कुसुमेश्वर माहात्म्य वर्णन

श्लोक 1 (skanda.5.109.1)

ईश्वर उवाच। अष्टात्रिंशत्तमं विद्धि कुसुमेश्वरसंज्ञकम्। देवं स्वर्गप्रदं देवि महापातकनाशनम्॥

īśvara uvāca| aṣṭātriṁśattamaṁ viddhi kusumeśvarasaṁjñakam| devaṁ svargapradaṁ devi mahāpātakanāśanam||

ईश्वर ने कहा—अड़तीसवाँ कुसुमेश्वर नामक देव जानो, हे देवि, जो स्वर्ग देने वाला और महापातकों का नाशक है।

श्लोक 2 (skanda.5.109.2)

पुरा वैवस्वते कल्पे प्राप्ते वाराहसंज्ञके। प्रादुर्भूते विशालाक्षि कैलासादहमागतः॥

purā vaivasvate kalpe prāpte vārāhasaṁjñake| prādurbhūte viśālākṣi kailāsādahamāgataḥ||

पूर्वकाल में वैवस्वत कल्प में वाराह नामक कल्प के आने पर, हे विशालाक्षि, मैं कैलास से आया था।

श्लोक 3 (skanda.5.109.3)

महाकालवने रम्ये रममाणस्य पार्वति। त्वया सार्द्धं ममाक्षैश्च प्रादुरासीन्महास्वनः॥

mahākālavane ramye ramamāṇasya pārvati| tvayā sārddhaṁ mamākṣaiśca prādurāsīnmahāsvanaḥ||

हे पार्वती, रमणीय महाकालवन में तुम्हारे और मेरे गणों के साथ विहार करते समय एक महाध्वनि उत्पन्न हुई।

श्लोक 4 (skanda.5.109.4)

पृष्टोऽहं च तदा श्रुत्वा शब्दं चातीव दुःसहम्। शब्दोत्पत्तिर्मया देवि कथिता सा त्वदग्रतः॥

pṛṣṭo'haṁ ca tadā śrutvā śabdaṁ cātīva duḥsaham| śabdotpattirmayā devi kathitā sā tvadagrataḥ||

उस अत्यन्त असह्य शब्द को सुनकर तुमने मुझसे पूछा; हे देवि, मैंने तुम्हारे समक्ष उस शब्द की उत्पत्ति का कारण बताया।

श्लोक 5 (skanda.5.109.5)

एते गणेशाः क्रीडंति मध्ये वै वीरको गणः। कुसुमैर्भूषितोऽत्यर्थं ममातीव सुवल्लभः॥

ete gaṇeśāḥ krīḍaṁti madhye vai vīrako gaṇaḥ| kusumairbhūṣito'tyarthaṁ mamātīva suvallabhaḥ||

'ये गणेश्वर खेल रहे हैं; उनके मध्य वीरक नामक गण है, जो पुष्पों से अत्यन्त सुशोभित और मुझे अत्यन्त प्रिय है।'

श्लोक 6 (skanda.5.109.6)

कुसुमैर्हन्यतेऽप्यर्थं पूज्यते कुसुमोत्करैः। स एव वीरको देवि सदा मे हर्षदायकः॥

kusumairhanyate'pyarthaṁ pūjyate kusumotkaraiḥ| sa eva vīrako devi sadā me harṣadāyakaḥ||

'पुष्पों से ही उसे मारा भी जाता है, और पुष्पों के ढेर से पूजा भी की जाती है; वही वीरक, हे देवि, सदा मुझे हर्ष देने वाला है,'

श्लोक 7 (skanda.5.109.7)

नानाश्चर्यगुणाधारो गणेश्वरशतार्चितः। मदीयं वचनं श्रुत्वा त्वयाप्युक्तं वरानने॥

nānāścaryaguṇādhāro gaṇeśvaraśatārcitaḥ| madīyaṁ vacanaṁ śrutvā tvayāpyuktaṁ varānane||

