दुर्द्धर्षेश्वर की महिमा

श्लोक 1 (skanda.5.141.1)

ईश्वर उवाच। शृणु सप्ततिकं देवं दुर्द्धरेश्वरमीश्वरम्। यस्य दर्शनतो देवि नरः पापैः प्रमुच्यते।

īśvara uvāca| śṛṇu saptatikaṁ devaṁ durddhareśvaramīśvaram| yasya darśanato devi naraḥ pāpaiḥ pramucyate||

ईश्वर बोले — हे देवी! सत्तरवें देव दुर्द्धरेश्वर ईश्वर के विषय में सुनो, जिनके दर्शन मात्र से मनुष्य पापों से मुक्त हो जाता है।

श्लोक 2 (skanda.5.141.2)

दुर्द्धर्षोनाम राजाभून्नेपालविषये पुरा। पुण्यकेतुर्यशस्वी च सत्यसंधो दृढव्रतः।

durddharṣo nāma rājābhūnnepālaviṣaye purā| puṇyaketuryaśasvī ca satyasaṁdho dṛḍhavrataḥ||

प्राचीन काल में नेपाल देश में दुर्द्धर्ष नामक एक राजा था, जो पुण्यशाली, यशस्वी, सत्यप्रतिज्ञ और दृढ़व्रती था।

श्लोक 3 (skanda.5.141.3)

तिस्रस्तस्याभवन्भार्यास्तत्तुल्याः सुमनोहराः। विहरन्त वनोद्याने वसन्ते पृथिवीपतिः।

tisrastasyābhavan bhāryāstattulyāḥ sumanoharāḥ| viharanta vanodyāne vasante pṛthivīpatiḥ||

उसकी तीन पत्नियाँ थीं, जो उसी के समान अत्यंत सुंदर थीं। वसंत ऋतु में वह राजा वन-उद्यान में विहार करता था।

श्लोक 4 (skanda.5.141.4)

कदा मृगरसाविष्टो देवाद्वै वातरंहसा। तुरगेणोहितः प्राप वनं रुचिरपादपम्।

kadā mṛgarasāviṣṭo devādvai vātaraṁhasā| turageṇohitaḥ prāpa vanaṁ ruciraṁ pādapam||

एक बार मृगया के रस में लीन होकर राजा दैवयोग से वायु-वेगी घोड़े पर सवार होकर, सुंदर वृक्षों से भरे एक वन में जा पहुँचा।

श्लोक 5 (skanda.5.141.5)

गजेंद्रमृगशार्दूलसिंहसंबरसंकुलम्। ऋक्षवानरवाराहगण्डकादिविराजितम्।

gajendramṛgaśārdūlasiṁhasaṁbarasaṁkulam| ṛkṣavānaravarāhagaṇḍakādivirājitam||

वह वन गजराजों, मृगों, बाघों, सिंहों और सांबर हिरणों से भरा हुआ था, तथा भालुओं, वानरों, सूअरों और गैंडों आदि से सुशोभित था।

श्लोक 6 (skanda.5.141.6)

तस्मिन्वने सुविस्तीर्णं कदलीखंडमंडितम्। हंसकारंडवाकीर्णं चक्रवाकोपशोभितम्।

tasminvane suvistīrṇaṁ kadalīkhaṇḍamaṇḍitam| haṁsakāraṇḍavākīrṇaṁ cakravākopaśobhitam||

उस वन में एक विशाल सरोवर था, जो केले के कुंजों से सुशोभित, हंसों और कारंडव पक्षियों से भरा हुआ, तथा चक्रवाक पक्षियों से शोभायमान था।

श्लोक 7 (skanda.5.141.7)

ददर्श दर्पणस्वच्छं सरो नीरजराजितम्। स्नातसिद्धवधूवृन्दकुचकुंकुमपिंजरम्।

dadarśa darpaṇasvacchaṁ saro nīrajarājitam| snātasiddhavadhūvṛndakuṁkumapiṁjaram||

राजा ने दर्पण के समान निर्मल, कमलों से सुशोभित तथा स्नान करती हुई सिद्ध-वधुओं के कुचों के कुंकुम से पीलापन लिए हुए उस सरोवर को देखा।

श्लोक 8 (skanda.5.141.8)

ददर्श कन्यां तत्रैव काननस्येव देवताम्। स तां दृष्ट्वा सुचार्वंगीं मन्मथेन प्रपीडितः।

dadarśa kanyāṁ tatraiva kānanasyeva devatām| sa tāṁ dṛṣṭvā sucārvaṅgīṁ manmathena prapīḍitaḥ||

वहीं उसने एक कन्या को देखा, मानो वह वन की देवी हो। सुंदर अंगोंवाली उस कन्या को देखकर राजा कामदेव से अत्यंत पीड़ित हो गया।

श्लोक 9 (skanda.5.141.9)

