त्रिलोचनेश्वर माहात्म्य वर्णन

श्लोक 1 (skanda.5.116.1)

श्रीदेवदेव उवाच। पंचचत्वारिकं विद्धि देवं त्रिलोचनेश्वरम्। यस्य दर्शनमात्रेण सर्वसिद्धिरवाप्यते॥

śrīdevadeva uvāca| paṁcacatvārikaṁ viddhi devaṁ trilocaneśvaram| yasya darśanamātreṇa sarvasiddhiravāpyate||

श्री देवदेव ने कहा—पैंतालीसवें देव त्रिलोचनेश्वर को जानो, जिसके दर्शनमात्र से समस्त सिद्धि प्राप्त होती है।

श्लोक 2 (skanda.5.116.2)

इतिहासमिहासीद्यत्पीठे विरजसंज्ञके। त्रिलोचनस्य प्रासादे मणिमाणिक्यनिर्मिते॥

itihāsamihāsīdyatpīṭhe virajasaṁjñake| trilocanasya prāsāde maṇimāṇikyanirmite||

यहाँ विरजस् नामक पीठ में जो इतिहास हुआ, वह त्रिलोचन के मणि-माणिक्य-निर्मित प्रासाद में घटित हुआ।

श्लोक 3 (skanda.5.116.3)

नानाभंगिगवाक्षाढ्ये रत्नसानाविवापरे। देदीप्यमानसौवर्णकलशेन विराजिते॥

nānābhaṁgigavākṣāḍhye ratnasānāvivāpare| dedīpyamānasauvarṇakalaśena virājite||

जो नाना प्रकार के सुन्दर गवाक्षों से युक्त, मानो एक और रत्नपर्वत हो, देदीप्यमान स्वर्णकलश से सुशोभित था।

श्लोक 4 (skanda.5.116.4)

पार्वणेन शशांकेन खेदादिव समासिते। तत्र पारावतद्वंद्वं वसत्स्वैरं कृतालयम्॥

pārvaṇena śaśāṁkena khedādiva samāsite| tatra pārāvatadvaṁdvaṁ vasatsvairaṁ kṛtālayam||

जो मानो पूर्णचन्द्र से भी थककर वहाँ बैठ गया हो। वहाँ एक कबूतर-युगल स्वच्छन्दतापूर्वक अपना घर बनाकर रहता था।

श्लोक 5 (skanda.5.116.5)

प्रातः सायं च मध्याह्ने कुर्वन्नित्यप्रदक्षिणम्। उड्डीयमानं परितः पक्षवातैरितस्ततः॥

prātaḥ sāyaṁ ca madhyāhne kurvannityapradakṣiṇam| uḍḍīyamānaṁ paritaḥ pakṣavātairitastataḥ||

वे प्रातः, सायं और मध्याह्न में नित्य प्रदक्षिणा करते हुए, चारों ओर पंखों की हवा से इधर-उधर उड़ते हुए,

श्लोक 6 (skanda.5.116.6)

रजःप्रासादसंलग्नं दूरीकुर्वद्दिशो दश। त्रिलोचनेति सततं नाम भक्तैरुदाहृतम्। त्रिविष्टपेति च तथा तयोः कर्णातिथीभवेत्॥

rajaḥprāsādasaṁlagnaṁ dūrīkurvaddiśo daśa| trilocaneti satataṁ nāma bhaktairudāhṛtam| triviṣṭapeti ca tathā tayoḥ karṇātithībhavet||

मन्दिर पर जमी हुई धूल को दसों दिशाओं में दूर करते हुए, भक्तों द्वारा निरन्तर उच्चारित 'त्रिलोचन' तथा 'त्रिविष्टप' नाम उन दोनों के कानों में पड़ता रहता था।

श्लोक 7 (skanda.5.116.7)

चतुर्विधानि वाद्यानि शंभुप्रीतिकराण्यलम्। तयोः कर्णगुहां प्राप्य प्रतिशब्दं प्रतन्वते॥

caturvidhāni vādyāni śaṁbhuprītikarāṇyalam| tayoḥ karṇaguhāṁ prāpya pratiśabdaṁ pratanvate||

शम्भु को प्रसन्न करने वाले चार प्रकार के वाद्य उन दोनों की कर्ण-गुहा में पहुँचकर प्रतिध्वनि फैलाते थे।

श्लोक 8 (skanda.5.116.8)

मंगलारात्रिकज्योतिस्त्रिसंध्यं पक्षिणोस्तयोः। नेत्रांतं निर्विशन्नित्यं भक्तचेष्टां प्रदर्शयत्॥

maṁgalārātrikajyotistrisaṁdhyaṁ pakṣiṇostayoḥ| netrāṁtaṁ nirviśannityaṁ bhaktaceṣṭāṁ pradarśayat||

तीनों संध्याओं की मंगल-आरती की ज्योति उन दोनों पक्षियों के नेत्रों में नित्य प्रवेश करती हुई मानो उन्हें भक्त की चेष्टा दिखाती थी।

श्लोक 9 (skanda.5.116.9)

प्राणयात्रां विहायापि कदाचित्स्थिरमानसौ। नोड्डीय वांछितं यातः पश्यंतौ कौतुकं खगौ॥

prāṇayātrāṁ vihāyāpi kadācitsthiramānasau| noḍḍīya vāṁchitaṁ yātaḥ paśyaṁtau kautukaṁ khagau||

स्थिरचित्त वे दोनों पक्षी कभी-कभी अपनी प्राण-यात्रा (आहार-खोज) को भी छोड़कर, कौतूहलवश देखते हुए, इच्छानुसार उड़कर कहीं और नहीं जाते थे।

श्लोक 10 (skanda.5.116.10)

तत्रासकृज्जनाकीर्णं प्रासादं परितोऽवनौ। तंडुलादि चरंतौ तौ कुर्वंतौ च प्रदक्षिणम्॥

tatrāsakṛjjanākīrṇaṁ prāsādaṁ parito'vanau| taṁḍulādi caraṁtau tau kurvaṁtau ca pradakṣiṇam||

वहाँ बार-बार जनाकीर्ण उस प्रासाद के चारों ओर भूमि पर चावल आदि चुगते हुए वे प्रदक्षिणा भी करते रहते थे।

श्लोक 11 (skanda.5.116.11)

देवदक्षिणदिग्भागे विष्णुदेहोद्भवं जलम्। तृषार्त्तौ पिबतो नित्यं स्नात्वा चाजग्मतुश्च तौ॥

devadakṣiṇadigbhāge viṣṇudehodbhavaṁ jalam| tṛṣārttau pibato nityaṁ snātvā cājagmatuśca tau||

देव के दक्षिण भाग में विष्णु के देह से उत्पन्न जल को, प्यास से व्याकुल होकर, वे दोनों नित्य पीते और स्नान करके लौट आते थे।

श्लोक 12 (skanda.5.116.12)

तयोरित्थं विचरतोस्त्रिलोचनसमीपतः। अगाद्बहुतिथः कालो द्विजयोः साधुचेष्टयोः॥

tayoritthaṁ vicaratostrilocanasamīpataḥ| agādbahutithaḥ kālo dvijayoḥ sādhuceṣṭayoḥ||

इस प्रकार त्रिलोचन के समीप विचरण करते हुए उन साधु-चेष्टा वाले दोनों पक्षियों का बहुत समय बीत गया।

श्लोक 13 (skanda.5.116.13)

अथ देवालयस्कंधे गवाक्षांतर्गतौ च तौ। श्येनेन केनचिद्दृष्टौ क्रूरदृष्ट्या सुखं स्थितौ॥

atha devālayaskaṁdhe gavākṣāṁtargatau ca tau| śyenena kenaciddṛṣṭau krūradṛṣṭyā sukhaṁ sthitau||

एक बार देवालय के शिखर पर, गवाक्ष के भीतर सुखपूर्वक बैठे हुए उन दोनों को किसी बाज ने क्रूर दृष्टि से देख लिया।

श्लोक 14 (skanda.5.116.14)

तच्च पारावतद्वंद्वं श्येनः परिजिघृक्षया। अवतीर्यांबरादाशु उपविष्टः शिवालये॥

tacca pārāvatadvaṁdvaṁ śyenaḥ parijighṛkṣayā| avatīryāṁbarādāśu upaviṣṭaḥ śivālaye||

उस बाज ने उस कबूतर-युगल को पकड़ने की इच्छा से आकाश से शीघ्र उतरकर शिवालय पर बैठ गया।

श्लोक 15 (skanda.5.116.15)

ततो विलोकयामास तदागमविनिर्गमौ। केन मार्गेण विशतो दुर्गमेण पतत्रिणौ॥

tato vilokayāmāsa tadāgamavinirgamau| kena mārgeṇa viśato durgameṇa patatriṇau||

तब उसने उन दोनों पक्षियों के आने-जाने के मार्ग को देखना आरम्भ किया — वे किस दुर्गम मार्ग से भीतर प्रवेश करते हैं,

श्लोक 16 (skanda.5.116.16)

केनाध्वना च निर्यातः किंकाले कुरुतश्च किम्। कथं युगपदेतौ मे ग्राह्यौ स्वैरं भविष्यतः॥

kenādhvanā ca niryātaḥ kiṁkāle kurutaśca kim| kathaṁ yugapadetau me grāhyau svairaṁ bhaviṣyataḥ||

किस मार्ग से बाहर निकलते हैं, किस समय क्या करते हैं, और कैसे मैं इन दोनों को एक साथ स्वच्छन्दता से पकड़ सकूँगा।

श्लोक 17 (skanda.5.116.17)

दुर्बलोऽप्याकलयितुं सहसारिर्न शक्यते। करिणां च सहस्रेण वराश्वानां च लक्षतः॥

durbalo'pyākalayituṁ sahasārirna śakyate| kariṇāṁ ca sahasreṇa varāśvānāṁ ca lakṣataḥ||

किला हुआ शत्रु, चाहे दुर्बल भी हो, सहसा आक्रमण करके पराजित नहीं किया जा सकता — भले ही सहस्रों हाथियों और लाखों उत्तम अश्वों से भी।

श्लोक 18 (skanda.5.116.18)

न कर्म सिद्ध्येन्नृपतेर्दुगेणैकेन यद्भवेत्। दुर्गस्थो नाभिभूयेत विपक्षः केनचित्क्वचित्। स्वतंत्रं यदि दुर्गं स्यादपमार्गप्रकाशकम्॥

na karma siddhyennṛpaterdugeṇaikena yadbhavet| durgastho nābhibhūyeta vipakṣaḥ kenacitkvacit| svataṁtraṁ yadi durgaṁ syādapamārgaprakāśakam||

राजा का कार्य भी एक दुर्ग के होने से सिद्ध नहीं होता (अर्थात् दुर्ग ही सब कुछ नहीं है); जो शत्रु दुर्ग में स्थित हो, वह कभी किसी से पराजित नहीं होता — यदि वह दुर्ग स्वतंत्र हो और भागने का मार्ग भी दिखाता हो (तो और भी दुर्जय है)।