'नाना आश्चर्यजनक गुणों का आधार, सैकड़ों गणेश्वरों द्वारा पूजित है।' मेरा यह वचन सुनकर, हे वरानने, तुमने भी कहा—

श्लोक 8 (skanda.5.109.8)

न दृश्यते विना पुण्यैः पुत्रस्याननपंकजम्। ईदृशस्य सुतस्यापि ममोत्कण्ठा महेश्वर॥

na dṛśyate vinā puṇyaiḥ putrasyānanapaṁkajam| īdṛśasya sutasyāpi mamotkaṇṭhā maheśvara||

'बिना पुण्य के पुत्र का कमल-मुख देखने को नहीं मिलता; हे महेश्वर, ऐसे ही पुत्र के लिए मुझे उत्कण्ठा है।'

श्लोक 9 (skanda.5.109.9)

कदाहमीदृशं पुत्रं द्रक्ष्याम्यानन्ददायकम्। मया तव वचः श्रुत्वा हसित्वा च पुनःपुनः। प्रोक्तं पार्वति पुत्रोऽयं प्रदत्तो वीरकोऽधुना॥

kadāhamīdṛśaṁ putraṁ drakṣyāmyānandadāyakam| mayā tava vacaḥ śrutvā hasitvā ca punaḥpunaḥ| proktaṁ pārvati putro'yaṁ pradatto vīrako'dhunā||

'मैं ऐसे आनन्ददायक पुत्र को कब देखूँगी?' तुम्हारे वचन सुनकर मैंने बार-बार हँसते हुए कहा—हे पार्वती, यह पुत्र वीरक अब तुम्हें दिया जाता है।

श्लोक 10 (skanda.5.109.10)

एष एव सुतस्तेस्तु नयनानन्ददायकः। त्वया मात्रा कृतार्थस्तु वीरकः कुसुमार्चितः॥

eṣa eva sutastestu nayanānandadāyakaḥ| tvayā mātrā kṛtārthastu vīrakaḥ kusumārcitaḥ||

'यही तुम्हारा पुत्र है, नेत्रों को आनन्द देने वाला; तुम माता के द्वारा पुष्पों से पूजित वीरक कृतार्थ हो गया।'

श्लोक 11 (skanda.5.109.11)

मदीयं वचनं श्रुत्वा प्रेषिता विजया त्वया। दत्तो हरेण मे पुत्रो विजये शीघ्रमानय॥

madīyaṁ vacanaṁ śrutvā preṣitā vijayā tvayā| datto hareṇa me putro vijaye śīghramānaya||

मेरा वचन सुनकर तुमने विजया को भेजा—'हर ने मुझे पुत्र दिया है; हे विजये, उसे शीघ्र लेकर आओ।'

श्लोक 12 (skanda.5.109.12)

विजयोवाच गणपं गणमध्ये च वर्त्तिनम्। एहि वीरक चापल्यात्त्वया देवः प्रकोपितः। किमुन्मत्तवदत्यर्थं नृत्यरागेण मोहितः॥

vijayovāca gaṇapaṁ gaṇamadhye ca varttinam| ehi vīraka cāpalyāttvayā devaḥ prakopitaḥ| kimunmattavadatyarthaṁ nṛtyarāgeṇa mohitaḥ||

विजया ने गणों के मध्य स्थित उस गणपति से कहा—'आओ वीरक, तुम्हारी चपलता से देव कुपित हुए हैं; क्यों इतने उन्मत्त की भाँति नृत्य के अनुराग से मोहित हो?'

