अंगारेश्वर माहात्म्य वर्णन

श्लोक 1 (skanda.5.114.1)

श्रीशिव उवाच। चत्वारिंशत्तमं विद्धि त्र्यधिकं पर्वतात्मजे। यस्य दर्शनमात्रेण जायते सर्वसंपदः॥

śrīśiva uvāca| catvāriṁśattamaṁ viddhi tryadhikaṁ parvatātmaje| yasya darśanamātreṇa jāyate sarvasaṁpadaḥ||

श्री शिव ने कहा—हे पर्वतात्मजे, तैंतालीसवें को जानो, जिसके दर्शनमात्र से समस्त सम्पदाएँ उत्पन्न होती हैं।

श्लोक 2 (skanda.5.114.2)

आदिकल्पे पुरा जातो वक्रांगो लोहितच्छविः। रौद्रस्त्वंगारसदृशो मम गात्राद्वरानने। मया धृतो धरण्यां स विख्यातो भूमिपुत्रकः॥

ādikalpe purā jāto vakrāṁgo lohitacchaviḥ| raudrastvaṁgārasadṛśo mama gātrādvarānane| mayā dhṛto dharaṇyāṁ sa vikhyāto bhūmiputrakaḥ||

हे वरानने, आदिकल्प में पूर्वकाल में मेरे शरीर से एक वक्रांग, रक्तवर्ण, रौद्र, अंगार के समान पुत्र उत्पन्न हुआ; मेरे द्वारा पृथ्वी पर धारण किए जाने पर वह भूमिपुत्र नाम से विख्यात हुआ।

श्लोक 3 (skanda.5.114.3)

जातमात्रे सुते तस्मिन्महाकाये भयावहे। कंपिता धरणी देवी देवास्त्रस्ताः सवासवाः॥

jātamātre sute tasminmahākāye bhayāvahe| kaṁpitā dharaṇī devī devāstrastāḥ savāsavāḥ||

उस पुत्र के जन्म लेते ही, महाकाय और भयावह होने के कारण, पृथ्वी देवी काँप उठी और वासव सहित देवता भयभीत हो गए।

श्लोक 4 (skanda.5.114.4)

क्षोभं गताः समुद्राश्च चेलुश्च धरणीधराः। तेनैव पीडितं सर्वं सदेवासुरमानुषम्॥

kṣobhaṁ gatāḥ samudrāśca celuśca dharaṇīdharāḥ| tenaiva pīḍitaṁ sarvaṁ sadevāsuramānuṣam||

समुद्र क्षुब्ध हो गए और पर्वत काँपने लगे; उसी के कारण देव, असुर और मनुष्य सहित सभी पीड़ित हो गए।

श्लोक 5 (skanda.5.114.5)

ऋषयो वालखिल्याश्च देवाः शक्रपुरोगमाः। बृहस्पतिं पुरस्कृत्य ब्रह्मलोकं गताः प्रिये॥

ṛṣayo vālakhilyāśca devāḥ śakrapurogamāḥ| bṛhaspatiṁ puraskṛtya brahmalokaṁ gatāḥ priye||

ऋषिगण, वालखिल्य तथा शक्र-प्रमुख देवगण, बृहस्पति को आगे करके, हे प्रिये, ब्रह्मलोक को गए।

श्लोक 6 (skanda.5.114.6)

सोच्छ्वाँसाः कथयामासुर्नमस्कृत्य पितामहम्। वृत्तांतं विस्तरात्सर्वं लोकत्रयविनाशनम्॥

socchvā̃sāḥ kathayāmāsurnamaskṛtya pitāmaham| vṛttāṁtaṁ vistarātsarvaṁ lokatrayavināśanam||

गहरी साँस लेते हुए उन्होंने पितामह को प्रणाम करके त्रिलोक-विनाश का सम्पूर्ण वृत्तांत विस्तार से बताया।

श्लोक 7 (skanda.5.114.7)

हरगात्रोद्भवेनैव जातमात्रेण लीलया। लोकत्रयं समाक्रांतं पीडितं भक्षितं तथा॥

haragātrodbhavenaiva jātamātreṇa līlayā| lokatrayaṁ samākrāṁtaṁ pīḍitaṁ bhakṣitaṁ tathā||

