उत्तरेश्वर माहात्म्य वर्णन

श्लोक 1 (skanda.5.115.1)

ईश्वर उवाच। चत्वारिंशत्तमं विद्धि चतुर्भिरधिकं परम्। यस्य दर्शनमात्रेण समीहितफलं लभेत्। उत्तरेशमिति ख्यातं समीहितफलप्रदम्॥

īśvara uvāca| catvāriṁśattamaṁ viddhi caturbhiradhikaṁ param| yasya darśanamātreṇa samīhitaphalaṁ labhet| uttareśamiti khyātaṁ samīhitaphalapradam||

ईश्वर ने कहा—हे परमे, चवालीसवें को जानो, जिसके दर्शनमात्र से इच्छित फल प्राप्त होता है — जो उत्तरेश नाम से विख्यात और इच्छित फल का दाता है।

श्लोक 2 (skanda.5.115.2)

पुरा नियुक्ताः शक्रेण ये मेघा वृष्टिकारकाः। तैः प्लावितं जगत्सर्वं सपर्वतमहीतलम्॥

purā niyuktāḥ śakreṇa ye meghā vṛṣṭikārakāḥ| taiḥ plāvitaṁ jagatsarvaṁ saparvatamahītalam||

पूर्वकाल में शक्र द्वारा वर्षा करने वाले मेघ नियुक्त किए गए थे; उनके द्वारा पर्वतसहित सम्पूर्ण पृथ्वीतल जलमग्न हो गया।

श्लोक 3 (skanda.5.115.3)

एकार्णवे ततो जाते देवा भीता वरानने। निःस्वाध्यायवषट्काराः स्वधास्वाहाविवर्जिताः॥

ekārṇave tato jāte devā bhītā varānane| niḥsvādhyāyavaṣaṭkārāḥ svadhāsvāhāvivarjitāḥ||

तब जब वह एक ही समुद्ररूप हो गया, हे वरानने, देवता भयभीत हो उठे, स्वाध्याय और वषट्कार से रहित, स्वधा-स्वाहा से वंचित हो गए।

श्लोक 4 (skanda.5.115.4)

नैवाप्यायनमस्माकं विना होमेन जायते। वयमाप्यायिता विप्रैर्यज्ञभागैर्यथोचितैः॥

naivāpyāyanamasmākaṁ vinā homena jāyate| vayamāpyāyitā viprairyajñabhāgairyathocitaiḥ||

'हमारा पोषण होम के बिना कदापि नहीं होता; हम ब्राह्मणों द्वारा यथोचित यज्ञभागों से पोषित होते हैं।'

श्लोक 5 (skanda.5.115.5)

तेषां वयं प्रयच्छामः कामान्यज्ञादिपूजिताः। नास्ति तत्सर्वमेवैतदन्योन्यमवदन्सुराः॥

teṣāṁ vayaṁ prayacchāmaḥ kāmānyajñādipūjitāḥ| nāsti tatsarvamevaitadanyonyamavadansurāḥ||

'उन्हें हम यज्ञादि से पूजित होकर कामनाएँ प्रदान करते हैं; अब वह सब नष्ट हो गया' — इस प्रकार देवताओं ने आपस में कहा।

श्लोक 6 (skanda.5.115.6)

दृष्ट्वा पृथ्वीं जले मग्नां ब्रह्माणं शरणं गताः। कथयामासुरत्युग्रं नमस्कृत्य पितामहम्॥

dṛṣṭvā pṛthvīṁ jale magnāṁ brahmāṇaṁ śaraṇaṁ gatāḥ| kathayāmāsuratyugraṁ namaskṛtya pitāmaham||

पृथ्वी को जल में डूबा देखकर उन्होंने ब्रह्मा की शरण ली; पितामह को प्रणाम करके उन्होंने यह अत्यन्त भयंकर बात बताई।

श्लोक 7 (skanda.5.115.7)

एकार्णवा मही जाता विनष्टाः क्रतवः प्रभो। निःस्वाध्यायवषट्कारं जगज्जातं पितामह॥

ekārṇavā mahī jātā vinaṣṭāḥ kratavaḥ prabho| niḥsvādhyāyavaṣaṭkāraṁ jagajjātaṁ pitāmaha||

'हे प्रभो, पृथ्वी एक समुद्ररूप हो गई है; यज्ञ नष्ट हो गए हैं; हे पितामह, जगत् स्वाध्याय और वषट्कार से रहित हो गया है।'

श्लोक 8 (skanda.5.115.8)

देवानां वचनं श्रुत्वा ब्रह्मा लोकपितामहः। मुहूर्त्तं चिंतयामास किमेतदिति विस्मितः॥

devānāṁ vacanaṁ śrutvā brahmā lokapitāmahaḥ| muhūrttaṁ ciṁtayāmāsa kimetaditi vismitaḥ||

देवताओं का यह वचन सुनकर लोकपितामह ब्रह्मा विस्मित होकर क्षणभर विचार करने लगे, 'यह क्या हुआ?'

