मतंगेश्वर की महिमा

श्लोक 1 (skanda.5.131.1)

श्रीमहादेव उवाच। मतंगेश्वर संज्ञं तु षष्टिसंख्याकमीश्वरम्। विद्धि पापहरं देवि समीहितकरं सदा॥

śrīmahādeva uvāca| mataṁgeśvara saṁjñaṁ tu ṣaṣṭisaṁkhyākamīśvaram| viddhi pāpaharaṁ devi samīhitakaraṁ sadā||

श्रीमहादेव ने कहा - हे देवी! साठवें ईश्वर मतंगेश्वर को जानो, जो सदा पापों का नाश करने वाले तथा अभीष्ट फल देने वाले हैं।

श्लोक 2 (skanda.5.131.2)

सुगतिर्नाम विप्रेन्द्रो बभूव द्वापरे युगे। सत्यवादी सदा दांतो वेदाध्ययनतत्परः॥

sugatirnāma viprendro babhūva dvāpare yuge| satyavādī sadā dāṁto vedādhyayanatatparaḥ||

द्वापर युग में सुगति नामक एक श्रेष्ठ ब्राह्मण था, सत्यवादी, सदा जितेंद्रिय और वेदाध्ययन में तत्पर।

श्लोक 3 (skanda.5.131.3)

मतंगस्तस्य पुत्रोऽभूद्बाल्याद्दारुणतां गतः। सबालं गर्दभं देवि तिष्ठन्तं मातुरंतिके। दण्डकाष्ठेन सहसा ताडयामास चापलात्॥

mataṁgastasya putro'bhūdbālyāddāruṇatāṁ gataḥ| sabālaṁ gardabhaṁ devi tiṣṭhantaṁ māturaṁtike| daṇḍakāṣṭhena sahasā tāḍayāmāsa cāpalāt||

उसका पुत्र मतंग बचपन से ही क्रूर स्वभाव का था; हे देवी! अपनी मां के पास खड़े एक गधे के बच्चे को उसने चंचलतावश डंडे से अचानक मार दिया।

श्लोक 4 (skanda.5.131.4)

तं तु तीव्राहतं दृष्ट्वा गर्दभी पुत्रगृद्धिनी। उवाच मा शुचः पुत्र चंडालोऽयं न वै द्विजः॥

taṁ tu tīvrāhataṁ dṛṣṭvā gardabhī putragṛddhinī| uvāca mā śucaḥ putra caṁḍālo'yaṁ na vai dvijaḥ||

तीव्रता से पीटे गए उसे देखकर पुत्रवत्सल गर्दभी ने कहा - 'शोक मत करो, पुत्र; यह ब्राह्मण नहीं, चांडाल है।'

श्लोक 5 (skanda.5.131.5)

ब्राह्मणे दारुणं नास्ति मैत्रो ब्राह्मण उच्यते। तुदन्पापाकृतिरयं बाले न कुरुते दयाम्॥

brāhmaṇe dāruṇaṁ nāsti maitro brāhmaṇa ucyate| tudanpāpākṛtirayaṁ bāle na kurute dayām||

'ब्राह्मण में क्रूरता नहीं होती, मित्रवत्सल को ही ब्राह्मण कहते हैं; यह पापाचारी, बालक को पीटने वाला, दया न करने वाला -

श्लोक 6 (skanda.5.131.6)

स्वकीयां भजते चाथ प्रकृतिं मानवः सदा। एतच्छ्रुत्वा मतंगस्तु दारुणं गर्द्दभीवचः॥

svakīyāṁ bhajate cātha prakṛtiṁ mānavaḥ sadā| etacchrutvā mataṁgastu dāruṇaṁ garddabhīvacaḥ||

- मनुष्य सदा अपनी ही मूल प्रकृति का अनुसरण करता है।' गर्दभी के इस कठोर वचन को सुनकर मतंग ने -

श्लोक 7 (skanda.5.131.7)

दंडकाष्ठं परित्यज्य रासभीं प्रत्यभाषत। ब्रूहि रासभि कल्याणि माता मे येन दूषिता॥

daṁḍakāṣṭhaṁ parityajya rāsabhīṁ pratyabhāṣata| brūhi rāsabhi kalyāṇi mātā me yena dūṣitā||

- दंडकाष्ठ त्यागकर गधी से पूछा - 'हे कल्याणी रासभी! बताओ, मेरी माता किससे दूषित हुई?