'हर के शरीर से लीलामात्र से उत्पन्न वह, जन्म लेते ही, तीनों लोकों को आक्रान्त, पीड़ित और भक्षित कर चुका है।'

श्लोक 8 (skanda.5.114.8)

तच्छ्रुत्वा वचनं तेषां ब्रह्मा लोकपितामहः। चिंतयित्वा तु तैः सार्द्धमाजगाम ममांतिकम्॥

tacchrutvā vacanaṁ teṣāṁ brahmā lokapitāmahaḥ| ciṁtayitvā tu taiḥ sārddhamājagāma mamāṁtikam||

उनका यह वचन सुनकर लोकपितामह ब्रह्मा, विचार करके, उन सबके साथ मेरे समीप आए।

श्लोक 9 (skanda.5.114.9)

मया पृष्टास्तु ते सर्वे किमर्थं भयविह्वलाः। सोच्छ्वासहृदया दीनाः कस्माद्वो भयमागतम्॥

mayā pṛṣṭāstu te sarve kimarthaṁ bhayavihvalāḥ| socchvāsahṛdayā dīnāḥ kasmādvo bhayamāgatam||

मैंने उन सबसे पूछा—'तुम सब भय से क्यों विह्वल हो? तुम्हारे हृदय गहरी साँसें ले रहे हैं और दीन हैं — तुम्हें यह भय किस कारण से हुआ है?'

श्लोक 10 (skanda.5.114.10)

तैः सर्वं कथितं देवि ममाग्रे भयविह्वलैः। त्वदंगसंभवेनैव देवदेव जगत्पते। पीडितं भक्षितं चैव सदेवासुरमानवम्॥

taiḥ sarvaṁ kathitaṁ devi mamāgre bhayavihvalaiḥ| tvadaṁgasaṁbhavenaiva devadeva jagatpate| pīḍitaṁ bhakṣitaṁ caiva sadevāsuramānavam||

उन भयविह्वल देवताओं ने मेरे सामने सब कुछ बताया—'हे देवाधिदेव, हे जगत्पते, तुम्हारे ही अंग से उत्पन्न हुए इस पुत्र से देव, असुर और मानव सभी पीड़ित और भक्षित हो गए हैं।'

श्लोक 11 (skanda.5.114.11)

इति तेषां वचः श्रुत्वा क्षेमार्थं कृपया मया। आकारितो मत्समीपमुवाच वदतां वरः॥

iti teṣāṁ vacaḥ śrutvā kṣemārthaṁ kṛpayā mayā| ākārito matsamīpamuvāca vadatāṁ varaḥ||

उनका यह वचन सुनकर, करुणावश उनकी कुशलता के लिए मैंने उसे अपने समीप बुलाया; वह वक्ताओं में श्रेष्ठ बोला—

श्लोक 12 (skanda.5.114.12)

आदेशो दीयतां देव किं करोमीत्युवाच सः। नाकर्ष त्वं जगदिदं मया प्रोक्तः पुनःपुनः॥

ādeśo dīyatāṁ deva kiṁ karomītyuvāca saḥ| nākarṣa tvaṁ jagadidaṁ mayā proktaḥ punaḥpunaḥ||

'हे देव, आदेश दीजिए; मैं क्या करूँ?' — ऐसा उसने कहा। 'तुम इस जगत् को इस प्रकार नष्ट मत करो' — मैंने उससे बार-बार कहा।

श्लोक 13 (skanda.5.114.13)

ममांगाद्रजसा जातस्तेनांगारक उच्यसे। लोकानां स्वस्तये नित्यं मंगलोसि मया कृतः॥

mamāṁgādrajasā jātastenāṁgāraka ucyase| lokānāṁ svastaye nityaṁ maṁgalosi mayā kṛtaḥ||

'मेरे अंग से, उसकी रज से उत्पन्न होने के कारण तुम अंगारक कहलाते हो; लोकों के नित्य कल्याण के लिए मेरे द्वारा तुम्हें मंगल बनाया गया है,'

