अक्रूरेश्वर माहात्म्य वर्णन

श्लोक 1 (skanda.5.110.1)

हर उवाच। अक्रूरेश्वरमेकोनचत्वारिंशत्तमं शृणु। यस्य दर्शनमात्रेण सुबुद्धिर्जायते नृणाम्॥

hara uvāca| akrūreśvaramekonacatvāriṁśattamaṁ śṛṇu| yasya darśanamātreṇa subuddhirjāyate nṛṇām||

हर ने कहा—उनतालीसवें अक्रूरेश्वर के विषय में सुनो, जिसके दर्शनमात्र से मनुष्यों में सुबुद्धि उत्पन्न होती है।

श्लोक 2 (skanda.5.110.2)

पुरा त्वयैव कल्पादौ परया शक्तिरूपया। कृतं कृत्स्नं वरारोहे त्रैलोक्यं सचराचरम्॥

purā tvayaiva kalpādau parayā śaktirūpayā| kṛtaṁ kṛtsnaṁ varārohe trailokyaṁ sacarācaram||

पूर्वकाल में कल्प के आरम्भ में हे वरारोहे, परा शक्तिरूपिणी तुमने ही चराचरसहित सम्पूर्ण त्रैलोक्य की रचना की थी।

श्लोक 3 (skanda.5.110.3)

ततस्त्वं संस्तुता देवैः सकिंनरमहोरगैः। प्रदक्षिणां प्रकुर्वति गणा नानाविधास्तु ते॥

tatastvaṁ saṁstutā devaiḥ sakiṁnaramahoragaiḥ| pradakṣiṇāṁ prakurvati gaṇā nānāvidhāstu te||

तब देवताओं ने किन्नरों और महानागों सहित तुम्हारी स्तुति की; तुम्हारे नाना प्रकार के गण तुम्हारी प्रदक्षिणा करने लगे,

श्लोक 4 (skanda.5.110.4)

नमस्कारं प्रकुर्वति स्तोत्रं कुर्वंति चापरे। न करोति नमस्कारमेको भृंगिरिटिस्तदा॥

namaskāraṁ prakurvati stotraṁ kurvaṁti cāpare| na karoti namaskārameko bhṛṁgiriṭistadā||

कुछ ने नमस्कार किया, कुछ ने स्तोत्र-पाठ किया; परन्तु एक भृंगिरिटि ने उस समय नमस्कार नहीं किया।

श्लोक 5 (skanda.5.110.5)

क्रूरां बुद्धिं समासाद्य गर्वेणतीव गर्वितः।

krūrāṁ buddhiṁ samāsādya garveṇatīva garvitaḥ|

क्रूर बुद्धि को अपनाकर, अपने अहंकार से अत्यन्त गर्वित होकर,

श्लोक 6 (skanda.5.110.6)

एको देवो महादेवः स्त्रिया किमनया मम। यदा नायाति ते पार्श्वं तदा प्रोक्तस्त्वया गतः॥

eko devo mahādevaḥ striyā kimanayā mama| yadā nāyāti te pārśvaṁ tadā proktastvayā gataḥ||

उसने सोचा—'एकमात्र महादेव ही देव हैं; मुझे इस स्त्री से क्या लेना-देना?' जब वह तुम्हारे पास नहीं आया, तब तुमने स्वयं जाकर उससे कहा—

श्लोक 7 (skanda.5.110.7)

कस्मान्न कुरुषे पूजां प्रदक्षिणमथो स्तुतिम्। मद्भक्तो मदधीनोऽसि मम पुत्रो मया कृतः। इत्थंभूतगणेश त्वं किं वै लौल्येन वर्त्तसे॥

kasmānna kuruṣe pūjāṁ pradakṣiṇamatho stutim| madbhakto madadhīno'si mama putro mayā kṛtaḥ| itthaṁbhūtagaṇeśa tvaṁ kiṁ vai laulyena varttase||

'तुम पूजा, प्रदक्षिणा या स्तुति क्यों नहीं करते? तुम मेरे भक्त हो, मेरे अधीन हो, मेरे द्वारा बनाया गया मेरा पुत्र हो। हे ऐसे गणेश, तुम क्यों इस प्रकार चंचलता से बर्ताव करते हो?'