चित्रन्यस्त इव क्षिप्रमभूद्विस्मयनिश्चलः। सा भुजंगीव संकृष्टा मन्त्रेणेवांतिकं ययौ।

citranyasta iva kṣipramabhūdvismayaniścalaḥ| sā bhujaṅgīva saṁkṛṣṭā mantreṇevāntikaṁ yayau||

वह क्षणभर में आश्चर्यचकित होकर चित्रलिखित सा स्तब्ध हो गया। और वह कन्या भी, मानो मंत्र से खींची हुई नागिन के समान, उसके निकट आ गई।

श्लोक 10 (skanda.5.141.10)

कन्दर्पकोटिसदृशं विश्रान्तं नृपमब्रवीत्। सुतां मां विद्धि राजेन्द्र कल्पस्य प्राणवल्लभाम्।

kandarpakoṭisadṛśaṁ viśrāntaṁ nṛpamabravīt| sutāṁ māṁ viddhi rājendra kalpasya prāṇavallabhām||

वह उस विश्राम करते राजा से, जो मानो करोड़ों कामदेवों के समान था, बोली — हे राजेंद्र! मुझे कल्प नामक ऋषि की प्राणप्रिय पुत्री जानो।

श्लोक 11 (skanda.5.141.11)

तपोरतस्य शांतस्य सर्वदा ब्रह्मचारिणः। मदर्थे प्रार्थ्यतां विप्र स मां तुभ्यं प्रदास्यति।

taporatasya śāntasya sarvadā brahmacāriṇaḥ| madarthe prārthyatāṁ vipra sa māṁ tubhyaṁ pradāsyati||

वह सदा तपस्या में लीन, शांत तथा ब्रह्मचारी है। हे राजन्! उस ब्राह्मण से मेरे लिए प्रार्थना करो, वह मुझे तुम्हें अवश्य देगा।

श्लोक 12 (skanda.5.141.12)

इति तस्या वचः श्रुत्वा मन्मथेनाकुलीकृतः। लज्जां त्यक्त्वा स भूपालो ययाचे विजने च ताम्।

iti tasyā vacaḥ śrutvā manmathenākulīkṛtaḥ| lajjāṁ tyaktvā sa bhūpālo yayāce vijane ca tām||

उसके ये वचन सुनकर, कामदेव से व्याकुल हुआ वह राजा लज्जा त्यागकर एकांत में उससे याचना करने लगा।

श्लोक 13 (skanda.5.141.13)

मम प्राणव्ययः सुभ्रूस्त्वां विना समुपस्थितः। कार्याकार्यविचारो हि कस्य जीवितशांतये।

mama prāṇavyayaḥ subhrūstvāṁ vinā samupasthitaḥ| kāryākāryavicāro hi kasya jīvitaśāntaye||

हे सुंदर भ्रूवाली! तुम्हारे बिना मेरे प्राणों का नाश निश्चित है। भला जीवन की शांति के लिए कौन कर्तव्य-अकर्तव्य का विचार करता है?

श्लोक 14 (skanda.5.141.14)

त्यज्यते प्राप्तममृतं यदेतद्बुद्धिलाघवम्। को जानीते परे लोके कस्य किं नु भविष्यति।

tyajyate prāptamamṛtaṁ yadetadbuddhilāghavam| ko jānīte pare loke kasya kiṁ nu bhaviṣyati||

प्राप्त हुए अमृत को त्याग देना बुद्धि की तुच्छता ही है। दूसरे लोक में किसका क्या होगा, यह कौन जानता है?

श्लोक 15 (skanda.5.141.15)

भज मामनवद्यांगि तवेतद्वदनामृतम्। न पाययसि चेन्मह्यं मृतं जानीहि मे प्रिये।

bhaja māmanavadyāṅgi tavetadvadanāmṛtam| na pāyayasi cenmahyaṁ mṛtaṁ jānīhi me priye||

हे निर्दोष अंगोंवाली! मुझे स्वीकार करो। यदि तुम अपने इस मुखामृत का पान मुझे नहीं कराओगी, तो हे प्रिये, मुझे मृत ही समझो।

श्लोक 16 (skanda.5.141.16)

स्वयं पिबामि चेद्विद्धि परलोकगतं हि माम्। श्रुत्वेति चकिता तन्वी प्रोवाच विनयान्विता।

svayaṁ pibāmi cedviddhi paralokagataṁ hi mām| śrutveti cakitā tanvī provāca vinayānvitā||

यदि मैं स्वयं ही उसका पान कर लूं, तो जानो कि मैं परलोक को चला गया। यह सुनकर वह क्षीणांगी कन्या चकित हो गई और विनयपूर्वक बोली।

श्लोक 17 (skanda.5.141.17)