श्लोक 9 (skanda.5.115.9)

अकाले प्रलयः कस्मान्निमग्ना पृथिवी जले। गता सृष्टिर्मदीया तु व्यर्थं जातं वचो मम॥

akāle pralayaḥ kasmānnimagnā pṛthivī jale| gatā sṛṣṭirmadīyā tu vyarthaṁ jātaṁ vaco mama||

'यह अकाल-प्रलय क्यों हुआ? पृथ्वी जल में क्यों डूब गई? मेरी सृष्टि नष्ट हो गई; मेरा वचन ही व्यर्थ हो गया।'

श्लोक 10 (skanda.5.115.10)

इति संचिंत्य हृदये सस्मार बलसूदनम्। स्मृतमात्रस्तु बलहा ह्याजगाम पितामहम्॥

iti saṁciṁtya hṛdaye sasmāra balasūdanam| smṛtamātrastu balahā hyājagāma pitāmaham||

हृदय में ऐसा विचार करके उन्होंने बलसूदन का स्मरण किया; स्मरण करते ही बलहा पितामह के पास आ गए।

श्लोक 11 (skanda.5.115.11)

प्रोवाच वचनं श्रुत्वा नमस्कृत्य पितामहम्। स्मृतोऽहं केन कार्येण देह्याज्ञां मे पितामह॥

provāca vacanaṁ śrutvā namaskṛtya pitāmaham| smṛto'haṁ kena kāryeṇa dehyājñāṁ me pitāmaha||

उनका वचन सुनकर और पितामह को प्रणाम करके उसने कहा—'किस कार्य के लिए मुझे स्मरण किया गया? हे पितामह, मुझे आज्ञा दीजिए।'

श्लोक 12 (skanda.5.115.12)

ब्रह्मणोक्तस्तदा शक्रः किमर्थं प्लाविता मही। असंबद्धैस्त्वदीयैश्च मेघैः किं सहसा कृतम्॥

brahmaṇoktastadā śakraḥ kimarthaṁ plāvitā mahī| asaṁbaddhaistvadīyaiśca meghaiḥ kiṁ sahasā kṛtam||

तब ब्रह्मा ने शक्र से पूछा—'पृथ्वी क्यों जलमग्न कर दी गई? तुम्हारे अनियंत्रित मेघों ने यह सहसा क्या कर डाला?'

श्लोक 13 (skanda.5.115.13)

ततः सर्वे समाहूता मेघाः शक्रेण पार्वति। पितामहसमक्षं तु समायाताश्च तत्क्षणात्॥

tataḥ sarve samāhūtā meghāḥ śakreṇa pārvati| pitāmahasamakṣaṁ tu samāyātāśca tatkṣaṇāt||

हे पार्वती, तब शक्र ने सभी मेघों को बुलाया, और वे उसी क्षण पितामह के समक्ष आ पहुँचे।

श्लोक 14 (skanda.5.115.14)

पितामहेन शक्रेण मर्यादा च कृता तदा। गजोनाम महामेघः पूर्वस्यां दिशि निर्मितः॥

pitāmahena śakreṇa maryādā ca kṛtā tadā| gajonāma mahāmeghaḥ pūrvasyāṁ diśi nirmitaḥ||

तब पितामह और शक्र ने एक मर्यादा निश्चित की; गज नामक महामेघ को पूर्व दिशा में नियुक्त किया गया,

श्लोक 15 (skanda.5.115.15)

गजाकारैस्ततो मेघैः सहस्रैर्दशभिर्वृतः। गवयो दक्षिणामाशां षट्सहस्राधिपः कृतः॥

gajākāraistato meghaiḥ sahasrairdaśabhirvṛtaḥ| gavayo dakṣiṇāmāśāṁ ṣaṭsahasrādhipaḥ kṛtaḥ||

जो गजाकार दस सहस्र मेघों से घिरा हुआ था; गवय को दक्षिण दिशा में छह सहस्र मेघों का अधिपति बनाया गया।

श्लोक 16 (skanda.5.115.16)

शरभः पश्चिमामाशां सहस्राधिपतिः कृतः। उत्तरोनाम यो मेघो मेघैः कोटिभिरावृतः॥

śarabhaḥ paścimāmāśāṁ sahasrādhipatiḥ kṛtaḥ| uttaronāma yo megho meghaiḥ koṭibhirāvṛtaḥ||

शरभ को पश्चिम दिशा में सहस्र मेघों का अधिपति बनाया गया; उत्तर नामक मेघ, जो करोड़ों मेघों से घिरा हुआ था,

श्लोक 17 (skanda.5.115.17)

उत्तरस्यां दिशि तदा प्रभुत्वे संप्रतिष्ठितः। मर्यादा च कृता देवि ब्रह्मणा वासवेन तु॥

uttarasyāṁ diśi tadā prabhutve saṁpratiṣṭhitaḥ| maryādā ca kṛtā devi brahmaṇā vāsavena tu||

उत्तर दिशा में प्रभुत्व में प्रतिष्ठित किया गया; और हे देवि, ब्रह्मा तथा वासव द्वारा एक मर्यादा निश्चित की गई—

श्लोक 18 (skanda.5.115.18)

प्रावृट्काले च वर्षध्वं नक्षत्रैर्जलजैद्रुतम्। आर्द्रादिस्वातिपर्यंतं नक्षत्रदशकं स्मृतम्॥

prāvṛṭkāle ca varṣadhvaṁ nakṣatrairjalajaidrutam| ārdrādisvātiparyaṁtaṁ nakṣatradaśakaṁ smṛtam||

'वर्षाकाल में जलजात नक्षत्रों के अनुसार तुम शीघ्र वर्षा करोगे; आर्द्रा से लेकर स्वाति तक के दस नक्षत्र इसके लिए निर्धारित माने गए हैं।'

श्लोक 19 (skanda.5.115.19)

ब्रह्मशक्रवचः श्रुत्वा तथेति कृतनिश्चयाः। ववृषुर्नियते काले तन्नामानि भवंति हि॥

brahmaśakravacaḥ śrutvā tatheti kṛtaniścayāḥ| vavṛṣurniyate kāle tannāmāni bhavaṁti hi||

