वीरेश्वर माहात्म्य वर्णन

श्लोक 1 (skanda.5.117.1)

श्रीहर उवाच। षट्चत्वारिंशकं देवि वीरेश्वरमथो शृणु। यस्य दर्शनमात्रेण कुलवृद्धिर्भवेद्ध्रुवम्॥

śrīhara uvāca| ṣaṭcatvāriṁśakaṁ devi vīreśvaramatho śṛṇu| yasya darśanamātreṇa kulavṛddhirbhaveddhruvam||

श्री हर ने कहा—अब, हे देवि, छियालीसवें वीरेश्वर के विषय में सुनो, जिसके दर्शनमात्र से निश्चय ही कुल की वृद्धि होती है।

श्लोक 2 (skanda.5.117.2)

निशामय महाद्वीर वीरेशाविर्भवं परम्। यच्छ्रुत्वा पितरः पुण्यं प्राप्नुयुर्विपुलं शिवे॥

niśāmaya mahādvīra vīreśāvirbhavaṁ param| yacchrutvā pitaraḥ puṇyaṁ prāpnuyurvipulaṁ śive||

वीरेश्वर के इस महान् परम प्राकट्य को सुनो — हे शिवे, जिसे सुनकर पितर विपुल पुण्य प्राप्त करते हैं।

श्लोक 3 (skanda.5.117.3)

आसीदमित्रजिन्नाम राजा परपुरंजयः। धार्मिकः सत्त्वसंपन्नः प्रजारंजनतत्परः॥

āsīdamitrajinnāma rājā parapuraṁjayaḥ| dhārmikaḥ sattvasaṁpannaḥ prajāraṁjanatatparaḥ||

अमित्रजित् नामक एक राजा था, जो शत्रुओं के नगरों का विजेता, धार्मिक, सत्त्वसम्पन्न और प्रजा को प्रसन्न रखने में तत्पर था।

श्लोक 4 (skanda.5.117.4)

यशोधनो वदान्यश्च सुधीर्ब्राह्मणदैवतः। सदैवावभृथस्नातः परिक्लिन्नशिरोरुहः॥

yaśodhano vadānyaśca sudhīrbrāhmaṇadaivataḥ| sadaivāvabhṛthasnātaḥ pariklinnaśiroruhaḥ||

यशधनी, उदार, सुबुद्धिमान्, ब्राह्मणों को देवता मानने वाला, सदा यज्ञान्त स्नान से पवित्र, जिसके केश सदा भीगे रहते थे,

श्लोक 5 (skanda.5.117.5)

विनीतो नीतिसंपन्नः कुशलः सर्वकर्मसु। विद्याविशारदश्चाथ गुणवान्गुणिवत्सलः॥

vinīto nītisaṁpannaḥ kuśalaḥ sarvakarmasu| vidyāviśāradaścātha guṇavānguṇivatsalaḥ||

विनीत, नीतिसम्पन्न, सभी कार्यों में कुशल, विद्या में निपुण, गुणवान् और गुणीजनों का वत्सल,

श्लोक 6 (skanda.5.117.6)

कृतज्ञो मधुरालापः पापकर्मपराङ्मुखः। सत्यवाञ्छौचनिलयः सत्यवाग्विजितेंद्रियः॥

kṛtajño madhurālāpaḥ pāpakarmaparāṅmukhaḥ| satyavāñchaucanilayaḥ satyavāgvijiteṁdriyaḥ||

कृतज्ञ, मधुरभाषी, पापकर्म से विमुख, सत्यवादी, पवित्रता का निवास, सत्यभाषी, जितेन्द्रिय,

श्लोक 7 (skanda.5.117.7)

रणांगणे कृतांतस्य संख्यावांश्च सदोजिरे। कामिनीकेलिकालज्ञो युवापि स्थविरप्रियः॥

raṇāṁgaṇe kṛtāṁtasya saṁkhyāvāṁśca sadojire| kāminīkelikālajño yuvāpi sthavirapriyaḥ||

रणभूमि में यमराज के समकक्ष गिना जाने वाला, स्त्रियों की क्रीड़ा के उचित समय का ज्ञाता, युवा होते हुए भी वृद्धों को प्रिय,

श्लोक 8 (skanda.5.117.8)

धर्मार्थधनकोशश्च समृद्धबलवाहनः। सुभगश्च सुरूपश्च सुमेधाः सुप्रजाप्रियः॥

dharmārthadhanakośaśca samṛddhabalavāhanaḥ| subhagaśca surūpaśca sumedhāḥ suprajāpriyaḥ||

धर्म, अर्थ और धन का कोश, समृद्ध सेना और वाहनों वाला, सुभग, सुरूप, सुबुद्धि, सुप्रजा को प्रिय,

श्लोक 9 (skanda.5.117.9)

स्थैर्यधैर्यसमापन्नो देशकालविचक्षणः। मान्यानां मानदो नित्यं सर्वदूषणवर्जितः॥

sthairyadhairyasamāpanno deśakālavicakṣaṇaḥ| mānyānāṁ mānado nityaṁ sarvadūṣaṇavarjitaḥ||

स्थैर्य और धैर्य से सम्पन्न, देश-काल का ज्ञाता, माननीयों को सदा मान देने वाला, समस्त दोषों से रहित —

श्लोक 10 (skanda.5.117.10)

वासुदेवांघ्रियुगले चेतोवृत्तिं निधाय च। चकार राज्यं निर्द्वंद्वं धिग्धिगीतिविवर्जितम्॥

vāsudevāṁghriyugale cetovṛttiṁ nidhāya ca| cakāra rājyaṁ nirdvaṁdvaṁ dhigdhigītivivarjitam||

वासुदेव के चरणकमल-युगल में अपनी चित्तवृत्ति स्थिर करके उसने निर्द्वन्द्व राज्य किया, जो निन्दा की बातों से रहित था।

श्लोक 11 (skanda.5.117.11)

अलंघ्यशासनः श्रीमान्विष्णुभक्तिपरायणः। अभुनक्प्रवरान्भोगान्समंताद्विष्णुसंस्कृतान्॥

alaṁghyaśāsanaḥ śrīmānviṣṇubhaktiparāyaṇaḥ| abhunakpravarānbhogānsamaṁtādviṣṇusaṁskṛtān||

उसकी आज्ञा अलंघनीय थी, वह श्रीमान् और विष्णुभक्ति में परायण था; वह विष्णु को समर्पित सभी उत्तम भोगों को भोगता था।

श्लोक 12 (skanda.5.117.12)

हरेराराधनान्युच्चैः प्रतिसौधं पदेपदे। तस्य राज्ये समभवन्महाभागनिधेः शिवे॥

harerārādhanānyuccaiḥ pratisaudhaṁ padepade| tasya rājye samabhavanmahābhāganidheḥ śive||

हरि की आराधनाएँ प्रत्येक भवन में, प्रत्येक कदम पर उच्च स्वर से होती रहती थीं — हे शिवे, उस महाभाग्यनिधि के राज्य में ऐसा हुआ।

श्लोक 13 (skanda.5.117.13)

गोवृन्दगोपगोपालगोपीजनमनोहर। गदापाणे गुणातीत गुणाश्च गरुडध्वज।

govṛndagopagopālagopījanamanohara| gadāpāṇe guṇātīta guṇāśca garuḍadhvaja|

उसकी प्रजा प्रत्येक मन्दिर में इन नामों का उच्चारण करती थी—'हे गोसमूह, गोप, गोपाल और गोपीजनों के मनोहर! हे गदापाणे! हे गुणातीत, हे गुणी! हे गरुड़ध्वज!'

श्लोक 14 (skanda.5.117.14)

केशिहन्कैटभाराते कंसारे कमलापते।

keśihankaiṭabhārāte kaṁsāre kamalāpate|

'हे केशिहन्! हे कैटभारे! हे कंसारे! हे कमलापते!'

श्लोक 15 (skanda.5.117.15)

कृष्ण केशव कंजाक्ष कीनाशभयनाशन। पुरुषोत्तम पापारे पुण्डरीकविलोचन।

kṛṣṇa keśava kaṁjākṣa kīnāśabhayanāśana| puruṣottama pāpāre puṇḍarīkavilocana|

'हे कृष्ण! हे केशव! हे कंजाक्ष! हे कीनाशभयनाशन! हे पुरुषोत्तम! हे पापारे! हे पुण्डरीकविलोचन!'

श्लोक 16 (skanda.5.117.16)

पीतकौशेयवसन पद्मनाभ परात्पर। जनार्द्दनजगन्नाथ जाह्नवीजलजन्मभूः।

pītakauśeyavasana padmanābha parātpara| janārddanajagannātha jāhnavījalajanmabhūḥ|

'हे पीतकौशेयवसन! हे पद्मनाभ! हे परात्पर! हे जनार्दन! हे जगन्नाथ! हे जाह्नवी-जल-जन्मभू!'

श्लोक 17 (skanda.5.117.17)

जन्मिनां जन्महरण जंजपूकौघनाशन। श्रीवत्सवक्षः श्रीकंठ श्रीकर श्रेयसांनिधे।

janmināṁ janmaharaṇa jaṁjapūkaughanāśana| śrīvatsavakṣaḥ śrīkaṁṭha śrīkara śreyasāṁnidhe|

'हे जन्मियों के जन्म को हरने वाले! हे जंजपूक-समूह के नाशक! हे श्रीवत्सवक्ष! हे श्रीकण्ठ! हे श्रीकर! हे श्रेयों के निधे!'

श्लोक 18 (skanda.5.117.18)

श्रीरंग शार्ङ्गकोदंड शौरे शीतांशुलोचन। दैत्यारे दानवाराते दामोदर दुरंतक।

śrīraṁga śārṅgakodaṁḍa śaure śītāṁśulocana| daityāre dānavārāte dāmodara duraṁtaka|

'हे श्रीरंग! हे शार्ङ्गकोदण्ड! हे शौरे! हे शीतांशुलोचन! हे दैत्यारे! हे दानवारे! हे दामोदर! हे दुरन्तक!'

श्लोक 19 (skanda.5.117.19)

देवकीहृदयानंद दंदशूकेश्वरेशय। विष्णो वैकुण्ठनिलय बाणारे विष्टरश्रवः।

devakīhṛdayānaṁda daṁdaśūkeśvareśaya| viṣṇo vaikuṇṭhanilaya bāṇāre viṣṭaraśravaḥ|

'हे देवकी-हृदय-आनन्द! हे दन्दशूकेश्वरेशय! हे विष्णो! हे वैकुण्ठनिलय! हे बाणारे! हे विष्टरश्रवः!'

श्लोक 20 (skanda.5.117.20)

विष्वक्सेन विभो वीर वनमालिन्बलिप्रिय। त्रिविक्रम त्रिलोकेश चक्रपाणे चतुर्भुज।

viṣvaksena vibho vīra vanamālinbalipriya| trivikrama trilokeśa cakrapāṇe caturbhuja|

'हे विष्वक्सेन! हे विभो! हे वीर! हे वनमालिन्! हे बलिप्रिय! हे त्रिविक्रम! हे त्रिलोकेश! हे चक्रपाणे! हे चतुर्भुज!'