भ्रष्टायां मयि तातस्य विनष्टे कन्यकाफले। कुलं पतति नः सर्वं तस्मादेतद्विचिन्त्यताम्।

bhraṣṭāyāṁ mayi tātasya vinaṣṭe kanyakāphale| kulaṁ patati naḥ sarvaṁ tasmādetadvicintyatām||

यदि मैं भ्रष्ट हो जाऊं और मेरे पिता का कन्या-फल नष्ट हो जाए, तो हमारा सारा कुल पतित हो जाएगा; अतः इस विषय पर विचार करो।

श्लोक 18 (skanda.5.141.18)

यदि ते परमं प्रेम ममोपरि महीपते। मदर्थे प्रार्थ्यतां विप्र स मां नृनं प्रदास्यति।

yadi te paramaṁ prema mamopari mahīpate| madarthe prārthyatāṁ vipra sa māṁ nṛnaṁ pradāsyati||

हे राजन्! यदि मुझ पर तुम्हारा परम प्रेम है, तो मेरे लिए उस ब्राह्मण से प्रार्थना करो — वह निश्चय ही मुझे तुम्हें दे देगा।

श्लोक 19 (skanda.5.141.19)

तस्यास्तद्वचनं श्रुत्वा नान्यथा मे भविष्यति। ज्ञात्वा कन्यां द्विजस्यैव कल्पस्य ब्रह्मचारिणः।

tasyāstadvacanaṁ śrutvā nānyathā me bhaviṣyati| jñātvā kanyāṁ dvijasyaiva kalpasya brahmacāriṇaḥ||

उसके इस वचन को सुनकर, "यह और किसी प्रकार से संभव नहीं होगा" — यह जानकर, तथा उसे ब्रह्मचारी द्विज कल्प की ही पुत्री जानकर,

श्लोक 20 (skanda.5.141.20)

गत्वा ययाचे प्रणतः स्थितं निजतपोवने। मुनीन्द्रश्चंद्रवदनां स चास्मै तां ददौ मुदा।

gatvā yayāce praṇataḥ sthitaṁ nijatapovane| munīndraścandravadanāṁ sa cāsmai tāṁ dadau mudā||

राजा उस मुनि के पास, जो अपने तपोवन में स्थित था, गया और नतमस्तक होकर उससे याचना की। उस मुनीन्द्र ने प्रसन्नतापूर्वक अपनी चंद्रमुखी कन्या राजा को दे दी।

श्लोक 21 (skanda.5.141.21)

तत्रैव संगतो राजा मन्मथेन वशीकृतः। रेमे रमणकैर्योगैर्न सस्मार निजं पुरम्।

tatraiva saṁgato rājā manmathena vaśīkṛtaḥ| reme ramaṇakairyogairna sasmāra nijaṁ puram||

उसी स्थान पर रहकर, कामदेव के वशीभूत हुआ राजा उसके साथ रमणीय क्रीड़ाओं में रत रहा और अपनी नगरी को भूल ही गया।

श्लोक 22 (skanda.5.141.22)

कदलीखण्डकुञ्जेषु रम्यासु वनराजिषु। बहुलाम्रकदंबेषु राजा भेजे नवां वधूम्। सिषेवे चारु सुरतं स विदग्धोऽतिमुग्धया।

kadalīkhaṇḍakuñjeṣu ramyāsu vanarājiṣu| bahulāmrakadaṁbeṣu rājā bheje navāṁ vadhūm| siṣeve cāru surataṁ sa vidagdho'timugdhayā||

केले के कुंजों में, सुंदर वनपंक्तियों में, तथा घने आम्र और कदंब वृक्षों के बीच राजा अपनी नवविवाहिता वधू के साथ रमण करता रहा; वह चतुर राजा उस अत्यंत मुग्धा नारी के साथ सुंदर रति-सुख का सेवन करता रहा।

श्लोक 23 (skanda.5.141.23)

एवं हि वसतस्तस्य दुर्द्धर्षस्य वरानने। आजगाम सुदुर्द्धर्षो राक्षसोऽतिभयंकरः।

evaṁ hi vasatastasya durddharṣasya varānane| ājagāma sudurddharṣo rākṣaso'tibhayaṁkaraḥ||

हे वरानने! इस प्रकार दुर्द्धर्ष के वहां वास करते समय, एक अत्यंत दुर्द्धर्ष और भयंकर राक्षस वहां आ पहुंचा।

श्लोक 24 (skanda.5.141.24)

ज्वलितो विकटाकारो दंष्ट्रोत्कटकटाननः। तं नृपं मोहयित्वा तु तरसा तरलेक्षणाम्। जहार मन्मथाविष्टो रूपयौवनशालिनीम्।

jvalito vikaṭākāro daṁṣṭrotkaṭakaṭānanaḥ| taṁ nṛpaṁ mohayitvā tu tarasā taralekṣaṇām| jahāra manmathāviṣṭo rūpayauvanaśālinīm||