श्लोक 8 (skanda.5.131.8)

कथं मां वेत्सि चंडालं यायावरकुलोद्भवम्। केन जातोस्मि चंडालो ब्राह्मण्यं येन मे गतम्॥

kathaṁ māṁ vetsi caṁḍālaṁ yāyāvarakulodbhavam| kena jātosmi caṁḍālo brāhmaṇyaṁ yena me gatam||

'तुम मुझे यायावर कुल में उत्पन्न होकर भी चांडाल कैसे जानती हो? किसके द्वारा मैं चांडाल हुआ, किससे मेरा ब्राह्मणत्व चला गया?'

श्लोक 9 (skanda.5.131.9)

गर्दभ्युवाच। नापितेन प्रमत्तेन ब्राह्मण्यां वृषलेन हि। ततस्त्वमसि चांडालो ब्राह्मण्यं तेन ते गतम्॥

gardabhyuvāca| nāpitena pramattena brāhmaṇyāṁ vṛṣalena hi| tatastvamasi cāṁḍālo brāhmaṇyaṁ tena te gatam||

गर्दभी ने कहा - 'एक प्रमादी, शूद्र नाई द्वारा तुम्हारी ब्राह्मण माता के साथ हुए संसर्ग से; इसीलिए तुम चांडाल हो, उसी से तुम्हारा ब्राह्मणत्व नष्ट हुआ।'

श्लोक 10 (skanda.5.131.10)

एवमुक्तो मतंगस्तु पितरं वाक्यमब्रवीत्। ताताश्चर्यं श्रुतं मेऽद्य जातोऽहं नापितेन वै॥

evamukto mataṁgastu pitaraṁ vākyamabravīt| tātāścaryaṁ śrutaṁ me'dya jāto'haṁ nāpitena vai||

ऐसा कहे जाने पर मतंग ने पिता से कहा - 'हे तात! आज मैंने आश्चर्यजनक बात सुनी - मैं नाई से उत्पन्न हुआ हूं।

श्लोक 11 (skanda.5.131.11)

गर्दभ्या कथितं सम्यक्तस्मात्तप्स्ये महत्तपः। एवमुक्त्वा स पितरं प्रतस्थे कृतनिश्चयः॥

gardabhyā kathitaṁ samyaktasmāttapsye mahattapaḥ| evamuktvā sa pitaraṁ pratasthe kṛtaniścayaḥ||

'गर्दभी ने भलीभांति बताया है; अतः मैं महान तप करूंगा।' ऐसा कहकर वह दृढ़ निश्चय करके पिता से चल पड़ा।

श्लोक 12 (skanda.5.131.12)

स गत्वा च ततोऽरण्यमतप्यत महत्तपः। ततः संतापयामास विबुधांस्तपसान्वितः॥

sa gatvā ca tato'raṇyamatapyata mahattapaḥ| tataḥ saṁtāpayāmāsa vibudhāṁstapasānvitaḥ||

वहां से वन में जाकर उसने महान तप किया; अपने तप से उसने देवताओं को संतप्त कर दिया।

श्लोक 13 (skanda.5.131.13)

तं तथा तपसा युक्तमुवाच हरिवाहनः। मतंग तप्यसे किं त्वं भोगानुत्सृज्य मानुषान्। वरं ददामि तेऽहं तं वृणीष्व त्वं यदिच्छसि॥

taṁ tathā tapasā yuktamuvāca harivāhanaḥ| mataṁga tapyase kiṁ tvaṁ bhogānutsṛjya mānuṣān| varaṁ dadāmi te'haṁ taṁ vṛṇīṣva tvaṁ yadicchasi||