श्लोक 13 (skanda.5.109.13)

इत्युक्तो भयसंत्रस्तः कुसुमैर्भूषितस्तदा। त्वत्समीपं समायातो विजयानुगतः शनैः॥

ityukto bhayasaṁtrastaḥ kusumairbhūṣitastadā| tvatsamīpaṁ samāyāto vijayānugataḥ śanaiḥ||

ऐसा कहे जाने पर भयभीत होकर, पुष्पों से सुसज्जित वह वीरक, विजया के पीछे-पीछे धीरे-धीरे तुम्हारे समीप आया।

श्लोक 14 (skanda.5.109.14)

भूषितं कुसुमैर्दृष्ट्वा भयत्रस्तं च वीरकम्। त्वया चाकारितो देवि गिरा मधुरवर्णया॥

bhūṣitaṁ kusumairdṛṣṭvā bhayatrastaṁ ca vīrakam| tvayā cākārito devi girā madhuravarṇayā||

पुष्पों से सुसज्जित और भय से त्रस्त वीरक को देखकर, हे देवि, तुमने मधुर वाणी से उसे बुलाया—

श्लोक 15 (skanda.5.109.15)

एह्येहि जातोऽसि मे पुत्रकस्त्वं देवेन दत्तोऽधुना वीरकोसि। उक्तवत्येवमंके निधायाथ तं पर्यचुम्बः कपोले कलंवादिनम्॥

ehyehi jāto'si me putrakastvaṁ devena datto'dhunā vīrakosi| uktavatyevamaṁke nidhāyātha taṁ paryacumbaḥ kapole kalaṁvādinam||

'आओ, आओ, तुम मेरे पुत्र के रूप में जन्मे हो; अभी देव के द्वारा दिए गए तुम वीरक हो।' ऐसा कहकर, उसे अपनी गोद में बिठाकर, तुमने तोतली बोली बोलते हुए उसके कपोल को चूमा।

श्लोक 16 (skanda.5.109.16)

मूर्धन्युपाघ्राय सम्मार्ज्य गात्राणि सा भूषयामास दिव्यैः स्वयं भूषणैः। किंकिणीमेखलानूपुरैः सन्मणीनिष्ककेयूरहारोत्करैः सद्गुणैः॥

mūrdhanyupāghrāya sammārjya gātrāṇi sā bhūṣayāmāsa divyaiḥ svayaṁ bhūṣaṇaiḥ| kiṁkiṇīmekhalānūpuraiḥ sanmaṇīniṣkakeyūrahārotkaraiḥ sadguṇaiḥ||

उसके सिर को सूँघकर, उसके अंगों को स्वच्छ करके, तुमने स्वयं दिव्य आभूषणों से उसे सजाया — घुँघरू, करधनी, नूपुर, उत्तम मणि, कण्ठहार, बाजूबंद और हारों के समूह से, शुभ गुणों सहित।

श्लोक 17 (skanda.5.109.17)

कोमलैः पल्लवैश्चित्रितैश्चारुभिर्दिव्यमन्त्रोद्भवैस्तस्य शुभ्रैस्ततः। भूतिभिश्चाकरोर्मिश्रसिद्धार्थकैरंगरक्षाविधींस्तस्य तुष्टा सती॥

komalaiḥ pallavaiścitritaiścārubhirdivyamantrodbhavaistasya śubhraistataḥ| bhūtibhiścākarormiśrasiddhārthakairaṁgarakṣāvidhīṁstasya tuṣṭā satī||

कोमल, चित्रित, सुन्दर पल्लवों से, तत्पश्चात् दिव्य मन्त्रों से उत्पन्न श्वेत रक्षा-सूत्रों से, तथा भस्म एवं सफेद सरसों के मिश्रण से, प्रसन्न होकर उस सती ने उसके अंग-रक्षा के विधान किए।

श्लोक 18 (skanda.5.109.18)

एवमाधाय चोवक्थ कृत्वा स्रजं मूर्ध्नि गोरोचनापत्रभंगोज्वलैः। वत्स गच्छाधुना क्रीड सार्द्धं गणैरप्रमत्तो यथा बालचर्यां शनैः॥

evamādhāya covaktha kṛtvā srajaṁ mūrdhni gorocanāpatrabhaṁgojvalaiḥ| vatsa gacchādhunā krīḍa sārddhaṁ gaṇairapramatto yathā bālacaryāṁ śanaiḥ||