श्लोक 8 (skanda.5.110.8)

इति भृंगिरिटिः श्रुत्वा कुद्धस्त्वामाह गर्वितः। नाहं पार्वति ते पुत्रः पुत्रोऽहं शंकरस्य तु॥

iti bhṛṁgiriṭiḥ śrutvā kuddhastvāmāha garvitaḥ| nāhaṁ pārvati te putraḥ putro'haṁ śaṁkarasya tu||

यह सुनकर भृंगिरिटि ने क्रुद्ध और गर्वित होकर तुमसे कहा—'हे पार्वती, मैं तुम्हारा पुत्र नहीं हूँ; मैं तो केवल शंकर का ही पुत्र हूँ।'

श्लोक 9 (skanda.5.110.9)

एष एव च मे माता एष एव च मे पिता। एवं रात्रिदिनं यामि शरणं परमेष्ठिनम्॥

eṣa eva ca me mātā eṣa eva ca me pitā| evaṁ rātridinaṁ yāmi śaraṇaṁ parameṣṭhinam||

'वही मेरी माता है और वही मेरा पिता है; इस प्रकार रात-दिन मैं केवल परमेष्ठी की ही शरण में जाता हूँ।'

श्लोक 10 (skanda.5.110.10)

त्वमप्यस्यैव शरणं ननु पार्वति संस्थिता। यदि च त्वामहं वंदे तद्वंदे सकलान्गणान्॥

tvamapyasyaiva śaraṇaṁ nanu pārvati saṁsthitā| yadi ca tvāmahaṁ vaṁde tadvaṁde sakalāngaṇān||

'तुम भी निश्चय ही उसी की शरण में स्थित हो, हे पार्वती; यदि मैं तुम्हें प्रणाम करूँ, तो मानो सभी गणों को प्रणाम कर लूँ।'

श्लोक 11 (skanda.5.110.11)

इति भृंगिरिटेः श्रुत्वा वाक्यं कुपितया त्वया। तस्योक्तं प्रमथेशस्य भीरु भृंगिरिटेरिदम्॥

iti bhṛṁgiriṭeḥ śrutvā vākyaṁ kupitayā tvayā| tasyoktaṁ pramatheśasya bhīru bhṛṁgiriṭeridam||

भृंगिरिटि के इस वचन को सुनकर, क्रुद्ध होकर तुमने उस भीरु प्रमथेश भृंगिरिटि से यह कहा—

श्लोक 12 (skanda.5.110.12)

सुतो भूत्वा भवान्कस्माददाक्षिण्यं ब्रवीषि माम्। त्वङ्मांसशोणितांत्रं च मातृकं तनयस्य तु॥

suto bhūtvā bhavānkasmādadākṣiṇyaṁ bravīṣi mām| tvaṅmāṁsaśoṇitāṁtraṁ ca mātṛkaṁ tanayasya tu||

'पुत्र होकर भी तुम मुझसे इस प्रकार अनादरपूर्वक क्यों बोलते हो? त्वचा, मांस, रक्त और आंत्र — ये पुत्र के मातृ-अंश हैं;'

श्लोक 13 (skanda.5.110.13)

नखदंतास्थिसंघातः शिश्नं वाक्च शिरस्तथा। तथैव शुक्रं गणप पैतृकं तु शरीरकम्॥

nakhadaṁtāsthisaṁghātaḥ śiśnaṁ vākca śirastathā| tathaiva śukraṁ gaṇapa paitṛkaṁ tu śarīrakam||

'नख, दाँत, अस्थि-समूह, शिश्न, वाणी और सिर, तथा वीर्य भी, हे गणप, ये सब शरीर के पैतृक अंश हैं।'

श्लोक 14 (skanda.5.110.14)

इति भृंगिरिटिः श्रुत्वा सद्यो योगबलेन तु। मांसादि त्यक्तवान्सर्वं मातृकं भागमेव हि॥

iti bhṛṁgiriṭiḥ śrutvā sadyo yogabalena tu| māṁsādi tyaktavānsarvaṁ mātṛkaṁ bhāgameva hi||

यह सुनकर भृंगिरिटि ने तत्काल योगबल से मांस आदि समस्त मातृ-अंश को त्याग दिया।

श्लोक 15 (skanda.5.110.15)