ब्रह्मा और शक्र के वचन सुनकर 'ऐसा ही हो' का निश्चय करके उन्होंने नियत समय पर वर्षा की; वही उनके नाम बन गए।

श्लोक 20 (skanda.5.115.20)

एवं व्यवस्थिते लोके मर्यादायां स्थिता घनाः। ब्राह्मणा विज्वरा जातास्त्रिदशा मुदिता भृशम्॥

evaṁ vyavasthite loke maryādāyāṁ sthitā ghanāḥ| brāhmaṇā vijvarā jātāstridaśā muditā bhṛśam||

इस प्रकार जगत् व्यवस्थित हो जाने पर मेघ मर्यादा में स्थित रहे; ब्राह्मण ज्वररहित (निश्चिन्त) हो गए और देवता अत्यन्त प्रसन्न हुए।

श्लोक 21 (skanda.5.115.21)

क्रूरग्रहैरथो रुद्धास्ते मेघा वृष्टिकारकाः। शनैश्चरेण भौमेन भास्करेणाथ केतुना॥

krūragrahairatho ruddhāste meghā vṛṣṭikārakāḥ| śanaiścareṇa bhaumena bhāskareṇātha ketunā||

तब क्रूर ग्रहों द्वारा — शनैश्चर, भौम, भास्कर तथा केतु द्वारा — वे वर्षा करने वाले मेघ अवरुद्ध हो गए,

श्लोक 22 (skanda.5.115.22)

पीडिताः शरणं जग्मुर्वासवं भयविह्वलाः। निवेदितं भयात्सर्वं नमस्कृत्य पुनःपुनः॥

pīḍitāḥ śaraṇaṁ jagmurvāsavaṁ bhayavihvalāḥ| niveditaṁ bhayātsarvaṁ namaskṛtya punaḥpunaḥ||

पीड़ित होकर भयविह्वल हो वे वासव की शरण गए; बार-बार प्रणाम करते हुए उन्होंने अपना सारा भय निवेदन किया।

श्लोक 23 (skanda.5.115.23)

मेघानां वचनं श्रुत्वा संत्रस्तो वासवस्तदा। उवाच वचनं तेषां नाहं शक्तो निवारणे। ग्रहाणामसमर्थोऽहं सर्वदैव पयोधराः॥

meghānāṁ vacanaṁ śrutvā saṁtrasto vāsavastadā| uvāca vacanaṁ teṣāṁ nāhaṁ śakto nivāraṇe| grahāṇāmasamartho'haṁ sarvadaiva payodharāḥ||

मेघों का वचन सुनकर तब भयभीत वासव ने उनसे कहा—'हे पयोधरो, मैं इसे रोकने में समर्थ नहीं हूँ; मैं सदा ही ग्रहों के आगे असमर्थ हूँ।'

श्लोक 24 (skanda.5.115.24)

अहं राज्यात्परिभ्रष्टः कृतः क्रूरग्रहैः पुरा। स्थापितोऽहं कदाचिच्च सुप्रसन्नैर्ग्रहैः पदे॥

ahaṁ rājyātparibhraṣṭaḥ kṛtaḥ krūragrahaiḥ purā| sthāpito'haṁ kadācicca suprasannairgrahaiḥ pade||

'मैं पूर्वकाल में क्रूर ग्रहों द्वारा राज्य से भ्रष्ट कर दिया गया था; और किसी समय अनुकूल ग्रहों की कृपा से ही मुझे पद पर पुनर्स्थापित किया गया।'

श्लोक 25 (skanda.5.115.25)

मम मान्याश्च पूज्याश्च ग्रहा एव यतोधिकाः। ग्रहाः सर्वहराः प्रोक्ता इति मे वर्त्तते मतिः॥

mama mānyāśca pūjyāśca grahā eva yatodhikāḥ| grahāḥ sarvaharāḥ proktā iti me varttate matiḥ||

'चूँकि ग्रह ही मेरे लिए अधिक मान्य और पूज्य हैं, मेरा यह मत है कि ग्रह ही सर्वहर्ता कहे गए हैं।'

श्लोक 26 (skanda.5.115.26)

एतस्मिन्नंतरे भूमौ संजाता शतवार्षिकी। अनावृष्टिर्महारौद्रा सर्वप्राणिविनाशिनी॥

etasminnaṁtare bhūmau saṁjātā śatavārṣikī| anāvṛṣṭirmahāraudrā sarvaprāṇivināśinī||

इसी बीच पृथ्वी पर सौ वर्षों तक चलने वाला महाभयंकर, सर्वप्राणिनाशक अनावृष्टि उत्पन्न हो गई।

श्लोक 27 (skanda.5.115.27)

अस्थिकंकालशकला श्वेतपर्वतसन्निभा। पृथिवी तत्क्षणाज्जाता विना तोयेन पार्वति॥

asthikaṁkālaśakalā śvetaparvatasannibhā| pṛthivī tatkṣaṇājjātā vinā toyena pārvati||

हे पार्वती, पृथ्वी उसी क्षण जल के बिना अस्थि-कंकाल के टुकड़ों जैसी, श्वेत पर्वत के समान हो गई।

श्लोक 28 (skanda.5.115.28)

देवाः सर्वे पुनर्भीता ब्रह्माणं शरणं गताः। ऊचुश्च प्रणताः सर्वे त्राहि नः शरणागतान्॥

devāḥ sarve punarbhītā brahmāṇaṁ śaraṇaṁ gatāḥ| ūcuśca praṇatāḥ sarve trāhi naḥ śaraṇāgatān||

सभी देवता पुनः भयभीत होकर ब्रह्मा की शरण गए, और प्रणत होकर सबने कहा—'शरण में आए हम सबकी रक्षा करो!'