वह अग्नि के समान प्रज्वलित, विकराल आकृतिवाला तथा दाढ़ों से भयंकर मुखवाला था। कामातुर होकर उसने उस राजा को मोहित कर उस चंचल नेत्रोंवाली, रूप-यौवन-संपन्न स्त्री को बलपूर्वक हर लिया।

श्लोक 25 (skanda.5.141.25)

राजा च तां हृतां दृष्ट्वा वियोगविषमूर्छितः। स्मृत्वास्मृत्वा सुचार्वंगीं विललापाकुलेन्द्रियः।

rājā ca tāṁ hṛtāṁ dṛṣṭvā viyogaviṣamūrchitaḥ| smṛtvāsmṛtvā sucārvaṅgīṁ vilalāpākulendriyaḥ||

उसे हरी गई देखकर राजा वियोग के विष से मूर्छित हो गया। उस सुंदरांगी को बार-बार स्मरण करते हुए, इंद्रियों से व्याकुल होकर वह विलाप करने लगा।

श्लोक 26 (skanda.5.141.26)

हा प्रिये प्रेमपीयूषे प्रणयामृतदीर्घिके। हा सुन्दरि विशालाक्षि क्व गता मां विहाय वै।

hā priye premapīyūṣe praṇayāmṛtadīrghike| hā sundari viśālākṣi kva gatā māṁ vihāya vai||

हाय प्रिये! हे प्रेम की अमृत-वापी! हे प्रणय के अमृत की दीर्घिका! हाय सुंदरी, हे विशाल नेत्रोंवाली! मुझे छोड़कर तुम कहां चली गईं?

श्लोक 27 (skanda.5.141.27)

पुनरिन्दुमिवानंदं कदा द्रक्ष्यामि ते मुखम्। इति प्रलापमकरोत्स्मरंस्तां चारुहासिनीम्। उन्मत्त इव बभ्राम तत्र तत्र स्मरातुरः।

punarindumivānandaṁ kadā drakṣyāmi te mukham| iti pralāpamakarotsmaraṁstāṁ cāruhāsinīm| unmatta iva babhrāma tatra tatra smarāturaḥ||

मैं कब पुनः तुम्हारे आनंददायी, चंद्रमुख जैसे मुख को देख सकूंगा? इस प्रकार उस मधुर हंसिनी को स्मरण करते हुए वह विलाप करने लगा, और कामपीड़ित होकर उन्मत्त के समान इधर-उधर भटकने लगा।

श्लोक 28 (skanda.5.141.28)

एवं विलपतस्तस्य दुर्दर्षस्य नृपस्य तु। आजगाम तमुद्देशं कल्पो ब्राह्मणसत्तमः। ददर्श नृपतिं तत्र भ्रमंतं भ्रमरं यथा।

evaṁ vilapatastasya durdarṣasya nṛpasya tu| ājagāma tamuddeśaṁ kalpo brāhmaṇasattamaḥ| dadarśa nṛpatiṁ tatra bhramantaṁ bhramaraṁ yathā||

इस प्रकार विलाप करते हुए राजा दुर्द्धर्ष के पास, उत्तम ब्राह्मण कल्प उस स्थान पर आ पहुंचे। वहां उन्होंने राजा को भौंरे के समान भटकते हुए देखा।

श्लोक 29 (skanda.5.141.29)

ज्ञात्वा जामातरं सम्यक्समाश्वास्य वचोऽब्रवीत्। एहि दुर्द्धर्ष राजेन्द्र गहना कर्मणो गतिः। क्व गतो हि महीपाल नेपालविषयस्तव।

jñātvā jāmātaraṁ samyaksamāśvāsya vaco'bravīt| ehi durddharṣa rājendra gahanā karmaṇo gatiḥ| kva gato hi mahīpāla nepālaviṣayastava||

अपने दामाद को भलीभांति पहचानकर, उसे सांत्वना देते हुए वे बोले — आओ हे दुर्द्धर्ष राजेंद्र! कर्म की गति अत्यंत गहन है। हे महीपाल! तुम्हारा नेपाल देश कहां चला गया?

श्लोक 30 (skanda.5.141.30)

कुलीना रूपवत्यश्च तिस्रो भार्याः क्व वै गताः। क्व ते राज्यं गतं भूप कुत्र पुत्री गता मम।

kulīnā rūpavatyaśca tisro bhāryāḥ kva vai gatāḥ| kva te rājyaṁ gataṁ bhūpa kutra putrī gatā mama||

कहां गईं तुम्हारी उन कुलीन और रूपवती तीन पत्नियां? हे राजन्! तुम्हारा राज्य कहां गया, और मेरी पुत्री कहां गई?