श्लोक 21 (skanda.5.117.21)

इत्यादीनि पवित्राणि नामानि प्रतिमंदिरे। स्त्रीवृद्धबालगोपालवदनोदीरितानि तु॥

ityādīni pavitrāṇi nāmāni pratimaṁdire| strīvṛddhabālagopālavadanodīritāni tu||

ऐसे और भी पवित्र नामों को, प्रत्येक मन्दिर में, स्त्रियों, वृद्धों, बालकों और गोपालों के मुख से उच्चारित होते हुए,

श्लोक 22 (skanda.5.117.22)

श्रूयंते यत्र कुत्रापि रम्याणि मधुविद्विषः। सुरम्यकाननान्येव विलोक्यंते गृहेगृहे॥

śrūyaṁte yatra kutrāpi ramyāṇi madhuvidviṣaḥ| suramyakānanānyeva vilokyaṁte gṛhegṛhe||

जहाँ कहीं भी सुना जाता, वह मधुविद्विष हरि से सम्बन्धित मनोहर होता था; प्रत्येक घर में सुरम्य उपवन ही दिखाई देते थे।

श्लोक 23 (skanda.5.117.23)

विचित्राणि चरित्राणि गीयंते च गृहेगृहे। सौधभित्तिषु दृश्यंते चित्राणि कृत्रिमाणि च॥

vicitrāṇi caritrāṇi gīyaṁte ca gṛhegṛhe| saudhabhittiṣu dṛśyaṁte citrāṇi kṛtrimāṇi ca||

घर-घर में विचित्र चरित्र गाए जाते थे; भवनों की भित्तियों पर कलापूर्ण चित्र देखे जाते थे।

श्लोक 24 (skanda.5.117.24)

ऋते हरिकथायास्तु नान्या वार्त्ता निशम्यते। हरिणा नैव वध्यंते हरिणा मांसधारिणः॥

ṛte harikathāyāstu nānyā vārttā niśamyate| hariṇā naiva vadhyaṁte hariṇā māṁsadhāriṇaḥ||

हरि की कथा को छोड़कर और कोई बात नहीं सुनी जाती थी; शिकारियों द्वारा मृग, जो मांसधारी हैं, कभी नहीं मारे जाते थे —

श्लोक 25 (skanda.5.117.25)

तस्य राज्ञो भयाद्व्याधैररण्ये सुखचारिणः। न मत्स्या नैव च बका वराहाश्च न केनचित्॥

tasya rājño bhayādvyādhairaraṇye sukhacāriṇaḥ| na matsyā naiva ca bakā varāhāśca na kenacit||

उस राजा के भय से वे वन में सुखपूर्वक विचरते थे; न मछलियाँ, न बगुले, न सूअर किसी के द्वारा मारे जाते थे,

श्लोक 26 (skanda.5.117.26)

हन्यंते क्वापि तद्भीत्या मत्स्यमांसाशिनाऽपि व। अपुत्रा न नरास्तस्य राष्ट्रेऽमित्रजितः क्वचित्॥

hanyaṁte kvāpi tadbhītyā matsyamāṁsāśinā'pi va| aputrā na narāstasya rāṣṭre'mitrajitaḥ kvacit||

उसके भय से वे कहीं भी नहीं मारे जाते थे, यहाँ तक कि मत्स्य-मांस खाने वालों द्वारा भी; अमित्रजित् के राज्य में कहीं भी मनुष्य पुत्रहीन नहीं थे।

श्लोक 27 (skanda.5.117.27)

स्तनपानं न कुर्वंति संप्राप्य हरिवासरम्। पशवोऽपि तृणाहारं परित्यज्य हरेर्दिने। उपोषणपरा जाता अन्येषां का कथा नृणाम्॥

stanapānaṁ na kurvaṁti saṁprāpya harivāsaram| paśavo'pi tṛṇāhāraṁ parityajya harerdine| upoṣaṇaparā jātā anyeṣāṁ kā kathā nṛṇām||

हरिवासर के आने पर शिशु स्तनपान नहीं करते थे; पशु भी हरि के दिन तृण-आहार त्यागकर उपवासपरायण हो जाते थे — फिर अन्य मनुष्यों की तो बात ही क्या?

श्लोक 28 (skanda.5.117.28)

महामहोत्सवः सर्वैः पुरौकोभिर्वितन्यते। अस्मिन्प्रशासति भुवं संप्राप्ते हरिवासरे॥

mahāmahotsavaḥ sarvaiḥ puraukobhirvitanyate| asminpraśāsati bhuvaṁ saṁprāpte harivāsare||

समस्त पुरवासियों द्वारा एक महान् उत्सव मनाया जाता था, जब भी, उसके पृथ्वी पर शासन करते हुए, हरिवासर आता था।

श्लोक 29 (skanda.5.117.29)

यो विष्णुभक्तिरहितः प्राणैरपि धनैरपि। स एव दण्ड्यो भुंक्ते यो राज्ञोऽमित्रजितः क्षितौ॥

yo viṣṇubhaktirahitaḥ prāṇairapi dhanairapi| sa eva daṇḍyo bhuṁkte yo rājño'mitrajitaḥ kṣitau||

जो भी विष्णुभक्ति से रहित था — वह अकेला ही, प्राणों और धन से भी, दण्डित होता था, जो भी उस राजा अमित्रजित् की भूमि पर रहता था।

श्लोक 30 (skanda.5.117.30)

अन्त्यजा अपि तद्राष्ट्रे शंखचक्रांकधारिणः। संप्राप्य वैष्णवीं दीक्षां दीक्षिता इति संस्थिताः॥

antyajā api tadrāṣṭre śaṁkhacakrāṁkadhāriṇaḥ| saṁprāpya vaiṣṇavīṁ dīkṣāṁ dīkṣitā iti saṁsthitāḥ||

उस राज्य में अन्त्यज लोग भी शंख-चक्र के चिह्न धारण करते हुए, वैष्णवी दीक्षा प्राप्त कर, दीक्षित होकर स्थित रहते थे।

श्लोक 31 (skanda.5.117.31)

शुभानि यानि कर्माणि क्रियंतेऽनुदिनं जनैः। वासुदेवे समर्प्यंते तानि तैरफलेप्सुभिः॥

śubhāni yāni karmāṇi kriyaṁte'nudinaṁ janaiḥ| vāsudeve samarpyaṁte tāni tairaphalepsubhiḥ||

जो भी शुभ कर्म लोगों द्वारा प्रतिदिन किए जाते थे, वे फलाकांक्षारहित होकर वासुदेव को समर्पित कर दिए जाते थे।

श्लोक 32 (skanda.5.117.32)

विना मुकुंदगोविंद परमानंदमच्युतम्। नान्यो जप्येत नम्येत सभाज्येत जनः क्वचित्। कृष्ण एव परो बंधुस्तस्यासीदवनीपतेः॥

vinā mukuṁdagoviṁda paramānaṁdamacyutam| nānyo japyeta namyeta sabhājyeta janaḥ kvacit| kṛṣṇa eva paro baṁdhustasyāsīdavanīpateḥ||

मुकुन्द, गोविन्द, परमानन्द, अच्युत के अतिरिक्त कोई अन्य जप, नमस्कार या सम्मान के योग्य कहीं भी नहीं माना जाता था; कृष्ण ही उस भूपति के परम बन्धु थे।

श्लोक 33 (skanda.5.117.33)

एवं तस्मिन्महीपाले राज्ये सम्यक्प्रशासति। एकदा नारदः श्रीमांस्तं दिदृक्षुः समाययौ॥

evaṁ tasminmahīpāle rājye samyakpraśāsati| ekadā nāradaḥ śrīmāṁstaṁ didṛkṣuḥ samāyayau||

इस प्रकार उस राजा के राज्य को भलीभाँति शासित करते हुए, एक बार श्रीमान् नारद उसे देखने की इच्छा से वहाँ आए।

श्लोक 34 (skanda.5.117.34)

राज्ञा समर्चितः सोऽथ मधुपर्कविधानतः। नारदो वर्णयामास तममित्रजितं नृपम्॥

rājñā samarcitaḥ so'tha madhuparkavidhānataḥ| nārado varṇayāmāsa tamamitrajitaṁ nṛpam||

राजा द्वारा मधुपर्क-विधि से पूजित होकर नारद ने उस राजा अमित्रजित् की प्रशंसा की।

श्लोक 35 (skanda.5.117.35)

श्रीनारद उवाच। धन्योऽसि कृतकृत्योऽसि मान्योऽप्यसि दिवौकसाम्। सर्वभूतेषु गोविंदं परिपश्यन्विशांपते॥

śrīnārada uvāca| dhanyo'si kṛtakṛtyo'si mānyo'pyasi divaukasām| sarvabhūteṣu goviṁdaṁ paripaśyanviśāṁpate||

श्री नारद ने कहा—'हे विशांपते, तुम धन्य हो, कृतकृत्य हो, और देवताओं के भी माननीय हो, क्योंकि तुम समस्त प्राणियों में गोविन्द को देखते हो।'

श्लोक 36 (skanda.5.117.36)

यो वेदपुरुषो विष्णुर्यो यज्ञपुरुषो हरिः। योंऽतरात्मास्य जगतः कर्ता हर्ताविता विभुः॥

yo vedapuruṣo viṣṇuryo yajñapuruṣo hariḥ| yoṁ'tarātmāsya jagataḥ kartā hartāvitā vibhuḥ||

'जो वेदपुरुष विष्णु हैं, जो यज्ञपुरुष हरि हैं, जो इस जगत् के अन्तरात्मा हैं, जो सृष्टि, संहार और पालन करने वाले विभु हैं,'

श्लोक 37 (skanda.5.117.37)

तन्मयं पश्यतो विश्वं तव भूपालसत्तम। दर्शनं प्राप्य शुभदं शुचित्वमगमं परम्॥

tanmayaṁ paśyato viśvaṁ tava bhūpālasattama| darśanaṁ prāpya śubhadaṁ śucitvamagamaṁ param||

'उसी से तन्मय समस्त विश्व को देखते हुए, हे भूपालसत्तम, तुम्हारे शुभदायक दर्शन को प्राप्त कर मैं परम पवित्रता को प्राप्त हुआ।'

श्लोक 38 (skanda.5.117.38)

एष एव हि सारोऽत्र संसारे क्षणभंगुरे। कमलाकांतपादाब्जभक्तिभावोऽखिलप्रदः॥

eṣa eva hi sāro'tra saṁsāre kṣaṇabhaṁgure| kamalākāṁtapādābjabhaktibhāvo'khilapradaḥ||

'इस क्षणभंगुर संसार में यही एकमात्र सार है — कमलाकान्त के चरणकमलों के प्रति भक्तिभाव, जो सब कुछ देने वाला है।'

श्लोक 39 (skanda.5.117.39)

परित्यज्य हि यः सर्वं विष्णुमेकं सदा भजेत्। सुमेधसं भजंते तं पदार्थाः सर्व एव हि॥

parityajya hi yaḥ sarvaṁ viṣṇumekaṁ sadā bhajet| sumedhasaṁ bhajaṁte taṁ padārthāḥ sarva eva hi||

'जो सब कुछ त्यागकर एकमात्र विष्णु का सदा भजन करता है, उस सुबुद्धिमान् को सभी पदार्थ स्वयं ही भजने लगते हैं।'

श्लोक 40 (skanda.5.117.40)

हृषीकेशे हृषीकाणि यस्य स्थैर्यं गतान्यहो। स एव स्थैर्यमाप्नोति ब्रह्मांडेऽतीव चंचले॥

hṛṣīkeśe hṛṣīkāṇi yasya sthairyaṁ gatānyaho| sa eva sthairyamāpnoti brahmāṁḍe'tīva caṁcale||

'जिसकी इन्द्रियाँ हृषीकेश में स्थिरता को प्राप्त हो गई हैं, आश्चर्य है, वही इस अत्यन्त चंचल ब्रह्माण्ड में स्थिरता प्राप्त करता है।'

श्लोक 41 (skanda.5.117.41)

यौवनं धनमायुष्यं जलं पद्मदले यथा। अतीव चंचलं ज्ञात्वाऽच्युतमेव सदाश्रयेत्॥

yauvanaṁ dhanamāyuṣyaṁ jalaṁ padmadale yathā| atīva caṁcalaṁ jñātvā'cyutameva sadāśrayet||

'यौवन, धन और आयु जल की उस बूँद के समान हैं जो कमल के पत्ते पर हो; उन्हें अत्यन्त चंचल जानकर मनुष्य को अच्युत का ही सदा आश्रय लेना चाहिए।'

श्लोक 42 (skanda.5.117.42)

वाचि चेतसि कर्णेऽथ यस्य देवो जनार्दनः। स एव सर्वदा वेद्यो नररूपी जनार्द्दनः। निर्व्याजप्रणिधानेन शीलयित्वा श्रियःपतिम्॥

vāci cetasi karṇe'tha yasya devo janārdanaḥ| sa eva sarvadā vedyo nararūpī janārddanaḥ| nirvyājapraṇidhānena śīlayitvā śriyaḥpatim||

'जिसकी वाणी, चित्त और कान में देव जनार्दन ही बसे हैं, वही सदा जानने योग्य है — मानो नररूपी जनार्दन ही हो। निष्कपट ध्यान से श्रीपति का चिन्तन करके,'

श्लोक 43 (skanda.5.117.43)

पुरुषोत्तमतां को न प्राप्तस्त्वमिव भूतले। अनया विष्णुभक्त्या ते संतुष्टेंद्रियमानसः। उपकर्तुमना ब्रूयां तन्निशामय भूपते॥

puruṣottamatāṁ ko na prāptastvamiva bhūtale| anayā viṣṇubhaktyā te saṁtuṣṭeṁdriyamānasaḥ| upakartumanā brūyāṁ tanniśāmaya bhūpate||

'कौन इस पृथ्वीतल पर तुम्हारे समान पुरुषोत्तमता को प्राप्त नहीं हुआ? इस विष्णुभक्ति से तुम्हारी इन्द्रियाँ और मन संतुष्ट होकर, तुम्हारा उपकार करने की इच्छा से मैं कुछ कहना चाहता हूँ; हे भूपते, उसे सुनो।'

श्लोक 44 (skanda.5.117.44)

