कुण्डेश्वर माहात्म्य वर्णन

श्लोक 1 (skanda.5.111.1)

ईश्वर उवाच। चत्वारिंशत्तमं विद्धि कुंडेश्वरमतः शृणु। यस्य दर्शनमात्रेण लभ्यते सद्गतिः परा॥

īśvara uvāca| catvāriṁśattamaṁ viddhi kuṁḍeśvaramataḥ śṛṇu| yasya darśanamātreṇa labhyate sadgatiḥ parā||

ईश्वर ने कहा—चालीसवें कुण्डेश्वर को जानो; अब सुनो, जिसके दर्शनमात्र से परम सद्गति प्राप्त होती है।

श्लोक 2 (skanda.5.111.2)

विज्ञप्तोऽहं त्वया देवि मंदरे चारुकंदरे। वीरकं द्रष्टुमिच्छामि क्व गतो मम पुत्रकः॥

vijñapto'haṁ tvayā devi maṁdare cārukaṁdare| vīrakaṁ draṣṭumicchāmi kva gato mama putrakaḥ||

हे देवि, मन्दराचल की एक सुन्दर गुफा में तुमने मुझसे निवेदन किया—'मैं वीरक को देखना चाहती हूँ; मेरा पुत्र कहाँ गया है?'

श्लोक 3 (skanda.5.111.3)

मया प्रोक्तं विशालाक्षि महाकालवनोत्तमे। जलमध्ये स्थितस्तेपे तपः परमदारुणम्॥

mayā proktaṁ viśālākṣi mahākālavanottame| jalamadhye sthitastepe tapaḥ paramadāruṇam||

मैंने कहा, हे विशालाक्षि—'उत्तम महाकालवन में जल के मध्य खड़े होकर उसने अत्यन्त भयंकर तप किया।'

श्लोक 4 (skanda.5.111.4)

मुनिभिः सहितो धीमान्भ्राजमानोंऽशुमानिव। गच्छामस्तत्र तं द्रष्टुं गणैः सार्द्धं वरानने॥

munibhiḥ sahito dhīmānbhrājamānoṁ'śumāniva| gacchāmastatra taṁ draṣṭuṁ gaṇaiḥ sārddhaṁ varānane||

'बुद्धिमान् वह मुनियों सहित सूर्य के समान देदीप्यमान है; हे वरानने, गणों सहित हम वहाँ उसे देखने चलें।'

श्लोक 5 (skanda.5.111.5)

मदीयं वचनं श्रुत्वा त्वयाहं प्रेरितस्तदा। उत्तिष्ठ शम्भो गच्छामो वृषमारुह सत्वरम्॥

madīyaṁ vacanaṁ śrutvā tvayāhaṁ preritastadā| uttiṣṭha śambho gacchāmo vṛṣamāruha satvaram||

मेरे वचन सुनकर तुमने मुझे प्रेरित किया—'हे शम्भु, उठो, चलें; शीघ्र वृषभ पर आरूढ़ हो जाओ।'

श्लोक 6 (skanda.5.111.6)

सप्रस्नवौ स्तनौ जातौ सद्यः संस्मृत्य वीरकम्। मया स्मृतो वृषो देवि धर्मरूपी सनातनः॥

saprasnavau stanau jātau sadyaḥ saṁsmṛtya vīrakam| mayā smṛto vṛṣo devi dharmarūpī sanātanaḥ||

वीरक का स्मरण करते ही तत्काल तुम्हारे दोनों स्तन सजल हो गए; हे देवि, तब मैंने धर्मरूप सनातन वृषभ का स्मरण किया।

श्लोक 7 (skanda.5.111.7)

मदीयं चिंतितं ज्ञात्वा ममपार्श्वमुपागतः। आरूढोऽहं त्वया सार्द्धं तस्मिन्नेव वृषे तदा॥

madīyaṁ ciṁtitaṁ jñātvā mamapārśvamupāgataḥ| ārūḍho'haṁ tvayā sārddhaṁ tasminneva vṛṣe tadā||

