अभयेश्वर माहात्म्य वर्णन

श्लोक 1 (skanda.5.119.1)

श्रीरुद्र उवाच। अष्टाधिकं विजानीहि चत्वारिंशत्तमं प्रिये। यस्य दर्शनमात्रेण न भवस्य भयं भवेत्॥

śrīrudra uvāca| aṣṭādhikaṁ vijānīhi catvāriṁśattamaṁ priye| yasya darśanamātreṇa na bhavasya bhayaṁ bhavet||

श्री रुद्र ने कहा—हे प्रिये, अड़तालीसवें को जानो, जिसके दर्शनमात्र से संसार का भय नहीं होता।

श्लोक 2 (skanda.5.119.2)

कल्पावसाने प्रथमे पाद्मे पद्मनिभेक्षणे। नष्टचंद्रार्कनक्षत्रे नष्टभूमित्रिविष्टपे। ब्रह्मा वै चिंतयामास कथं सृष्टिर्भवेदिति॥

kalpāvasāne prathame pādme padmanibhekṣaṇe| naṣṭacaṁdrārkanakṣatre naṣṭabhūmitriviṣṭape| brahmā vai ciṁtayāmāsa kathaṁ sṛṣṭirbhavediti||

प्रथम पद्म कल्प के अन्त में, हे पद्मनिभेक्षणे, जब चन्द्र, सूर्य और नक्षत्र नष्ट हो चुके थे, पृथ्वी और स्वर्ग नष्ट हो चुके थे, ब्रह्मा सोचने लगे कि सृष्टि कैसे हो।

श्लोक 3 (skanda.5.119.3)

इत्याकुलितरूपस्य तस्य नेत्रद्वयात्तदा। पपाताश्रुकणः स्थूलो नेत्राद्वामान्महात्मनः॥

ityākulitarūpasya tasya netradvayāttadā| papātāśrukaṇaḥ sthūlo netrādvāmānmahātmanaḥ||

इस प्रकार व्याकुल-रूप वाले उन ब्रह्मा के दोनों नेत्रों से, उस महात्मा के बाएँ नेत्र से, तब एक स्थूल अश्रुबिन्दु गिरा।

श्लोक 4 (skanda.5.119.4)

तस्मादश्रुकणाज्जातो हारवोनाम दानवः। तीक्ष्णदंष्ट्रो महाकायो भिन्नांजनचयप्रभः॥

tasmādaśrukaṇājjāto hāravonāma dānavaḥ| tīkṣṇadaṁṣṭro mahākāyo bhinnāṁjanacayaprabhaḥ||

उस अश्रुबिन्दु से हारव नामक एक दानव उत्पन्न हुआ, जो तीक्ष्ण दाढ़ों वाला, महाकाय और टूटे हुए अंजन के ढेर के समान कान्ति वाला था।

श्लोक 5 (skanda.5.119.5)

दक्षिणान्नयनाज्जातः कालकेलीतिविश्रुतः। कृष्णदेहोऽतिदीर्घश्च महादंष्ट्रोर्ध्वरोमकः॥

dakṣiṇānnayanājjātaḥ kālakelītiviśrutaḥ| kṛṣṇadeho'tidīrghaśca mahādaṁṣṭrordhvaromakaḥ||

दाहिने नेत्र से कालकेली नाम से विख्यात एक और उत्पन्न हुआ, जो कृष्णवर्ण देह वाला, अत्यन्त लम्बा, बड़ी दाढ़ों वाला और खड़े रोमों वाला था,

श्लोक 6 (skanda.5.119.6)

करालवदनो दुष्टो यमरूपो दुरासदः। कृष्णांजनचयाकारः पाशपाणिर्विभीषणः॥

karālavadano duṣṭo yamarūpo durāsadaḥ| kṛṣṇāṁjanacayākāraḥ pāśapāṇirvibhīṣaṇaḥ||

विकराल मुख वाला, दुष्ट, यमरूप, दुर्गम्य, काले अंजन के समूह के आकार वाला, हाथ में पाश लिए हुए, भयंकर।

श्लोक 7 (skanda.5.119.7)