तप में लीन उससे हरिवाहन (इंद्र) ने कहा - 'हे मतंग! मनुष्यों के भोगों को त्यागकर तुम क्यों तप कर रहे हो? मैं तुम्हें वर देता हूं, जो चाहो मांगो।'

श्लोक 14 (skanda.5.131.14)

मतङ्ग उवाच। ब्राह्मण्यं कामयानोऽहमिदमारब्धवांस्तपः। देहि मे शाश्वतं शक्र वर एष वृतो मया॥

mataṅga uvāca| brāhmaṇyaṁ kāmayāno'hamidamārabdhavāṁstapaḥ| dehi me śāśvataṁ śakra vara eṣa vṛto mayā||

मतंग ने कहा - 'ब्राह्मणत्व की कामना से मैंने यह तप आरंभ किया है; हे शक्र! मुझे यह शाश्वत रूप से दो - यही वर मैंने चुना है।'

श्लोक 15 (skanda.5.131.15)

एतच्छ्रुत्वा तु वचनं तमुवाच पुरंदरः। ब्राह्मण्यं याचसे त्वं हि दुष्प्रापमकृतात्मभिः॥

etacchrutvā tu vacanaṁ tamuvāca puraṁdaraḥ| brāhmaṇyaṁ yācase tvaṁ hi duṣprāpamakṛtātmabhiḥ||

यह वचन सुनकर पुरंदर ने उससे कहा - 'तुम जिस ब्राह्मणत्व की याचना कर रहे हो, वह असंस्कृत आत्मा वालों के लिए दुष्प्राप्य है।

श्लोक 16 (skanda.5.131.16)

नाशमेष्यसि दुर्बुद्धे तदुपारम मा चिरम्। चंडालयोनौ जातेन न तत्प्राप्यं कथंचन॥

nāśameṣyasi durbuddhe tadupārama mā ciram| caṁḍālayonau jātena na tatprāpyaṁ kathaṁcana||

'हे दुर्बुद्धे! तुम नाश को प्राप्त होगे, इसलिए शीघ्र रुक जाओ। चांडाल योनि में उत्पन्न व्यक्ति द्वारा वह किसी भी प्रकार प्राप्त नहीं किया जा सकता।'

श्लोक 17 (skanda.5.131.17)

एवमुक्तो मतंगस्तु संशितात्मा यत व्रतः। अतिष्ठदेकपादेन वर्षाणां शतसंख्यया॥

evamukto mataṁgastu saṁśitātmā yata vrataḥ| atiṣṭhadekapādena varṣāṇāṁ śatasaṁkhyayā||

ऐसा कहे जाने पर संयमी आत्मा, नियमव्रती मतंग सौ वर्षों तक एक पैर पर खड़ा रहा।

श्लोक 18 (skanda.5.131.18)

तमुवाच ततः शक्रः पुनरेव महायशाः। ब्राह्मण्यं दुर्लभं वीर मा कृथाः साहसं वृथा॥

tamuvāca tataḥ śakraḥ punareva mahāyaśāḥ| brāhmaṇyaṁ durlabhaṁ vīra mā kṛthāḥ sāhasaṁ vṛthā||

तब महायशस्वी शक्र ने उससे पुनः कहा - 'हे वीर! ब्राह्मणत्व दुर्लभ है, व्यर्थ साहस मत करो।

श्लोक 19 (skanda.5.131.19)

न हि शक्यं प्राप्तुमेवमचिरान्नाशमेष्यसि। वृणु वा काममन्यं त्वं ब्राह्मणत्वं सुदुर्लभम्॥

na hi śakyaṁ prāptumevamacirānnāśameṣyasi| vṛṇu vā kāmamanyaṁ tvaṁ brāhmaṇatvaṁ sudurlabham||