इस प्रकार सजाकर और गोरोचन के पत्र-भंग से उज्ज्वल माला उसके सिर पर बाँधकर तुमने कहा—'हे वत्स, अब जाओ, सावधान रहकर गणों के साथ धीरे-धीरे बालचर्या के अनुसार खेलो।'

श्लोक 19 (skanda.5.109.19)

सोऽपि सिद्ध्याकुले गण्डशैले मिलद्रत्नजाले वृहच्छालतालाकुले। क्षणं फुल्लमालातमालालिमाले क्षणं वृक्षमूले विलोलालिमाले॥

so'pi siddhyākule gaṇḍaśaile miladratnajāle vṛhacchālatālākule| kṣaṇaṁ phullamālātamālālimāle kṣaṇaṁ vṛkṣamūle vilolālimāle||

वह भी सिद्धों से भरे, मिलते हुए रत्नसमूहों वाले, विशाल शालवृक्षों से युक्त पर्वतीय प्रदेश में — कभी खिले हुए तमाल-मालाओं और भ्रमरपंक्तियों के बीच, कभी वृक्षमूल में चंचल भ्रमरपंक्ति के बीच खेलता रहा।

श्लोक 20 (skanda.5.109.20)

क्षणं स्वल्पपंके जले पंकजाले क्षणं वृक्षखण्डे शुभे निष्कलंके। परिक्रीडते बालको वै विहारी गणेशाधिपो देवतानन्दकारी॥

kṣaṇaṁ svalpapaṁke jale paṁkajāle kṣaṇaṁ vṛkṣakhaṇḍe śubhe niṣkalaṁke| parikrīḍate bālako vai vihārī gaṇeśādhipo devatānandakārī||

कभी अल्प कीचड़ वाले जल में कमलसमूहों के बीच, कभी शुभ निष्कलंक वृक्षखण्ड में — वह विहारशील बालक, गणेश्वर, देवताओं को आनन्दित करने वाला, इस प्रकार क्रीड़ा करता रहा।

श्लोक 21 (skanda.5.109.21)

एवं विक्रीडतस्तस्य वीरकस्य गणस्य च। संध्या तमो मयी प्राप्ता विज्ञप्तोऽहं त्वया प्रिये॥

evaṁ vikrīḍatastasya vīrakasya gaṇasya ca| saṁdhyā tamo mayī prāptā vijñapto'haṁ tvayā priye||

इस प्रकार वीरक और गणों के क्रीड़ा करते-करते मुझ पर संध्या का अंधकार आ गया; तब, हे प्रिये, तुमने मुझसे निवेदन किया—

श्लोक 22 (skanda.5.109.22)

ऐश्वर्यं दीयतामस्य मम पुत्रस्य शंकर। शरीरार्द्धं गणेशत्वं लोकपालत्वमग्रतः॥

aiśvaryaṁ dīyatāmasya mama putrasya śaṁkara| śarīrārddhaṁ gaṇeśatvaṁ lokapālatvamagrataḥ||

'हे शंकर, मेरे इस पुत्र को ऐश्वर्य प्रदान किया जाए — शरीर का आधा भाग, गणेशत्व और सबसे आगे लोकपालत्व,'

श्लोक 23 (skanda.5.109.23)

लिंगत्वमक्षयत्वं च स्थानं दिव्यं सुदुर्ल्लभम्। वंद्यमानं यथा देव सिद्धगन्धर्वकिंनरैः। ब्रह्मेन्द्रवरुणादित्यलोकपालेश्वरेश्वरैः॥

liṁgatvamakṣayatvaṁ ca sthānaṁ divyaṁ sudurllabham| vaṁdyamānaṁ yathā deva siddhagandharvakiṁnaraiḥ| brahmendravaruṇādityalokapāleśvareśvaraiḥ||

