गंगेश्वर माहात्म्य वर्णन

श्लोक 1 (skanda.5.113.1)

श्रीहर उवाच। द्वाचत्वारिंशतं देवं गंगेश्वरमथो शृणु। यस्य दर्शनमात्रेण सर्वतीर्थफलं लभेत्। ध्रुवाधारं जगद्योनेः पदं नारायणस्य तु॥

śrīhara uvāca| dvācatvāriṁśataṁ devaṁ gaṁgeśvaramatho śṛṇu| yasya darśanamātreṇa sarvatīrthaphalaṁ labhet| dhruvādhāraṁ jagadyoneḥ padaṁ nārāyaṇasya tu||

श्री हर ने कहा—अब बयालीसवें देव गंगेश्वर के विषय में सुनो, जिसके दर्शनमात्र से समस्त तीर्थों का फल प्राप्त होता है — जो जगत् की योनि का ध्रुव आधार और नारायण का चरण-स्थान है।

श्लोक 2 (skanda.5.113.2)

पदात्प्रवृत्ता या देवी गंगा त्रिपथगा नदी। सा प्रविश्य सुधायोनिं सोममाधारमंभसाम्॥

padātpravṛttā yā devī gaṁgā tripathagā nadī| sā praviśya sudhāyoniṁ somamādhāramaṁbhasām||

उस चरण से प्रवाहित देवी त्रिपथगामिनी गंगा नदी ने अमृत के उद्गम-स्थान में प्रवेश किया, जिसका आधार जलों का स्वामी सोम (चन्द्रमा) था।

श्लोक 3 (skanda.5.113.3)

ततः संवर्द्धमानार्करश्मिसंगतिपावनी। पपात मेरुपृष्ठे च सा चतुर्धा ततो ययौ॥

tataḥ saṁvarddhamānārkaraśmisaṁgatipāvanī| papāta merupṛṣṭhe ca sā caturdhā tato yayau||

तब निरन्तर बढ़ती हुई, सूर्य की किरणों के संसर्ग से पवित्र होकर, वह मेरु पर्वत के शिखर पर गिरी, और वहाँ से चार दिशाओं में गई।

श्लोक 4 (skanda.5.113.4)

मेरुकूटतटान्तेभ्यो निपतन्ती यशस्विनी। विकीर्यमाणसलिला निरालंबा पपात सा॥

merukūṭataṭāntebhyo nipatantī yaśasvinī| vikīryamāṇasalilā nirālaṁbā papāta sā||

मेरु के शिखर-तटों से गिरती हुई वह यशस्विनी, अपने जल को बिखेरती हुई, बिना किसी आधार के गिरी।

श्लोक 5 (skanda.5.113.5)

मन्दरादिषु शैलेषु प्रविभक्तोदका समम्। तत्र सीतेति विख्याता ययौ चैत्ररथं वनम्॥

mandarādiṣu śaileṣu pravibhaktodakā samam| tatra sīteti vikhyātā yayau caitrarathaṁ vanam||

मन्दर आदि पर्वतों में उसका जल समान रूप से विभाजित हो गया; वहाँ सीता नाम से विख्यात होकर वह चैत्ररथ वन को गई।

श्लोक 6 (skanda.5.113.6)

तत्प्लायित्वा च ययावरुणोदं सरिद्वरा॥

tatplāyitvā ca yayāvaruṇodaṁ saridvarā||

उसे प्लावित करके वह श्रेष्ठ नदी अरुणोद सरोवर को गई।

श्लोक 7 (skanda.5.113.7)

तथैवालकनन्दाख्या दक्षिणे गन्धमादने। मेरुपादवनं गत्वा नन्दने देवनन्दने॥

tathaivālakanandākhyā dakṣiṇe gandhamādane| merupādavanaṁ gatvā nandane devanandane||

इसी प्रकार अलकनन्दा नाम से दक्षिण में गन्धमादन पर्वत पर, मेरु के पादवन में जाकर, देवताओं के नन्दन वन में,

श्लोक 8 (skanda.5.113.8)