श्लोक 19 (skanda.5.116.19)

इति दुर्गे बलं शंसञ्छ्येनो रोषारुणेक्षणः। असाध्वसौ कलरवौ वीक्ष्य यातो नभोंगणे॥

iti durge balaṁ śaṁsañchyeno roṣāruṇekṣaṇaḥ| asādhvasau kalaravau vīkṣya yāto nabhoṁgaṇe||

इस प्रकार दुर्ग के बल को स्वीकार करते हुए, क्रोध से लाल नेत्रों वाला वह बाज उन निर्भय कलरव करते हुए दोनों को देखकर आकाशमण्डल में चला गया।

श्लोक 20 (skanda.5.116.20)

अथ पारावती दक्षा विपक्षक्षपणेक्षणम्। महाबलं दुर्गबलात्प्राह पारावतं पतिम्॥

atha pārāvatī dakṣā vipakṣakṣapaṇekṣaṇam| mahābalaṁ durgabalātprāha pārāvataṁ patim||

तब चतुर पारावती ने, शत्रु को नष्ट करने पर दृष्टि रखने वाले, दुर्ग-बल से महाबली उस बाज के विषय में अपने पति पारावत से कहा—

श्लोक 21 (skanda.5.116.21)

कलरव्युवाच। प्रिय पारावत प्राज्ञ सर्वकामसुखारव। तव दृग्विषयं प्राप्तः श्येनोऽयं प्रबलो रिपुः॥

kalaravyuvāca| priya pārāvata prājña sarvakāmasukhārava| tava dṛgviṣayaṁ prāptaḥ śyeno'yaṁ prabalo ripuḥ||

कलरवी ने कहा—'हे प्रिय पारावत, हे प्राज्ञ, हे सर्वकामनाओं से सुखी! यह प्रबल शत्रु बाज तुम्हारी दृष्टि के विषय में आया है।'

श्लोक 22 (skanda.5.116.22)

स च तद्वाक्यमाकर्ण्य पारावत्याश्च सत्पतिः। पारावतीमुवाचेदं का चिंतेति तव प्रिये॥

sa ca tadvākyamākarṇya pārāvatyāśca satpatiḥ| pārāvatīmuvācedaṁ kā ciṁteti tava priye||

उस पारावती के वचन को सुनकर उसके सत्पति ने पारावती से कहा—'हे प्रिये, तुम्हें ऐसी क्या चिन्ता है?'

श्लोक 23 (skanda.5.116.23)

पारावत उवाच। कति नाम न संतीह सुभगे व्योमचारिणः। कति देवालयाद्येषु खगा नोपवसंति हि॥

pārāvata uvāca| kati nāma na saṁtīha subhage vyomacāriṇaḥ| kati devālayādyeṣu khagā nopavasaṁti hi||

पारावत ने कहा—'हे सुभगे, यहाँ आकाशचारी कितने ही नहीं हैं? देवालयों आदि में कितने ही पक्षी नहीं निवास करते?'

श्लोक 24 (skanda.5.116.24)

कति चैव न पश्यंति नौ सुखस्थाविह प्रिये। तेभ्यो यदीह भेतव्यं कुतो नौ तत्सुखं प्रिये॥

kati caiva na paśyaṁti nau sukhasthāviha priye| tebhyo yadīha bhetavyaṁ kuto nau tatsukhaṁ priye||

'हे प्रिये, यहाँ सुखपूर्वक रहते हुए हम दोनों को कितने ही तो नहीं देखते? यदि उनसे यहाँ भय ही रखना हो, तो हे प्रिये, हमें वह सुख कहाँ रह जाएगा?'

श्लोक 25 (skanda.5.116.25)

रम त्वं च मया सार्द्ध त्यज चिंतामिमां शुभे। अस्य श्येनवराकस्य गणनापि न मे हृदि॥

rama tvaṁ ca mayā sārddha tyaja ciṁtāmimāṁ śubhe| asya śyenavarākasya gaṇanāpi na me hṛdi||

'हे शुभे, तुम मेरे साथ रमण करो, इस चिन्ता को त्याग दो; इस दीन बाज की गणना भी मेरे हृदय में नहीं है।'

श्लोक 26 (skanda.5.116.26)

इत्थं पारावतवराच्छुत्वा पारावती वचः। मौनमालम्ब्य संतस्थे पत्युः पादार्पितेक्षणा॥

itthaṁ pārāvatavarācchutvā pārāvatī vacaḥ| maunamālambya saṁtasthe patyuḥ pādārpitekṣaṇā||

अपने श्रेष्ठ पारावत का यह वचन सुनकर पारावती मौन धारण करके, अपने पति के चरणों पर दृष्टि टिकाए, चुप बैठ गई।

श्लोक 27 (skanda.5.116.27)

हितवत्योपदिश्यापि प्रियं प्रियचिकीर्षया। पत्न्या जोषं समास्थेयं कार्यं पत्युर्वचः सदा॥

hitavatyopadiśyāpi priyaṁ priyacikīrṣayā| patnyā joṣaṁ samāstheyaṁ kāryaṁ patyurvacaḥ sadā||

अपने प्रियतम का हित चाहने वाली पत्नी को, प्रिय-कामना से हितकर बात बताकर भी, मौन धारण कर लेना चाहिए — पति का वचन ही सदा करने योग्य होता है।

श्लोक 28 (skanda.5.116.28)

अन्येद्युरप्यथायातः श्येनः पश्यन्स दंपती। अपरिच्छिन्नया दृष्ट्या यथा मृत्युर्गतायुषम्॥

anyedyurapyathāyātaḥ śyenaḥ paśyansa daṁpatī| aparicchinnayā dṛṣṭyā yathā mṛtyurgatāyuṣam||

दूसरे दिन भी वह बाज आया, उस दम्पति को अनवरत दृष्टि से देखता हुआ, जैसे मृत्यु आयुक्षीण प्राणी को देखती है।

श्लोक 29 (skanda.5.116.29)

अथ मंडलगत्या स प्रासादं परितो भ्रमन्। प्रोवाच प्रेयसी नाथ दृष्टो दुष्टस्त्वयाऽहितः॥

atha maṁḍalagatyā sa prāsādaṁ parito bhraman| provāca preyasī nātha dṛṣṭo duṣṭastvayā'hitaḥ||

तब वह (बाज) मण्डलाकार गति से मन्दिर के चारों ओर घूमने लगा; प्रिया ने कहा—'हे नाथ, वह दुष्ट शत्रु देखा गया है।'

श्लोक 30 (skanda.5.116.30)

तस्या वाक्यं समाकर्ण्य पुनः कलरवोऽब्रवीत्। किं करिष्यत्यसौ मुग्धे मम व्योमविहारिणः॥

tasyā vākyaṁ samākarṇya punaḥ kalaravo'bravīt| kiṁ kariṣyatyasau mugdhe mama vyomavihāriṇaḥ||

उसका वचन सुनकर कलरव ने पुनः कहा—'हे मुग्धे, आकाश में विचरण करने वाले मेरा वह क्या कर लेगा?'

श्लोक 31 (skanda.5.116.31)

दुर्गं च स्वर्गतुल्यं मे यत्र नास्त्यरितो भयम्। अयं न तां गतिं वेत्ति यां वेदाहं नभोंगणे॥

durgaṁ ca svargatulyaṁ me yatra nāstyarito bhayam| ayaṁ na tāṁ gatiṁ vetti yāṁ vedāhaṁ nabhoṁgaṇe||

'मेरा यह दुर्ग स्वर्ग के समान है, जहाँ शत्रु से कोई भय नहीं है; यह वह गति नहीं जानता जो मैं आकाशमण्डल में जानता हूँ।'

श्लोक 32 (skanda.5.116.32)

प्रडीनोड्डीनसंडीनकांडव्यांडकपाटिका। स्रंसिनी मंडलवती गतयोऽष्टावुदाहृताः॥

praḍīnoḍḍīnasaṁḍīnakāṁḍavyāṁḍakapāṭikā| sraṁsinī maṁḍalavatī gatayo'ṣṭāvudāhṛtāḥ||

'प्रडीन, उड्डीन, संडीन, काण्डव्य, अण्डकपाटिका, स्रंसिनी और मण्डलवती — ये उड़ान की आठ गतियाँ कही गई हैं।'

श्लोक 33 (skanda.5.116.33)

यथैतासु हि कौशल्यं मयि वर्त्तति च प्रिये। गतिषु क्वापि कस्यापि पक्षिणो न तथांबरे। सुखेन तिष्ठ का चिंता मयि जीवति ते प्रिये॥

yathaitāsu hi kauśalyaṁ mayi varttati ca priye| gatiṣu kvāpi kasyāpi pakṣiṇo na tathāṁbare| sukhena tiṣṭha kā ciṁtā mayi jīvati te priye||

'हे प्रिये, इनमें जैसा कौशल मुझमें है, वैसा आकाश में किसी भी पक्षी की किसी भी गति में नहीं है। सुखपूर्वक रहो, मेरे जीवित रहते तुम्हें क्या चिन्ता?'

श्लोक 34 (skanda.5.116.34)

इति तद्वचनं श्रुत्वा आस्थिता मूकवत्सती। अपरेद्युरपि श्येनस्तत्रायातः शिलातले॥

iti tadvacanaṁ śrutvā āsthitā mūkavatsatī| aparedyurapi śyenastatrāyātaḥ śilātale||

उसका यह वचन सुनकर सती मूक की भाँति चुप रह गई। दूसरे दिन भी वह बाज वहाँ शिलातल पर आया।

श्लोक 35 (skanda.5.116.35)

कियदंतरमासाद्य उपविष्टोऽतिहृष्टवत्। आयामांते च स स्थित्वा तत्कुलायकुलस्य च॥

kiyadaṁtaramāsādya upaviṣṭo'tihṛṣṭavat| āyāmāṁte ca sa sthitvā tatkulāyakulasya ca||

कुछ ही दूरी पर पहुँचकर वह अत्यन्त प्रसन्न-सा बैठ गया, और उनके घोंसले के किनारे पर ही खड़ा रहा।

श्लोक 36 (skanda.5.116.36)

पुनः श्येनो विनिर्यातः सापि कांताऽब्रवीत्पुनः। प्रिय स्थानमिदं त्याज्यं दुष्टदृष्टिविदूषितम्॥

punaḥ śyeno viniryātaḥ sāpi kāṁtā'bravītpunaḥ| priya sthānamidaṁ tyājyaṁ duṣṭadṛṣṭividūṣitam||

जब बाज फिर वहाँ से चला गया, तब उस प्रिया ने पुनः कहा—'हे प्रिय, यह स्थान अब त्याग देना चाहिए, यह दुष्ट की दृष्टि से दूषित हो चुका है।'

श्लोक 37 (skanda.5.116.37)

असौ क्रूरोऽतिनिकटमुपविष्टोऽतिहृष्टवत्। सावज्ञं स पुनः प्राह किं करिष्यत्यसौ प्रिये॥

asau krūro'tinikaṭamupaviṣṭo'tihṛṣṭavat| sāvajñaṁ sa punaḥ prāha kiṁ kariṣyatyasau priye||

'वह क्रूर अत्यन्त निकट, हर्षित-सा होकर बैठा था।' उसने पुनः अवज्ञापूर्वक कहा—'हे प्रिये, वह क्या कर लेगा?'