'लिंगत्व, अक्षयत्व और दिव्य दुर्लभ स्थान, जो सिद्ध, गन्धर्व, किन्नरों द्वारा, तथा ब्रह्मा, इन्द्र, वरुण, आदित्य, लोकपालेश्वरों द्वारा वन्दनीय हो, हे देव।'

श्लोक 24 (skanda.5.109.24)

एतैरेव गणैः सार्द्धं स्तूयमानं महात्मभिः। अलंकृतो मया यस्मात्कुसुमैर्विविधैः शुभैः॥

etaireva gaṇaiḥ sārddhaṁ stūyamānaṁ mahātmabhiḥ| alaṁkṛto mayā yasmātkusumairvividhaiḥ śubhaiḥ||

'इन्हीं महात्मा गणों के साथ स्तुति किया जाने वाला, क्योंकि मैंने ही उसे नाना शुभ पुष्पों से अलंकृत किया है,'

श्लोक 25 (skanda.5.109.25)

कुसुमेश्वरसंज्ञस्तु तस्मात्ख्यातो भवत्विति। मयाप्युक्तं विशालाक्षि वीरकं दयितं मम॥

kusumeśvarasaṁjñastu tasmātkhyāto bhavatviti| mayāpyuktaṁ viśālākṣi vīrakaṁ dayitaṁ mama||

'अतः वह कुसुमेश्वर नाम से विख्यात हो।' मैंने भी, हे विशालाक्षि, अपने प्रिय वीरक के विषय में कहा—

श्लोक 26 (skanda.5.109.26)

मत्प्रभावसमं दिव्यं सेवितं गणपैः सदा। शृणु गन्धर्वगीतानां माधुर्यममृतोपमम्॥

matprabhāvasamaṁ divyaṁ sevitaṁ gaṇapaiḥ sadā| śṛṇu gandharvagītānāṁ mādhuryamamṛtopamam||

'यह मेरे ही प्रभाव के समान दिव्य होगा, सदा गणपतियों द्वारा सेवित रहेगा। गन्धर्वों के गीतों की अमृत के समान मधुरता सुनो;'

श्लोक 27 (skanda.5.109.27)

पश्य किन्नरनारीणां गायन्तीनां मनोरमम्। पश्याप्सरःसमूहस्यनृत्यमेतन्निरन्तरम्॥

paśya kinnaranārīṇāṁ gāyantīnāṁ manoramam| paśyāpsaraḥsamūhasyanṛtyametannirantaram||

'किन्नर-स्त्रियों के गाते हुए मनोहर स्वर को देखो; अप्सरा-समूह के इस निरन्तर नृत्य को देखो।'

श्लोक 28 (skanda.5.109.28)

विद्याधरैः परिवृतः कुसुमेशो वरानने। विशेषतो मया देवि प्रथमं प्रमथेश्वरः। कुसुमेश्वरतां नीतो यदा कुसुममंडितः॥

vidyādharaiḥ parivṛtaḥ kusumeśo varānane| viśeṣato mayā devi prathamaṁ pramatheśvaraḥ| kusumeśvaratāṁ nīto yadā kusumamaṁḍitaḥ||

हे वरानने, विद्याधरों से घिरा हुआ कुसुमेश — विशेषतः, हे देवि, मेरे द्वारा सबसे पहले प्रमथेश्वर — पुष्पों से सुसज्जित होने पर कुसुमेश्वर पद को प्राप्त हुआ।

श्लोक 29 (skanda.5.109.29)

स्थानं दत्तं विशालाक्षि शिवलिंगस्य चोत्तरे। वरो दत्तो बहुमतो दुष्प्राप्यस्त्रिदशैरपि॥

sthānaṁ dattaṁ viśālākṣi śivaliṁgasya cottare| varo datto bahumato duṣprāpyastridaśairapi||