श्लोक 14 (skanda.5.114.14)

इदानीं वक्रतां यातो वक्रस्त्वं गीयसे बुधैः। विज्ञप्तोऽहं तदा तेन मम वाक्यं श्रुतं यदा। आहारेण विना देव कथं तृप्तिर्भविष्यति॥

idānīṁ vakratāṁ yāto vakrastvaṁ gīyase budhaiḥ| vijñapto'haṁ tadā tena mama vākyaṁ śrutaṁ yadā| āhāreṇa vinā deva kathaṁ tṛptirbhaviṣyati||

'अब वक्रता को प्राप्त होने के कारण विद्वान् तुम्हें वक्र कहते हैं।' मेरे वचन सुनकर तब उसने मुझसे निवेदन किया—'हे देव, आहार के बिना मुझे तृप्ति कैसे होगी?'

श्लोक 15 (skanda.5.114.15)

तस्मान्मे देहि सुस्थानमाधिपत्यं च देहि मे। शक्तिं च देहि मे शीघ्रमाहारं देहि मे प्रभो॥

tasmānme dehi susthānamādhipatyaṁ ca dehi me| śaktiṁ ca dehi me śīghramāhāraṁ dehi me prabho||

'अतः मुझे उत्तम स्थान दो, और मुझे आधिपत्य दो; मुझे शक्ति दो और शीघ्र मुझे आहार दो, हे प्रभो।'

श्लोक 16 (skanda.5.114.16)

तस्य तद्वचनं श्रुत्वा पुत्रोऽयं मम वल्लभः। तस्माद्दास्यामि परमं स्थानमक्षयमुत्तमम्॥

tasya tadvacanaṁ śrutvā putro'yaṁ mama vallabhaḥ| tasmāddāsyāmi paramaṁ sthānamakṣayamuttamam||

उसका यह वचन सुनकर मैंने सोचा—'यह पुत्र मुझे प्रिय है; अतः मैं इसे एक परम, अक्षय, उत्तम स्थान दूँगा' —

श्लोक 17 (skanda.5.114.17)

इति संचिन्त्य मनसा स्मृतं स्थानं मयोत्तमम्। उत्संगे च सुतं कृत्वा प्रेम्णा प्रोक्तं पुनःपुनः॥

iti saṁcintya manasā smṛtaṁ sthānaṁ mayottamam| utsaṁge ca sutaṁ kṛtvā premṇā proktaṁ punaḥpunaḥ||

ऐसा मन में विचार करके मुझे एक उत्तम स्थान स्मरण हुआ; और अपने पुत्र को गोद में लेकर मैंने प्रेमपूर्वक उससे बार-बार कहा—

श्लोक 18 (skanda.5.114.18)

दत्तं पुत्र मया स्थानं महाकालवनोत्तमे। गंगेश्वरस्य पूर्वे तु प्रशस्यं स्थानमुत्तमम्॥

dattaṁ putra mayā sthānaṁ mahākālavanottame| gaṁgeśvarasya pūrve tu praśasyaṁ sthānamuttamam||

'हे पुत्र, मैंने तुम्हें उत्तम महाकालवन में स्थान दिया है — गंगेश्वर के पूर्व में, एक प्रशंसनीय उत्तम स्थान;'

श्लोक 19 (skanda.5.114.19)

खगर्ता चैव शिप्रा च संगमस्तत्र विद्यते॥

khagartā caiva śiprā ca saṁgamastatra vidyate||

'वहाँ खगर्ता और शिप्रा का संगम विद्यमान है।'

श्लोक 20 (skanda.5.114.20)

यदा मया धृता गंगा तदा सा चन्द्रमण्डलात्। प्रमादात्पतिता भूमौ महाकालवनोत्तमे॥

yadā mayā dhṛtā gaṁgā tadā sā candramaṇḍalāt| pramādātpatitā bhūmau mahākālavanottame||

'जब गंगा मेरे द्वारा धारण की गई थी, तब वह दुर्घटनावश चन्द्रमण्डल से उत्तम महाकालवन की भूमि पर गिर पड़ी थी —'