मेरे विचार को जानकर वह मेरे पास आया; मैं तुम्हारे सहित उसी वृषभ पर आरूढ़ हुआ।

श्लोक 8 (skanda.5.111.8)

प्रस्थितस्तत्क्षणाच्छीघ्रं गणैर्नानाविधैः सह। वेगात्प्रयातो वृषभस्कंधालंबितया त्वया॥

prasthitastatkṣaṇācchīghraṁ gaṇairnānāvidhaiḥ saha| vegātprayāto vṛṣabhaskaṁdhālaṁbitayā tvayā||

उसी क्षण मैं शीघ्र नाना प्रकार के गणों सहित प्रस्थान कर गया; वृषभ के कंधे पर वेग से जाते हुए तुम उससे लिपट गईं।

श्लोक 9 (skanda.5.111.9)

रणद्वलयबाहुभ्यां गाढमालिंगितो ह्यहम्। त्वं भीता च तदा जाता यदातीव प्रणोदितः॥

raṇadvalayabāhubhyāṁ gāḍhamāliṁgito hyaham| tvaṁ bhītā ca tadā jātā yadātīva praṇoditaḥ||

खनकती हुई कंगन वाली तुम्हारी दोनों भुजाओं से मैं दृढ़ता से आलिंगित हुआ; जब वेग अत्यन्त तीव्र हो गया, तब तुम भयभीत हो उठीं।

श्लोक 10 (skanda.5.111.10)

वृषो मया विशालाक्षि स कृष्टो गणपैस्तदा। कृष्टं च सत्वरं दृष्ट्वा प्रोक्तं च भीतया तदा॥

vṛṣo mayā viśālākṣi sa kṛṣṭo gaṇapaistadā| kṛṣṭaṁ ca satvaraṁ dṛṣṭvā proktaṁ ca bhītayā tadā||

हे विशालाक्षि, तब गणों ने उस वृषभ को शीघ्रता से हाँका; उसे इतनी तेज़ी से जाते देखकर, भयभीत होकर तुमने कहा—

श्लोक 11 (skanda.5.111.11)

श्रांतास्मि सांप्रतं देव वेगेनानेन भीषिता। तद्विश्रमितुमिच्छामि भूधरस्य तटे विभो॥

śrāṁtāsmi sāṁprataṁ deva vegenānena bhīṣitā| tadviśramitumicchāmi bhūdharasya taṭe vibho||

'हे देव, मैं अभी थक गई हूँ, इस वेग से भयभीत हो गई हूँ; हे विभो, मैं इस पर्वत के तट पर विश्राम करना चाहती हूँ।'

श्लोक 12 (skanda.5.111.12)

क्षणं पद्भ्यां गमिष्यामि विषमोयं गिरिर्महान्। त्वदीयं वचनं श्रुत्वा बाढमुक्तं प्रिये मया॥

kṣaṇaṁ padbhyāṁ gamiṣyāmi viṣamoyaṁ girirmahān| tvadīyaṁ vacanaṁ śrutvā bāḍhamuktaṁ priye mayā||

'क्षणभर मैं पैदल चलूँगी; यह विशाल पर्वत दुर्गम है।' तुम्हारे वचन सुनकर, हे प्रिये, मैंने 'ऐसा ही हो' कहा।

श्लोक 13 (skanda.5.111.13)

मुहूर्त्तं चारुजघने शैलपादमुपाश्रिता। कुरु श्रमापनयनं यावद्वेगात्प्रयाम्यहम्॥

muhūrttaṁ cārujaghane śailapādamupāśritā| kuru śramāpanayanaṁ yāvadvegātprayāmyaham||

'हे चारुजघने, क्षणभर पर्वत की तलहटी में आश्रय लेकर विश्राम करो, जब तक मैं वेग से आगे जाता हूँ।'