'यह इस प्रकार प्राप्त नहीं हो सकता, शीघ्र ही तुम्हारा नाश होगा। अन्य कोई कामना मांग लो, ब्राह्मणत्व अत्यंत दुर्लभ है।'

श्लोक 20 (skanda.5.131.20)

एवमुक्तो मतंगस्तु संशितात्मा दृढव्रतः। सहस्रमेकं पादेन ततोऽब्दानामवर्त्तत॥

evamukto mataṁgastu saṁśitātmā dṛḍhavrataḥ| sahasramekaṁ pādena tato'bdānāmavarttata||

ऐसा कहे जाने पर संयमी, दृढ़व्रती मतंग तब एक हजार वर्षों तक एक पैर पर खड़ा रहा।

श्लोक 21 (skanda.5.131.21)

तदेव च पुनर्वाक्यमुवाच बलवृत्रहा। चंडालायौनौ जातेन नावाप्यं ते कथंचन॥

tadeva ca punarvākyamuvāca balavṛtrahā| caṁḍālāyaunau jātena nāvāpyaṁ te kathaṁcana||

बलवृत्रहा (इंद्र) ने फिर वही वचन कहा - 'चांडाल योनि में उत्पन्न व्यक्ति द्वारा वह किसी भी प्रकार प्राप्त नहीं किया जा सकता।

श्लोक 22 (skanda.5.131.22)

अन्यं वरं वृणीष्व त्वं मा कृथास्तत्स्वयं श्रमम्। एवमुक्तो मतंगस्तु भृशं शोकपरायणः॥

anyaṁ varaṁ vṛṇīṣva tvaṁ mā kṛthāstatsvayaṁ śramam| evamukto mataṁgastu bhṛśaṁ śokaparāyaṇaḥ||

'अन्य वर मांग लो, स्वयं यह परिश्रम मत करो।' ऐसा कहे जाने पर अत्यंत शोकाकुल मतंग -

श्लोक 23 (skanda.5.131.23)

अतिष्ठत गयां गत्वा सोंगुष्ठेन शतं समाः। सुदुष्करं वहन्योगं प्राणायामपरायणः॥

atiṣṭhata gayāṁ gatvā soṁguṣṭhena śataṁ samāḥ| suduṣkaraṁ vahanyogaṁ prāṇāyāmaparāyaṇaḥ||

- गया जाकर सौ वर्षों तक अंगूठे के बल खड़ा रहा, प्राणायाम-परायण होकर अत्यंत दुष्कर योग धारण करते हुए।

श्लोक 24 (skanda.5.131.24)

त्वगस्थिभूतो धर्मात्मा तताप परमं तपः। तपंतं तमभिद्रुत्य परिजग्राह वासवः॥

tvagasthibhūto dharmātmā tatāpa paramaṁ tapaḥ| tapaṁtaṁ tamabhidrutya parijagrāha vāsavaḥ||

त्वचा और हड्डी मात्र शेष रह गए उस धर्मात्मा ने परम तप किया; तप करते हुए उसके पास दौड़कर वासव ने उसे पकड़ लिया -

श्लोक 25 (skanda.5.131.25)

वराणामीश्वरो दाता सर्वभूतहिते रतः॥

varāṇāmīśvaro dātā sarvabhūtahite rataḥ||

- वे वरों के स्वामी, दाता, सर्वभूतहित में रत।

श्लोक 26 (skanda.5.131.26)

शक्र उवाच। मतंग ब्राह्मणत्वं हि विरुद्धमिह दृश्यते। ब्राह्मण्यं दुर्ल्लभं तात ह्यसतां पापशीलिनाम्॥

śakra uvāca| mataṁga brāhmaṇatvaṁ hi viruddhamiha dṛśyate| brāhmaṇyaṁ durllabhaṁ tāta hyasatāṁ pāpaśīlinām||