तौ तु दैत्यौ समागत्य कृतसंकेतकौ तदा। ब्रह्माणं हंतुमिच्छंतौ प्रमत्तावभिधावितौ॥

tau tu daityau samāgatya kṛtasaṁketakau tadā| brahmāṇaṁ haṁtumicchaṁtau pramattāvabhidhāvitau||

वे दोनों दैत्य, आपस में मिलकर, तब एक संकेत बनाकर, ब्रह्मा को मारने की इच्छा से उन्मत्त होकर दौड़ पड़े।

श्लोक 8 (skanda.5.119.8)

ततो ब्रह्मा भयाविष्टः कांदिशीकश्चचार ह। ततो जलेऽतिगंभीरे सोऽपश्यदमितद्युतिम्॥

tato brahmā bhayāviṣṭaḥ kāṁdiśīkaścacāra ha| tato jale'tigaṁbhīre so'paśyadamitadyutim||

तब भयाविष्ट होकर ब्रह्मा दिशाहीन होकर इधर-उधर भागने लगे; तब अत्यन्त गहरे जल में उन्होंने अपार तेजस्वी एक पुरुष को देखा,

श्लोक 9 (skanda.5.119.9)

पुरुषं पीतवसनं शंखचक्रगदाधरम्। तमालोक्य ततो ब्रह्मा संत्रासं परमं गतः। उवाच को भवाञ्छेते निःशेषेस्मिंश्चराचरे॥

puruṣaṁ pītavasanaṁ śaṁkhacakragadādharam| tamālokya tato brahmā saṁtrāsaṁ paramaṁ gataḥ| uvāca ko bhavāñchete niḥśeṣesmiṁścarācare||

पीत वस्त्र धारण किए, शंख-चक्र-गदाधारी पुरुष को। उसे देखकर तब ब्रह्मा परम भय को प्राप्त हुए, और बोले—'इस सम्पूर्ण चराचर विश्व में शयन करने वाले तुम कौन हो?'

श्लोक 10 (skanda.5.119.10)

तमुवाच ततो विष्णुरहमेवं जगत्पिता। लोककृल्लोकसंहर्त्ता लोकस्थितिविधायकः॥

tamuvāca tato viṣṇurahamevaṁ jagatpitā| lokakṛllokasaṁharttā lokasthitividhāyakaḥ||

तब विष्णु ने उससे कहा—'मैं ही जगत्-पिता हूँ — लोकों का निर्माता, लोकों का संहारक, लोकों की स्थिति का विधाता।'

श्लोक 11 (skanda.5.119.11)

इत्युक्तः पद्मजस्तेन कृष्णेनाक्लिष्टकर्मणा। प्रत्युवाच तदा ब्रह्मा स्रष्टाहं भुवनत्रये॥

ityuktaḥ padmajastena kṛṣṇenākliṣṭakarmaṇā| pratyuvāca tadā brahmā sraṣṭāhaṁ bhuvanatraye||

उस अक्लिष्टकर्मा कृष्ण के ऐसा कहने पर पद्मज ब्रह्मा ने उत्तर दिया—'मैं ही त्रिभुवन में स्रष्टा हूँ;'

श्लोक 12 (skanda.5.119.12)

मया सृष्टं जगत्सर्वं सदेवासुरमानुषम्। अत्रांतरे च तौ दैत्यावायातौ बलदर्पितौ॥

mayā sṛṣṭaṁ jagatsarvaṁ sadevāsuramānuṣam| atrāṁtare ca tau daityāvāyātau baladarpitau||

'मेरे द्वारा ही देव, असुर और मनुष्य सहित सम्पूर्ण जगत् की सृष्टि की गई है।' इसी बीच बल से गर्वित वे दोनों दैत्य आ पहुँचे,

श्लोक 13 (skanda.5.119.13)

भोक्तुकामौ क्षुधाविष्टौ दृष्ट्वा ब्रह्माब्रवीदिदम्। कृष्णं कमलपत्राक्षं कंपिताधरपल्लवः॥

bhoktukāmau kṣudhāviṣṭau dṛṣṭvā brahmābravīdidam| kṛṣṇaṁ kamalapatrākṣaṁ kaṁpitādharapallavaḥ||