ततः प्रभृति वामोरु नखदंतास्थिनासिकः। स च क्रूरां मतिं कृत्वा क्रोधसंरक्तलोचनः॥

tataḥ prabhṛti vāmoru nakhadaṁtāsthināsikaḥ| sa ca krūrāṁ matiṁ kṛtvā krodhasaṁraktalocanaḥ||

तभी से उसकी बायीं जाँघ, नख, दाँत और नासिका क्षीण हो गए; और वह क्रूर बुद्धि धारण कर, क्रोध से लाल नेत्रों वाला होकर,

श्लोक 16 (skanda.5.110.16)

त्वां परित्यज्य दुःखार्त्त आजगाम ममांतिकम्। अथ त्वया तदा शप्तो गणो भृंगिरिटिः प्रिये॥

tvāṁ parityajya duḥkhārtta ājagāma mamāṁtikam| atha tvayā tadā śapto gaṇo bhṛṁgiriṭiḥ priye||

तुम्हें त्यागकर, दुःख से पीड़ित होकर मेरे पास आया। तब, हे प्रिये, तुमने उस समय गण भृंगिरिटि को शाप दिया—

श्लोक 17 (skanda.5.110.17)

क्रूरा बुद्धिः कृता यस्मात्त्वया कुमतिना भृशम्। तस्मात्त्वं मानुषे लोके गमिष्यसि न संशयः॥

krūrā buddhiḥ kṛtā yasmāttvayā kumatinā bhṛśam| tasmāttvaṁ mānuṣe loke gamiṣyasi na saṁśayaḥ||

'चूँकि तुमने दुर्बुद्धिवश इतनी क्रूर बुद्धि धारण की है, इसलिए निःसंदेह तुम मनुष्यलोक में जाओगे।'

श्लोक 18 (skanda.5.110.18)

इत्युक्तस्तु त्वया देवि गणो भृंगिरिटिस्तथा। पपात मानुषं लोकं पुण्यांते सुकृती यथा॥

ityuktastu tvayā devi gaṇo bhṛṁgiriṭistathā| papāta mānuṣaṁ lokaṁ puṇyāṁte sukṛtī yathā||

हे देवि, तुम्हारे ऐसा कहने पर वह गण भृंगिरिटि मनुष्यलोक में गिर पड़ा, जैसे पुण्य क्षीण होने पर कोई पुण्यात्मा गिरता है।

श्लोक 19 (skanda.5.110.19)

स गत्वा पुष्करद्वीपं तपसे भावितात्मवान्। तत्रैकपादूर्द्ध्वभुजो दशपद्मान्यवस्थितः। दग्धीभूतं च तपसा जगद्वै दुष्करेण तु॥

sa gatvā puṣkaradvīpaṁ tapase bhāvitātmavān| tatraikapādūrddhvabhujo daśapadmānyavasthitaḥ| dagdhībhūtaṁ ca tapasā jagadvai duṣkareṇa tu||

वह पुष्करद्वीप जाकर, तपोनिष्ठ चित्त से, एक पैर पर खड़ा होकर, भुजाएँ ऊपर उठाए, दस कमलों के मध्य स्थित होकर, अपने दुष्कर तप से संसार को दग्ध करने लगा।

श्लोक 20 (skanda.5.110.20)

ततो ब्रह्मा च विष्णुश्च शक्रश्च त्रिदशैः सह। वयं च चारुजघने तत्समीपं समागतः॥

tato brahmā ca viṣṇuśca śakraśca tridaśaiḥ saha| vayaṁ ca cārujaghane tatsamīpaṁ samāgataḥ||

तब ब्रह्मा, विष्णु और शक्र देवताओं सहित, तथा मैं भी, हे चारुजघने, उसके समीप आए।

श्लोक 21 (skanda.5.110.21)

उपगम्य ततस्तस्य कथितं पुरतो मया। अलं क्रूरेण तपसा लोकस्योत्सादनेन वै॥

upagamya tatastasya kathitaṁ purato mayā| alaṁ krūreṇa tapasā lokasyotsādanena vai||

उसके पास जाकर मैंने उसके सामने कहा—'अब इस क्रूर तप से, संसार के विनाश से बस करो!'