शक्र ने कहा - 'हे मतंग! यहां ब्राह्मणत्व तो विरुद्ध ही प्रतीत होता है; हे तात! ब्राह्मणत्व पापी स्वभाव वाले असज्जनों के लिए दुर्लभ है।

श्लोक 27 (skanda.5.131.27)

ब्राह्मणे सर्वभूतानां योगक्षेमः समाहितः। तदुत्सृज्येह दुष्प्राप्यं ब्राह्मण्यमकृतात्मभिः॥

brāhmaṇe sarvabhūtānāṁ yogakṣemaḥ samāhitaḥ| tadutsṛjyeha duṣprāpyaṁ brāhmaṇyamakṛtātmabhiḥ||

'ब्राह्मण में समस्त प्राणियों का योगक्षेम समाहित है; इसलिए असंस्कृत आत्मा वालों के लिए दुष्प्राप्य इस ब्राह्मणत्व को छोड़ दो।

श्लोक 28 (skanda.5.131.28)

अन्यं वरं वृणीष्व त्वं दुर्लभोऽयं हि ते वरः॥

anyaṁ varaṁ vṛṇīṣva tvaṁ durlabho'yaṁ hi te varaḥ||

'अन्य वर मांग लो, यह वर तुम्हारे लिए दुर्लभ ही है।'

श्लोक 29 (skanda.5.131.29)

मतंग उवाच। किं मां तुदसि दुःखार्तं मृतं मारयसे च माम्। तं तु शोचामि यो लब्ध्वा ब्राह्मण्यं नानुपालयेत्॥

mataṁga uvāca| kiṁ māṁ tudasi duḥkhārtaṁ mṛtaṁ mārayase ca mām| taṁ tu śocāmi yo labdhvā brāhmaṇyaṁ nānupālayet||

मतंग ने कहा - 'दुःख से पीड़ित, मरे हुए के समान मुझे क्यों सताते हो और मारते हो? मुझे तो उसका शोक है जो ब्राह्मणत्व पाकर भी उसका पालन नहीं करता।

श्लोक 30 (skanda.5.131.30)

ब्राह्मण्यं यदि दुष्प्राप्यं त्रिभिर्वर्णैः शतक्रतो। तपसा च कथं लब्धं विश्वामित्रेण भूभुजा॥

brāhmaṇyaṁ yadi duṣprāpyaṁ tribhirvarṇaiḥ śatakrato| tapasā ca kathaṁ labdhaṁ viśvāmitreṇa bhūbhujā||

'हे शतक्रतु! यदि ब्राह्मणत्व अन्य तीन वर्णों के लिए दुष्प्राप्य है, तो राजा विश्वामित्र ने तप से उसे कैसे प्राप्त किया?

श्लोक 31 (skanda.5.131.31)

वीतहव्यश्च राजर्षिस्तपसा विप्रतां गतः। तस्मात्तपः करिष्यामि निर्द्वंद्वो निष्परिग्रहः॥

vītahavyaśca rājarṣistapasā vipratāṁ gataḥ| tasmāttapaḥ kariṣyāmi nirdvaṁdvo niṣparigrahaḥ||

'और राजर्षि वीतहव्य तप से ब्राह्मणत्व को प्राप्त हुए। इसलिए मैं द्वंद्वरहित, निष्परिग्रह होकर तप करूंगा।

श्लोक 32 (skanda.5.131.32)

अहिंसादमसत्यस्थः कथं नार्हामि विप्रताम्। दैवेन कृतमेतद्धि यद्यहं मातृदोषतः॥

ahiṁsādamasatyasthaḥ kathaṁ nārhāmi vipratām| daivena kṛtametaddhi yadyahaṁ mātṛdoṣataḥ||

'अहिंसा, दम और सत्य में स्थित होकर मैं ब्राह्मणत्व का अधिकारी क्यों न हो सकूं? यदि मातृदोष से यह हुआ है, तो यह भी दैव की ही करनी है।