मालाविद्याधरसुता नाम्ना मलयगंधिनी। क्रीडंती पितुराक्रोडे हृता कंकालकेतुना॥

mālāvidyādharasutā nāmnā malayagaṁdhinī| krīḍaṁtī piturākroḍe hṛtā kaṁkālaketunā||

'माला नामक विद्याधर की पुत्री, नाम से मलयगन्धिनी, अपने पिता की गोद में खेलते हुए कंकालकेतु द्वारा हर ली गई।'

श्लोक 45 (skanda.5.117.45)

कपालकेतुपुत्रेण दानवेन बलीयसा। आगामिन्यां तृतीयायां तस्याः पाणिग्रहः किल॥

kapālaketuputreṇa dānavena balīyasā| āgāminyāṁ tṛtīyāyāṁ tasyāḥ pāṇigrahaḥ kila||

'कपालकेतु के पुत्र, महाबली दानव द्वारा; आगामी तृतीया को उसका पाणिग्रहण होने वाला है।'

श्लोक 46 (skanda.5.117.46)

पाताले चंपकावत्यां नगर्यां सास्ति सांप्रतम्। हाटकेशात्समागच्छंस्तयाऽहं साश्रुनेत्रया॥

pātāle caṁpakāvatyāṁ nagaryāṁ sāsti sāṁpratam| hāṭakeśātsamāgacchaṁstayā'haṁ sāśrunetrayā||

'वह अभी पाताल में चम्पकावती नगरी में है। हाटकेश से आते हुए मुझे अश्रुपूर्ण नेत्रों वाली उस बालिका ने,'

श्लोक 47 (skanda.5.117.47)

दृष्टः प्रणम्य विज्ञप्तो यथा तच्च निशामय। ब्रह्मचारिन्मुनिश्रेष्ठ गंधमादनशैलतः॥

dṛṣṭaḥ praṇamya vijñapto yathā tacca niśāmaya| brahmacārinmuniśreṣṭha gaṁdhamādanaśailataḥ||

'देखा गया, और उसने प्रणाम करके जो निवेदन किया, उसे सुनो—हे ब्रह्मचारी मुनिश्रेष्ठ, गन्धमादन पर्वत से आते हुए,'

श्लोक 48 (skanda.5.117.48)

बालक्रीडनकासक्तां मां जह्रे त्रस्तमानसाम्। कंकालकेतुर्दुर्वृत्तस्तस्य नास्ति च पातकः॥

bālakrīḍanakāsaktāṁ māṁ jahre trastamānasām| kaṁkālaketurdurvṛttastasya nāsti ca pātakaḥ||

'मुझे बालोचित क्रीड़ा में लीन, मुझ भयभीत मन वाली को उस दुराचारी कंकालकेतु ने हर लिया — उसके लिए कोई पाप वर्जित नहीं है।'

श्लोक 49 (skanda.5.117.49)

स स्वत्रिशूलघातेन म्रियते नान्यथा रणे। जगत्पर्याकुलीकृत्य निद्रात्यथ विनिर्भयः॥

sa svatriśūlaghātena mriyate nānyathā raṇe| jagatparyākulīkṛtya nidrātyatha vinirbhayaḥ||

'वह केवल अपने ही त्रिशूल के प्रहार से मरता है, अन्यथा युद्ध में नहीं; संसार को व्याकुल करके वह निर्भय होकर सो जाता है।'

श्लोक 50 (skanda.5.117.50)

यदि कोपि कृतज्ञो मां हत्वेमं दुष्टदानवम्। मद्दत्तेन त्रिशूलेन नयेद्भद्रं च वै कृतम्॥

yadi kopi kṛtajño māṁ hatvemaṁ duṣṭadānavam| maddattena triśūlena nayedbhadraṁ ca vai kṛtam||

'यदि कोई कृतज्ञ पुरुष मेरे द्वारा दिए हुए त्रिशूल से इस दुष्ट दानव को मारकर मुझे ले जाए, तो वह भला कार्य किया हुआ होगा।'

श्लोक 51 (skanda.5.117.51)

यद्यत्रोपचिकीर्षुस्त्वं रक्ष मां दुष्ट दानवात्। ममापि हि वरो दत्तो भगवत्योमया पुरा। विष्णुभक्तो युवा धीमान्पुत्रि त्वां परिणेष्यति॥

yadyatropacikīrṣustvaṁ rakṣa māṁ duṣṭa dānavāt| mamāpi hi varo datto bhagavatyomayā purā| viṣṇubhakto yuvā dhīmānputri tvāṁ pariṇeṣyati||

'यदि तुम यहाँ भलाई करने के इच्छुक हो, तो मुझे उस दुष्ट दानव से बचाओ। मुझे भी भगवती उमा ने पहले वर दिया था—हे पुत्री, कोई विष्णुभक्त, युवा, धीमान् पुरुष तुम्हारा पाणिग्रहण करेगा।'

श्लोक 52 (skanda.5.117.52)

आतृतीयातिथि यथा तद्वाक्यं तथ्यतां व्रजेत्। तथा निमित्तमात्रं त्वं भव यत्नं समाचर॥

ātṛtīyātithi yathā tadvākyaṁ tathyatāṁ vrajet| tathā nimittamātraṁ tvaṁ bhava yatnaṁ samācara||

'जिस प्रकार तृतीया तिथि तक उसका यह वचन सत्य हो जाए, उसी प्रकार तुम केवल निमित्तमात्र बनो, प्रयत्न करो।'

श्लोक 53 (skanda.5.117.53)

इति तद्वचनाद्राजन्विष्णुभक्तिपरायणम्। युवानं चापि धीमन्तं त्वामनुप्राप्तवानहम्॥

iti tadvacanādrājanviṣṇubhaktiparāyaṇam| yuvānaṁ cāpi dhīmantaṁ tvāmanuprāptavānaham||

'हे राजन्, उसके इस वचन के कारण ही मैं विष्णुभक्ति-परायण, युवा और धीमान् तुम्हारे पास आया हूँ।'

श्लोक 54 (skanda.5.117.54)

तद्गच्छ कार्यसिद्ध्यै त्वं हत्वा तं दुष्टदानवम्। आनयाशु महाबाहो शुभां मलयगंधिनीम्॥

tadgaccha kāryasiddhyai tvaṁ hatvā taṁ duṣṭadānavam| ānayāśu mahābāho śubhāṁ malayagaṁdhinīm||

'अतः कार्यसिद्धि के लिए तुम जाओ, उस दुष्ट दानव को मारकर; हे महाबाहु, शुभ मलयगन्धिनी को शीघ्र लेकर आओ।'

श्लोक 55 (skanda.5.117.55)

सा तु विद्याधरी बाला विलोक्य त्वां नरेश्वर। अवश्यमेव तच्छूलं दास्यतीति विनिश्चितम्। पार्वतीवचनाद्दुष्टं घातयिष्यस्यसंशयम्॥

sā tu vidyādharī bālā vilokya tvāṁ nareśvara| avaśyameva tacchūlaṁ dāsyatīti viniścitam| pārvatīvacanādduṣṭaṁ ghātayiṣyasyasaṁśayam||

'हे नरेश्वर, वह विद्याधरी बालिका तुम्हें देखते ही निश्चय ही वह त्रिशूल तुम्हें देगी — यह निश्चित है। पार्वती के वचन के अनुसार तुम निःसंदेह उस दुष्ट को मार डालोगे।'

श्लोक 56 (skanda.5.117.56)

इति नारदवाक्यं स निशम्यामित्रजिन्नृपः। अनल्पोत्कलिको जातो विद्याधरसुतां प्रति। उपायं चापि पप्रच्छ गंतुं वै चंपकावतीम्॥

iti nāradavākyaṁ sa niśamyāmitrajinnṛpaḥ| analpotkaliko jāto vidyādharasutāṁ prati| upāyaṁ cāpi papraccha gaṁtuṁ vai caṁpakāvatīm||

नारद के इस वचन को सुनकर राजा अमित्रजित् उस विद्याधर-कन्या के प्रति अत्यन्त उत्कण्ठित हो गया, और चम्पकावती जाने का उपाय भी पूछा।

श्लोक 57 (skanda.5.117.57)

नारदेन पुनः प्रोक्तः स राजा गिरिराजजे। तूर्णमर्णवमासाद्य पूर्णिमादिवसे नृप॥

nāradena punaḥ proktaḥ sa rājā girirājaje| tūrṇamarṇavamāsādya pūrṇimādivase nṛpa||

नारद ने फिर उस राजा से कहा—हे गिरिराजजे, हे राजन्, शीघ्र समुद्र के पास जाकर, पूर्णिमा के दिन,

श्लोक 58 (skanda.5.117.58)

भवान्द्रक्ष्यति पोतस्थकल्पवृक्षरथास्थिताम्। तत्र दिव्यांगनां कांचिद्दिव्यपर्यंकसुस्थिताम्। वीणामादाय गायंतीं गाथामत्यंतसुस्वरम्॥

bhavāndrakṣyati potasthakalpavṛkṣarathāsthitām| tatra divyāṁganāṁ kāṁciddivyaparyaṁkasusthitām| vīṇāmādāya gāyaṁtīṁ gāthāmatyaṁtasusvaram||

'तुम एक जहाज में स्थित, कल्पवृक्ष के रथ पर बैठी हुई किसी दिव्य स्त्री को देखोगे, जो दिव्य पर्यंक पर सुस्थित होकर वीणा लेकर अत्यन्त सुरीले स्वर में एक गाथा गा रही होगी।'

श्लोक 59 (skanda.5.117.59)

यत्कर्म विहितं येन शुभं वाप्यथवाऽशुभम्। स एव भुंक्ते तत्तथ्यं विधिस्तत्र नियंत्रितः॥

yatkarma vihitaṁ yena śubhaṁ vāpyathavā'śubham| sa eva bhuṁkte tattathyaṁ vidhistatra niyaṁtritaḥ||

गाथा का सार यह है—'जिसके द्वारा जो कर्म किया गया, शुभ हो या अशुभ, वही उसे भोगता है — यह सत्य है, विधाता भी उसमें नियंत्रित है।'

श्लोक 60 (skanda.5.117.60)

गाथामिमां तु संगीय सरथा समहीरुहा। सपर्यंका क्षणादेव मध्येसिंधुं प्रवेक्ष्यति॥

gāthāmimāṁ tu saṁgīya sarathā samahīruhā| saparyaṁkā kṣaṇādeva madhyesiṁdhuṁ pravekṣyati||

'इस गाथा को गाकर, वह अपने रथ, कल्पवृक्ष और पर्यंक सहित क्षणभर में ही समुद्र के मध्य में प्रवेश कर जाएगी।'

श्लोक 61 (skanda.5.117.61)

भवानप्यविशंकं च ततः पोतान्महार्णवे। तमनुव्रजतु क्षिप्रं यज्ञवाराहसात्मवान्॥

bhavānapyaviśaṁkaṁ ca tataḥ potānmahārṇave| tamanuvrajatu kṣipraṁ yajñavārāhasātmavān||

'तुम भी निःशंक होकर उस महासमुद्र में जहाज से उतरकर, यज्ञवराह के प्रति समर्पित मन से शीघ्र उसका अनुसरण करो।'

श्लोक 62 (skanda.5.117.62)

ततो द्रक्ष्यसि पाताले नगरीं चंपकावतीम्। महामनोहरा राजन्सनाथां बालया तया॥

tato drakṣyasi pātāle nagarīṁ caṁpakāvatīm| mahāmanoharā rājansanāthāṁ bālayā tayā||

'तब तुम पाताल में चम्पकावती नगरी को देखोगे, हे राजन्, जो उस बालिका के सान्निध्य से अत्यन्त मनोहर होगी।'

श्लोक 63 (skanda.5.117.63)

इत्युक्त्वांतर्हितो देवि स चतुर्मुखनंदनः। राजाप्यर्णवमासाद्य यथोक्तं परिलक्ष्य च॥

ityuktvāṁtarhito devi sa caturmukhanaṁdanaḥ| rājāpyarṇavamāsādya yathoktaṁ parilakṣya ca||

ऐसा कहकर, हे देवि, वह चतुर्मुख के पुत्र नारद अन्तर्धान हो गए; राजा भी समुद्र के पास पहुँचकर, जैसा कहा गया था वैसा ही देखकर,

श्लोक 64 (skanda.5.117.64)

विवेशांतः समुद्रं च नगरीमाससाद ताम्। सापि विद्याधरी बाला नेत्रयोः प्राघुणीकृता॥

viveśāṁtaḥ samudraṁ ca nagarīmāsasāda tām| sāpi vidyādharī bālā netrayoḥ prāghuṇīkṛtā||

समुद्र के भीतर प्रविष्ट हुआ और उस नगरी को प्राप्त कर लिया; वह विद्याधरी बालिका भी उसके नेत्रों की अतिथि बन गई।