श्लोक 29 (skanda.5.115.29)

अनावृष्ट्या जगत्सर्वं पीडितं च पितामह। अकाले प्रलयो जातः पुनरेव च तादृशः॥

anāvṛṣṭyā jagatsarvaṁ pīḍitaṁ ca pitāmaha| akāle pralayo jātaḥ punareva ca tādṛśaḥ||

'हे पितामह, सम्पूर्ण जगत् अनावृष्टि से पीड़ित है; पुनः वैसा ही अकाल-प्रलय उत्पन्न हो गया है।'

श्लोक 30 (skanda.5.115.30)

त्वया च वासवेनैव नियुक्ता ये पयोधराः। क्रूरग्रहैरतीवोग्रैः पीडितास्ते पितामह॥

tvayā ca vāsavenaiva niyuktā ye payodharāḥ| krūragrahairatīvograiḥ pīḍitāste pitāmaha||

'हे पितामह, तुम्हारे और स्वयं वासव के द्वारा नियुक्त किए गए वे ही मेघ अत्यन्त उग्र क्रूर ग्रहों द्वारा पीड़ित हो गए हैं।'

श्लोक 31 (skanda.5.115.31)

देवानां वचनं श्रुत्वा ब्रह्मा लोकपितामहः। अहं बिभेमि भो देवा ग्रहैस्तैर्बलवत्तरैः॥

devānāṁ vacanaṁ śrutvā brahmā lokapitāmahaḥ| ahaṁ bibhemi bho devā grahaistairbalavattaraiḥ||

देवताओं का वचन सुनकर लोकपितामह ब्रह्मा ने कहा—'हे देवो, मैं भी उन अत्यन्त बलवान् ग्रहों से भयभीत हूँ।'

श्लोक 32 (skanda.5.115.32)

सर्वं जानामि माहात्म्यं ग्रहाणां क्रूरचेतसाम्। शनैश्चरेण वक्रेण भवंतः पीडिताः सदा॥

sarvaṁ jānāmi māhātmyaṁ grahāṇāṁ krūracetasām| śanaiścareṇa vakreṇa bhavaṁtaḥ pīḍitāḥ sadā||

'मैं क्रूरचित्त ग्रहों के सम्पूर्ण माहात्म्य को जानता हूँ; वक्री शनैश्चर द्वारा तुम सदा पीड़ित रहते हो;'

श्लोक 33 (skanda.5.115.33)

वरुणो यादसां नाथो मंगलेन प्रपीडितः। राज्यभ्रष्टस्तु बहुधा केतुना वासवः कृतः॥

varuṇo yādasāṁ nātho maṁgalena prapīḍitaḥ| rājyabhraṣṭastu bahudhā ketunā vāsavaḥ kṛtaḥ||

'जलचरों के स्वामी वरुण मंगल द्वारा अत्यन्त पीड़ित हुए; वासव अनेक बार केतु द्वारा राज्यभ्रष्ट किया गया।'

श्लोक 34 (skanda.5.115.34)

शिरश्छेदो मया प्राप्तो वक्रेण रविणा पुरा। एकैकशः समर्थास्ते किं पुनः संघशस्त्वमी। तस्मात्सर्वे महादेवं गच्छामः शरणं वयम्॥

śiraśchedo mayā prāpto vakreṇa raviṇā purā| ekaikaśaḥ samarthāste kiṁ punaḥ saṁghaśastvamī| tasmātsarve mahādevaṁ gacchāmaḥ śaraṇaṁ vayam||

'मेरा भी सिर एक बार वक्री सूर्य द्वारा काट दिया गया था; जब वे अकेले-अकेले भी समर्थ हैं, तो संगठित होकर ये क्या नहीं कर सकते? अतः हम सब महादेव की शरण चलें।'

श्लोक 35 (skanda.5.115.35)

ब्रह्मणो वचनं श्रुत्वा सर्वे देवाः सवासवाः। ब्रह्माणं च पुरस्कृत्य मामव शरणं गताः॥

brahmaṇo vacanaṁ śrutvā sarve devāḥ savāsavāḥ| brahmāṇaṁ ca puraskṛtya māmava śaraṇaṁ gatāḥ||

ब्रह्मा का यह वचन सुनकर सभी देवता, वासव सहित, ब्रह्मा को आगे करके मेरी शरण में आए।

श्लोक 36 (skanda.5.115.36)

उक्तोऽहं त्रिदशैः सर्वैः पाहि नः शरणागतान्। त्वं नो धाता विधाता च सृष्टिसंहारकारकः॥

ukto'haṁ tridaśaiḥ sarvaiḥ pāhi naḥ śaraṇāgatān| tvaṁ no dhātā vidhātā ca sṛṣṭisaṁhārakārakaḥ||

मुझसे सभी देवताओं ने कहा—'शरणागत हम सबकी रक्षा करो; तुम ही हमारे धाता और विधाता हो, सृष्टि और संहार करने वाले हो।'

श्लोक 37 (skanda.5.115.37)

क्रूरग्रहैर्महादेव रुद्धा मेघाः समंततः। न कुर्वंति प्रभो वृष्टिमनावृष्टिः सुदारुणा। सर्वप्राणिविनाशाय संजाता शतवार्षिकी॥

krūragrahairmahādeva ruddhā meghāḥ samaṁtataḥ| na kurvaṁti prabho vṛṣṭimanāvṛṣṭiḥ sudāruṇā| sarvaprāṇivināśāya saṁjātā śatavārṣikī||