श्लोक 33 (skanda.5.131.33)

एतामवस्थां संप्राप्तो दैवयोगात्पुरंदर। नूनं दैवं न शक्यं तु पौरुषेण निवर्त्तितुम्॥

etāmavasthāṁ saṁprāpto daivayogātpuraṁdara| nūnaṁ daivaṁ na śakyaṁ tu pauruṣeṇa nivarttitum||

'हे पुरंदर! मैं दैवयोग से इस अवस्था को प्राप्त हुआ हूं; निश्चय ही दैव को पुरुषार्थ से निवृत्त नहीं किया जा सकता।

श्लोक 34 (skanda.5.131.34)

यदहं यत्नवानेवं न लभे विप्रतां विभो। एवं ज्ञात्वा तु देवेश दातुमर्हसि मे परम्॥

yadahaṁ yatnavānevaṁ na labhe vipratāṁ vibho| evaṁ jñātvā tu deveśa dātumarhasi me param||

'हे विभो! जब मैं इतना प्रयत्न करने पर भी ब्राह्मणत्व नहीं पा रहा, तो हे देवेश! यह जानकर आपको मुझे वह श्रेष्ठ वस्तु देनी चाहिए।

श्लोक 35 (skanda.5.131.35)

यदि तेऽहमनुग्राह्यः किंचिद्वा सुकृतं मम। तदुपायं हि मे शंस कथं विप्रो भवामि वै॥

yadi te'hamanugrāhyaḥ kiṁcidvā sukṛtaṁ mama| tadupāyaṁ hi me śaṁsa kathaṁ vipro bhavāmi vai||

'यदि मैं आपकी कृपा के योग्य हूं, अथवा मेरा कुछ भी सुकृत है, तो मुझे वह उपाय बताइए, जिससे मैं सचमुच ब्राह्मण बन सकूं।

श्लोक 36 (skanda.5.131.36)

यथा ममाक्षया कीत्तिर्भवेद्वापि पुरंदर। कर्तुमर्हसि तद्देव शिरसा त्वां प्रसादये॥

yathā mamākṣayā kīttirbhavedvāpi puraṁdara| kartumarhasi taddeva śirasā tvāṁ prasādaye||

'हे पुरंदर! जिससे मेरी अक्षय कीर्ति हो, वह कीजिए, हे देव! मैं आपको सिर झुकाकर प्रसन्न करता हूं।'

श्लोक 37 (skanda.5.131.37)

इत्युक्तो हि मतंगेन वासवो बलवृत्रहा। कथयामास संतुष्टो लिंगमाहात्म्यमुत्तमम्॥

ityukto hi mataṁgena vāsavo balavṛtrahā| kathayāmāsa saṁtuṣṭo liṁgamāhātmyamuttamam||

मतंग द्वारा ऐसा कहे जाने पर बलवृत्रहा वासव ने प्रसन्न होकर उसे लिंग की उत्तम महिमा बताई -

श्लोक 38 (skanda.5.131.38)

इन्द्र उवाच। महाकालवने लिंगं स्थापितं ब्रह्मणा पुरा। दिव्यमूर्त्तिधरं दिव्यं श्रीसिद्धेश्वरपूर्वतः॥

indra uvāca| mahākālavane liṁgaṁ sthāpitaṁ brahmaṇā purā| divyamūrttidharaṁ divyaṁ śrīsiddheśvarapūrvataḥ||

इंद्र ने कहा - 'महाकालवन में पूर्वकाल में ब्रह्मा द्वारा स्थापित एक लिंग है, दिव्य मूर्तिधारी, दिव्य, श्रीसिद्धेश्वर के पूर्व में।

श्लोक 39 (skanda.5.131.39)