श्लोक 38 (skanda.5.116.38)

मृगाक्षीणां स्वभावोयं प्रायशो भीरुवृत्तयः। इतरेद्युरपि प्राप्तः स च श्येनो महाबलः॥

mṛgākṣīṇāṁ svabhāvoyaṁ prāyaśo bhīruvṛttayaḥ| itaredyurapi prāptaḥ sa ca śyeno mahābalaḥ||

'मृगनयनी स्त्रियों का स्वभाव प्रायः भीरुतापूर्ण होता है।' अगले दिन भी वह महाबली बाज आ पहुँचा।

श्लोक 39 (skanda.5.116.39)

तयोरभिमुखं तत्र स्थितो यामद्वयावधि। पुनर्विलोक्य तद्वर्त्म शीघ्रं यातो यथागतम्॥

tayorabhimukhaṁ tatra sthito yāmadvayāvadhi| punarvilokya tadvartma śīghraṁ yāto yathāgatam||

वह वहाँ दो प्रहर तक उन दोनों के सामने बैठा रहा; फिर उनके मार्ग को देखकर शीघ्र ही जैसे आया था वैसे ही चला गया।

श्लोक 40 (skanda.5.116.40)

गतेथ शकुनौ तस्मिन्सा बभाषे विहंगमम्। नाथ स्थानांतरं यावो मृत्युर्वै निकटेऽन्वगात्॥

gatetha śakunau tasminsā babhāṣe vihaṁgamam| nātha sthānāṁtaraṁ yāvo mṛtyurvai nikaṭe'nvagāt||

जब वह पक्षी चला गया, तब उसने अपने पति पक्षी से कहा—'हे नाथ, चलो हम कहीं और स्थान चलें; मृत्यु ही हमारे निकट आ पहुँची है।'

श्लोक 41 (skanda.5.116.41)

पुनर्दृष्टे प्रणष्टः स्यादावासश्च सुखं प्रिय। प्रिय यस्यास्ति पक्षस्य गतिः सर्वत्र सिद्धिदा॥

punardṛṣṭe praṇaṣṭaḥ syādāvāsaśca sukhaṁ priya| priya yasyāsti pakṣasya gatiḥ sarvatra siddhidā||

'फिर दिखाई देने पर हमारा निवास और सुख नष्ट हो जाएगा, हे प्रिय। हे प्रिय, जिस पक्षी की गति सर्वत्र सिद्धिदायिनी है,'

श्लोक 42 (skanda.5.116.42)

स किं स्वदेशरागेण नाशं प्राप्नोति बुद्धिमान्। सोपसर्गं निजं देशं त्यक्त्वा योन्यं तु न व्रजेत्॥

sa kiṁ svadeśarāgeṇa nāśaṁ prāpnoti buddhimān| sopasargaṁ nijaṁ deśaṁ tyaktvā yonyaṁ tu na vrajet||

'क्या वह बुद्धिमान् अपने देश के मोहवश विनाश को प्राप्त होता है? जो संकटग्रस्त अपने देश को त्यागकर दूसरे स्थान को नहीं जाता,'

श्लोक 43 (skanda.5.116.43)

स पंगुर्ना शमाप्नोति कूलस्थित इव द्रुमः। प्रियोदितं निशम्येति स भवित्रीदशार्द्दितः॥

sa paṁgurnā śamāpnoti kūlasthita iva drumaḥ| priyoditaṁ niśamyeti sa bhavitrīdaśārdditaḥ||

'वह लंगड़े के समान शान्ति नहीं पाता, जैसे नदी-तट पर खड़ा वृक्ष।' प्रिया का यह कथन सुनकर, नियति से पीड़ित वह पति

श्लोक 44 (skanda.5.116.44)

तां वाक्यं पुनरप्याह प्रिये मा भैः खगार्दिता। अपरस्मिन्नहनि च स श्येनः प्रातरेव हि॥

tāṁ vākyaṁ punarapyāha priye mā bhaiḥ khagārditā| aparasminnahani ca sa śyenaḥ prātareva hi||

फिर उससे बोला—'हे प्रिये, हे पक्षी से पीड़ित, डरो मत।' और दूसरे दिन प्रातःकाल ही वह बाज,

श्लोक 45 (skanda.5.116.45)

तद्द्वारदेशमासाद्य सायं यावत्स्थितोऽचलः। अस्ताचलस्य शिखरं याते भानौ गते खगे॥

taddvāradeśamāsādya sāyaṁ yāvatsthito'calaḥ| astācalasya śikharaṁ yāte bhānau gate khage||

उनके द्वार-स्थान पर पहुँचकर सायंकाल तक अचल होकर बैठा रहा; जब सूर्य अस्ताचल के शिखर को चला गया और वह पक्षी भी चला गया,

श्लोक 46 (skanda.5.116.46)

कुलायाद्बाह्यमागत्योवाच पारावती पतिम्। नाथ निर्गमनस्यायं कालः कालोऽस्ति दूरतः॥

kulāyādbāhyamāgatyovāca pārāvatī patim| nātha nirgamanasyāyaṁ kālaḥ kālo'sti dūrataḥ||

घोंसले से बाहर आकर पारावती ने पति से कहा—'हे नाथ, यही निर्गमन का काल है; दूरस्थ काल (मृत्यु) निकट आ रहा है।'

श्लोक 47 (skanda.5.116.47)

यावत्तावद्विनिर्याहि त्यक्त्वा मामपि शंसिनीम्। त्वयि जीवति दुष्प्राप्यं न किंचिज्जगतीतले॥

yāvattāvadviniryāhi tyaktvā māmapi śaṁsinīm| tvayi jīvati duṣprāpyaṁ na kiṁcijjagatītale||

'जब तक समय है, तभी निकल जाओ, मुझ बोलने वाली को भी त्यागकर; तुम्हारे जीवित रहते इस पृथ्वीतल पर कुछ भी दुष्प्राप्य नहीं है।'

श्लोक 48 (skanda.5.116.48)

पुनर्दाराः पुनः पुत्राः पुनर्वसु पुनर्गृहम्। यद्यात्मारक्षितः पुंसां दारैपि धनैरपि॥

punardārāḥ punaḥ putrāḥ punarvasu punargṛham| yadyātmārakṣitaḥ puṁsāṁ dāraipi dhanairapi||

'फिर पत्नी, फिर पुत्र, फिर धन, फिर घर मिल सकते हैं, यदि पुरुष की अपनी आत्मा सुरक्षित रहे — पत्नी और धन से भी बढ़कर आत्मा ही रक्षणीय है।'

श्लोक 49 (skanda.5.116.49)

तदा सर्वं हरिश्चंद्रभूपतेरिव लभ्यते। अयमात्मा प्रियो बंधुरयमात्मा महद्धनम्॥

tadā sarvaṁ hariścaṁdrabhūpateriva labhyate| ayamātmā priyo baṁdhurayamātmā mahaddhanam||

'तब सब कुछ राजा हरिश्चन्द्र के समान पुनः प्राप्त हो जाता है। यह आत्मा ही प्रिय बन्धु है, यह आत्मा ही महान् धन है।'

श्लोक 50 (skanda.5.116.50)

धर्मार्थकाममोक्षाणामयमात्मार्जकः परः। यावदात्मनि वै क्षेमं तावत्क्षेमं जगत्त्रये॥

dharmārthakāmamokṣāṇāmayamātmārjakaḥ paraḥ| yāvadātmani vai kṣemaṁ tāvatkṣemaṁ jagattraye||

'यह आत्मा ही धर्म, अर्थ, काम और मोक्ष का परम अर्जक है। जब तक आत्मा में क्षेम है, तभी तक तीनों लोकों में क्षेम है।'

श्लोक 51 (skanda.5.116.51)

सोऽपि क्षेमः सुगतिना यशसा सह वांछ्यते। यशोहीनं तु यत्क्षेमं तत्क्षेमान्निधनं वरम्॥

so'pi kṣemaḥ sugatinā yaśasā saha vāṁchyate| yaśohīnaṁ tu yatkṣemaṁ tatkṣemānnidhanaṁ varam||

'वह क्षेम भी सद्गति और यश के साथ ही वांछनीय है; जो क्षेम यशहीन हो, उस क्षेम से तो मृत्यु ही श्रेष्ठ है।'

श्लोक 52 (skanda.5.116.52)

तद्यशः प्राप्यते पुंभिर्नीतिमार्गं प्रवर्तिभिः। अतो नीतिपथं चिंत्यं नाथ स्थानादितो व्रज। न व्रजिष्यसि चेत्प्रातस्ततो मां संस्मरिष्यसि॥

tadyaśaḥ prāpyate puṁbhirnītimārgaṁ pravartibhiḥ| ato nītipathaṁ ciṁtyaṁ nātha sthānādito vraja| na vrajiṣyasi cetprātastato māṁ saṁsmariṣyasi||

'वह यश उन्हीं पुरुषों को प्राप्त होता है जो नीति-मार्ग पर चलते हैं। अतः नीति-मार्ग का विचार करो, हे नाथ, इस स्थान से चले जाओ। यदि नहीं जाओगे, तो प्रातःकाल मुझे स्मरण करोगे।'

श्लोक 53 (skanda.5.116.53)

इत्युक्तोऽपि स वै पत्न्या पारावत्या सुमेधया। न निर्ययौ ततः स्थानाद्भवित्र्या प्रतिवारितः॥

ityukto'pi sa vai patnyā pārāvatyā sumedhayā| na niryayau tataḥ sthānādbhavitryā prativāritaḥ||

पत्नी सुबुद्धिमती पारावती द्वारा ऐसा कहे जाने पर भी, नियति द्वारा रोके गए वह उस स्थान से नहीं निकला।

श्लोक 54 (skanda.5.116.54)

अथोषसि समागत्य श्येनेन बलिना तदा। निर्गमद्वारमारुद्धं किंचिद्भक्ष्यवता तदा॥

athoṣasi samāgatya śyenena balinā tadā| nirgamadvāramāruddhaṁ kiṁcidbhakṣyavatā tadā||

तब उषःकाल में आकर बलवान् बाज ने, कुछ भक्ष्य पदार्थ लेकर, उनके निकलने के द्वार को अवरुद्ध कर दिया।

श्लोक 55 (skanda.5.116.55)

दिनानि कतिचित्तत्रातिष्ठच्छयेनो महाबलः। पारावतमुवाचेदं धिक्त्वा पौरुषवर्जितम्॥

dināni katicittatrātiṣṭhacchayeno mahābalaḥ| pārāvatamuvācedaṁ dhiktvā pauruṣavarjitam||