श्लोक 22 (skanda.5.110.22)

त्रैलोक्यमपि निःसंज्ञं जातमेवं स्थिते त्वयि। संहरस्व तपो घोरं लोकसंतापनं महत्॥

trailokyamapi niḥsaṁjñaṁ jātamevaṁ sthite tvayi| saṁharasva tapo ghoraṁ lokasaṁtāpanaṁ mahat||

'तुम्हारे इस प्रकार स्थित रहने से त्रैलोक्य ही निश्चेष्ट हो गया है; इस भयंकर, संसार को संतप्त करने वाले महान् तप को समेट लो।'

श्लोक 23 (skanda.5.110.23)

प्रार्थ्यतां पार्वती पुत्र सा दास्यति वरं च ते। अस्याः प्रसादान्मुक्तिस्ते शापाच्चैव भविष्यति। एवमुक्तस्तदा तेन प्रार्थिता त्वं महेश्वरि॥

prārthyatāṁ pārvatī putra sā dāsyati varaṁ ca te| asyāḥ prasādānmuktiste śāpāccaiva bhaviṣyati| evamuktastadā tena prārthitā tvaṁ maheśvari||

'हे पुत्र, पार्वती से प्रार्थना करो; वह तुम्हें वर देगी। उसकी कृपा से ही तुम्हें शाप से मुक्ति मिलेगी।' ऐसा कहे जाने पर, हे महेश्वरि, तब तुमसे प्रार्थना की गई,

श्लोक 24 (skanda.5.110.24)

गणेन भृंगिरिटिना भक्तिनम्रेण सादरात्॥

gaṇena bhṛṁgiriṭinā bhaktinamreṇa sādarāt||

भक्ति से नत, आदरपूर्वक उस गण भृंगिरिटि के द्वारा।

श्लोक 25 (skanda.5.110.25)

त्वया प्रोक्तं विशालाक्षि पुत्र गच्छ ममाज्ञया। महाकालवने रम्ये तत्राऽक्रूरो भविष्यसि॥

tvayā proktaṁ viśālākṣi putra gaccha mamājñayā| mahākālavane ramye tatrā'krūro bhaviṣyasi||

तुमने कहा, हे विशालाक्षि—'हे पुत्र, मेरी आज्ञा से रमणीय महाकालवन को जाओ; वहाँ तुम अक्रूर हो जाओगे।'

श्लोक 26 (skanda.5.110.26)

पुनः प्राप्स्यसि कैलासं सिद्धगंधर्वसेवितम्। अंकपादाग्रतो लिंगं सप्तकल्पानुगं महत्। यस्य दर्शनमात्रेण शुभा बुद्धिः प्रजायते॥

punaḥ prāpsyasi kailāsaṁ siddhagaṁdharvasevitam| aṁkapādāgrato liṁgaṁ saptakalpānugaṁ mahat| yasya darśanamātreṇa śubhā buddhiḥ prajāyate||

'तुम पुनः सिद्ध-गन्धर्वसेवित कैलास को प्राप्त करोगे; मेरी गोद के चरणों के आगे एक महान् लिंग है, जो सात कल्पों तक स्थिर रहेगा, जिसके दर्शनमात्र से शुभ बुद्धि उत्पन्न होती है।'

श्लोक 27 (skanda.5.110.27)

कृतघ्ना नास्तिकाः क्रूरा ये च विश्वासघातकाः। महापातकिनो ये च ये च शापवशं गताः। दर्शनात्तस्य लिंगस्य तेऽपि स्वर्गभुजो नराः॥

kṛtaghnā nāstikāḥ krūrā ye ca viśvāsaghātakāḥ| mahāpātakino ye ca ye ca śāpavaśaṁ gatāḥ| darśanāttasya liṁgasya te'pi svargabhujo narāḥ||

'कृतघ्न, नास्तिक, क्रूर तथा विश्वासघाती, महापातकी और शापग्रस्त जन भी — उस लिंग के दर्शन से वे मनुष्य भी स्वर्गभोगी हो जाएँगे।'

श्लोक 28 (skanda.5.110.28)

क्रूरां बुद्धिं समासाद्य कंसं हत्वा च केशिहा। बलदेवेन सहितस्त्यक्त्वा तां मथुरां पुरीम्॥

krūrāṁ buddhiṁ samāsādya kaṁsaṁ hatvā ca keśihā| baladevena sahitastyaktvā tāṁ mathurāṁ purīm||

क्रूर बुद्धि धारण करके, केशि के हन्ता ने कंस का वध करके, बलदेव के साथ उस मथुरा नगरी को त्याग दिया;