तस्य दर्शनमात्रेण विप्रत्वं समवाप्स्यसि। वासवस्य च वाक्येन मतंगो गतवांस्तदा॥

tasya darśanamātreṇa vipratvaṁ samavāpsyasi| vāsavasya ca vākyena mataṁgo gatavāṁstadā||

'उसके दर्शनमात्र से तुम्हें विप्रत्व प्राप्त होगा।' वासव के इस वचन पर मतंग तब वहां गया।

श्लोक 40 (skanda.5.131.40)

महाकालवनं रम्यं सिद्धक्षेत्रमथापरम्। ददर्श तत्र तल्लिंगमशेषफलदायकम्॥

mahākālavanaṁ ramyaṁ siddhakṣetramathāparam| dadarśa tatra talliṁgamaśeṣaphaladāyakam||

रमणीय महाकालवन, वह दूसरा सिद्धक्षेत्र, वहां उसने वह अशेष फल देने वाला लिंग देखा।

श्लोक 41 (skanda.5.131.41)

दृष्ट्वा संपूजयामास पुष्पैर्नानाविधैस्तथा। पूजितः प्रत्युवाचेदं मतंगं देवसत्तमः॥

dṛṣṭvā saṁpūjayāmāsa puṣpairnānāvidhaistathā| pūjitaḥ pratyuvācedaṁ mataṁgaṁ devasattamaḥ||

उसे देखकर उसने नाना प्रकार के पुष्पों से भलीभांति पूजा की; पूजित होकर उस देवश्रेष्ठ ने मतंग से कहा -

श्लोक 42 (skanda.5.131.42)

अहो महान्सभाग्योसि यस्त्वया तोषितोऽस्म्यहम्। मत्तः सर्वं समुद्भूतं ब्रह्मांडं भूर्भुवादिकम्॥

aho mahānsabhāgyosi yastvayā toṣito'smyaham| mattaḥ sarvaṁ samudbhūtaṁ brahmāṁḍaṁ bhūrbhuvādikam||

'अहो! तुम महान भाग्यशाली हो, जिसने मुझे संतुष्ट किया है। मुझसे ही यह संपूर्ण ब्रह्मांड, भूः-भुवः आदि उत्पन्न हुआ है।

श्लोक 43 (skanda.5.131.43)

वरदोऽस्मि वरार्हाणां शापदोऽस्मि दुरात्मनाम। ब्राह्मण्यं मत्प्रसादाच्च अक्षयं ते भविष्यति॥

varado'smi varārhāṇāṁ śāpado'smi durātmanāma| brāhmaṇyaṁ matprasādācca akṣayaṁ te bhaviṣyati||

'मैं वर के योग्य लोगों को वर देने वाला और दुरात्माओं को शाप देने वाला हूं; मेरी कृपा से तुम्हारा ब्राह्मणत्व अक्षय होगा।'

श्लोक 44 (skanda.5.131.44)

ततोऽसौ विप्रतां यातो मतंगो लिंगदर्शनात। पुनः पूजाप्रभावेण ब्रह्मलोकं गतो द्विज॥

tato'sau vipratāṁ yāto mataṁgo liṁgadarśanāta| punaḥ pūjāprabhāveṇa brahmalokaṁ gato dvija||

तब उस लिंग के दर्शन से मतंग को विप्रत्व प्राप्त हुआ; हे द्विज! पुनः पूजा के प्रभाव से वह ब्रह्मलोक को गया।

श्लोक 45 (skanda.5.131.45)

ब्राह्मण्यं दुर्लभं लब्धं लिंगस्यास्य प्रभावतः। मतंगेन वरारोहे तस्माद्देवो विगीयते॥

brāhmaṇyaṁ durlabhaṁ labdhaṁ liṁgasyāsya prabhāvataḥ| mataṁgena varārohe tasmāddevo vigīyate||

हे वरारोहे! इस लिंग के प्रभाव से मतंग द्वारा दुर्लभ ब्राह्मणत्व प्राप्त किया गया, इसीलिए वह देव प्रसिद्ध हुआ -