श्लोक 31 (skanda.5.141.31)

सर्वं विनश्वरं लोके गन्धर्वनगरोपमम्। अनित्यं जीवितं भूप राज्यं वै बुद्बुदोपमम्।

sarvaṁ vinaśvaraṁ loke gandharvanagaropamam| anityaṁ jīvitaṁ bhūpa rājyaṁ vai budbudopamam||

संसार में सब कुछ नश्वर है, गंधर्वनगर के समान। हे राजन्! जीवन अनित्य है और राज्य तो जल के बुलबुले के समान है।

श्लोक 32 (skanda.5.141.32)

एवमाश्वासितो राजा कल्पेन च पुनःपुनः। सस्मार तां सुचार्वंगी मन्मथेन प्रपीडितः।

evamāśvāsito rājā kalpena ca punaḥpunaḥ| sasmāra tāṁ sucārvaṅgīṁ manmathena prapīḍitaḥ||

कल्प के द्वारा बार-बार इस प्रकार सांत्वना दिए जाने पर भी राजा कामदेव से पीड़ित होकर उस सुंदरांगी का ही स्मरण करता रहा।

श्लोक 33 (skanda.5.141.33)

ब्रूहि मे भगवन्सम्यग्यदि तेऽस्ति दया मयि। कथं राज्यं स्वकीयं स्यात्कथं मे सुहृदागमः।

brūhi me bhagavan samyagyadi te'sti dayā mayi| kathaṁ rājyaṁ svakīyaṁ syātkathaṁ me suhṛdāgamaḥ||

हे भगवन्! यदि आपको मुझ पर दया है, तो सम्यक् रूप से बताइए — मुझे अपना राज्य कैसे प्राप्त हो, और मेरे प्रियजन का पुनर्मिलन कैसे हो?

श्लोक 34 (skanda.5.141.34)

तिस्रो भार्याः कथं विप्र पश्यामि पृथिवीतले। लावण्यामृतशालिन्यस्तव पुत्र्या द्विजोत्तम। कथं समागमो भूयो भविष्यति मया सह।

tisro bhāryāḥ kathaṁ vipra paśyāmi pṛthivītale| lāvaṇyāmṛtaśālinyastava putryā dvijottama| kathaṁ samāgamo bhūyo bhaviṣyati mayā saha||

हे विप्र! मैं अपनी तीनों पत्नियों को इस पृथ्वी पर कैसे फिर से देख पाऊंगा? हे द्विजोत्तम! सौंदर्य के अमृत से युक्त आपकी पुत्री का मेरे साथ पुनः समागम कैसे होगा?

श्लोक 35 (skanda.5.141.35)

इति तस्य वचः श्रुत्वा विप्रेणोक्तं वरानने। गच्छ भूपाल नेपालं महाकालं ततो व्रज।

iti tasya vacaḥ śrutvā vipreṇoktaṁ varānane| gaccha bhūpāla nepālaṁ mahākālaṁ tato vraja||

हे वरानने! उसके ये वचन सुनकर उस ब्राह्मण ने कहा — हे राजन्! तुम पहले नेपाल जाओ, फिर वहां से महाकाल वन को जाओ।

श्लोक 36 (skanda.5.141.36)

तस्मिन्क्षेत्रे तीर्थवरे लिंगं सर्वार्थसाधकम्। विद्यते यत्र सूर्येण तपस्तप्तं सुदुष्करम्।

tasmin kṣetre tīrthavare liṅgaṁ sarvārthasādhakam| vidyate yatra sūryeṇa tapastaptaṁ suduṣkaram||

उस श्रेष्ठ तीर्थस्थान में एक लिंग है, जो सभी प्रयोजनों को सिद्ध करने वाला है, जहां स्वयं सूर्य ने अत्यंत दुष्कर तप किया था।

श्लोक 37 (skanda.5.141.37)

शिप्रायास्तु तटे रम्ये पुण्ये ब्रह्मेशपश्चिमे। तस्य दर्शनमात्रेण तवाभीष्टं भविष्यति।

śiprāyāstu taṭe ramye puṇye brahmeśapaścime| tasya darśanamātreṇa tavābhīṣṭaṁ bhaviṣyati||

यह शिप्रा नदी के सुंदर और पवित्र तट पर, ब्रह्मेश्वर के पश्चिम में स्थित है। उसके दर्शनमात्र से तुम्हारी अभीष्ट कामना पूर्ण होगी।

श्लोक 38 (skanda.5.141.38)

कल्पस्य वचनं श्रुत्वा सत्वरो नृपसत्तमः। नेपालं च ततो गत्वा समाश्वास्य सुहृज्जनम्।

kalpasya vacanaṁ śrutvā satvaro nṛpasattamaḥ| nepālaṁ ca tato gatvā samāśvāsya suhṛjjanam||

कल्प के वचन सुनकर वह श्रेष्ठ राजा तुरंत नेपाल गया और वहां अपने प्रियजनों को सांत्वना देकर,