श्लोक 65 (skanda.5.117.65)

तेन राज्ञा त्रिजगतीसौंदर्यश्रीरिवैकिका। पाताले देवतेयं वा मम नेत्रोत्सवाय किम्॥

tena rājñā trijagatīsauṁdaryaśrīrivaikikā| pātāle devateyaṁ vā mama netrotsavāya kim||

उस राजा को लगा—मानो त्रिजगत् की सौन्दर्य-श्री ही अकेली यहाँ हो, अथवा क्या यह पाताल की कोई देवी है, जो मेरे नेत्रों के उत्सव के लिए,

श्लोक 66 (skanda.5.117.66)

निरमायि प्रमोद्देशात्स्रष्टृसृष्टिर्विलक्षणा। कुहूराहुभयद्वेषात्कांतिश्चांद्रमसी किमु॥

niramāyi pramoddeśātsraṣṭṛsṛṣṭirvilakṣaṇā| kuhūrāhubhayadveṣātkāṁtiścāṁdramasī kimu||

आनन्द-प्रदान के हेतु स्रष्टा द्वारा रची गई एक विलक्षण सृष्टि? या क्या यह अमावस्या और राहु के भय से द्वेष करने वाली चन्द्रमा की कान्ति ही है,

श्लोक 67 (skanda.5.117.67)

योषिद्रूपं समाश्रित्य तिष्ठत्यत्राकुतोभया। इत्थं क्षणं च निर्वर्ण्य स राजाऽगच्छदंतिकम्॥

yoṣidrūpaṁ samāśritya tiṣṭhatyatrākutobhayā| itthaṁ kṣaṇaṁ ca nirvarṇya sa rājā'gacchadaṁtikam||

स्त्रीरूप का आश्रय लेकर यहाँ निर्भय होकर बैठी है? इस प्रकार क्षणभर देखकर वह राजा उसके निकट गया।

श्लोक 68 (skanda.5.117.68)

सा विलोक्याथ तं बालं नितरां मधुराकृतिम्। विशालोरःस्थलतलप्रलंयतुलसीस्रजम्॥

sā vilokyātha taṁ bālaṁ nitarāṁ madhurākṛtim| viśāloraḥsthalatalapralaṁyatulasīsrajam||

उसने भी उस अत्यन्त मधुर आकृति वाले, विशाल वक्षःस्थल पर लटकती हुई तुलसी-माला वाले युवक को देखा,

श्लोक 69 (skanda.5.117.69)

शंखचक्रांकसुभगभुजद्वयविराजितम्। हरिनामाक्षरसुधासुधौतरदनावलिम्॥

śaṁkhacakrāṁkasubhagabhujadvayavirājitam| harināmākṣarasudhāsudhautaradanāvalim||

शंख और चक्र के चिह्नों से सुशोभित दोनों भुजाओं वाले, हरि-नाम के अक्षरों की अमृतधारा से धुली हुई दाँतों की पंक्ति वाले,

श्लोक 70 (skanda.5.117.70)

भवानीभक्तिबीजोत्थभूरुहं पुरुषाकृतिम्। अनेनात्र कृतं कस्य भवनं मधुराकृति॥

bhavānībhaktibījotthabhūruhaṁ puruṣākṛtim| anenātra kṛtaṁ kasya bhavanaṁ madhurākṛti||

भवानी-भक्ति के बीज से उगे हुए वृक्ष के समान उस पुरुषाकृति को देखकर वह सोचने लगी—इस मधुराकृति ने यहाँ किसका भवन बना रखा है?

श्लोक 71 (skanda.5.117.71)

इति पर्याकुलीकृत्य चक्षुषी च मुहुर्मुहुः। कंकालकेतुर्दुर्वृत्तस्त्ववध्यः परहेतिभिः॥

iti paryākulīkṛtya cakṣuṣī ca muhurmuhuḥ| kaṁkālaketurdurvṛttastvavadhyaḥ parahetibhiḥ||

इस प्रकार अपने नेत्रों को बार-बार व्याकुल करते हुए उसने कहा—'दुराचारी कंकालकेतु दूसरों के अस्त्रों से अवध्य है;'

श्लोक 72 (skanda.5.117.72)

तावद्गुप्तं समातिष्ठ शस्त्रागारेऽत्र गह्वरे। न मे कन्याव्रतं भग्नं सामर्थ्याच्चण्डिकावरात्॥

tāvadguptaṁ samātiṣṭha śastrāgāre'tra gahvare| na me kanyāvrataṁ bhagnaṁ sāmarthyāccaṇḍikāvarāt||

'तब तक तुम इस शस्त्रागार की गुफा में गुप्त रहो; मेरा कन्या-व्रत चण्डिका के वर के सामर्थ्य से अभी तक भग्न नहीं हुआ है।'

श्लोक 73 (skanda.5.117.73)

आगामिन्यां तृतीयायां परश्वः पाणिपीडनम्। स चिकीर्षति दुष्टात्मा गतायुर्मम शापतः॥

āgāminyāṁ tṛtīyāyāṁ paraśvaḥ pāṇipīḍanam| sa cikīrṣati duṣṭātmā gatāyurmama śāpataḥ||

'आगामी तृतीया के परसों वह मेरा पाणिग्रहण करना चाहता है, वह दुष्टात्मा; परन्तु मेरे शाप से उसकी आयु चुक चुकी है।'

श्लोक 74 (skanda.5.117.74)

मा तद्भीतिं कुरु युवंस्त्वत्कार्यं भविताचिरात्। विद्याधर्येति चोक्तः स शस्त्रागारे निगूढवत्॥

mā tadbhītiṁ kuru yuvaṁstvatkāryaṁ bhavitācirāt| vidyādharyeti coktaḥ sa śastrāgāre nigūḍhavat||

'हे युवक, उसका भय मत करो; तुम्हारा कार्य शीघ्र ही सिद्ध होगा।' विद्याधरी के ऐसा कहने पर वह उस शस्त्रागार में छिपे हुए के समान,

श्लोक 75 (skanda.5.117.75)

स्थिरो वीरो महाबाहुर्दानवागमनेक्षणः॥

sthiro vīro mahābāhurdānavāgamanekṣaṇaḥ||

स्थिर, वीर, महाबाहु राजा उस दानव के आगमन की प्रतीक्षा करता रहा।

श्लोक 76 (skanda.5.117.76)

अथ सायं समायातो दानवो भीषणाकृतिः। त्रिशूलं कलयन्पाणौ मृत्योरपि भयावहम्॥

atha sāyaṁ samāyāto dānavo bhīṣaṇākṛtiḥ| triśūlaṁ kalayanpāṇau mṛtyorapi bhayāvaham||

तब सायंकाल भीषण आकृति वाला वह दानव आया, हाथ में मृत्यु के लिए भी भयावह त्रिशूल धारण किए हुए।

श्लोक 77 (skanda.5.117.77)

आगत्य दानवो रौद्रः प्रलयांबुदनिस्वनः। विद्याधरीं जगादेति मदाघूर्णितलोचनः॥

āgatya dānavo raudraḥ pralayāṁbudanisvanaḥ| vidyādharīṁ jagādeti madāghūrṇitalocanaḥ||

वह रौद्र दानव, जिसकी वाणी प्रलयकालीन मेघों की गर्जना के समान थी, मद से लड़खड़ाते नेत्रों वाला होकर आकर उस विद्याधरी से बोला—

श्लोक 78 (skanda.5.117.78)

गृहाणेमानि रत्नानि दिव्यानि वरवर्णिनि। कन्यात्वं हि परश्वस्ते पाणिग्राहो भविष्यति॥

gṛhāṇemāni ratnāni divyāni varavarṇini| kanyātvaṁ hi paraśvaste pāṇigrāho bhaviṣyati||

'हे वरवर्णिनि, इन दिव्य रत्नों को ग्रहण करो। हे कन्ये, परसों तुम्हारा पाणिग्रहणकर्ता होऊँगा मैं ही।'

श्लोक 79 (skanda.5.117.79)

दासीनामयुतं प्रातर्दास्यामि तव सुंदरि। आसुरीणां सुरीणां च दानवीनां मनोहरम्॥

dāsīnāmayutaṁ prātardāsyāmi tava suṁdari| āsurīṇāṁ surīṇāṁ ca dānavīnāṁ manoharam||

'हे सुन्दरी, प्रातःकाल मैं तुम्हें दस सहस्र दासियाँ दूँगा — असुर-कन्याओं, देवकन्याओं और दानव-कन्याओं में से मनोहर,'

श्लोक 80 (skanda.5.117.80)

गन्धर्वीणां किंनरीणां सततं परिचारिकाः। विद्याधरीणां नागीनां यक्षीणां च शतानि षट्॥

gandharvīṇāṁ kiṁnarīṇāṁ satataṁ paricārikāḥ| vidyādharīṇāṁ nāgīnāṁ yakṣīṇāṁ ca śatāni ṣaṭ||

गन्धर्व-कन्याओं और किन्नर-कन्याओं की निरन्तर सेविकाएँ, तथा विद्याधरी, नागकन्या और यक्षकन्याओं में से छह सौ,

श्लोक 81 (skanda.5.117.81)

राक्षसीनां शतान्यष्टौ शतमप्सरसां वरम्। एतास्ते परिचारिण्यो भविष्यंत्यमलाशये॥

rākṣasīnāṁ śatānyaṣṭau śatamapsarasāṁ varam| etāste paricāriṇyo bhaviṣyaṁtyamalāśaye||

राक्षस-कन्याओं में से आठ सौ, और अप्सराओं में से एक सौ श्रेष्ठ — हे निर्मलहृदये, ये सब तुम्हारी सेविकाएँ होंगी।

श्लोक 82 (skanda.5.117.82)

यावत्संपत्तिसंभारो दिक्पालानां गृहेषु वै। मत्परिग्रहतां प्राप्तौ तावतस्त्वं महेश्वरी॥

yāvatsaṁpattisaṁbhāro dikpālānāṁ gṛheṣu vai| matparigrahatāṁ prāptau tāvatastvaṁ maheśvarī||

'दिक्पालों के भवनों में जितना भी सम्पत्ति-समूह है, वह सब मेरे परिग्रह में आ चुका है; उस सबकी हे महेश्वरी, तुम स्वामिनी बनोगी।'

श्लोक 83 (skanda.5.117.83)

दिव्यान्भोगान्मया सार्द्धं भोक्ष्यसे मत्परिग्रहात्। कदा परश्वो भविता यस्मिन्वैवाहिको विधिः॥

divyānbhogānmayā sārddhaṁ bhokṣyase matparigrahāt| kadā paraśvo bhavitā yasminvaivāhiko vidhiḥ||

'मेरे परिग्रह से प्राप्त दिव्य भोगों को तुम मेरे साथ भोगोगी। परसों कब आएगा, जिस दिन विवाह की विधि होगी?'

श्लोक 84 (skanda.5.117.84)

त्वदंगसंगसंस्पर्शसुखस्वादातिमेदुरः। परां निर्वृतिमाप्स्यामि परश्वो निकटं यदि॥

tvadaṁgasaṁgasaṁsparśasukhasvādātimeduraḥ| parāṁ nirvṛtimāpsyāmi paraśvo nikaṭaṁ yadi||

'तुम्हारे अंग-संग के स्पर्श-सुख के स्वाद में अत्यन्त तृप्त होकर मैं परम आनन्द को प्राप्त करूँगा, यदि परसों निकट आ जाए।'

श्लोक 85 (skanda.5.117.85)

मनोरथाश्चिरं यावद्ये मे हृदि समेधिताः। तान्कृतार्थी करिष्यामि परश्वस्तव संगमात्॥

manorathāściraṁ yāvadye me hṛdi samedhitāḥ| tānkṛtārthī kariṣyāmi paraśvastava saṁgamāt||

'जो मनोरथ चिरकाल से मेरे हृदय में पल रहे हैं, उन्हें मैं परसों तुम्हारे संगम से पूर्ण करूँगा।'

श्लोक 86 (skanda.5.117.86)

जित्वा देवान्रणे सर्वानिंद्रादीन्मृगलोचने। त्रैलोक्यैश्वर्यसंपत्तेस्त्वां करिष्यामि चेश्वरीम्॥

jitvā devānraṇe sarvāniṁdrādīnmṛgalocane| trailokyaiśvaryasaṁpattestvāṁ kariṣyāmi ceśvarīm||

'हे मृगलोचने, इन्द्र आदि सभी देवताओं को युद्ध में जीतकर, त्रैलोक्य के ऐश्वर्य-सम्पत्ति की मैं तुम्हें स्वामिनी बनाऊँगा।'

श्लोक 87 (skanda.5.117.87)

आधायांके त्रिशूलं च सुष्वापेति प्रलप्य सः। नरमांसस्य स्वादेन प्रमत्तो वीतसाध्वसः॥