भक्षण की इच्छा से क्षुधाविष्ट होकर; उन्हें देखकर ब्रह्मा ने काँपते हुए अधरोष्ठ से कमलपत्राक्ष कृष्ण से यह कहा—

श्लोक 14 (skanda.5.119.14)

यदि त्वं कारणं किंचिदस्य लोकस्य कथ्यसे। तदा तावसुरौ भीमौ हंतुमर्हसि सांप्रतम्॥

yadi tvaṁ kāraṇaṁ kiṁcidasya lokasya kathyase| tadā tāvasurau bhīmau haṁtumarhasi sāṁpratam||

'यदि तुम इस लोक के किसी कारण के रूप में कहे जाते हो, तो अब तुम्हें इन दोनों भीषण असुरों का वध करना चाहिए।'

श्लोक 15 (skanda.5.119.15)

तच्छ्रुत्वा तु तदा विष्णुर्ज्ञात्वा दुःखं परस्परम्। क्षणं विश्रम्यतां तावत्पश्चाद्द्वंद्वं भविष्यति॥

tacchrutvā tu tadā viṣṇurjñātvā duḥkhaṁ parasparam| kṣaṇaṁ viśramyatāṁ tāvatpaścāddvaṁdvaṁ bhaviṣyati||

यह सुनकर तब विष्णु ने, दोनों की परस्पर विपत्ति को जानकर कहा—'क्षणभर विश्राम कर लें; उसके पश्चात् द्वन्द्व होगा।'

श्लोक 16 (skanda.5.119.16)

इत्युक्त्वा कृतसंकेतौ तौ दैत्यौ बलगर्वितौ। ब्रह्मनारायणौ हंतुं धावितौ तु त्वरान्वितौ॥

ityuktvā kṛtasaṁketau tau daityau balagarvitau| brahmanārāyaṇau haṁtuṁ dhāvitau tu tvarānvitau||

ऐसा कहते ही, संकेत बना चुके वे दोनों बलगर्वित दैत्य, ब्रह्मा और नारायण को मारने के लिए शीघ्रतापूर्वक दौड़े।

श्लोक 17 (skanda.5.119.17)

ब्रह्मविष्णू तदा दृष्ट्वा दानवौ दुर्जयौ रणे। संत्रासं जग्मतुस्तत्र स्वेदकंपपरिप्लुतौ॥

brahmaviṣṇū tadā dṛṣṭvā dānavau durjayau raṇe| saṁtrāsaṁ jagmatustatra svedakaṁpapariplutau||

ब्रह्मा और विष्णु उन दोनों युद्ध में दुर्जय दानवों को देखकर वहाँ पसीने और कँपकँपी से भीगे हुए भय को प्राप्त हुए।

श्लोक 18 (skanda.5.119.18)

अन्योन्यमूचतुस्तौ हि देशकालोचितं वचः। कर्तव्यं किं नु वा कार्यं मम वा तव वा भवेत्॥

anyonyamūcatustau hi deśakālocitaṁ vacaḥ| kartavyaṁ kiṁ nu vā kāryaṁ mama vā tava vā bhavet||

उन दोनों ने देश-काल के अनुकूल आपस में कहा—'अब क्या करना चाहिए? मेरे लिए या तुम्हारे लिए क्या उपाय है?'

श्लोक 19 (skanda.5.119.19)

उपस्थितं भयं घोरं तत्र किं कार्यमस्ति नौ। आसन्नं मरणं दृष्ट्वा ब्रह्मा प्रोवाच केशवम्॥

upasthitaṁ bhayaṁ ghoraṁ tatra kiṁ kāryamasti nau| āsannaṁ maraṇaṁ dṛṣṭvā brahmā provāca keśavam||

'यह भयंकर संकट उपस्थित है; इसमें हमारे लिए क्या उपाय है?' मृत्यु को निकट देखकर ब्रह्मा ने केशव से कहा—

श्लोक 20 (skanda.5.119.20)