श्लोक 14 (skanda.5.111.14)

पंथानं त्वत्सुखं यत्र तं वयं मृगयावहे। एष कुण्डो गणाध्यक्षस्त्वत्समीपे वसिष्यति। त्वदाज्ञावशवर्त्ती च किंकरः स्थापितो मया॥

paṁthānaṁ tvatsukhaṁ yatra taṁ vayaṁ mṛgayāvahe| eṣa kuṇḍo gaṇādhyakṣastvatsamīpe vasiṣyati| tvadājñāvaśavarttī ca kiṁkaraḥ sthāpito mayā||

'जिस मार्ग से तुम्हें सुख मिले, उसे हम ढूँढ़ेंगे। यह कुण्ड नामक गणाध्यक्ष तुम्हारे पास रहेगा; मैंने इसे तुम्हारी आज्ञा के अधीन सेवक के रूप में नियुक्त किया है।'

श्लोक 15 (skanda.5.111.15)

एवमुक्त्वा ततो देवि संस्थाप्य गणरक्षकम्। आरूढोऽहं गिरेः प्रांतमुदयाद्रिं रविर्यथा॥

evamuktvā tato devi saṁsthāpya gaṇarakṣakam| ārūḍho'haṁ gireḥ prāṁtamudayādriṁ raviryathā||

ऐसा कहकर, हे देवि, फिर उस गणरक्षक को स्थापित करके, मैं पर्वत के छोर पर आरूढ़ हुआ, जैसे सूर्य उदयाचल पर चढ़ता है।

श्लोक 16 (skanda.5.111.16)

ततोऽवलोकितोऽत्यर्थं रमणीयो महागिरिः। इदं रम्यमिदं रम्यमित्यस्मिन्वरपर्वते॥

tato'valokito'tyarthaṁ ramaṇīyo mahāgiriḥ| idaṁ ramyamidaṁ ramyamityasminvaraparvate||

तब उस अत्यन्त रमणीय महान् पर्वत को देखा गया — 'यह रम्य है, यह रम्य है' — इस प्रकार उस उत्तम पर्वत पर,

श्लोक 17 (skanda.5.111.17)

पश्यतो मम शैलेंद्रं गताः संवत्सरा दश। त्वयाथ चिंतितं देवि क्व गतस्त्रिपुरांतकः॥

paśyato mama śaileṁdraṁ gatāḥ saṁvatsarā daśa| tvayātha ciṁtitaṁ devi kva gatastripurāṁtakaḥ||

पर्वतराज को निहारते हुए मेरे दस वर्ष बीत गए। तब, हे देवि, तुमने सोचा—'त्रिपुरान्तक कहाँ चले गए?'

श्लोक 18 (skanda.5.111.18)

नूनं न मदनातप्तां वेत्ति मां रतिवर्जिताम्। मां विहाय महादेवो निर्विशंकः क्व वर्त्तते॥

nūnaṁ na madanātaptāṁ vetti māṁ rativarjitām| māṁ vihāya mahādevo nirviśaṁkaḥ kva varttate||

'निश्चय ही वे नहीं जानते कि मैं काम-संताप से जलती हुई, रति से वंचित हूँ; मुझे छोड़कर निश्शंक महादेव कहाँ हैं?'

श्लोक 19 (skanda.5.111.19)

हरस्य क्वापि यातस्य वैरं संस्मृत्य चित्तजः। बाधते मामनंगोपि चापरोपितमार्गणः। विलोकयंतीं हा दृष्ट्वा विलपंतीं पुनः पुनः॥

harasya kvāpi yātasya vairaṁ saṁsmṛtya cittajaḥ| bādhate māmanaṁgopi cāparopitamārgaṇaḥ| vilokayaṁtīṁ hā dṛṣṭvā vilapaṁtīṁ punaḥ punaḥ||