वह महाबली बाज कुछ दिनों तक वहीं रहा, और उस पौरुषहीन पारावत से धिक्कारपूर्वक कहा—

श्लोक 56 (skanda.5.116.56)

किं वा युध्यस्व दुर्बुद्धे किं वा निर्याहि मे गिरा। क्षुधाक्षीणो मृतः पश्चान्निरयं पश्यसि धुवम्। विधिरेव हि साहाय्यं न कुर्यात्तव नोदितम्॥

kiṁ vā yudhyasva durbuddhe kiṁ vā niryāhi me girā| kṣudhākṣīṇo mṛtaḥ paścānnirayaṁ paśyasi dhuvam| vidhireva hi sāhāyyaṁ na kuryāttava noditam||

'या तो युद्ध करो, हे दुर्बुद्धे, या मेरे कहने पर बाहर निकलो। क्षुधा से क्षीण होकर मरने पर तुम निश्चय ही नरक देखोगे। विधाता भी उसकी सहायता नहीं करता जो प्रेरित होने पर भी नहीं करता।'

श्लोक 57 (skanda.5.116.57)

इत्थं श्येनेन स प्रोक्तः पत्न्या स सहितः खगः। अयुध्यत्तेन श्येनेन स्वदुर्गद्वारमाश्रितः॥

itthaṁ śyenena sa proktaḥ patnyā sa sahitaḥ khagaḥ| ayudhyattena śyenena svadurgadvāramāśritaḥ||

बाज द्वारा ऐसा कहे जाने पर, अपनी पत्नी सहित वह पक्षी, अपने दुर्ग के द्वार का आश्रय लेकर उस बाज से युद्ध करने लगा।

श्लोक 58 (skanda.5.116.58)

क्षुधितस्तृषितः सोऽथ श्येनेन बलिना धृतः। चरणेन दृढेनाशु चंच्वा सापि धृता खगी॥

kṣudhitastṛṣitaḥ so'tha śyenena balinā dhṛtaḥ| caraṇena dṛḍhenāśu caṁcvā sāpi dhṛtā khagī||

भूख-प्यास से पीड़ित वह तब बलवान् बाज द्वारा अपने दृढ़ पंजे से शीघ्र पकड़ लिया गया; वह पक्षिणी भी चोंच से पकड़ ली गई।

श्लोक 59 (skanda.5.116.59)

तावादायोड्डयांचक्रे श्येनो व्योमनि सत्वरम्। चिंतयन्भक्षणस्थानमन्यत्पक्षिविवर्जितम्॥

tāvādāyoḍḍayāṁcakre śyeno vyomani satvaram| ciṁtayanbhakṣaṇasthānamanyatpakṣivivarjitam||

उन दोनों को लेकर बाज शीघ्र ही आकाश में उड़ गया, अन्य किसी पक्षी से रहित भक्षण-स्थान की खोज करते हुए।

श्लोक 60 (skanda.5.116.60)

अथ पत्न्या कलरवः प्रोक्तस्तत्र सुमेधया। यतोऽवमानिता नाथ त्वयाहं स्त्रीति बुद्धितः॥

atha patnyā kalaravaḥ proktastatra sumedhayā| yato'vamānitā nātha tvayāhaṁ strīti buddhitaḥ||

तब वहाँ बुद्धिमती पत्नी ने अपने पति से कहा—'हे नाथ, चूँकि तुमने मुझे स्त्री समझकर अपमानित किया था,'

श्लोक 61 (skanda.5.116.61)

अतोऽवस्थामिमां प्राप्तः किं कुर्यामबला यतः। अधुनापि वचश्चैकं करोषि यदि मे प्रिय॥

ato'vasthāmimāṁ prāptaḥ kiṁ kuryāmabalā yataḥ| adhunāpi vacaścaikaṁ karoṣi yadi me priya||

'इसीलिए यह अवस्था प्राप्त हुई है; मैं अबला क्या कर सकती थी? अब भी, हे प्रिय, यदि मेरा एक वचन तुम मानोगे,'

श्लोक 62 (skanda.5.116.62)

तदा हितं ते वक्ष्यामि कुर्वे तदविचारितम्। ममैकवाक्यकरणात्स्त्रीजितो न भविष्यसि॥

tadā hitaṁ te vakṣyāmi kurve tadavicāritam| mamaikavākyakaraṇātstrījito na bhaviṣyasi||

'तो मैं तुम्हारा हित बताऊँगी; उसे बिना विचारे करो। मेरे एक वचन का पालन करने से तुम स्त्री-जित नहीं कहलाओगे।'

श्लोक 63 (skanda.5.116.63)

यावदास्यं गतास्म्यस्य यावत्खस्थो न भूमिगः। तावदात्मविमुक्त्यै त्वं चंच्वा पादं दृढं दश॥

yāvadāsyaṁ gatāsmyasya yāvatkhastho na bhūmigaḥ| tāvadātmavimuktyai tvaṁ caṁcvā pādaṁ dṛḍhaṁ daśa||

'जब तक मैं इसके मुख में हूँ, और जब तक यह आकाश में है, भूमि पर नहीं उतरा है, तब तक अपनी मुक्ति के लिए तुम अपनी चोंच से इसके पैर को दृढ़ता से काट लो।'

श्लोक 64 (skanda.5.116.64)

इति पत्नीवचः श्रुत्वा तथा स कृतवान्खगः। स पीडितो दृढं पादे श्येनश्चीत्कृतवान्बहु॥

iti patnīvacaḥ śrutvā tathā sa kṛtavānkhagaḥ| sa pīḍito dṛḍhaṁ pāde śyenaścītkṛtavānbahu||

पत्नी का यह वचन सुनकर उस पक्षी ने वैसा ही किया; पैर में दृढ़ता से पीड़ित होकर बाज बहुत चीत्कार करने लगा।

श्लोक 65 (skanda.5.116.65)

तेन चीत्करणेनाथ मुक्ता सा मुखसंपुटात्। पादांगुलीनां शून्यत्वे सोऽपि पारावतोऽपतत्॥

tena cītkaraṇenātha muktā sā mukhasaṁpuṭāt| pādāṁgulīnāṁ śūnyatve so'pi pārāvato'patat||

उस चीत्कार से तब वह पक्षिणी उसके मुख-संपुट से मुक्त हो गई; और पैर की अंगुलियों के शिथिल होने पर वह पारावत भी नीचे गिर पड़ा।

श्लोक 66 (skanda.5.116.66)

विपद्यपि च प्राज्ञैर्न संत्याज्यः क्वचिदुद्यमः। क्व च चंचुपुटस्तस्य क्व च तत्पादपीडनम्॥

vipadyapi ca prājñairna saṁtyājyaḥ kvacidudyamaḥ| kva ca caṁcupuṭastasya kva ca tatpādapīḍanam||

विपत्ति में भी बुद्धिमानों द्वारा उद्यम कभी नहीं छोड़ना चाहिए। कहाँ उसकी चोंच का बन्धन और कहाँ उसके पैर को पीड़ित करना,

श्लोक 67 (skanda.5.116.67)

क्व च द्वयोस्तथाभूतं दूरे मोक्षणमद्भुतम्। दुर्बलेऽप्युद्यमः श्रेयानिति शास्त्रेषु गीयते॥

kva ca dvayostathābhūtaṁ dūre mokṣaṇamadbhutam| durbale'pyudyamaḥ śreyāniti śāstreṣu gīyate||

और कहाँ दोनों की इस प्रकार दूर से भी अद्भुत मुक्ति? दुर्बल के लिए भी उद्यम श्रेयस्कर है — ऐसा शास्त्रों में कहा गया है।

श्लोक 68 (skanda.5.116.68)

तस्माद्भाग्यानुसारेण फलत्येव सदोद्यमः। प्रशंसंत्युद्यमं चातो विपद्यपि मनीषिणः॥

tasmādbhāgyānusāreṇa phalatyeva sadodyamaḥ| praśaṁsaṁtyudyamaṁ cāto vipadyapi manīṣiṇaḥ||

अतः भाग्य के अनुसार उद्यम सदा फल देता ही है; इसीलिए विद्वान् जन विपत्ति में भी उद्यम की प्रशंसा करते हैं।

श्लोक 69 (skanda.5.116.69)

अथ तौ कालयोगेन जंबूमार्गे मृतौ तदा। जंबूमार्गे मृता ये वै तेषां स्वर्गः सदाऽक्षयः॥

atha tau kālayogena jaṁbūmārge mṛtau tadā| jaṁbūmārge mṛtā ye vai teṣāṁ svargaḥ sadā'kṣayaḥ||

तब समय के योग से वे दोनों जम्बू-मार्ग में मर गए; और जो जम्बू-मार्ग में मरते हैं, उनके लिए स्वर्ग सदा अक्षय होता है।

श्लोक 70 (skanda.5.116.70)

पुण्यशेषे तदा जातो गंधर्वतनयः शुभः। मंदारदामतनयो नाम्ना परिमलालयः॥

puṇyaśeṣe tadā jāto gaṁdharvatanayaḥ śubhaḥ| maṁdāradāmatanayo nāmnā parimalālayaḥ||

तब शेष पुण्य के फलस्वरूप वह मंदारदाम गन्धर्व का शुभ पुत्र उत्पन्न हुआ, जिसका नाम परिमलालय था।

श्लोक 71 (skanda.5.116.71)

अनेकविद्यानिलयः कलाकौशलभाजनम्। कौमारं वपुरासाद्य शिवभक्तिपरोऽभवत्॥

anekavidyānilayaḥ kalākauśalabhājanam| kaumāraṁ vapurāsādya śivabhaktiparo'bhavat||

वह अनेक विद्याओं का निवास और कला-कौशल का भाजन था; कुमार-अवस्था के शरीर को प्राप्त होकर वह शिवभक्ति-परायण हो गया।

श्लोक 72 (skanda.5.116.72)

नियमं चापि जग्राह विजितेद्रियमानसः। एकपत्नीव्रतं नित्यं चरिष्यामीति निश्चितम्॥

niyamaṁ cāpi jagrāha vijitedriyamānasaḥ| ekapatnīvrataṁ nityaṁ cariṣyāmīti niścitam||

इन्द्रियों और मन को जीतकर उसने यह नियम भी लिया — 'मैं सदा एकपत्नी-व्रत का पालन करूँगा' — ऐसा निश्चय किया।

श्लोक 73 (skanda.5.116.73)

परयोषित्समासक्तिरायुः कीर्तिं बलं सुखम्। हरेत्स्वर्गगतिं चापि तस्मात्तां वर्जयेत्सुधीः॥

parayoṣitsamāsaktirāyuḥ kīrtiṁ balaṁ sukham| haretsvargagatiṁ cāpi tasmāttāṁ varjayetsudhīḥ||

दूसरे की स्त्री में आसक्ति आयु, कीर्ति, बल, सुख तथा स्वर्गगति को भी हर लेती है; अतः बुद्धिमान् को उसका त्याग करना चाहिए।

श्लोक 74 (skanda.5.116.74)