ādhāyāṁke triśūlaṁ ca suṣvāpeti pralapya saḥ| naramāṁsasya svādena pramatto vītasādhvasaḥ||

ऐसा प्रलाप करके, अपनी गोद में त्रिशूल रखकर, मनुष्य-मांस के स्वाद से उन्मत्त और निर्भय होकर वह सो गया।

श्लोक 88 (skanda.5.117.88)

वरं स्मरंती सा गौर्या विद्याधरकुमारिका। विज्ञाय तं प्रमत्तं च प्रसुप्तं चातिनिर्भयम्। आहूय तं नरवरं वरं सर्वांगसुंदरम्॥

varaṁ smaraṁtī sā gauryā vidyādharakumārikā| vijñāya taṁ pramattaṁ ca prasuptaṁ cātinirbhayam| āhūya taṁ naravaraṁ varaṁ sarvāṁgasuṁdaram||

गौरी के दिए हुए वर का स्मरण करती हुई वह विद्याधर-कुमारी, उसे उन्मत्त, गहरी नींद में सोया हुआ और निर्भय जानकर, उस सर्वांगसुन्दर श्रेष्ठ पुरुष को बुलाकर,

श्लोक 89 (skanda.5.117.89)

विष्णुभक्तिकृतत्राणं प्राणनाथेति जल्प्य च। शूलं तदंकादादाय ददौ तस्मै च सुंदरी॥

viṣṇubhaktikṛtatrāṇaṁ prāṇanātheti jalpya ca| śūlaṁ tadaṁkādādāya dadau tasmai ca suṁdarī||

और 'हे प्राणनाथ, विष्णुभक्ति ने ही तुम्हारी रक्षा की है' — ऐसा कहते हुए उस सुन्दरी ने उसकी गोद से त्रिशूल उठाकर उसे दे दिया।

श्लोक 90 (skanda.5.117.90)

तमादाय त्रिशूलं च स तदामित्रजिन्नृपः। संस्मरंश्चक्रिणं चित्ते जगद्रक्षामणिं हरिम्॥

tamādāya triśūlaṁ ca sa tadāmitrajinnṛpaḥ| saṁsmaraṁścakriṇaṁ citte jagadrakṣāmaṇiṁ harim||

उस त्रिशूल को लेकर राजा अमित्रजित् ने तब अपने चित्त में विश्व-रक्षक चक्रधारी हरि का स्मरण करते हुए,

श्लोक 91 (skanda.5.117.91)

जगादोत्तिष्ठ रे दुष्ट कन्यादूषणलालस। युध्यस्व च मया सार्द्धं न सुप्तं हन्म्यहं रिपुम्॥

jagādottiṣṭha re duṣṭa kanyādūṣaṇalālasa| yudhyasva ca mayā sārddhaṁ na suptaṁ hanmyahaṁ ripum||

कहा—'उठो रे दुष्ट, कन्या को दूषित करने के लालची! मेरे साथ युद्ध करो; मैं सोए हुए शत्रु को नहीं मारता।'

श्लोक 92 (skanda.5.117.92)

इति संश्रुत्य संप्राप्तः कस्य दृष्टोद्य चांतकः। क आयुषाद्य संत्यक्तो यः प्राप्तो मम गोचरम्॥

iti saṁśrutya saṁprāptaḥ kasya dṛṣṭodya cāṁtakaḥ| ka āyuṣādya saṁtyakto yaḥ prāpto mama gocaram||

यह सुनते ही वह जागकर उठा और बोला—'आज किसकी मृत्यु दिखाई दी है? आज किसने अपनी आयु त्याग दी है, जो मेरे दृष्टिपथ में आया है?'

श्लोक 93 (skanda.5.117.93)

मम प्रचंडदोर्दंडकंडूकंडूयनक्षमः। माल्यो नरोऽयं भविता किं त्रिशूलेन सुंदरि॥

mama pracaṁḍadordaṁḍakaṁḍūkaṁḍūyanakṣamaḥ| mālyo naro'yaṁ bhavitā kiṁ triśūlena suṁdari||

'मेरी प्रचण्ड भुजा-दण्ड की खुजली मिटाने में समर्थ यह मनुष्य माल्य बन जाएगा। हे सुन्दरी, त्रिशूल से क्या होगा?'

श्लोक 94 (skanda.5.117.94)

मा भैर्मे कौतुकं पश्य भक्षोयं मम सांप्रतम्। कालेन मत्तो भीतेन स्वयमेवोपढौकितः॥

mā bhairme kautukaṁ paśya bhakṣoyaṁ mama sāṁpratam| kālena matto bhītena svayamevopaḍhaukitaḥ||

'डरो मत, मेरा कौतुक देखो; यह अभी मेरा भक्ष्य बनेगा। भयभीत काल ने ही स्वयं इसे मेरे पास भेज दिया है।'

श्लोक 95 (skanda.5.117.95)

इत्युक्त्वा मुष्टिघातेन तेनोच्चैर्दंडसूनुना। हृदये निहतो राजा शिलातिकठिने द्रुतम्॥

ityuktvā muṣṭighātena tenoccairdaṁḍasūnunā| hṛdaye nihato rājā śilātikaṭhine drutam||

ऐसा कहकर उस दैत्यपुत्र ने ऊँची भुजा के मुष्टि-प्रहार से शीघ्र ही राजा को हृदय पर मारा, जो पत्थर से भी अधिक कठोर था।

श्लोक 96 (skanda.5.117.96)

स चक्रिणा कृतत्राणः पीडां नाल्पीयसीमपि। विवेद कठिनोरस्कः करस्तस्य प्रपीडितः॥

sa cakriṇā kṛtatrāṇaḥ pīḍāṁ nālpīyasīmapi| viveda kaṭhinoraskaḥ karastasya prapīḍitaḥ||

चक्रधारी हरि द्वारा रक्षित होने के कारण उसे तनिक भी पीड़ा नहीं हुई; बल्कि उसका कठोर वक्षःस्थल टकराने से उस दानव का हाथ ही पीड़ित हो गया।

श्लोक 97 (skanda.5.117.97)

अथ कोपवता राज्ञा हतो वक्त्रे चपेटया। आघूर्णितशिरा भूमौ पतित्वा पुनरुत्थितः। उवाच च वचो धैर्यमवष्टभ्य महाबली॥

atha kopavatā rājñā hato vaktre capeṭayā| āghūrṇitaśirā bhūmau patitvā punarutthitaḥ| uvāca ca vaco dhairyamavaṣṭabhya mahābalī||

तब क्रोधित राजा ने उसे मुख पर थप्पड़ मारा; सिर घूमता हुआ वह भूमि पर गिर पड़ा, फिर उठकर उस महाबली ने धैर्य धारण करके यह वचन कहा—

श्लोक 98 (skanda.5.117.98)

दानव उवाच। ज्ञातं तत्त्वं मनुष्योसि नृरूपेण चतुर्भुजः। ततस्त्वं छिद्रमासाद्य हंतुं मां दानवांतक॥

dānava uvāca| jñātaṁ tattvaṁ manuṣyosi nṛrūpeṇa caturbhujaḥ| tatastvaṁ chidramāsādya haṁtuṁ māṁ dānavāṁtaka||

दानव ने कहा—'मैं समझ गया, तुम मनुष्य नहीं हो, मानव-रूप में चतुर्भुज हो; तभी तो तुमने अवसर पाकर मुझ दानवान्तक को मारने का प्रयास किया है।'

श्लोक 99 (skanda.5.117.99)

एवंविधो हि मधुभिद्यदि त्वं बलवानसि। विहायैतन्महच्छूलं युध्यस्व स्वायुधैर्मया॥

evaṁvidho hi madhubhidyadi tvaṁ balavānasi| vihāyaitanmahacchūlaṁ yudhyasva svāyudhairmayā||

'हे मधुभिद्, यदि तुम इस प्रकार बलवान् हो, तो इस महान् त्रिशूल को त्यागकर अपने ही अस्त्रों से मेरे साथ युद्ध करो।'

श्लोक 100 (skanda.5.117.100)

त्वया कपटरूपेण बलिना कैटभादयः। न बलेन हताः संख्ये हता एव च्छलेन हि॥

tvayā kapaṭarūpeṇa balinā kaiṭabhādayaḥ| na balena hatāḥ saṁkhye hatā eva cchalena hi||

'तुमने कपटरूप धारण करके बलवान् कैटभ आदि को युद्ध में बल से नहीं, छल से ही मारा है।'

श्लोक 101 (skanda.5.117.101)

बलिं पातालमनयस्त्वं नृवामनतां दधत्। नृमृगत्वेन भवता हिरण्यकशिपुर्हतः॥

baliṁ pātālamanayastvaṁ nṛvāmanatāṁ dadhat| nṛmṛgatvena bhavatā hiraṇyakaśipurhataḥ||

'वामन का मानव-रूप धारण करके तुमने बलि को पाताल भेज दिया; नृसिंह-रूप से तुमने हिरण्यकशिपु को मारा।'

श्लोक 102 (skanda.5.117.102)

तथा जटिलरूपेण लंकेशो विनिपातितः। गोपालवेषमालंब्य कंसाद्या घातितास्त्वया। स्त्रीभूय चाहरस्त्वं हि विप्रतार्यासुरान्सुधाम्॥

tathā jaṭilarūpeṇa laṁkeśo vinipātitaḥ| gopālaveṣamālaṁbya kaṁsādyā ghātitāstvayā| strībhūya cāharastvaṁ hi vipratāryāsurānsudhām||

'उसी प्रकार जटाधारी रूप से लंकेश को गिराया; गोपाल-वेष धारण करके तुमने कंस आदि को मारा; और स्त्री बनकर तुमने असुरों को धोखा देकर अमृत हर लिया।'

श्लोक 103 (skanda.5.117.103)

यादोरूपेण भवता शंखाद्या निहता इह। मायाविना त्वयाऽगण्याः सर्वमर्मज्ञ माधव॥

yādorūpeṇa bhavatā śaṁkhādyā nihatā iha| māyāvinā tvayā'gaṇyāḥ sarvamarmajña mādhava||

'जलचर-रूप से तुमने शंख आदि को यहाँ मार डाला; हे सर्वमर्मज्ञ माधव, तुम्हारी माया से अगणित कर्म हुए हैं।'

श्लोक 104 (skanda.5.117.104)

न त्वत्तोऽहं बिभेम्यद्य सद्यः पातः शरीरिणाम्। वरं तव श्रये मृत्युं बलेनापि छलेन वा॥

na tvatto'haṁ bibhemyadya sadyaḥ pātaḥ śarīriṇām| varaṁ tava śraye mṛtyuṁ balenāpi chalena vā||

'मैं आज तुमसे भयभीत नहीं हूँ; शरीरधारियों का पतन तो तत्काल होने वाला है। तुम्हारे हाथों बल से या छल से मृत्यु पाना ही मुझे श्रेयस्कर लगता है।'

श्लोक 105 (skanda.5.117.105)

न त्यक्ष्यसि त्रिशूलं त्वं न त्वां योत्स्याम्यहं रणे। अवश्यमेव मर्त्तव्यं मया प्रातः शरीरिणा॥

na tyakṣyasi triśūlaṁ tvaṁ na tvāṁ yotsyāmyahaṁ raṇe| avaśyameva marttavyaṁ mayā prātaḥ śarīriṇā||

'तुम त्रिशूल नहीं त्यागोगे, और मैं भी तुमसे युद्ध नहीं करूँगा; क्योंकि मुझ शरीरधारी को प्रातःकाल अवश्य ही मरना है।'

श्लोक 106 (skanda.5.117.106)

इयं विद्याधरी कन्या न मया दूषिता सती। साक्षाच्छ्रीरिव मंतव्या तवार्थं रक्षिता मया॥

iyaṁ vidyādharī kanyā na mayā dūṣitā satī| sākṣācchrīriva maṁtavyā tavārthaṁ rakṣitā mayā||

'यह सती विद्याधर-कन्या मेरे द्वारा दूषित नहीं की गई; इसे साक्षात् श्री के समान मानना, तुम्हारे लिए ही मैंने इसकी रक्षा की है।'

श्लोक 107 (skanda.5.117.107)

इत्युक्त्वा वामदोर्दंडप्रहारेणापि निष्ठुरम्। निजघान दनोः सूनुस्तं शिलोच्चयघातिना॥

ityuktvā vāmadordaṁḍaprahāreṇāpi niṣṭhuram| nijaghāna danoḥ sūnustaṁ śiloccayaghātinā||

ऐसा कहकर, उस दनु के पुत्र ने अपनी बाईं भुजा के प्रहार से, जो पर्वत को भी तोड़ने वाला था, उसे निष्ठुरतापूर्वक मारा।