मानसं च महावेगात्प्लावयित्वा सरोवरम्। तस्माच्च शैलराजानं रम्यं त्रिशिखरं गता॥

mānasaṁ ca mahāvegātplāvayitvā sarovaram| tasmācca śailarājānaṁ ramyaṁ triśikharaṁ gatā||

महावेग से मानसरोवर को प्लावित करके, वहाँ से वह रम्य त्रिशिखर पर्वतराज को गई।

श्लोक 9 (skanda.5.113.9)

तस्माच्च पर्वताः सर्वे प्लावितास्तत्क्षणात्प्रिये। तान्प्लावयित्वा संप्राप्ता हिमवन्तं महागिरिम्॥

tasmācca parvatāḥ sarve plāvitāstatkṣaṇātpriye| tānplāvayitvā saṁprāptā himavantaṁ mahāgirim||

हे प्रिये, वहाँ से सभी पर्वत उसी क्षण जलमग्न हो गए; उन्हें प्लावित करके वह महान् गिरि हिमवान् को प्राप्त हुई।

श्लोक 10 (skanda.5.113.10)

मया धृता च तत्रैव जटाजूटेन पार्वति। न मुक्ता च यदा गंगा तदा क्रुद्धा ममोपरि॥

mayā dhṛtā ca tatraiva jaṭājūṭena pārvati| na muktā ca yadā gaṁgā tadā kruddhā mamopari||

हे पार्वती, वहाँ उसे मैंने अपनी जटाओं के जूट में धारण कर लिया; और जब गंगा को मुक्त नहीं किया गया, तब वह मुझ पर क्रुद्ध हो गई,

श्लोक 11 (skanda.5.113.11)

गात्राणि प्लावयामास मदीयानि वरानने। मया च रुद्धा क्रोधेन जटामध्ये यशस्विनि॥

gātrāṇi plāvayāmāsa madīyāni varānane| mayā ca ruddhā krodhena jaṭāmadhye yaśasvini||

और हे वरानने, उसने मेरे अंगों को जलमग्न कर दिया; और मैंने, हे यशस्विनी, क्रोधवश उसे अपनी जटाओं के मध्य ही रोक लिया।

श्लोक 12 (skanda.5.113.12)

तत्रैव सा तपश्चक्रे बहुकल्पशतानि च। भगीरथेनोपवासैः स्तुत्या चाराधितो ह्यहम्॥

tatraiva sā tapaścakre bahukalpaśatāni ca| bhagīrathenopavāsaiḥ stutyā cārādhito hyaham||

वहाँ उसने अनेक सैकड़ों कल्पों तक तप किया; भगीरथ के उपवास और स्तुति से मैं आराधित हुआ —

श्लोक 13 (skanda.5.113.13)

तदा मुक्ता मया देवि गंगा त्रिपथगामिनी। महाकालमनुप्राप्ता प्लावयित्वोत्तरान्कुरून्॥

tadā muktā mayā devi gaṁgā tripathagāminī| mahākālamanuprāptā plāvayitvottarānkurūn||

तब, हे देवि, त्रिपथगामिनी गंगा मेरे द्वारा मुक्त की गई, और उत्तर कुरुओं को प्लावित करके महाकाल को प्राप्त हुई।

श्लोक 14 (skanda.5.113.14)

समुद्रमहिषी जाता प्राणेभ्योऽपि गरीयसी। नदीनामुत्तमा गंगा समुद्रेण कृता तदा। स तया सहितो रेमे समुद्रः सरितांपतिः॥

samudramahiṣī jātā prāṇebhyo'pi garīyasī| nadīnāmuttamā gaṁgā samudreṇa kṛtā tadā| sa tayā sahito reme samudraḥ saritāṁpatiḥ||

वह समुद्र की महिषी बन गई, प्राणों से भी अधिक प्रिय; नदियों में श्रेष्ठ गंगा को समुद्र ने तब अपनी महिषी बना लिया, और उसके साथ समुद्र, सरितों का पति, रमण करने लगा।

श्लोक 15 (skanda.5.113.15)