श्लोक 46 (skanda.5.131.46)

मतंगेश्वरको लोके ब्रह्मलोकप्रदायकः। वर्णाश्रमेषु विद्विष्टाः पाषंडवचने रताः॥

mataṁgeśvarako loke brahmalokapradāyakaḥ| varṇāśrameṣu vidviṣṭāḥ pāṣaṁḍavacane ratāḥ||

- लोक में मतंगेश्वर नाम से, ब्रह्मलोक प्रदान करने वाला। जो वर्णाश्रमों से द्वेष रखते हैं, पाखंडी वचनों में रत रहते हैं -

श्लोक 47 (skanda.5.131.47)

निर्मर्यादा निराचारा निःशंकाश्चातिलोलुपाः। निर्घृणाः क्रूरर्माणो धृष्टाः कलियुगे नराः। दर्शनात्तस्य लिंगस्य तेऽपि यांति त्रिविष्टपम्॥

nirmaryādā nirācārā niḥśaṁkāścātilolupāḥ| nirghṛṇāḥ krūrarmāṇo dhṛṣṭāḥ kaliyuge narāḥ| darśanāttasya liṁgasya te'pi yāṁti triviṣṭapam||

- मर्यादाहीन, आचारहीन, निःशंक, अत्यंत लोलुप, निर्दय, क्रूरकर्मा, धृष्ट, कलियुग के ऐसे मनुष्य भी उस लिंग के दर्शन से स्वर्ग को प्राप्त होते हैं।

श्लोक 48 (skanda.5.131.48)

ये विशुद्धा महाभागा ध्यानिनो मुक्तिभागिनः। ते पश्यंति कलौ देवि मतंगेश्वरमीश्वरम्॥

ye viśuddhā mahābhāgā dhyānino muktibhāginaḥ| te paśyaṁti kalau devi mataṁgeśvaramīśvaram||

जो विशुद्ध, महाभाग्यशाली, ध्यानी, मुक्तिभागी हैं, वे ही, हे देवी! कलियुग में ईश्वर मतंगेश्वर का दर्शन करते हैं।

श्लोक 49 (skanda.5.131.49)

ब्रह्मध्यानपरा ये च यज्ञदानक्रियारताः। ते पश्यंति कलौ देवि मतंगेश्वरमीश्वरम्॥

brahmadhyānaparā ye ca yajñadānakriyāratāḥ| te paśyaṁti kalau devi mataṁgeśvaramīśvaram||

जो ब्रह्मध्यान में परायण हैं और यज्ञ-दान की क्रियाओं में रत रहते हैं, वे ही, हे देवी! कलियुग में ईश्वर मतंगेश्वर का दर्शन करते हैं।

श्लोक 50 (skanda.5.131.50)

येऽर्चयंति महा देवि मतंगेश्वरमीश्वरम। कृतपुण्या नरा मर्त्त्ये तेषां वासोऽक्षयो दिवि॥

ye'rcayaṁti mahā devi mataṁgeśvaramīśvarama| kṛtapuṇyā narā marttye teṣāṁ vāso'kṣayo divi||

हे महादेवी! जो मनुष्य ईश्वर मतंगेश्वर की पूजा करते हैं, वे पुण्यात्मा मनुष्य मृत्युलोक में रहकर भी स्वर्ग में अक्षय निवास प्राप्त करते हैं।

श्लोक 51 (skanda.5.131.51)

एष ते कथितो देवि प्रभावः पापनाशनः। मतंगेश्वरदेवस्य शृणु सौभाग्यमीश्वरम्॥

eṣa te kathito devi prabhāvaḥ pāpanāśanaḥ| mataṁgeśvaradevasya śṛṇu saubhāgyamīśvaram||

हे देवी! यह मैंने तुम्हें मतंगेश्वर देव का पापनाशक प्रभाव बताया; अब सौभाग्येश्वर के विषय में सुनो।