श्लोक 108 (skanda.5.117.108)

नृपतिस्त्वथ संधार्य विषह्य रणमूर्द्धनि। जघानाशु तदा क्रूरं त्रिशूलेनाथ वक्षसि॥

nṛpatistvatha saṁdhārya viṣahya raṇamūrddhani| jaghānāśu tadā krūraṁ triśūlenātha vakṣasi||

राजा ने उस प्रहार को सहन कर सम्भलते हुए, युद्ध के चरम में उस क्रूर को तत्काल त्रिशूल से वक्षःस्थल पर मार दिया।

श्लोक 109 (skanda.5.117.109)

तत्प्रहारान्महाबाहुः पंचत्वमगमत्क्षणात्। लक्ष्यीचकार तद्वक्त्रं त्रिशूलं तोलयन्करे॥

tatprahārānmahābāhuḥ paṁcatvamagamatkṣaṇāt| lakṣyīcakāra tadvaktraṁ triśūlaṁ tolayankare||

उस प्रहार से वह महाबाहु दानव क्षणभर में मृत्यु को प्राप्त हो गया; राजा ने हाथ में त्रिशूल को तौलते हुए उसके मुख को लक्ष्य बना लिया था।

श्लोक 110 (skanda.5.117.110)

पश्यतोऽस्य महाबाहोः स च प्राणाञ्जहौ क्षणात्। इत्थं कंकालकेतुं स निहत्य सुरकंपनम्॥

paśyato'sya mahābāhoḥ sa ca prāṇāñjahau kṣaṇāt| itthaṁ kaṁkālaketuṁ sa nihatya surakaṁpanam||

उस महाबाहु के देखते-देखते ही वह क्षणभर में प्राण त्याग गया। इस प्रकार देवताओं को कँपाने वाले उस कंकालकेतु को मारकर,

श्लोक 111 (skanda.5.117.111)

विद्याधरीं प्रपश्यंतीं प्राह हृष्टतनूरुहः। नारदस्य मुनेर्वाक्यात्तव सुश्रोणि वांछितम्॥

vidyādharīṁ prapaśyaṁtīṁ prāha hṛṣṭatanūruhaḥ| nāradasya munervākyāttava suśroṇi vāṁchitam||

उस विद्याधरी को, जो देख रही थी, हर्षित रोमांचित होकर उसने कहा—'हे सुश्रोणि, मुनि नारद के वचन से तुम्हारी अभीष्ट कामना,'

श्लोक 112 (skanda.5.117.112)

कृतं मया कृतज्ञे किं करवाण्यधुना वद। श्रुत्वेति तस्य सा वाक्यं प्राह गंभीरचेतसा॥

kṛtaṁ mayā kṛtajñe kiṁ karavāṇyadhunā vada| śrutveti tasya sā vākyaṁ prāha gaṁbhīracetasā||

'हे कृतज्ञे, मेरे द्वारा पूर्ण की गई है; अब बताओ, मैं क्या करूँ?' उसका यह वचन सुनकर उसने गम्भीर चित्त से कहा—

श्लोक 113 (skanda.5.117.113)

मलयगंधिन्युवाच। अत्युदारमते वीर निजप्राणैः पणीकृताम्। किं मां पृच्छसि युवतीं कुलकन्यामदूषिताम्॥

malayagaṁdhinyuvāca| atyudāramate vīra nijaprāṇaiḥ paṇīkṛtām| kiṁ māṁ pṛcchasi yuvatīṁ kulakanyāmadūṣitām||

मलयगन्धिनी ने कहा—'हे अत्यन्त उदारमति वीर, अपने ही प्राणों को दाँव पर लगाकर बचाई गई, अदूषित कुलकन्या इस युवती से तुम क्या पूछते हो?'

श्लोक 114 (skanda.5.117.114)

इति ब्रुवंत्यां कन्यायां पुनः स्वैरचरो मुनिः। अतर्कितागमः प्राप्तो नारदो देवलोकतः॥

iti bruvaṁtyāṁ kanyāyāṁ punaḥ svairacaro muniḥ| atarkitāgamaḥ prāpto nārado devalokataḥ||

जब वह कन्या ऐसा कह रही थी, तभी देवलोक से स्वेच्छाचारी मुनि नारद अकस्मात् वहाँ आ पहुँचे।

श्लोक 115 (skanda.5.117.115)

ततस्तुष्टुवतुस्तौ तु तं दृष्ट्वा मुनिसत्तमम्। कृतप्रणामौ मुनिना प्रतिज्ञाप्रापिताशिषौ॥

tatastuṣṭuvatustau tu taṁ dṛṣṭvā munisattamam| kṛtapraṇāmau muninā pratijñāprāpitāśiṣau||

तब उस मुनिश्रेष्ठ को देखकर उन दोनों ने उनकी स्तुति की; प्रणाम करने पर उस मुनि ने अपनी प्रतिज्ञा के अनुसार उन्हें आशीर्वाद दिया।

श्लोक 116 (skanda.5.117.116)

पाणिग्रहेण विधिनाऽभिषिक्तौ नारदेन तु। जग्मतुर्नारदादिष्टवर्त्मना कृतमंगलौ॥

pāṇigraheṇa vidhinā'bhiṣiktau nāradena tu| jagmaturnāradādiṣṭavartmanā kṛtamaṁgalau||

नारद द्वारा विधिवत् पाणिग्रहण-संस्कार से अभिषिक्त होकर, मंगल-कार्य सम्पन्न करके, वे दोनों नारद द्वारा बताए गए मार्ग से चल पड़े।

श्लोक 117 (skanda.5.117.117)

तया मलयगंधिन्या वृतः सोऽमित्रजिन्नृपः। पुरीं चोज्जयिनीं प्राप्य पौरैर्विहितमंगलाम्॥

tayā malayagaṁdhinyā vṛtaḥ so'mitrajinnṛpaḥ| purīṁ cojjayinīṁ prāpya paurairvihitamaṁgalām||

उस मलयगन्धिनी से घिरे हुए वह राजा अमित्रजित् उज्जयिनी नगरी को प्राप्त हुआ, जिसमें नगरवासियों ने मंगल-आयोजन किया था।

श्लोक 118 (skanda.5.117.118)

तद्वीक्षणादपि नरो नारकीं नैव जातुचित्। गतिं प्राप्नोति मेधावी तां पुरीमविशन्नृपः॥

tadvīkṣaṇādapi naro nārakīṁ naiva jātucit| gatiṁ prāpnoti medhāvī tāṁ purīmaviśannṛpaḥ||

उसके दर्शनमात्र से भी मनुष्य कदापि नारकीय गति को प्राप्त नहीं होता; वह बुद्धिमान् राजा उस नगरी में प्रवेश कर गया।

श्लोक 119 (skanda.5.117.119)

यस्यां पुर्यां प्रवेशं न लभन्ते वासवादयः। कैवल्यजयजैत्र्यां हि तां पुरीमविशन्नृपः॥

yasyāṁ puryāṁ praveśaṁ na labhante vāsavādayaḥ| kaivalyajayajaitryāṁ hi tāṁ purīmaviśannṛpaḥ||

जिस नगरी में वासव आदि देवताओं को भी प्रवेश नहीं मिलता, उस कैवल्य-विजय की विजयी नगरी में राजा ने प्रवेश किया।

श्लोक 120 (skanda.5.117.120)

सापि विद्याधर्यवंतीं समृद्धां वीक्ष्य दूरतः। निनिंद स्वर्गलोकं च पातालनगरीमपि॥

sāpi vidyādharyavaṁtīṁ samṛddhāṁ vīkṣya dūrataḥ| niniṁda svargalokaṁ ca pātālanagarīmapi||

उस समृद्ध अवन्ती को दूर से ही देखकर वह विद्याधरी भी स्वर्गलोक और पातालनगरी दोनों की निन्दा करने लगी।

श्लोक 121 (skanda.5.117.121)

प्राप्यामित्रजितं कांतं तथा हृष्टा न सा वधूः। यथा दृष्ट्वाप्यहोऽवंतीं परमानंददायिनीम्॥

prāpyāmitrajitaṁ kāṁtaṁ tathā hṛṣṭā na sā vadhūḥ| yathā dṛṣṭvāpyaho'vaṁtīṁ paramānaṁdadāyinīm||

अपने प्रियतम अमित्रजित् को पाकर भी वह वधू उतनी हर्षित नहीं हुई थी, जितनी अहो, परमानन्ददायिनी अवन्ती को देखकर हुई।

श्लोक 122 (skanda.5.117.122)

सा कृतार्थामिवात्मानं मन्यमाना मनस्विनी। तेन पत्योज्जयिन्यां च परां निर्वृतिमाप सा॥

sā kṛtārthāmivātmānaṁ manyamānā manasvinī| tena patyojjayinyāṁ ca parāṁ nirvṛtimāpa sā||

उस विदुषी ने अपने आपको कृतार्थ मानते हुए, उस पति के साथ उज्जयिनी में परम आनन्द को प्राप्त किया।

श्लोक 123 (skanda.5.117.123)

सोऽप्यमित्रजिदासाद्य पत्नीं मलयगंधिनीम्। धर्मप्रधानं संसेव्य कामं प्रापोत्तमं सुखम्॥

so'pyamitrajidāsādya patnīṁ malayagaṁdhinīm| dharmapradhānaṁ saṁsevya kāmaṁ prāpottamaṁ sukham||

अमित्रजित् भी अपनी पत्नी मलयगन्धिनी को पाकर, धर्म को प्रधान मानकर काम का सेवन करते हुए उत्तम सुख को प्राप्त हुआ।

श्लोक 124 (skanda.5.117.124)

सा पतिं विष्णुभजने रतं प्रोवाच भामिनी॥

sā patiṁ viṣṇubhajane rataṁ provāca bhāminī||

उस सुन्दरी ने विष्णु-भजन में लीन अपने पति से कहा—

श्लोक 125 (skanda.5.117.125)

राज्ञ्युवाच। भूपाभीष्टतृतीयायां चरिष्यामि महाव्रतम्। राजोवाच। देव्यभीष्टतृतीयायां व्रतं कीदृग्भवेद्वद॥

rājñyuvāca| bhūpābhīṣṭatṛtīyāyāṁ cariṣyāmi mahāvratam| rājovāca| devyabhīṣṭatṛtīyāyāṁ vrataṁ kīdṛgbhavedvada||

रानी ने कहा—'हे राजन्, अभीष्ट-तृतीया के दिन मैं एक महाव्रत का पालन करूँगी।' राजा ने कहा—'हे देवि, अभीष्ट-तृतीया का व्रत कैसा होता है, बताओ।'

श्लोक 126 (skanda.5.117.126)

इति राज्ञोदिता राज्ञी प्रवक्तुमुपचक्रमे। इति कर्तव्यतां तस्य व्रतस्य सविधानकाम्॥

iti rājñoditā rājñī pravaktumupacakrame| iti kartavyatāṁ tasya vratasya savidhānakām||

राजा द्वारा ऐसा कहे जाने पर रानी उस व्रत की विधि सहित कर्तव्य-प्रणाली को बताने लगी।

श्लोक 127 (skanda.5.117.127)

राज्ञ्युवाच। पुरा देवर्षिणा चेदं व्रतं लक्ष्म्यै प्रतिश्रुतम्। तया प्राप्तास्तु सकलाः कामाः स्वर्गापवर्गदाः॥

rājñyuvāca| purā devarṣiṇā cedaṁ vrataṁ lakṣmyai pratiśrutam| tayā prāptāstu sakalāḥ kāmāḥ svargāpavargadāḥ||

रानी ने कहा—'पूर्वकाल में इस व्रत को देवर्षि नारद द्वारा लक्ष्मी को बताया गया था; उसके द्वारा स्वर्ग और मोक्ष देने वाली समस्त कामनाएँ प्राप्त हुई थीं।'

श्लोक 128 (skanda.5.117.128)

मार्गशीर्षतृतीयायां शुक्लायां कलशोपरि। ताम्रपात्रं निधायैव तंदुलैः परिपूरितम्॥

mārgaśīrṣatṛtīyāyāṁ śuklāyāṁ kalaśopari| tāmrapātraṁ nidhāyaiva taṁdulaiḥ paripūritam||

'मार्गशीर्ष मास की शुक्ल तृतीया को, कलश के ऊपर चावल से भरा हुआ एक ताम्रपात्र रखकर,'

श्लोक 129 (skanda.5.117.129)

अच्छिद्रं च नवीनं च रजनीरागरंजितम्। वासः पात्रोपरि न्यस्य सूक्ष्मात्सूक्ष्मतरं परम्॥

acchidraṁ ca navīnaṁ ca rajanīrāgaraṁjitam| vāsaḥ pātropari nyasya sūkṣmātsūkṣmataraṁ param||