'हे महादेव, मेघ चारों ओर से क्रूर ग्रहों द्वारा अवरुद्ध हैं; हे प्रभो, वे वर्षा नहीं करते; सम्पूर्ण प्राणियों के विनाश के लिए सौ वर्षों तक चलने वाली अत्यन्त भयंकर अनावृष्टि उत्पन्न हुई है।'

श्लोक 38 (skanda.5.115.38)

तेषां तद्वचनं श्रुत्वा मया ज्ञातं वरानने। क्रूरग्रहाणां सामर्थ्यं यथा च विदितं मम॥

teṣāṁ tadvacanaṁ śrutvā mayā jñātaṁ varānane| krūragrahāṇāṁ sāmarthyaṁ yathā ca viditaṁ mama||

उनका वह वचन सुनकर, हे वरानने, मैंने क्रूर ग्रहों के सामर्थ्य को जान लिया, जैसा मुझे विदित हुआ।

श्लोक 39 (skanda.5.115.39)

इति ज्ञात्वा महादेवि उपायश्चिंतितो मया। उत्तरो नाम यो मेघो मेघैः कोटिभिरावृतः। आहूतस्तत्क्षणात्प्राप्तः किं करोमीत्युवाच ह॥

iti jñātvā mahādevi upāyaściṁtito mayā| uttaro nāma yo megho meghaiḥ koṭibhirāvṛtaḥ| āhūtastatkṣaṇātprāptaḥ kiṁ karomītyuvāca ha||

यह जानकर, हे महादेवि, मेरे द्वारा एक उपाय सोचा गया; करोड़ों मेघों से घिरे हुए उत्तर नामक मेघ को बुलाया गया; वह उसी क्षण उपस्थित होकर बोला—'मैं क्या करूँ?'

श्लोक 40 (skanda.5.115.40)

मया प्रोक्तो ममादेशाद्गच्छ त्वं घनसंयुतः। महाकालवनं रम्यं वांछितार्थफलप्रदम्॥

mayā prokto mamādeśādgaccha tvaṁ ghanasaṁyutaḥ| mahākālavanaṁ ramyaṁ vāṁchitārthaphalapradam||

मैंने उससे कहा—'मेरी आज्ञा से मेघों सहित उस रमणीय, इच्छित फल के दाता महाकालवन को जाओ;'

श्लोक 41 (skanda.5.115.41)

गंगेश्वरस्य देवस्य दक्षिणे लिंगमुत्तमम्। तमाराधय यत्नेन स ते दास्यति वांछितम्॥

gaṁgeśvarasya devasya dakṣiṇe liṁgamuttamam| tamārādhaya yatnena sa te dāsyati vāṁchitam||

'देव गंगेश्वर के दक्षिण में एक उत्तम लिंग है; उसकी प्रयत्नपूर्वक आराधना करो, वह तुम्हें इच्छित वस्तु प्रदान करेगा।'

श्लोक 42 (skanda.5.115.42)

एवमुक्तो मया मेघ उत्तरो मेघसंयुतः। जगाम त्वरया युक्तो महाकालवनोत्तमे॥

evamukto mayā megha uttaro meghasaṁyutaḥ| jagāma tvarayā yukto mahākālavanottame||

मेरे द्वारा ऐसा कहे जाने पर मेघ उत्तर, मेघों सहित, शीघ्रतापूर्वक उत्तम महाकालवन को गया।

श्लोक 43 (skanda.5.115.43)

दृष्ट्वा वृष्टिकरं लिंगं पूजयामास भक्तितः। शिप्राजलं गृहीत्वा तु स्नात्वा स्नात्वा प्रयत्नतः। तावद्यावज्जलं शिप्रां पुनरेवागतं प्रिये॥

dṛṣṭvā vṛṣṭikaraṁ liṁgaṁ pūjayāmāsa bhaktitaḥ| śiprājalaṁ gṛhītvā tu snātvā snātvā prayatnataḥ| tāvadyāvajjalaṁ śiprāṁ punarevāgataṁ priye||

उस वर्षा करने वाले लिंग को देखकर उसने भक्तिपूर्वक उसकी पूजा की; शिप्रा का जल लेकर उसने प्रयत्नपूर्वक बार-बार स्नान किया — हे प्रिये, जितना भी शिप्रा का जल प्रयोग होता, वह पुनः वापस आ जाता।

श्लोक 44 (skanda.5.115.44)

एतस्मिन्नंतरे तस्मादुद्भूतं धूममंडलम्। लिंगमध्याद्वरारोहे ज्वालामालाकुलं महत्॥

etasminnaṁtare tasmādudbhūtaṁ dhūmamaṁḍalam| liṁgamadhyādvarārohe jvālāmālākulaṁ mahat||

इसी बीच, हे वरारोहे, उस लिंग से एक विशाल धूम्रमण्डल उठा, जो ज्वाला-मालाओं से भरा हुआ था।

श्लोक 45 (skanda.5.115.45)

ततो ज्वालामयं सर्वमभूदम्बरगोचरम्। तस्य ज्वालासमूहेन दग्धं वै ग्रहमंडलम्॥

tato jvālāmayaṁ sarvamabhūdambaragocaram| tasya jvālāsamūhena dagdhaṁ vai grahamaṁḍalam||

तब आकाशगोचर सब कुछ ज्वालामय हो गया; उस ज्वाला-समूह से सम्पूर्ण ग्रहमण्डल दग्ध हो गया,

श्लोक 46 (skanda.5.115.46)