'हर से कहीं गए हुए, अपने वैर का स्मरण करके, मनोज (काम), शरीररहित होते हुए भी, बाण चढ़ाए हुए मुझे पीड़ित कर रहा है।' इस प्रकार बार-बार इधर-उधर देखती और विलाप करती हुई उसे देखकर, हा,

श्लोक 20 (skanda.5.111.20)

ततः कुण्डो गणाध्यक्षो ज्ञात्वा भावं त्वदीयकम्। उत्कृष्टेन स्वरेणोक्तं मा देवि विमना भव॥

tataḥ kuṇḍo gaṇādhyakṣo jñātvā bhāvaṁ tvadīyakam| utkṛṣṭena svareṇoktaṁ mā devi vimanā bhava||

तब गणाध्यक्ष कुण्ड ने तुम्हारे मनोभाव को जानकर ऊँचे स्वर में कहा—'हे देवि, विषण्ण मत होइए;'

श्लोक 21 (skanda.5.111.21)

आयात एष ते भर्त्ता मा चेतः कलुषं कुरु। एतच्छ्रुत्वा वचस्तस्य कुण्डस्य कमलानने॥

āyāta eṣa te bharttā mā cetaḥ kaluṣaṁ kuru| etacchrutvā vacastasya kuṇḍasya kamalānane||

'तुम्हारे पति आ रहे हैं; अपने मन को मलिन मत करो।' हे कमलानने, कुण्ड के इन वचनों को सुनकर,

श्लोक 22 (skanda.5.111.22)

दुःखार्त्तया त्वया प्रोक्तः कुण्ड वेद्मि न शंकरम्। क्व गतः किं च कुरुते कालं दीर्घमिमं शिवः। दर्शयस्व महादेवमित्युक्तोऽसौ पुनःपुनः॥

duḥkhārttayā tvayā proktaḥ kuṇḍa vedmi na śaṁkaram| kva gataḥ kiṁ ca kurute kālaṁ dīrghamimaṁ śivaḥ| darśayasva mahādevamityukto'sau punaḥpunaḥ||

दुःख से पीड़ित होकर तुमने कहा—'हे कुण्ड, मैं नहीं जानती कि शंकर कहाँ गए हैं और इतना दीर्घ काल बिताते हुए क्या कर रहे हैं। महादेव को मुझे दिखाओ' — इस प्रकार उसे बार-बार कहा गया।

श्लोक 23 (skanda.5.111.23)

यदा न दर्शितस्तेन कुण्डेनाहं वरानने। तदा शप्तस्त्वया देवि क्रुद्धया गणरक्षकः॥

yadā na darśitastena kuṇḍenāhaṁ varānane| tadā śaptastvayā devi kruddhayā gaṇarakṣakaḥ||

जब कुण्ड तुम्हें मुझे नहीं दिखा सका, हे वरानने, तब, हे देवि, क्रुद्ध होकर तुमने उस गणरक्षक को शाप दिया—

श्लोक 24 (skanda.5.111.24)

गच्छ त्वं मानुषं लोकं यस्मान्न कथितो हरः। एतस्मिन्नंतरे देवि प्राप्तोऽहं त्वत्समीपतः॥

gaccha tvaṁ mānuṣaṁ lokaṁ yasmānna kathito haraḥ| etasminnaṁtare devi prāpto'haṁ tvatsamīpataḥ||

'जाओ तुम मनुष्यलोक को, क्योंकि तुमने हर को नहीं दिखाया।' इसी बीच, हे देवि, मैं तुम्हारे समीप आ पहुँचा।

श्लोक 25 (skanda.5.111.25)

पृष्टश्चाहं त्वया देवि विहाय क्व गतोऽसि माम्। दुर्गमे पर्वते शून्ये तस्मात्त्यक्ष्यामि जीवितम्॥

pṛṣṭaścāhaṁ tvayā devi vihāya kva gato'si mām| durgame parvate śūnye tasmāttyakṣyāmi jīvitam||