श्लोक 39 (skanda.5.141.39)

सांतःपुरपरीवारो महाकालवनं गतः। सर्वदा सर्वसिद्धीनामाश्रयं विषयं श्रियः।

sāntaḥpuraparīvāro mahākālavanaṁ gataḥ| sarvadā sarvasiddhīnāmāśrayaṁ viṣayaṁ śriyaḥ||

अपने अंतःपुर-परिवार सहित वह महाकालवन को गया, जो सदा सभी सिद्धियों का आश्रय तथा समृद्धि का स्थान है।

श्लोक 40 (skanda.5.141.40)

तत्र स्नात्वा जले पुण्ये शिप्रायाश्चाशुसिद्धिदे। सूर्येणाराधितं लिंगं ददर्श नृपसत्तमः।

tatra snātvā jale puṇye śiprāyāścāśusiddhide| sūryeṇārādhitaṁ liṅgaṁ dadarśa nṛpasattamaḥ||

वहां शिप्रा नदी के पवित्र और शीघ्र सिद्धि देनेवाले जल में स्नान करके उस श्रेष्ठ राजा ने सूर्य द्वारा आराधित उस लिंग के दर्शन किए।

श्लोक 41 (skanda.5.141.41)

पूजयामास रत्नैश्च दिव्यैर्वस्त्रैः सुभूषणैः। कर्पूरेण सुगन्धेन लिंगपूजा कृता तदा।

pūjayāmāsa ratnaiśca divyairvastraiḥ subhūṣaṇaiḥ| karpūreṇa sugandhena liṅgapūjā kṛtā tadā||

उसने रत्नों, दिव्य वस्त्रों और सुंदर आभूषणों से उसकी पूजा की। सुगंधित कपूर से भी तब लिंग की पूजा की गई।

श्लोक 42 (skanda.5.141.42)

मुक्ताफलैः सुतारैश्च जलधाराभिरेव च। भक्त्या ननर्त्त तस्याग्रे संस्तुवन्विविधैः स्तवैः।

muktāphalaiḥ sutāraiśca jaladhārābhireva ca| bhaktyā nanartta tasyāgre saṁstuvanvividhaiḥ stavaiḥ||

मोतियों, सुंदर तारों तथा जलधाराओं से भी उसकी पूजा की। भक्तिपूर्वक वह उसके सामने नाचा और विविध स्तोत्रों से उसकी स्तुति करता रहा।

श्लोक 43 (skanda.5.141.43)

शुश्राव श्रोत्रपीयूषं गीतं देवगृहे शुभे। तच्छ्रुत्वा कौतुकाविष्टो ध्वनिं श्रुत्वा मनोरमाम्। प्रियामपश्यत्तत्रस्थां लावण्यललनावधिम्।

śuśrāva śrotrapīyūṣaṁ gītaṁ devagṛhe śubhe| tacchrutvā kautukāviṣṭo dhvaniṁ śrutvā manoramām| priyāmapaśyattatrasthāṁ lāvaṇyalalanāvadhim||

उसने उस पवित्र देवालय में कानों को अमृत के समान लगने वाला गीत सुना। उसे सुनकर कौतूहलपूर्ण होकर, उस मनोरम ध्वनि को सुनकर, उसने वहां खड़ी अपनी प्रिया को देखा, जो सौंदर्य की चरम सीमा थी।

श्लोक 44 (skanda.5.141.44)

तां दृष्ट्वा विस्मयोत्फुल्ललोचनस्तन्मयोऽभवत्। क्षिप्रं तद्दर्शनेनैव स्मरेण तरलीकृतः।

tāṁ dṛṣṭvā vismayotphullalocanastanmayo'bhavat| kṣipraṁ taddarśanenaiva smareṇa taralīkṛtaḥ||

उसे देखकर वह आश्चर्य से विस्फारित नेत्रोंवाला होकर उसी में लीन हो गया। उसके दर्शन मात्र से ही वह कामदेव से तुरंत उद्वेलित हो उठा।

श्लोक 45 (skanda.5.141.45)

ज्ञात्वा मे सैव पत्नीयं दृष्टा देवप्रसादतः। सापि लावण्यनलिनी राजहंसं विलोक्य तम्।

jñātvā me saiva patnīyaṁ dṛṣṭā devaprasādataḥ| sāpi lāvaṇyanalinī rājahaṁsaṁ vilokya tam||

"यह मेरी वही पत्नी है, जो देव-कृपा से मुझे पुनः प्राप्त हुई है" — ऐसा जानते हुए। वह सौंदर्य की कमलिनी भी उस राजहंस-सदृश राजा को देखकर,

श्लोक 46 (skanda.5.141.46)

क्षिप्रं पुलिकिता तस्या विरराज कुचस्थली। एतस्मिन्नंतरे देवि वाणी लिंगात्समुत्थिता।

kṣipraṁ pulikitā tasyā virarāja kucasthalī| etasminnantare devi vāṇī liṅgātsamutthitā||