गम्यतां कृष्ण शीघ्रं वै महाकालवनोत्तमम्। प्रलयेऽप्यक्षयं प्रोक्तं तत्र रक्षा भविष्यति। अहं तत्र गमिष्यामि व्रज त्वं तत्र केशव॥

gamyatāṁ kṛṣṇa śīghraṁ vai mahākālavanottamam| pralaye'pyakṣayaṁ proktaṁ tatra rakṣā bhaviṣyati| ahaṁ tatra gamiṣyāmi vraja tvaṁ tatra keśava||

'हे कृष्ण, शीघ्र उत्तम महाकालवन को चलें; वह प्रलयकाल में भी अक्षय कहा गया है — वहाँ रक्षा मिलेगी। मैं वहाँ जाऊँगा; हे केशव, तुम भी वहाँ चलो।'

श्लोक 21 (skanda.5.119.21)

इत्युक्तो ब्रह्मणा कृष्णो जगाम सह तेन वै। महाकालवनं प्राप्तौ न च दृष्टो महेश्वरः। तत्रापि दशसाहस्रकालः पर्यटतोस्तयोः॥

ityukto brahmaṇā kṛṣṇo jagāma saha tena vai| mahākālavanaṁ prāptau na ca dṛṣṭo maheśvaraḥ| tatrāpi daśasāhasrakālaḥ paryaṭatostayoḥ||

ब्रह्मा के ऐसा कहने पर कृष्ण उनके साथ गए; वे दोनों महाकालवन को प्राप्त हुए, परन्तु महेश्वर वहाँ दिखाई नहीं दिए। वहाँ भी वे दोनों दस सहस्र काल तक भटकते रहे।

श्लोक 22 (skanda.5.119.22)

ततो ज्वालामयं दिव्यं नूपुरेश्वरदक्षिणे। दृष्ट्वा तल्लिंगमाहात्म्यं ब्रह्मविष्णू ततः स्वयम्। प्रार्थयांचक्रतुर्देवमभयं देहि नौ प्रभो॥

tato jvālāmayaṁ divyaṁ nūpureśvaradakṣiṇe| dṛṣṭvā talliṁgamāhātmyaṁ brahmaviṣṇū tataḥ svayam| prārthayāṁcakraturdevamabhayaṁ dehi nau prabho||

तब नूपुरेश्वर के दक्षिण में उस दिव्य ज्वालामय लिंग को और उसके माहात्म्य को देखकर ब्रह्मा और विष्णु ने स्वयं देव से प्रार्थना की—'हे प्रभो, हमें अभय दो;'

श्लोक 23 (skanda.5.119.23)

शरणं भव देवेश दानवाभ्यां प्रपीडितौ। अभयं च ततो दत्तं तेन लिंगेन पार्वति॥

śaraṇaṁ bhava deveśa dānavābhyāṁ prapīḍitau| abhayaṁ ca tato dattaṁ tena liṁgena pārvati||

'हे देवेश, हमारी शरण बनो; हम दोनों दानवों से पीड़ित हैं।' हे पार्वती, तब उस लिंग द्वारा अभय दिया गया।

श्लोक 24 (skanda.5.119.24)

शुश्राव गर्जितं ताभ्यां दानवाभ्यां पितामहः। प्रत्युवाच भयत्रस्तो लिंगं कंपितकंधरः॥

śuśrāva garjitaṁ tābhyāṁ dānavābhyāṁ pitāmahaḥ| pratyuvāca bhayatrasto liṁgaṁ kaṁpitakaṁdharaḥ||

पितामह ने उन दोनों दानवों की गर्जना सुनी; भयभीत होकर, गर्दन काँपते हुए, उन्होंने लिंग से कहा—

श्लोक 25 (skanda.5.119.25)

स एष मृत्युरस्माकमेति शीघ्रं भयावहः। दीयतामभयं देव कृष्णेनोक्तं तदा प्रिये॥

sa eṣa mṛtyurasmākameti śīghraṁ bhayāvahaḥ| dīyatāmabhayaṁ deva kṛṣṇenoktaṁ tadā priye||

'हमारी वह भयंकर मृत्यु शीघ्र आ रही है; हे देव, हमें अभय दो' — हे प्रिये, कृष्ण ने भी तब ऐसा कहा।

श्लोक 26 (skanda.5.119.26)