श्लोक 29 (skanda.5.110.29)

महाकालवनं गत्वा तोषयित्वा महेश्वरम्। अक्रूरत्वं च संप्राप्तं कीर्त्तिर्लब्धा च शाश्वती॥

mahākālavanaṁ gatvā toṣayitvā maheśvaram| akrūratvaṁ ca saṁprāptaṁ kīrttirlabdhā ca śāśvatī||

महाकालवन जाकर और महेश्वर को संतुष्ट करके, उसने अक्रूरता को प्राप्त किया और शाश्वत कीर्ति भी पाई।

श्लोक 30 (skanda.5.110.30)

त्वदीयं वचनं श्रुत्वा गणो भृंगिरिटिस्तदा। तथेति प्रत्ययी जातो महाकालवनं गतः। देवमाराधयामास तपसा दुष्करेण तु॥

tvadīyaṁ vacanaṁ śrutvā gaṇo bhṛṁgiriṭistadā| tatheti pratyayī jāto mahākālavanaṁ gataḥ| devamārādhayāmāsa tapasā duṣkareṇa tu||

तुम्हारा यह वचन सुनकर गण भृंगिरिटि 'ऐसा ही हो' कहते हुए विश्वासपूर्वक महाकालवन गया, और दुष्कर तप से देव की आराधना करने लगा।

श्लोक 31 (skanda.5.110.31)

एतस्मिन्नंतरे देवि लिंगमध्यात्त्वमुत्थिता। अर्द्धांगं मामकं कृत्वा स्वकीयांगमथार्द्धतः। फणींद्रबद्धजूटार्द्धमर्द्धधमिल्लभूषितम्॥

etasminnaṁtare devi liṁgamadhyāttvamutthitā| arddhāṁgaṁ māmakaṁ kṛtvā svakīyāṁgamathārddhataḥ| phaṇīṁdrabaddhajūṭārddhamarddhadhamillabhūṣitam||

इसी बीच, हे देवि, तुम उस लिंग के मध्य से प्रकट हुईं, अपने शरीर का आधा भाग मुझमें मिलाकर और आधा अपना रखकर — आधा भाग सर्पराज से बँधी जटाओं वाला, आधा भाग धम्मिल्ल (केशपाश) से भूषित;

श्लोक 32 (skanda.5.110.32)

पत्रवल्लीविचित्रार्धमर्द्धचंद्रविराजितम्। मुक्ताहारनिबद्धार्द्धमर्द्धं सर्पैश्च वेष्टितम्॥

patravallīvicitrārdhamarddhacaṁdravirājitam| muktāhāranibaddhārddhamarddhaṁ sarpaiśca veṣṭitam||

आधा भाग पत्र-लता की विचित्रता से युक्त, आधा भाग अर्धचन्द्र से सुशोभित; आधा भाग मुक्ताहार से बद्ध, आधा भाग सर्पों से वेष्टित।

श्लोक 33 (skanda.5.110.33)

ततो भृंगिरिटिर्देवि दृष्ट्वा तन्महदद्रुतम्। चिंतयामास हृदये मयाऽज्ञानादनुष्ठितम्॥

tato bhṛṁgiriṭirdevi dṛṣṭvā tanmahadadrutam| ciṁtayāmāsa hṛdaye mayā'jñānādanuṣṭhitam||

तब, हे देवि, भृंगिरिटि उस महान् और अकस्मात् प्रकट रूप को देखकर हृदय में विचार करने लगा—'यह मैंने अज्ञानवश किया,'

श्लोक 34 (skanda.5.110.34)

उमा च शंकरश्चैव देहमेकं सनातनम्। एका मूर्त्तिरनिर्देश्या द्विधा भेदेन दृश्यते॥

umā ca śaṁkaraścaiva dehamekaṁ sanātanam| ekā mūrttiranirdeśyā dvidhā bhedena dṛśyate||

'उमा और शंकर वास्तव में एक ही सनातन देह हैं; एक अनिर्देश्य मूर्ति ही भेद के कारण दो रूपों में दिखाई देती है।'

श्लोक 35 (skanda.5.110.35)