तुमने मुझसे पूछा, हे देवि—'मुझे छोड़कर तुम कहाँ गए थे? इस दुर्गम, निर्जन पर्वत में मैं अपना जीवन त्याग दूँगी।'

श्लोक 26 (skanda.5.111.26)

गत्वाग्रे भूधरस्यास्य किं कृतं च त्वया विभो। मया तव वचः श्रुत्वा कथितं सर्वमेव तत्॥

gatvāgre bhūdharasyāsya kiṁ kṛtaṁ ca tvayā vibho| mayā tava vacaḥ śrutvā kathitaṁ sarvameva tat||

'इस पर्वत के आगे जाकर, हे विभो, तुमने क्या किया?' तुम्हारा यह वचन सुनकर मैंने सब कुछ बता दिया।

श्लोक 27 (skanda.5.111.27)

दुराधर्षतरः शैलः समंताद्दुरतिक्रमः। त्वत्प्रियार्थं महाभागे मया मार्गोऽवलोकितः॥

durādharṣataraḥ śailaḥ samaṁtādduratikramaḥ| tvatpriyārthaṁ mahābhāge mayā mārgo'valokitaḥ||

'यह पर्वत अत्यन्त दुर्जय है, चारों ओर से दुरतिक्रम्य है; हे महाभागे, तुम्हारे प्रिय हेतु मैंने मार्ग ढूँढ़ लिया है,'

श्लोक 28 (skanda.5.111.28)

येन मार्गेण विश्रब्धं गमिष्यामः सुमध्यमे। अयं कुण्डो गणो देवि विषण्णो व्याकुलः कृतः॥

yena mārgeṇa viśrabdhaṁ gamiṣyāmaḥ sumadhyame| ayaṁ kuṇḍo gaṇo devi viṣaṇṇo vyākulaḥ kṛtaḥ||

'जिस मार्ग से हम निश्चिन्त होकर जाएँगे, हे सुमध्यमे।' और यह देखा कि यह गण कुण्ड, हे देवि, विषण्ण और व्याकुल हो गया था।

श्लोक 29 (skanda.5.111.29)

त्वयाप्युक्तं महादेव कुण्डः शप्तो मया गणः। ममाज्ञा न कृता यस्माद्विफलं न वचो मम। तस्माद्यातु ममादेशान्महाकालवनं शुभम्॥

tvayāpyuktaṁ mahādeva kuṇḍaḥ śapto mayā gaṇaḥ| mamājñā na kṛtā yasmādviphalaṁ na vaco mama| tasmādyātu mamādeśānmahākālavanaṁ śubham||

तुमने भी कहा, हे महादेव—'मैंने इस गण कुण्ड को शाप दे दिया है; चूँकि मेरी आज्ञा का पालन नहीं हुआ, मेरा वचन निष्फल नहीं हो सकता। अतः मेरे आदेश से वह शुभ महाकालवन को जाए—'

श्लोक 30 (skanda.5.111.30)

भैरवं रूपमास्थाय यत्र त्वं चोत्तरे स्थितः। तस्याग्रतः स्थितं लिंगं वर्त्तते कामदं सदा॥

bhairavaṁ rūpamāsthāya yatra tvaṁ cottare sthitaḥ| tasyāgrataḥ sthitaṁ liṁgaṁ varttate kāmadaṁ sadā||

'जहाँ भैरव-रूप धारण किए हुए तुम उत्तर दिशा में स्थित हो, उसके सम्मुख स्थित एक लिंग सदा कामनाओं को देने वाला विद्यमान है।'

श्लोक 31 (skanda.5.111.31)

तस्य दर्शनमात्रेण गणपोऽयं भविष्यति। कुण्डेश्वरेति विख्यातः स देवो वै भविष्यति॥

tasya darśanamātreṇa gaṇapo'yaṁ bhaviṣyati| kuṇḍeśvareti vikhyātaḥ sa devo vai bhaviṣyati||