भयार्त्तवचनं श्रुत्वा ब्रह्मणः केशवस्य च। तौ दैवौ तेन लिंगेन जठरे संनिवेशितौ॥

bhayārttavacanaṁ śrutvā brahmaṇaḥ keśavasya ca| tau daivau tena liṁgena jaṭhare saṁniveśitau||

ब्रह्मा और केशव के भयार्त वचन सुनकर, उस लिंग ने उन दोनों देवताओं को अपने उदर के भीतर स्थापित कर लिया।

श्लोक 27 (skanda.5.119.27)

दृष्टं ताभ्यां जगत्सर्वं सार्कचंद्रमहीधरम्। ससिद्धगंधर्वकुलं शैलताललताकुलम्॥

dṛṣṭaṁ tābhyāṁ jagatsarvaṁ sārkacaṁdramahīdharam| sasiddhagaṁdharvakulaṁ śailatālalatākulam||

उन दोनों ने सम्पूर्ण जगत् को देखा — सूर्य, चन्द्र और पर्वतों सहित, सिद्ध-गन्धर्व-कुलों सहित, पर्वत-ताड़-लता से व्याप्त,

श्लोक 28 (skanda.5.119.28)

समुद्रपीठसंयुक्तं नानावर्णाश्रमोज्ज्वलम्। सपातालतलं देवि सभुजंगमहीरुहम्॥

samudrapīṭhasaṁyuktaṁ nānāvarṇāśramojjvalam| sapātālatalaṁ devi sabhujaṁgamahīruham||

समुद्र-पीठ से युक्त, नाना वर्णाश्रमों से उज्ज्वल, हे देवि, पातालतल सहित, नागों और वृक्षों सहित,

श्लोक 29 (skanda.5.119.29)

ससप्तलोकविन्यासं सदेवासुरराक्षसम्। पुनस्तौ निःसृतौ तस्माज्जठराद्विस्मयान्वितौ॥

sasaptalokavinyāsaṁ sadevāsurarākṣasam| punastau niḥsṛtau tasmājjaṭharādvismayānvitau||

सप्तलोकों की व्यवस्था सहित, देव-असुर-राक्षसों सहित; फिर विस्मय से भरे हुए वे दोनों उस उदर से बाहर निकले।

श्लोक 30 (skanda.5.119.30)

दृष्ट्वौ भस्मीकृतौ दैत्यौ तेन लिंगेन पार्वति। तुष्टुवाते परं लिंगं भक्त्या परमया युतौ॥

dṛṣṭvau bhasmīkṛtau daityau tena liṁgena pārvati| tuṣṭuvāte paraṁ liṁgaṁ bhaktyā paramayā yutau||

हे पार्वती, उन्होंने देखा कि उस लिंग द्वारा दोनों दैत्य भस्म हो चुके थे; परम भक्ति से युक्त होकर उन्होंने उस महान् लिंग की स्तुति की।

श्लोक 31 (skanda.5.119.31)

लिंगेनोक्तं प्रसन्नेन भवद्भ्यां किं ददाम्यहम्। ममामोघमिदं देवौ दर्शनं चातिदुर्लभम्॥

liṁgenoktaṁ prasannena bhavadbhyāṁ kiṁ dadāmyaham| mamāmoghamidaṁ devau darśanaṁ cātidurlabham||

प्रसन्न लिंग ने कहा—'तुम दोनों को मैं क्या दूँ? हे देवो, मेरा यह दर्शन अमोघ और अत्यन्त दुर्लभ है।'

श्लोक 32 (skanda.5.119.32)

ततो ब्रह्मा च विष्णुश्च वरयामासतुर्वरम्। यदि देयो वरोऽस्माकं नृणामभयदो भव॥

tato brahmā ca viṣṇuśca varayāmāsaturvaram| yadi deyo varo'smākaṁ nṛṇāmabhayado bhava||

तब ब्रह्मा और विष्णु ने वर माँगा—'यदि हमें वर देना हो, तो मनुष्यों को अभय देने वाले बनो;'

श्लोक 33 (skanda.5.119.33)