'छिद्ररहित और नवीन, हल्दी के रंग से रंगा हुआ वस्त्र उस पात्र के ऊपर रखकर, अत्यन्त सूक्ष्म,'

श्लोक 130 (skanda.5.117.130)

तस्योपरि शुभं पद्मं रविरश्मिप्रकाशितम्। तत्कर्णिकाया उपरि चतुःस्वर्णविनिर्मितम्। विधिं संपूजयेद्भक्त्या रक्तमाल्यांबरादिभिः॥

tasyopari śubhaṁ padmaṁ raviraśmiprakāśitam| tatkarṇikāyā upari catuḥsvarṇavinirmitam| vidhiṁ saṁpūjayedbhaktyā raktamālyāṁbarādibhiḥ||

'उसके ऊपर सूर्य-किरणों से प्रकाशित शुभ कमल रखा जाए, और उसकी कर्णिका के ऊपर चार स्वर्ण-निर्मित मूर्तियाँ रखकर, भक्तिपूर्वक रक्तवर्ण माला-वस्त्र आदि से विधिपूर्वक पूजा की जाए।'

श्लोक 131 (skanda.5.117.131)

पुष्पैः सुगंधैः कर्पूरकस्तूर्यादिभिरर्चयेत्। रात्रौ जागरणं कार्यं विप्राणां परमोत्सवैः॥

puṣpaiḥ sugaṁdhaiḥ karpūrakastūryādibhirarcayet| rātrau jāgaraṇaṁ kāryaṁ viprāṇāṁ paramotsavaiḥ||

'सुगन्धित पुष्पों, कर्पूर, कस्तूरी आदि से पूजा की जाए; रात्रि में ब्राह्मणों के परम उत्सवों सहित जागरण किया जाए।'

श्लोक 132 (skanda.5.117.132)

होमः कार्यो महाभक्त्या सहस्रपरिसंख्यया। नवप्रसूतां कपिलां दद्याच्च सुपयस्विनीम्॥

homaḥ kāryo mahābhaktyā sahasraparisaṁkhyayā| navaprasūtāṁ kapilāṁ dadyācca supayasvinīm||

'महाभक्ति से एक सहस्र आहुतियों का होम किया जाए; तथा नवप्रसूता, दूध देने वाली कपिला गाय दान की जाए।'

श्लोक 133 (skanda.5.117.133)

दद्यादाचार्यवर्याय सालंकारां सदक्षिणाम्। उपोष्य दंपती भक्त्या नवांबरविभूषितौ॥

dadyādācāryavaryāya sālaṁkārāṁ sadakṣiṇām| upoṣya daṁpatī bhaktyā navāṁbaravibhūṣitau||

'श्रेष्ठ आचार्य को आभूषणों और दक्षिणा सहित वह गाय दी जाए; भक्तिपूर्वक उपवास करके दम्पति नए वस्त्रों से विभूषित हों।'

श्लोक 134 (skanda.5.117.134)

प्रातः स्नात्वा चतुर्थ्यां च संपूज्याचार्यमादितः। वस्त्रैराभरणैर्माल्यैर्दक्षिणाभिर्मुदान्वितः। सोपस्करां च तां मूर्तिमाचार्याय प्रदापयेत्॥

prātaḥ snātvā caturthyāṁ ca saṁpūjyācāryamāditaḥ| vastrairābharaṇairmālyairdakṣiṇābhirmudānvitaḥ| sopaskarāṁ ca tāṁ mūrtimācāryāya pradāpayet||

'चतुर्थी को प्रातःकाल स्नान करके, आचार्य की सबसे पहले पूजा करें — वस्त्र, आभूषण, माला और दक्षिणा से हर्षपूर्वक; और उस उपकरण-सहित मूर्ति को आचार्य को प्रदान करें।'

श्लोक 135 (skanda.5.117.135)

मंत्रः। नमो विश्वविधानज्ञे विद्ये विविधकारिणि। सुतं च शंकरं देहि तुष्टा ह्यस्माद्व्रतोत्तमात्॥

maṁtraḥ| namo viśvavidhānajñe vidye vividhakāriṇi| sutaṁ ca śaṁkaraṁ dehi tuṣṭā hyasmādvratottamāt||

मन्त्र — 'नमस्कार है विश्व की विधि को जानने वाली, नाना कार्य करने वाली विद्या को; इस उत्तम व्रत से प्रसन्न होकर मुझे शंकर के समान पुत्र दो।'

श्लोक 136 (skanda.5.117.136)

सहस्रं भोजयित्वाथ द्विजानां भक्तिपूर्वकम्। भुक्तशेषेण चान्नेन कुर्याद्वै पारणं ततः॥

sahasraṁ bhojayitvātha dvijānāṁ bhaktipūrvakam| bhuktaśeṣeṇa cānnena kuryādvai pāraṇaṁ tataḥ||

'तत्पश्चात् एक सहस्र ब्राह्मणों को भक्तिपूर्वक भोजन कराकर, उस बचे हुए अन्न से व्रत का पारण करना चाहिए।'

श्लोक 137 (skanda.5.117.137)

इत्थमेतद्व्रतं नाथ चिकीर्षामि त्वदाज्ञया। कुरु चैतत्प्रियं मह्यमभीष्टफललब्धये॥

itthametadvrataṁ nātha cikīrṣāmi tvadājñayā| kuru caitatpriyaṁ mahyamabhīṣṭaphalalabdhaye||

'हे नाथ, इस प्रकार इस व्रत को मैं तुम्हारी आज्ञा से करना चाहती हूँ; मेरे अभीष्ट फल की प्राप्ति के लिए मेरा यह प्रिय कार्य पूर्ण करो।'

श्लोक 138 (skanda.5.117.138)

इति भूपालवर्येण श्रुत्वा संहृष्टचेतसा। तदा व्रतं समाचीर्णं सांतर्वत्नी बभूव ह॥

iti bhūpālavaryeṇa śrutvā saṁhṛṣṭacetasā| tadā vrataṁ samācīrṇaṁ sāṁtarvatnī babhūva ha||

यह सुनकर उस श्रेष्ठ राजा ने हर्षित चित्त से अनुमति दी; तब उस व्रत का पालन किया गया, और वह गर्भवती हो गई।

श्लोक 139 (skanda.5.117.139)

तयाथ प्रार्थिता गौरी गर्भिण्या भक्तितोषिता। पुत्रं देहि महामाये साक्षाद्विष्ण्वंशसंभवम्॥

tayātha prārthitā gaurī garbhiṇyā bhaktitoṣitā| putraṁ dehi mahāmāye sākṣādviṣṇvaṁśasaṁbhavam||

तब गर्भवती उस रानी ने भक्ति से संतुष्ट गौरी से प्रार्थना की—'हे महामाये, मुझे साक्षात् विष्णु के अंश से उत्पन्न पुत्र दो।'

श्लोक 140 (skanda.5.117.140)

जातमात्रो व्रजेत्स्वर्गं पुनरायाति चात्र वै। भक्तः सदाशिवेऽत्यर्थं प्रसिद्धः सर्वभूतले। विनैव स्तन्यपानेन षोडशाब्दाकृतिः क्षणात्॥

jātamātro vrajetsvargaṁ punarāyāti cātra vai| bhaktaḥ sadāśive'tyarthaṁ prasiddhaḥ sarvabhūtale| vinaiva stanyapānena ṣoḍaśābdākṛtiḥ kṣaṇāt||

'जन्म लेते ही जो स्वर्ग जाए और फिर यहाँ वापस आए, जो सदाशिव का अत्यन्त भक्त हो, सम्पूर्ण पृथ्वीतल पर प्रसिद्ध हो, स्तनपान के बिना ही क्षणभर में सोलह वर्ष की आकृति वाला हो जाए —'

श्लोक 141 (skanda.5.117.141)

एवंभूतः सुतो गौरि यथा स्यान्मे तथा कुरु। मृडान्यापि तथेत्युक्ता राज्ञी भक्त्यातितुष्टया॥

evaṁbhūtaḥ suto gauri yathā syānme tathā kuru| mṛḍānyāpi tathetyuktā rājñī bhaktyātituṣṭayā||

'हे गौरि, ऐसा ही पुत्र मुझे हो, वैसा करो।' मृडानी ने भी अत्यन्त भक्ति से संतुष्ट होकर रानी से 'ऐसा ही हो' कहा।

श्लोक 142 (skanda.5.117.142)

अथ कालेन तनयं मूलर्क्षे साऽप्यजीजनत्। हितैरमात्यैरथ सा विज्ञप्तारिष्टसंस्थिता॥

atha kālena tanayaṁ mūlarkṣe sā'pyajījanat| hitairamātyairatha sā vijñaptāriṣṭasaṁsthitā||

तत्पश्चात् समय आने पर उसने मूल नक्षत्र में पुत्र को जन्म दिया; तब हितैषी मन्त्रियों ने अरिष्ट की स्थिति में उसे निवेदन किया—

श्लोक 143 (skanda.5.117.143)

देवि राजार्थिनी त्वं तु त्यज दुष्टर्क्षजं सुतम्। सा मंत्रिवाक्यमाकर्ण्य केवलं पतिदेवता॥

devi rājārthinī tvaṁ tu tyaja duṣṭarkṣajaṁ sutam| sā maṁtrivākyamākarṇya kevalaṁ patidevatā||

'हे देवि, तुम राज्य की हितैषी हो; इस दुष्ट नक्षत्र में जन्मे पुत्र को त्याग दो।' मन्त्रियों का यह वचन सुनकर, केवल पति को ही देवता मानने वाली उस रानी ने,

श्लोक 144 (skanda.5.117.144)

अत्याक्षीत्तं तथा प्राप्तं तनयं नयकोविदा। धात्रिकां तु समाहूय प्राहेदं सा नृपांगना॥

atyākṣīttaṁ tathā prāptaṁ tanayaṁ nayakovidā| dhātrikāṁ tu samāhūya prāhedaṁ sā nṛpāṁganā||

नीति में निपुण उस रानी ने प्राप्त हुए उस पुत्र को उसी प्रकार त्याग दिया; उस राजपत्नी ने धाय को बुलाकर यह कहा—

श्लोक 145 (skanda.5.117.145)

पंचमुद्रे महापीठे विकटानाम मातृका। तदग्रे स्थापयित्वामुं बालं धात्रि त्विदं वद॥

paṁcamudre mahāpīṭhe vikaṭānāma mātṛkā| tadagre sthāpayitvāmuṁ bālaṁ dhātri tvidaṁ vada||

'पंचमुद्रा महापीठ में विकटा नाम की मातृका है; उसके सामने इस बालक को रखकर, हे धाय, यह कहना—'

श्लोक 146 (skanda.5.117.146)

गौरि दत्तः शिशुरसौ तवाग्रे विनिवेदितः। राज्ञ्या पत्युः प्रियैषिण्या मंत्रिविज्ञप्तिनुन्नया॥

gauri dattaḥ śiśurasau tavāgre viniveditaḥ| rājñyā patyuḥ priyaiṣiṇyā maṁtrivijñaptinunnayā||

'हे गौरि, यह शिशु तुम्हें दिया जाता है, तुम्हारे सामने निवेदित किया जाता है — पति के हित की इच्छुक और मन्त्रियों की सलाह से प्रेरित रानी द्वारा।'

श्लोक 147 (skanda.5.117.147)

सापि राज्ञ्युदितं श्रुत्वा बालं शिशुशशिप्रभम्। विकटायाः पुरोभागे संस्थाप्य गृहमागता॥

sāpi rājñyuditaṁ śrutvā bālaṁ śiśuśaśiprabham| vikaṭāyāḥ purobhāge saṁsthāpya gṛhamāgatā||

रानी के कहे अनुसार वह धाय, चन्द्रमा के समान कान्तिमान् उस शिशु को विकटा के सामने रखकर घर लौट आई।

श्लोक 148 (skanda.5.117.148)

अथ सा विकटा देवी समाहूय च योगिनीः। उवाच नयत क्षिप्रं शिशुं मातृगणाग्रतः॥

atha sā vikaṭā devī samāhūya ca yoginīḥ| uvāca nayata kṣipraṁ śiśuṁ mātṛgaṇāgrataḥ||

तब उस विकटा देवी ने योगिनियों को बुलाकर कहा—'इस शिशु को शीघ्र मातृगण के सामने ले जाओ,'

श्लोक 149 (skanda.5.117.149)

तासामाज्ञां च कुरुत रक्षतामुं प्रयत्नतः। योगिन्यो विकटावाक्यात्खेचर्यस्तत्क्षणेन तम्॥

tāsāmājñāṁ ca kuruta rakṣatāmuṁ prayatnataḥ| yoginyo vikaṭāvākyātkhecaryastatkṣaṇena tam||