श्लोक 21 (skanda.5.114.21)

खगर्तेति च विख्याता खाद्भ्रष्टा प्रापतत्क्षितौ। अतो मयावतारस्तु सहसा तव वै कृतः॥

khagarteti ca vikhyātā khādbhraṣṭā prāpatatkṣitau| ato mayāvatārastu sahasā tava vai kṛtaḥ||

'आकाश से भ्रष्ट होने के कारण वह खगर्ता नाम से विख्यात हुई; इसीलिए वहाँ अब सहसा तुम्हारा भी अवतार किया गया है।'

श्लोक 22 (skanda.5.114.22)

लिंगमूर्तिरहं पुत्र तिष्ठामि सुरपूजितः। तत्स्थानं दुर्लभं देवैस्तस्मात्त्वं गच्छ सत्वरम्॥

liṁgamūrtirahaṁ putra tiṣṭhāmi surapūjitaḥ| tatsthānaṁ durlabhaṁ devaistasmāttvaṁ gaccha satvaram||

'हे पुत्र, लिंगमूर्ति के रूप में मैं वहाँ देवपूजित होकर स्थित हूँ; वह स्थान देवताओं के लिए भी दुर्लभ है; अतः तुम शीघ्र वहाँ जाओ।'

श्लोक 23 (skanda.5.114.23)

पूजितोऽहं त्वया तत्र संगमे लोकपूजिते। त्रिषु लोकेषु यास्यामि ख्यातिं वै तव नामतः॥

pūjito'haṁ tvayā tatra saṁgame lokapūjite| triṣu lokeṣu yāsyāmi khyātiṁ vai tava nāmataḥ||

'वहाँ लोकपूजित संगम में तुम्हारे द्वारा पूजित होकर, मैं तीनों लोकों में तुम्हारे ही नाम से ख्याति पाऊँगा।'

श्लोक 24 (skanda.5.114.24)

मध्ये ग्रहाणां सर्वेषामाधिपत्यं मया तव। दत्तं तृतीयकं स्थानं तत्र तृप्तिर्भविष्यति॥

madhye grahāṇāṁ sarveṣāmādhipatyaṁ mayā tava| dattaṁ tṛtīyakaṁ sthānaṁ tatra tṛptirbhaviṣyati||

'सभी ग्रहों के मध्य मैंने तुम्हें उनका आधिपत्य दिया है; तुम्हें तीसरा स्थान दिया गया है, जिसमें तुम्हें तृप्ति प्राप्त होगी।'

श्लोक 25 (skanda.5.114.25)

पूजां प्राप्स्यसि तत्रैव ग्रहमध्ये व्यवस्थितः। तिथिर्दत्ता चतुर्थी ते तस्यां ये व्रततत्पराः॥

pūjāṁ prāpsyasi tatraiva grahamadhye vyavasthitaḥ| tithirdattā caturthī te tasyāṁ ye vratatatparāḥ||

'वहीं ग्रहों के मध्य स्थित होकर तुम पूजा प्राप्त करोगे; तुम्हें चतुर्थी तिथि दी गई है — उस दिन जो व्रतपरायण होंगे,'

श्लोक 26 (skanda.5.114.26)

त्वामुद्दिश्य करिष्यंति पूजां शांतिं सदक्षिणाम्। तेन सर्वेण ते तृप्तिर्भविष्यति न संशयः॥

tvāmuddiśya kariṣyaṁti pūjāṁ śāṁtiṁ sadakṣiṇām| tena sarveṇa te tṛptirbhaviṣyati na saṁśayaḥ||

'वे तुम्हारे उद्देश्य से पूजा और दक्षिणा-सहित शान्ति-कर्म करेंगे; उस सबसे तुम्हें निःसंदेह तृप्ति प्राप्त होगी।'

श्लोक 27 (skanda.5.114.27)