तुरंत रोमांचित हो उठी, उसकी वक्षस्थली शोभायमान हो उठी। हे देवी! इसी बीच लिंग से एक वाणी उठी।

श्लोक 47 (skanda.5.141.47)

विश्वावसोः सिद्धपतेः सुतैषा प्राणवल्लभा। कल्पेन पालिता सम्यस्त्वदर्थं नृपसत्तम।

viśvāvasoḥ siddhapateḥ sutaiṣā prāṇavallabhā| kalpena pālitā samyastvadarthaṁ nṛpasattama||

वाणी बोली — हे श्रेष्ठ राजन्! यह सिद्धपति विश्वावसु की प्राणप्रिय पुत्री है, जिसे कल्प ने तुम्हारे लिए ही भलीभांति पाला है।

श्लोक 48 (skanda.5.141.48)

आनीता ते मया पत्नी हत्वा तं राक्षसाधिपम्। गृहाण च मया दत्तां भुंक्ष्व राज्यमकण्टकम्।

ānītā te mayā patnī hatvā taṁ rākṣasādhipam| gṛhāṇa ca mayā dattāṁ bhuṅkṣva rājyamakaṇṭakam||

मैंने उस राक्षसराज को मारकर तुम्हारी पत्नी को वापस ला दिया है। मेरे द्वारा दी गई उसे ग्रहण करो, और निष्कंटक राज्य का भोग करो।

श्लोक 49 (skanda.5.141.49)

इत्युक्तोऽसौ गतो देवि लब्ध्वा भार्यां प्रियां तदा। सांतःपुरपरीवारो लिंगस्यास्य प्रभावतः।

ityukto'sau gato devi labdhvā bhāryāṁ priyāṁ tadā| sāntaḥpuraparīvāro liṅgasyāsya prabhāvataḥ||

हे देवी! इस प्रकार कहे जाने पर, अपनी प्रिय पत्नी को पाकर वह राजा उस लिंग के प्रभाव से अपने अंतःपुर-परिवार सहित नेपाल चला गया,

श्लोक 50 (skanda.5.141.50)

आराधितो नरेंद्रेण दुर्द्धर्षेण महात्मना। तदाप्रभृति देवोऽयं दुर्द्धर्षेश्वरसंज्ञकः। त्रिषु लोकेषु विख्यातो वांछितार्थफलप्रदः।

ārādhito narendreṇa durddharṣeṇa mahātmanā| tadāprabhṛti devo'yaṁ durddharṣeśvarasaṁjñakaḥ| triṣu lokeṣu vikhyāto vāñchitārthaphalapradaḥ||

महात्मा राजा दुर्द्धर्ष के द्वारा आराधित हुआ। तभी से यह देव दुर्द्धर्षेश्वर के नाम से जाना जाता है, तीनों लोकों में विख्यात होकर वांछित फल प्रदान करने वाला बना।

श्लोक 51 (skanda.5.141.51)

ये पश्यंति विशालाक्षि दुर्द्धर्षेश्वरसंज्ञकम्। ते दुर्द्धर्षा भविष्यंति शत्रूणां समरे सदा।

ye paśyanti viśālākṣi durddharṣeśvarasaṁjñakam| te durddharṣā bhaviṣyanti śatrūṇāṁ samare sadā||

हे विशाल नेत्रोंवाली! जो लोग दुर्द्धर्षेश्वर नामक इस देव के दर्शन करते हैं, वे युद्ध में शत्रुओं के लिए सदा दुर्जेय हो जाते हैं।

श्लोक 52 (skanda.5.141.52)

संक्रांतौ रविवारे च ग्रहणे चंद्रसूर्ययोः। गत्वार्चयंति ये देवि देवं दुर्द्धर्षमीश्वरम्। ते प्रयांति विमानेन मदीयं स्थानमुत्तमम्।

saṁkrāntau ravivāre ca grahaṇe candrasūryayoḥ| gatvārcayanti ye devi devaṁ durddharṣamīśvaram| te prayānti vimānena madīyaṁ sthānamuttamam||

हे देवी! जो लोग संक्रांति के दिन, रविवार को, अथवा चंद्र-सूर्य ग्रहण के समय जाकर देव दुर्द्धर्षेश्वर की अर्चना करते हैं, वे विमान द्वारा मेरे परम स्थान को प्राप्त होते हैं।

श्लोक 53 (skanda.5.141.53)

पापाचाराश्च ये जीवा दुष्कर्मनिरता नराः। मुच्यंते पातकात्सद्यो दुर्द्धर्षेश्वरदर्शनात्।

pāpācārāśca ye jīvā duṣkarmaniratā narāḥ| mucyante pātakātsadyo durddharṣeśvaradarśanāt||