अपरं चापि नियमं स शुचिष्मान्समाददे। गतजन्मांतराभ्यासाविलोचनसमाश्रयात्॥

aparaṁ cāpi niyamaṁ sa śuciṣmānsamādade| gatajanmāṁtarābhyāsāvilocanasamāśrayāt||

उस पवित्रात्मा ने एक और नियम भी लिया — पूर्वजन्म के अभ्यास से त्रिलोचन के निर्मल आश्रय के प्रति भक्ति के कारण।

श्लोक 75 (skanda.5.116.75)

समस्तपुण्यनिलयः समस्तार्थप्रकाशकः। समस्तकामजनकं परानंदैककारणम्॥

samastapuṇyanilayaḥ samastārthaprakāśakaḥ| samastakāmajanakaṁ parānaṁdaikakāraṇam||

त्रिलोचन ही समस्त पुण्य का आश्रय, समस्त अर्थ का प्रकाशक, समस्त कामनाओं का जनक, परम आनन्द का एकमात्र कारण है —

श्लोक 76 (skanda.5.116.76)

यावच्छरीरं निरुजं यावन्नेद्रियविप्लवः। तावत्त्रिलोचनोवंत्यां मंतव्यो नात्र संशयः॥

yāvaccharīraṁ nirujaṁ yāvannedriyaviplavaḥ| tāvattrilocanovaṁtyāṁ maṁtavyo nātra saṁśayaḥ||

जब तक शरीर रोगरहित है, जब तक इन्द्रियों का विनाश नहीं हुआ है, तब तक अवन्ती में त्रिलोचन का ध्यान करना चाहिए — इसमें कोई संशय नहीं।

श्लोक 77 (skanda.5.116.77)

इत्थं मंदारदामिः स काश्यां परिमलालयः। नित्यं त्रिविष्टपं द्रष्टुं समागच्छेत्प्रयत्नतः॥

itthaṁ maṁdāradāmiḥ sa kāśyāṁ parimalālayaḥ| nityaṁ triviṣṭapaṁ draṣṭuṁ samāgacchetprayatnataḥ||

इस प्रकार मन्दारदाम का वह पुत्र परिमलालय काशी में रहते हुए भी नित्य त्रिविष्टप त्रिलोचन के दर्शन के लिए प्रयत्नपूर्वक आता रहता था।

श्लोक 78 (skanda.5.116.78)

पारावत्यपि संजाता रत्नदीपस्य मंदिरे। नागराजस्य पाताले नाम्ना रत्नावलीति च॥

pārāvatyapi saṁjātā ratnadīpasya maṁdire| nāgarājasya pātāle nāmnā ratnāvalīti ca||

पारावती भी पाताल में नागराज रत्नदीप के भवन में रत्नावली नाम से उत्पन्न हुई।

श्लोक 79 (skanda.5.116.79)

समस्तनागकन्यानां रूपशीलकलागुणैः। एकैव रत्नभूताऽऽसीद्रत्नदीपोरगात्मजा॥

samastanāgakanyānāṁ rūpaśīlakalāguṇaiḥ| ekaiva ratnabhūtā''sīdratnadīporagātmajā||

समस्त नाग-कन्याओं में रूप, शील, कला और गुणों से रत्नदीप की वह सर्पकन्या ही अकेली रत्नस्वरूपा थी।

श्लोक 80 (skanda.5.116.80)

तस्याः सखीद्वयं चासीदेका नाम्ना प्रभावती। कलावती तथान्या च नित्यं तदनुगे शुभे॥

tasyāḥ sakhīdvayaṁ cāsīdekā nāmnā prabhāvatī| kalāvatī tathānyā ca nityaṁ tadanuge śubhe||

उसकी दो सखियाँ थीं — एक का नाम प्रभावती था, और दूसरी कलावती, जो सदा उसका अनुसरण करने वाली शुभ स्त्रियाँ थीं।

श्लोक 81 (skanda.5.116.81)

स्वदेहादनपायिन्यौ छायाकांती यथा तथा। पूर्वे सख्यौ भवेतां हि रत्नावल्या महेश्वरि॥

svadehādanapāyinyau chāyākāṁtī yathā tathā| pūrve sakhyau bhavetāṁ hi ratnāvalyā maheśvari||

जैसे छाया और कान्ति अपने शरीर से अलग नहीं होतीं, वैसे ही, हे महेश्वरि, वे दोनों रत्नावली की पूर्वजन्म की सखियाँ थीं।

श्लोक 82 (skanda.5.116.82)

सा तु बाल्ये व्यतिक्रांते किंचिदुद्भिन्नयौवना। शिवभक्तं स्वपितरं दृष्ट्वा नियममग्रहीत्॥

sā tu bālye vyatikrāṁte kiṁcidudbhinnayauvanā| śivabhaktaṁ svapitaraṁ dṛṣṭvā niyamamagrahīt||

जब उसका बचपन बीत गया और यौवन कुछ खिलने लगा, तब अपने शिवभक्त पिता को देखकर उसने एक नियम ग्रहण किया—

श्लोक 83 (skanda.5.116.83)

पितस्त्रिलोचनं काश्यामर्चयित्वा दिनेदिने। आभ्यां सखीभ्यां सहिता मौनं त्यक्ष्यामि नान्यथा॥

pitastrilocanaṁ kāśyāmarcayitvā dinedine| ābhyāṁ sakhībhyāṁ sahitā maunaṁ tyakṣyāmi nānyathā||

'हे पिता, काशी में त्रिलोचन की पूजा किए बिना, प्रतिदिन इन दोनों सखियों सहित, मैं मौन नहीं छोड़ूँगी, अन्यथा नहीं।'

श्लोक 84 (skanda.5.116.84)

एवं नागकुमारी सा सखीद्वयसमन्विता। त्रिलोचनं समभ्यर्च्य गृहानहरहर्व्रजत्॥

evaṁ nāgakumārī sā sakhīdvayasamanvitā| trilocanaṁ samabhyarcya gṛhānaharaharvrajat||

इस प्रकार वह नागकुमारी दोनों सखियों सहित त्रिलोचन की भलीभाँति पूजा करके प्रतिदिन अपने घर लौट जाती थी।

श्लोक 85 (skanda.5.116.85)

मां प्रत्यग्रैः सुकुसुमैः सुशुभैरिष्टगंधिभिः। सुविचित्राणि माल्यानि परिगुंफ्यार्चयेद्विभुम्॥

māṁ pratyagraiḥ sukusumaiḥ suśubhairiṣṭagaṁdhibhiḥ| suvicitrāṇi mālyāni pariguṁphyārcayedvibhum||

वह ताजे, शुभ, मनचाही सुगंध वाले पुष्पों से नाना विचित्र मालाएँ गूँथकर मुझ विभु की पूजा करती थी।

श्लोक 86 (skanda.5.116.86)

तिस्रोऽपि गीतं गायंति ललितं चैव सुस्वरम्। नारीमंडलभेदेन लास्यं तिस्रोऽपि कुर्वते॥

tisro'pi gītaṁ gāyaṁti lalitaṁ caiva susvaram| nārīmaṁḍalabhedena lāsyaṁ tisro'pi kurvate||

तीनों ही सुरीले स्वर में मधुर गीत गाती थीं, और स्त्रीमण्डल के भेद से तीनों ही नृत्य भी करती थीं।

श्लोक 87 (skanda.5.116.87)

वीणावेणुमृदंगांश्च लयतालविचक्षणाः। वादयंति मुदायुक्तास्तिस्रोऽपि विरमंति वै॥

vīṇāveṇumṛdaṁgāṁśca layatālavicakṣaṇāḥ| vādayaṁti mudāyuktāstisro'pi viramaṁti vai||

लय और ताल में निपुण वे तीनों वीणा, वंशी और मृदंग बजाती थीं, प्रसन्नतापूर्वक, और फिर विराम लेती थीं।

श्लोक 88 (skanda.5.116.88)

इत्थमाराधयंतीशं तिस्रो नागकुमारिकाः। विचित्रभंगीमालाभिरर्चयंत्यस्त्रिलोचनम्॥

itthamārādhayaṁtīśaṁ tisro nāgakumārikāḥ| vicitrabhaṁgīmālābhirarcayaṁtyastrilocanam||

इस प्रकार वे तीनों नागकुमारिकाएँ ईश की आराधना करती हुईं, विचित्र प्रकार की मालाओं से त्रिलोचन की पूजा करती थीं।

श्लोक 89 (skanda.5.116.89)

प्रातश्चतुर्थ्यां ताः स्नात्वा तीर्थे पिलिपिले शुभे। त्रिलोचनं समर्च्याथ प्रसुप्ता रंगमण्डपे॥

prātaścaturthyāṁ tāḥ snātvā tīrthe pilipile śubhe| trilocanaṁ samarcyātha prasuptā raṁgamaṇḍape||

चतुर्थी के दिन प्रातःकाल शुभ पिलिपिल तीर्थ में स्नान करके, त्रिलोचन की पूजा करके वे रंगमण्डप में सो गईं।

श्लोक 90 (skanda.5.116.90)

सुप्तासु तासु स शिवस्त्रिनेत्रः शशिभूषणः। वामार्द्धविलसच्छक्तिर्नागयज्ञोपवीतकः॥

suptāsu tāsu sa śivastrinetraḥ śaśibhūṣaṇaḥ| vāmārddhavilasacchaktirnāgayajñopavītakaḥ||

जब वे सोई हुई थीं, तब त्रिनेत्र, चन्द्रभूषण, वामांग में सुशोभित शक्ति वाले, नागों के यज्ञोपवीत को धारण करने वाले शिव,

श्लोक 91 (skanda.5.116.91)

लिंगादेव हि निर्गत्य गंगापन्नगमेखलः। प्रत्युवाच ततः कन्या विभुरुत्तिष्ठतेति सः॥

liṁgādeva hi nirgatya gaṁgāpannagamekhalaḥ| pratyuvāca tataḥ kanyā vibhuruttiṣṭhateti saḥ||

लिंग से ही प्रकट होकर, गंगा और सर्पों की करधनी धारण किए हुए वह विभु, उन कन्याओं से बोले—'उठो!'