ततः कदाचिद्ब्रह्माणमुपासांचक्रिरे सुराः। तथार्णवो जगामाथ ब्रह्मलोकं सनातनम्। गंगया सहितो देवि दर्शनार्थं महोत्सवे॥

tataḥ kadācidbrahmāṇamupāsāṁcakrire surāḥ| tathārṇavo jagāmātha brahmalokaṁ sanātanam| gaṁgayā sahito devi darśanārthaṁ mahotsave||

तब एक बार देवताओं ने ब्रह्मा की उपासना की; और हे देवि, समुद्र भी उस महोत्सव में दर्शन के लिए गंगा सहित सनातन ब्रह्मलोक को गया।

श्लोक 16 (skanda.5.113.16)

अथ गंगा सरिच्छ्रेष्ठा समुपायात्पितामहम्। तस्या वासः समुद्धूतं मारुतेन शशिप्रभम्॥

atha gaṁgā saricchreṣṭhā samupāyātpitāmaham| tasyā vāsaḥ samuddhūtaṁ mārutena śaśiprabham||

तब सरिच्छ्रेष्ठा गंगा पितामह के समीप पहुँची; उसका चन्द्रमा के समान उज्ज्वल वस्त्र वायु से उड़ गया।

श्लोक 17 (skanda.5.113.17)

ततोऽभवन्सुरगणाः सहसाऽवाङ्मुखास्तदा। महाभिषस्तु राजर्षिर्निःशंको दृष्टवान्नदीम्॥

tato'bhavansuragaṇāḥ sahasā'vāṅmukhāstadā| mahābhiṣastu rājarṣirniḥśaṁko dṛṣṭavānnadīm||

तब सहसा देवगण अपना मुख नीचे कर लिया; परन्तु राजर्षि महाभिष ने निःशंक होकर उस नदी को देखा।

श्लोक 18 (skanda.5.113.18)

तस्य भावं विदित्वाऽथ ब्रह्मणा स तिरस्कृतः। उक्तस्तु जातो मर्त्येषु पुनर्लोकानवाप्स्यसि॥

tasya bhāvaṁ viditvā'tha brahmaṇā sa tiraskṛtaḥ| uktastu jāto martyeṣu punarlokānavāpsyasi||

उसके भाव को जानकर ब्रह्मा ने उसकी निन्दा की और कहा—'तुम मनुष्यों में जन्म लोगे; फिर लोकों को पुनः प्राप्त करोगे।'

श्लोक 19 (skanda.5.113.19)

गंगा शप्ताथ क्रुद्धेन समुद्रेण यशस्विनि। मां विहायान्यसक्तासि तस्माद्यास्यसि मानुषम्॥

gaṁgā śaptātha kruddhena samudreṇa yaśasvini| māṁ vihāyānyasaktāsi tasmādyāsyasi mānuṣam||

तब क्रुद्ध समुद्र ने यशस्विनी गंगा को शाप दिया—'मुझे त्यागकर तुम अन्यत्र आसक्त हो; अतः तुम मनुष्यलोक को जाओगी,'

श्लोक 20 (skanda.5.113.20)

लोकमल्पायुषं दीना तत्र दुःखमवाप्स्यसि। तं शापं दारुणं श्रुत्वा गंगा वचनमब्रवीत्॥

lokamalpāyuṣaṁ dīnā tatra duḥkhamavāpsyasi| taṁ śāpaṁ dāruṇaṁ śrutvā gaṁgā vacanamabravīt||

'अल्पायु और दीन उस लोक में तुम दुःख प्राप्त करोगी।' उस भयंकर शाप को सुनकर गंगा ने यह वचन कहा—

श्लोक 21 (skanda.5.113.21)

विनापराधाच्छप्ताहं कस्माद्वै देवसंसदि। पतिव्रता पतिप्राणा पतिना परमार्थतः॥

vināparādhācchaptāhaṁ kasmādvai devasaṁsadi| pativratā patiprāṇā patinā paramārthataḥ||

'बिना किसी अपराध के देवसभा में मुझे क्यों शाप दिया गया? मैं पतिव्रता हूँ, पति ही मेरे प्राण हैं, और वास्तव में मैं परमार्थतः पति के प्रति निष्ठावान् हूँ;'