सनक्षत्रपथं यावत्ततो भीता ग्रहाः प्रिये। तमेव शरणं प्राप्ता धूमज्वालाकुलाननाः॥

sanakṣatrapathaṁ yāvattato bhītā grahāḥ priye| tameva śaraṇaṁ prāptā dhūmajvālākulānanāḥ||

नक्षत्रपथ तक; तब हे प्रिये, भयभीत ग्रह, जिनके मुख धूम और ज्वाला से आच्छन्न थे, उसी की शरण में आ गए।

श्लोक 47 (skanda.5.115.47)

ततो ब्रह्मा च विष्णुश्च तद्दृष्ट्वा महदद्भुतम्। देवैर्वृतः सहस्राक्षो लिंगांतिकमुपागतः॥

tato brahmā ca viṣṇuśca taddṛṣṭvā mahadadbhutam| devairvṛtaḥ sahasrākṣo liṁgāṁtikamupāgataḥ||

तब ब्रह्मा और विष्णु ने उस महान् आश्चर्य को देखकर, देवताओं सहित सहस्राक्ष इन्द्र के साथ लिंग के समीप पहुँचे।

श्लोक 48 (skanda.5.115.48)

तल्लिंगं सुमहाज्वालं ज्वालाभिः पूरितांबरम्। दुःप्रेक्ष्यं दुर्विदं भीमं वर्द्धमानं ददर्श सः॥

talliṁgaṁ sumahājvālaṁ jvālābhiḥ pūritāṁbaram| duḥprekṣyaṁ durvidaṁ bhīmaṁ varddhamānaṁ dadarśa saḥ||

उसने उस लिंग को देखा, जो अत्यन्त विशाल ज्वाला वाला, आकाश को ज्वालाओं से भरने वाला, दुष्प्रेक्ष्य, दुर्बोध्य, भीषण और निरन्तर बढ़ता जा रहा था।

श्लोक 49 (skanda.5.115.49)

अक्ष्णोर्निमेषमात्रेण ववृधे योजनायुतम्। दृष्ट्वा तु वर्द्धमानस्य लिंगस्यात्यद्भुताकृतिम्। सुरेशो मोहमापन्नो विसंज्ञाश्च ग्रहास्तदा॥

akṣṇornimeṣamātreṇa vavṛdhe yojanāyutam| dṛṣṭvā tu varddhamānasya liṁgasyātyadbhutākṛtim| sureśo mohamāpanno visaṁjñāśca grahāstadā||

पलक झपकते ही वह दस सहस्र योजन बढ़ गया; उस बढ़ते हुए लिंग के अत्यन्त अद्भुत रूप को देखकर देवेश्वर मोहग्रस्त हो गए और ग्रह बेसुध हो गए।

श्लोक 50 (skanda.5.115.50)

ततस्तु तस्य लिंगस्य वारिधारा विनिःसृताः। एकोद्देशाद्वरारोहे धरा त्वेकार्णवीकृता॥

tatastu tasya liṁgasya vāridhārā viniḥsṛtāḥ| ekoddeśādvarārohe dharā tvekārṇavīkṛtā||

तब उस लिंग से जलधाराएँ प्रवाहित हुईं; हे वरारोहे, एक ओर से पृथ्वी एक ही समुद्र में बदल गई।

श्लोक 51 (skanda.5.115.51)

लिंगस्यान्यप्रदेशात्तु वायुः समभवन्महान्। इतरस्मिन्प्रदेशे तु समूहस्तडितामभूत्॥

liṁgasyānyapradeśāttu vāyuḥ samabhavanmahān| itarasminpradeśe tu samūhastaḍitāmabhūt||

लिंग के दूसरे भाग से एक प्रचण्ड वायु उत्पन्न हुई; एक अन्य भाग में विद्युतों का समूह उत्पन्न हो गया।

श्लोक 52 (skanda.5.115.52)

सधूमा समभूज्ज्वाला लिंगस्यान्यप्रदेशतः॥

sadhūmā samabhūjjvālā liṁgasyānyapradeśataḥ||

लिंग के एक और भाग से धूमयुक्त ज्वाला उत्पन्न हुई।

श्लोक 53 (skanda.5.115.53)

एवमत्यद्भुतं दृष्ट्वा वर्द्धमानं समंततः। लिङ्गमव्यक्तमुद्भूतमापूरितनभोऽन्तरम्॥

evamatyadbhutaṁ dṛṣṭvā varddhamānaṁ samaṁtataḥ| liṅgamavyaktamudbhūtamāpūritanabho'ntaram||

इस प्रकार चारों ओर बढ़ते हुए, उद्भूत, आकाश के अन्तराल को भरने वाले उस अत्यन्त अद्भुत, अव्यक्त लिंग को देखकर,

श्लोक 54 (skanda.5.115.54)

ग्रहाश्च विह्वला जाता धूमेनाकुलितेन्द्रियाः। तुष्टुवुश्च तदा लिंगं दह्यमानाः समंततः॥

grahāśca vihvalā jātā dhūmenākulitendriyāḥ| tuṣṭuvuśca tadā liṁgaṁ dahyamānāḥ samaṁtataḥ||

ग्रह विह्वल हो गए, धूम से उनकी इन्द्रियाँ व्याकुल हो गईं; और तब चारों ओर से दग्ध होते हुए उन्होंने उस लिंग की स्तुति की।

श्लोक 55 (skanda.5.115.55)

ग्रहा ऊचुः। नमः सुरूपाय सुरार्चिताय नमो विरूपप्रकृतिक्रियाय। नमोनमो रूपनिराश्रयाय जलस्वरूपाय नमो नमस्ते॥

grahā ūcuḥ| namaḥ surūpāya surārcitāya namo virūpaprakṛtikriyāya| namonamo rūpanirāśrayāya jalasvarūpāya namo namaste||