'उस लिंग के दर्शनमात्र से यह गणपति कुण्डेश्वर के नाम से विख्यात होगा; वह निश्चय ही देव हो जाएगा।'

श्लोक 32 (skanda.5.111.32)

इत्युक्तः स त्वया देवि समासाद्य पुनःपुनः। प्रस्थापितस्त्वयादेशाद्व्रज कुण्ड ममाज्ञया॥

ityuktaḥ sa tvayā devi samāsādya punaḥpunaḥ| prasthāpitastvayādeśādvraja kuṇḍa mamājñayā||

हे देवि, तुम्हारे द्वारा ऐसा बार-बार कहे जाने पर, तुम्हारे आदेश से उसे भेजा गया—'हे कुण्ड, मेरी आज्ञा से जाओ,

श्लोक 33 (skanda.5.111.33)

महाकालवनं शीघ्रं लिंगमाराध्य सत्वरम्। कीर्तिस्ते भविता पुत्र त्रिषु लोकेषु शाश्वती॥

mahākālavanaṁ śīghraṁ liṁgamārādhya satvaram| kīrtiste bhavitā putra triṣu lokeṣu śāśvatī||

'शीघ्र महाकालवन को जाओ; वहाँ शीघ्र लिंग की आराधना करो; हे पुत्र, तुम्हारी कीर्ति तीनों लोकों में शाश्वत होगी।'

श्लोक 34 (skanda.5.111.34)

इत्युक्तस्तत्क्षणात्प्राप्तो दृष्ट्वा लिङ्गं तु शाश्वतम्। उत्तरस्य शिवस्याग्रे पूजयामास भक्तितः॥

ityuktastatkṣaṇātprāpto dṛṣṭvā liṅgaṁ tu śāśvatam| uttarasya śivasyāgre pūjayāmāsa bhaktitaḥ||

ऐसा कहे जाने पर वह उसी क्षण वहाँ पहुँचा, और उस शाश्वत लिंग को देखकर उत्तर दिशा के शिव (भैरव) के सम्मुख भक्तिपूर्वक उसकी पूजा की।

श्लोक 35 (skanda.5.111.35)

ततो देवाः सगंधर्वाः सिद्धाश्च परमर्षयः। यक्षाश्चाप्सरसश्चैव समाजग्मुः सहस्रशः॥

tato devāḥ sagaṁdharvāḥ siddhāśca paramarṣayaḥ| yakṣāścāpsarasaścaiva samājagmuḥ sahasraśaḥ||

तब गन्धर्वों सहित देवगण, सिद्ध और परम ऋषि, यक्ष और अप्सराएँ सहस्रों की संख्या में वहाँ एकत्र हुए।

श्लोक 36 (skanda.5.111.36)

अथाहं तत्क्षणात्प्राप्तस्त्वया सार्द्धं गणैर्वृतः। दृष्ट्वा कुण्डं गणेशं तु लिंगाराधनतत्परम्॥

athāhaṁ tatkṣaṇātprāptastvayā sārddhaṁ gaṇairvṛtaḥ| dṛṣṭvā kuṇḍaṁ gaṇeśaṁ tu liṁgārādhanatatparam||

तब मैं भी उसी क्षण, तुम्हारे साथ, गणों से घिरा हुआ वहाँ पहुँचा, और लिंगाराधना में तत्पर गणेश कुण्ड को देखा,

श्लोक 37 (skanda.5.111.37)

समाधिध्याननिरतं प्रोक्तमस्माभिरादरात्। तुष्टा ते पार्वती पुत्र प्रार्थ्यतां वरमुत्तमम्॥

samādhidhyānanirataṁ proktamasmābhirādarāt| tuṣṭā te pārvatī putra prārthyatāṁ varamuttamam||

जो समाधि और ध्यान में लीन था; हमने आदरपूर्वक उससे कहा—'हे पुत्र, पार्वती तुमसे प्रसन्न है; उत्तम वर माँगो।'