'और उनकी आज्ञा का पालन करते हुए इसकी रक्षा प्रयत्नपूर्वक करो।' विकटा के इस वचन से आकाशचारिणी योगिनियाँ उसी क्षण उसे,

श्लोक 150 (skanda.5.117.150)

निन्युर्गगनमार्गेण ब्राह्म्याद्या यत्र मातरः। प्रणम्य योगिनीवृन्दं तं शिशुं सूर्यवर्चसम्॥

ninyurgaganamārgeṇa brāhmyādyā yatra mātaraḥ| praṇamya yoginīvṛndaṁ taṁ śiśuṁ sūryavarcasam||

आकाश-मार्ग से वहाँ ले गईं जहाँ ब्रह्माणी आदि मातृगण थीं; योगिनी-समूह को प्रणाम कर, उस सूर्य के समान तेजस्वी शिशु को,

श्लोक 151 (skanda.5.117.151)

पुरो निधाय मातॄणां प्रोचुश्च विकटोदितम्। ब्रह्माणी वैष्णवी रौद्री वाराही नारसिंहिका॥

puro nidhāya mātṝṇāṁ procuśca vikaṭoditam| brahmāṇī vaiṣṇavī raudrī vārāhī nārasiṁhikā||

उन्होंने मातृगण के सामने रखकर विकटा का सन्देश सुनाया। ब्रह्माणी, वैष्णवी, रौद्री, वाराही, नारसिंही,

श्लोक 152 (skanda.5.117.152)

कौमारी चापि माहेन्द्री चामुण्डा चैव चंडिका। दृष्ट्वा तं बालकं रम्यं विकटाप्रेषितं ततः॥

kaumārī cāpi māhendrī cāmuṇḍā caiva caṁḍikā| dṛṣṭvā taṁ bālakaṁ ramyaṁ vikaṭāpreṣitaṁ tataḥ||

कौमारी, माहेन्द्री, चामुण्डा और चण्डिका — इन्होंने उस मनोहर बालक को, जिसे विकटा ने भेजा था, देखकर,

श्लोक 153 (skanda.5.117.153)

पप्रच्छुर्युगपद्वाक्यं कस्ते बाल प्रमुख्यकः। मातृभिश्चेति पृष्टस्तु यदा किंचिन्न वक्ति सः॥

papracchuryugapadvākyaṁ kaste bāla pramukhyakaḥ| mātṛbhiśceti pṛṣṭastu yadā kiṁcinna vakti saḥ||

सबने एक साथ पूछा—'हे बालक, तुम्हारा मुख्य कौन है?' मातृगण द्वारा इस प्रकार पूछे जाने पर जब वह कुछ नहीं बोला,

श्लोक 154 (skanda.5.117.154)

तदा च योगिनीचक्रं प्राह मातृगणस्त्विति। राज्ययोग्यो भवत्येष महालक्षणलक्षितः॥

tadā ca yoginīcakraṁ prāha mātṛgaṇastviti| rājyayogyo bhavatyeṣa mahālakṣaṇalakṣitaḥ||

तब योगिनी-समूह से मातृगण ने कहा—'यह महान् लक्षणों से युक्त, राज्य के योग्य है;'

श्लोक 155 (skanda.5.117.155)

पुनस्तत्रैव नेतव्यो योगिन्यस्त्वविलंबितम्। पञ्चमुद्रा महादेवी तिष्ठते यत्र कामदा॥

punastatraiva netavyo yoginyastvavilaṁbitam| pañcamudrā mahādevī tiṣṭhate yatra kāmadā||

'हे योगिनियो, इसे बिना विलम्ब उसी स्थान पर पुनः ले जाओ, जहाँ कामनाओं को पूर्ण करने वाली पंचमुद्रा महादेवी विराजमान हैं।'

श्लोक 156 (skanda.5.117.156)

यस्याः संसेवनान्नॄणां निर्वाणश्रीरदूरतः। तत्पीठसेवनादस्य षोडशाब्दाकृतेः शिशोः॥

yasyāḥ saṁsevanānnṝṇāṁ nirvāṇaśrīradūrataḥ| tatpīṭhasevanādasya ṣoḍaśābdākṛteḥ śiśoḥ||

'जिसकी सेवा से मनुष्यों को मोक्ष-सम्पत्ति निकट ही प्राप्त हो जाती है; उसके पीठ की सेवा से इस शिशु को, जो सोलह वर्ष की आकृति वाला है,'

श्लोक 157 (skanda.5.117.157)

सिद्धिर्भवित्री परमा रुद्रस्यानुग्रहात्परा। एवं मातृगणात्सद्यो योगिनीभिः क्षणेन तु॥

siddhirbhavitrī paramā rudrasyānugrahātparā| evaṁ mātṛgaṇātsadyo yoginībhiḥ kṣaṇena tu||

'रुद्र की अनुग्रह से परम सिद्धि प्राप्त होगी।' इस प्रकार मातृगण से तत्काल योगिनियों द्वारा क्षणभर में,

श्लोक 158 (skanda.5.117.158)

प्रापितो मातृवाक्येन पञ्चमुद्रांतिकं पुनः। संप्राप्य तन्महापीठं स्वर्गलोकादिहागतः॥

prāpito mātṛvākyena pañcamudrāṁtikaṁ punaḥ| saṁprāpya tanmahāpīṭhaṁ svargalokādihāgataḥ||

मातृगण के वचन से उसे पुनः पंचमुद्रा के समीप पहुँचा दिया गया; उस महापीठ को प्राप्त कर, स्वर्गलोक से यहाँ आया हुआ वह,

श्लोक 159 (skanda.5.117.159)

महाकालवने पुण्ये तताप विपुलं तपः। तपसातीव तीव्रेण निश्चलेन्द्रियमानसः॥

mahākālavane puṇye tatāpa vipulaṁ tapaḥ| tapasātīva tīvreṇa niścalendriyamānasaḥ||

पवित्र महाकालवन में विपुल तप करने लगा; अत्यन्त तीव्र तप से उसकी इन्द्रियाँ और मन निश्चल हो गए।

श्लोक 160 (skanda.5.117.160)

तस्य राजकुमारस्य प्रसन्नोऽभूदुमाधवः। आविर्बभूव पुरतो लिंगरूपेण शंकरः॥

tasya rājakumārasya prasanno'bhūdumādhavaḥ| āvirbabhūva purato liṁgarūpeṇa śaṁkaraḥ||

उस राजकुमार पर उमाधव प्रसन्न हुए; शंकर लिंगरूप में उसके सामने प्रकट हुए,

श्लोक 161 (skanda.5.117.161)

उवाच च प्रसन्नोस्मि वरं ब्रूहि नृपांगज। सर्वज्योतिर्मयं लिंगं पुरतो दृष्टवान्स्वयम्॥

uvāca ca prasannosmi varaṁ brūhi nṛpāṁgaja| sarvajyotirmayaṁ liṁgaṁ purato dṛṣṭavānsvayam||

और कहा—'मैं प्रसन्न हूँ, हे राजपुत्र, वर माँगो।' उसने स्वयं अपने समक्ष सर्वज्योतिर्मय लिंग को देखा,

श्लोक 162 (skanda.5.117.162)

सप्तपातालमुद्भिद्योत्थितं बृहदनुग्रहात्। प्रणम्य दंडवद्भूमौ परितुष्टाव धूर्जटिम्॥

saptapātālamudbhidyotthitaṁ bṛhadanugrahāt| praṇamya daṁḍavadbhūmau parituṣṭāva dhūrjaṭim||

जो सातों पातालों को भेदकर, विशाल कृपा से उत्थित हुआ था; भूमि पर दण्डवत् प्रणाम करके उसने धूर्जटि की भलीभाँति स्तुति की,

श्लोक 163 (skanda.5.117.163)

सूक्तैर्जन्मांतराभ्यासात्सुहृष्टो रुद्रदैवतैः। वरं च प्रार्थयांचक्रे परिहृष्टतनूरुहः॥

sūktairjanmāṁtarābhyāsātsuhṛṣṭo rudradaivataiḥ| varaṁ ca prārthayāṁcakre parihṛṣṭatanūruhaḥ||

पूर्वजन्म के अभ्यास से प्रसन्न होकर रुद्र-दैवत सूक्तों से; और रोमांचित होकर उसने वर माँगा—

श्लोक 164 (skanda.5.117.164)

देवदेव महादेव यदि देयो वरो मम। तदत्र भवता स्थेयं भवतापहृता सदा॥

devadeva mahādeva yadi deyo varo mama| tadatra bhavatā stheyaṁ bhavatāpahṛtā sadā||

'हे देवदेव महादेव, यदि मुझे वर देना हो, तो हे भव, तुम यहाँ सदा भव-ताप को हरने वाले होकर स्थित रहो।'

श्लोक 165 (skanda.5.117.165)

अस्मिँल्लिंगे स्थितः शंभो कुरु भक्तसमीहितम्। विना मुद्रादिकरणं मंत्रेणापि विना विभो॥

asmĩlliṁge sthitaḥ śaṁbho kuru bhaktasamīhitam| vinā mudrādikaraṇaṁ maṁtreṇāpi vinā vibho||

'हे शम्भो, इस लिंग में स्थित होकर भक्तों की इच्छा पूर्ण करो — मुद्रा आदि की विधि के बिना, हे विभो, मन्त्र के बिना भी।'

श्लोक 166 (skanda.5.117.166)

अस्य लिंगस्य ये भक्ता मनोवाक्कायकर्मभिः। सदैवानुग्रहस्तेषु कर्त्तव्यो वर एष मे॥

asya liṁgasya ye bhaktā manovākkāyakarmabhiḥ| sadaivānugrahasteṣu karttavyo vara eṣa me||

'इस लिंग के जो भक्त मन, वचन और शरीर के कर्मों से हों, उन पर सदा अनुग्रह करना चाहिए — यही मेरा वर है।'

श्लोक 167 (skanda.5.117.167)

इति तद्वरमाकर्ण्य लिंगरूपोऽवदत्प्रभुः। एवमस्तु यदुक्तं ते वीर वैष्णवसूनुना॥

iti tadvaramākarṇya liṁgarūpo'vadatprabhuḥ| evamastu yaduktaṁ te vīra vaiṣṇavasūnunā||

उसके इस वर को सुनकर लिंगरूप प्रभु ने कहा—'हे वीर, हे वैष्णव के पुत्र, जो तुमने कहा, वैसा ही हो।'

श्लोक 168 (skanda.5.117.168)

वीर वीरेश्वरंनाम लिंगमेतत्त्वदाख्यया। अवंत्यां संप्रदास्यामि भक्तानां चिंतितान्यहो॥

vīra vīreśvaraṁnāma liṁgametattvadākhyayā| avaṁtyāṁ saṁpradāsyāmi bhaktānāṁ ciṁtitānyaho||

'हे वीर, तुम्हारे ही नाम से यह लिंग वीरेश्वर नाम से अवन्ती में विख्यात होगा; अहो, मैं भक्तों की चिन्तित कामनाओं को प्रदान करूँगा।'

श्लोक 169 (skanda.5.117.169)

अत्र दत्तं हुतं जप्तं स्तुतमर्चितमेव च। तदक्षयं भवेदत्र भक्तानां नात्र संशयः॥

atra dattaṁ hutaṁ japtaṁ stutamarcitameva ca| tadakṣayaṁ bhavedatra bhaktānāṁ nātra saṁśayaḥ||

'यहाँ जो कुछ दान किया जाए, हवन किया जाए, जप किया जाए, स्तुति और पूजा की जाए, वह सब भक्तों के लिए अक्षय होगा — इसमें कोई संशय नहीं।'

श्लोक 170 (skanda.5.117.170)

त्वं तु राज्यं परं प्राप्य सर्वभूपालदुर्लभम्। भुक्त्वा भोगांश्च विपुलानंते सिद्धिमवाप्स्यसि॥

tvaṁ tu rājyaṁ paraṁ prāpya sarvabhūpāladurlabham| bhuktvā bhogāṁśca vipulānaṁte siddhimavāpsyasi||

'तुम भी सर्वभूपालों के लिए दुर्लभ परम राज्य को प्राप्त कर, विपुल भोगों को भोगकर, अन्त में सिद्धि को प्राप्त करोगे।'

श्लोक 171 (skanda.5.117.171)

एष ते कथितो देवि प्रभावः पापनाशनः। वीरेश्वरस्य देवस्य नूपुरेशमथो शृणु॥

eṣa te kathito devi prabhāvaḥ pāpanāśanaḥ| vīreśvarasya devasya nūpureśamatho śṛṇu||

हे देवि, यह देव वीरेश्वर का पापनाशक प्रभाव तुम्हें बताया गया; अब आगे नूपुरेश के विषय में सुनो।