्रादुर्भूतो महातपाः। पुत्रः परमधर्मात्मा मार्कण्डेयो महामुनिः॥

etasminnaṁtare devi prādurbhūto mahātapāḥ| putraḥ paramadharmātmā mārkaṇḍeyo mahāmuniḥ||

इसी बीच, हे देवि, महातपस्वी, परम धर्मात्मा पुत्र मार्कण्डेय महामुनि प्रकट हुआ।

श्लोक 37 (skanda.5.107.37)

स जातमात्रो धर्मात्मा तत्रैव तपसि स्थितः। देवमाराधयामास स तुष्टोऽथ वरं ददौ॥

sa jātamātro dharmātmā tatraiva tapasi sthitaḥ| devamārādhayāmāsa sa tuṣṭo'tha varaṁ dadau||

जन्म लेते ही वह धर्मात्मा वहीं तप में स्थित हो गया और उसने देव की आराधना की; देव प्रसन्न होकर उसे वर देने लगे।

श्लोक 38 (skanda.5.107.38)

त्वयाहं जातमात्रेण तपसा तोषितो यतः। तस्मात्ख्यातिं गमिष्यामि त्वन्नाम्ना द्विजसत्तम॥

tvayāhaṁ jātamātreṇa tapasā toṣito yataḥ| tasmātkhyātiṁ gamiṣyāmi tvannāmnā dvijasattama||

देव ने कहा—चूँकि जन्म लेते ही तुमने तप से मुझे संतुष्ट किया है, इसलिए, हे द्विजसत्तम, मैं तुम्हारे नाम से ख्याति पाऊँगा।

श्लोक 39 (skanda.5.107.39)

ये मां पश्यंति विप्रेंद्र भक्त्या परमया युताः। प्राप्नुवंति गतिं नित्यं ते सदानंद दायिनीम्॥

ye māṁ paśyaṁti vipreṁdra bhaktyā paramayā yutāḥ| prāpnuvaṁti gatiṁ nityaṁ te sadānaṁda dāyinīm||

हे विप्रेन्द्र, जो लोग परम भक्ति से युक्त होकर मेरा दर्शन करते हैं, वे सदा-आनन्द देने वाली शाश्वत गति को प्राप्त करते हैं।

श्लोक 40 (skanda.5.107.40)

प्रसंगाद्ये गमिष्यंति ते सदा दुःखवर्जिताः। देवदेवं समाराध्य मोदिष्यंति हि ते नराः॥

prasaṁgādye gamiṣyaṁti te sadā duḥkhavarjitāḥ| devadevaṁ samārādhya modiṣyaṁti hi te narāḥ||

जो प्रसंगवश भी यहाँ आएँगे, वे सदा दुःख से रहित होंगे; देवाधिदेव की आराधना करके वे मनुष्य आनन्दित होंगे।

श्लोक 41 (skanda.5.107.41)

त्र्यक्षा गणेश्वराः सिद्धाः सिद्धगंधर्वसेविताः। ते भविष्यंति सततं मम भक्ताश्च ये नराः॥

tryakṣā gaṇeśvarāḥ siddhāḥ siddhagaṁdharvasevitāḥ| te bhaviṣyaṁti satataṁ mama bhaktāśca ye narāḥ||

जो मनुष्य सतत मेरे भक्त होंगे, वे त्रिनेत्रधारी गणेश्वर, सिद्ध, तथा सिद्ध-गन्धर्वों द्वारा सेवित होंगे।

श्लोक 42 (skanda.5.107.42)

ये मां संपूजयिष्यंति हृद्यैः पुष्पैः सुगंधिभिः। दीर्घायुषो भविष्यंति सदा दुःखविवर्जिताः॥

ye māṁ saṁpūjayiṣyaṁti hṛdyaiḥ puṣpaiḥ sugaṁdhibhiḥ| dīrghāyuṣo bhaviṣyaṁti sadā duḥkhavivarjitāḥ||

जो सुगन्धित और मनोहर पुष्पों से मेरी पूजा करेंगे, वे दीर्घायु होंगे और सदा दुःख से रहित रहेंगे।

श्लोक 43 (skanda.5.107.43)

इत्युक्ते तेन लिंगेन मार्कण्डेयो महातपाः। तपश्चचार तत्रैव महाकालवने स्थितः॥

ityukte tena liṁgena mārkaṇḍeyo mahātapāḥ| tapaścacāra tatraiva mahākālavane sthitaḥ||

उस लिंग द्वारा ऐसा कहे जाने पर महातपस्वी मार्कण्डेय उसी महाकालवन में स्थित होकर तप करने लगा।

श्लोक 44 (skanda.5.107.44)

प्रभावः कथितो देवि मार्कंडेयेश्वरस्य च। शिवेश्वरस्य देवस्य माहात्म्यं शृणु सांप्रतम्॥

prabhāvaḥ kathito devi mārkaṁḍeyeśvarasya ca| śiveśvarasya devasya māhātmyaṁ śṛṇu sāṁpratam||

हे देवि, यह मार्कण्डेयेश्वर का प्रभाव बताया गया। अब शिवेश्वर देव का माहात्म्य सुनो।