ग्रहों ने कहा—'सुरूप को नमस्कार है, देवार्चित को नमस्कार है; विरूप प्रकृति-क्रिया वाले को नमस्कार है; रूपरहित आश्रय वाले को बारंबार नमस्कार है, जलस्वरूप को नमस्कार है, तुम्हें नमस्कार है।'

श्लोक 56 (skanda.5.115.56)

इति स्तुतो यदा देवि ग्रहैः क्रूरैस्तदा प्रिये। लिंगात्प्रादुरभूत्खस्थः स्वरूपो विग्रहाकृतिः॥

iti stuto yadā devi grahaiḥ krūraistadā priye| liṁgātprādurabhūtkhasthaḥ svarūpo vigrahākṛtiḥ||

हे देवि, इस प्रकार क्रूर ग्रहों द्वारा स्तुत होने पर, हे प्रिये, तब लिंग से आकाश में स्थित एक साकार रूप प्रकट हुआ,

श्लोक 57 (skanda.5.115.57)

भस्मधूसरसर्वांगो भोगिभोगांगदोज्ज्वलः। हिमराशिनिभाकारो रजताचलनिर्मलः। उवाच चैतान्प्रणतान्ग्रहान्कंपितकन्धरान्॥

bhasmadhūsarasarvāṁgo bhogibhogāṁgadojjvalaḥ| himarāśinibhākāro rajatācalanirmalaḥ| uvāca caitānpraṇatāngrahānkaṁpitakandharān||

जिसका सम्पूर्ण शरीर भस्म से धूसरित था, सर्पों के भोगों के आभूषणों से देदीप्यमान था, हिमराशि के समान आकृति वाला, रजतगिरि के समान निर्मल था; उसने काँपती हुई गर्दन से नत उन ग्रहों से कहा—

श्लोक 58 (skanda.5.115.58)

किं वा कामं मनोऽभीष्टं भवद्भ्यो यद्ददाम्यहम्। ममामोघमिदं सर्वं दर्शनं चातिदुर्लभम्॥

kiṁ vā kāmaṁ mano'bhīṣṭaṁ bhavadbhyo yaddadāmyaham| mamāmoghamidaṁ sarvaṁ darśanaṁ cātidurlabham||

'तुम्हारे मन का जो भी अभीष्ट हो, वह मैं तुम्हें दूँगा; मेरा यह दर्शन अमोघ और अत्यन्त दुर्लभ है।'

श्लोक 59 (skanda.5.115.59)

भवद्भ्यो लोकतुष्ट्यर्थं दर्शनं हि ददाम्यहम्। एवमुक्त्वा ग्रहाः सर्वे प्रोचुः प्रांजलयस्तदा॥

bhavadbhyo lokatuṣṭyarthaṁ darśanaṁ hi dadāmyaham| evamuktvā grahāḥ sarve procuḥ prāṁjalayastadā||

'लोक की तुष्टि के लिए मैं तुम्हें यह दर्शन देता हूँ।' ऐसा कहे जाने पर तब सभी ग्रहों ने हाथ जोड़कर कहा—

श्लोक 60 (skanda.5.115.60)

यदि देयो वरो देव यदि तुष्टोऽसि शंकर। कर्मारंभेषु सर्वेषु पूजाऽस्माकं यथा भवेत्। तथा कुरु महादेव तेन तृप्तिर्भविष्यति॥

yadi deyo varo deva yadi tuṣṭo'si śaṁkara| karmāraṁbheṣu sarveṣu pūjā'smākaṁ yathā bhavet| tathā kuru mahādeva tena tṛptirbhaviṣyati||

'हे देव, यदि वर देना हो, हे शंकर, यदि तुम प्रसन्न हो, तो हे महादेव, ऐसा करो कि सभी कर्मारम्भों में हमारी पूजा हो; उससे हमें तृप्ति प्राप्त होगी।'

श्लोक 61 (skanda.5.115.61)

एवं भविष्यतीत्युक्त्वा मेघं चोत्तरमुक्तवान्। तुष्टोऽस्म्यहं तु ते वत्स गृहाण वरमीप्सितम्॥

evaṁ bhaviṣyatītyuktvā meghaṁ cottaramuktavān| tuṣṭo'smyahaṁ tu te vatsa gṛhāṇa varamīpsitam||

'ऐसा ही होगा' — यह कहकर मैंने मेघ उत्तर से कहा—'हे वत्स, मैं तुमसे प्रसन्न हूँ; इच्छित वर ग्रहण करो।'

श्लोक 62 (skanda.5.115.62)

तच्छ्रुत्वा वचनं तत्र ह्युत्तरः प्राह हर्षितः। यन्मे तुष्टोऽसि भगवंस्तन्मह्यं दीयतां वरम्॥

tacchrutvā vacanaṁ tatra hyuttaraḥ prāha harṣitaḥ| yanme tuṣṭo'si bhagavaṁstanmahyaṁ dīyatāṁ varam||

वहाँ यह वचन सुनकर उत्तर ने हर्षपूर्वक कहा—'हे भगवन्, चूँकि आप मुझसे प्रसन्न हैं, वह वर मुझे दिया जाए—'

श्लोक 63 (skanda.5.115.63)

यदास्माकं महाबाधां कदा कोपि करिष्यति। तदा वृष्टिर्विधातब्या त्वया देव सदा भुवि॥

yadāsmākaṁ mahābādhāṁ kadā kopi kariṣyati| tadā vṛṣṭirvidhātabyā tvayā deva sadā bhuvi||