श्लोक 38 (skanda.5.111.38)

अक्षयं तु पदं प्राप्तं त्वया लिंगस्य दर्शनात्। अद्यप्रभृति देवोऽयं ख्यातो भुवि भविष्यति। नाम्ना कुण्डेश्वरो यस्मात्सर्वसंपत्करः सदा॥

akṣayaṁ tu padaṁ prāptaṁ tvayā liṁgasya darśanāt| adyaprabhṛti devo'yaṁ khyāto bhuvi bhaviṣyati| nāmnā kuṇḍeśvaro yasmātsarvasaṁpatkaraḥ sadā||

'लिंग के दर्शन से तुमने अक्षय पद प्राप्त कर लिया है। आज से यह देव पृथ्वी पर कुण्डेश्वर नाम से विख्यात होगा, जो सदा सर्वसंपत्ति देने वाला है।'

श्लोक 39 (skanda.5.111.39)

कुण्डेश्वरमनादिं तु भक्त्या पश्यति यो नरः। सोऽश्वमेधसहस्रस्य फलं प्राप्स्यति नान्यथा॥

kuṇḍeśvaramanādiṁ tu bhaktyā paśyati yo naraḥ| so'śvamedhasahasrasya phalaṁ prāpsyati nānyathā||

जो मनुष्य भक्तिपूर्वक अनादि कुण्डेश्वर का दर्शन करता है, वह अश्वमेध-सहस्र के फल से कम कुछ नहीं पाता।

श्लोक 40 (skanda.5.111.40)

तस्य दानफलं सर्वं सर्वतीर्थफलं सदा। लिंगं कुण्डेश्वरं यस्तु भक्त्या संपूजयिष्यति॥

tasya dānaphalaṁ sarvaṁ sarvatīrthaphalaṁ sadā| liṁgaṁ kuṇḍeśvaraṁ yastu bhaktyā saṁpūjayiṣyati||

जो भक्तिपूर्वक कुण्डेश्वर लिंग की पूजा करता है, उसे सदा समस्त दानों का फल और समस्त तीर्थों का फल प्राप्त होता है,

श्लोक 41 (skanda.5.111.41)

दशानामश्वमेधानामग्निष्टोमशतस्य च। स्पर्शनात्फलमाप्नोति कुण्डेश्वरस्य सर्वदा॥

daśānāmaśvamedhānāmagniṣṭomaśatasya ca| sparśanātphalamāpnoti kuṇḍeśvarasya sarvadā||

और कुण्डेश्वर का स्पर्शमात्र करने से उसे सदा दस अश्वमेधों और सौ अग्निष्टोमों का फल प्राप्त होता है।

श्लोक 42 (skanda.5.111.42)

प्रातः पश्यंति ये भक्त्या कृत्वा नियमपूर्वकम्। सिद्धिं सुकामिकीं हृष्टाः संप्राप्स्यंति न संशयः॥

prātaḥ paśyaṁti ye bhaktyā kṛtvā niyamapūrvakam| siddhiṁ sukāmikīṁ hṛṣṭāḥ saṁprāpsyaṁti na saṁśayaḥ||

जो नियमपूर्वक भक्ति से प्रातःकाल उसका दर्शन करते हैं, वे हर्षित होकर निःसंदेह अपनी सुखद कामना की सिद्धि को प्राप्त करते हैं।

श्लोक 43 (skanda.5.111.43)

एष ते कथितो देवि प्रभावः पापनाशनः। कुण्डेश्वरस्य देवस्य शृणु लुंपेश्वरं परम्॥

eṣa te kathito devi prabhāvaḥ pāpanāśanaḥ| kuṇḍeśvarasya devasya śṛṇu luṁpeśvaraṁ param||

हे देवि, यह देव कुण्डेश्वर का पापनाशक प्रभाव तुम्हें बताया गया; अब आगे लुम्पेश्वर के विषय में सुनो।