श्लोक 92 (skanda.5.116.92)

उत्थाय ता विनिर्मथ्य लोचने श्रुतिसंगमे। अंगमोटनवत्यश्च तदा निर्घूर्णितेक्षणाः॥

utthāya tā vinirmathya locane śrutisaṁgame| aṁgamoṭanavatyaśca tadā nirghūrṇitekṣaṇāḥ||

उठकर उन्होंने कानों तक फैली हुई अपनी आँखों को मलते हुए, अंगों को मरोड़ते हुए, तब घूमती हुई दृष्टि से देखा।

श्लोक 93 (skanda.5.116.93)

यावत्पश्यंति पुरतः संभ्रमापन्नमानसाः। अतर्कितागमस्तावत्ताभिर्दृष्टस्त्रिलोचनः॥

yāvatpaśyaṁti purataḥ saṁbhramāpannamānasāḥ| atarkitāgamastāvattābhirdṛṣṭastrilocanaḥ||

जैसे ही उन्होंने चकित मन से आगे देखा, अकस्मात् आया हुआ त्रिलोचन उन्हें दिखाई दिया।

श्लोक 94 (skanda.5.116.94)

ववंदिरेऽथ ता बाला ज्ञात्वा लक्ष्मभिरीश्वरम्। तुष्टुवुश्च प्रहृष्टास्ताः सन्नकंठ्योऽतिविक्लवम्॥

vavaṁdire'tha tā bālā jñātvā lakṣmabhirīśvaram| tuṣṭuvuśca prahṛṣṭāstāḥ sannakaṁṭhyo'tiviklavam||

तब उन कन्याओं ने चिह्नों से ईश्वर को पहचानकर उन्हें प्रणाम किया, और अत्यन्त हर्षित होकर, गद्गद कण्ठ से, अत्यन्त व्याकुल होकर उनकी स्तुति की।

श्लोक 95 (skanda.5.116.95)

जय शंभो जयेशान जय सर्वग सर्वद। जय त्रिपुरसंहर्तर्जयांधकनिषूदन॥

jaya śaṁbho jayeśāna jaya sarvaga sarvada| jaya tripurasaṁhartarjayāṁdhakaniṣūdana||

'जय हो शम्भो, जय हो ईशान, जय हो सर्वव्यापक सर्वदाता! जय हो त्रिपुर-संहारक, जय हो अन्धक-निषूदन!'

श्लोक 96 (skanda.5.116.96)

जय जालंधरहर जय कंदर्पदर्पहृत्। जय त्रैलोक्यजनक जय त्रैलोक्यवंदित। जय भक्तजनाधीश जय प्रमथनायक॥

jaya jālaṁdharahara jaya kaṁdarpadarpahṛt| jaya trailokyajanaka jaya trailokyavaṁdita| jaya bhaktajanādhīśa jaya pramathanāyaka||

'जय हो जालन्धर-हर, जय हो कन्दर्प के गर्व को हरने वाले! जय हो त्रैलोक्य के जनक, जय हो त्रैलोक्य-वन्दित! जय हो भक्तजनों के अधीश्वर, जय हो प्रमथ-नायक!'

श्लोक 97 (skanda.5.116.97)

नमस्तुभ्यं नमस्तुभ्यं नमस्तुभ्यं नमोनमः। त्रिलोचन नमस्तुभ्यं त्रिविष्टप नमोऽस्तु ते॥

namastubhyaṁ namastubhyaṁ namastubhyaṁ namonamaḥ| trilocana namastubhyaṁ triviṣṭapa namo'stu te||

'तुम्हें नमस्कार है, तुम्हें नमस्कार है, तुम्हें नमस्कार है, बारंबार नमस्कार है। हे त्रिलोचन, तुम्हें नमस्कार है; हे त्रिविष्टप, तुम्हें नमस्कार हो।'

श्लोक 98 (skanda.5.116.98)

इत्युक्त्वा दंडवद्भूमौ प्रणिपेतुः कुमारिकाः। अथोत्थाप्य कुमारीस्ताः प्रोवाच शशिभूषणः॥

ityuktvā daṁḍavadbhūmau praṇipetuḥ kumārikāḥ| athotthāpya kumārīstāḥ provāca śaśibhūṣaṇaḥ||

ऐसा कहकर वे कुमारिकाएँ भूमि पर दण्डवत् प्रणाम करने लगीं; तब चन्द्रभूषण शिव ने उन कुमारियों को उठाकर कहा—

श्लोक 99 (skanda.5.116.99)

सुतो मंदारदाम्नश्च नाम्ना परिमलालयः। पतिर्विद्याधरवरो भवतीनां भविष्यति॥

suto maṁdāradāmnaśca nāmnā parimalālayaḥ| patirvidyādharavaro bhavatīnāṁ bhaviṣyati||

'मन्दारदाम का पुत्र, परिमलालय नाम का उत्तम विद्याधर, तुम सबका पति होगा।'

श्लोक 100 (skanda.5.116.100)

चिरं विद्याधरे लोके भोगान्भुक्त्वा समंततः। ततो ह्यवंतिकां प्राप्य मां ध्यात्वा सिद्धिमाप्स्यथ॥

ciraṁ vidyādhare loke bhogānbhuktvā samaṁtataḥ| tato hyavaṁtikāṁ prāpya māṁ dhyātvā siddhimāpsyatha||

'विद्याधर-लोक में चिरकाल तक चारों ओर भोगों को भोगकर, तत्पश्चात् अवन्तिका को प्राप्त कर, मेरा ध्यान करके तुम सिद्धि प्राप्त करोगी।'

श्लोक 101 (skanda.5.116.101)

जन्मांतरेपि मे भक्तिर्भवतीभिश्च तेन च। विहिता तेन वो जन्म निर्मलं भक्तिभावितम्॥

janmāṁtarepi me bhaktirbhavatībhiśca tena ca| vihitā tena vo janma nirmalaṁ bhaktibhāvitam||

'पूर्वजन्म में भी तुम लोगों ने और उसने मेरी भक्ति की थी; उसी कारण तुम्हारा यह जन्म भक्तिभावित और निर्मल हुआ है।'

श्लोक 102 (skanda.5.116.102)

एतत्प्रभावतीस्तोत्रं ये पठिष्यंति मे पुरः। तेभ्यः कामान्प्रदास्यामि भवतीनामयं वरः॥

etatprabhāvatīstotraṁ ye paṭhiṣyaṁti me puraḥ| tebhyaḥ kāmānpradāsyāmi bhavatīnāmayaṁ varaḥ||

'जो इस प्रभावती-स्तोत्र को मेरे समक्ष पढ़ेंगे, उन्हें मैं मनोवांछित कामनाएँ प्रदान करूँगा — तुम लोगों के लिए यह वर है।'

श्लोक 103 (skanda.5.116.103)

इत्युक्तवति देवेशे ताः कन्या हृष्टमानसाः। प्रणम्य प्रोचुरीशानं प्रबद्धकरसंपुटाः॥

ityuktavati deveśe tāḥ kanyā hṛṣṭamānasāḥ| praṇamya procurīśānaṁ prabaddhakarasaṁpuṭāḥ||

देवेश के ऐसा कहने पर वे कन्याएँ हर्षित मन से प्रणाम करके, हाथ जोड़कर, ईशान से बोलीं—

श्लोक 104 (skanda.5.116.104)

नागकन्या ऊचुः। पृच्छामो ब्रूहि नो नाथ करुणाकर शंकर। जन्मांतरे कथं सेवा चतुर्भिर्भवतः कृता॥

nāgakanyā ūcuḥ| pṛcchāmo brūhi no nātha karuṇākara śaṁkara| janmāṁtare kathaṁ sevā caturbhirbhavataḥ kṛtā||

नागकन्याओं ने कहा—'हम पूछती हैं; हे नाथ, हे करुणाकर शंकर, बताइए, पूर्वजन्म में इन चारों ने आपकी सेवा किस प्रकार की थी?'

श्लोक 105 (skanda.5.116.105)

ततः प्राक्तनवृत्तांतमेतस्यापि कृतात्मनः। अस्माकमपि चाख्याहि कृपां कुरु कृपानिधे॥

tataḥ prāktanavṛttāṁtametasyāpi kṛtātmanaḥ| asmākamapi cākhyāhi kṛpāṁ kuru kṛpānidhe||

'अतः इस कृतात्मा का भी और हमारा भी पूर्ववृत्तान्त बताइए; हे कृपानिधे, कृपा कीजिए।'

श्लोक 106 (skanda.5.116.106)

इति श्रुत्वा प्रणयतो बालोदीरितमीप्सितम्। प्रोवाच तासामपि च भवांतरविचेष्टितम्॥

iti śrutvā praṇayato bālodīritamīpsitam| provāca tāsāmapi ca bhavāṁtaraviceṣṭitam||

उन बालाओं द्वारा स्नेहपूर्वक कहा गया यह अभीष्ट वचन सुनकर, उन्हें भी उनके पूर्वजन्म का वृत्तान्त सुनाया गया।

श्लोक 107 (skanda.5.116.107)

ईश्वर उवाच। शृणुध्वं नागतनयास्तिस्रोपि हि समाहिताः। प्राग्भवं भवतीनां च तस्यापि कथयाम्यहम्॥

īśvara uvāca| śṛṇudhvaṁ nāgatanayāstisropi hi samāhitāḥ| prāgbhavaṁ bhavatīnāṁ ca tasyāpi kathayāmyaham||

ईश्वर ने कहा—'हे नागकन्याओ, तुम तीनों एकाग्रचित्त होकर सुनो; मैं तुम लोगों के और उसके भी पूर्वजन्म को बताता हूँ।'

श्लोक 108 (skanda.5.116.108)

एषा रत्नावली पूर्वमासीत्पारावती खगी। स च विद्याधरवरः पतिरस्याः खगोऽभवत्॥

eṣā ratnāvalī pūrvamāsītpārāvatī khagī| sa ca vidyādharavaraḥ patirasyāḥ khago'bhavat||

यह रत्नावली पूर्वजन्म में पारावती नामक पक्षिणी थी; और यह उत्तम विद्याधर इसका पति, पारावत नामक पक्षी था।

श्लोक 109 (skanda.5.116.109)

प्रासादे च ममैताभ्यामुषितं सुचिरं सुखम्। रजः प्रासादसंलग्नं नुन्नं पक्षानिलैः पुनः॥

prāsāde ca mamaitābhyāmuṣitaṁ suciraṁ sukham| rajaḥ prāsādasaṁlagnaṁ nunnaṁ pakṣānilaiḥ punaḥ||

इन दोनों ने मेरे प्रासाद में दीर्घकाल तक सुखपूर्वक निवास किया, और प्रासाद पर जमी धूल को अपने पंखों की हवा से बार-बार हटाया।

श्लोक 110 (skanda.5.116.110)

उपरिष्टादधस्ताच्च कृता भूरिप्रदक्षिणाः। व्योम्नि संचरमाणाभ्यां संचीर्णं च ममाजिरे॥

upariṣṭādadhastācca kṛtā bhūripradakṣiṇāḥ| vyomni saṁcaramāṇābhyāṁ saṁcīrṇaṁ ca mamājire||

ऊपर और नीचे से इन्होंने अनेक बार प्रदक्षिणा की; आकाश में विचरण करते हुए इन्होंने मेरे आँगन में भी बहुत परिभ्रमण किया।

श्लोक 111 (skanda.5.116.111)

स्नातं चतुर्नदे तीर्थे पीतं तत्रांबु चासकृत्। आभ्यां कलरवाभ्यां च कृताः कलरवा मुदा॥

snātaṁ caturnade tīrthe pītaṁ tatrāṁbu cāsakṛt| ābhyāṁ kalaravābhyāṁ ca kṛtāḥ kalaravā mudā||

चतुर्नद तीर्थ में स्नान किया, और वहाँ बार-बार जल पीया; इन दोनों कलरव करने वालों ने प्रसन्नतापूर्वक कलरव भी किया।