श्लोक 22 (skanda.5.113.22)

प्रमादाद्वस्त्रमुद्धूतं वायुना व्यापकेन तु। प्रत्युवाच ततो ब्रह्मा तां नदीं लोकपावनीम्॥

pramādādvastramuddhūtaṁ vāyunā vyāpakena tu| pratyuvāca tato brahmā tāṁ nadīṁ lokapāvanīm||

'दुर्घटनावश व्यापक वायु से मेरा वस्त्र उड़ गया था।' तब ब्रह्मा ने उस लोकपावनी नदी को उत्तर दिया—

श्लोक 23 (skanda.5.113.23)

वसूनां कारणाद्देवि शप्ता यस्मान्महानदि। भाव्यर्थे तोयनिधिना तस्माच्छीघ्रं व्रजाधुना॥

vasūnāṁ kāraṇāddevi śaptā yasmānmahānadi| bhāvyarthe toyanidhinā tasmācchīghraṁ vrajādhunā||

'हे देवि, हे महानदी, चूँकि भावी वसुओं के प्रयोजन के कारण तुम्हें समुद्र द्वारा शाप दिया गया है, अतः अब शीघ्र जाओ—'

श्लोक 24 (skanda.5.113.24)

महाकालवने रम्ये सिद्धगंधर्वसेविते। शिप्राया दक्षिणे भागे विद्यते लिंगमुत्तमम्॥

mahākālavane ramye siddhagaṁdharvasevite| śiprāyā dakṣiṇe bhāge vidyate liṁgamuttamam||

'रमणीय, सिद्ध-गन्धर्वसेवित महाकालवन को; शिप्रा के दक्षिण भाग में एक उत्तम लिंग विद्यमान है,'

श्लोक 25 (skanda.5.113.25)

सर्वसिद्धिकरं पुण्यं सर्वपातकनाशनम्। तमाराधय यत्नेन स ते दास्यति वांछितम्॥

sarvasiddhikaraṁ puṇyaṁ sarvapātakanāśanam| tamārādhaya yatnena sa te dāsyati vāṁchitam||

'जो सर्वसिद्धि देने वाला, पुण्यमय और सर्वपातकनाशक है; उसकी प्रयत्नपूर्वक आराधना करो, वह तुम्हें वांछित वस्तु प्रदान करेगा।'

श्लोक 26 (skanda.5.113.26)

पितामहवचः श्रुत्वा तुष्टा त्रिपथगामिनी। गमनं तत्र मेऽभीष्टं विद्यते यत्सखी मम। शिप्रापि मे प्रिया पुण्या महापातकनाशिनी॥

pitāmahavacaḥ śrutvā tuṣṭā tripathagāminī| gamanaṁ tatra me'bhīṣṭaṁ vidyate yatsakhī mama| śiprāpi me priyā puṇyā mahāpātakanāśinī||

पितामह के वचन सुनकर त्रिपथगामिनी प्रसन्न हुई—'वहाँ जाना मुझे अभीष्ट है, क्योंकि वहाँ मेरी सखी रहती है — पुण्यमयी शिप्रा भी मुझे प्रिय है, जो महापातकों का नाश करने वाली है।'

श्लोक 27 (skanda.5.113.27)

इति संचिंत्य मनसा दिव्या देवनदी तदा। आजगाम महाकाले ह्यपश्यल्लिंगमुत्तमम्॥

iti saṁciṁtya manasā divyā devanadī tadā| ājagāma mahākāle hyapaśyalliṁgamuttamam||

मन में ऐसा विचार करके वह दिव्य देवनदी तब महाकाल में आई और उस अनुपम लिंग को देखा।

श्लोक 28 (skanda.5.113.28)

पूजयामास पयसा दिव्येन विधिना तदा। दृष्ट्वा शिप्रां सखीं तत्र संश्लेषं चाभवत्तयोः॥

pūjayāmāsa payasā divyena vidhinā tadā| dṛṣṭvā śiprāṁ sakhīṁ tatra saṁśleṣaṁ cābhavattayoḥ||