एवं चिंतयतस्तस्य भक्तिनम्रस्य पार्व्वति। प्रोक्तं त्वया प्रसन्नाहं वरं वरय पुत्रक॥

evaṁ ciṁtayatastasya bhaktinamrasya pārvvati| proktaṁ tvayā prasannāhaṁ varaṁ varaya putraka||

इस प्रकार भक्ति से नत होकर विचार करते हुए उससे, हे पार्वती, तुमने कहा—'मैं प्रसन्न हूँ; हे पुत्र, वर माँगो।'

श्लोक 36 (skanda.5.110.36)

तेनोक्तं यदि तुष्टासि मातर्मम महेश्वरि। अस्य लिंगस्य माहात्म्यात्क्रूरा बुद्धिर्गता मम॥

tenoktaṁ yadi tuṣṭāsi mātarmama maheśvari| asya liṁgasya māhātmyātkrūrā buddhirgatā mama||

उसने कहा—'हे माता महेश्वरि, यदि तुम प्रसन्न हो, तो इस लिंग के माहात्म्य से मेरी क्रूर बुद्धि दूर हो गई है;'

श्लोक 37 (skanda.5.110.37)

अक्रूरेश्वरनामायं देवः ख्यातो भवत्विति। त्वं देवि सर्वभावानामेका कारणमुच्यते॥

akrūreśvaranāmāyaṁ devaḥ khyāto bhavatviti| tvaṁ devi sarvabhāvānāmekā kāraṇamucyate||

'यह देव अक्रूरेश्वर नाम से विख्यात हो। हे देवि, तुम्हीं समस्त भावों के एकमात्र कारण कही जाती हो;'

श्लोक 38 (skanda.5.110.38)

त्वं मूर्ता पुण्यनिचया त्वं गतिः पुण्यसेविनाम्। पिता माता सुहृद्बन्धुस्त्वमेका कारणं परम्॥

tvaṁ mūrtā puṇyanicayā tvaṁ gatiḥ puṇyasevinām| pitā mātā suhṛdbandhustvamekā kāraṇaṁ param||

'तुम ही पुण्यसंचय की साकार मूर्ति हो, तुम ही पुण्यसेवियों की गति हो; पिता, माता, सुहृद्, बन्धु — तुम्हीं एकमात्र परम कारण हो।'

श्लोक 39 (skanda.5.110.39)

कुरु पुण्यतमं स्थानं ब्रह्महत्यादिनाशनम्। भुक्तिदं मुक्तिदं चैव वांछितार्थप्रदायकम्॥

kuru puṇyatamaṁ sthānaṁ brahmahatyādināśanam| bhuktidaṁ muktidaṁ caiva vāṁchitārthapradāyakam||

'इस स्थान को परम पुण्यमय, ब्रह्महत्या आदि पापों का नाशक, भोग और मोक्ष का दाता, तथा वांछित अर्थों का प्रदाता बनाओ।'

श्लोक 40 (skanda.5.110.40)

तथेति च त्वया प्रोक्तं गिरा मधुरया तदा। यत्ते प्रियतमं वत्स तत्पूर्वं प्रकरोम्यहम्॥

tatheti ca tvayā proktaṁ girā madhurayā tadā| yatte priyatamaṁ vatsa tatpūrvaṁ prakaromyaham||

तब तुमने मधुर वाणी से 'ऐसा ही हो' कहा—'हे वत्स, जो तुम्हें सबसे प्रिय है, वही मैं पहले करूँगी।'

श्लोक 41 (skanda.5.110.41)

न मेऽस्ति दुष्करं पुत्र त्वत्कृते कनकप्रभ। अस्मिन्स्थाने तु ये देवमकूरेश्वरसंज्ञकम्। प्रसंगादपि पश्यंति अपि पापरता नराः। तेऽप्यवश्यं भविष्यंति त्वत्समा नियतं गणाः॥

na me'sti duṣkaraṁ putra tvatkṛte kanakaprabha| asminsthāne tu ye devamakūreśvarasaṁjñakam| prasaṁgādapi paśyaṁti api pāparatā narāḥ| te'pyavaśyaṁ bhaviṣyaṁti tvatsamā niyataṁ gaṇāḥ||

'हे स्वर्णप्रभ पुत्र, तुम्हारे लिए मेरे लिए कुछ भी दुष्कर नहीं है। इस स्थान में जो मनुष्य इस देव अक्रूरेश्वर नामक को देखते हैं — चाहे प्रसंगवश ही सही, चाहे पापपरायण ही क्यों न हों — वे भी निश्चय ही तुम्हारे समान गण हो जाएँगे।'