श्लोक 112 (skanda.5.116.112)

एताभ्यां स्थिरचित्ताभ्यां मुदिता त्वमतीव हि। दृष्ट्वा हि कौतुकान्यत्र मम भक्तैः कृतान्यपि॥

etābhyāṁ sthiracittābhyāṁ muditā tvamatīva hi| dṛṣṭvā hi kautukānyatra mama bhaktaiḥ kṛtānyapi||

इन दोनों स्थिरचित्त पक्षियों से तुम भी अत्यन्त प्रसन्न हुई थीं, यहाँ मेरे भक्तों द्वारा किए गए कौतुकों को देखकर।

श्लोक 113 (skanda.5.116.113)

अमूभ्यां बहुशो दृष्टा मम मंगलदीपिकाः। पीतं श्रुतिपुटाभ्यां च मम नामाक्षरामृतम्। तिर्यग्योनिप्रभावेन न मृतौ मम संनिधौ॥

amūbhyāṁ bahuśo dṛṣṭā mama maṁgaladīpikāḥ| pītaṁ śrutipuṭābhyāṁ ca mama nāmākṣarāmṛtam| tiryagyoniprabhāvena na mṛtau mama saṁnidhau||

इन दोनों के द्वारा बार-बार मेरी मंगल-आरती देखी गई, और अपने कानों से मेरे नामाक्षरों का अमृत भी पीया गया; तिर्यग्योनि होने के प्रभाव से वे मेरे समीप ही नहीं मरे।

श्लोक 114 (skanda.5.116.114)

जंबूमार्गे मृतौ यस्मात्स्वर्गप्राप्तिकरे ध्रुवम्। तस्मात्पारावती ह्येषा रत्नदीपसुताऽभवत्॥

jaṁbūmārge mṛtau yasmātsvargaprāptikare dhruvam| tasmātpārāvatī hyeṣā ratnadīpasutā'bhavat||

चूँकि वे स्वर्गप्राप्ति कराने वाले जम्बू-मार्ग में मरे, इसलिए यह पारावती ही रत्नदीप की पुत्री बनी।

श्लोक 115 (skanda.5.116.115)

पतिः पारावतोऽस्याश्च जातो विद्याधरांगजः। एषा प्रभावती नागी नागराजस्य सद्मनि। इह जन्मनि कन्यासीत्पूर्वजन्म ब्रवीमि च॥

patiḥ pārāvato'syāśca jāto vidyādharāṁgajaḥ| eṣā prabhāvatī nāgī nāgarājasya sadmani| iha janmani kanyāsītpūrvajanma bravīmi ca||

और उसका पति पारावत विद्याधर-पुत्र के रूप में जन्मा। यह नागकन्या प्रभावती नागराज के भवन में इस जन्म में कन्या रही; अब मैं उसके पूर्वजन्म को बताता हूँ।

श्लोक 116 (skanda.5.116.116)

त्रिशिखस्योरगेंद्रस्य सुता चेयं कलावती। एतस्या अपि वृत्तांतं निशामय तु वच्म्यहम्॥

triśikhasyorageṁdrasya sutā ceyaṁ kalāvatī| etasyā api vṛttāṁtaṁ niśāmaya tu vacmyaham||

और यह कलावती त्रिशिख नामक नागेन्द्र की पुत्री है; इसका भी वृत्तान्त सुनो, मैं बताता हूँ।

श्लोक 117 (skanda.5.116.117)

भवांतरे तृतीयेतः कन्ये चारायणस्य च। आस्तां महर्षेः शीलाढ्ये प्रेमवत्यौ परस्परम्॥

bhavāṁtare tṛtīyetaḥ kanye cārāyaṇasya ca| āstāṁ maharṣeḥ śīlāḍhye premavatyau parasparam||

तीसरे पूर्वजन्म में ये दोनों महर्षि चारायण की सुशील कन्याएँ थीं, जो परस्पर प्रेमपूर्ण थीं।

श्लोक 118 (skanda.5.116.118)

पित्रा चारायणेनापि ताभ्यां संप्रेरितेन वै। आमुष्यायणपुत्राय दत्ते नारायणाय हि॥

pitrā cārāyaṇenāpi tābhyāṁ saṁpreritena vai| āmuṣyāyaṇaputrāya datte nārāyaṇāya hi||

पिता चारायण के द्वारा, उनकी इच्छा से प्रेरित होकर, वे दोनों आमुष्यायण के पुत्र नारायण को विवाहित कर दी गईं।

श्लोक 119 (skanda.5.116.119)

अप्राप्तयौवनोरण्ये समिदाहरणाय वै। गतो विधिवशाद्दष्टो दंदशूकेन कानने॥

aprāptayauvanoraṇye samidāharaṇāya vai| gato vidhivaśāddaṣṭo daṁdaśūkena kānane||

यौवन को प्राप्त न होते हुए भी वह वन में समिधा लाने गया, और वहाँ विधिवश जंगल में साँप ने उसे डस लिया।

श्लोक 120 (skanda.5.116.120)

भवानीगौतमीनाम्न्यौ ते तु चारायणांगजे। वैधव्यदुःखमापन्ने दैन्यग्रस्ते बभूवतुः॥

bhavānīgautamīnāmnyau te tu cārāyaṇāṁgaje| vaidhavyaduḥkhamāpanne dainyagraste babhūvatuḥ||

भवानी और गौतमी नाम वाली वे दोनों चारायण-पुत्रियाँ वैधव्य के दुःख को प्राप्त हुईं और दीनता से ग्रस्त हो गईं।

श्लोक 121 (skanda.5.116.121)

अत एव प्रयत्नेन परिणेता विवर्जयेत। देवतासरिदाह्वानकन्यापाणिग्रहं सुधीः॥

ata eva prayatnena pariṇetā vivarjayeta| devatāsaridāhvānakanyāpāṇigrahaṁ sudhīḥ||

इसीलिए विवाह करने वाले को प्रयत्नपूर्वक देवता, नदी या आह्वान के नाम पर रखी गई कन्या के पाणिग्रहण का त्याग करना चाहिए।

श्लोक 122 (skanda.5.116.122)

अथर्षेः कस्यचिद्दैवादाश्रमे देवसन्निभे। रंभाफलान्यदत्तानि मोहाज्जग्रहतुस्तदा॥

atharṣeḥ kasyaciddaivādāśrame devasannibhe| raṁbhāphalānyadattāni mohājjagrahatustadā||

तब किसी ऋषि के देवोपम आश्रम में, दैववश बिना दिए हुए केले के फल, मोहवश उन दोनों ने ग्रहण कर लिए।

श्लोक 123 (skanda.5.116.123)

कृत्वा नानोपवासादिव्रतानि ब्राह्मणांगजे। अध्यास्य निधनं कालाच्छाखामृग्यौ बभूवतुः॥

kṛtvā nānopavāsādivratāni brāhmaṇāṁgaje| adhyāsya nidhanaṁ kālācchākhāmṛgyau babhūvatuḥ||

उन दोनों ब्राह्मण-कन्याओं ने नाना उपवास आदि व्रत करके, अन्त में समय पर मृत्यु को प्राप्त होकर, बंदरिया बनीं।

श्लोक 124 (skanda.5.116.124)

फलचौर्यविपाकेन वानरत्वं तयोरभूत्। शीलरक्षणभावेनावंत्यां जनिमवापतुः॥

phalacauryavipākena vānaratvaṁ tayorabhūt| śīlarakṣaṇabhāvenāvaṁtyāṁ janimavāpatuḥ||

फल की चोरी के फलस्वरूप उन्हें वानरत्व प्राप्त हुआ; और शील की रक्षा के भाव के कारण उन्हें अवन्ती में जन्म मिला।

श्लोक 125 (skanda.5.116.125)

स च नारायणो विप्रः पितृशुश्रूषणे रतः। दष्टोऽपि दंदशूकेन काश्यां पारावतो भवत॥

sa ca nārāyaṇo vipraḥ pitṛśuśrūṣaṇe rataḥ| daṣṭo'pi daṁdaśūkena kāśyāṁ pārāvato bhavata||

और वह ब्राह्मण नारायण, जो पितृ-सेवा में रत था और सर्प द्वारा डसा गया था, काशी में पारावत बना।

श्लोक 126 (skanda.5.116.126)

एवं भवांतरे चासीदेतयोः पतिरेव सः। तिसृणां भवतीनां च भावी भर्ता पुनः स वै॥

evaṁ bhavāṁtare cāsīdetayoḥ patireva saḥ| tisṛṇāṁ bhavatīnāṁ ca bhāvī bhartā punaḥ sa vai||

इस प्रकार उस पूर्वजन्म में भी वही इन दोनों का पति था; और तुम तीनों का भी वही भावी पति फिर से होगा।

श्लोक 127 (skanda.5.116.127)

प्रासादस्यापि पार्श्वे तु न्यग्रोधश्च महानगः। तस्मिञ्छाखिनि वासाढ्ये शाखामृग्यो बभूवतुः॥

prāsādasyāpi pārśve tu nyagrodhaśca mahānagaḥ| tasmiñchākhini vāsāḍhye śākhāmṛgyo babhūvatuḥ||

उस प्रासाद के पास एक विशाल वटवृक्ष था; उसी वृक्ष पर वे दोनों बन्दरिया के रूप में रहती थीं।

श्लोक 128 (skanda.5.116.128)

विष्णुदेहजले तीर्थे क्रीडया च ममज्जतुः। पपतुश्चापि पानीयं तस्मिंस्तीर्थे तृषातुरे॥

viṣṇudehajale tīrthe krīḍayā ca mamajjatuḥ| papatuścāpi pānīyaṁ tasmiṁstīrthe tṛṣāture||

विष्णु के देह से उत्पन्न जल के तीर्थ में उन्होंने क्रीड़ावश गोता लगाया, और प्यास से व्याकुल होकर उस तीर्थ का जल भी पीया।

श्लोक 129 (skanda.5.116.129)

जातिस्वभावचापल्यात्कीडंत्यौ च प्रदक्षिणम्। चक्रतुर्बहुकृत्वश्च लिंगं ददृशतुर्बहु॥

jātisvabhāvacāpalyātkīḍaṁtyau ca pradakṣiṇam| cakraturbahukṛtvaśca liṁgaṁ dadṛśaturbahu||

अपनी जाति के स्वाभाविक चंचलपन से खेलते-खेलते उन दोनों ने अनेक बार प्रदक्षिणा की, और बार-बार लिंग का दर्शन किया।

श्लोक 130 (skanda.5.116.130)

विचरंत्यावितः स्वैरं तत्र न्यग्रोधसंनिधौ। केनचिद्योगवेषेण पाशेन च नियंत्रिते॥

vicaraṁtyāvitaḥ svairaṁ tatra nyagrodhasaṁnidhau| kenacidyogaveṣeṇa pāśena ca niyaṁtrite||