उसने तब दिव्य जल से विधिवत् उसकी पूजा की; वहाँ अपनी सखी शिप्रा को देखकर उन दोनों का आलिंगन हुआ।

श्लोक 29 (skanda.5.113.29)

ततः प्रभृति संजाता सा शिप्रा पूर्ववाहिनी। त्रिषु लोकेषु विख्यातो देवो गंगेश्वरः स्वयम्। गंगयाराधितो यस्मात्समीहितफलप्रदः॥

tataḥ prabhṛti saṁjātā sā śiprā pūrvavāhinī| triṣu lokeṣu vikhyāto devo gaṁgeśvaraḥ svayam| gaṁgayārādhito yasmātsamīhitaphalapradaḥ||

तभी से वह शिप्रा पूर्ववाहिनी हो गई; तीनों लोकों में स्वयं देव गंगेश्वर विख्यात हुए, क्योंकि गंगा द्वारा आराधित होने से वे इच्छित फल प्रदान करते हैं।

श्लोक 30 (skanda.5.113.30)

संस्तुता देवगंधर्वैर्गंगा देवनदी तदा। ऋषिभिर्वालखिल्याद्यैस्तथान्यैर्मुनिभिर्मुदा॥

saṁstutā devagaṁdharvairgaṁgā devanadī tadā| ṛṣibhirvālakhilyādyaistathānyairmunibhirmudā||

तब गंगा, वह देवनदी, देवताओं और गन्धर्वों द्वारा, तथा वालखिल्य आदि ऋषियों और अन्य मुनियों द्वारा हर्षपूर्वक स्तुत हुई।

श्लोक 31 (skanda.5.113.31)

समुद्रस्तत्र संप्राप्तो मानिता सा महानदी। लिंगेनोक्ता तदा गंगा कलया स्थीयतामिति॥

samudrastatra saṁprāpto mānitā sā mahānadī| liṁgenoktā tadā gaṁgā kalayā sthīyatāmiti||

तब समुद्र वहाँ आया और उस महानदी का सम्मान किया; तब लिंग ने गंगा से कहा—'यहाँ अपने अंश से निवास करो,'

श्लोक 32 (skanda.5.113.32)

तत्समीपे महापुण्ये यावत्तिष्ठति मेदिनी। अंगीकृतं समुद्रेण यथोक्तं च तथा स्त्विति॥

tatsamīpe mahāpuṇye yāvattiṣṭhati medinī| aṁgīkṛtaṁ samudreṇa yathoktaṁ ca tathā stviti||

'इस परम पुण्य स्थान के समीप, जब तक पृथ्वी रहेगी।' 'जैसा कहा गया वैसा ही हो' — समुद्र ने इसे स्वीकार किया।

श्लोक 33 (skanda.5.113.33)

एवमुक्त्वा गता गंगा कलया तत्र संस्थिता। गंगेश्वरं तु यः पश्येत्स्नात्वा शिप्रांभसि प्रिये॥

evamuktvā gatā gaṁgā kalayā tatra saṁsthitā| gaṁgeśvaraṁ tu yaḥ paśyetsnātvā śiprāṁbhasi priye||

ऐसा कहकर गंगा चली गई, फिर भी अपने अंश से वहीं स्थित रही। हे प्रिये, जो भी शिप्रा के जल में स्नान करके गंगेश्वर का दर्शन करता है,

श्लोक 34 (skanda.5.113.34)

गोसहस्रफलं तस्य जायते नात्र संशयः। सर्वतीर्थफलं तस्य सर्वधर्मफलं तथा॥

gosahasraphalaṁ tasya jāyate nātra saṁśayaḥ| sarvatīrthaphalaṁ tasya sarvadharmaphalaṁ tathā||

उसे निःसंदेह सहस्र गौओं का फल प्राप्त होता है; उसे समस्त तीर्थों का फल तथा समस्त धर्मों का फल भी प्राप्त होता है,

श्लोक 35 (skanda.5.113.35)