हे विशालाक्षि, शिवलिंग के उत्तर में उसे स्थान दिया गया; एक अत्यन्त सम्मानित वर दिया गया, जो देवताओं के लिए भी दुष्प्राप्य है।

श्लोक 30 (skanda.5.109.30)

ये त्वां द्रक्ष्यंति गणप कुसुमेश्वरसंज्ञकम्। न तेषां जायते पापं पद्मपत्रे यथा जलम्॥

ye tvāṁ drakṣyaṁti gaṇapa kusumeśvarasaṁjñakam| na teṣāṁ jāyate pāpaṁ padmapatre yathā jalam||

'हे गणप, जो लोग तुम्हें कुसुमेश्वर नाम से देखेंगे, उनके लिए पाप उसी प्रकार उत्पन्न नहीं होता जैसे कमलपत्र पर जल नहीं ठहरता।'

श्लोक 31 (skanda.5.109.31)

कुसुमैरर्चयिष्यंति ये नराः कुसुमेश्वरम्। मत्स्थानं ते समासाद्य मोदिष्यंति गतव्यथाः॥

kusumairarcayiṣyaṁti ye narāḥ kusumeśvaram| matsthānaṁ te samāsādya modiṣyaṁti gatavyathāḥ||

'जो मनुष्य पुष्पों से कुसुमेश्वर की पूजा करेंगे, वे मेरे स्थान को प्राप्त कर दुःखरहित होकर आनन्दित होंगे।'

श्लोक 32 (skanda.5.109.32)

योऽप्येकं दिवसं मर्त्त्यस्त्वां पश्यति समाहितः। स मुक्तः पातकैः सर्वैर्मम लोकं गमिष्यति॥

yo'pyekaṁ divasaṁ marttyastvāṁ paśyati samāhitaḥ| sa muktaḥ pātakaiḥ sarvairmama lokaṁ gamiṣyati||

'और जो भी मनुष्य एकाग्रचित्त होकर एक दिन भी तुम्हारा दर्शन करता है, वह समस्त पापों से मुक्त होकर मेरे लोक को जाएगा।'

श्लोक 33 (skanda.5.109.33)

यः पूजयति भावेन कुसुमैः कुसुमेश्वरम्। स प्राप्स्यति परं स्थानं पुनरावृत्तिदुर्लभम्॥

yaḥ pūjayati bhāvena kusumaiḥ kusumeśvaram| sa prāpsyati paraṁ sthānaṁ punarāvṛttidurlabham||

'जो भावपूर्वक पुष्पों से कुसुमेश्वर की पूजा करता है, वह परम स्थान को प्राप्त करेगा, जहाँ से पुनरावृत्ति दुर्लभ है।'

श्लोक 34 (skanda.5.109.34)

एवमादिवरैः पुष्टः कृतोयं कुसुमेश्वरः। कृतकृत्यो गणो देवि लिंगेनेश्वरतां गतः॥

evamādivaraiḥ puṣṭaḥ kṛtoyaṁ kusumeśvaraḥ| kṛtakṛtyo gaṇo devi liṁgeneśvaratāṁ gataḥ||

इस प्रकार ऐसे-ऐसे वरों से पुष्ट होकर यह कुसुमेश्वर बना; हे देवि, कृतकृत्य होकर वह गण लिंग के रूप में ईश्वरता को प्राप्त हुआ।

श्लोक 35 (skanda.5.109.35)

कुसुमेश्वरदेवस्य प्रभावः कथितस्त्वयम्। अक्रूरेशस्य देवस्य श्रूयतां तदनन्तरम्॥

kusumeśvaradevasya prabhāvaḥ kathitastvayam| akrūreśasya devasya śrūyatāṁ tadanantaram||

देव कुसुमेश्वर का यह प्रभाव कहा गया। अब इसके अनन्तर देव अक्रूरेश के विषय में सुनो।