जो प्राणी पापाचारी हैं और दुष्कर्मों में लीन रहते हैं, वे भी दुर्द्धर्षेश्वर के दर्शन मात्र से तत्काल पाप से मुक्त हो जाते हैं।

श्लोक 54 (skanda.5.141.54)

दर्शनात्स्पर्शनात्सद्यो नामसंकीर्तनादपि। ब्रह्महत्यासहस्रं हि तत्क्षणादेव नश्यति।

darśanātsparśanātsadyo nāmasaṁkīrtanādapi| brahmahatyāsahasraṁ hi tatkṣaṇādeva naśyati||

उसके दर्शन, स्पर्श अथवा नाम-कीर्तन मात्र से भी हजार ब्रह्महत्याओं का पाप उसी क्षण नष्ट हो जाता है।

श्लोक 55 (skanda.5.141.55)

कृतघ्नो निंदको दुष्टः पापकर्मा दुरात्मवान्। परदाररतश्चौरो ब्रह्मघ्नो गुरुतल्पगः। मुच्यते सर्वपापेभ्यो दुर्द्धर्षेश्वरदर्शनात्।

kṛtaghno nindako duṣṭaḥ pāpakarmā durātmavān| paradāraratraścauro brahmaghno gurutalpagaḥ| mucyate sarvapāpebhyo durddharṣeśvaradarśanāt||

कृतघ्न, निंदक, दुष्ट, पापकर्मा, दुरात्मा, परस्त्रीगामी, चोर, ब्रह्महत्यारा, तथा गुरुपत्नीगामी — ये सब भी दुर्द्धर्षेश्वर के दर्शन से समस्त पापों से मुक्त हो जाते हैं।

श्लोक 56 (skanda.5.141.56)

अयने विषुवे चैव संप्राप्ते सोमपर्वणि। ये पश्यंति च दुर्द्धर्षं स्नात्वा शिप्राजले शुभे। गंगायास्त्रिगुणं पुण्यं जायते नात्र संशयः।

ayane viṣuve caiva saṁprāpte somaparvaṇi| ye paśyanti ca durddharṣaṁ snātvā śiprājale śubhe| gaṅgāyāstriguṇaṁ puṇyaṁ jāyate nātra saṁśayaḥ||

अयनकाल में, विषुव में, तथा सोम-पर्व के आने पर जो लोग शिप्रा के पवित्र जल में स्नान कर दुर्द्धर्ष का दर्शन करते हैं, उन्हें निःसंदेह गंगा-स्नान से तीन गुना पुण्य प्राप्त होता है।

श्लोक 57 (skanda.5.141.57)

तत्र यद्दीयते दानं तस्य संख्या न विद्यते। पितरस्तोषितास्तेन आत्मा वै तोषितस्ततः।

tatra yaddīyate dānaṁ tasya saṁkhyā na vidyate| pitarastoṣitāstena ātmā vai toṣitastataḥ||

वहां जो दान दिया जाता है, उसकी कोई गिनती नहीं है। उससे पितर संतुष्ट होते हैं, और उससे स्वयं आत्मा भी संतुष्ट होती है।

श्लोक 58 (skanda.5.141.58)

कल्पकोटिसहस्रं तु मत्पुरे पूजितो वसेत्। यदा याति च भूलोके तदासौ भूपतिर्भवेत्।

kalpakoṭisahasraṁ tu matpure pūjito vaset| yadā yāti ca bhūloke tadāsau bhūpatirbhavet||

वह हजारों करोड़ कल्पों तक सम्मानित होकर मेरे लोक में निवास करता है, और जब भूलोक में लौटता है, तब वह राजा बनता है।

श्लोक 59 (skanda.5.141.59)

अधृष्यः शत्रुवर्गेण फलं प्राप्नोति चाक्षयम्। पदं यत्त्रिदशैर्वंद्यं पुनरावृत्तिवर्जितम्।

adhṛṣyaḥ śatruvargeṇa phalaṁ prāpnoti cākṣayam| padaṁ yattridaśairvandyaṁ punarāvṛttivarjitam||

वह शत्रु समूहों के लिए अजेय होता है, तथा अक्षय फल प्राप्त करता है — उस पद को, जो देवताओं द्वारा भी वंदनीय है और जिससे लौटना नहीं होता।

श्लोक 60 (skanda.5.141.60)

एष ते कथितो देवि प्रभावः पापनाशनः। दुर्द्धर्षेश्वरदेवस्य प्रयागेशमतः शृणु।

eṣa te kathito devi prabhāvaḥ pāpanāśanaḥ| durddharṣeśvaradevasya prayāgeśamataḥ śṛṇu||

हे देवी! इस प्रकार मैंने तुम्हें देव दुर्द्धर्षेश्वर की पापनाशक महिमा बताई; अब इसके बाद प्रयागेश की कथा सुनो।