सर्वयज्ञफलं सम्यक्सर्वदानफलं तथा। सर्वयोगफलं देवि प्राप्नोत्येव निरन्तरम्॥

sarvayajñaphalaṁ samyaksarvadānaphalaṁ tathā| sarvayogaphalaṁ devi prāpnotyeva nirantaram||

सम्यक् रूप से समस्त यज्ञों का फल तथा समस्त दानों का फल भी; हे देवि, वह निरन्तर समस्त योगों का फल प्राप्त करता है।

श्लोक 36 (skanda.5.113.36)

तत्र तीर्थानि सुभगे पृथिव्यां यानि कानिचित्। धर्मारण्यं फल्गुतीर्थं पुष्करं नैमिषं गया॥

tatra tīrthāni subhage pṛthivyāṁ yāni kānicit| dharmāraṇyaṁ phalgutīrthaṁ puṣkaraṁ naimiṣaṁ gayā||

हे सुभगे, पृथ्वी पर जो भी तीर्थ हैं — धर्मारण्य, फल्गुतीर्थ, पुष्कर, नैमिष, गया,

श्लोक 37 (skanda.5.113.37)

प्रयागं च कुरुक्षेत्रं केदारममरेश्वरम्। चंद्रभागा विपाशा च सरयूर्देविका कुहू॥

prayāgaṁ ca kurukṣetraṁ kedāramamareśvaram| caṁdrabhāgā vipāśā ca sarayūrdevikā kuhū||

प्रयाग और कुरुक्षेत्र, केदार, अमरेश्वर, चन्द्रभागा, विपाशा, सरयू, देविका, कुहू,

श्लोक 38 (skanda.5.113.38)

गोदावरी शतद्रुश्च बाहुदा वेत्रवत्यपि। सर्वा एवात्र सरितः संगताः संति गंगया॥

godāvarī śatadruśca bāhudā vetravatyapi| sarvā evātra saritaḥ saṁgatāḥ saṁti gaṁgayā||

गोदावरी, शतद्रु, बाहुदा और वेत्रवती भी — ये सभी नदियाँ यहाँ गंगा के साथ मिली हुई हैं।

श्लोक 39 (skanda.5.113.39)

गुप्तानि पुण्यतीर्थानि सिद्धक्षेत्राणि चैव हि। तत्र सर्वाणि तिष्ठंति कलामात्रेण पार्वति॥

guptāni puṇyatīrthāni siddhakṣetrāṇi caiva hi| tatra sarvāṇi tiṣṭhaṁti kalāmātreṇa pārvati||

हे पार्वती, गुप्त पुण्यतीर्थ तथा सिद्धक्षेत्र भी, वे सभी वहाँ कला-मात्र से विद्यमान हैं।

श्लोक 40 (skanda.5.113.40)

एतेषां फलमाप्नोति यः पश्यति समाहितः। स्नात्वा गंगेश्वरं देवं सत्यमेतन्मयोदितम्। अतः पुण्यतमं स्थानं गीयते गणवंदिते॥

eteṣāṁ phalamāpnoti yaḥ paśyati samāhitaḥ| snātvā gaṁgeśvaraṁ devaṁ satyametanmayoditam| ataḥ puṇyatamaṁ sthānaṁ gīyate gaṇavaṁdite||

जो एकाग्रचित्त होकर स्नान करके देव गंगेश्वर का दर्शन करता है, वह इन सबका फल प्राप्त करता है — यह सत्य है, मेरे द्वारा कहा गया; अतः, हे गणवन्दिते, यह परम पुण्यमय स्थान कहा जाता है।

श्लोक 41 (skanda.5.113.41)

एष ते कथितो देवि प्रभावः पापनाशनः। गंगेश्वरस्य देवस्य शृण्वंगारेश्वरं परम्॥

eṣa te kathito devi prabhāvaḥ pāpanāśanaḥ| gaṁgeśvarasya devasya śṛṇvaṁgāreśvaraṁ param||

हे देवि, यह देव गंगेश्वर का पापनाशक प्रभाव तुम्हें बताया गया; अब आगे अंगारेश्वर के विषय में सुनो।