ये च त्वां पूजयिष्यंति यक्ष्यंति च समाहिताः। संस्मरिष्यंति सततं तेषामभयदो भव॥

ye ca tvāṁ pūjayiṣyaṁti yakṣyaṁti ca samāhitāḥ| saṁsmariṣyaṁti satataṁ teṣāmabhayado bhava||

'जो तुम्हारी पूजा करेंगे और एकाग्रचित्त होकर यज्ञ करेंगे, तथा सदा तुम्हारा स्मरण करेंगे — उनके लिए अभय के दाता बनो।'

श्लोक 34 (skanda.5.119.34)

अभयेश्वरसंज्ञस्तु ख्यातो भुवि भविष्यसि। ते कृतार्था भविष्यंति ये त्वां पश्यंति भक्तितः॥

abhayeśvarasaṁjñastu khyāto bhuvi bhaviṣyasi| te kṛtārthā bhaviṣyaṁti ye tvāṁ paśyaṁti bhaktitaḥ||

'तुम पृथ्वी पर अभयेश्वर नाम से विख्यात होगे; जो भक्तिपूर्वक तुम्हारा दर्शन करेंगे, वे कृतार्थ होंगे।'

श्लोक 35 (skanda.5.119.35)

भविष्यति भयं नैव संसारपतनं तथा। धनपुत्रकलत्राणां वियोगो न भविष्यति॥

bhaviṣyati bhayaṁ naiva saṁsārapatanaṁ tathā| dhanaputrakalatrāṇāṁ viyogo na bhaviṣyati||

'न भय होगा, न संसार में पतन होगा; धन, पुत्र और पत्नी का वियोग भी नहीं होगा।'

श्लोक 36 (skanda.5.119.36)

दुःखिता दुर्भगा नारी दर्शनं या करिष्यति। सौभाग्यसुखसंयुक्ता भविष्यति न संशयः। वीरं तु गुर्विणी कन्या पतिमाप्स्यति शोभनम्॥

duḥkhitā durbhagā nārī darśanaṁ yā kariṣyati| saubhāgyasukhasaṁyuktā bhaviṣyati na saṁśayaḥ| vīraṁ tu gurviṇī kanyā patimāpsyati śobhanam||

'दुःखी और अभागी नारी जो तुम्हारा दर्शन करेगी, वह निःसंदेह सौभाग्य और सुख से युक्त होगी; गर्भवती कन्या वीर और शोभन पति प्राप्त करेगी।'

श्लोक 37 (skanda.5.119.37)

यंयं काममभिध्याय ये त्वां पश्यंति मानवाः। तंतं मनोरथं सर्वं गमिष्यंति न संशयः॥

yaṁyaṁ kāmamabhidhyāya ye tvāṁ paśyaṁti mānavāḥ| taṁtaṁ manorathaṁ sarvaṁ gamiṣyaṁti na saṁśayaḥ||

'जो-जो कामना मन में ध्यान करके मनुष्य तुम्हारा दर्शन करते हैं, वह सम्पूर्ण मनोरथ पूर्ण होगा, इसमें कोई संशय नहीं।'

श्लोक 38 (skanda.5.119.38)

एवं भविष्यतीत्युक्त्वा लिंगेन परमेश्वरि। विसर्जितौ गतौ दैवौ ब्रह्मविष्णू स्वमालयम्॥

evaṁ bhaviṣyatītyuktvā liṁgena parameśvari| visarjitau gatau daivau brahmaviṣṇū svamālayam||

'ऐसा ही होगा' — हे परमेश्वरि, उस लिंग के ऐसा कहने पर वे दोनों देव, ब्रह्मा और विष्णु, विदा होकर अपने-अपने धाम को चले गए।

श्लोक 39 (skanda.5.119.39)

एष ते कथितो देवि प्रभावः पापनाशनः। अभयेश्वर देवस्य श्रूयतां पृथुकेश्वरम्॥

eṣa te kathito devi prabhāvaḥ pāpanāśanaḥ| abhayeśvara devasya śrūyatāṁ pṛthukeśvaram||

हे देवि, यह देव अभयेश्वर का पापनाशक प्रभाव तुम्हें बताया गया; अब पृथुकेश्वर के विषय में सुनो।