वारश्चैकश्च ते दत्तो मंगलार्थं मया तव। नववस्त्रपरीधानं विद्यारंभं दिने तव। तैलाभ्यंगं करिष्यंति न च प्राप्स्यंति ते बलम्॥

vāraścaikaśca te datto maṁgalārthaṁ mayā tava| navavastraparīdhānaṁ vidyāraṁbhaṁ dine tava| tailābhyaṁgaṁ kariṣyaṁti na ca prāpsyaṁti te balam||

'और मेरे द्वारा तुम्हें कल्याण के लिए सप्ताह का एक दिन दिया गया है; तुम्हारे दिन नए वस्त्र धारण करेंगे, विद्यारम्भ करेंगे, तैलाभ्यंग करेंगे, और तुम्हारे प्रकोप को नहीं पाएँगे।'

श्लोक 28 (skanda.5.114.28)

इत्युक्तस्तु मया देवि वक्रांगो मंगलः सुतः। अंगारकेति विख्यातस्तथेत्यंगीचकार सः॥

ityuktastu mayā devi vakrāṁgo maṁgalaḥ sutaḥ| aṁgāraketi vikhyātastathetyaṁgīcakāra saḥ||

हे देवि, मेरे द्वारा ऐसा कहे जाने पर वह वक्रांग पुत्र मंगल, अंगारक नाम से विख्यात हुआ; उसने 'ऐसा ही हो' कहकर स्वीकार किया।

श्लोक 29 (skanda.5.114.29)

सन्तुष्टस्तेन वाक्येन मदीयेन वरानने। आजगाम मुदा युक्तो महाकालवनोत्तमे॥

santuṣṭastena vākyena madīyena varānane| ājagāma mudā yukto mahākālavanottame||

मेरे इन वचनों से संतुष्ट होकर, हे विशालाक्षि, वह हर्षपूर्वक उत्तम महाकालवन को आया।

श्लोक 30 (skanda.5.114.30)

शिप्रायाश्च तटे रम्ये खगर्त्तासंगमांतिकम्। दृष्टोऽहं लिंगरूपेण परां तुष्टिमुपागतः॥

śiprāyāśca taṭe ramye khagarttāsaṁgamāṁtikam| dṛṣṭo'haṁ liṁgarūpeṇa parāṁ tuṣṭimupāgataḥ||

शिप्रा के रमणीय तट पर, खगर्ता के संगम के समीप, उसने मुझे लिंगरूप में देखा, और परम सन्तोष को प्राप्त हुआ।

श्लोक 31 (skanda.5.114.31)

मया चालिंगितः प्रेम्णा चुम्बितः शिरसि प्रिये। वरो दत्तो विशालाक्षि वांछितं ते भविष्यति॥

mayā cāliṁgitaḥ premṇā cumbitaḥ śirasi priye| varo datto viśālākṣi vāṁchitaṁ te bhaviṣyati||

मेरे द्वारा प्रेमपूर्वक आलिंगित होकर, सिर पर चुम्बित होकर, हे प्रिये—'हे विशालाक्षि, वर दिया जाता है; तुम्हारी कामना पूर्ण होगी।'

श्लोक 32 (skanda.5.114.32)

दृष्टोऽहं च त्वया पुत्र भक्त्या चाराधितस्त्वया। मम वाक्यं कृतं यस्मात्तस्मात्तुष्टोऽस्मि मंगल॥

dṛṣṭo'haṁ ca tvayā putra bhaktyā cārādhitastvayā| mama vākyaṁ kṛtaṁ yasmāttasmāttuṣṭo'smi maṁgala||

'हे पुत्र, तुमने मेरा दर्शन किया और भक्तिपूर्वक मेरी आराधना की; चूँकि मेरा वचन पूर्ण हुआ, इसलिए, हे मंगल, मैं प्रसन्न हूँ।'

श्लोक 33 (skanda.5.114.33)

अंगारेश्वरनामाहमद्यप्रभृति पुत्रक। त्रिषु लोकेषु विख्यातो भविष्यामि न संशयः॥

aṁgāreśvaranāmāhamadyaprabhṛti putraka| triṣu lokeṣu vikhyāto bhaviṣyāmi na saṁśayaḥ||