'जब कभी कोई हमें बड़ा कष्ट देगा, तब हे देव, तुम पृथ्वी पर सदा वर्षा कराना।'

श्लोक 64 (skanda.5.115.64)

रक्षा कार्या च मेघानां रक्षणीयास्त्वया वयम्। एवमस्त्विति तेनोक्तं लिंगेन नगगात्रजे॥

rakṣā kāryā ca meghānāṁ rakṣaṇīyāstvayā vayam| evamastviti tenoktaṁ liṁgena nagagātraje||

'मेघों की रक्षा करनी चाहिए; तुम्हें हमारी रक्षा करनी चाहिए।' हे नगगात्रजे, उस लिंग ने कहा—'ऐसा ही हो।'

श्लोक 65 (skanda.5.115.65)

अद्यप्रभृति ते नाम्ना ख्यातिं यास्यामि भूतले। उत्तरेश्वरसंज्ञोऽहं प्रभविष्यामि न संशयः॥

adyaprabhṛti te nāmnā khyātiṁ yāsyāmi bhūtale| uttareśvarasaṁjño'haṁ prabhaviṣyāmi na saṁśayaḥ||

'आज से मैं तुम्हारे ही नाम से पृथ्वी पर विख्यात होऊँगा; मैं उत्तरेश्वर नाम से प्रसिद्ध होऊँगा — इसमें कोई संशय नहीं है।'

श्लोक 66 (skanda.5.115.66)

ये मां संपूजयिष्यंति भक्त्या परमया युताः। तेषां दास्यामि सततं वांछितार्थफलं भुवि॥

ye māṁ saṁpūjayiṣyaṁti bhaktyā paramayā yutāḥ| teṣāṁ dāsyāmi satataṁ vāṁchitārthaphalaṁ bhuvi||

'जो मुझे परम भक्ति से युक्त होकर पूजेंगे, उन्हें मैं सदा पृथ्वी पर इच्छित वस्तु का फल प्रदान करूँगा।'

श्लोक 67 (skanda.5.115.67)

पश्यंति प्रयता ये मां कृत्वा नियमपूर्वकम्। ते यास्यंति पुरं शैवं यावत्कल्पाष्टकायुतम्॥

paśyaṁti prayatā ye māṁ kṛtvā niyamapūrvakam| te yāsyaṁti puraṁ śaivaṁ yāvatkalpāṣṭakāyutam||

'जो संयमी होकर, नियमपूर्वक मुझे देखते हैं, वे आठ हजार कल्पों तक शिवपुर को जाएँगे,'

श्लोक 68 (skanda.5.115.68)

आरूढाः सूर्यसंकाशैर्विमानैः सार्वकामिकैः। रुद्रकन्यासमाकीर्णैर्हंससारससंयुतैः॥

ārūḍhāḥ sūryasaṁkāśairvimānaiḥ sārvakāmikaiḥ| rudrakanyāsamākīrṇairhaṁsasārasasaṁyutaiḥ||

'सूर्य के समान तेजस्वी, सर्वकामनाप्रद विमानों पर आरूढ़ होकर, रुद्रकन्याओं से भरे हुए, हंस-सारसों से युक्त,'

श्लोक 69 (skanda.5.115.69)

नृत्यवादित्रनिर्घुष्टैरुत्कटध्वनिनादितैः। दोधूयमानैश्च नरैः स्तूयमानाः सुरासुरैः॥

nṛtyavāditranirghuṣṭairutkaṭadhvanināditaiḥ| dodhūyamānaiśca naraiḥ stūyamānāḥ surāsuraiḥ||

'नृत्य और वाद्यों के घोष से गूँजते हुए, प्रचण्ड ध्वनि से निनादित, पुरुषों द्वारा चँवर डुलाए जाते हुए, देवों और असुरों द्वारा स्तुत होते हुए।'

श्लोक 70 (skanda.5.115.70)

प्रसंगाद्भक्तिहीनोऽपि यो मां पश्यत्यशाठ्यतः। ऐश्वर्यं तस्य दास्यामि ह्युत्तरेषु कुरुष्वथ॥

prasaṁgādbhaktihīno'pi yo māṁ paśyatyaśāṭhyataḥ| aiśvaryaṁ tasya dāsyāmi hyuttareṣu kuruṣvatha||

'प्रसंगवश भक्तिहीन होते हुए भी जो निष्कपट भाव से मुझे देखता है, उसे मैं उत्तर कुरुओं में ऐश्वर्य प्रदान करूँगा।'

श्लोक 71 (skanda.5.115.71)

स्मरिष्यति च यो नित्यं प्रभाते चोत्तरेश्वरम्। स याति परमं स्थानं दाहप्रलयवर्जितम्॥

smariṣyati ca yo nityaṁ prabhāte cottareśvaram| sa yāti paramaṁ sthānaṁ dāhapralayavarjitam||

'और जो प्रतिदिन प्रातःकाल उत्तरेश्वर का स्मरण करेगा, वह प्रलय की अग्नि से रहित परम स्थान को प्राप्त होगा।'

श्लोक 72 (skanda.5.115.72)

एष ते कथितो देवि प्रभावः पापनाशनः। उत्तरेश्वरदेवस्य शृणु त्रिलोचनेश्वरम्॥

eṣa te kathito devi prabhāvaḥ pāpanāśanaḥ| uttareśvaradevasya śṛṇu trilocaneśvaram||

हे देवि, यह देव उत्तरेश्वर का पापनाशक प्रभाव तुम्हें बताया गया; अब त्रिलोचनेश्वर के विषय में सुनो।