वहाँ वटवृक्ष के समीप स्वच्छन्दतापूर्वक विचरण करती हुई वे किसी योगी के वेषधारी व्यक्ति द्वारा पाश से बाँध ली गईं।

श्लोक 131 (skanda.5.116.131)

भिक्षार्थं शिक्षिते तेन न प्लुतिर्न निवर्त्तनम्। अथ ते क्वापि मर्कट्यौ कालधर्मवशंगते॥

bhikṣārthaṁ śikṣite tena na plutirna nivarttanam| atha te kvāpi markaṭyau kāladharmavaśaṁgate||

और उसके द्वारा भिक्षा के लिए सिखाई गईं, न भागती थीं, न विरोध करती थीं। तत्पश्चात् वे दोनों बंदरिया किसी स्थान पर काल-धर्म को प्राप्त हुईं।

श्लोक 132 (skanda.5.116.132)

अवन्तीवासपुण्येन त्रिलोचनस्य सेवया। प्रादक्षिण्यानुरूपेण जाते नागसुते अपि॥

avantīvāsapuṇyena trilocanasya sevayā| prādakṣiṇyānurūpeṇa jāte nāgasute api||

अवन्ती में निवास के पुण्य से और त्रिलोचन की सेवा से, तथा उनकी प्रदक्षिणा के अनुरूप, वे दोनों नागकन्या के रूप में उत्पन्न हुईं।

श्लोक 133 (skanda.5.116.133)

अधुना तं पतिं प्राप्य विद्याधरकुमारकम्। निर्विश्य स्वर्गभोगांश्चावंत्यां निर्वृतिमाप्स्यथ॥

adhunā taṁ patiṁ prāpya vidyādharakumārakam| nirviśya svargabhogāṁścāvaṁtyāṁ nirvṛtimāpsyatha||

अब उस विद्याधर-कुमार पति को प्राप्त करके और स्वर्ग के भोगों को भोगकर, तुम अवन्ती में परम शान्ति प्राप्त करोगी।

श्लोक 134 (skanda.5.116.134)

यैरल्पमपि चावंत्या कृतं कर्म शुभावहम्। तस्य मोक्षः परीपाको निश्चितं मदनुग्रहात्। त्रैलोक्येऽपि च सर्वस्मिञ्छ्रेष्ठाऽवन्तीपुरी सदा॥

yairalpamapi cāvaṁtyā kṛtaṁ karma śubhāvaham| tasya mokṣaḥ parīpāko niścitaṁ madanugrahāt| trailokye'pi ca sarvasmiñchreṣṭhā'vantīpurī sadā||

जिन्होंने अवन्ती में थोड़ा भी शुभकारी कर्म किया है, उसका परिपक्व फल निश्चय ही मेरी कृपा से मोक्ष है; सम्पूर्ण त्रैलोक्य में भी अवन्तीपुरी सदा श्रेष्ठ है।

श्लोक 135 (skanda.5.116.135)

ततोऽपि लिंगमोंकारं ततोऽप्यत्र त्रिलोचनम्। तिष्ठगानोऽत्र लिंगेऽहं भुक्तिं मुक्तिं ददामि वै॥

tato'pi liṁgamoṁkāraṁ tato'pyatra trilocanam| tiṣṭhagāno'tra liṁge'haṁ bhuktiṁ muktiṁ dadāmi vai||

उससे भी बढ़कर ओंकार लिंग है, और उससे भी बढ़कर यहाँ त्रिलोचन है; इस लिंग में स्थित रहकर मैं यहाँ भोग और मोक्ष दोनों प्रदान करता हूँ।

श्लोक 136 (skanda.5.116.136)

अतः सर्वप्रयत्नेनावन्त्यां पूज्यस्त्रिलोचनः। इत्युक्त्वा देवदेवेशस्तत्प्रासादांतरेऽविशत्॥

ataḥ sarvaprayatnenāvantyāṁ pūjyastrilocanaḥ| ityuktvā devadeveśastatprāsādāṁtare'viśat||

अतः अवन्ती में सर्वप्रयत्न से त्रिलोचन की पूजा करनी चाहिए। ऐसा कहकर देवाधिदेव उस प्रासाद के भीतर प्रविष्ट हो गए।

श्लोक 137 (skanda.5.116.137)

लिंगस्वरूपमासाद्य शुभं त्रिभुवनादपि। ताश्च स्वसदनं प्राप्य तद्वृत्तांतमशेषतः। स्वमातुः पुरतश्चोक्त्वा कृतकृत्या इवाभवन्॥

liṁgasvarūpamāsādya śubhaṁ tribhuvanādapi| tāśca svasadanaṁ prāpya tadvṛttāṁtamaśeṣataḥ| svamātuḥ purataścoktvā kṛtakṛtyā ivābhavan||

और त्रिभुवन से भी बढ़कर शुभ लिंगस्वरूप को प्राप्त हो गए। वे कन्याएँ भी अपने-अपने घर पहुँचकर, अपनी-अपनी माता के समक्ष यह सम्पूर्ण वृत्तान्त सुनाकर कृतकृत्य-सी हो गईं।

श्लोक 138 (skanda.5.116.138)

एकदा माधवे मासि सह सार्थाः समागताः। विद्याधरास्तथा नागा मिलिताः सपरिच्छदाः॥

ekadā mādhave māsi saha sārthāḥ samāgatāḥ| vidyādharāstathā nāgā militāḥ saparicchadāḥ||

एक बार वैशाख मास में साथ-साथ यात्रा-दलों सहित विद्याधर और नाग, अपने-अपने परिवारों के साथ मिले।

श्लोक 139 (skanda.5.116.139)

विरजस्के महाक्षेत्रे त्रिलोचनसमीपतः। देवस्य वरदानाच्च पृष्ट्वान्योन्यं कुलावलिम्॥

virajaske mahākṣetre trilocanasamīpataḥ| devasya varadānācca pṛṣṭvānyonyaṁ kulāvalim||

विरजस् नामक महाक्षेत्र में त्रिलोचन के समीप, देव के वरदान के अनुसार, उन्होंने आपस में एक-दूसरे के कुल का परिचय पूछा।

श्लोक 140 (skanda.5.116.140)

विद्याधराय ताः कन्या नागैस्तिस्रोऽपि कल्पिताः। मंदारदामा सन्तुष्टः प्राप्य तच्च स्नुशत्रयम्॥

vidyādharāya tāḥ kanyā nāgaistisro'pi kalpitāḥ| maṁdāradāmā santuṣṭaḥ prāpya tacca snuśatrayam||

नागों ने वे तीनों कन्याएँ उस विद्याधर को दे दीं; मंदारदाम भी उन तीनों पुत्रवधुओं को पाकर संतुष्ट हुआ।

श्लोक 141 (skanda.5.116.141)

रत्नदीपैश्च नागेन्द्रः पद्मी च भुजगेश्वरः। विशिखोऽपि फणींद्रश्च हृष्टा एते त्रयोऽपि च। जामातरं समासाद्य शुभं परिमलालयम्॥

ratnadīpaiśca nāgendraḥ padmī ca bhujageśvaraḥ| viśikho'pi phaṇīṁdraśca hṛṣṭā ete trayo'pi ca| jāmātaraṁ samāsādya śubhaṁ parimalālayam||

नागेन्द्र रत्नदीप, भुजगेश्वर पद्मी, और फणीन्द्र त्रिशिख — ये तीनों भी शुभ परिमलालय को दामाद के रूप में पाकर अत्यन्त प्रसन्न हुए।

श्लोक 142 (skanda.5.116.142)

अन्योऽन्यं स्वजनास्ते तु मुदा विकसितेक्षणाः। विवाहोत्सवमारच्य स्वंस्वं भवनमाविशन्॥

anyo'nyaṁ svajanāste tu mudā vikasitekṣaṇāḥ| vivāhotsavamāracya svaṁsvaṁ bhavanamāviśan||

वे स्वजन आपस में हर्ष से खिले हुए नेत्रों वाले होकर, विवाहोत्सव सम्पन्न करके, अपने-अपने भवन में प्रविष्ट हुए।

श्लोक 143 (skanda.5.116.143)

त्रिलोचनस्य लिंगस्य वर्णयंतोऽपि गौरवम्। स च विद्याधरः श्रीमान्नागीभिर्विपुलं सुखम्। भुक्त्वावन्तीं ततः प्राप्य संसेव्य च त्रिलोचनम्॥

trilocanasya liṁgasya varṇayaṁto'pi gauravam| sa ca vidyādharaḥ śrīmānnāgībhirvipulaṁ sukham| bhuktvāvantīṁ tataḥ prāpya saṁsevya ca trilocanam||

वे त्रिलोचन लिंग की महिमा का वर्णन करते रहे। और वह श्रीमान् विद्याधर नागकन्याओं सहित विपुल सुख भोगकर, तत्पश्चात् अवन्ती को प्राप्त कर, त्रिलोचन की भलीभाँति सेवा करके,

श्लोक 144 (skanda.5.116.144)

गायन्गीतं सुमधुरं नागीभिः सहितः कृती। आत्मानं चातिविस्मृत्य मध्येलिंगं लयं गतः॥

gāyangītaṁ sumadhuraṁ nāgībhiḥ sahitaḥ kṛtī| ātmānaṁ cātivismṛtya madhyeliṁgaṁ layaṁ gataḥ||

नागकन्याओं सहित अत्यन्त मधुर गीत गाते हुए वह कृतार्थ, अपने आपको भूलकर, लिंग के मध्य में लय को प्राप्त हो गया।

श्लोक 145 (skanda.5.116.145)

त्रिलोचनस्य महिमा कलौ देवेन गोपितः। ततोल्पसत्त्वा मनुजा न तल्लिंगमुपासते॥

trilocanasya mahimā kalau devena gopitaḥ| tatolpasattvā manujā na talliṁgamupāsate||

कलियुग में त्रिलोचन की महिमा देव द्वारा गुप्त रखी गई है; इसीलिए अल्पसत्त्व वाले मनुष्य उस लिंग की उपासना नहीं करते।

श्लोक 146 (skanda.5.116.146)

त्रिलोचनकथामेतां श्रुत्वा पापान्वितोऽप्यहो। विपापो जायते मर्त्यो लभते च परां गतिम्॥

trilocanakathāmetāṁ śrutvā pāpānvito'pyaho| vipāpo jāyate martyo labhate ca parāṁ gatim||

इस त्रिलोचन-कथा को सुनकर पापयुक्त मनुष्य भी, आश्चर्य है, पापरहित हो जाता है और परम गति को प्राप्त करता है।

श्लोक 147 (skanda.5.116.147)

एष ते कथितो देवि प्रभावः पापनाशनः। त्रिलोचनस्य देवस्य शृणु वीरेश्वरं परम्॥

eṣa te kathito devi prabhāvaḥ pāpanāśanaḥ| trilocanasya devasya śṛṇu vīreśvaraṁ param||

हे देवि, यह देव त्रिलोचन का पापनाशक प्रभाव तुम्हें बताया गया; अब आगे वीरेश्वर के विषय में सुनो।