'हे पुत्रक, आज से मैं अंगारेश्वर नाम धारण करूँगा; मैं तीनों लोकों में विख्यात हो जाऊँगा — इसमें कोई संशय नहीं है।'

श्लोक 34 (skanda.5.114.34)

ये मां पश्यंति सततं संगमेऽत्र व्यवस्थितम्। न तेषां पुनरावृत्तिर्भविष्यति महीतले॥

ye māṁ paśyaṁti satataṁ saṁgame'tra vyavasthitam| na teṣāṁ punarāvṛttirbhaviṣyati mahītale||

'जो लोग यहाँ संगम में स्थित मुझे निरन्तर देखते हैं, उनके लिए पृथ्वी पर पुनरावृत्ति नहीं होगी।'

श्लोक 35 (skanda.5.114.35)

ये मां संपूजयिष्यंति ह्यंगारकदिने नराः। कलौ युगे कृतार्थास्ते भविष्यंति न संशयः॥

ye māṁ saṁpūjayiṣyaṁti hyaṁgārakadine narāḥ| kalau yuge kṛtārthāste bhaviṣyaṁti na saṁśayaḥ||

'जो मनुष्य अंगारक दिवस (मंगलवार) को मेरी पूजा करेंगे, वे कलियुग में कृतार्थ होंगे — इसमें कोई संशय नहीं है।'

श्लोक 36 (skanda.5.114.36)

चतुर्थ्यां मंगलदिने ये मां पश्यंति सुव्रताः। न ते यास्यंति संसारे घोरे दुःखशताकुले॥

caturthyāṁ maṁgaladine ye māṁ paśyaṁti suvratāḥ| na te yāsyaṁti saṁsāre ghore duḥkhaśatākule||

'जो सुव्रत पुरुष चतुर्थी को, मंगलवार के दिन, मुझे देखते हैं, वे सैकड़ों दुःखों से भरे भयंकर संसार में नहीं जाएँगे।'

श्लोक 37 (skanda.5.114.37)

अमावास्या च भौमश्च संयोगो दृश्यते यदा। खगर्त्तायाश्च शिप्रायाः संगमे देवपूजिते॥

amāvāsyā ca bhaumaśca saṁyogo dṛśyate yadā| khagarttāyāśca śiprāyāḥ saṁgame devapūjite||

'जब अमावस्या और मंगलवार का संयोग होता है, देवपूजित खगर्ता-शिप्रा संगम पर,'

श्लोक 38 (skanda.5.114.38)

स्नात्वा तदा प्रपश्यंति मामत्रैव व्यवस्थितम्। तेषां पुण्यफलं देवि समासाच्छृणु सांप्रतम्॥

snātvā tadā prapaśyaṁti māmatraiva vyavasthitam| teṣāṁ puṇyaphalaṁ devi samāsācchṛṇu sāṁpratam||

'तब स्नान करके वे मुझे वहीं स्थित देखते हैं; हे देवि, उनके पुण्यफल को अब संक्षेप में सुनो।'

श्लोक 39 (skanda.5.114.39)

वाराणस्यां प्रयागे च कुरुक्षेत्रे च यत्फलम्। गयायां पुष्करे प्रोक्तं तत्पुण्यमधिकं भवेत्॥

vārāṇasyāṁ prayāge ca kurukṣetre ca yatphalam| gayāyāṁ puṣkare proktaṁ tatpuṇyamadhikaṁ bhavet||

'वाराणसी, प्रयाग, कुरुक्षेत्र, गया और पुष्कर में जो फल कहा गया है, वह पुण्य यहाँ उससे भी अधिक होता है।'

श्लोक 40 (skanda.5.114.40)

एष ते कथितो देवि प्रभावः पापनाशनः। अंगारेश्वरदेवस्य श्रूयतामुत्तरेश्वरम्॥

eṣa te kathito devi prabhāvaḥ pāpanāśanaḥ| aṁgāreśvaradevasya śrūyatāmuttareśvaram||

हे देवि, यह देव अंगारेश्वर का पापनाशक प्रभाव तुम्हें बताया गया; अब उत्तरेश्वर के विषय में सुनो।