श्लोक 42 (skanda.5.110.42)

भक्त्या स्तोष्यंति ये नाम लिंगस्यास्य च मानवाः। मानसैः पातकैर्मुक्ता यास्यंति स्वर्गमक्षयम्॥

bhaktyā stoṣyaṁti ye nāma liṁgasyāsya ca mānavāḥ| mānasaiḥ pātakairmuktā yāsyaṁti svargamakṣayam||

जो मनुष्य भक्तिपूर्वक इस लिंग के नाम की स्तुति करेंगे, वे मानसिक पापों से मुक्त होकर अक्षय स्वर्ग को जाएँगे।

श्लोक 43 (skanda.5.110.43)

स्नात्वा तु विधिवत्पूजां यः करिष्यति मानवः। स मुक्तः पातकैः सर्वैः प्राप्स्यते रविमंडलम्॥

snātvā tu vidhivatpūjāṁ yaḥ kariṣyati mānavaḥ| sa muktaḥ pātakaiḥ sarvaiḥ prāpsyate ravimaṁḍalam||

जो मनुष्य स्नान करके विधिवत् पूजा करेगा, वह समस्त पापों से मुक्त होकर सूर्यमण्डल को प्राप्त करेगा।

श्लोक 44 (skanda.5.110.44)

आयुरारोग्यमैश्वर्यं काममत्र हि वांछितम्। गोसहस्रफलं चात्र स्पृष्ट्वा प्राप्स्यति मानवः॥

āyurārogyamaiśvaryaṁ kāmamatra hi vāṁchitam| gosahasraphalaṁ cātra spṛṣṭvā prāpsyati mānavaḥ||

आयु, आरोग्य, ऐश्वर्य, यहाँ जो भी वांछित हो, तथा सहस्र गौओं का फल, मनुष्य स्पर्शमात्र से पा लेगा।

श्लोक 45 (skanda.5.110.45)

स्नात्वा मंदाकिनीकुंडे योऽकूरेश्वरमीश्वरम्। पूजयेद्विविधैः पुष्पैर्महापापहतोपि वा॥

snātvā maṁdākinīkuṁḍe yo'kūreśvaramīśvaram| pūjayedvividhaiḥ puṣpairmahāpāpahatopi vā||

जो मन्दाकिनी कुण्ड में स्नान कर अक्रूरेश्वर ईश्वर की नाना पुष्पों से पूजा करेगा — चाहे वह महापाप से आहत ही क्यों न हो —

श्लोक 46 (skanda.5.110.46)

विमानं दिव्यमारूढो यावत्कल्पचतुष्टयम्। गंधर्वैर्गीयमानस्तु सोऽपि स्वर्गं गमिष्यति॥

vimānaṁ divyamārūḍho yāvatkalpacatuṣṭayam| gaṁdharvairgīyamānastu so'pi svargaṁ gamiṣyati||

वह दिव्य विमान पर आरूढ़ होकर चार कल्पों तक, गन्धर्वों द्वारा गाया जाता हुआ, स्वर्ग को जाएगा।

श्लोक 47 (skanda.5.110.47)

इत्युक्तः स गणो देवि मत्समीपमुपागतः। शापान्मुक्तस्त्वया सार्धं विस्मृता किं वरानने॥

ityuktaḥ sa gaṇo devi matsamīpamupāgataḥ| śāpānmuktastvayā sārdhaṁ vismṛtā kiṁ varānane||

हे देवि, ऐसा कहे जाने पर वह गण मेरे समीप आया, तुम्हारे साथ ही शाप से मुक्त होकर — क्या तुम भूल गई हो, हे वरानने?

श्लोक 48 (skanda.5.110.48)

एष ते कथितो देवि प्रभावः पापनाशनः। अक्रूरेश्वरदेवस्य शृणु कुंडेश्वरं परम्॥

eṣa te kathito devi prabhāvaḥ pāpanāśanaḥ| akrūreśvaradevasya śṛṇu kuṁḍeśvaraṁ param||

हे देवि, यह अक्रूरेश्वर देव का पापनाशक प्रभाव तुम्हें बताया गया; अब आगे कुण्डेश्वर के विषय में सुनो।